Mapasemento an ngatanan nga agianan nga wara mapanginano sa naglabay nga Administrasyon in usa sa mga prayoridad nga gintatalinguha ni Pambujan Mayor Lino Balanquit agud mapadagmit an pagpasilitar san transportasyon san mga mangaragi, maingganyar an mga turista ngan mapaursa an ekonomiya san bungto.

Agianan, napasemento san presente nga Administrasyon

Pira kabulan an umagi kahuman nga mag-asumir sa posisyon si Mayor Balanquit, nagpalusad siya inisyatibo pagpasemento san Dela Cruz nga Estrito sa Barangay 7 nga sakop san lugar nga nabanggit.

An konstruksyon san 36 LM nga agianan in gintikangan pagsemento san Nobyimbre 4, 2013 ngan nahuman ini san Enero 2, 2014.

Inabot kantidad kapin 500, 000.00 kapesos nga pondo tikang sa LGU Pambujan 20% Development Fund san tuig 2013 an nagamit para sa pagpaka-upay siton nga agianan.

Naiihap nala an mga agianan sa poblacion nga wara pa kasemento tungod sa ginsasahid san gobyerno lokal an prayoridades nga angay matagamtaman sa katawhan nga may kalabutan sa pangabuhi.

Ginsasayu-sayo san Amay san bungto nga maihatag sa mga Pambujanon an ira ungara pinaagi sa iya panalimbasog nga makaambit alokasyon o tambulig tikang sa iba-iba nga sangay san gobyerno nasyunal ngan pribado nga sektor.

Ni: Ma. Tina Basarte

“Tawo gud kita, may kasing-kasing ug buot, andam bumulig sa nanginginahanglan sa

bisan nano nga pamaagi ngan mayaon katungod liwat nga buligan” -Mayor Linlin Balanquit

“Tawo gud kita, may kasing-kasing ug buot, andam bumulig sa nanginginahanglan sa

bisan nano nga pamaagi ngan mayaon katungod liwat nga buligan” -Mayor Linlin Balanquit

(Istorya sa Pahina 2)

Bulyom 1 - Ika-2 nga Isyu

Bulyom 1 - Ika-2 nga Isyu

Esternos ug Leyteños, kumarawat ayuda tikang LGU PambujanYukot-yukot an nagkamatay, nagkasakit, nagutom,

nawakayan panimalay ngan nawakay nga mga istraktura kahuman nga pumudos an storm surge nga dara ni Super Typhoon Yolanda sa Eastern Samar, Southern Leyte ngan Leyte, Leyte (Tacloban City) san Nobyimbre 8, 2013.

An sinusugad nga storm surge in tubig sa dagat napurma nga dagko nga balud tigayon san makusog nga hangin nga dara san bagyo.

Nanaghoy sa sobra nga gutom, uhaw, krisis, kasubo ug kapakyas an ngatanan nga apektado o an mga nakaalpas sa destroso nga ginbilin san nasabi nga kalamidad.

Dagmit nga nagpadara relief goods, medisina, tubig, medical team, rescue and retrieval team, media practitioners, kapulisan ug kasundaluhan an gobyerno nasyunal, lokal nga panggobyernohan san kada probinsya ug munisipyo nga binulig pagsulbar san krisis nga gin-karama san mga Esternos ug Leyteños.

Ginpukaw liwat sini nga panhitabo an kasing-kasing san internasyunal nga mga organisasyon, organisasyon sibiko, gobyerno pederal, demokratiko ngan monarkiya sa bisan diin nga parte san kalibutan. Dali-dali sira nga nagpadara ayuda o asistensiya agud masustineran an panginahanglan-pagkaon, dugnit sa lawas ngan medisina san mga biktima.

Sanglit, waray magpaurhi an presente nga nalingkod nga Amay sa bungto san Pambujan, dayon siya nagpadara tabang ug ayuda para mag-akudir san mga apektado nga Waray-Waray pagkatapos gumikan an kalamidad nga nagtahob-sirum sa pangisipan san bag-o nga henerasyon.

Ngani, Nobyimbre 15, 2013, personal mismo nga gindul-ong ni Mayor Lino L. Balanquit an ayuda kaupod an ginmando niya nga Volunteer Relief Operation Team o VROT apisar san delikado nga kamutangan san dalan pakadto sa syudad san Tacloban.

Tungod nga outnumbered an ihap san VROT, aktuwal mismo nga umapi si Mayor Balanquit sa panmutos ug pagdistribwar ayuda ngadto sa mga nagugutom nga kababayan sa Leyte.

Ginpaniguro gud ni Balanquit nga magpadangat tambulig tungod bagaw pa niya “Tawo gud kita, maykasing-kasing ug buot, andam bumulig sa naginginahanglan sa bisan nano nga pamaagi ngan mayaon katungod liwat nga buligan”. Kasugbong liwat ni Balanquit an iya gropo nga Akbayan party-list sa pagpasilitar bulig sa mga Esternos ug Leyteños.

Ni: Rommel R. Tepace

Marso 26, 2014, naghatag tseke an gobyerno munisipal san Pambujan, Norte san Samar kapin 100, 000 kapesos komo financial assistance sa mga biktima ni Super Typhoon Yolanda sa General Mc Arthur (Pambujan Sur), Eastern Samar. Makikita sa litrato sira Pambujan Mayor Lino L. Balanquit, Sr ngan Mayor Jaime Ty san Gen. Mc Arthur.

San Marso 26, 2014, naghatag Tseke kantidad 100, 000 kapesos komo ayuda-pinansyal san gobyerno munisipal san Pambujan ngadto sa mga biktima ni Super Typhoon Yolanda sa Hernani, Eastern Samar. Makikita sa litrato sira Pambujan Mayor Lino L. Balanquit, Sr. , Akbayan Sec. Gen. Conrad Dela Cruz, ngan Hernani Mayor Edgar C. Boco.

2

Bulyom 1 - Ika-2 nga Isyu 3

Editorial of Information

An kamatuoran in basaranan sa pagbabag-o ngadto san tinuod nga progreso, pero mayaon mga tinutuo nga kamatuoran nga diri ngay-an ungod, sa pag-uswag san sibilisasyon may-ada mga nagkakalutaw nga kamatuoran sugad sa pagtuo san kadaan nga mga tawo sadto nga panahon nga an kalibutan in “Hilapad”, pero paglipas san maiha nga panahones napamatud-an nga lipuyok ngay-an an kalibutan.

Samtang sa iba naman nga partido san Historya, si Galileo Galili iguin-paguwas sa pagka-Romano-Katoliko mahitungod nga gin-anunsyo niya sa kanira lugar nga an Sudang an sentro san Solar System. Sa buka nga bahin, an simbahan Romano-Katoliko naman nagpahamtang sa katawhan nga an Kalibutan mao an sentro diri an Sudang. Pag-agi tulo kagatus kaliman katuig tikang namatay si Galili, ginpasaylo siya san simbahan tungod nga an iya ginpaabot mao an kamatuoran.

Sanhi, sa Siyensya an sinusugad nga Building Block mao an tinatawag nato nga Atom. Pero san Hulyo 4, 2012, ginpaguwas san sayo nga Siyentipiko nga Riggs Boson an tama nga ngaran ngan kahimtang san Building Block.

Sanglit tama la nga kinahanglan naton paghimay-himayon sin maupay an mga gintutuo nga kamatuoran labina gud an Historya subay sa detalyado nga paktitos agud makuha an tama nga butang sa panhuna-huna san katawhan. An Historya ug opinyones tikang sa nagdaog nga grupo tungod sira la an may kontrol san panahon, nangagpabuot la ngan nahingalimtan an tindog ug mga rason san napirde nga grupo.

Hingyap nato an maka-hostesya nga kahimtang base sa makatawo nga kamatuoran dugtong san progresibo nga komunidad sa kanunay nga panuigon.

Kamatuoran, basaranan san progreso

LDRRMC Pambujan, andam nga gintapo si YolandaKaapi an Norte sa mga probinsya sa isla san Samar nga

ginpudos liwat san ukig ni Super Typhoon Yolanda san Nobyimbre 8, 2013.

Bag-o pa man sumulod si Typhoon Yolanda sa Philippine area of responsibility, nagpahayag an Philippine Atmospheric Geophysical Astronomical Services Administration o PAGASA nga kinahanglan magpreparar an bug-os nga Eastern Visayas sa destroso nga ibibilin sini nga bagyo.

Dayon nga ginpatawag san presente nga Administrador san Pambujan an opisyales san Local Disaster Risk Reduction Management Council o LDRRMC, ira gintukib sa katirirok an mga pitad o preparasyon nga angay nira buhaton pag-abot ngan paggikan ni Yolanda sa nasud.

Labot sa telebisyon, transistor o radyo ug mantalaan, ginsiguro gud liwat san Aministrador nga mahibaro an mga Pambujanon sa ungod nga kamutangan san bagyo, ginpabandilyo niya an mga angay buhaton san molupyo antis pa man umabot si bagyo Yolanda.

Ginpalupas san LDRRMC sa designated evacuation centers an mga residente san burobarangay nga harapit sa baybayon, salog ug bukid nga kaurugan sentro san kadilikaduhan.

Sa evacuation centers, kompleto an pagkaon, tubig ug medisina nga kinahanglan san mga naglupas labi na gud adton kabataan, kaarugan ngan kababayen-an nga maluya an resistensya.

Pagklaro, kahuman san bagyo, an panhatag san relief goods o ayuda in wara halo nga pulitika, an intensyon san ayuda in para magkayaon pagkaon an naglupas nga mga Pambujanon tikang sa ira puroy-anan nga ginwakay san bagyo.

Base sa destroso nga ginhatag ni Yolanda, umabot la sa minimal nga ihap san pribado nga straktura an nawakay.

Bahin naman sa pangabuhi, wara gud masyado kaapektuhi an mga produkto pang-agrikultura ug mga alaga nga kahayupan san maghahayop nga Pambujanons.

An agrikultura in usa nga ginrakudako san Pambujan nga kayamanan tungod sobra katunga sini nga tuna in agricultural land, diin kaurugan san Pambujanons in dependents sa pag-uma.

Dako an pasalamat ni Pambujan Mayor Lino Balanquit nga wara gud kaapektuhi masyado an bungto apisar nga naatubang ini sa pasipiko.

Gin-istorya liwat niya nga usa an pangamuyo sa makagarahum nga nakasalbar san Pambujan sa dimalas nga dara san kalamidad.

Ni: Enriqueto R. Galero, Sr.

San Francisco Street, sementado naNi: Rommel R. Tepace

Pira kabulan antis umabot an Mayo 2013 piniliay, naghangyo tambulig si Engineer ngan yana Mayor Lino Balanquit kan dati Senior Deputy Speaker ngan Northern Samar First District Representative Raul Daza nga masemento an San Francisco Streets sa may Barangay 5 ngan 6 sa bungto san Pambujan.

Sa impormasyon nga nakalap san Tinta, Hunyo 2013, ginpaguwas sa buhatan san Department of Budget and Management o DBM an alokasyon kapin 1, 750, 000.00 milyones kapesos gikan sa 2013 Priority Development Assistance Fund o PDAF ni dati Deputy Speaker Daza nga nagtugot gamiton an nasabi nga kantidad sa pagpasemento sa naunabi nga Estrito sa Pambujan.

Nobyimbre 4, 2013, ginpatikangan ni Mayor Balanquit an konstruksyon sa pagpasemento san San Francisco St. Districts 5 and 6 ngan ini nga proyekto in nakompleto o nahuman san Enero 2, 2014.

An sukol sa agianan nga ginsemento sa may San Francisco St., Brgy. 5 in 88 LM samtang 79.5 LM naman sa Brgy. 6 siton manta nga Estrito.

Ginpaniguro ni Balanquit nga masemento iton nga Estrito para diri makurian an tawo sa ngaran nga transportasyon labi na adton maydara nga produkto tikang sa dagat ngan uma diretso sa merkado.

Usa ini nga pamaagi san Administrasyon nga mapadagmit an pagprogreso san ekonomiya san bungto.

TINTAA Newsletter Publication of the Municipal Government of Pambujan

ROMMEL R. TEPACEProduction Manager

Website: www.uswagpambujan.wordpress.comE-mail Address: uswagpambujan@live.com

Office Address: Information Section,Licerio Sosing Building, Brgy. 3 Pobl., Pambujan, Northern Samar

ENRIQUETO R. GALERO SR.Editor-In-Chief

JOCELYN UMALI MA. TINA B. BASARTE GLENDA B. SURIO Staff Writer Staff Writer Staff Writer

NIÑO VALENZUELALay-out Artist

ATTY. RAOUL JANN R. BALANQUIT Legal Consultant / Adviser

Office of the Mayor

Mass Civil Wedding program ni Pambujan Mayor Lino L. Balanquit, Sr. ginbuhat sa Interior Barangays ngan Poblacion san nakalabay nga Pebrero 17, 18, 25 ngan 26, 2014. Sini nga programa, inabot sa ihap nga 167 nga Mag-tiayon an libre nga kinasal.

Municipal Social Welfare and Development Office o MSWDO Pambujan, kumarawat ayuda kantidad 2, 026, 500.00 milyones kapesos tikang Department of Social Welfare and Development o DSWD san Marso 14, 2014 didto sa Syudad san Tacloban, Leyte.

Gagamiton an nasabi nga kantidad pagpapatuman san Feeding Program san MSWDO Pambujan para san Day Care Pupils o DCP san Day Care Centers o DCC san 26 barangays san mao nga bungto.

Ni: Glenda B. SurioSan Nobyimbre 28, 2013, an Gobyerno Munisipal san Pambujan

pinaagi sa Agriculture Office o AO ngan Public Employment Service Office o PESO in manilampuson nga nagdistribwar livelihood support o bulig-pangabuhi sa mga Parag-uma sa 7 nga agricultural barangays nga nasuno sa mao nga bungto sa probinsya.

An nasabi nga bulig-pangabuhi in sayo nga counterpart program san Department of Labor and Employment o DOLE ngan Local Government Unit o LGU Pambujan dida sa ira pagpatuman sa kinabag-o ug malaksi nga pamaagi san pag-uma.

Tinuod, kadam-an san tuminongnong sa Pambujan in nadepende sa produkto nga nakukuha sa paray, utanon, prutas, duma, kalubian, alaga nga kahayupan ug iba-iba nga nayuyong sa porma pagtaga-argrikultura.

Permanente nga magigin-life and economic equalizer san mga Pambujanon an pag-uma mahitungod nga sobra katunga san land area sini in agricultural land.

Segun sa istorya ni Pambujan Agriculture Technologist Engineer George Dela Rosa, an mga resipyente sini nga bulig-pangabuhi in mga Parag-uma sa Barangays Geparayan, Manahao, San Ramon, Canjumadal, Cabarian, Cabab-toan ngan Poblacion 7 sa nabanggit nga munisipalidad.

Dugang pa niya, an naunabi nga resipyente kumarawat 7 nga body Hand Tractors, 7 nga body Floating Tillers ngan 7 nga Aircooled Diesel Engines nga may kapasidad nga 10 hp o katumbas sin pira nga Karabao nga gamit san tradisyunal nga Parag-uma.

Gagamiton san mga resipyente an Hand Tractors sa bulod nga umahan samtang an Floating Tillers naman in para sa patag nga umhanan. Kada bulan, magkokondukto monitoring an pira nga representante tikang Pambujan Municipal Social Welfare and Development Office o

PMSWDO kaupod AO para san sinusugad nga inspection and assessment sa naturang gamit, kaupod na sini an ebalwasyon sa trabaho san parag-uma gamit an tractors and tillers.

Gin-inganyar san personahe san AO, PESO ngan MSWDO an mga resipyente nga hirutan an kanra kinarawat nga gamit-pangabuhi sugad sa pag-ataman san ira mga lawas ngan pananum sa uma.

Lakaw sa panahon, ingkaso mawakay ini nga gamit-pag-uma, responsibilidad san mga resipyente nga ipa-upay iton agud magamitan nira otro komo alalay sa pangabuhi ug pag-asenso.

Bulyom 1 - Ika-2 nga Isyu 4

Ni: Rommel R. TepaceNapili san mga Hurado an Tribu Lab-as 5 komo pangkabug-

osan nga daugan sa ginbuhat nga Kadayaw festival sa Pambujan sa nakalabay nga Enero 16, 2014.

Gintagan san mga Hurado pinakadako nga puntos an Tribu Lab-as 5 kompara san 8 pa nga nag-api sa paisan-isan.

An Lab-as 5 san Barangay 5 Poblacion, Pambujan in nakakuha 91.13 puntos samtang 90.42 para sa Tribu Mandaragat san Barangay 2 Poblacion ngan 90.31 naman para sa Tribu Salung-salungan san Barangay Camparanga san mao manta nga bungto.

Nakakuha premyo kapin 30, 000 kapesos an Lab-as 5, 20, 000 kapesos an Mandaragat ngan 10, 000 kapesos naman an kanan Salung-salungan.

Ginkomponer an Lab-as 5 san pili ug talentado nga residente san Brgy. 5 para magpadangat talento sa atubangan san katawhan-Pambujanon san nakaagi nga pestibidad.

8 sa 26 Barangays san Pambujan an inaapi sini nga paisan-isan ngan 1 naman para sa invitational o dayo nga tribu tikang Brgy. Bantayan, San Roque sini manta nga probinsya.

An invitational nga tribu in nakakuha kantidad 10, 000 kapesos komo papremyo sa pagdayo ug pakipagsalin-urog san pestibidad.

Mayaon criteria for judging nga gin-basihan an mga Hurado sugad san discipline ngan lain pa.

Apisar sa pabugso-bugso nga uran ngan hangin dara san low pressure sa Eastern Samar ngan Mindanao siton nga adlaw, padayon la gihapon nga gindumara an pestibidad primero pinaagi sa ginbuhat nga misa san aga ngan sinundan ini san prosisyon, dance competitions san 12:45 sa adaw, hayop/mananap presentations sa alas 4:00 san kulop ngan masquerade ball naman san gab-i.

Bisan nagkahumoy na, wara la gihapon katinag an mga magkurulaw, Bata man o Arug maimdan gud la an makalilipay nga presentasyon san kada nag-api sa paisan-isan.

Sa buka nga bahin, sa hayop/mananap, nagin-kampeon an scorpion nga nakakuha premyo kantidad 7, 000 kapesos sumunod an dolphin nga nakakuha kantidad 5, 000 kapesos ngan baby turtle nga nakakuha naman 3, 000 kapesos.

Samtang sa masquerade ball naman, nagin kampeon an numero 7 nga nakakuha 93.7 puntos.

Segun sa mensahe ni Pambujan Mayor Lino L. Balanquit, Sr., ginsaad niya sa mga Pambujanon sanhi san 2013 nga kampanya nga iya ibabalik an pagpaka-upay san lugar kaupod pa an paglunsar otro san kadayaw festival oras nga makabalik siya sa poder komo Amay san bungto.

Mahinumduman, ginwara an Kadayaw festival san naglabay nga Administrasyon sa Pambujan, ungod nga ginkamingaw ini san lugar pag-abot sa bulan san Enero.

Ginbalik ni Mayor Balanquit, Sr. an sugad nga pestibidad agud mapausbong an turismo, magkayaon trabaho an Pambujanons ngan mapadako an kita partikularmente an mga tuminongnong sa nasabi nga munisipalidad.

An konsepto san progreso in nadepende san tourism industry san sayo nga lugar sugad san padayon nga pag-asenso san Cebu, Palawan, Bohol, Davao ngan yana an lalawigan san Benquet diin nahunong an Baguio City, dugang pa ni Balanquit, Sr.

Tribu Lab-as 5, daugan sa Kadayaw festival

Kalagasan sa Pambujan, kumarawat Purchase Booklets

TRIBU LAB-AS SINGKO

Ni: Jocelyn D. UmaliNananalinguha an Gobyerno Munisipal san Pambujan

pinaagi sa tambulig san Municipal Social Welfare and Development Office o MSWDO ngan Office of Senior Citizens' Association o OSCA nga matugunan an panginahanglan san Kalagasan nga susgaranan san bag-o nga henerasyon sa komunidad.

Naglatag Akta Republika numero 9257 an Gobyerno Pilipinhon, diin nakabay-bay sini an rasones nga nagpahimutang unod nga matagan ayuda o asistensiya an mga Lagas sa tibook nga lugar sa nasud.

Igindugang ini nga ayuda ug benepisyo sa programa san kada sangay san Municipal Social Welfare and Development Office o MSWDO sa mga probinsya sa Pilipinas para tutukan an kaangayan nga pitad nga matagan bug-at an mga Arug.

Sayo sa iginbabandera san MSWDO ngan OSCA Pambujan an distribution of purchase booklets sa kada Lagas nga na-edad 60 pa-igbaw nga nahunong sa 26 nga barangays sini nga munisipalidad.

Base sa pahayag san MSWDO Pambujan, sa yana, umabot na sa 408 nga Kaarugan sini nga lugar an natagan purchase booklets tikang bulan san Agosto 2013.

Basaranan ini nga booklets san tindahan sa pagkaltas san 20% nga diskwento pananglitan pumalit an benepesaryo prime commodities sugad san pagkaon, gatas, tubig ug mga medisina nga kinahanglan niya sa kada tuyok san adlaw.

Sakop pa liwat siton nga diskwento an kabaraydan san Kaarugan para sa kanira dental diagnostic & Laboratory, hotels, restaurants, recreation centers, theaters, cinema houses, concert halls, domestic air, sea travel and public land transformations.

Kaurugan sini nga benepesaryo in gabus o kablas, kinahanglan nira nga maka-avail agud matuman an ira hingyap nga mapalit an prime commodities nga wara nira kabalyo sanhi san diri pa sira miyembro tungod nakagapos ini sa presyo-pangkalibutan.

Nakipagkomunikar an LGU Pambujan sa Lideres san mga barangay nga nasasakupan nga pasabuton an mga pamilya nga mayaon Tigurang para mahiparehistro ug magin benepesaryo sini nga programa.

Katuyuanan san nabanggit nga LGU nga mahideritso an ayuda sa mga tawo nga nanginginahanglan.

Parag-uma san Pambujan, resipyente san bulig-pangabuhi

Makikita sa litrato sira ECCD Legal Counsel Atty. Arthur Tantuan, Pambujan Mayor Lino L. Balanquit, Sr., Pambujan Municipal Administrator Atty. Raoul Jann R. Balanquit, Pambujan Central Elementary School Principal Mr. Amador Lagrimas, mga opisyales san Gobyerno Munisipal ngan pira nga Tiulo san Barangays san mao nga bungto durante sa ginbuhat nga ground breaking ceremony para sa ititindog kantidad 2, 300, 000.00 milyones kapesos nga 250 square meters nga NCDC sa sulod sa compound san Pambujan Central Elementary School o PCES sa nag-agi nga Marso 7, 2014.