vi fƏsİl bakı 2019” avropa gənclər olimpiya...

Azərbaycan Respublikası Prezidentinin İşlər İdarəsinin

PREZİDENT KİTABXANASI ───────────────────────────────────────────────────────────────────────────────────

1

VI FƏSİL

"Bakı-2019” Avropa Gənclər Olimpiya Festivalı

MÜNDƏRİCAT

➢ Avropa Gənclər Olimpiya Festivalının 2019-cu ildə Bakı şəhərində keçirilməsi ilə

əlaqədar Təşkilat Komitəsinin yaradılması haqqında Azərbaycan Respublikası

Prezidentinin Sərəncamı (15 may 2018-ci il)

➢ Bakı şəhərində keçirilən Avropa Gənclər Olimpiya Festivalında ən yüksək nəticələrə görə

Azərbaycan Respublikasının idmançıları və onların məşqçilərinin mükafatlandırılması

haqqında Azərbaycan Respublikası Prezidentinin Sərəncamı (30 iyul 2019-cu il)

➢ Avropa Gənclər Olimpiya Festivalının 2019-cu ildə Bakıda keçirilməsi ilə əlaqədar Təşkilat

Komitəsi yaradılıb

➢ Bakıda keçiriləcək Avropa Gənclər Yay Olimpiya Festivalına hazırlıq məsələləri müzakirə

olunub

➢ “Bakı-2019” Avropa Gənclər Yay Olimpiya Festivalına hazırlıq işləri müzakirə edilib

➢ “Bakı-2019” Avropa Gənclər Yay Olimpiya Festivalına hazırlıq işləri müzakirə edilib

➢ “Bakı-2019”a hazırlıqla bağlı Koordinasiya Komissiyasının texniki görüşü keçirilib

➢ Bakıda Olimpiya mədəniyyəti və təhsil proqramının təqdimatı olub

➢ 50 ölkə, 3600-dən çox atlet, 10 idman növü: "Bakı-2019” Avropa Gənclər Olimpiya Festivalı

gələcəyin idman ulduzlarının növbəti zəfər meydanı olacaq

➢ Avropa Gənclər Olimpiya Festivalının məşəli Azərbaycana ötürülüb

➢ İdman ölkəsi avropalı gəncləri gözləyir

➢ Bakıda Avropa Gənclər Yay Olimpiya Festivalı ilə bağlı seminar keçirilib

➢ Avropa Gənclər Yay Olimpiya Festivalının biletləri iyunun 10-da satışa çıxarılacaq

➢ Avropa Gənclər Yay Olimpiya Festivalına hazırlıqla əlaqədar atletika hakimləri üçün növbəti

seminara start verilib

➢ Avropa Gənclər Olimpiya Festivalının Əməliyyat Komitəsi ilə Azərbaycan Televiziyası

arasında saziş imzalanıb

➢ Avropa Gənclər Olimpiya Festivalına 50 gün adlı tədbir keçirildi

➢ Bakı-2019 Avropa Gənclər Yay Olimpiya Festivalının biletləri satışa çıxarılıb

➢ XV Avropa Gənclər Yay Olimpiya Festivalının Əlaqələndirmə Komissiyasının sonuncu

toplantısı keçirilib

➢ Bakı Avropa Gənclər Olimpiya Festivalına ev sahibliyi etməyə hazırdır

➢ Avropa Gənclər Yay Olimpiya Festivalı gənc idmançıların yetişməsində önəmli rol oynayacaq

➢ Azad Rəhimov: XV Avropa Gənclər Yay Olimpiya Festivalı atletlər və idman həvəskarlarının

xatirəsində xoş izlər buraxacaq

➢ Prezident İlham Əliyev Avropa Olimpiya Komitələrinin prezidentini qəbul edib (20 iyul

2019-cu il)

➢ XV Avropa Gənclər Yay Olimpiya Festivalının təntənəli açılış mərasimi keçirilib:

Azərbaycan Prezidenti İlham Əliyev və birinci xanım Mehriban Əliyeva mərasimdə

iştirak ediblər (21 iyul 2019-cu il)

➢ XV Avropa Gənclər Olimpiya Festivalında Azərbaycanı təmsil edəcək idmançıların siyahısı

➢ Gənclər və İdman naziri: Olimpiya Festivalına 6750 bilet satılıb

➢ XV Avropa Gənclər Yay Olimpiya Festivalında güclü idmançılar yarışırlar

➢ İdman gimnastikası üzrə Azərbaycan millisinin məşqçisi: Yetirmələrimin “Bakı 2019”dakı

çıxışından razı qaldım

➢ “Bakı 2019”: Rusiya millisi idman gimnastikası üzrə komanda yarışlarının qalibi olub



2

➢ XV Avropa Gənclər Yay Olimpiya Festivalının üzgüçülük yarışları başa çatıb

➢ “Bakı 2019”: Bu gün kişi və qadın basketbolçuların yarışında finalçılar müəyyənləşəcək

➢ XV Avropa Gənclər Yay Olimpiya Festivalının Əməliyyat Komitəsinin sonuncu mətbuat

konfransı keçirilib

➢ XV Avropa Gənclər Olimpiya Festivalında 38 ölkənin idmançıları medal qazanıblar: Aktivində

23 medal – 10 qızıl, 7 gümüş və 6 bürünc olan Azərbaycan komanda hesabında dördüncü

yerdədir

➢ XV Avropa Gənclər Olimpiya Festivalının təntənəli bağlanış mərasimi keçirilib



3

Avropa Gənclər Olimpiya Festivalına 50 gün adlı tədbir keçirildi

Mayın 31 -də Milli Olimpiya Komitəsi, Təhsil Nazirliyi, Gənclər və İdman Nazirliyi və Avrора

Gənclər Olimpiya FestivalınınTəşkilat Komitəsinin dəstəyi ilə EYOF-a 50 gün adlı tədbir keçirilib. Tədbir

can ilin iyun ayında Bakıda təşkil olunacaq Avropa Gənclər Olimpiya Festivalına dəstək məqsədi ilə həyata

keçirilən “Olimpiya Mədəniyyəti və Təhsil Proqramı təşəbbüsü çərçivəsində təşkil olunub. Tədbirdə Milli

Olimpiya Komitəsinin vitse-prezidenti Çingiz Hüseynzadə, MOK-un baş katibinin müavini Azər Əliyev,

Gənclər və İdman nazirinin müavinləri İsmayıl İsmayılov və Fərhad Hacıyev, Təhsil nazirinin müavini

Firudin Qurbanov, Yasamal Rayon İcra Hakimiyyətinin başçısı Əziz Əzizov, adı çəkilən qurumun digər

rəsmiləri, məktəb kollektivi və şagirdlər iştirak ediblər.

Tədbir çərçivəsində İspaniya krallığını təmsil edən 20 saylı məktəb İspaniya mədəniyyəti və mətbəxi

ilə qonaqları tanış edib. Şagirdlər ölkə mədəniyyətini təmsil edən səhnəciklər və ifalar ilə çıxış edərərək,

tədbiri idmançıların nümunəvi çıxışları ilə rəngləndirdilər.

Proqram Beynəlxalq Olimpiya Komitəsinin Olimpiya Həmrəyliyi Fondunun maliyyə dəstəyi, Milli

Olimpiya Komitəsinin təşkilatçılığı, Bakı- 2019 Avropa Gənclər Olimpiya Festivalı Əməliyyat Komitəsi,

həmçinin Təhsil Nazirliyi, Gənclər və İdman Nazirliyinin köməyi ilə reallaşdırılır. Proqram çərçivəsində

Bakı şəhərindən seçilmiş 49 məktəb Avropa Gənclər Olimpiya Festivalında iştirak edəcək bir Avropa

ölkəsini təmsil edir. Seçilmiş məktəblər təmsil etdikləri ölkələrin tarixi, mədəniyyəti, incəsənəti və idmanını

Azərbaycanda, Azərbaycanı isə qardaşlaşmış məktəblər və digər vasitələrlə Avropada təbliğ edirlər.

* * *

Müasir Olimpiya Hərəkatının yaranmasının 125 illik yubileyinə həsr olunan tədbir Bakı-2019

Əməliyyat Komitəsinin və Azərbaycan Milli Olimpiya Komitəsinin (MOK) təşkilatçılığı, Təhsil

Nazirliyinin dəstəyi ilə təşkil edilib. 1 iyun - Uşaqların Beynəlxalq Müdafiəsi Günündə keçirilən yarışa

“Olimpiya mədəniyyəti və təhsil” proqramının iştirakçısı olan 500 məktəbli də qatılıb. Tədbirdə gənclər və

idman naziri Azad Rəhimov, Milli Olimpiya Komitəsinin vitse-prezidenti Çingiz Hüseynzadə, Təhsil

nazirinin müavini Firudin Qurbanov, MOK-un baş katibinin müavini Azər Əliyev, Bakı-2019 Əməliyyat

Komitəsinin korporativ direktoru Elçin Səfərov, Olimpiya çempionları, idman ictimaiyyətinin

nümayəndələri və digər qonaqlar iştirak ediblər.

Gənclər və İdman naziri Azad Rəhimov yarışa hazırlığın plana uyğun getdiyini qeyd edərək deyib:

“Bugünkü tədbirdə uşaqların iştirakı çox vacibdir. Çünki biz texniki və əməliyyat tədbirləri ilə yanaşı, uşaq

və yeniyetmələr arasında idmanın təbliğini qarşımıza məqsəd qoymuşuq. Biz mümkün qədər çox uşağın

idmana maraq göstərməsini və sağlam həyat tərzi sürməsini istəyirik”.

Milli Olimpiya Komitəsinin vitse-prezidenti Çingiz Hüseynzadə çıxışında müasir Olimpiya

hərəkatının 125 illik yubileyinin Avropa Gənclər Olimpiya Festivalının başlamasına 50 gün qalması

münasibətilə təşkil olunan bu tədbirlər eyni günə təsadüf etməsindən məmnunluğunu bildirib: “Dostluğu,

qarşılıqlı hörməti, sülhü və mükəmməlliyi özündə ehtiva edən Olimpiya hərəkatı dərin məna və məzmuna

malikdir. Məhz bu səbəbdən Bakıda keçiriləcək XV Avropa Gənclər Olimpiya Festivalı ölkəmiz üçün tarixi

əhəmiyyət daşıyır”.

Təhsil nazirinin müavini Firudin Qurbanov Avropa Gənclər Olimpiya Festivalı və onun irsi

çərçivəsində həyata keçirilən “Olimpiya mədəniyyəti və təhsil” proqramının məktəblilər üçün

əhəmiyyətindən söz açıb. O, bildirib ki, belə beynəlxalq proqramlar məktəblilərin hərtərəfli inkişafında,

onların dünyagörüşünün formalaşmasında misilsiz rola malikdir.

Tədbirdə “Zirvələrə doğru” idman kampaniyasına start verilib. Kampaniya çərçivəsində 13-16 yaşlı

yeniyetmələr basketbol, velosiped idmanı, atletika, tennis və üzgüçülük yarışlarında güclərini sınayacaqlar.

Beş həftə ərzində federasiyaların hər biri bütün iştirakçılar üçün “açıq qapı” günləri elan edəcək.

Avropa Gənclər Olimpiya Festivalı Əməliyyat Komitəsinin korporativ direktoru Elçin Səfərov ən

yaxşı nəticə göstərən uşaqların Bakı-2019-da iştirak etmək və festivalı yaxından izləmək imkanı

qazanacaqlarını bildirib. O, idmanı sevən bütün uşaqların bu turnirə dəvət olunduğunu vurğulayıb. Qeyd

edib ki, uşaqlar burada idmançılar, məşqçilərlə şəxsən tanış ola və onlardan çox vacib məsləhətlər ala

biləcəklər.

Tədbirdə atletika, basketbol, tennis, üzgüçülük və velosiped idman növləri üzrə milli federasiyalar

həmin növlər üzrə interaktiv təqdimatlar edib.



4

Sonra müasir Olimpiya hərəkatının və Beynəlxalq Olimpiya Komitəsinin təsis olunmasının 125 illik

yubileyi münasibətilə Atletlər kəndində kütləvi qaçış yarışı təşkil edilib. Avropa Gənclər Olimpiya

Festivalının layihəsi olan “Olimpiya mədəniyyəti və təhsil” proqramında iştirak edən və 49 təhsil

müəssisəsini təmsil edən 500 məktəbli finiş xəttinə birinci çatmaq üçün yarışıb.

Turnirin sonunda iştirakçılar və qaliblər Milli Olimpiya Komitəsinin hədiyyələri və diplomları ilə

təltif olunublar.

Tədbir çərçivəsində “Olimpiya mədəniyyəti və təhsil” proqramında iştirak edən məktəblilərin

Atletlər kəndinə ekskursiyası təşkil edilib. Uşaqlar festival zamanı Atletlərin məskunlaşacağı, idmançıların

yaşayış, əyləncə və idman zonaları ilə yaxından tanış olublar.

Avropa Gənclər Olimpiya Festivalı iyulun 21-27-də Bakıda keçiriləcək. Yarışlarda iştirak etmək

üçün Azərbaycana 3600-dən çox idmançı və texniki nümayəndə gələcək. Atletlər gimnastika, atletika,

basketbol, velosiped idmanı, həndbol, cüdo, üzgüçülük, tennis, voleybol və güləş yarışlarında qüvvələrini

sınayacaqlar. Festival zamanı 12 idman obyektində 2500-dən çox könüllü fəaliyyət göstərəcək.

Olimpiya dünyası. – 2019. – 4-10 iyun. - № 23. S. 1-2.



5

Bakı şəhərində keçirilən Avropa Gənclər Olimpiya Festivalında ən yüksək nəticələrə görə

Azərbaycan Respublikasının idmançıları və onların məşqçilərinin mükafatlandırılması haqqında

Azərbaycan Respublikası Prezidentinin Sərəncamı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara

alıram:

1. Bakı şəhərində keçirilən Avropa Gənclər Olimpiya Festivalında ən yüksək nəticələrə görə

Azərbaycan Respublikasının idmançıları və onların məşqçiləri aşağıdakı məbləğdə mükafatlandırılsınlar:

1.1. birinci yeri tutan hər bir idmançı - 10 000 manat, onun şəxsi məşqçisi - 5000 manat;

1.2. ikinci yeri tutan hər bir idmançı - 7000 manat, onun şəxsi məşqçisi - 3500 manat;

1.3. üçüncü yeri tutan hər bir idmançı - 5000 manat, onun şəxsi məşqçisi - 2500 manat;

1.4. komandanın baş məşqçisi - idman növü üzrə ən yüksək nəticə göstərmiş idmançıya görə şəxsi

məşqçinin aldığı məbləğ qədər (bir dəfə).

2. Azərbaycan Respublikasının Nazirlər Kabineti bu Sərəncamdan irəli gələn məsələləri həll etsin.

İlham Əliyev

Azərbaycan Respublikasının Prezidenti

Bakı şəhəri, 30 iyul 2019-cu il.



6

Avropa Gənclər Olimpiya Festivalının 2019-cu ildə Bakı şəhərində keçirilməsi ilə əlaqədar Təşkilat

Komitəsinin yaradılması haqqında

Azərbaycan Respublikası Prezidentinin Sərəncamı

Avropa Olimpiya Komitəsinin təşəbbüsü ilə 2019-cu il 20-28 iyul tarixlərində Avropa Gənclər

Olimpiya Festivalının Bakı şəhərində keçirilməsi haqqında qərar qəbul edilmişdir. Bu, Azərbaycanın idman

siyasətinin növbəti qələbəsi və beynəlxalq federasiyaların ölkəmizdə aparılan işlərə, həmçinin idman və

bədən tərbiyəsi sahəsində nailiyyətlərimizə verilən qiymətin daha bir təzahürüdür. Respublikamızın artan

potensialı nəticəsində son illər Azərbaycanda beynəlxalq miqyaslı tədbirlərin, o cümlədən bir çox idman

növləri üzrə dünya və Avropa çempionatlarının, dünya kuboku və Qran-Pri yarışlarının uğurlu təşkilinin

ənənəvi hal alması Avropa Gənclər Olimpiya Festivalının da yüksək səviyyədə keçiriləcəyinə əminlik

yaradır.

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, 2019-

cu il 20-28 iyul tarixlərində Avropa Gənclər Olimpiya Festivalının Bakı şəhərində layiqincə keçirilməsini

təmin etmək məqsədi ilə qərara alıram:

1. Avropa Gənclər Olimpiya Festivalının 2019-cu il 20-28 iyul tarixlərində Bakı şəhərində

keçirilməsi üçün aşağıdakı tərkibdə Təşkilat Komitəsi yaradılsın:

Təşkilat Komitəsinin sədri

Yaqub Eyyubov - Azərbaycan Respublikası Baş nazirinin birinci müavini

Təşkilat Komitəsi sədrinin müavini

Azad Rəhimov - Azərbaycan Respublikasının gənclər və idman naziri, Azərbaycan Respublikası

Milli Olimpiya Komitəsinin vitse-prezidenti

Təşkilat Komitəsinin üzvləri

Yusuf Məmmədəliyev - Azərbaycan Respublikası Prezidentinin Administrasiyasının Gənclər

siyasəti və idman məsələləri şöbəsinin müdiri

Elmar Məmmədyarov - Azərbaycan Respublikasının xarici işlər naziri

Ramil Usubov - Azərbaycan Respublikasının daxili işlər naziri

Kəmaləddin Heydərov - Azərbaycan Respublikasının fövqəladə hallar naziri

Şahin Mustafayev - Azərbaycan Respublikasının iqtisadiyyat naziri

Samir Şərifov - Azərbaycan Respublikasının maliyyə naziri

Mikayıl Cabbarov - Azərbaycan Respublikasının vergilər naziri

Oqtay Şirəliyev - Azərbaycan Respublikasının səhiyyə naziri

Əbülfəs Qarayev - Azərbaycan Respublikasının mədəniyyət naziri

Ramin Quluzadə - Azərbaycan Respublikasının nəqliyyat, rabitə və yüksək texnologiyalar naziri

Ceyhun Bayramov - Azərbaycan Respublikasının təhsil naziri

Səfər Mehdiyev - Azərbaycan Respublikası Dövlət Gömrük Komitəsinin sədri

Mədət Quliyev - Azərbaycan Respublikası Dövlət Təhlükəsizliyi Xidmətinin rəisi

Elçin Quliyev - Azərbaycan Respublikası Dövlət Sərhəd Xidmətinin rəisi

Vüsal Hüseynov - Azərbaycan Respublikası Dövlət Miqrasiya Xidmətinin rəisi

Cahangir Əsgərov - “Azərbaycan Hava Yolları” Qapalı Səhmdar Cəmiyyətinin prezidenti

Etibar Pirverdiyev - “Azərenerji” Açıq Səhmdar Cəmiyyətinin prezidenti

Balababa Rzayev - “Azərişıq” Açıq Səhmdar Cəmiyyətinin sədri

Çingiz Hüseynzadə - Azərbaycan Respublikası Milli Olimpiya Komitəsinin vitse-prezidenti

Anar Ələkbərov - Heydər Əliyev Mərkəzinin direktoru

Vüsal Kərimli - Bakı Nəqliyyat Agentliyinin direktoru

Ülvi Mehdiyev - Azərbaycan Respublikasının Prezidenti yanında Vətəndaşlara Xidmət və Sosial

İnnovasiyalar üzrə Dövlət Agentliyinin sədri

Ağacan Əbiyev - Azərbaycan Respublikası Milli Olimpiya Komitəsinin baş katibi

Xəzər İsayev - Azərbaycan Respublikası Milli Olimpiya Komitəsinin vitse-prezidenti

Azər Əliyev - Azərbaycan Respublikası Milli Olimpiya Komitəsinin baş katibinin köməkçisi

Fərid Mansurov - Olimpiya çempionu.

2. Bu Sərəncamın 1-ci hissəsi ilə yaradılan Təşkilat Komitəsi 2019-cu il 20-28 iyul tarixlərində

Avropa Gənclər Olimpiya Festivalının Bakı şəhərində keçirilməsinə dair tədbirlər planı hazırlayıb həyata

keçirsin.

3. Azərbaycan Respublikasının Nazirlər Kabineti bu Sərəncamdan irəli gələn məsələləri həll etsin.



7

İlham Əliyev

Azərbaycan Respublikasının Prezidenti

Bakı şəhəri, 15 may 2018-ci il.



8

Avropa Gənclər Olimpiya Festivalının 2019-cu ildə Bakıda keçirilməsi ilə əlaqədar Təşkilat

Komitəsi yaradılıb

Prezident İlham Əliyev Avropa Gənclər Olimpiya Festivalının 2019-cu ildə Bakı şəhərində

keçirilməsi ilə əlaqədar Təşkilat Komitəsinin yaradılması haqqında Sərəncam imzalayıb.

AZƏRTAC xəbər verir ki, Sərəncama əsasən sədr, sədr müavini və 26 üzvdən ibarət Təşkilat

Komitəsi Avropa Gənclər Olimpiya Festivalının Bakıda keçirilməsinə dair tədbirlər planı hazırlayıb həyata

keçirəcək.

Baş nazirin birinci müavini Yaqub Eyyubov Təşkilat Komitəsinin sədri, gənclər və idman naziri,

Azərbaycan Respublikası Milli Olimpiya Komitəsinin vitse-prezidenti Azad Rəhimov sədr müavini təyin

edilib.

Avropa Gənclər Olimpiya Festivalı gələn il iyulun 20-28-də keçiriləcək.

AZƏRTAC

2018, 15 may

https://azertag.az/

https://azertag.az/



9

Bakıda keçiriləcək Avropa Gənclər Yay Olimpiya Festivalına hazırlıq məsələləri

müzakirə olunub

İyunun 12-də Gənclər və İdman Nazirliyində nazir Azad Rəhimovun rəhbərliyi ilə 2019-cu il iyulun

20-28-də Bakıda keçiriləcək Avropa Gənclər Yay Olimpiya Festivalına hazırlıq işlərinin müzakirəsi

məqsədilə toplantı keçirilib.

Nazirliyin mətbuat xidmətindən AZƏRTAC-a bildiriblər ki, görüşdə Milli Olimpiya Komitəsinin

vitse-prezidenti Çingiz Hüseynzadə, nazir müavini İsmayıl İsmayılov, nazirliyin idman şöbəsinin müdiri

Fərid Mansurov, idman federasiyalarının rəsmiləri və idman mütəxəssisləri iştirak ediblər.

Nazir Avropa Gənclər Yay Olimpiya Festivalının 1990-cı ildən keçirildiyini, ötən illər ərzində Paris,

Lissabon, Tbilisi və digər şəhərlərdə keçirildiyini, 2019-cu ildə isə paytaxt Bakının bu yarışlara ev sahibliyi

edəcəyini qeyd edib.

Toplantı zamanı bildirilib ki, altı gün davam edəcək yarışlarda iştirak etmək üçün Bakıya 50 Avropa

ölkəsindən 2000 idmançının, 1500-dən çox nümayəndə heyətinin, ümumilikdə 3500-4000 qonağın gələcəyi

gözlənilir.

İdmançılar 10 idman növündə (əsas doqquz, ev sahibi olan ölkəyə əlavə bir idman növü verilir:

atletika, basketbol, velosiped, idman gimnastikası, həndbol, cüdo, üzgüçülük, tennis, voleybol, yunan-

roma, sərbəst güləş), 13 proqram üzrə mübarizə aparacaqlar. Yarışın açılış mərasimi “Baku Crystal Hall”da

keçiriləcək.

Toplantıda yarışların keçiriləcəyi idman arenalarının hazırlığı üçün görülməsi tələb olunan işlər,

idmançıların yarışlara hazırlığı, texniki məsələlər və digər mövzular ətrafında fikir mübadiləsi aparılıb.

Nazir Azad Rəhimov bildirib ki, qarşıda idmançılarımızı mötəbər yarışlar gözləyir. Argentinada

keçiriləcək Yeniyetmələrin Yay Olimpiya Oyunları, Minskdə keçiriləcək Avropa Oyunları və digər

mötəbər idman tədbirlərinin hər biri 2020-ci ildə Tokioda təşkil ediləcək Yay Olimpiya Oyunlarına gedən

yolda mühüm əhəmiyyət daşıyır ki, burada da mübariz və hazırlıqlı olmaq vacibdir.

AZƏRTAC

2018, 12 iyun

https://azertag.az/

https://azertag.az/



10

“Bakı-2019” Avropa Gənclər Yay Olimpiya Festivalına hazırlıq işləri müzakirə edilib

İyulun 10-da Gənclər və İdman Nazirliyində gələn il Bakıda keçiriləcək XV Avropa Gənclər Yay

Olimpiya Festivalına hazırlıq işləri ilə bağlı Əlaqələndirmə Komissiyasının toplantısı keçirilib.

AZƏRTAC xəbər verir ki, toplantıda Azərbaycanın gənclər və idman naziri Azad Rəhimov, Milli

Olimpiya Komitəsinin vitse-prezidenti Çingiz Hüseynzadə, təşkilat komitəsinin üzvləri, eyni zamanda,

yarışa hazırlıq işləri ilə daha yaxından tanış olmaq üçün Bakıda səfərdə olan Avropa Olimpiya Komitəsi

Əlaqələndirmə Komissiyasının rəhbəri, Serbiya Milli Olimpiya Komitəsinin baş katibi Corce Visaçki,

Əlaqələndirmə Komissiyasının üzvü, İslandiya Milli Olimpiya Komitəsinin baş katibi xanım Liney Rut

Xalldorsdottir və Əlaqələndirmə Komissiyasının üzvü, Bosniya və Herseqovina Milli Olimpiya

Komitəsinin baş katibi Said Fazlaqiç iştirak ediblər.

Toplantı zamanı “Bakı-2019”a hazırlıqla bağlı Təşkilat Komitəsinin gördüyü işlər, idman

yarışlarının cədvəli, Atletlər kəndindəki vəziyyət, Milli Olimpiya komitələri arasında əlaqələrin qurulması,

könüllülərin yarış proqramı və digər mühüm əhəmiyyət kəsb edən məsələlər müzakirə edilib.

Məlumat üçün bildirək ki, Bakıda olduqları müddətdə Avropa Olimpiya Komitəsinin rəsmiləri Milli

Gimnastika Arenası, Bakı Su İdmanı Sarayı, Bakı İdman Sarayı, Atletlər kəndi və bir sıra idman

qurğularında da olacaqlar.

Avropa Gənclər Yay Olimpiya Festivalı gələn il iyulun 20-28-də Bakıda keçiriləcək. Yarışın açılış

mərasimi iyulun 21-də təşkil olunacaq. Ümumilikdə 50 Avropa ölkəsindən 3 min 600-dən çox idmançı və

texniki nümayəndə heyəti yarışa qatılmaq üçün ölkəmizə təşrif buyuracaq. On idman növü üzrə (bədii

gimnastika, atletika, basketbol, velosiped, həndbol, cüdo, üzgüçülük, tennis, voleybol, güləş) keçiriləcək

yarışlara ümumilikdə 2500-dən çox könüllü cəlb olunacaq.

Qeyd edək ki, Avropa Gənclər Festivalının ideyası gənclərə Olimpiya hərəkatını tanıtmaq, Olimpiya

dəyərləri və ideallarını öyrətmək məqsədilə Avropa Olimpiya Komitəsinin sabiq prezidenti Jak Roq

tərəfindən 1990-cı ildə irəli sürülüb. Festival 14-18 yaş arasında gənc Avropa atletləri üçün yüksək

səviyyəli çox idman növlü tədbirdir. Birinci festival 1991-ci ildə Belçikanın paytaxtı Brüsseldə keçirilib.

Bu tədbir iki ildə bir dəfə, cüt deyil, tək illərdə qışda və yayda keçirilir. Avropa Gənclər Olimpiya Festivalı

Avropa Olimpiya Komitəsinə aiddir və Beynəlxalq Olimpiya Komitəsinin himayəsi ilə Avropa Olimpiya

Komitəsi adından təşkil olunur.

Xatırladaq ki, festivala ev sahibliyi edən ölkə bütün yarışlarda əvvəlcədən kvalifikasiya raundu

olmadan iştirak etmək hüququnu qazanır.

AZƏRTAC

2018, 10 iyul

https://azertag.az/

https://azertag.az/



11

“Bakı-2019” XV Avropa Gənclər Yay Olimpiya Festivalının loqosu təqdim olunub

İyulun 21-də gələn il Bakıda keçiriləcək XV Avropa Gənclər Yay Olimpiya Festivalına rəsmi

gerisayım başlayıb. Bununla əlaqədar “Bakı-2019” Avropa Gənclər Olimpiya Festivalının (AGOF)

Təşkilat Komitəsi tərəfindən turnirin rəsmi loqosu təqdim edilib.

Gənclər və İdman Nazirliyinin mətbuat xidmətindən AZƏRTAC-a bildiriblər ki, “Leo Burnett”

brend agentliyinin dizaynerlərindən ibarət yerli heyətin tərtib etdiyi loqo dostluq, ədalətli oyun və

tolerantlıq ruhunu gücləndirən müasir, dinamik və çevik brendi əks etdirir. Brendin əsas məqsədi

beynəlxalq idman yarışlarına ev sahibliyi edən ölkənin, şəhərin qədim mədəniyyətini, tarixini əks etdirmək,

eyni zamanda, gələn il baş tutacaq idman yarışının bundan əvvəlkilərlə müqayisədə fərqini nümayiş

etdirmək və milyonlarla insanı bir araya gətirən idman tədbirində “Bax və hiss et!” şüarını nümayiş

etdirməkdir.

Bakının irs və mədəniyyətini (od və qədim Azərbaycan naxışı olan butanı), birlik və dostluq

konsepsiyalarını özündə ehtiva edən loqo, eyni zamanda, Azərbaycan paytaxtının möhtəşəm müasir

memarlıq nümunələrini (Alov qüllələri və Heydər Əliyev Mərkəzini) təsvir edir. Parlaq rəngləri canlandıran

bu loqo yarışlara qatılacaq hər bir iştirakçının müsbət enerjisi və Bakının çoxşaxəli gözəlliyini təsvir etdirən

əhatəli çalarlar palitrasından ibarətdir.

Azərbaycanın gənclər və idman naziri, “Bakı-2019” Təşkilat Komitəsinin sədr müavini Azad

Rəhimov bildirib: “Təqdim etdiyimiz bu loqo Azərbaycan mədəniyyətinin təzahürü olmaqla yanaşı, Avropa

Olimpiya Hərəkatının əsl ruhunu və bütün dünyanı ilhamlandıran, milyonlarla insanı bir araya gətirməyi

bacaran idman mübarizəsini əks etdirir. Böyük idman ənənəsi olan, bir çox mötəbər yarışlara yüksək

səviyyədə ev sahibliyi edən Azərbaycan Avropanın gənc atletlərini Bakıda salamlamağı səbirsizliklə

gözləyir”.

AZƏRTAC

2018, 21 iyul

https://azertag.az/



12

“Bakı-2019”a hazırlıqla bağlı Koordinasiya Komissiyasının texniki görüşü keçirilib

İyulun 20-28-də Bakıda keçiriləcək Avropa Gənclər Yay Olimpiya Festivalına hazırlıqla bağlı

görülmüş işlərə nəzər salmaq və gələcək addımları müzakirə etmək məqsədilə Koordinasiya

Komissiyasının texniki görüşü keçirilib.

Gənclər və İdman Nazirliyinin mətbuat xidmətindən AZƏRTAC-a bildiriblər ki, görüşdə gənclər və

idman naziri, “Bakı-2019” Təşkilat Komitəsinin sədr müavini Azad Rəhimov, Avropa Olimpiya Komitəsi

Koordinasiya Komissiyasının sədri Corce Vişaçki və digər nümayəndələr iştirak ediblər.

İki gündür Bakıda səfərdə olan qonaqlar Azərbaycan hökumətinin Avropa Gənclər Olimpiya

Festivalına hazırlıq istiqamətində gördüyü işlərin yüksək səviyyədə olduğunu bildirib, gələcək addımlarla

bağlı fikir mübadiləsi aparıblar. Bakıda olduqları müddətdə qonaqlar Azərbaycan Milli İdman Tibb və

Reabilitasiya İnstitutunda, Azərbaycan Milli Antidopinq Agentliyində və yarışların keçiriləcəyi bir sıra

idman arenalarında olublar.

Görüşdə akkreditasiya prosesi, yarış cədvəlinə uyğun olaraq idmançıların arenalara vaxtında

aparılıb-gətirilməsi, nəqliyyat, təhlükəsizlik, dopinq yoxlamaları, yarışa dair digər mühüm mövzular

müzakirə edilib.

Avropa Gənclər Olimpiya Festivalının açılış mərasimi iyulun 21-də keçiriləcək. Bu günədək 49 ölkə

yarışda iştirakını təsdiqləyib. Ümumilikdə Avropanın 50 ölkəsindən 3600-dən çox idmançı və texniki

nümayəndə heyəti yarışa qatılmaq üçün ölkəmizə təşrif buyuracaq. On iki arenada idmanın on növü üzrə

(bədii gimnastika, atletika, basketbol, velosiped, həndbol, cüdo, üzgüçülük, tennis, voleybol, güləş)

keçiriləcək yarışlara ümumilikdə 2500-dən çox könüllü cəlb olunacaq.

AZƏRTAC

2019, 16 yanvar



13

Bakıda Olimpiya mədəniyyəti və təhsil proqramının təqdimatı olub

Fevralın 21-də Avropa Gənclərinin Yay Olimpiya Festivalının başlanmasına 150 gün qalması

münasibətilə “Hilton” otelində Olimpiya mədəniyyəti və təhsil proqramının təqdimatı keçirilib.

Tədbirdə Prezident Administrasiyasının gənclər siyasəti və idman məsələləri şöbəsinin müdiri Yusuf

Məmmədəliyev, gənclər və idman naziri Azad Rəhimov, təhsil naziri Ceyhun Bayramov, Azərbaycan Milli

Olimpiya Komitəsinin (MOK) vitse-prezidenti Çingiz Hüseynzadə, MOK-un baş katibi Ağacan Abiyev,

baş katibin müavini Azər Əliyev, dövlət və hökumət rəsmiləri, həmçinin Avropa ölkələrinin

Azərbaycandakı diplomatik nümayəndəliklərinin təmsilçiləri iştirak ediblər.

Tədbirdə əvvəlcə Avropa Gənclərinin XV Yay Olimpiya Festivalına, Olimpiya mədəniyyəti və təhsil

proqramına həsr olunmuş film nümayiş etdirilib.

Mərasimdə çıxış edən MOK-un vitse-prezidenti Çingiz Hüseynzadə tədbirin Avropa Gənclərinin

Yay Olimpiya Festivalına 150 gün qalmasına həsr olunduğunu bildirib. O qeyd edib ki, Avropada yeni

layihə olan Olimpiya mədəniyyəti və təhsil proqramı Milli Olimpiya Komitəsi, Təhsil, Gənclər və İdman

nazirlikləri ilə birgə hazırlanıb. Avropa Olimpiya Komitəsinin dəstəyi ilə həyata keçirilən layihənin böyük

əhəmiyyət kəsb etdiyini bildirən vitse-prezident artıq qitənin 25 ölkəsinin bu layihəyə qoşulduğunu qeyd

edərək deyib: “Bu qəbildən tədbirlər Olimpiya Oyunlarında, Yeniyetmələrin Yay Olimpiya Oyunlarında

məktəblilərin iştirakı əvvəllər də təşkil edilib. Ancaq Avropa festivalları tarixində belə bir layihə ilk dəfə

həyata keçirilir. Bununla əlaqədar ekspert qrupu yaradılıb. Yaxşı olar ki, xarici ölkələrin diplomatik

nümayəndələri öz ölkələrində bu proqramın yayılmasına, gənclərin bu layihəyə cəlb edilməsinə dəstək

versinlər”.

Gənclər və idman naziri Azad Rəhimov Azərbaycanın mötəbər idman tədbirlərinə, o cümlədən

birinci Avropa, IV İslam Həmrəyliyi Oyunlarına, 42-ci Ümumdünya Şahmat Olimpiadasına, “Formula 1”

yarışlarına, Avropa, dünya çempionatlarına yüksək səviyyədə ev sahibliyi etdiyini deyib. O əmin olduğunu

bildirib ki, Avropa Gənclərinin Yay Olimpiya Festivalı da ölkəmizdə yüksək səviyyədə təşkil ediləcək. “Bu

gün önəmli bir gündür. Festivalın başlanmasına 150 gün qalır. Bu qısa müddətdə görüləcək çox iş var.

Əminik ki, bu mötəbər idman tədbiri də ölkəmizdə yüksək səviyyədə keçiriləcək. Bu gün Avropa

Gənclərinin Yay Olimpiya Festivalının başlanmasına 150 gün qalması münasibətilə bu mötəbər idman

yarışının talismanları olan Cırtdan və Bəbir ictimaiyyətə təqdim edilib. Maskotlar cəmiyyətdə böyük

maraqla qarşılanıb”, – deyə nazir vurğulayıb.

Nazir əminliklə bildirib ki, talismanlar 25 illik ənənəsi olan çoxnövlü mötəbər idman yarışında –

Avropa Gənclərinin Yay Olimpiya Festivalında idmançıları qələbələrə ilhamlandıracaq, azarkeşlərə xoş

anlar bəxş edəcəklər. Azad Rəhimov xüsusi vurğulayıb ki, Avropa Olimpiya Komitəsinə üzv olan 50

ölkədən 49-u festivalda iştirakını artıq təsdiq edib.

Təhsil naziri Ceyhun Bayramov Azərbaycan dövlətinin ölkəmizdə digər sahələrlə yanaşı, idmana da

yüksək diqqət və qayğı göstərdiyini qeyd edib. O, Olimpiya mədəniyyəti və təhsil proqramının

Azərbaycanda idmanın və təhsilin təbliğində mühüm əhəmiyyət kəsb etdiyini vurğulayıb. Nazir bu

proqramın əsas məqsədinin Avropa ölkələrində yeniyetmə və gənclər arasında əməkdaşlığın inkişaf

etdirilməsi, idmanın, təhsilin, mədəniyyətin, eləcə də Olimpiya hərəkatının təbliği olduğunu bildirib.

“layihə çərçivəsində seçilən 49 məktəbin hər biri Avropanın bir ölkəsinə təhkim olunub. Bakı

məktəbləri təhkim olunduqları Avropa ölkəsinin mədəniyyəti, tarixi, milli və müasir idman növlərini

öyrənəcək, həmçinin qardaşlaşmış məktəblərə Azərbaycan mədəniyyəti, incəsənəti, idmanı haqqında

məlumat vermək imkanı əldə edəcəklər”, – deyə təhsil naziri əlavə edib. Festivalda üç minə yaxın

könüllünün iştirak edəcəyini bildirən C.Bayramov bu mötəbər idman yarışının ölkəmizdə könüllülük

hərəkatının inkişafına da müsbət təsirini vurğulayıb.

Təqdimat mərasimi konsert proqramı ilə davam edib.

Olimpiya mədəniyyəti və təhsil proqramı Bakıda təşkil olunacaq Avropa Gənclərinin Yay Olimpiya

Festivalı irsi çərçivəsində keçirilir. Proqram Beynəlxalq Olimpiya Komitəsinin Olimpiya Həmrəyliyi

Fondunun maliyyə dəstəyi, Azərbaycan Milli Olimpiya Komitəsinin təşkilatçılığı, “Bakı 2019” Avropa

Gənclər Olimpiya Festivalı Əməliyyat Komitəsinin, Təhsil, Gənclər və İdman nazirliklərinin köməyi ilə

həyata keçirilir. Proqramın əsas məqsədi Avropa Olimpiya Komitəsinə üzv ölkələrin gəncləri arasında

təhsili, mədəniyyəti, idmanı və Olimpiya dəyərlərini təşviq etməkdir.

Xalq qəzeti.-2019.-22 fevral.-№43.-S.5.



14



15

50 ölkə, 3600-dən çox atlet, 10 idman növü

"Bakı-2019” Avropa Gənclər Olimpiya Festivalı gələcəyin idman ulduzlarının növbəti zəfər

meydanı olacaq

Elçin Cəfərov

Avropanın idman paytaxtı Bakı bu il bir-birindən daha maraqlı

mötəbər idman yarışlarına evsahibliyi edəcək.

Belə ki, Azərbaycan aprelin 26-28-də "Formula-1” Azərbaycan Qran-prisinə, mayın 29-da UEFA

Avropa Liqasının final qarşılaşmasına, iyulun 20-28-də isə XV Yay Avropa Gənclər Olimpiya Festivalına

evsahibliyi etməklə tarixini daha möhtəşəm nailiyyətlərlə zənginləşdirəcək. Həmin yarışlar ərəfəsində

milyonlarla insanın qəlbi Bakıda döyünəcək. Bu mühüm hadisələr bir daha nümayiş etdirir ki, Azərbaycan

dünyanın qabaqcıl idman ölkələri sırasında öz layiqli yerini tutmaqdadır.

Niyə məhz Azərbaycan?

Son dörd ildə bir-birini əvəzləyən idman yarışları Bakının daha böyükmiqyaslı yarışlara evsahibliyi

etmək imkanlarını artırıb. Ölkəmizin mötəbər idman yarışlarını keçirməsinin arxasında da məhz

Azərbaycanın inkişafı, müasir infrastrukturu və təhlükəsiz ölkə olması amili dayanır.

İyulun 20-28-də təşkil olunacaq XV Yay Avropa Gənclər Olimpiya Festivalını Bakıda keçirmək

hüququnu əldə etməsi dünya idman ictimaiyyətinin ölkəmizə marağının artmasından irəli gəlir.

2018-ci il mayın 15-də Azərbaycan Prezidenti İlham Əliyev Avropa Gənclər Olimpiya Festivalının

2019-cu ildə Bakı şəhərində keçirilməsi üzrə Təşkilat Komitəsinin yaradılması haqqında sərəncam

imzalayıb. Təşkilat Komitəsinin ötən bir il ərzində məqsədyönlü fəaliyyəti digər təşkilatlara örnəkdir.

Çünki festivala 3 aydan bir az çox vaxt qalmasına baxmayaraq, cəsarətlə deyə bilərik ki, Avropa ölkələrinin

federasiya nümayəndələri, idmançıları, şəhərimizin qonaqları burada aparılan hazırlıq işlərindən, onlar

üçün yaradılan ideal şəraitdən, insanlarımızın qonaqpərvərliyindən, bir-birindən modern idman

arenalarından, xüsusən də təntənəli açılış mərasimindən heyrətə gələcəklər.

Gənc idmançıları bir araya gətirən yarış

Avropa Gənclər Festivalı ideyası gənclərə Olimpiya hərəkatını, dəyərlərini və ideallarını öyrətmək,

təbliğ etmək üçün Jak Roq tərəfindən 1990-cı ildə irəli sürülmüşdü. 14-18 yaşlılar arasında gənc avropalı

idmançıları bir araya gətirən yarış ilk dəfə 1991-ci ildə Belçikanın paytaxtı Brüsseldə keçirilib. İki ildə bir

dəfə (cüt deyil, tək illərdə) - qışda və yayda keçirilən Avropa Gənclər Olimpiya Festivalı Beynəlxalq

Olimpiya Komitəsinin himayəsi ilə Avropa Olimpiya Komitəsi adından təşkil olunur. Festival digər

qitələrdə keçirilən Asiya Gənclər Oyunları və ya Panama Gənclər Oyunları kimi ənənəni həmçinin

Avropada davam etdirmək imkanını yaradır.

Festivala evsahibliyi edən ölkə bütün yarışlarda əvvəlcədən təsnifat mərhələsi olmadan iştirak etmək

hüququnu qazanır.

Paytaxtımızda təşkil olunacaq və yeddi gün davam edəcək yarışın açılış mərasimi 21 iyul tarixində

olacaq. Avropa Olimpiya Komitəsinin 49 nümayəndə heyətinin rəhbəri yarışa gələcəklərinə dair təsdiq

veriblər. Ümumilikdə 50 Avropa ölkəsindən 3600-dən çox idmançı və texniki nümayəndə heyəti yarışa

qatılmaq üçün ölkəmizə gələcək.

12 arenada 10 idman növü üzrə (bədii gimnastika, atletika, basketbol, velosiped, həndbol, cüdo,

üzgüçülük, tennis, voleybol, güləş) keçiriləcək yarışlara ümumilikdə 2500-dən çox könüllü cəlb olunacaq.

Yarışın talismanları

"Bakı-2019”un rəsmi talismanları Cırtdan və Bəbirdir. Tərcümədə "kiçicik” mənası daşıyan Cırtdan

Azərbaycanda uşaqların ən populyar nağıl personajıdır. Həmyaşıd olan digər uşaqlardan balaca olmağına

baxmayaraq, Cırtdan öz cəsarətindən və zəkasından ilhamlanır. O, güclü milli özünəməxsusluğu, dərrakəsi,

hazırcavablığı, mübarizliyi və digərlərinə rəğbəti ilə seçilir. Nağılların birində Cırtdan Divin başını qataraq,



16

özünü və dostlarını xilas edir. O göstərir ki, gənc və balaca olmasına baxmayaraq, qorxmaz qəhrəman ola

bilər.

Qafqaz bəbiri isə Azərbaycanın füsunkar təbiətinin zənginliyini təşviq edəcək. Qafqaz bəbiri

Azərbaycan faunasında ən yaxşı tanınan və haqqında geniş məlumat olan heyvan növlərindən biridir.

Azərbaycan mifologiyasında bəbirin şəklinə tez-tez rast gəlmək olar. Bu heyvan təbii gözəllik, güc,

qorxmazlıq və sürət rəmzidir. Keçmişdə Qafqazda geniş yayılmış bəbir hazırda yoxa çıxmaq üzrədir və

Azərbaycanda, eləcə də regionda qorunan ən prioritet cinslərdən birinə çevrilmişdir.

Dünya Vəhşi Təbiət Fondunun məlumatına görə, Azərbaycanda Qafqaz bəbirinin sayı 15-dən də

aşağı düşmüşdür. 2014-cü ildə Azərbaycanın IDEA (Ətraf Mühit naminə Beynəlxalq Dialoq) İctimai

Birliyi və bəbirlərin qorunması ilə məşğul olan "Pantera” adlı dünyanın aparıcı təşkilatı arasında gələcək

əməkdaşlığa dair anlaşma memorandumu imzalanıb. Memoranduma əsasən Azərbaycanda bəbirlərin

yaşayış şəraitinin qiymətləndirilməsi və gələcək nəsillər üçün bu heyvanların qorunması məqsədilə xüsusi

monitorinq proqramı tərtib edilmişdir.

"Bakı-2015”dən "Bakı-2019”adək

Ümumiyyətlə, Azərbaycan böyük beynəlxalq yarışların keçirilməsi və ən yüksək səviyyədə təşkili

cəhətdən artıq kifayət qədər təcrübəyə malikdir. "Bakı-2015” I Avropa Oyunları, IV İslam Həmrəyliyi

Oyunları, "Formula-1” yarış günlərində həyata keçirilən təşkilatçılıq işlərinə, möhtəşəm idman

bazalarımıza, bütün əlaqədar təşkilatların birgə səylə nümunəvi fəaliyyətinə heyranlıqlarını gizlədə

bilməyən xarici ölkə mütəxəssisləri, milli olimpiya komitələrinin rəhbərləri və üzvləri, ayrı-ayrı beynəlxalq

federasiyaların nümayəndələri gələcəkdə öz ölkələrində mötəbər beynəlxalq yarışlar keçirməyə

hazırlaşarkən Bakının təcrübəsindən istifadə edəcəklərini söyləyirdilər. Eyniliklə bu kimi fikirlərə

Olimpiya festivalına gedən hazırlıq prosesi çərçivəsində də rast gəlmək mümkündür.

Təşkilatçılıqla yanaşı, ölkələrin idman sahəsində qazandıqları nəticələr də çox vacib amillər

sırasındadır. Sevindirici haldır ki, idmançılarımız həmişə onlara göstərilən etimadı doğruldublar. Dörd il

öncə paytaxtımızda təşkil edilən və Avropa Oyunlarının standartlarını müəyyənləşdirən "Bakı-2015” eyni

zamanda idmançılarımız üçün ən böyük qələbə meydanı oldu. Avropanın 50 ölkəsindən 6000-dən çox

idmançının iştirak etdiyi yarışlarda Azərbaycan atletləri 21-i qızıl, 15-i gümüş, 20-si bürünc olmaqla 56

medal qazanaraq 2-ci yeri tutublar.

IV İslam Həmrəyliyi Oyunlarında idmançılarımız elə bir möhtəşəm uğura imza atdılar ki, bu, hələ

uzun müddət yaddaşlardan silinməyəcək. Belə ki, atletlərimiz 162 medalla (75 qızıl, 50 gümüş, 37 bürünc)

"Bakı-2017”nin ən güclüləri oldular.

10 Olimpiya festivalında iştirak, 17 qızıl medal

Azərbaycan təmsilçiləri Olimpiya festivallarında 1993-cü ildən çıxış etməyə başlayıblar.

Atletlərimiz indiyədək iştirak etdikləri festivallarda yüksək nəticələr qazanıblar. Bu yarışlarda uğurlar

əsasən cüdo və atletika idman növlərində əldə olunub. Azərbaycanın yeniyetmə idmançıları buna qədər

keçirilmiş Avropa Yeniyetmələrinin 13 Olimpiya festivalından 10-da iştirak edib və ümumilikdə 45 medal

(17 qızıl, 10 gümüş 18 bürünc) qazanıblar. Bu idman yarışlarında əldə olunmuş 45 medaldan 38-i

cüdoçularımızın (13 qızıl, 9 gümüş, 16 bürünc), 7-si isə atletlərin (4 qızıl, 1 gümüş, 2 bürünc) payına düşür.

Xatırladaq ki, 2015-ci ildə Gürcüstanın paytaxtı Tbilisidə təşkil olunan XIII Avropa Gənclərinin

Olimpiya Festivalı atletlərimiz üçün uğurlu olmuşdu. İdmançılarımız 2 qızıl, 1 gümüş və 2 bürünc medal

qazanmaqla ümumi turnir cədvəlində 22-ci yeri tutublar.

2017-ci ildə Macarıstanın Gyor şəhərində keçirilən Yeniyetmələrin sayca 14-cü Olimpiya

Festivalında isə qitənin 50 ölkəsindən 3600-ə qədər idmançı medallar uğrunda mübarizə aparıb.

Komandamız yarışın yekununda 50 ölkə arasında 33-cü yeri tutub. 41 idmançı ilə turnirə yollanan

yığmamız iki medalla kifayətlənməli olub. Cüdoçulardan 40 kq çəki dərəcəsində yarışan Vüsalə Kərimova

festivalın gümüş medalına layiq görülüb. Adil Kərimli isə (-90 kq) bürünc medal qazanıb.

Rusiya yığması 30 qızıl, 19 gümüş və 12 bürünc medalla ümumi komanda hesabında birinci yeri

tutub. 14 qızıl, 11 gümüş, 13 bürünc medal əldə edən İtaliya millisi ikinci olub. Ev sahibləri isə festivalda

13 qızıl, 14 gümüş və 14 bürünc medala yiyələniblər.

Bu hələ son deyil. Qarşıda daha bir turnir və qazanılacaq medallar var. İnanırıq ki, XV Avropa

Gənclər Olimpiya Festivalı Azərbaycan idmançılarının doğma divarlar arasında növbəti zəfər meydanı

olacaq.



17

Azərbaycan.-2019.-5 mart.-№52.-S.1,8.



18

Avropa Gənclər Olimpiya Festivalının məşəli Azərbaycana ötürülüb

Aprelin 12-də İtaliyanın paytaxtı Romada, IX əsrdə dostluq və qardaşlıq simvolu olaraq İmperator

Avqusto tərəfindən tikilmiş Ara Pasis muzeyində bu il iyulun 20-28-də Bakıda keçiriləcək Avropa Gənclər

Olimpiya Festivalının məşəlinin yandırılması və Azərbaycana ötürülməsi, eyni zamanda, oyunların

simvolu olan kiçik “zeytun ağacı” Azərbaycana təqdim edilməsi mərasimləri keçirilib.

Tədbirdə Azərbaycanı Milli Olimpiya Komitəsinin (MOK) vitse-prezidenti Çingiz Hüseynzadə,

gənclər və idman naziri Azad Rəhimov, MOK baş katibinin müavini Azər Əliyev və Avropa Gənclər

Olimpiya Festivalına məsul digər rəsmilər təmsil ediblər.

Proqrama əsasən əvvəlcə nazir Azad Rəhimov, MOK-un vitse-prezidenti Çingiz Hüseynzadə,

Avropa Olimpiya Komitələrinin (AOK) prezidenti Janez Koçijançiç, AOK Koordinasiya Komissiyasının

sədri Corce Vizaski, İtaliya Olimpiya Komitəsinin prezidenti Ciovanni Malaqonun iştirakı ilə mətbuat

konfransı keçirilib. Müxtəlif media qurumlarının iştirakı ilə təşkil edilən mətbuat konfransında Bakıda

iyulda keçiriləcək 15-ci Avropa Gənclər Olimpiya Festivalına hazırlıq prosesi, görülmüş işlər və nəzərdə

tutulan planlarla bağlı suallar verilib.

Media nümayəndələrinin diqqətinə çatdırılıb ki, Azərbaycan bundan əvvəl bir sıra mötəbər tədbirlərə

ev sahibliyi edib və kifayət qədər yüksək təcrübəyə malik bir ölkədir. Bildirilib ki, 15-ci Avropa Gənclər

Olimpiya Festivalı iyulun 21 -də Bakıda start götürəcək və Oyunlar üçün yeni idman arenaları tikilməyəcək.

İdmançılar 12 idman qurğusunda 10 idman növündə mübarizə aparacaqlar. Bundan əvvəl bir sıra mötəbər

tədbirlərə ev sahibliyi etmiş “Baku Crystal Hall” bu il açılış mərasiminin keçiriləcəyi məkan olacaq. Eyni

zamanda, media nümayəndələrinə Avropa Gənclər Olimpiya Festivalının loqosu, daşıdığı məna, bununla

yanaşı, maskotlar - cırtdan və Qafqaz bəbiri haqqında da məlumat verilib. Artıq könüllülərin seçiminin

yekunlaşdığı, onlar üçün təlimlərin başlanıldığı, 3600 könüllünün yarışlara cəlb olunduğu və oyunlara

hazırlıqla bağlı digər məqamlar diqqətə çatdırılıb.

AOK-nin prezidenti Janez Koçijançiç Azərbaycanın bu oyunlara çox yüksək səviyyədə

hazırlaşdığını deyib və Avropa Gənclər Olimpiya Festivalının möhtəşəm şəkildə gerçəkləşəcəyinə

əminliyini bildirib.

Sonra tədbirin rəsmi açılış mərasiminə start verilib. Gənclər və idman naziri Azad Rəhimov çıxış

edərək məhz bu gündən etibarən yarışlara 100 gün qaldığı müddətdə tədbirin qədim Romanın dostluq və

sülh rəmzlərini özündə əks etdirən tarixi Ara Pasis muzeyində keçirilməsinin xüsusi məna daşıdığını

diqqətə çatdırıb. Azad Rəhimov 2018-ci ilin mayında dövlətimizin başçısı İlham Əliyevin imzaladığı

Sərəncam əsasında “Bakı 2019” Təşkilat Komitəsinin yaradıldığını bildirib.

Nazir deyib: “Azərbaycan bütün dünyada sönməz odu, Yanardağı ilə məşhurdur. Əbəs yerə ölkəmizi

“Odlar diyarı” adlandırmırlar. Bu gün oyunların məşəlinin məhz bizə, Azərbaycana ötürülməsi idman

alovunun daha da gur yanması, gənclərin ürəyində idmana olan sevgi məşəlinin daha da artması deməkdir.

Bu gecə oyunların məşəli qədim Romadan, tarixi Bakıya - “Odlar diyarı”na gedəcək. Eyni zamanda, qədim

“zeytun ağacı” da Bakıya aparılacaq. Bu ağac sülhün, dostluğun rəmzi olmaqla, Avropa Gənclər Olimpiya

Festivalının dərin köklərini nümayiş etdirir.

Nazir Bakının 15-ci Avropa Gənclər Olimpiya Festivalına hazırlıqları barədə məlumat verib, bundan

əvvəlki illərdə ölkəmizdə keçirilmiş mötəbər idman tədbirləri barədə də danışıb.

Proqramın davamı olaraq, sülhün rəmzi olan “zeytun ağacı” AOK-nin rəsmiləri tərəfindən

Azərbaycan nümayəndə heyətinə təqdim edilib. Bununla yanaşı, təqdimat mərasimində yunan-Roma

güləşçisi, Olimpiya və dünya çempionu Fərid Mansurov, cüdoçu Kəramət Hüseynov və voleybolçu Raziyə

Əliyeva da iştirak ediblər.

Daha çox nəsillərin məşəli bir-birinə ötürməsi kimi xarakterizə olunan mərasimdə Fərid Mansurov

məşəli Yanez Koçijançiçə, o isə gənc Raziyə Əliyevaya təqdim edib.

Romaya səfəri çərçivəsində nazir Azad Rəhimov Vatikan Dövlətinin mədəniyyət üzrə pontifik

şurasının prezidenti kardinal Canfranko Ravazi ilə görüşüb. Görüş çərçivəsində Vatikan tərəfindən tezliklə

yaradılacaq İdman Assosiasiyası “Atletiko Vatican” ilə əməkdaşlığın qurulması, pontifik mədəniyyət

şurasının gənclər təşkilatı, şuranın nəzdində fəaliyyət göstərən Ərəb və İslam Sivilizasiyası Tədqiqi

İnstitutu ilə Azərbaycanın elm və təhsil sahəsində əməkdaşlığının təşkili, hər iki ölkənin gənc

arxeoloqlarının təcrübə mübadiləsi proqramlarının qurulması məsələləri müzakirə olunub.

Olimpiya dünyası. – 2019. – 16-22 aprel. - № 16. – S. 1, 3.



19

İdman ölkəsi avropalı gəncləri gözləyir

Xuraman İsmayılqızı

Standartları Bakıda yazılan Birinci Avropa, IV İslam Həmrəyliyi Oyunlarından sonra

ölkəmizin Avropa Gənclərinin XV Yay Olimpiya Festivalına ev sahibliyi etməsi dünya

sivilizasiyasında humanitar mərkəz, platforma kimi tanınan Azərbaycana maraqdan qaynaqlanır.

Paytaxtımızda iyulun 21-27-də keçiriləcək “Bakı-2019” yarışlarında 50 Avropa ölkəsindən 3600-

dən artıq idmançı və texniki heyət təmsil olunacaq. 12 arenada idmanın 10 növü - bədii gimnastika, atletika,

basketbol, velosiped, həndbol, cüdo, üzgüçülük, tennis, voleybol, güləş üzrə keçiriləcək yarışlara əvvəlki

ənənələrə uyğun olaraq 2500-dən artıq könüllü cəlb ediləcək.

Özünəməxsus ənənələri olan Olimpiya oyunlarının mərasimləri, məşəllərin alovlandırılması

hazırlanmış proqramlar əsasında həyata keçirilir. Avropa Gənclərinin XV Yay Olimpiya Festivalının

simvolu sayılan zeytun ağacı Azərbaycana təqdim olunacaq.

İlk dəfə 1990-cı ildə, Jak Roq tərəfindən irəli sürülən, iki ildən bir (tək illərdə) qışda və yayda

keçirilən Avropa Gənclər Olimpiya Festivalı Beynəlxalq Olimpiya Komitəsinin himayəsi ilə Avropa

Olimpiya Komitəsi tərəfindən təşkil olunur. Bununla da Asiya Gənclər Oyunları və ya Panama Gənclər

Oyunlarında sınanmış ənənələrin davam etdirilməsi imkanları yaranır.

Azərbaycanın olimpiya oyunlarında iştirakı həmişə uğurlu olmuşdur. Müstəqil ölkə kimi ilk dəfə

Atlanta yarışlarında (1996) iştirak edən Azərbaycanın qismətinə 1 gümüş medal yazıldı. Sidney (2000)

görüşü ölkəmizə 2 qızıl, 1bürünc medal qazandırdı. Afinadan (2004) Azərbaycana 5 medalla qayıdan

idmançılarımız Pekin (2008) yarışlarında 1 qızıl, 2 gümüş, 4 bürünc medalla pərəstişkarlarını sevindirdilər.

Azərbaycana uğur gətirməklə idmançılarımızın dünya birliyində tanınmasına səbəb olan London XXX Yay

Olimpiadası daha uğurlu oldu: qaliblər üçün nəzərdə tutulan medallardan 2 qızıl, 2 gümüş, 4 bürünc

qazanmaqla ölkəmizə 10 medalla döndülər.

Çində keçirilmiş yeniyetmələrin Yay Olimpiya Oyunlarında gənclərimiz əlavə aktivlər qazandılar.

204 ölkənin iştirak etdiyi yarışlarda Azərbaycan yeniyetmələri komanda hesabında 10-cu yerə layiq

görüldülər. Bu kimi tarixi nailiyyətlər gənclərimizin idmana maraq və həvəsini daha da artırdı. Azərbaycana

56 medal qazandıran Birinci Avropa Oyunları təsdiqlədi ki, ölkəmizdə perspektivli, güclü idmançılar nəsli

yetişməkdədir. Avropa Oyunlarında iştirak edən idmançıların, qonaqların etiraf etdikləri kimi yarışları

reallığa çevirmək üçün 27 ay ərzində yorulmadan çalışmaq məsuliyyəti hər xalqa nəsib olan keyfiyyət deyil.

İlk Avropa Oyunlarının, Dünya Şahmat Olimpiadasının, 17 yaşadək futbolçular arasında Avropa

çempionatının, bədii gimnastika üzrə Dünya Kubokunun, Formula 1” kimi beynəlxalq yarışların ölkəmizdə

keçirilməsi Azərbaycanda idmanın inkişafına göstərilən diqqəti dünyaya bəyan etdi. Azərbaycana “Bakı-

2017” İslam Həmrəyliyi Oyunlarının qalibi adını qazandıran amillər, bu sahədə qazanılan zəngin təcrübənin

özünü doğrultduğunu göstərdi.

1993-cü ildən etibarən Olimpiya oyunlarında, xüsusilə cüdo və atletika üzrə yarışlarda çıxış edən

idmançılarımız meydançaları çox vaxt qələbə ilə tərk edirlər. Avropa yeniyetmələrinin iştirak etdikləri 13

Olimpiya oyunlarının 10-da iştirak edən idmançılarımız Vətənimizə 17 qızıl, 10 gümüş, 18 bürünc medalla

qayıtmışlar. Tbilisidə, Macarıstanda keçirilən Yeniyetmələrin Olimpiya festivalları da Azərbaycan

idmançıları üçün uğurlu olmuşdur. Qitənin 50 ölkəsindən 3600-dən çox idmançının iştirak etdiyi yarışlarda

komandamız 33-cü yerdə qərarlaşdı.

“Bu gün mən deyəndə ki, Azərbaycan idman dövlətidir, bax, bunu bu səbəblərə görə deyirəm.

Birincisi, bizdə ən müasir idman infrastrukturu yaradılıb və bu infrastruktur imkan verir ki, biz bütün ən

yüksək səviyyəli oyunları keçirək. Avropa Oyunlarının Azərbaycanda keçirilməsi bunun əyani sübutudur.

İkincisi, Azərbaycan idmançıları müxtəlif yarışlarda, Olimpiya Oyunlarında, dünya çempionatlarında,

Avropa çempionatlarında, yeniyetmələrin Olimpiya Oyunlarında həmişə yüksək pillələrdədir. İdmanın

inkişafı və kütləviliyi ilə bağlı da çox düşünülmüş, ardıcıl siyasət aparılır və bu siyasət özünü artıq dəfələrlə

göstərmişdir. Ona görə, əminəm ki, gələcək illərdə də beynəlxalq idman qurumları Azərbaycana həmişə

böyük hörmətlə yanaşacaqlar. Biz də çalışacağıq ki, Azərbaycan idman dövləti kimi gələcəkdə də özünü

göstərsin və öz imkanlarını ortaya qoysun” sözləri ilə ölkəmizdə idmanın inkişafına göstərilən diqqətin

davamlı olacağını bildirən Prezident İlham Əliyevin vurğuladığı kimi medalların sayına görə Birinci

Avropa Oyunlarında qazandığımız ikinci, İslam Həmrəyliyi Oyunlarında birinci yer idman tariximizə

qələbə salnaməsi kimi yazıldı. Dünyada qüdrətli ölkə kimi tanınan Azərbaycan idmançılarının Birinci

Avropa Oyunlarında 56, Rio Yay Olimpiya Oyunlarında 18 medal qazanaraq medalların sayına görə



20

müsəlman ölkələri sırasında birinci yeri qazanması Azərbaycan dövlətinin iqtisadi potensialının,

gənclərimizin istedad və bacarığının məntiqi nəticəsi idi.

“Bizim gənclərimiz idmanda böyük qələbələr qazanırlar, başımızı uca edirlər. Hər bir idman qələbəsi

hər bir vətənpərvər vətəndaşı sevindirir, ruhlandırır” sözləri ilə gənclərin idmana artan marağının uğurlu

nəticələrini ölkədə yaradılan idman obyektlərinin istifadəyə verilməsi ilə səciyyələndirən cənab İlham

Əliyev bölgələrdə Olimpiya komplekslərinin sayının daha da artırılacağını bildirir. Yaradılan şəraitdən

məmnun qalan və peşəkarlıqlarını, ustalıqlarını artıran Azərbaycan idmançılarının Avropa Gənclərinin XV

Yay Olimpiya Festivalında da ölkəmizə nailiyyətlər qazandıracaqlarına əminik.

İki sahil.-2019.-18 aprel.-№69.-S.10.



21

Bakıda Avropa Gənclər Yay Olimpiya Festivalı ilə bağlı seminar keçirilib

Mayın 6-da “Baku 2019” Avropa Gənclərinin Olimpiya Festivalının Əməliyyat Komitəsi qitə

ölkələrinin Milli Olimpiya komitələrinin nümayəndə heyətlərinin rəhbərləri üçün seminar təşkil

edib.

Tədbirdə Prezident Administrasiyasının gənclər siyasəti və idman məsələləri şöbəsinin müdiri Yusuf

Məmmədəliyev, gənclər və idman naziri Azad Rəhimov, Milli Olimpiya Komitəsi baş katibinin müavini

Azər Əliyev, eyni zamanda, yarışa hazırlıq işləri ilə daha yaxından tanış olmaq üçün Bakıda səfərdə olan

Avropa Olimpiya Komitəsinin (AOK) Əlaqələndirmə Komissiyasının rəhbəri, Serbiya Milli Olimpiya

Komitəsinin baş katibi Corce Visaçki və təşkilat komitəsinin üzvləri iştirak ediblər. Seminara Avropanın

40 ölkəsinin Milli Olimpiya komitələrinin 70 təmsilçisi, Avropa Olimpiya Komitəsinin nümayəndələri və

AOK-un “Bakı 2019” üçün xüsusi olaraq yaratdığı Əlaqələndirmə Komissiyasının üzvləri də qatılıblar.

Azərbaycanın gənclər və idman naziri Azad Rəhimov tədbirdə çıxış edərək Avropa ölkələrinin

nümayəndə heyətlərinin rəhbərlərinin Bakıya səfərinin əhəmiyyətini vurğulayaraq deyib: “Avropa

Gənclərinin XV Yay Olimpiya Festivalı bütün qitəni birləşdirən tarixi idman bayramı olacaq. Avropa Milli

Olimpiya komitələrinin nümayəndə heyətlərinin rəhbərlərini Bakıda görməyimə şadam. Bu gün bu

seminarda idman arenalarının yarışlara hazırlığı, Atletlər kəndindəki son durum, təhlükəsizlik, antidopinq

və digər mühüm məsələlər müzakirə edilir. Onların hər biri yarışların yüksək səviyyədə keçirilməsində

müstəsna rol oynayır. Ötən dövrdə bizim Avropa ölkələrinin Milli Olimpiya komitələri ilə sıx işbirliyimiz

olub və onlara hər bir dəstək göstərilib”.

Avropa Olimpiya Komitəsinin Əlaqələndirmə Komissiyasının rəhbəri Corce Visaçki seminarın

Festivala hazırlıq prosesində əməkdaşlığı daha da gücləndirəcəyinə əminliyini bildirərək deyib: “Biz

Avropa Gənclərinin Yay Olimpiya Festivalının ən əhəmiyyətli tərəfdaşları - Avropa Milli Olimpiya

komitələrinin nümayəndələri ilə birgə gözəl Bakıya bir daha gəlməyimizdən böyük məmnunluq duyuruq.

Avropa Olimpiya Komitəsi bu görüşlərin məhsuldar olacağına inanır”.

Bu tədbir Avropanı ölkələrinin Milli Olimpiya komitələrinin nümayəndə heyətlərinin rəhbərlərinə

texniki planlaşdırma və yarışlardan əvvəl keçirilən əməliyyatların bütün aspektləri ilə tanışlıq fürsəti

verməklə yanaşı, onların “Bakı 2019” haqqında ən son məlumatlara sahib olma və komandalara müvafiq

təlimlər verə bilmələri üçün təşkil edilib. Nümayəndə heyətləri tədbir çərçivəsində təşkil edilən iclaslarda

idmançıların yerləşdirilməsi, akkreditasiya, nəqliyyat və digər mühüm məsələlər barədə müzakirələr

aparıblar. Festivalın Əməliyyat Komitəsi seminarda Avropa ölkələrinin Milli Olimpiya komitələrinin

nümayəndə heyətlərinin rəhbərlərinə idmançılara təqdim olunacaq medalları da nümayiş etdirib.

Tədbir çərçivəsində Avropa ölkələrinin Milli Olimpiya Komitələrinin nümayəndə heyətlərinin

rəhbərləri Avropa Gənclərinin Yay Olimpiya Festivalı zamanı istifadə ediləcək bir sıra müasir idman

obyektlərində, eləcə də Atletlər kəndində olacaqlar.

Xatırladaq ki, Avropa Gənclərinin XV Yay Olimpiya Festivalı iyulun 21-27-də Bakıda keçiriləcək.

Yarışlarda iştirak etmək üçün Azərbaycana 3600-dən çox idmançı və texniki nümayəndə heyəti gələcək.

Atletlər idmanın on növü - gimnastika, atletika, basketbol, velosiped idmanı, həndbol, cüdo, üzgüçülük,

tennis, voleybol və güləş yarışlarında qüvvələrini sınayacaqlar. Festival zamanı 12 idman obyektində 2500-

dən çox könüllü fəaliyyət göstərəcək.

Olimpiya dünyası. - 2019.- 7-13 may. - № 19. - S. 1-2.



22

Avropa Gənclər Yay Olimpiya Festivalının biletləri iyunun 10-da satışa çıxarılacaq

Avropa Gənclər Yay Olimpiya Festivalının Əməliyyat Komitəsi ilə “iTicket” bilet satış şirkəti

arasında əməkdaşlıq haqqında müqavilə imzalanıb.

Gənclər və İdman Nazirliyinin mətbuat xidmətindən AZƏRTAC-a bildiriblər ki, razılığa əsasən,

“iTicket.az” şirkəti “Bakı 2019” Avropa Gənclər XV Yay Olimpiya Festivalının rəsmi bilet satışının

təminatçısı və dəstəkçisi olub.

Gənclər və idman naziri Azad Rəhimov “iTicket.az” şirkəti ilə razılığın əldə olunmasından

məmnunluğunu bildirərək deyib: “Biz açılış və bağlanış mərasimləri üçün ən münasib qiymətləri

müəyyənləşdirmişik. Həmçinin bütün idman yarışlarına pulsuz biletlərin olmasını planlaşdırırıq. Ümid

edirik ki, bütün bunlar yerli və xarici idman azarkeşlərində festivala daha çox maraq cəlb edəcək və bu

möhtəşəm idman oyunlarını şəxsən izləmələri üçün şərait yaradacaq”.

“iTicket.az” şirkətinin baş direktoru Ziya Məmmədov saytın Bakıda keçiriləcək Avropa Gənclər XV

Yay Olimpiya Festivalının rəsmi dəstəkçisi olmasından qürur duyduğunu vurğulayıb: “Əvvəlki vaxtlarda

keçirilmiş belə beynəlxalq tədbirlərdən əldə etdiyimiz təcrübəmiz bizə “Bakı 2019”da öhdəliklərimizi

uğurla yerinə yetirəcəyimizə dair inam yaradır”.

Festivalın yarışlarına ümumilikdə 146 min bilet satışa çıxarılacaq. Biletlərin təxminən yarısı iyunun

10-dan “Bakı 2019”un rəsmi saytında https://www.eyofbaku2019.com və iTicket.az rəsmi saytında

https://www.iticket.az satışda olacaq. Bundan başqa, bütün idmansevərlər biletləri “Park Bulvar”,

“Gənclik”, “28 May” ticarət mərkəzlərindən və paytaxtın müxtəlif ərazilərindəki 12 bilet satışı

məntəqəsindən əldə edə biləcəklər.

Açılış mərasiminə bir biletin qiyməti 10-15, bağlanış mərasiminə isə 5-10 manat arasında olacaq.

Hər iki mərasim “Baku Crystal Hall”da keçiriləcək.

Biletlərin sifarişi və əldə olunması ilə bağlı əlavə məlumat “Bakı 2019”un rəsmi səhifəsində elan

ediləcək.

Qeyd edək ki, 2016-cı ildən fəaliyyət göstərən “iTicket.az” konsert, teatr, idman və əyləncəvi

təşkilatların bilet satışını onlayn və oflayn qaydada həyata keçirir. 2017-ci ildən etibarən iTicket.az IV İslam

Həmrəyliyi Oyunlarının, Formula 1 üzrə Azərbaycan Qran-Prisinin, qadın voleybolçular arasında Avropa

çempionatının (2017), UEFA Çempionlar Liqasının qrup mərhələsinin oyunlarının, BMX velosipedi üzrə

dünya çempionatının, “Jara-18” beynəlxalq musiqi festivalının, Azərbaycan Cüdo Federasiyasının və

AFFA-nın rəsmi bilet təminatçısı və dəstəkçisi olub.

İyulun 21-27-də Bakıda keçiriləcək Avropa Gənclər Yay Olimpiya Festivalında iştirak etmək üçün

Azərbaycana 3600-dən çox idmançı və texniki nümayəndə gələcək. Atletlər idmanın 10 növü - gimnastika,

atletika, basketbol, velosiped idmanı, həndbol, cüdo, üzgüçülük, tennis, voleybol və güləş yarışlarında

qüvvələrini sınayacaqlar. Festival zamanı 12 idman obyektində 2500-dən çox könüllü fəaliyyət göstərəcək.

Yeni Azərbaycan. - 2019.- 18 may. - № 90. - S. 7.



23

Avropa Gənclər Yay Olimpiya Festivalına hazırlıqla əlaqədar atletika hakimləri üçün növbəti

seminara start verilib

Avropa Gənclər Yay Olimpiya Festivalına hazırlıq çərçivəsində Beynəlxalq Atletika

Federasiyasının, Milli Olimpiya Komitəsinin, “Bakı 2019” Əməliyyat Komitəsinin və Azərbaycan Atletika

Federasiyasının birgə təşkilatçılığı ilə atletika hakimləri üçün 2-ci seminara start verilib.

Azərbaycan Atletika Federasiyasından AZƏRTAC-a bildiriblər ki, seminarın açılışında

federasiyanın baş katibi Məhərrəm Sultanzadə və hakimlər kollegiyasının sədri Şirin Vəliyev çıxış ediblər.

İyirimi səkkiz hakimin iştirak etdiyi seminarın sonunda iştirakçılar imtahan verəcəklər. Seminarın

lektorları baş hakim Nemət Heydərov və Kənan Məhərrəmovdur.

Qeyd edək ki, seminara mayın 23-də yekun vurulacaq.

AZƏRTAC

2019, 21 may

https://azertag.az/

https://azertag.az/



24

Avropa Gənclər Olimpiya Festivalının Əməliyyat Komitəsi ilə Azərbaycan

Televiziyası arasında saziş imzalanıb

Mayın 14-də “Bakı 2019” Avropa Gənclər Yay Olimpiya Festivalının Əməliyyat Komitəsi ilə

“Azərbaycan Televiziya və Radio Verilişləri” Qapalı Səhmdar Cəmiyyəti (AzTV) arasında yayım və

tərəfdaşlığa dair saziş imzalanıb.

Gənclər və İdman Nazirliyinin mətbuat xidmətindən AZƏRTAC-a bildiriblər ki, sənədi AzTV

sədrinin səlahiyyətlərini icra edən Rövşən Məmmədov və “Bakı 2019” Avropa Gənclər Yay Olimpiya

Festivalının Əməliyyat Komitəsinin korporativ direktoru Elçin Səfərov imzalayıblar.

Sazişə əsasən, festivalın audio və videoçəkiliş materiallarını yayımlamaq və istifadə etmək hüququ

AzTV-yə məxsusdur. “Bakı 2019” yarışları yeddi gün ərzində AzTV-də nümayiş olunacaq. Bundan başqa,

festivalın açılış və bağlanış mərasimləri, bütün yarışların final mərhələsi və təltifetmə mərasimləri AzTV-

nin ekranlarından bilavasitə nümayiş etdiriləcək. Bundan əlavə, audio və videogörüntülər “açıq yayım”

vasitəsilə həyata keçiriləcək və beləliklə, tamaşaçılar dünyanın istənilən bölgəsində tezlikləri

tənzimləməklə festivalı izləmək imkanı əldə edə biləcəklər.

AzTV-nin Azərbaycan xalqı üçün milli televiziya və radio kanalı olduğunu qeyd edən Elçin Səfərov

bildirib ki, xalqımızın bu tədbirin keçirilməsini və idmançılarımızı dəstəkləməsi çox sevindiricidir.

Əməkdaşlıq sayəsində artıq dünyanın istənilən nöqtəsindən festivalı izləmək mümkün olacaq. Ölkəmizə

gələcək idmançıların sayı sübut edir ki, Avropa ölkələri Azərbaycanda keçirilən beynəlxalq tədbirlərin

səviyyəsindən razıdır və Bakı onlar üçün əsl idman mərkəzidir.

AzTV sədrinin səlahiyyətlərini icra edən Rövşən Məmmədov bildirib ki, Azərbaycan Televiziyası

ölkəmiz üçün XV Avropa Gənclər Yay Olimpiya Festivalı kimi mühüm tarixi hadisəni yayımlayacağı üçün

çox məmnundur. Belə mötəbər idman hadisəsinin yüksək səviyyədə yayımlanması üçün AzTV bütün

resurslarından istifadə edəcək.

Xatırladaq ki, Avropa Gənclər Yay Olimpiya Festivalı iyulun 21-27-də Bakıda keçiriləcək.

Yarışlarda iştirak etmək üçün Azərbaycana 3600-dən çox idmançı və texniki nümayəndə gələcək. Atletlər

idmanın on növü - gimnastika, atletika, basketbol, velosiped idmanı, həndbol, cüdo, üzgüçülük, tennis,

voleybol və güləş yarışlarında qüvvələrini sınayacaqlar. Festival zamanı 12 idman obyektində 2500-dən

çox könüllü fəaliyyət göstərəcək.

Olimpiya dünyası. - 2019.- 21-27 may. - № 21. - S. 3.



25

Bakı-2019 Avropa Gənclər Yay Olimpiya Festivalının biletləri satışa çıxarılıb

Bu il iyulun 21-27-də Bakıda keçiriləcək Avropa Gənclər Yay Olimpiya Festivalının biletləri iyunun

10-da satışa çıxarılıb. Biletlərin satışı Festivalın Əməliyyat Komitəsi ilə “iTicket” şirkəti arasında

imzalanan razılıq müqaviləsi çərçivəsində həyata keçirilir.

Gənclər və İdman Nazirliyinin mətbuat xidmətindən AZƏRTAC-a bildiriblər ki, satışa çıxarılan 146

min bilet “Bakı 2019” Avropa Gənclər Yay Olimpiya Festivalının www.eyofbaku2019.com, eləcə də

www.iticket.az saytlarından əldə oluna bilər. Bundan əlavə, bütün idmansevərlər biletləri “Park Bulvar”,

“Gənclik”, “28 May” ticarət mərkəzlərindən və paytaxtın müxtəlif ərazilərində fəaliyyət göstərən 12 bilet

satışı məntəqəsindən də əldə edə bilərlər.

Festivalın açılış mərasiminə bir biletin qiyməti 10-15, bağlanış mərasiminə isə 5-10 manat təşkil

edəcək. Hər iki mərasim “Baku Crystal Hall”da keçiriləcək. Bütün idman yarışlarına biletlərin ödənişsiz

olmasına baxmayaraq, arenalara giriş yalnız əvvəlcədən əldə edilən biletlər vasitəsilə mümkün olacaq.

Gənclər və İdman naziri Azad Rəhimov bildirib ki, açılış və bağlanış mərasimlərinin biletləri üçün

ən münasib qiymətlərin təyin edilməsi, habelə bütün idman yarışlarına biletlərin pulsuz olması yerli və

xarici azarkeşlərdə festivala daha çox maraq oyatmaq və onların bu möhtəşəm oyunları şəxsən izləmələrinə

imkan yaradacaq.

İyulun 21-27-də Bakıda keçiriləcək festivalla əlaqədar Azərbaycana 3600-dən çox idmançı və texniki

nümayəndə gələcək. Atletlər idmanın 10 növü üzrə - gimnastika, atletika, basketbol, velosiped idmanı,

həndbol, cüdo, üzgüçülük, tennis, voleybol və güləş yarışlarında qüvvələrini sınayacaqlar. Festival zamanı

12 idman obyektində 2500-dən çox könüllü fəaliyyət göstərəcək.

Olimpiya dünyası. - 2019.- 11-24 iyun. - № 24. - S. 1.



26

XV Avropa Gənclər Yay Olimpiya Festivalının Əlaqələndirmə Komissiyasının

sonuncu toplantısı keçirilib

İyunun 11-də Milli Olimpiya Komitəsində (MOK) Bakıda keçiriləcək XV Avropa Gənclər Yay

Olimpiya Festivalına hazırlıq işləri ilə bağlı Əlaqələndirmə Komissiyasının sonuncu toplantısı keçirilib.

AZƏRTAC xəbər verir ki, toplantıda Azərbaycanın gənclər və idman naziri Azad Rəhimov, MOK-

un vitse-prezidenti Çingiz Hüseynzadə, baş katibinin müavini Azər Əliyev, təşkilat komitəsinin üzvləri,

eyni zamanda, yarışa hazırlıq işləri ilə daha yaxından tanışlıq üçün Bakıda səfərdə olan Avropa Olimpiya

Komitəsinin (AOK) Əlaqələndirmə Komissiyasının rəhbəri, Serbiya Milli Olimpiya Komitəsinin baş katibi

Corce Visaçki və Əlaqələndirmə Komissiyasının üzvləri - İslandiya Milli Olimpiya Komitəsinin baş katibi

xanım Liney Rut Xalldorsdottir, Bosniya və Herseqovina Milli Olimpiya Komitəsinin baş katibi Said

Fazlaqiç, AOK-un idman şöbəsinin rəhbəri Piter Brül və Antidopinq Komissiyasının İdarə Heyətinin üzvü

Haydar Demirel iştirak ediblər.

Tədbirdə Azad Rəhimov Avropa ölkələrinin nümayəndə heyətlərinin rəhbərlərini salamlayaraq

deyib: “Düz bir il bundan əvvəl biz sizinlə 15-ci Avropa Olimpiya Gənclər Festivalı ilə bağlı ilk

müzakirələri aparırdıq. Bu gün artıq yarışların başlamasına 40 gün qalır. Əminliklə deyə bilərəm ki, ötən

müddətdə hazırlıqla bağlı çox böyük işlər görülüb. Biz oyunlara demək olar ki, tam hazırıq. Bu gün sizinlə

görülmüş işlərə bir daha nəzər salacaq və ətraflı fikir mübadiləsi aparacağıq”.

Toplantı zamanı “Bakı 2019” Avropa Gənclər Yay Olimpiya Festivalına hazırlıqla bağlı Əməliyyat

Komitəsinin gördüyü işlər, yarışların cədvəli, statistikası, risklərin idarə edilməsi, marketinq kampaniyaları,

Milli Olimpiya komitələri arasında əlaqələrin qurulması və digər mühüm məsələlər müzakirə edilib.

Əməliyyat Komitəsinin gördüyü hazırlıq işləri ilə tanış olan AOK Əlaqələndirmə Komissiyasının

rəhbəri Corce Visaçki deyib: “Bakının qarşıdakı festivala hazırlığını son dəfə dəyərləndirib əminliklə deyə

bilərik ki, paytaxt bu cür mötəbər yarışı qəbul etməyə hazırdır. Əminik ki, idmançılar və azarkeşlər yarışın

mükəmməl təşkilindən razı qalacaqlar”.

AOK-un rəsmiləri Bakıda olduqları müddətdə festivalın açılış və bağlanış mərasimlərinin

keçiriləcəyi “Baku Crystal Hall”da son hazırlıq işləri ilə də tanış olublar.

Qeyd edək ki, bu, Əlaqələndirmə Komissiyasının sayca üçüncü toplantısıdır. Birinci toplantı ötən

ilin iyulunda, ikincisi isə bu ilin yanvarında baş tutub.

Xatırladaq ki, Avropa Gənclər Yay Olimpiya Festivalı iyulun 21-27-də Bakıda keçiriləcək.

Yarışlarda iştirak etmək üçün Azərbaycana 3600-dən çox idmançı və texniki nümayəndə gələcək. Atletlər

idmanın on növü - gimnastika, atletika, basketbol, velosiped idmanı, həndbol, cüdo, üzgüçülük, tennis,

voleybol və güləş üzrə yarışlarda qüvvələrini sınayacaqlar. Festival zamanı 12 idman obyektində 2500-dən

çox könüllü fəaliyyət göstərəcək.

Azərbaycan.-2019.-12 iyun.-№126.-S.6.

https://azertag.az/



27

Bakı Avropa Gənclər Olimpiya Festivalına ev sahibliyi etməyə hazırdır

Nəzakət Ələddinqızı

Son illər Azərbaycanda beynəlxalq miqyaslı tədbirlərin, o cümlədən, bir çox idman növləri

üzrə dünya və Avropa çempionatlarının, dünya kuboku və Qran-Pri yarışlarının təşkili ənənəvi hal

alıb. Birinci Avropa Oyunlarına, IV İslam Həmrəyliyi Oyunlarına, 42-ci Ümumdünya Şahmat

Olimpiadasına, “Formula-1” yarışlarına, eləcə də, Avropa dünya çempionatlarına yüksək səviyyədə

ev sahibliyi edən Azərbaycan bu tədbirlərin, davamı olaraq, artıq 23 gündən sonra daha bir

beynəlxalq tədbirə Avropa Gənclər Olimpiya Festivalına ev sahibliyi edəcək. Bu, Azərbaycanın

idman siyasətinin növbəti qələbəsi və beynəlxalq federasiyaların ölkəmizdə aparılan işlərə, həmçinin,

idman və bədən tərbiyəsi sahəsində nailiyyətlərimizə verilən qiymətin daha bir təzahürüdür. 23

gündən sonra milyonlarla insanın qəlbi bir daha Bakıda döyünəcək. Beynəlxalq idman yarışlarına

ev sahibliyi edən Azərbaycan növbəti dəfə öz təcrübəsindən yararlanaraq, Avropa Gənclərinin Yay

Olimpiya Festivalını da ölkəmizdə yüksək səviyyədə təşkil edəcəkdir.

Avropa Gənclər Festivalının ideyası gənclərə Olimpiya hərəkatını tanıtmaq, Olimpiya dəyərləri və

ideallarını öyrətmək məqsədi daşıyır. Avropa Olimpiya Komitəsinin sabiq prezidenti Jak Roq tərəfindən

1990-cı ildə irəli sürülən bu ideya 14-18 yaş arasında gənc Avropa atletləri üçün yüksək səviyyəli çoxşaxəli

idman növlü tədbirdir. Birinci festival 1991-ci ildə Belçikanın paytaxtı Brüsseldə keçirilib. Bu tədbir iki

ildə bir dəfə, cüt deyil, tək illərdə qışda və yayda keçirilir. Avropa Gənclər Olimpiya Festivalı Avropa

Olimpiya Komitəsinə aiddir və Beynəlxalq Olimpiya Komitəsinin himayəsi ilə Avropa Olimpiya Komitəsi

adından təşkil olunur. 2019-cu ildə isə paytaxt Bakının bu yarışlara ev sahibliyi etməsi həvalə olunub.

İyulun 20-28-də Bakıda keçiriləcək Avropa Gənclər Olimpiya Festivalında iştirak etmək üçün

Azərbaycana 3600-dən çox idmançı və texniki nümayəndə gələcək. Atletlər gimnastika, atletika, basketbol,

velosiped idmanı, həndbol, cüdo, üzgüçülük, tennis, voleybol və güləş yarışlarında qüvvələrini

sınayacaqlar. Festival zamanı 12 idman obyektində 2500- dən çox könüllü fəaliyyət göstərəcəkdir.

Bakının çoxşaxəli gözəlliyini təsvir etdirən əhatəli çalarlar palitrası - “bax və hiss et!”

“Bakı-2019” XV Avropa Gənclər Yay Olimpiya Festivalının loqosu olduqca maraqlıdır. “Leo

Burnett” brend agentliyinin dizaynerlərindən ibarət yerli heyətin tərtib etdiyi loqo dostluq, ədalətli oyun və

tolerantlıq ruhunu gücləndirən müasir, dinamik və çevik brendi əks etdirir. Brendin əsas məqsədi

beynəlxalq idman yarışlarına ev sahibliyi edən ölkənin və şəhərin qədim mədəniyyətini, tarixini əks

etdirmək, eyni zamanda, gələn il baş tutacaq idman yarışının bundan əvvəlkilərlə müqayisədə fərqini

nümayiş etdirmək və milyonlarla insanı bir araya gətirən idman tədbirində “Bax və hiss et!” şüarını nümayiş

etdirməkdir. Bakının irs və mədəniyyətini - od və Qədim Azərbaycan naxışı olan butanı, birlik və dostluq

konsepsiyalarını özündə ehtiva edən loqo, eyni zamanda, Azərbaycan paytaxtının möhtəşəm müasir

memarlıq nümunələrini - Alov Qüllələri və Heydər Əliyev Mərkəzini də təsvir edir. Parlaq rəngləri

canlandıran bu loqo yarışlara qatılacaq hər bir iştirakçının müsbət enerjisi və Bakının çoxşaxəli gözəlliyini

təsvir etdirən əhatəli çalarlar palitrasından ibarətdir. Bu loqo, Azərbaycan mədəniyyətinin təzahürü olmaqla

yanaşı, Avropa Olimpiya Hərəkatının əsl ruhunu və bütün dünyanı ilhamlandıran, milyonlarla insanı bir

araya gətirməyi bacaran idman mübarizəsini əks etdirir.

“Bakı-2019”un rəsmi talismanları isə Cırtdan və Bəbirdir. Maraqlı obraz olan Cırtdan öz

cəsarətindən və zəkasından ilhamlanır. O, güclü milli özünəməxsusluğu, dərrakəsi, hazırcavablığı,

mübarizliyi və digərlərinə rəğbəti ilə seçilir. Nağılların birində Cırtdan Divin başını qatır və dostlarını xilas

edir. O göstərir ki, gənc və balaca olmasına baxmayaraq, qorxmaz qəhrəman ola bilər. Qafqaz Bəbiri isə,

Azərbaycanın füsunkar təbiətinin zənginliyini təşviq edəcək. Qafqaz Bəbiri Azərbaycan faunasında ən

yaxşı tanınan və haqqında geniş məlumat olan heyvan növlərindən biridir. Bu heyvan təbii gözəllik, güc,

qorxmazlıq və sürət rəmzidir.

Ceyran qonaqlara Azərbaycanın zəngin irsinə nəzər salmağı təklif etməklə, Oyunların mədəniyyət

elçisi oldu. Ceyran ölkədə təbii gözəlliyin, zərifliyin və saflığın simvolu və Azərbaycanda qorunan heyvan

növlərindən biridir. Qafqaz dağlarından tutmuş Xəzər dənizinin sahillərinədək Ceyran qonaqlara ölkə boyu

bələdçilik etdi və onlara Azərbaycanın gözəlliklərini nümayiş etdirdi.

Beynəlxalq yarışların yüksək səviyyədə keçirilməsini şərtləndirən amillər



28

Belə yarışların keçirilməsi, onu göstərir ki, Azərbaycan dünyanın qabaqcıl idman ölkələri sırasında

öz layiqli yerini tutub. Ölkəmizdə mötəbər idman yarışlarını keçirməsinin arxasında da, məhz Azərbaycanın

inkişafı, müasir infrastrukturu və təhlükəsiz ölkə olması amili dayanır. Ölkəmizdə müasir tələblərə cavab

verən möhtəşəm idman qurğuları fəaliyyət göstərir. 2015-ci ildə istifadəyə verilən Bakı Olimpiya Stadionu

68 min tamaşaçı tutumuna malikdir. Bu nəhəng idman qurğusu müasir memarlıq üslubu, xüsusi gözəlliyi

və funksional baxımdan, əlverişliliyi ilə seçilir. Beynəlxalq standartlara tam cavab verən stadionda müxtəlif

funksiyalı tribunalar, qaçış zolağı və digər infrastruktur yaradılıb. Əsas və köməkçi stadionlardan,

həmçinin, mexaniki binadan ibarət olan stadionda əlil tamaşaçılar, VVIP, VIP, CIP və media bölmələri

mövcuddur. Birinci Avropa Oyunlarının təntənəli açılış və bağlanış mərasimləri, eləcə də, atletika yarışları,

məhz bu stadionda təşkil olunub. Bakı Tennis Akademiyası da Azərbaycanda bu tipdə inşa edilmiş ilk

idman qurğusudur. İlin bütün fəsillərində yerli və beynəlxalq yarış və məşqlərin keçirilməsi üçün müasir

tələblərə cavab verən istilik və havalandırma sistemi quraşdırılıb. Bakı Tennis Akademiyasının ərazisində

idman hovuzu və məşq zalı da istifadəyə verilib. Bundan başqa 3 min tamaşaçı tutan mərkəzi universal

stadion inşa olunub. Stadionda tennislə yanaşı, voleybol, mini-futbol, basketbol, həndbol, çimərlik

voleybolu, güləş, boks və idmanın digər növləri üzrə ən mötəbər çempionatlar və turnirlər keçirmək

mümkündür. Bu və ya digər idman qurğularının paytaxtımızda mövcudluğu yarışların möhtəşəm

keçirilməsinə əsas verir. Qeyd etdiyimiz festival Milli Gimnastika Arenası, Bakı Su İdmanı Sarayı, Bakı

idman Sarayı, Atletlər Kəndi və bir sıra idman qurğularında keçiriləcək.

İdmançılarımız beynəlxalq yarışlarda meydançaları qələbə ilə tərk edirlər

Təşkilatçılıqla yanaşı, ölkələrin idman sahəsində qazandıqları nəticələr də, çox vacib amillər

sırasındadır. Sevindirici haldır ki, idmançılarımız həmişə onlara göstərilən etimadı doğruldublar. Sidney

görüşü ölkəmizə 2 qızıl, 1 bürünc medal qazandırdı. Afinadan Azərbaycana 5 medalla qayıdan

idmançılarımız Pekin yarışlarında 1 qızıl, 2 gümüş, 4 bürünc medalla pərəstişkarlarını sevindirdilər.

Azərbaycana uğur gətirməklə, idmançılarımızın dünya birliyində tanınmasına səbəb olan London XXX

Yay Olimpiadası daha uğurlu oldu. Belə ki, qaliblər üçün nəzərdə tutulan medallardan 2 qızıl, 2 gümüş, 4

bürünc qazanmaqla, ölkəmizə 10 medalla döndülər. Çində keçirilmiş yeniyetmələrin Yay Olimpiya

Oyunlarında gənclərimiz əlavə aktivlər qazandılar. Bu kimi tarixi nailiyyətlər gənclərimizin idmana maraq

və həvəsini daha da artırdı. Azərbaycana 56 medal qazandıran Birinci Avropa Oyunları, bir daha təsdiqlədi

ki, ölkəmizdə perspektivli, güclü idmançılar nəsli yetişməkdədir. Avropa Oyunlarında iştirak edən

idmançıların və qonaqların etiraf etdikləri kimi, yarışları reallığa çevirmək üçün 27 ay ərzində, yorulmadan

çalışmaq məsuliyyəti hər xalqa nəsib olan keyfiyyət deyil. İlk Avropa Oyunlarının, Dünya Şahmat

Olimpiadasının, 17 yaşadək futbolçular arasında Avropa çempionatının, bədii gimnastika üzrə Dünya

Kubokunun, “Formula-1” kimi beynəlxalq yarışların ölkəmizdə keçirilməsi Azərbaycanda idmanın

inkişafına göstərilən diqqəti dünyaya bəyan etdi.

Paytaxtımızda təşkil edilən “Bakı-2015” ilk Avropa Oyunları bu oyunların standartlarını

müəyyənləşdirdi və idmançılarımız üçün ən böyük qələbə meydanı oldu. Avropanın 50 ölkəsindən 6000-

dən çox idmançının iştirak etdiyi yarışlarda Azərbaycan atletləri 21-i qızıl, 15-i gümüş, 20-si bürünc

olmaqla, 56 medal qazanaraq, 2-ci yeri tutdular. IV islam Həmrəyliyi Oyunlarında idmançılarımız elə bir

möhtəşəm uğura imza atdılar ki, bu, hələ uzun müddət yaddaşlardan silinməyəcək. Belə ki, atletlərimiz 162

medalla (75 qızıl, 50 gümüş, 37 bürünc) “Bakı-2017”-nin ən güclüləri oldular. Atletlərimiz indiyədək

iştirak etdikləri festivallarda yüksək nəticələr qazanıblar. Bu yarışlarda uğurlar, əsasən, cüdo və atletika

idman növlərində əldə olunub. 2015-ci ildə Gürcüstanın paytaxtı Tbilisidə təşkil olunan XIII Avropa

Gənclərinin Olimpiya Festivalı atletlərimiz üçün uğurlu olmuşdu. İdmançılarımız 2 qızıl, 1 gümüş və 2

bürünc medal qazanmaqla, ümumi turnir cədvəlində 22-ci yeri tutdular. 2017-ci ildə Macarıstanın Gyor

şəhərində keçirilən yeniyetmələrin sayca 14-cü Olimpiya Festivalında isə, qitənin 50 ölkəsindən 3600-ə

qədər idmançı medallar uğrunda mübarizə aparıb. Komandamız yarışın yekununda 50 ölkə arasında 33-cü

yeri tutub.

Hazırda idmançılarımız Minskdə keçirilən İkinci Avropa Oyunlarında ölkəmizi təmsil edirlər. Bu

günə qədər Azərbaycan idmançıları 1-i qızıl, 4-ü gümüş, 9-u bürünc medal olmaqla, yarışlarda uğur

qazanıblar.

Səs.-2019.-28 iyun.-№114.-S.11.



29

Avropa Gənclər Yay Olimpiya Festivalı gənc idmançıların yetişməsində

önəmli rol oynayacaq

İyulun 21-də “Baku Crystal Hall”da XV Avropa Gənclər Yay Olimpiya Festivalının möhtəşəm

rəsmi açılış mərasimi olacaq. Beləliklə, Avropa qitəsi növbəti dəfə ölkəmizdə mötəbər idman bayramını

seyr edəcək. Yarışlarda əsasən 14-18 yaşlı gənc idmançılar mübarizə aparacaqlar. İyulun 21-27-də

keçiriləcək bu mötəbər idman turnirinə qatılmaq üçün Azərbaycana Avropanın əlli ölkəsindən 3600-dən

çox idmançı və texniki nümayəndə gələcək. Ümumilikdə Azərbaycana 4 mindən çox qonağın gəlməsi

gözlənilir. Atletlər idmanın 10 növü - gimnastika, atletika, basketbol, velosiped idmanı, həndbol, cüdo,

üzgüçülük, tennis, voleybol və güləş yarışlarında qüvvələrini sınayacaqlar. İdman arenaları Festivalın

yarışlarının keçirilməsinə tam hazırdır. Festival zamanı 12 idman obyektində 2500-dən çox könüllü

fəaliyyət göstərəcək. Düşünürəm ki, Azərbaycan idmançıları yarışlarda kifayət qədər yüksək əzmkarlıq

göstərərək xalqımızı parlaq qələbələri ilə sevindirəcəklər.

Bunu Gənclər və İdman Nazirliyinin mətbuat xidmətinin rəhbəri Səmayə Məmmədova

AZƏRTAC-a müsahibəsində deyib.

S.Məmmədova bildirib ki, XV Avropa Gənclər Yay Olimpiya Festivalı kimi mötəbər turnirdə

uğurla çıxış edən gənc atletlər gələcəkdə Avropa Oyunları, Olimpiya Oyunları kimi böyük mötəbər

yarışlara qatılırlar. Festival Azərbaycan idmançıları üçün də sınaq yarışı olacaq. Çünki bu yarışda

idmançılarımıza öz bacarıqlarını göstərmək üçün hər cür şərait yaradılacaq. Bu baxımdan festival yarışda

iştirak edən idmançılar, xüsusilə milli atletlərimizin yetişməsində əhəmiyyətli rol oynayacaq.

Gənclər və İdman Nazirliyinin mətbuat xidmətinin rəhbəri qeyd edib ki, idmançıların qalacaqları

Atletlər Kəndi də atletləri qəbul etməyə tam hazırdır. Atletlər Kəndi I Avropa və IV İslam Həmrəyliyi

oyunlarına ev sahibliyi etdiyimiz dövrdə idmançıların qaldıqları və yüksək səviyyədə şəraiti olan məkandır.

İdmançıların arenalara vaxtında çatdırılması da təmin olunacaq.

Festivala hazırlıqlar barədə danışan S.Məmmədova deyib ki, Avropa Olimpiya Komitəsinin

Əməliyyat Komitəsinin üzvləri festivala hazırlıq işləri ilə bağlı Bakıda bir sıra texniki məsələlər ətrafında

fikir mübadiləsi aparıblar. Onlar festivala son hazırlıq işləri, Atletlər Kəndindəki vəziyyət, nəqliyyat,

təhlükəsizlik və digər mühüm əhəmiyyət kəsb edən məsələlərlə yaxından tanış olublar. Eyni zamanda,

yarışların keçiriləcəyi idman obyektlərinə baxış keçiriblər. Avropa Olimpiya Komitəsinin nümayəndə

heyətləri Azərbaycanın bu yarışa hazırlığını yüksək qiymətləndiriblər. Könüllülər arasında da bu yarışa

böyük maraq var. Yaxın günlərdə idmançıları, texniki nümayəndə heyəti və qonaqları ölkəmizdə qəbul

edəcəyik.

“Yarışların açılış mərasiminə bir biletin qiyməti 10-15, bağlanış mərasiminə isə 5-10 manatdır. Hər

iki mərasim “Baku Crystal Hall”da keçiriləcək. Digər idman arenalarında təşkil ediləcək yarışları isə

tamaşaçılar sərbəst şəkildə gəlib izləyə biləcəklər. Biz hamını idmançılarımıza dəstək olmağa çağırırıq. Son

illər Azərbaycanda beynəlxalq miqyaslı tədbirlərin uğurlu təşkilinin ənənəvi hal alması və hər bir yarışın

ölkəmizin təbliğində müstəsna rol oynadığı nəzərə alınaraq Avropa Gənclər Yay Olimpiya Festivalının da

yüksək səviyyədə keçiriləcəyini əminliklə söyləyə bilərik”, - deyə S.Məmmədova vurğulayıb.

Xatırladaq ki, bu mötəbər festivalın Bakıda layiqincə, uğurla və yüksək səviyyədə təşkilini təmin

etmək məqsədilə Prezident İlham Əliyevin 2018-ci il 15 may tarixli Sərəncamı ilə Təşkilat Komitəsi

yaradılıb.

Avropa Olimpiya Komitəsinə üzv ölkələrin gəncləri arasında idmanı, həmçinin Olimpiya

hərəkatını təşviq etmək məqsədilə təşkil olunan Festivalın yarışları Bakıdakı Tofiq Bəhramov adına

Respublika Stadionu, Milli Gimnastika Arenası, Bakı İdman Sarayı, Bakı Tennis Akademiyası, Bakı Su

İdmanı Sarayı, “Sərhədçi” İdman Olimpiya Mərkəzi, “ABU Arena” idman kompleksi, Dərnəgül Voleybol

Mərkəzi, Avropa Azərbaycan Məktəbi, Fövqəladə Hallar Nazirliyinin İdman-Sağlamlıq Mərkəzi,

Velopark, Heydər Əliyev adına İdman Sarayında keçirilməsi planlaşdırılır.

Qeyd edək ki, Avropa Gənclər Olimpiya Festivalının ideyası gənclərə Olimpiya hərəkatını

tanıtmaq, Olimpiya dəyərləri və ideallarını aşılamaq məqsədilə Avropa Olimpiya Komitəsinin (AOK) sabiq

prezidenti Jak Roq tərəfindən 1990-cı ildə irəli sürülüb. Festival 14-18 yaşlı avropalı gənc atletlər üçün

yüksək səviyyəli çoxnövlü idman turniridir. Birinci festival 1991-ci ildə Belçikada keçirilib. Beynəlxalq

Olimpiya Komitəsinin himayəsi ilə AOK tərəfindən təşkil olunan festivala ev sahibliyi edən ölkə bütün

yarışlarda əvvəlcədən təsnifat mərhələsi olmadan iştirak etmək hüququ qazanır. Bu idman tədbiri iki ildən

bir qışda və yayda təşkil edilir.

https://azertag.az/



30

AZƏRTAC

2019, 7 iyul

https://azertag.az/



31

XV Avropa Gənclər Yay Olimpiya Festivalının təntənəli açılış mərasimi keçirilib

Azərbaycan Prezidenti İlham Əliyev və birinci xanım Mehriban Əliyeva mərasimdə iştirak ediblər

(21 iyul 2019-cu il)

Son illərdə ardıcıl bir sıra mötəbər idman yarışlarına ən yüksək səviyyədə ev sahibliyi edən Bakı

iyulun 21-də yenidən Avropanın, eləcə də dünyanın diqqət mərkəzinə çevrilib. Ölkəmizin paytaxtı “Bakı

2019” XV Avropa Gənclər Yay Olimpiya Festivalına ev sahibliyi edir.

AZƏRTAC xəbər verir ki, festivalın “Baku Crystal Hall”da keçirilən təntənəli açılış mərasimində

Azərbaycan Respublikasının Prezidenti, Milli Olimpiya Komitəsinin rəhbəri İlham Əliyev, Azərbaycanın

birinci xanımı Mehriban Əliyeva, eləcə də Avropa Olimpiya Komitələrinin prezidenti Yanes Kosyançiç,

iştirakçı ölkələrin nümayəndə heyətlərinin rəhbərləri və digər şəxslər iştirak etdilər.

Prezident İlham Əliyev və birinci xanım Mehriban Əliyeva Avropa Olimpiya Komitələrinin

prezidenti Yanes Kosyançiç, növbəti Avropa Gənclər Yay Olimpiya Festivalının keçiriləcəyi Slovakiyanın

Baş Nazirinin müavini Riçard Rasi və Avropa Olimpiya Komitələrinin rəhbərliyi ilə görüşdülər.

Avropa Gənclər Yay Olimpiya Festivalı Beynəlxalq Olimpiya Komitəsinin himayəsi altında keçirilir

və 25 ildən artıq ənənəsi olan Avropa Olimpiya Komitələrinin (AOK) qürur mənbəyidir. Bu festival 14-18

yaş arası gənc idmançılar üçün ilk çoxprofilli Avropa tədbiridir. Tək illərdə, iki ildə bir dəfə keçirilən qış

və yay festivalları da var.

Tədbir Olimpiya bayrağı altında keçirilir və Olimpiya ənənələri ilə zəngindir: alovlanan məşəldən

başlayaraq idmançı və rəsmilərin and içməsinə qədər. Avropanın bir çox yüksələn idman ulduzları

beynəlxalq arenada ilk addımlarını məhz Avropa Gənclər Yay Olimpiya Festivalı zamanı atırlar. Bütün

iştirakçılar burada qazandıqları dostluq və təcrübəni özləri ilə həmişəlik evlərinə aparacaqlar, bəziləri üçün

isə bu festival Olimpiya zirvəsinə bir yüksəliş olacaq. Avropa Gənclər Yay Olimpiya Festivalı Avropa

gənclərini Atletlər kəndində simvolik olaraq birləşdirir. Bu festival idmançıların Olimpiya hadisələrinin

ruhunu hiss etməyə və yeni qələbələrə ilhamlanmağa yol açacaq Olimpiya Oyunlarına bir qapıdır.

“Zirvələrə hazırıq” devizi altında keçirilən “Bakı 2019” XV Avropa Gənclər Yay Olimpiya

Festivalının talismanları Cırtdan və Bəbirdir. Paytaxt Bakının 12 idman obyektində yeddi gün davam

edəcək mötəbər turnirdə 48 ölkədən 3900 atlet idmanın on növü – idman gimnastikası, atletika, basketbol,

velosiped idmanı, həndbol, cüdo, üzgüçülük, tennis, voleybol və güləş yarışlarında mübarizəyə qoşulub.

İştirakçıların 52 faizi oğlan, 48 faizi isə qızdır. İdmançılar 135 dəst medal uğrunda güclərini sınayırlar.

Mükafatçılar üçün ümumilikdə 930 medal hazırlanıb. Medalların 300-ü qızıl, 300-ü gümüş, 330-u isə

bürüncdür.

Azərbaycan festivala 122 idmançı ilə qatılıb. Heyətdə güləşçilər və yüngül atletlər sayca üstünlük

təşkil edirlər. Azərbaycan bu idman növlərinin hər biri üzrə 18 nəfərlə təmsil olunur. Bundan başqa, cüdo

yarışlarında 12, bədii gimnastikada 4, velosiped idmanında 6, tennisdə 4, üzgüçülük yarışlarında 6

idmançımız mübarizəyə qoşulub. Komanda idman növlərində isə voleybol və basketbol yığmalarımızın hər

birinin heyətinə 12 idmançı daxil edilib. Oğlanlardan və qızlardan ibarət həndbol komandalarımızda

ümumilikdə 30 oyunçu yer alıb.

Festival günlərində idman obyektlərində 3500-dən çox könüllü fəaliyyət göstərəcək.

Qeyd edək ki, Azərbaycan Avropa Gənclərinin Olimpiya festivallarında 1993-cü ildən təmsil

olunmağa başlayıb. Həmin il Hollandiyanın Valkensvard şəhərindəki festivalda 43 ölkənin idmançıları

mübarizə aparıblar. Festivalda Azərbaycan komandası 1 qızıl və 2 gümüş medalla ümumi hesabda 17-ci

olub. 1995-ci ildə Böyük Britaniyanın Bat şəhərində keçirilmiş növbəti festivalda cəmi 1 gümüş medal

qazanılıb.

1997-ci ildə İlham Əliyev Azərbaycan Milli Olimpiya Komitəsinin prezidenti seçildikdən sonra gənc

idmançılarımız bu festivallarda daha böyük uğurlar qazanmağa başlayıblar. 1999-cu ildə Danimarkanın

Esbyerq şəhərində keçirilmiş festivalda üç bürünc medal qazanan komandamız 2001-ci ildə İspaniyanın

Mursiya şəhərində 2 gümüş və 2 bürünc, iki il sonra Parisdə 2 gümüş və 1 bürünc, 2005-ci ildə İtaliyanın

Linyano şəhərində 2 qızıl və 4 bürünc medala sahib olub. Azərbaycan ən yüksək nailiyyətinə 2007-ci ildə

Serbiyanın paytaxtı Belqradda təşkil olunmuş festivalda 7 qızıl medal qazanmaqla imza atıb. Həmin yarışda

ölkəmiz ümumi komanda hesabında 6-cı yeri tutub.

2009-cu ildə Finlandiyanın Tampere şəhərində 3 qızıl, 1 gümüş, 1 bürünc, 2011-ci ildə Türkiyənin

Trabzon şəhərində 1 qızıl, 2 gümüş, 2013-cü ildə Hollandiyanın Utrext şəhərində 2 qızıl, 1 bürünc, 2015-

ci ildə Tbilisidə 2 qızıl, 1 gümüş, 2 bürünc, 2017-ci ildə Macarıstanın Györ şəhərində keçirilən festivalda

isə 1 gümüş və 1 bürünc medal qazanılıb.

https://azertag.az/



32

Nüfuzlu idman xadimləri, ekspertlər Azərbaycan paytaxtında keçirilən Avropa Gənclər Olimpiya

Festivalının yüksək səviyyədə təşkil olunduğunu qeyd edirlər. Avropa Olimpiya Komitələrinin prezidenti

Yanes Kosyançiç Bakının əvvəlki turnirlərdə olduğu kimi, bu festivala da uğurla ev sahibliyi edəcəyini

vurğulayaraq deyib: “Bakı festivalın təşkilinə tam hazırdır. Şəhər yalnız irimiqyaslı tədbirlərin keçirilməsi

üçün lazım olan infrastruktura malik deyil. Bakı özündə digər əsas komponentləri – yüksək təşkilatçılıq,

həvəs və səmimiliyi birləşdirir. İnanıram ki, XV Avropa Gənclər Yay Olimpiya Festivalı böyük

müvəffəqiyyətlə keçəcək”.

“Baku Crystal Hall”a toplaşmış tamaşaçılar və yüz minlərlə televiziya izləyiciləri təntənəli açılış

mərasiminin unudulmaz anlarının şahidi oldular.

Bakı vaxtı ilə saat 20:00-da XV Avropa Gənclər Yay Olimpiya Festivalının təntənəli açılış mərasimi

başladı.

Əvvəlcə Azərbaycan Respublikasının dövlət himninin sədaları altında Milli Qvardiyanın əsgərləri

dövlət bayrağını təntənəli şəkildə meydana gətirərək ucaltdılar.

Bundan sonra demək olar ki, bütün Olimpiya tədbirlərinin açılış mərasimlərinin ənənəvi hissəsi olan

atletlərin paradı başladı.

İlk olaraq Olimpiya Oyunlarını dünyaya bəxş etmiş ölkənin – Yunanıstanın idmançıları səhnəyə

daxil oldular. Digər ölkələrin komandaları onların arxasınca əlifba sırası ilə gəldilər.

İdmançıların keçidini ev sahibi - Azərbaycan atletləri tamamladılar. Üçrəngli bayrağımızı 15 yaşlı

cüdoçu, 2018-ci ildə Yeniyetmələrin Yay Olimpiya Oyunlarının və Avropa Kubokunun qalibi Vüqar

Talıbov apardı.

Azərbaycan Prezidenti İlham Əliyev, birinci xanım Mehriban Əliyeva və “Baku Crystal Hall”a

toplaşmış tamaşaçılar idmançılarımızı hərarətlə salamladılar.

Atletlərin paradından sonra festivala ev sahibliyi edən Azərbaycan haqqında film nümayiş etdirildi.

Filmdə ölkəmizin tarixi, mədəniyyəti, təbiəti, adət-ənənələri, eləcə də paytaxt Bakının görməli yerləri

haqqında kadrlar nümayiş olundu.

Azərbaycan Respublikası Baş Nazirinin birinci müavini, XV Avropa Gənclər Yay Olimpiya

Festivalının Təşkilat Komitəsinin sədri Yaqub Eyyubov və Avropa Olimpiya Komitələrinin prezidenti

Yanes Kosyançiç səhnəyə gəldilər.

XV Avropa Gənclər Yay Olimpiya Festivalının Təşkilat Komitəsinin sədri Yaqub EYYUBOV

çıxış edərək dedi:

- Möhtərəm cənab Prezident.

Hörmətli Avropa Olimpiya Komitələrinin prezidenti cənab Yanes Kosyançiç.

Hörmətli beynəlxalq və milli federasiyaların rəsmiləri.

Əziz gənc idmançılar, xanımlar və cənablar.

XV Avropa Gənclər Olimpiya Festivalında iştirak etmək üçün Odlar yurdu Azərbaycana gəlmiş

bütün dəyərli qonaqları səmimi qəlbdən salamlayır, zəngin mədəniyyətə və tarixə malik ölkəmizə “Xoş

gəlmisiniz!” deyirəm.

Azərbaycan yüksək idman nailiyyətlərinə malik bir ölkədir. Bu nailiyyətlərin əsası isə Azərbaycan

xalqının ümummilli lideri Heydər Əliyev tərəfindən qoyulmuşdur. Məhz onun təşəbbüsü ilə Azərbaycan

beynəlxalq Olimpiya hərəkatına qoşulmuş, ölkəmizdə Olimpiya komplekslərinin, müxtəlif idman qurğuları

və mərkəzlərinin tikintisinə start verilmişdir. Azərbaycanı müasir, dünyəvi, sabit və demokratik bir ölkəyə

çevirən Heydər Əliyevin uzaqgörən siyasətini hazırda Azərbaycan Respublikasının Prezidenti və Milli

Olimpiya Komitəsinin rəhbəri cənab İlham Əliyev əzmlə davam etdirir. Onun idmançılara göstərdiyi xüsusi

diqqət və qayğı nəticəsində əldə edilən nailiyyətlər müqayisə olunmayacaq dərəcədə artmışdır. Hazırda

Bakı şəhərində və Azərbaycanın bütün regionlarında 50-yə yaxın Olimpiya İdman Kompleksi fəaliyyət

göstərir ki, bu da güclü idmançılar hazırlanması ilə yanaşı, əhalinin sağlam həyat tərzi sürməsinə də

hərtərəfli şərait yaradır.

Azərbaycan ən mötəbər beynəlxalq idman tədbirlərinin, idmanın müxtəlif növləri üzrə dünya və

Avropa çempionatlarının, dünya kuboku və Qran-Pri yarışlarının keçirilməsində kifayət qədər böyük

təcrübəyə malik bir ölkədir. Xüsusilə qeyd etmək istəyirəm ki, bu silsilədən Azərbaycan Respublikasının

Birinci vitse-prezidenti Mehriban xanım Əliyevanın sədri olduğu Təşkilat Komitəsinin rəhbərliyi ilə Bakı

şəhərində keçirilmiş ilk Avropa Oyunları və IV İslam Həmrəyliyi Oyunları kimi beynəlxalq miqyaslı idman

tədbirləri yüksək peşəkarlığı ilə bütün dünyada əks-sədaya səbəb olmuşdur. Biz əminik ki, bu gün açılışını

etdiyimiz və Avropanın 48 ölkəsindən təqribən üç mindən çox gənc idmançının qatıldığı XV Avropa



33

Gənclər Olimpiya Festivalı da ən yüksək səviyyədə keçirəcəyimiz növbəti idman tədbirlərindən biri

olacaqdır. Yarışlar Bakıda 12 möhtəşəm idman arenasında idmanın 10 növü üzrə keçiriləcəkdir.

Əziz gənc atletlər, bizim üçün çox sevindirici haldır ki, siz ilk böyük beynəlxalq uğurunuzu məhz

Azərbaycanda qazana bilərsiniz. Heç şübhəsiz deyə bilərik ki, sizlərin sırasında gələcək Olimpiya, dünya

və Avropa çempionları olacaqdır. Əminik ki, siz gənclər aparacağınız idman mübarizəsi ilə yanaşı, bir-

birinizlə yaxından tanış olacaq, özünüzə çoxlu dost və rəfiqə tapacaq, öz bacarıq, mədəniyyət və

tarixlərinizi də paylaşacaq, o cümlədən keçmiş və müasirliyin vəhdətini təşkil edən əzəmətli Bakımızın

füsunkar gözəlliyindən zövq alacaqsınız.

Ənənəvi olaraq bu festivalın işinə də könüllülər cəlb olunmuşdur. 3500 gənc könüllü festivalın təşkili

və yüksək səviyyədə keçirilməsində yaxından iştirak edəcək. Biz onların hər birinə dərin təşəkkür və

ehtiramımızı bildiririk.

Möhtərəm cənab Prezident, XV Avropa Gənclər Olimpiya Festivalının Təşkilat Komitəsi Avropa

Olimpiya Komitələrinin qarşımıza qoyduğu bütün tələbləri yerinə yetirmişdir və Azərbaycan bu festivalın

keçirilməsinə tam hazırdır.

Fürsətdən istifadə edib bu mötəbər yarışın keçirilməsində Azərbaycana etimad göstərmiş Avropa

Olimpiya Komitələrinin rəhbərliyinə dərin minnətdarlığımızı bildirirəm.

Bütün gəncləri, bütün idman ictimaiyyətini bu bayram münasibətilə bir daha ürəkdən təbrik edir,

gənc idmançılara qələbə sevincləri və azarkeşlərin böyük marağına səbəb olacaq gərgin mübarizə nümayiş

etdirməyi arzulayıram.

Əziz gənclər, qoy, bu festival sizin üçün idman, sülh və dostluq bayramı olsun.

x x x

Sonra Avropa Olimpiya Komitələrinin prezidenti Yanes KOSYANÇİÇ çıxış edərək dedi:

- Azərbaycan Respublikasının Prezidenti.

Zati-aliləri cənab İlham Əliyev.

Hörmətli rəsmilər.

Avropa Olimpiya Komitəsi İcraiyyə Komitəsinin üzvləri.

Avropa Milli Olimpiya Komitələrinin prezidentləri və katibləri.

Hörmətli idmançılar.

Əziz azərbaycanlı idmansevərlər.

Biz əllinci Avropa Olimpiya Komitəsinin nümayəndələri üçün Bakıya, Odlar yurdunun küləklər

şəhərinə gəlmək, elə, öz evimizə gəlmək deməkdir. Dörd il öncə biz sizin əvəzolunmaz köməyinizlə ilk

Avropa Oyunlarını təşkil etdik. Həmin Oyunlar möhtəşəm hadisə oldu və Belarusda, Minskdə ikinci

Oyunlar keçirildikdən, həmçinin Polşanın Malopolska bölgəsinin Krakov şəhərində üçüncü Oyunların

təşkil olunması haqqında qəbul edilmiş qərardan sonra fəxrlə deyə bilərik ki, biz birlikdə yeni ənənəni

başladıq. Biz yeni Avropa Olimpiya irsinin təməlini qoyduq.

Sizin təşkilatçılıq bacarığınıza və bu sahəyə bağlılığınıza bizim heç bir şübhəmiz yoxdur. Sizin

qətiyyətiniz, işinizin keyfiyyəti, könüllülərinizin mehribanlığı bizə məlumdur. Biz bilirik ki, ölkənizin ən

yaxşı sərmayəsi onun gənclərinə qoyulan sərmayədir.

Hörmətli idmançılar,

Avropa Gənclər Olimpiya Festivalı gələcək çempionlar və Olimpiya medalçıları üçün əsl sınaq

meydanıdır. Bu, sizin üçün çox az sayda istisnalarla çox idman növlü ilk Olimpiya təcrübəsidir. Bu, sizdə

idmanın inkişafında yeni səhifənin açılması deməkdir. Burada sizin bacarığınızı nümayiş etdirmək üçün

nadir şans var. Bu şans göstərir ki, siz yarışlarda qələbəyə qadirsiniz və ola bilsin ki, digər Avropa

ölkələrində sizinlə həmyaşıd olan qız və oğlanlardan daha yaxşısınız. Bu, həmçinin Avropada idmançıların

yeni nəslinin Olimpiya idealları, bütün xalqlar arasında sülh, dostluq və əməkdaşlıq amalları, bütövlük,

inklüzivlik, həmrəylik, düzgünlük və ədalətli oyun ideyaları ilə formalaşdırılmasını sübuta yetirmək

fürsətidir.

Mən, həmçinin Bakı sakinlərini və Azərbaycan xalqını səmimi qəlbdən salamlayıram. Bizi bir daha

qəbul etdiyinizə görə çox sağ olun!

x x x

Azərbaycan Respublikasının Prezidenti İlham Əliyev XV Avropa Gənclər Yay Olimpiya Festivalını

açıq elan etdi.



34

x x x

Beynəlxalq Olimpiya Komitəsinin bayrağı arenaya gətirildi. Bayrağı Azərbaycanın tanınmış

idmançıları, Olimpiya çempionları Elnur Məmmədli (cüdo), Zemfira Meftaxetdinova (atıcılıq), Nazim

Hüseynov (cüdo), Namiq Abdullayev (güləş), Rəfiqə Şabanova (həndbol) və Lyudmila Şubina (həndbol)

arenaya gətirdilər.

Beynəlxalq Olimpiya Komitəsinin bayrağı bu qurumun himninin sədaları altında Azərbaycanın

bayrağı ilə yanaşı ucaldıldı.

Sonra Fəxriyə Tağızadə atletlər, Ələkbər Həsənov hakimlər və Rəşad Əbdürrəhmanov məşqçilər

adından təntənəli şəkildə and içdilər. Bu andlar bütün iştirakçılara və tamaşaçılara sağlam rəqabət, ədalətli

hakimlik və Olimpiya hərəkatının prinsip və ideallarına riayət edilməsinin ən yüksək prioritetə sahib

olmasını xatırladır.

Daha sonra ən həyəcanlı an gəlib yetişdi və 2004-cü ildə Afina Olimpiadasının qalibi, yunan-Roma

güləşçisi Fərid Mansurov XV Avropa Gənclər Yay Olimpiya Festivalının məşəlini “Baku Crystal Hall”un

məşəl kasasına gətirdi.

Bu zaman ekranda “Məşəlin yolu” filmi nümayiş olundu. Kadrlarda məşəlin paytaxtın bütün idman

obyektləri boyunca möhtəşəm səyahəti və statistika təqdim edildi. Festivalın məşəli açılış mərasiminin

keçirildiyi “Baku Crystal Hall”a çatana qədər Roma şəhərindən çox böyük yol qət edib.

XV Avropa Gənclər Yay Olimpiya Festivalının məşəli alovlandırıldı. Məşəl yarışlar bitənədək

yanacaq, şəhərimizin mayakı olacaq.

Məşəlin yandırılmasından sonra “Qələbə elementləri” səhnə şousu nümayiş etdirildi. “Welcome to

Azerbaijan” (“Azərbaycana xoş gəlmisiniz!”) - Avropa Gənclər Yay Olimpiya Festivalının açılış

mərasiminin art şousunun birinci hissəsi belə adlanır. Ekranlarda Bakının fantastik mənzərəsi görünür. Bu

mənzərəni fantastik edən sadəcə onun gözəlliyi yox, həm də burada şəhərin bütün tarixi və müasir görməli

yerlərinin bir araya gəlməsidir. Bəli, bu, Bakıdır! Həm qədim, həm də çox müasir. Ənənələri qoruyan və

yeniliklərə açıq Bakı. Bu yeniliyin rəmzi fəal və həyat gücü ilə zəngin gənclərdir. Səhnədəki dinamik

kompozisiyada rəqqaslar, akrobatlar, parkur və breyk-dans ustaları öz məharətlərini göstərirlər. Bütün art

şounun quruluşunda təxminən beş yüz gənc iştirak edib. Bu günün hekayəsi zəfərə aparan yol haqqındadır.

Sonra “Külək haqqında əfsanə” süjeti təqdim olundu. Bu hekayənin baş qəhrəmanları oğlan və qızdır.

Onlar öz valideynləri ilə Bakının rəmzlərindən biri olan küləyin adı ilə şəhərin yaranmasını söyləyirlər.

Azərbaycan - Odlar Yurdudur, Bakı isə küləklər şəhəridir. O, Xəzər dənizi ilə əhatə olunan yarımadada,

hər üç tərəfdən küləyə açıq olan məkanda yerləşir. Ekranda Azərbaycanın təbiətini, onun zənginliyi və

nadirliyini görürük.

Daha sonra “Şəhərin yaranması” kompozisiyası təqdim edildi. Şəhərin ruhu oyanır. Bu şəhərdə insan

yaratmaq, sevmək və yaşamaq istəyir. Səhnədə şəhərin salınması simvolik olaraq nümayiş etdirildi.

Səhnədə iri butafor kərpiclər, pilləkənlər, fənərlər və evlər daşıyan rəqqaslar “Şəhərin doğulması” teatr-

rəqs tamaşasını ifa etdilər. Akrobat və rəqqaslar hərəkətli və müasir paytaxtın mənzərəsini yaratdılar. Bu

nömrədə çoxlu rekvizit və dekorasiyalardan istifadə edilib (evlərin fasadı, nəhəng kərpiclər, gül ləkləri,

ağaclar, skamyalar, fənərlər). Kompozisiyada şəhərin necə yarandığı nümayiş olundu. Beləliklə, səhnədə

rəmzi şəhərin tikintisi sona çatdı və işlərin yekunlaşmasını bayram etmək vaxtı gəldi.

Bunun ardınca “Şəhər Günü Bayramı” adlı vokal-xoreoqrafik kompozisiya təqdim olundu. Səhnədə

vokalçılar, musiqiçilər, rəqqaslar və aktyorlar çıxış etdilər. İstənilən ölkənin xalqını yaxşı tanımaq üçün

yəqin ki, onun bayramlarını necə keçirdiyinə baxmaq lazımdır. Azərbaycanın bayramlarında mədəniyyət

zənginliyi, milli kolorit və xalqın ənənəsi yaşayır. Əlbəttə ki, hər bir qonaq məşhur Azərbaycan

qonaqpərvərliyini mütləq yüksək qiymətləndirir. Paytaxt Bakının əsas gözəlliyi onun nadir memarlığından

və sakinlərindən qaynaqlanır. Paytaxtın küçələri ilə gəzişərkən qeyri-ixtiyari olaraq bu şəhərin öz ab-havası

və ruhu olduğunu düşünürsən. Burada insanlar da fərqlidir. Onlar qonaqpərvər və mehribandır, ilk

çağırışında sənə kömək etməyə hazırdırlar. Onlar ürəyiaçıq və səmimidirlər. Bakı şəhərinin əsl dəyəri də

elə bundadır.

Açılış mərasiminin daha bir maraqlı məqamı “Elementlər” adlanır. “Həyat kitabı”, “Od”,

“Xarıbülbül gülü”, “Çörək” və “Zeytun budağı” - bu rəmzlərin hər biri adət-ənənələri, nəsillərin enerjisini

və xalq mədəniyyətini özündə əks etdirir. Səhnədə artistlər qismində Azərbaycan Gimnastika

Federasiyasının idmançıları çıxış edirlər.

“Həyat kitabı” - əcdadların müdrikliyi və ruhunun gücü insana doğru yol seçməyə kömək edir. Həyat

kitabı müdriklik və bilik mənbəyidir.



35

“Od” - ruha və millətin gücünə inam atəşi. O, insanları ruhlandırır. Zərdüştlərin Atəşgah məbədi

sönməyən alovu ilə əsrlər boyu bütün dünyanın zəvvarlarını cəlb edirdi: illər və əsrlər keçir, dünya dəyişir,

məbəd isə yerində qalır və iztirab çəkən insanların yollarına nur saçır. Yerdən çıxan alov idmançılarımıza

zəfərə gedən yolda hər zaman kömək edir.

“Xarıbülbül gülü” - görünməmiş gözəlliyə malik Xarıbülbül gülü yalnız Azərbaycanda bitir. Öz

görünüşünə görə xarıbülbül gülü bülbülə bənzəyir: iki ləçək onun qanadları, mərkəzdəki bir ləçək isə

dimdikli quş başına bənzəyir. Gülün adı da elə bundan əmələ gəlib: “xar” Azərbaycan dilində tərcüməsi

“tikan”, “bülbül” isə - bülbül deməkdir. Bir çox əfsanə və rəvayətlər bu valehedici və zərif gül ilə bağlıdır.

“Çörək” - ananın bişirdiyi çörək yaşam gücü verir. Nəsil, inamın gücü və Vətən sevgisi qəhrəmanı

zəfərə aparan yola gətirir. Bu an muğam səslənir. 2008-ci ildə UNESKO muğamı bəşəriyyətin şifahi və

qeyri-maddi irsinin şah əsərlərindən biri kimi elan edib.

“Zəfər” - idmançılara güc və çeviklik, enerji və dözümlülük, mübarizlik və dəqiqlik lazımdır. İndi

bütün bu keyfiyyətləri gənc azərbaycanlı idmançılar arenada nümayiş etdirirlər. Bu idmançılardan hər biri,

əlbəttə ki, zəfərin rəmzi olan zeytun budağına layiqdir.

Nəhayət, təntənəli mərasimin “Final” kompozisiyası başladı. Avropa Gənclər Yay Olimpiya

Festivalının – “Bakı 2019”un hər bir iştirakçısı indi öz arzusunu, öz yolunu xatırlayır və ümid edir ki, bu

yol onu qələbəyə aparacaq. Bütün idmançılara uğurlar, layiqli rəqiblər və qələbə əzmi arzulayırıq. Qoy,

doğma evi xatırladan çörək, arzuya aparan alov, əcdadların güc və müdrikliyini verən kitab, sülh və sevgi

rəmzi olan xarıbülbül hər zaman onlarla olsun. O zaman zəfər rəmzi olan zeytun budağının başlarının

üzərində ucaldılacaq an daha da yaxınlaşacaq.

Sonda bütün iştirakçı ölkələrin bayraqları səhnədə dalğalandı.

“Bakı 2019” XV Avropa Gənclər Yay Olimpiya Festivalının təntənəli açılış mərasimi başa çatdı.

Beləliklə, Azərbaycan orijinallığı ilə diqqəti cəlb edən, tamaşaçıları vəcdə gətirən daha bir mərasimlə

festivalın tarixində mühüm yer tutacaq növbəti parlaq səhifə yazdı.

AZƏRTAC

2019, 21 iyul



36

Prezident İlham Əliyev Avropa Olimpiya Komitələrinin prezidentini qəbul edib

(20 iyul 2019-cu il)

Azərbaycan Respublikasının Prezidenti İlham Əliyev iyulun 20-də Avropa Olimpiya Komitələrinin

prezidenti Yanes Kosyançiçi qəbul edib.

AZƏRTAC xəbər verir ki, Avropa Olimpiya Komitələrinin prezidenti Yanes Kosyançiç

Azərbaycana səfərindən böyük məmnunluq hissi keçirdiyini bildirdi. Yanes Kosyançiç XV Avropa Gənclər

Yay Olimpiya Festivalının yüksək səviyyədə təşkil olunduğunu qeyd edərək bu tədbirin böyük önəm

daşıdığını və gələcək Olimpiya medallarının qazanılması üçün çox yaxşı hazırlıq prosesi olduğunu dedi.

Yanes Kosyançiç Azərbaycanın beynəlxalq idman aləmində güclü mövqelərə malik olduğunu deyərək bu

işlərdə Prezident İlham Əliyevin rolunu xüsusi vurğuladı.

Xoş sözlərə görə minnətdarlığını bildirən Prezident İlham Əliyev Bakıda XV Avropa Gənclər Yay

Olimpiya Festivalının keçirilməsi ilə bağlı hazırlıq işlərinin tamamlandığını qeyd etdi və bu tədbirin

önəmini vurğuladı. Dövlətimizin başçısı idmanın Azərbaycanda prioritet sahələrdən biri olduğunu

bildirərək idmançılarımızın beynəlxalq yarışlarda böyük nailiyyətlər qazandığını və Azərbaycanda mühüm

beynəlxalq idman tədbirlərinin uğurla keçirildiyini qeyd etdi.

Sonra Avropa Olimpiya Komitələrinin prezidenti Yanes Kosyançiç dövlətimizin başçısına xatirə

hədiyyəsi təqdim etdi.

AZƏRTAC

2019, 20 iyul

https://azertag.az/



37

Azad Rəhimov: XV Avropa Gənclər Yay Olimpiya Festivalı atletlər və idman həvəskarlarının

xatirəsində xoş izlər buraxacaq

XV Avropa Gənclər Yay Olimpiya Festivalının atletlərini Bakıda salamlamaqdan məmnunluq

duyuram. Azərbaycanın paytaxtı Bakı növbəti dəfə irimiqyaslı idman tədbirinə ev sahibliyi edəcək.

AZƏRTAC xəbər verir ki, bu sözləri Azərbaycanın Gənclər və İdman naziri Azad Rəhimov deyib.

Nazir bildirib ki, idman infrastrukturu ilə yanaşı, Atletlər kəndi də festivala tam hazırdır. Şəhərimizdə

qonaqları salamlamağı səbirsizliklə gözləyirik.

“İnanıram ki, 7 gün ərzində keçiriləcək festival atletlər və idman həvəskarlarının xatirəsində xoş izlər

buraxacaq. Biz səbirsizliklə təmiz və maraqlı qarşılaşmaların keçirilməsini gözləyirik”, - deyə A.Rəhimov

əlavə edib.

Qeyd edək ki, 12 idman qurğusunda keçiriləcək mötəbər turnirdə 48 ölkədən 3900 atlet birincilik

uğrunda mübarizə aparacaq. Festivalda Azərbaycanı 122 idmançı təmsil edəcək. Heyətdə güləşçilər və

yüngül atletlər sayca üstünlük təşkil edirlər. “Bakı 2019”da atletlər idmanın 10 növü - gimnastika, atletika,

basketbol, velosiped idmanı, həndbol, cüdo, üzgüçülük, tennis, voleybol və güləş üzrə yarışlarda

qüvvələrini sınayacaqlar.

AZƏRTAC

2019, 20 iyul

https://azertag.az/



38

XV Avropa Gənclər Olimpiya Festivalında Azərbaycanı təmsil edəcək idmançıların siyahısı

İyulun 21-də Bakıda XV Avropa Gənclər Olimpiya Festivalı (EYOF Bakı 2019) start götürəcək.

İyulun 27-dək davam edəcək festivalda Avropanın 48 ölkəsindən 3900-dək atlet idmanın 10 növü -

gimnastika, atletika, basketbol, velosiped idmanı, həndbol, cüdo, üzgüçülük, tennis, voleybol və güləş

yarışlarında mübarizə aparacaq.

AZƏRTAC xəbər verir ki, Azərbaycan yarışlarda 122 idmançı ilə təmsil olunacaq. İdmançılarımız

atletika, güləş (hər birində 18 idmançı), cüdo (12 idmançı), üzgüçülük, velosiped idmanı (hər birində 6

idmançı), idman gimnastikası, tennis (hər birində 4 idmançı) üzrə yarışlarda medallar uğrunda mübarizə

aparacaqlar. Oğlanlardan ibarət basketbol və voleybol millilərinin hər birində 12, həndbol üzrə oğlan və

qızlardan ibarət yığma komandalarda isə 30 idmançı yer alıb.

“EYOF Bakı 2019” Avropa Gənclər Olimpiya Festivalında mübarizə aparacaq idmançıların

siyahısı:

Cüdo – 12 nəfər: İsmayıl Qənbərli (50 kq), Şükran Zamanlı (55 kq), Turan Bayramov (60 kq), Mətin

Rzazadə (66 kq), Vüqar Talıbov (73 kq), Məhərrəm İmamverdiyev (81kq), Ruslan Nəsirli (90 kq), Hüseyn

Məmmədov (+90 kq), Gülşən Bəşirova (44 kq), Səbinə Əliyeva (48 kq), Aytac Qardaşxanlı (57 kq), Nərmin

Əmirli (70 kq).

Güləş – 18 nəfər:

Sərbəst güləş – 6 nəfər: Murad Haqverdiyev (45 kq), Mircavad Nəbiyev (48 kq), Kənan Heybətov

(51 kq), Əbülfəz Nəsirov (55 kq), Sabir Cəfərov (60 kq), Cəbrayıl Hacıyev (65 kq).

Yunan-Roma güləşi – 6 nəfər: Fərid Sadıqlı (45 kq), Qurban Qurbanov (48 kq), Elmir Əliyev (51

kq), Nihat Məmmədli (55 kq), Həsrət Cəfərov (60 kq), Xasay Həsənli (65 kq).

Qadın güləşi – 6 nəfər: Gültəkin Şirinova (46 kq), Lalə Mirzəyeva (49 kq), Elnurə Məmmədova (53

kq), Birgül Soltanova (57 kq), Mərziyə Sadıqova (61 kq), Nigar Mirzəzadə (65 kq).

Atletika – 18 nəfər: Əli Abdiyev, Aydın Bədəlov, Aleksey Ələkbərov, Çingiz İsrafilov, Vahid

Kərimov, Məmmədağa Məmmədov, Əlhəm Nağıyev, Yusif Nəzərov, Teymur Salahzadə, Günel

Hüseynova, Ləman Hüseynova, Günel Manafova, Nika Məmmədova, Bibixanım Qəmbərova, Ayana

Seyuşeva, Fəxriyyə Tağızadə, Lamiyə Vəliyeva, Sabrina Zralova.

İdman gimnastikası – 4 nəfər: Səməd Məmmədli, Ağakazım Rüstəmov, Mənsum Səfərov, Milana

Minakovskaya.

Tennis – 4 nəfər: Tamerlan Əzizov, Kənan Qasımov, Polina Drobişeva, Alina Hüseynova.

Üzgüçülük – 6 nəfər: Rəşad Alquliyev, Elyar Cahangirbəyov, Maksim Petrenko, Ramil Vəlizadə,

Aysel Səfərova, Məryəm Şeyxəlizadəxangah.

Velosiped idmanı – 6 nəfər: Mustafa Muxtarlı, Nofəl Nuriyev, Nikita Sitova, Məleykə İskəndərova,

Gülşən İsmayılova, Viktoriya Sidorenko.

Basketbol (oğlanlar) – 12 nəfər: Simar Bəkirov, Fikrət Ələkbərov, Ufuk Tan Ertan, Yiğit Eryörük,

Azər Əzimov, Səid İsmayılov, Ziya Berkay Kel, Shabani Mahdi, Rüstəm Mürvətov, Georgi Purtsxvanidze,

Berya Taşer, Ulaş Can Turqut.

Həndbol (oğlanlar) – 15 nəfər: Kamran Adıgözəlov, Sadiq Arixov, Röyal Əliyev, Elşən Həsənov,

Ramil Hüseynov, Yunus İsayev, Ruslan İsmayılov, Məhərrəm Məmmədli, Raul Muradov, Amit Qanqvani,

Elkin Quliyev, Rəhim Rəhimli, Malik Şəfiyev, Emil Sərxanov, Fəda Yusifov.

Həndbol (qızlar) – 15 nəfər: Günel Abdullayeva, Nigar Ağayeva, Elina Babayeva, Kamilə

Bayramova, Mehparə Əliyeva, Emiliya Eyvazova, Leyla İbrahimova, Məryəm Məmmədxanova, Mariya

Molyavskaya, Anastasiya Obuxova, Nigar Quliyeva, İnarə Rzayeva, Dinara Süleymanova, Aleksandra

Teryayeva, Leyla Yahyayeva.

Voleybol (oğlanlar) – 12 nəfər: Amirmahdi Ablou, Emil Aşumov, Ruslan Əliyev, Emin Əmirxanlı,

Roman Qurski, Uğur İbrahimov, Nazloo Farzin Cəfəri, Georgi Konstantinov, Mərdəan Məmmədova, İqor

Nikulenko, Mirəşrəf Rzazadə, Mais Verizadə.

Festivalın açılış mərasimində Azərbaycan milli komandasının bayraqdarı cüdoçu Vüqar Talıbov

olacaq. O, 2018-ci il Yeniyetmələrin Yay Olimpiya Oyunlarının, Avropa Kubokunun qalibi, eləcə də Afrika

Kubokunun gümüş, Asiya Kubokunun bürünc mükafatçısıdır.

AZƏRTAC

2019, 20 iyul

https://azertag.az/



39

Gənclər və İdman naziri: Olimpiya Festivalına 6750 bilet satılıb

İyulun 21-də XV Avropa Gənclər Yay Olimpiya Festivalının Əməliyyat Komitəsi son hazırlıq işləri

ilə bağlı mətbuat konfransı keçirib.

AZƏRTAC xəbər verir ki, mətbuat konfransında Gənclər və İdman naziri Azad Rəhimov, Milli

Olimpiya Komitəsinin vitse-prezidenti Çingiz Hüseynzadə, Avropa Olimpiya Komitələrinin prezidenti

Yanes Kosyançiç, baş katibi Raffaele Pagnozzi və Avropa Olimpiya Komitələri Əlaqələndirmə

Komissiyasının rəhbəri Corce Visaçki iştirak ediblər.

Azərbaycanın Gənclər və İdman naziri Azad Rəhimov bildirib ki, yarışların keçirildiyi idman

obyektləri və Atletlər kəndi festivala tam hazır vəziyyətə gətirilib. Nazir qeyd edib ki, 7 gün ərzində 48

ölkənin idmançıları mükafatlar uğrunda mübarizə aparacaqlar.

Vurğulayıb ki, bu günə kimi yarışlara 6750 bilet satılıb. Onun sözlərinə görə, bəzi yarışlar üçün

biletlərin 60 faizi, bəziləri üçün isə 50 faizi satılıb. İdmançıların xərclərinin ödənilməsinə gəlincə isə

A.Rəhimov qeyd edib ki, xaricdən gələn hər bir idmançı 90 avro ödəyir. “Həmin pula gündə 3 dəfə yemək

daxildir. Nəqliyyat məsələlərini də iştirak edən ölkə özü həll edir” - deyə nazir bildirib.

Qeyd edib ki, açılış və bağlanış mərasimlərinə biletlər tam satılıb.

Onun sözlərinə görə, festivalda Azərbaycanı 122 idmançı təmsil edəcək. Heyətdə güləşçilər və

yüngül atletlər sayca üstünlük təşkil edirlər. “Bakı 2019”da atletlər idmanın 10 növü - gimnastika, atletika,

basketbol, velosiped idmanı, həndbol, cüdo, üzgüçülük, tennis, voleybol və güləş üzrə yarışlarda

qüvvələrini sınayacaqlar.

Bakıda yenidən olmasından məmnunluğunu ifadə edən Avropa Olimpiya Komitələrinin prezidenti

Yanes Kosyançiç bildirib ki, Bakı festivalın təşkilinə tam hazırdır. Şəhər yalnız irimiqyaslı tədbirlərin

keçirilməsi üçün lazım olan infrastruktura malik deyil. Bakı özündə digər əsas komponentləri – yüksək

təşkilatçılıq, həvəs və səmimiliyi birləşdirir.

Avropa Olimpiya Komitələri Əlaqələndirmə Komissiyasının rəhbəri Corce Visaçki qeyd edib ki,

yüksək səviyyədə təşkil edilən festival idmançılar üçün Olimpiyaya gedən yolda böyük təkan olacaq.

Sonda jurnalistlərin sualları cavablandırılıb.

AZƏRTAC

2019, 20 iyul

https://azertag.az/



40

XV Avropa Gənclər Yay Olimpiya Festivalında güclü idmançılar yarışırlar

Bakı, 23 iyul, Şahnaz Abdullayeva, AZƏRTAC

“EYOF Bakı 2019” XV Avropa Gənclər Yay Olimpiya Festivalında güclü idmançılar yarışırlar.

İndiyə qədər keçirdiyim oyunlar uzun və çətin oldu. Amma qələbə qazana bildim.

Bu sözləri AZƏRTAC-a müsahibəsində Yay Olimpiya Festivalında yarışan israilli tennisçi Ron

Ellouck deyib.

“Olimpiada çox gözəl təşkil olunub, idmançılar üçün bütün şərait yaradılıb. Bakı Tennis

Akademiyasının açıq kortlarında yarışırıq. Oyunlararası məşqlər üçün isə akademiyanın qapalı kortlarında

imkan var. Güclü rəqiblər var. Ümid edirəm ki, ölkəmə əliboş qayıtmayacağam”, – deyə israilli tennisçi

deyib.

AZƏRTAC

2019, 20 iyul

https://azertag.az/

https://azertag.az/



41

İdman gimnastikası üzrə Azərbaycan millisinin məşqçisi: Yetirmələrimin “Bakı 2019”dakı

çıxışından razı qaldım

Yetirmələrimin çıxışından razı qaldım. Bəzi məqamların üzərində çalışmalıyıq. Gimnastlarımız

finala vəsiqə qazanacaqları təqdirdə bunları nəzərə almalıyıq. Ümumilikdə gimnastlarımız çıxışlarını

uğurla başa vurdular.

Bu sözləri XV Avropa Gənclər Yay Olimpiya Festivalının idman gimnastikası yarışlarında çıxış edən

Azərbaycan millisinin məşqçisi Gennadi Kotelnikov AZƏRTAC-a məxsusi müsahibəsində deyib.

Məşqçi bildirib: “Yarışda rəqabət yüksəkdir. Çünki Avropanın güclü atletləri Bakıda bir araya

toplaşıblar. Əsas hədəfimiz finala vəsiqə qazanmaqdır. Həlledici mərhələdə hərəkətləri daha

təkmilləşdirəcəyik. Gimnastlarımızın potensialları yüksəkdir. Ağakazım Rüstəmov ilk dəfədir irimiqyaslı

yarışda iştirak edir. Lakin o, həyəcanlı olmasına baxmayaraq, çıxışını uğurla başa vurdu.

AZƏRTAC

2019, 23 iyul

https://azertag.az/



42

“Bakı 2019”: Rusiya millisi idman gimnastikası üzrə komanda yarışlarının qalibi olub

XV Avropa Gənclər Yay Olimpiya Festivalının idman gimnastikası yarışlarında növbəti medalçılar

müəyyənləşib.

AZƏRTAC xəbər verir ki, qadın gimnastların komanda yarışlarında Rusiya millisi birinci olub.

Rumıniya yığması yarışı ikinci, Böyük Britaniya isə üçüncü pillədə başa vurub.

Milli Gimnastika Arenasında keçirilən yarışlarda Avropanın 37 ölkəsinin idmançıları mübarizə

aparıblar.

AZƏRTAC

2019, 24 iyul

https://azertag.az/



43

XV Avropa Gənclər Yay Olimpiya Festivalının üzgüçülük yarışları başa çatıb

Bakı, 26 iyul, Göyçək Mahmudlu, AZƏRTAC

İyulun 26-da “EYOF Bakı 2019” XV Avropa Gənclər Yay Olimpiya Festivalının Bakı Su İdmanı

Sarayında keçirilən üzgüçülük yarışlarına yekun vurulub. Yarışlarının sonuncu günündə Azərbaycanın üç

atleti mübarizəyə qoşulub.

AZƏRTAC xəbər verir ki, Məryəm Şeyxəlizadəxangah 50 metr, Aysel Səfərova 800 metr məsafəyə

sərbəst, Elyar Cahangirbəyov isə 400 metr məsafəyə fərdi qaydada qarışıq üzmə yarışlarında qüvvələrini

sınayıblar.

M.Şeyxəlizadəxangah təsnifat mərhələsində 26.72 saniyə nəticə göstərərək yarımfinalda mübarizə

aparmaq imkanı əldə edib. Yarımfinalda müəyyən olunmuş məsafəni 26.68 saniyəyə qət edən təmsilçimiz

həlledici mərhələyə vəsiqə qazana bilməyib.

Elyar Cahangirbəyov isə 400 metr məsafəyə fərdi qaydada qarışıq üzmə yarışında 4 dəqiqə 55.73

saniyə nəticə göstərib. Bu nəticə təmsilçimizin finala keçməsinə kifayət etməyib.

Aysel Səfərova 800 metr məsafəyə sərbəst üzmə yarışında finişə 9 dəqiqə 49 saniyəyə çatsa da

medalçılar sırasına düşə bilməyib.

Bu yarışda Türkiyə atleti Beril Böcekler birinci, Böyük Britaniya üzgüçüsü Freya Kolbert ikinci,

Rusiya təmsilçisi Marqarita Varulnikova üçüncü yerləri tutublar.

Oğlanlar arasında 400 metr məsafəyə kompleks üzmə yarışında fərdi kateqoriyada rusiyalı İlya

Borodin qızıl, macarıstanlı Hubert Kos gümüş, çexiyalı Yakub Bursa isə bürünc medal qazanıblar.

Qızlar arasında 100 metr məsafəyə arxası üstə üzmə yarışının qalibi italiyalı Franseska Qaytani Erika

olub. Almaniyalı Lusi Mosdzien finişə ikinci çataraq gümüş medal qazanıb. İlk üçlüyü isə finalda eyni

nəticə göstərən rusiyalı Renata Qaynullina və ukraynalı Yevgeniya Jukova tamamlayıblar.

Oğlanlar arasında 100 metr məsafəyə brass üsulu ilə üzmə yarışında isə çempionluğu ukraynalı

Rostislav Krıjanivski bayram edib. Böyük Britaniya atleti Kameron Uilliams fəxri kürsünün ikinci

pilləsində yer alıb. Fransa üzgüçüsü Brendan Fitzpatrik isə üçüncü yeri tutub.

Qızlar arasında 100 metr məsafəyə brass üsulu ilə üzmə yarışında rusiyalı Yevgeniya Çikunova

birinci, fransalı Jastin Delmas ikinci, irlandiyalı Molli Mayn üçüncü olublar.

Oğlanlar arasında 200 metr məsafəyə sərbəst üzmə yarışında Edvard Mildred (Böyük Britaniya),

David Popoviçi (Rumıniya) və Bora Gülşən (Türkiyə) müvafiq olaraq qızıl, gümüş və bürünc medallara

sahib çıxıblar.

Rusiya atletləri XV Avropa Gənclər Yay Olimpiya Festivalının qızlar və oğlanlar arasında 4x100

metr məsafəyə kompleks üzmə yarışlarında çempion olublar. Hər iki yarışda gümüş medalları Böyük

Britaniya idmançıları qazanıblar. Oğlanların mübarizəsində bürünc medallara Fransa təmsilçiləri, qızların

yarışında isə İtaliya üzgüçüləri yiyələniblər.

Qızlar arasında 50 metr məsafəyə sərbəst üzmə yarışında Rumıniya atleti Bianka Kostea finişə birinci

çataraq qızıl medal əldə edib. Serbiya üzgüçüsü Nina Stanisavleviç ikinci, Niderland təmsilçisi Milou Van

Viyk isə üçüncü pillədə qərarlaşıblar.

Zərif cinsin nümayəndələrinin 200 metr məsafəyə fərdi qaydada kompleks üzmə yarışında Böyük

Britaniya idmançısı Keyti Şanahan rəqibləri üçün əlçatmaz olub. İtaliyalı Çiara Fontana turnirin gümüş

medalını qazanıb. Yarışda ilk üçlüyü Türkiyə atleti Dəniz Ertan tamamlayıb.

Oğlanlar arasında 100 metr məsafəyə batterflay üsulla üzmə yarışında Rasmus Nikelsen (Danimarka)

çempion adına layiq görülüb. Hubert Kos (Macarıstan) yarışı ikinci pillədə başa vurub. Polşalı Pavel

Urinyuk isə bürünc medala sahib olub.

Son yarış günündə 15 ölkə təmsilçisi fəxri kürsüdə yer alıb. Rusiya ( 4 qızıl, 2 bürünc), Böyük

Britaniya ( 2 qızıl, 4 gümüş), İtaliya ( 1 qızıl, 1 gümüş, 1 bürünc), Rumıniya ( 1 qızıl, 1 gümüş), Türkiyə (

1 qızıl, 2 bürünc), Ukrayna ( 1 qızıl, 1 bürünc), Danimarka ( 1 qızıl), Macarıstan (2 gümüş), Fransa ( 1

gümüş, 2 bürünc), Almaniya, Serbiya ( hərəyə 1 gümüş), Hollandiya, İrlandiya, Çexiya, Polşa ( hərəyə 1

bürünc) atletləri medalçılar sırasına düşməyi bacarıblar.

Yarışda ilk üç yerin sahiblərinə medal və hədiyyələr təqdim olunub. Mükafatlandırma mərasimində

medalları Milli Olimpiya Komitəsinin vitse-prezidenti Xəzər İsayev, Azərbaycan Üzgüçülük

Federasiyasının vitse-prezidenti Elçin Həsənov, “EYOF Bakı 2019”un protokol meneceri Nigar Rzazadə

və başqaları təqdim ediblər.

Bununla da festivalın üzgüçülük yarışlarına yekun vurulub.

İyulun 22-dən 26-dək keçirilən üzgüçülük yarışlarında medalçıların siyahısına Rusiya başçılıq edir.

Şimal qonşularımızın aktivində 19 medal (14 qızıl, 2gümüş, 3 bürünc) var. Böyük Britaniya 18 medalla (6

https://azertag.az/

https://azertag.az/



44

qızıl, 11 gümüş, 1 bürünc) ikinci yerdə qərarlaşıb. Aktivində 10 medal (3 qızıl, 2 gümüş, 5 bürünc) olan

Türkiyə siyahıda üçüncüdür.

Beş gün davam edən yarışlarda Azərbaycan atletlərindən ən yaxşı nəticəni Ramil Vəlizadə göstərib.

O, iyulun 24-də 200 metr məsafəyə batterflay üsulla üzmə yarışında beşinci yeri tutub.

Digər təmsilçimiz, Məryəm Şeyxəlizadəxangah isə iyulun 25-də 100 metr məsafəyə batterflay üsulla

üzmə yarışında altıncı olub.

Qeyd edək ki, festivalın üzgüçülük yarışlarında Azərbaycan 6 atlet - Rəşad Alquliyev, Elyar

Cahangirbəyov, Maksim Petrenko, Ramil Vəlizadə, Aysel Səfərova və Məryəm Şeyxəlizadəxangah ilə

təmsil olunub.

AZƏRTAC

2019, 26 iyul



45

“Bakı 2019”: Bu gün kişi və qadın basketbolçuların yarışında finalçılar müəyyənləşəcək

XV Avropa Gənclər Yay Olimpiya Festivalının basketbol yarışları davam edir.

AZƏRTAC xəbər verir ki, festivalın altıncı günündə kişi və qadın basketbolçular 5-8-ci yerlər

uğrunda və yarımfinalda mübarizə aparacaqlar.

İlk olaraq qadınların mübarizəsində 5-8-ci yerlər uğrunda görüşdə Belçika-Türkiyə, yarımfinal

mərhələsində isə Rusiya-Macarıstan oyunu keçirilir. Daha sonra 5-8-ci yerlər uğrunda görüşdə Polşa-

İtaliya, finala vəsiqə uğrunda qarşılaşmada isə Çexiya-Fransa görüşü təşkil olunacaq.

Kişilərin yarışında 5-8-ci yerlər uğrunda görüşdə Azərbaycan millisi Yunanıstan, Litva yığması ilə

Xorvatiya ilə qarşılaşacaq. Finala vəsiqə uğrunda isə İspaniya-Fransa və Serbiya-Türkiyə matçları

oynanılacaq.

AZƏRTAC

2019, 26 iyul

https://azertag.az/



46

XV Avropa Gənclər Yay Olimpiya Festivalının Əməliyyat Komitəsinin sonuncu mətbuat konfransı

keçirilib

İyulun 27-də XV Avropa Gənclər Yay Olimpiya Festivalının Əməliyyat Komitəsi sonuncu mətbuat

konfransını keçirib.

AZƏRTAC xəbər verir ki, mətbuat konfransında Gənclər və İdman naziri Azad Rəhimov, Avropa

Olimpiya Komitələrinin vitse-prezidenti Nils Nayqard və Avropa Olimpiya Komitələri Əlaqələndirmə

Komissiyasının rəhbəri Corce Visaçki iştirak ediblər.

Azad Rəhimov bildirib ki, yarışlarda iştirak edən idmançıların və qonaqların rəylərinə əsasən festival

uğurla təşkil olunub. Artıq 135 təltifetmə mərasimindən 115-i başa çatıb. Medal sıralamasında Rusiya

komandası liderdir. Azərbaycan idmançıları da festivalı 48 ölkə arasında ikinci pillədə başa vurmağa

yaxındır.

“Biz festival müddətində yeniyetmə atletlərin timsalında əzmkarlığı, mübarizliyi ilə demək olar ki,

Olimpiya çempionlarından heç də geri qalmayan peşəkar idmançılar gördük. Ümid edirəm ki, bu festival

onları gələcəkdə daha böyük nailiyyətlərə üçün ruhlandıracaq. İnanıram ki, bütün qonaqlar yarışlardan,

ölkəmizdən xoş təəssüratlarla ayrılırlar. Mən onların hər birinə təhlükəsiz, sağ-salamat geri dönüş

arzulayıram”, - deyə Azad Rəhimov bildirib.

Festivalda Azərbaycan idmançılarının qızıl medallarının sayının daha çox ola biləcəyini vurğulayan

nazir deyib ki, ümumilikdə baxdıqda atletlərimizin nəticələri yaxşıdır.

Nazir yarışlara tamaşaçıların marağının gözlənildiyindən də böyük olduğunu, həndbol, atletika,

üzgüçülük yarışlarına gündəlik sessiyalar üçün nəzərdə tutulan bütün biletlərin satıldığını, güləş, cüdo və

gimnastika yarışlarında isə hətta nəzərdə tutulandan əlavə yerlər açmaq lazım gəldiyini deyib.

Yarışların yüksək səviyyədə işıqlandırılmasında media nümayəndələrinin rolunu xüsusi vurğulayan

Gənclər və İdman naziri obyektlərdə hər gün orta hesabla 110-120 jurnalistin çalışdığını məmnunluqla

bildirib. Nazir festival çərçivəsində “Olimpiya mədəniyyəti və təhsil”, “Yeni liderlərin idman liderliyi” və

“Dopinqdən istifadəyə qarşı monitorinq” proqramlarının, eləcə də digər tədbirlərin reallaşdırılmasının

əhəmiyyətini xüsusi vurğulayıb.

Mətbuat konfransında iştirak edən Avropa Olimpiya Komitələrinin vitse-prezidenti Nils Nayqard

çıxışında festivalın yüksək səviyyədə təşkilinə görə Azərbaycan dövlətinə minnətdarlığını bildirib. Bu

festivalın gənclərin karyerasında özünəməxsus yer tutacağını vurğulayan N.Nayqard yarışlar çərçivəsində

müxtəlif mədəni proqramların da yaxşı təşkil olunduğunu deyib. Qeyd edib ki, “EYOF Bakı 2019” XV

Avropa Gənclər Olimpiya Festivalı bütün Avropada gənclərin arasında yeni dostluqlara yol açdı.

Avropa Olimpiya Komitələri Əlaqələndirmə Komissiyasının rəhbəri Corce Visaçki Azərbaycan

atletlərinin uğurlu çıxışlarında və mötəbər turnirin yüksək səviyyədə təşkilinə görə təbriklərini çatdırıb. O

bildirib ki, bu uğur Azərbaycan idmançılarını daha mötəbər yarışlarda qələbə qazanmağa ruhlandıracaq. O,

idmançıların və nümayəndə heyətlərinin üzvlərinin ölkəmizdən xoş təəssüratlarla ayrıldıqlarını diqqətə

çatdırıb.

Sonda jurnalistlərin sualları cavablandırılıb.

AZƏRTAC

2019, 26 iyul

https://azertag.az/



47

XV Avropa Gənclər Olimpiya Festivalında 38 ölkənin idmançıları medal qazanıblar

Aktivində 23 medal – 10 qızıl, 7 gümüş və 6 bürünc olan Azərbaycan komanda hesabında dördüncü

yerdədir

Avropanın 48 ölkəsindən 3900-dək atletin mübarizə apardığı “EYOF Bakı 2019” XV Avropa

Gənclər Yay Olimpiya Festivalı yeddigünlük maraqlı idman mübarizəsindən sonra iyulun 27-də başa çatdı.

Atletlər Bakıdakı 12 arenada idmanın on növü – idman gimnastikası, atletika, basketbol, velosiped idmanı,

həndbol, cüdo, üzgüçülük, tennis, voleybol və güləş yarışlarında 135 dəst medal uğrunda mübarizə

apardılar.

AZƏRTAC xəbər verir ki, festivalda qaliblər üçün nəzərdə tutulan 300 qızıl, 300 gümüş və 330

bürünc medal 38 ölkənin idmançıları tərəfindən qazanılıb.

Bu mötəbər yarışda 23 medal – 10 qızıl, 7 gümüş və 6 bürünc qazanan Azərbaycan millisi komanda

hesabında dördüncü pillədə qərarlaşıb. Medallardan 16-sını güləşçilərimiz qazanıblar. Pəhləvanlarımız 8

qızıl, 5 gümüş və 3 bürünc medala sahib olublar. Medalların sayına görə komandamızda ikinci yerdə

cüdoçular qərarlaşıblar. Cüdoçular ölkəmizin aktivinə 2 qızıl, 1 gümüş və 3 bürünc medal yazdırıblar.

Komandamız idman gimnastikası yarışında isə 1 gümüş medala sahib olub.



48

Siyahıya aktivində 66 (28 qızıl, 17 gümüş və 21 bürünc) medal olan Rusiya komandası başçılıq edir.

Böyük Britaniya idmançıları 25 medalla (11 qızıl, 12 gümüş, 2 bürünc) ikinci, Türkiyə komandası isə 27

medalla (11 qızıl, 6 gümüş və 10 bürünc) üçüncü sırada qərarlaşıblar. İlk onluqda İtaliya (8-9-9), Ukrayna

(8-7-10), İspaniya (7-4-10), Fransa (6-8-14), Polşa (6-3-6), Belarus (6-2-6) yığmaları yer alıblar.

Medal qazanan digər ölkələr isə aşağıdakılardır: Rumıniya (4-10-5), Almaniya (4-7-15), Xorvatiya

(4-1-0), İsveç (3-1-2), Estoniya (3-0-2), Hollandiya (2-3-4), Finlandiya (2-3-1), Çexiya (2-1-3), İrlandiya

(2-0-2), Norveç (1-6-2), Gürcüstan (1-5-7), Danimarka (1-1-3), Bolqarıstan (1-1-0), Kipr (1-0-2), İsrail (1-

0-1), Kosovo (1-0-0), Avstriya (1-0-0), Macarıstan (0-9-12), Belçika (0-5-2), İsveçrə (0-2-2), Moldova (0-

1-4), Yunanıstan (0-1-3), Serbiya (0-1-3), Portuqaliya (0-1-0), Litva (0-1-0), Latviya (0-0-1), Slovakiya (0-

0-1) və Sloveniya (0-0-1).

XVI Avropa Gənclər Olimpiya Festivalı 2021-ci ildə Slovakiyanın Banska Bistritsa şəhərində

keçiriləcək.

AZƏRTAC

2019, 27 iyul



49

XV Avropa Gənclər Olimpiya Festivalının təntənəli bağlanış mərasimi keçirilib

Dünyada ən mötəbər idman turnirlərinin mahir təşkilatçısı kimi tanınan Azərbaycan daha bir mötəbər

beynəlxalq idman tədbirinə - “EYOF Bakı 2019” XV Avropa Gənclər Olimpiya Festivalına yüksək

səviyyədə ev sahibliyi edərək növbəti dəfə tarix yazdı. Son 7 gün ərzində dünya, o cümlədən Avropanın

idman ictimaiyyətinin gözü Azərbaycanda idi. Bakı bu 7 gündə XV Avropa Gənclər Olimpiya Festivalına

layiqincə ev sahibliyi etdi. Burada gördükləri yüksək təşkilatçılıq, xalqımızın səmimi qonaqpərvərliyi,

mədəni dəyərləri minlərlə yeniyetmə idmançının, nümayəndə heyətlərinin üzvlərinin, yarışları televiziya

ekranlarından izləyən milyonlarla tamaşaçının qəlbini riqqətə gətirdi. Festivalın yarışları, sözün həqiqi

mənasında, əsl idman və həmrəylik bayramına çevrildi, maraqlı və parlaq qələbələrlə yadda qaldı. Bu

mötəbər yarışda 10 qızıl, 7 gümüş və 6 bürünc medal qazanan Azərbaycan yığma komandası 48 ölkə

arasında dördüncü oldu.

AZƏRTAC xəbər verir ki, festivalın “Baku Crystal Hall”da keçirilən təntənəli bağlanış mərasimində

Azərbaycan Respublikası Baş Nazirinin birinci müavini, XV Avropa Gənclər Yay Olimpiya Festivalının

Təşkilat Komitəsinin sədri Yaqub Eyyubov, Avropa Olimpiya Komitələrinin (AOK) vitse-prezidenti Nils

Nayqaard, növbəti festivala ev sahibliyi edəcək Slovakiyanın Banska Bıstritsa bölgəsinin meri Yan Nosko,

iştirakçı ölkələrin nümayəndə heyətlərinin rəhbərləri və digər şəxslər iştirak ediblər.

Bağlanış mərasiminin iştirakçıları arasında Heydər Əliyev Fondunun vitse-prezidenti Leyla Əliyeva

və Azərbaycan Milli Olimpiya Komitəsinin baş katibinin müavini Azər Əliyev də olublar.

Avropa Gənclər Yay Olimpiya Festivalı Beynəlxalq Olimpiya Komitəsinin (BOK) himayəsi altında

keçirilir və 25 ildən artıq ənənəsi var. Bu festival 14-18 yaş arası gənc idmançılar üçün ilk çoxprofilli

Avropa tədbiridir. Olimpiya bayrağı altında keçirilən festival Olimpiya ənənələri ilə zəngindir.

“Zirvələrə hazırıq” devizi altında keçirilən “Bakı 2019” XV Avropa Gənclər Yay Olimpiya

Festivalının yarışları paytaxtın 12 idman obyektində yeddi gün davam edib. Festivalda 48 ölkədən 3900

atlet idmanın on növü – idman gimnastikası, atletika, basketbol, velosiped idmanı, həndbol, cüdo,

üzgüçülük, tennis, voleybol və güləş yarışlarında 135 dəst medal uğrunda mübarizə apardı.

Azərbaycan festivala 122 idmançı ilə qatılıb. Heyətdə güləşçilər və yüngül atletlər sayca üstünlük

təşkil ediblər. Azərbaycan bu idman növlərinin hər biri üzrə 18 nəfərlə təmsil olunub. Bundan başqa, cüdo

yarışlarında 12, bədii gimnastikada 4, velosiped idmanında 6, tennisdə 4, üzgüçülük yarışlarında 6

idmançımız mübarizəyə qoşulub. Komanda idman növlərində isə voleybol və basketbol yığmalarımızın hər

birinin heyətinə 12 idmançı daxil edilib. Oğlanlardan və qızlardan ibarət həndbol komandalarımızda

ümumilikdə 30 oyunçu yer alıb.

Festival günlərində idman obyektlərində 3500-dən çox könüllü fəaliyyət göstərib.

“Baku Crystal Hall”a toplaşmış tamaşaçılar və yüz minlərlə televiziya izləyiciləri təntənəli bağlanış

mərasiminin unudulmaz anlarının şahidi oldular.

Bağlanış mərasimi Azərbaycan Respublikasının dövlət himninin səsləndirilməsi ilə başladı.

Azərbaycan Respublikasının dövlət bayrağının, eləcə də AOK-un və BOK-un bayraqlarının

dalğalandığı arenada bayraqlar paradına start verildi. İlk olaraq Olimpiya Oyunlarını dünyaya bəxş etmiş

ölkənin – Yunanıstanın, sonra digər ölkələrin bayraqları əlifba sırası ilə arenaya gətirildi. Bayraq paradı ev

sahibi Azərbaycanın bayrağının gətirilməsi ilə başa çatdı.

Daha sonra XV Avropa Gənclər Olimpiya Festivalının ən maraqlı anlarını əks etdirən film nümayiş

etdirildi.

Azərbaycan Respublikası Baş Nazirinin birinci müavini, XV Avropa Gənclər Olimpiya Festivalının

Təşkilat Komitəsinin sədri Yaqub Eyyubov və AOK-un vitse-prezidenti Nils Nayqaard səhnəyə gəldilər.

“EYOF Bakı 2019”un Təşkilat Komitəsinin sədri Yaqub EYYUBOV çıxış edərək dedi:

- Hörmətli Beynəlxalq və milli federasiyaların rəsmiləri.

Əziz gənc idmançılar.

Xanımlar və cənablar.

Yeddi gün ərzində yüksək əhval-ruhiyyə, gərgin mübarizə və dostluq şəraitində keçən XV Avropa

Gənclər Olimpiya Festivalı bu gün başa çatır. Festivalın bağlanış mərasimindəki çıxışımda səmimi

hisslərimi sizinlə bölüşmək istəyirəm. Ölkəmlə, ölkəmin rəhbərliyi, insanları ilə və bu yarışlarda fəal iştirak

edən bütün gənc dostlar, sizinlə qürur duyuram. Mən qürur duyuram ki, biz bu festivalı ənənəvi olaraq

yüksək səviyyədə təşkil etməklə Azərbaycanın idman ölkəsi olduğunu bir daha nümayiş etdirdik. Biz

idmanı sevirik, çünki o, dünyada dostluq, sülh və sağlam həyat sürmək üçün ən təsirli və önəmli vasitədir.

https://azertag.az/



50

Təşkilat Komitəsi və bütün Azərbaycan idmançıları adından festivala və ölkəmizdə idmanın

inkişafına böyük dəstək verən Azərbaycan Respublikasının Prezidenti cənab İlham Əliyevə dərin

minnətdarlığımızı bildirirəm.

Əziz gənclər, siz 10 idman növü üzrə 900-dən çox medal uğrunda mübarizə aparmaqla yanaşı, ən

önəmlisi, Olimpiya hərəkatı ideyalarına sadiq qalaraq, birlik və dostluq nümayiş etdirdiniz. Ümumi

nəticədə XV Avropa Gənclər Olimpiya Festivalının qalibi olmuş Rusiya komandasını, müvafiq olaraq

ikinci və üçüncü yerləri tutmuş Böyük Britaniya və Türkiyə idmançılarını ürəkdən təbrik edirəm.

Xüsusi qeyd etmək istəyirəm ki, Azərbaycan idmançıları Gənclərin Avropa Olimpiya festivallarında

iştirak tarixlərinin ən böyük uğurunu məhz Bakı şəhərində əldə etdilər. Onlar ümumi komanda hesabında

dördüncü yerə çıxdılar, 10-u qızıl, 7-si gümüş və 6-sı bürünc olmaqla, 23 medal qazandılar. Bu nailiyyət

münasibətilə Azərbaycan xalqını, idmançılarımızı və onların məşqçilərini səmimi qəlbdən təbrik edirəm.

Təbii ki, nəticələrindən asılı olmayaraq, festivalda iştirak etmiş bütün komandaları təbrik edirəm -

bu cür yarışlarda iştirakın özü də böyük bir qələbədir.

Ümidvaram ki, əziz idmançılar, Azərbaycanda keçirdiyiniz bir həftə sizlərin həyatında unudulmaz

izlər buraxdı və bu duyğuları Azərbaycandan gedərkən özünüzlə aparacaq və Bakıda - gözəl paytaxtımızda

keçirdiyiniz günləri bütün ömrünüz boyu xoş xatirələrlə yada salacaqsınız.

Mən Avropa Gənclər Olimpiya Festivalında iştirak etmiş bütün məşqçi və hakimlərə, yardımçı heyət

nümayəndələrinə, idman arenalarına gələn azarkeşlərə də təşəkkür edirəm.

Canlı izlədiyimiz festival gənclərin böyük bir qismi üçün ilk mühüm sınaq oldu. Əminəm ki,

sıralarınızdan gələcəyin Olimpiya, dünya və Avropa çempionları yetişəcək və biz də böyük fəxrlə

xatırlayacağıq ki, bu nailiyyətlərin əsası məhz Bakı şəhərində qoyulub.

XV Avropa Gənclər Olimpiya Festivalı başa çatdı. 2021-ci ildə növbəti - XVI Festival Slovakiyanın

Banska Bistritsa şəhərində keçiriləcək. Əminik ki, bu yarışlar da yüksək səviyyədə təşkil olunacaq.

Əziz dostlar, əziz gənclər, Azərbaycanda keçiriləcək gələcək idman yarışlarında yenidən görüşmək

ümidi ilə sağollaşır və bir daha hər birinizə Bakıdakı festivalın iştirakçısı olduğunuza görə səmimi qəlbdən

“Çox sağ olun!” deyirik.

x x x

Sonra AOK-un vitse-prezidenti Nils NAYQAARD çıxış edərək dedi:

- Hörmətli Azərbaycan Respublikası Baş Nazirinin birinci müavini cənab Yaqub Eyyubov.

Əziz idmançılar.

Əziz dostlar və Avropanın Olimpiya hərəkatının qonaqları.

İcazə verin, Avropanın bütün Milli Olimpiya Komitələrinin ən səmimi salamlarını çatdırım.

Burada, Bakıda biz XV Yay Avropa Gənclər Olimpiya Festivalının maraqlı həftəsini keçirdik.

Bu, Avropa idmanının, qitəmizin ən yaxşı gənc idmançılarının əsl bayramı oldu. Burada yarışan

atletləri seyr etdikdən sonra əminliklə demək olar ki, Avropanın idman aləmində aparıcı mövqeyi yaxın

zamanlarda dəyişməz olaraq qalacaq.

Bütün idmançıları təbrik edirik. Ümidvaram ki, burada əldə etdiyiniz təcrübə sizi gələcəkdə həm

idman, həm də digər sahələrdə daha böyük zirvələri fəth etməyə ilhamlandıracaq.

Siz dostluq, kamillik və hörmət kimi Olimpiya dəyərlərini təcəssüm etdirdiniz və biz bütün həftə

izlədiyimiz çıxışlarınızdan fərəhləndik.

Azərbaycanlı dostlarımıza və təşkilatçılara minnətdarıq. Çünki onlar bir daha bütün dünyaya

nümayiş etdirdilər ki, çox idman növlü mükəmməl yarışları təşkil etməyə qadirdirlər.

Öz təbəssümü və nəzakətli davranışı ilə festivalın ərsəyə gəlməsində yardımçı olmuş üç min beş yüz

könüllüyə xüsusi minnətdarlığımızı bildiririk.

Avropa Gənclər Olimpiya Festivalı gənclərin bayramıdır və biz şadıq ki, həmin Oyunlarda bu qədər

sayda gənc iştirak etdi.

Yerli təşkilatçılar gənclərlə çox peşəkar iş apardılar, o cümlədən Bakının 49 məktəbi ilə onların

Avropadakı həmkarları arasında qardaşlaşma tellərini mümkün edən Olimpiya Mədəniyyəti və Təhsili

Proqramını həyata keçirdilər.

Tələbələr yerli mədəniyyət, tarix, incəsənət və idmanla bağlı fikirlərini bir-biri ilə bölüşdülər,

həmçinin Olimpiya dəyərləri və prinsipləri ilə tanış oldular.

Onların keçdikləri təlimlər və gördükləri işlər Atletlər kəndində Olimpiya Mədəniyyəti və İdmanı

Pavilyonunda nümayiş olundu. Gənc idmançılar, komanda üzvləri və digər qonaqlar orada bütün iştirakçı

Avropa ölkələri ilə tanış oldular və Olimpiya ruhunu duydular.



51

Avropa gənclərini bir araya gətirən bu Oyunlardan əldə edilmiş nəticələr daim yaddaşlarda qalacaq.

İdman bir daha sübut etdi ki, o, fərqli mənşəyə, inanclara malik olan insanları dinc yarış şəraitində

birləşdirməkdə böyük gücə malikdir.

Hər zaman ən xoş xatirələrlə yada salacağımız Avropa idmanının və gənclərin unudulmaz bir

həftəsinə görə sağ ol Bakı, sağ ol Azərbaycan!

İndi isə, mən XV Avropa Gənclər Olimpiya Festivalını bağlı elan edirəm.

x x x

Daha sonra Olimpiya himninin sədaları altında AOK-un və BOK-un bayraqları endirildi. Festivalın

çempionu olan Azərbaycan idmançıları – Xasay Həsənli, Həsrət Cəfərov, Elmir Əliyev, Fərid Sadıxlı,

Qurban Qurbanov və Turan Bayramov BOK-un bayrağını təntənəli şəkildə səhnədən çıxardılar.

AOK-un bayrağı isə Təşkilat Komitəsinin sədri Yaqub Eyyubova təqdim olundu. Yaqub Eyyubov

bayrağı rəmzi olaraq bir neçə dəfə dalğalandırdıqdan sonra AOK-un vitse-prezidenti Nils Nayqaarda

təqdim etdi. AOK-un vitse-prezidenti isə bayrağı növbəti – XVI Avropa Gənclər Olimpiya Festivalına ev

sahibliyi edəcək Slovakiyanın Banska Bistritsa bölgəsinin meri Yan Noskoya verdi.

Slovakiyanın dövlət himninin sədaları altında bu ölkənin bayrağı arenada qaldırıldı.

Slovakiyanın Banska Bistritsa bölgəsinin meri Yan NOSKO mərasimdə çıxış edərək dedi:

- Azərbaycan Respublikası Baş Nazirinin birinci müavini Yaqub Eyyubov.

Avropa Olimpiya Komitələrinin vitse-prezidenti Nils Nayqaard.

Əziz idmançılar, əziz qonaqlar.

Yaxşı bir ideyam var. Mən sizi öz cazibəsi ilə seçilən bir məkana dəvət etmək istəyirəm.

Baxmayaraq, o, kiçik bir yerdir, lakin orada böyük potensial gizlənir. Mən sizi elə bir ölkəyə dəvət etmək

istəyirəm ki, oranın əhalisi Nyu-York şəhərinin əhalisindən azdır. Lakin həmin ölkə pop-artın banisinin,

paraşütü və ya uçan maşını ixtira edənlərin vətənidir. Peter Saqan və ya Zdeno Kara kimi idmançılar orada

dünyaya göz açıblar. Yaxşı bir ideyam var. Mən sizi öz adımdan məhəbbəti ehtiva edən ölkəyə dəvət

edirəm. Bir halda ki, məhəbbət ürəkdə doğulursa, sizi bu ölkənin qəlbinə dəvət edirəm. Bilirsiniz niyə?

Çünki şəhər Slovakiyanın tam mərkəzində yerləşir və o, hər yerə yaxındır. Çünki o, Olimpiya

çempionlarının və dünya şöhrətli idmançıların şəhəridir.

Futbolçu Marek Hamşik, biatlonist Anastasiya Kuzmina və idman yerişi ustası Matej Tot kimi idman

ulduzları Banska Bistritsa şəhərinin yetirmələridir. Sizin hamınızı, gələcək idman ulduzlarını 2021-ci ildə

Banska Bistritsaya dəvət edirəm. Əminəm ki, siz məmnun qalacaqsınız. Bizim gözəl şəhərimiz dağların

qoynunda yerləşir və bütün slovak şəhərləri ilə müqayisədə ən gözəl meydana və şəhər mərkəzinə malikdir.

2021-ci ildə Avropanın mərkəzinə gəlin. Hamımız sizi Slovakiyada, Banska Bistritsada səbirsizliklə

gözləyirik. Biz 2017-ci ildə Avropanın idman şəhəri adını fərəh hissi ilə daşıdıq və 2021-ci ildə biz Avropa

Gənclər Olimpiya Festivalının məşəlini fərəhlə daşıyacağıq. Hamınız dəvətlisiniz! Çox sağ olun.

x x x

Bağlanış mərasimində XVI festivala ev sahibliyi edəcək Slovakiya haqqında film nümayiş olundu.

Daha sonra yeddigünlük idman bayramının başa çatmasının rəmzi olaraq festivalın məşəli

gimnastların ifasında maraqlı kompozisiyanın müşayiəti ilə söndürüldü.

Məşəlin söndürülməsindən sonra bağlanış mərasimi maraqlı konsert proqramı ilə davam etdi.

Qeyd edək ki, festivalda 23 medal – 10 qızıl, 7 gümüş və 6 bürünc qazanan Azərbaycan millisi

komanda hesabında dördüncü pillədə qərarlaşıb. Medallardan 16-sını güləşçilərimiz qazanıblar.

Pəhləvanlarımız 8 qızıl, 5 gümüş və 3 bürünc medala sahib olublar. Medalların sayına görə komandamızda

ikinci yerdə cüdoçular qərarlaşıblar. Cüdoçular ölkəmizin aktivinə 2 qızıl, 1 gümüş və 3 bürünc medal

yazdırıblar. Komandamız idman gimnastikası yarışında isə 1 gümüş medala sahib olub.

“EYOF Bakı 2019” XV Avropa Gənclər Olimpiya Festivalında yeddigünlük idman mübarizəsinin

yekununda 38 ölkənin təmsilçiləri medal qazanıblar. Siyahıya aktivində 66 (28 qızıl, 17 gümüş və 21

bürünc) medal olan Rusiya komandası başçılıq edir. Böyük Britaniya idmançıları 25 medalla (11 qızıl, 12

gümüş, 2 bürünc) ikinci, Türkiyə komandası isə 27 medalla (11 qızıl, 6 gümüş və 10 bürünc) üçüncü sırada

qərarlaşıblar. Sonrakı yerləri müvafiq ardıcıllıqla İtaliya, Ukrayna, İspaniya, Fransa, Polşa, Belarus,

Rumıniya, Almaniya, Xorvatiya, İsveç, Estoniya, Hollandiya, Finlandiya, Çexiya, İrlandiya, Norveç,

Gürcüstan, Danimarka, Bolqarıstan, Kipr, İsrail, Kosovo, Avstriya, Macarıstan, Belçika, İsveçrə, Moldova,

Yunanıstan, Serbiya, Portuqaliya, Litva, Latviya, Slovakiya və Sloveniya idmançıları tutublar.



52

Bununla da Azərbaycan daha bir mötəbər turnirə yüksək səviyyədə ev sahibliyi etdi. Bu mötəbər

idman turnirinin uğurlu təşkilini təmin edən mühüm amillərdən biri son illər Azərbaycanın beynəlxalq

idman tədbirlərinin keçirilməsində qazandığı zəngin təcrübədir. 2015-ci ildə tarixdə ilk Avropa Oyunları,

2016-cı ildə 42-ci Ümumdünya Şahmat Olimpiadası, 2017-ci ildə IV İslam Həmrəyliyi Oyunları, son bir

neçə ildə Formula-1 Qran-Prisi, bu ilin mayında UEFA Avropa Liqasının final qarşılaşması kimi mötəbər

yarışlara uğurla ev sahibliyi edən Azərbaycan XV Avropa Gənclər Olimpiya Festivalını da müvəffəqiyyətlə

təşkil etməklə bir daha dünyanın diqqət mərkəzinə çevrildi.

AZƏRTAC

2019, 27 iyul

vi fƏsİl bakı 2019” avropa gənclər olimpiya...

Documents