1

Jaargang 2017 Uitgawe 8

h/v Starkey en Spioenkop str Waverley

info@ico.co.za 012 332 0336

Vertroue

In hierdie uitgawe...

Vertroue bl 1

Verwelkoming nuwe skool bl 2

Boustene kursus bl 2

Kurrikulum nuus bl 3

Atletiek bl 4

Lees toepassing bl 4

Terugvoer bl 2

Belangrike datums bl 2

My Dopper-dagboek bl 3

Beskikbare pos bl 3

Ons verwelkom almal hartlik terug na ‘n heerlike rustyd. Die

terugvoer van die skole getuig dat hier al met groot spoed

gewerk word op die pad van 2017.

Voordat die wedloop ons heeltemal insluk wil ons u

bemoedig met die volgende skrifgedeelte: Spreuke 3: 5-6

”Vertrou op die HERE met jou hele hart en steun nie op

jou eie insig nie. Ken Hom in al jou weë, dan sal Hy jou

paaie gelykmaak”

‘n Teks wat mooi sou lyk teen u studeerkamer-, kantoor-, of

klaskamermuur. Dit herinner ons, om ons insig (verstand) te

gebruik, dit is ook wat ons aan die kinders wil leer. Die

Here het aan ons insig en denkvermoë gegee en Hy wil hê

dat ons dit tot sy heerlikheid moet gebruik. Daar is natuurlik

‘n groot verskil tussen jou verstand te gebruik en op jou

verstand te vertrou.

Om jou verstand reg te gebruik hou in dat jy die Here

volkome vertrou. Met so ‘n teks teen jou klaskamer se

muur is dit goed om te onthou dat jy jou verstand moet

gebruik tydens lesvoorbereiding, verdere studie, navorsing

en assessering en om dan terselfdertyd bewus te wees van

jou volkome afhanklikheid van God. Jy steun dus nie op jou

eie insig of verstand nie, want dan word jou verstand ‘n

afgod.

In Matt. 22 leer Jesus ons dat die verstand belangrik is en

dat ons die Here God met ons verstand moet liefhê. Dit

beteken dat ons ons verstand moet ontwikkel en Hom

daarmee moet dien. Die humanisme leer dat die verstand

heers oor die Skrif. As gelowiges leer ons egter dat die Skrif

oor die verstand en alle menslike vermoëns heers.

Die mens met sy hele verstand onderwerp hom dus aan God

en sy Woord. Hierdie teks beklemtoon dat ons die Here moet

vertrou met ons hele hart.

Dit is ’n oproep wat gevolge het vir ons denke sowel op ons

lewenswandel. In ons lewe word ons geroep om te wandel

ooreenkomstig sy wil. Die teks belowe as ons Hom ken in

ons wandel hier op aarde Hy ons paaie sal gelykmaak. Dit is

met ander woorde ’n teks wat vir ons die weg aanwys op

hierdie pad, die weg na ware lewensgeluk. In elke situasie,

elke besluit, alle sorge, alle vreugdes, alle onsekerhede

moet ons Hom ken.

Die woord weg of weë kom baie voor in die Bybel, lees maar

in Psalms 1, 25, 37, 139 ens. Vir ons lê daar groot troos in

dat Jesus Christus Homself die Weg noem. Daarom kan ons

sê, wandel in al jou weë in die Weg, dit is Christus.

Ken Hom, dit beteken erken Hom, vra na Hom, lê aan Hom

alles voor, ook alle skoolsake, moeilik of maklik.

Wie so in sy lewenswandel op God vertrou en Hom erken

word geseën. Dit beteken nie dat daar geen sorge gaan

wees nie, maar dat die Here jou optel bo jou sorge. Om die

Here te ken en te erken is om Hom te dien in

gehoorsaamheid en Hom lief te hê.

Dan onderwerp ons ons ook met al ons verstandelike

vermoëns aan Hom, die soewereine God.

2

Welkom Boustene vir

Christelik Normatiewe Onderwys

Johannes 14:6 “ Jesus antwoord hom: Ek is die weg en die waarheid en die lewe; niemand kom na die Vader behalwe deur My nie”

Departementeel: Die skooljaar het ’n stormagtige begin gehad

met duisende leerlinge in Gauteng wat vergeefs op ‘n plek wag.

Die media het ook wye dekking gebied aan die omstrede

taalkwessie waar Hoërskool Overkruin en Montana gedwing word

om Engelse leerders in te neem. Dit is tekenend van swak

beplanning by die onderwysdepartement of soos Paul Colditz van

FEDSAS sê, feitlik geen beplanning wat plaasgevind het nie. In

2015/2016 het die kindertal in Gauteng met 50 000 toegeneem,

slegs 3 skole is in die tydperk gebou. Selfs as daar elke maand ‘n

nuwe skool gebou word gaan dit steeds nie in die behoeftes

voorsien nie. Wat beteken dit vir ons?

Die department pas dieselfde swak administrasie op die

privaatskolesektor toe. Een van die kritiese aspekte waarop

gesubsidieerde privaatskole nog nie terugvoer ontvang het nie is

die subsidie toewysings. Hierdie inligting moes reeds in

September/Oktober 2016 bekend gewees het, sodat skole hul

begrotings daarvolgens kon beplan.

Matriekslaagsyfer: Tog moet ons nie net op die negatiewe

fokus en vergeet van al die goeie wat die afgelope jaar in ons eie

skoolfamilie gebeur het nie! Die ICO skole spog met ‘n 100%

slaagsyfer. Baie geluk ons is dankbaar dat dit so goed gegaan het.

Nooitgedacht Akademie het die 2e plek in die distrik behaal en

van Dirk Postma se 20 matrikulante was daar 46

onderskeidings. Baie geluk aan Laeveld Akademie asook

Juventus met ’n 100% slaagsyfer. Ons besef dit is nie slegs die

graad 12 jaar wat die deurslaggewende rol gespeel het nie.

Hierdie kinders is van kleins af opgevoed in die weë van die

Here wat insluit dat daar ‘n hoë premie op werksetiek gestel

word.

Ouers, onderwysers en ander volwassenes het ‘n groot rol

gespeel in hulle vorming. Ons wens hierdie kinders dan ook die

seën van die Here toe op hul toekomspad, ’n pad waarin hulle

aangemoedig word om altyd die Here te ken in alles wat hulle

aandurf.

Navrae: Loer gerus op www.ico.org.za. Belangrike dokumente insake beleid oor geslotekringtelevisie asook skole en opvoeders se plig by die vermoede van mishandeling is daarop beskikbaar. FEDSAS was ons hier behulpsaam.

Terugvoer

Hartlik welkom aan ds. Paula Eksteen en haar span van Midrand Afrikaanse Akademie. Hierdie skool, wat nou deel is van die ICO familie, is gegrond op die Woord van God en die uitleef van Christelike waardes, ’n plek waar eenheid in waardes, godsdiens, en taal gevier word. Die skool waar elke lid voel asof hulle deel is van ’n familie, bied uitnemende akademiese onderwys aan. Hier werk die hele gemeenskap saam. Kinders voel geborge en geniet hul skoollewe!

Teken die volgende datum in u dagboek aan: 18 Februarie 2017.

Ouers, sowel as al die nuwe onderwysers is

welkom om die kursus wat by SARO geakkrediteer is

by te woon.

Die inhoud berus daarop dat Jesus Christus die

groot Leermeester is, Hy maak van gewone sondige mense gebruik om dit wat

Hy wil, te onderrig.

Die belangrike rol wat die Christen-onderwyser

sowel as die Christen-ouer t.o.v. die Christelike-skool

inneem, word hierin duidelik.

Bespreek u plek betyds.

info@ico.org.za

Boekvoorlesing deur een van die gemeenskap se predikante:

‘Huppel en sy maats’

9 Februarie: Amptelike opening van uitgewery

25 Februarie: ICO atletiek aangebied deur CCL

22-29 Julie: Reformasieweek

24 Julie: ICO onderwysseminaar

3 September: ICO kunstefees

31 Oktober: Hervormingsdag

Ds Paula Eksteen

3

Nuwe kurrikulum

Dopper-dagboek Die pragtige Dopper-dagboek doen al in menige

huis diens! Hy pryk sowaar in Protea boekhandel

sowel as Jasmyn se boekrakke en les bes daar het

ook ‘n resensie in verskeie dagblaaie sowel as

Huisgenoot verskyn!

Vir ons rede tot

dankbaarheid. Op

hierdie wyse beland

die ICO se naam in

vele Suid-Afrikaanse

huise.

Bestel vandag jou

eksemplaar vir slegs

R100.

(Posgeld uitgesluit)

Die Waterstroomreeks is by uitstek ʼn Christelike waardegedrewe kurrikulum. Die doel van die kurrikulum is

om leerlinge te lei na ’n grondige kennis en begrip van

vakinhoud en beginsels, sodat hulle toegerus is om met hulle

gawes en talente die nuwe kennis in diens van God en die

gemeenskap te kan aanwend.

Leerlinge word deur die hele skoolloopbaan gelei om op ʼn

geïntegreerde wyse in elke vak drie hoofwaardes as

begronding van die inhoud raak te sien. Hierdie drie

hoofwaardes is:

Godsaanskouing: Openbaring. God openbaar Homself

in Jesus Christus aan die mens.

Mensbeskouing: Beeldskap. God skep die mens as

unieke wese, na die beeld van God. God tree in ʼn

verbondsverhouding met die mens, daarom kan die

mens in ʼn verbondsverhouding met God tree. Vanuit

hierdie verbondsverhouding is die mens nie net ʼn

individu nie, maar ʼn gemeenskapswese wat aan God en

sy naaste verbind is. Hierdie verbondsverhouding is deur

die sondeval gebreek, maar deur die verlossing van

Jesus Christus herstel.

Skeppingsbeskouing: Roeping. Die mens kry ʼn unieke

taak of roeping op aarde. Die skepping moet bewerk,

bewoon en bewaar word (kultuuropdrag) waaraan hy

gehoorsaam moet beantwoord.

Hierdie roeping word d.m.v. unieke gawes vanuit ʼn individuele

roeping binne ʼn bepaalde gemeenskap uitgevoer.

Elke hoofwaarde word in fyner detail in die leerinhoud verwerk

sodat die leerling uiteindelik drie vrae kan beantwoord naamlik:

Wie is God? (Openbaring)

Wie is ek? (Mensbeskouing)

Wat moet ek doen? (Roeping)

Die waardegedrewe handboeke is deur ICO saamgestel en

voldoen aan die KABV leeruitkomste soos deur die

departement van onderwys vereis. Dit is ook met ekstra inhoud

verryk. Die handboeke dek ʼn aantal aspekte van God se

skepping en die menslike vermoëns om dit te benut, dus hoe

om natuur in kultuur te omskep.

God gee in sy Woord duidelike opdragte oor hoe en met watter

doel sy skepping gebruik moet word. Hierdie handboeke plaas

ʼn deel van die skepping en die mens se bedrywighede in die

lig van wat die Bybel ons daaroor leer.

Met dankbaarheid het ons 2017 afgeskop met die publisering

van Bybel graad 4 asook Natuurwetenskap graad 4, 5 en 6

handboeke wat reeds deur van die skole gebruik word.

Heelwat skole het ’n proefvoorbeeld ontvang. Ons sal enige

kritiese bydraes opreg waardeer om sodoende van hierdie

kurrikulum ’n uitnemende produk te maak. Ons werk met groot

entoesiasme aan die res van die kurrikulum.

Met groot opgewondenheid betree ons in

samewerking met Aros en Gereformeerde Skool

Dirk Postma ‘n nuwe opwindende uitbreiding. Daar

is al vir ‘n geruime tyd ‘n behoefte aan ‘n uitgewery

hier in die Moot en

saam het die drie

rolspelers besluit om

hierdie weg te betree.

Heelwat aansoeke vir

hierdie pos is ontvang.

Die sluitingsdatum is 27

Januarie 2017! (sien

advertensie hiernaas)

Hou die pers dop vir

verdere verwikkelinge.

Uitgewery

Ps. 27:11 ”Here leer my u weg en lei my op ‘n gelyk pad, vanweë my vyande”

4

Nuusflitse

Flink Dink is die tweede opwindende leestoepassing in die ICO Lees-reeks.

Die vermoë om effektief te lees is krities tot suksesvolle akademiese prestasie.

Daarom fokus hierdie leestoep, net soos LEES 1 om leesvaardighede op ʼn

prettige wyse te verbeter.

Kort waardegedrewe leesstukke word afgewissel met leesspeletjies wat deur

Wise Eyes ontwikkel is.

Hierdie leesstukke en speletjies word volgens moeilikheidsgraad in 24 vlakke

verdeel. Elke vlak bestaan uit drie dele wat suksesvol bemeester moet word

voordat daar na die volgende vlak beweeg kan word.

Die toepassing fokus op: Vaslegging van etiese waardes, leesspoed, oogspier-

oefening, woordeskat, spelling, visuele geheue, leesbegrip en kennisuitbreiding

Die kompakte eenvoudige aanbieding van die inhoud maak dit moontlik om

lees op ʼn drafstap en genotvolle wyse te oefen.

Die toepassing is gratis beskikbaar op google playstore, die skakel is as volg:

https://play.google.com/store/apps/details?id=tech.livx.lees&hl=en

Produkte

Spreuke 3:5-6 Vertrou op die Here met jou hele hart en steun nie

op jou eie insig nie. Ken hom in al jou weë, dan

sal hy jou paaie gelyk maak

Vriendelike ICO-groete

Saskia Meijer

Waterstroom-reeks ICO atletiek

Plaas u bestelling by die ICO Pryse sluit nie posgeld in nie

https://play.google.com/store/apps/details?id=tech.livx.lees&hl=en