Culture 2014

Prògram-tachartasan

Ur stiùireadh Oifigeil

’S e co-bhanntachd eadar Comataidh Eagrachaidh Glaschu 2014, Glasgow Life agus Alba Cruthachail a th’ ann am Prògram Cultural Glaschu 2014. Tha dà mheur ann: prògram a tha gabhail a-steach Alba air fad air a bheil Culture 2014; agus fèill ris an canar Festival 2014 a tha ruith ann an Glaschu aig àm nan Geamannan. Tha raon farsaing ann de chur-seachadan eadar rudan as urrainnear a dhèanamh ann am buidheann beag gu rudan fìor mhòr nam measg trì pròiseactan ùra aig am bi buaidh nàiseanta: Big Big Sing; Get Scotland Dancing; agus GENERATION.’S e roimh-shealladh a th’ anns a’ Phrògram seo air na tachartasan agus na taisbeanaidhean a ghabhas àite air feadh Alba, a’ toirt blasad air a’ bhoil a bhios a’ dol agus meud na tha ri thabhann. Tha e ag innse dhuibh mu na pròiseactan agus ag innse far am faighear tuilleadh fiosrachaidh air amannan, uairean agus àitean. Tha aire ga tharraing cuideachd an seo air pròiseactan a fhuair taic bho mhaoineachadh Celebrate an Crannchur Nàiseanta, Homecoming 2014, no Expo Riaghaltas na h-Alba.Tha farsaingeachd dè thachartasan, taisbeanaidhean agus eile rim faotainn tro Chulture 2014.Tha na h-ìomhaighean seo air an cleachdadh tron iris airson innse dè cho furasta sa tha e faighinn a-steach gu cuid a thachartasan: Cuirm-cluiche air a mhìneachadh tro èisteachdBSL/ mìneachadh tro chainnt-shoidhneFo-thiotalan/ filmGheibhear cathair-cuibhle a-steach/ taghadh ghluasadach

Gheibhear an tuilleadh fiosrachaidh a thaobh cho furasta sa tha e faighinn a-steach do gach tachartas air làrach-lìn gach tachartas a thilleadh air àitean, amannan agus ticeadan. A-measg na thathas a’ tabhann tha cuairtean-faireachail, rampan airson faicinn nas fheàrr aig tachartasan a-muigh, clò mòr agus foillsichidhean ann am Braille agus tachartasan no-fhoirmeil.Airson an iris seo fhaighinn ann an riochd eile cuir post-d gu: enquiries@creativescotland.com no fòn gu 0845 603 6000.(Dil – Dih, 10.00 – 12.00 & 14.00 – 16.00 voicemail a-mach à uairean obrach)

Clàr-innse

4 Fàilte le Fiona Hyslop BPA5 Roimh-ràdh le Àrd-oifigearan buidhnean luchd-compàirt6 An t-slighe thuige seo9 GENERATION10 Get Scotland Dancing11 Big Big Sing13 An t-slighe chun na Geamannan 27 Tro na Geamannan – Feis 201441 An Turas às dèidh na Geamannan46 Eàrr-ràdh / Creideasan FFios gu lèir fìor aig àm a dhol an clò.

Fàilte.’S e bliadhna air leth a th’ ann a bhith ann an Alba. Tha e a’ toirt mòr thoileachas dhomh a bhith a’ foillseachadh an iris air leth seo aig Culture 2014 – an fhèill chultarail nàiseanta as adhartaiche a ghabh àite a-riamh ann an Alba.Seo am bliadhna nuair a ghabhas Alba prìomhachas; eadar a bhith comharrachadh an dàrna bliadhna de Homecoming agus an Ryder Cup ga chumail san dùthaich, bidh sinn a’ cur fàilte air luchd-siubhail bho dhùthchannan eile sa Cho-fhlaitheas agus bho air feadh an t-saoghail tro bhith comharrachadh euchdan ann an spòrs tro Gheamannan Co-fhlaitheis XX. Còmhla-ri bhith gabhail tlachd ann an spòrs agus a bhith cruinneachadh an ceann a chèile mar nàisein, ’s e seo an t-àm do dh’ Alba agus a’ Cho-fhlaitheas a bhith ruigsinn a-mach agus a bhith sealltainn do chàch an cultar dualchasach air leth a th’ againn agus ar comasan cruthachail co-aimsireil. Tro dhannsa, òran, cleasachd, litreachas, ceòl, na h-ealain fhaicsinneach, comadaidh agus tòrr a bharrachd…. ann an àitean air leth, bruaichean aibhnichean, ionadan coimhearsnachd is pàircean, gailearaidhean ealain… fiù ann an ionadan-spòrs agus bhana reòiteag… tha taghadh de thachartasan ann – le iongantasan beaga anns gach ceàrnaidh den dùthaich!Ann an duilleagan an iris seo gheibhear prògram de thachartasan a tha farsaing agus tarraingeach dhuinn uile. Tha Culture 2014 fosgailte dhan a h-uile mac màthair agus rudeigin ann a tha a’ freagradh air gach fear is tè. Tha Culture 2014 air ceum a ghabhail air an t-slighe, a chumas oirre tron t-samhradh le na ceudan de thachartasan a’ ruith aig an aon àm sa tha Baton Relay na Bànrigh a’ tilleadh air ais a dh’Alba air 14 Ògmhios agus a’ crìochnachadh air an treas seachdain den Iuchair nuair a thèid aire a mhòr-shluaigh a tharraing a Ghlaschu agus a thòisicheas othail nan Geamannan.Tha an uairsin na ceudan de thachartasan eile a’ gabhail àite air feadh Ghlaschu tro Am nan Geamachan mar phàirt de Festival 2014.Às dèidh cuirm crìochnachaidh nan Geamannan, tha Culture 2014 a’ gabhail thairis, a’ gabhail a-steach fèisean ainmeil an t-samhraidh ann an Dùn Èideann agus a’ tighinn gu crìch aig deireadh an Lùnastail.Cuidichidh na duilleagan a leanas sibh tro phrògram de chòrr is 200 phròiseactan agus taisbeanaidhean agus còrr is 1,000 tachartas. Anns a’ bhliadhna iongantach seo airson Alba dèan cinnteach nach caill sibh a-mach air a’ chuirm chultarail eug-samhail seo - gabh pàirt ann an tachartas iongantach a-muigh, èist ri sgeulachdan phearsanta, dannsa, seinn, innis do sgeulachd fhèin - agus as bith ciamar a chompàirticheas tu - bith air do mhisneachadh, dèan cinnteach gum meall thu gach tachartas agus cùm cuimhne air a’ bhliadhna air leth seo.Còrdaidh gu leòr ribh.Fiona Hyslop BPARùnaire Cultar agus Gnothaichean......

Roimh-ràdh’S e nì air leth a th’ anns an cò-obrachadh seo eadar Comataidh Eagrachaidh Ghlaschu 2014, Glasgow Life agus Alba Cruthachail còmhla ri na ceudan de luchd-ealain, buidhnean cultarail agus coimhearsnachdan air feadh Alba agus fad is farsaing.Tha prìomh amas an co-obrachaidh - prògram de thachartasan cultarail a dhealbh a tha a’ chomharraicheas na geamannan - cuideachd air taic fhaighinn bho bhuidhnean leithid BBC Alba, Comhairle Bhreatainn, Channel 4, EventScotland, Fèisean Dhùn Èideann agus Riaghaltas na h-Alba.Tha samhradh 2014 a’ tairgse cothrom eug-samhail do mhìltean thar mhìltean de dhaoine air feadh na dùthcha a bhith mealtainn Geamannan Co-fhlaitheis XX ann an Alba tro phrògram obrach air leth de luchd-ealain ùra Albannach agus eadar-nàiseanta agus buidhnean cultarail.Tha Culture 2014 a’ snìomh ri chèile sgeulachdan dhathte de dhaoine agus àitean; tha e a’ taisbeanadh cluichean ionmholta agus dealbhan pearsanta, agus a’ cur coimhearsnachdan aig teis mheadhan na h-obrach, ann an dòighean nach fhacas roimhe.Far a bheil neart, cumhachd, sùbailteachd agus toil-inntinn nan cluicheadairean a’ chomharrachadh am prògram spòrs; tha faclan, òrain, dannsa, ceòl, taighean-dhealbh, èideadh, filmichean, beachdan agus ealan Culture 2014 ag innse sgeulachd fhìor ar n-eachdraidh, ar beatha an-diugh, agus an t-àite a dh’fhaodamaid a ghabhail san t-saoghal.’S e slighe air leth a bhios ann an Culture 2014. Tha sinn an dòchas gun tig sibh còmhla rinn!Cha b’ ann a-mhàin don fheadhainn a chaidh gu na tachartasan agus taisbeanaidhean a bha na cothroman, bha iad cuideachd ann dhan fheadhainn a chruthaich agus a’ riochdaich na h-obrach. Air an t-slighe tha dàimhean gan cruthachadh a bhios maireannach do roinn chultarail Alba agus do luchd-amharc a bhith an sàs ann an obair cruthachail air leth.Bith sinn uile air an cothrom fhaighinn a bhith an sàs ann an rud sònraichte air leth; thèid Culture 2014 mar mhac-talla tro Alba agus a’ Cho-fhlaitheas - chan ann a-mhàin nar cuimhneachain fhèin ’s nar cuid-sgeulachdan - ach cuideachd anns na dòighean-obrach againn air fad.

Daibhidh Grevemberg,Àrd-Oifigear Glasgow 2014Dr Brìghde McConnell,Àrd-Oifigear Glasgow 2014Seònaid Archer,Àrd-Oifigear Alba CruthachailAn Sgeulachd Thuige Seo

Thèid a’ mhòr-chuid de thachartasan Culture 2014 an cumail tro mhìosan an t-samhraidh, ach tha an turas air tòiseachadh, agus tha tachartasan iongantach air a bhith air an cumail mur tha. Seo blasad beag...Tha luchd-amhairc air a bhith air am beò-ghlacadh le obraichean leithid “Glory”, dannsa a chaidh a dhealbh le Janice Parker a bha a’ comharrachadh dhannsairean, bodhaigean agus strì airson sàr-mhaitheas ann an gluasad; agus ath-chluiche de “Glasgow Girls” aig Theatre Nàiseanta na h-Alba, sgeulachd fìrinneach de strì phoilitigeach a thòisich bhuidheann de dheugairean à Druim a’ chaibeil. Thàinig coimisein ùra tro New Music Biennial tro PRS for Music Foundation a chòrd gu mòr ri daoine, na mheasg obair ùr bhon bhuidheann-ciùil thraidiseanta Lau, agus Matteu Watson agus Luke Daniels.Ann an ‘Commonwealth Poets United’ tha Leabharlann Bàrdachd na h-Alba air iomlaid de bàrdachd eadar-nàiseanta a chuir air dòigh a chruthaich streath de leughaidhean agus bùithtean-obrach do sgoilearan agus a’ cruthachadh dàimhean às ùr thairis air Alba agus a’ Cho-fhlaitheis.Thug co-obrachadh sònraichte le Channel 4 agus Chunk digital gu buil gun deach ‘9.88 Films’ . Farpais filmichean air leth goirid agus a thug an comas dhuinn uile - g’ e b’ e proifeiseantaich no nach b’ e - geamannan a’ Cho-fhlaitheis a chlàradh ann am film no tro no dealbhan-gluasadach ann an geàrr-ùine rèis 100m a’ Cho-fhlaitheis de fo dheich diogan.Tha mìltean thar mhìltean a’ gabhail pàirt - a’ seinn tro bhùithtean-obrach Big Big Sing, a’ dannsa tro chlasaichean an asgaidh aig Get Scotland Dancing agus Big Dance Pledge, agus a’ mealtainn sgeulachdan dhan innse ann an sgoiltean, le ùghdaran agus luchd-deilbh ainmeil Albannach, às an RA agus a’ Cho-fhlaitheas agus ga chraoladh air loidhne air feadh a’ cho-fhlaitheis tro thachartasan ‘Authors Live’.Tha ‘MacLaren 2014’ a’ comharrachadh obair agus beatha an tùsaire Tormod MacLaren, a rugadh ann an Alba agus a bha na dhealbhadair-gluasadach agus na fhilmeadair. Agus tha am pròiseact ‘Where You’re Meant To Be’ a chaidh air chuairt, a’ comharrachadh sàr-obair an sgrìobhadair-òrain agus an sgeulaiche Aidean Moffat agus an obair chliùiteach aig an fhilmeadair Paul Fegan a tha a’ comharrachadh liut agus sgil an sgeulaiche agus an t-àite a th’ aige ann an aigne na h-Albainn ann an diofar àitean air feadh na dùthcha.Agus, airson a’ chiad uair thàinig BBC 1 Big Weekend a Ghlaschu mar chomharra air gu bheil na Geamannan gan cumail sa bhaile le na mìltean thar mhìltean a’ tighinn a dh’èisteachd ri leithid Calvin Harris, Paola Nutini agus Coldplay.Tha an turas thuige seo air a bhith air leth, ach tha am pailteas fhathast ri thighinn!

Rudan a thachair air an Turas Thuige Seo

GENERATION’S e sreath de thaisbeanaidhean sònraichte a th’ ann an GENERATION a tha a’ sealltainn mar a tha leasachadh ealain air a thighinn air adhart anns na 25 bliadhna a dh’fhalbh. Tha e a’ toirt prògram farsaing agus adhartach de dh’obair am bàrr le tuilleadh is 100 neach-ealain gu còrr air 60 gailearaidh, àite taisbeanaidh agus eile bho aon cheann na dùthcha chun a’ chinn eile eadar Màirt – Samhain 2014, leis a’ mhòr-chuid ga thaisbeanadh thairis air samhradh 2014, mar phàirt de Chulture 2014. Tha GENERATION ga libhrigeadh tro cho-obrachadh eadar Gailearaidhean Nàiseanta na h-Alba agus Glasgow Life, le taic bho Alba Cruthachail. Tha na luchd-com-pàirt seo air obrachadh còmhla ri raon farsaing de bhuidhnean ealain agus diofar àitean air feadh na dùthcha airson dèanamh cinnteach gun bi sgaoileadh farsaing aig a’ phròiseact. Tha am pròiseact ag amas air na 25 bliadhna a chaidh a shoillearachadh, àm fad an choisinn Alba cliù is aithne gu h-eadar nàiseanta mar ionad eug-samhail a thaobh ealan, a chruthaich sàr luchd-ealain , a chuir air bhonn taisbeanaidhean ùr-nòsail agus a chuir cùisean air dòigh a leig leis na h-ealain co-aimsireil a dhol am meud.Tha a bhith a’ brosnachadh ginealach ùr aig teis mheadhan GENERATION agus a bhith gar ceangal leis an t-saoghal mun cuairt oirnn tro na h-ealain co-aimsireil. Tha farsaingeachd de phrògraman foghlaim agus com-pàirteachaidh air a bhith air an dealbh airson òigridh a bhrosnachadh agus bidh an tuilleadh fiosrachaidh ga fhoillseachadh air làrach-lìn GENERATION thairis air an t-samhradh.Tha meud, miann-adhartais agus ruigse GENERATION ga chuir thar chàich a thaobh pròiseactan ga leithid. ’S e fear de na taisbeanaidhean ealain co-aimsireil as motha a chaidh a chumail le aon nàisean a–riamh agus e ag amas air luchd-amhairc ionadail, nàiseanta agus eadar-nàiseanta. Tha a h-uile taisbeanadh saor san asgaidh agus tha fàilte ron a h-uile duine. Na caillibh a-mach air an cothrom air leth a tha seo airson obair an luchd-ealain cruthachail as fheàrr nar latha ann an Alba fhaicinn.Tha GENERATION an comas na tha san amharc a choileanadh le taic agus cuideachadh bho luchd-com-pàirt leithid VisitScotland agus EventScotland, British Council Scotland, , Foghlam Alba, Young Scot, Clann ann an Èis agus am BBC.generationartscotland.org

Get Scotland DancingTha Get Scotland Dancing ag amas air toirt air barrachd dhaoine a dhol a dhannsa ann an Alba na rinn roimhe e. ’S e com-pàirteachadh air leth a th’ anns a’ phròiseact eadar buidhnean danns air feadh Alba a tha gan bheachd gu bheil dannsa spòrsail, fallain agus cruthachail. getscotlanddancing.org

Get Dancin’’S urrainn dhut dannsa! Tha dannsa dhan a h-uile duine, as bith an do dh’fheuch thu air riamh roimhe, no gu bheil thu air fàs caran meirgeach no gu bheil thu airson feuchainn air a-rithist. Airson sin a dhearbhadh, faodaidh tu clasaichean saor san asgaidh fheuchainn aig grunn àitean air feadh Alba. Mun do dhannsa thu roimhe, no gu bheil ùine ann bho rinn thu mu dheireadh e, clàraich an-diugh aig Get Dancin’.getdancin.org

The Commonwealth CeilidhÀs bith càite bheil thu san t-saoghal tha Cèilidh a’ Cho-fhlaitheis a’ tòiseachadh aig 19.30 air Disathairne 21 Ògmhios agus a’ leantainn na bannan ùine airson cèilidh 24 uair a thìde a chruthachadh air feadh an t-saoghail airson Geamannan a’ cho-fhlaitheis a chomharrachadh. Bidh 15 danns ann uile gu lèir agus ’s urrainn dhan a h-uile duine pàirt a ghabhail ann an trì dhiubh a chaidh a chruthachadh a dh’aon ghnothaich. Faodaidh sibh an luchdachadh sìos agus an ionnsachadh roimhe làimh agus ur stoidhle ionadail no nàiseanta a shealltainn anns an eadar-àm.commonwealthceilidh.org

Dance TrailsDannsa airson stad agus iongnadh a chuir air daoine agus am brosnachadh ann an suidhichidhean làitheil. ’S dòcha gum feum thu tuairmse a leantainn, a’ lorg, slighe air leth a ghabhail no’s dòcha gun liùg e suas ort gun fhios. Tha Dance Trails a’ toirt dannsa a-mach gu na sràidean agus gu suidhichidhean nach sùilicheadh duine. Bithibh a’ sùileachadh daoine fhaicinn a’ dannsa ann am pàircean, meadhan bhailtean, ionadan-bhùthan, cladhan agus air loidhne. Gabh sùil, gabh pàirt agus bith air do bhrosnachadh.getscotlanddancing.org/trails

Dance-along MoviesLe Chris Stuart-WilsonThèid sgàilean a chuir suas a-muigh ann an àite sònraichte airson Dance-along Movie a thoirt thugaibh. Gabhaidh a h-uile duine pàirt, a’ blàthachadh beagan aig an toiseach le ur n-aoidh agus ag ionnsachadh cuid de na prìomh phìosan às an dannsa air am film. Tha am film ga shealltainn agus tha daoine a’ dannsa aig na h-amannan cheart a’ crìochnachadh le crathadh mòr aig an deireadh.Thoir greim leat agus sgeadaich thu fhèin a-rèir am film as fheàrr leat fhèin.getscotlanddancing.org/movies

Big Big Sing‘Really really brilliant’‘Really lively… so inspiring’Luchd-seinn Big Big Sing’S e fèill-seinn air a riochdachadh le Glasgow UNESCO City of Music a tha ga ruith air feadh na dùthcha. A’ brosnachadh na mìltean clàradh agus tòiseachadh a’ seinn suas gu ruige àm nan geamannan, tha Big Big Sing a’ tairgse cothroman gu leòr airson com-pàirteachadh. Le làithean Big Big Sing, bùithtean-obrach, còisirean mòr-shluagh, goireasan sgoinneil air-loidhne – nam measg Leabhar Seinn Mòr Mòr a’ Cho-fhlaitheis – agus àrd-ùrlaran beò ann an Glaschu agus mu chuairt, a’ toirt a h-uile cothrom do dhaoine com-pàirteachadh agus a mhealtainn.Mar phàirt de big Big Sing, tha Hands up for Trad a’ co-ordanachadh sreath seinn, a’ ceangal choimhearsnachdan air feadh Alba air an t-slighe a ghabhas Baton na Bànrigh. Thèid an t-òran ‘Here’s to All Our Common Wealth’, a chaidh a’ sgrìobhadh le Phil Cunningham, Alison Burns agus Findlay Napier, a sheinn air feadh Alba. Thèid an òran a thogail leis an ath choisir, an aon dòigh ris a’ bhaton fhèin, air an t-slighe, a’ ceangal choimhearsnachdan agus a’ cuir ris a’ boil a bhios a’ dol air an latha.Air 27 Iuchair, thèid am Big Big BIG Sing a chumail air Àilean Ghlaschu, far am bi coisir de shluagh dhaoine. As bith dè an seòrsa ceòl is toil leat bidh rudeigin ann a fhreagras ort – bho sgeulachdan dhan innse le fìdeag, gu dannsa le teatha agus òrain airson daoine leis an fheàrr a bhith gabhail air an socair. Bidh Àilean Ghlaschu air bhoil le coisir Big Big BIG sing (sin thusa agus mìle caraid) a’ seinn òrain bho air feadh a’ Cho-fhlaitheis aig àrd an claiginn mar chomharra air Geamannan a’ Cho-fhlaitheis. Seinnidh an comhlan Big Big Sing Band air an àrd-ùrlar ach sibhse am prìomh sheinneadair, coisir de mhìltean, a’ siubhal an t-saoghail tro cheòl, ruitheaman à Afraga agus ceòl ainmeil Albannach. Thigibh agus togaibh fonn, mairidh e fad an latha! Tha fàilte ron a h-uile duine – cha leig sibh a leas a bhith eòlach.bigbigsing.org

An t-slighe Chun na Geamannan Nuair a thilleas Relay Baton na Bànrigh air ais a dh’Alba air 14 Ògmhios, agus a nì am baton a shlighe tron a h-uile ùghdarras ionadail ann an Alba, thèid cuirmean is eile a chumail a-measg choimhearsnachdan air feadh an dùthcha.Cuiridh Culture 2014 ris an othail agus a’ bhoil, a’ ceangal choimhearsnachdan agus luchd-siubhail ri daoine, àitean agus beachdan air am brosnachadh leis a’ Cho-fhlaitheas.Thèid sgeulachdan innse, glacaidh gu leòr aire agus thèid cuimhneachain an cruthachadh.Seo na tha a’ tachairt faisg ortsa…..

Tha Get Scotland Dancing ag amas air barrachd dhaoine a bhrosnachadh a dhol a dhannsa na riamh roimhe. Airson fios mionaideach air slighean dannsa, Dance-along Movies agus blasad an asgaidh de Get Dancin’ theirig gu:getscotlanddancing.org

’S e fèill sheinn nàiseanta a th’ ann am Big Big Sing. Airson fios air mar a gheibh thu air pàirt a ghabhail ann – Làithean Big Big Sing, bùithtean-obrach, còisirean mòr-shluagh, Song Stages beò agus goireasan air loidhne mar Leabhar Seinn Co-fhlaitheas Mòr Mòr theirig gu:bigbigsing.org

’S e sreath de thaisbeanaidhean sònraichte a th’ ann an GENERATION a tha a’ sealltainn mar a tha leasachadh ealain air a thighinn air adhart anns na 25 bliadhna a dh’fhalbh. Airson fios mionaideach air taisbeanaidhean agus tachartasan a tha a’ gabhail àite air feadh Alba theirig gu:generationscotland.org

The Spokesmen Visible FictionsChun 19 Iuchar, air feadh Alba.Leum air do bhaidhsagal airson taigh-cluich eadar-dhealaichte fhèin fhiosrachadh a-muigh anns a’ phàirc. A’ cluiche ann an àitean uaine air feadh Alba, bheir an sgeulachd eirmseach seo air slighe inntinneach. visiblefictions.co.uk

How Glasgow Flourished 1714-1837Glasgow Lifegu 17 Lùnastal, GlaschuFaigh a-mach ciamar a dh’fhàs Glaschu gu bhith na bhaile a bha cudromach air feadh an t-saoghail tro na 1700an suas gu àm a’ Bhànrigh Bhictoria. ’S e taisbeanadh a th’ ann a tha stèidhichte air cruinnichidhean às a’ bhaile agus stuthan air iasad agus a tha a’ coimhead air dìleab a’ bhaile san 18mh linn deug.glasgowlife.org.uk/museums/kelvingrove

The East End Social Chemical UndergroundGu 31 Lùnastal, Glaschu’S e prògram leth is leth ceòl agus com-pàirteachadh coimhearsnachd a th’ anns a’ phròiseact The East End Social a tha tarraing ceòl gu àitean air feadh taobh an ear Ghlaschu, eadar dannsaichean gu bùithtean-obrach airson beat-box gu cuirmean mòra a-muigh agus cluichean beaga ann an café. Tha leabharlannan, taighean-cùram, bun-sgoiltean, taighean-dealbh, pàircean agus ionadan coimhearsnachd uile sa phrògram, a’ gabhail a-steach àitean leithid Calton, Baile na Drochaid, An Taigh Sear, Dennistoun, Dail Meàrnaig agus an Ruadh Ghleann. Le taic bho Homecoming Scotland 2014.eastendsocial.com

McLaren 2014 Centre for the Moving ImageChun an t-Sultain, air feadh Alba agus an còrr den RA.A’ comharrachadh ceann bliadhna ceud bliadhna an tùsaire ealain Albannach Tormod McLaren a bha cuideachd na fhilmeadair agus na chèoladair. Air a riochdachadh leis an Centre for the Moving Image ann an com-pàirteachas le National Film Board Chanada, tha am prògram thachartasan seo a’ toirt sùil air beatha agus obair McLaren le taisbeanaidhean, air sgàilein agus àrd-ùrlar agus bùithtean-obrach ann an Sruighlea, Glaschu, Dùn Èideann agus an còrr den RA.Le taic bho Homecoming Scotland 2014.mclaren2014.com

Green 2014: The Environmental Legacy of the XX Commonwealth Games in Glasgow Architecture and Design ScotlandChun 24 Dàmhair, GlaschuA’ comharrachadh an fharsaingeachd de phròiseactan a tha a’ buntainn ri seasmhachd a th’ air an libhrigeadh le raon farsaing de bhuidhnean a tha a’ toirt Geamannan Co-fhlaitheis Glaschu 2014 gu bith. Tha e a’ sealltainn mar a tha na pròiseactan seo a’ cuir ri soirbheachas nan geamannan agus aig a’ cheart àm a’ fàgail dìleab aig muinntir Ghlaschu, muinntir Alba agus luchd-tadhail airson bliadhnaichean ri thighinn.ads.org.uk

The Commonwealth: Gifts to The Queen Royal Collection TrustGu 2 Samhain, Dùn ÈideannTha taisbeanadh ùr aig Lùchairt Taigh an Ròid a’ comharrachadh an dreuchd a th’ aig a’ Bhànrigh mar Cheannard a’ Cho-fhlaitheis le prèasantan dhan toirt dhith le dùthchannan a’ Cho-fhlaitheis air feadh an t-saoghail.royalcollection.org.uk

The Tin Forest National Theatre of Scotland 7 Ògmhios – 3 Lùnastal, GlaschuA’ comharrachadh eachdraidh ghnìomhachasach Ghlaschu agus na làithean cruthachail a th’ air thoiseach, a’ gabhail àite aig an Rotunda mu Dheas, air feadh Ghlaschu agus a’ Cho-fhlaitheis stèidhichte air leabhar den aon ainm le Helen Ward.Tha an Tin Forest air greimeachadh air ceithir coimhearsnachdan sa bhaile a bha aig aon àm an sàs gu mòr ann an gnìomhachasan – Allt an Fhuarain, an Taobh an Ear, Baile Ghobhainn and Iar-dheas Ghlaschu – agus air feadh a’ Cho-fhlaitheis. Tha freumhan uile a’ dèanamh an slighe chun an Rotunda mu Dheas airson Festival 2014. Às dèidh dha bhith na laighe a’ dol a dholaidh fad 25 bliadhna, thèid an togalach ainmeil seo ath-dhealbh gus a bhith na àite iomadh-shlighe do phupaidean, àite cluiche brùideil mòr airson taisbeanaidhean ealain agus na àite far an tèid fèis shònraichte a chumail a mhaireas deich latha a’ tarraing sgeulachdan, iarrtasan agus miannan muinntir Ghlaschu fhèin agus bho air feadh an t-saoghail. Le taic bho Homecoming Scotland 2014.thetinforest.com

Authors Live Scottish Book Trust Gu 27 Samhain, GlaschuTha co-obrachadh eadar Urras Leabhraichean Alba agus a’ BhBC a’ foillseachadh prògram de thachartasan le taghadh de dh’ùghdaran cloinne agus luchd-deilbh ainmeil à Alba, an RA agus a’ Cho-fhlaitheas a thèid a chraoladh beò an asgaidh air an eadar-lìon do sgoiltean air feadh a’ Cho-fhlaitheis.Bidh prògram foghlam ann cuideachd ag obair le luchd-teagasg bho ùghdarrasan ionadail air feadh Alba. Tha cothrom ann na tachartasan fhaicinn a-rithist air làrach-lìn Urras Leabhraichean Alba.scottishbooktrust.com/authors-live

YDance10-11 Ògmhios, GlaschuCruthaichidh clann ann an Glaschu teachdaireachd a’ cleachdadh am bodhaigean agus an guthan le bhith dannsa agus a’ cleachdadh beatboxing agus ceòl airson mìneachadh cò iad agus dè tha e a’ ciallachadh dhaibh a bhith an sàs ann an coimhearsnachd a’ Cho-fhlaitheis. Obraichidh YDance le 120 sgoilear à ceithir bun sgoiltean bho air feadh Glaschu le taic bho neach-ciùil beatbox à Glaschu agus fear-ciùil eile a bhios ag obair le pròiseactan ealain.Cruthaichidh gach sgoil pìos ciùil goirid agus thèid iad bho sgoil gu sgoil leotha a’ dèanamh seòrsa de relay. Thig am pròiseact gu crìch le na pìosan gan cluiche uile còmhla airson Relay Baton na Bànrigh a’ chomharrachadh nuair a thilleas e a dh’Alba. Le taic bho Celebrate.ydance.org

Guide Gods12-20 Ògmhios, GlaschuTha Claire ciorramach. An e toil Dhè a th’ ann? Karma? Ginntinneachd? Dè tha thusa a’ creid? Tro bhith cleachdadh dannsa, ceòl beò, àbhachdas agus agallamhan le ceannardan-creideimh, luchd acadaimigeach agus daoine bodhar agus ciorramach tha Claire Cunningham an tòir air na creideamhan as aithnichte san t-saoghal airson am beachdan fhaighinn air a bhith bodhar agus ciorramach anns a’ chuirm-cluiche eirmseach, ùr seo. clairecunningham.co.uk

Scotland and the Commonwealth: 400 Years in the Making The Mitchell Library13 Ògmhios – 4 Dàmhair, GlaschuTaisbeanadh a tha a’ cleachdadh tasglainn Alba, airson ceangalan eachdraidheil leis a’ Cho-fhlaitheis a chomharrachadh agus airson sùil a’ thoirt air an aon eachdraidh a th’ againn leis a’ mhòr chuid den t-saoghal.glasgowlife.org.uk/libraries/the-mitchell-library

Squish Squared Room 2 Manoeuvre13-23 Ògmhios, air feadh AlbaTha Squash ga cheangal le dannsa ann an Squish Squared, pròiseact foghlam agus cuirm-cluich a thèid a thaisbeanadh ann am pàircean squash air feadh Alba. Coimheadaidh an càraid annasach seo air an strì a tha eadar daoine agus a th’ aig daoine riutha fhèin agus gur ann gu daor a cheannaicheas cuid a dhaoine cliù dhaibh pèin.Gheibh luchd-amharc an cothrom coimhead air an tachartas seo aig pàircean squash air am bi taobh glainne.r-2-m.net

All Sided Games Collective14 Ògmhios, Dùn ÈideannThig còmhla ri cruinneachadh All Sided Games air fàilte a chuir air Relay Baton na Bànrigh a bhith tighinn gu Ionad Spòrs Mheadowbank. Cothrom air leth ‘no conflict, no irony (I love the whole world)’ le Jacob Dahlgren fhaicinn. Seo bratach 100 meatar a chaidh a chuir ri chèile le teaghlaichean bho air feadh Dhùn Èideann aig Meadowbank san Dàmhair 2013, ri taobh an dà dhealbh mhòr, toinnte no ‘dialectograms’ aig Mitch Miller de Flat Coimhearsnachd Piershill agus Meadowbank. thàinig an dà phròiseact seo gu buill tro choimisean a tha a’ cur luchd-ealain am broinn agus timcheall air Ionad Spòrs Mheadowbank ann an Dùn Èideann far an deach Geamannan a’ Cho-fhlaitheis a chumail roimhe.collectivegallery.net

CorroboreeGàrraidhean Luibheach Rìoghail Dhùn ÈideannÒgmhios, àitean air feadh AlbaBheir Corroboree còig gàrraidhean luibheach ann an Alba gu beatha tro bhith comharrachadh dhaoine, cultaran ionadail agus meud iomadachd a-measg Co-fhlaitheis nan Nàisein. Bidh iomadh dòigh ann anns an urrainnear pàirt a ghabhail le tachartasan poblach, taisbeanaidhean agus bùithtean-obrach. Bidh an ceòl beò, am biadh ionadail, an còmhdhail seasmhach agus gabhaidh na lusan agus feart-thìrean prìomhachas.rbge.org.uk

The Marathon Storytelling Cycle Challenge Tam Dean Burn14 Ògmhios - 22 Iuchar, air feadh AlbaA’ siubhal air slighe Relay Baton na Bànrigh air feadh Alba air baidhsagal, tha Tam Dean Burn ag amas air gach 195 leabhar agus dealbh-cluich a’ leughadh agus gach òran a sgrìobh an sgrìobhadair cloinne cliùiteach Julia Donaldson (‘An Gruffalo’). booksonabike.com

The Big Song Relay Hands up for Trad14 Ògmhios - 22 Iuchar, air feadh AlbaMar phàirt de Big Big Sing, tha Hands up for Trad a co-òrdanachadh relay nàiseanta seinn, a’ ceangal choimhearsnachdan air feadh Alba agus a’ ceangal chòisirean ri chèile aig diofar àitean air slighe Relay Baton nan Bànrigh. Thèid òran a chaidh a sgrìobhadh a dh’aon a ghnothaich a sheinn air feadh Alba, air a thogail le còisirean fa leth mar am baton, a’ ceangal choimhearsnachdan agus a’ comharrachadh an tachartais. Tha ‘Here’s to All Our Common wealth’ sgrìobhte le Phil Cunningham, Alison Burns agus Finlay Napier le eadar-theangachaidhean ann an Beurla Ghallda agus Gàidhlig.projects.scottishcultureonline.com/handsupfortradbigbigsing.org

Gift Jez Colborne maoinichte le Mind the Gap14-15 Ògmhios, Bradford4-6 Iuchar, Lunnainn mar phàirt de New Music Biennial Weekend Celebration1-2 Lùnastal, Glaschu mar phàirt de New Music Biennial Weekend CelebrationTha tiodhlac a’ nochdadh. Dè tha na bhroinn? Airson faighinn a-mach? Nach lean sibh Jez Colborne aig a bheil feumalachdan sònraichte/ionnsachaidh air slighe cheòlmhor gus an tuig sibh dè th’ ann a bhith tàlantach. Thigibh còmhla ri Jez am broinn bogsa-cargu airson faicinn mar a tha e a’ cur ceòl ri chèile. Tiodhlac falaichte, inneal-ciùil cruthachail. Bheir seo buaidh air ar faireachaidhean. Pàirt de New Music Biennial.newmusicbiennial.com

Music in the UniversityOilthigh Ghlaschu14 - 15 Ògmhios, GlaschuStreath de chuirmean-ciùil a’ comharrachadh na Geamannan agus luachan a’ Cho-fhlaitheis mar phàirt den phrògram Music in the University aig Oilthigh Ghlaschu. gla.ac.uk/events/musicintheuniversity

The Pokey Hat Grinagog Theatre Company14 - 3 Lùnastal, air feadh Alba’S e tachartas ùr teaghlaich a th’ ann an The Pokey Hat, air a chluich a-muigh ann a’ bhana-reòiteig, a’ comharrachadh sgeulachdan bho Taobh an Ear Ghlaschu. Gheibh luchd-coimhead reòiteag aig deireadh gach tachartas!grinagog.co.uk

Scottish PEN Literary Events14 Ògmhios - 24 Iuchar, air feadh AlbaStreath de thachartasan litreachais agus leughaidhean ann an àitean air feadh Alba, air slighe Baton na Bànrigh. Bidh sgrìobhadairean, bàird agus foillsichearan à Alba agus air feadh a’ Cho-fhlaitheis an sàs san tachartas agus gach fear aca a’ coimhead air àm sònraichte ann an eachdraidh a’ Cho-fhlaitheis, le na sgrìobhadairean a’ cur nithean ann an co-theacs agus a’ leughadh beagan dhan obair aca fhèin. Cuideachd le taic bho Celebrate.scottishpen.org

Sports Stories from around the African CommonwealthAfrica in Motion14 Ògmhios - 28 Iuchar, air feadh AlbaCoimheadaidh an fhèill seo, a bhios air chuairt, air spòrs agus cultar Afraga tro fhilm, a’ toirt luchd-amhairc air slighe tro Cho-fhlaitheas Afraga a’ sònrachadh soirbheachasan agus dùbhlain tro spòrs. Thèid e air chuairt air feadh Alba, aig tachartasan ‘AiM Shebeen Screen’, aig tachartasan tro chumhachd rothair agus tachartasan far am faighte biadh agus gu leòr a bharrachd.africa-in-motion.org.ukWelcome: Common Ground

Comhairle Fògarraich Alba14 - 28 Ògmhios, air feadh AlbaMar phàirt de phrògram Comharrachaidh Coimhearsnachdan Seachdain nam Fògarrach Alba tha ‘Welcome: Common Ground’ tha Comhairle Fògarraich Alba a’ com-pàirteachadh le 12 buidheann fògarrach air feadh Alba airson Geamannan a’ Cho-fhlaitheis agus bith-iomadachd coimhearsnachdan Alba a’ chomharrachadh. Thèid tachartasan a chumail air feadh Ghlaschu, Clydebank, Tobair nam Màthair, Pàislig agus Eilean Arainn. Cuideachd le taic bho Celebrate.scottishrefugeecouncil.org.uk

Hot: New Dance and Performance from AustraliaTramway15 Ògmhios - 3 Iuchar, Glaschu’S e blasad de dhannsan agus cuirmean-cluiche cho inntinneach, faireachail agus eirmseach sa th’ ann an Astràilia a th’ ann an Hot.tramway.org

Go Dance 2014Ambassadors Theatre Group17 - 21 Ògmhios, GlaschuTha an seachdamh fèis bhliadhnail aig Go Dance a’ comharrachadh sàr mhaitheis ann an dannsa coimhearsnachd a’ tilleadh dhan Taigh-Cluiche Rìoghail le taghadh fìor inntinneach de dh’obair ùr bho bhuidhnean dannsa air feadh Alba. Le diofar phrògram thairis air còig oidhche, tha còrr is 1,000 dannsair de dhiofar aoisean a’ toirt taghadh thugaibh eadar hip-hop, ballet agus jazz. Toileachas agus brosnachadh chinnteach do luchd-amharc - ma ’s toil leat dance, Go Dance!atgtickets.com

Animated in 2014Edinburgh International Film Festival/ Fèis Eadar-Nàiseanta Film Dhùn Èideann18-29 Ògmhios, Dùn Èideann’S e pròiseact ùr inntinneach a th’ ann an Animated in 2014 a’ gabhail a-steach Animation Lab a mhaireas dà latha a ghabhas àite aig àm Fèis Eadar-Nàiseanta Film Dhùn Èideann a’ toirt an cothrom do fhilmeadairean ùr a bhith air am brosnachadh le proifeiseantaich sa ghnìomhachas agus a bhith a’ conaltradh riutha. Thèid prògram de dh’ fhilmichean goirid an sealltainn aig an fhèis bho dhùthchannan a’ Cho-fhlaitheis mus tèid e air turas mu chuairt a’ Cho-fhlaitheas.edfilmfest.org.uk

On the Shore of the MindGabriel Jackson commissioned by Mr McFall’s Chamber18 Ògmhios, Steòrnabhagh, Eilean Leòdhais19 Ògmhios, Brodick, Eilean Arainn22 Ògmhios, Dùn Èideann4 - 6 Iuchar, Lunnainn mar phàirt de New Music Biennial Weekend Celebration1 - 2 Lùnastal, Glaschu mar phàirt de New Music Biennial Weekend CelebrationTha Chamber Mgr McFall a’ comharrachadh ceangalan eachdraidheil le bhith toirt coimisean do Ghabriel Jackson à Bermuda airson cruinneachadh de bhàrdachd a sgrìobhadh mu dheidhinn beatha eileanach leis an da chuid bàird à Alba agus an Caribbean. Tha cuairt-òran le Errollyn Wallen a rugadh ann am Belize a’ toirt an tuilleadh fhaclan agus ceòl le blas a’ Charibbean dhan phrògram. Pàirt de New Music Biennial.newmusicbiennial.com

GRIT:The Martyn Bennett Story Pachamama Productions19 - 22 Ògmhios, Tobair Mhòire, MuilePròiseact com-pàirteil eadar Alba agus Canada a tha ùr agus adhartach. Stèidhichte air beatha agus ceòl inntinneach fear-ciùil Albannach cho tuiseil agus buadhmhor a bh’ ann riamh, Martynn Bennett nach maireann. Air a stiùireadh leis an stiùiriche chliùiteach Cora Bissett agus air a sgrìobhadh le Kieran Hurley, tha an riochdachadh a’ sealltainn dannsa ùr bho Dana Gingras à Montreal agus dannsa leumadach bho Andrew Watson (Cirque Du Soleil). As dèidh dha fosgladh ann an Glaschu aig toiseach an t-Ògmhios thèid GRIT a thaisbeanadh aig Druimin ann am Muile bho 20 -22 Ògmhios còmhla ri meanbh-fhèis-chiùil de luchd-ealain a bh’air am brosnachadh leis an obair aig Martynn, nam measg Lau, Mr McFall’s Chamber agus Sorren MacIlleathain bho 19 -22 Ògmhios.corabissett.co.uk/grit

In My Fathers WordsDundee Rep19 Ògmhios - 26 Iuchar, air feadh AlbaCom-pàirteachadh ùr inntinneach eadar Justin Young agus Iain F. MacLeòid mu na fhèin-fhiosrachadh nan eilthireach a chaidh a Chanada, ag innse sgeòil dhrùiteach athair agus a mhac agus an ath-aithne air cànan agus dearbh-aithne. Air a riochdachadh le Taigh cluiche Rep Dhùn Deagh, air a sgrìobhadh le Justin Young agus air a cho-sgrìobhadh le Iain F. MacLeòid a’ sgrìobh na h-earrainnean Ghàidhlig.dundeerep.co.uk

Glasgow East End Legacy and Engagement EventsGlasgow Life21 Ògmhios, Glaschu 20 Iuchar, GlaschuStreath de dh’fhèisean a mhaireas aon latha ann an Ear Thuath Ghlaschu. Tha na tachartasan seo a’ tighinn gu bith mar thoradh air bliadhnaichean de dh’obair eadar bhuidhne ealain ann an Ear Thuath a’ bhaile, air a ruith le Glasgow East Arts Company/ Companaidh Ealain Ear Ghlaschu. Comharrachaidh an tachartas mu dheireadh aca Relay Baton na Banrigh ann an Glaschu. ’S e tachartasan fìor mhòr a tha ’s na thachartasan seo, meud agus samhail nach eilear idir eòlach air a bhith gabhail os làimh sa sgìre.platform-online.co.uk

Commonwealth CeilidhRoyal Scottish Country Dance Society21 Ògmhios, air feadh a’ Cho-fhlaitheisAs bith càite bheil thu san t-saoghal tha Cèilidh a’ Cho-fhlaitheis a’ tòiseachadh aig 19.30 air Disathairne 21 Ògmhios agus a’ leantainn na bannan ùine airson cèilidh 24 uair a thìde a chruthachadh air feadh an t-saoghail airson Geamannan a’ cho-fhlaitheis a chomharrachadh. Bidh 15 danns ann uile gu lèir agus ’s urrainn dhan a h-uile duine pàirt a ghabhail ann an trì dhiubh a chaidh an cruthachadh a dh’aon a ghnothaich. Faodaidh sibh an luchdachadh sìos agus an ionnsachadh roimhe làimh agus ur stoidhle ionadail no nàiseanta a shealltainn anns an eadar-àm. Cuideachd le taic bho Celebrate.commonwealthceilidh.org

(i)landMarc Brew Company21 Ògmhios - 21 Sultain, air feadh an RATha triùir air am fàgail air eilean iomallach gun aca ach càch-a-chèile airson taic. Fhad ’s a tha iad a’ sporghail mun cuairt, tha iad a’ lorg pìosan de charbad air falach bhon ghainmheach - a bheir iad bhon eilean. Tha iad ag obair còmhla airson an t-inneal a chur ri chèile agus a’ tuigse nach giùlain e a h-uile far aca. Tha an cuirm-cluiche ùr dhannsa seo a’ coimhead air aonranachd, nàdar a’ chinne-daoine, innleachdach agus teòmachd agus cnap mòr gainmhich!macbrew.com

Big Big Sing at Choir of the YearGlasgow UNESCOCity of Music22 Ògmhios, GlaschuTha Big Big Sing a’ tarraing còmhla ri Choir of the Year / Còisir na Bliadhna airson bùth-obrach a dannsa agus seinn mhaireas 90 mionaid. Faigh barrachd a-mach mu cheòl a’ Cho-fhlaitheis nuair a chuidicheas stiùiridhean choisir sibh gu bhith cuimhneachadh an toileachas agus an togail-inntinn a gheibh duine bho bhith seinn. Tha do ticead gad leigeil a-steach saor san asgaidh gu farpais Còisir na Bliadhna far an cluinnear na còisirean as fheàrr bho air feadh an RA a’ farpais airson an tiotal chliùiteach seo.bigbigsing.org

Panning for Gold

Alistair Anderson commissioned by Sage Gateshead22 Ògmhios, Gateshead4 - 6 Iuchar, Lunnainn mar phàirt de New Music Biennial weekend CelebrationCom-pàirteachadh gun choimeas eadar fear de na ceòladairean Steel Pan as tàlantaich san RA, an cluicheadair melodeon as aithnichte ann an Sasainn, DJ, dannsair clog agus còmhlain òigridh steel às an RA agus na h-Innseachan an Iar. Pàirt de New Music Biennial.newmusicbiennial.com

RCAHMS and Scottish Documentary Institute23 - 27 Ògmhios, Colaiste Ealain Dhùn Èideann26 Iuchair - 1 Lùnastal, The Briggait, Glaschu6 Lùnastal - 14 Sultain, the Lighthouse, GlaschuFilm ùr air a bhrosnachadh le seann dhealbhan a chaidh an gabhail às an adhar de dhùthchannan a’ Cho-fhlaitheis air an cruinneachadh tron dàrna leth den fhicheadamh linn deug le Directorate of Overseas Survey. Thèid am film a shealltainn a-rithist ’s a-rithist aig pàillean a chaidh a thogail a dh’aon ghnothaich aig Colaiste Ealain Dhùn Èidinn, The Lighthouse agus The Briggait mar phàirt de The Empire Cafe. rcahms.gov.uk

The Flakirk PotFalkirk Community Trust24 Ògmhios, an Eaglais BhreacPròiseact de cheòl thraidiseanta a tha a’ comharrachadh dualchas an Eaglais Bhric a thaobh gnìomhachas, malairt, agus malairt chultar. Tha an ceòladair ainmeil Brian MacNèill a tha aithnichte air feadh an t-saoghail a tilleadh dhan bhaile san d’ thogadh e a dh’obair le sgoiltean agus buidhnean coimhearsnachdan air pròiseact cruthachail a thig gu crìoch le cuirm-cluiche aig Helix mar phàirt de chomharrachadh Relay Baton na Bànrigh.falkirkcommunitytrust.org

Tell Me What Giving Up Looks LikeRobert Softley25 - 28 Ògmhios, GlaschuFios as ùr: cinn latha air an gluasad chun LùnastalAon neach spòrs agus aon neach ealain ciorramach - ag innse mar a thàinig iad gu bhith sna dreuchdan a th’ aca. Thèid na sgilean spòrs aig Robert Softley agus Joe Brown a tha ciorramach an dearbhadh. Cò bhuannaicheas? Dè tha buannachadh a’ ciallachadh? Agus innse dhomh cò ris a tha e coltach a bhith toirt thairis.thearches.co.uk

Journeys to GlasgowJane Godley28 Ògmhios, Sròn Reamhar/Stranraer12 Iuchar, Grianaig19 Iuchar - 3 Lùnastal, GlaschuComharrachadh Co-fhlaitheis de chomas cainnt muinntir Ghlaschu. An dèidh cuairt a ghabhail air feadh na dùthcha a’ cruinneachadh sgeulachdan de dh’ fhèin-fhiosrachadh dhaoine a bhith siubhal a Ghlaschu, tha Janey Godley agus Ashley Storrie a tilleadh a Ghlaschu airson Festival 2014 le sreath de chuirmean-cluiche agus turasan bus comadaidh. Tha seanail air YouTube , faidhlichean fuaim agus filmichean a’ sealltainn an turas a ghabh Janey agus Ashley air feadh Alba agus na sgeulachdan a chuala iad air an t-slighe.journeystoglasgow.com

The RiverBarrowland Ballet28 Ògmhios, Lunnainn20 - 21 Iuchar, GlaschuTha an sgeulachd seo ga h-innse to chuimhneachain is ghluasadan, dannsa, ceòl beò agus òrain. Tha an sgioba de 150 gar toirt air slighe dhrùiteach, an toileachas as e beatha ùr, le seallaidhean air cho tiamhaidh sa tha e soraidh slàn a leigeil ri daoine. Dìreach mar a tha abhainn ga ùrachadh fhèin, sin mar a tha cultar a’ bhaile a tha fàs suas air a bruaichean. Tha The River a’ comharrachadh a’ choimhearsnachd bheothail sin. Thigibh còmhla rinn air bruaichean Chluaidh airson sgeulachdan na h-Aibhne a chluinntinn.barrowlandballet.co.uk

You Run on Tracks, Not RoadsNiraj Chag commissioned by artsdepot29 Ògmhios, Lunnainn4 - 6 Iuchar, Lunnainn mar phàirt de New Music Biennial Weekend celebration1 - 2 Lùnastal, Glaschu mar phàirt de New Music Biennial Weekend CelebrationAnn an Ear Afraga dh’adhbharaich togail rathaidean gun deach na mìltean air slighean thairis air mòr-thìrean. Comharrachaidh Niraj a dhualchas fhèin às na h-Innseachan tro Uganda gu sràidean na RA, a’ cluiche le cànan ciùil trì cultaran gu math eadar-dhealaichte. Pàirt de New Music Biennial.newmusicbiennial.com

International SextetLaura Macdonald29 Ògmhios, Glaschu30 Ògmhios, SruighleaA’ chiad chluiche a-riamh de shianar bho air feadh a’ Cho-fhlaitheis air am brosnachadh le ceòl traidiseanta bho na dùthchannan sin. glasgowconcerthalls.comtolbooth.stirling.gov.ukBaltic Street Adventure PlaygroundCreate Londonbhon Iuchar, GlaschuBhon Iuchar 2014, bidh pàirc cluiche ùr fosgailte do chlann eadar 6 agus 12 ann an Dalmarnock. Tha clann di-beathte tighinn agus falbh agus cluiche mar a thogras iad. ’S e cuid de na rudan as fheàrr a tha còrdadh ri clann sa phàirc seo a bhith ag èigheach sìos pìoban plastaig, a’ sadail poll agus a’ leum far taigh-craoibhe! ’S e pròiseact VELOCITY a th’ ann an Baltic Street Adventure Playground air a libhrigeadh eadar Assemble agus Create London. Air a thòiseachadh le Glasgow Life, Alba Cruthachail, Comhairle Bhaile Ghlaschu, Creative Scotland and Clyde Gateway, tha VELOCITY ag amas air ath-bheachdachadh, càradh agus ath-cheangal a dhèanamh eadar bodhaigean agus inntinn dhaoine sa bhaile, ann an co-theacs nan Geamannan.balticstreetadventureplay.co.uk

The Conference Call of the BirdsEilidh NicAsgaill

1 Iuchar - 17 Lùnastal, GlaschuPròiseact iomadh-ealain airson an teaghlaich air fad a’ comharrachadh na h-iseanan bho nan diofar dhùthchannan agus nàisein sa Cho-fhlaitheas. Air a chruthachadh le Eilidh NicAsgaill bho Fish & Game tha e a coimhead air a bheachd ach gu dè th’ ann a bhith riochdachadh dùthaich agus dè bh’ air tachairt nam biodh eòin air am fiathachadh chun nan geamannan seach daoine.fishandgame.org.uk

Sporting Heads Glasgay!1 Iuchar - 31 Dùbhlachd, GlaschuTaisbeanadh dhealbhan de luchd-spòrs LGBT a tha air innse bho chionn ghoirid dè an gnè. Tha an taisbeanadh seo a’ comharrachadh an àireamh de dhaoine a tha air aire dhaoine a tharraing chun an seo ann an spòrs. A-measg na bhios san taisbeanadh tha Tom Daley, Billie Jean King, Justin Fashanu, Matthew Micham, and Gareth Thomas. Le taic bho Celebrate.glasgay.co.uk

44 Stories2 - 5 Iuchar, GlaschuTha 70 dùthaich uile gu lèir a’ com-pàirteachadh ann an Geamannan a’ Cho-fhlaitheis. Tha 44 dhiubh sin den bheachd gu bheil fearas-feise mì-laghail: ann an cuid a dh’ àitean thèid binn-bàs a chuir air daoine air a shon. A’ tarraing ri chèile sgeulachdan LGBT bho na 44 dùthchannan seo tha seo ag amas air sgeulachdan gaoil innse ann an dòigh cruthachail.drewmakestheatre.comthearches.co.uk

Blood LinesLou Prendergast2 - 5 Iuchar, GlaschuDealbh-cluiche ùr air a sgrìobhadh, stiùireadh agus air a chluiche le Lou Prendergast, tha Blood Lines a’ tarraing air na ceangalan eadar Alba agus a’ Charibbean agus tràilleachd agus cuideachd a’ coimhead air mar a tha cuspairean leithid daonnachd, co-ionnanachd agus dè tha an dàn dhut agus ag eadar-obrachadh le fìrinn leithid gràin-cinnidh, miann an airgid, còraichean bhoireannaich agus ....thearches.co.uk

AiseagMairi Anna NicUalraigle coimisein bho Watercolour Music3 Iuchar, An t-Eilean Sgitheanach1 Lùnastal, Inbhir Nis4 - 6 Iuchar, Lunnainn mar phàirt de New Music Biennial Weekend Celebration1 - 2 Lùnastal, Glaschu mar phàirt de New Music Biennial Weekend Celebration’S e ceangal a th’ ann an Aiseag. Tha ùidh fad beatha a’ cruthachadh slighe eadar a’ Gàidhealtachd agus sluagh Ghàidhlig Chanada. Tha Electronica agus fuaim lorgte, luchd-ciùil à Cape Breatainn agus Gàidhealtachd na h-Alba, còisir Ghàidhlig agus buidheann à Glaschu uile air bòrd le luchd-ciùil Mairi Anna NicUalraig agus Scott Mac a Mhaoilein, agus dealbhadair-ciùil Nick turner agus am bàrd Aonghas MacNeacail. Mar phàirt de New Music Biennial.

New Music Biennial Weekend Celebration – LunnainnPRS airson Music Foundation4 - 6 Iuchar, Ionad Southbank LunnainnPrògram ùr inntinneach le sgrìobhaichean-ciùil agus luchd-ciùil bho air feadh an RA. Thèid 20 pìos a chluich aig dà thachartas sònraichte thairis air samhradh 2014. ’S e PRS airson Music Foundation initiative a th’ ann an New Music Biennial ann an com-pàirteachadh le Comhairle Ealain Shasainn, Alba Cruthachail agus Comhairle Bhreatainn. Thèid fhoillseachadh ann an co-obrachadh le BBC Rèidio 3, NMC Recordings, Southbank Centre agus Glasgow UNESCO City of Music. Tha taic a bharrachd air a thoirt leis an John S. Cohen Foundation, Comhairle Ealain na Cuimrigh, Comhairle Ealain Èirinn a Tuath, Incorporated Society of Musicians, Urras Bliss, Urras Finzi agus Urras Hope Scott.newmusicbiennial.comCommonwealth Youth Circus

Bright Night International4 - 23 Iuchar, air feadh AlbaCluiche inntinneach, annasach a’ toirt sealladh air dè as coltas de shiorcas san latha an-diugh. Tha an companaidh ùr seo air cluicheadairean òga sònraichte a fhastadh eadar 15 agus 24 bliadhna a dh’aois, à Alba agus dùthchannan a’ Cho-fhlaitheis. An dèidh dhaibh trèanadh fad 9 mìosan tha iad a’ coinneachadh Relay Baton na Bànrigh airson tachartasan a thèid an cumail aig diofar àitean air feadh Alba. Cuideachd le taic bho Celebrate.brightnightinternational.com

ScaleScottish Dance Theatre4 - 6 Iuchar, Dùn DeaghA cruth-atharrachadh Dùn Deagh na chanabhas ealain, tha luchd-ealain bho air feadh an t-saoghail còmhla bho na h-ealain fhaicsinneach gu ceòl, fasan, film agus dannsa airson cluiche leis a’ bhaile...agus ur n-inntinn. ‘‘S e HUMAN SCALE a’ chiad cho-obrachadh eadar an dealbhadair-dannsa Fleur Darkin agus an dealbhaiche Alexander Ruth le ceòl ùr air a chruthachadh le The One Ensemble. Tha SCALE: Park a’ toirt cuireadh chun a h-uile duine eadar 0 - 99 a thighinn gu partaidh airson an fhèis a mhaireas aon latha ann an ceàrnag a’ bhaile ann an Dùn Deagh.scaledance.com

Commonwealth Youth Dance FestivalYDance10 - 12 Iuchar, GlaschuTha YDance a’ toirt 36 de na companaidhean dannsa òigridh as fheàrr bho air feadh a’ Cho-fhlaitheis còmhla - a’ chiad Fèis Dannsa Òigridh Co-fhlaitheis riamh. Gheibh luchd-amhairc iomadh-aois an cothrom prògram inntinneach fhèin fhiosrachadh le raon farsaing de dhannsairean òga, tàlantach nam measg, Companaidhean Dannsa Òigridh Nàiseanta Alba, Shasainn agus a’ Chuimrigh. Cuideachd le Taic bho Celebrate.tramway.org

Our Big Gig ScotlandSuperact11 - 13 Iuchar, air feadh AlbaDeireadh sheachdain de cheòl bheò ann an coimhearsnachdan air feadh Alba. Tha Our Big Gig a’ comharrachadh ceòl ionadail aig tachartasan coimhearsnachd, a’ toirt tàlant ùr am bàrr còmhla ri tàlant aithnichte agus a’ toirt an cothrom do dhaoine feuchainn iad fhèin ri ceòl a chruthachadh.ourbiggig.co.uk Assemble: An International Print WorkshopRachel Barron12 Iuchar– 2 Lùnastal, Cnoc a’ GhobhainnBaths, GlaschuPròiseact leis an neach-ealain Rachel Barron anns am faigh daoine den h-uile aois agus comas air com-pàirteachadh le bhith cruthachadh na brataich aca fhèin agus a thèid a thaisbeanadh. Thèid stampaichean agus innealan a dh’aon a ghnothaich a chruthachadh aig bùth-obrach Wasps Studios air Sràid Hanson agus thèid gach bratach a thèid a chruthachadh a chur còmhla airson aon phìos ealain mòr a dhèanamh a thèid a chrochadh aig Amar-snàmh Cnoc a’ Ghobhainn. assemble2014.co.uk

Boomerang Active Events17 Iuchar, Steòrnabhagh, Leòdhas23 – 24 Iuchar, GlaschuTha Boomerang a’ comharrachadh cultaran dualchasach Alba, Astràilia agus Sealan Nuadh. Chaidh a shealltainn bho thùs aig Womad Sealan Nuadh, chaidh a shealltainn aig Sydney Opera House Homeground Festival/ Fèis Homeground Taigh Opera Shidney mus deach a shealltainn aig Festival 2014. Tha 21 luchd-ealain san tachartas uile gu lèir nam measg Breabach (Alba), Moana and the Tribe agus Horomona Horo (Sealan Nuadh), Shellie Morris, Casey Donovan, Aaron Burarrwanga, and Djakapurra Munyarryun (Astràilia). San tachartas bith seinneadairean, ceòladairean agus dannsairean a cheanglas ceòl na pìob le dannsa Haka, guthan Maori le dannsa ceum agus dannsa Aborigine le òrain Ghàidhlig. Cuirm-cluiche iongantach a tha a’ ceangal dualchasan agus chultaran.facebook.com/boomerangprojectxx

The HA Orchestra

Pan African Arts Scotland17 – 18 Iuchar, Glaschu23 Iuchar – 2 Lùnastal, Glaschu‘S e measgachadh a th’ ann an HA Orchestra de cheòl à Afraga às gach ceàrnaidh den dùthaich air a tharraing ri chèile le Pan African Arts Scotland a tha ag amas air a bhith toirt ri chèile fèin fhiosrachaidhean agus am meas a th’aig daoine ann an cultar agus ceòl. panafricanartsscotland.org.uk

Portrait of HomeArpita Shah18 Iuchar – 24 Lùnastal, GlaschuSreath de dhealbhan de theaghlaichean ann an Alba aig a bheil ceangal cultarail ri dùthchannan eile sa Cho-fhlaitheas. Seallaidh an obair seo air na ceangalan a th’ ann ri dùthchannan a’ Cho-fhlaitheis tro dhealbhan teaghlaich aig a bheil an aon sgeulachd a thaobh eilthireachd agus dè tha dachaigh a’ ciallachadh. Comharrachaidh na dealbhan an sgaradh cultarail a th’ ann an Alba agus seallaidh e mar a tha eilthireachd air buaidh a thoirt air fèin-aithne nàiseanta agus cultarail.arpitashah.com

Home Nations ProgrammeTron Theatre17 Iuchar – 2 Lùnastal, GlaschuTha an Tron Theatre a’ toirt thugainn prògram a tha a’ comharrachadh Home Nations air a chuir ri chèile le Liz Lochhead. Bidh mìneachaidhean dramataigeach sa phrògram den obair aig cuid de na bàird as ainmeil san RA agus Èirinn nam measg Dylan Thomas, Seamus Heaney, Carol-Anne Duffy agus Edwin Morgan.tron.co.ukBelow Another SkyScottish Print Network7 Ògmhios – 19 Iuchar, Dùn Èideann18 Iuchar – 15 Lùnastal, GlaschuPrògram air mhuinntireas airson taic a chur ri obair ùr ann an clò le luchd-ealain cliùiteach à Alba agus dùthchannan a’ Cho-fhlaitheis. Cruthaichidh an 20 neach com-pàirt obair às ùr le Scottish Print Network studios air feadh Alba agus gabhaidh iad pàirt ann am prògram a bhios ceangailte ris a seo de thaisbeanaidhean poblach, tachartasan agus bùithtean-obrach. Foillsichidh Glasgow Print Studio taisbeanadh de dh’obair bhon 20 neach-ealain a tha gabhail pàirt sa phrògram. belowanothersky.org

Nelson Mandela International Day ACTSA Alba18 Iuchar, GlaschuLe taic bho Glasgow Life, ann an caidreabhas le South Africa-United Kingdom Seasons 2014 & 2015 agus an Connect ZA Season. Fad latha de dh’obair saor thoileach sa choimhearsnachd le prògram chultarail aig teis mheadhan na gnothach. A’ comharrachadh ceann latha breith Nelson Mandela tha tachartas a thèid a chumail anmoch feasgar aig na Arches le luchd-ciùil an latha an-diugh à Afraga a Deas agus Alba.actsascotland.org.uk

The Four SeasonsAberdeen International Youth Festival, Royston Maldoom agus Tamara McLorg20 Iuchar, Obar DheathainA’ ceangal an t-ainm a th’aig an Ear-Thuath airson ‘‘four seasons in one day’ leis an obair ainmeil aig Vivaldi’s tha cruthadairean dannsa agus dannsairean coimhearsnachd ainmeil Royston Maldoom agus Tamara McLorg a’ tighinn còmhla ri òigridh à siorrachd Obar Dheathain airson an dannsa ùr The Four Seasons.getscotlanddancing.org

During the Games – Festival

Bidh Festival 2014 a’ tairgse fèin fhiosraichidhean sònraichte dhan a h-uile duine a tha airson am baile faicinn dhaibh pèin. Bidh rudan sònraichte anns gach àite a cleachdadh Glaschu agus Abhainn Chluaidh mar àrd ùrlar agus tachartas ann an iomadh àite aithnichte nam measg tarraing coise de na Geamannan. Bidh na ceithir prìomh àitean aig Live Zone Àilean Ghlaschu, Merchant City Festival, Kelvingrove Bandstand agus BBC aig a Chidhe nan làithean spòrsail, sgoinneil dhan a h-uile duine a thig len teaghlaichean le gu leòr ri dhèanamh, sgàilein mòra, cuid dhan bhiadh as fheàrr a gheibhear san dùthaich agus le cuid den luchd-ealain agus cluicheadairean as ainmeil bho air feadh an t-saoghail, Alba agus Glaschu an làthair.

Tha Get Scotland Dancing ag amas air barrachd dhaoine a bhrosnachadh a dhol a dhannsa na riamh roimhe. Airson fios mionaideach air slighean dannsa, Dance-along Movies agus blasad an asgaidh de Get Dancin’ theirig gu:getscotlanddancing.org

’S e fèill sheinn nàiseanta a th’ ann am Big Big Sing. Airson fios air mar a gheibh thu air pàirt a ghabhail ann – Làithean Big Big Sing, bùithtean-obrach, còisirean mòr-shluagh, Song Stages beò agus goireasan air loidhne mar Leabhar Seinn Co-fhlaitheas Mòr Mòr theirig gu:bigbigsing.org

’S e sreath de thaisbeanaidhean sònraichte a th’ ann an GENERATION a tha a’ sealltainn mar a tha leasachadh ealain air a thighinn air adhart anns na 25 bliadhna a dh’fhalbh. Airson fios mionaideach air taisbeanaidhean agus tachartasan a tha a’ gabhail àite air feadh Alba theirig gu:generationartscotland.org

In CommonRecoat19 Iuchar – 3 Lùnastal, GlaschuBheir Recoat còignear luchd-ealain a tha aithnichte gu h-eadar nàiseanta a Ghlaschu airson dealbhan mòra a pheantadh air ballachan ann am prìomh àitean air feadh Ghlaschu. Bidh na dealbhan a’ comharrachadh muinntir a’ Cho-fhlaitheis le bhith beachdachadh air dè th’ ann am fèin aithne. Bidh an obair air a bhrosnachadh tro bhith ag obair leis a’ choimhearsnachd.recoatdesign.com

Dancing CityDance House Glasgow19 Iuchar– 3 Lùnastal, GlaschuA’ comharrachadh baile nach eil na thàmh aig àm sam bith, bheir Dancing City luchd-ealain proifeasanta agus coimhearsnachdan ro chèile airson film inntinneach a dhèanamh. Glacaidh e am baile a’ gluasad, muinntir a’ bhaile aig an obair, a’ gabhail fois agus rin obair làitheil. Thèid am film a shealltainn air feadh Ghlaschu tro Festival 2014. Cùm sùil a-mach air a shon ann an àitean annasach.dancehouse.org

Commonwealth Games Visiting ArtistRoger Palmer23 Iuchar – 3 Lùnastal, NauruBidh an neach-ealain fhaicsinneach Roger Palmer air mhuinntireas agus ag aithris bho Nauru ann an Ceann a Deas a’ Chuain Shèimh, sa phoblach as lugha san t-saoghal le nas lugha na 10,000. Bha uair ann a bha Phosphates air an cladhach bho shalchair eòin mara a’ fàgail muinntir Nauru le teachd-an-tìr cho math sa bha ri fhaighinn san t-saoghal air fad. Tha an t-eilean a-nis an eisimeil Astràilia airson cuideachadh ma gheibh iadsan air prìosan far-thìre a bhith aca ann. Tha luth-chleasaichean à Nauru air buannachadh aig a h-uile gèam Co-fhlaitheis bho thòisich iad a’ com-pàirteachadh ann an 1990.rogerpalmer.info

Mandela Celebration The Hidden GardensTachartas: 19 Iuchar, GlaschuTime Bank: 19 Iuchar – 3 Lùnastal, GlaschuA’ leantainn Latha Eadar Nàiseanta Mhandela (18 Iuchar), thèid latha coimhearsnachd sònraichte a chumail aig na Hidden Gardens a’ comharrachadh aonadh agus atharrachadh air an dualchas chultarail a’ Cho-fhlaitheis.thehiddengardens.org.uk

PERCH Carnival: A Festival of Flying and FallingConfluxAnn an co-bhanntachd le Legs on the Wall (Australia), LUME Teatro (Brazil) agus dealbhaiche-ciùil Stephen Deazley19 – 20 Iuchar, GlaschuÀrd os cionn sràidean a’ bhaile tha cruth a’ coimhead sìos, dà sgiath mhòr air a dhruinn. Air an talamh tha gràisg de bheathaichean annasach a’ gairm air a’ chruth. An sgeith e no an tuit e? Fàilte gu Perch, fèill a tha a’ comharrachadh an gràdh no an gràin a th’ againn de bhith sgeith... agus tuiteam.Le sreathan iongantach, cuid dhiù san adhar, agus còrr is 200 neach cluiche, nam measg cuid den luchd-ealain as aithnichte ann an Alba, coisir mòr shluagh, luchd-cluiche ionadail agus ceangal beò a Bhrasil agus a dh’Astràilia,’s tachartas air leth a th’ ann am Perch. Cluichidh Senior Orchestra of The National Youth Orchestras of Scotland pìos ciùil ùr air a chruthachadh le Stephen Deazley.perchcarnival.comScotland Can Make It!

Panel19 Iuchar – 3 Lùnastal, Glaschu’S e pròiseact no-eisimeil a th’ ann an Scotland Can Make It! airson sia cuimhneachain sònraichte a tha buntainn ri Alba a chruthachadh mar chuimhneachan air gun deach Geamannan a’ Cho-fhlaitheis 2014 a chumail ann. Tha na cuimhneachain air an dealbh le dealbhadairean agus luchd-ealain à Alba agus air an dèanamh ann an Alba. Thèid taisbeanadh poblach, film agus tachartasan eile an cumail mar phàirt de Festival 2014.scotlandcanmakeit.comInternational Artist Initiated

David Dale Gallery and Studios19 Iuchar – 3 Lùnastal, GlaschuAg obair le buidheann de luchd-ealain bho air feadh a’ Cho-fhlaitheis freagraidh sreath de phròiseactan air co-theacs Geamannan a’ Cho-fhlaitheis ann an Glaschu air dè cho cudromach no cho freagarrach sa tha iad air na diofar dhùthchannan tro shùilean luchd-ealain. A’ gabhail àite ann an diofar àitean ann an Ceann an Ear Ghlaschu Ceanglaidh International Artist Initiated na h-ealain fhaicsinneach, ealan-poblach agus irisean mar chomharra air am iomadachd de chultaran a th’ ann gu h-eadar nàiseanta. daviddalegallery.co.uk

Tomorrow Is Always Too LongThe Common Guild19 Iuchar, GlaschuPròiseact ùr leis an neach-ealain Phil Collins a’ cruthachadh sealladh de Ghlaschu bho shealladh na bhuidhnean sin a tha a’ mìneachadh meud fèin-fhiosrachadh a’ chinne-daoine agus gar mìneachadh gu sòisealta. Thèid am film a thaisbeanadh air 19 Iuchar aig Pàirc na Bànrigh mar thachartas aon-oidhche a bhios saor san asgaidh. Suidhichte air measgachadh de sgàilein LED a thèid an cur suas anns an t-seann ghàradh ròsan, le àite suidhe fosgailte le seallaidhean thairis air a bhaile agus an cnoc air fàire. thecommonguild.org.uk

SaltSophie Cooke agus Anne Milne19 – 25 Iuchar, GlaschuPìos bàrdachd fada ann am film goirid: leanaidh Salt slighe Ghlaschu agus a’ Cho-fhlaitheis leis an abhainn mar sholas iùil. Thèid am film a shealltainn ann an Glaschu mar phàirt de Ebb Tide aig an Tall Ship tro Festival 2014 agus ann an àitean eile.clydefilmpoem.wordpress.com

Ebb TideShetland Moving Image Archive19 – 25 Iuchar, GlaschuAnn an Ebb Tide, tha filmeadairean agus luchd-ciùil ag obair leis an Shetland Moving Image Archive airson filmichean ùra a chruthachadh a th’ air am brosnachadh tro na sgeulachdan, turasan, seallaidhean agus rudan a chruinnich muinntir Shealtainn a chaidh thall thairis air bàtaichean a sheòl à Chluaidh. Thèid na filmichean an sealltainn air feadh Shealtainn agus aig an Tall Ship ann an Glaschu san Iuchar.shetlandmovingimage.co.uk

The GamesDick Lee19 & 20 Iuchar, Open Rehearsals, Glaschu24 Iuchar, Glaschu26 July, 24 Lùnastal, Dùn ÈideannComharrachadh de Gheamannan a’ Cho-fhlaitheis tro measgachadh de cheòl, bàrdachd agus dannsa. An teis mheadhan an tachartais iongantach seo tha ceòl ùr bho Dick Lee airson a’ chomhlain Dr. Lee’s Prescription, còmhla ri bàrdachd ùr bho Edinburgh Makar (2008 – 2014) Ron Butlin agus dannsa ùr bhon dannsair ainmeil Alex Rigg.dicklee.org.uk

A River of Stories Visual Statement20 Iuchar The Bridge agus Pàirc Springburn, Glaschu27 – 29 Lùnastal, Platform Theatre, Glaschu28 Iuchar, Àilean Ghlaschu’S e cruinneachadh de sgeulachdan agus bàrdachd bho air feadh a’ Cho-fhlaitheis air a’ chuspair uisge a th’ ann an A River of Stories, a’ comharrachadh an comas a th’aig sgeulachdan clann a’ bhrosnachadh agus a tharraing ri chèile bho dhiofar chultaran. Tha Visual Statement còmhla ri clann-sgoile à ceann an ear a’ bhaile dol a thaisbeanadh ‘The March Of The Hermit Crabs In The Rain’ (Bahamas), ‘Rain Maker’(Botswana), agus ‘Womans World’ (Tuvalu). Bheir Visual Statement toileachas agus togail inntinn dhut tro bhith ceangal a’ chiùil bhon leabhar le ceòl Gàidhlig agus Ceilteach. Le taic bho The Commonwealth Education Trust.vstate.co.uk

Songs of Emigration and the Goldrush: Maryhill’s Trade LegacyMaryhill Burgh Halls20, 22 Iuchar, GlaschuAg obair le còisir agus sgoil às a’ sgìre tha an seinneadair traidiseanta Maeve Mackinnon a’ coimhead air na ceangalan malairt eadar Maryhill, Astràilia agus Canada tro òrain. Bidh cuirm a-muigh, saor san asgaidh ann aig Maryhill Locks air 20 Iuchar agus aig Maryhill Burgh Halls air 22 Iuchar. Le taic bho Celebrate.maryhillburghhalls.org.uk

Blue Block StudioStarcatchers23 Iuchar – 2 Lùnastal, GlaschuAgus aig amannan eile air feadh Alba’S e àite sònraichte airson pàistean bho aois 24 mìos a th’ ann am Blue Block Studio. Tha e a’ toirt an cothrom do phàrantan is pàistean a bhith ag eadar-obrachadh ann an àite tarraingeach, breagha, dòigheil. ‘’S e àite cruthachail a th’ ann airson èisteachd, togail, coimhead, laighe agus làimhseachadh airson inbhich agus pàistean. starcatchers.org.uk

Future News 2014Glasgow Life23 Iuchar – 3 Lùnastal, GlaschuFhad sa bhios Geamannan a’ Cho-fhlaitheis a’ dol bidh Leabharlann Mitchell na Rùm Naidheachd agus afar am bi 40 neach-naidheachd òg à Glaschu ag obair a’ sgrìobhadh agus a deasachadh naidheachdan spòrs. Thèid an obair a luchdachadh suas agus gheibh òigridh air feadh a’ Cho-fhlaitheis an eadar-theangachadh, agus an deasachadh agus an cleachdadh airson na sgeulachdan a thoirt fa chomhair an luchd-èisteachd aca fhèin. britishcouncil.my/future-news-2014

Glasgow’s Wee Doors Open DayGlasgow Building Preservation Trust23 Iuchar, GlaschuLatha sònraichte Doors Open Day a’ ghabhas àite tro àm nan Geamannan. Fosglaidh timcheall air 20 togalach ainmeil sa bhaile an dorsan airson sealltainn dhan mhòr-shluagh an eachdraidh fhalaichte. Cuideachd le taic bho Celebrate.glasgowdoorsopenday.com

Pride HouseLEAP Sports23 Iuchar – 2 Lùnastal, GlaschuÀite LGBT sàbhailte (air a dhealbh le Do Architecture) san Merchant City a’ toirt sealladh farsaing air na Geamannan Spòrs agus Cultar. Cuideachd le taic bho Celebrate.leapsports.org/pride-house

Q PoeticsSkye Loneragan23 Iuchar – 3 Lùnastal, GlaschuTha Q-POETICS a’ suidheachadh bàird agus bàrdachd ann an àitean feitheamh - anns an h-àitean sin far a bheil e ro fhurasta dhuinn toirt thairis. Leis na tha dol air adhart sa bhaile mhòr tha ciudhaichean mar chomharra air soirbheachas agus tha Q-POETICS a’ suidheachadh na luchd-ealain anns na ciudhaichean sin tro Festival 2014. Bheir an neach ealain Skye Loneragan an dòbhrain a-mach a bhith feitheamh - le taghadh de phìosan bàrdachd q-free.qpoetics.com

Roots, Shoots and FruitsScottish Association of Flower Arrangement Societies (SAFAS)23 – 24 Iuchar, GlaschuTha còrr is 70 Buidheann Fhlùran SAFAS bho air feadh Alba a’ tighinn còmhla airson an sgeulachdan de ar cultar agus ar dualchas innse tro mheadhan fhlùraichean. Comharrachaidh an Fhèis Fhlùraichean seo, a thèid a chumail ann an Cathedral Ghlaschu, ar dualchas (Roots), far an deach sinn a-mach dhan t-saoghal (Shoots) agus na choilean sinn (Fruits).safas.org.uk

The Scokendia Ensemble Jamie Munn23 Iuchar – 2 Lùnastal, GlaschuTha an Scokendia Ensemble a’ toirt ceòladairean òga à Alba, Kenya agus na h-Innseachan airson chamber orchestra sònraichte a chruthachadh a cheanglas, a’ chom-pàirticheas agus a chluicheas tro Festival 2014, le tachartasan ann an diofar àitean air feadh Ghlaschu.scokendia.com

Yellow ValleyStarcatchers23 Iuchar – 2 Lùnastal, GlaschuAig amannan eile air feadh AlbaCuirm-cluiche de sgeulachd-ceòlmhor àlainn, ùr a chaidh a chruthachadh a dh’aon a ghnothaich airson clann eadar dhà agus ceithir bliadhna a dh’aois stèidhichte air an leabhar cloinne à Kenya ‘Who’s Calling’ le Charity Waciuma. Thig còmhla rinn fhad a dh’ innseas sinn an sgeulachd seo a-rithist le ceòl beò à Afraga, ceòl eileagtronaigeach agus cluichean beòthail mu nighean bheag agus na beathaichean a tha nan caraidean dhith ‘‘s iad a’ dol a-mach air a chèile air nighean eile agus a caraidean air taobh eile a’ ghlinne.starcatchers.org.uk

Hosts and ChampionsGlasgow Life ann an caidreamh le Oilthigh Shruighlea agus Geamannan Co-fhlaitheis Alba24 Iuchar – 3 Lùnastal, GlaschuA’ comharrachadh airson a’ chiad uair 80 bliadhna de spòrs bho Thasglann Geamannan Co-fhlaitheis Alba. Tha Hosts and Champions a’ comharrachadh 80 bliadhna de chom-pàirteachadh agus euchdan Alba ann an Geamannan a’ Co-fhlaitheis bho thòisich iad ann an 1930 troimhe gu na Geamannan ann an Delhi ann an 2010. Air an tarraing bho Thasglann Geamannan Co-fhlaitheis Alba a th’ air a chumail aig Oilthigh Shruighlea, thèid dealbhan agus stuthan eile a thaisbeanadh airson a’ chiad uair a’ sealltainn mar a bha Alba an sàs san Geamannan còmhla ri bhith gan cumail ann an 1970 agus 1986.sportheritage.wordpress.com

EnduranceA Moment’s Peace24 – 27 Iuchar, Glaschu‘‘S e cuirm-cluiche ùr sònraichte a th’ ann an Endurance le The Women’s Creative Company agus na Arches, ag ath innse sgeulachdan pearsanta agus eachdraidheil bhoireannaich a’ Cho-fhlaitheis a bha nan lùth-chleasaichean. Air a chluich le còrr is 20 boireannach a tha a’ fuireach ann an Glaschu, tha Endurance a’ coimhead air mar a tha an àite a th’ aig boireannaich ann an spòrsa ag atharrachadh, gu dè a tha an luib a bhith com-pàirteachadh aig an ìre seo agus gu bheil dè tha thu a’ riochdachadh a cheart cho cudromach. Cuideachd le taic bho Celebrate.thearches.co.uk

The Empire CaféCollective Architecture agus Louise Welsh24 Iuchar – 1 Lùnastal, GlaschuSealladh air an ceangal eadar Alba agus gnìomhachas tràilleachd sa Chuan Sgìth a Tuath tro chofaidh, siùcar, teatha, cotan, ceòl, na h-ealain fhaicsinneach, òraidean acadaimigeach, bàrdachd, deasbad, bùthan-obrach, cuairtean eachdraidheil, film agus litreachas. Bidh an Empire Café suidhichte sa Bhriggait, dachaigh am Merchant’s Steeple, ann an Glasgow’s Merchant City agus taisbeanar obair cuideachd mar 14–18 NOW.empire-cafe.org

News Just InRandom Accomplice24 Iuchar – 2 Lùnastal, GlaschuGeàrr-chunntas gach oidhche air Geamannan a’ Cho-fhlaitheis - onghail agus tarraing coise gu leòr! Sgeulachd ùr aig gach tachartas le sianar den luchd-comadaidh as fheàrr ann an Alba agus sgioba chliùiteach de sgrìobhadairean, ach le diogan mus bi aca ri bhith deiseil, dh’fhaodadh rud sam bith tachairt! randomaccomplice.com

Scotch HoppersStillmotion24 Iuchar – 3 Lùnastal, GlaschuThig a chluich! Cò? Sibhse – sean is òg!Thèid Sràid Pharnie Street, aig teis mheadhan Glasgow’s Merchant City, a dhèanamh na raon-cluiche le geamannan ùra a thèid an dealbh a dh’aon a ghnothaich airson na fèis - agus airson gach aois. Air a chruthachadh le feadhainn de na dealbhadairean gèam cho tàlantach sa th’ ann san RA, tha Scotch Hoppers stèidhichte air geamannan thraidiseanta agus a’ toirt ath-shealladh air cò ris a tha e coltach a bhith cluich sa bhaile mhòr as t-samhradh - thig le do charaidean no do theaghlach no dìreach nad aonar.stillmotion.co.uk

Anamchara – Songs of FriendshipScottish Opera25 – 27 Iuchar, GlaschuOpera ùr teaghlaich stèidhichte air cuspairean mar ceangalan càirdeil agus na rudan a tha ceangal daoine ri chèile as bith dè an aois a tha iad agus càite an dèan iad an dachaigh. Tha Anamchara – Songs of Friendship air a sgrìobhadh leis an sgrìobhaiche Albannach ainmeil Alexander McCall Smith agus an dealbhaiche ciùil Pippa Murphy, le còrr is 120 luchd-cluiche à Alba, na h-Innseachan, Canada, Sealan Nuadh, Afraga a Deas agus Botswana.scottishopera.org.uk

On Common GroundCitizens Theatre25 – 31 Iuchar, GlaschuTachartas mòr a-muigh le Debajehmujig Storytellers agus Citizens Theatre, a’ gabhail àite aig Gàrraidhean Ròs na Gorbals. Thig sgeulaichean tùsanach bho Eilean Manitoulin, Canada, còmhla ri buidheann à Glaschu airson sgeulachd innse mu choimhearsnachd, teaghlach agus saoghal nàdar.oncommonground2014.co.uk

Year XAidan O’Rourke25 Iuchar, GlaschuA’ comharrachadh deich bliadhna bho chluich Aidan O’Rourke an toiseach Sirius mar phàirt de Celtic Connections, tha Year X a’ tilleadh a-rithist gu na cuspairean a ghluais e an toiseach gus am pìos sin a sgrìobhadh ann an 2004. ‘‘S e meòrachadh ciùil a th’ ann an Year X air an deich bliadhna a dh’fhalbh a’ cluiche agus a’ siubhal air feadh an t-saoghail. aidanorourke.net

Cargo, Camera... Action!Glasgow Film 26 Iuchar, GlaschuTaisbeanadh a-muigh de dh’ìomhaighean gluasadach agus eachdraidh Ghlaschu. Tha Glasgow Film a’ ghabhail thairis bruaichean Abhainn Chluaidh airson latha film sònraichte ri taobh na h-aibhne air a chruthachadh le luchd-ealain, cleasaichean agus filmeadairean a tha a’ comharrachadh am beachd smuaineachaidh ùr inntinneach a th’ aig luchd-ealain cruthachail Ghlaschu. Tha Cargo Camera... Action! a’ taisbeanadh obair ùr le filmeadairean ainmeil agus cleasaichean leithid 85A, Torsten Lauschmann, Chris Leslie, Eilidh NicAsgaill, Minty Donald agus Nick Millar. glasgowfilm.org

Classics Marathon DayGlasgow Life26 Iuchar, GlaschuTha Nicola Benedetti a’ stiùireadh na h-orchestras as fhèarr ann an Alba, luchd-ciùil clasaigeach agus comhlain ann an aon latha mòr de cheòl aig cridhe Geamannan a’ Cho-fhlaitheis air a riochdachadh le Glasgow UNESCO City of Music. Chan fhaca dad den t-seòrsa seo riamh ann an Glaschu: bho Baroque gu Tango, Albannach gu Innseanach, seinn aon neach gu comhlan ciùil cho mòr sa gheibhear. Tha Nicola Benedetti a’ ghabhail os làimh marathon dhith fhèin airson an latha, a’ ruith thairis air agus a’ cluiche trì consairtean le diofar chòmhlain: dùbhlan a cheart cho doirbh ri 26 mìle a ruith.glasgowconcerthalls.com

Commonwealth FlotillaRoyal Yachting Association26 Iuchar, Glaschu250 bàta – am flotilla as motha riamh ann an eachdraidh Chluaidh – a’ seòladh à Grianaig gu Pacific Quay Ghlaschu air 26 Iuchar a’ comharrachadh toiseach nan Geamannan.ryascotland.org.uk

Big Big BIG SingGlasgow UNESCO City of Music27 Iuchar, GlaschuTro Gheamannan a’ Cho-fhlaitheis cumaidh Big Big Sing an cuirm seinn as motha riamh ann an Alba. Agus tha cuireadh aig a h-uile duine den nach biodh tu riamh air seinn no gu bheil thu glè mhath air faodaidh sibh a thighinn a choisir de mhìltean aig Àilean Ghlaschu air 27 Iuchar. Le seinneadairean agus òrain sònraichte bho air feadh a’ Cho-fhlaitheis ‘‘s e cothrom air leth a tha seo a bhith seinn agus com-pàirteachadh ann am Festival 2014.bigbigsing.org

New World DroversLuke Daniels agus Matheu Watson tro choimisean le Gael Music27 – 30 Iuchar, A’ Ghàidhealtachd sna h-Eileanan4 – 6 Iuchar, Lunnainn mar phàirt de New Music Biennial Weekend Celebration1 – 2 Lùnastal, Glaschu mar phàirt de New Music Biennial Weekend Celebration A’ toirt sùil air na diofar rathaidean dròbhaidh no frith-rathaidean a tha fhathast rim faicinn air feadh Alba agus a’ cuimhneachadh air cho cudromach sa bha dròbhadh aig aon àm agus na ceangalan chudromach a bh’ ann eadar na dròbhairean thapaidh seo agus an Saoghal Ùr. Ceri Owen Jones agus Ceri Rhys Matthews air àireamh na bhios a’ cluich. Mar phàirt de New Music Biennial.newmusicbiennial.com

Cèilidh CòmhlaGlasgow Life28 Iuchar, GlaschuTha Cèilidh Còmhla a’ dol air ais dhan Taigh Cèilidh: caraidean, sgeulachdan, òrain is dannsa. Ath obair le measgachadh de luchd-ealain bho dhiofar chultaran tha sgioba Cèilidh Còmhla ah ath-chruthachadh an Taigh cèilidh airson ginealach ùr. Tha gach Cèilidh Còmhla ùr a’ co-èigneachadh luchd-ciùil agus luchd-èisteachd. Thèid tachartas sònraichte de Chèilidh Chòmhla a chumail aig Àilean Ghlaschu mar phàirt de Festival 2014glasgowlife.org.uk/gaelic-arts/CeilidhComhlacometogether

Mirrorball Commonwealth Poetry ProjectSt Mungo’s Mirrorball28 Iuchar- Glaschu17 bàrd, 17 pìosan bàrdachd, 17 spòrsan. Tha 17 de bhàrd Ghlaschu air coimisein fhaighinn airson freagairt air gach spòrs a bhios air a riochdachadh aig Geamannan Co-fhlaitheis Ghlaschu 2014. Thèid am bàrdachd a thaisbeanadh mus tòisich na geamannan tro Festival 2014 agus ann an iris an asgaidh.stmungosmirrorball.wordpress.com

Emancipation ActsGlasgow Life ann an co-bhanntachd le African Caribbean Cultures Glaschu30 Iuchar – 1 Lùnastal, GlaschuComharrachadh coisrigeadh Albannach de Emancipation Day, le cuirmean-cluiche ann an àitean sònraichte sa Merchant City ann an Glaschu a’ coimhead air am pàirt a bh’ aig a’ bhaile ann an tràilleachd sa Charibbean agus san abolition movement. Air a’ stiùireadh le Alan McKendrick, stèidhichte air beachd-smuain bho African Caribbean Cultures Glasgow agus an leabhar aig an neach-eachdraidh Stephen Mullen ‘It Wisnae Us’. emancipationacts.com

Lahore – Ceòl MhòrGlasgow Life30 – 31 Iuchar, GlaschuCo-obrachadh eadar-nàiseanta eadar triùir luchd-ciùil clasaigeach à Pakistani, Chand and Suraj Khan agus cluicheadair Tabla, Dani ‘Kashif Ali’, agus an còmhlan ainmeil Gàidhlig, The Mischa McPherson Trio. Thèid an ceòl ùr a chruthaicheas iad a chluiche air feadh Ghlaschu air 30 agus 31 Iuchar mar phàirt de Festival 2014.mischamacphersontrio.com

Talking HeadsGlasgay!30 Iuchar – 2 Lùnastal, GlaschuCothrom air leth na ceithir Talking Heads fhaicinn – bhon phrògram ainmeil aig Alan Bennett sna 80an a bha coimhead air mar a bha Breatainn (agus an t-saoghal) ag atharrachadh thar aithne. Ceathrar air an glacadh air cùlaibh cùrtair de chomann sòisealta tha dol à bith. Air a stiùireadh le Liz Carruthers. Le taic bho Celebrate.glasgay.co.uk

CurrentsYann Seznec tro choimisean le Fèis Ealain Dhùn Èidinn/ Edinburgh Art Festival31 Iuchar – 30 Lùnastal, Dùn Èideann4 – 6 Iuchar, Lunnainn mar phàirt de New Music Biennial Weekend Celebration1 – 2 Lùnastal, Glaschu mar phàirt de New Music Biennial Weekend Celebration Air a chruthachadh tro na ceudan de ghaotharain air an obrachadh le fios dha rìreabh den aimsir, agus a tarraing air gluasadan gaoithe air feadh a’ Cho-fhlaitheis tha an obair aig Seznec’s a’ coimhead air cuspairean leithid, astar, fios, goireasan ùr agus cuimhne. Bidh Currents suidhichte ann am bocsa poilis air Sràid Easter ann an Dùn Èideann tron Lùnastal le dà thaisbeanadh aig Fèill Ealain Dhùn Èideann. Mar phàirt de New Music Biennial.newmusicbiennial.com

From Scotland With LoveFaction North31 Iuchar, GlaschuFilm aithriseach agus cuirm-cluiche beò le ceòl ùr bho fhear de na ceòladairean as aithnichte ann an Alba, King Creosote no Kenny Anderson mar as fheàrr a dh’aithnichear e . Air a riochdachadh le Faction North Ltd,’s e pìos bàrdachd faicsinneach, drùidhteach, ceòlmhor a tha seo bho Alba chun an t-saoghal air fad. Air a stiùireadh le Virginia Heath, agus cruthaichte bho thasglann an Scottish Screen Archive. As dèidh dha siubhal air feadh Alba thèid am film a thaisbeanadh aig cuirm -ciùil mar phàirt de Festival 2014.fromscotlandwithlovethefilm.com

PRO–AMPaul Towndrow31 Iuchar, GlaschuPròiseact ciùil a’ coimhead air an ceangal eadar luchd ciùil proifeasanta agus iadsan nach eil. Tha am pròiseact a’ ceangal an obair aig dà comhlan ainmeil ann an Glaschu, fear a tha proifeasanta gus fear aca nach eil le ceòl ùr ga chruthachadh leis an saxophonist agus sgrìobhadair-ciùil, Paul Towndrow. Tha an ceòl fhèin stèidhichte air comasan spòrs a lorgar ann an àitean nach sùilichear. glasgowconcerthalls.com

NZ SeasonEdinburgh Festival Fringe Society31 Iuchar – 25 Lùnastal, Dùn ÈideannTha an NZ aig Edinburgh 2014 Fringe a’ taisbeanadh na h-obrach aig còrr is 100 neach-ealain à Sealan Nuadh a’ toirt thugaibh cuirmean-cluiche air leth de dhràma, ceòl, dannsa, luchd-ealain Maori, comadaidh agus tachartasan a thèid an cruthachadh gu sònraichte airson cuid a dh’ àitean. Cothrom air leth do luchd-ealain à Sealan Nuadh an cuid obrach a thoirt fa chomhair an t-saoghail. Le taic bho Creative Sealan Nuadh Cruthachail, Comhairle Ealain Sealan Nuadh. Tha NZ aig Edinburgh 2014 Fringe mar phàirt de dh’ obair nas iomlaine de NZ a thèid a thaisbeanadh air feadh Fèisean Dhùn Èideann. www.nzatedinburgh.com

New Music Biennial 2014 Weekend Celebration – PRS airson Music Foundation1 – 2 Lùnastal, Glasgow Royal Concert Hall Prògram ùr inntinneach bho chruthadairean-ciùil agus cluicheadairean bho air feadh an RA. Thèid 20 pìosan ùr an cluiche aig dà chuirm deireadh-sheachdain sònraichte tron t-samhradh ann an 2014. ‘S e iomairt airson PRS for Music Foundation a th’ ann an New Music Biennial ann an co-bhanntachd le Arts Council England, Alba Cruthachail agus Comhairle Bhreatainn / British Council. Thèid a thaisbeanadh ann an co-obrachadh le BBC Radio 3, NMC Recordings, Southbank Centre agus Glasgow UNESCO City of Music. Tha taic a bharrachd ga thoirt leis an John S. Cohen Foundation, Arts Council of Wales, Arts Council of Northern Ireland, Incorporated Society of Musicians, The Bliss Trust, The Finzi Trust agus Hope Scott Trust.newmusicbiennial.com

Sound to SeaCryptic1 – 2 Lùnastal, GlaschuTha Cryptic, ann an co-bhanntachd le Ionad Saidheans Glaschu, a’ toirt thugaibh Sound to Sea, cuirm air leth de cheòl, dannsa san adhar, cleasan-teine, bataichean agus eile, a thig gu crìoch aig an Canting Basin air Abhainn Chluaidh. ‘’S e oidhche air leth a bhios ann le fheadhainn dha na comhlain as ainmeil ann an Alba : Frightened Rabbit, Treacherous Orchestra, Rachel Sermanni, Miaoux Miaoux, Tiger Style, Bigg Taj, Model Aeroplanes, Oliver Coates, Marie Claire Breen agus an Glasgow Phoenix Choir. Suidhichte air Abhainn Chluaidh ‘s e comharrachadh iomchaidh a tha seo den tàlant air leth a tha ri fhaighinn ann an Alba.cryptic.org.uk

Commonwealth CarnivalClub Noir2 Lùnastal, GlaschuComharraich na Geamannan le Club Noir’s Commonwealth Carnival – a’ ceangal ri chèile stoidhlichean gu math eadar dhealaichte bho air feadh an t-saoghail.clubnoir.co.uk

SA SeasonEdinburgh Festival Fringe Society1 – 25 Lùnastal, Dùn ÈideannTha Assembly a’ toirt thugainn an treas Sreath à Afraga a Deas mar phàirt de 2014 Edinburgh Festival Fringe, air dhèanamh suas le ‘Silent Voice’ bhon South African State Theatre, ‘Hayani’ (a bhuannaich Best New South African Script 2013), an riochdachadh de ‘Race’ le David Mamet le Durban Playhouse, ‘Sunday Morning and The Zulu’ bho Mbongeni Ngema. Mar phàirt de làthaireachd nas motha aig Afraga a Deas aig Fèisean Dhùn Èideann le taic bho na Department of Arts and Culture, South Africa.http://www.assemblyfestival.com

Fèis RoisDeit Ri Innse, GlaschuTha an sgrìobhadair-ciùil John Somerville, air ceòl ùr a chruthachadh stèidhichte air an turas aig The Hector, soitheach a dh’fhàg Ulapul aig am nam Fuadaichean. Sheòl an t-soitheach a dh’Albainn Nuadh far an d’fhuirich mòran a bh’ oirre agus len feadhainn eile orra a dh’ Astràilia. Thèid an ceòl a chluiche le buidheann de cheòladairean òga, sònraichte eadar 16 – 25 bliadhna a dh’aois.feisrois.org.uk

GrindSamuel Bordoli tro Choimisein le Tête à Tête2 Lùnastal, Dùn Bhreatainn4 – 6 Iuchar, Lunnainn mar phàirt de New Music Biennial Weekend Celebration1 – 2 Lùnastal, Glaschu mar phàirt de New Music Biennial Weekend CelebrationA’ snìomh ri chèile spèileadh-bòrd, seinn coisir agus na acoustics sònraichte a gheibhear ann am pàircean spèilidh, tha Tête à Tête agus an sgrìobhaiche-ciùil Samuel Bordoli ag obair còmhla ri spèileadairean agus còisirean às an sgìre airson gleadhraich gu leòr a dhèanamh ann an Glaschu agus Lunnainn. Mar phàirt de New Music Biennial.newmusicbiennial.com

Commonwealth SR:D:Scotland Re: Designed2 Lùnastal, GlaschuTha Scotland Re: Designed (SR:D) a’ toirt thugaibh riochdachadh de na dealbhadairean aodaich as ainmeil ann an Alba agus cluicheadairean ceòl clasaigeach ùr. Air a chumail aig na City Halls, tha SR:D cinnteach a bhith inntinneach dha na sùilean agus dha na cluasan a’ measgachadh tàlant cruthachail cho math ‘s a gheibhear ann an Alba. scotlandredesigned.com

The Journey Beyond the Games / an Turas as dèidh na Geamannan

Nuair a tha na geamannan a’ tighinn gu crìoch agus a tha sinn a beachdachadh air gu bheil 100 bliadhna ann bho thòisich a’ chiad chogadh tha Culture 2014 a’ tòiseachadh air a’ chuairt mu dheireadh den turas, a’ dèanamh air Dùn Èideann agus na Fèisean san Lùnastal, agus gu deireadh sheachdain crìochnachaidh. Bhon tachartas beag ‘Away With The Birds’ air eilean Chanaigh chun an cuirm mu dheireadh ann an Glaschu, East End Social agus an cuirm dhathte Mela ann an Dùn Èideann tha an deireadh sheachdain mu dheireadh na mheasgachadh de Culture 2014.

Tha Scotland Dancing ag amas air barrachd dhaoine a tharraing a-mach a dhannsa ann an Alba na bh’ ann a-riamh roimhe. Airson fios nas mionaidiche air leithid Dance Trails, Dance-along Movies agus blasadan saor san asgaidh de Get Dancin’ theirig gu: getscotlanddancing.org

Thèid Big Big Sing a chumail air feadh na dùthcha. Airson fios a bharrachd air mar a gheibhear air pàirt a ghabhail ann an làithean Big Big Sing, bùthan-obrach, còisirean mòr shluagh, Song Stages agus goireasan air loidhne mar an Big Big Commonwealth Songbook theirig gu: bigbigsing.org

Tha GENERATION na streath de thaisbeanaidhean a’ leantainn an leasachadh ealain thairis air Alba anns na 25 bliadhna a chaidh. Airson fios air taisbeanaidhean agus tachartasan a’ gabhail àite air feadh Alba theirig gu: generationartscotland.org

Commonwealth Jazz Orchestra Edinburgh Jazz agus Blues Festival26 Iuchar, Dùn ÈideannTaisbeanaidh an Edinburgh Jazz & Blues Festival an Commonwealth Jazz Orchestra, far an tig luchd-ciùil bhon Cho-fhlaitheas còmhla ri luchd-ciùil Albannach. Bidh blas làidir a’ Cho-fhlaitheis air an Edinburgh Festival Carnival agus bidh luchd-ciùil ann bho air feadh an t-saoghail agus à Afraga a Deas, Trinidad, na Bahamas, agus Zambia. Le taic bhon Scottish Government Expo Fund.edinburghjazzfestival.com

Letters HomeGrid Iron agus Edinburgh International Book Festival9 – 25 Lùnastal, Dùn ÈideannDè tha dachaigh a’ ciallachadh dhuinn gu sònraichte nuair a tha sinn air falbh bhuaidhe. Tha Edinburgh International Book Festival a’ tighinn còmhla ris an companaidh Grid Iron airson sgrìobhadairean eadar-nàiseanta còmhla ri cuid de na cleasaichean as fheàrr ann an Alba airson turas labhairt, faicsinneach agus ceòlmhor timcheall air Charlotte Square Gardens. Le taic bho Scottish Government Expo Fundedbookfest.co.uk

South African SeasonEdinburgh International Festival9 – 30 Lùnastal, Dùn ÈideannObair a tha a’ comharrachadh 20 bliadhna de democracy ann an Afraga a Deas, a’ fosgladh le ballet ùr, ‘Inala’. Tha an sgrìobhaiche-ciùil Ella Spira air obrachadh còmhla ri Ladysmith Black Mambazo, airson ceòl beò a chumail ri dannsairean bho Rambert and The Royal Ballet, air a chur ri chèile le Mark Baldwin.Tha an suidheachadh beò aig Brett Bailey ‘Exhibit B’ agus ath- a remounting Handspring Puppet Company de ‘Ubu and the Truth Commission’, suidhichte air sgrìobhadh le Alfred Jarry agus tras-sgrìobhadh de South Africa’s Truth and Reconciliation Committee cuideachd mar phàirt den taisbeanadh seo.eif.co.uk

The BridgeAnnie George1 – 25 Lùnastal Dùn ÈideannObair àrd-ùrlar ùr a’ snìomh briathran, fuaim agus dealbhan, cuairtichte le sgeulachd iongantach a’ dol air ais tro eachdraidh teaghlaich bhon latha an-diugh gu sgrìobhadair òg agus sgoileir ann an Kerala, sna h-Innseachan mus d’fhuaireadh fèin-riaghladh. India. A’ dol an aghaidh beachdan an latha agus bochdainn airson na bha san amharc aige a choileanadh tha freastal na ginealaich ri thighinn air an obrachadh a-mach. Tha The Bridge a’ coimhead air mar a tha ar n-eachdraidhean air an innse agus cò dh’innseas iad agus mar a tha beàrnan sa mheadhan air a lìonadh ge b’ e le fìrinn no breugan. Tha e a’ coimhead air cò sinn agus cò dha a bhuineas sinn agus strì airson ciall agus cumhachd an fhir-sgrìobhaidh.anniegeorge.wordpress.comedfringe.com

Where do I end and you beginEdinburgh Art Festival1 Lùnastal – 19 Damhair, Dùn ÈideannTaisbeanadh eadar-nàiseanta de dh’ ealain an latha an-diugh air a chruinneachadh le còignear bho dhùthchannan a’ Cho-fhlaitheis. Tha an tiotal air a thoirt bhon obair aig an Innseanach Shilpa Gupta agus a’ tarraing bheachdan bho air feadh a’ Cho-fhlaitheis agus a’ mion-sgrùdadh na beachdan, ideals agus myths a tha bunaiteach do choimhearsnachd, co-fhlaitheas agus na cumantan. edinburghartfestival.com

World Fringe CongressEdinburgh Festival Fringe Society15 – 17 Lùnastal, Dùn ÈideannTha The World Fringe Congress a;’ toirt ri chèile stiùirichean agus luchd-deasachaidh Fringes bho air feadh an t-saoghail airson beachdan agus fèin-fhiosraichidhean a roinn eatarra. Tha an Congress a’ sireadh co-obrachadh eadar-nàiseanta agus a’ neartachadh coimhearsnachdan Fringe air feadh an t-saoghail. Tha Congress 2014 Congress gu bhith ann an Dùn Èideann bho 15 – 17 Lùnastal nuair a bhios an Edinburgh Festival Fringe ann, far an tàinig a’ chiad Fringe gu bith.worldfringe.com/congressGathered Together

Indepen-dance27 – 30 Lùnastal, GlaschuCumaidh Indepen-dance a’ chiad fhèis dannsa eadar-nàiseanta ann an Alba. Tha an Fhèis ag amas air fios a roinn agus a leasachadh le luchd-obrach fhèisean, a’ cruthachadh dàimhean ealain ùra ann an saoghal na dannsa agus ciorramachd. indepen-dance.org.uk

Air falbh leis na h-eòin | Away with the Birds Hanna Tuulikki29 – 30 Lùnastal, Canaigh Tha Air falbh leis na h-eòin aig Hanna Tuulikki’s a’ coimhead air eòin ann an òrain Ghàidhlig. Air 29 and 30 Lùnastal thèid a chuir air àrd-ùrlar mar gum biodh air cidhe Chanaigh. ’S e Guth an Eòin buille cridhe a’ phròiseict. Air a sgrìobhadh airson buidheann bhoireannaich, tha e a’ riochdachadh obair a chaidh a chlàradh ach ga shnìomh ri chèile ann an dòigh nas fhaide. Tha an ceòl a’ tighinn bho bheatha agus cruth-tìre nan eilean. Tha e a’ sealltainn an càirdeas a th’ ann eadar eachdraidh, dualchas agus dòighean ùra agus an ceangal a th’ann eadar daoine, eòin agus an àrainneachd. awaywiththebirds.co.uk

The King of GhostsEdinburgh Mela29 Lùnastal, Dùn Èideann5 Sultain, Glaschu6 Sultain, Peairt7 Sultain, Inbhir NisCo-obrachadh inntinneach eadar an Scottish Chamber Orchestra, Mela Dhùn Èideann agus an ceòladair ùr Soumik Datta. ’S e obair ùr a th’ ann an The King of Ghosts stèidhichte air am film Innseanach ’Gupi Gayen, Baghi Bayen’, leis an stiùiriche Satyajit Ray. Tha The King Of Ghosts a’ snìomh ceòl traidiseanta Innseanach le measgachadh de dhiofar sheòrsa ceòl eile fhad sa tha pìosan bhon film ga shealltainn. Le taic bho Scottish Government Expo Fund, agus Homecoming Scotland 2014.edinburgh-mela.co.uk

Where You’re Meant To BeAidan Moffat agus Paul Fegan31 Lùnastal, GlaschuIn a celebration of Scotland’s musical and oral traditions, critically acclaimed songwriter and raconteur Aidan Moffat has been busy touring the country with award-winning filmmaker Paul Fegan, an all-star band and a brand new set featuring folk sagas, drinking songs, bawdy ballads and bruised laments. Footage from the shows, the trips, and the characters they met en route provides the groundwork for a feature-length film, directed by Fegan, to be premiered in Glasgow in late August. aidanmoffat.co.uk

3, 6 and 36Sarah LongfieldOctober, GlasgowBeachd teaghlaich cruthachail air tachartas mòr. ’S e dealbh cluiche a th’ ann an 3, 6 and 36 a’ beachdachadh air na geamannan a thighinn dhan bhaile. sarahlongfield.co.uk

The KildasDeirdre NelsonDàmhairTha The Kildas a’ comharrachadh Hiortaich an latha an-diugh ann an Alba, Sealan Nuadh agus Astràilia tro streath dhuaisean. Tro 2014 bheir Deirdre Nelson sùil air eachraidh nan Hiortach agus cruthaichidh i duaisean dhaibh da rèir. Thèid a thaisbeanadh air feadh Alba nas fhaide air adhart tron bhliadhna. thekildas.com

20 PianosMatthew Herbert le coimisein bho Third Ear11 Dàmhair, Falmouth4 – 6 Iuchar, Lunnainn mar phàirt de New Music Biennial Weekend Celebration1 – 2 Lùnastal, Glaschu mar phàirt de New Music Biennial Weekend CelebrationInnsidh am pìos seo sgeulachd fichead piàna bho air feadh an t-saoghail - eadar Steinways ann an àitean ainmeil gu feadhainn ann dachaighean a th’ air a dhol à gleus. Thèid an sgeulachd innse air bòrd shìmplidh a ghabhas a dhèanamh na phiàna le cuideachadh bhon Radiophonic Workshop. Mar phàirt de New Music Biennial.newmusicbiennial.com

The Comedown, the dream is over now the work beginsStephen Hodsden Murray11 Dàmhair – 1 Samhain, GlaschuAnn an spiorad a’ Cho-fhlaitheis agus a’ coimhead air beachd àrsaidh spòrs, farpais agus cultar togaidh Stephen Hodsden Murray a sculptural velodrome / amphitheatre, le car aig The Briggait ann Glasgow. stephenhodsdenmurray.com

Lady Fingers and Empire BiscuitsRosana Cade23 – 25 Dàmhair, GlaschuAnn an 1860 steidhich na Breatannaich an Indian Penal Code, a’ ciallachadh gun robh an aon lagh air feadh na dùthcha gu lèir. An sin bha Section 377 a’ toirmeasg obair feise an aghaidh òrdugh nàdar ga dhèanamh mì-laghail. Bhon uairsin tha seo air daoine a chuir an greim air sgàth obair fearas-feise. An seo tha Rosana Cade a’ coimhead air na beachdan Bhictorianach seo mu fheise agus mar a tha iad air fantainn tro thìm: am measgachadh bheachdan de fhèin aithne anns gach dùthaich; agus a bhuaidh a bh’ aig Beurla air cainnt feise sna h-Innseachan. rosanacadedotcom.wordpress.comthearches.co.uk

converseKate V RobertsonSamhain, GlaschuSreath de chlàraidhean fuaim ann an àitean poblach de chòmhraidhean air an craoladh tro speakers a crochte bho uèirichean telegraf - mar gum biodh a comharrachadh bhrògan crochte thairis air sràidean. Thèid guthan an clàradh aig tachartasan tro na geamannan ach thèid seo a thaisbeanadh às dèidh làimh ann an diofar àitean. Thèid na clàraidhean-fuaim an eadar-theangachadh gu cànain a’ Cho-fhlaitheis agus an glèidheadh ann an leabharlainn agus air loidhne. katevrobertson.com

Toby PatersonDàmhair – Samhain, GlaschuCoimheadaidh Toby Paterson air àrainneachd baile Ghlaschu agus mar a tha i ag atharrachadh ’s i a’ deisealachadh airson Geamannan Co-fhlaitheis 2014. Thèid na dealbhan a thèid a pheantadh an taisbeanadh ann an àitean nach sùilichear air feadh meadhan a’ bhaile nas fhaide tron bhliadhna.themoderninstitute.com

Bystander Stephen BlakeSamhain, Glasgow PresentationSùil fhianais air a’ bhuaidh a bh’ aig Geamannan a’ Cho-fhlaitheis air feadhna dùthcha ro làimh, aig an àm agus às a dhèidh a’ cruthachadh cruinneachadh de dh’òrain ùra. Thèid an clàr fhoillseachadh agus a thaisbeanadh beò ann an Glaschu aig deireadh an t-Samhain.stevenblakemusic.com/Bystander