a : a aa a/media/nanoq/files/hearings...ataani maanna nunalu tamakkerlugu iliuuserineqartut...
TRANSCRIPT
Inuuneritta III
INUUNERITTA III: MEEQQAT INUUNERINNISSAANNUT TUNNGAVIK 2020-2030 meeqqat 0-18 ukiullit atugarissaarnerulernissaat pillugu susassaqarfiit
akimorlugit suliniuteqarnermi naleqqat
Peqqissutsimut Naalakkersuisoqarfik
1
Imarisai 1. Aallaqqaasiut ........................................................................................................................................................................................................................................... 2
2. Ilisimatusarneq oqaatsinillu qulaajaaneq .......................................................................................................................................................................................... 4
2.1 Innuttaasut peqqissusaannik misissuisitsineq naapertorlugu peqqissutsikkut unammillernartut.......................................................................................................................4
2.2 Inuuneritta III, ilaqutariinnermut politikki sumiginnaanerlu pillugu iliuusissatut pilersaarut nutaaq ...............................................................................................................5
2.3 FN-ip nunarsuaq tamakkerlugu anguniagaanut 17-inut aamma Meeqqat pillugit isumaqatigiissummut atassusernera............................................................................5
2.4 Meeqqat namminneq inuunerinneq pillugu qanoq oqarpat? ..................................................................................................................................................................................................6
3.0 Naleqqat tallimat ................................................................................................................................................................................................................................... 8
3.1 Naleraq 1 – ”Inuunermi peqqinnartumik aallartinneq” .............................................................................................................................................................................................................9
3.1.1 Itisiliineq .................................................................................................................................................................................................................................... 9
3.1.2 Maanna iliuuserineqartut ........................................................................................................................................................................................................10
3.2 Naleraq 2 – ”Meeqqat tamarik peqqissut atugarissaartullu” ................................................................................................................................................................................................ 11
3.2.1 Itisiliineq ...................................................................................................................................................................................................................................11
3.2.2 Pinnguarneq ulluinnarnilu sammisassat atorlugit ileqqut peqqinnartut siusissukkut ineriartortinneqarsinnaapput ..................................................................13
3.2.3 Meeqqat tamarmik sunngiffimmi timertik atorluartassavaat ....................................................................................................................................................13
3.2.4 Susassaqarfiit akimut suleqatigiinnerisigut meeraanermi erloqinartunik pitsaaliuineq .............................................................................................................14
3.2.5 Peroriartornermi nakuuserinerit, imigassamik ajornartorsiutit kinguaassiuutitigullu innarliinerit amerlassusaat......................................................................15
3.2.6 Imminut toqunnermik pitsaaliuineq ..........................................................................................................................................................................................15
3.2.7 Maanna iliuuserineqartut ........................................................................................................................................................................................................16
3.3 Naleraq 3 – ”Ataatsimoortarfiit pitsaasut meeqqanut tamanut” ........................................................................................................................................................................................ 21
3.3.1 Itisiliineq ...................................................................................................................................................................................................................................17
3.3.2 Pimmatilliineq ..........................................................................................................................................................................................................................18
3.3.3 Atuarfiit ullukkullu neqeroorutit peqqinnerulersitsisut ..............................................................................................................................................................19
3.3.4 Kinguaassiuutitigut peqqissuuneq ..........................................................................................................................................................................................19
3.3.5 Maanna iliuuserineqartut ........................................................................................................................................................................................................20
3.4 Naleraq 4 – ”Pujortartarnermik aanngajaarniutinillu pitsaaliuineq” ............................................................................................................................................................................... 21
3.4.1 Itisiliineq ...................................................................................................................................................................................................................................21
3.4.2 Pujortartalernermik pitsaaliuineq atuarfimmilu pujortartannginneq .........................................................................................................................................24
3.4.3 Aanngajaarniutinik atuinermik pitsaaliuineq .........................................................................................................................................................................25
3.4.4 Maanna iliuuserineqartut ........................................................................................................................................................................................................25
3.5 Naleraq 5 – ”Pissutsinik ataatsimut isigalugit susassaqarfiit akimorlugit suleqatigiinneq” ................................................................................................................................... 26
3.5.1 Itisiliineq ...................................................................................................................................................................................................................................26
3.5.1 Maanna iliuuserineqartut ........................................................................................................................................................................................................27
4. Atuutsitsilerneq ......................................................................................................................................................................................................................................28
4.1 Inoqarfinni misilittakkat unamminartullu ataqqillugit oqaloqatigiinneq tunngavigalugu atuutsitsilerneq ................................................................................................... 28
4.2 Inuuneritta II-p qiteqqunnerani nalilersuineq tunngavigalugu Inuuneritta III-mik naleqqussaaneq ............................................................................................................... 29
4.3 Inuuneritta III-mi iliuuserineqartunik nalilersuineq ............................................................................................................................................................................................................... 30
4.4 Iliuuserineqartut pillugit kaammattuutit ...................................................................................................................................................................................................................................... 30
4.5 Innuttaasut peqqissusaannut takussutissanik suli nakkutilliineq paasissutissaasivinnillu nutaanik ineriartortitsineq .......................................................................... 31
4.5.1 Atuartut peqqissusaannik misissuisitsineq ............................................................................................................................................................................31
4.5.2 Innuttaasut peqqissusaannik misissuisitsineq .......................................................................................................................................................................31
4.5.3 Nalunaarsukkanik paasissutissaasivinnillu nutaanik ineriartortitsineq ...............................................................................................................................31
2
1. Aallaqqaasiut
Nunatsinni meeqqat ilaqutariillu amerlasuut atugarissaarput amerlanersaallu peqqissuullutik.
Ilisimatusarnikkulli paasineqarpoq pingaartumik meeqqani inuusuttunilu eqimattani aalajangersimasuni
ineriartorneq ilorraap tungaanut ingerlanngitsoq. Taamatuttaaq ilisimatusarnikkut paasineqarpoq eqimattani
aalajangersimasuni ineriartorneq arriippallaalaartoq unittuuissimasorluunniit. Tamatuma saniatigut meeqqat
amerlasuut peqqinnanngitsunik nerisaqarnertik inersimasunngornermi attatiinnartarpaat. Taamaattumik
ukioqqortusiartornermi katsorsarneqarsinnaanngitsumik nappaammik ineriartortitsinissamut
aarlerinartorsiorput. Tamanna ataatsimut isigalugu pitsaaliorneqarsinnaavoq. Naalakkersuisut siunnersuutigaat
meeqqat inuunerinnerulernissaannik siunertaqartumik tallimanik naleraqassasoq. Naleqqat iluaqutigalugit
Namminersorlutik Oqartussat, kommunit aamma sunngiffimmi sammisassaqartitsisartut suliffeqarfiillu
ataatsimik siunnerfeqarlutik malunnaatilimmik qanoq sunniuteqaqataasinnaanerannik aqqutissiorneqassapput.
Naleqqat tallimat iluaqutigalugit inoqarfinni, nunap immikkoortuini nunalu tamakkerlugu
eqqartorneqarsinnaavoq ataatsimoorluta qanoq pitsaaliuiniartugut; aamma meeqqat inuunerinnulernissaannut
tunngatillugu soqutigisaqaqatigiit, innuttaasut, suliffeqarfiit, sulisut ilinniarsimasut, sunngiffimmi peqatigiiffiit
il.il. qanoq akisussaaffimmik kivitseqataasinnaanersut.
Inuuneritta III-mi meeqqat ilaqutariillu peqqissuunissaat atugarissaarnissaallu pingaartutut
ukkatarineqarniarput. Susassaqarfiit suleqatigiinnerisigut isumakkut peqqissuuneq ukkatarineqartut
qitiulluinnartut ilagaat. Imaanngilarli susassaqarfiit allat – soorlu innuttaasunut
katsorsarneqarsinnaanngitsumik nappaatilinnut pitsaaliuilluni neqeroorutit imaluunniit nerisaqarnermut,
pujortartarnermut, imigassamut timersortarnermullu tunngatillugu suliniutit – pingaaruteqanngitsut.
Saqqummiussaq isumaginninnikkut peqqissutsikkullu suliniutinut allanut atasutut isigineqassaaq.
Inuuneritta III nunatsinni innuttaasut peqqinnerulernissaat anguniarlugu suliniutissiat pingajoraat. Inuuneritta
I 2007-imi saqqummersinneqarmalli paasineqarpoq pitsaaliuilluni suliniutit susassaqarfiit akimorlugit qanimut
suleqatigiinnikkut ineriartortinneqarnerat atuutilersinneqarnerallu pitsaanerpaasartoq. Inuuneritta II
qiteqqunnerani nalilersorneqarmat paasiniarneqarpoq suliniummi suut pitsanngorsarneqarsimanersut suullu
unammillernarsimanersut. Nalilersuinermi kaammattuutigineqarpoq suliniummi sammisat pingaarnerit –
imertarneq/ikiaroortarneq, pujortartarneq, nerisaqarneq timimillu aalatitsineq – nangillutik
sulissutigineqassasut. Tamatuma saniatigut nalilersuinermi uparuarneqarpoq naalakkersuisoqarfiit,
peqqinnissaqarfik kommunillu akornanni sammisat pingaarnersiorneqarnissaat piffissartorfigineqartariaqartoq.
Tassunga ilagitillugu pitsaaliuilluni suliniutit qanoq siammarsarneqarlutillu ataqatigiissarneqarusunnersut.
Naleqqat tallimat iluaqutsiullugit susassaqarfiit akimorlugit oqallinnissaq kaammattuutigineqarpoq
taamaalilluni 2030-p tungaanut peqqinnerulersitsiniarluni atugarissaarnerulersitsiniarlunilu sulineq
timitalerneqarniassammat susassaqartullu tamarmik ataatsimoorlutik kivitseqatigiinniassammata. Qitiusuni
inoqarfinnilu allaffeqarfiit oqaloqatigilluarnerisigut aamma sulisut aqutsisullu piginnittutut misigitinnerisigut
suliniutit iliuutsillu aalajangersimasut atuutsinneqalissapput. Aalajangersimasunik atuutsitsinernut
kaammattuutit immikkoortumi atuutsitsilernermut tunngasumi atuarneqarsinnaapput.
Inuuneritta III-mi pingaarnertut siunertarineqarpoq meeqqat inuunerinerulernissaannut
tunngavissiinissaq taamaalilluni meeqqat inuunerisa pitsaasumik peqqinnartumillu
aallartinnissaat meeraanerminnilu atugarissaarlutillu peqqinnissaat
qulakkeerneqarniassammat.
Tamanna anguneqassaaq peqqinnerulersitsiniarluni pitsaaliuiniarlunilu suliniutit
ilisimatusarnikkut uppernarsarneqarsimasut susassaqarfiillu akimorlugit
3
ingerlanneqartut – tassunga ilagitillugit susassaqarfimmi suliniutit ingerlanneqareersut –
atuutsinnerisigut.
Taamatuttaaq susassaqarfinni tamani ilaqutariit atugaat ataatsimut tamaasa isigalugit
sulisoqarnissaa pingaarnertut anguniakkap anguneqarnissaanut pingaaruteqarluinnarpoq.
4
2. Ilisimatusarneq oqaatsinillu qulaajaaneq
2.1 Innuttaasut peqqissusaannik misissuisitsineq naapertorlugu peqqissutsikkut
unammillernartut
Innuttaasut peqqinnerulernissaannut suliniutissiaq tunngavimmigut innuttaasunik tamanik
ukkatarinnittariaqarpoq, tamatumali saniatigut susassaqarfinnut annertunerpaamik
sunniuteqarfigineqartussaasorinartunut sammitinneqartariaqarluni. Inuuneritta I (2007-2012) aamma
Inuuneritta II (2013-2019) Innuttaasut peqqissusaannik misissuisitsinermi aamma Atuartut peqqissusaannik
misissuisitsinermi (HBSC Greenland) paasisat tunngavigalugit suliarineqarsimapput.
2018-imi innuttaasut peqqissusaannik misissuisitsinermi paasineqarpoq inersimasut peqqissutsikkut
unamminartitaat allanngorsimanngitsut, taakku tassaallutik pujortartarneq, pualavallaarneq,
imigassaq/ikiaroornartoq peqqinnanngitsumillu nereriaaseqarneq. Tamatuma saniatigut pissutsit erloqinartut
peroriartornermi atuuttarsimapput, soorlu kinguaassiuutitigut innarliineq, nakuuserneq imigassamillu
ajornartorsiutit. Ataatsimut isigalugu pitsanngorsaasoqarsimagaluartoq pissutsit erloqinartut taakku
meeraanermi atugarineqarsimasut inersimasunngornermi suli annertuumik atugarliuutigineqartarlutillu
peqqiilliornerutitsisarput. Tamatuma saniatigut nunap immikkoortuisa akornanni meeqqat peroriartornerminni
atugassarititaat assigiinngitsorujussuupput. Ajornartorsiutit kinguaassiuutitigut peqqissutsimut tunngasut
nunatsinni inuiaqatigiit peqqissusaannik ajornartorsiortitsipput, tamatumalu kingunerisaanik atoqatigiinnikkut
nappaatinik tunillatsinnerit amerliartuinnarput, naartuersinnerit amerlasoorujussuupput, inuusuttut
ukiukillutik atoqateqaqqaalersarput amerlasuullu oqartarput atoqatigiinnermi oqartussaaqataarpiarnatik.
Ullumikkut nalunngilarput isumakkut peqqissuuneq meeqqap inuiaqatigiinnut akuulluarnissaanut
peqqissuunissaanullu pingaaruteqarluinnartoq. Isumakkut peqqinnerulersitsiniarneq Inuuneritta-mut ilaasutut
siornatigut allaatigineqarneq ajorpoq, kisianni qulaani unammillernartut ilisimaneqarluartut
pitsanngorsarnissaannut Inuuneritta III-mi meeqqat isumakkut peqqissuunerat atugarissaarnerallu toqqavittut
pingaaruteqarluinnarput. Taamaattumik meeqqap isumakkut peqqinnerulernissaa – tassa ajunnginnissaa,
atugarissaarnissaa ulluinnarnilu ingerlalluarnissaa – pingaartinneqarluinnassaaq. Tamanna pissaaq nuna
tamakkerlugu inuiaqatigiit ataatsimut isigalugit suliniuteqarfiginerisigut misigissutsillu artornartut
sulissutiginissaannut eqqarsartaatsikkut sakkussanik tunniussiniarluni aalajangersimanerusunik
iliuuseqarnikkut. Kiisalu toqqissinaveeqqanerup isumatsaqqanerullu, meeqqat inuusuttullu amerliartuinnartut
erloqissutaasa, takussutissartaanik aqutsisinnaanissamut suliniuteqartoqassaaq.
Ilisimatusarnikkut paasineqarmat isumakkut peqqissuseq inuunermi nalerisimaarnerulersitsisartoq ilaatigullu
isumatsaqqanermut toqqissinaveeqqanermullu akiuussutaasoq isumakkut peqqissuseq timikkut peqqissutsitut
naleqartinneqassaaq. Tarnikkut nappaatit nunarsuaq tamakkerlugu nappaataasartut annersaasa ilagaat, FN-illu
nunarsuaq tamakkerlugu anguniagaasa ilaattut Kalaallit Nunaat taakkuninnga akiuinissamut imminut
pisussaaffilersimavoq. Tamanna isumakkut peqqinnerulersitsisinnaasumik
atugarissaarnerulersitsisinnaasumillu pitsaaliuinikkut katsorsaanikkullu pissaaq. Pisussaaffik tamanna
meeraanermi inuunerup pitsaanerulersinnissaanut tunngaviuvoq pingaaruteqarluinnartoq. Tamatuma
saniatigut aamma nalunngilarput ilaqutariinniittut tamaasa pillugit susassaqarfiit akimut suleqatigiinnerisigut
meeqqat inuunermi pitsaanerpaamik aallartiffeqarnissaasa qulakkeerneratigut atugarissaarneq
inuiaqatigiittullu peqqissuseq sunniuteqarluarnerpaamik pitsanngorsarneqarsinnaasoq.
”Isumakkut peqqissuseq tassaavoq atugarissaarneq inummik piginnaasanillu ineriartortitsisartoq,
erloqinartunik qaangiisitsisartoq, inunnut attaveqarlualernissamut innuttaasunullu
tapersiinissamut iluaqutaasoq. Isumakkut peqqissuseq tassaavoq ilorrisimaarneq inuunermillu
5
naammagisimaarinninneq – aamma ulluinnarni allat peqatigalugit ingerlalluarsinnaaneq.
Isumakkut peqqissuseq tassaaginnanngilaq tarnikkut nappaateqannginneq.” – WHO aamma
Peqqissutsimut Aqutsisoqarfik
2.2 Inuuneritta III, ilaqutariinnermut politikki sumiginnaanerlu pillugu iliuusissatut
pilersaarut nutaaq
Inuuneritta III Peqqissutsimut Naalakkersuisoqarfiup, Ilinniartitaanermut, Kulturimut Ilageeqarnermullu
Naalakkersuisoqarfiup aamma Isumaginninnermut Inatsisinillu Atuutsitsinermut Naalakkersuisoqarfiup
akornanni suleqatigiinnermik toqqammaveqarpoq. Taakkununnga ilaavoq Pitsaaliuinermut
Isumaginninnermullu Aqutsisoqarfimmi immikkoortortaqarfik Paarisa. Tamatuma saniatigut
Isumaginninnermut Inatsisinillu Atuutsitsinermut Naalakkersuisoqarfiup nuna tamakkerlugu meeqqanik
sumiginnaanermut iliuusissatut pilersaarut kiisalu ilaqutariinnermut politikki nutaaq saqqummersissavai.
Tamanna nalaatsornikkut pinngilaq, periusissiallu taakku pingasut imminnut tapertariittutut isigineqassapput.
Ilaqutariinnermut politikki susassaqarfiit akimorlugit sulinermut pingaarnertut toqqaviuvoq.
Ilaqutariinnermut politikkip nutaap saqqummersinneqarneratigut erseqqissarneqassaaq suliniuteqarfinni
tamani ilaqutariinniittut tamaasa aallaavigalugit qanoq suleriaaseqartoqassanersoq. Taamanna
isumaginnittoqarfimmut atuutiinnarnani aamma peqqinnissaqarfimmut, paaqqinnittarfinnut, atuarfinnut,
suliffissarsiuussisarfinnut ineqarfinnillu ingerlatsivinnut atuuppoq. Ilaqutariinnermut politikkimi nutaami
aamma Naalakkersuisut ilaqutariinnermut tunngasutigut pingaarnertut anguniagaat eqqaaneqarput. Politikki
iluaqutigalugu siunnerfeqalissallunilu oqaatsit ataatsimoorussat sakkullu ataatsimoorussat, susassaqarfiit
akimorlugit atorneqarsinnaasut taamaalillutillu ataqatigiinnerusumik suliniuteqalersitsisinnaasut,
atorneqalissapput. Inuuneritta III-mi aamma ilaqutariinnermut politikki ilanngutitinneqassaaq,
allaatigineqareersutummi meeqqat inuunerinnissaannut tamanna pingaaruteqarluinnarmat.
Sumiginnaanermut iliuusissatut pilersaarut ilaqutariinnut atugarliortunut tunngavoq, kisianni aamma
suliniutinik iliuusissanillu tamanut atuuttunik, ilaqutariinnik sullissinermik pitsanngorsaasussanik, imaqarpoq.
Ikinnerusut sumiginnarneqarlutik peroriartorniassammata iliuusissatut pilersaarut pitsaaliuilluni suliniutinik
pitsanngorsaassaaq. Iliuusissatut pilersaarummi aamma sumiginnaasoqaraangat sunniuteqarluartumik
piffissarlu eqqorlugu tapersiisarnissamik qulakkeerinnissaaq. Taamaaliortoqassaaq ilaatigut kommunit
pisariinnerusumik allaffissornissaannik ikiorsernerisigut. Ilaqutariinnik sullissinermi sakkussat siunissami
atorneqarsinnaallutillu ineriartortinneqarsinnaaniassammata iliuusissatut pilersaarut taamatuttaaq siunissamut
tunngassaaq. Inuuneritta III taamaalilluni iliuusissatut pilersaarummi suliniutit pitsaasumik
toqqaveqarnissaannut aamma tamanut atuuttumik atugarissaarnermik peqqissutsimillu
pitsaanerulersitsiniarnermut iluaqutaassaaq.
2.3 FN-ip nunarsuaq tamakkerlugu anguniagaanut 17-inut aamma Meeqqat pillugit isumaqatigiissummut atassusernera
Kalaallit Nunaata FN-ip nunarsuaq tamakkerlugu anguniagaanik 17-inik angusinissaanut naleqqat tallimat
iluaqutaanissaat Inuuneritta III-mi aallartisarniarneqarpoq. Tamanna qulakkeerniarlugu Kalaallit Nunaanni
innuttaasut peqqissusaannut takussutissat maanna atuuttut Kalaallit Nunaata FN-imut nalunaarusiortarneranut
naapertuuttumik nutarsarneqarlutillu naleqqussarneqassapput. Kalaallit Nunaanni innuttaasut peqqissusaannik
nakkutilliineq suli innuttaasut peqqissusaannik misissuisitsineq aamma atuartut peqqissusaannik
misissuisitsineq aqqutigalugit pisassaaq.
6
FN-ip 2030-mut nunarsuaq tamakkerlugu anguniagai
Ineriartornermi tamatumani nuna tamakkerlugu misissuisarneq naleqqussarneqarsinnaavoq paasissutissat
naleqqunnerpaat katersorneqarsinnaaniassammata. Misissuinerit nutaat ineriartortinnissaat
annertusarnissaallu sulinermut tassunga pingaarutilik ilaavoq. Tamatuma saniatigut
naatsorsueqqissaartarfimmi maanna nalunaarsorneqartartut pitsaasuunerat qulakkeerneqassallunilu
ersarissarneqartassapput, matumani atugarissaarneq, peqqissuseq isumaginninnerlu pingaartumik
ukkatarineqartassallutik. Assersuutigalugu ”Meeqqat peqqissusaat pillugu paasissutissaasivik”
pilersinneqarsinnaavoq, matumani isumaginnittoqarfimmit, peqqinnissaqarfimmit, paaqqinnittarfinnit
atuarfeqarfinnillu paasissutissat naleqquttut katersorneqarsinnaallutik. Paasissutissaasivik pitsaaliuilluni
suliniutinik nalilersinissamut ilisimasanik katersuinissamut atuinissamullu tunngaviussaaq.
Tamatuma saniatigut FN-ip nunarsuaq tamakkerlugu anguniagaannut meeqqallu pillugit isumaqatigiissummut,
1993-imi Kalaallit Nunaata akuleruffigisaanut, pissusissamisoortumik aamma atassusiisoqassaaq. Inuuneritta III
meeqqat inuunerinnissaannut toqqaviusussaammat pissusissamisuussaaq meeqqat pillugit isumaqatigiissummi
immikkoortut pingaarutillit, ass. meeqqat peqqissuunissamut, atuarnissamut, ilinniarnissamut aamma
nakuusernermut, aanngajaarniutinut kinguaassiuutitigullu atornerlunneqarnissamut illersorneqarnissamik
pisinnaatitaaffii, toqqammavigineqarnissaat.
2.4 Meeqqat namminneq inuunerinneq pillugu qanoq oqarpat?
Meeqqat naapertorlugit meeraanermi inuunerinneq ilaqutariinnermut tunngaannanngitsoq. MIO-p
misissuinerani meeqqat atuartut angajulliit oqarput angerlarsimaffiup iluani avataanilu atugarissaarnissaq
pingaaruteqartoq. Atuarfik sunngiffimmilu sammisassat pingaaruteqarput, aamma atugarissaarneq
peqqissuserlu pingaartinneqarput. Ingerlatsisut tamarmik akuliutitinneqarnissaasa aamma ingerlatsisut
ingerlatsiviillu assigiinngitsut ataqatigiissarneqarnissaasa pingaaruteqarnerat meeqqat oqaasiinit
erseqqissarneqarpoq (MIO, 2019).
7
Nakuusap siunnersuisui – Meeqqat pillugit siunnersuisooqatigiit – marsip 19-ianni aalajangiussartik
Naalakkersuisunut, borgmesterinut, Inatsisartunut sulisunullu ilinniarsimasunut tunniuppaat. Aalajangiussami
Kalaallit Nunaanni meeqqat atugaannik politikkerit sisamatigut pitsanngorsaanissaannut kaammattuuteqarpoq.
FN-ip nunarsuaq tamakkerlugu anguniagaasa pingajuat, peqqinneq atugarissaarnerlu, tunngavigineqarpoq:
1. Inuiaqatigiit pimoorussillutik pimmatilliineq pillugu iliuuseqassapput – tamanna aamma suliffeqarfinni,
pingaartumik meeqqat pillugit suliffeqarfinni, atuuppoq
2. Meeqqat unnuakkut aneertartut ornittagaqartarnissaat qulakkeerneqassaaq
3. Illoqarfinni nunaqarfinnilu tamani pitsaasunik eqqiluitsunillu timersortarfeqassaaq
4. Sinerissami illoqarfinni tamani unnuariaqartassaaq
Meeqqat inuunerinneq pillugu oqaasii ”Inuunermi ataqatigiinneq. Tapersersoqatigiinneq. Atornerluisannginneq.” ”Sinilluareerluni taquarluni atuariartorsinnaaneq.” ”Inuunerinneq tassaavoq toqqissilluni atuariartorsinnaaneq ilikkagaqarsinnaanerlu, angajoqaat nuannisaqatigisinnaanerat.” ”Asannittunik angerlarsimaffimmilu toqqissisitsisunik angajoqqaaqarneq. Angajoqqaat meeqqaminnut piffissaqartut, toqqissisimasutut asaneqartutullu misigisitsisartut. Ullut tamaasa nerisassaqarnissamik isumaginnittartut.” MIO-p 2019-imi nuna taakkerlugu iliuusissatut pilersaarut pillugu
nalunaarusiaanit tigulaakkat
8
Naleraq 1
Meeqqat tamarmik inuunertik pitsaasumik – atugarissaarnernnut, ineriartornerannut, ilinniarsinnaanerannut isumakkullu peqqissusaannut iluaqutaassumik – aallartissavaat
Naleraq 2
Meeqqat tamarmik peqqillutik atugarissaarlutillu inuussapput, aamma meeqqat kikkulluunniit nakuuserfigineqaratillu innarlerneqassanngillat
Naleraq 3
Meeqqat tamarmik inuiaqatigiinni akuutinneqassallutillu ilinniarnermut aqqutissiuunneqassapput
Naleraq 4
Meeqqat kikkulluunniit aanngajaarniutinit innarlerneqassanngillat, aamma meeqqat kikkulluunniit pujortartalissanngillat
Naleraq 5
Suliniutini tamani pissutsit tamarmik isigineqassapput, susassaqarfiit akimut suleqatigiissapput aamma ilaqutariit qanigisaasullu akuutitinneqassapput.
3.0 Naleqqat tallimat
Tulliuttumi susassaqarfiit akimorlugit suleqatigiinnermi peqqinnerulersitsiniarluni sulinermi naleqqat
allaatigineqassapput. Siunertarineqarpoq naleqqat 2020-2030 meeqqat inuunerinnissaannut toqqaviussasut.
Paarisap, kommunit, peqqinnissaqarfiup ingerlatsisorpassuillu suliassamik kivitseqataalluarsinnaasut akornanni
oqaloqatigiilluarnissamut naleqqat toqqammaviullutillu aallarnisaassapput. Oqallinnermi pingaarutilittut
illoqarfiit nunaqarfiillu qanoq assigiinngissuteqarnerat qulaajarniarlugu kommunini ataasiakkaani meeqqat
peqqissusaat atugarissaarnerallu misissorneqartariaqassaaq. Aamma kommunit ataasiakkaat sumi
aallartinnissaat sutigullu ingerlalluarnersut misissorneqartariaqarpoq. Meeqqanut atuarfiit paaqqinnittarfiillu
peqqinnerulersitsiniarluni suliniuteqarfigineqarsinnaasutut assersuutitut eqqaaneqarsinnaapput.
Ilaqutariit peqqinnerulersitsiniarluni sulinermi pingaaruteqarluinnarput. Taamaattumik pingaaruteqarpoq
suliniutini tamani, meeqqat atuarfiini, meeqqat atualinnginneranni suliniutini imaluunniit sunngiffimmi
sammisartakkani ilaqutariit akuliutitinneqarnissaat aamma angajoqqaat peqqinnerulersitsiniarluni suliniutini
peqataanissaannut akisussaaqataasutullu misiginissaannut periarfissinnissaat.
Immikkoortuni tulliuttuni naleqqat tallimat saqqummiunneqarlutillu itisilerneqassapput.
9
3.1 Naleraq 1 – ”Inuunermi peqqinnartumik aallartinneq”
M E E Q Q A T T A M A RM I K I N U U N E R T I K P I T S A A S U M I K – A T U G A R I S S A A R N E R N N U T , I N E R I A R T O R NE R A NN U T ,
I L I N N I A R S I N N A AN E R AN N U T I S U M A K K U L L U P E Q Q I S S U S A A N N U T I L U A Q U T A A S S U M I K – A A L L A R T I S S A V A A T
Ingerlatsisut pingaarnerpaat
Ilaqutariit, ernisussiortut, peqqissaasut, peqqissutsikkut sullissisut ilinniarsimasut,
kigutigissaasut, perorsaasut, ullukkut paaqqinnittut, isumaginninnermi siunnersortit aamma
inoqarfimmi sunngiffimmi sammisassaqartitsisartut kattuffiillu.
Susassaqarfiit pingaarnerpaat
Ilaqutariit, peqqissaaviit, kigutileriffiit, ilaqutariinnut illut, ullukkut neqeroorutit, inoqarfimmilu
timersoqatigiiffiit sunngiffimmilu neqeroorutit.
Meeraaneq kingusinnerusukkut inuunermi ingerlalluarnissatsinnut
pingaaruteqarluinnarpoq. Kinguaatta pitsaasumik siunissaqarnissaasa inuiaqatigiittut
qulakkeernissaat pingaaruteqarpoq – taamaaliorumallutalu siusissukkut iliuuseqarlutalu
pitsaaliuisariaqarpugut. Kommunit peqqissaaviillu meeqqat ilaqutariillu ulluinnarni
inuunerannut attuumassuteqarluinnarput. Aatsaavissuaq ernusissiortumut
kingusinnerusukkullu meeraaqqerisumut pulaarnermi aamma ukiut ingerlanerini ullukkut
neqeroorutini meeqqallu atuarfianni taama pisoqartarpoq. Taamaattumik naleraq 1-imi
meeqqat tamarmik peqqissusaasa, ineriartornerisa ilinniagaqarnerisalu
pitsanngorsarnissaannut periarfissanik pitsaanerpaamik qanoq atuinissatsinnut tunngavoq.
3.1.1 Itisiliineq
Meeqqat atugarissaarnissamut, ineriartornissamut ilinniagaqarnissaannullu periarfissinnissaannut angajoqqaat
tunngaviupput pingaaruteqarluinnartut. Kommunit meeqqat peqqinnerlu pillugit politikkeqarnermikkut
ilaqutariit peqqinnerusumik inuuneqarnissamut periarfississinnaavaat. Pingaartumik isumaginninnermut
suliffeqartitsinermullu politikki ilaqutariinni qajannarnerusuni meeqqat peqqinnartumik peroriartornissamut
assigiimmik periarfissaqarnissaannut ilaqutariillu eqqortumik taperserneqarnissaannut pingaaruteqarpoq.
Kommunit politikkikkut anguniagaat sulisut ilinniarsimasut angajoqqaallu suleqatigiinnerannut tunngaviuvoq.
Sulisut ilinniarsimasut meeqqat siunissami atugarissaarnissaat peqqinnissaallu pillugit oqaloqateqarnissamut
piginnaaneqarnerat angajoqqaanik suleqateqarnerit pitsaalluinnartut ilagaat.
Inuiaqatigiinni assigiinngissitaanerup sualussusaa annikillisinneqassaaq. Uppernarsarluarneqarsimavoq
inuiaqatigiinnginni peqqissutsikkut assigiinnginneq naartunermi meeqqallu inunngoreerluni ineriartornissamut
periarfissaanut sunniuteqalereertartoq. Meeraaneq tamakkerlugu pingaaruteqarpoq meeqqat qajannartut
erloqisullu inuiaqatigiinni nalinginnaasumik akuutinneqarnissaat. Sulisut ilinniarsimasut meeqqamik sullissisut
angajoqqaat peqatigalugit meeqqat ineriartorneranut tunngatillugu ataatsimoorussamik anguniagaqarlutillu
ukkataqassapput. Tamatuma saniatigut peroriartornermi ajornartorsiutit ineriartoreernerisa kingorna
ikiuiniaannarnani meeraanermi siusissukkut iliuuseqarnissat ukkatarineqarnerulissaaq.
Kommunit meeraaqqerisut ullukkullu neqeroorutit aqqutigalugit ilaqutariit qajannartut peqqinnartumik
inuuneqarnissamut pitsaanerusunik periarfissinnissaat susassaqarfiit akimorlugit sulissutigisinnaavaat. ”MANU”
angajoqqaanngortussat eqqarsaatigalugit peqqinnerulersitsiniarluni suliniutini assersuutissaqqippoq,
tamatumani susassaqarfiit akimorlugit meeqqat angajoqqaallu sapinngisamik siusinnerpaamik
suleqatigiittoqarnissaa siunertarineqartarpoq. Peqqissaaviit ernisussiortullu ilaqutariit qajannartut erloqisullu
10
peqqissusaannik tapersersuinermi qitiulluinnarput. Allaat naartunerup nalaani susassaqarfiit akornanni
iliuuserineqartut pitsaanerusumik ataqatigiissarneqarnissaat pisariaqartinneqarpoq.
Siusissukkut Iliuuseqarneq 2007-imili nunatsinni atuussimavoq. Iliuuseqarnerli aaqqissuussaasumik
nalilersorneqarsimanngimmat iliuutsit qanoq sunniuteqarsimanerat ataatsimut takujuminaapput.
Pingaaruteqarluinnarpoq naleraq 1 anguniartillugu iliuutsip tamatuma iliuutsillu allat assingusut sunniutaat
naleqqussusaallu eqqartorneqarlutillu nalilersorneqarnissaat.
Peqqissutsikkut sullissisut ilisimasaat susassaqarfiit akimorlugit atorluarneqarnerussapput. Ilaqutariit
meerartallit tamarmik meeraaqqerisut kigutigissaasullu aqqutigalugit meeqqat peqqissusaat pillugu
tapersersorneqartarlutillu ilitsersorneqartarput. Illoqarfinni nunaqarfinnilu tamarluinnarni
peqqissaasoqarnanilu kigutigissaasoqanngimmat taamatut tapersersuineq ilitsersuinerlu unammillerneqarpoq.
Peqqissutsikkulli sullissisut taakkua ilaqutariinnik meerartalinnik sullissisinnaanerat meeqqat tamarmik
peqqinnartumik inuunermi aallartinnissaannut pingaaruteqarluinnarpoq. Taamaattumik susassaqarfiuvoq
pissutissaqarluartumik salliunneqartariaqartoq.
Kommunit Peqqinnissaqarfiullu qitiusumik immikkoortui sulisut ilinniarsimasut ilisimasaasa, piginnaasaasa
paasissutissaataasalu susassaqarfiit akimorlugit atornissaat peqatigiillutik sulissutigissavaat. Taamatuttaaq
ingerlatsisut susassaqartut tamarmik ilisimasaminnik avitseqatigiinnerunissaat suleqatigiinnerunissaallu
pisariaqarpoq. Meeraaqqerisumit, meeqqanik misissuinernit aamma ”Atuartut peqqissusaannik misissuinermit”
paasisat meeqqat peqqissusaannik atugarissaarnerannillu aaqqissuussaanerusumik susassaqarfiillu akimorlugit
nakkutilliinissamut atorluarneqarsinnaakutsoorput.
3.1.2 Maanna iliuuserineqartut
Ataani maanna nunalu tamakkerlugu iliuuserineqartut naleqqamik 1-imik sulinermi tapersiissut
eqqaaneqassapput.
”MANU” nuna tamakkerlugu siullermeerlutik arlaleriarlutilluunniit ernisussanut kiisalu angajoqqaanut,
qitornavissialinnut angajoqqaarsianullu sisamat tikillugit ukiulinnik meeralinnut tamanut neqeroorutaavoq.
MANU susassaqarfiit akimorlugit ingerlanneqarpoq, tamatumanilu sulisut ilinniarsimasut sinerissamit
tamaneersut ataatsimoorteriarlugit MANU pillugu ilinniartitsisussatut ilinniartinneqartarput, tamatumalu
kingorna inoqarfimmi najukkaminni angajoqqaat namminneerlutik ilinniartissinnaasarpaat. Amerlanertigut
eqimattakkaanik ilinniartitsisoqartarpoq, kisianni illoqarfinni nunaqarfinnilu minnerni aappariit kisimiitillugit
aappaqanngitsulluunniit ilinniartitsinssamik neqeroortoqarsinnaavoq. MANU-mit suliarineqarsimapput
Angajoqqaanngornissamut piareersarneq, Meeraq 1-2 ukiulik, Meeraq 3-4 ukiulik, Ikiaroornartoq pillugu MANU,
Imigassaq pillugu MANU kiisalu MANU atorlugu Angajoqqaanik ataatsimiisitsinissamik imaluunniit MANU
atorlugu Innuttaasunik ataatsimiisitsinissamik pilersaarusiornermut atortussat.
”Meeqqat 0-18 ukiullit” tassaavoq Ilinniartitaanermut Aqutsisoqarfiup, Peqqissutsimut Pitsaaliuinermullu
Aqutsisoqarfiup aamma Pitsaaliuinermut Isumaginninnermullu Aqutsisoqarfiup suleqatigiissutigisaat.
Suliniummi pingaarnertut siunertarineqarpoq meeqqat tamarmik atugarissaarlutik ineriartorlutillu pitsaasumik
ineriartornissaat. Meeqqat 0-18 ukiullit-ni meeqqat inoorlaaniit 18-it tikillugit ukiullit pingaartumik
sullinniarneqarput. Meeqqat inuusuttullu tamarmik atugarissaarnissaat taperserniarlugu suliniummi
susassaqarfiit akimorlugit suleqatigiinnerit siusissukkullu iliuuseqarnernik pilersitsinerit
ataqatigiissarneqartarput, taamaalilluni meeraq inuusuttorlu pillugit ilisimasat pingaarutillit
annaaneqannginniassammata.
11
3.2 Naleraq 2 – ”Meeqqat tamarik peqqissut atugarissaartullu”
M E E Q Q A T T A M A RM I K P E Q QI L L U T I K A T U G A R I S S A A R L U T I L L U I N U U S S A P P U T , A A M M A M E E Q Q AT
K I K K U L L U U N N I I T N A K U U S E R F I G I N E Q A R AT I L L U I N N A RL E R N E Q A S S A N N G I L L A T
Ingerlatsisut pingaarnerpaat
Ilaqutariit qanigisaasullu, peqqissaasut, peqqissutsikkut sullissisut, tigutigissaasut, perorsaasut,
ullukkut paaqqinnittartut, atuarfinni ilinniartitsisut, isumaginninnermi siunnersortit aamma
sunngiffimmi sammisassaqartitsisartut kattuffiillu.
Susassaqarfiit pingaarnerpaat
Ilaqutariit qanigisaasullu, peqqissaaviit, kigutileriffiit, ilaqutariinnut illut, ullukkut neqeroorutit,
atuarfiit, inuusuttut ornittagaat, timersoqatigiiffiit sunngiffimmilu sammisassat.
Isumakkut peqqissuseq naatsumik oqaatigalugu tassaavoq ulluinnarni ajunnginneq
atugarissaarnerlu. Isumakkut peqqissuuneq inuunermi nalerisimaarnerulersitsisarmat
nanertuutaasinnaasunillu, ilaatigut imminut toqunnermik kinguneqarsinnaasunik,
akiuisarmat timikkut peqqissuunissartulli pingaaruteqartigivoq. Tamatuma saniatigut
tarnikkut napparsimaneq nunarsuarmi nappaatit atugaanerpaat ilagaat. Taamaattumik
meeraanermi inuunerinneq tunngavilerniarlugu sulinermi nuna tamakkerlugu Kalaallit
Nunaanni isumakkut peqqinnerulersitsiniarluni iliuuseqarnissaq pingaaruteqarnerpaavoq.
Ileqqut peqqinnartut inuunerup aallartinnerani tunngavilerneqartarput. Taamaattumik
pualavallaarneq pitsaaliorniarlugu sapinngisamillu siusinnerpaamik timimik aalatitsineq
annertusarniarlugu meeqqat tamarmik peqqinnartunik nerisaqarnissaasa aalasarnissaasalu
ukkatarineqarnissaat pingaaruteqarpoq.
3.2.1 Itisiliineq
Isumakkut peqqissuseq meeqqat ineriartornissaannut atugarissaarnissaannullu pingaaruteqarluinnarpoq.
Isumakkut peqqissuseq tassaavoq piginnaasanik ineriartortitsisinnaaneq, ulluinnarni unammillernartunik
aaqqiisinnaaneq, inuiaqatigiinni taperseeqataasinnaaneq ataatsimullu isigalugu inuunermi nalerisimaarneq.
Taamaattumik inuit atugarliulernerat aatsaannguaq eqqaaneqartunut ajortumik sunniuteqartarpoq.
Isumakkut peqqissuuneq tarnikkut nappaatinik soorlu isumatsaqqanermik toqqissinaveeqqanermillu
ineriartortitsinissamut illersuutaasarpoq. Tarnikkulli napparsimalernermut pissutaasartut pillugit ilisimasat
killeqarput. Canadami nunani issittuni Alaskamilu misissuinerni arlalinni eqqaaneqarpoq kulturikkut ilisimasat
kiisalu pinngortitamut tunngatillugu piginnaasat atorlugit iliuuseqarnerit meeqqat atugarissaarnerannut
pitsaasumik sunniuteqartartut.
Isumakkut peqqiilliorneq meeqqani inersimasunilu peqqissutsikkut annertuumik unammillernarpoq.
Innuttaasut amerliartuinnartut isumakkut peqqiilliulersarput, soorlu uippakajaaqqalersarput
toqqissinaveeqqalersarput isumatsaqqalersarlutilluunniit. Isumakkut peqqissutsikkut inuiaqatigiinni
nikingassut ersarippoq, tassa innuttaasut sivikitsumik ilinniarsimasut aamma suliffeqanngitsut amerlanerusut
atugarliortut, uippakajaartut tarnimikkullu nappaateqartut amerlanerusarmata. Angajoqqaat
uippakajaaqqasarnerat, toqqissinaveeqqasarnerat isumatsaqqasarnerallu meeqqanut toqqaannartumik
sunniuteqartarpoq.
Atuartut peqqissusaannik misissuisitsinermi kalaallit atuartut atugarissaarnerisa peqqissusaasalu
assigiinnginnerat takuneqarsinnaavoq. Amerlanerpaat ajunngillat, pingajorarterutaasali missaat inuunermi
nalerisimaarnermut sunniuteqartumik timikkut tarnikkulluunniit ajornartorsiuteqarput. Meeqqat atuarfianni
atugarliorneq inersimasunngornermut attanneqarsinnaasarmat matumani aamma siusissukkut iliuuseqarneq
pingaaruteqarluinnarpoq. Kalaallit meeqqat atuarliuuteqarnerannut takussutissaanerisartut tassaapput
12
niaqorlunneq, aliasunneq sinissaaruttarnerlu. Meeqqat atuartut pingajorarterutingajaat atugarliornermut
takussutissanik pingasunik amerlanerusunilluunniit atugaqartarput, ukioqqortusiartortillugillu taamatut atugallit
ameriartuinnartarput. Taamatuttaaq niviarsiaqqat nukappiaqqanit amerlanerusut atugarliornermut
takussutissaqarnertik nalunaarutigisarpaat (2018-imi atuartut peqqissusaannik misissuisitsineq).
Taamaattumik meeqqat akornanni atugarissaarneq isumakkullu peqqissuseq pitsaanerulersinniarlugit meeqqat
ilaqutariillu isumakkut peqqissusaat atugarissaarnissaallu pillugit peqqinnerulersitsiniarluni
aalajangersimasunik iliuuseqarneq sakkuuvoq pingaaruteqarluinnartoq. Matuma ataani kisitsisit
paasissutissallu naleqquttut saqqummiunneqassapput.
18
10 8
22 21
11
18
10
23
12 10
23 21
13
22
10
24
12 13
23 22
15
29
12
26
17
13
23 23
20
39
16
0
10
20
30
40
Ho
ved
pin
e
On
dt
i m
ave
n
On
dt
i ry
gg
en
Ke
d a
f d
et
ell
er
de
pri
me
ret
Irri
tab
el e
lle
r d
årl
igt
hu
mø
r
Ne
rvø
site
t
Søvn
pro
ble
me
r
Svim
me
lhe
d
PR
OC
ENT
2006-2018 minnerpaamik sapaatip-akunneranut meeqqat atuartut 11-17 ukiullit atugarliornerannut takussutissartaasa ineriartornerat (2018-imi atuartut peqqissusaannik misissuisitsineq)
2006 2010 2014 2018
13
3.2.2 Pinnguarneq ulluinnarnilu sammisassat atorlugit ileqqut peqqinnartut siusissukkut ineriartortinneqarsinnaapput
Inuunermi siusissukkut – allaallu suli erninngunnermi – ileqqut peqqinnartut toqqammavilernissaannut
periarfissiineq meeqqat peqqissusaannik atugarissaarnissaannillu sulissuteqarnermi pingaaruteqarluinnarpoq.
Sulinermi matumani isumakkut peqqissutsip saniatigut pualavallaarneq pitsaaliorniarlugu sapinngisamillu
siusinnerpaamik timimik aalatitsinerulernissaq anguniarlugu peqqinnartumik nerisaqarneq timimillu
aalatitsineq aamma ukkatarineqarnissaat.
Ullukkut neqeroorutit – tassunga ilagitillugu ullukkut paaqqinnittartut – aamma meeqqat atuarfiat
peqqinnartunik ileqqoqalernissamik ilinniartitsiffissatsialaapput. Matumani meeqqat pinnguarneq ulluinnarnilu
sammisassat atorlugit peqqissunngortikkusunneqassapput. Meeraanermi nerisaqarnermi timimillu
aalatitsisarnermi ileqqut tunngavilerneqartut inuunerup sinnerani attakkajunneqartarput. Nunatsinni
nunarsuullu sinnerani ulloq naangajallugu issiasarneq timimillu aalatitsinnginneruneq
ileqquuneruleraluttuinnarpoq. Taamaattumik pingaaruteqarpoq siusissukkut meeqqat timimik
aalatitsisalernissaasa eqqumaffigineqarnissaa.
Ullumikkut meeqqat aatsaat taama amerlatigisut pualavallaarput, pualavallaarnerlu amerlanertigut inuunerup
sinnerani attanneqartarpoq. Taamaattumik pingaaruteqarpoq pualavallaarnermik pitsaaliuinerup aamma
salliunneqarnissaa. Matumani sulisut ilinniarsimasut nerisaqarnermi timersortarnermilu ileqqut pillugit
ilaqutariinniittut tamaasa suleqatigissavaat taamaalillutillu peqqinnartumik nerisaqarnermut timimillu
aalatitsisarnermut tunngavik pilersinneqassalluni. Tamatuma saniatigut pualavallaartut amerlanertigut
pimmatigineqartarput. Meeqqat atuarfiini ullukkullu neqeroorutini sulisut ilinniarsimasut taamatut
immikkoortitsinerujartuinnarnerup akiornissaanut aamma pingaaruteqarput.
3.2.3 Meeqqat tamarmik sunngiffimmi timertik atorluartassavaat
Kattuffiit assigiinngitsut akuutitsisullu tapersersorneranni kommuni pingaaruteqartumik inissisimaffeqassaaq.
Kommunit kattuffiit peqatigalugit meeqqat ilaqutariillu qajannartut ataatsimooqatigiinnernut taamaattunut
periarfissinnissaannut pikkorinnerulernissaat pisariaqarpoq. Matumani aamma Island
isumassarsiorfigineqarsinnaavoq, Islandimi atuarfinni kommuninilu peqqinnerulersitsiniarluni sulinermi
sunngiffimmi sammisassanut kattuffinnullu peqataasinnaaneq tunngaviulluinnartut ilagaat.
Meeqqat peqqissuunissaminnut pitsaasunillu atugassarititaqarlutik inuunissaminnut pisinnaatitaaffitsik
eqqartoraangamikku pingaartumik peqqinnartunik nerisaqarneq sunngiffimmilu sammisassaqarneq
qitiulluinnartutut eqqaasarpaat. Aamma sininnerup, pitsaasunik atisaqarnerup naammattunillu nerisaqarnerup
pingaaruteqassusiat aamma meeqqanit eqqaaneqartarpoq (MIO 2019).
0
20
40
60
80
100
Lav (0-3) Middel (4-6) Høj (7-10)
Atuartut inuunermi nalerisimaarnerat (2018-imi atuartut peqqissusaannik misissuisitsineq)
11-12 år 13-14 år 15-17 år
14
33 30
27 24 24 24
15 18
0
10
20
30
40
2 0 0 6 2 0 1 0 2 0 1 4 2 0 1 8
PR
OC
ENT
2 0 0 6 - 2 0 1 8 U L L U T T A M A A S A M I N U T S I N I 6 0 - I N I T I M I M I K A A L A T I T S I N G A A T S I A R T A R N E Q - 2 0 1 8 - I M I A T U A R T U T P E Q Q I S S U S A A N N I K M I S I S S U I S I T S I N E Q
Drenge Piger
Kalaallit Nunaanni Timersoqatigiit Kattuffiata (KNTK) 2020-mi Kalaallit Nunaat nunarsuarmi
timersorfiunerpaasuunissaanik takorluukkaminnut periusissiartik nutaaq saqqummersissavaa. KNTK 2020-
2023 timersorneq aqqutigalugu inuiaqatigiinni tamani isumakkut timikkullu peqqissuseq
pitsanngorsarniassavaa (KNTK, 2019). Takorluukkap tamatuma piviusunngortinniarnerani kommunit meeqqat
timiminnik aalatitsinerulernissaannik sulissuteqarnerisigut sunngiffimmilu sammisassanut assigiimmik
peqataasinnaanerannik qulakkeerinninnerisigut suliaq taanna taperserluarneqarsinnaavoq. Tamatumunnga
tunngatillugu pissutsit qanoq innersut ataani kisitsisini takussutissianilu takuneqarsinnaavoq.
3.2.4 Susassaqarfiit akimut suleqatigiinnerisigut meeraanermi erloqinartunik pitsaaliuineq
Perortiartornermi erloqinartunik atugaqarneq, aamma ”Adverse Childhood Experiences”-imik taaneqartartoq,
inersimasunngornermi atugarissaarnermut ajortumik sunniuteqangaatsiarsinnaavoq. Nunani allani
misissuinernit paasineqarpoq meeraanermi ataatsimik amerlanerusunilluunniit erloqissuteqarneq imminut
toqoriarnerit 64-80%-iini pissutaasartoq (The ACE Studies/Dube et al., 2001). Sisamanik
amerlanerusunilluunniit erloqinartunik atugaqarsimagaanni imminut toqoriarnissaq aqqaneq-marloriaammik
ilimanarnerulertarpoq. Tamatumani inuit peroriartornerminni erloqinartunik sualuttunik
misigisaqarsimanngitsut sanillersuunneqarput. Imminut toqunnissamut aalerinartorsiortitsisinnaasut meeqqap
inuunerani aqqusaarneqallattaasarmata inuunermi misigisimasat aarlerinartorsiortitsisartullu qissiminnissaat
pingaaruteqarpoq. Saqqummersinneqartartunit ersersinneqarpoq inuit 20-t sinnilaarlugit ukioqarlutik imminut
toquttut ukiukitsuunerminni erloqinartunik arlalinnik misigisaqartarsimasut, ukioqqortunerullutilli imminut
toquttut amerlanertigut erloqinartunik ikinnerusunik misigisaqartarsimapput. Taamaattumik meeraanermi
erloqinartunik pitsaaliuinermi pissutsit tamaasa isigineqarnissaat susassaqarfiillu akimut suleqatigiinnissaat
pingaaruteqarluinnarpoq.
Meeqqat peqqissutsikkut
ileqqui Atuartut 11-17 ukiullit 23
%-ii ullut tamaasa mamakujuttutortarput
Atuartut 11-17 ukiullit 58 %-ii ulluni atuarfiusuni tamatigut ullaakkorsiortarput
Atuartut 11-17 ukiullit 12 %-ii tamatigut amerlanertigulluunniit kaallutik innartarput atuariartortarlutilluunniit
Atuartut 11-17 ukiullit 64
%-ii ullormut minnerpaamik marloriarlutik kigutigissartarput
2018-imi atuartut peqqissusaannik misissuisitsineq
15
3.2.5 Peroriartornermi nakuuserinerit, imigassamik ajornartorsiutit kinguaassiuutitigullu innarliinerit amerlassusaat
1993-imiilli innuttaasut peqqissusaannik misissuisitsisarnerni inersimasut peroriartornerminni erloqinartut
nalaattarsimasaasa pingasut annertussusaat uuttorneqartarput:
Nakuuserneq
Imigassamik ajornartorsiutit
Kinguaassiuutitigut innarliinerit
1965-1990 akornanni inuusut meeraanerminni angerlarsimaffimmi ilaanneeriarlutik akulikitsumilluunniit
ajornartorsiutinik imigassamut attuumassuteqartunik misigisaqarsimasut amerlaqatigiipajaaginnarput. 1995-ip
kingorna inuusut ikinnerusut allapput angerlarsimaffimminni imigassamik ajornartorsiuteqarlutik. Aamma
1995-ip kingorna inuusut ikinnerungaatsiartut allapput akulikitsmik ajornartorsiuteqartarlutik. Taamatut
pitsaasumik ineriartortoqarsimagaluartoq inuusut nukarliit 37 %-ii suli imigassamik ajornartorsiuteqarlutik
peroriartorsimapput.
Meeraanermi angerlarsimaffimminni nakuusernermik misigisaqarsimasut 70-ikkunnit 80-ikkunnillu,
taamanikkut 68 %-iusunit, ikiliartorsimapput. Misissuinermili inuusut nukarliit 28 %-ii suli angerlarsimaffimmi
ilaanneeriarluni akulikitsumilluunniit nakuuserfiusartumi peroriartorsimapput.
1970-1989 akornanni inuusunut sanilliullugu 1995-ip kingorna inuusut suli 18-inik ukioqalernatik
kinguaassiuutitigut innarlerneqarsimasut ikileriarsimapput. 1995-ip kingorna inuusut 20 %-ii meeraanermi
innarlerneqarsimapput, 1970-1979 akornanni inuusut 40 %-nit amerlanerusut innarlerneqarsimapput.
3.2.6 Imminut toqunnermik pitsaaliuineq
Imminut toqunnermik pitsaaliuinermi atugarissaarnermik isumakkullu peqqissutsimik
pitsaanerulersitsiniarneq pingaaruteqarluinnarpoq. Peroriartornermi erloqinartut pingasut assigiinngitsut –
nakuuserneq, imigassamik ajornartorsiutit kinguaassiuutitigullu innarliineq – imminnut ataqatigiilluinnarput.
Erloqinartut taakku inersimasuunermi imminut toquttussatut pissusilersornermut atassuseraanni
ataqatigiilluinnarnerat ersarilluinnarpoq. Erloqinartut taakku tamarmik immikkut imminut toqunnissamik
eqqarsaatinik marloriaammik pingasoriaammilluunniit amerlanerulersitsisarput. Inuit erloqinartunik arlalinnik
Meeraanermi erloqinartunik pitsaaliuineq pillugu meeqqat eqqaasaat ”Meeqqat angajoqqaaminnit annersarneqaqqusaanngillat. Meeqqat atornerlunneqaqqusaanngillat. Meeqqat silami sineqqusaanngillat. Meeqqat kaaqqusaanngillat.” ”Atornerlunneqarani qamuunalu ikeqarani inuunerinneq.” ”Oqaloqatiginerat, taamatut misigisaqarnerminni kisimiinnginnerminnik paasitinnerat. Qaangiisinnaaniassammatalu soqutiginninnermik ersersitsivigineqarsinnaapput ilagineqarsinnaallutillu /misigisaqaqatigineqarsinnaallutillu.” ”Nammineq misigisaqarsimagaanni allalluuniit taamatut misigisaqarsimappata atuarfimmi ammasumik eqqartorneqassaaq. Pisumi taamaattumi qanoq iliortoqassanersoq ilisimatitsissutigineqassaaq.”
MIO-p 2019-imi nuna tamakkerlugu iliuusissatut pilersaarut pillugu nalunaarusiaanit issuakkat
16
misigisaqarsimasut 46 %-ii imminut toqunnissartik eqqarsaatigisimavaat, aatsaannguarlu erloqinartunik
eqqaaneqartunik nalaataqarsimanngitsut 10 %-ii taamatut eqqarsaateqartarsimallutik. Taamaattumik
peroriartornermi erloqinartunik nalaataqarnerit inuunermilu kingusinnerusukkut imminut toquttussatut
pissusilersorneq ersarissumik ataqatigiilluinnarput. Taakkua ataqatigiinnerat ataani takussutissiami
takuneqarsinnaavoq.
2013-2019 imminut toquttarnermik pitsaaliuinermi periusissiap atuutsilerniarnerani imminut toquttarnermut,
imminut toqunnissamik siorasaarinermut imminullu toqoriarnermut atatillugu misissueqqissaartoqarlunilu
kommunit, peqqinnissaqarfik politiillu akornanni iliuuserineqartussat aalajangersarneqarput. Suliaq tamanna
Inuuneritta III-p ataani ingerlateqqinneqartariaqarpoq. Tamatuma saniatigut susassaqarfinni tamani inulerisut
sulisullu ilinniarsimasut imminut toquttussatut pissusilersortunik takusinissamik akuliunnissamillu kiisalu
ikiuinissamik tapersersuinissamillu neqeroorsinnaanermik ilinniartinneqartuartariaqarput. Nunatsinni
aliasuttunik sullissinermi Meeqqat, Inuusuttut Aliasunnerlu-mi misissuineq aliasuttunik sullissinermi
aaqqissuussaanerusumik piginnaasanik ineriartortitsinissamut pingaarutilinnik ilassutissiivoq (Meeqqat,
Inuusuttut Aliasunnerlu, 2019).
3.2.7 Maanna iliuuserineqartut
Ataani maanna nunalu tamakkerlugu iliuuserineqartut naleqqamik 2-imik sulinermi tapersiissut
eqqaaneqassapput.
Kinguaassiuutitigut innarliisarnernik pitsaaliuinermi maanna ”Killiliisa”, 2018-2022 Naalakkersuisut
kinguaassiuutitigut innarliisarnernik akiuinermi periusissiaat, aallaavigalugu sulisoqarpoq. Periusissiami
pingaarnertut anguniarneqarpoq pitsaasumik aaqqiissutissarsiornissaq kinguaassiuutitigullu innarliisarnernik
ikilisitsinissaq. Periusissiami pissutsit ataatsimut isigalugit, siunissaq ungasinnerusoq eqqarsaatigalugu
inoqarfinni suleriaatsini unamminartut tunngavigalugit ineriartortinneqartunik iliuuseqarnissaq
ukkatarineqarpoq. Inuuneritta III-mi assigiinngitsorpassuartigut atugarissaarnerulersitsiniarnikkut
peqqinnerulersitsiniarnikkullu Killiliisa-mi sulineq taperserneqarpoq. Sumiginnaanermut iliuusissatut
pilersaarut taamatuttaaq kikkut tamarmik isumakkut peqqillutillu atugarissaarnissaannik
qulakkeerinninniarluni sulinermi pingaaruteqarluinnarpoq.
10%
14%
22%
8,9%
16%
21%
9,1%
31%
0%
5%
10%
15%
20%
25%
30%
35%
40%
Aldrig Af og til Ofte Aldrig Af og til Ofte Nej Ja
PR
OC
ENT,
DER
NO
GEN
SIN
DE
HA
R H
AFT
SE
LVM
OR
DST
AN
KER
Imigassamik ajornartorsiutit Nakuuserneq Innarligaaneq
17
Kikkulluunniit oqaloqateqarusuttut allaqateqarusuttulluunniit kinaassusertik isertuullugu ”Tusaannga”-mi
oqarasuaatikkut sms-ikkullu siunnersorneqarsinnaapput. Tusaannga-mi siusinnerusukkut oqarasuaatikkut
siunnersuisarfiit normumut ataatsimut kattutitinneqarput. Tusaannga 2019-imi februaarip aallaqqaataanni
ammarpoq. Oqarasuaat 801180 aamma sms 1899 atorlugit Tusaannga-mut attaveqarneq akeqanngilaq.
Angutit arnallu aappariinnermi nakuusernermik saassussisarnermillu ajornartorsiuteqartut ”Alliaq” atorlugu
katsorsarneqarnissamik neqeroorfigineqartarput. Alliaq-mut ilaapput oqarasuaatikkut attaveqarneq, tarnip
pissusiinik ilisimasallit aamma tarnip pissusiinik ilisimasallit sulinerannik ataqatigiissaarisoq. Massakkut Alliaq
Nuummi, Sisimiuni, Ilulissani Qaqortumilu tarnip pissusiinik ilisimasalinnik sulisoqarpoq, kisianni aamma Skype
oqarasuaalluunniit atorlugu katsorsaasoqarsinnaavoq. Neqeroorut akeqanngilaq kinaassutsimillu isertuilluni
atorneqarsinnaalluni.
3.3 Naleraq 3 – ”Ataatsimoortarfiit pitsaasut meeqqanut tamanut”
M E E Q Q A T T A M A RM I K I N U I A Q A T I G I I N N I A K U U T I N N E Q A S S A L L U T I L L U I L I N N I A RN E RM U T A Q Q U T I S S I U U N N E Q A S S A P P U T
Ingerlatsisut pingaarnerpaat
Angajoqqaat paaqqinnittartullu, perorsaasut, atuarfinni ilinniartitsisut, isumaginninnermi
siunnersortit aamma sunngiffimmi sammisassaqartitsisartut kattuffiillu.
Susassaqarfiit pingaarnerpaat
Ilaqutariit qanigisaasullu, peqqissaaviit, kigutileriffiit, ilaqutariinnut illut, ullukkut neqeroorutit,
atuarfiit, inuusuttut ornittagaat, timersoqatigiiffiit sunngiffimmilu neqeroorutit.
Meeqqatut inuuneq tassaavoq ilaquttat aamma atuarfimmi sunngiffimmilu ikinngutit
ilagalugit inuuneq. Angajoqqaat qanigisaasullu meeqqatutut inuunermi
angerlarsimaffimmiit ullukkut neqeroorutinut, ullukkut neqeroorutiniit atuarfimmut
atuarfimmiillu ilinniarfeqarfimmut ikaarsaararnermi tapersersortitut
pingaaruteqarluinnarput. Naleqqami 3-mi ikaarsaariarnerit taakku susassaqarfiillu
meeqqat najortagaat ukkatarineqarput, kikkut tamarmik taamaalillutik peqqinnartunik
toqqissisimanartunillu ataatsimoorfeqarlutik ilinniagaqarlutillu inuunermi
aallartilluarsinnaaniassammata.
3.3.1 Itisiliineq
Meeqqat siunertaqarluartumik akuersaartumillu ataatsimoorfinnut akuunissamut periarfissaqarnissaat
pingaaruteqarpoq, tamannami atugarissaarnerannik ineriartornerannillu pitsanngorsaaqataasinnaammat.
Meeqqat ataatsimoorfinnut akuersaartunut ilaanermikkut isumakkut peqqissusertik ineriartortittarpaat,
taakkunani inooqataanermi, timikkut isumakkullu piginnaasatik atorsinnaallugillu ineriartortissinnaavaat.
Tamatuma saniatigut meeqqap pitsaasunik attaveqarluartarnissaa pingaaruteqarpoq. Kommuni ullukkut
neqeroorutit atuarfiillu ataatsimoortitsilluni ineriartortitsiffiusut ilinniartitsiffiusullu aqqutigalugit meeqqat
isumakkut peqqissusaannik tapersersuisinnaapput, taamaalilluni meeqqat inooqataanermi piginnaasaat
pitsanngorsarneqarsinnaaniassammata.
Meeqqat atuarfianni tunngavik pitsaasoq tassaavoq ataatsimoorluni ilinniarfik. Tamatumani atuartut
ukiorpassuarni ataatsimoortussaapput. Ataatsimoorfimmi tamatumani misigisat atuartut atugarissaanerannut
ineriartornerannullu pingaaruteqarluinnarput. Ilinniartitsisunit atuaqatinillu tapersersorneqartutut misigineq
isumakkut peqqissuunissamut pitsaasumik sunniuteqartarpoq.
18
Amerlanerit atuarneq nuannarisarpaat. 2018-imi atuartut peqqissusaannik misissuisitsinermi paasineqarpoq
atuartut 78 %-ii atuariartortarnertik ”assut nuannarigaat” imaluunniit ”nuannarigaat”. Atuartut 63 %-ii
atuaqatiminnit tapersersorneqartutut misigipput, kisianni 11 %-ii atuaqatiminnit tapersersorneqanngitsutut
misigipput. Nukappiaqqat niviarsiaqqanut sanilliullugu amerlanerit atuaqatiminnit tapersersorneqartutut
misigipput. Atuaqatinit ilinniartitsisunillu tapersersorneqarneq pimmatilliisarnermik akiuinermi
iluatsinnissamut aalajangeeqataalluinnarpoq (Atuartut peqqissusaannik misissuisitsineq, 2018). Atuartut ilaat
atuarfimmi suliassat pissutigalugit atuarfimmi angerlarsimaffimmilu tatineqartutut misigisarput. Tamanna
sualuttumik uippakajaalersitsisinnaallunilu meeqqat atuarissaanerannut ajortumik sunniuteqarsinnaavoq.
Taamaallaat 4 %-ii atuarfimmi suliassat pissutigalugit assut tatineqartutut misigipput, 48 %-iilu
tatineqanngilluinnartutut misigillutik.
2018-imi meeqqat atuarfianni soraarummeertussat 13 %-iinnai meeqqat atuarfianniit inuusuttunut
ilinniarfinnut ingerlaqqippasipput. Atuartut 42 %-ii Kalaallit Nunaanni Danmarkimiluunniit efterskolerlutik
aallartikkaluartut taamaallaat 45 %-iisa missaat meeqqat atuarfianni naammassinermik kingorna inuusuttunut
ilinniarfinni ilinniarput. Meeqqat ilinniarfinnut ingerlaqqinnissaannut atugassarititaat pitsanngorsarniarlugit
pingaaruteqarpoq meeqqat ilaqutaasullu akuutillugit pissutsit tamaasa isigalugit iliuuseqarnikkut meeqqat
atuarfinniit ilinniarfeqarfinnut ikaarsaariarneranni tapersersornissaat.
3.3.2 Pimmatilliineq
Meeqqat pillugit siunnersuisooqatigiit 2019-imi kaammattuutaanni (Nakuusa, 2019) nuna tamakkerlugu
meeqqat peqqissuunissaat atuarissaarnissaallu erseqqissarneqarpoq. Meeqqat pillugit siunnersuisooqatigiit
kaammattuutigaat:
Pimmatilliineq pimoorullugu iliuuseqarfigineqassasoq
Meeqqat unnuakkut silamiittartut ornittagaqarnissaat qulakkeerneqassasoq
Sineriak tamakkerlugu ”unnuariaqartassasoq”
Illoqarfinni nunaqarfinnilu pitsaasunik timersortarfeqassasoq (inner. Nakuusa)
Pimmatilliineq atuarfimmi atugarissaarnermut ajortumik sunniuteqartarpoq. Pimmatilliineq pillugu
ilisimatusarnermi kingullerpaami pimmatilliineq ataatsimoorfinni meeqqat akuuffigisaanni atugarineqartut
ajortut takussutittaattut isigineqarpoq. Qarasaasiakkut pimmatilliineq kinaassutsimik isertuilluni
pimmatilliinissamut periarfissiivoq, tamannalu elektroniskit avataanni pissutsinit allaanerulluinnarpoq, tassa
kina pimmatilliinersoq kikkullu isiginnaartunersut ersarissumik takuneqarsinnaasarmat (2018-imi atuartut
peqqissusaannik misissuisitsineq).
Atuartut 35 %-ii ukiup ataatsip ingerlanerani pimmatigineqarsimapput. 19 %-ii qarasaasiakkut
pimmatigineqarsimapput. Aamma illoqarfiit nunaqarfiillu assigiinngissuteqarput. Meeqqat illoqarfimmiunut
sanilliullugu nunaqarfimmiut sapaatip-akunneri tamakkerlugit pimmatigineqartartutut misigipput (Atuartut
peqqissusaannik misissuisitsineq, 2018) Taamaattumik ataatsimoorfinnik akuutitsisunik pitsanngorsaanermi
pimmatilliinermik pitsaaliuineq pingaaruteqarpoq. Meeqqat pillugit siunnersuisooqatigiinnit kaammattuutinit
takuneqarsinnaavoq meeqqat – sunngiffimmi atuarfimmilu – ataatsimoorfinni inissaqartinneqartutut
pitsaasunillu attavigisaqartartutut misiginissaat pingaaruteqartoq. Tamatuma saniatigut meeqqat namminneq
inuunerminnut tunngasunut tamanut aalajangiussanut ilaatinneqartarusupput. (MIO, 2019).
19
3.3.3 Atuarfiit ullukkullu neqeroorutit peqqinnerulersitsisut
Timikkut isumakkullu peqqissutsimik ukkassilluni peqqinnerulersitsiniarluni iliuuseqarnerit meeqqat
ataatsimoorfinnut akuutitsisunut akuersaartunullu peqataanissaannut periarfissiisarput. Inuit ataasiakkaat
ilaqutariillu suliniuteqarfigineqartut timiminnik aalatitsinerunerat peqqinnartunillu ileqqoqarnerat
atugarissaarnerulersitsisarlunilu peqqinnerulersitsisarpoq. Ullut tamaasa timimik aalatitsisarneq
peqqinnartunillu nerisaqarneq meeqqanik atugarissaarnerulersitsisarpoq, meeqqallu nuannaartut pitsaasumik
attaveqaqateqarlualernissaminnut periarfissagissaarnerusarput.
Atuarfiit ullukkullu neqeroorutit peqqinnerulersitsisut tassaapput avatangiisinik ataatsimoorfinnillu
peqqinnerulersitsisartunik suliaqarnermi pissutsinik ataatsimut isiginnilluni sulineq. Islandimi Europami
attaveqaatinik suleqateqarneq ”Schools for Health in Europe”, 2008-miilli piusoq WHO-mit EU-millu
aningaasalersorneqartoq, aallaavigalugu atuarfiit peqqinnerulersitsisut sulissutigineqarsimapput. Periuseq
immikkoortunik pingasunik toqqammaveqarpoq:
1) Ilisimatuut, politikkerit sulisartullu oqaloqatigiittuarnerat
2) Uppernarsaanik toqqammaveqarneq: Inoqarfinni aarlerinaataasinnaasut illersuutaasinnaasullu kiisalu
misilittakkat ilisimatusarnikkut uppernarsarneqartarnerat.
3) Inoqarfiit inoqarfinnilu isumalluutit aallaavigineqarnerat. Tassunga ilagitillu angajoqqaat
akuutinneqarnerat.
Islandimi atuarfiit ukkataralugit pitsaaliuilluni sulinerup kinguneratigut Islandi ukiut 20-t ingerlaneranni nunani
avannarlerni inuusuttut akornanni imigassamik, ikiaroornartumik tupamillu annertunerpaamik atuinermiit
ullumikkut appasinnerpaamik atuinermut pisimapput. Nunatsinni kommunit kattuffiillu arlallit suleriuseq
tamanna isumassarsiorfigalugu sulisarput, meeqqanut pitsaasunik peqqinnartunillu ataatsimoorfinnik
siammarterilluni suliaqarnermi misilittakkanik taakkuninnga atorluaaneq pissusissamisuussaaq. Taamatuttaaq
kommunit peqqinnartunik sunngiffimmi sammisassaqartitsisarnissamut periarfissaqarnissaanik
qulakkeerinninnerat atuarfinni ullukkullu neqeroorutini peqqinnerulersitsisunik suliaqarnermi tapertaassapput
pingaarutillit. Tamatuma saniatigut pingaaruteqarluinnarpoq iliuutsit suliniutillu uppernarsarneqarlutillu
malittareqqissaarneqarnissaat, taamaalilluni nunatsinni ineriartortitsinermi misilittakkat siunissami iliuutsit
politikkillu toqqammavissaannik suliaqarnermi pingaarutilittut tunngavilersuutigineqarsinnaaniasammata.
3.3.4 Kinguaassiuutitigut peqqissuuneq
Kinguaasiuutitigut peqqissutsimut tunngatillugu ajornartorsiutit inuiaqatigiit peqqissusaannut
ajornartorsiutaavoq meeqqanullu angajullernut tunngalluinnarluni. Peqqinnerulersitsiniarluni sulinermi
73
20 7
0
20
40
60
80
Oplever sig støttet
Oplever sig hverken
støttet eller ikke
Oplever sig ikke støttet
PR
OC
ENT
Atuartut ilinniartitsisunit tapersersorneqartutut misiginerat
(2018-imi atuartut peqqissusaannik misissuisitsineq)
20
kinguaassiuutitigut peqqissuuneq ilanngunneqarnissaata pingaaruteqassusianut pissutsit uku
erseqqissaataapput:
14-inik ukiullit siusissukkut atoqateqaqqaartarnerat
Kalaallit inuusuttut 15-it 29-llu akornanni ukiullit amerlasuut kinguaassiuutitigut nappaatinik
tunillanneqartarnerat
Inuusuttut 18-it 24-llu akornanni ukiullit pilersaartaanngitsumik naartulertartut amerlanerat
Meeqqat inuusuttullu arfineq-pingasut 24-llu akornanni ukiullit atoqateqarnissamut tatineqartutut
misigisarnerat
Tamanna pisinnaavoq inuusuttut atoqateqartartut suliniuteqarfiginerisigut. Taamatuttaaq atoqatigiinnermut
isiginnittaaseq peqqinnartoq siammarterniarlugu sulisoqassaaq. Tamatuma saniatigut pilersaarutaanngitsumik
naartulernerit aamma meeqqat atuarfianni atoqatigiinneq pillugu ilinniartitsinikkut meeqqat inuusuttullu
akornanni kinguaassiuutitigut nappaatit pitsaaliorniarlugit sulisoqassaaq.
2020-mi susassaqarfiit akimorlugit suleqatigiinneq tunngavigalugu kinguaassiuutitigut peqqissuuneq
pitsaaliuinerlu pillugit nutaamik periusissiortoqarlunilu iliuusissatut pilersaarusiortoqassaaq. Matumani
pingaartumik ukkatarineqassapput kinguaassiuutitigut nappaatit tunillattartut amerlassusaasa tuniluunnerisalu
annikillisinnissaat, kissaatiginngisamik naartulernerit amerlassusaasa ikilisinnissaat kiisalu atoqatigiinnermi
kissaatiginngisamik misigisat ikilisinnissaat. Suliaq tamanna iliuutsinut naleqquttunut allanut Inuuneritta III-p
ataani ataqatigiissarneqassaaq.
3.3.5 Maanna iliuuserineqartut
Meeqqanut ataatsimoorfinnik akuutitsisunik akuersaartunillu siuarsaanermi susassaqarfiit akimorlugit
suleqatigiinneq susassaqarfimmi periusissianut allanut attuumassuteqarluinnarpoq. Ataani pingaarnerpaat
eqqaaneqarput.
Ukiuni kingullerni kinguassiuutitigut peqqinnerulersitsiniarnermi ”Inuusartitsisarneq – Atoqatigiinnermut
isiginnittaaseq” pingaarnertut tunngavigineqartarsimavoq, taannalu atuartuni angajullerni
ingerlanneqartarsimavoq (8.-10. klasse). Inuusartitsisarnermi siunertaavoq ullualunni inuusaq RealCare
atorlugu inuusuttut angajoqqaajunermut tunngatillugu isummertinnissaat kinguaassiuutitigullu
peqqissuunissaminnut tunngatillugu akisussaasutut misigitinnissaat. Suliniummili kissaatigineqartutut
angusaqartoqarnersoq suliniullu inuusuttut naartunaveersaatinik atuisarnerannut inuusuttullu akornanni
kissaatiginngisamik naartulertartut ataatsimut isigalugu amerlassusaannut sunniuteqarsimanersoq
paasiniarlugu aaqqissuussaasumik nalilersuisoqarneq ajorpoq. Taamaattumik suliniut maannamut
kinguaassiuutitigut peqqissutsimut qanorpiaq sunniuteqarsimanersoq ilisimaneqanngilaq.
”Meeqqat 0-18 ukiullit”, naleqqami 1-imi allaatigineqartoq, suliniutaavoq naleqqamut matumunnga aamma
pingaaruteqartoq.
Naalakkersuisut ”2018-imi ilinniartitaanermut periusissiaat”-ni Naalakkersuisut ilinniartitaanermi
susassaqarfinni assigiinngitsuni – atualerneq sioqqllugu susassaqarfimmi, meeqqat atuarfianni,
ilinniarnertuunngorniarfinni qaffasinnerusumillu ilinniarfinni – takorluugaat anguniagaallu allaatigineqarput.
Ilinniartitaanermut periusissiami takorloorneqarpoq amerlanerusut ilinnialernissaminnik ilinniakkamillu
naammassinninnissamut sakkussanik pigiliussinissaminnik kissaateqalissasut. Ilinniartitaanermut periusissiaq
siusinnerusukkut 2012-imi 2014-imilu ilinniartitaanermut periusissianik nutarterineruvoq, tamatumanilu
susassaqarfimmi immikkut ittumik suliniuteqarneq ingerlareersoq nanginneqarpoq. Ilinniartitaanermut
periusissiamik atuutitsilerniarluni sulineq Inuuneritta III-p ataani meeqqat atugarissaarnerulernissaannik
peqqinnerulernissaannillu suliamik tapersiivoq. Naalakkersuisut ”2019-imi ilinniartitaanermut pilersaarusiaasa
21
aappaat” iliuusissatut pilersaarutaavoq, tamatumanilu Naalakkersuisut Ilinniartitaanermut periusissiaat
tunngavigalugu suliniutit aallartisarneqarusuttut erseqqissarneqarput.
”Kammagiitta – Fri for Mobberi” tassaavoq pimmatilliinermik akiuilluni suliniut meeqqerivinni atuartunilu
nukarlerni (1. – 3. klasse) ingerlanneqartartoq aamma Mary Fonden-imit Red Barnet-imillu Kalaallit Nunaanni
2011-mi aallartisarneqartoq. Meeqqerivinnut kufferti atuartunullu nukarlernut kufferti
ineriartortinneqarsimapput. Pinnguarnikkut sungiusarnikkullu meeqqat avatangiisii ataatsimoorfiilu taakku
iluaqutigalugit nuannersunngortinniarneqartarput ikinngutinnerunngortinniarneqartarlutillu. Kammagiitta
taamaalilluni paasissutissiinikkut pimmatilliinermik pitsaaliuineruvoq. Tamatuma saniatigut angajoqqaanik
akuutitsinertalimmik meeqqanut sungiusaateqarpoq. Massakkorpiaq suliniutip atorneqartarneranut
uppernarsaatissatut sunniutaasinnaasullu pitsaasut Ilisimatusarfimmi misissoqqissaarneqaleruttorput.
”Killiliisa – Lad os sætte grænser”, naleqqami 2-mi allaatigineqartoq, aamma naleqqami matumani suliamik
tapersiivoq, tassami periusissiami aamma ukkatarineqarmata ”Pissutsinik ataatsimut isiginnilluni
kinguaassiuutitigut innarliisarneq pillugu iliuuseqarneq”, ”Meeqqat atuarfiini atoqatigiinnermik ilinniartitsineq”
aamma ”Kinguaassiuutitigut nappaatit tuniluuttut pillugit iliuuseqarneruneq”.
3.4 Naleraq 4 – ”Pujortartarnermik aanngajaarniutinillu pitsaaliuineq”
M E E Q Q A T K I K K U L L U U N N I I T A A N N G A JA A RN I U T I N I T I N N A RL E RN E Q A S S A N N G I L L A T , A A M M A M E E Q Q A T
K I K K U L L U U N N I I T P U JO R T A RT A L I S S A N N G I L L A T
Ingerlatsisut pingaarnerpaat
Angajoqqaat, paaqqinnittartut, perorsaasut, atuarfinni ilinniartitsisut, isumaginninnermi
siunnersortit aamma sunngiffimmi sammisassaqartitsisartut kattuffiillu, suliffeqarfiit
pisiniarfiillu.
Susassaqarfiit pingaarnerpaat
Ilaqutariit, ullukkut neqeroorutit, meeqqat atuarfii, efterskolet, inuusuttunut ilinniarfiit, Majoriaq,
atuartut angerlarsimaffii, inuusuttut ornittagaat, timersoqatigiiffiit, sunngiffimmi neqeroorutit,
pisiniarfiit sassaalliuteqartarfiillu.
Tupamik pujortartarneq inooriaatsimut tunngatillugu ukiunik inuuffiusunik
ikilisitsisarnermigut peqqissutsitsinnut annertunerpaamik ajortumik sunniuteqartarpoq.
Aanngajaarniutinik atuinermut atatillugu meeqqanut ilaqutariinnullu kingunipiluit
inuiaqatigiinni peqqissutsikkut ajornartorsiutit annersaraat, aamma inoqarfinni nunalu
tamakkerlugu iliuuseqarnissaq suli salliunneqartariaqarpoq. Taamaattumik naleqqami 4-mi
nappaatit toqunerillu tupamut attuumassuteqartut aanngajaarniutinillu atuinerup
kingunipiluit killilersimaarniarlugit pitsaaliuiffiusinnaasut ukkatarineqarput. Tassunga
ilagitillu tupamik pujortartarneq aanngajaarniutinillu atuineq pissutigalugit inuiaqatigiinni
peqqissutsikkut assigiinnginneq.
3.4.1 Itisiliineq
3.4.1.1 Aanngajaarniutit
Imigassamik aanngajaarniutinillu allanik atuinermi ileqqut amerlanertigut inuusuttuunermi aallartittarput.
Siusissukkut misileeqqaarneq imigassamik ikiaroornartumillu atuilluni inooriaaseqalernissamik
ilimanaateqarnerulersitsisarpoq. Ikinngutinit, qatanngutinit ilaquttanillu sunnertinneq meeqqat imigassamik
22
atuinerannut sunniuteqarluinnartarpoq. 2018-imi atuartut peqqissusaannik misissuisitsinermi paasineqarpoq
siusinnerusukkut misissuinernut sanilliullugu atuartut ikinnerusut imigassartortartut. Aamma paasineqarpoq
siornatigornit atuartut ikinnerusut aalakooreersimasut. 11-17 ukiullit amerlanerpaartaat (92 %-ii) qaammatip
ataatsip iluani imigassartorsimanngillat. Meeqqat 13-it tungaanut ukiullit 96 %-ii aalakuunngisaannarsimapput.
16-inik ukiullit affaannaat aalakoornikuusimanngillat. Meeqqat 13-iliinnginneranniit imigassartortannginnissaq
pillugu tapersersornerisigut ilitsersornerisigullu pingaarutilimmik pitsaaliuisoqarsinnaavoq.
Inunnut 18-it inorlugit ukiulinnut imigassamik tuniniaaneq inerteqqutaagaluartoq 15-17 akornanni ukiullit 30-
40 %-ii isumaqarput imigassamik pissarsinissaq ajornanngitsoq imaluunniit ajornanngitsuararsuusoq.
Tamatuma saniatigut 15-17 ukiullit amerlalaartut (12 %-ii) isumaqarput ullormut najoqqagassanik tallimanik
imerneq aarlerinaateqanngitsoq.
2006-2018 aalakuunngisaannarsimasut amerlassusaasa ineriartornerat (2018-imi atuartut peqqissusaannik misissuisitsineq)
Atuartut ukioqqortusiartortillugit ikiaroornartumik atuineq annertusiartortarpoq. Meeqqat 13-it inorlugit
ukiullit qaammatip ataatsip iluani ikiaroorsimanngikkaluartut 16-inik ukiullit 10 %-ii ikiaroorsimapput.
Taamaattumik ikiaroornartumik siullerpaamik atuilernissamik pingaarutilimmik pitsaaliuisoqarsinnaavoq.
Atuartut ikiaroornartumik misiliisimasut amerlanerpaartaat Nuup avataani najugaqarput (2018-imi atuartut
peqqissusaannik misissuisitsineq).
92 90
82
56
35
24
89
84
70
52
29
21
80 83 82 82
80
74
98 98 96
84
68
51
0
10
20
30
40
50
60
70
80
90
100
11 år 12 år 13 år 14 år 15 år 16 år
Pro
cent
2006 2010 2014 2018
23
2014-2018 atuartut 15-17 ukiullit ikiaroornartumik atuinerisa ineriartornerat. (2018-imi atuartut peqqissusaannik misissuisitsineq)
2018-imi innuttaasut peqqissusaannik misissuisitsinermi paasineqarpoq inersimasut 18-it inorlugit
ukiulinnik angerlarsimaffimminni najugaqartunik meerallit 39 %-ii imigassamik
ajornartorsiuteqartuusinnaasut. Misissuinermi aamma paasineqarpoq 1995-ip kingorna inuusut 37 %-ii
meeraallutik angerlarsimaffimminni ilaanneeriarlutik imaluunniit akulikitsumik ajornartorsiutinik
imigassamut attuumassutilinnik misigisaqartarsimasut.
Meeraanermi angerlarsimaffimmi imigassamik ajornartorsiuteqarsimasut procentii inuueqatigiiaanut aggulunneri. 2018-imi innuttaasut peqqissusaannik misissuisitsineq.
3.4.1.2 Tupa
Pujortartarnerup peqqissutsimut ajoqutaanera ilisimaneqarluarpoq. Taamaakkaluartoq nunatsinni innuttaasut
affaat suli pujortartarput. Tupamik pujortartarneq nappaatinut soorlu puatsigut kræfternermut, uummatip
taqarsuatigut nappaateqarnermut puatsigullu katsorsarneqarsinnaanngitsumik anniartuarnermut
attuumassuteqarpoq. Taamaalilluni pujortartarneq inuiaqatigiit peqqissusaannik annertuumik
aarlerinartorsiortitsivoq. Pujortartut akornaniinneq aamma peqqissutsimik annikigisassaanngitsumik
aalerinartorsiortitsisarpoq. 2010-mili sumiiffinni tamanut ammasuni pujortarneq inerteqqutaalerpoq (2018-imi
innuttaasut peqqissusaannik misissuisitsineq). Tamatuma saniatigut aamma meeqqat akornanni sunoorsinik
atuinerup eqqumaffiginissaa pingaaruteqarpoq.
27
17
9
15 12
8
0
5
10
15
20
25
30
Hash mindst engang
Hash de sidste 12måneder
Hash de sidste 30dage
Pro
cent
2014-2018 15-17 ukiullit ikiaroornartumik atuinerat
2014 2018
24
Atuartut ikinnerpaat pujortartarput, pujortartartulli amerlanerpaartaat tassaapput atuartut angajulliit. 2018-imi
atuartut peqqissusaannik misissuisitsinermi paasineqarpoq 11-12 ukiullit 3 %-ii pujortartartut. 13-14 ukiullit 9
%-ii pujortartarput. 2018-imi 11-15 ukiullit akornanni ullut tamaasa pujortartartut siornatigornit ikinnerupput.
Tamatuma saniatigut ullut tamaasa pujortartaleqqaarsimasut ukioqqortuseriarsimapput. 16-inilli ukiullit
affaanit amerlanerusut (52 %-it) pujortartarput, inersimasut taama amerlatigisut aamma pujortartarput (2018-
imi innuttaasut peqqissusaannik misissuisitsineq). Taamaattumik meeqqat inuusuttullu akornanni
ataqatigiissumik pissutsinillu ataatsimut isiginnilluni pujortartalernissamik pitsaaliuinissaq
qulakkeerneqartariaqarpoq.
3.4.2 Pujortartalernermik pitsaaliuineq atuarfimmilu pujortartannginneq
Naluneqanngitsutut tupa – pingaartumik meeqqanut – pinngitsuuisinnaajunnaarsitsisarpoq. Meeqqat
pujortartalernissaannik pitsaaliuineq siunissami napparsimalersartut ikilinerannik
kinguneqartitseqataasinnaavoq. Tamatuma saniatigut peqqissutsikkut inuiaqatigiinni atugaasut
annertusiartuinnartumik nikingajartulernerannik akiueqataasinnaavoq.
Kalaallit Nunaat suleqatigiinnermut ”Siunissaq Pujortarfiunngitsoq”-mut ilaavoq, tamatumanilu meeqqat
inuusuttullu tamarmik 2030-mi pujortartartuunnginnissaat anguniagaavoq. Meeqqat inuusuttullu akornanni
kulturip allanngortinnissaa ilaatigut anguniagarineqarlunilu ukiuni tulliuttuni pitsaaliuilluni sulinermik
pitsanngorsaaqataasinnaavoq.
Pujortartarnermik pitsaaliuilluni suliaqarnermi kommunit pingaarutilimmik inissisimaffeqarput. Tamatuma
saniatigut inuusuttut ullumikkut ilaanneeriarlutik pujortartartut inuunermi kingusinnerusukkut ullut tamaasa
pujortartalinnginnissamut aamma ikiorneqassapput. Meeqqat pujortartalernissaannik aaqqissuussaasumik
pitsaaliuineq kommunit suli salliutittariaqarpaat, taamaaliorsinnaapput ass. pujortartalernissamik
pitsaaliuinertalimmik ilinniartitsisarnikkut. Tamatuma saniatigut angajoqqaat, atuarfiit, inuusuttunut ilinniarfiit
kiisalu sunngiffimmi sammisassaqartitsisartut kattuffiillu suleqatigiinnerat pitsanngorsarneqartariaqarpoq.
Kommunini inoqarfinni iliuuseqarnerup saniatigut nuna tamakkerlugu aaqqissuussaasumik pitsaaliuilluni
suliniuteqartoqartariaqarpoq. Tamatuma saniatigut tupamik pisisinnaasut 18-it sinnerlugit ukioqarnissaannik
piumasaqaatip pitsaasumik atuutitinnissaanut pisiniarfiit akisussaaffimmik tigusinissaat qitiulluinnarpoq.
Kommunit tamatuma saniatigut avatangiisit pujortarfiunngitsut amerlinissaannut iliuuseqaqataasinnaapput.
Tamanna kommunip nammineq suliffeqarfiini, atuarfinni, ornittakkani najugaqatigiiffinnilu kiisalu sunngiffimmi
sammisassaqarfinni atuuppoq. Atuarfimmi – inissiat eqqaaniinnaanngitsoq kisianni aamma piffissami
atuarfiusumi tamarmi – pujortartannginneq atuartut pujortartalinnginnissaannik pitsaaliuinerit
sunniuteqarluarnerpaasartut ilagaat.
Meeqqat inuusuttullu akornanni aamma ilaqutariinni
pujortartartut
15-17 ukiullit 26 %-ii ullut tamaasa pujortartarput
11-12 ukiullit 97 %-ii pujortarneq ajorput
80 %-ii angerlarsimaffiup iluani pujortarneq ajorput.
Angerlarsimaffiit 51 %-ii pujortarfiuneq ajorput.
Innuttaasut peqqissusaannik misissuisitsineq 2018
25
3.4.3 Aanngajaarniutinik atuinermik pitsaaliuineq Meeqqat suut nalinginnaasuunerat suullu akuerineqarsinnaanerat angajoqqaaminnit ikinngutiminnillu
ilinniartarpaat. Taamaattumik angajoqqaat meeqqaminnut maligassiuisuunertik meeqqamillu ileqquminnik
ilaarsisarnerat eqqumaffigisariaqarpaat. Ilisimatusarnikkut paasineqarpoq angajoqqaat meeqqaminnut aatsaat
18-iliigunik imigassartorsinnaanerannik ersarissumik oqartarnerat meeqqat kingusinnerusukkut
imertalernerannik kinguneqartartoq. Meeqqat imertarnerminnik akuersisunik angajoqqaallit meeqqanut
imeqqusinngilluinnartartunik angajoqqaalinnut sanilliullugu quleriaammik imigassartornerusarput.
Taamatuttaaq meeqqat tupamik ikiaroornartumillu misileraasarnerannut angajoqqaat sunniuteqartarput.
Naleqqunnerusumik imigassartortarneq inuiaqatigiit peqqissusaannut pingaaruteqarluinnassaaq. Tassa
ikinnerusut imigassamik atornerluisunngussapput, meeqqallu ikinnerusut imigassap kingunipiluinik
ajoqutaasunik misigisaqartassapput. Naleqqunnerusumik imigassamik atuisoqalissappat kikkut tamarmik
illuatungiliisariaqarput, tassa kikkut tamarmik meeqqat inuunerinnerannik meeqqallu tamarmik
toqqissisimallutik peroriartornerannik tapersiisumik peqqinnartunik ataatsimoortarfeqalernissaanut
iliuuseqartariaqarput.
Kommuni illeqarfimmi imigassamik killilersuinermigut imertariaatsimut sunniuteqarnissamut
periarfissaqarpoq. Taamaaliorsinnaavoq imigassaq pillugu akuersissutinik tunniussisartut
sassaalliuteqartarfinnut tunngatillugu sumiiffiit ammasarfiillu pillugit aalajangersaanerisigut, kisianni aamma
taamaaliorsinnaavoq timersoqatigiiffiit kattuffiillu aaqqissuussaanni illoqarfimmilu sammisassaqartitsinermi
ataasiartumik imigassamik sassaalliisoqarsinnaaneranik akuersissutit aqqutigalugit.
Atuarfimmi aanngajaarniutinik atuinermik pitsaaliuilluni aalajangersimasumik sulissuteqartoqartariaqarpoq.
Taamaaliortoqarsinnaavoq aanngajaarniutip sunniutaanik inuusuttullu aanngajaarniutinik atuisarnerat pillugu
amerlanerussuteqartut paatsoortagaannik ilinniartitsinikkut. Taamatuttaaq aanngajaarniutit pillugit
ersarissunik isumaqatigiissuteqarnissaq eqqarsaatigalugit angajoqqaat qanimut suleqatiginissaat
pingaaruteqarpoq.
Ilisimatusarnikkut uparuarneqarpoq pissarsiaqariaannaanermik annikillisitsinikkut aaqqissuussaasumik
pitsaaliuineq inuusuttut akornanni imigassamik atuisarneq annertuumik appartinneqarsinnaasoq.
Taamaaliortoqarsinnaavoq ilaatigut imigassamut pisisinnaatitaanermut ukiut killissarititaasut qaffannerisigut
inatsimmillu pitsaanerusumik atuutsitsinikkut. Suliniutit taakku inuusuttunik amerlasuunik eqquissapput
taamaalillunilu imertariaaseq ataatsimut isigalugu sunnerneqassalluni.
Kommunip imigassaq pillugu ataatsimoorussamik politikkeqarnissaq pillugu inuusuttunut ilinniarfiit
suleqatiginerisigut aamma inuusuttut imigassartortarnerannik annikillisaanissaq pillugu sassaalliuteqartarfiit,
politiit pisiniarfiillu suleqatiginerisigut inuusuttut imertariaasiat sunniuteqarfigisinnaavaa.
3.4.4 Maanna iliuuserineqartut
”Allorfik” Kalaallit Nunaanni siunissami atornerluinermik katsorsaaneq nuna tamakkerlugu iliuusissatut
pilersaarutit ilagaat. Aanngajaarniutinik pinnguaatinillu pinngitsuuisinnaannginneq pillugu akeqanngitsumik
katsorsaaneq Allorfiup neqeroorutigisarpaa. Matumanili pingaaruteqarpoq erseqqissaassutigissallugu Allorfik
tassaammat katsorsaanissamik neqeroorut, taamaattumillu susassaqarfimmi tamatumani pitsaaliuilluni
suliniuteqarnerup salliutinnissaa pingaaruteqarpoq.
"2013-2019 imigassaq pillugu Kalaallit Nunaanni iliuusissatut pilersaarut"-mi Inuuneritta II-p ataani imigassaq
pillugu pitsaaliuilluni suliniutit iliuuserineqartullu allaatigineqarput. Iliuusissatut pilersaarummik
suliaqarnermik nalilersuineq misilittagarineqartullu tunngavigalugit meeqqat ilaqutariillu ukkataralugit
suliniutit ingerlalluartut Inuuneritta III-mi nangeqqinnissaat naleqqutissaaq.
26
”2016-imi ikiaroornertoq pillugu nuna tamakkerlugu iliuuseqarnissamut pilersaarut”-mi Inuuneritta II-p ataani
ikiaroornartoq pillugu suliniutit iliuuserineqartullu allaatigineqarput. Iliuusissatut pilersaarummik
suliaqarnermik nalilersuineq misilittagarineqartullu tunngavigalugit meeqqat ilaqutariillu ukkataralugit
suliniutit ingerlalluartut Inuuneritta III-mi nangeqqinnissaat naleqqutissaaq.
3.5 Naleraq 5 – ”Pissutsinik ataatsimut isigalugit susassaqarfiit akimorlugit suleqatigiinneq”
S U L I N I U T I N I T A M A N I P I S S U T S I T T A M A R M I K I S I G I N E Q AS S A P P U T , S U S A S S A Q A R F I I T A K I M U T
S U L E Q A T I G I I S S A P P U T A A M M A I L A Q U T A R I I T Q A N I G I S AA S U L L U A K U U T I T I N N E Q A S S A P P U T
Ingerlatsisut pingaarnerpaat
Ilaqutariit, peqqissaasut, peqqissutsikkut sullissisut, perorsaasut, ullukkut paaqqinnittartut,
atuarfimmi ilinniartitsisut, isumaginninnermi siunnersortit aamma sunngiffimmi
sammisassaqartitsisartut kattuffiillu.
Susassaqarfiit pingaarnerpaat
Ilaqutariit, peqqissaaviit, ilaqutariinnut illut, ullukkut neqeroorutit, atuarfiit, inuusuttut
ornittagaat, Majoriaq, atuartut angerlarsimaffii, timersoqatigiiffiit sunngiffimmilu
sammisassaqartitsisartut.
3.5.1 Itisiliineq
Ilaqutariit nunatsinni atugarissaarnissamut aalajangiisuulluinnarpoq. Kalaallisut ilaqutariit eqqaaneqaraangata
allanngorarnerusut amerlanerusullu pineqartarput. Taamaalilluni skandinaviami ilaqutariit inuiaqatigiinni
qitiulluinnartunit allaanerupput, amerlanertigut pineqartarput angajoqqaa,t meeqqat aatakkuusullu. Nunatsinni
ilaqutariittut imminut atasorujussuuneq misigissutsikkut nanertisimanermut illersuutitut isigineqarpoq,
ilaquttallu tassaapput aliasoqatigineqarlutillu nuannaaqatigineqartartut((Tróndheim), 2012). Taamaattumik
ilaqutariit qanigisaasullu Inuuneritta III-mi susassaqarfinni pingaarnerpaat ilaattut allaatigineqarput.
Angajoqqaat, qatanngutit aatakkullu saniatigut qanigisaasunut ilaasinnaapput, akkakkut, atsakkut, illut,
aataqqiikkut allaallu nunaqqatit. Taakku tamarmik meeqqat inuunerani nukissanik aallerfiusartutut
isigineqarsinnaapput. Meeqqat ilaasa ilaqutarsiatik imaluunniit ullukkut unnukkullu paaqqinnittarfik
peroriartorfigisartik qanigisatut isigisarpaat. Peqqinnerulersitsiniarnermik atugarissaarnerulersitsiniarnermillu
suliaqarnermi meeqqap tapersersorneqarluni qanigisaasunut nukissanik aallertarsinnaanera pingaaruteqarpoq.
Meeqqat akornanni peqqinnerulersitsiniarluni suliniuteqarnermi aamma meeqqap ilaqutariinnut
qanigisaasunullu ilaanera innimigineqassaaq. Tassa peqqinnartumik nerisaqarneq timersornerlu pillugit
ilinniartitsinermi angajoqqaat qanigisaasullu akuliutitinneqassapput. Aanngajaarniutinik tupmillu atuinermik
pitsaaliuilluni suliniuteqarnermi tamanna aamma atuuppoq. Atuaqatigiit pujortartannginnissaannik
isumaqatigiissuteqarnermi imaluunniit meeqqat atuartut angajulliit akornanni imigassamik atuineq pillugu
tunngavissiornermi ilaqutariit qanigisaasullu suleqatissaapput pingaarutillit.
Aamma pingaaruteqarpoq peqqinnerulersitsiniarluni suliniuteqarnermi pissutsit ataatsimut isigineqarnissaat
nunatsinnilu inuiaqatigiit naleqartitaannik tunngavigineqarnissaat. Naleqartitat tassaasinnaapput allanut
attaveqarluartarnermik pingaartitsineq, pinngortitamut atalluarneq, imminut paarilluartarneq meeqqanillu
paarsilluartarneq, kalaalimernginik peqqinnartunik pingaartitsineq, maniguunneq, inussiarnersuuneq
anersaakkullu ittunik pingaartitsineq. Nunatsinni naleqartinneqartut taakku aamma nunani issittuni allani,
soorlu Canadap avannarpasissuani, Alaskami nunanilu avannarlerni saaminni pingaartinneqarputtaaq.
Pissutsinik ataatsimut isiginnilluni suliniuteqarnermi eqqaaneqartut taakku tamarmik qanoq ataqatigiinnersut
aamma peqqissutsimut atugarissaarnermullu sunniuteqartarnersut innimigineqassaaq. Iliuuserineqartut
suliniutigineqartullu amerlasuut nunani allani ineriartortinneqarsimapput ilaannikkullu kalaallit
naleqartitaannik kalaallillu ilaqutariittut katitigaanerannik innimiginninneq ajorlutik.
27
Naggasiutigalugu pingaaruteqarpoq oqaatigissallugu peqqinnerulersitsiniarnermi pitsaaliuinermilu
susassaqarfiit akimorlugit pitsaasumik suleqatigiinnissaat pingaaruteqartoq. Isumaginnittoqarfiup,
ilinniartitaanermut susassaqarfiup peqqinnissaqarfiullu suleqatigiilluarnerat atuutsitsilerniarnermut
aalajangiisuuvoq. Meeqqat tamarmik atualernissamut piariissappata aamma meeqqat ilaqutariillu atugarliortut
atualernerup siornagut nalaanilu isumaginninnikkut suliniuteqarnikkut tapersersorneqassappata
isumaginninnikkut iliuutsit pitsaalluinnartariaqarput. Tamakku tamarmik ilinniarnissamut ineriartornissamullu
inissaqartitsillutillu nukissaqartitsissapput. Meeqqat tamarmik ilisimasanik piginnaasanillu
ineriartortitsinissamik kiisalu ilinniaqqinnissamut ineriartornissamik piukkunnarsinissamillu
periarfisseqqullugit atuarfimmi aallartissinnaanerat ilinniartitaanermut susassaqarfik
aalajangersimalluinnartumik iliuuseqartariaqarpoq. Tamatuma saniatigut aalajangersimasumik
siunnerfeqarluni iliuuseqarnermi meeqqat ilaqutaallu sapinngisamik inuunermi siusinnerpaamik
peqqinnartunik, isumakkut timikkullu ineriartornissamut pitsaanerpaamik periarfissiisunik, ileqqoqarnissaat
pingaaruteqarluinnarpoq.
3.5.1 Maanna iliuuserineqartut ”Ilaqutariinni aqqutissioqatigiinneq” ilaqutariinnik qitiutitsilluni periuseqarnermut assersuutissaalluarpoq.
Periuseq isumaginninnikkut suliaqarnermut tunngatillugu ineriartortinneqarsimagaluartoq meeqqat
pitsaasumik allanngortinniarlugit ilaqutariit amerlanerusut aamma ilaqutariit qanigisaasullu qampq
akuutinneqarsinnaanerannut tunngatillugu assersuutissaalluarpoq. Ilaqutariinni aqqutissioqatigiinneq meeraq
immikkut ittunik ajornartorsiuteqartillugu aalajangigassaqarnermi atorneqarsinnaavoq. Periutsimi tassani
ilaqutariit meerarlu qanigisatik peqatigalugit namminneerlutik iliuuseqarnissamik pilersaarusiorlutillu
naammassinnissinneqataasinnaapput. Meeqqap peqqissusia, atugarissaarnera ineriartorneraluunniit pillugu
ernumanartoqarpat aarlerinartoqarpalluunniit ilaqutariinni aqqutissioqatigiinneq
neqeroorutigineqarsinnaavoq. Periutsimi ilaqutariinniittut tamarmik nukittuffeqarnerat aallaavigineqarpoq.
Ilaqutariinni aqqutissioqatigiinnermi ilaqutariit eqqarlitik, ikinngutitik meeqqalluunniit inuunerani inuit
pingaarutillit ataatsimeeqatigisarpaat. Meeqqap ilaqutariillu inuunerat qanoq pitsaanerulersinnaanerat pillugu
kikkut tamarmik eqqartueqatigiittarput.
28
4. Atuutsitsilerneq
4.1 Inoqarfinni misilittakkat unamminartullu ataqqillugit oqaloqatigiinneq tunngavigalugu atuutsitsilerneq
Paarisap, kommunit, peqqinnissaqarfiup qitiusumik immikkoortuisa, innuttaasut inoqarfinnilu kattuffiit
suleqatigiilluarnerisigut peqqinnerulersitsiniarluni iliuuseqarnerit ineriartortinneqarlutillu
atuutsilersinneqassapput. Suliniutip ukiuini siullerni 2020-2022 oqallinnerup matuma ilaatut piginnaasanik
ineriartortitsineq ukkatarineqassaaq. Tamatumani siunertarineqarpoq qitiusumik allaffeqarfiit kommunillu
sulisumikkut susassaqarfiit akimorlugit suleqatigiissinnaanerinut piareersarnissaat. Taamatuttaaq inatsimmi
susassaqarfiit akimorlugit suleqatigiinnissaasa taperserneqarnissaat qulakkeerniarlugu inoqarfinni
pitsaaliuinermi peqqinnerulersitsiniarnermilu inatsisit tunngavigineqartut qissiminneqartariaqarput.
Tamatuma saniatigut piffissami aallarniutaasumi meeqqat peqqinnerulersinniarlugit
atugarissaarnerulersinniarlugillu kommunit inoqarfiillu ataasiakkaat qanoq iliuuseqartigisimanersut
misissorneqassaaq. Taamaalillunilu naleqqat tallimat aallaavigalugit pitsaaliuilluni peqqinnerulersitsiniarlunilu
iliuutsit qanoq pingaarnersiorneqassanersut. Isumaginnittoqarfiup, peqqinnissaqarfiup ilinniartitaanermullu
susassaqarfiup kiisalu kommunini qitiusumillu allaffinni oqaloqatigiinneq sulinermi tamatumani
toqqammavigineqassaaq.
Pingaarnertut immikkoortut pingasut uku tunngavigalugit Inuuneritta III-mik atuutsitsilerneq taamaalilluni ima
nassuiarneqassaaq:
1. Oqaloqatigiinneq tunngavigalugu meeqqat inuunerinnerannut naleqqanik atuutsitsilerneq
2. Peqqinnerulersitsiniarluni iliuutsinik aalajangersimasunik atuutsitsilerneq
3. Meeqqat peqqissusaat atugarissaarnerallu pillugit paasissutissat nakkutilliinerlu
29
Immikkoortut taakku takussutissiami ataaniittumi allaatigineqarnerupput.
4.2 Inuuneritta II-p qiteqqunnerani nalilersuineq tunngavigalugu Inuuneritta III-mik naleqqussaaneq
Inuuneritta III-mi pitsaaliuilluni peqqinnerulersitsiniarluni suliniuteqarnermi naleqqat arlallit
saqqummersinneqarput. Taakku Inuuneritta I-imi aamma II-mi iliortoqarsimanerasut inuiaqatigiit
peqqissutsikkut unamminartitaat annertuut tunngavigalugit qulequtsigaanngillat, taamani sammisat tassaapput
pujortartarneq, imigassaq, nerisaqarneq assigisaallu. Naleqqanili nutaani arlalinnik ataatsikkut iliuuseqarnissaq
– ass. meeqqat atuarfianni meeqqat atugarissaarnerulernissaannik ukkatarinninnissaq – tunngavilerneqarpoq.
Tassani pissutissamisuussaaq tupamik pitsaaliuinermik, timimik aalatitsinerunermik, atuarfimmi
peqqinnartunik nerisarnermik assigisaannillu ilanngutsitsineq. Taamaalilluni avatangiisit ataatsimoorfiillu
peqqinnerulersitsisut pitsaanerulersinnissaat ukkatarineqarpoq.
Meeqqat atugarissaarnissaannut peqqissusaannullu akisussaasut tamarmik oqaloqatigiilluartarnissaat
Inuuneritta III-mi qitiulluinnarpoq. Oqaloqatigiinnermi qitiusassapput iliuutsinik pingaarnersiuineq,
timitaliineq, atuutsitsilerneq, meeqqat atugarissaarnerulernissaat peqqinnerulernissaallu siunertaralugu
inoqarfinni misilittakkat isumalluutillu. Peqqinnissaqarfiup, isumaginnittoqarfiup ilinniartitaanermullu
susassaqarfiup akornanni susassaqarfiit akimut suleqatigiinnissaannik Inuuneritta III tunngaveqarmat tamanna
aatsaat pisinnaavoq. Suleqatigiinneq tamanna ilaatigut iluatsissinnaasimavoq susassaqarfinni taakkunani
naalakkersuisoqarfinni pisortat aqutsisoqarfinnilu pisortat qaammatikkaartumik ataatsimiittarsimamammata,
tamatumanilu Inuuneritta III-mik aamma periusissianik politikkinillu attuumassuteqartunik atuutsitsilerneq
eqqartorneqartarpoq.
Suliniuterpassuit pitsaasut ingerlanneqalereersimapput suleriaqqinnissamullu tunngaviusinnaallutik. Taamatut
suleriaaseqarneq Inuuneritta II-p qiteqqunnerani nalilrsuinermi misilittakkat kaammattuutillu
Oqaloqatigiinneq tunngavigalugu meeqqat inuunerinnerannut naleqqanik atuutsitsilerneq
2020-2021
Inoqarfinni misilittakkat kissaatigineqartullu kiisalu naleqqanut attuumassuteqartunik iliuuseqarnerit ukkataralugit aallarniutaasumik malittarinnittumillu Paarisap, PN-ip kommuninilu ingerlatsisut akornanni oqaloqatigiilluni ataatsimiinnerit. Siunertamut tamatumunnga misissuinermut allattorsimaffik, misissueqqissaarnermut inoqarfinnilu peqqinnerulersitsiniarluni sulinermi pisariaqartinneqartunik suussusersinissamut iluaqutissamik, ineriartortinneqassaaq.
Naleqqani tamani iliuutsinut ilisimatusarnikkut uppernarsaatissalinnik kaammattuutinik ineriartortitsineq. Taakku Kalaallit Nunaanni Peqqissusermik Ilisimatusarfiup Paarisa aamma Inuuneritta III-mik aqutsisoqatigiit suleqatigalugit suliarissavai.
Peqqinnerulersitsiniarluni iliuutsinik aalajangersimasunik atuutsitsilerneq
2022-2030
Oqaloqatigiinneq pingaarnersiuinerlu tunngavigalugit kommunini ataasiakkaani peqqinnerulersitsiniarluni sulineq tapersersorneqarlunilu aallartisarneqassaaq. Peqqinnerulersitsiniarluni iliuuseqarnerit qanoq nassuarneqartigissanersut kommunimiit kommunimut illoqarfimmiillu illoqarfimmut allanngorartassaaq.
Iliuutsit tamarmik ingerlaavartumik uppernarsarneqartassallutillu nalilersorneqartassapput, peqqinnerulersitsiniarlunilu sulinerup ilisimatusarnermik tunngaveqarnissaa sulissutigineqassaaq.
Ilisimatuut ulluinnarnilu sulisut suleqatigiinnerannik ineriartortitsinikkut ineriartorneq tamanna taperserneqassaaq aamma peqqinnerulersitsiniarluni sulinermi inuiaqatigiit peqataasullu aallaavigalugit ilisimatusarnermik suleqatigiinnermik ineriartortitsinissaq qulakkeerneqassaaq.
Meeqqat peqqissusaat atugarissaarnerallu pillugit paasissutissat nakkutilliinerlu
2020
Meeqqat ilaqutaasullu pillugit iliuutsit siunissami misissorneqarnissaat siunertaralugu nakkutilliiumalluni Meeqqat Peqqissusaat Atugarissaarnerallu pillugit paasissutissaateqarfimmik ineriartortitsinissamut periarfissaq.
2020-2030: Kissaatigineqartutut allannguinissaq kiisalu kommunit ilisimasaminnik avitseqatigiittarnissaat siunertaralugu peqqinnerulersitsiniarluni iliuutsinik aalajangersimasunik ingerlaavartumik nalilersuisarnerit. Tassunga ilagitillugu inoqarfinni paasissutissanik naleqquttunik aaqqissuussaanerusumik katersuisarneq ataqatigiissaarisarnerlu.
Nuna tamakkerlugu misissuisitsinikkut nakkutilliinerit pilersaarutaasut:
2022: Atuartut peqqissusaannik misissuisitsineq.
2024: Innutaasut peqqissusaannik misissuisitsineq.
2026: Atuartut peqqissusaannik misissuisitsineq.
2030: Innutaasut peqqissusaannik misissuisitsineq.
30
toqqammavigineqarput. Qiteqqunnerani nalilersuinermi kaammattuutigineqarpoq iliuuseriniakkami
aalajangersimasumi sunarpiaq kissaatigineqarnersoq allassimasassasoq. Tamatuma saniatigut
kaammattuutigineqarpoq susassaqarfimmi aalajangersimasumi iliuutsit suut iluaqutaanerat pillugu ilisimasat
uppernarsarneqarsinnaasut tunngavigalugit sulisoqassasoq. Taamatuttaaq siumukartoqarnissaa
qulakkeerniarlugu suliniutit iliuutsillu uppernarsarneqarlutillu uuttortarneqartariaqarput. Inuuneritta III-mi
ilisimatusarnikkut paasisat aamma nunani avannarlerni nunanilu issittuni misilittakkat uppernarsaatissallit
tunngavigalugit naleqqani ataasiakkaani iliuutsinut aalajangersimasunut kaammattuuteqarnikkut kaammattuut
tamanna piviusunngortinneqassaaq.
Qiteqqunnerani nalilersuinermi pingaartumik kaammattuutigineqarpoq Inuunerittami anguniakkat
immikkoortortaqarfinni tamani ataqatigiissakkamik iliuuteqarnikkut qanoq anguneqarsinnaanerat kommunit
peqqinnissaqarfiullu eqqartortassagaat. Kaammattuut tamanna ilaatigut pissutigalugu qitiusumik allaffeqarfinni
kommuninilu susassaqarfiit assigiinngitsut oqaloqatigiinnerisigut Inuuneritta III ineriartortinneqarpoq.
Taamattaaq kaammattuutigineqarpoq siammasissumik atuutsitsilerneq aamma suliffeqarfiup
aaqqissuussaanerani takuneqarsinnaassasoq, peqqissutsimik suliaqarnermi siunnersortit taamaalillutik
Inuuneritta II-p ataani sammisat sisamat iluanni suliniutit suleqatigiissutigisinnaaniassammatigit. Kaammattuut
tamanna Paarisamik Isumaginninnermullu Aqutsisoqarfiup aaqqissuussaanerisa allanngortinnerisigut
piviusunngortinneqarpoq, tamatumani aqutsisoqarfik nutaaq ”Pitsaaliuinermut Isumaginninnermullu
Aqutsisoqarfik” pilersinneqarpoq Paarisallu aaqqissuussaanera allanngortinneqarluni. Tamanna susassaqarfiit
akimorlugit atuutsitsilerniarnermik pitsanngorsaassaaq.
4.3 Inuuneritta III-mi iliuuserineqartunik nalilersuineq
Pingaaruteqarluinnarpoq Inuuneritta III-mi iliuuserineqartut iliuuserineqartup pitsaasumik allannguinissaanik
ilimanaateqarneranik ilisimasanik naleqquttunik tunngavissaqarluartunillu tunngaveqarnissaat.
Ilisimasaqanngikkaanni iliuuserineqarniartut nutaat naleqqunnersut iluaqutaanersullu paasiniarlugu suliniutit
minnerusut misiliutigineqartassapput. Misiliutitut iliuuserineqartumi aalajangersimasumi neriulersitsisunik
angusaqartoqarpat misiliut annertusineqarsinnaavoq.
Iliuuserineqartup pingaaruteqassusia innuttaasut, ilisimatuut ulluinnarnilu suliaqartartut suleqatigiinnerisigut
nalilersuinikkut atuutsitsilerniarnermilu ilisimatusarnikkut misissorneqartassaaq.
4.4 Iliuuserineqartut pillugit kaammattuutit
Iliuutsini aalajangersimasuni ilisimasat nutaanerpaat pissarsiariuminarnissaat qulakkeerniarlugu naleqqani
ataasiakkaani iliuutsinut kaammattuutinik qitiusunik suliaqartoqassaaq. Iliuuseqarnissamut kaammattuutit
taakku iluaqutigalugit pitsaaliuilluni suliami aalajangersimasumi nunani tamalaani ilisimatusarneq
nutaanerpaaq paasiuminarnerulissaaq. Tamatuma saniatigut nunani issittuni iliuutsit naleqquttut assersuutitut
ilanngunneqartassapput. Tassunga ilagitillugu Alaskamit, Canadami nunanit issittunit aamma Sampimit
assersuutit, nunanimi taakkunani naleqartitat, oqaluttuarisaaneq inooriaaserlu kalaallit atugaannut
eqqaanarmata. Kaammattuutini sammisani toqqarneqarsimasuni ingerlatsisut susassaqarfiillu naleqquttut
eqqaaneqartassapput, sammisat tassaasinnaapput Isumakkut Peqqissuseq, meeqqanut ilaqutariinnullu
Siusissukkut Iliuuseqarneq, Atuarfik Peqqinnerulersitsisoq, Tupa, Imigassaq Aanngajaarniutillu,
Kinguaassiuutitigut Peqqissuuneq, Timimik Aalatitsineq, Nerisassat nerisassiornerillu, Pualavallaarneq il.il.
Kaammattuutit immikkoortortaqarfinnut kommuninullu naleqqussarneqartassapput aamma Paarisa Inuuneritta
III-millu Aqutsisoqatigiit qanimut suleqatigalugit Center for Folkesundhed i Grønland ved Statens Institut for
Folkesundhed-imut suliarineqartassallutik.
31
4.5 Innuttaasut peqqissusaannut takussutissanik suli nakkutilliineq paasissutissaasivinnillu nutaanik ineriartortitsineq
Inuuneritta II-p ilaatut 2014-imi inuiaqatigiit peqqissusaannnut takussutissat arlallit pilersinneqarput.
Taakkunannga 19-it innuttaasut peqqissusaannik misissuisitsinerit tunngavigineqarput sinnerilu atuartut
peqqissusaannik misissuisitsinermik, nunatsinni nakorsaanerup toqusoqarneranut pissutaasunik
nalunaarsuiffianik, naatsorsueqqissaartarfimmik assigisaannillu tunngaveqarlutik. Inuuneritta III-mik
suliaqarnermi takussutissanut allattorsimaffik allanngortinneqassanersoq takussutissanillu nutaanik
ilaneqassanersoq qissiminneqassaaq. Nakkutilliinerulli ingerlaannarnissaa pingaaruteqarluinnarpoq.
4.5.1 Atuartut peqqissusaannik misissuisitsineq
Atuartut peqqissusaannik misissuisitsineq tassaavoq nunani tamalaani atuartut peqqissusaannik
peqqissutsikkullu ileqquinik immersuisitsilluni misissuineq. Arlalinnik siunertaqarpoq: ilaatigut meeqqat
inuusuttullu peqqissusaannik peqqissutsikkullu ileqquinik malittarinninnissaq, ilaatigut inoqarfinni
peqqinnerulersitsiniarluni iliuuseqarnissamut kajumissaarinissaq ilaatigullu ilisimatusarnissamut
toqqammaviliinissaq. Ukiut sisamakkaarlugit nunani nunallu immikkoortuini 48-ni misissuisitsisoqartarpoq.
Kalaallit Nunaat 1994-imili peqataasalerpoq.
Misissuisoqareeraangat atuarfiit pillugit nalunaarusiat atuarfinnut peqataasunut tamanut kommunillu pillugit
nalunaarusiat nunatsinni kommuninut tallimanut nassiunneqartarput. Tamatuma saniatigut nuna pillugu
nalunaarusiortoqartarpoq aamma WHO suleqatigalugu nunat tamalaat pillugit nalunaarusiortoqartarluni.
4.5.2 Innuttaasut peqqissusaannik misissuisitsineq
Nunatsinni innuttaasut peqqissusaannik misissuisitsinermi inuusuttut inersimasullu misissorneqartarput. Steno
Diabetes Center Copenhagen suleqatigalugu Statens Institut for Folkesundhed Namminersorlutik Oqartussat
sinnerlugit misissuisarpoq. Pingaarnertut siunertarineqartarpoq innuttaasut peqqissusaannik
napparsimasarnerannillu kiisalu piffissap ingerlanerani peqqissutsip napparsimasarnerullu ineriartorneranik
qulaajaanikkut innuttaasut peqqissusaasa sumut killinneranik nalunaarusiornissaq. Ilaatigut
taamaaliortoqartarpoq paasisat siusinnerusukkut innuttaasut peqqissusaannik misissuisitsinermi paasisanut
sanillersuunnerisigut. 1993-1994-imi, 1999-2001-imi, 2005-2010-mi, 2014-imi kingullermillu 2018-imi
misissuisitsisoqarpoq. Ukiut arfinilikkaapajaarlugit misissuisitsisoqartarpoq.
Misissuinermi nunatsinni innuttaasut peqqissusaannut takussutissat pingaartumik ukkatarineqartarput, taakkua
ilagaat isumakkut peqqissuseq, nerisaqarneq, pujortartarneq, imigassaq ikiaroornartrlu kiisalu timimik
aalatitsineq. Pingaartumik inoqarfiit, nunap immikkoortuisa inuiaqatigiillu akornanni peqqissutsip qanoq
allanngorarnera, inuiaqatigiinni nappaateqalernissamut aarlerinaataasinnaasut, inuuniarnikkut
atugassarititaasut, tarnikkut peqqissuseq napparsimariaaserlu misissorneqartarput. Kiisalu misissuisitsinikkut
nunanut issittunut allanut sanilliullugu inuiaqatigiit peqqissusaat qanoq innersoq takuneqarsinnaasarpoq.
4.5.3 Nalunaarsukkanik paasissutissaasivinnillu nutaanik ineriartortitsineq
Angajoqqaanik ilinniartitsineq, siusissukkut iliuuseqarneq aamma meqqat ilaqutariillu peqqinnerulernissaat
pillugu susassaqarfiit akimorlugit suleqatigiilluni iliuuseqarnermut tunngatillugu ilisimatusarnikkut
toqqammavissat qulakkeerniarlugit pingaaruteqarluinnarpoq iliuutsit assigiinngitsut sunniutaasa
uuttorsinnaanerat anguniarlugu maannangaaq pisariaqartunik nalunaarsuivinnik pilersitsinissap
eqqarsaatigineqarnissaa.
”Meeqqat Peqqissusaat pillugu Paasissutissaasivik”-mik, susassaqarfinnit tamanit paasissutissanik
naleqquttunik katersuivimmik, pilersitsineq maanna iliuuserineqartut – tassa meeqqat peqqissusaasa
atugarissaarnerisalu ukiut tamaasa pitsanngoriartornersoq – nalilersortarnissannut ilisimasanik pitsaasumik
toqqammaveqarnissamik qulakkeerinneqataasinnaavoq. Tamatuma saniatigut taamatut aaqqissuussaasumik
nakkutilliinikkut meeqqat ilaqutariillu aallaqqaataaniit pitsaanerpaamik tapersersorneqarnissaat
32
qulakkeerniarlugu iliuutsinik neqeroorutinillu assigiinngitsunik atuutsitsilerniarnermi periarfissat aporfiillu
misissorniarlugit suliniummik ingerlatsinermi nalilersuisarnissaq ilanngunneqarsinnaassaaq.
33
Najoqqutat allattorsimaffiat
(Tróndheim), G. A. (2012). Nalitsinni kalaallit ilaqutariit. Tidsskrift for foskning, fagkritikk og teoritisk debatt.
FN. (2019). Nunarsuaq tamakkerlugu anguniakkat. Uannga aaneqarpoq https://www.verdensmaalene.dk/
Janne Tolstrup, J. D. (2019). Inuusuttut imertariaasiat – oqallinnermi ilanngussaq. Siunnersuisoqatigiit
pitsaaliuinermik ilisimasalinnit aaneqarpoq:
http://www.vidensraad.dk/sites/default/files/vidensraad_ungesalkoholkultur_indhold_digi_1.pdf
Jørgen Vestbo, C. P.-H. (2018). Meeqqat inuusuttullu pujortartalernissaannik pitsaaliuineq – suut ilaqutaappat?
Siunnersuisoqatigiit pitsaaliuinermik ilisimasalinnit aaneqarpoq:
http://www.vidensraad.dk/sites/default/files/vff-
rapport_forebyggelse_af_rygning_hvad_virker_indhold_og_forside_2.pdf
MIO. (2018). Meeqqat pisinnaatitaaffiinut sullissiviup MIO-p suliai. MIO-mit aaneqarpoq: http://mio.gl/wp-
content/uploads/2018/11/2018_11_mio_arb_15-18_web2.pdf
Nakuusa. (2019). Nunatsinni meeqqat kaammattuutaat sisamat. UNICEF-imit aaneqarpoq:
https://www.unicef.dk/2019/03/25/fire-konkrete-anbefalinger-fra-nakuusas-boerneraad/
Niclasen, B. (2015). Nunatsinni atuartut peqqissusaat atugarissaarnerallu – 2014-imi atuartut peqqissusaannik
misissuisitsinermit HBSC Greenland-imit paasisat. MIO-mit aaneqarpoq: http://mio.gl/wp-
content/uploads/2016/03/Niclasen-B.-2015-Trivsel-og-sundheds-blandt-folkeskoleelever-i-Groenland-
resultater-fra-skoleboernsundersoegelsen-HBSC-Greenland-i-2014.pdf
Niclasen, B. (2018). Atuartut peqqissusaannik misissuisitsineq 2018 - HBSC Greenland. Uannga aaneqarpoq Statens
Institut for Folkesundhed: file:///C:/Users/kkas/Downloads/HBSC_Greenland_www_ver_2.pdf
Peter Bjerregaard, C. B. (2018). 2018-imi nunatsinni innuttaasut peqqissusaannik misissuisitsineq- Innuttaasut
peqqissusaannut takussutissat allattorsimaffiat. Uannga aaneqarpoq Statens Institut for Folkesundhed:
https://www.sdu.dk/sif/-
/media/images/sif/udgivelser/2019/befolkningsundersoegelsen_i_groenland_2018_dansk.pdf
Shanta R. Dube, R. F. (2001). Childhood Abuse, Household Dysfunction, and the Risk of Attempted Suicide
Throughout the Life Span - Findings From the Adverse Childhood Experiences Study. Jama Network-imit
aaneqarpoq: https://jamanetwork.com/journals/jama/fullarticle/194504
Tina Graven Østergaard, B. G. (2019). Nunatsinni aliasunneq – aliasunnermik misissuineq aamma aliasuttunik
sullissisut neqeroorutillu pillugit misissueqqissaarneq. Uannga aaneqarpoq Det nationale sorgcenter:
https://sorgcenter.dk/wp-content/uploads/2019/09/2019-07-08-SORG-I-GR%C3%98NLAND_final-
rapport.pdf