147

Dans le secret des archives…Johan Picot*, Josiane Teyssot †**

Les conséquences du siège d’Ambert, en basse Auvergne, durant les guerres de religion (1577-1580).

1580, 27 mars. Les trésoriers généraux de France, suivant les lettres patentes du roi, autorisent les élus du bas pays d’Auvergne à imposer sur la province le remboursement des munitions utilisées lors du siège d’Ambert de 1577 (un peu plus de 74 000 livres). Original sur parchemin, 450 mm x 425 mm ; en français. Traces de sceau de cire rouge apposé dans la marge gauche du parchemin ; traces de sceau de cire rouge dans la marge droite et au bas du texte (collection particulière J. Teyssot)1.

1 - Il semble que les Archives départementales du Puy-de-Dôme conservent, dans leurs fonds, un autre document relatif à ce sujet, cf. Michel BOY, Ambert et son passé : nouvelles chroniques du Livradois, Clermont-Ferrand, 1974, p. 180, note 6 (AD 63, AA 59).

* Docteur en histoire médiévale (Université Jean Moulin-Lyon 3) ; chercheur associé à l’Institut Ausonius UMR 5607 (Université Bordeaux-Montaigne).** Maître de conférences retraitée en histoire médiévale (Université Blaise Pascal-Clermont 2). À l’heure où paraît ce texte nous déplorons la perte de l’auteur († 12 septembre 2014).

Fig. 1 : Vue générale du document (cl. J. Picot, 2016 ; collection particulière J. Teyssot).

Bulletin historique et scientifique de l’Auvergne - Tome CXV/1 - janvier-juin 2014

148

Le s Tresoriers generaulx de france en la charge eT generalliTé de languedoil au bureau [2] des finances estably a Ryom, aux president, esleuz et controlleurs sur le faict des aydes et tailles en l’eslection du baz

Auvergne, estably a Clermont, Salut. Veües par nous les lettres patentes du roy donnees [3] a Paris le vingt septiesme jour de mars dernier passé signees : « par le roy en son conseil, de La Croix » et scellees de cire jaulne sur simple queue, ausquelles ces presentes sont attachees soubz le scel de notre bureau, [4] obtenues par les gens du tiers et commung estat de ce baz pays d’Auvergne par lesquelles pour les causes y contenues Sa Majesté nous mande que par vous nous ayons a faire fere regallement2 sur tous [5] les contribuables aux tailles dudit pays de la somme de soixante quatorze mil trois livres quatre solz six deniers a laquelle s’est trouvee montee l’estat de la fourniture des vivres et munitions fournies [6] au champ et armes conduicte en l’annee soixante dix sept par le sieur de Sainct Helan3, lors gouverneur et lieutenant general pour Sa Majesté audit pays, au siege de la ville d’Ambert4 et chasteau du Lac dans ledit pays5, pour la [7] reduction d’iceulx soubz l’obeïssance de Sa Majesté, le fort portant le foible en la maniere accoustumee, ensemble les interestz de ce qui en reste deü jusques au remboursement de ceulx qui ont fourny lesdites munitions sur lequel [8] regallement Sadite Majesté veult ceulx qui auront esté cottisez cy devant estre deschargez de ce qu’ilz en pouvoient porter par celuy qui sera commis a lever de ladite somme sur les deniers par eulx auparavant payez a cause [9] desdites munitions et les sommes qui excedderont leursdites cottes leur estre rendues comme au semblable ceulx qui n’auront assez fourny estre contrainctz au payement du surplus et les non cottisez pour la premiere [10] cottisation sur eulx faicte par le sieur de Sainct Heran a cause desdits vivres necessaires pour ladite annee selon le priz par luy convenu avec les marchans munitionnaires dudit champ au payement de ce qu’ilz seront a present [11] imposez par toutes voyes deües et raisonnables comme il est accoustume estre faict pour ses propres deniers et affaires pour lesdits deniers provenans de ladite imposition estre employez au remboursement de ce qui reste deü [12] par lesdits du tiers estat ausdits

2 - Afr. regalement “répartition” (Gdf 6, 733). Frédéric goDefroy, Dictionnaire de l’ancienne langue française et de tous ses dialectes du ixe au xve siècle, Paris, Bouillon, 1881-1902 [cité Gdf].3 - Gaspard de Montmorin Saint-Hérem.4 - Ambert : ch.-l. de comm., cant. et arrond. Ambert (Puy-de-Dôme).5 - Sur le sujet se reporter, notamment, à Louis villeBois, Triste histoire des sièges d’Ambert et d’Issoire en 1577 (Latin, éd.  : Neuchâtel, T. Dupré, 1577), Michel Boy (éd.), Marseille, Laffite Reprints, 1982. Georges amiauD-BellavauD, Un chef Huguenot, la capitaine Merle et les guerres de religion, notamment en Auvergne, Gévaudan et Vivarais, Uzès, Henri Peladan, 1952. André imBerDis, Histoire des guerres religieuses en Auvergne pendant les xvie et xviie siècles, Moulins, 1840.

Dans le secret des archives…

149

munitionnaires desdits vivres et autres a qui la somme de dix sept mil huict cens quatorze livres unze sold mentionnee audit estat est deüe et non autrement et d’en rendre compte [13] par devant qui il appartiendra, pourveü, touteffois, que a icelledite imposition, si besoing est, lesdits du tiers estat de rechef y consentent et que pour icelle les deniers de Sa Majesté n’en demeurent aulcunement retardez ainsi que [14] plus au long le contiennent lesdites lettres patentes. Veü aussi ledit estat y attaché des sommes de deniers deües tans a aulcunes villes et paroisses dudit baz pays d’Auvergne pour l’advance et fourniture par eulx faicte desdits [15] vivres extraict des comptes renduz par devant les depputez dudit tiers estat tant par Mr Jehan Madur, garde general et distributeur desdits vivres, que aulcuns commissaires establiz aux magazins particulliers [16] pour la reception desdits vivres montant ladite somme de soixante quatorze mil trois livres quatre solz six deniers, ledit extraict faict par les depputez, pour c’est effect en l’assemblee dudit tiers estat du vingt uniesme [17] decembre mil VC soixante dix huict collationné par Cournol, secretere dudit tiers estat, le deliberatoire faict en l’assemblee dudit pays du troisiesme fevrier dernier par lequel est porté que ledit sieur de Sainct Heran sera [18] prié de bailler lettres de faveur aux delleguez dudit tiers estat affin de pouvoir plus facillement obtenir lesites lettres d’assiette pour ladite imposition desdits fraiz par vallidation de tout ce qui y a esté faict, autre deliberatoire [19] du quinziesme avril dernier pour mectre lesdites lettres patentes es mains de l’ung des eschevins et autres lors presents a ladite assemblee desnommez audit deliberatoire pour veoir et veriffier ledit estat de la despence faicte pour [20] les vivres et munitions dudit champ d’Ambert et chasteau du Lac pour le tout veü et par leur adviz consentir a la veriffication et entherinement desdites lettres selon qu’il sera par eulx advisé ausquelz ladite assemblee a [21] donné tout pouvoir et puissance de ce faire, l’advis sur ce donné par lesdits eschevins et autres depputez faisant mention que pour obvier aux plainctes et poursuictes faictes tant pour lesdites munitions dudit camp d’Ambert [22] que paroisses qui ont fourny et advancé la plus grande partie desdits fraiz et intererestz (sic) que le pays pouroit souffrir par chacun jour par faulte de faire ladite imposition que les eschevins de la ville de Clermont doibvent [23] consentir au nom dudit tiers estat et en tant que besoing seroit poursuibre la veriffication et entherinement desdites lettres set execution d’icelles par devant nous et vous et par tout ailleurs ou besoing sera a suivant icelles faire [24] toutes dilligences requises et necessaires pour faire imposer et lever lesdits deniers payables dans les quartiers de juillet et octobre prochains et l’assiette desdits deniers faicte estre mise et declaree es mains desdits eschevins [25] pour en faire, la lever et employer lesdits deniers contenuz en icelle assiette comme il est porté par lesdites lettres a la charge d’en tenir estat et compte aux pays ainsi qu’il est accoustume de faire du

Bulletin historique et scientifique de l’Auvergne - Tome CXV/1 - janvier-juin 2014

150

seiziesme jour dudit [26] mois d’avril signé : « Cournol, avec le consentement presté par les sindicqs du clergé et de la noblesse dudit pays », declairant que les causes de l’assiette desdits deniers leur semble juste et raisonnable ne voulant [27] empescher l’effect d’icelle, consentant a l’imposition et levee desdits deniers sur les contribuables aux tailles dudit baz pays, aux termes que lesdits du tiers estat auront advisé plus expedient pour les deniers estre employés [28] par celuy ou ceulx qui feront la recepte aux effectz et selon qu’il est mandé par lesdites lettres a la charge d’en rendre compte selon et ainsi qu’il est accoustume fere du dixseptiesme jour de ce present moys de may [29] signé : « Manguyn, saindicq en ce fait pour le clergé » et « Fontanilles, saindic de la noblesse », ensemble la requeste a nous presentee par lesdits du tiers estat signee par ledit Cournol, tendant affin de procedder a la [30] veriffication et entherinement desdites lettres patentes, suivanT lesquelles lettres patentes nous vous mandons qu’ayez a faire ledit regallement sur tous les contribuables ausdites tailles de ladite somme de soixante quatorze [31] mil trois livres quatre solz six deniers, le fort portant le foible en la maniere accoustumee, ensemble les interestz de ce qui en reste deü jusques au remboursement desdits munitionnaires sur lequel regallement ceulx qui auront [32] esté cottisez cy devant seront deschargez de ce qu’ilz en pouvoient porter sur les deniers par eulx auparavant payez et les sommes qui concedderont leursdites cottes leur seront rendues a ceulx qui n’auront assez fourny seront [33] contrainctz au payement de surplus e les n’en cottisez pour ladite premiere cottisation seront aussi contrainctz au payement de ce qu’ilz seront a present imposez et par toutes voyes deües et raisonnables comme il est accoustume, laquelle [34] somme de LXXIIIIa III l. IIII s. VI d. revenant suivant lesdict a la somme de XXIIIIa VIC LXVII et XLIIII s. VI d. et interestz susdits seront payables suivant l’advis des depputez dudit tiers estat cy dessus mentionné es quartiers de juillet et [35] octobre prochains pour apres l’assiette et deppartement faict estre delivré a celuy et ainsi qui sera par nous cy aprés ordonné affin d’en faire la recepte et recouvrement pour estre lesdits deniers provenans de ladite imposition employez [36] au remboursement de ce qui reste deü par lesdits du tiers estats ausdits munitionnaires desdits vivres et autres a qui la susdite somme de XVIIa VIIIC XIIII l. XI s. est deüe et non aultrement, sans que pour ce les deniers de Sadite Majesté en demeurent [37] aulcunement retardez a la charge de veriffier par devant nous l’estat de la recepte et despense qui en aura esté faicte pour suivant iceulx en rendre compte ainsi qu’il appartiendra. Donné aux bureau a Ryom, le huictiesme [38] jour de juing mil cinq cens quatre vingtz.

[39] De Pierrefitte, Moreau, Dalemaigne, Lerauld.[40] Par messieurs les tresoriers generaulx de France,[41] Brujas.

Dans le secret des archives…

151

Fig. 2 : Détail (cl. J. Picot, 2016 ; collection particulière J. Teyssot).

Fig. 3 : Détail (cl. J. Picot, 2016 ; collection particulière J. Teyssot).