unang markahan – modyul 7
TRANSCRIPT
3
Para sa tagapagdaloy:
Paunang Salita
Ang modyul na ito ay pinagtulungang dinisenyo, nilinang at sinuri ng mga edukador mula sa
pampubliko at pampribadong institusyon upang gabayan ka, ang gurong tagapagdaloy upang
matulungang makamit ng mag-aaral ang pamantayang itinakda ng Kurikulum ng K to12
habang kanilang pinanagumpayan ang pansarili, panlipunan at pang-ekonomikong hamon sa
pag-aaral.
Ang tulong-aral na ito ay umaasang makauugnay ang mag-aaral sa mapatnubay at malayang
pagkatuto na mga gawain ayon sa kanilang kakayahan, bilis at oras. Naglalayon din itong
matulungan ang mag-aaral upang makamit ang mga kasanayang pan-21 siglo habang
isinasaalang-alang ang kanilang mga pangangailangan at kalagayan.
Bilang tagapagdaloy, inaasahang bibigyan mo ng paunang kaalaman ang mag-aaral kung paano
gamitin ang modyul na ito. Kinakailangan ding subaybayan at itala ang pag-unlad nila habang
hinahayaan silang pamahalaan ang kanilang sariling pagkatuto. Bukod dito, inaasahan mula sa
iyo na higit pang hikayatin at gabayan ang mag-aaral habang isinasagawa ang mga gawaing
nakapaloob sa modyul.
Para sa mag-aaral:
Ang modyul na ito ay ginawa bilang tugon sa iyong pangangailangan. Layunin nitong
matulungan ka sa iyong pag-aaral habang wala ka sa loob ng silid-aralan. Hangad din nitong
madulutan ka ng mga makabuluhang oportunidad sa pagkatuto.
Ang mga sumusunod ay mahahalagang paalala sa paggamit ng modyul na ito:
1. Gamitin ang modyul nang may pag-iingat. Huwag lalagyan ng anumang marka o sulat ang
anumang bahagi nito. Gumamit ng hiwalay na papel sa pagsagot sa mga pagsasanay.
2. Basahing mabuti ang mga panuto bago gawin ang bawat pagsasanay.
3. Obserbahan ang katapatan at integridad sa pagsasagawa ng mga gawain at sa pagwawasto
ng mga kasagutan.
4. Tapusin ang kasalukuyang gawain bago pumunta sa iba pang pagsasanay.
Kung sakaling ikaw ay mahirapang sagutin ang mga gawain sa modyul na ito, huwag mag-
aalinlangang konsultahin ang inyong guro o tagapagdaloy. Maaari ka rin humingi ng tulong
kay nanay o tatay, o sa nakatatanda mong kapatid o sino man sa iyong mga kasama sa
bahay na mas nakatatanda sa iyo. Laging itanim sa iyong isipang hindi ka nag-iisa.
Umaasa kami, sa pamamagitan ng modyul na ito, makararanas ka ng makahulugang
pagkatuto at makakakuha ka ng malalim na pang-unawa sa kaugnay na mga kompetensi.
Kaya mo ito!
4
Aralin 7 Lugar na Sensitibo sa Panganib
Ano ang target ko?
Pagkatapos ng aralin sa modyul na ito, inaasahang
nagagawa mong:
Matukoy ang mga lugar na sensitibo sa panganib batay sa
lokasyon at topograpiya nito
.
Ano ako magaling?
Panuto: Pillin ang letra ng tamang sagot.
1. Ano ang tawag sa mga bagyo, pagguho ng lupa, tsunami,
baha at lindol?
A. klamidad B. kima C. panahon
2. Ginawa ito upang tukuyin ang mga lugar na mapanganib
bunga ng likas na kalamidad sanhi ng kalikasan.
A. climate map B. hazard map c. NCR map
3. Ito ay uri ng kalamidad na pinangangambahang mangyari
lalo na ng mga nakatira sa malapit sa fault line.
A. bagyo B. lindol C. pagguho ng Lupa
4. Ito ay kalamidad na resulta ng lindol at nararanasan ng mga
nakatira malapit sa dagat.
A. bagyo B. pagguho ng lupa C. tsunami
5. Ang siyudad na ito ay may mababang antas ng pagbaha
batay sa flood hazard map.
A. Malabon B. Navotas C.Valenzuela
Ano ang balik-tanaw ko?
Tukuyin ang anyong lupa at anyong tubig na makikita sa bawat lungsod at
bayan. Iguhit ang angkop na simbolo nito.
5
Lungsod at Bayan
Pangalan ng Anyong
Lupa
Simbolo Pangalan ng Anyong Tubig
Simbolo
Marikina lambak 1. 2.
Pasig kapatagan
3.
Manila 4.
Look ng Maynila 5.
Ano ang gagawin ko?
Pagmasdan ang mga larawan sa ibaba.
1. Ano-ano ang mga natural na kalamidad ang nakikita sa mga larawan?
2 Nararanasan ba ito ng lahat ng siyudad o bayan dito sa NCR?
Ano ang kahulugan?
“Hazard Map”.
Ito ay isang uri ng mapa na naglalarawan sa mga lugar na
maaaring manganib sa partikular na sakuna o kalamidad .
Karaniwang binuo at ginawa ito upang tukuyin ang mga lugar na
mapanganib bunga ng likas na kalamidad sanhi ng kalikasan .
Ang mga kalamidad na ito ay lindol, pagputok ng bulkan ,
pagguho ng lupa o landslide, pagtaas ng pagbaha , at tsunami.
Napakahalaga ng pagkakaroon ng hazard map. Ito ay dahil
napapaligiran ang ating bansa ng malalaki at malalalim na
6
karagatan . Napakarami rin nating mga aktibong bulkan . Dahil
dito, dapat maging handa tayo sa anumang panganib o sakuna
na kakaharapin natin. Malaking tulong ang hazard map upang
mapigilan ang malubhang pinsala at kapahamakan na
maidudulot ng mga kalamidad sa mga yamang tao at likas na
yaman ng ating rehiyon.
Ito ay naglalarawan ng antas ng panganib sa iba’t ibang
mga lungsod sa NCR bunga ng paglindol. May panganib na
maaaring ikamatay ng mga tao ang paglindol .May panganib sa
pagguho o pagkasira ng mga gusali.
Legend: Pink o Rosas- lugar na mataas na panganib sa tao
Orange o dalandan at yellow o dilaw –sumunod sa
lugar na may panganib sa lindol.
Asul –Hindi gaanong mataas ang panganib sa lindol
Flood RISK Map
Ang mga lugar na nanganganib sa pagbaha ay may
kulay na itim .(Kapag may kulay ang mapa ito ay kulay dilaw)
Ang mga lungsod na ito ay ang Malabon, Navotas , Maynila,
Mandaluyong, Marikina, Pateros, Pasig , at Paranaque.
7
FLOOD HAZARD MAP
Mataas na antas na
maaaring bumaha
Katamtaman antas na
maaaring bumaha
Mababang antas na
maaaring bumaha
Marikina Fault Line
Ayon sa 2004-2010 na pag-aaral ng Metro Manila Earthquake
Impact Reduction, ang fault sa Marikina ay nasa aktibong proseso
na maaaring magbunga ng magnitude 7 na lindol. Anim na
lungsod at isang munisipalidad (Marikina, Quezon , Pasig, Makati,
Taguig, Muntinlupa at Pateros ) ay mapanganib kung magkaroon
ng malakas na lindol.Tingnan mabuti ang Marikina Fault Line sa
ibaba. Kulay pula itong guhit sa mapa.
8
Sagutin ang mga tanong. Isulat ang sagot sa sagutang papel.
1. Aling mga lugar sa rehiyon ang sensitibo sa mga panganib
tulad ng paglindol?
2. Alin naman ang mga lugar ang sensitibo sa mga panganib
tulad ng pagbaha?
3. Ano ang dapat gagawin kapag may kalamidad sa inyong
lugar?
4. Sino ang tumutugon sa mga ganitong suliranin sa sariling
lungsod?
5. Ano ang dapat gawin para maiwasan ang mga kalamidad?
Ano pa ang gagawin ko?
A. Panuto: Isulat ang Tama kung ang pahayag ay wasto at Mali
kung di wasto.
1. Maraming lugar sa National Capital Region ang binabaha.
2. Pinaghahandaan ng lokal na pamahalaan ng bawat
lungsod ang mga kalamidad.
3. Lahat ng mga naninirahan sa paligid ng mga ilog at
mabababang lugar sa mga lungsod ay apektado ng
Marikina fault line.
4. Mabuting pag-aralan ang hazard map ng rehiyon.
5. Dapat laging handa sa mga kalamidad .
B. Panuto: Magtala ng 5 lugar na maaapektuhan nang husto
kapag lumindol dahil sa Marikina Fault.
1. 3. 5.
2. 4.
C. Panuto:Punan ng mga letra ang kahon upang mabuo ang
inilalarawang salita.
1. Mapa na naglalarawan ng mga lugar na maaaring
manganib dahil sa sakuna
9
2. Mga di inaasahang pangyayari sanhi ng mga proseso sa
kalikasan
3. Ang Marikina ay nasa aktibong proseso na at
maaaring magbunga ng magnitude 7 na lindol
4. Bilang ng lungsod at bayan sa NCR na magiging
mapanganib kung magkakalindol dahil sa Marikina
fault line
5. Ang Malabon, Navotas , at Maynila ay ilan sa mga lugar
na nakakaranas nito pagkatapos ng isang malakas na
ulan
Ano ang natamo ko?
Ang Taguig at karamihan ng mga lungsod sa National
Capital Region ay nakakaranas ng pagbaha, bagyo, lindol
sanhi ng kalikasan.
Ano ang kaya kong gawin?
Ano ang iyong gagawin sa sumusunod na sitwasyon? Isulat
at ipaliwanag ang iyong sagot sa sagutang papel.
Bumuhos ang malakas na ulan na nagdulot ng mataas na
pagbaha sa inyong lugar. Walang typhoon signal kaya ikaw
ay may pasok sa paaralan.
10
Kumusta na ng target ko?
Panuto: Piliin at bilugan ang letra ng tamang sagot.
1. Ito ay isang uri ng mapa na naglalarawan sa mga lugar na
maaaring manganib sa partikular na sakuna o kalamidad.
A. Hazard Map B. Essential Map C. National Map
2. Natutukoy nito ang mga lugar na nanganganib sa pagbaha.
A. Hazard Map B. Flood Risk Map C. National Map
3. Alin sa mga sumusunod na syudad ang lubhang maapektuhan
kapag lumindol dahil sa Marikina fault?
A. Caloocan B. Navotas C. Taguig
4. Mataas ang antas na makaranas ng pagbaha sa lugar na ito.
A. Las Pinas B. Malabon C. Pasay
5. Bakit mahalaga na malaman ang kinaroroonan ng fault line sa
ating rehiyon?
A. Ito ay dagdag kaalaman.
B. Magkakaroon ng ibabalita sa klase.
C. Upang maging handa at maligtas sa sakuna.
Ano pa ang kaya kong gawin?
A. Itala ang mga lungsod at bayan sa NCR sa hanay ng
panganib na maaarinng maranasan.
Baha Lindol Bagyo Pagguho ng
Lupa
B. At para sa karagdagang kaalaman, mangyaring panoorin
ang video sa ibaba gamit ang link.
https://www.youtube.com/watch?v=fva-lgZMn-w
For inquiries, please write or call Schools Division of Taguig City and Pateros Gen. Santos
Ave., Central Bicutan, Taguig City
Telefax: (02) 8533-1458; (02) 8514-7970 Email Address: [email protected]; [email protected]
Sanggunian
• Goyal, Mary Ann DG., Gerilla, Emilyn F., Cruz, Cristina DC., Carable, Paul Nylden A.,
Aralin Panlipunan 3 , Kagamitan ng Mag-aaral , National Capital Region
• Google https://www.youtube.com/watch?v=OKL9-SouV4g
https://www.youtube.com/watch?v=Qx0agmeUKs0
https://www.youtube.com/watch?v=fva-lgZMn-w
EXECUTIVE COMMITTEE FOR HYBRID MODULE
Chairperson: DR. MARGARITO B. MATERUM – OIC-SDS Vice-Chairperson: DR. GEORGE P. TIZON – SGOD Chief
DR. ELLERY G. QUINTIA – CID Chief
Ex-Officio Members: EDUCATION PROGRAM SUPERVISORS ELEMENTARY SCHOOL PRINCIPALS
Secretariat: QUINN NORMAN O. ARREZA Team Leader/Facilitator: DR. DANILO S. GUTIERREZ
Writers: NOEL S. SORIANO ZENY V. HAMBALA
Content Evaluators: NOEL S. SORIANO Language Evaluator: NOEL S. SORIANO
Reviewer: CHERYL IBARRETA Editor: GINA A. OCFEMIA Lay-out Artist : CRISELLE G. FERREROS
MA. CRISTINA M. JAVIER Illustrator : MELANIE O. ALORRO
MICHELLE B. MANAGUELOD
Content Validator: CAROL C. JINAHON Format and Language Validators: PRIVATE INTERNATIONAL SCHOOLS
REPRESENTATIVES School Head In-charge: JOSEFINA R. GRANADA (Primary)
DR. MA. CHERYL S. FERNANDEZ (Intermediate)
EPS In-charge: MR. FERDINAND PAGGAO, EPS AP
DR. DAISY L. MATAAC, EPS – LRMDS/ALS