Tshiimiswa tsha Vhapinduleli tsha Afurika Tshipembe

BULETHINI XVIII / IV (2018)

AGM ya 2018 na Mulanguli Muhulwane Nga tshifhinga tshine na khou wana Bulethini hei AGM i khou vha yo no fhira. Kha nzudzanyo i tevhelaho ri ḓo vha ḓivhadza Khoro ntswa ine ya ḓo ranga phanḓa tshiimiswa kha miṅwaha miraru i ḓaho. Zwa zwino, ri takalela u vha ḓivhadza uri ri na mulangi muhulwane muswa ane a khou dzhena tshiimoni tsha Vho Marion Boers. Ndi Vho Theresa Bender, muraḓo vha bvaho Bloemfontein. Vho vha vha tshi khou shuma na Vho Marion vha tshi khou guda maitele a zwithu u bva mathomoni a ṅwedzi, vha ḓo dzhia mushumo tshoṱhe nga murahu ha AGM. Ri fhulufhela uri vha ḓo vha ṱanganedza nahone vha ḓo kona u sa fhela mbilu musi hu na thaidzo dza tshifhinganyana musi vha tshi ḓo vha vha tshi khou ḓidzudzanyela mushumo wavho muswa.

Hezwi ndi zwe Vho Theresa vha amba nga ha vhone vhaṋe: Ndo bebiwa nda aluwa ngei Bloemfontein fhedzi nda fhedza tshifhinga tshanga musi ndo no vha muhulwane ndi huṅwevho. Ndo vha na ndalukano dzanga dza u thoma dza vhudededzi, thero dzanga khulwane hu English na Afrikaans. Ndo shuma miṅwaha miraru ndi mudededzi musi vha wanderlust vha tshi ndzhia. Ndo ya nda shuma sa jeune fille au pair ngei Paris lwa ṅwaha muthihi, nda dzula hone lwa miṅwaha ya 8. Ndo shuma Embasi ya Afurika Tshipembe Paris sa muḓologi, mupinduleli, na muḽaiburari, he nda iswa kha vhudzivha vhukuma nda shuma na French, English na Afrikaans ndi si na na pfumbudzothangeli ya mupinduleli kana mudologi. Naho zwo ralo, nda zwi shuma nga nḓila ye nda ḓowela u shuma ngayo. Ndo shuma hone lwa miṅwaha miṋa musi ndi saathu shuma kha khamphani ya zwa Tshiisimane sa mukonanyi wa mveledziso ya zwa vhubindudzi. Nda iswa Cambridge, UK, he nda shuma lwa miṅwe miṅwaha mivhili sa PRO. Musi ndi henefho ndo vha na ndalukano dza u kona u vha muthu a ṱoḓelaho khamphani muthu a na vhukoni ha nṱha siani ḽa mushumo.

Nga murahu ha miṅwaha ya 10 ndi mashangoḓavha, nda humbula u vhuya hayani nda vula tshikolo tsha zwa luambo tshi no pfi “U Guda Nyambo” ngei Bloemfontein. Ri gudisa nyambo dza 8 ra ṋetshedza hafhu na tshumelo dza vhuḓologi na vhupinduleli. Nga tshifhinga tshenetsho ndo wana ndalukano dza u vha muḓologi na mupinduleli wa English na French kha UFS. Ndo sedzesa kha French nda wana ndalukano dza u vha mulingi wa luambo lwa French wa Dzitshaka. Kha miṅwaha ya 10 yo fhiraho ndo vha ndi tshi khou shuma sa mudzudzanyi na mupinduleli ane a tou ḓishumela ene muṋe. Ndo dzudzanya nzudzanyo ya u thoma ya bugu ya Phurofesa Wannie Carstens’ Teksredaksie khathihi na bugu ya vhaṅwali vha ḓivheaho vha si gathi. Ndo shumesa zwinzhi kha French, English na Afrikaans, fhedzi nda dovha hafhu nda vha na nḓivho ya Italian, Swedish na Sesotho.

U vala ha ofisi ya akhiridithesheni Vha humbelwa u dzhiela nzhele uri ofisi ya akhiridithesheni i ḓo valwa u bva ḽa 07 u swika ḽa 22 Fulwi 2018. Arali vha na zwiṅwe zwine vha ṱoḓa u zwi ṋetshedza zwi no elana na milingo, kha vha vhone uri vha kwamana na Vho Erica kha exams@translators.org.za hu tshe na tshifhinga.

Khonferentsi yashu ya 2018 Khonferentsi ya murahu ha miṅwaha miraru ya SATI ya 2018 i ḓo farelwa Emperors Palace ngei Gauteng nga ḽa 28 na 29 Khubvumedzi. Ndivhuwo khulwane kha vhoṱhe vho ṋetshedzaho makumedzwa u itela ṋetshedzo. Komiti ya mbekanyamushumo i kati na u ṱhaṱhuvha makumedzwa ayo nahone i ḓo ḓivhadza mbekanyamushumo yo fhelelaho mafheloni a Shundunthule. Ri fhulufhela uri mbekanyamushumo i ḓo ṋetshedza zwiteṅwa zwo fhambanaho zwine muṅwe na muṅwe a ḓo zwi wana zwi tshi takadza. Muambi makone ndi Vho Henry Liu vha bvaho New Zealand, phuresidennde o bvaho zwenezwino wa Federasi ya Vhapinduleli ya Dzitshaka (FIT) nahone ri khou shumana na u shela mulenzhe ha “remote” nga muimeli a bvaho ha Microsoft. Vhahaṱuli vha kati vha khou ṱhaṱhuvha khumbelo dzo ṱanganedzwaho dza Pfufho dza Vhukoni dza SATI, dzine dza ḓo ṋetshedzwa sa tshipiḓa tsha khonferentsi.

2

U ḓiṅwalisa hu ḓo vula mafheloni a Shundunthule. Mbadelo dza u ḓiṅwalisa dzi ḓo ima nga hei nḓila:

U ṱavhanya u vhaledza zwi na u ḓiṅwalisa na mbadelo nga ḽa 31 Fulwana 2018

Masheleni a u dzhenela a misi zwi na u ḓiṅwalisa na mbadelo u bva ḽa 1 u swika ḽa 31 Ṱhangule 2018

Masheleni a u dzhenela zwi na u ḓiṅwalisa na mbadelo u bva nga ḽa 1 u swika ḽa 15 Khubvumedzi 2018

Miraḓo ya SATI R1 300,00 R1 600,00 R1 900,00 Miraḓo ya LAMP R1 500,00 R1 800,00 R2 100,00 Vha si miraḓo R1 800,00 R2 100,00 R2 400,00 Matshudeni R900,00 R1 200,00 R1 500,00

Vhuraḓo Miraḓo miswa: Lauren Enrody-Younga, Cristina Fourie, Giulia Gasperoni, David Gauna, Nawe Mbokane, Ally Mwakomola, Abram Nkomo, Antoinette Reeves-Walker, Khutso Senyatsi, Antoinique van Staden, Tildie Williams, Christelle Woudberg Vho vhuyaho: Hanan Karar, Debbie Oosthuizen, Keabetswe Phetoane, Charlemagne Pooe

Manweledzo a vhuvhudzusi kha SATI SATI yo wana khumbelo dza 30 dza vhashumi vha luambo nga Lambamai 2018, dzi katelaho tshumelo dza luambo dza tshaka dzo fhambanaho kha ṱhanganyo dza luambo dza 19, sa zwo sumbedzwaho kha girafu dzi re afho fhasi. Khumbelo dzo ṱanganedzwa dzi tshi bva kha vhoramilayo, vhabindudzi, zhendedzi ḽa zwa didzhithala, muthu nga muthihi, mueletshedzi wa zwa luambo, NGO, muvhuso wa vundu, musaikholodzhi, mutshudeni, zhendedzi ḽa zwa vhuendi na yunivesithi.

0 2 4 6 8 10 12 14 16

Vhupinduleli vhu re na thendelo ya tshiofisi

Vhupinduleli nga u angaredza

Vhuḓologi nga murahu ha muambi

Vhuḓologi khathihi na muambi

Vhudzudzanyi

Nga tshumelo - Lambamai 2018

0 1 2 3 4 5 6 7 8

Zulu

Xhosa

Venda

Tswana

Tsonga

Swati

Spanish

Sothern Sotho

SASL

Portuguese

Northern Sotho

Greek

German

French

English

Dutch

Croatian

Chinese

Afrikaans

Nga luambo Lambamai 2018

3

Mishumo ya SATI ya 2018 Kha vha vhone afho fhasi mafhungo a mishumo miṅwe ine khoro ya SATI ya khou shuma nayo kana ine ya khou i themendela kha vhone. Zwidodombedzwa zwi ḓo tevhela musi zwi tshi vha hone, fhedzi vha nga swaya dayari dzavho zwa zwino u khwaṱhisedza uri a huna tshine tsha tea u kuḓana na nyaluwo ya zwa phurofesheni ino khou endelela na zwikhala zwa u haseledza na u netiweka na vhashumisani.

Fulwi Basic MS Word formatting 8 Fulwi ngei Wits Club Johannesburg. Hei i tou vha ndovhololo ye ya ṋetshedzwa nga Vho Melissa Davidson nga Fulwana 2017

Fulwana Khongirese ya Vhoradzinyambo ya Dzitshaka ya vhu 20, Cape Town, 2-6 Fulwana 2018. Zwidodombedzwa zwi kha http://icl20capetown.com/. SATI North West: 28 Fulwana – Wekishopho ya Autshumato i ṋetshedzwa nga vha CText

Ṱhangule Tshiswitulo tsha zwa matshilisano tsha anivesari ya SATI Tshi ḓo dzudzanywa u itela anivesari yashu ya vhu 62 nga Mugivhela 25 Ṱhangule SATI North West: 18 Ṱhangule – U dzhenela wekishopho ya vhudzudzanyi ha zwa akhademiki ine ya ḓo ṋetshedzwa nga vha PEG ngei Johannesburg. Ndingo dza vhuḓologi khathihi na muambi dzi ḓo vha hone, khamusi Cape Town na Johannesburg, kha vhege ya ḽa 20-24 Ṱhangule.

Khubvumedzi Khonferentsi ya SATI & U Ṋetshedza Pfufho Mushumo uyu u ḓo katela u pembelela Ḓuvha ḽa zwa Vhupinduleli ḽa Dzitshaka. U ḓo farelwa Emperors Palace nga Ḽavhuṱanu ḽa 28 na Mugivhela wa ḽa 29 Khubvumedzi. SATI North West: 15 Khubvumedzi – ‘ḓidzudzanyeleni khalaṅwaha ya zwa akhademiki’ tshipiḓa tsha u shuma, hune muṅwe na muṅwe a ḓisa zwiko na mbudziso dzawe, ra ṱoḓa phindulo roṱhe (ri na vhaḓivhi vha luambo u iela u netshedza ngeletshedzo)

Tshimedzi Bembela ḽa zwa ḽekizikhogirafi Ḽavhuvhili ḽa 16 Tshimedzi ndi ḓuvha ḽa Ṱhalusamaipfi ḽa Dzitshaka nahone ro pulana u dzudzanya mushumo wa u sumbedza mishumo ya Yuniti dza Ḽekizikhogirafi dza Lushaka dza Afurika Tshipembe. SATI North West: 13 Tshimedzi – SATI NW i khou dzudzanya mushumo wa mishumo ine ya vha hone kha language practice ngei Potchefstroom khathihi na vha PEG

Lara Mushumo u elanaho na Luambo lwa Zwiga Afurika Tshipembe Arai ra vha a mashudu, mushumo uyu u ḓo kona u pembelela SASL lu tshi vha luambo lwa tshiofisi lwa vhu 12 lwa Afurika Tshipembe.

Miṅwe mishumo Remote interpreting: Shaping present practice and future directions University of Surrey, UK, 13-

14 Fulwana 2018

Conference of the Society of English-Language Professionals (SENSE) ngei Netherlands, 9-10 Fulwi 2018. U ḓiṅwalisa hu vala nga ḽa 26 Shundunthule 2018. Mbudziso dzi livhiswa kha: conference@sense-online.nl. Maṅwe mafhungungo kha: https://www.sense-online.nl/public-conference.

IATIS 2018 – Translation and Cultural Mobility, Hong Kong Baptist University, 3-6 Fulwana 2018: https://www.iatis.org/index.php/6th-conference-hong-kong-2018.

FIT Task Force for Legal Translation and Interpreting (LTI) nga tshumisano na vha ATICOM vha khou dzudzanya International Legal Forum ya vhu 13, “Legal Translation and Interpreting in a Changing World: Technology – Outsourcing – Shifts” vha ramba vhapinduleli, vhaḓologi, vhoraakademi, vhatoḓisisi, matshudeni na vhashumi u dzhenela Foramu ngei Gustav-Stresemann-Institut (www.gsi-bonn.de/en) ngei Bonn, Germany, u bva nga ḽaa 6 u swika ḽa 8 Khubvumedzi 2018. Zwidodombedzwa: https://aticom.de/fit-ilf-2018/en/.

Third International Conference on Economic, Business, Financial and Institutional Translation, 27-29 Fulwi 2018, University of Alicante, Spain. Zwidodombedzwa: https://dti.ua.es/en/tradeco/iii-icebfit/iii-international-conference-on-economic-business-financial-and-institutional-translation.html.

4

Khanḓiso AFRICAN SUN MeDIA yo anḓadza bugu ya ndaedzi nga Vho Eleanor Cornelius na Vho

Marné Pienaar. Bugu hei ina vhudavhidzani ho kunaho nahone vhu re khagala nga ha vhuḓologi ho sedzwa tshiimo tsha Afurika Tshipembe. A huna maipfi a re fhasi ha 168 a theory and practice of interpreting o katelwaho kha nyambo ṱanu: English, Dutch, Afrikaans, Northern Sotho na Zulu. Ipfi ḽiṅwe na ḽiṅwe ḽo ṱaluthedzwa zwavhuḓi nga English, Dutch na Afrikaans, nahone ho vha na thusedzo yo bvaho kha mahumbulwa, tsumbo, mafhambanyi, mabulazwithihi, ndaedzi ho teaho kana hune zwa ṱoḓea. Ṱhalutshedzo ya ipfi kha Northern Sotho na Tshizulu dzo ṋetshedzwa. Vhadzudzanyi ndi maḽekitshara oṱhe a re Yunivesithi ya Johannesburg, vha na vhuḓifhinduleli ha vhugudisi ha vhashumi vha zwa luambo, zwi tshi katela vhaḓologi. Zwidodombedzwa nga vhuḓalo zwi nga wanala kha webusaithi ya SATI: http://translators.org.za/sati_cms/index.php?frontend_action=display_text_content&content_id=1

The Routledge Handbook of Translation and Culture Yo dzudzanywa nga Vho Sue-Ann Harding na Vho Ovidi Carbonell Cortes.

Linguistic and Cultural Representation in Audiovisual Translation Yo dzudzanywa nga Vho Irene Ranzato na Vho Serenella Zanotti.

Khuwelelo ya mabambiri Khonferentsi ya Media for All International ya vhu 8 Yunivesithi ya Stockholm, Sweden, 17–19 Fulwi 2019.

Datumu ya u guma u ḓisa manweledzo: 30 Shundunthule 2018.

Khonferentsi ya Translating and the Computer ya vhu 40 (TC40) 15-16 Lara 2018, London. Kha vha rumele makumedzwa nga ḽa 15 Fulwi 2018 nga kha https://www.softconf.com/i/tc2018/ nahone vha sedze kha saithe ya khonferentsi u wana zwiṅwe zwidodombedzwa: https://www.asling.org/tc40/.

Vhupinduleli ha Tshivhuru: Ettienne van Zyl; Isabel Claassen

Vhupinduleli ha Tshizulu translation: Dudu Mlaba, Manzo Khulu Vhupinduleli ha Tshixhosa: Buyiswa Njobe-Mini

Vhupinduleli ya Tshitswana: Pauline More Vhupinduleli ha Tshitsonga: Maurice Hlangwani

Vhupinduleli ha Tshivenḓa: Mulalo Takalani Vhupinduleli ha Tshisotho tsha Vhukovhela: Vuyelwa Miya