ახალციხის 1-ლი საჯარო სკოლის ქართული ენისა და ლიტერატურის მასწავლებლის მზია ეგიაშვილის ანგარიში ინტეგრირებული შემაჯამებელი გაკვეთილის ჩატარების შესახებ ქართულ ლიტერატურასა და გეოგრაფიაში

გაკვეთილის ჩატარების თარიღი: 24. 02. 2012წ. სკოლა: ახალციხის 1-ლი საჯარო კლასი: IX-ბ ინტეგრირებული საგნები და პედაგოგები: ქართული ლიტერატურა-მზია ეგიაშვილი, გეოგრაფია-ირმა ქაფიანიძე.

ძირითადი თემა: ქართული ლიტერატურა-ემიგრანტები გეოგრაფია-გარემიგრაციული პროცესები საქართველოში

მისაღწევი შედეგები თავდაპირველი გეგმის მიხედვით:

ქართ.IX.1. მოსწავლეს შეუძლია მოისმინოს და აუდიტორიის წინაშე წარმოადგინოს სხვადასხვა თვალსაზრისი სადავო ან პრობლემურ საკითხებზე. *მსჯელობისას იყენებს ციტატებს საინფორმაციო წყაროებიდან და მხატვრული ტექსტებიდან.ქართ.IX.5.მოსწავლეს შეუძლია დისკუსიისა და კამათის სტრატეგიების გამოყენება *ოპერატიულად რეაგირებს აუდიტორიის რეაქციაზე: ამყარებს და აზუსტებს დისკუსიის საჭირო არგუმენტებს, შეაქვს განმარტებები. * საპირისპირო არგუმენტების მოსმენისას ჩაინიშნავს ძირითადსა და მთავარს, რასაც შემდეგში იყენებს კონტრარგუმენტებისათვის.ქართ.IX.11. მოსწავლეს შეუძლია წერილობითი ტექსტის ფორმისა და სტილის შერჩევა მიზნისა და აუდიტორიის გათვალისწინებით. *აუდიტორიის თავისებურებების გათვალისწინებით გამოიყენებს სხვადასხვა დამარწმუნებელ/დამაინტერესებელ საშუალებას.

გეოგრ. IX.6.1. აანალიზებს საქართველოს მოსახლეობის გარემიგრაციის პროცესებს და აკეთებს პროგნოზებს. *მსჯელობს საქართველოში არსებული მიგრაციული პროცესების გამომწვევ მიზეზებზე, ნაკადებზე, სიხშირეზე და უკავშირებს ქვეყნის სოციალურ-ეკონომიკური განვითარების დონეს.გეოგრ.IX.6.2. კლასში ჯგუფური მუშაობისას შემუშავებული სოციოლოგიური გამოკვლევის ანკეტის საფუძველზე ატარებს გამოკითხვას ( კლასში, სკოლაში, სანათესაოში, სამეზობლოში). მსჯელობს მიგრაციული პროცესის განვითარებაზე და შედეგებს წარმოადგენს კლასის წინაშე.გეოგრ.IX.6.8. გამოხატავს საკუთარ დამოკიდებულებას საქართველოში გარემიგრაციულ პროცესებზე. მსჯელობს სიტუაციის გაუმჯობესების შესაძლო გზებზე.

საკვანძო მეთოდები/სტრატეგიები: კითხვა-პასუხის მეთოდი ( მოსწავლეების მოტივაციის ამაღლება, განწყობის

შექმნა)

ანალიტიკური წერა (ჯგუფური მუშაობა მიცემული ფრაზის გააზრებაზე და ნამუშევრების პრეზენტაცია.)

სოკრატული მეთოდი- მოსწავლეები პრობლემურ კითხვაზე მსჯელობენ ( საუკუნეების მიხედვით, რა იყო მიგრაციის გამომწვევი მიზეზები.)

სწავლების დიდაქტიკური მეთოდი- ვიზუალიზაცია, თვალსაჩინოების გამოყენება (მოსწავლეები აჩვენებენ ნაწყვეტებს ფილმებიდან ემიგრანტებზე)

სასწავლო კვლევის მეთოდი- ანკეტირება (წინასწარ ჩატარებული კვლევის შედეგების პრეზენტაცია მიგრაციასთან დაკავშირებით.)

დისკუსია (მოსწავლეები მსჯელობენ ,,უნდა წავიდნენ თუ არა ემიგრაციაში საქართველოდან?”

ურთიერთშეფასებისა და თვითშეფასების მეთოდი (მოსწავლეები ,,3, 2, 1” სტრატეგიით აფასებენ გაკვეთილს, საკუთარი თავისა და ერთმანეთის მუშაობას.)

ძირითადი სასწავლო რესურსები: ტექნიკა- ინსტრუმენტები: კომპიუტერი, პროექტორი, ციფრული ფოტოაპარატი,ციფრული ვიდეოკამერა, DVD დისკი; გამოყენებული მასალა: საქართველოს რუკა, მსოფლიო პოლიტიკური რუკა, ფორმატები, მარკერები, ჭიკარტები, ცარცი, დაფა; ინფორმაციული წყაროები: მშობლიური ლიტერატურა IX კლასის სახელმძღვანელო. ავტორ-შემადგენელნი: ვახტანგ როდონაია (ჯგუფის ხელმძღვანელი), ნინო ნაკუდაშვილი, ავთანდილ არაბული, მარინე ხუციშვილი. (გამომცემლობა ,,სწავლანი” 2008წ.) საქართველოს გეოგრაფია IX კლასის სახელმძღვანელო. ავტორ-შემადგენლები: ნ. ბერუჩაშვილი, ზ. დავითაშვილი, ნ. ელიზბარაშვილი. გამომცემლობა ,,საქართველოს მაცნე”.

გაკვეთილის შედეგები

გაკვეთილი ძალიან შინაარსიანად წარიმართა და შედეგიც სახარბიელო მივიღეთ. წერის სტრატეგიის მიხედვით, მოსწავლეებმა შეძლეს წერილობითი ტექსტის ფორმისა და სტილის შერჩევა, გამოიყენეს სხვადასხვა დამარწმუნებელი საშუალება. ნაწერთან ერთად თავიანთი შესრულებული ნახატებიც წარმოადგინეს მიცემულ თემასთან დაკავშირებით და გააკეთეს პრეზენტაცია.მოსწავლეებმა აუდიტორიის წინაშე წარმოადგინეს სხვადასხვა თვალსაზრისი სადავო და პრობლემურ საკითხებზე, მსჯელობისას იყენებდნენ ციტატებს მხატვრული ტექსტებიდან. შეძლეს დისკუსიისა და კამათის სტრატეგიების გამოყენება, მსჯელობას ასაბუთებდნენ საჭირო არგუმენტებით. კლასში ჯგუფური მუშაობისას შემუშავებული სოციოლოგიური გამოკვლევის ანკეტის საფუძველზე ჩაატარეს გამოკითხვა ( კლასში, სკოლაში, სანათესაოში, სამეზობლოში) და იმსჯელეს მიგრაციული პროცესის განვითარებაზე და შედეგები წარმოადგინეს კლასის წინაშე. მე კმაყოფილი დავრჩი მიღწეულით, განსაკუთრებით მომეწონა მათი დისკუსია. მოსწავლეებმა გამოამჟღავნეს მოსმენის კულტურა, პატივს სცემდნენ ერთმანეთის აზრს, აზუსტებდნენ დისკუსიის საჭირო არგუმენტებს, საპირისპირო არგუმენტების მოსმენისას ინიშნავდნენ ძირითადსა და მთავარს, რასაც შემდეგში იყენებდნენ კონტრარგუმენტებისათვის.დაგეგმილი სტრატეგიების გამო, მაღალი იყო მოსწავლეთა ჩართულობა და აქტიურობა გაკვეთილზე. მოსწავლეები გაეცნენ ემიგრანტების ცხოვრებასა და მათს სულიერ მდგომარეობას მხატვრული ნაწარმოებებისა და კინო-ფილმების

მიხედვით; აუდიტორიის წინაშე წარმოადგინეს თავიანთი თვალსაზრისი; შეძლეს დისკუსიის წარმართვა; მსჯელობას განამტკიცებდნენ არგუმენტებით; შეძლეს საკუთარი აზრის წერილობით გამოხატვა; შეძლეს აეხსნათ საქართველოში არსებული გარემიგრაციული პროცესების მიზეზები საუკუნეების მიხედვით ( შუა, XIX, XX, თანამედროვე) და დაუკავშირეს ქვეყნის სოციალურ-ეკონომიკური განვითარების დონეს; წარმოადგინეს თავიანთი ჩატარებული სოციოლოგიური გამოკითხვის შედეგები; იმსჯელეს გარემიგრაციული პროცესების შედეგად გამოწვეული ცვლილებებისა და გაუმჯობესების შესაძლო გზებზე; მოსწავლეებს განუვითარდათ ანალიტიკური წერის, ინფორმაციის მოძიების, სლაიდ-შოუს მომზადებისა და ჩვენების (Power Point-ის გამოყენებით), კვლევის ჩატარების, ჯგუფებში მუშაობის, პრეზენტაციის, დისკუსიის წარმართვის, თვითშეფასებისა და ურთიერთშეფასების უნარ-ჩვევები. გაკვეთილი იყო სამფაზიანი. A ფაზაში (გამოწვევა) მოსწავლეთა გაკვეთილში ჩასართავად და მოტივაციის ასამაღლებლად გამოვიყენე კითხვა- პასუხის მეთოდი, შემდეგ ანალიტიკური წერა და ნამუშევრების პრეზენტაცია. B ფაზაში (ცოდნის კონსტრუირება) - სოკრატული მეთოდი- მოსწავლეებმა პრობლემურ კითხვაზე იმსჯელეს ( საუკუნეების მიხედვით, რა იყო მიგრაციის გამომწვევი მიზეზები), შემდეგ გამოვიყენეთ სწავლების დიდაქტიკური მეთოდი- ვიზუალიზაცია, თვალსაჩინოების გამოყენება (მოსწავლეებმა აჩვენეს ნაწყვეტები ფილმებიდან ემიგრანტებზე), ბოლოს სასწავლო კვლევის მეთოდის- ანკეტირების მიხედვით, მოსწავლეებმა გააკეთეს წინასწარ ჩატარებული კვლევის შედეგების პრეზენტაცია მიგრაციასთან დაკავშირებით. C ფაზაში (გამთლიანება)-კლასში გაიმართა დისკუსია თემაზე: ,,უნდა წავიდნენ თუ არა ემიგრაციაში საქართველოდან?” ბოლოს მოსწავლეებმა შეაფასეს გაკვეთილი ,,3,2,1” აქტივობით. გაკვეთილი ჩატარდა სამოქმედო გეგმის მიხედვით. შეფასება იყო განმავითარებელი. ამ გაკვეთილის ხელახლა ჩატარების შემთხვევაში დავუშვებდი განმსაზღვრელ შეფასებასაც. თვითონ მოსწავლეებს ამოვარჩევინენდი ყველაზე აქტიურებს და შევაფასებინებდი თვითონვე. ფილმებიდან ნაწყვეტების ჩვენებისას ხმის ხარვეზი იყო, წინასწარ შევამოწმებდი მას და პრობლემას მოვაგვარებდი.

27.02.2012წ.