azӘrbaycan generallari · 2016. 10. 19. · xan,1 mәmmәdәli mirzә, Әbdülsәmәd mirzә vә...
TRANSCRIPT
-
Azәrbaycanın görkәmli adamları
ġӘMĠSTAN NӘZĠRLĠ
AZӘRBAYCAN
GENERALLARI
BAKI
GӘNCLĠK
1991
-
Rәyçi: Azәrbaycan SSR Elmlәr Akademiyasının müxbir
üzvü Qaraş Mәdәtov
Redaktoru: Tahirә Muxtarova
Nәzirli ġ.Ә.
N 50 Azәrbaycan generalları. B.; Gәnclik, 1991, 208 sәh.
Yazıçı-jurnalist Şәmistan Nәzirlinin oxuculara tәqdim olunan ―Azәrbaycan
generalları‖ kitabı uzun illәr aparılan axtarışların vә gәrgin zәhmәtin bәhrәsidir.
Tarixi sәnәdlәrin şahidliyi ilә yazılan bu әsәrdә indiyәdәk adı heç yerdә
çәkilmәyәn inqilabdan әvvәlki general oğullarımızın әvәzsiz xidmәtlәri qәlәmә
alınıb. Kitabda ilk dәfә ötәn әsrdә döyüşkәnliyi ilә ad-san qazanmış Kәngәrli,
Qazax, Gәncә, Qarabağ vә Borçalı süvari alaylarının, hәmçinin Sovet dövründә
fәaliyyәt göstәrәn azәrbaycanlı generalların qәhrәmanlığından söhbәt açılır.
Azәrbaycan Demokratik Hökumәtinin hәrb tarixinә parlaq sәhifәlәr yazmış
S.Mehmandarovun, Ә.Şıxlinskinin, İ.Vәkilovun, İ.Usubovun misilsiz
xidmәtlәrindәn bәhs olunur.
-
ÖN SÖZ
Mәnim dә әlimdәn, bu gәlir ancaq,
Sәni keçmişinlә elәyim tanış.
Başuca yaşamaq istәsәn әgәr,
Bax, gör babaların necә yaşamış.
Bulud Qaraçorlu Sәhәnd
GӘNC OXUCU! XIX әsrin ortalarından bәri Azәrbaycan hәrb tarixinin bir
hissәsini özündә әks etdirәn ―Azәrbaycan generalları” kitabı sәnin üçün yazılıb. Burda ulu sәrkәrdәlәrimiz Cavanşirin, Babәkin, Koroğlunun, Şah İsmayıl Xәtainin,
Sәttarxan vә Bağır xanın döyüş әnәnәlәrini davam etdirәn, silahını paslanmağa
qoymayan general oğullarımızın hәyat yolu ilk dәfә toplu halında sәnә tәqdim
olunur.
Hәlә qәdimdәn Azәrbaycanda elә nәsillәr, elә qәbilәlәr olub ki, onlar öz
döyüşkәnliyi ilә tәkcә Qafqazda yox, hәtta Avropada da tanınıblar. Naxçıvanda
Kәngәrlilәr, Bakıda Bakıxanovlar, Qazaxda Şıxlinski vә Vәkilovlar, Borçalıda
Yadigarovlar, Şәkidә Çәlәbilәr, Gәncәdә Cavadxanlar, Qarabağda Cavanşirlәr,
Lәnkәranda Talışinskilәr vә başqaları kimi el qeyrәti çәkәn, ana torpağın, başı
üstünü tәhlükә alanda birlәşib ayağa qalxan, onun hәr qarışı uğrunda canlarından
keçәn oğullar yetişib.
Tarixi sәnәdlәr şahiddir ki, onların arasında yüksәk rütbәli hәrbçilәr -
generallar da olub. O vaxtkı tarixi şәraitә görә, onların bәzilәri hәrbçi kimi,
döyüşkәn igid kimi ad - san qazansalar da yüksәk hәrbi rütbә ala bilmәmişlәr. Bu
isә çarizmin qatı müstәmlәkәçilik siyasәtindәn vә türkdilli xalqlara
inamsızlığından irәli gәlirdi.
Qafqaz Әlahiddә Ordusunun komandanı general-feldmarşal İ.F.Paskeviç
1826-cı ildә Peterburqa göndәrdiyi raportda birinci vә üçüncü Azәrbaycan
alaylarının igidliyini, döyüşlәrdә qeyri-adi şimşәk sürәtilә fәrqlәnәn Qarabağ vә
Qazax suvarilәrinin mәrdliyinә valeh olduğunu qeyd edirdi.
―Onlar bütün döyüşlәrdә çox böyük cәsarәtlә vuruşurlar. Hücumlarda isә
irәlidә gedirlәr... bayraqların, topların vә әsirlәrin çoxunu onlar zәbt etmişlәr‖.
Azәrbaycan alaylarının igid döyüşçülәri yerli xanların, bәylәrin
övladlarından tәşkil olunmuşdu. 1829-cu ildә torpağımızı yadellilәrdәn qoruyan
dörd süvari alayı yaradılmışdı. Birinci alay qarabağlardan, ikinci alay
şirvanlılardan vә şәkililәrdәn, üçüncü alay Gәncә, Qazax, Şәmşәddin vә
borçalılardan dördüncü alay isә İrәvan azәrbaycanlılarından vә naxçıvanlılardan
tәşkil olunmuşdu. Naxçıvandakı, qәdim, Kәngәrli qәbilәsinin igidlәrindәn isә
xüsusi-beşinci alay yaradılmışdı. Onlar öz döyüşkәnliyi ilә daha çox fәrqlәnirdilәr.
―Kavkaz‖ qәzeti 1890-cı il 6 noyabr tarixli nömrәsnndә bu barәdә yazırdı:
-
―Döyüşkәnliyi ilә bütün Qafqazda mәhşur olan Kәngәrlilәr Zaqafqaziya
sakinlәrindәn geri qalmaq istәmәzdilәr. Onlar ağa vә bәylәrinin rәhbәrliyi ilә
xüsusi süvari dәstәlәri tәşkil edib, bütün döyüşlәrdә bizim qoşunlarla çiyin-çiyinә
mәrdliklә vuruşdular‖.
Yeri gәlmişkәn, 1913-cü ildә çap olunmuş ―Qafqaz hәrbi-tarix muzeyinin
sorğu kitabı‖ndakı bir qeyd igid Kәngәrlilәrin tәkcә Qafqazda deyil, bütün Şәrqdә
şöhrәt tapmasından xәbәr verir:
―Kәngәrli süvarilәrinin bayrağı yaşıl olub. Әfsanәyә görә ilk Naxçıvan xanı
xәlifә Murad özünün Kәngәrli qәbilәsi ilә Әrәbistandan köçüb gәlmişdir. Bu qәbilә
Araz çayının sahilinә gәlәrәk Naxçıvanda xanlığın әsasını qoymuşdur. Kәngәrli
suvarilәri bütün Şәrqdә cәsurluğu ilә şöhrәt qazanmışdılar. Onlar döyüşә girәrәk
ölümә nifrәt әlamәti olaraq atlarının boynuna qırmızı kaporlar taxardılar ki,
düşmәn tәrәfindәn tez gözә çarpsınlar‖
Başqa bir mәnbә isә Kәngәrlilәrin Әrәbistandan gәlmәsini inkar edir. Rus
tarixçisi Viktor Qriqoryev Sankt-Peterburqda çap etdirdiyi ―Naxçıvan әyalәtinin
statistik tәsviri‖ kitabında yazır ki, Kәngәrli tayfaları Türkiyә әrazisindәki
Diyarbәkirdәn Naxçıvana gәliblәr. Onlar doqquz yüz iyirmi ev olublar. Kәngәrlilәr
döyüşkәn, işgüzar, uzun müddәt aclığa dözәn adamlardılar, hәrbçidirlәr.
Qonaqpәrvәr, dostluqda möhkәm, lakin çox mәğrur vә qürurludurlar.
Hәlә 1806-10-cu illәrdә Zaqafqaziya Rusiya ilә birlәşәndә Qarabağ hakimi
İbrahimxәlil xana general-leytenant, oğlu Mәmmәdhәsәn ağaya, Mehdiqulu xana
vә Cәfәrqulu ağaya isә general-mayor rütbәsi verilmişdir. Şәki hakimi Cәfәrqulu
xan Şәkinski dә general-leytenant idi. Bunlar xanlıqlara başçılıq edәn әsil-nәcabәtli
şәxsiyyәtlәr idi.. Çar üsul-idarәsi yerli hakimlәrә ona görә ali rütbә vermişdi ki,
mәhz onların vasitәsilә yerli әhalini özlәrinә tabe etsinlәr.
Gәnc oxucu, әgәr sәn akademik M.V.Neçkinanın ―Qriboyedov vә
dekabristlәr‖ kitabını mütaliә etsәn, onun iki yüz qırx dördüncü sәhifәsinә diqqәt
yetir. Orada oxuyacaqsan ki, qarabağlı Rüstәm bәy Fransa imperatoru Napoleon
Bonapartın şәxsi yavәrlәrindәn biri olub. Napoleonla birgә İspaniya, Misir
yürüşlәrindә iştirak edib. Qeyri-adi igidliyinә görә Vaqram döyüşlәrindә şәxsәn
imperatorun özü onu Fransanın ali hәrbi Legion ordeni ilә tәltif edib.
Napoleon Bonapart Moskvaya hücum edәndә qarabağlı Rüstәm bәy әsir alınıb. Az
sonra Qarabağa qayıdıb. Sonralar onu general Aleksey Yermolov Qafqaz
canşinliyindә öz yanına işә dәvәt edib. Ömrünün axırına kimi general Yermolovun
yanında işlәyib.
Bizә belә gәlir ki, Rüstәm bәyin әn aşağı rütbәsi polkovnik olub. Fransa
imperatoru Napoleonun şәxsi yavәri kimi mәsul vәzifә daşıyan, general Aleksey
Yermolov kimi iliyinә qәdәr hәrbçi olan adamın dәvәti ilә canişinliyә hәrbi işә
cәlb edilәn Rüstәm bәyin aşağı rütbәsi ola bilmәzdi.
Bu, Azәrbaycan hәrb tarixindә açılmamış maraqlı sәhifәlәrdәn biridir.
Görәsәn, igid azәrbaycanlı bәyi yüz yetmiş il bundan әvvәl Avropaya hansı
yollarla gedib çıxıb? Bu igid eloğlumuzun müәmmalı, indiydәk namәlum hәrbi
hәyatı nә vaxt öyrәnilәcәk? Axı, Napoleon kimi sәrkәrdә hәr yoldan ötәnә belә bir
fәxri ordeni vermәzdi.
-
Vaxtilә onlar necә yaşamışlarsa, bu gün bizim borcumuz onları elә dә
xatırlamaqdır. Hәyatın qәribә çalın-çarpaz cığırları var. Bu cığırlar yola qovuşana
qәdәr min bir çәtinliklәrdәn keçir. Hәr oğul bu çәtin cığırlardan keçib hamar yola
çıxa bilmir. Biz bu yola çıxıb xalqımızın inkişafı uğrunda sidq-ürәklә çalışanları,
torpağımızın hәr qarışı uğrunda can qoyanları alqışlayırıq.
Bir sәrkәrdә oğlumuzun açılmamış hәyat sәhifәsinә mәn qәdim Gәncәdәki
İmamzadә mәscidinin hәyәtindә rast gәldim. Mәzarın mәrmәr başdaşında
solmaqda olan yazını oxuyanda unudulmuş igidin xatirәsi qәlbimi göynәtdi. Orda
yazılmışdı: ―İkinci Qafqaz istehkamçı, batalyonunun komandiri polkovnik İlyas
bәy Ağalarov. Tәvәllüdü: yeddi iyun 1860-cı il. On sәkkiz mart 1913-cu ildә hәlak
olub‖. İllәrin tufanı mәrmәr qәbir daşından onun sonuncu izini dә silib aparır.
―Hәr bir insanın içәrisindә onunla birgә doğulan vә ölәn kainat var. Hәr bir
başdaşı altında bütöv bir dunya tarixi yatır‖.
Qax rayonundakı mәrkәzi qәbiristanlıqda general Hәsәn xanın başdaşındakı
yazıları oxuyarkәn Henrix Heynenin bu müdrik sözlәrini xatırladım.
General-mayor Hәsәn xan burda dәfn olunub. Kimdi Hәsәn xan, daha hansı
döyüşlәrdә iştirak edib, hansı xidmәtlәrinә görә general-mayor rütbәsinә layiq
görülüb? Qәbir daşındakı qısaca yazıdan başqa yerli әhali dә heç nә bilmir. Tәәssüf
ki, biz ―başdaşı altındakı bütöv bir dünya tarixindәn‖ bu günә kimi xәbәrsizik.
Bakıda İçәrişәhәrdәki Mirzә Şәfi küçәsindә bir ağbirçәk ana yaşayır. Gövhәr
xanım Usubova ömrünün sәksәn ilini çoxdan arxada qoyub. Onunla tez-tez
görüşurәm. Hәr dәfә dә inqilabdan әvvәl yaşayıb-yaratmış, xalqımıza misilsiz
xidmәt göstәrәn ziyalı babaları haqqında iftixarla söhbәt açır:
- Mәnim әmilәrim, dayım, babalarım tәkcә hәkim, müәllim, din xadimi
olmayıblar. Onların arasında hәrbçi dә olub, - deyir Gövhәr xanım. 1858-ci ildә
poruçik Paşa ağa Әmiraslan ağa oğlunun adına verilmiş bir sәnәdin әslini mәnә
bağışlayır.
Sәnәddә göstәrilir ki, 1856-cı il avqustun iyirmi altısında imperator II
Aleksandr müsәlman süvari alayının döyüşçüsü Paşa ağa Әmiraslan ağa oğluna
poruçik rütbәsi verilmәsi şәxsәn özü imzalamışdır. Bu fakt ona görә qeyri-adidir
ki, milyonlarla әsgәr vә zabit heyәti içәrisindә eloğlumuz öz qәhrәmanlığı ilә necә
seçilirdisә, ona verilәn rütbәni imperiyanın birinci şәxsi - imperator II Aleksandr
imzalamışdır.
İnqilabdan әvvәl Tiflisdә ―Kavkazskiy kalendar‖ adlı illik bir mәcmuә çap
olunurdu. Onun sәhifәlәrindә o dövrün görkәmli ziyalılarının, hәrbçilәrin ünvanı
vә rütbәsi göstәrilirdi. 1873-74 cü illәrin ―Kalendar‖ında Qafqaz Әlahiddә
Ordusunda xidmәt edәn müxtәlif rütbәli oğullarımızın da adları çәkilir.
Әksәriyyәtinin adına ilk dәfә rast gәldiyimiz üçün onları sizә tәqdim edirik.
General-mayor Yusif bәy Hәsәn bәy oğlu Ağalarov, Nikolay Nikolayeviç Ağayev
(şuşalı general Fәrәc bәy Ağayev), İsrafil bәy Yadigarov, Cәfәr ağa Şәmşәddin ağa
oğlu, polkovnik Ağa xan Şirvanlı, İsmayıl xan İsgәndәr xan oğlu Xoyski, Hәsәn
xan Mirzәağa bәy oğlu, Sәlim bәy Yusif bәy oğlu, Hәsәn ağa Cәfәrqulu ağa oğlu
Bakıxanov, Әhmәd ağa Cәfәrqulu ağa oqlu Bakıxanov, Cavad xan Şirvanlı, Mirzә
İbrahim bәy, Kәlbalı xan Ehsan xan oğlu, Rәşid xan Mehdili, mayor Mirzә
Xudadat bәy Vәkilov, kazak leyb-qvardiyasının kornetlәri Şahrux Mirzә, Xanbaba
-
xan,1 Mәmmәdәli Mirzә, Әbdülsәmәd Mirzә vә Nәsrulla Mirzә. (Bәhmәn Mirzә
Qacarın oğlanlarıdır. Onun yeddi oğlu rus ordusunda xidmәt etmişdir).
Xalqımızın tarixi nә qәdәr zәngin olsa da, lakin hәlә dә qaranlıq sәhifәlәr
çoxdur. Bu ―qaranlıqlar‖a işıq salmağın, hәr şeyi olduğu kimi yazmağın vaxtı
çoxdan çatıb. Axı, bugünkü tarix, dünәnkinin üzәrindә dayanır vә tәbiidir ki,
dunәnki ―qaranlıqlar‖ bu gün açılmasa sabah daha yeni ―qaranlıqlar‖a körpü
olacaq.
Otuzuncu illәrin tuthatutları, qansızlıqları bizi elә vahimәyә salıb ki, ilan
vuran ala çatıdan qorxan kimi, türk kәlmәsindәn qorxmuşuq. Dil vә din
qardaşlarımıza arxa çevirmişik, ona görә ki, milli bütövluyümüz olmayıb. Әsrlәrin,
illәrin dolanbaclarında görkәmli oğullarımızı itirә-itirә gәlmişik. Azәrbaycan
Rusiyaya birlәşdirildikdәn sonra türklәrә dostluğumuzu, qardaşlığımızı danmışıq.
Hәtta iş o yerә çatıb ki, mәcburәn dәdә-baba familimizi dә dәyişmişik. Sәbәbi dә o
olub ki, ad-famillәrimiz türk ad-famillәrinә oxşayır. Pasportlarımızda ―milliyyәti‖
sözünün qarşısında ―türk‖ yazılardı. Sonra bu kiminsә xoşuna gәlmәdi. Yuxarıdan
gәlәn hansısa gizli tapşırığa әsasәn pasportlarımız dәyişdirildi.
... Bütün bunlara baxmayaraq nә yaxşı ki, Türkiyә ilә Azәrbaycanı bir-birinә
bağlayan qan birliyi qırılmadı.
... Klassik şairimiz S.Ә.Şirvaninin ―Tәzxirә‖sindә ―Osman bәy vә Ömәrbәy‖
adlı kiçik bir fәsil var. Şair burda iki şirvanlı, qardaşın igidlikdә, sәrkәrdәlikdә
tayı-bәrabәri olmadığını iftixarla yazır:
―Osman bәy şәhri Şamaxının xanzadәlәrindәndir. Qardaşı Ömәr bәy ilә o
cәnab dövlәti-әliyyeyi-Rusiyyәdә sahibmәnsәb vә sahibvәzifә kimsәnәlәrdәn
olmuşlar. Onlar kimi әhlikәmal vә sahibcәmal vә sahibzövq kimsәnәlәr daireyi-
Şirvanә gәlmәmişdir. Hәr ikisinin tәbi olmağı mәşhurdur vә zikrixeyr ilә adları hәr
dildә mәzxurdur. Cәnab Ömәr bәyi qayәtdә xoşәhval vә xoşmәzaq deyirlәr.
... Әlhәq bu iki qardaş kimi, yeganә daireyi-cahana gәlmәmişdir. Tarixi
hicrәtin... dә vә tarixi mәsihiyyәnin... sәnәsindә Sultan - Rumun Fransa imdadıyla
Rusiyyә ilә davaları olduqda Ömәr bәy lәşkәri-Rusda sәrlәşkәr idi. Lәşkәri-rus
mülki-Karsda olan zamanlar Ömәr bәy dövlәti-Rusiyyәdәn rugәrdan (incik düşәn,
üz döndәrәn - Ş.N.) olub, әsgәri-Rumә mülhәqq oldu. Dövlәti-Rum Ömәr bәy
mәzkuru hәman öz mәnsәbi vә nişanı ilә qәbul edir vә mәvacib qәrar qılıb,
özlәrinә sәrәsgәr etmşidir. Әlan mәaliki-Rumda ―Yaranan Ömәr paşa‖ ismiylә
mәşhurdur.
Ömәr bәy fәrar edәndәn sonra dövlәti-Rusiyyә Osman bәyi tutub Sibirә
göndәrmişdi. Cәnab Osman bәy dә Sibirdәn fәrar edib, İstambulda qardaşına
mülhәqq olmuşdur. Әlan Osman bәy dölәti - Rumda sahibmәvacib
kimsәnәlәrdәndir. Vә Qustәntәniyyәdә mәrtәbeyi-muhәndislik ilә mәşhurdur.
Amma Ömәr bәyin mәrtәbәsi Osman bәydәn әladır‖.
Burda adamın yadına müdrik babalarımızdan qalmış bir hikmәt düşür:
―Ağıllı adamların vücudu saf qızıl kimidir, hara getsәlәr, qiymәtlәri bilinәr‖.
1 Xanbaba xan M.F.Axundovun qızı Nisә xanımın hәyat yoldaşı idi. (- Ş.N.).
-
* * *
Hәr bir xalq özünün tarixi abidәlәri, görkәmli şәxsiyyәtlәri ilә ölmәzdir.
Onlar millәtin vә xalqın qәdimliyindәn, qәhrәmanlığından soraq verir. Fәxrlә
demәk olar ki, tarixi şәxsiyyәtlәrdә xalqımızın bәxti gәtirib. Xüsusilә,
qәhrәmanlarımız vә şairlәrimiz qibtә edilәcәk dәrәcәdә çoxdur. Başqa millәtin,
başqa xalqın tarixi şәxsiyyәtini özününkülәşdirmәk üçün heç kәsin qapısına
getmәmişik vә heç bir millәtin oğlunu öz adımıza çıxmaq iddiasında da deyilik.
Bizdә Vәkilov familiyası hәr yerdә fәxrlә çәkilir. Çünki bu familiya sevimli
şairimiz Sәmәd Vurğuna mәxsusdur. Hәlә ötәn әsrin әvvәlәrindә bu familiyanı
daşıyan görkәmli şair, dövlәt xadimi, hәrbçilәr olub. Onlardan biri dә Krım
muharibәsinin (1853-55-ci illәr) qәhrәmanı kapitan Mәnsur ağa Vәkilov idi. 1855-
ci il sentyabrın 12-dә Qafqaz Әlahiddә Ordusu komandanın verdiyi әmrdә
oxuyuruq:
―Üçüncü süvari-musәlman (Azәrbaycan - Ş.N.) alayındakı qazaxlılardan
ibarәt sotniyanın komandiri, kapitan Mәnsur ağa Vәkilova ―İgidliyә görә‖ vә üstü
yazılı dördüncü dәrәcәli ―Müqәddәs Anna ordeni‖, Qazax - bәy polusotniyasından
olan milis praporşiki Mir Mirzә Mәhәmmәd Şәrif oğluna podporuçik rütbәsi,
Borçalı bәy polusotniyasının vәkili Mәmmәdşah bәy Ağasultanova gümüş temlyak
gәzdirmәk hüququ vә yunker rutbәsi, Qazax bәy polusotniyasından Mustafa ağa
Eyyub ağa oğluna ―İgidliyә görә‖ vә üstü yazılı gümüş medal, Qazax
sotniyasından Mustafa ağa Mirzәli ağa oğlu Vәkilova gumuş temlyak gәzdirmәk
hüququnda yunkerlik rutbәsi verilsin‖ (Bax. ―Kavkaz‖ qәzeti, № 85, 24 sentyabr
1855-çi il).
Professor Satur Arayan özünün 1978-çi ildә nәşr etdirdiyi ―Ermәni xalqının
tarixi taleyindә Rusiyanın rolu‖ monoqrafiyasında (sәh. 210-211-dә) kapitan
Mәnsur ağa Vәkilovu oxucuya ermәni ―Martiros Vekilev‖ kimi tәqdim edir. Hәlә
1826-cı ildә Şamxor vә Gәncә, Lori-Pәnbәk rayonunda, Dilican dәrәsindәki
döyüşlәrdә Qazax süvari dәstәsinin iranlılara qarşı göstәrdiyi qәhrәmanlıqlar
xalqımıza yaxşı mәlumdur. Raport vә әmrlәrdә kapitan Mәnsur ağa Vәkilovdan
danışılanda ―M.Vekilov‖ yazılırdı. Görünür professor Ağayanın әlinә girәvә dә
buradan düşüb. Yuxarıda gәtirilәn sitat da onun әsassız olduğunu sübut edir.
Әgәr professor Ağayan Alahiddә Qafqaz korpusunun baş komandanı general
N.N.Muravyovun ―Kavkaz‖ qәzetindә dәrc olunmuş әmrini oxusaydı, görәrdi ki,
genaral N.N.Muravyov kapitan Mәnsur ağa Vәkilovun başçılıq etdiyi Qazax süvari
dәstәsinin hәrbi әmәliyyatlardakı qәhrәmanlığını bir neçә dәfә neçә yüksәk
qiymәtlәndirir. Yәqin ki, oxuyub, amma onu Mәnsur ağa Vәkilovun
qәhrәmanlığından çox ad-familiyasını dәyişdirib ―Martiros Vekilev‖, bәzәn dә
―Vәkilyan‖ elәmәk düşündürüb. Bu isә ermәni xәstәliyinә tutulanlardan birinin
xalqımıza qarşı növbәti ―hücumlarından‖dır.
Borçalının Tәkli kәndindәki nüfuzlu Yadigarovlar nәsli dә adlı-sanlı
generallar vә hәrbçilәr yetişdirib. Tәәssüf ki, bizim qәflәt yuxusuna
getmәyimizdәn istifadә edәn ermәnilәr onları öz adlarına çıxaraq ―Ediqaryan‖,
gürcülәr isә ―Ediqaraşvili‖ kimi yazırlar.
-
Diqqәtlә axtarsaq belә faktlardan lap çox tapmaq olar.
* * *
Generallarımız tәkcә hәrb sahәsindә deyil, xalqın maariflәnmәsi sahәsindә
dә fәal iştirak etmişlәr. 1849-cu ildә Şamaxıda mәktәb açmağa cәhd edәn yerli
әhalinin kömәyinә general İsmayıl bәy Qutqaşınlı, kapitan Şirәli bәy, poruçik
Mehdi bәy gәlmişdilәr. Bu xeyirxah işdә hәrbçi oğullarımız maddi cәhәtdәn
maarifçilәrә yaxından kömәk etmişlәr. 1883-cü ildә Lәnkәran mәktәbinә mebel
әldә etmәk üçün polkovnik Miribrahim xan Talışinski iki yüz üç manat mәblәğindә
ianә vermişdir. Naxçıvanda general Ehsan xan Kәngәrlinin oğlu kapitan İsmayıl
xan vә general Kәlbalı xan dәdә-baba mülkünü pulsuz istifadә üçün mәktәbә
vermişlәr.
General-leytenant İsmayıl xan 1896-cı ildә Naxçıvandakı ―Tәrbiyә‖
mәktәbinin hәyәtindә öz hesabına hovuz vә fәvvarә düzәltdirmişdir.
Belә hәrbçi oğullarımızın hәyatına gur işıq tutan mәşhur әdәbiyyatşünasımız
Firidun bәy Köçәrli qazaxlı şair Mustafa ağa Nasirin (1824-1883) әsil-
nәcabәtindәn danışanda yazır:
―Mustafa ağanın padәri - valları podpolkovnik Hәsәn ağadır ki, o da
nәcabәtü şücaәtdә mәşhur namdar vә öz әsrindә sahibi-hökumәtü iqtidar bir bәy
imiş. Cümlә övladü әnsabı cәddibüzürgüvarları Qiyas bәy nisbәtlә
―Qiyasbәyzadәlәr‖ demәklә beynәlәnam müştәhir vә bәnamdırlar.
Mustafa ağa Dağıstan davasında çox sәdaqәt vә hünәrlәr göstәrib çin almışdı
vә iki il Varşavada qalıb rus vә firәng dillәrini kifayәtincә öyrәnmşidi. Lakin necә
ki, dәfәat ilә tәçrübә olunubdur, Mustafa ağanın hünәr vә sәdaqәtlәri dövlәt
nәzәrindә qәdrü-qiymәtsiz qalıb vә hәtta onun haqqında aşkarәn әdalәtsizlik vüqua
gәlmәyә görә, Mustafa ağa öz vәtәninә müraciәt edib vә üzlәtü fәrağәt guşәsini
ixtiyar qılıb, vaxtlarını ibadәtdә vә tәhsili-ülumu maarifdә keçiribdir.‖
Xalqımızın taleyindә müәyyәn xidmәtlәri olmuş general oğullarımızın
haqqını dana bilmәrik. Kimә daha çox xidmәt etmәlәrindәn asılı olmayaraq bu
generallar, bu hәrbçilәr bizim xalqın, oğullarıdır. Mövcud tarixi şәraiti, inamı,
hәrbi andı yada salmaqla biz onları haradasa buraxdıqları sәhvә görә
bağışlamalıyıq. Tariximizin zәnginliyi naminә güzәştә getmәk borcumuzdur.
Bunların arasında elәlәri dә olub ki, adını, atasının adını dәyişsә belә (bunlar
cәmisi iki nәfәrdir - şuşalı Fәrәc bәy Ağayev vә bakılı Heybәt Heybәtov)
xalqımıza xidmәtdә dönük çıxmayıblar. Bunların haqqında ruslar ona görә
yazmırlar ki, Azәrbaycan xalqının oğludurlar. Biz dә yazmırıq ki, ―dönük‖
çıxıblar. Bәs onda necә olsun? Bu general oğullarımızın hәyat yolu öyrәnilmәsin?
Bax, elә burda xalq yazıçımız İsmayıl Şıxlının sözlәrin xatırlamamaq olmur.
―Hәr fәrdin bioqrafiyası olduğu kimi, hәr nәslin dә özünә mәxsus
bioqrafiyası var. Bu bioqrafiyalar müxtәlif şәraitdәn, müxtәlif tarixi dövrlәrdәn
keçdiyi üçün müxtәlifdir. İnsanların taleyi olduğu kimi, nәsillәrin dә taleyi var. Bu
talelәri sonradan pislәmәk, yaxud dәyişdirmәk olmaz. Onların üstündәn xәtt dә
çәkmәk olmaz. Onları necә varsa, elәcә dә qәbul etmәk lazımdır. Әgәr sonradan
-
gәlәnlәr özlәrindәn әvvәlkilәri inkar etsәlәr, onu yoxa çıxartmağa çalışsalar, tarixin
mәrhәlәlәrindә bir boşluq әmәlә gәlir‖ (―Bakı‖ qәzeti, 29 sentyabr 1987-ci il).
Siz bu kitabda hәr bir azәrbaycanlı generalın başqa tәltifatlarla yanaşı
Müqәddәs Anna ordeni ilә tәltif olunduğuna mütlәq rast gәlәcәksiniz. Şübhәsiz ki,
tәәccüb edәcәksiniz. Bunun da sәbәbi var. 1815-ci ildә tәsis olunmuş bu ordenlә
rus ordusunda ilk dәfә qәhrәmanlıq göstәrәn qeyri-xristianlar tәltif olunurdu. Bu da
müsәlmanlara inamsızlığın birforması idi.
Rus-yapon müharibәsi hәlә yenicә başlayanda batareya komandiri kapitan
Әliağa Şıxlinski göstәrdiyi rәşadәtә görә Peterburq Georgi Dumasının qәrarına
әsasәn dördüncü dәrәcәli Müqәddәs Anna ordeni ilә tәltif edilir. Lakin tәkcә
Şıxlinskinin özü yox, hәtta onun rus zabit dostları vә komandiri belә bir tәltifatın
Şıxlinski kimi cәsur zabitә verilmәsini tәhqir hesab edirlәr. Haqsızlığa bax ki,
Şıxlinskinin tabeliyindә olanlar belә ondan yüksәk ordenlә tәltif olunmuşdular.
―Yaponların böyük bir hüçumu dәf edildikdәn sonra, bir neçә gün sakitlik
oldu. Qәrb cәbhәsinin rәisi, briqada komandiri polkovnik Vladimir Aleksandroviç
İrman şәrq cәbhәsi ilә tanış olmaq üçün yanımıza gәldi. Bir qәdәr bizimlә bir yerdә
olduqdan sonra, birdәn gözü papağımdakı Anna qırmızı qotazına vә ―İgidliyә
görә‖ sözlәri yazılmış dördüncü dәrәcәli ―Müqәddәs Anna‖ ordeninә sataşdı. Bu
orden kiçik döyüş mükafatı idi.
Vladimir Aleksandroviç dedi:
- Lap xәcalәt çәkmәlidir. Әliağa kimi igid bir zabiti bu vaxta qәdәr başqa bir
şeylә mükafatlandırmamışıq. Halbuki, qala komendantı özü onu tәltif edә bilәrdi.
- Sonra polkovnik İrman ayağa qalxdı vә mәni qucaqlayaraq әlavә etdi:
- Belә adamı tәltif etmәk nә qәdәr xoşdur.
Türkiyә ilә müharibәdә Anna xaçı alan bir kapitan, bundan pәrt olaraq, onu
itin boynundan asmışdı‖2
Gәnc oxucu, bizim keçmiş generallarımızın taleyi müxtәlif arxiv
sәnәdlәrindә, Rusiyanın ayrı-ayrı şәhәr arxivlәrindә toz basa-basa yatıb qalır. Vaxt
gәlәcәk, onların döyüş yolu yazılmış sәnәdlәr çürüyüb mәhv olacaq, itib-batacaq.
Onda gәlәcәk nәslә onların şan-şöhrәtindәn, Vәtәnә, xalqa xidmәtlәrindәn heç nә
gedib çatmayacaq. Onların izi belә qalmayanda, o nәsil bizi lәnәtlәyәcәk vә gәlәn
yeni nәsil bunu bağışlamayaçaq. Mәhz ona görә dә xidmәtlәri xalqımıza hәlә -
yaxşı, mәlum olmayan şöhrәtli generallarımızın, hәrbçilәrimizin tozlu qovluqlarına
әl uzadıb onları açmalı, yazmalıyıq. Yazmalıyıq ki, Azәrbaycanımızın hәrb
tarixindәki qaranlıq sәhifәlәr üzә çıxsın.
Әziz oxucu! Bir vacib mәsәlәni dә nәzәrinizә çatdırmaq istәrdim. Әgәr sәn
bu kitabda ―müzәffәr Sovet Ordusu‖, ―azadlıq gәtirәn Qızıl Ordu‖, ―xilaskar rus
ordusu‖ kimi ifadә vә sözlәrә rast gәlsәn bil ki, bunlar ayrı-ayrı kitablardan vә
arxiv sәnәdlәrindәn götürülmüş sitatlardandır. O ki qaldı rus ordusunun,
ümumiyyәtlә sovet ordusunun ―müzәffәr yürüşünә‖ vә son vaxtlar ona qarşı azalan
inam hissinә, qoy buna milyonlarla xalqın taleyi ilә oynayan tәk-tәk adamlar,
xalqların azadlıq uğrunda mübarizәsini silah gücünә yatızdıranlar, bir sözlә,
2 Ә.Şıxlinski ―Xatirәlәrim‖, Bakı, 1984-cü il, sәh. 69—70).
-
ordunu xalqa qarşı qaldıranlar cavab versinlәr. Tarix qarşısında, insanlıq
qarşısında!
Hәr bir generalın hәyat yolu ilә bağlı sәnәdlәrlә işlәyәndә böyuk qazax
yazıçısı Muxtar Auezovun bir cümlәsini istәr-istәmәz xatırlayıram:
―Gecikmiş yolçu çoxdan ötüb keçәn karvanın tәrk etdiyi ocaq külü içindәn
közәrәn bir kömür parçası taparaq, onu ehtiyat vә qayğı ilә üflәyib, öz nәfәsilә od
әmәlә gәtirdiyi kimi, mәn dә bu xatirәlәrә ehtiyat vә qayğı ilә yanaşmalı olurdum‖.
Bu cümlә qarşıma çıxan çәtinliklәri sanki unutdururdu. Mәn daha böyük
hәvәslә, mәsuliyyәtlә onların ömür yolunu öyrәnmәk istәyirdim. Buna nә dәrәcәdә
nail olmuşam, harda sәhvlәrim, büdrәmәlәrim olubsa, onlar sizinlә görüşdә üzә
çıxacaq. Çәkdiyim zәhmәtә dә siz qiymәt verәcәksiniz.
Uzun illәrlә apardığım axtarışlardan sonra müәyyәn etmişәm ki, inqilabdan
әvvәl vә sonra sәksәndәn çox generalımız olub. Hәlәlik onların bir neçәsi haqqında
yazılarımı sizә tәqdim edirәm.
TARĠXDӘ AD QOYUB
QӘHRӘMANLARIM
Azәrbaycan xalqının hәr sahәdә böyük
nümayәndәlәri var. Ordu sıralarında,
hәrbi alәmdә bizim böyük mütәxәssislәrimiz
- generallarımız çox olmalıdır... Xalqımız
üçün hәrbi dühalar yetirin! Bu da yalnız uzun
müddәtordu sıralarında xidmәt etmәklә vә
hәrbi elmlәrә sahib olmaqla mümkün
olacaqdır!
Sәmәd Vurğun
GENERAL NAXÇIVANSKĠLӘR
KӘLBALI XAN NAXÇIVANSKĠ
Nә Azәrbaycan, nә dә rus hәrb tarixi general-mayor Kәlbalı xan
Naxçıvanskinin anadan olduğu ili saxlamayıb. Ümid verәn arxivlәrdә, inqilabdan
әvvәlki hәrbi-tarixi mәnbәlәrdә nә qәdәr axtardıqsa, onun tәvәllüdünü dәqiqlәşdirә
bilmәdik. İnqilabdan әvvәlki әdәbiyyatlarda general Kәlbalı xan Naxçıvanskinin
bir neçә yerdә sәthi dә olsa, adı çәkilir vә hәrbi fәaliyyәti qeyd olunur.
-
Kәlbalı xan, Naxçıvanın sonuncu hakimi Ehsan xanın oğludur. Zaqafqaziya
Rusiya ilә birlәşәndәn sonra generallıq rütbәsi alan Ehsan xan, 1828-ci il fevralın
onunda Rusiya ilә İran arasında Türkmәnçay sülh müqavilәsini imzalayanlardan
biri olmuşdur. O, burada İrәvan vә Naxçıvan xanlığının, Ordubad dairәsinin
sәlahiyyәtli nümayәdәsi kimi iştirak etmişdi.
Hәrbi tarixçilәr V.Potto, İ.Zinovyev, general V.Zubov, İ.Paskeviç vә yazıçı
A.Qriboyedovun yol qeydlәrindәn mәlum olur ki, rus-İran müharibәsi zamanı
Ehsan xan on min nәfәrlik naxçıvanlılardan vә ruslardan ibarәt olan qoşuna
başçılıq etmişdir. Bu müharibәdә ad-san qazanan general Ehsan xan sonralar Krım
müharibәsindә dә şücaәtlә vuruşmuş, ali hәrbi ordenlәrlә tәltif olunmuşdur.
Görkәmli sәrkәrdә kimi Ehsan xanın adı Kremlin Georgi salonunda qızıl hәrflәrlә
yazılmışdır.
Tarix öz sәhifәlәrindә bir maraqlı faktı da saxlayıb: Aleksandr Qriboyedov
vә Abbasqulu ağa Bakıxanov İrana gedәndә Ehsan xanın Xandikindәki evindә
qonaq olmuşlar. Bu barәdә A.Qriboyedovun ―İrәvan yürüşü‖ yol qeydlәrindә
maraqlı sәtirlәr var:
―Sübh tezdәn oyandıq: bәrk isti idi. Abbasqulu ağa nәql elәdi ki,
Yelizavetpol döyüşü şair Nizaminin mәqbәrәsi yanında baş verib.
Naxçıvandan sәkkiz mil aralıda dayanmışıq. Araz kәnarından Abbasabadın
geniş mәnzәrәsi açılır. Şimal-şәrqdәn Qarabağ dağlarının, Naxçıvan düzәnliyinin
möcüzәli gözәlliyi açılır. Arazın arxası Yaylandağla vә ona oxşar iki başqa dağla
әhatә olunub. Qәrbә doğru baxanda isә Ağrıdağı ucalır. Naxçıvan özü isә Qarabar
dağlarının davamı olan düzәngahda yerlәşir.
Naxçıvana daxil oluruq. Xan evinin qüllәsi mәnim otağımın pәncәrәsindәn
daha aydın görünür‖.
1826-cı ildә Fәtәli şahın vәliәhdi Abbas Mirzә altmış minlik qoşunla Arazı
keçib Azәrbaycana hücum etdi. Bu vaxt Ehsan xan Abbasabad qarnizonunun rәisi
idi. Ehsan xanın, qalanı iranlılara tәslim etmәk istәmәdiyini görәn Abbas Mirzә şah
qoşununun qırx minini İrәvan vә Naxçıvana yeridir. Hәmin döyüşlәrin şahidi olan
mәşhur tarixçi Mirzә Adıgözәlbәy yazırdı:
―O vaxt naxçıvanlı Ehsan xan Abbasabad qalasının mühafizi idi. Orada
olduğumu bilib yanıma qasid göndәrdi. O, mәnә xәbәr verdi: ―Knyaza (komandan
İ.F.Paskeviç nәzәrdә tutulur.-Ş.N.) bildirin ki, bu tәrәfә hәrәkәt etsin.‖
―Qafqaz hәrbi-tarix muzeyi‖nin 1913-cü ildә nәşr etdiyi altı yüz otuz bir
nömrәli ―Soraq kitabçası‖nda general Kәlbalı xan Naxçıvanskinin mәşhur xan
nәslindәn olduğu qeyd olunur. O, on dörd yaşında ikәn Peterburqdakı zadәgan
balalarına mәxsus paj korpusuna daxil olur. Әla oxuyan Kәlbalı xana mәktәbdә
tam tәhsil almaq qismәt olmur. Qәfil xәstәlәndiyinә görә vәtәni Naxçıvana qayıdır.
Bir müddәt müalicә olunduqdan sonra yenidәn hәrbi işә sәfәrbәr edilir. 1849-cu
ildә könüllü olaraq Dağıstan yürüşündә iştirak edir. Gergebel döyüşlәrindә
göstәrdiyi igidliyә görә üçüncü dәrәcәli müqәddәs Stanislav ordeni ilә tәltif olunur
vә zabit rütbәsinә layiq görülür.
1853-cü ildә Krım müharibәsi başlananda yerli bәylәrdәn ibarәt süvari alayı
tәşkil edir. Bir il sonra, iyunun 19-da Kәlbalı xan Naxçıvanski Çınqıl döyüşündә
fәrqlәndiyinә görә dördüncü dәrәcәli müqәddәs Georgi ordeni ilә tәltif olunur.
-
Hәmin il iyulun otuzunda rus ordusunun general-leytenantı, İrәvan süvari
polkunun rәisi Vrangel Qafqaz ordusunun baş komandanına mәlumat göndәrmişdi.
General tәkcә Kәlbalı xan haqqında deyil, hәmçinin döyüşdә igidliklә vuruşan
oğullarımız barәdә fәxrlә yazırdı:
―Qoşunlarımızın hәdsiz igidliyi barәdә әlahәzrәt cәnabınızın qarşısında
tәkrarәn şәhadәt vermәyi özümә borc bilirәm ki, zabit vә әsgәrlәr döyüşә hәvәslә
gedirlәr: yüngül yaralananlar cәbhәni tәrk etmir, ağır yaralılar isә döyüş
meydanında qalırdılar. Tibb işçilәri elә oradaca onlara yardım göstәrirdilәr. 18 iyul
tarixli ilk mәlumatımda adları çәkilәn kapitan İsmayıl xandan (Kәlbalı xanın
qardaşıdır - Ş.N). vә podporuçik Kәlbalı xandan başqa müsәlmanlardan ibarәt bәy
drujinasından praporşiklәr Әlixan vә Paşa xanın, dörd nömrәli müsәlman
(Azәrbaycan) polkundan kapitan Hüseyn Sultanın adlarını da çәkmәliyәm. İsmayıl
xanla Kәlbalı xan hücum zamanı öz hissәlәrinin önündә gedәrәk igidlik nümunәsi
göstәrirdilәr.
...Yanımda volonter3 işlәyәn Xancan xan Mәmmәdqulu oğlunu da hәmçinin
müәyyәn göstәrişlәrlә döyüşә göndәrirdim... Onlar yaralanır, ancaq döyüş
meydanını tәrk etmirdilәr‖.
1855-ci ildә imperator II Aleksandrın tacqoyma mәrasimi günü Kәlbalı xan
leyb-qvardiya qusar polkuna komandir tәyin olunur. Bundan sonra Qafqaz
canişinliyinin sәrәncamında xidmәt edir. Müxtәlif batalyon vә polkların komandiri
olur. Nizami ordudakı nümunәvi xidmәtinә vә әla komandirlik fәaliyyәtinә görә
1874-cü ildә general-mayor kimi yüksәk rütbәyә layiq görülür.
1877-78-ci illәrdә rus-türk müharibәsindә general Kәlbalı nur. Bütün
döyüşlәrdә şücaәtlә vuruşan, azәrbaycanlılardan ibarәt İrәvan süvari briqadasının
komandiri Kәlbalı xan hәrbi әmәliyyatlarda böyük şücaәt göstәrmişdir. Bu
müharibәdә onun qәhrәmanlığı brilyantla bәzәdilmiş qılıncla vә müqәddәs Georgi
ordeni ilә qeyd edilmişdir. General-mayor Kәlbalı xan Ehsan oğlu Naxçıvanski
1883-cü ildә vәfat etmişdir.
Sәnәdlәri araşdırarkәn mәlum oldu ki, Ehsan xan oğluna Kәlbalı xanın adını
qoymuşdur. Ona görә dә mәnbәlәrdә iki Kәlbalı xan adına rast gәldik. Baba
Kәlbalı xan Naxçıvanski haqqında Azәrbaycan Sovet Ensiklopediyasının yeddinci
cildindә qısa da olsa mәlumat verilir.
―Kәlbalı xan Naxçıvanski (? - 1823, Tәbriz) - Naxçıvan xanı. Rusiyadan hәrbi
yardım istәdiyi üçün altı il Tehranda hәbsdә saxlanmış, gözünün biri
çıxartdırılmışdı. Fәtәli şah hakimiyyәt başına gәldikdәn sonra İrәvan xanlığında
yaşamışdır. Abbas Mirzә tәrәfindәn Naxçıvana vali tәyin olunan Naxçıvanski İran
hökumәtinә xidmәt etmәk istәmәdiyindәn Mәkkәyә ziyarәt bәhanәsilә, yerinә oğlu
Ehsan xanı tәyin edib hakimiyyәtdәn uzaqlaşmışdı‖.
Bir maraqlı faktı da oxucuların nәzәrinә çatdırmaq istәrdim: XIX әsrin
ortalarında Naxçıvanda ―Qönçeyi-Ülfәt‖ adlı әdәbi mәclis fәaliyyәt göstәrirdi. Bu
mәclisә, o vaxtlar Naxçıvan şәhәr rәisinin müavini işlәyәn mәşhur gürcü şairi
Nikolaz Barataşvili dә tez-tez gәlәrdi. O, burada on sәkkiz yaşlı Qönçәbәyim adlı
çox istedadlı bir qızla tanış olub dostlaşır. Lirik qoşmaları ilә bu gün Azәrbaycan
3 Fәdai, könüllü әsgәr
-
әdәbiyyatında yaşayan hәmin Qönçәbәyim general-mayor Kәlbalı xan
Naxçıvanskinin bacısıdır.
Nikolaz Barataşvili, Maiko Orbelianiyә yazdığı mәktubunda Qönçәbәyimlә
tanışlığını belә tәsvir edir: ―İndi Naxçıvanda yeni bir şer var. Bu, on sәkkiz yaşlı
Qönçәbәyimin şerlәridir. Xan qızıdır. Olduqca gözәl vә vüqarlı görkәmi var.
Tәsәvvür edin, gözәllikdә lap Orlovun arvadına oxşayır. Әrindәn çox yanıqlıdır.
İndi әrindәn ayrılıb, çalışır ki, boşansın. Yazıq qızın on iki yaşı olanda zorla әrә
veriblәr. Onların әhvalatı bir romandır. Şerlәrindә öz halına ağlayır. Yazılarından
birindә deyir ki, mәnim gözәl bağçam, istәyirәm gәlib sәnin fәvvarәn vә güllәrinlә
söhbәt edәm. Ancaq qorxuram әrim orada olsun.
Bu şeri tәrcümә edib göndәrәcәm. Mәnә belә gәlir ki, Sәttar bu mahnını
bilir. Yenә bir mahnı var. Çox xoşagәlәndir. Belә düşünürәm ki, bunu Cәfәr dә
bilir, Sәttar da. Onlara rast gәlәndә deyәrsәn ki, bu mahnıları oxusunlar‖.
Ey mәnim mәzar çiçәkli bağçam,
Gülüstan qoynunda fәvvarә vuran.
Sularla hәmsöhbәt olmaq istәrәm,
Qorxuram ki, әrim çıxa o yandan.
Gözәl vә fitri istedada malik olan Qönçәbәyim 1837-ci il martın on beşindә
atası Ehsan xanın Naxçıvanda açdığı qәza mәktәbindә oxumuşdur. İki yüzә qәdәr
azәrbaycanlı uşağın tәhsil aldığı bu mәktәbin hamisi, әvvәlcә general-mayor Ehsan
xanın özü, sonralar isә onun iki oğlu-kapitan İsmayıl xan vә general-mayor Kәlbalı
xan olmuşlar. Bu vәtәnpәrvәr, ziyalı oğullar ata-baba mülkünü on iki il müddәtinә
mәktәb üçün pulsuz istifadәyә vermәklә yanaşı, hәr il Naxçıvan qәza mәktәbinin
nәfinә gümüş pulla iki yüz manat ianә dә hәdiyyә etmişlәr.
Tәәssüf ki, ailә sәadәtindә Qönçәbәyimin bәxti üzünә gülmәmişdir. Onu
1844-cü ildә sevmәdiyi Şamil xana әrә vermişlәr. Ömrünü sәrxoşluqla keçirәn
Şamil xana könül vermәmiş, ondan boşanmışdır. Könül verib sevdiyi, lakin qovuşa
bilmәdiyi mayor İbrahim xanın hәsrәtilә yaşamışdır.
Bizә sәk rәqiblәr deyirlәr asi4,
Mövlayә bağladıq yәni ixlası,
Mәn Bәyimәm İbrahimin butası,
Gizlin deyil aşkarә, de gәlsin.
Fәrәhlәndirici haldır ki, tәkcә naxçıvanskilәr nәsli Azәrbaycan hәrb tarixinә
beş general bәxş etmişdir. Nәvә Kәlbalı xanın oğlu Hüseyn xan Naxçıvanski dә
general-leytenant olmuşdur. O, rus ordusunda tam artilleriya generalı rütbәsinәcәn
yüksәlmişdir.
4 A s i - üsyan edәn, itaәt etmәyәn.
-
HÜSEYN XAN NAXÇIVANSKĠ
Hüseyn xana qәdәr bu nәsildә üç general olmuşdur. - Ehsan xan, Kәlbalı xan
vә İsmayıl xan. Sonuncu haqqında әlimizdә çox az mәlumat var. O, 1819-cu ildә
anadan olub, 1908-ci ildә sәksәn doqquz yaşında doğma vәtәni Naxçıvanda vәfat
edib. Kәngәrli tayfasındandır.
Onun haqqında daha bir qısa mәlumata hәrbi Sovet Ensiklopediyasının
birinci cildindә rast gәldik. Orada yazılır ki, Bәyazid şәhәri 1877-78-ci illәrdә rus
qoşunları tәrәfindәn mühasirәyә alınanda, iyirmi üç gün ağır döyüşlәr getdi. Bu
döyüşlәrә rәhbәrliyi polkovnik İsmayıl xan Naxçıvanski edirdi. Onun kömәkçilәri
kapitan Ştokviç vә poruçik Tomaşevski idi.
Ordudan general-leytenant rütbәsindә tәrxis olunan İsmayıl xan Ehsan xan
oğlu Naxçıvanski vәtәnindә quruculuq, abadlıq işlәri ilә mәşğul olmuşdur. O,
Naxçıvan şәhәrinә su çәkdirmiş, kәhrizlәr qazdırmış vә bu gün tarixi abidә kimi
qorunan günbәzli hamamı tikdirmişdir. Oğlu Әman xana mәşhur şairә Xurşidbanu
Natәvanın qızı Xanbikә xanımı alıb Qarabağ xanlığı ilә qohum olmuşdur.
Bizdә olan bu qısa mәlumatlardan burda ona görә istifadә etdik ki, bәzi
tәdqiqatçılar Hüseyn xanla İsmayıl xanı qarışıq salırlar. Bu sәhv ordan irәli gәlir
ki, bir çox mәnbәlәrdә hәr ikisinin adı ―Xan Naxçıvanski‖ yazılır. Zadәgan
nәslindәn olduqlarına görә sağlıqlarında da onlara hörmәt әlamәti olaraq ―xan‖
deyә müraciәt edirmişlәr. Hәtta Әliağa Şıxlinski ―Xatirәlәrim‖in yüz әlli beşinci
sәhifәsindә Hüseyn xanın birinci dünya müharibәsindәki fәaliyyәtindәn danışanda
yazır: ―General Xan Naxçıvanskinin komandası altında olan bizim süvarilәrimiz
alman süvarilәrini darmadağın etmişdilәr‖.
İsmayıl xan Hüseyn xanın doğma әmisidir. Rus ordusunda әvәzedilmәz
xidmәtlәri olan Hüseyn xana, sonralar Cәmşid xan Naxçıvanskiyә hәrb sәnәti,
yüksәk sәrkәrdәlik bacarığı irsәn keçmişdir.
Hüseyn xan Kәlbalı xan oğlu Naxçıvanskini müasirlәri sәrt, nüfuzlu bir
general kimi tәsvir edirlәr. İlk dәfә mәn onun şәklinә 1916-cı ildә çap olunmuş
―Niva‖ jurnalının yeddinci nömrәsindә rast gәldim.
Rus-yapon vә birinci dünya müharibәsindәki fәaliyyәtini müxtәlif arxiv
sәnәdlәrindәn öyrәndim. İlk gәncliyi vә tәhsil illәri haqqında isә Naxçıvanda
yaşayan tarix elmlәri namizәdi İbrahim Bağırov mәlumat verdi.
İbrahim müәllimin mәlumatına görә general Hüseyn xan Naxçıvanski 1863-
cü il iyunun iyirmi sәkkizindә anadan olub. Atası on beş yaşlı Hüseyn xanı
Peterburqdakı Paj korpusu mәktәbinә oxumağa göndәrir. O vaxtlar Peterburqda
çoxlu naxçıvanlı ziyalı yaşayırdı. Onların arasında xan nәslindәn olanlar çoxluq
tәşkil edirdilәr. İmperatorun şәxsi himayәsindә olan korpus mәktәbini Hüseyn xan
1881-ci ildә әla qiymәtlәrlә bitirir. Çarın xüsusi süvari qoşununda xidmәt edәn
kornet Naxçıvanski beş il keçmәmiş podporuçik rütbәsi ilә tәltif olunur.
Sonralar Qafqazda vә Rusiyanın müxtәlif şәhәrlәrindә hәrbi xidmәtdә olan
Hüseyn xan Naxçıvanski nümunәvi zabit kimi ali orden vә medallara layiq görülür.
Rus-yapon müharibәsi başlayana qәdәr o, İranın ―Şire-Xorşid‖ ordeninin ikinci vә
dördüncü dәrәcәsi ilә (bahalı almazla bәzәdilmiş), zabitlәrә mәxsus ―Rumın
-
ulduzu‖ ilә, Avstriyanın ―Dәmir xaç‖, ikinci dәrәcәli ―Stanislav‖, dördüncü
dәrәcәli ―Muqәddәs Aleksandr‖, ―Müqәddәs Anna‖, Bolqarıstanın ―Döyüş
xidmәtlәrinә görә‖ ordenlәri ilә tәltif olunur. Nizami orduda sәrkәrdәlik
qabiliyyәtinә görә, Hüseyn xan 1903-cü il aprelin altısında polkovnik rütbәsi alır.
İnqilabdan әvvәlki qәzetlәr, müxtәlif arxiv sәnәdlәri öz sәhifәlәrindә Hüseyn
xan haqqında az da olsa mәlumat verib. Onlarla tanış olanda istәr-istәmәz belә
qәnaәtә gәlirsәn ki, Әliağa Şıxlinski vә Sәmәd bәy Mehmandarov artilleriya
sahәsindә hansı zirvәni fәth etmişdisә, Hüseyn xan Naxçıvanski dә süvari
birlәşmәlәrinә komandanlıqda hәmin zirvәdә dayanırdı.
1904-cü ildә rus-yapon müharibәsi başlananda Naxçıvanski әksәriyyәti
qafqazlılardan tәşkil olunmuş ikinci Dağıstan süvari alayına komandanlıq edirdi.
Polkovnik Hüseyn xanın alayı 1905-ci il yanvarın on dördündә Lan-Lun-Qou
kәndi uğrunda ağır döyüşlәr aparmışdır. Bir neçә gün kәndi ala bilmәyәn
döyüşçülәr mahir komandirin hәrbi fәndi ilә dan üzü sürәtli hucuma keçәrәk onları
kәnddәn vurub çıxartmışlar. Bu güclü döyüş sәhnәsi mәşhur rәssam
Mazurovskinin yağlı boya ilә işlәdiyi rәsmdә әbәdilәşmişdir. Әsәrdә alay
döyüşçülәrinin qızğın hәmlәsi vә polkovnik Hüseyn xan Naxçıvanskinin obrazı
ustalıqla işlәnmişdir.
İgid hәmyerlimiz, polkovnik Hüseyn xan Naxçıvanski yaponlara qarşı
göstәrdiyi döyüş mәharәtinә görә üstü yazılı qızıl silah, dördüncü dәrәcәli
―Müqәddәs Georgi‖, bantlı ―Müqәddәs Vladimir‖ vә ―İgidliyә görә‖ ordenlәri ilә
tәltif olunmuşdur.
Birinci dünya müharibәsinә qәdәr imperatorun xüsusi qoşununda xidmәt
edәn Hüseyn xan Naxçıvanskiyә 1907-ci il martın otuz birindә general-mayor
rütbәsi verilmişdir.
Müasir rus hәrbi tәdqiqatçısı Fyodor Nesterov ―İllәrin әlaqәsi‖ (1984-cü il)
tarixi-publisistik әsәrindә әlahәzrәtin sadiq generalları sırasında artilleriya generalı
N.İ.İvanovun, general qraf Kellerin vә general Xan Naxçıvanskinin adlarını fәxrlә
çәkir. O yazır ki, çar II Nikolay manifestә qol çәkib hakimiyyәtdәn imtina edәndә
belә, bu әsilzadә generallar әlahәzrәtә teleqramla müraciәt edәrәk bildirdilәr ki, biz
hәmişә sәnә sadiq qalacağıq. İmperator uzun illәr boyu bu әsilzadә generallara
inanmaqda zәrrәcә sәhv etmәmişdi.
Hüseyn xan Naxçıvanski döyüşәn ordu generalı idi. O, bütün rütbә vә
tәltifatlara mәhz cәbhәlәrdәki xidmәtlәrinә görә layiq görülmüşdü. O, buyruq vә
mәiyyәt generalı deyildi. Hәrbçilәr daha yaxşı bilirlәr ki, süvari qoşunu üzrә tam
ali general rütbәsinә çatmaq nә qәdәr böyük istedad vә sәrkәrdәlik bacarığı tәlәb
edir. Hüseyn xan Rusiyanın o dövrdәki adlı-sanlı generalları ilә birgә işlәyirdi.
Şöhrәti bütün Rusiyanı dolaşan, A.Brusilov, Y.Barsukov, M.Draqomirov,
Y.Alekseyev kimi generallar, onun ordu heyәtindәki, müharibәdәki döyüş
xidmәtlәrini yüksәk qiymәtlәndirirdilәr. Yәqin ki, Hüseyn xan Naxçıvanskinin
birinci dünya müharibәsindәki xidmәtlәrini Dövlәt mükafatı laureatı, hәrb elmlәri
doktoru, professor, general-mayor Yevgeni Barsukovun yüksәk
qiymәtlәndirmәsindәn F.Nesterovun xәbәri olmamış deyil. Müharibәnin ilk iyirmi
gününü tәsvir edәn Barsukov, general Naxçıvanskinin müvәffәqiyyәtli hücumu
haqqında yazır:
-
―Bir döyüşdә Xan Naxçıvanskinin süvarilәri beş batalyonu, iki eskadronu,
on iki topu İnster çayının o tәrәfinә ataraq, iki top vә dörd qutu mәrmi әlә
keçirmişdilәr. İnster çayında, Meşken Kraupişken vә Lauqaden yaxınlığındakı
bәrәlәr tutulmuşdu.
Naxçıvanski 1914-cü ilin avqustunda Şәrqi Prussiyaya yürüşdә iştirak
etmişdir. General-leytenant Hüseyn xan rus süvarilәrinin әn yaxşı hissәlәrinә-
birinci vә ikinci qvardiya süvari diviziyalarına komandanlıq edirdi. Avqustun on
beşindәn iyirmi birinәdәk mәşhur Qumbien döyüşlәrini qәlәbә ilә başa çatdıran
Naxçıvanski süvarilәri, hәm dә birinci ordunun kәşfiyyat әmәliyyatını aparmış vә
döyüşdә onlara kömәk etmişlәr. Az sonra Hüseyn xanın qvardiya süvarilәri
Kraupişken şәhәri әtrafında, sәkkiz kilometr mәsafәdә özünә müdafiә mövqeyi
tutmuş almanlarla döyüşә girdi. Bu, hәlledici döyüş idi. Almanlar bir addım belә
geri çәkilmәk istәmirdilәr. Onlar ilk gündәn hücumu şiddәtlәndirib İnster çayı
sahillәrini tutmağa çan atırdılar. Düşmәn tәrәf Naxçıvanski süvarilәrinin güclü
hücumuna tab gәtirmәdi. İlk dәfә süvari qvardiya alayının eskadrolları almanların
müdafiә xәttini yarıb bir neçә topunu әlә keçirdi... Çoxlu zabit vә әsgәr itkisi verәn
düşmәn tәlәsik geri çәkildi.
Sentyabr ayında düşmәn cәhd edirdi ki, iki rus korpusunu birlәşdiyi yerdә
yaxalasın vә onlara qәfil zәrbә endirsin. Düşmәnin bu niyyәtini hiss edәn general
Naxçıvanski Qordauen-Nordenberq dәmir yolu boyunca mövqe tutaraq şiddәtli
döyüşlәri dayandırmadı. Almanların cәbhәni yarmaq cәhdi baş tutmadı.
Birinci dünya müharibәsi cәbhәlәrindә göstәrdiyi misilsiz qәlәbәlәrә vә
sәrkәrdәlik mәharәtinә görә, Hüseyn xan Naxçıvanskiyә 1916-cı il yanvarın iyirmi
üçündә tam süvari qoşun generalı rütbәsi verildi.
Bir çox ali mükafatlara layiq görülәn vә zabitlәrә mәxsus ―Müqәddәs
Georgi‖ ordeninin dörd dәrәcәsi ilә tәltif olunan görkәmli hәrbi xadim Hüseyn xan
Naxçıvanski 1919-cu ildә Petroqradda vәfat etdi. Onun mәzarı Aleksandr Nevski
monastrının qәbiristanlığındadır.
CӘMġĠD XAN NAXÇIVANSKĠ
O, Kәngәrli nәslindәn olan axırıncı generaldır. Onun general babalarının
hamısı qoca yaşında öz әcәli ilә vәfat edib. Tale Cәmşid xana cәmi qırx üç il ömür
qismәt elәdi. Onun da iyirmi altı ilini hәrbi fәaliyyәtdә keçirdi. Ömrünün әn qaynar
çağında otuzuncu illәrin haqsız qurbanlarından biri oldu. Günahı da bu idi ki,
qardaşı Davud vә Kәlbalı İranda şah qvardiyasında xidmәt edir. Guya Cәmşid xan
da başçılıq etdiyi ―casus-tәxribatçı dәstәsi‖ ilә onlarla sıx әlaqә saxlayır.
Azәrbaycanda şura hökumәti yarananda hәr iki qardaş rәsmi şәkildә icazә alıb
İrana getdilәr. Tezliklә İran ordusunda ad-san qazanıb yüksәk rütbә aldılar. Lakin
otuzuncu illәrdә şahәnşah Davud vә Kәlbalı qardaşlarına inamı itirdi. Sәbәbi dә
ondan ibarәt idi ki, onların qardaşı Cәmşid xan Naxçıvanski Qızıl orduda briqada
komandiridir. Axı vaxtilә onların ata babaları rus qoşunlarını Naxçıvana
çağırmışdı, İran ordusuna qarşı vuruşmuşdu. Görünür, şahәnşaha bu mәlumat da
çatdırılıbmış... Ona görә dә şahәnşah onları güllәlәtdirir. Bu tayda, 1938-ci ilin
-
mayında Cәmşid xan hәbs edilib güllәlәnәndә artıq dörd il әvvәl qardaşları İranda
qәtlә yetirilmişdi. Onda C.Naxçıvanski, Moskvada M.Frunze adına Ali Hәrbi-
Siyasi Akademiyanın ikinci kurs rәisi kimi yüksәk vәzifәdә işlәyirdi.
―Onun dalınca gecә gәldilәr. Axtarış aparmaq üçün şahid gәrәk idi. Dalandar
şahidlik etmәyә etiraz etdi: ―Kim olsaydı gedәrdim, bircә Naxçıvanskidәn başqa.
Mәn onun gözünә necә baxaram?‖. Hәbs etmәk barәdә orderlә qara emkada
gәlәnlәrdәn biri pillәlәri tәlәsik qalxdı. Qapını açan ev sahibәsinә hövlnak dedi:
―Lap qiymәtli nәyiniz varsa gizlәyin‖. Qızıl ordunun xan nәsilli briqada komandiri
Cәmşid Naxçıvanski pula-mala qәtiyyәn tamah salmayan bir insan idi.
Vidalaşarkәn o, qızı Aliyәnin yuxulu gözlәrindәn öpdü, arvadını bağrına
basdı: ―Özündәn vә uşaqdan muğayat ol! Mәnim heç bir günahım yoxdur. Tezliklә
qayıdacağam!..‖ - dedi.
O, uzun illәr keçәndәn sonra qayıtdı. Qayıtdı ki, xalqın yaddaşında әbәdi
qalsın‖ (Qriqori Akselrod ―Xan nәsilli briqada komandiri‖. ―Nedelya‖ qәzeti №
17, 1988-ci il).
O dövrdә haqsız güllәlәnәn briqada komandiri Cәmşid xan Naxçıvanski,
diviziya komandiri Qambay Vәzirov, komissar Heydәr Vәzirov, Cabir Әliyev,
polkovnik Cәlil Әliyev, Seyfulla Mehdiyev, Qalib Vәkilov vә Soltanhәmid
Paşayevin sәnәdlәri ilә tanış olanda, sağ qalan müasirlәrindәn general-mayor Akim
Abbasovun, professor Әyyub Әsgәrovun vә onların ailәlәrinin xatirәlәrini
dinlәyәndә yanıb-yaxılırsan. Adamı yandıran odur ki, bu igid komandirlәrin
fәaliyyәtindә yeni quruluşa qarşı hardasa zәrrәcә inamsızlıq, sәhv vә büdrәmәlәr
tapa bilmirsәn. Bәs haqsız qan niyә axıdılıb, onların ailәlәri sürgünlәrdә min bir
әziyyәti niyә çәkib? Stalinin әshabәlәri - Beriya, Bağırov belә görkәmli hәrbi
xadimlәrimizi qanlı ―tәmizlәmә‖ maşınında niyә mәhv ediblәr? Suallar, suallar...
Onlara cavab tapmaq çәtindir.
Otuzuncu illәrdә bağları doğradılar ki, bәylәr salıb, bәhrәsini yemәk olmaz.
Evlәri uçurdular ki, xanlardan qalıb. Mәscidlәri bağlayıb allahsızlar ittifaqı
yaratdılar. Oğulları hәbs edib öldürdülәr ki, nәsli bәy olub, xan olub.
Bu gün tarix bu sәhvlәri boynuna aldığına görә otuz-qırxıncı illәr dövründә
vә әllinci illәrin әvvәllәrindә repressiya qurbanlarına bәraәt verir. Onların şәrәfinә
abidәlәr ucaldır, küçәlәrә, meydanlara onların adı verilir. Nәhayәt, gәnc nәsil gec
dә olsa görkәmli ata-babalarının xatirәsi önündә mәnәvi borcunu yerinә yetirir.
Heç bir ―casus-tәxribatçı dәstәsi‖ olmayan (әslindә belә bir dәstә yox idi),
İrandakı qardaşları ilә heç vaxt mәktublaşmayan Cәmşid xan da, o vaxt çox adi bir
hala çevrilәn müdhiş cәzanın qurbanı oldu. Günahı isә xan nәslindәn olmağı idi.
Haqqında söhbәt açdığımız Kәngәrlilәrin xan nәsli Azәrbaycan hәrb tarixinә
qızıl sәhifәlәr yazmış Cәmşidi 1895-ci il avqustun iyirmi üçündә dünyaya bәxş
etdi. O, yeddi yaşına çatanda anası Fәrәntac xanımdan Azәrbaycan dilindә
yazmağı, dayәsi Anna İvanovna Nikolayevnadan isә rus vә fransız dillәrindә
danışmağı öyrәnmişdi. Sәkkiz yaşlı Cәmşidi rus ordusunun zabiti olan atası Cәfәr
xan Tiflisdәki yunkerlәr mәktәbinә qoyur. Bir il sonra Qәrbi Ukraynadakı
Yelizavetqrad (İndiki Kirovqrad şәhәri - Ş.N.) qvardiya mәktәbinә göndәrilir.
1914-cü ildә podporuçik rütbәsi ilә qvardiya mәktәbini bitirir. Birinci dünya
-
müharibәsi başlananda imperiyanın müsәlman әhalisindәn tәşkil olunmuş tatar
süvari eskadronunun komandiri tәyin olunur.
Cәmşid Naxçıvanski hәrbi mәharәti ilә ilk dәfә birinci dünya müharibәsindә
ad-san qazanmışdı. O, ―Brusilov cәbhәsi‖nin yarılmasında iştirak etmiş.
―Müqәddәs Georgi‖ ordeninin dördüncü dәrәcәsi ilә tәltif olunmuşdu. Avstriya vә
Rumıniya cәbhәlәrindә üç dәfә yaralanan Naxçıvanski igid bir süvari zabiti kimi
gümüş silahla tәltif edilmiş vә ikinci, üçüncü, dördüncü dәrәcәli Anna, ikinci,
üçüncü dәrәcәli Stanislav ordenlәri ilә mükafatlandırılmışdır.
Cәnub-qәrb cәbhәsi dağıldı. Cәmşid Naxçıvanski başçılıq etdiyi süvari alayı
ilә birgә doğma Azәrbaycana qayıtdı. Füsunkar Qarabağın Şuşa şәhәrindә yerlәşәn
alay daşnak tör-töküntülәrinә vә daxili düşmәnlәrә qarşı döyüş әmәliyyatlarında
fәal iştirak etdi.
Azәrbaycanda Aprel inqilabından bir neçә gün sonra respublika Xalq
Komissarları Sovetinin sәdri Nәriman Nәrimanov Şuşaya tәcili teleqram göndәrdi.
O, alay komandiri Cәmşidә tәklif edirdi ki, dәrhal Bakıya qayıtsın vә milli ordu
hissәlәrinin tәşkilinә başlasın. Onun komandirlik etdiyi süvari polku könüllü olaraq
sovet ordusu tәrәfinә keçdikdәn sonra Birinci fәhlә-kәndli polku adlandırılaraq XI
Ordunun tәrkibinә daxil edilir. Cәmşid Naxçıvanskinin özü isә ilk Azәrbaycan
birlәşmiş komanda mәktәbinin müavini, az sonra isә rәisi tәyin olunur. Ordu
komandiri kimi ilk günlәrdәn lәyaqәtlә xidmәt edәn C.Naxçıvanskiyә hәmişә
müsbәt xasiyyәtnamәlәr verilmişdir.
İstedadlı sәrkәrdәnin sovet hökumәtinә sәdaqәt vә mәhәbbәti, yüksәk hәrbi
biliyi XI Ordunun komandanı Levandovski, hәrbi İnqilab Şurasının üzvü
S.Orconikidze, Azәrbaycan hәrbi-Dәniz Xalq Komissarı Әliheydәr Qarayev
tәrәfindәn yüksәk qiymәtlәndirilmişdir.
1921-ci il martın on dördündә ordu komandanı Levandovskinin Cәmşid
Naxçıvanskiyә verdiyi xasiyyәtnamәdә oxuyuruq:
―Korpus da daxil olmaqla bütün hissәlәrә operativ, taktiki cәhәtdәn
komandanlıq etmәyә tam layiqdir... Sakit, tәmkinli, fәal vә tәşәbbüskardır...
Azәrbaycan MİK-in vә Zaqafqaziya MİK-nin tәrkibinә seçilmişdir. Diviziya
komandirliyi vәzifәsinә tam uyğundur‖.
İyirmi birinci il dekabrın on doqquzunda milli diviziya yaratmaq işindәki
fәallığına görә Naxçıvanskiyә Azәrbaycan hәrbi Dәniz Xalq Komissarlığı tәşәkkür
elan etmiş vә mükafat olaraq ona gümüş dәstәkli qılınc hәdiyyә verilmişdi. O, yeni
yaradılan Azәrbaycan dağ-atıcı diviziyasına komandir tәyin olundu.
General-mayor Akim Abbasov vaxtilә Naxçıvanskinin komandir olduğu
diviziyada xidmәt edib.
- Cәmşid Naxçıvanski qәtiyyәtli komandir idi. Onun gözәl cizgili siması,
sәliqәylә yana ayrılıb daranmış qara saçları vә qalın qaşları altında açıq, aydın
baxışları indi dә gözümün önündәdir. O, yaraşıqlı qamәti, hәrbçilәrә mәxsus
dәyanәti ilә müasirlәrindәn seçilirdi. Biz-Cәmşid Naxçıvanskinin diviziyasında
xidmәt edәnlәr, ondan hәrbi peşәnin sirlәrini öyrәnmiş komandirlәr onu iftixarla
xatırlayırıq. Biz bu gün dә keçmiş әnәnәlәrә görә onu ―Xan Naxçıvanski‖, döyüş
tәxәllüsünә görә ―Şamo‖ deyә yad edirik. Xanlar rayonu әrazisindәn iki kilometr
cәnub-şәrqdә yerlәşәn dağı biz komandirlәr vә qızıl әsgәrlәr, hәmçinin yerli
-
sakinlәr komandirimizә ehtiram әlamәti olaraq ―Xan Naxçıvanski dağı‖
adlandırırdıq. Cәmşid komandir mәntәqәsini bu dağda qurmuşdu. Buranın relyefi
elәdir ki, hәmin dağdan әtrafın geniş әrazisi, Azәrbaycan diviziyasının tәlim
meydançaları aydın görünürdü.
Cәmşid Naxçıvanski hәrtәrәfli hәrbi mütәxәssis idi. O, siyasi cәhәtdәn
hazırlıqlı vә inqilab işinә sәdaqәtli zabit idi.
Mәhz bu yüksәk keyfiyyәtlәrinә görә 1923-cü ildә hәrbi İnqilab Şurasının
әmri ilә Cәmşid Qızıl Ordunun ali komanda heyәti kursuna dinlәyici qәbul olunur.
Bu kursu müvәffәqiyyәtlә bitirәn Naxçıvanski 1931-ci ildәn M.V.Frunze adına
hәrbi Akademiyanın xüsusi qrupunda tәhsilini davam etdirir. Buranıda fәrqlәnmә
diplomu ilә başa vuran Cәmşid Naxçıvanski xalq müdafiә komissarının әmri ilә
müәllim saxlanılır.
Hәmin dövrdә C.Naxçıvanskiyә verilmiş attestasiya sәnәdindә oxuyuruq:
―C.Naxçıvanskiyә әvvәllәr verilәn müsbәt rәylәr öz qüvvәsindә saxlanılsın.
O, hәr cәhәtdәn inkişaf etmişdir. Cәmşid Naxçıvanski hәrbi tәlimlәrdә, operativ
taktiki әmәliyyatlarda özünü bacarıqlı sәrkәrdә kimi göstәrmişdir.
C.Naxçıvanskidәn korpus komandiri kimi dә istifadә etmәk olar... O, tәmkinli,
sakit tәbiәtlidir, tükәnmәz enerjiyә malikdir, tәşәbbüskardır, gözәl inzibatçıdır,
yaxşı tәşkilatçılıq qabiliyyәti vardır...‖.
Bu da hәrbi Akademiyanın kurs rәisi vә komissarı, sonralar Sovet İttifaqı
marşalı Boris Şapoşnikovun hәmin attestasiyanın tәsdiqi barәdә rәyi:
―Cәmşid Naxçıvanskinin attestasiyası ilә razıyam, atıcı diviziyasının
komandiri vәzifәsinә münasibdir‖.
Vaxtilә süvari qoşunun qızğın pәrәstişkarı olan Cәmşid orduda bu qoşun
növünә vәtәndaş müharibәsinin tәәssüratı ilә hәddәn artıq qızğın münasibәt
bәslәyәnlәrin birinci olaraq әleyhinә çıxanlardan idi. O, Akademiyanın
dinlәyicilәrini köhnәlmiş şablonlardan tezliklә azad olmağa çağırırdı; sübut edirdi
ki, gәlәcәk müharibәdә cinahların dövrәlәnmәsi üstünlük tәşkil edәcәk; döyüş
meydanlarında o kәs qalib gәlәcәk ki, müxtәlif qoşun növlәrinin qarşılıqlı
fәaliyyәtini tәmin edә bilәcәk, döyüşün idarә olunmasına yaradıcı şәkildә
yanaşmağı öyrәnәcәk. Toxum münbit zәminә düşmüşdü. Lakin bu toxumun
cücәrmәsi...‖5
Bәli, nadanlar, şәr vә iftira düşkünlәri bu toxumun cücәrmәsinә imkan
vermәdilәr. Onun tәrbiyә edib yetişdirdiyi müdavimlәri S.Biryuzov, A.A.Qreçko,
P.F.Batisti marşal rütbәsinә çatdılar. Özü isә günahsız mәhv edildi. Onun
fәaliyyәtinә verilәn xasiyyәtnamәlәrlә, rәylәrlә tanış olandan sonra Cәmşid
Naxçıvanskinin ―xalq düşmәni‖ çıxmasına inanmaq çox çәtindir. Bu ağa qara
demәk kimi bir yalandır. Ona görә dә polad kimi әyilmәyәn Cәmşidi sındırdılar.
Lakin o, istintaqda heç bir yalanı boynuna almayıb. Özünün günahsız dostlarını
satmayıb, nә xalqının, nә dә nüfuzlu nәslinin adını lәkәlәmәyib.
İllәr keçdi. Başqaları kimi sonralar ona da bәraәt verildi. Vaxtilә haqqında
ürәk dolusu danışa bilmәdiyimiz bu görkәmli komandir haqqında gәnc nәslә
5 Akselrod. Göstәrilәn oçerk.
-
mәlumat vermәk üçün imkan yarandı. İndi onun adına Bakıda ixtisaslaşdırılmış
internat mәktәb vә küçә var. Boya-başa çatdığı Naxçıvanda isә ev muzeyi
açılmışdır.
Bakı Dövlәt Universitetinin müәllimi, hüquq elmlәri doktoru, professor
Әyyub Әsgәrov vaxtilә yetmiş yeddinci Azәrbaycan atıcı diviziyasının sıralarında
zabit kimi xidmәt edib.
O, istedadlı sәrkәrdә Cәmşid Naxçıvanskinin son günlәrinin şahidi olub:
1937-ci ilin payızında Leninqradda keçirdiyim mәzuniyyәtdәn geri
qayıdırdım. Moskvada hәrbi kursda oxuyan yoldaşlarımla görüşmәk uçün Frunze
adına akademiyaya getdim. Yaxın dostum vә akademiyanın müdavimi Hacıbaba
Zeynalovun qonağı oldum. Hәmyerlilәrimiz Cәlil Әliyev, Әhmәdәli Әliyev,
Bәhram Şıxıyev, Fәrhad Şahbazov vә başqaları ilә dә burada görüşdüm.
Bir gün Hacıbaba Zeynalovun otağında şama toplaşmışdıq. Bu vaxt
C.Naxçıvanski otağa girdi. Biz hamımız ayağa qalxıb ehtiramla, rәsmi tәzim
edәrәk onu salamladıq. Görkәmli sәrkәrdә hәr birimizlә ayrı-ayrılıqda görüşdü.
Üz-gözündә xoş tәbәssum cilvәlәnirdi... O, 77-ci Azәrbaycan atıcı diviziyasında
xidmәt etdiyimi bildikdә mәnimlә söhbәtә başladı. Azәrbaycan xalqının hәyatı ilә
yaxından maraqlandı, diviziyanın siyasi döyüş hazırlığı sahәsindә әldә etdiyi
uğurlar barәdә yeni mәlumatları çox diqqәtlә dinlәdi vә ürәkdәn sevindi. O,
Vәtәnin müdafiә qüdrәtini daim möhkәmlәndirmәyin, dövrün tәlәblәrinә uyğun
olaraq, yüksәk bilikli kadrların hazırlanmasının, xüsusilә yeni texnikaya
yiyәlәnmәyin vacib olduğunu bildirdi. Sonra: Oğul, bizim xalqımıza yaxşı
hazırlıqlı kadrlar lazımdır, - dedi. Gedәrkәn hamıya müraciәt edәrәk: - Bu ali
hәrbi mәktәb-akademiya әsl siz gәnclәrin yeridir, sizin üçündür, әfsus ki, bizim
nümayәndәlәrimiz burada çox azdır. Üzünü mәnә döndәrib: - Çalışın, qoçaq olun,
mәn elә sizi dә burada görmәk istәrdim, - deyib xoş arzularla bizdәn ayrıldı.
GENERAL FӘRӘC BӘY AĞAYEV
1958-ci ildә Şamaxıdakı dördsinifli ali ibtidai mәktәbdә yüz qırx dörd nәfәr
buraxılış imtahanı verirdi. Onlardan otuz iki nәfәri azәrbaycanlı idi. Burada
zadәgan, ruhani, rәiyyәt silkinә mәxsus uşaqlar tәhsil alırdılar. İmtahan verәnlәr
arasında uzun illәr çar ordusunda xidmәt edәn praporşik Sәlim bәyin oğlu Hәsәn
bәy Mәlikov da vardı. Buraxılış imtahanlarını qeyri-adi bir müvәffәqiyyәtlә verәn
Hәsәn bәy fitri istedadı ilә hamını heyran qoydu. İmtahanda iştirak edәn Qafqaz
tәhsil dairәsinin müdiri baron Aleksandr Pavloviç Nikolai, Hәsәn bәy Mәlikovun
padşahlıq hesabına birinci dәrәcәli Tiflis gimnaziyasına qәbul olunmasına
mәmnuniyyәtlә razılıq verdi.
Lakin mәktәbin direktoru üzrxahlıq edib:
- Aleksandr Pavloviç, - dedi, - cәsarәt edib haqqında hüzurunuza tәrif dolu
tәlәbnamәlәr yazdığım şagird Hәsәn bәy Mәlikov, bax budur. Özünüz onun
biliyinin şahidi oldunuz.
- Yadımdadır, sәhv etmirәmsә bir ildә iki dәfә yazmışdınız. - Baron Nikolai
ani olaraq fikrә gedib, - cәnab direktor, - dedi, - bu cılız müsәlman balası sizin
-
yazdığınız tәriflәrә dә layiqdir. Әlbәttә, bu müvәffәqiyyәtin qazanılmasında sizin
müәllimlәrin böyük әmәyi var. Mәn onun Tiflis gimnaziyasında oxumasına bütün
qәlbimlә sevinәrdim. O hәqiqәtәn istedadlı uşaqdır.
Mәktәb müdiri ona vә mәktәbinә deyilәn tәrifdәn xoşhal olub, barona
hörmәtlә tәzim etdi.
- Möhtәrәm Aleksandr Pavloviç, ancaq bir çәtinliyimiz var.
Nәdi o çәtinlik, nәdәn ibarәtdir?
- İnişil bu uşağın atası Sәlim bәy vәfat etdi. İndi ailәnin başçısı onun böyük
qardaşıdır. O da iki ayağını bir başmağa dirәyib deyir ki, qardaşım Hәsәn bәyin
Tiflisә oxumağa getmәsinә razı deyilәm.
- Niyә?
- Deyir ki, uşağı gözümdәn uzağa qoya bilmәrәm. Hәlә çox balacadır.
- Olarmı o cәnabla özüm söhbәt edәm? Bәlkә, yola gәtirdik.
- Olar, amma bir mәsәlәni sizә açım...
Baron şәhadәt barmağını dik tutub zarafatla:
- Dayan, dayan, yәqin sünnidir, tәrs damarı var. Sәn dә ondan qorxursan, -
deyib başını bulaya-bulaya: - ay müsәlmanlar, ay müsәlmanlar...
- Yox, Aleksandr Pavloviç, sünni olmağına sünni deyil, qorxuram, tәrs
damarı tutar, daha da acığa düşәr, belә istedadlı, uşaq әlimizdәn çıxar. Mәn bir
fәnd işlәtmişәm. Deyim, qulaq asın. Hәsәn bәyin atasının dayısı general-leytenant
Fәrәc bәy Ağayev Tiflisdә yaşayır. Yәqin ki, siz dә onu tanıyırsınız. Generalın
imzası ilә bir xahişnamә hazırlamışam. Guya o, bizim mәktәb müdiriyyәtindәn
tәvәqqe edir ki, Hәsәn bәyi Tiflis gimnaziyasına oxumağa göndәrәk...
- Qardaşı yenә dә razılaşmır?
- Biz hәlә generalın mәktubu barәdә Hәsәn bәyin böyük qardaşına bir söz
demәmişik. İstәrdik ki, mәktub barәdә ona siz deyәsiniz.
- Niyә mәhz mәn...
- Ona görә ki, siz Qafqaz tәhsil dairәsinin hamisisiniz.
Zaqafqaziya Baş İdarәsi Sovetinin üzvüsünüz, hәm dә hәqiqi mülki müşavirsiniz.
Sizin - baron Aleksandr Pavloviç Nikolainin sözü daha inandırıcı olar.
- General-leytenant Fәrәc bәy Ağayev hәzrәtlәrini mәn dә yaxşı tanıyıram.
Deyirsәn, cәsarәt edib onun adından danışaq? Mәnә belә gәlir ki, bir müsәlman
ziyalısının artması üçün işlәtdiyimiz fәndә görә cәnab general bizi bağışlar. Amma
onu da deyim ki, bu fәnd heç dә bәd deyil. Çox mәharәtlә tapılıb. Uşağı xilas
etmәyin başqa yolu yoxdur. General tәrәfdәn arxayın olun, razılıq mәnim
boynuma. Bu barәdә Tiflisә qayıdan kimi onun özünә dә mәlumat verәrәm.
Baron Aleksandr Pavloviç Nikolai Tiflisә qayıdanda Şamaxı mәktәb
müdirinin işlәtdiyi ―fәnd‖ haqqında generala mәlumat verdi. General bığaltı
gülümsündü vә mәmnuniyyәtlә qohumu Hәsәn bәy Mәlikovu himayәsinә
keçirәrәk, Birinci dәrәcәli Tiflis gimnaziyasına qәbul olunmasına kömәk etdi.
Bәs, general-leytenant Fәrәc bәy Ağayev kimdir? Necә olub ki,
tәdqiqatçılarımız onun üstündәn sükutla keçiblәr? Hәsәn bәy Zәrdabi kimi
görkәmli maarifpәrvәri bizә bәxş edәn bu xeyirxah adamın ömür yolu hәyatın
hansı sınaqlarından çıxıb?
-
General-leytenant Fәrәc bәy Ağayevin haqqında biz ilkin mәlumata
―Kavkaz‖ qәzetinin sәkkiz dekabr min sәkkiz yüz doxsan birinci il tarixli
nömrәsindә vә ―Kavkazski kalendar‖ illik mәcmuәsinin 1873-1874-cü illәrdәki
nömrәlәrindә rast gәldik. Birinci mәnbәdә haqqında geniş mәlumatla ―Fәrәc bәy‖
kimi tәqdim olunan eloğlumuz, ikincidә Qafqaz Әlahiddә Ordusunun generalları
sırasında ―Nikolay Nikolayeviç Ağayev‖ adlandırılır. Ona görә ki, bu yaraşıqlı,
igid qafqazlı zabitini 1844-cü ildә imperator birinci Nikolay vә onun arvadı
Mariya Aleksandrovna xaç suyuna çәkib oğulluğa qәbul etmişdilәr.
Uzun müddәt Peterburqda xidmәt edәn padşahın sevimlisi Fәrәc bәy
Ağayevә Qafqaza qayıtdıqdan sonra yaxın qohumları belә yaxşı münasibәt
bәslәmәmişlәr. Hәtta Hәsәn bәy Zәrdabi mәktublarından birindә yazır ki, atam el
arasında xәcalәt çәkirdi ki, dayısı rus adını qәbul edib. Ona görә dә ondan üz
döndәrib küsmüşdü. Get-gәlimiz belә yox idi. Ömrünün sonlarında Tiflisdә
yaşayan generala hamı ―rus Ağayev‖ deyәrmiş. Şübhәsiz ki, sonralar sәhvini başa
düşәn general vәsiyyәt etmişdir ki, nekroloqunda ad-familiyası Fәrәc bәy Ağayev
kimi göstәrilsin. Onun bu vәsiyyәtinә әmәl olunur.
General-leytenant Fәrәc bәy Ağayev füsunkar Qarabağın Şuşa şәhәrindә
1811-ci ildә adlı-sanlı bәy ailәsindә dünyaya gәlib. İlk hәrbi tәhsilini Tiflis kadet
korpusunda aldıqdan sonra 1837-ci ildә Qafqaz Әlahiddә Ordusunda müsәlman
süvari polkunda xidmәtә başlayıb. Xidmәtinin yeddinci ilindә әn yaxşı qvardiya
rotmistri Fәrәc bәy eskadron komandiri kimi Peterburqa göndәrilir. Peterburqda o,
birinci Nikolayın xüsusi qvardiya kazak polkunda leybqvardiya komandiri
vәzifәsinә tәyin olunur. Elә burda da o, imperatorun vә onun arvadı Mariya
Aleksandrovnanın sevimlisi olur.
Fәrәc bәy Ağayev özünün qeyri-adi hәrbi qabiliyyәti vә igidliyi sayәsindә
xidmәtinin on ili әrzindә polkovnik rütbәsinә kimi yüksәlir. 1850-ci ilә qәdәr
Peterburqda, xüsusi qvardiya kazak polkunda qüsursuz xidmәt edәn polkovnik
F.Ağayev hәmin ili Әlahiddә Qafqaz Ordusunun sәrәncamına göndәrilir.
1853-cü ildә Krım müharibәsi başlananda polkovnik Fәrәc bәy Ağayev
Qarabağın azәrbaycanlı igidlәrindәn ibarәt süvari alayı tәşkil edib, özü dә onun
komandiri olur. Müxtәlif arxiv sәnәdlәri, komandanlığa göndәrilәn raport vә
mәktublar göstәrir ki, Fәrәc bәyin şuşalılardan ibarәt süvari polku Kürәkdәrә
uğrunda gedәn döyüşlәrdә altmış minlik korpusa qarşı dönmәz bir iradә ilә
vuruşmuşdur. 1854-cü ildә osetinlәrdәn tәşkil olunmuş milis alayı da Fәrәc bәyin
alayına tәhkim edilir. Süvari qoşun dәstәsinin komandiri kimi yüksәk vәzifә
daşıyan eloğlumuz hәrbi xidmәtinә vә qoşun başçısı kimi göstәrdiyi qәhrәmanlığa
görә üstündә ―Cәsurluğa görә‖ yazılmış qızıl xәncәrlә, çoxlu hәrbi ordenlәrlә,
hәmçinin imperator tacı ilә bәzәdilmiş birinci dәrәcәli ―Müqәddәs Anna‖ ordeni vә
ikinci dәfә birinci dәrәcәli ―Müqәddәs Anna‖ (qılıncla birgә) ordenlәri ilә tәltif
olunmuşdur.
1853-56-cı illәrdәki sәrkәrdәlik fәaliyyәtinә görә Fәrәc bәy Ağayev general-
mayor kimi fәxri rütbәyә layiq görülür.
Müharibә yenicә başlayanda Fәrәc bәy Ağayevin başçılığı ilә Qarabağ
Azәrbaycan süvari dәstәsinin tәşkili haqqında Peterburqa mәlumat göndәrәn qraf
Vorontsov qeyd edirdi ki, polkovnik Fәrәc bәyin sayәsindә könüllü dәstәlәr
-
tezliklә yığıldı. Döyüşçülәr yürüşә mәşhur Qarabağ kәhәrlәrindә vә layiqincә
silahlanmış halda başladılar.
Qırx ilә yaxın orduda qüsursuz xidmәt edәn Fәrәc bәy Ağayev 1882-ci ildә
general-leytenant rütbәsindә istefaya çıxmışdır. Ömrünün sonuna kimi Tiflis
Xeyriyyә cәmiyyәtindә çalışan general-leytenant Fәrәc bәy Ağayev min sәkkiz yüz
doxsan birinci il noyabrın iyirmi altısında sәksәn yaşında Tiflisdә vәfat etmişdir.
GENERAL-LEYTENANT ӘRӘBLĠNSKĠ
Min doqquz yüz ikinci il, yanvarın üçündә Dәrbәndin qәdim müsәlman
qәbiristanlığında istefada olan general-leytenant Balakişi Әlibәy oğlu Әrәblinskini
әsgәri şәrәflә dәfn etdilәr. Bu, Qafqazın müsәlman әhalisindәn Rusiyada ilk ali
hәrbi tәhsil alan Azәrbaycan oğlu idi.
Hәmin gün general-leytenantı Dәrbәnd әhalisi vә Abxaz, Samur, Abşeron,
bir dә Şirvan süvari alayının әsgәrlәri şәrәflә son mәnzilә yola saldılar.
Tam әlli il rus ordusunda nümunәvi xidmәt edәn general-leytenant Balakişi
Әrәblinski 1828-ci ildә Zaqatalanın Tala kәndindә anadan olmuşdur. Mahal rәisi
Әlibәyin ailәsindә böyüyәn Balakişi Peterburqdakı birinci dәrәcәli kadet
korpusunu 1948-ci ildә müvәffәqiyyәtlә bitirib kornet rütbәsi almışdır. Müxtәlif
hissәlәrdә qüsursuz xidmәt edәn Әrәblinski çox gәnc yaşlarında, podpolkovnik
rütbәsindә briqada komandiri kimi mәsul vәzifәyә irәli çәkilmişdir. Sonralar
diviziya komandiri olan general-leytenant Balakişi Әrәblinski әlli illik xidmәtindә
o vaxt Rusiyada olan bütün yürüş vә döyüşlәrdә iştirak etmişdir.
Hәlә 1848-49-cu illәrdә Vilaqoş qalası uğrunda gedәn ağır döyüşlәrdә
hәmyerlimiz kapitan Әrәblinski dә mәrdliklә vuruşaraq birinci dәrәcәli müqәddәs
Stanislav ordeni ilә tәltif olunmuşdur.
Balakişi Әrәblinskinin ikinci böyük yürüşü 1854-cü ildә Rusiyanın Xivә
xanı ilә apardığı müharibәdә olmuşdur. Bu hәrbi sәfәrdә mayor Әrәblinski general
Lazerevin ordusunda vuruşurdu.
Bu illәrdә Qarabağ süvari dәstәsinin tәrkibindә general-leytenant Fәrәc bәy
Ağayev, Azәrbaycan süvari briqadasında general-mayor İsmayılbәy Qutqaşınlı,
Mәnsurağa Vәkilov, ikinci süvari Azәrbaycan alayının komandiri, polkovnik
İsrafilbәy Yadigarov, podpolkovnik Cәfәrağa Әlibәyağa oğlu, general-mayor
Cәfәrquluağa Bakıxanov, dördüncü İrәvan süvari batalyonunun komandiri mayor
Ağasıbәy Avşarov (1887-ci ildәn general-mayor olub. - Ş.N.), mayor Firidunbәy
Vәzirov (1877-78-ci illәr Rusiya-Türkiyә müharibәsindә general-mayor rütbәsi
alıb. Ş.N.) vә başqa hәmyerlilәrimiz qorxmaz döyüşçü, bacarıqlı komandir kimi
tanınırdılar.
1853-56-cı illәrdә Krım müharibәsindә dörd süvari alayında mindәn çox
azәrbaycanlı әsgәr vә zabit vuruşurdu. Onlardan biri dә Balakişi Әrәblinski idi. Bu
müharibәdә podpolkovnik Әrәblinski göstәrdiyi igidliyә görә üstü yazılı qılınc vә
müqәddәs Anna ordeni ilә tәltif olunmuşdur.
Balakişi Әrәblinskinin iştirak etdiyi sonuncu müharibә 1877-1878-ci
illәrdәki Rusiya-Türkiyә müharibәsi idi. Qısa müddәtli döyüşdә göstәrdiyi qeyri-
-
adi igidliyә vә әvәzsiz komandirlik fәaliyyәtinә görә hәmyerlimiz Balakişi
Әrәblinski general-mayor rütbәsinә layiq görülmüşdür.
1896-cı ildә istefaya çıxan general-leytenant Balakişi Әrәblinski Dәrbәndә
qayıtmış, ömrünün axırına kimi orada yaşamış, imperator tәrәfindәn ona hәdiyyә
olunan torpaq sahәsinә başçılıq etmişdir. Yerli әhali arasında gözәl insani
keyfiyyәtlәri ilә hәdsiz hörmәt qazanmış general-leytenant Balakişi Әrәblinskinin
şәrәfinә adlandırılan Dәrbәnd yaxınlığındakı kәnd vә stansiya indi dә onun adını
daşıyır.
1902-ci il 20 yanvar tarixli nömrәsindә ―Kaspi‖ qәzeti general-leytenant
Balakişi Әrәblinskiyә hәsr etdiyi nekroloqda yazırdı: ―Mәrhum tәbiәtәn humanist
idi. Rütbәsindәn vә milliyyәtindәn asılı olmayaraq çәtin anlarda hәmişә hamının
kömәyinә gәlir, hәyatda özünü çox sadә aparırdı. Rәis kimi xidmәti işdә tәlәbkar
olsa da, әdalәtli idi. Tabeliyindә olanlara qayğı ilә yanaşırdı. Buna görә dә әn aşağı
rütbәlilәr belә onu ata kimi sevir, hörmәt edirdilәr. Onun diqqәti cәlb edәn
keyfiyyәtlәrindәn biri dә qonaqpәrvәrliyi idi.
General-leytenant Balakişi Әrәblinskinin dәfn mәrasimindә iştirak edәnlәrin
hәdsiz çoxluğu ona olan xalq mәhәbbәtinin әyani tәzahürüdür. Onun evindәn
qәbiristanlığa qәdәr uzanan yol mәrhuma son borcunu vermәk mәqsәdi ilә tabutu
müşayiәt edәnlәrlә dolu idi‖.
General-leytenant Balakişi Әrәblinskinin iştirak etdiyi müharibәlәr haqqında
indiyәdәk onlarla elmi, bәdii әsәrlәr yazılıb. Ancaq nәdәnsә general Әrәblinskinin
adı bu müharibәyә aid nә elmi, nә dә bәdii әsәrlәrdә heç olmasa bir dәfә dә
çәkilmir. Tәdqiqatçı vә tarixçilәrimiz onun haqqında heç bir mәlumat vermәyiblәr.
İlk dәfә mәnә general Әrәblinski haqqında söhbәt açan Azәrbaycan Dövlәt
Tarix Muzeyinin elmi işçisi Nәrmin xanım Tahirzadә oldu. Onun nәvәlәrini
tapmaqda da Nәrmin xanım kömәyimә çatdı.
Hazırda general-leytenant Әrәblinskinin iki nәvәsi Bakıda yaşayır. Montin
qәsәbәsindә yaşayan qız nәvәsi Fatma xanım general babası dünyadan köçәndәn
iki il sonra anadan olub. Fatma xanımın dediyinә görә babasının mәnsub olduğu
Әrәblәr mәhәllәsi Zaqatalada indi dә durur.
Fatma xanımda generalın cәmi iki şәkli, bir dә generalın qızı Sona xanım
Әrәblinskayanın bacısı Nurcahana atasının xәstәliyi vә ölümü haqqında yazdığı
qısa bir mәktubu saxlanılır.
―Noyabrın iyirmisindә sarılıq xәstәliyinә tutuldu, az sonra sağaldı vә
bәdbәxtlikdәn yenidәn çiban çıxartdı. Dekabrın ikisindә tәşrih edib yaranı kәsdilәr.
Yaranın yerini qızmar dәmirlә xlorofomsuz dağladılar. Atamız yaşlı olduğuna görә
xlorofomdan istifadә etmәk olmazdı. Operasiyadan sonra özünü bir qәdәr yaxşı
hiss etdi. İyirmi gündәn sonra әhvalı birdәn-birә pislәşdi vә keçindi.
Min doqquz yüz ikinci il yanvarın ikisindә dәfn olundu. Müxtәlif polklardan
zabitlәr, deputatlar gәlib anamıza başsağlığı verdilәr.
Evimizin qabağı adamla dolu idi. Sonra matәm musiqisi çalındı. Küçәlәrdә
adam әlindәn güclә tәrpәnmәk olurdu‖.
General-leytenant Әrәblinskinin ikinci nәvәsi Hәyat xanım Abdullayevadan
isә onun çox qısa tәrcümeyi-halını öyrәnә bildim.
-
Bir dәfә Azәrbaycan Dövlәt Tarix Muzeyinin inqilaba qәdәrki sәrgi
guşәsindә bir portret gördüm. Orda meşin divanda әylәşәn Bakı milyoneri Hacı
Zeynalabdin Tağıyev öz evindә tәsvir olunmuşdu. H.Z.Tağıyevin başının üstündәn
isә general-leytenant Balakişi Әrәblinskinin portreti asılmışdı. Bәlәdçi qızdan
portretdәki generalın kimliyini soruşdum. ―Bilmirәm, tanımıram‖ - dedi. - Bircә
H.Z.Tağıyevi tanıyıram...
General Balakişi Әrәblinskinin portreti H.Z.Tağıyevin başı üstündәn
tәsadüfәn asılmayıb. Onlar qohum idilәr. Generalın kiçik qızı Sona xanım Hacı
Zeynalabdin Tağıyevin hәyat yoldaşı idi. Manaf Süleymanovun ―Eşitdiklәrim,
oxuduqlarım, gördüklәrim‖ kitabındakı maraqlı epizod bunu bir daha tәsdiq edir.
Müәllif yazır ki, Hacı Zeynalabdin öz qızları - Sara vә Leylanı Peterburqa, Smolnı
qızlar institutuna oxumağa göndәrmәk qәrarına gәlir vә sәnәdlәri ora yollayır. Çox
keçmir Smolnıdan rәdd cavabı gәlir ki, nә bәy, nә xan vә nә dә zadәgan
olmadığınız üçün qızlarınızı qәbul edә bilmәrik; bu instituta yalnız qraf, knyaz,
xan, bәy, әmir qızları qәbul edilir. Hacının arvadı Sona xanım rәsmi sәnәd tәqdim
edir ki, atası general Balakişi Әrәblinski müharibәdә rәşadәt göstәrib vә Rusiyaya
sәdaqәtinә görә çar tәrәfindәn qızıl silahla tәltif olunmuşdur; bu qızlar da onun
nәvәlәridir, bütün imtiyazlardan istifadә etmәk hüquqları var.
Tağıyevin qızları ana babalarına - general Әrәblinskiyә görә Smolnı qızlar
institutuna qәbul edilirlәr.
Hacı Zeynalabdin Tağıyevin qızı Sürәyya xanımın xatirәlәrindәn:
- Hәlә ötәn әsrin doxsanıncı illәrindә Buxara әmiri Seyid Mir Әbdül Әhәd
xan hәr il Qafqaza müalicәyә gedәrdi. Onun yolu hәr dәfә Bakıdan keçәr vә gedib
qayıdanda rәiyyәti ilә bәrabәr bir neçә gün şәhәrimizdә qalar, neft mәdәnlәrinә,
toxuculuq fabrikinә, ayrı-ayrı zavodlara, Mәrdәkandakı bağbanlıq mәktәbinә,
Bibiheybәt mәscidinә, teatr vә digәr yerlәrә baş çәkәrdi.
... Buxara әmiri hәr dәfә Bakının bir neçә nәfәr yüksәk rütbәli mәnsәb
sahiblәrinә, milyonçulara vә hәtta adi adamlara belә qızıl vә gümüşdәn birinci vә
ikinci dәrәcәli Buxara ―Ucalan ulduz‖ ordeni vә digәr Buxara medalları
bağışlayardı. Atama vә ana babam general-leytenant Әrәblinskiyә dә birinci
dәrәcәli ―Ucalan ulduz‖ qızıl ordeni vermişdi. Hacıya arxa tәrәfindә xoş sözlәr
hәkk edilmiş iri, çox qiymәtli bir qızıl saat da bağışlamışdı.
GENERAL BAKIXANOVLAR
Bakı xanı Mirzә Mәhәmmәd xan Sanini
övladlarından neçә nәfәri hәrb xidmәtindә
olub, hörmәt vә izzәt kәsb etmişlәr. Cümlәsindәn
mәşhuru vә qabili mәrhum Abbasqulu ağa
Bakıxanov olubdur. Bu zati-şәrif ağıl vә zәkavәti
sayәsindә az vaxtın içindә bir ülum vә fünuna
dara olub, müasirlәri beynindә ad vә san
qazanmışdı vә Qafqazın hәr yerindә adı
söylәnirdi. Mәrhum Salikin (Kazım ağa Salik
-
Şıxlinski - Ş.N.) müasiri imiş ki, ona ―diyari-
nәzmü şerdә padşahlıq‖ lәqәbi vermәklә onu yad
etmişlәr.
Biri Qüdsi lәqәb Abbasqulu bәy,
Diyari-nәzmü şerә padişahdır.
Firidun bәy Köçәrli
ġAĠR, ALĠM, GENERAL BAKIXANOV
Abbasqulu ağa artıq çoxdan rus ordusunda
xidmәtdәdir vә onu tanıyanların hamısı
bilir ki, atasının ümidlәri tamamilә
doğrulmuşdur. İndi o, Avropa mәdәniyyәtinә
daha yaxından bәlәd olmaq üçün vә
maraqlandığına görә Rusiyanı sәyahәt
edir.
Y.N.Ozeretskovsk dekabrist yazıçı.
Abbasqulu ağa Bakıxanov general olmuşdurmu? Bu sual çoxlarını
düşündürür. ―Azәrbaycan gәnclәri‖ndә mәnim ―General Bakıxanovlar‖ adlı
mәqalәmdәn sonra bu sualla tez-tez mәnә müraciәt edirlәr. Vaxtilә bir tәdqiqatçı
arxiv materiallarında rast gәldiyi ―General A.Bakıxanov‖u Abbasqulu ağa bilib vә
bu barәdә mәtbuatda çıxış etmişdi. Sonralar mәlum oldu ki, hәmin general
Qüdsinin kiçik qardaşı Abdulla ağa Bakıxanovdur. Hәr ikisinin adının baş hәrfi
―A‖ ilә başladığına görә tәdqiqatçı onları sәhv salmışdı. Amma Bakıxanovlar
nәslinin nümayәndәsi Mәmmәdrza Bakıxanov ata-babalarının söhbәtlәrinә istinad
edәrәk inadla deyirdi ki, Abbasqulu ağa Bakıxanov da general olub. Әldә heç bir
sәnәd olmadığına vә inqilabdan әvvәlki әdәbiyyatlarda bu barәdә hәlәlik yazılı
mәnbә tapılmadığına görә bu fikrә inanmaq çәtin idi.
Lap bu yaxınlarda azәrbaycanlı generallar haqqında tәdqiqat apararkәn
Azәrbaycan Dövlәt Tarix Muzeyinin kitabxanasından mütaliә üçün bir kitab aldım:
Arnold Zisserman ‖İyirmi beş il Qafqazda‖. Bir әsrdәn çox rәflәrdә qalan bu
kitabın vәrәqlәri az qala bir-birinә yapışmışdı. Sәhifәlәrindәn hiss etmәk olurdu ki,
bu qiymәtli kitab çoxdan istifadәsiz qalıb.
Kitabın adından göründüyü kimi müәllif düz iyirmi beş il - 1842-ci ildәn
1867-ci ilә kimi Qafqazda hәrbi xidmәtdә olub. Poruçik kimi xidmәtә başlayan
A.Zisserman podpolkovnik rütbәsinә qәdәr yüksәlib. Gәncәdә, Qazaxda, Qubada,
Dәrbәnd vә Teymur Xan-Şurada hәrbi qәrargahda işlәyib. İlisu sultanlığındakı
komendantlıqda xüsusi işlәr rәisi olub.
Arnold Zissermanın beşcildlik monumental әsәri 1879-cu ildә Sankt-
Peterburqda nәfis tәrtibatla çap olunub. Kitabın ikinci cildinin әlli üçüncü
-
sәhifәsindә maraqlı bir fakta rast gәldik. Müәllif yazır: ―... Kiçik bir keçiddәn
sonra biz Gülüllü kәndindә düşәrgә saldıq. 1842-ci ildә knyaz Arqutinski
Qazıkumık xanlığını hiddәtlәndirәn, öz dairә rәislәri podpolkovnik Snaksaryovu
başqa zabitlәrlә birgә әsir tutan dağlıları burada qırmışdı. O vaxtlar hәlә general-
mayor rütbәli knyaz Arqutinski Samur dәstәsi adlanan vә Cәnubi Dağıstanda hәrbi
әm