achievement certificate kreol morisienmes.intnet.mu/english/documents/examinations... · ranplasman...

PSAC | I

2017February

GRADE 6

Mauritius Examinations Syndicate

PRIMARY SCHOOLACHIEVEMENT CERTIFICATE

Specimen Assessment Booklet

KREOLMORISIEN

PSAC | III

1. Kontext

Ranplasman Certificate of Primary Education (CPE) par Primary School Achievement Certificate (PSAC) apartir sa lane-la pou ousi mark premie fwa ki evalie seki zelev finn aprann pandan zot bann lane lekol primer. Lexame-la anlign avek bann obzektif nouvo National Curriculum Framework (NCF) pou primer (Grad 1-6).

Sa dokiman-la prezant filozofi konsepsion evaliasion pou KM ek bann konsiderasion mazer ki finn gid so devlopman.

Livre-la explik striktir evaliasion PSAC. Li ousi inklir enn Specimen Assessment Booklet ek enn Specimen Marking Scheme.

2. Evaliasion Kreol Morisien: Bann kestion fondamantal

Elaborasion evaliasion KM finn gide par sa bann konsiderasion-la:

2.1 Kifer pe evalie?

Evaliasion PSAC viz pou mezir laprantisaz ki zelev finn fer pandan sis lane primer. Li viz pou evalie nivo performans bann zelev dan bann diferan domenn laprantisaz Kreol Morisien.

Pou sak domenn, finn propoz bann exersis evaliasion selon diferan nivo difikilte pou permet tou zelev montre seki zot kapav fer.

[Sours: Cambridge Assessment]

Ki peevalie?

Kouman pe evalie?

Ki manierpou donnenn retour

lorevaliasion-la?

Ki manierevaliasion-la

pou servizelev?

Ki sann-lape pran

evaliasion-la?

Kifer peevalie?

IV | PSAC

2.2 Ki manier evaliasion-la pou servi zelev?

Tou evaliasion viz pou ena enn lefe retour pozitif lor lansegnman-aprantisaz. Se pou sa rezon-la ki evaliasion-la kouver tou sa bann domenn ek kapasite laprantisaz la. Sa pou ed pou asire ki lansegnman tenir kont bann obzektif laprantisaz ki finn enonse dan National Curriculum Framework.

Bann aktivite evaliasion pou varye pou sak edision PSAC. Koumsa zelev pa pou kapav reponn bann kestion par labitid plito ki konpran seki pe demande; li pou ousi ankouraz ki fer enn varyete aktivite pou devlop sak kapasite dan klas desort ki zelev pou pli motive; zot pou ousi metriz bann kapasite-la pli bien.

2.3 Ki bann prinsip ki finn gid elaborasion evaliasion PSAC pou KM?

Ala ki bann prinsip-la ete:

Se enn evaliasion ki:

• fonde lor Curriculum• favoriz enn lefe retour pozitif • asir lekite – li viz zelev tou nivo • etablir ek mintenir bann nivo • baze lor bann item valid ek fiab • konport enn sistem alokasion pwin adekwa

3. Ki pou evalie ek kouman?

Evaliasion Kreol Morisien sible sa bann domenn-la:

1. Lektir ek Konpreansion (40%)

2. Prodiksion ekri (30%)

3. Gramer ek Vokabiler (30%)

Diferan nivo aktivite evaliasion pou propoze pou sak domenn.

PSAC | V

3.1 Gramer ek Vokabiler (30%)

3.2 Lektir ek konpreansion (40%)

Gramer ek Vokabiler30 pwin

Gramer an kontext (kestion ouver)

10 pwin

Vokabiler (‘Multiple Choice

questions’ ek kestion ferme ek ouver)

10 pwin

Item gramatikal izole (‘Multiple Choice

Questions’)10 pwin

Lektir ekKonpreansion

(40 pwin)

Text klozir10 pwin

Savwar-lir avanse

(text kontini)15 pwin

Savwar-lir de baz(nivo fraz)

5 pwin

Savwar-lirintermedier

(text fonksionel) 10 pwin

VI | PSAC

3.3 Prodiksion ekri (30%)

4. Striktir kestioner

Ala enn deskripsion detaye kestioner evaliasion:

Kestion 1:

Kestion 2:

Kestion 3A:

Kestion 3B:

Kestion 4A:

Prodiksionekri

30 pwin

NivoRedaksion

10 pwin

NivoParagraf 10 pwin

NivoFraz

10 pwin

Sa kestion-la evalie kapasite lir a enn nivo bazik. Pou sa, pou propoz bann item ki demann ki relie enn fraz avek enn zimaz/fraz/anons, etc... ki koresponn ar li. (5 pwin).

Enn seri item ‘Multiple Choice Questions’ pou teste konesans striktir gramatikal. (10 pwin).

Sa kestion-la pou evalie konesans vokabiler kouran. Kapav demann relie enn mo avek so definision/enn zimaz ou trouv mo ki koresponn a enn definision. Kapav ousi demann nomm bann kitsoz dan enn zimaz (par exanp seki pe trouve dan enn lari), kontinie enn lalis, bar enn mo ki pa al avek bann lezot dan enn seri, swazir form mo ki bizin. (5 pwin).

Sa kestion-la pou evalie kapasite servi vokabiler apropriye dapre kontext. Li kapav enn kestion ‘Multiple Choice Questions’ swa enn seri kestion ouver. (5 pwin).

Sa kestion-la pou evalie kapasite lir a enn nivo intermedier, an partikilie kapasite idantifie bann informasion spesifik dan diferan tip text fonksionel (par exanp, enn text kourt, enn lafis, enn piblisite, enn let, enn kart postal, etc.) (10 pwin).

PSAC | VII

Kestion 4B:

Kestion 5:

Kestion 6A and 6B:

Kestion 7A:

Kestion 7B:

Kestion 8A:

Kestion 8B:

Kestion 9:

Sa kestion-la pou evalie kapasite lir a enn nivo avanse apartir enn text kontini relativman long. Text-la kapav enn text naratif, informatif ou deskriptif. Bann kestion lor pasaz-la pou permet evalie enn seri kapasite konpreansion kouman: idantifie ou lokaliz bann informasion spesifik, etablir relasion ant bann personaz, bann aksion ou bann evennman, etablir kronolozi evennman, fer bann inferans, idantifie bann tem ek bann lide prinsipal ek reazir dan enn fason personel a text ki finn propoze. Diferan tip kestion kapav poze; vre/fos, kestion ‘multiple choice’, ‘matching’ ek bann kestion ouver. (15 pwin).

Sa kestion-la pou evalie kapasite ekrir bann fraz. Konesans sintax pou evalie atraver enn varyete item (met bann mo an-ord, separ bann mo kole ansam, inser bann diferan eleman kouma adverb ou azektif korekteman dan enn fraz, transform an fraz negatif ou interogatif ou linvers, ekrir fraz avek mo ki finn done, etc. (10 pwin).

Sa kestion-la evalie kapasite lektir ek konpreansion atraver enn text klozir. Dan premie parti, pou bizin swazir bann mo depi dan enn lalis (dan ki pou kapav ena enn fos repons ki zwe rol enn distracter) e dan deziem parti, bann zelev pou bizin rod mo apropriye ki manke. (10 pwin).

Sa kestion-la pou evalie konesans zelev lor gramer ek lortograf an kontext. Pou propoz enn text kourt kot ena erer gramer ek lortograf ek bann zelev pou bizin koriz bann erer-la. (5 pwin).

Sa kestion-la pou evalie konesans ek aplikasion bann reg konzigezon verb an KM. Pou propoz enn text kourt ek bann zelev pou bizin met form verb apropriye dan bann trou ki finn lese. (5 pwin).

Sa kestion-la pou evalie kapasite prodir bann fraz apartir bann mo ek expresion ki done. Bann diferan fraz swiv an enn sekans ki fer enn ti-text koeran. (6 pwin).

Sa kestion-la pou evalie kapasite servi bann konekter kouman bann konzonksion atraver reekritir kat per fraz sinp an kat fraz konplex. (4 pwin).

Sa kestion-la pou evalie kapasite ekrir enn text kontini koeran. Li kapav prodiksion enn let, enn konpozision gide par enn kannva, apartir enn zimaz ou enn seri zimaz oubien kapav demann kontinie enn zistwar. (10 pwin).

KR

EO

L M

OR

ISIE

N(S

ubje

ct C

ode

No.

P22

0)

mauritiusexaminationssyndicatemauritiusexaminationssyndicatemauritiusexaminationssyndicatemauritiusexaminationssyndicatemauritiusexaminationssyndicatemauritiusmauritiusexaminationssyndicatemauritiusexaminationssyndicatemauritiusexaminationssyndicatemauritiusexaminationssyndicatemauritiusexaminationssyndicatemauritiusmauritiusexaminationssyndicatemauritiusexaminationssyndicatemauritiusexaminationssyndicatemauritiusexaminationssyndicatemauritiusexaminationssyndicatemauritiusmauritiusexaminationssyndicatemauritiusexaminationssyndicatemauritiusexaminationssyndicatemauritiusexaminationssyndicatemauritiusexaminationssyndicatemauritiusmauritiusexaminationssyndicatemauritiusexaminationssyndicatemauritiusexaminationssyndicatemauritiusexaminationssyndicatemauritiusexaminationssyndicatemauritiusmauritiusexaminationssyndicatemauritiusexaminationssyndicatemauritiusexaminationssyndicatemauritiusexaminationssyndicatemauritiusexaminationssyndicatemauritiusmauritiusexaminationssyndicatemauritiusexaminationssyndicatemauritiusexaminationssyndicatemauritiusexaminationssyndicatemauritiusexaminationssyndicatemauritiusmauritiusexaminationssyndicatemauritiusexaminationssyndicatemauritiusexaminationssyndicatemauritiusexaminationssyndicatemauritiusexaminationssyndicatemauritiusmauritiusexaminationssyndicatemauritiusexaminationssyndicatemauritiusexaminationssyndicatemauritiusexaminationssyndicatemauritiusexaminationssyndicatemauritiusmauritiusexaminationssyndicatemauritiusexaminationssyndicatemauritiusexaminationssyndicatemauritiusexaminationssyndicatemauritiusexaminationssyndicatemauritiusmauritiusexaminationssyndicatemauritiusexaminationssyndicatemauritiusexaminationssyndicatemauritiusexaminationssyndicatemauritiusexaminationssyndicatemauritiusmauritiusexaminationssyndicatemauritiusexaminationssyndicatemauritiusexaminationssyndicatemauritiusexaminationssyndicatemauritiusexaminationssyndicatemauritiusmauritiusexaminationssyndicatemauritiusexaminationssyndicatemauritiusexaminationssyndicatemauritiusexaminationssyndicatemauritiusexaminationssyndicatemauritiusmauritiusexaminationssyndicatemauritiusexaminationssyndicatemauritiusexaminationssyndicatemauritiusexaminationssyndicatemauritiusexaminationssyndicatemauritiusmauritiusexaminationssyndicatemauritiusexaminationssyndicatemauritiusexaminationssyndicatemauritiusexaminationssyndicatemauritiusexaminationssyndicatemauritius

Index Number: .........................................................

MAURITIUS EXAMINATIONS SYNDICATEPrimary School Achievement Certificate AssessmentSpecimen assessment booklet for assessment as from 2017

Time: 1 hour 45 minutes

INSTRUCTIONS TO CANDIDATES

1. Check that this assessment booklet contains 9 questions printed on 12 pages numbered 2, 3, 4, 5, 6, 7, 8, 9, 10, 11, 12 and 13.

2. Write your Index Number on the question paper in the space provided above.

3. You should not use red ink in answering questions.

4. Write all your answers clearly on the question paper.

5. Attempt all questions.

Question Marking Revision ControlMarks Sig Marks Sig Marks Sig

12

3A3B4A4B5

6A6B7A7B8A8B9

TOTALSig (HOG)

2 | PSAC

Kestion 1 (5 pwin)

Lir sak fraz ek relie zot ar zimaz ki bizin. Finn fer enn lexanp.

(i) A Vicky finn gagn enn bisiklet pou so laniverser.

(ii) B Enn zwazo pe anvole dan lesiel.

(iii) C Mo frer ek mwa kontan get bann planet dan teleskop.

(iv) D Bann zanfan lor laplenn foutborl.

(v) E Maeva pas boukou letan ar so poupet.

(vi) F Rocky, mo lisien, abitie vwayaz dan loto.

PSAC | 3

Kestion 2 (10 pwin)

Anserkle bon repons.

Lexanp:

Trwa semenn de sela, tou mo fami ………… an vakans.

A pou C ti

B pe D finn

1. Melina pa kontan manz legim. ………… bien gagn kriye ar so mama.

A Li C Zot

B To D Bann-la

2. ………… fler zot finn plante?

A Ki C Ki sann-la B Kouma D Ki ete

3. Pa gagn traka ar bann lasiet sal. Mo pou lav tou vesel …………….…. A limem C momem B zotmem D tomem

4. Mo lisien ………… mwa devan laport toule tanto.

A atan C attan B atann D atane

5. Depi sink-er nou pe vey transpor …………….……….. lakaz.

A pou retourn C pou retourne

B pe retourn D pe retourne

6. Yannick zame fer atansion kan li marse. Li touzour pe ………….

A rev-rev C reve-rev B rev D rev-reve

4 | PSAC

7. Apre kolez, dan set an, mo ………… al liniversite.

A pou C finn

B ti D ti finn

8. Pa gagn drwa koze …………….….. lasanble lekol.

A depi C lerla B pandan D ziska

9. Li ti pe al laboutik kan li …………….. tonbe.

A pou C finn

B pe D ava

10. Mo granmer malad. Mo bizin al rann …………….… enn vizit.

A mwa C li

B nou D twa

Kestion 3A (5 pwin)

Trouv mo ki koresponn pou sak deskripsion.

Lexanp:

Enn long baton ki servi pou lapes GOLET

i) Nou servi li pou ekrir. K _ _ _ _ N

ii) Li enn satelit natirel nou later. L _ _ _ _ N

iii) Laparey avek ki nou pran foto. K _ _ _ _ A

iv) Bann vie dimounn souvan mars avek enn. B _ _ _ _ N

v) Zot briye dan lesiel aswar. Z _ _ _ _ L

PSAC | 5

Kestion 3B (5 pwin)

Anserkle bon repons

1. Soley finn ……..…… . Enn sel kout finn fer nwar.

A leve C kouse

B briye D tase

2. Mo gran frer pe dormi. Pe tann li ………...........… ziska dan salon.

A kriye C plore B ronfle D sante

3. Kevin kontan …………….… . Toulezour li al pisinn. A naze C grinpe B pile D danse

4. “Pret mwa to gom, mo bizin …….....…… seki mo finn ekrir,” Paul dir so kamarad.

A desinn C kolorye B soulign D efas

5. Elodie dan laeropor. Li pe atann pou pran …………….. pou al Sesel.

A bis C avion

B trin D bato

6 | PSAC

Kestion 4A (10 pwin)

Lir sa text-la.

Kabri

Dan peizaz Rodrig, kabri se enn zanimo ki nou trouve partou. Bien rar nou trouv enn kabri pe mars tousel. Nou trouv zot plito par dizenn pe galoupe dan bann gran laplenn. Kabri se enn erbivor; savedir li manz lerb ek feyaz.

Kabri se enn mo pou apel sa lespes-la. So mal apel “bouk” ek so femel apel “sev”.

Bann kabri dan Rodrig ena plizier kouler. Ena kabri nwar, kabri blan, kabri maron, kabri lasann oubien kabri blan-nwar, blan-rouz, etc. Kan zot met ba, bann kabri gagn ant enn ek trwa piti.

Ena trwa varyete kabri dan Rodrig: kabri lokal, kabri arab ek kabri zimbabwe. Kabri arab pena korn konpare ar lezot. Nou rekonet enn kabri zimbabwe avek so latet ki maron ziska lafin so likou. Sa bann kabri-la vinn bien gro.

Dan langaz Kreol, nou ena plizier expresion kot servi mo “kabri”. Par exanp, nou dir enn dimounn ena “lalang kabri” kan seki li predir arive. Anfin, servi lapo kabri pou met lor enn linstriman tradisionel: tanbour dan Rodrig ek ravann dan Moris.

Konplet sa fis-la. Finn fer enn lexanp.

1. Nom zanimo : …………………………….…..

2. Ki li manze : ………………… ek …………………

3. Femel kabri : ………………………………...

4. Enn kouler kabri : …………………………………

5. Maximum piti ki li gagne : …………………………………

6. Enn varyete kabri dan Rodrig : …………………………………

7. De karakteristik kabri zimbabwe (i) : ……………………..……..……

(ii) : …………………………………

8. Enn expresion kot ena mo “kabri” : …………………………………

9. Ki fer ar lapo kabri?

- dan Moris : …………………………………

- dan Rodrig : …………………………………

Kabri

PSAC | 7

Kestion 4B (15 pwin)

Lir sa pasaz-la ek reponn kestion.

Kouma sak lane pandan vakans Nwel, Tikoulou pas de-trwa zour Port-Louis kot so kouzin Gromarto. So kouzin rest dan enn zoli lakaz penn ar boukou kouler. Lakaz-la trouv dan lari Ail Doré pa lwin ek kolinn Monneron. Se enn lari kot ena boukou mouvman: bisiklet, motosiklet me zame loto parski lari-la inpe sere.

Sak fwa ki li dan Port-Louis, Tikoulou atann avek inpasians ki Samdi arive. Sa zour-la, li al promne ek Sookool ki enn marsan dile. Tikoulou asiz lor gro bidon dile ki fixe lor bisiklet ek li pare pou fer so letour. Devan sak lakaz, Sookool kriye:

“Dile! Dile!”

Bann madam sorti depi zot lakaz avek zot kasrol pou aste zot dile fre.

Enn gramatin Tikoulou fer konesans Kaskot, se nouvo vwazinn Gromarto. Ansam, zot desid pou al vizit Port-Louis. Premie eskal se Mize Port-Louis kot zot dekouver bann insekt ek zanimo ki finn disparet dan Moris. Dan lapremidi, zot al lor flan kolinn Monneron ek laba, zot trouv enn zako ki Gromarto paret bien kone.

“Mo prezant zot Zakodanse. Li fer boukou grimas ek li sot vit-vit depi enn pie ziska enn lot,” Gromarto dir.

Pou swet zot labienveni, zako-la sot lor zepol Tikoulou ek apre li pran enn lelan pou voltiz dan ler ek trap enn laliann pou grinp lor pie.

Seki Tikoulou prefere dan Port-Louis se Fort Adélaïde ki nou ousi apel La Citadelle. Se enn gran batiman an ros lao lor enn kolinn ek li antoure ek enn gran miray. Se lamem ki bann solda ti pe viv kan Moris ti enn koloni Angle. Depi lao, zot ti trouv tou dan Port-Louis e zot ti kapav fasilman sirvey bann bato ki ti pe koste dan larad.

Soley pe al kouse. Tikoulou, Gromarto ek Kaskot pe apresie bann dernie reyon lor lavil… Ala zoli la!

Enn tradiksion ek adaptasion Tikoulou, Mystère à la Citadelle, 2001.

1. Lir sak fraz ek dir si li Vre/Fos. Met “V” ou “F” dan ti kare akote sak fraz.

i) Tikoulou al pas vakans kot so granmer Minet. ii) Gromarto rest Port-Louis.

iii) Gromarto so lakaz pa lwin ar kolinn Monneron.

iv) Boukou loto pas dan lari Ail Doré.

8 | PSAC

Anserkle bann let ki koresponn ar bon repons.

2. Tikoulou atann Samdi arive pou ……….

A al vizit Port-Louis.B al fer enn letour ek Sookool, marsan dile.C grinp kolinn Monneron.D al promne ek Gromarto.

3. Kaskot se ……….

A vwazin Gromarto.B kouzinn Gromarto.C vwazinn Gromarto.D ti ser Gromarto.

4. Tikoulou ek so bann kamarad vizit an premie ……….

A Mize Port-Louis.B La Citadelle.C kolinn Monneron.D lari Ail Doré.

5. “… zot al lor flan kolinn Monneron.” Savedir ki zot finn ……….

A mars ziska anba lipie kolinn.B al net lao lor kolinn.C mont enn bout kolinn.D get kolinn-la depi lwin.

6. Pou dir zot bienveni, Zakodanse ……….

A fer koustik dan pie.B fer boukou grimas.C sove al dan lavil.D sot lor zepol Tikoulou.

7. Dan Port-Louis, Tikoulou prefer ……….

A Mize.B kolinn Monneron.C larad.D La Citadelle.

PSAC | 9

Reponn bann kestion:

8. Donn de rezon kifer solda ti pe res dan La Citadelle kan Moris ti enn koloni Angle.

1. …………………….………………………………….......................……………

......................................................................................................................

2. ………………………………………………………………......................……..

......................................................................................................................

9. Anserkle 1 azektif dan lalis anba ki dekrir lakaz Gromarto.

tipti gran sere

kolore modern

10. Ki to panse lor manier Tikoulou finn pas so vakans? Kifer?

………………………………………………………………………………………..

………………………………………………………………………………………..

10 | PSAC

Kestion 5 (10 pwin)

i) Met bann mo an-ord pou fer enn fraz.

siklonn – kat – pe – klas – radio – anons (1)

……………………………….....................................….……………..

ii) Separ bann mo pou fer enn fraz.

Dissevalpegaloupedankatriemlekours. (1)

………………………………….......................................………………

iii) Rey mo ki anplis dan sa fraz-la.

Fanny pe swazir enn latwal pou finn koud enn rob. (1)

iv) Azout azektif “tris” dan sa fraz-la.

Li fer enn figir kan li perdi dan karom. (1)

…………………………………………...................................………...

v) Transform sa fraz-la an enn fraz negatif.

Noah finn touletan koz manti. (2)

…………………………………………………................................….

vi) Transform sa fraz-la an enn fraz interogatif.

Pe zwe enn fim karate dan sinema sa wikenn-la. (2)

………………………………………………..............................……..

vii) Ekrir enn fraz avek sa bann mo-la.

zistwar - granper - lontan (2)

……………………………………………….....................................................

..............................................................................................................……

PSAC | 11

Kestion 6A (5 pwin)

Konplet sa text-la avek bann mo ki finn done (enn mo par tire).

elektrik ezite lesans aste pri

Madam Zardino anvi …….…… enn tondez pou tay lerb devan so laport. Me alalila, li

pe …….…… ant de mark: tondez ‘Kikouptou’ ek tondez ‘Raznet’. Toule de kout mem

…….…… me tondez ‘Kikouptou’ li …….…… ek tondez ‘Raznet’ mars ar …….…… .

Kestion 6B (5 pwin)

Ranpli bann tire par to prop mo pou konplet sa text-la.

Madam Zardino pe …….…… lekel pli bon pou li. Si li aste mark ‘Kikouptou’, kapav li pou

pey boukou …….…… . Si li deside pou aste mark …….……, sak fwa li pou bizin al lor

…….…… pou aste lesans! Finalman li …….…… mark ‘Kikouptou’.

Kestion 7A (5 pwin)

Tina finn fer inpe fot dan so text. Koriz bann fot-la. Finn fer enn lexanp.

Kouma Tina ariv dan bazaar (bazar), li al drawt (……………) ar marsan aluda (……………).

Marsan-la vann ousi ji (……………) limon ek siro tou sort kouler. Tina gayn (……………)

difikilte pou deside ki li pou boir (……………).

Kestion 7B (5 pwin)

Servi bon form verb pou konplet sa text-la.

Touletan, mo papa …………………. (rakonte) mwa ki kan li ti tipti, li ti kontan ………………….

(ale) larivier. Lontan, bann larivier ti prop; pa ti ena bann lizinn ki …………………. (devide)

zot delo sal ladan. Laba, ti ena bann dimounn ki ti pe vinn …………………. (lave) zot linz.

Apre, zot …………………. (mete) bann linz-la sek lor gazon akote.

12 | PSAC

Kestion 8A (6 pwin)

Servi bann mo ki finn done pou ekrir enn fraz pou sak zimaz.

enn zour plante fler

………………………………………………......................................

......................................................................................................

toulezour larozwar

………………………………………………......................................

......................................................................................................

anfin margrit zardin

………………………………………………......................................

......................................................................................................

Kestion 8B (4 pwin)

Servi bann konekter ant braket pou relie sak fraz.

i) Mo ti ankor pe al maternel. Mo papa finn vinn lekol isi enn zour. (kan)

…………………….............………….....................................….……............………..

ii) Li ti vinn donn mo nom. Mo rant dan primer. (pou)

…………………….............………….....................................….……............………..

iii) Lane finn fini. Mo finn kit lekol maternel. (ler)

…………………….............………….....................................….……............………..

iv) Sis lane finn pase depi sa. Zordi mo parmi bann pli gran zelev dan lekol! (ek)

…………………….............………….....................................….……............………..

PSAC | 13

Kestion 91 (10 pwin)

Kontign sa zistwar-la dan anviron 100 mo.

Enn aswar, mo ti tousel lakaz. Enn kout mo tann telefonn sone dan salon.

…………………….............………….....................................................................................

.............................................................................................................................................

.............................................................................................................................................

.............................................................................................................................................

.............................................................................................................................................

.............................................................................................................................................

....................................................................................................................….……………..

…………………….............………….....................................................................................

.............................................................................................................................................

.............................................................................................................................................

.............................................................................................................................................

.............................................................................................................................................

.............................................................................................................................................

....................................................................................................................….……………..

…………………….............………….....................................................................................

1 Sipor pou “Prodiksion Ekri” kapav ousi enn kannva, enn tit, enn sekans zimaz ou enn foto

KREOLMORISIENSPECIMEN MARK SCHEME

Mauritius Examinations Syndicate

PRIMARY SCHOOLACHIEVEMENT CERTIFICATE

Note: This mark scheme is provided for guidance purposes only and does not provide an exhaustive list of all acceptable answers. For the end-of-year assessment, the mark scheme is only finalised after a rigorous sampling exercise.

Specimen Assessment Booklet

2017February

2 | PSAC

Kestion 1 (10 pwin)

2 pwin par bon repons.______________________________________________________________________

Item i – vi (item “i” finn donn kouman exanp)

i B

ii E

iii F

iv A

v C

vi D

Kestion 2 (10 pwin)


1 A

2 A

3 C

4 B

5 A

6 D

7 A

8 B

9 C

10 C

Kestion 3A (5 pwin)

1 pwin par bon repons______________________________________________________________________

i KREYON

ii LALINN

iii KAMERA

iv BADINN

v ZETWAL

PSAC | 3

Kestion 3B (5 pwin)


1 C

2 B

3 A

4 D

5 C

Kestion 4A (10 pwin)______________________________________________________________________

2 1 pwin

lerb ek feyaz

½ pwin

lerb

feyaz

3 sev

4 1 pwin pou ninport lekel sa bann repons-la:

nwar

blan

maron

lasann

blan-nwar

blan-rouz

5 Bon repons (1 pwin): → 3 / trwa

6 Bon repons (2 pwin)

(pou ninport ki 2 repons parmi sa trwa anba la)

(kabri) lokal

(kabri) arab

(kabri) zimbabwe

4 | PSAC


(1 pwin par repons)

(i) So latet maron.

ou

So latet maron ziska so likou.

(ii) Li ((vinn) bien) gro.

8 Bon repons (1pwin)

ena lalang kabri

ou

lalang kabri


1 pwin pou sakenn

i) met lor ravann / ravann

ii) met lor tanbour / tanbour

Kestion 4B (15 pwin)______________________________________________________________________1 1 pwin pou sakenn, 4 pwin an tou

i) F

ii) V

iii) V

iv) F

1 pwin pou sakenn, 6 pwin an tou

2 B

3 C

4 A

5 C

6 D

7 D

PSAC | 5

8 (2 pwin an tou)

1 pwin par bon repons

• Li ti solid.

• Li ti proteze par enn gran miray.

• Depi la, zot ti pe kapav sirvey bann bato (ki ti pe koste (dan larad)).

• Depi la, zot ti pe trouv tou dan Port-Louis./Depi la, zot ti pe kapav sirvey

Port-Louis (net).

9 Repons (1 pwin):

Kolore

10 (2 pwin an tou)

1 pwin par afirmasion

(i) Li finn pas bann zoli vakans./Li ena sans./Li finn bien amize./Top!/ ...

(ii) Li finn fer enn kantite kitsoz./ Li finn fer enn nouvo kamarad./ Li finn vizit boukou

plas./ Li finn vizit mize ek La Citadelle. / Li finn pas letan avek so kouzin. / Li finn

al promne. / Li finn al lor kolinn Monneron./ Mwa, mo pa gagn sa bann lokazi-

on-la./Mwa, mo abitie res lakaz./Mo papa pa dakor mo al promne. / …

Kestion 5 (10 pwin)______________________________________________________________________

i) Bon repons (1 pwin)

Radio pe anons siklonn klas kat.

Not: Tit let olie kapital dan koumansman fraz pa penalize.

ii) Bon repons (1 pwin)

Dis seval pe galoupe dan katriem lekours.

iii) Bon repons (1 pwin)

finn

iv) Bon repons (1 pwin)

Li fer enn figir tris kan li perdi dan karom.

6 | PSAC

v) Bon repons (2 pwin)

Noah zame pa finn koz manti. /Zame Noah pa finn koz manti./Noah pa finn

touletan koz manti.

1 pwin

Noah pa finn koz manti. / Touletan Noah pa finn koz manti.

vi) Bon repons (2 pwin)

Eski pe zwe enn fim karate dan sinema sa wikenn-la?

1 pwin

Pe zwe enn fim karate dan sinema sa wikenn-la?

vii) Bon repons (2 pwin)

Fraz kot finn servi toule de mo, ki sintaxikman bien konstrir e ki bien ekrir.

1pwin

Fraz kot finn servi toule de mo me kot ena 1 fot.

Kestion 6A (5 pwin)


Finn nimerot sak tire de 1 a 5 dan lord.

1 aste

2 ezite

3 pri

4 elektrik

5 lesans

PSAC | 7

Kestion 6B (5 pwin)



1 mazine, panse, swazir, demann limem, demann/demande, reflesi

2 kouran

3 ‘Raznet’

4 filing/filling; stasion lesans

5 pran, swazir, prefer

Kestion 7A (5 pwin)



1 drwat

2 alouda

3 zi

4 gagn

5 bwar

Kestion 7B (5 pwin)



1 rakont

2 al

3 devid

4 lav

5 met/ ti pe met

8 | PSAC

Kestion 8A (6 pwin)

2 pwin par bon repons______________________________________________________________________Bizin servi tou mo ki finn done; fraz-la bizin bien konstrir, li bizin fer sans ek li bizin bien ekrir. Not: Nou aksepte ‘margrit’ ek ‘margerit’. i) Enn zour mo finn plant enn fler (devan mo lakaz./dan mo zardin.)/Enn zour mo finn

gagn lanvi plant fler (devan mo lakaz./dan mo zardin.)/ Enn zour mo finn plant enn fler ki mo matant ti donn mwa./ …

ou Enn zour mo ser/ mo mama/ mo papa/ mo frer/ … finn plant enn fler (devan nou la-

kaz./dan nou zardin.)/ ...

ii) Toulezour mo servi mo larozwar pou aroz li./ Toulezour mo ranpli mo larozwar, mo aroz li./ Toulezour mo ranpli mo larozwar ek mo donn mo plant bien delo./ Toulezour mo aroz li avek delo depi dan mo larozwar./ ...

ou Toulezour li servi larozwar pou aroz li./ Toulezour li ranpli larozwar, li aroz li./ Toule-

zour li ranpli larozwar ek li donn plant-la bien delo./Toulezour li aroze avek larozwar./Toulezour li pran larozwar, li aroz fler-la./ Toulezour li pran larozwar, li aroze bien./Toulezour li aroz li avek delo depi dan larozwar. / ...

iii) Anfin enn zour enn zoli margrit finn ouver./ Anfin enn zour enn zoli margrit zonn finn ouver./Anfin, apre plis ki de semenn enn zoli margrit finn paret./ Anfin, enn zour nou finn trouv enn zoli margrit pouse./ ...

ou Anfin, enn zour mo finn trouv enn zoli margrit pouse./Anfin, enn zour mo finn trouv

enn zoli margrit ouver./Anfin, enn zour mo finn trouv enn zoli margrit fleri. ou Anfin, enn zour enn margrit finn pouse./ Anfin, enn zour enn zoli margrit finn ouver./

Anfin, enn zour enn zoli margrit finn fleri. ou (si finn fer bann fraz a latrwaziem personn (“li”) depi koumansman.) Anfin, enn zour li finn trouv enn zoli margrit pouse./ Anfin, enn zour li finn trouv enn

zoli margrit ouver./ Anfin, enn zour li finn trouv enn zoli margrit fleri.

Kestion 8B (4 pwin)


i) Mo ti ankor pe al maternel kan mo papa finn vinn lekol isi enn zour. / Kan mo ti pe ankor

al lekol maternel, mo papa finn vinn lekol isi enn zour./ Mo papa finn vinn lekol isi enn

zour kan mo ti ankor pe al maternel.

PSAC | 9

ii) Li ti vinn donn mo nom pou mo rant dan primer.

iii) Ler lane finn fini mo finn kit lekol maternel./ Mo finn kit lekol maternel ler lane finn fini.

iv) Sis lane finn pase depi sa ek zordi mo parmi bann pli gran zelev dan lekol!/Zordi mo

parmi bann pli gran zelev lekol ek sis lane finn pase depi sa.

Kestion 9 (10 pwin)______________________________________________________________________

A. Ziska 3 pwin pou konsepsion zistwar (bann lide).

Bizin finn met an valer

• ki ti aswar

• ki narater tousel

• ki narater dan so lakaz

• eleman sirpriz kan telefonn sone

• ki sonnri telefonn dan enn lot pies ki kot narater ete, dan salon.

ek evok lanbians ek santiman

B. 1 pwin pou organizasion zistwar

• ki konport enn koumansman/lintrodiksion

• enn parti santral

• ek enn konklizion/rezolision

C. Ziska 2 pwin pou stil, savedir

• finn ekrir enn text naratif ki pa enn ansennman parol ki pe koze

• enn narasion a lapremier person (“Mo …”)

D. Ziska 2 pwin pou organizasion text, setadir finn ekrir

• bann fraz konplet

• bann fraz avek kapital ek pwin

• bann fraz ki bien swiv zot kamarad

E. Ziska 2 pwin pou lortograf (kont zis lor premie 100 mo)

• 0 – 4 fot: 2 pwin

• 5 – 10 fot: 1 pwin

• Plis ki 10 fot: 0 pwin

achievement certificate kreol morisienmes.intnet.mu/english/documents/examinations... · ranplasman...

Documents