November2012

Vol.

II, N

o. 1

1

visit @MarikinaPIO(Twitter), MarikinaPio (Facebook), www.infomarikina.webs.com and Marikina.TV at www.youtube.com/user/piomarikina

Know the latest happenings in the city,

PARA SA TULOY-TULOY NA SERBISYO PUBLIKO, pinangunahan ni Mayor Del De Guzman ang paghahain ng Certificate of Candidacy (COC) ng buong Partido

Liberal sa Marikina na tatakbo sa eleksyon sa 2013 noong ika-5 ng Oktubre sa Commission on Elections-Marikina na nasa 3rd Floor ng Marikina Public Market, Brgy. Sta. Elena.

Kasama ni Mayor Del sa paghahain ng COC si Vice Mayor Jose Fabian Cadiz na tatakbong muli bilang bise alkalde; ang mga muling tatakbong konsehal sa Unang Distrito na sina Konsehal Frankie Ayuson, Konsehal Eva Aguirre-Paz, Konsehal Ronnie Acuña, Konsehal Jojo Banzon, Konsehal Mario de Leon; sina Willie Chavez, Thaddeus Antonio Santos, at Samuel Ferriol; at mga muling tatakbong konsehal sa Ikalawang Distrito na sina Konsehal Ariel Cuaresma, Konsehal Mark Albert del Rosario, Konsehal Xy-za Diazen, Konsehal Ernesto Flores, Konsehal Judy Magtubo; Kagawad Paul Dayao ng Brgy. Concepcion Uno, Kagawad Ferdinand Sayasa ng Brgy. Fortune, at Ruben Reyes.

Bilang suporta, sinamahan ni Congressman Miro Quimbo na muling kakandidato sa pagkakongresista ng Ikalawang Distrito ang paghahain ng Certificate of Candidacy ng nabanggit na mga opisyal at kandidato.

Mayor Del, nanguna sa paghahain ng Certificate of Candidacy

ng Marikina

Mabusising kinikilatis ni Mayor Del De Guzman kasama si Mayor Sherwin Gatchalian ang isa sa mga sapatos na ibinebenta sa Shoe Caravan ng Marikina nang bumisita ito sa lungsod ng Valenzuela kamakailan. Layunin ng caravan na higit pang maipakilala at tangkilikin ng mga mamamayan ng karatig-lugar ang mga sapatos na gawang Marikina.

Isa para sa lahat, lahat para sa isa. Buong suporta ang ibinibigay sa isa't isa ng mga bumubuo ng Lapiang Liberal ng Marikina. Isang patunay ang tagpong ito na kuha sa araw ng paghahain ng Certificate of Candidacy sa Comelec-Marikina nina (mula kaliwa) Mayor Del De Guzman, Vice Mayor Jose Fabian Cadiz at mga tatakbo sa pagkakonsehal (nasa likuran) na inagapayanan ni Congressman Miro Quimbo na tatakbo rin bilang kongresista ng Ikalawang Distrito ng Marikina.

Patunay ang Certificate of Candidacy (COC) na ito na muling tatakbo bilang punong lungsodsi Mayor Del De Guzman. Kasama ang buong Lapiang Liberal (Liberal Party), isinagawa ni Mayor Del ang paghahain ng COC noong ika-5 ng Oktubre sa Commission on Elections-Marikina.

Published by the Public Information Office 2nd Floor, Marikina City Hall Shoe Ave., Sta. Elena, Marikina CityTelefax no.: 646-6451 Cell nos. 0915-4573293, 0918-6577158 E-mail: piomarikina@gmail.com/ pio_marikinacity@yahoo.com Website: www.infomarikina.webs.com www.marikina.gov.ph

Paul Edward P. SisonMaria Lourdes NavarroChrysler de Guzman, Dexter SatuitoNoli Mirafuente, Oscar Cinco, James Paul C. Agulay, Mary Ann Jocson, Carmela Salazar Tinigng Marikina

Editor-in-ChiefManaging Editor

Layout ArtistWriters

Photographers :Researcher:

Contributors:Marketing & Circulation Manager:

Circulation:

Legal Consultant:

Lorenzo Gatbonton, Charlie PrielaMaretony BaldozaCesar Barquilla, Nick FerrerRhyan QuilapioRandie Esteves, Marjun Fadriquela,Salvador Narra, Warlito Dumaquita,Victor Palomo, Gilbert Lobis, Armand SolacitoAtty. Florella Almarez

INILUNSAD NG LOKAL na pamahalaan noong ika-8 ng Oktubre sa programa ng lingguhang pagtataas ng watawat ng lungsod sa Freedom Park ang kauna-unahang Marikina City Red Orchid Awards 2012 (Barangay Level), isang patimpalak para sa 100% smoke-free na mga barangay ng lungsod.

Lalahukan ng lahat ng 16 na barangay ng lungsod, ang pagpili para sa mga magwawagi para White Orchid (3rd place), Pink Orchid (2nd place), at Red Orchid (1st place) ay isasagawa mula ika-8 ng Oktubre 2012 hanggang ika-20 ng Mayo 2013 kung kailan gagawin din ang pagsusuri sa mga hakbang ng mga kalahok sa pagkamit ng isang smoke-free barangay.

Ang mahihirang na Red Orchid awardee sa Mayo 2013 ay tatanggap ng tropeo at PhP25,000 halaga ng gamot para sa smoking cessation clinic ng barangay, samantalang ang mga magkakamit ng White Orchid at Pink Orchid awards ay mag-uuwi ng Plaque of Recognition.

Para sa iba pang katanungan, maaaring makipag-ugnayan sa City Health Office sa numero bilang (02) 997-6547 or (02) 997-1108.

SA IKA-4 NA LINGGO ng Sapatos Festival ay binuksan sa publiko ang Sapatos Central, isang one-stop shoe

shop sa Marikina City Hall Quadrangle kung saan makakabili ng dekalidad na sapatos na produktong Marikina sa halagang 20%-30% na mas mura kumpara sa kaparehong produktong ibinebenta sa ibang pamilihan. Bukas hanggang ika-16 ng Nobyembre, ang Sapatos Central ay nagtatampok ng iba’t ibang brand o tatak ng sapatos na likha ng 41 lehitimong magsasapatos sa lungsod na kaisa sa Sapatos Festival.

Hinihikayat ni Mayor Del De Guzman ang mga mamamayan na sa halip na bumili ng murang sapatos na yari sa ibang bansa na bukod sa hindi nagagarantiya ang tibay at kalidad, ay tangkilikin na lamang ang mga sapatos na yaring Marikina.

“Ang ating mga sapatos ay kilala sa mahusay na kalidad, kabilang na ang pagiging komportable at matibay, at mayroong mayamang disenyo. Ito ang dahilan kung bakit ako mismo ang nag-eendorso nito sa ating mga kababayan,” wika ni Mayor Del.

Maliban sa murang halaga, mayroon ding warranty ang mga sapatos na mabibili mula sa mga magsasapatos na kalahok sa Sapatos Festival. Maliban sa Sapatos Central, ang mga ito ay mabibili sa Patio Del Zapateros (J.P. Rizal Street, Brgy. San Roque, malapit sa Our Lady of the Abandoned Church), Shoe Caravan na bibisita sa mga lungsod sa Metro Manila, at piling shopping malls sa Metro Manila.

Sangkaterbang sapin sa paa sa

Pinangunahan kamakailan ni Mayor Del De Guzman ang isinagawang ground-

breaking ceremony ng itatayong gusaling gagamitin ng City Social Welfare and Development Office (CSWDO) upang tugunan ang mga pangangailangan ng Children in Conflict with the Law (CICL) at iba pang nangangailangan ng kalinga. Ginanap sa Social Action Center, Brgy. Sta. Elena, ang seremonya ay dinaluhan nina Department of Interior and Local Government-National Capital Region Director Renato Brion, Department of Social Welfare and Development Undersecretary Parisya Taradji, at mga lokal na opisyal ng Marikina.

Sa pamamagitan ng mga pasilidad ng itatayong apat na palapag na CICL Building, matutugunan ang pangunahing pangangailangan ng mga CICL at mga residenteng nangangailangan ng pagkalinga tulad ng mga matandang walang tirahan, mga mentally-challenged, at mga abandonadong bata. Ilan sa mga pasilidad ay covered court, mga silid-tulugan, kasilyas, silid-aralan para sa mga proyektong pangkabuhayan, at marami pang iba.

Ang pondong gagamitin sa pagpapatayo ng CICL Building ay mula sa cash incentive na natanggap ng Marikina nang mapanalunan nito ang Good House Keeping Award na mula sa Department of Interior and Local Government. Sa isang linggo ay sisimulan na ang anim na buwang konstruksyon ng gusali.

Upang bigyang-daan ang pagtatayo ng gusali, pansamantalang lumipat ang CSWDO sa panulukan ng Champagnat at General Ordonez sa Brgy. Marikina Heights. Maaaring makipag-ugnayan sa tanggapang ito sa numero bilang (02)941-3747.

Pagtatayo ng CICLBuilding,sisimulanMatapos ang paglulunsad na ginawa

ng City Environmental Management Office (CEMO) sa pagpapatupad

ng Ordinansa Bilang 18, Serye ng 2012 (Ordinance Regulating the Use of Plastic Packaging/Bags on Wet Goods and Banning the Use of Plastic Packaging on Dry Goods) sa Marikina Public Market kamakailan, ipinatupad na noong ika-2 ng Nobyembre ang naturang batas na nagbabawal sa Styrofoam at naglilimita sa paggamit at pagbebenta ng produktong plastik sa buong lungsod.

Ang sumusunod na multa ay maaaring ipataw sa mga nagnenegosyong lalabag:

PhP1,000 (unang paglabag); PhP3,000 at pansamantalang pagpapasara ng negosyo hanggang hindi sumusunod sa ordinansa (ikalawang paglabag); at PhP5,000 at tuluyang pagpapasara ng negosyo (ikatlong paglabag). Para naman sa mga indibidwal na lalabag, PhP500 ang multang ipapataw o walong oras na community service o pagbibigay ng dugo.

Bago nito, sinimulan na ng CEMO ang pagkumpiska sa mga sando bag (plastic bag na may hawakan) noong ika-1 ng Oktubre bilang babala sa mga nagnenegosyo at mga residente.

Mga bawal kaugnay ng Ordinansa Bilang 18, Serye ng 2012:• Styrofoam at kahalintulad na produkto• Plastic product bilang pambalot sa dry goods• Plastic product bilang secondary packaging o ang plastik na pambitbit sa produkto

Red Orchid vs yosi sa barangay

Isang naiibang patimpalak para sa sinumang mahilig mamisikleta ang bubuksan sa ika-6 ng umaga

ng ika-18 ng Nobyembre sa Patio Del Zapateros. Pinamagatang “Dress up your Bike”, ang patimpalak na ito ang susukat sa pagkamalikhain at husay sa pagdidisenyo ng mga kalahok sa kanilang mga bisikleta gamit ang dekorasyong may kaugnayan sa sapatos. Ang magwawagi ay mag-uuwi ng PhP10,000 (unang puwesto); PhP6,000 (ikalawang puwesto); at PhP3,000 (ikatlong puwesto). Ang proyekto ay pangwakas na aktibidad ng pagdiriwang ng Sapatos Festival 2012.

Bukas ang patimpalak para sa lahat ng nais sumali, anumang uri ng bisikleta ang gamit. Para sa iba pang impormasyon, maaaring makipag-ugnayan sa numero bilang (02)646-2371.

Dress up your bike and join!

Sapatos Central

Plastik nilimitahan, Styrofoam ipinagbawal

PINANGUNAHAN ni Mayor Del De Guzman (gitna) kasama sina Vice Mayor Jose Fabian Cadiz (kaliwa) at panauhing pandangal na si Department of Interior and Local Government-National Capital Region Director Renato Brion (kanan) ang ground-breaking ceremony ng itatayong apat na palapag na gusali para sa Children in Conflict with the Law (CICL) sa Social Action Center, Brgy. Sta. Elena. Layunin ng proyektong ito na magkaroon ng mas maayos at sapat na pasilidad para tugunan ang pangangailangan ng mga kabataan at iba pang mga residenteng nangangailangan ng pagkalinga at tulong. Inaasahang matatapos ang konstruksyon ng naturang gusali matapos ang anim na buwan.

Pinangunahan ni Marikina Mayor Del De Guzman (gitna) ang ceremonial toss para opisyal na simulan ang mga laro ng 2nd DELeague Open Invitational Basketball Cup noong ika-14 ng Oktubre sa Marikina Sports Park Gym. Nasa larawan din sina (mula kaliwa) Alinko Mbah ng PL iTrade, Vice Mayor Jose Fabian Cadiz, DELeague 2012 Best Muse Sophia Andres ng Sta. Lucia East Grand Mall at John Walker ng Hobe Bihon. Mapapanood sa DELeague ang 13 koponang magtatagisan ng husay sa larangan ng basketball.

Iniaabot ni Mayor Del De Guzman (kanan) ang isang miniature replica ng tiangge kay Eduardo Francisco (kaliwa) ang chairman ng Tiangge Committee at executive director ng Philippine Chamber of Commerce and Industry (PCCI)-Marikina sa ginawang symbolic turn-over ceremony ng lokal na pamahalaan ng Marikina noong ika-30 ng Oktubre.

Bilang pagtalima sa Ordinansa Bilang 18, Serye ng 2012, ginagamit na ng mga nagnenegosyo sa Marikina Public Market ang mga paper bag pamalit sa mga plastik na nakagawian nang ipambalot sa mga produktong kanilang binebenta.

Sa Sapatos Central na ito itinitinda ng may 41 magsasapatos ang dekalidad na produkto ng Marikina sa halagang 20-30% na mas mura kaysa sa kahalintulad ng mga ito na ibinebenta sa komersyal na pamilihan. Tatagal hanggang ika-16 ng Nobyembre, ito ay bukas mula ika-8 ng umaga hanggang ika-6 ng hapon at matatagpuan sa Unang Palapag ng Marikina City Hall.

TINIG ng Marikina Vol. II, No. 11 | NOVEMBER 2012

www.marikina.gov.ph2TINIG ng Marikina

marikinanews.wordpress.com | facebook.com/piomarikina

NOVEMBER 2012 | Vol. II, No.11

3

Del Delivers Mayor Del R. De Guzman

TINIG ng Marikina Vol. II, No. 11 | NOVEMBER 2012

www.marikina.gov.ph4

Balitang Bise Vice Mayor Fabian Cadiz

MADAC, pinatibay at pinalakas (Isang pagbabalik-tanaw)

Konsehal pa lamang si Mayor DEL DE GUZMAN nang naitatag noong 1989 ang Marikina Anti-Drug Abuse Council (MADAC) upang lalong mapalawig ang pagsugpo sa ilegal na droga sa ating bayan.

Taong 1993, noong VICE MAYOR na si Mayor DEL ay ipinagpatuloy niya ang adbokasiya laban sa bawal na gamot sa pamamagitan ng pagtatatag ng organisasyon para sa mga kabataan na tinawag niyang Youth Outreach Program Against Drug Abuse (YOPADA), mula sa direktiba ng Dangerous Drugs Board (DDB) para makatulong niya ang mga kabataan sa kanyang kampanya at maimulat din sila sa mga masasamang dulot ng salot ng lipunang ito.

November 7, 1994, habang kasagsagan ng mga naitatalang kaso kaugnay ng ipinagbabawal na gamot na idinudulog sa Tanggapan ng Pangalawang Punong Lungsod, naalarma ang ating dating Vice Mayor DEL, kaya siya nagpasiya na magpatayo ng isang Marikina Holding Center (sa ngayon ay MARIKINA REHABILITATION CENTER) para sa mga drug dependent na taga-Marikina. Sa center na ito muna ikino-confine ang mga drug dependent bago sila ilipat sa isang government-recognized rehabilitation center.

Dati ay wala pang gaanong programa para sa ating mga drug dependent sa naturang center kaya naisip ng dating Vice Mayor DEL na lagakan ito ng mga livelihood programs, counseling sessions, at religious activities para may nagagawang progresibo ang mga nakalagak roon.

Pagkatapos ng termino ni Mayor DEL bilang Vice Mayor, at naging CONGRESSMAN na siya, kahit noong konsehal pa lamang siya, hanggang sa ngayon na MAYOR na siya ng ating lungsod, ay patuloy pa rin ang kanyang pagsuporta sa mga programang lumalaban sa ipinagbabawal na gamot.

Sa ngayon, sa panahon naman ng inyong lingkod, DR. JOSE FABIAN I. CADIZ, bilang vice mayor at bilang tugon sa itinakda ng batas, ay atin pong pinalakas at pinatibay ang MADAC sa pamamagitan ng pagbuo ng Barangay Anti-Drug Abuse Council (BADAC) sa labing-anim (16) na Barangay ng Marikina noong Agosto 27, 2010.

Tumatayong Chairman ng MADAC si Mayor DEL DE GUZMAN at ang inyong lingkod, bilang vice mayor ng lungsod, ang kanyang action officer. Si Councilor FRANKIE AYUSON naman ang chairman ng Committee on Dangerous Drugs sa ating Konseho. Kami ang mga magkakatuwang na nakikipaglaban sa problema sa ipinagbabawal na gamot na dati nang suliranin hindi lang ng ating lungsod, kundi maging sa buong bansa.

Bumuo rin tayo ng Speaker’s Bureau para sa MADAC, na umiikot sa lahat ng komunidad sa labing anim (16) na Barangay at sa mga private at public schools sa buong Marikina na umabot na sa tatlumpu’t isang (31) school institutions upang magsagawa ng mga drug symposium.

Inilunsad din natin ang Cyberwar Against Dangerous and Illegal drugZ (CADIZ) na ang tanging hangarin ay ang madaliang komunikasyon sa pamamagitan ng information technology (IT) networking. Dito ay mayroon tayong programang “e-sumbong mo” (Hotline No. 0917-8575775) na sa pamamagitan ng inyong mga text messages o tawag ay maaari kayong makapagsumbong o makapagreport ng mga ilegal o kahina-hinalang kaganapan sa inyong lugar.

Nagtatag din tayo ng Student Council Against Dangerous Drugs (SCADD) noong Setyembre 2010 sa labing-apat (14) na public high schools sa buong Marikina upang mapalawak ang ating kampanya sa bawal na gamot at makatulong ng YOPADA sa mga programa nito, partikular sa institusyong edukasyunal.

Itinatag din natin noong Mayo 16, 2012 ang BRIGADA ANTI-DROGA (BAD) na isang samahang binuo sa ilalim ng ating tanggapan sa konsepto ni Ginoong JOEY RAMOS upang makatulong sa

Nandito ka noong nangyari 'to di ba? Alamin kung nahagip ka ng aming camera. Visit the Marikina PIO at Facebook. Pag friend ka na namin ita-tag ka na namin next time!

Marikina Shoe Industry Development Council (MASIDC)

Telephone: 646-1634 (temporary)Vice Chairman:

Councilor Mario De Leon

Ang tanggapang ito ay inatasan ng Sangguniang Panglungsod na lumikha at magtatag ng mga oportunidad kung saan ang ekonomiya at panlipunang pag-unlad ay makakamit ng mga mamamayan ng Marikina. Ito rin ang nangangasiwa sa pagpapatupad ng lahat ng plano, programa, proyekto, at mga patakaran na may kinalaman sa pagtataguyod ng industriya ng sapatos sa lungsod ng Marikina, hindi lamang sa larangan ng ekonomiya kung hindi maging sa kultura at kasaysayan. Ito rin ang mamamahala at magtitiyak na ganap na mapapaunlad ang industriya ng sapatos, mga kaugnay sa serbisyong pang-industriya at aktibidad bilang pangunahing pinagkukunan ng kabuhayan at trabaho ng mga residente, wastong paggamit ng likas na yaman at lakas sa paggawa na magiging susi upang makipagkumpitensya ang naturang industriya sa lokal at pandaigdigang merkado.

Marikina City Disaster Risk Reduction and Management Office (MCDRRMO)

Telephone number: 646-2436 to 38Officer-in-charge:

Kristin M. Roxas

Pangunahing layon at gawain ng tanggapang ito na mapanatiling ligtas ang buong Marikina sa panahon ng sakuna at kalamidad. Ito ang nagpaplano at nag-oorganisa ng mga programa, pagsasanay, at nagbibigay ng kaalaman sa mga residente tungkol sa mga pag-iingat na dapat gawin, mga pinsalang maaaring matamo sa oras ng kalamidad o sakuna. Ito rin ang nagbabantay, nagbibigay ng mga babala at impormasyon, at nagbibigay ng mga patakaran kaugnay ng mga panganib, sakuna at kalamidad. Nakikipag-ugnayan din ito sa Barangay Disaster Risk Reduction Management Council (BDRRMC) ng bawat barangay upang masiguro na ang mga ito ay may mga paghahandang ginagawa para sa komunidad sa oras ng kalamidad.

adbokasiya sa paglaban sa ipinagbabawal na gamot. Sa kasalukuyan, natapos na natin ang drug symposium ng Brigada Anti-Droga sa lahat ng barangay sa

buong Marikina (16 barangays). Umarangkada naman kamakailan lang ang Riders Against Illegal Drugs (RAID) para mabigyan ng

sapat na impormasyon ang ating mga kababayan, partikular ang mga nagmamay-ari ng motorsiklo na miyembro ng anumang riders’ club sa kani-kanilang barangay, tungkol sa ipinagbabawal na gamot.

Matagumpay ding naganap noong Hulyo 17, 2012 ang “SEMINAR ON RA 9165 FOR LAW ENFORCEMENT UNITS AND STAKEHOLDERS”. Ito ay para lalong maintindihan ang Pambayang Batas ukol sa Ilegal na Droga (RA 9165) at para malaman ng ating mga Local Law Enforcement Units (LEU) ang tamang proseso sa paghuli, pag-imbestiga, pagsampa ng kaukulang kaso, at kung anu-ano ang mga requirement na kadalasang nagiging problema kaya bumababa ang rate ng mga nakakasuhan na drug-related cases.

Sa ngayon ay patuloy pa rin ang ating sinimulang “IWAS DROGA EXHIBIT-CARAVAN” para sa mga pampublikong eskuwelahan sa Marikina. Kasama natin sa programang ito ang tanggapan nina City Mayor DEL DE GUZMAN, 1st District Congressman MARCY TEODORO at 2nd District Congressman MIRO QUIMBO.

Kung nais ninyong makiisa sa aming layunin o mayroon kayong mga katanungan, mungkahi, impormasyon o nais magpa-schedule ng drug symposium, exhibit-caravan, lakbay-aral o seminars sa inyong eskuwelahan (private o public) o barangay ay maaari kayong makipag-ugnayan kay Mr. NEIL IGNACIO ng MADAC sa telepono bilang (02) 806-7870 o kay Teacher RAMIL VILLAREAL ng Office of the Vice Mayor sa mga numero bilang (02) 647-3119 at (02) 645-6407, o sa pamamagitan ng website ng city council na may address na www.citycouncil.co.cc.

Marikina, magsama-sama tayo sa adhikaing ito, kasama natin sina MAYOR DEL DE GUZMAN, CONG. MARCY TEODORO, CONG. MIRO QUIMBO at sampu ng ating mga KONSEHAL, para sa ikabubuti ng ating mga kabataan at ng buong Marikina, dahil naniniwala ako na “ang hindi kaya ng isa, kaya natin basta’t sama-sama…” at sa pamamagitan nito ay “MAGIGING DRUG-FREE ANG MARIKINA!!!”

Pangunahing tungkulin at layunin ng tanggapang ito na maihatid ang mabilis, maayos, at ligtas ang mga sulat sa mga dapat makatanggap. Bukas ang kanilang tanggapan sa mga nais magpadala o magpahatid ng panloob (domestic) at panlabas (international) na express mail at package; panloob at panlabas na parcel; proof of delivery para sa mga nais malaman kung natanggap o kung sino ang tumanggap ng padala; at electronic money order para sa mga nais magpadala o tumanggap ng perang padala. Mayroon na rin ditong Bayad Center kung saan maaari nang bayaran ang utility bills (kuryente, tubig, cable, at iba pa). Tumatanggap din ito ng padala mula sa ibang bansa at naglalabas ng Postal Identification Card na makukuha sa loob ng 30 minuto hanggang isang oras lamang kapag kumpleto ang lahat ng dokumentong kailangan.

Marikina Post Office

Telephone number: 646-2351Post Master:

Romencio Abude

Mahalagang tradisyon ang paghandaan ang Araw ng mga Patay o Undas. Sa mga malalayong lalawigan, bahagi nito ang tinatawag na pangangaluluwa kung saan may nagaganap na pag-umit ng itlog ng manok at alagang hayop pati na ang pananakot sa mga bata. Pagbibiro ang buod ng iba pang mga kahalintulad na gawain na siyempre masaklap para sa nabibiktima ngunit nagbibigay saya at katatawanan naman sa iba. Katambal nito ang sa kabilang panig ay ang mataimtim na pag-alaala sa mga sumakabilang buhay sa pamamagitan ng pagdalaw sa mga puntod ng yumaong mahal sa buhay at pag-aalay ng dasal para sa kanila. Sa gabi ng Undas, nagtitirik ng mga kandilang simbolo ng pagbibigay ng liwanag sa mga gumagalang kaluluwa.

Sa modernong panahon, nauso na sa atin ang banyagang selebrasyon ng Halloween at bahagi nito ang “Trick or Treat” at mga pagsasayang tampok ang mga nakakatakot na kasuotan at maskara. Ang mas nakakikilabot at mas kinalulugdan ang mas nakakaragdag sa kasayahan.

Tayo man sa pamahalaan ng lungsod ng Marikina ay may sariling taunang pagdiriwang ng Undas at isang malaking okasyon ito para sa atin. Sa taong ito, inilaan ang ika- 29 ng Oktubre para sa Halloween Treat sa Freedom Park sa umaga kung saan may pamimigay ng kendi sa mga batang iikot sa mga tanggapan. Mayroon ding mga magician na gumawa ng balloon sculpting; photo booth, at sampling ng Halloween masks. Mayroon ding dogs’ halloween costume contest sa small breed at large breed categories. Sa ika-5 ng hapon naman ang Halloween Costume Parade 2012 para sa patimpalak na may mga kategoryang pambata, pangmatanda, panggrupo at mga nakabisikleta (Zoombisikleta). Ginawaran ng premyo ang mga nagsipagwagi sa isang seremonya sa Patio del Zapateros (katabi ng Shoe Museum) kung saan nagtapos ang parada. Tinahak ng mga kalahok ang rutang nagsimula sa Freedom Park, kumanan sa Shoe Avenue, kumaliwa sa Sumulong Highway, kumaliwa sa J.P. Rizal Street, at dumiretso sa Patio del Zapateros.

Nakagaganyak ang mga nakalinyang aktibidades sa ating annual city Halloween celebration para sa taong ito na tiyak na ikinalugod ng lahat. Kanya-kanya ng preparasyon ang iba’t ibang opisina at departamento sa kanilang gayak upang maging makulay at masigla ang pagdiriwang. Ganyan natin ipinagdiwang ang bisperas ng Undas.

Sa kabilang panig, huwag naman nating kalilimutan taun-taon ang seryoso at mataimtim na uri paggunita sa alaala ng ating mga namayapang mahal sa buhay sa mismong araw ng Undas. Dumalaw tayo sa mga puntod nila na may taos-pusong paggalang. Hindi dapat gawing tila mayroong party sa mga nitso at musoleo. Iwasan nating gawing sugalan at inuman ang mga puntod. Pati na ang malakas na musika at maingay na halakhakan ay hindi rin katanggap-tanggap. Malaking istorbo sa mga katabing dumadalaw na nagsisipagnilay sa alaala ng kanilang mga yumao. Minsan lang sa isang taon ang Undas kaya gawin nating may parteng masaya pero may bahagi ding mataimtim. Hindi kailangang magarbo ang pagdalaw maging sa sementeryo man o sa memorial park. Kahit simpleng kandila at pumpon ng bulaklak kalakip ang panalangin ay sasapat upang maging makabuluhan ang paggunita sa Araw ng mga Patay.

Nais ko ring batiin ang ating mga kapatid na Muslim sa pagdiriwang nila ng Eid Al-Adha (Feast of Sacrifice) na ginugunita naman ang matinding pagsubok ng Maykapal kay Abraham nang iutos Niyang gawing sakripisyo sa Kanya ang sariling anak, subalit sa huli ay binawi rin at sa halip isang tupa ang kinitlan ng buhay bilang kapalit. Tulad ng ginawa ni Abraham, sa pagdiriwang na ito ay mayroon ding pinapatay na hayop subalit binibigyan ang mga kaibigan at ibang tao lalo na ang mahihirap bilang sakripisyo. Simbolo ito ng pagbabahagi sa iba ng mga biyayang natatanggap mula kay Allah. Kahit tayong mga Kristiyano ay dapat isaalang-alang ang naging pagsubok kay Abraham at ang aral na dulot nito. Maligayang Eid Al-Adha sa ating lahat.

Makabuluhang paggunita sa mga namayapa

Pangunahing tungkulin ng Commission on Audit na suriin at ayusin ang accounts na may kinalaman sa revenue o kita at resibo ng gastusin sa tamang pamamaraan ng paggamit ng pondo at ari-arian na nasa pangangalaga ng lokal na pamahalaan at ipahayag ang mga panuntunan at regulasyon ng accounting at ng auditing para maiwasan ang mga iregularidad kagaya ng labis-labis na paggastos, hindi tamang paggasta at paggamit ng mga ari-arian ng lokal na pamahalaan. Tungkulin din nito na magsumite ng taunang ulat sa Pangulo at Kongreso sa nakaraang taon tungkol sa kondisyon ng pananalapi at kung ito ay naaayon sa programa na itinakda ng lokal na Konseho at magrekomenda ng mga hakbangin upang lalo pang mapagbuti ang kahusayan at pagiging epektibo ng pamamahala para sa ikauunlad at ikabubuti ng lokal na pamayanan. Ito rin ay may “quasi-judicial power” na nakasaad alinsunod sa itinatakda ng 1987 Philippine Constitution.

Commission on Audit-Marikina

Telephone: 646-6515City Auditor:

Digna Crescencia Filler

Bahagi ng Sapatos Festival ang Shoe Caravan at Exhibit and Mega Shoe Sale sa piling shopping malls sa Metro Manila at karatig-lugar nito. (1) Si Mayor Del De Guzman kasama si Mayor Bobby Eusebio ng Pasig City na mainit na tumanggap sa Shoe Caravan noong ika-3 ng Oktubre. (2 & 3) Ang Mega Shoe Sale sa Lucky China Town sa Manila noong ika-12 ng Oktubre na dinaluhan ng aktor at konsehal na si Lou Veloso.

(7) Nasa loob ng mga kahong ito ang may dalawang libong school bags na ipinamigay ng City Social Welface and Development Office kasama ang Ayala Foundation, Mitsubishi Corporation, at National Book Store sa mga mag-aaral ng Malanday Elementary School at Malanday National High School. (8) Isa ang batang ito sa may 1,500 mag-aaral sa elementarya na nabiyayaan ng school bags na sina Mayor Del De Guzman at Vice Mayor Jose Fabian Cadiz ang namahagi. (9) Nasiyahan naman sa pakikibahagi at pakikisalamuha si Mayor Del sa mga batang benepisyaryo ng naturang proyekto.

(4)Iniiabot ni Mayor Del De Guzman (kaliwa) kay Lt. Col.Thomas Sedano Jr. (kanan) ng 4th Light Armor Battalion na nakabase sa Camp Nakar, Lucena City ang ilang kahon ng sapatos na ipinagkaloob ng lungsod ng Marikina para sa Project Shoe Box ng naturang grupo.(5) Sa turn-over ceremony na ginanap kasabay ng pagsisimula ng Shoe Caravan sa Freedom Park noong ika-1 ng Oktubre, nagmartsa ang ilang sundalong kabilang sa nasabing batalyon dala ang mga kahon ng sapatos na mula sa 41 kalahok sa Sapatos Festival. Laman ng mga kahon ang 125 pares ng sapatos na sumisimbolo sa 125 taon ng industriya ng sapatos ng Marikina.

Labis ang pasasalamat ng lokal na pamahalaan ng Marikina sa pangunguna ni Mayor Del De Guzman (pangatlo sa kanan) sa mga kinatawan ng Toshiba Information Equipment (Phils.)Inc. sa pamamahagi ng mga ito ng kagamitang magagamit sa panahon ng sakuna. Sa ginawang turn-over ceremony sa City Hall Quadrangle kamakailan, ipinrisinta ang fire truck at fiber glass boat na maaaring gamitin ng lungsod. Dumalo sa seremonya ang ilang kinatawan ng Toshiba na sina (mula sa kaliwa) Ma. Corazon Buñag, VP-Human Resources Administration and Human Organizational Department, Minuro Iriko, TIP President; at Fumio Otani, Corporate Representative -Asian Toshiba Corporation. Nasa larawan din sina Vice Mayor Jose Fabian Cadiz, mga Konsehal ng lungsod, at Kapitan Levy De Guzman.

1 4

78

9

5

6

2

3

II

TINIG ng Marikinamarikinanews.wordpress.com | facebook.com/piomarikina

NOVEMBER 2012 | Vol. II, No. 11

5

Pulido, mabait, simple ngunit istrikto - ganito inilalarawan ni Acting

City Administrator Tomas “Jun”Aguilar ang kanyang sarili.

Bago siya nanungkulan bilang acting city administra-tor, nakapanilbihan na siya sa Marikina bilang city planning officer simula1994 hanggang kasalukuyan.

Kilala bilang “Sir Jun” sa mga kawani ng pamahalaang lungsod, naniniwala siya na ang kanyang kakayahan at kaalaman bilang city plan-ning officer ay nakatutulong nang husto ngayong siya ay naitalaga ni Mayor Del De Guzman bilang acting city ad-ministrator at humahawak ng posisyong bagamat mataas sa nakagisnan niyang hawakan ay may kaakibat na respon-sibilidad para sa lungsod at mga mamamayan nito.

“Malaking tulong ang aking tungkulin bilang city planning officer sa pagba-balangkas at pagbubuo ng mga plano para sa lungsod. Naniniwala akong ito ang mga katangiang dapat ay taglay ng isang tagapamahala

ng lungsod,” wika ni Sir Jun. Nais niyang mapanatili

ang kaayusan sa Marikina hindi lamang sa aspeto ng pagsugpo sa krimen kung hindi maging sa pisikal na kaayusan at kaanyuan upang mapagyaman ang aesthetic value nito.

“Napakapartikular ko sa mga detalye tulad ng mga

simpleng bagay tulad ng rail-ings sa creek na hindi pantay, mga concrete barrier sa kalsa-da na hindi nagagamit, o mga nagtataasang damo sa ilalim ng tulay. Bilang tagapama-hala ng lungsod, ako na dapat ang nakakapansin ng mga ganitong bagay upang iwasto at hindi na dapat iasa sa ating

mayor,” wika niya.Sa pagtupad sa tungkulin,

payo niya sa lahat ng mga kawani ng lokal na pamaha-laan na marapat na hindi lang basta ginagawa ang trabaho, kailangang pulido ang pag-kakagawa ng mga ito dahil kung hindi ay kailangang uliting gawin ang mga ito.

Sa kasalukuyan, isa sa kanyang mga isinusulong na proyekto ay ang pagkakaroon ng entrance/exit marker sa lungsod na makikita at mag-iiwan ng tatak ng Marikina sa mga bumibisita at dumadaan dito. Prayoridad din niya ang paglalagay ng karatula sa mga pangunahing kalsada sa lungsod na may nakasaad na katagang “Give Pedestrians a Brake”. Layon nitong palaka-sin pa ang pagkampanya ng lungsod bilang isang pedes-trian-friendly community.

Kung pahihintulutan ng Maykapal, nais din niyang bigyang katuparan ang paglikha ng isang proyek-tong magsisilbing tatak ni Mayor Del, isang bagay na magsisilbing kanyang marka at pamana bilang punong lungsod.

BARANGAY

Round-upRound-upBARANGAY

NEW

S

Round-up

Tunay na Kaunlaran, Tao NamanCong. Miro Quimbo

BRGY. FORTUNEBASIC FIRE FIGHTING SEMINAR PARA IWAS-SUNOGIsinagawa kamakailan ng Sangguniang Barangay ng Barangay Fortune kasama ang Bureau of Fire Protection (BFP)-Marikina ang isang seminar sa Basic Fire Fighting sa Barangay Hall at Barangay Fire Station ng barangay na ito. Bukod sa fire drill, tinalakay din sa seminar ang iba’t ibang uri ng apoy, kung paano ito nagsisimula at paano aapulahin. Nagbahagi rin ng kaalaman ang BFP hinggil sa wastong paggamit ng fire extinguisher. Nilahukan ang aktibidad na ito ng Fire Brigade Volunteers, Fire Brigade, mga barangay tanod, ang mga kinatawan ng mga samahan. BRGY. JESUS DELA PEÑAHALLOWEEN PARADE KONTRA DROGABilang suporta sa kampanya laban sa droga, idinaos ng pamunuan ng barangay na ito ang Trick or Treat Halloween Parade noong ika-30 ng Oktubre, simula ika-4 ng hapon sa Barangay Quadrangle. Ang patimpalak at parada ay nahahati sa tatlong kategorya: Bloody, Scary, at Fantasy kung saan premyong PhP1,000 ang inuwi ng nanalong mayroong pinakanakakatakot na kasuotan sa bawat kategorya. Bukas ang parada sa lahat ng residente at mga kabataan ng nasabing barangay. Ang proyektong ito ay kaugnay ng kampanya ng barangay na may temang “Happy ang Barangay kung sa Droga ay Byebye”. BRGY. KALUMPANG PAGGUNITA SA INTERNATIONAL COASTAL CLEAN-UP DAY, ISINAGAWABilang pagsuporta sa International Coastal Clean-up Day, nagsagawa ng paglilinis ang mga opisyal, kawani, at kabataan ng Barangay Kalumpang noong ika-6 ng Oktubre sa kahabaan ng Marikina River na nasasakop ng nasabing barangay. Mayroong pitong sako at limang garbage bag ng basurang karamihan ay plastic bags, tuyong dahon, at plastic bottles ang nakuha mula sa nasabing lugar. Bukod sa pagsuporta, layunin din ng aktibidad na panatilihin ang kaayusan at kalinisan ng kanilang barangay. BRGY. TUMANAPARA LAGING HANDA, DISASTER AWARENESS SEMINAR IKINASABilang bahagi ng paghahanda para sa pagdating ng iba’t ibang uri ng kalamidad at sakuna, ang Office of Civil Defense kasama ang Metro Manila Development Authority ay nagsagawa ng isang disaster awareness seminar noong ika-12 ng Oktubre sa Barangay Hall ng barangay na ito. Tinalakay sa seminar na ito ang kahalagahan ng disaster management tulad ng mga dapat gawin sa oras ng kalamidad at sakuna. Dinaluhan ito ng may 60 katao na kinabibilangan ng mga opisyal at kawani ng barangay, mga kinatawan ng mga samahan sa komunidad, at iba’t ibang auxiliary force multiplier ng barangay. Isa ang barangay na ito sa nasasalanta ng pagbaha tuwing umaapaw ang Ilog ng Marikina katulad noong pananalasa ng bagyong Ondoy at Habagat. BRGY. TAÑONGLIGA NG BASKETBALL PARA SA PAGKAKAIBIGANUpang mas higit na maisulong ang pagkakaisa, pagkakaibigan at disiplina sa mga residente, ang pamunuan ng barangay na ito ay nagsimula noong ika-26 ng Setyembre ng liga o palaro para sa mga mahilig sa basketball. Ang nasabing liga ay nahahati sa rookie, sophomore, junior, senior at super senior divisions. Ginaganap ang liga tuwing Sabado at Linggo, simula ika-1 ng hapon sa Tañong Covered Court. Libreng mapapanood ang mga larong tatagal hanggang buwan ng Marso.

Holdaper, tiklo

Ikinatuwa ni Mayor Del De Guzman ang pagkakadakip ng dalawang holdaper at ikinasawi ng isa pa

nang nambiktima ang mga ito ng isang pampasaherong jeep sa panulukan ng E. Santos Street corner J. Molina Street, Brgy. Concepcion Uno noong ika-11 ng Oktubre dakong ika-6 ng umaga.

Kinilala ang dalawang suspek na nadakip na sina Kevin Gelera, 18 taong gulang; Ronilee Casabuena, 35 taong gulang na pawang nakatira sa Brgy. Cupang, Antipolo City; at ang nanlaban sa mga rumespondeng pulis at napatay na si Jimmy Arizala, 25 taong gulang na dati nang may rekord sa pulisya at nakatira sa Inarawan, Cogeo, Antipolo City. Nakuha sa mga suspek ang isang

caliber 45 pistol, isang fan knife, at isang kitchen knife.

Ayon sa inisyal na ulat ng pulisya, sumakay ang tatlong suspek sa isang pampasaherong jeep na may plakang TXK 899 na biyaheng Sta.Lucia-Montalban. Pagsapit sa pinangyarihan ng krimen ay nagdeklara ng holdap ang mga suspek at kinuha ang mga gamit ng mga pasahero. Sa pagtakas ng mga suspek ay nakita ang mga ito ng mga pulis ng Police Community Precinct 6 na pagpapatrolya sa lugar. Tinangkang barilin ni Arizala si PO2 Ramil De Pedro kaya napilitang magpaputok ang pulis na siyang ikinamatay ng suspek. Samantala nahuli naman nina PO1 Michael Albania at Force Multiplier

Edward Josafat Sison ang dalawa pang suspek.

Sa ngayon, ay sasampahan ng kasong highway robbery hold-up ang mga suspek kung saan maaari silang makulong nang 12-20 taon at may piyansang PhP200,000 bawat isa.

“Hindi natin alam kung kailan sasalakay ang masasamang loob, kaya ibayong pag-iingat ang laging pairalin. Natutuwa tayo sa mabilis na aksyon ng ating kapulisan na nagresulta sa pagkakadakip ng dalawang suspek. Inaasahan natin na ang awtoridad ay patuloy na magpapaigting ng seguridad at kaayusan sa ating lungsod,” wika ni Mayor Del.

Kamakailan lamang ay sunod-sunod nating inilunsad sa lahat ng pampublikong mababang

paaralan sa Ikalawang Distrito ng Marikina ang Nutri-Juice Feeding Program. Sa ilalim ng programang ito ay 10,000 estudyante sa Grade 1 at Grade 2 ang pagkakalooban ng libreng Nutri-Juice bawat araw mula Oktubre 2012 hanggang Marso 2013. Tinatayang anim na milyong piso (PhP6,000,000.00) ang inilaan para sa programang ito. Ito ay nagkaroon ng kaganapan sa pakikipagtulungan ng Coca-Cola Foundation at ng ating tanggapan.

Ang Nutri-Juice ay isang espesyal na inumin na sadyang inihanda ng Coca-Cola upang magamit sa programang pangnutrisyon sa mga piling lugar sa ating bansa. Ito ay timplado bilang regular na “juice” na kinawiwilihan ng mga bata ngunit may dagdag na sangkap pangkalusugan tulad ng Iron, Iodine, Vitamin A, Vitamin C, Zinc at Lysine. Ang mga sangkap na ito ay hindi lamang nakakatulong na mapasigla ang katawan ng ating mga anak ngunit malaki rin ang kontribusyon sa kanilang pagiging matalino at mayroong alertong pag-iisip. Malaki

ang aking pasasalamat sa Coca-Cola Foundation sa pagtitiwalang iginawad nila sa atin para ipatupad ang isang napakalaki at napakahalagang programang tulad nito.

Ang Nutri-Juice Feeding Program ay akma sa ating programang Quality Nutrition Towards Quality Education sa ilalim ng ating Q H.E.L.P.S. Agenda. Naniniwala ako na ang tunay na Quality Education ay makakamit lamang kung ang lahat ng aspeto ng edukasyon ay bibigyang-tuon at halaga. Hindi lamang mga dagdag na silid-paaralan o dagdag na libro ang kailangan upang maseguro na ang ating mga anak ay makatatanggap ng de kalidad na edukasyon. Kinakailangan din ay nababantayan ang kalusugan at kasiglahan ng katawan at pag-iisip ng ating mga

anak upang mag-aral at matuto. Para saan pa ang ating mga programang pang-imprastraktura upang ma-kumpleto natin ang kakulangan sa ating mga silid-paaralan kung ang ating mga mag-aaral naman ay sakitin o walang kakayahang mag-aral o matuto? Ito ang aking dahilan kung kaya naman aking pinursige na sa ating distrito na maipatupad ng Coca-Cola Foundation ang programang ito. Sa ilalim ng Nutri-Juice Feeding Program, may Quality Nutrition na, may Quality Education pa!

Ang programang ito ay isa lamang sa napakaraming mga proyekto at gawain na aking ibinubuhos sa Ikalawang Distrito sa ilalim ng Q H.E.L.P.S. program. Pinapakita nito ang synergy o ang pagkakaisa at organisasyon ng layunin ng ating mga gawain. Makikita rin natin dito na kahit ang mga malalaking pribadong institusyong tulad ng Coca-Cola Foundation ay handang tumaya at makiisa sa atin sa ating layunin na maghatid ng Quality na serbisyo para sa tao tungo sa tunay na kaunlaran.

Umasa kayo na patuloy ang buhos ng Quality programs tulad nito sa mga darating pang mga taon.

Quality Nutrition Tungo sa Quality Education

Vice Mayor Jose Fabian Cadiz

Pulidong detalye tungo sa kaayusan at mahusay na kaanyuan

Ipinaliliwanag ni Acting City Administrator Jun Aguilar sa kanyang kawani ang ang mga idadagdag na disenyo sa mga karatulang ilalagay sa mga pangunahing kalsada sa lungsod.

MOTORING GABThe city government of Marikina will hold a two-day

seminar starting today on proper and safe motoring at the Plaza Delos Alcaldes, in front of the city hall. Marikina City Mayor Del De Guzman said the project is a joint project of the city government and the Marikina Motorcycle Federation as the group has invited members of the local Motorcycle Philippines Federation to attend the Congress. The seminars will give tips and information on how to drive safely and the wearing of the safety riding gears. On the second day of the seminar, there will be an actual riding practice in which participants will be trained on proper riding and motoring. The training seminar is open to all who wish to learn.-Madelynne Dominguez, Manila Bulletin,Saturday, October 27, 2012.

STA. LUCIA OPENS BIDSta. Lucia East Grand Mall opens its bid for

back-back title when it meets Sky Force in the 2nd DELeague Open Basketball tournament tomorrow, Oct. 14 at the Marikina Sports Park gym, Marikina City.

A simple opening ceremony, led by Marikina Mayor Del De Guzman, will usher in the competition.

Francis Adriano will banner Sta. Lucia's bid along with Chris Calaguio, Celedon Camaso and Warren Ybanez. Last year, Sta. Lucia-Montecarlo swept Investwell, 2-0, in the best of three finals.

The other competing teams are ACS Team, Globe Telecom, JEKASA Sportswear, During's BBQ, Steel Trust Corporation, Hobe Bihon, PL iTrade, DSM Construction, Arquitectos Construction, Hog's Breath Cafe and Power Networks.

Admission fee is 10. -People's Journal Tonight, October 13, 2012.

KITA NG MGA MAGSASAPATOS SA MARIKINA, TUMAAS

Dahil sa patuloy na pag-aarangkada ng mga sapatos na gawang Marikina, patuloy din ang pagtaas ng kita ng mga magsasapatos sa ikalimang linggo ng pagdiriwang ng Sapatos Festival.

Sa ikalimang linggo (Oktubre 8-14) ng Sapatos Festival, ang Patio Del Zapateros at ang Sapatos Central, at maging ang Shoe Caravan na bumisita sa mga lungsod ng Malabon at Quezon, at sa Lucky China Town Mall ay nagtala ng kabuuang kita na PhP3,719,052. Sa kabuuan, sa ikalimang linggo ng pagdiriwang, nakamit na ang PhP14,811,471.10 o 74% ng target na kitang PhP20M ngayong taon.

Matatandaang noong unang linggo ng Sapatos Festival ay naitala ang kitang PhP1,855,748.25; sa ikalawang linggo ay PhP3,710,282; sa ikatlong linggo ay PhP 1,042,239; at sa ikaapat na linggo ay PhP4,484,149.85.

Matapos ang pagbisita ng Shoe Caravan sa lungsod ng Taguig noong ika-15 hanggang ika-16 ng Oktubre, susunod nitong pupuntahan ang Pateros sa ika-17 hanggang ika-18 ng Oktubre; Muntinlupa sa ika-19 ng Oktubre; at Dimasalang Park sa Antipolo sa ika-20 hanggang ika-21 ng Oktubre. -Jemuel Demata, Bagong Toro, Oktubre 17,2012.

HALLOWEEN TREAT The Marikina Government announced that

Marikenos will have a chance to win cash prizes by participating in various contests/activities which they have line-up as part of its Halloween treat to city residents today (October 29). With a theme "Gabi ng Katakot-takot na Katatakutan (Ikatlong Yugto)", the yearly activitity will start 9 a.m. and will be held at freedom Park in Brgy. Sta. Elena, Marikina City. -Francis T. Wakefield, Tempo, Monday, October 29, 2012

Si Vice Mayor Jose Fabian Imperial Cadiz ay ipinanganak noong ika-11 ng Enero 1961 sa Baao, Camarines Sur. Kilala sa tawag na “Dr. Cadiz”, siya ang bunso sa anim na anak nina Jose Cadiz at Fe Imperial. Nagtapos siya ng elementarya sa Naga Parochial School at sekondarya sa Philippine Science High School. Kumuha siya ng pre-medicine course na BS Biology sa University of the Philippines at post graduate sa Medicine at Surgery sa University of the East Ramon Magsaysay Memorial Medical Center. Sa pagsusulit sa 1987 Medical Board Exam, nagtapos siya sa ika-20 puwesto.

Bago siya nahalal na bise alkalde noong 2010, nanalo at nanguna siya bilang konsehal sa lokal na halalan sa Marikina noong 2001 at 2004.

Pangunahin niyang adbokasiya ang

pagsusulong ng mga programang pangkalusugan para sa mga residente kabilang na ang mga ordinansa hinggil sa waste segregation o paghihiwalay ng mga basura, Food Fortification Code ng 2007, at Eco-Savers’ Program na isang Galing Pook awardee.

Ilan sa mga pagkilala na kanyang natanggap ay ang Most Outstanding President ng Rotary International District 3800 noong 2005-2006 kasabay ng pagkilala sa naturang organisasyon bilang Most Outstanding Club of Marikina of the Rotary Club of Marikina. Pinangunahan din niya ang Civic Action Team noong 2002-2003, kasabay din ng pagkilala sa nasabing organisasyon bilang Most Outstanding Non-Government Organization (NGO) bilang suporta sa Eastern Police District.

Sa pagdaan ng mga taon ay patuloy na dumarami ang bilang ng mga ordinansang naipapasa at nagiging epektibo sa Marikina. Marahil, sa pagtaas ng bilang ng mga ordinansa ay ganoon din ang pagtaas ng bilang ng mga lumalabag sa mga ito. Maaaring ang mga ito ay nalilimutan na o kaya ay hindi batid ng mga mamamayan kaya nagkakaroon ng paglabag. Kaya muli ay ipinapaalaala sa mga mambabasa ang iba’t ibang batas sa Marikina na hanggang sa kasalukuyan ay epektibo.

Paalaala hinggil sa mga Ordinansa

ORDINANSA # 108SERYE NG 2002 Ipinatutupad ng lokal na pamahalaan na magdamit nang angkop ang lahat ng residente nito sa lahat ng pampublikong lugar sa lungsod, kabilang na rin ang mga tindero sa mga pamilihan. Sa pamamagitan ng ordinansang ito ay mas mapapanatili ang kaayusan sa lungsod at ang disiplina ng mga residente.Parusa: PhP500 sa bawat residente na lalabag sa nasabing ordinansa o isang (1) araw na community service.

ORDINANSA # 1SERYE NG 1996 Ipinagbabawal sa lungsod ng Marikina ang hindi paggamit sa tamang tawiran. Ito ay sa kadahilanang maaari itong magdulot ng panganib sa mga taong tumatawid sa mga kalsada at mga motorista. Isa rin ang jaywalking sa mga pangunahing sanhi ng pagsikip ng daloy ng trapiko. Kaya naman layon ng ordinansang ito na gawing disiplinado ang mga Marikenyo.Parusa: PhP100 sa bawat mamamayan na lalabag sa nasabing ordinansa o dalawang (2) oras na community service.

ORDINANSA # 120SERYE NG 2006Isinasaad ng ordinasang ito ang pagkakaraon ng timbangan bayan sa lahat ng pribado at pampublikong pamilihan sa lungsod. Ito ay upang maprotektahan ang karapatan ng mga mamimili at maiwasan ang pandaraya sa timbang.Parusa: PhP1000 para sa unang paglabag; PhP2000 pansamanatalang pagsasara ng pamilihan, at pagsuspindi ng business permit at lisensya sa susunod na paglabag.

TINIG ng Marikina Vol. II, No.11 | NOVEMBER 2012

www.marikina.gov.ph6TINIG ng Marikina

marikinanews.wordpress.com | facebook.com/piomarikina

NOVEMBER 2012 | Vol. II, No. 11

7

Alamin ang iba’t ibang uri ng sapatos na maaaring pagpilian para sa iba’t ibang okasyon. Kabilang dito ang mga sumusunod:

HIGH-HEELED SHOES o sapatos na may matataas na takong. Ito ay kadalasang ginagamit sa mga pormal na okasyon tulad ng salu-salo, espesyal na mga lakad, at eleganteng mga pagtitipon. Maaaring magsimula sa pagpili sa pinakamababang taas ng takong mula dalawa hanggang tatlong pulgada. Siguraduhing pantay ang lapat ng takong upang hindi mawalan ng balanse sa paglalakad. Ngunit iwasang magsuot ng high-heeled shoes kung maglalakad nang mahaba o lalagpas ng tatlong oras. Maaaring magdulot ito ng pananakit ng paa at

Sinasabing ang pagbili ng sapatos ay isa sa pinakamabusisi at kumukonsumo ng oras kung

shopping o pamimili ang pag-uusapan. Minsan ang pagbili ng sariling sapatos ay mahirap para sa isang indibidwal dahil sa marami siyang dapat na isaalang-alang tulad ng lapat sa paa, disenyo, kulay, at materyal na gamit - mga bagay na nagdudulot ng pagkasalawahan; at lalong mayroong kahirapan kung ipanreregalo ang sapatos na bibilhin sapagkat kailangang isaalang-alang ang sukat, panlasa, at pangangailangan ng taong reregaluhan. Maging pansarili o ireregalo sa mahal sa buhay ang sapatos na bibilhin, mainam na ang mamimili ay mayroong sapat na kaalamang dapat isaalang-alang sa pagbili ng sapatos. Anu-ano nga ba ang mahahalagang bagay na ito?

Narito ang ilang payo ng mga eskperto sa mga mamimili:

Alamin ang eksaktong sukat ng sariling paa o ng pagbibigyan.

Kailangan eksakto ang sukat ng sapatos sa ating paa - hindi masikip, hindi maluwag. Ang paggamit ng masikip na sapatos ay maaaring maging dahilan ng pagkasugat o pagkapaltos at pagsakit ng daliri at paa. Ang maluwag na sapatos ay maaaring magdulot ng kahihiyan kung matatanggal ito sa paa habang naglalakad. Masikip man o maluwag ang sapatos, nagdudulot ito ng pakiramdam na hindi komportable sa nagsusuot. Mahalagang kunin ang sukat ng parehong paa. Kadalasang mas malaki ang isang paa kaysa sa isa.

Pag-isipang maigi ang klase o uri ng sapatos na bibilhin.

Iba’t ibang sapatos ang maaaring mabili sa pamilihan tulad ng Sapatos Central na nasa Marikina City Hall at Patio Del Zapateros. Mas mainam kung alam natin ang klase o gamit ng sapatos - halimbawa ay kung ito ba ay kaswal na panlakad, pamasok sa eskwela o sa opisina, pantrabaho, o pamporma. Kailangan ding alamin ang ipapares na suot na damit sa sapatos na bibilhin. Kung ito ay ibibigay o ireregalo, mainam na pumili ng mga sapatos na magagamit nang madalas. Alamin kung ano ang hilig na sapatos ng taong reregaluhan, o kung saan maaaring magamit ang mga sapatos na ibibigay o bibilhin.

Pumili ng sapatos na naaayon sa okasyon o pagdiriwang.

8 Tinigng MarikinaVol. II, No. 11

www.marikina.gov.phwww.infomarikina.webs.com

INAANYAYAHAN ng lokal na pamahalaan sa pamamagitan ng

Marikina Livelihood Training Center (MLTC) ang lahat ng Marikenyong interisadong matutong gumawa ng sapatos na magpatala sa ipinagkakaloob na libreng pag-aaral sa footwear-making.

Sa ilalim ng pagsasanay, pag-aaralan ang pagdidisenyo, paggawa ng pattern, upper-making, shoelasting, sole-attaching o pagkakabit ng suwelas, finishing, at pangangalaga sa sapatos. Layunin ng kursong ito na makapamahagi ng kaalaman sa paggawa ng sapatos na maaaring maging dagdag na pagkakakitaan ng mga

residente. Kailangang dalhin ang mga

sumusunod na dokumento sa pagpapatala: photocopy ng barangay clearance, cedula, voter’s I.D. o voter’s verification slip, dalawang kopya ng 1x1 na larawan, at itim na ballpen. Para naman sa mga magpapatalang menor de edad o wala pang 18 taong gulang, kailangang magsumite ng voter's I.D. at letter of consent ng magulang o tagapangalaga.

Ang mga nais magpatala ay inaabisuhang magtungo sa Marikina Livelihood Training Center sa 2/F ng Marikina Sports Park, Brgy. Sta. Elena, o makipag-ugnayan sa telepono bilang (02) 482-7172.

Usapang Sapatos: Ano ang angkop na sapatos para sa iyo

November2012

Libreng pagsasanay sa paggawa ng sapatos

Bago maisuot ang mga sapatos na nabibili sa merkado ay dumadaan muna ito sa ilang hakbang o proseso upang maging matibay at magkaroon ng mataas na kalidad.

Isa si Ma. Theresa Atanacio-Curry, officer-in-charge ng Marikina Cultural Tourism Trade and Investment Promotions Office ng lungsod sa mga nangungunang nag-eendorso ng mga sapatos na gawang Marikina.

binti, pangangawit o pagkatapilok na maaaring mauwi sa aksidente. Kung hindi maiiwasang isuot ito nang matagal, palaging unatin ang mga binti upang hindi mangawit.

FLAT SHOES o sapatos na walang takong para sa araw-araw na gamit. Mainam na magsuot ng flat shoes para sa mahabang lakaran o kapag laging on-the-go. Dahil sa ito ay walang takong, mistulang nakayapak lamang ang pakiramdam ng nagsusuot at hindi na kinakailangan mangamba na baka matisod o matapilok dahil wala itong mataas na takong na kailangang alalahanin. Mainam na gamiting pamasok sa eskwelahan o sa mga trabahong nangangailangan ng mabilis na pagkilos, mahabang lakarin o mahabang oras na nakatayo.

ATHLETIC SHOES para sa mga taong mahilig sa palakasan o isports. Pumili ng sapatos na gawa sa rubber o goma. Sa pagsukat ng sapatos na ito, bigyang pansin ang mga daliri ng ating mga paa. Mainam na nakakagalaw pa rin ang mga ito para masukat ang sikip at ang luwag na isang dahilan para maiwasan ang paltos o sugat ng paa habang aktibo sa palakasan. Bumili ng sapatos na ginawa para sa isang partikular sa palakasan. Halimbawa rito ay ang running shoes para sa mga mananakbo o joggers at basketball shoes para sa mga manlalaro ng basketball.

Bumili ng sapatos sa hapon. Kadalasang mas malaki ang sukat ng ating paa sa hapon kaya mas makatitiyak tayo na eksakto ang lapat sa paa ng sapatos na bibilhin sa panahong ito.

Dapat isaalang-alang ang detalye at materyal ng sapatos na bibilhin. Iwasang bumili ng sapatos na gawa sa nylon at plastic.

Bumili ng mga sapatos na gawa sa balat o leather at cotton dahil subok na ang tibay nito. Bukod pa rito, mas makakaikot ang hangin sa loob ng mga paa na tumutulong upang makaiwas sa pagbuo ng bakterya o mikrobyo na nagiging dahilan ng hindi magandang amoy ng mga paa. Suriin ang mga suwelas nito kung ito ba ay tahi o dikit lamang. Mas mainam kung nakatahi ang suwelas dahil makatitiyak na ito ay hindi agad matatanggal. Mahalaga rin na tingnan kung maganda ang “arch support” o suporta sa paa ng sapatos.

Halaga o presyo ng sapatos na bibilhin. Ito ang isa sa mga isinasaalang-alang ng mga kapos o kulang sa budget. Mas ipinapayo sa mga taong hindi masyadong kalakihan ang budget na ipunin na lamang muna ang pera at saka bumili ng mas matibay at talagang subok na may kalidad na sapatos tulad ng produktong Marikina. Ang pagbili ng mura ngunit bagsak sa kalidad na sapatos ay halos katumbas ng pagtatapon lamang ng pera.