donostia 2016
Post on 28-Mar-2016
231 Views
Preview:
DESCRIPTION
TRANSCRIPT
Donostia Kultura
2016
Itziar Gorriti, Lander Arretxea, Josune Bernedo
1
2
Aurkibidea
MARTXAN DAGOEN KANPAINA
1. Sarrera ………………………………………………………………………...…3-4
2. Testuinguru politiko eta soziala…………………………………………….…4-5
3. Orain arteko komunikazio jarduera……………………….………………..…5-7
4. Hobetu beharrekoak………………………………..………………………….…7
KANPAINA BERRIA
5. Sarrera……………………………………………………..……………………...8
6. Nondik norakoak……………………………………………..………………..8-9
7. Helburuak ……………………………….…………………….…………….……9
8. Irudi Korporatibo berria………………………………………….……………9-10
9. Ekimen parte-hartzaileak........................................................................11-13
10. Kaleko Ekintzak....................................................................................13-14
11. Internet…………………………………………………………….…..…....14-16
12. Sare sozialak……………………………………………………………….17-18
13. Publicity…….……………………………………………………...……...……18
14. Mezenasgoa…………………………………….……………..…….…….18-19
15. Publizitatea…………………………………….………………..…………19-20
16. Lan taldea………………………………….…………………………………..21
17. Kronograma………………………………………………………………..21-22
3
1. SARRERA
a. ZER DA EUROPAKO HIRI KULTURALA?
Europar Batasunak, urtero Europako Kultur Hiriburuak hautatzen ditu 1985 geroztik.
Europako hirien arteko harremana sustatu eta berauen garapen kulturalaren
erakusleiho izateko asmoz sortu zen ekimena. Errotazio sistema baten bidez, urtero
bi estaturi dagokie hiriburutza, eta bertako hirien artean lehiaketa bidez hautatzen da.
2013. urte honetan, Marsella (Frantzia) eta Kosice
(Eslovakia) guztiz murgilduta daude Europar Hiriburu
izatea ospatzen, ekintza zabalen bidez: musika,
dantza, antzerkia, zinemaldiak, jaialdi alternatiboak,
erakusketak, arte erakustaldiak, hitzaldiak, aire
zabaleko ekimenak eta abar, bertako hauspotu eta munduari erakutsiz.
b. DONOSTIA 2016 ERATZE PROZESUA
Donostia 2016 proiektua partaidetza-prozesu zabal ireki batetik hasi zen. 2008ko
irailean, herritar guztiei irekitako topaketak egin ziren Victoria Eugenia Antzokian.
Bertan, hainbat gizarte eragilek hartu zuten parte, bai eta arlo askotako aditu
ospetsuek ere. Topaketa hauek, bi helbururekin egin ziren: batetik, hautagaitza
prozesu bat abiaraztearen aukera eta erronkei buruzko gogoeta bat egiteko, eta
bestetik, proiektuaren balizko ikuspegiak identifikatzeko.
Horrela, 2009ko martxoa arte bilera asko egin zituzten, baita gizarteko hainbat
sektoretako 1.500 pertsona eta erakunde baino gehiagorekin ere, proiektuan aurre
egin beharreko premia, arazo eta gaiak aztertzeko.
Gogoeta, ekarpen zein ideia ezberdinen azterketa egin ondoren, informazio guztia
antolatu eta egituratzen saiatu ziren. Honen ondoren zuten informazio guztia
herritarrei aurkeztu zieten. Geroago, 30 laguneko taldea eratu zuten profesionalez
eta herritarrez osatua. Hauek ideia edo informazio egituratutik abiatuz, oinarriak eta
ardatzak proposatu zituzten, eta proposamen hori Erakunde Arteko Batzordeari
aurkeztu zitzaion, honek azken onespena eman ziezaion. 2009an eman zituzten
ezagutzera proiektuaren ardatz nagusiak.
4
2009. urtearen amaieran dss2016lab izeneko laborategia antolatu zuten 70 pertsona
baino gehiago biltzen zituena, programazioari buruz ideia zehatzak lantzeko asmoz.
Hiru euskarritan argitaratu zuten Donostia 2016 proiektua eta Kultura Ministerioan
aurkeztu zuten 2010 uztailean.
2016rako hautagai gisa izendatuak izan ziren hiriak honakoak izan ziren
Donostiarekin batera: Burgos, Cordoba, Segovia, Zaragoza eta Las Palmas de Gran
Canaria. Beste hainbat hautagaitza kanpoan geratu ziren.
Europako kultur hiriburu izateko lehen fasea gainditu ondoren, programa kultural
zehatza landu zuten 2012. urtetik 2020ra arteko epean egingo diren ekintza-planak
baitan hartzen dituena. Ekainaren 27an, lantaldeak Hautagaitza proiektuaren
defentsa egin zuen, eta hurrengo egunean bertan eman zen ezagutzera Donostia
izango zela 2016ko Europako Kultur Hiriburua.
2012ko maiatzean, Europako Batasuneko Kultura Ministroen Kontseiluak, Bruselan
Donostia 2016ko kultur hiriburu izateko izendapena onartuta, irailaren 6an gertatu
zen garai berri honetako mugarri nagusia; Donostia 2016 Fundazioa eratu zen.
Berau izango da DSS2016EU proiektuaren buru izango den egitura juridikoa,
prozesuan aukeratutako proiektuaren egiteko eta printzipioen arabera: elkarbizitza,
parte-hartzea eta gizarte-eraldaketa, hain zuzen.
Donostia 2016 Fundazioa sortu ostean, polemika handia egon zen fundazioari
esleituko zitzaion zuzendaritzaren inguruan. Hautaketa politikoa izan zela adierazi
zuen zenbait hedabidek: konkurtso publikoaren aurretik proposatu zitzaiola Itziar
Nogerasi zuzendaria izatea. Baina Nogerasek argitu zuenez, zuzendari izateko
eskaintza eta postua lortzeko aukeraz mintzatu bazitzaizkion ere, hautaketako
prozesua erabat garbia izan zen; bere curriculuma kontuan hartuz egin zuten
aukeraketa, 18 hautagaien analisi sakona egin ondoren.
2. TESTUINGURU POLITIKO ETA SOZIALA
Orain arte Donostia 2016 proiektuak komunikazioaren kudeaketa nola egin duen
ulertzeko ezinbestekoa da testuinguru sozial eta politikoa ezagutzea. Bestalde,
errealitate horren azterketa gure komunikazio kanpainaren oinarrietako bat ere izan
da.
5
Alde batetik, Donostiari dagokionez, aipatzekoa da 2016ko Kultur Hiriburutzarako
hautagaitza martxan jarri zenean Odón Elorzak zuzendutako PSE zela Udala
kudeatzen zuen alderdia. Aldiz, 2011z geroztik Bildu da, Juan Karlos Izagirre buru
duela, udaleko alderdi nagusia, eta berari dagokio proiektuaren kudeaketa. Hortaz,
PSEk abiatutako proiektuari jarraipena eman behar izan dio Bilduk.
Bestetik, nola ez, krisi ekonomikoa ere aipatu beharra dago. Herritarrek XX. mende
hasieran baino diru gutxiago dute, eta zentzu horretan kulturara bidera dezaketen
zatia ere txikiagoa da. Horri sareak eragindako iraultza gehitzen badiogu, zalantza
ezina da industria kulturalaren negozio ereduaren krisia, eta horrek kulturaren behar
eta izaeraren inguruan makina bat eztabaida haizatu ditu. Halaber, gero eta
nekezagoa da sorkuntza ogibidetzat izatea.
3. ORAIN ARTEKO KOMUNIKAZIO JARDUERA
Mezuari dagokionez, orain arteko komunikazioa bi lema nagusik gidatu dute:
Herritarren-energia olatuak
Elkarbizitzarako kultura
Lehenengoari dagokionez, partaidetza da mezu nagusia, hau da, herritarrak direla
oinarri, ez xede taldea bakarrik, baita proiektuaren zati ezinbesteko ere. Zentzu
horretan, aurretik azaldu dugun proiektua eratzeko prozesua bera komunikatzeko
modua ere bada.
Bestalde, elkarbizitzak bakegintzari egiten dio erreferentzia. Izan ere, Donostia oso
ideologia ezberdineko herritarrek osatzen dute. ETAren su etenak berak ere indartu
6
egin du kontzeptua. Kultura (eta bereziki Europako Kultur Hiriburutza) elkar ulertu eta
ilusio bat konpartitzeko aukera gisa saldu dute.
Mezu horiek zabaltzeko erabili diren bideei dagokionez, nagusiak webgunea, sare
sozialak, hedabideekin hitzarmenak, esku-orriak eta hiriaren espazio urbanoan
kokatutako elementu publizitarioak dira aipagarrienak. Ikus-entzunezko biralen
erabilera ere egin dute.
Webgunean bertan (http://www.donostiasansebastian2016.eu/web/guest/inicio)
proiektuaren inguruko azken berriak, ikus-entzunezko erreportajeak eta beste aurki
litezke. Aipatzekoa da eduki interesgarriak eskaintzeko apustua egin dutela, ez soilik
iragarkiak edo Donostia 2016ko informazio hutsa, Content Marketing delakoaren
bidetik.
Hona adibide garbi bat: http://vimeo.com/44875307
Halaber, sare sozialak (Facebook, Twitter, Flicrk, Tuenti, Vimeo eta Youtube)
erabiltzen dituzte eduki horiek guztiak zabaltzeko. Twitteren (@dss2016) esaterako
ia 6.000 jarraitzaile ditu kontuak eta Facebooken 9.000 inguru pertsonek atsegin dute
San Sebastian 2016 deritzon orrialdea.
Bestalde, aurretik aipatu dugunez, hainbat hedabiderekin hitzarmenak adostu
dituzte, Donostia 2016 proiektuarekin lotutako edukiak zabal ditzaten. Telebistari
dagokionez EiTB eta Teledonostirekin egin dute hitzarmena; aldiz, prentsari
dagokionean Diario Vasco, Berria eta Noticias de Gipuzkoarekin.
Aldi berean, Chillidaren marrazki batetik abiatuta, irudi korporatibo fresko eta
erakargarria sortu dute, horrez gain Donostiarekin oso identifikagarria ere badena.
Nola ez, Chillida bera era bada (edo bazen) Donostiaren izen propioetako bat.
7
Lan talde oso bat dago komunikazioaz arduratzen dena, Donostiako Easo kaleko
bulego nagusian jarduten duena. (Oro har, baliabideak modu egokian erabili dituztela
esan daiteke, eta nabari da erabaki bakoitza aurretik lotua dutela. Izan ere, 2016ra
bitarteko ekintza guztiak planifikatuta daude jada, txosten honetan ikus
dezakegunez: http://concursos.sansebastian2016.eu/proyecto/DSS2016EU_ES.pdf
(64-66 orrialdeak)
4. HOBETU BEHARREKOAK
Hala ere, Donostiako zenbait pertsonari gaiaren inguruan galdetu ostean,
komunikazioaren hainbat ahulgune identifikatu ditugu. Arazoak, baliabideen
kudeaketari bainoago, planteamendu estrategikoari dagozkio. Gure galdeketen
antzeman dugunez, proiektuaren irudiak hiru arazo nagusi ditu:
Batetik, lema nagusiak (Herritarren-energia olatuak) kontrakoa badio ere, herritarrek
ez dute proiektua beren sentitzen. Ez da antzematen behetik gorako prozesu gisa;
erakunde publikoek antolatu eta herritarrek kontsumitu beharko duten ekimen
multzotzat jotzen dute. Herritarren sektore batzuk pozik daude horrekin, baina
gizartearen zati aktiboena (makina bat kultur eragile tarteko) ordea ez.
Aurretik aipatutako identifikazio eza are nabarmenagoa da gazteen artean.
Helduagoek beste onura batzuk identifikatzen dituzte (turismoaren gorakada…)
baina zenbait gaztek proiektua bera arbuiatzen dute, eta ez dute uste haiei
bideratutako zerbait denik.
Azkenik, Bildu Udalean denetik herritarren sektore jakin bat (oposizioko alderdiek
hauspotuta) proiektua kudeatzen ari den moduaren kontra dago, behar bezain
glamurosoa eta garrantzitsua izango ez delakoan. Zentzu horretan ez dute uste
maila emango dutenik.
Gauzak horrela, guk proposamen berri eta sakon bat egin nahi izan dugu, lehenengo
bi arazoak konpontzeko asmoz osatua. Baliabide eta denbora asko eskatzen du,
baina parte-hartzea sustatu, kultura eta sormena indartu eta batik bat, gazteak
proiektuan murgiltzea ezinbestekoa iruditzen zaigu.
Datozen puntuetan azalduko ditugu zehatz-mehatz komunikazio kanpaina
proposamenaren nondik norakoak.
8
KOMUNIKAZIO KANPAINA BERRIA: GAZTEEN IDENTIFIKAZIOA SUSTATZEKO
5. SARRERA
Esan bezala, gure kanpainak gazteak Donostia 2016 modu positiboan baloratzea
ikustea eta horretan inplikatzea nahi dugu, baina gure ustez, horretarako ez da
inondik ere nahikoa pieza publizitario hutsal batzuekin.
Gazteek parte hartuko badute, horretarako aukera emango dieten ekimenak jarri
behar dira martxan, gazteek gustuko duten eskaintza kulturala eskaini, sormenerako
baliabidek eman…
Eta nola ez, hori guztia, gazteek erabiltzen dituzten medioen bitartez, eta haien
gustuetara egokituz, komunikatu.
Beraz, ideia horretatik abiatuta, gazteen parte hartzea eta interesa piztuko luketen
makina bat ekimen proposatu ditugu, eta aldi berean, baita haiek erakartzeko
proposamen komunikatiboak ere, sarearen bitartez gorpuzten direnak nagusiki.
Edukien aldetik, gazteena zer den eta zer ez ebazteko erabiliko dugun irizpidea,
kultur eskaintza hori gazteek
(18-35 urte bitartean) antolatua
edo sortzaileak gazteak izatea
da.
Kanpaina honek hainbat
baliabide eskatzen ditu, baina
gazteak hiriaren etorkizuna
direnez, gastua baino, inbertsioa
izango dela uste dugu.
6. NONDIK NORAKOAK:
Denbora epea:
2014 urtarrilak 1tik, 2016 amaitu bitarte. Baliabideak baleude, jarraitu ere ahal izango
litzateke.
9
Xede-taldea:
15-35 urte bitarteko gazte donostiarrak (gipuzkoarrak oro har ere bai). Kulturzaleak,
gutxienez erdi edo goi-mailako ikasketak dituztenak.
Erakunde antolatzailea:
Donostia 2016 Fundazioa Donostiako Udalarekin elkarlanean.
Hizkuntza:
Kanpainaren eduki guztiak, horrek komunikazioa edo edukia oztopatzen ez
duenean, gaztelaniaz zein euskaraz eskainiko dira (webgunean, kartelak bi
hizkuntzatan) eta horretarako aukerarik ez dagoenean (bideobloga esaterako),
euskaraz. Donostiako gazte ia guztiek euskara ulertzen dute.
7. HELBURUAK:
Donostiako gazteek Kultur Hiriburutza aukera ona eta ekarpen garrantzitsua dela
sentitzea
Donostiako gazteak sormen lanak egitera bultzatzea eta haien lana publiko
egiteko aukera ematea
Donostiako gazteak kulturaren ikuspegi aktibo, parte-hartzaile eta kritiko batean
heztea;
Donostiako gazteek Donostia 2016 parte-hartzean oinarritutako proiektua dela
sinestea
8. IRUDI KORPORATIBO BERRIA
Gure ustetan, egungo Donostia 2016 proiektuaren irudia oso kutsatuta dago gazte
askoren artean. Udala eta Europar Batasuna ekartzen dizkie gogora, instituzioak,
goi-mailako kultura eta masa ekimenak, musika klasikoa…
Hori dela eta, kanpaina guztia gidatzeko irudi korporatibo edo identitate bisual berri
baten beharra ikusten dugu. Egungoarekin lotura izan behar du, baina aldi berean
ezberdina, gazteagoa, koloretsuagoa…
10
Hau hautatzeko, lehiaketa bat osatzea proposatzen dugu, eta 35 urtetik beherakoek
soilik hartu ahal izango dute parte. Irabazlearen diseinua aukeratuko da, eta saria
pertsona horren kontratazioa izango da, webgunearen diseinua, kartelak etab..,
berak egin ditzan kanpainak iraungo duen bitartean.
Horrela, irudi berriaz gain, parte-hartzea sustatuko dugu, baita gazte bati lana eman
ere.
Primavera Sound eta BBK Live-n adibideek balio dezakete nolako irudia nahi
genukeen ikusteko, baina lehiaketan askatasuna izango dute proposamenak egiteko.
11
9. EKIMEN PARTE-HARTZAILEAK:
Arestian aipatu bezala, gure aburuz gazteengana heldu ahal izateko
ezinbestekoa da ekimenetatik hastea. Hori dela eta, parte hartzea sustatuko
duten eta gazteei ateak irekiko dizkien makina bat ekintza proposatzen ditugu,
aurrerago azalduko dugun komunikazio ereduaren bitartez indartuko direnak,
baina aldi berean komunikazio estrategiaren oinarri ezinbesteko izango direnak.
Hauetariko batzuk jada martxan daude, baina gazteek oro har ez dute horren
berri, hortaz, plan zabalago baten parte bezala eta kanpaina sendo batekin
agertzeak berez interesgarriak diren ekimenak indartuko dituela uste dugu.
Irudi korporatiborako lehiaketa:
Aurretik aipatu bezala, abiapuntua identitate bisual berri bat eratzeko lehiaketa
izango da, horretarako deialdi zabal bat eginez. Horrek aurrera egin bitartean,
hala ere, beste hainbat ekimen antolatzen hasi beharko da (webgunearen egitura,
kazetari eta blogarien kontratazioa…)
Aurkezpen festa:
Behin irudi berria (logotipoa, koloreak…) zehaztuta dugunean, eta webgunea
prest, aurkezpen festa bat egingo da. Bertan, kontzertuak eta antzerki emanaldi
bat egingo dira eta webgunea, irudia, zein kanpainaren baitako ekimenak
aurkeztuko dira. Hedabideek oihartzun handia emango diotela uste dugu
horretarako baliabideak eskaintzen badizkiegu. Musika taldeetako bat behintzat
donostiarra izan beharko da. San Telmo plaza edo Igeldoko Jolas Parkea izan
litezke toki aproposak. Bertan azalduko dira lehen aldiz jarraian aipatuko ditugun
ekimenak:
Entsegu lokal publikoak:
Bilboko Bilborock ereduari jarraituz, hutsik dagoen udal eraikin askotariko bat
entsegu lokalak sortzeko egokituko da. Hauetan bazkide egiteko aukera izango
da, eta prezio sinboliko baten truke erabili ahal izango dira. Musika entseguak
egiteko bakarrik ez, antzerkiak eta bestelako performanceak praktikatu nahi
dituztenentzat ere erabilgarri izango dira. Aipatu gelek mikrofonoak, bateria eta
baxu zein gitarra anplifikadorea izango dute.
12
Sormen lanak erakusteko espazio irekiak:
Hutsik dauden udal eraikinak edonork haren sormen lanak erakusteko espazio
bihurtuko ditugu auzolanaren bitartez. Aurretik izen emanda eta txandak
errespetatuz, kontzertu edo emanaldiak eskaintzeko eskatu ahal izango dira
bertako aretoak, eta baita astebeterako erakusketa guneak erabili ere
(norberaren lanak erakusgai jartzeko). Hau erabiltzen duenak garbitzeko ardura
izango du, eta fidantza txiki bat ezarri beharko du aurretik. Areto hauek modu
autogestionatuan kudeatuko dira, baina udalak beharrezko baliabideekin
lagunduko du eskatuz gero.
Sormen tailerrak:
Doako sormen tailerrak eskainiko dira Donostiako hainbat tokitan: kalean ahal
denetan, baina baita kultur etxe edota gaztetxeetan ere. Lehenetsiko da tailerrak
gidatzen dituztenak donostiar artistak izatea, eta baita diziplina anitzetako
tailerrak izatea ere. Bi astean tailer bat antolatzea litzateke erronka.
Auzolana:
Aurreko guztia prestatzeko (entsegu lokalak, sormen tailerretarako azpiegitura…)
auzolanerako deia egingo dugu, gazteek hasieratik parte hartu eta espazio horiek
beren senti ditzaten. Horretarako, Donostiako Piratekin eta beste hainbat herri
mugimendurekin jarriko gara harremanetan, konpartitzen ditugun helburuak
identifikatu eta elkarlanean aritzeko.
13
Blogari hautaketa:
Blogari lehiaketa ere antolatuko dugu, aurrerago azalduko dugun webgunearen
blogetan arituko diren bi pertsona hautatzeko. Gaia kultura izango da, baina oso
zentzu zabalean. Kasu honetan ere 35 urtekoa izango da adin muga.
Publikaziorako lehiaketak:
Donostiar gazteen sormen lanak ezagutzera emateko asmoz, maketa lehiaketa,
literatur lehiaketa eta antzerki lehiaketa ere antolatuko ditugu. Maketa lehiaketa
irabazten duen taldeak diskoa argitaletxe batekin plazaratu ahal izango du,
literatur lehiaketa irabazten duenaren liburua ere argitaratuko da, eta antzerki
lehiaketaren irabazleari emanaldi sorta programatzen eta baliabide gehiago
eskuratzen lagunduko zaio.
10. KALEKO EKINTZAK
Hiru metroko arraultza erraldoi bat jarriko da, aurkezpen nagusiaren aste bat
lehenago Donostiako hainbat lekutan, Bulebarrean, Saguesan eta Unibertsitatean
beste bat. Leku estrategiko bezala hartu ditugu gazteengana zuzenean iristeko
helburuarekin.
Ekintza hamar egun lehenago hasiko da leku hauetariko bakoitzean arrautza bat
jartzen dugunean. Arraultzak prozesu bat izango du. Lehenengo bost egunetan,
arraultza osorik egongo da. Handik bost egunera, pitzatzen hasita agertuko da
jendearen aurrean, zerbait berria jaioko dela,
iritsiko dela errepresentatu nahian.
Azken egunean, aurkezpen egun nagusian hain
zuzen, goizean arraultza goiko partea erorita
egongo da. Beheko partean zulo batzuk izango
ditu oskolak, horrela jendea gerturatu eta barruan
zer dagoen ikusi ahal izango du.
Arraultza barruan, Donostia 2016ko logo berria
egongo da. Aurkezpena den bitartean eta
14
ondorengo egun batzuetan utziko dira arraultzak jendeak irudi korporatibo berria
ezagutu dezan. Hasieratik, arraultzaren azalak irudi korporatiboaren kolorea
izango du.
Inork ezingo du jakin arraultzaren barruan zer dagoen. Udalari bakarrik esango
zaio zer den iragartzen dena baimena eskatzerako orduan. Beraz ekintza honekin
lortu nahi dena publicity-a izango da.
11. INTERNET
Interneten, oinarri nagusia (edo hobe esanda osagai guztiak bilduko dituena)
webgune berria izango da. Diseinuak bat egingo du identitate bisual berriarekin,
eta makina bat edukiz jantziko dugu, content marketing eredua jarraituz.
Webgunearen helburua Donostia eta inguruko gazte kulturzaleen
erreferentziazko webgune bihurtzea da. Honakoak izango dira osagai guztiak:
Agenda
Alde batetik, gazteentzat bideratutako ekimen guztiak bilduko dituen agenda
kontsultatu ahal izango da bertan, eta bertan harpidetzeko aukera izango da
astero e-mailera bidaltzeko eskatuz. Horrez gain, Google Calendar-en bitartez,
Gmail kontu bat dutenek haien egutegia sinkronizatu ahal izango dute
webgunean ezarritakoarekin, eta automatikoki dauden ekimenen berri emango
zaie haien mugikorretako egutegietan.
Albiste laburrak
Bestalde, asteroko ekimen esanguratsuenen albiste laburrak aurkitu ahal izango
dira bertan, hainbat ataletan (generoka) banatuta: Musika, Zinema, Arte
eszenikoak, Arte plastikoak, Literatura, Kaleko Mobida, Lehiaketak, Parte Hartu.
Baliabideak daudenean, ikus-entzunezkoak lehenetsiko dira, euskarri nagusi
gisa, edo laguntzeko bederen.
Nahi duten eragile (gaztetxe, herri-mugimendu…) zein ekimen pribatuek (aretoak,
tabernak…) haiek antolatutako ekimenen berri ere eman ahal izango dute
webgunean bertan, horretarako prestatutako e-mailera idatziz.
15
Bertan bilduko dira beka deialdiak, lehiaketak, eta parte hartzeko sortutako
ekimen guztien berri ematen duten edukiak ere.
Blogak
Donostian kultura mailan erreferentziazkoak diren
zenbait gazteri webgunean blog bat irekitzea
proposatuko diegu, modu librean bada ere (gutxieneko
oinarri batzuekin) haien gogoeta, ideia eta kritiken berri
eman dezaten. Erreferentziazkoak izaki, eta twitter zein
facebooken jarraitzaile asko dituztenez, webgunera
jende asko sartzea lortuko genuke.
Honatx hainbat proposamen:
Beñat Sarasola:
29 urteko donostiarra. Filosofia eta Literatur Konparatua ikasia da, eta bi olerki
liburu idazteaz gain, literatur kritikak ere idazten ditu. Oso musika zalea da, eta
musikarekin lotutako hainbat ekimenetan hartu du parte: Pop Pilulak fanzinea eta
Kafe Aleak liburua esate baterako. Esperientzia luzea du blogen munduan; gaur
egun Separata (http://separata.wordpress.com/) blogean idazten du.
Kattalin Miner:
Irutxuloko Hitzan, ARGIAn eta Pikara Magazinen aritzen den kazetaria. Militante
feminista eta hiriko herri mugimenduetan ohikoa.
Jon Pagola:
33 urteko hondarribiarra. RockDeLux eta Route 66 musika aldizkarietan aritua,
gaur egun Kulturaldia webgunea darama eta mota guztietako ekimenen berri
ematen du bertan.
Barbara Goenaga:
30 urteko donostiarra. Aktore lanengatik da ezaguna. Goenkaletik pasa eta
hainbat film espainiarretan hartu du parte (La buena nueva, Amor en defensa
propia…).
16
Gorka Otxoa:
34 urteko donostiarra. Aktorea da, umorearekin lotutako paperak egiten ditu batik
bat. Vaya Semanitan egin zen ezagun eta gerora Espainiako hainbat serie eta
filmetan hartu du parte, Pagafantasen adibidez.
Beñat Gaztelumendi:
26 urteko Añorgatarra. Bertsolaria da eta Euskal Herriko Txapelketan 6. Postua
eskuratu berri du. Literaturari buruzko irratsaio batean ere hartzen du parte.
Irutxuluko Hitzan iritzi-artikuluak idazten ditu.
Iratxe Esnaola:
30 urteko donostiarra. Idazlea da, Galerna eleberria idatzi zuen Agustin Zubikarai
beka eskuratuta. Kazetaritza eta Literatura Konparatua ikasi ditu, eta iritzi
artikuluak idazten ditu ARGIAn, literaturaz nagusiki.
Horiez gain, aurretik aipatutako blogari lehiaketan hautatutako bi pertsonek
izango dute bloga bertan irekitzeko aukera.
Blogeko edukietan edonork utzi ahal izango du iruzkina bere e-maila eta izen
abizena emanda.
Bideo bloga:
Aipatu blogez gain, bideo bloga ere jarriko dugu martxan, hilabetean behin
zabalduko dena. Bertan, tarteka umoretik, tarteka serio, hilabeteak gazteentzako
eman duenaren laburpen bat egingo da. Eredua: Beranduegi. Webguneko
kazetarien lana izango da lan hau osatzea.
Foroa:
Kultura (zentzu zabalenean) oinarri duten gaien inguruko eztabaida gunea
egongo da webgunean, eta edonork proposatu ahal izango du gai bat. Hori bai,
bertan idatzi ahal izateko e-maila eta izen abizena eman beharko da, eta ez dira
irainak eta mezu zapaltzaileak (sexistak, homofoboak etab…) onartuko.
Honen helburua ere gazteen iritziak biltzea da, eta baita ahotsa ematea ere.
17
12. SARE SOZIALAK:
Sare sozialak kanpainaren gako dira. Sarean gazteek nahi adina informazio
interesgarri jasotzeko aukera izango dute, kanpainaren baitan sorturiko eduki
guztiak zabalduko dira sarean. Testu luzeen ordez argazkiak eta bideoak
lehenetsiko dira. Ahaleginduko da informazioa aski izaten kontu ezberdinetan
baina ez gehiegi, saturazio gehiegi ez izateko baina ezta informazio gutxiegi ere.
Kontuan izan behar da lanak ez direla amaitzen eduki onak egitearekin eta
sarean eskegitzearekin, trafikoa sortu behar da. Jendea bideratzeko Donostia
2016ren sare sozialetara komenigarria izango litzateke biral bat sortzea edo
marketin ekintza bat egitea. Estiloari dagokionez, gazteei zuzendutako edukiak
direla kontuan izanik lagun arteko hizkera erabiliko da, gazteek pentsa dezatela
profil hauen atzean pertsona gazte bat dagoela guztia kudeatzen. Edukiak ez
dira hizkuntzetan mugatuko, hizkuntza ezberdinetan azalduko dira: euskaraz,
gaztelaniaz, ingeleraz, frantsesez… Sare sozial guztiak eguneratuak egon behar
izango dute.
a. Twitter
Astean gutxienez 3 txio egin edo bertxiotuko dira. Irizpide nagusiak kulturarekin
loturik egotea, interesgarri, bitxi, berri, berezi eta gaztentzat edo
gazteak egina izatea izango dira. Sorturiko txioak zuzenak, zehatzak
eta argiak izan beharko dute beti. Ahal izanez gero irudi edo bideo
batekin lotuak. Kulturaren munduko pertsona gazteei jarraituko diegu,
horrela haiek ere jarrai gaitzaten eta gure edukiak zabaldu ditzaten.
b. Youtube
Youtubeko kontu propioan hilabetean behin guk sorturiko ikus-entzunezko bideo bat
gutxienez eskegiko da. 2016. urtean gutxienez bi bideo eskegiko dira hilean.
Youtubera trafikoa web gune ofizialetik, online hedabideetatik, Twitter eta
Facebooketik sortu beharko da.
c. Instagram
Gazteei zuzendutako kanpaina honek izango dituen ekintza
guztietako argazkiak egongo dira guztien eskuragai. Arlo
18
ezberdinetan banatua egongo da: musika, moda, literatura, argazkilaritza…
d. Facebook
Facebooken eskaintzen duen aukera zabala dela eta, formatu ezberdinetako edukiak
egongo dira bai irudi, bai testu eta baita bideoak ere. Bertan beste sare sozialetan
aurki daiteken gutxieneko informazio berbera egongo da.
APLIKAZIOA
Mugikorrerako aplikazio berezi bat sortuko dugu, honako sailkapen hauekin. Alde
batetik, agenda, eta bestetik, eguneroko kulturarekin lotutako albiste laburrak
irakurtzeko aukera eskainiko du. Hauek pertsonalizatzeko aukera izango da aukera
desberdinen arabera, hau da, moda, argazkilaritza, musika, zinea, literatura...
Sare sozialetan bezala, aplikazioa ere lau hizkuntzetan jartzeko aukera eskainiko da,
ingelesa, euskara, gaztelania eta frantsesa, hain zuzen.
13. PUBLICITY:
Publicitya eskuratzeko oinarria gure webgunea izango da: bertako edukiak ondo
antolatuak eta interesgarriak badira, hedabide askok (batez ere sarekoek) zabalduko
dute. Horretarako, eduki guztiak Creative Commons lizentzian zabalduko ditugu, bai
idatzizkoak eta baita ikus-entzunezkoak ere.
Horrez gain, bideo-blogari dagokionez, Hamaika TB eta EITBrekin hitzarmena egingo
dugu bi astean behin emititu dezaten, doanik noski. Hori ere posible izango da
edukia kalitatezkoa bada.
Hitzarmena egingo dugu Irutxuloko Hitzarekin ere, asteroko agenda bertan ager
dadin. Horretaz aparte, asteroko agenda eta astearen laburpena bidaliko zaizkie
hedabideei (soilik sarean jarduten dutenenei barne) e-maila bidez.
14. MEZENASGOA:
Aurretik hainbat ekimen aipatu baditugu ere, egun jada
martxan dauden proiektuak laguntzea ere aproposa dela
uste dugu, eta noski, horren trukean ekintza horietan gure
19
kanpainaren kartelak jarriko genituzke (webgunearen berri ematen etab…). Besteak
beste Dock of the Bay musika dokumentalen jaialdia, Kutxa kultur festibala,
Guardetxeko eskaintza etab… sustatu litezke. Horiek denetan gazteek hartzen dute
parte, eta Dock of the Bay esaterako, desagertzear egon da aurten diru falta dela
eta. Hortaz ekarpenak argi utziko luke Donostia 2016 positiboa izango dela jada
martxan dauden ekimenentzat ere.
15. PUBLIZITATEA:
a. Kontzeptua iragarkietarako
Iragarkiak oro har diseinuaren aldetik zein edukiaren aldetik antzekotasun
koherentea mantendu beharko dute. Iragarki guztiek zerbait berriaren inguruan hitz
egingo dute, ordea ez dute testu ez informazio gehiegi izango. Izan ere, gazteak ez
diete denbora gehiegi eskaintzen iragarkiei. Informazio zehatza eta argia izan
beharko du. Kaleko hizkeran esana eta begi bista batean ulertzeko modukoa.
a. Prentsan:
Behin identitate bisuala hautatua dagoenean, eta webgunea sortuta. Aurkezpen
jaialdi bat antolatuko dugu, bertan aipatuko dira ekimen garrantzitsuenak, beka
deialdiak… eta baita webgunea aurkeztu ere. Ekitaldi horren berri emango duen orri
osoko iragarkia ezarriko dugu Diario Vasco, Noticias de Gipuzkoa, Berria, Irutxuloko
Hitza eta Gaztezulon.
b. Sarean
Aurreko atalean aipatutako aurkezpen jaialdiari dagokionez, hiru
bat minutuko bideo birala sortuko dugu, sare sozialetan zabaldu,
eta hedabideetara ere bidaliko duguna (publicity-a lortu asmoz).
Donostia mailako sareko hedabideetan (edo sareko edizioetan) gure webgunera
esteka izango duten bannerrak: Kulturaldia (Donostia inguruan gertatzen denari
buruzko gune kulturala), Irutxuloko Hitza eta Piztu-n (Donostia mailako herri-
hedabidea).
http://www.kulturaldia.com/
20
http://irutxulo.hitza.info/
http://piztu.info/
Hedabide nazionaletan ere, formula bera erabiliko dugu:
webgunera esteka eramango duen banerra. Kasu honetan,
Gaztezulo, Argia, Entzun, eta Nontzeberri hautatu ditugu.
http://www.gaztezulo.com/hasiera
http://www.nontzeberri.com/
http://www.entzun.com/
http://www.argia.com/
c. Kartelak (kaleko publizitatea)
Kartel bidez zabalduko dira lehiaketak, deialdiak eta ekimen garrantzitsuenak,
aurretiko lehiaketan hautatutako irudi korporatiboarekin bat datozenak beti ere, bai
tipografiari eta baita kolore gamari dagokionean. Ekimenaren logotipoa ere agertuko
da kartel guztiotan.
Kartelok eta oro har, edozein ekimen antolatzen duenak bereak jarri ahal ditzan,
Donostiako auzo bakoitzean, gazteen bilgune izan ohi den toki estrategiko batean,
hala nahi duenak kartelak jartzeko espazio egokia ezarriko dugu (paretak erabili
behar ez daitezen). Horrez gain, udal liburutegiak, unibertsitateak, kultur etxeak,
areto pribatu zein publikoak, tabernak eta tren zein autobus geltokiak hautatu ditugu
kartelak kokatzeko leku apropos gisa, lortuko dugun inpaktu kopurua optimizatu
asmoz.
d. Irratian:
Lehiaketa eta beka deialdien berri emateko, irratiko kuña bana sortuko dugu. Gaztea,
Radio Euskadi eta Info7n kokatuko dugu, kulturarekin edo gazteekin loturiko saioen
aurretik edo saioaren bi zatiren artean.
21
16. LAN TALDEA
Aipatutako guztia gauzatu ahal izateko, lan-talde finko bat behar izango da. Talde
hori identitate bisual berrirako hautatako pertsonak, bi kazetarik (webgunea eta sare
sozialen edukiaz arduratuko direnak) eta ekimenak antolatzeaz arduratuko den bat.
Ahal dela, pertsona hauek ere 18-35 urte bitartekoak izango dira.
17. KRONOGRAMA
Egunero
Hilabeteko egun bakarrean
2014
Urt
arri
la
Ots
aila
Mar
txo
a
Ap
irila
Mai
atza
Ekai
na
Uzt
aila
Ab
uzt
ua
Irai
la
Urr
ia
Aza
roa
Ab
end
ua
Identitate bisualerako lehiaketa
Aurkezpen jaiaren promozioa
Aurkezpen festa
Auzolana
Lokal eta sormenerako espazio publikoak
Webgunea/sare sozialak
Lehiaketak
Banerrak beste hedabideetan
2015 U O M A M E U A I U A A
Sormen tailerra
Auzolana
Lokal eta sormenerako espazio publikoak
Webgunea/sare sozialak
Lehiaketak
Bideo bloga
22
2016 U O M A M E U A I U A A
Sormen tailerra
Auzolana
Lokal eta sormenerako espazio publikoak
Webgunea/sare sozialak
Lehiaketak
Bideo bloga
23
top related