universiteti i gjakovËs “fehmi agani”...progresit intelektual dhe i humanitetit. muzika është...
TRANSCRIPT
1
UNIVERSITETI I GJAKOVËS “FEHMI AGANI”
FAKULTETI I EDUKIMIT
PROGRAMI: PARASHKOLLOR
PUNIM DIPLOME
INTEGRIMI I MUZIKËS ME LËNDËT TJERA KURRIKULARE
Mentorja: Studentja:
Prof. asoc. Msc. Mimoza Kurshumlia Leonita Berisha
Gjakovë, 2019.
1
UNIVERSITETI I GJAKOVËS “FEHMI AGANI”
FAKULTETI I EDUKIMIT
PROGRAMI: PARASHKOLLOR
PUNIM DIPLOME
INTEGRIMI I MUZIKËS ME LËNDËT TJERA KURRIKULARE
Mentorja: Studentja:
Prof. asoc. Msc. Mimoza Kurshumlia Leonita Berisha
Gjakovë, 2019.
1
UNIVERSITETI I GJAKOVËS “FEHMI AGANI”
FAKULTETI I EDUKIMIT
PROGRAMI: PARASHKOLLOR
PUNIM DIPLOME
INTEGRIMI I MUZIKËS ME LËNDËT TJERA KURRIKULARE
Mentorja: Studentja:
Prof. asoc. Msc. Mimoza Kurshumlia Leonita Berisha
Gjakovë, 2019.
2
Ky punim diplome u mbajt më: _______________ para komisionit vlerësues, i cili përbëhet nga:
1.__________________ Kryetar
2.__________________ Anëtar
3.__________________ Anëtar
Komisioni vlerësues e vlerësoi punimin me notën ______.
3
PËRMBAJTJA
Mirënjohje.............................................................................................................................4
Abstrakt..................................................................................................................................5
Hyrja......................................................................................................................................6
KAPITULLI I
1. Muzika..............................................................................................................................7
1.1. Fëmijët dhe muzika............................................................................................8
1.2. Rëndësia edukativo - arsimore e muzikës .......................................................10
1.3. Objekti i metodikës së mësimit të muzikës .....................................................12
1.4. Muzika, lëndë që në parashkollor e më tej.......................................................14
KAPITULLI II
2. Lidhja e muzikës me fushat tjera kurrikulare..................................................................16
2.1. Lidhja e muzikës me matematikën dhe fizikën................................................18
2.2. Integrimi i muzikës brenda fushës së arteve dhe fushave tjera të të nxënit….20
KAPITULLI III
3. Korniza konceptuale e programit.....................................................................................22
3.1. Lidhja e kompetencave kyçe me kompetencat e fushës...................................24
3.2. Kompetencat që formohen përmes teknikave...................................................25
3.3. Programi muzikor, elementet e tij dhe zbatimi përmes planit tematik.............26
KAPITULLI IV
4. Qëllimet dhe objektivat e edukimit muzikor parashkollor..............................................28
4.1. Kurrikula dhe programi mësimor CF - Edukimi muzikor................................29
4.2. Plani mësimor...................................................................................................30
Rezyme……………………………………………………...………...........................….32
Burime nga literatura ……………..………………………...........................................….33
Burime nga internet……………………………………………………………………….34
4
FALËNDERIME DHE MIRËNJOHJE
Dua të shpreh falënderime të veçanta për të gjithë ata persona që më mbështetën dhe
përkrahën gjatë këtyre viteve të studimit bachelor. Falënderime të përzemërta shkojnë për
profesoreshën time udhëheqëse Mimoza Kurshumlia, e cila me këshillat e saj profesionale e të
vlefshme, bëri që ky punim të jetë i kompletuar.
Një falënderim i veçantë shkon edhe për familjen dhe kolegët për kohën, këshillat,
sakrificat e shumta përgjatë këtij rrugëtimi. Në këtë ditë të veçantë për mua, prezenca juaj është
një nder.
Faleminderit!
5
ABSTRAKT
Në këtë punim diplome do të trajtohet tema: "Integrimi i muzikës me lëndët tjera
kurikulare".
Siç dihet muzika është art. Ajo si lëndë shkollore, synon t`i aftësojë nxënësit për të
përjetuar dhe për të shprehur botën emocionale. Kjo lëndë synon të kultivojë shprehitë për të
kënduar, për të dëgjuar, për të luajtur, për të krijuar, për të zhvilluar të mënduarit kritik dhe
krijues.
Muzika ofron mundësinë e natyrshme dhe të shëndetshme për shprehje individuale, rrit
zhvillimin e fëmijës dhe rrit aftësitë sociale, fizike, emotive dhe njohëse. Ajo në përgjithësi ofron
ndjenjë qetësuese dhe kënaqësie, këtë ndikim pozitiv ka edhe në emocionet e fëmijëve. Përveç
kësaj, u zbulua se fëmijët qe i bien ndonjë instrumenti kanë vetëbesim më të madh.
Muzika si lëndë shkollore, është e lidhur edhe me fushat tjera të të nxënit në kurrikulë, si
me matematikën, fizikën, gjuhën dhe komunikimin, shkencat shoqërore etj.
Fjalët kyçe: muzika, fëmijët, zhvillimi, integrimi, lëndët.
6
HYRJE
Muzika është një disiplinë artistike e artit dhe gjuhë universale që ndihmon nxënësit të
kuptojnë dhe lidhin fenomenet dhe dukuritë muzikore, proceset dhe çështjet që i përkasin
muzikës, duke vërtetuar ligjshmërinë e tyre, si dhe duke shpjeguar mënyrat e interpretimit dhe
ndërtimit të tyre, gjë e cila çon drejt realizimit të një procesi të suksesshëm të mësimit të muzikës.
Vazhdimi i rrugëtimit të njohjës me muzikën është një vlerë e madhe për të mundësuar
edukimin dhe formimin kulturor, zhvillimin e personalitetit të nxënësve, zhvillimin e aftësive të
tyre për të punuar dhe krijuar në mënyrë të pavarur e sistematike, si dhe për të menduar në
mënyrë krijuese dhe kritike.
Integrimi i muzikës me të gjitha lëndët tjera brenda fushës së arteve dhe fushave tjera të
kurrikulës, si dhe me temat ndërkurrikulare, ka si qëllim që të zotërohen sa më mirë kompetencat
kyçe dhe ato të lëndës.
Lënda e muzikës synon të edukojë dhe formojë nxënësit nga pikëpamja muzikore, duke i
orientuar ata me kreativitet drejtë kuptimit të veçorive të ligjërimit muzikor, nga më e thjeshta te
më e ndërlikuara përmes gjuhës dhe komunikimit muzikor, drejt marrjes pjesë dhe interpretimit
në veprimtaritë muzikore individuale dhe në grup, përmes teknikave dhe procesit muzikor, drejt
formimit dhe krijimit të një vlerësimi dhe qëndrimi artisitik, në njohjen me muzikën shqiptare dhe
atë botërore, përmes formave dhe gjinive të ndryshme muzikore.
Mësimi i muzikës në shkollë ka të bëjë me njohjen, të kuptuarit dhe të zbatuarit e
koncepteve dhe shprehive muzikore, përmes njohurive muzikore dhe mënyrave të të gjykuarit dhe
vlerësuarit të muzikës në veçanti dhe arteve në përgjithsi..
7
KAPITULLI I
1. MUZIKA
Muzika qëndron mes të gjitha formave tjera inteligjente të njeriut (artit në përgjithësi,
shkencave shoqërore e historike dhe shkencave artisitike), si një përbëres i barabartë me to, i
progresit intelektual dhe i humanitetit. Muzika është e lidhur me lëndët brenda fushës së saj, por
edhe me fushat tjera të të nxënit në kurrikulë.
Melodia, ritmi, harmonia, dinamika, tempi, forma, struktura etj., lidhen shumë mirë me
disiplinat tjera artistike brenda fushës së arteve, si: me kërcimin, artin pamor, teatrin, por edhe me
fushat tjera të të nxënit brenda kurrikulës, si: matematikën, gjuhën dhe komunikimin, shkencat
shoqërore etj.
Kështu mësimdhënësit duhet t’u japin mundësinë nxënësve të konsolidojnë dhe formojnë
përvojat që ata kanë krijuar, duke i pasuruar dhe duke u dhënë drejtim të mëtejshëm këtyre
përvojave.
Njohja me muzikën është një vlerë e madhe për të mundësuar zhvillimin e personalitetit të
nxënësve, zhvillimin e aftësive të tyre për të punuar në mënyrë të pavarur e sistematike, si dhe për
të menduar dhe gjykuar në mënyrë krijuese dhe kritike.
Muzika është e pranishme në aktivitetet tona të përditshme (p.sh. klasë, shtëpi, tv, film, koncert,
teatër, veprimtari brenda dhe jashtë shkollës, ngjarje të komunitetit etj.).
Muzika nuk mund të kuptohet pa marrjen e disa njohurive themelore baze si njohja me gjuhen
muzikore dhe komunikimin permes saj, zbatimin permes teknikave dhe procesve muzikore,njohja
me zhvillimin historik te saj dhe lidhjen e ngushte me njeriun, njohuri qe bejne te vetedijshem
nxenesit per rolin e muzikes ne jeten e perditshme.
Me anë të muzikës, nxënësit interpretojnë këngë të ndryshme, tashmë, duke zhvilluar më
tej teknikat e këndimit, kuptojnë rëndësinë e këndimit vetëm dhe në grup, duke zbatuar teknikat e
të kënduarit, njohin më tej zhvillimin e muzikës dhe kompozitorëve të ndryshëm që bënë epokë
me muzikën e tyre.1
1 http://izha.edu.al/new/wp-content/uploads/2018/09/Muzike-Shkalla-1-2.pdf
8
1.1. FËMIJET DHE MUZIKA
Vitet e para të jetës janë një kohë e veçantë, gjatë të cilës prindërit dhe fëmijët mund të
luajnë së bashku me muzikën dhe mund ta përdorin për të krijuar mes tyre lidhje të fuqishme.
Gëzimi që provojnë prindërit dhe fëmijët kur ata dëgjojnë së bashku për disa çaste muzikë, forcon
lidhjet ndërmjet tyre. Kjo do ta ndihmojë fëmijën që të vendosë lidhje të forta me prindërit, gjatë
gjithë jetës së tij. Gjithnjë ne dëgjojmë zërin e ëmbël dhe ritmik të nënës që i këndon fëmijës së
saj. Kur foshnja i përgjigjet, atëherë midis të dyve fillon një duet që forcon dashurinë dhe besimin
reciprok.
Muzika, është gjithashtu një mënyrë e fuqishme që fëmijët të lidhen me origjinen, me
rrënjët e tyre. Një këngë popullore, një ninullë e njeh fëmijën me trashëgiminë kulturore të
familjes. Dhe lidhja me rrënjët është një tjetër mënyrë për t`i bërë fëmijët më të sigurt. Studimet
kanë treguar se muzika ndikon gjithashtu në zhvillimin e shëndetshëm të fëmijëvë të vegjël. Ajo
krijon një mjedis të pasur që fuqizon vlerësimin e fëmijës për veten dhe nxit zhvillimin social,
emocional dhe intelektual.
Fëmijët e vegjël njihen me muzikën nëpërmjet marrëdhënieve që ato krijojnë me ju.
Nëpërmjet këngës, dëgjimit, kërcimit dhe lojës ju i ndihmoni fëmijët tuaj të rriten siç duhet.
Muzika ndihmon trupin dhe mendjen për punë. Fëmijët e vëgjël janë të tërhequr nga struktura dhe
lloji i muzikës. Ata e shfaqin këtë në disa mënyra, si p.sh., duke përplasur duart në fund të këngës
ose duke bërë lëvizje të duarve në pjesë të veçanta të këngës. Gjithashtu, muzika i njeh fëmijët me
tinguj dhe kuptimin e fjalëve dhe ndihmon në forcimin e kujtesës. Këngët me alfabet dhe numra e
ndihmojnë fëmijën të mbajnë mend radhën e germave dhe numrave. Këngët tjera u tregojnë atyre
si funksionojnë gjërat.
Muzika u jep fëmijëvë një mundësi të bashkëveprojnë me fëmijët tjerë, në mënyrë të
gëzueshme dhe me dashuri. Duke qenë se muzika është një eksperiencë e pasur për të mësuarit, sa
më shumë fëmijët të jenë, aq më shumë mësojnë.
Shkëmbimi muzikor midis foshnjave dhe prindërve të tyre është një nxitje për krijimtarinë dhe
imagjinatën. Fëmijët 1-2 vjeç pëlqejnë të krijojnë fjalë pa kuptim dhe tinguj të rinj për t`ju
përshtatur melodive të njohura dhe shpesh ata këndojnë gjatë kohës që kryejnë aktivitetet e tyre. E
gjithë kjo ndihmon të zhvillohet mendja e vogëlushit, së bashku me gjuhën. Krijimi i këngëvë të
reja për foshnjat është një mënyrë perfekte për të nxitur krijimtarinë, siç janë këngët që
9
shoqërojnë rutinën e përditshme për ju (p.sh. banjën e foshnjës). Duhet përdorur mendjen për t`i
bërë me zbavitëse këto. Muzika është gjithashtu një mënyrë e mirë për fëmijët dhe prindërit që të
shprehen për vetën.
Fëmijët mund të zemërohen, të kërcejnë nga gëzimi etj. Muzika është edhe një zbavitje e
mirë, duke u nisur nga ajo se ju mund të këndoni një këngë humoristike, për ta larguar fëmijën që
nuk do të futet në shtëpi,pas një shëtitjeje apo që nuk do të dalë nga makina.2
Pra, nga ajo që u përmend, mund të themi se muzika luan një rol të mrekullushëm në jetën
e fëmijëve të vegjël dhe të prindërve. Nëpërmjet muzikës, fëmijët lidhin ndjenjat e tyre dhe
kuptojnë botën që i rrethon. Ata veprojnë kështu që nga komunikimi më i hershëm me prindërit e
tyre, deri tek loja muzikore me shokët. Kënga dhe muzika në përgjithësi është një mënyrë për
fëmijët dhe familjen, pavarësisht nga mosha, ata mund të luajnë dhe të zbaviten, të jenë të ëmbël
dhe të butë, të lumtur dhe plot dashuri.
2 http://www.ikub.al/CONTENT_SHENDETI
10
1.2. RËNDËSIA EDUKATIVO - ARSIMORE E MUZIKËS
Edukimi muzikor në mënyrë të veçante për fëmijët është i jashtëzakonshëm pasi ai luan
rol të rëndësishëm dhe synon të formojë nxënësit si përjetues të muzikës, duke shprehur
nëpërmjet saj botën e tyre emocionale. Ajo edukon nxënësit nga pikëpamja estetike dhe muzikore,
duke orientuar ata në mënyrë të saktë drejt kuptimit të vlerave estetike dhe muzikore.
Artet edukojnë dhe arsimojnë nëpërmjet mjeteve shprehëse specifike. Muzika edukon dhe
arsimon me mjetet e saj shprehëse - tingujt muzikorë të organizuar në pikëpamje melodike,
metro-ritmike, harmonike, formale, stilistike, dinamike, koloristike etj.
Ajo, ndryshe nga disa arte të tjera, është e zhveshur nga vizualiteti dhe semantika e ngushtë dhe e
drejtpërdrejtë. Ajo shpreh gjendjen emocionale të njëriut duke i mundësuar përjetim dhe
përceptim estetik të realitetit, pra "muzika është njohje emocionale e botës shpirtërore".
Raportet dhe dukuritë në shprehjen muzikore nuk janë statike, por paraqiten në lëvizje dhe
zhvillim të vazhdueshëm.
Mirëpo, fuqia e madhe shprehëse që ka ky art, bën që të depërtojë thellë në vetëdijen, madje edhe
në nënvetëdijën tonë. Pikërisht këtu qëndron mundësia për ndikim edukativo-arsimor të muzikës.
Muzika, si komponent i edukimit estetik - edukimi dhe arsimimi muzikor merr pjesë në
edukimin estetik duke e zhvilluar muzikalitetin e nxënësit, duke e aftësuar për ta përjetuar dhe
kuptuar të bukurën muzikore. Para se gjithash, duke e aftësuar ta ndjejë karakterin shprehës të
veprës së dëgjuar ose të interpretuar. Përjetimi emocional dhe nxitja e veprimtarisë krijuese
muzikore e pasurojnë personalitetin e nxënësit në aspektin estetik, gjë që çon drejt burimit dhe
formimit të ndjenjave muzikore estetike.
Muzika si komponent i formimit moral-shoqëror - nxënësi duke kënduar, dëgjuar muzikë
ose duke luajtur në instrument, bashkë me nxënësit tjerë e përjeton vetën si pjesëtar i grupit, duke
koordinuar dhe duke përshtatur aktivitetin e vet me kërkesat e përbashkëta. Ai, në këtë mënyrë,
mëson të krijojë raporte shoqërore, mëson të ketë konsideratë ndaj shokëve. Kështu fillon të
gërshetohet puna dhe përgjegjësia vetjake dhe e përbashkët e nxënësit. Puna në klasë, në kor, në
orkestër është një rregullator, ku veprimtaria e çdo nxënësi sublimohet me kërkesat e muzikimit të
përbashkët, duke kuptuar se vetëm një zë i bukur nuk mund ta zgjidhë problemin e muzikimit të
përbashkët, ndërsa ai është harmonik vetëm kur zërat e të gjithëve rrjedhin dhe shkrihen në pajtim
11
të plotë. Pra, ndjenja e qëllimit të përbashkët shoqeror gjen udhërrëfyes të vërtetë në edukimin
dhe arsimimin muzikor.
Edukimi dhe arsimimi muzikor ka ndikim të dukshëm në formimin e ndjenjës morale të
nxënësit, si dhe në formimin e përgjithshëm pozitiv dhe kulturor të tij. Kompozimet e ndryshme,
sidomos këngët me përmbajtje letrare-muzikore që kanë karakter atdhetar, heroik, liridashës,
fuqimisht ndikojnë në kultivimin e ndjenjës patriotike, që është atribut i formimit shoqëror.
Muzika si komponent i zhvillimit fizik të nxënësve – edukimi dhe arsimimi muzikor, duke
nxitur procese psikike njëkohësisht ndikon në proceset fizike, sepse ato janë të ndërlidhura dhe të
kushtëzuara. Kjo është plotësisht e kuptueshme, kur dihet se muzika ndikon edhe në tërë qenien
fizike të njeriut. Ajo ndikon në lëvizjet, frymëmarrjen dhe qarkullimin e gjakut. Këndimi, në
mënyrë të veçantë zhvillon aparatin e këndimit, ngase të gjitha organet që marrin pjesë
funksionojnë në mënyrë të sinkronizuar. Lidhjet e muzikës dhe të lëvizjes janë të thella dhe
shumëfish të gërshetuara.3 Lëvizjet e nxënësve me muzikë janë më të organizuara, më të gjalla,
emocionalisht më të ngjyrosura. Sidomos lojërat dhe valët janë forma e shkëlqyeshme e punës
edukativo-arsimore, nëpërmjet së cilës, në mënyrë harmonike, zhvillohen lëvizjet euritmike të
nxënësve. Ndikimi i tërsishëm i muzikës në zhvillimin shpirtëror dhe fizik të nxënësit është i
rëndësishem, sepse bart gëzim shpirtëror dhe gjallëri fizike në jetën e tij.
Muzika komponent i aktivizimit të proceseve psikike - në procesin edukativ-muzikor nxiten
dhe zhvillohen proceset psikike në mënyrë specifike, pikësëpari nëpërmjet përjetimit dhe njohjes
së vetëdijshme. Duke dëgjuar ose kënduar përmbajtje të caktuara muzikore, nxënësi vëren tërësitë
dhe elementet shprehëse të tyre, vëren dukuri të ndryshme dhe si rrjedhim i kësaj vijnë duke u
shtuar përfytyrimet muzikore dhe duke u përvetësuar koncepte të reja. Format e ndryshme të
punës edukativo- muzikore zhvillojnë vëmendjen herë në ritem, herë në melodi e herë në të dyjat.
Po ashtu, duke e nxitur dhe trimeruar të shprehurit e lirë muzikor, sidomos spontanitetin në
improvizime muzikore, ndikohet në zhvillimin e imagjinatës krijuese te nxënësit.
3Spahiu, S., METODIKA E MËSIMIT TË MUZIKËS, "Libri shkollor“, Prishtinë.
12
1.3 OBJEKTI I METODIKËS SË MËSIMIT TË MUZIKËS
Metodika e mësimdhënies së përgjithshme muzikore aftëson studentët – mësimdhënësit e
rinj, si nga ana teorike, ashtu edhe nga ajo praktike, që të realizojnë me sukses në mënyrë sa më
kreative, efikase dhe racionale edukimin e përgjithshëm muzikor.
Në këtë aspekt, objekti i metodikës së mësimdhënies muzikore merret me trajtimin e
procesit edukativo-arsimor, nëpërmjet të cilit nxënësit i zhvillojnë dispozitat e tyre muzikore në
mënyrë sa më optimale, fitojnë shkathtësi, shprehi dhe dituri muzikore me udhëheqje profesionale
pedagogjike. Pra, kjo disiplinë, merret me studimin e procesit edukativo-muzikor që realizohet me
qëllim të caktuar, në mënyrë sistematike dhe të planifikuar brenda klasës dhe në kuadër të
shkollës. Metodika e edukimit dhe e arsimimit muzikor trajton edhe pjesëmarrjen e nxënësve në
kuadër të asociacioneve të ndryshme kulturore, ku ata mund të inkuadrohen në ansamble korale,
instrumentale, në klube të muzikëdashësve duke marrë pjesë në koncerte, shfaqje muzikore dhe
veprimtari të tjera, në mënyrë të organizuar.
Krahas pranisë gjithnjë e më intensive të artit muzikor në jetën e njeriut bashkëkohor,
rritet rëndësia dhe interesi për edukimin muzikor. Për këtë arsye, duhet t`i kushtohet kujdes i
duhur metodikës së edukimit dhe të arsimimit muzikor, me qëllim që, në mënyrë sa më racionale
dhe efikase, me forma dhe procedura metodike që plotësisht përkojnë me kërkesat bashkëkohore
muzikore-didaktike, të ngrihet niveli i edukimit dhe i arsimimit muzikor.
Objektin kërkimor të metodikës së mësimit të muzikës e përbëjnë dukuritë, proceset dhe
çështjet që i përkasin edukimit muzikor, përkatësisht mësimit të muzikës. Duke vërejtur, kërkuar,
shpjeguar dhe përgjithësuar një numër të caktuar fenomenesh dhe çështjesh, kjo metodikë krijon
specifiken e saj si disiplinë shkencore. Nga vet objekti i metodikës së edukimit dhe të arsimimit të
përgjithshëm muzikor, dalin më afër objektivat studiuese që i referohen. Këto pikësëpari janë:
1. Qëllimet dhe objektivat e edukimit dhe të arsimimit muzikor, si dhe përcaktimi i
përmbajtjeve muzikore, duke marrë parasysh kriterin edukativo-muzikor, në pajtim të plotë me
kërkesat që i parashtrohen edukimit dhe arsimit të përgjithshëm.
2. Duke u bazuar në kërkimet e pedagogjisë muzikore, pedagogjisë së përgjithshme,
psikologjisë së fëmijëve, psikologjisë së aftësive muzikore, didaktikës, si dhe shkencave tjera
ndihmëse, t`i studiojë dhe përcaktojë metodat, format dhe procedurat më të përshtatshme që
13
sjellin rezultate më të kënaqshme në realizimin e qëllimeve dhe të objektivave të edukimit dhë të
arsimimit të përgjithshëm muzikor.4
4Spahiu, S., METODIKA E MËSIMIT TË MUZIKËS, "Libri shkollor“, Prishtinë.
14
1.4. MUZIKA, LËNDË QË NË PARASHKOLLOR E MË TEJ
Edukimi muzikor në arsimin parashkollor për moshën 5-6 vjeçare, ka si qëllim të aftësojë
fëmijët e kësaj moshe, për të kuptuar, krijuar dhe vlerësuar artet gjatë jetës. Ata mësojnë të
zbulojnë vetën dhe të shpjegojnë se mendimet, ëndërrat dhe dëshirat mund të shprehen, jo vetëm
me fjalë, por edhe përmes arteve të tjera.
Edukimi artistik përbëhet nga katër linja apo drejtime: vallëzimi, drama, muzika dhe arti
figurativ. Programet do të përmbledhin, jo vetëm të krijuarin dhe të studiuarin e arteve, por edhe
rolin e tyre, duke mësuar sesi të përshtatin dhe t`iu përgjigjen punëve të artit.
Veprimtaritë në edukimin artistik realizohen përmes pjesëmarrjes së vazhdueshme në
këndim, në vizatim, në vallëzim, tregimin apo interpretimin e një historie apo drame të vogël.
Në këtë fushë të gjitha veprimtaritë që kryhen përmes linjave, lejojnë dhe i japin mundësi
nxënësve të komunikojnë përmës paraqitjes vizuale, tingujve muzikorë, shprehje dramatike,
kërcimit, mjeteve audiovizive etj. Kështu fëmijët duke vizatuar imazhe të ndryshme, duke
kënduar dhe dëgjuar muzikë, duke kërcyer, duke përdorur fjalë dhe gjeste, mësojnë të shprehin
emocionet dhe mendimet e tyre. Gjithashtu, kjo mënyrë e të shprehurit të vetvetës i jep liri
imagjinatës së tyre.
Synimet - Programi i muzikës për këto mosha ka si qëllim të përfshijë dhe të sigurojë një sërë
përvojash të cilat drejtohen nga:
1. Imagjinata muzikore (aftësia për të dalluar tingujt nga zhurmat apo tingujt vokal të njëri-
tjetrit).
2. Kuptimi i njohurive muzikore (aftësia për të kuptuar konceptet muzikore).
3. Pjesëmarrja në muzikë (përvojat e tyre përmes krijimit, shprehjes, degjimit, improvizimit
me muzikën).
Objektivat - Veprimtaritë muzikore përgjatë programit të kopshteve duhet:
1. Të zhvillojnë aftësinë për të dalluar tingujt natyrorë dhe muzikorë, në mjedisin e tyre dhe
jashtë saj.
2. Të5 shpjegojnë lidhjen e tyre me muzikën në klasë, shtëpi apo komunitet.
3. Të zgjerojnë njohuritë e tyre për muzikën për femijë, popullore, klasike etj.
4. Të inkurajojnë nxënësit në përzgjedhjen e këngëve apo lojërave muzikore.
5http://izha.edu.al/Biblioteka/3Programe%20Lendore/1Program
15
5. Të udhëheqin nxënësit për të krijuar, dëgjuar, diskutuar, duke i bërë ata të ndjehen shumë
mirë me muzikën.
Lënda e muzikës në gjimnaz - është pjësë domethënëse e kulturës njerëzore, e cila zë një
hapësirë shumë të rëndësishme dhe një ndikim shumë të madh në krijimin e gjendjeve të
ndryshme emocionale tek njeriu.
Si një lëndë brenda fushës së arteve që zhvillohet në gjimnaz, muzika luan një rol shumë të
rëndësishëm në kontributin dhe zhvillimin e veprimtarive kulturore dhe artistike të shkollës. Ajo
merr një rëndësi të veçantë në organizimin dhe zhvillimin e festivaleve apo ngjarjeve të tjera
artistike, që do të përcaktojë shkolla, ku aftësitë përformuese në këto veprimtari, jo vetëm ato
muzikore, por edhe të lëndëve tjera në fushën e arteve (art pamor, teater dhe kërcim), do të
konsolidojnë edhe më shumë njohuritë e nxënësve për kulturën e tyre, kulturat e krahinave tjera
dhe më gjerë në rajon. Zhvillimi i kësaj lënde do t`i ndihmojë ata të vlerësojnë diversitetin e
kulturave muzikore, duke kuptuar bashkëveprimin e kulturave dhe formave të artit midis njëra-
tjetrës. Gjithashtu, kjo lëndë kërkon që përmes studimit të përmbajtjes që ajo ofron, të mundësojë
zhvillimin personal të nxënësve, ku ata të shohin vetën e tyre si pjesë e shoqërisë dhe kontribues
aktiv në të, si dhe të përgatisë nxënësit si qytetarë aktivë të një shoqërie evropiane.6
Synimi i lëndës - ky program synon:
Të edukojë nxënësit nga pikëpamja estetike dhe muzikore, duke i orientuar ata në mënyrë të saktë
drejt kuptimit të vlerave estetike dhe veçorive të ligjërimit muzikor nga abstraktja te konkretja, në
njohjen me gjinitë dhe llojet e ndryshme të muzikës, si dhe duke u njohur me zhvillimin historik
të muzikës, në kontekste dhe kultura të ndryshme.7
6http://izha.edu.al/Biblioteka/3Programe%20Lendore/3Programet
7 http://izha.edu.al/Biblioteka/3ProgramCikli%20Parashkollor/203_PROGRAME_PER_PARASHKOLLORI-Programe-te-Arsimit-Parashkollor.pdf
16
KAPITULLI II
2. LIDHJA E MUZIKËS ME FUSHAT TJERA KURRIKULARE
Muzika është e lidhur me lëndët brenda fushës së saj, por edhe me fushat tjera të të nxënit
në kurrikulë. Melodia, ritmi, harmonia, dinamika, historia etj., lidhen shumë mirë me lëndët tjera
artisitike brenda fushës, por disa koncepte studiohen në disa fusha të tjera në kontekstin e objektit
të studimit që ata kanë, si: matematika, gjuha dhe komunikimi, shkencat shoqërore dhe natyrore,
edukimi fizik, sporti dhe shëndeti, TIK-u. Kështu që, në arsimin fillor mësuesit përmes mësmit të
shumë përmbajtjeve mësimore, duhet t`u japin mundësinë fëmijëve/nxënësve të konsolidojnë
përvojat që ata kanë krijuar dhe që i sjellin në klasë, duke i pasuruar dhe duke u dhënë drejtim të
mëtejshëm këtyre përvojave.
Gjatë studimit të fenomenve dhe dukurive muzikore, nxënësit duhet të zhvillojnë
kompetencen e komunikimit dhe të përdorin drejt gjuhën dhe terminologjinë artistike. Nëse
nxënësit shprehin rrjedhshëm mendimet e tyre rreth informacioneve muzikore në veçanti dhe
atyre artistike në përgjithësi, ata zhvillojnë saktë kompetencën e komunikimit të gjuhës. Por,
njëkohësisht edhe lëndët brenda fushës së arteve, kontribuojnë në zgjerimin dhe përpunimin e
fjalorit artistik të nxënësve, duke i nxitur ata të parashtrojnë qartë dhe saktësisht idetë e tyre,
përmes komunikimit apo përmes diskutimeve mbi përshkrimin e punëve krijuese dhe shpjegimit
të rezultateve të tyre e krijuar një fjalor artisitik.
Studimi i muzikës lidhet me fushën e shkencave shoqërore, pasi nëpërmjet saj nxënësit
marrin informacion mbi historitë e zhvillimit të arteve në periudha të caktuara historike në vende,
kontekste dhe kultura të ndryshme.
17
Në këtë figurë është paraqitur ndërlidhja e muzikës me lëndët tjera, si: me gjuhët, matematikën,
edukimi fizik, shkencat shoqërore, shkencat e natyrës, TIK- teknologjia etj.8
8 http://izha.edu.al/new/wp-content/uploads/2018/09/Muzike-2.p
17
Në këtë figurë është paraqitur ndërlidhja e muzikës me lëndët tjera, si: me gjuhët, matematikën,
edukimi fizik, shkencat shoqërore, shkencat e natyrës, TIK- teknologjia etj.8
8 http://izha.edu.al/new/wp-content/uploads/2018/09/Muzike-2.p
17
Në këtë figurë është paraqitur ndërlidhja e muzikës me lëndët tjera, si: me gjuhët, matematikën,
edukimi fizik, shkencat shoqërore, shkencat e natyrës, TIK- teknologjia etj.8
8 http://izha.edu.al/new/wp-content/uploads/2018/09/Muzike-2.p
18
2.1. LIDHJA E MUZIKËS ME MATEMATIKËN DHE FIZIKËN
Muzika dhe matematika kanë role shumë të ndryshme në shoqëri, mirëpo ato janë të
lidhura me njëra-tjetrën. Për shumë njerëz, matematika është një enigmë e cila merret me
zgjidhjen e problemeve të ndryshme. Ajo karakterizohet nga numrat natyrorë, racionalë,
abstraktë, të njohur, të panjohur, të ftohtë dhe të pashpirt. Nga ana tjetër muzika është art i bukur
që ka të bëjë me emocionin, me ndjenjat dhe me jetën.
Në kohën e grekëve të lashtë, matematika dhe muzika ishin të lidhura ngushtë. Muzika u
konsiderua si një disiplinë rigoroze matematikore, e cila trajtonte marrëdhëniet, raportet dhe
proporcionet. Në kuadrin (kurrikulë e shkollës) muzika ishte e vendosur në të njëjtin nivel si
aritmetika, gjeometria dhe astronomia.
Muzika ishte shkenca e „shëndoshë“ dhe në harmoni me matematikën, e cila nuk duron
paqartësi, sepse nuk tingëllon mirë, vetëm një harmoni në mes notash sjell rezultat të duhur, sikur
edhe matematika që kërkon saktësi në llogaritje.
Si lidhen muzika dhe matematika me njëra- tjetrën?
Ka aspekte të ndryshme të cilat tregojnë këtë lloj marrëdhënie.
1. Së pari, disa hulumtime kanë dëshmuar se fëmijët duke luajtur në piano, shpesh tregojnë
aftësi të përmirësuara në shkenca të aplikuara, në zgjidhjen e problemeve (enigmave),
duke luajtur shah në kryerjen e veprimeve matematikore.
2. Së dyti, në një analizë të veçantë krahasuese, nxënësi duke marrë një kurs muzike, tregoi
rezultate më të mira rreth 11% mbi mesataren në mësim.
Në aspektin psikologjik ndjenjat që shkaktohen gjatë zgjidhjes së një problemi muzikor, duket të
jenë të ngjashme me zgjedhjen e një enigme matematikore.
Muzika është art, ndërsa matematika ka shumë nga karakterisitkat e një arti të identifikuar
me periudha artisitike (barok, klasis, renesance etj.), kjo dhe çfarëdo lidhje tjetër që ekziston në
mes muzikës dhe matematikës, mund të themi se, edhe pse kanë shumë të përbashkëta, të dyjat pa
dyshim janë disiplina shumë të ndryshme.
Muzika dhe fizika - Konceptet që ne përdorim për t`i kuptuar ato, kanë një ngjashmëri në shumë
aspekte. Për shembull, ne flasim për e „lartë“ dhe e „ulët“, „shpejtë” dhe “ngadalë”, drejtvizore,
valore, tingulli etj., ndoshta pa e kuptuar sesa e thellë është metafora në këtë kontest.9
9http://illyriapress.com/lidhjet-e-muzikes-matematiken-dhe-fiziken/
19
Në muzikë, si në fizikë çfarëdo shkon përpjetë duhet të bjerë poshtë, sepse shumica e
sistemeve të organizimeve muzikore dhe fizike kanë një pikë fikse referimi duke u tërhequr drejt
saj, ideja është se kanë tërheqje gravitacionale apo një fushë magnetike. Të dy fazat janë në
ekuiliber: energjitë e tyre janë komplementare, format e tyre janë një imazh i njëri- tjetrit, ata janë
si dy anët e një ekuacion "reverzibil".
Ngjashmërinë më të madhe në mes të muzikës dhe fizikës e hasim më shumë tek
instrumentet, ndërtimi i tyre dhe mënyra sesi ato lëshojnë tingullin, bjen fjala flauta është në thelb
një tub që është i hapur në të dy anët. Ajri është në lëvizje nga fillimi gjer në fund dhe kështu
krijojnë një ton në bazë të vullnetit dhe dëshirës. Kjo është nga aspekti teknik i ndërtimit dhe
ekzekutimit të instrumenteve.
Muzika dhe fizika, sado që kanë terminologji bukur të ngjashme, ato plotësisht janë të
ndryshme.
20
2.2. INTEGRIMI I MUZIKËS BRENDA FUSHËS SË ARTEVE DHE FUSHAVE TJERA TË
TË NXËNIT
Integrimi i muzikës në kurrikulën e shkollës, ka të bëjë me transferimin e njohurive dhe
aftësive të fituara përmes kësaj lënde, në lëndët tjera dhe anasjelltas, gjë që realizon lidhjet
ndërlëndore, duke synuar homogjenitetin e parimeve të mësimdhënie-mësimnxënie dhe
përdorimin e teknikave të njejta në të gjitha lëndët.
Mësuesit, si përdoruesit kryesorë të programit të lëndës së muzikës, duhet të përpiqen
(ose të priren) të mbajnë parasysh mundësitë e lidhjes së kësaj lënde me lëndët tjera. Realizimi në
praktikë i kësaj lidhjeje ndërlëndore do të ndihmonte në zhvillimin më tej të kulturës dhe ideve
artistike dhe do të rriste motivimin e nxënësve për këtë lëndë.
Lënda e muzikës është një nga lëndët bazë të fushës së arteve, njohuritë dhe aftësitë e së
cilës mund të integrohen mjaft mirë edhe me ato të arteve tjera. Realizimi i integrimit ndërlëndor
është ndër detyrat më të vështira, për arsye se çdo lëndë zë një vend të caktuar në planin mësimor
të shkollës.
Gjuha dhe letërsia
Gjuha është një lëndë themelore që ndihmon, përveç të tjerave, edhe për të shprehur sa
më mirë emocionet që na percjell muzika. Kjo për faktin se nxënësit duhet të përdorin strategjitë e
përshtatshme gjuhësore, për të zbuluar prezantuar dhe komunikuar të kuptuarit e tyre artisitik.
Përmes lëndës së gjuhës integrohen njohuritë dhe aftësitë që kanë të bëjnë me hartimin e
eseve, gjetjen dhe shfrytëzimin e materialeve mediatike, shkrimin, leximin dhe komunikimin e
informacioneve për artet në përgjithësi dhe për muzikën në veçanti. Aftësitë e gjykimeve, të
analizave, të qëndrimeve kritike apo të menduarit reflektiv, kërkojnë përdorimin e gjuhës letrare
dhe profesionale artistike edhe në muzikë. Nxënësit duhet të dinë të shprehin një ide artisitke
muzikore, në forma të ndryshme gjuhësore, duke thelluar kështu të kuptuarin e tyre konceptual
dhe zgjerimin e aftësive të tyre gjuhësore për komunikimin e ideve, mendimeve, qëndrimeve apo
vlerësimeve të veta përballë të tjerëve.
Teknologjia e informacionit dhe komunikimit
Teknologjia e informacionit dhe komunikimit (TIK) mbështet edhe të mësuarit e muzikës.
Nxënësit mund të përdorin programe të ndryshme, të cilat i ndihmojnë ata në realizimin e punëve
artisitike, përdorin programe të shkrimit të notave muzikore, prezantojnë materiale informuese
21
rreth jetës dhe veprimtarisë së kompozitorëve të ndryshem, kërkojnë në internet (të dhena p.sh për
jetën e përfaqësuesve të një periudhe të caktuar) etj. Së fundi kjo lëndë nuk mjaftohet vetëm me
njohjen dhe përdorimin e TIK-ut, po shtyhet deri në përdorimin e kompjuterit për të prodhuar
muzikë për veprimatri personale, të klasës apo të shkollës.
Fizika
Këtu nxënësit duhet të jenë të qartë për lidhjen e fizikes me muzikën. Njohuritë që
ndërthuren mes fizikës dhe muzikës lidhen me: akustiken, tingujt, dritat dhe përthyerjen e dritës
në skenë etj. 10
Nxënësit dallojnë tingujt sipas karakteristikave të tyre, diferencojnë tingullin nga zhurma
kuptojnë ligjet e pasqyrimit dhe përthyerjes së dritës, përfitojnë ngjyra të ndryshme nga
mbivendosja e dritës, duke krijuar kështu efekte skenike.
10https://palidanigorre.files.wordpress.com/2014/11/artet.pdf
22
KAPITULLI III
3. KORNIZA KONCEPTUALE E PROGRAMIT
Hartimi i programit lëndor rrjedh nga: korniza kurrikulare e arsimit parauniversitar, kurrikula
bërthamë dhe plani mësimor i arsimit bazë. Si i tillë, ky dokument i shërben:
1. Nxënësit, për zhvillimin e kompetencave kyçe të të nxënit gjatë gjithë jetës dhe të
kompetencave të lëndës së muzikës, në mënyrë që ata të përballojnë sfidat e jetës dhe të
integrohen në shoqëri.
2. Mësuesit, për planifikimin, realizimin dhe vlerësimin e veprimtarisë mësimore dhe arritjet
e nxënësve në klasë dhe jashtë saj.
3. Prindërit, për njohjën e rezultateve të pritshme të fëmijëve dhe kriteret e vlerësimit në
periudha të caktuara.
4. Hartuesit të teksteve mësimore dhe të materialeve ndihmëse, për mësuesit dhe nxënësit.
Programi i muzikës ka në thelbin e tij krijimin e kushteve për ndërtimin kompetencave të
lëndës si dhe të kompetencave kyçe që lidhen me to. Realizimi i temave ndërkurrikulare
nëpërmjet lëndës së muzikës është një komponent i rëndësishëm i programit për kontributin e
muzikës dhe të gjitha arteve të tjera që përbëjnë fushën e arteve, në shoqëri dhe në jetën e
përditshme. Programi, përmban tri tematika që janë të përbashkëta në të gjitha disiplinat artisitke
të fushës së arteve dhe krijojnë kushte që nxënësi të ndërtojë dhe zbatojë njohuritë, shkathtësitë,
qëndrimet dhe vlerat në funksion të kompetencave të lëndës dhe kompetencave kyçe. Në
program, gjithashtu, përshkruhet lidhja e muzikës me fushat tjera, në mënyrë që kurrikula e
arsimit bazë, të shihet si një e tërë për realizimin e qëllimit kryesor të formimit të nxënësve.11
11http://izha.edu.al/new/wp-content/uploads/2018/09/Muzike-Shkalla-1-2.pdf
23
Në këtë figurë është paraqitur korniza konceptuale e programit, lidhja e muzikës me fushat tjera.
23
Në këtë figurë është paraqitur korniza konceptuale e programit, lidhja e muzikës me fushat tjera.
23
Në këtë figurë është paraqitur korniza konceptuale e programit, lidhja e muzikës me fushat tjera.
24
3.1. LIDHJA E KOMPETENCAVE KYÇE ME KOMPETENCAT E FUSHËS
Kompetencat shprehen nëpërmjet përdorimit të njohurive, shkathtësive dhe qëndrimeve në
trajtimin e plotë dhe të kuptueshëm të situatave të kontekstit, të cilat do t’u ndihmojnë nxënësve
që të ballafaqohen me sfidat e epokës digjitale, të ekonomisë së tregut të lirë dhe të bazuar në dije,
në një botë të marrëdhënieve të ndërvarura.
Gjatë mësimit të muzikës për realizimin e kompetencave, mësuesi përdor mjete didaktike
dhe burime të ndryshme, të cilat nxënësi i dëgjon, i përjeton, i përdor etj. Ai/ajo përdor mjete
vizuale, teknologji të nevojshme, jep ndihma të veçanta, përshtat shembuj të ndryshëm muzikorë,
krijon mjedisin për aktivitete alternative.
Ndërtimi dhe zbatimi i kompetencave kyçe nga nxënësit gjatë procesit të mësimdhënies
dhe nxënies, kërkon që mësuesi të mbajë parasysh lidhjen e kompetencave kyçe me kompetencat
e lëndës, për secilën shkallë. Për të realizuar këtë lidhje, mësuesi duhet të përzgjedhë situatat,
veprimtarinë, metodat dhe mjetet e përshtatshme të procesit të të nxënit.
Kompetenca përcaktohet si integrim i njohurive, shkathtësive dhe qëndrimeve që një
nxënës duhet t`i fitojë gjatë procesit të nxënies. Organizimi i mësimit të muzikës me bazë në
kompetenca, përqëndrohet në atë që nxënësi duhet të dijë të bëjë saktë dhe të shpjegojë pse e bën.
Kur nxënësi realizon kompetencat muzikore, ai njëkohësisht është duke zhvilluar edhe
kompetencat kyçe. P.sh. kompetenca e muzikës „Interpetimi dhe përformimi i veprave“ (këngëve
dhe lojërave muzikore), përfshin shumë nga teknikat e të kënduarit apo luajtjes me instrumente
muzikore, por jo vetëm kaq, në arritjen e kësaj kompetence ndihmojnë dhe procese të tilla si
improvizimi, interpretimi, analizimi tekstual dhe muzikor i këngëve dhe lojërave që këndojnë apo
i veprave muzikore që dëgjojnë.12
12http://izha.edu.al/new/wp-content/uploads/2018/09/Muzike-Shkalla-1-2.pdf
25
3.2. KOMPETENCAT QË FORMOHEN PËRMES TEKNIKAVE
Bazuar në kurrikulë, lënda e muzikës synon të ndërtojë dhe zhvillojë tri kompetenca të
lëndës, të cilat lidhen me kompetencat kyçe që një nxënës duhet të zotërojë gjatë gjithë jetës së tij
dhe që përmbushen përmes njohurive të zhvilluara nëpërmjet tri tematikave kryesore.
Kompetencat e lëndës:
Kompetenca 1: Krijimi muzikor.
Kompetenca 2: Përformimi/ interpretimi muzikor.
Kompetenca 3: Vlerësimi i veprave muzikore.
Tematika e lëndës:
Tematika 1: Gjuha dhe komunikimi muzikor.
Tematika 2: Teknikat dhe proceset muzikore.
Tematika 3: Historia, muzika dhe shoqëria.
Në figurë tregohen kompetencat e lëndës dhe tematikat e saj.
25
3.2. KOMPETENCAT QË FORMOHEN PËRMES TEKNIKAVE
Bazuar në kurrikulë, lënda e muzikës synon të ndërtojë dhe zhvillojë tri kompetenca të
lëndës, të cilat lidhen me kompetencat kyçe që një nxënës duhet të zotërojë gjatë gjithë jetës së tij
dhe që përmbushen përmes njohurive të zhvilluara nëpërmjet tri tematikave kryesore.
Kompetencat e lëndës:
Kompetenca 1: Krijimi muzikor.
Kompetenca 2: Përformimi/ interpretimi muzikor.
Kompetenca 3: Vlerësimi i veprave muzikore.
Tematika e lëndës:
Tematika 1: Gjuha dhe komunikimi muzikor.
Tematika 2: Teknikat dhe proceset muzikore.
Tematika 3: Historia, muzika dhe shoqëria.
Në figurë tregohen kompetencat e lëndës dhe tematikat e saj.
25
3.2. KOMPETENCAT QË FORMOHEN PËRMES TEKNIKAVE
Bazuar në kurrikulë, lënda e muzikës synon të ndërtojë dhe zhvillojë tri kompetenca të
lëndës, të cilat lidhen me kompetencat kyçe që një nxënës duhet të zotërojë gjatë gjithë jetës së tij
dhe që përmbushen përmes njohurive të zhvilluara nëpërmjet tri tematikave kryesore.
Kompetencat e lëndës:
Kompetenca 1: Krijimi muzikor.
Kompetenca 2: Përformimi/ interpretimi muzikor.
Kompetenca 3: Vlerësimi i veprave muzikore.
Tematika e lëndës:
Tematika 1: Gjuha dhe komunikimi muzikor.
Tematika 2: Teknikat dhe proceset muzikore.
Tematika 3: Historia, muzika dhe shoqëria.
Në figurë tregohen kompetencat e lëndës dhe tematikat e saj.
26
3.3. PROGRAMI MUZIKOR, ELEMENTET E TIJ DHE ZBATIMI PËRMES PLANIT
TEKNIK
Elementet e para të edukatës muzikore fëmija i merr në familje që në moshë të hershme.
Me pas, në arsimin parashkollor, përmes këngëve të thjeshta, imitimeve të ritmeve apo të tingujve
të ndryshëm nga jeta e përditshme dhe lojërat muzikore, kalohet në një punë të organizuar për t’i
pajisur fëmijët me elemente muzikore dhe për t`i përjetuar ato. Të gjithë këto elemente muzikore,
të cilat ndërthuren gjatë të kënduarit, të dëgjuarit, të shprehurit të muzikës janë forma fillestare të
të kuptuarit të saj, të cilat do të vijojnë të zhvillohen më tej në arsimin fillor dhe më tej.
Kurrikula e edukimit muzikor shtrihet përgjatë 9 viteve shkollore dhe është e ndarë në dy
cikle: CF (cikli fillor) dhe CMU (cikli i mesëm i ulët), ku CF shtrihet në pesë vite dhe CMU në
katër vite.
Përmbajtja e kurrikulës së edukimit muzikor në CF13 jepet përmes pesë linjave bazë dhe
elementeve muzikore. Ato janë:14
Linjat e programit mësimor:
1. Të kënduarit dhe lojërat muzikore.
2. Bazat e arsimimit muzikor.
3. Dëgjimi muzikor.
4. Shprehje dhe krijim muzikor.
Elementet muzikore që mësohen përmes programit:
1. Ritmi.
2. Melodia.
3. Vetitë e tingullit: gjatësia, lartësia, intensiteti, timbri.
4. Notat.
5. Ritmet e thjeshta me dy, tri dhe katër goditje.
6. Tempi.
7. Termat dinamike dhe shenjat e ngjyrimit.
13 CF –Cikli Fillor14
Shamku, V., & Hala, M., Libër mësuesi edukim muzikor,, "Mediaprint".
27
Të nxënit e integruar - Tërheqja e nxënësve në veprimtaritë muzikore dhe integrimi i muzikës me
lëndët tjera, sigurisht kërkon realizimin e objektivave jo vetëm në muzikë, por edhe nga lëndët
tjera. Kjo është një mënyrë efektive e të mësuarit dhe një nga parimet me të rëndësishme që ka
kurrikula e edukimit muzikor.
Temat e integruara kanë një motivim dhe kënaqësi të lartë për nxënësit. Ndërhyrja e
linjave me njëra-tjetrën apo e njohurive të nxënësit i bën veprimtaritë e kësaj lënde të këndshme
dhe të dashura. Për shembull, mësuesit duhet të kenë parasysh që gjatë zhvillimit të linjës së
BAM15, njohuritë e kësaj linje mund të lidhen shumë mirë me linjen e dëgjimit, ku nxënsit
dëgjojnë atë çka mësuan në linjen e BAM-it.
Integrimi me artet dhe lëndët e fushave tjera - Disa nga aspektet e shprehjes dhe
imagjinatës nga fushat tjera të arteve, lidhen edhe muzikën, p.sh. koncepti i ritmit apo i formës në
artin figurativ, mund të ilustrohen edhe në muzikë.
Integrimi me gjuhën amtare - Në të gjitha nivelet, kurikula e edukimit muzikor ka si
qëllim që nxënësit të dëgjojnë dhe t`i përgjigjen muzikës në rrugë të ndryshme.
Këngët sigurojnë te nxënësi një të kënduar të rjedhshëm dhe të saktë të tyre, gjithashtu ato
kërkojnë të zhvillojnë më tej gjuhën amtare që ata mësojnë çdo ditë. Gjatë mësimit të këngëve
apo njohurive muzikore BAM, nxënësit njihen dhe ushtrojnë konceptet, si: theksi në gjuhën e
folur dhe muzikë ose koha e theksuar e pa theksuar. Këto mund të demonstrohen pasi një këngë
është mësuar shumë mirë, duke u kërkuar nxënësve të gjejnë fjalë dyrrokëshe, trerrokëshe dhe
katërrokëshe.16
Shembull integrimi me gjuhën amtare: Theksi në muzikë dhe gjuhën e folur.
> - > - - > - - -
Mo - lla Eks- kur-sion Ta-vo-li-na
1 2 1 2 3 1 2 3 4
Shenja “>” quhet theks i fortë, ndërsa shenja “-“quhet theks i butë.
15 BAM- Bazat e arsimit muzikor16 Shamku, V., & Hala, M., Libër mësuesi edukim muzikor,, "Mediaprint".
28
KAPITULLI IV
4. QËLLIMET DHE OBJEKTIVAT E EDUKIMIT MUZIKOR PARASHKOLLOR
Qëllimi i edukimit dhe i arsimit të përgjithshëm parashkollor është sigurimi i kushteve për
zhvillimin fizik, intelektual, social, emocional dhe moral të fëmijëve, duke iu mundësuar në këtë
mënyrë që zhvillimi i tyre i mëtejmë, të jëtë më i suksesshëm dhe më i plotë.
Nga qëllimi gjithëpërfshirës dhe unik i edukimit parashkollor buron edhe qëllimi i
edukimit muzikor, që është i shprehur në mënyrë koncize, do të thotë: nxitja e fëmijëve për ta
përjetuar artin muzikor dhe për t`u shprehur në mënyrë të lire, me mjetet shprehëse muzikore,
varësisht nga mundësitë e tyre.
Qëllimi në të vërtetë është mjaft kompleks, sepse zhvillimi i aftësive muzikore është një
proces i gjatë i transformimit kuantitativ i dispozitave muzikore të trashëguara. Prandaj, edukimi
muzikor ka një varg objektivash të qarta edukative:
1. Para se të gjithash, veprimtaria muzikore duhet t`u sjellë gëzim dhe disponim të mirë, si
dhe të nxisë emocione pozitive.
2. Nëpërmjet procedurave edukativo-muzikore përkatëse me moshën, të inicohet interesimi
për muzikë, përkatësisht për dëgjim të muzikës.
3. Të përkrahet dhe të kultivohet spontaniteti i të shprehurit muzikor të lirë të fëmijëve, pra
të nxiten mundësitë krijuese të tyre.
4. Të bëhen nismat e zhvillimit të veshit muzikor nëpërmjet ndjenjës ritmike, melodike e të
memories muzikore.
5. Të kultivohet dhe të zhvillohet zëri i fëmijëve dhe gradualisht të aftësohen për këndim dhe
muzikim individual dhe të përbashkët.
Realizimi i objektivave edukative-muzikore, gjithnjë duhet të bazohet në mundësitë përjetuese të
fëmijëve të kësaj moshe.17
17Spahiu, S., METODIKA E MËSIMIT TË MUZIKËS, "Libri shkollor“.
29
4.1. KURRIKULA DHE PROGRAMI MËSIMOR CF - EDUKIMI MUZIKOR
Kurrikula bërthamë për klasën përgatitore dhe arsimin fillor, krahas dokumenteve tjera
kurrikulare, e bën të zbatueshme kornizën e kurrikulës të arsimit parauniversitar, të miratuar nga
MASHT-i. Me këtë dokument përcaktohen rezultatet për kompetenca dhe rezultatet për fusha të
kurrikulës, të shprehura në njohuri, shkthtësi, qëndrime dhe vlera që duhet të zhvillohen dhe
arrihen nga nxënësit deri në fund të periudhave të caktuara kohore, si dhe qasjen metodologjike të
zbatueshmërisë, përfshirë mësimdhënien, mësimnxënien dhe vlerësimin. Gjithashtu, ky dokument
përcakton shpërndarjen e kohës mësimore (oreve mësimore), për fusha të kurrikulës dhe
ndërlidhjen e tyre, të cilat mundësojnë progres në zhvillimin e kompetencave të nxënësit.
Mësimi i muzikës në arsimin e detyruar 9 vjeçar, synon të aftësojë nxënësit për të
përjetuar dhe për t‘u shprehur nëpërmjet muzikës. Ky program synon të kultivojë shprehitë për të
kënduar, për të dëgjuar, për të luajtur, për të krijuar si dhe për t’u shprehur duke vlerësuar
muzikën.
Edukimi muzikor në arsimin fillor, synon të formojë nxënësit si përjetues të muzikës duke
shprehur nëpërmjet saj botën e tyre emocionale.
Linjat e programit:
1. Këndimi e lojërat muzikore.
2. Bazat e arsimimit muzikor.
3. Luajtja në instrument.
4. Dëgjim muzikor.
5. Shprehje dhe krijim muzikor.
Veçoritë e arsimit fillor - në këtë nivel, përvojat mësimore në shkollë kontribuojnë për kalimin
gradual nga të nxënit përmes lojës, në të nxënit më të sistemuar të nxënësve. Puna edukativo-
arsimore përqendrohet në përvetësimin e shkrim-leximit themelor, matematikës elementare,
njohjes së mjedisit natyror e shoqëror të rrethinës, elementet e edukimit estetik dhe fizik në
kontekstin e vendosjes së një baze të shëndoshë për zhvillimin njohës, socio-emocional dhe
motorik. Kujdes i veçantë i kushtohet zhvillimit të personalitetit të fëmijës dhe qëndrimit pozitiv
të tij për të nxënit, që ndihmon zhvillimin e shprehive themelore për mësimin për të nxënë.
30
4.2. PLANI MËSIMOR
ASPEKTET E PËRGJITHSHME TË PLANIT TË ORËS MËSIMORE
Fusha kurrikulare: Artet; Lënda: Ed. Muzikore; Shkalla e kurrikulës: 1; Klasa: Parafillor.
Tema (nga plani dymujor): Rezultati i të nxënit të temës (nga plani dymujor):
Muzika, lëndët tjera. luajmë lojëra të ndryshme ku përfshihet edhe matmatika, gjuha shqipe, edukimi fizik
etj.
Rezultatet e të nxënit për kompetencat kryesore të shkallës (të synuar):
I-4, III-1, IV-1, IV-2.
Rezultatet e fushës së kurrikulës (të synuar):
1.3, 2.2.
ASPEKTET SPECIFIKE TË PLANIT TË ORËS MËSIMORE
Njësia mësimore: Vizatojmë dhe ngjyrosim ylberin
Fjalët kyçe: ylberi, shiu, dielli, 7 ngjyrat.
Rezultat-i/et e të nxënit të orës mësimore:
Të mësojmë këngen ylberi, teksa mësuesja luan në piano. Fëmijët do të mësojnë si krijohet ylberi dhe sa
ngjyra ka.
Burimet, mjetet e konkretizimit dhe materialet mësimore: karton, letra me ngjyrë, gërshërë, ngjitës.
Lidhja me lëndët tjera mësimore apo me çështje ndërkurrikulare dhe situatë jetësore:
Ed. Muzikore - Kënga “Ylberi”.
Matematikë - Numërimi i ngjyrave të ylberit.
Ed. Figurative - Ngjyrosja dhe vizatimi i ylberit.
31
PËRSHKRIMI I METODOLOGJISË DHE VEPRIMTARITË E PUNËS ME NXËNËS GJATË ORËS
MËSIMORE.
Rutina ditore - fillojmë me datën, ditën, muajin, vitin dhe stinën. Pastaj formojmë një rreth, pyesim fëmijët
për ylberin se sa ngjyra ka, cilat janë ato dhe kur formohet ylberi. Pastaj këndojmë këngën “Ylberi” derisa
secili nga fëmijët ta mësojë këngën.
Aktiviteti i radhës është formimi i ylberit me karton, letra me ngjyrë etj.
Vlerësimi i nxënësve: Vëzhgojnë portofolion.
Detyrat dhe puna e pavarur: Punojnë dhe vizatojnë ylberin në mënyrë të pavarur.
Reflektimi për rrjedhën e orës mësimore: Të gjithë fëmijët morën pjësë në aktivitet.
32
4.3. REZYME
Nga të gjitha që u thanë më lartë, shohim se muzika dhe lëndët tjera janë mjaft të
rëndësishme dhe të nevojshme në zhvillimin e fëmijëve. Edukimi muzikor është pjësë e jetës sonë
të përditshme dhe një formë joverbale e komunikimit dhe e transmetimit të ideve përmes tingujve
dhe simboleve muzikore. Kjo lëndë mundëson kombinimin e njohurive muzikore dhe teknikave,
duke i përdorur ato për t`u frymëzuar, për të imagjinuar, për të gjetur dhe për të shprehur ndjenjat.
Integrimi me lëndët tjera synon të intëgrojë lëndën e muzikës me lëndët tjera. Nxënësit do
të mësojnë të zbulojnë lidhjet midis muzikës dhe edukimit figurativ, gjuhës, edukatës qytetare,
edukimit fizik dhe të kuptojnë rëndësinë e muzikës si burim kënaqësie.
Si përfundim, nga hulumtimet e këtij punimi kam arritur të shoh sesi muzika integrohet
me të gjitha fushat e kurrikulës. Për më tepër, ajo që kam kuptuar është se muzika luan një rol
themelor në edukimin e fëmijës, në vetëbesimin, zhvillon aftësitë fizike të fëmijëve dhe i përballë
fëmijët me kultura të ndryshme.
33
BURIME NGA LITERATURA
MËTODIKA Ë MËSIMIT TË MUZIKËS . Prof.mr Seniha Spahiu Prishtinë- ShtëpiaBotuese Libri.
LIBËR MËSUESI , EDUKIMI MUZIKOR . Msc. Majlinda Hala, Violeta ShamkuShtëpia Botuese mediaprint.
METODIKA E EDUKIMIT MUZIKOR . Msc. Majlinda Hala Tiranë 2001 METODIKE E EDUKATES MUZIKORE. Ajmone dhomi, Prishtine 2000.
34
BURIME NGA INTERNETI
http://izha.edu.al/new/wp-content/uploads/2018/09/Muzike-Shkalla-1-2.pdf
http://www.ikub.al/CONTENT_SHENDETI
https://palidanigorre.files.wordpress.com/2014/11/artet.pdf
http://illyriapress.com/lidhjet-e-muzikes-matematiken-dhe-fiziken/
1 http://izha.edu.al/Biblioteka/3Programe%20Lendore/1Program
http://izha.edu.al/Biblioteka/3ProgramCikli%20Parashkollor/203_PROGRAME_PER_PARASH
KOLLORI-Programe-te-Arsimit-Parashkollor.pdf