statuti i shba pashtrikut
DESCRIPTION
Statuti i shoqerisë bjeshkatare alpiniste PASHTRIKU, GjakovëTRANSCRIPT
1
FEDERATA BJESHKATARE ALPINISTE E KOSOVËS
SHOQËRIA BJESHKATARE ALPINISTE
“PASHTRIKU” GJAKOVË
STATUTI
I
SHOQËRISË BJESHKATARE ALPINISTE
“PASHTRIKU” GJAKOVË
Gjakovë
2008
2
Në bazë të neneve 20 dhe 49 të Ligjin për sportin të Kosovës nr. 2003/24, udhëzimeve administrative nr.
01 dhe 02/20005 të Ministrisë për Kulturë, Rini Sport dhe qëdhtje Jorezidente-Departamentit të Sportit,
për regjistrimin e klubeve dhe shoqërive spsortive, përkatësisht regjistrimin dhe licencimin e federatave
dhe shoqërive sportive, nenit 20 të Statutit të Federatës Bjeshkatare Alpiniste të Kosovës (FBAK),
Kuvendi i Shoqërisë Bjeshkatare Alpiniste “Pashtriku” Gjakovë, në mbledhjen e mbajtur më
13.05.2008 e miratoi:
S T A T U T I N E
SHOQËRISË BJESHKATARE ALPINISTE
“PASHTRIKU”
DISPOZITAT THEMELORE
Neni 1
Me këtë Statut Shoqëria Bjeshkatare Alpiniste “Pashtriku”e Gjakovës, e rregullon veprimtarinë e
vet në tërë territorin e Komunës së Gjakovës, organizimin e brendshëm, qeverisjen, mënyrën e
anëtarësimit, të pushimit të anëtarësimit, të drejtat dhe obligimet, emërtimin, selinë, emblemën,
mjetet financiare dhe çështjet të tjera të rëndësishme për sportin e bjeshkatarisë dhe alpinizmit në
Komunën e Gjakovës.
Neni 2
Shoqëria Bjeshkatare Alpiniste “Pashtriku e Gjakovës (në tekst të mëtejmë: SHBAPGJ është
asociacion sportiv amator, e cila merret me veprimtarinë e bjeshkatarisë dhe alpinizmit në
Komunën e Gjakovës, në të cilën anëtarësohen bjeshkatarët dhe alpinistët për t`i realizuar dhe
përparuar qëllimet e përbashkëta, interesat dhe veprimtarinë bjeshkatare në Komunën e
Gjakovës.
Neni 3
3.1 SHBAPGJ është person juridik me përgjegjësi të plotë dhe regjistrohet në divizionin për
regjistrimin e organizatave jo qeveritare pranë Ministrisë së Shërbimeve Publike.
3.2 Emërtimi i plotë i kësaj shoqërie është “Shoqëria Bjeshkatare Alpiniste “Pashtriku”Gjakovë
dhe përkthimi në anglisht është ' MOUNTAINEERING AND ALPINISTS ASSOCIATION “PASHTRIKU”
GJAKOVA.
3.3 Selia e SHBAPGJ është në Gjakovë, Rr. Nëna Tereze, nr. 159/I
3
Neni 4
4.1 SHBAPGJ ka flamurin, emblemën dhe shenjën e vet.
4.2 Flamuri i SHBAPGJ ka ngjyrë të bardhë, me raport të gjerësisë dhe gjatësisë 2x1 dhe shenjën
– logon e SHBAPGJ në mes.
4.3 Shenja-logoja e SHBAPGJ është me maja të theksuara, udhë, lumë, male, fusha, bredhi, viti i
themelimit me globalizim e përkufizim me simbolin e shatorit.
4.4 SHBAPGJ ka vulën e rrumbullakët me dimensionin 25 mm. Në rreth është i shkruar emri i
SHBAPGJ në gjuhen shqipe dhe anglishte, kurse në mes shenja e SHBAPGJ
4.5 SHBAPGJ ka vulën katrore me tekst të njejtë si në 4.4 dhe vendin për evidentimin e
protojkolit.
Neni 5
5.1 SHBAPGJ është themeluese dhe anëtare me të drejta të plota në Federatën Bjeshkatare dhe
Alpiniste të Kosovës.
5.2 SHBAPGJ mund të anëtarësohet edhe në organizatat tjera të vendit dhe ndërkombëtare që
janë me interes për sportin të bjeshkatarisë dhe alpinizmit që nuk është në kundërshtim me
kushtetutën, ligjin në fuqi dhe Statutin e FBAK-ut.
Neni 6
SHBAPGJ e përfaqëson kryetari/ja i SHBAPGJ, ndërsa, në mungesë të tij/saj, nënkryetari, apo
personi të cilin e autorizon kryetari.
Neni7
Puna e SHBAPGJ është publike. Puna publike mundësohet përmes njohjes së FBAK, shoqërive
bjeshkatare alpiniste dhe organizatave të tjera, të interesuara me programet, vendimet, synimet
dhe konkluzionet e SHBAPGJ.
Neni 8
SHBAPGJ është Organizatë joqeveritare, jopartiake dhe jofitimpruese, e themeluar me vullnetin
e lirë të qytetarëve, për zhvillimin e sportit amator të bjeshkatarisë dhe alpinizmit në territorin e
Komunës së Gjakovës.
Neni 9
9.1 SHBAPGJ nuk do të bëj kurrfarë shpërndarje të fitimit ose të profitit eventual te asnjë
individ, por fitimin eventual do ta përdor për mbështetjen e qëllimeve jo fitimprurëse të zhvillimit
të sportit të bjeshkatarisë dhe alpinizmit në Gjakovë.
9.2 SHBAPGJ mund të bëj pagesë për punët e kontraktuara sipas porosive, me vendim apo sipas
urdhëresës së personit të autorizuar, deri në një vlerë të arsyeshme deri 1000 €.
4
QËLLIMI
Neni 10
a) Qëllimi i SHBAPGJ është i bazuar në nenin 2 të udhëzimit administrativ nr. 02/2005 për
zhvillimin dhe përhapjen e sportit amator të bjeshkatarisë alpinizmit ndër qytetarë, sidomos
ndër të rinjtë pa diskriminim në baza politike, racore, religjioze, gjinie dhe forcimin e miqësisë
ndërmjet anëtarëve dhe shoqërive të bjeshkatarëve alpinistëve të të gjitha nacionaliteteve.
b) Prezantimi i sportit të bjeshkatarisë, alpinizmit të Komunës së Gjakovës në botën e jashtme.
c) Bashkëpunimi me të gjitha organizatat dhe klubet tjera sportive.
d) Koordinimi dhe harmonizimi i aktiviteteve programore të anëtareve.
e) Përforcimi i punës profesionale të anëtarëve të SHBAPGJ duke organizuar seminare dhe
ligjërata.
f) Organizon shkollimin, aftësimin, trajnimin e bjeshkatarëpve, alpinistëve, speleologve,
shpëtimtarëve, leximin e hartave dhe përdorimin e busullave, udhërrëfyesve në bjeshkë,
ruajtjen e ambientit dhe ruajtjen nga vendet e minuara.
g) Kryen dhe detyrat tjera që dalin nga ligji për sportin e Kosovës, të vendimeve të Komitetit
Olimpik të Kosovës, të FBAK-ut, dhe të Kuvendit të SHBAPGJ.
VEPRIMTARIA
Neni 11
Përveç veprimtarisë së përshkruar në nenet paraprake, SHBAPGJ, kryen edhe këto veprime:
- Përfaqëson Gjakovën në sportin e bjeshkatarisë-alpinizmit.
- Organizon Takime të bjeshkatarisë me karakter lokal dhe ndërkombëtar dhe gara të tjera me
rëndësi për sportin e bjeshkatarisë dhe alpinizmit.
- Është bashkëpjesëmarrës me FBAK-un në përgatitjen dhe organizimin e garave
ndërkombëtare të bjeshkatarisë dhe alpinizmit me interes të Kosovës.
- Për realizimin me sukses të qëllimeve të veprimtarisë, SHBAPGJ bashkëpunon me organet
shtetërore, FBAK-un, institucionet arsimore dhe me organizatat tjera.
ANËTARËSIMI
Neni 12
12.1 Anëtarë i Shoqërisë Bjeshkatare Alpiniste “Pashtriku” Gjakovë, mund të jetë çdo qytetar i
Komunës së Gjakovës dheRepublikës së Kosovës, nën kushte të njëjta të caktuara me Ligjin
për Sportin, Udhëzimin administrativ nr. 01/2005 të MKRSQJ-Departamentit të sportit, me
këtë Statut, dhe që ka të paguar anëtarësinë.
12.2 Anëtar i SHBAPGJ mund të jetë çdo qytetar i shtetit tjetër, nën kushtet të cilat i cakton
Bordi i FBAK-ut, Rregulloret e punës së FBAK-ut dhe Kryesia e SHBAPGJ.
5
12.2 Anëtarët e SHBAPGJ mund t`a kenë statusin e:
a) Anëtarit të rregullt,
b) Anëtarit të nderit dhe
c) Anëtarit të merituar.
Neni 13
13.1 Anëtar i rregullt i SHBAPGJ mund të jetë qytetari i cili aktivisht bën pjesë në realizimin e
detyrave të kësajë shoqërie dhe merr pjesë në aktivitete dhe manifestime bjeshkatare si dhe
ndihmon zhvillimin e bjeshkatarisë dhe alpinizmit.
13.2Anëtarët e rregullt kanë të drejtë të zgjedhin dhe të janë të zgjedhur në organet e SHBAPGJ.
Poashtu kanë të drejtë t’i shfrytëzojnë paajisjet dhe mjetet financiare për të marrin pjesë në
të gjitha manifestimet sportive dhe garat të cilat i organizon SHBAPGJ, shoqëritë tjera
bjeshkatare alpiniste të Kosovës dhe FBAK-u.
13.3Anëtar i rregullt i SHBAPGJ mund të bëhet çdo qytetar i cili aplikon për anëtarësim duke e
plotësuar dhe nënshkruar fletëanëtarësimin në SHBAPGJ duke i pranuar obligimet dhe të
drejtat që rrjedhin nga anëtarësimi.
13.4 Anëtarë i rregullt i SHBAPGJ konsiderohet personi i cili posedon librezën e SHBAPGJ-s me
anëtarësi të paguar.
13.5 Anëtar i nderit i m SHBAPGJ mund të jetë qytetari i cili me veprimet e veta në jetën
shoqërore dukshëm ka kontribuar në afirmimin e bjeshkatarisë dhe alpinizmit.
13.5 Vendimi mbi shpalljen e anëtarit të nderit e aprovon Kuvendi i SHBAPGJ.
13.7 Anëtarit të nderit i jepet certifikata, në bazë të së cilës i njihen të gjitha të drejtat e anëtarit
të SHBAPGJ bazuar me këtë statut.
13.8 Anëtar i/e merituar i/e shoqërisë – SHBAPGJ mund të shpallet qytetari i cili se paku 30 vjet
është anëtarë aktiv i kësaj shoqërie - dhe i cili/a dukshëm ka kontribuar në zhvillimin dhe
përparimin e sportit të bjeshkatarisë-alpinizmit.
13.9Vendimin për shpallje të anëtarit të merituar e aprovon Kuvendi i SHBA-ve me propozim të
kryesisë.
13.10 Anëtarit të merituar i lëshohet certifikata me të cilën i pranohen të gjitha të drejtat të
parapara me statut.
Neni 14
Lartësinë e regjistrimit në shoqëri e cakton SHBAPGJ -ja vet. kurse anëtarësinë për regjistrim në
FBAK e cakton bordi i FBAK-ut.
6
Neni 15
15.1Ndërprerja e anëtarësisë në shoqëri bjeshkatare alpiniste mund të behet:
a) me lëshimin e shoqërisë në bazë të deklaratës me shkrim të anëtarit,
b) me përjashtim në bazë të vendimit fuqiplotë të Kuvendit të SHBAPGJ,
c) me shlyerjen, për shkak të mos plotësimit të obligimeve të parapara në periudhë të
caktuar, ose për shkak të dënimit për vepra ndëshkuese, ose për kundërvajtje,
d) me vdekjen e anëtarit.
15.2 kushtet e veçanta të kalimit të anëtarit nga një shoqëri në ndonjë shoqëri tjetër, do të
caktohen me vendim të veçantë të Kryesisë së .
ORGANET E SHBAPGJ
Neni 16
Organet e SHBAPGJ janë:
a) Kuvendi
b) Kryesia
c) Këshilli mbikëqyrës,
KUVENDI I SHBAPGJ
Neni 17
17.1 Kuvendi i SHBAPGJ është organi me i lartë i qeverisjes së SHBAPGJ.
17.2 Kuvendi i SHBAPGJ përbëhet prej 30 anëtarëve të zgjedhur nga anëtarësa e SHBAPGJ në
bazë të kriterit të anëtarësisë së paguar për vitin aktual kalendarik.
17.3 Secili anëtarë në Kuvend ka të drejtën e një vote.
17.4 Me punën e Kuvendit të SHBAPGJ, udhëheqë Kryetari ose Zëvendëskryetari.
17.5 Mandati i anëtarëve dhe kryetarit të SHBAPGJ është katër (4) vjet me mundësi rizgjedhjeje.
17.6 Anëtarëve dhe kryetarit të Kuvendit të SHBAPGJ mund t’i pushojë mandati edhe para
skadimit të afatit në të cilin është zgjedhur në rastet:
a) e dhënies së dorëheqjes,
b) të revokimit
c) shkarkimit për shkak të moskryerjes së detyrave apo keqpërdorimeve të renda, dhe
d) të rrethanave për shkak të cilave anëtari nuk mund t’i kryej detyrat e organeve të
SHBAPGJ.
7
Detyrat e Kuvendit të SHBAPGJ:
Neni 18
18.1 Përpos kompetencave që ka Kuvendi i SHBAPGJK sipas statutit, ai
gjithashtu ka edhe këto detyra:
a) Kuvendi i SHBAPGJ ka përgjegjësi të lartë për politikën dhe qështjet financiare të
SHBAPGJ,
b) Miraton Statutin e SHBAPGJ si dhe ndryshimet dhe plotësimet e tij,
c) Miraton Rregulloren e punës së Kuvendit dhe aktet tjera të SHBAPGJ,
d) Aprovon përvetësimin e pasurisë mbi vlerën e caktuar deri 1000 €.
e) Harton projekte për zhvillimin e sportit të bjeshkatarisë dhe alpinizmit në komunë,
f) Miraton plan programin e SHBAPGJ për periudhën njëvjeçare,
g) Aprovon planin financiar për periudhën njëvjeçare,
h) Aprovon raportin e punës për periudhën e kaluar,
i) Aprovon raportin financiar për vitin paraprak,
j) Merr vendim mbi pushimin e punës se SHBAPGJ
k) Aprovon vendime për anëptarësim në organizata tjera të vendit dhe ndërkombëtare
l) Zgjedhë Kryesinë dhe Këshillin mbikëqyrës.
m) Kryen edhe punë të tjera të caktuara me ligj, me rregullat e SHBAPGJ dhe me këtë statut,
18.2 Vendimet e Kuvendit janë të plotëfuqishme nëse miratohen me aklamacion, në bledhjen ku
sigurohet kuorumi, në të cilën marrin pjesë me shumë se gjysma e anëtarëve të kuvendit (50%+1).
18.3 Për miratimin, ndryshimin apo plotësimin e Statiutit, nevojiten (50%+1) e votave të
anëtarëve të Kuvendit me vota të mshefta.
18.3 Kryetari i kuvendit zgjidhet me vota të mshefta.
18.4 Kuvendi zgjedhë kryesinë e SHBAPGJ me keshill mbikqyres ku ne mbledhjen zgjedhore
propozohen kandidate nga anetaresia 13 per 9 me vota te mshefta.
Kompetencat tjera do të përcaktohen me Rregulloren mbi punën e Kuvendit.
Mbledhjet e Kuvendit të SHBAPGJK
Neni 19
19.1 Kuvendi i SHBAPGJK do të takohet së paku një herë në vit, ku do të shqyrtohet: Raporti i
punës për vitin paraprak, mjetet financiare, obligimet, shpenzimet e të hyrave dhe qështje të tjera
me rëndësi për veprimtarinë e SHBAPGJ, Plan programi për vitin vijues.
19.2 Kuvendi i SHBAPGJK mund të takohet gjithashtu edhe në Mbledhjen e
jashtezakonshme, kurdoherë qe kërkohet nga gjysma e anëtarëve ose nga Kryesia.
Një kërkesë e tillë duhet t'i drejtohet Kryesisë e cila do të lajmeroje për takimin të gjithe
anëtarët, në pajtim me procedurat te shpjeguara në
paragrafin vijues.
8
19.3 Lajmerimi me shkrim per mbledhjen e rregullt vjetore ose mbledhjen e jashtëzakonshme
duke perfshirë datën dhe vendin e mbajtes së mbledhjes, së bashku me rendin e ditës, do t'u
shpërndahet të gjithë anëtarëve së paku shtatë ditë para ditës së mbajtjes së mbledhjes.
19.4 Për mbajtjen e mbledhjes, është i nevojshme kuorumi (50%+1 i anëtarëve).
Nëse ky minimum (kuorumi) nuk arrihet takimi do të shtyhet për një ditë të përcaktuar më
vonë dhe lajmerimi i ri do t'u dergohet të gjithë anëtarëve.
19.4 Vendimet ne Kuvendin e SHBAPGJK do të merren me shumicën e votave të anëtarëve
prezent.
19.6 Secili anëtar i Kuvendit të SHBAPGJK mund të abstenojë nga votimi ose marrja e vendimit
në çfarëdo qështje.
19.7 Me Rregullore të punës së Kuvendit mund të caktohet edhe mënbyra e votimit me vota të
mshefta.
19.8 Puna e Kuvendit me hollësisht është e rregulluar me rregulloren e punës se Kuvendit.
19.9 Kuvendi mund të delegojë ndonjë përgjegjësai të tij, tek kryesia apo ndonjë organ tjetër të
SHBAPGJ, përveç përgjegjësisë për aprovimin e statutit apo rregulloreve të SHBAPGJ.
KRYESIA E SHBAPGJ
Neni 20
20.1 Kryesia e SHBAPGJ është organ kolektiv i Kuvendit të SHBAPGJ, i cili organizon mbledhjet
e Kuvendit, i zbaton vendimet dhe konkluzionet e kuvendit dhe kryen edhe punë të tjera të
cilat ia cakton kuvendi.
20.2 Kryesia përbehet prej 9 anëtarëve, prej të cilëve së paku një e gjinisë femërore.
20.3 Për zgjedhjen e anëtarëve të kryesisë, propozohen 13 anëtarë.
20.4 Anëtarët e kryesisë, mund të rizgjidhen pas skadimit të mandatit për të cilin janë zgjedhur.
20.5 Zgjedhja e anëtarëve të kryesisë bëhet me vota të mfshehta.
20.6 Kryesia për punën e vet i përgjigjet Kuvendit te SHBAPGJ,
20.7 Në rast se numri i anëtarëve të Kryesisë zvogëlohet për më shumë se një të treten, Kryesia ka
për detyrë të thërras Kuvendin e jashtëzakonshëm të SHBAPGJ për zgjedhje plotësuese të
anëtarëve të rinj.
9
Neni 21
Detyrat e Kryesisë së SHBAPGJ:
21.1 Zbaton vendimet dhe konkluzionet e Kuvendit,
21.2 Përgatit materialet për mbledhjet e Kuvendit,
21.3 Përgatit propozimet për aprovimin e statutit dhe të akteve normative, si dhe ndryshimet dhe
plotësimet e tyre,
21.4 Raporton Kuvendit mbi punën e vet,
21.5 Përcjell programin dhe kalendarin e punës së SHBAPGJ
21.6 Propozon për pranimin dhe pushimin e anëtarëve të SHBAPGJ
21.7 Koordinon punën me FBAK-un, institucionet shtetërore, organet dhe organizatat tjera,
21.8 Zgjedh këshillat dhe trupat e veta ndihmese,
21.9 Organizon seminare për trajnimin e trajnerëve, alpinistëve, speleologëve, shpëtimtarëve,
udhërrëfyesve, orientim me harta dhe busulla,
21.10 Propozon ndarjen e trofeve, diplomave, mirënjohjeve dhe shpërblimeve,
21.11 Përgatit planet vjetore dhe llogaritë vjetore,
21.12 Propozon kandidatet për anëtarë të nderit,
21.13 Kryesia takohet sipas nevojës, e së paku katër herë në vit.
21.14 Vendimet i aprovon me aklamacion të shumicës prezent të numrit të përgjithshëm të
anëtarëve.
21.15 Për kryerjen e punëve të caktuara, kryesia formon organet, komisionet e përhershme në
përbërje prej 3 anëtaresh, të cilët në mes veti zgjedhin kryetarin, si vijon:
a) Komisioni statutar,
b) Komisioni profesional,
c) Komisionet e seksioneve të SHBAPGJ,
KRYETARI I SHBAPGJ
Neni 22
Përgjegjësitë e Kryetarit :
22.1 Kryetari i SHBAPGJ është edhe kryesues i mbledhjeve të Kuvendit dhe të Kryesisë.
22.2 Kryetarin e zgjedh Kryesia (ose organi tjeter i SHBAPGJ) nga radhët e delegateve me mandat
4 vjeçar dhe mund të rizgjidhet përsëri,
22.3 Kryetari e përfaqëson SHBAPGJ për të gjitha qështjet e autorizimeve të përshkruuara në
Statut, Rregullore dhe akte tjera të SHBAPGJ
22.4 Cakton mbledhjet e Kryesisë së SHBAPGJ.
22.5 Nënshkruan aktet e përgjithshme, vendimet dhe konkluzionet e nxjerra në organet që i
kryeson,
22.6 Është urdhërdhënës i shërbimit profesional të SHBAPGJ
10
22.7 Kryen edhe punë të tjera dhe detyra të caktuara me statut, Rregullore apo vendime të
organeve të SHBAPGJ.
22.8 Kryetari mund të përmbahet nga zbatimi i vendimeve dhe konkluzioneve, apo propozimeve
nga të gjitha organet e SHBAPGJ për të cilat mendon se janë në kundërshtim me Statutin, ligjin
dhe në dëm të zhvillimit të sportit të bjeshkatarisë alpinizmit, përveç vendimeve të Kuvendit,
Per këtë përmbajtje, kryetari është i obliguar ta njoftoi Kryesinë në afat prej 8 ditësh, kurse
Kuvendin në mbledhjen e parë,
22.9 Kryetari i SHBAPGJ për punën e vet i përgjigjet Kuvendit të SHBAPGJ
22.10 Shkarkimin e Kryetarit bënë organi i cili e ka zgjedhur.
22.11 Kryetari mund ti mbart autorizimet e veta tek Nënkryetari,
NËNKRYETARI (ZËVENDËSKRYETARI) I SHBAPGJ
Neni 23
23.1 Nënkryetari i SHBAPGJ e zëvendëson kryetarin kur ai është i zënë ose mungon në kryerjen
e punëve dhe detyrave të caktuara në Statut, përkatësisht në Rregulloren mbi punën e Kuvendit të
SHBAPGJ.
23.2 Nenkryetari kryen edhe detyrat për të cilat e autorizon Kryetari, dhe e zevendeson atë në rast
të mungesës.
23.3 Autorizimi për zëvendësimin e kryetarit, për qështjet e përshkruara në nenin 23.1, si dhe për
kryerjen e veprimeve të tjera me interes për SHBAPGJ, mund të bartet në formë të shkruar, apo
duke e bërë komunikimin publik në prani të organeve të SHBAPGJ.
KËSHILLI MBIKËQYRËS
Neni 24
24.1 Këshillin mbikëqyrës e zgjedh Kuvendi i SHBAPGJ,
24.2 Këshilli mbikëqyrës kontrollon afarizmin e SHBAPGJ ,
24.3 Këshilli mbikëqyrës përbëhet prej 3 anëtareve dhe 3 zëvendësve, të cilët në mes veti zgjedhin
kryetarin.
24.4 Anëtarë të këshillit mbikëqyrës nuk mund të jenë anëtarë të organit tjetër punues të SHBAPGJ
11
24.5 Këshilli mbikëqyrës është i autorizuar:
a) Për kontrollimin e punëve financiare të SHBAPGJ,
b) Për kontrollimin e punëve dhe obligimeve kontraktuese të SHBAPGJ,
c) Për analizën e realizimit të planit financiar të SHBAPGJ,
d) Shërbimi profesional dhe organet tjera të SHBAPGJ janë të obliguara që këshillit
mbikëqyrës t’i ofrojnë të gjitha shënimet e kërkuara, t’i mundësojnë shikimin e
dokumentacionit dhe t’i sigurojnë kushtet për punë,
e) Për punën e vet këshilli mbikëqyrës i përgjigjet Kuvendit dhe i raporton kryesise së
SHBAPGJ,
f) Për konstatimin e pa rregullsive, këshilli mbikëqyrës e njofton kryesine, përkatësisht
Kuvendin e SHBAPGJ si dhe organin në punën e të cilit ka ndodhur parregullsia,
g) Nëse parregullsia e konstatuar nuk mënjanohet në afatin e duhur, këshilli mbikëqyrës
është i obliguar qe për këtë të njoftoj organin e autorizuar shtetëror.
SHËRBIMET PROFESIONALE
PUNËT ADMINISTRATIVE PROFESIONALE
Neni 25
a) Punët administrative, teknike, profesionale dhe të tjera i kryen një numër i caktuar i
veprimtareve në bazë të rregullores mbi sistematizimin e vendeve të punës në punët e
shërbimit profesional të SHBAPGJ,
b) Mjetet për të ardhura dhe punë të punëtorëve në SHBAPGJ, sigurohen me plan financiar
në pajtim me programin e punës se SHBAPGJ apo me mjetet e donatorëve.
c) Në shërbim profesional nuk mundet të mbarten punët dhe detyrat për të cilat vendosin
organet e SHBAPGJ.
SEKRETARI i SHBAPGJ
Neni 26
26.1 Sekretarin e SHBAPGJ e emëron kryesia me mandat 4 vjeqar memundësi rizgjedhjeje.
26.2 Përgjegjësitë e sekretarit:
a) Siguron ligjshmërinë e punës dhe funksiuonimin e rregullt të të gjitha organeve të
SHBAPGJ
b) Përgjigjet për përgatitjen e materialit për mbledhjet e organeve të SHBAPGJ,
c) Kujdeset për ekzekutimin e vendimeve dhe të konkluzioneve të SHBAPGJ,
d) Siguron transparencën e punës në SHBAPGJ,
e) Kryen edhe punë të tjera të caktuara me statut, me aktet tjera të përgjithshme dhe me
vendime të organeve të SHBAPGJ,
f) Për punën e vet sekretari i përgjigjet kryetarit dhe kryesisë së SHBAPGJ.
12
ARKATARI I SHBAPGJ
Neni 27
27.1 Arkatarin e zgjedhe Kryesia me mandate 4 vjeqar me mundesi rigjedhjeje
edhe për një mandat.
27.2 Për punen e vet arkatari i pergjigjet Sekretarit dhe Kryesisë së SHBAPGJK,
27.3. Detyrat dhe pergjegjesite e arkatarit janë:
a) Mban dokumentacionin financiar të SHBAPGJ
b) Bën pranimin e te hyrave dhe pagesën e obligimeve të SHBAPGJ,
c) Mban shenimet në perputheshmëri me rregullat e bankes,
d) Mban kontabilitetin për mjetet themelore dhe shpenzimet materiale dhe përpilon bilanset
periodike dhe perfundimtare në bashkëpunim me ekspertin e angazhuar.
e) Zbaton vendimet dhe urdheresat e Kryetarit, nenkryetarit dhe sekretarit
f) Kryen dhe punë të tjera sipas vendimeve dhe urdhërave të urdhëruesve
g) Per punën dhe angazhimin nuk paguhet, puna ështe vullnetare.
Për kryerjen e detyrave të përshkruara në nenin 28./b,c,d, arkatari mund të kërkojë ndihmën e
profesionistëve të kontabilitetit etj.
PASURIA DHE VEPRIMTARIA MATERIALE - FINANCIARE
Neni 28
d) Pasurinë e SHBAPGJ e përbejnë, pasuria e tundshme, të drejtat dhe mjetet monetare,
e) SHBAPGJ i siguron mjetet financiare nga pjesa e anëtarësisë, donacionit nga komiteti
olimpik, departamenti i sportit të Kosovës, mjetet nga sponzorimi, donatoret dhe burime
tjera,
f) Mjetet monetare, sipas rregullës, gjenden në xhirollogarinë e SHBAPGJ,
g) Shpërndarja e mjeteve të gjithmbarshme financiare behet me planin financiar në pajtim
me programin e punës,
h) Realizimi i fitimit eventual në afarizëm, me plan financiar përcaktohet në vitin e ardhshëm
për qëllime të përparimit të sportit të bjeshkatarisë alpinizmit,
i) Planin financiar të SHBAPGJ e aprovon, ndryshon dhe e plotëson Kuvendi i SHBAPGJ në
propozim të këshillit drejtues,
j) Urdhërdhënës për realizimin e planit financiar të SHBAPGJ është kryetari i SHBAPGJ,
kurse këshilli drejtues me vendimin e vet mund të caktoj edhe persona tjerë me autorizime
në afarizmin materialo-financiar,
k) Afarizmi materialo-financiar i SHBAPGJ organizohet dhe udhëhiqet në pajtim me ligjin
dhe aktet e përgjithshme financiare të SHBAPGJ,
l) SHBAPGJ mund të fitoj patundshmërinë, pasurinë e tundshme dhe të drejtat,
m) Vendimin për shitjen, mbartjen ose tjetërsimet e patundshmërive dhe të drejtave për to, e
mitraton Kuvendi i SHBAPGJ në propozim të Këshillit Drejtues,
n) Mjetet monetare do të përdoren për pagesën e obligimeve të arritura të SHBAPGJ, kurse
shuma e mbetur do të u shpërndahet në pjesë të njëjta anëtarëve.
13
PUSHIMI I PUNËS SË SHBAPGJ
Neni 29
o) SHBAPGJ-ja pushon së vepruari kur plotësohen kushtet ligjore ose me vendimin e
Kuvendit të SHBAPGJ,
p) Vendimi mbi pushimin e punës së SHBAPGJ merret me shumicën e numrit të
përgjegjshëm të anëtarëve të Kuvendit.
q) Në rast të ndërprerjes së punës së SHBAPGJ, pasuria dhe të drejtat e SHBAPGJ,
shpërndahen në mënyrë të barabartë anëtarësisë së SHBAPGJ, ose i barten për ruajtje
Drejtorisë për Sport të Komunës së Gjakovës.
DISPOZITAT KALIMTARE DHE TË FUNDIT
Neni 30
a) Këtë statut si dhe ndryshimet dhe plotësimet e tij, e aprovon Kuvendi i SHBAPGJ në bazë
të vërejtjeve dhe propozimeve të anëtarëve delegateve,
b) Sqarimet e dispozitave të statutit i jep Kuvendi i SHBAPGJ,
c) Statuti hyn në fuqi ditën e aprovimit,
d) Me hyrjen në fuqi të ndryshimeve dhe plotësimeve të këtij statuti, pushojnë të vlejnë
dispozitat e statutit të aprovuar më parë,
e) Shërbimi profesional i SHBAPGJ, është i obliguar që aktet normative t’i harmonizoi me
tekstin e ri të statutit në afat prej gjashtë muajsh.
Ndryshimi apo plotësimi i këtij statuti bëhet sipas procedurës së rregullt të miratimit të tij nga
Kuvendi i SHBAPGJ.
Ky statut hun në fuqi në ditën e aprovimit nga Kuvendi i SHBAPGJ.
Me hurjen në fuqi të këtij Statuti, shfuqizohen të gjitha dispizitat e Statutit të mëparshëm të
aprovuar më datë 20.12.2000
Kuvendi i Shoqërisë Bjeshkatare Alpiniste “Pashtriku” të Gjakovës,
Nr. 01/08 me datë 13.05.2008
Kryetari i SHBAPGJ
________________________
Z. Suphi Xharra