sienx fim nyei daauh kang doz - thai-lao baptist … fim nyei... · 2 1 zaang ging-sou ging-sou se...
TRANSCRIPT
1
SIENX FIM NYEI DAAUH KANG DOZ Systematic Theology I (TH 001)
Box Mengh: Naaiv buonv sou se, Saqc Waangc Lotv Latv Daqv
Naqv Gietc fin-saeng nyei sou faan benx mienh waac daaih. Naaiv Buon Sou maaih (Contents):
1. 1 Zaang: Ging-Sou …………………………….. 1 2. 2 Zaang: Tin-Hungh …………………………….. 8 Zangc Diex …………………………… 11 Dorn ………………………………….. 14 Singx Lingh …………………………… 18 3. 3 Zaang: Baamh Mienh …………………………. 22 4. 4 Zaang: Yiem Zuiz Zuoqc Cuotv Daaih ……… 30 5. 5 Zaang: Tin-Hungh nyei en …………………… 39 6. 6 Zaang: Jiu Baang ……………………………… 45 7. 7 Zaang: Jiex Wuom Nyei Leiz ………………… 53 8. 8 Zaang: Nyanc Singx Hnaangx ……………….. 58 9. 9 Zaang: Njoux Ziouv Nyei Hnoi ………………. 63 10. 10 Zaang: Tin-Hungh nyei Guoqv …………………. 67 11. 11 Zaang: Setv Mueiz Nyei Hnoi …………………. 73 12. 12 Zaang: Zunh Kuv Fienx ………………………… 83 13. 13 Zaang: Giduc Mienh Oix Zuqc Kauv Hoqc ……... 90 14. 14 Zaang: Fuh Sux Tin-Hungh ……………………… 96 15. 15 Zaang: Giduc Mienh Dongh Hnyouv Zoux Gong 102 16. 16 Zaang: Giduc Mienh Oix Zuqc Zoux Nyei ……... 107 17. 17 Zaang: Mborqv Domh Jaax caux Taaih Baengh . 110 18. 18 Zaang: Sueih mienh ginv buoqc Zangc nyei jauv.. 116
2
1 ZAANG
GING-SOU Ging-Sou se Tin-Hungh nyei waac, Tin-Hungh yiem mienh nyei hnyouv zoux gong dorh jienv mienh fiev daaih. Ging-Sou se biux mengh Ziouv njaaux nyei waac, gorngv taux Ziouv oix baamh mienh hnangv haaix nor zoux cingx daaih taux Ziouv dingc daaih bun mienh zoux nyei, Ziouv dingc daaih nyei yietc liuz maiv goiv yienc. Ging-Sou corc aengx nuqv taux mbuo oix zuqc zoux nyei, mbuo sienx nyei caux Giduc mienh hnamv nyei ziex nyungc. Ziouv Yesu ganh benx yietc nyungc biux mengh Ging-Sou bun lungh ndiev maanc mienh.
Maaih ziex yiemc Ging-Sou gorngv taux Ging-Sou hnangv haaix nor, Se maaih hnangv naaiv:
1. GING-SOU se baengh fim nyei leiz
(Cuotv I^yipv 24:4 ) “Mose ziouc fiev jienv Ziouv gorngv nyei yietc zungv waac………….”
2. GING-SOU se Giduc mienh nyei leiz-latc caux leiz (Nzamc Leiz-Latc 4:1)
“…….Oix zuqc muangx longx yaac ei jienv zoux, weic bun meih mbuo duqv ziangh jienv……”
3. Maiv maaih haaix dauh haih tipv bieqc fai zorqv cuotv GING-SOU nyei Waac guangc (Nzamc Leiz-Latc 4:2) “Naaiv deix hatc nyei waac maiv dungx tipv bieqc yaac maiv dungx zorqv cuotv yietc deix.” (Nzamc Leiz-Latc 12:32 ) “Da’faanh yie hatc meih mbuo nyei yietc zungv oix zuqc ei jienv zoux nzengc. Maiv dungx jaa bieqc yaac maiv jamv cuotv.” (Laauc Yaangh 22:18-19) “Yie, Yo^han, longx-longx nyei kuinx meih mbuo dauh dauh haiz liuz naaiv njunc sou nyei
3 zinh hoz waac nyei mienh. Se gorngv haaix dauh tipv deix waac bieqc naaiv njunc sou, Tin-Hungh oix tipv fiev jienv naaiv njunc sou wuov deix heiv sic bun wuov dauh. Se gorngv haaix dauh zorqv deix naaiv njunc sou zinh hoz nyei waac cuotv, Tin-Hungh oix zorqv cuotv wuov dauh nyei yungz maengc biouv nyei buonc, caux yiem wuov norm Cing-Nzengc Zingh nyei buonc, dongh naaiv njunc sou gorngv mengh nyei buonc.” 2
4. Oix zuqc zanc-zanc doqc GING-SOU weic tengx mbuo ganh nziex yaax taaih Tin-Hungh (Nzamc Leiz-Latc 17:19) “Ceu daaih an wuov bun ninh yietc seix zanc–zanc doqc, hoqc linc taaih Ziouv, ninh nyei Tin-Hungh……”
5. GING-SOU se baengh fim nyei leiz (Singx Nzung 19:7-10) “Ziouv nyei leiz-latc se dunh yunh nyei, bun mienh nyei hnyouv fingv jiez daaih. Ziouv nyei leiz-nyeic se kaux duqv wuonv nyei, bun maiv maaih cong-mengh nyei mienh maaih cong-mengh. Ziouv hatc nyei waac horpc nyei, bun gan nyei mienh maaih nyien-youh. Ziouv nyei lingc cing-nzengh nyei, bun mienh haih bieqc hnyouv………..Ziouv nyei leiz-leiz se zien nyei, diuh-diuh baengh fim nyei…………..”
6. GING-SOU tengx mbuo simv ndutv zuiz (Singx Nzung 119:11) “Yie siou meih nyei waac yiem yie nyei hnyouv, weic bun yie maiv baamz zuiz dorngc meih.”
7. Singx Lingh dorh mienh zorqv sou gapv zunv benx GING-SOU (I^saa^yaa 34:16) “Meih mbuo oix zuqc mbienv lorz Ziouv nyei sou doqc naiv deix waac.………Weic zuqc Ziouv nyei nzuih hnangv naaiv hatc. Ninh nyei Singx Lingh oix dorh ninh mbuo daaih zunv.”
8. GING-SOU se yietc liuz yiem ( I^saa^yaa 40:8) “Miev nqaai mingh, biangh yaac bioh, mv yie mbuo nyei Tin-Hungh nyei waac yietc liuz yiem.”
4 9. GING-SOU zoux bun Giduc mienh maaih baengh orn
(Ye^le^mi 15:16) Ziouv, Nernh Jiex nyei Tin-Hungh aac, yie duqv meih nyei waac se dorngx yie nyei nyanc hopv. Meih nyei waac bun yie njien-youh yaac bun yie hnyouv a'hneiv, weic zuqc yie se gan meih nyei mbuox heuc nyei mienh.
10. Maiv maaih haaix dauh haih zoux bun GING-SOU nyei
Waac ndortv (Matv^taai 5:18) “…….Maaih lungh caux ndau corc yiem jienv nyei ziangh hoc, Leiz-Latc nyei yietc dimv yietc waeqc nzaangc zungv maiv haih ndortv. Zuov taux lungh ndiev jiex liuz, naaiv deix leiz cingx daaih jiex nzengc.”
11. GING-SOU se Ziouv yiem mienh nyei hnyouv dorh mienh fiev daaih (2 Ti^mo^tai 3:15-17) “…………..Ging-Sou haih bun meih maaih cong-mengh hiuv duqv oix zuqc sienx kaux Giduc Yesu cingx duqv njoux. Douc-douc Ging-Sou, Tin-Hungh dorh mienh fiev yaac maaih lamh longc weic njaaux mienh, weic gorngv-hemx mienh, weic zorc mienh zoux dorngc nyei dorngx , weic njaaux mienh zoux horpc nyei jauv. Hnangv naaic ziouc bun Tin-Hungh nyei mienh duqv dunh yunh nzoih weic zoux nyungc-nyungc kuv sic.”
12. Tin-Hungh jiu GING-SOU bun Ziouv Yesu jiu jiu bun baamh mienh (Hipv^lu 1:1-2) “Loz-hnoi Tin-Hungh longc ninh nyei zuangx douc waac mienh yaac longc camv-nyungc za’eix caux mbuo nyei ong-taaix mbuo gorngv camv-nyungc. Mv baac yiem naaiv deix setv mueiz nyei hnoi Tin-Hungh longc ninh nyei dorn caux mbuo gorngv. Naaiv dauh dorn Tin-Hungh longc zeix maanc muotc yaac paaiv ninh siouc maanc muotc benx ninh nyei jaa-dingh.”
13. GING-SOU maaih qaqv, maaih hatc maaz (Hipv^lu 4:12) “Tin-Hungh nyei waac se nangh nyei, maaih qaqv nyei, gauh laic jiex yietc zungv i maengx-laic nyei nzuqc ndaauv.
5 Haih nzopv bieqc taux hnyouv caux lingh wuonh gapv nyei dorngx, mbungv-fim caux mbungv-daaux gapv nyei dorngx. Zungv haih siemv duqv mienh nyei hnyouv nyunc zoux nyei caux hnyouv hnamv cuotv nyei sic.”
14. Maiv maaih haaix dauh haih ei ganh nyei hnyouv porv
GING-SOU (2 Bide 1:20-21) “………………Maiv maaih haaix dauh haih longc ganh nyei za’eix porv mengh douc waac mienh douc daaih fiev wuov deix Ging-Sou nyei waac. Weic zuqc maiv maaih haaix dauh haih ei ganh nyei eix douc Tin-Hungh nyei waac se ei Singx Lingh dorh ninh mbuo gorngv hnaangv.”
MIENH HNANGV HAAIX NOR HNAMV TAUX GING-SOU?
Loz-hnoi mienh hnamv nyei. A’lamh duqv 4,000 hnyangx jiex daaih aqv, yiem sienx nyei mienh mbuqc ndongx tong haaix ndau yaac longc Loz-Ngaengc Waac buangv nzengc. A’lamh deix duqv 2,000 hnyangx jiex daaih aqv, mienh yaac longc Siang-Ngaengc Waac buangv nzengc fih hnangv nyei. Hnamv taux Ging-Sou se baamh mienh bun zoux 2 guanh hnangv naaiv:
1. SIENX WUOV GUANH MIENH.
Naaiv guanh mienh sienx gorngv Ging-Sou za’gengh benx Tin-Hungh nyei waac. Naaiv guanh mienh corc aengx bun nqoi daaih benx 2 guanh se hnangv naaiv:
a. Naaiv guanh se porv mengh Ging-Sou ei nzengc nzaangc hnangv haaix nor fiev yaac hnangv wuov nor porv mengh aqv. Ninh mbuo mv sienx Ging-Sou nyei waac haih benx waac-beiv fai waac-meiv.
6 b. Naaiv guanh se kungx porv mengh dorh daaih longc lingh
wuonh wuov bung hnangv. Naaiv guanh sienx gorngv douc-douc Ging-Sou maaih eix-leiz dorh daaih longc yiem lingh wuonh wuov bung, mv longc yiem sin zaangc.
2. MAIV SIENX WUOV GUANH.
Mbuo hiuv jienv gorngv ninh hnangv haaix nor hnamv taux Ging-Sou. Mbuo haih bun nqoi naaiv guanh benx 2 guanh hnangv naaiv.
a. Maaih deix se nyiemc Ging-Sou nyei waac maaih deix gengh zien nyei, ninh mbuo maiv daanh.
b. Maaih deix ninh mbuo maiv sienx yaac daanh Ging-Sou
nyei waac, yaac daav za’eix dorh Ging-Sou mingh zoux waaic.
MAIV SIENX GING-SOU NYEI MIENH HNAMV NYEI
Ih jaax hnoi nyei mienh maaih ziex nyungc hnamv, bun nqoi daaih cou-cou nor se maaih hnangv naaiv. 1. Maiv sienx wuov guanh. Naaiv guanh daanh yaac maiv hietv
hnyouv, maaih deix daav za’eix daaih zoux waaic Ging-Sou. 2. Sienx Tin-Hungh nyei mienh. Ninh mbuo maaih ziex nyungc
hnamv, bun nqoi cou nyei se maaih 3 guanh:
a. SIENX COU WUOV GUANH. ( Liberalism) Naaiv guanh ninh mbuo longc douc baav Ging-Sou, dongh ei jienv zaah mangc lungh ndiev wuov nyungc njaaux nyei haih zaah mangc liuz gengh zien nyei wuov deix. Se hnangv jiex daaih nyei jauv-louc wuov deix haih sienx duqv hnangv. Mv baac dongh maiv haih ei jienv
7 zaah mangc lungh ndiev njaaux nyei wuov deix haih zaah mangc duqv nor se maiv haih sienx aqv.
b. SIENX MBu’NDONGX WUOV GUANH (Moderate) Naaiv guanh mienh heuc ninh mbuo ganh se mbu’ndongx wuov guanh maiv maiv cou fai muonc jiex ndaangc. Ninh mbuo sienx gorngv, douc-douc Ging-Sou se benx Tin-Hungh nyei waac. Mv baac se yiem wuov zanc baamh mienh ceu nyei ziangh hoc, maaih deix m’ziex yiem loz-hnoi haih bungx ndortv deix ceu maiv nzoih. Ih jaax hnoi mbuo maaih jienv nyei Ging-Sou se maaih maiv nzoih, yaac maiv doix Tin-Hungh nyei daauh buonv. Naaiv guanh se ei loz-hnoi jiex daaih nyei jauv-louc caux lorz loz-hnoi nyei loz-ga’naaiv nyei mienh porv mengh Ging-Sou. Dongh maiv haih ei jienv zaah mangc lungh ndiev njaaux nyei wuov deix haih zaah duqv mengh nyei fai buatc maiv doix ih jaax hnoi ei jienv zaah mangc lungh ndiev nyei zaah mangc duqv nor. Naaiv guanh mienh gorngv, naaiv deix waac se benx waac-beiv fai beiv daaih bun mangc hnangv.
c. OIX SIENX MUONC FAI HORPC WUOV GUANH (Conservatism)
Naaiv guanh mienh ei jienv Ging-Sou nyei joux-joux waac sienx duqv longx haic. Ninh mbuo yaac sienx gorngv Ging-Sou se Tin-Hungh nyei waac gorngv daaih nyei se horpc nzengc, zuqc nzengc maiv dorngc yietc norm dorngx. Zinh ndaangc jiex daaih, ih jaax hnoi mingh taux hoz nqaang hingv.
8
2 ZAANG
TIN-HUNGH (Zangc Diex, Dorn, Singx Lingh.)
Tin-Hungh
Maaih nduqc dauh zien Tin-Hungh yaac ziangh jienv nyei Tin-Hungh hnangv. Ziouv hiuv nzengc nyungc-nyungc, Ziouv maaih hatc maaz, yaac ziangh laanh wuov, Ziouv benx Singx Wuonh. Ziouv zeix lungh ndiev nyei maanc muotc daaih. Ziouv zuoqc lungh ndiev maanc mienh yiem zuiz gu’nyuoz cuotv daaih. Ziouv goux jienv, gunv jienv lungh ndiev maanc muotc. Ziouv cing-nzengc yaac dunh yunh nzengc, yaac yietc liuz yiem. Mouz dauh baamh mienh horpc zuqc hnamv ninh, mbuoqc ninh yaac yietc liuz muangx ninh nyei waac.
Tin-Hungh ganh biux mengh Ninh se 3 dauh Njoux Ziouv, se maaih Zangc Diex, Dorn, Singx Lingh. 3 dauh Njoux Ziouv se yietc dauh Tin-Hungh hnangv.
Tin-Hungh nyei MBUOX Yiem Ging-Sou ziex norm dorngx gorngv taux Tin-Hungh nyei mbuox. Naaiv deix mbuox se dongh sienx nyei mienh heuc Ziouv, yiem yietc norm dorngx se heuc yietc nyungc mbuox. 1. YAAV^WE. ( Yahweh )
Yaav^we naaiv norm mbuox se Tin-Hungh nyei mbuox. Tin-Hungh caux I^saa^laa^en Mienh laengz ngaengc waac. I^saa^laa^en Mienh se dongh Ziouv ginv daaih nyei nyei mienh. Naaiv norm mbuox, Ziouv Tin-Hungh bun Mose hiuv ndaangc liuz cingx daaih dorh I^saa^laa^en Mienh cuotv I^yipv Deic-Bung. ( Cuotv I^yipv 6:2-3 )
9 2. EU. ( El )
Naaiv joux waac se benx Se^me^ditc Waac (Semitic or Semetic) heuc Tin-Hungh. Yiem Loz-Ngaengc Waac yaac maaih ziex norm dorngx longc naaiv joux waac. Se hnangv ( Singx Nzung 80:10; Tin-Deic Douh 31:29; Nzamc Leiz-Latc 28:17 )
3. EU^SAA^NDAI. ( El Shadai )
Eix-leiz se “Yiem mbong nyei Tin-Hungh.” Fai “Maaih hatc maaz nyei Tin-Hungh.” ( Saauv Mienh 24:4, 16; Tin-Deic Douh 49:25 )
4. EU EU^LI^YORN. ( El Elyon )
Eeix-leiz se “Yiem hlang nyei Tin-Hungh” fai “Dongh horpc zuqc ceng nyei Tin-Hungh.” Naaiv joux waac se Kaa^naa^an Mienh longc heuc Tin-Hungh. Longc gorngv taux Men^ki^se^ndekc zoux “Yiem hlang jiex nyei Tin-Hungh” nyei domh sai-mienh cuotv daaih zipv Apc^laa^ham. (Tin-Deic Douh 14 )
5. EU O^LAM ( El Olam ) Eix-leiz se “Yietc liuz yiem nyei Tin-Hungh.” Naaiv joux waac se loz-hnoi nyei Kaa^naa^an Mienh longc heuc Tin-Hungh. Mbuo buatc yiem Tin-Deic Douh 21:3
6. EU MBETC^EU ( El Bethel)
Naaiv joux waac nyei eix-leiz se caux “Tin-Hungh nyei yietc norm mbuox.” Beiv “Yaav^we” wuov joux waac. (Tin-Deic Douh 35:7; 31:13 )
7. EU^LOI ( El Roi )
Naaiv joux waac nyei eix-leiz se “Meih se mangc duqv buatc yie wuov dauh Tin-Hungh.” (Tin-Deic Douh 16:13)
8. EU MBE^LITV. ( El Berith ) Naaiv joux waac nyei eix-leiz se “Laengz ngaengc waac nyei Tin-Hungh.” ( Domh Jien 9:46; 8:33; 9:4 )
10 9. EU EU^LO^HE - I^SAA^LAA^EN. ( El Elohe-Israel)
Naaiv joux waac nyei eix-leiz se “Ziouv se dongh I^saa^laa^en nyei Tin-Hungh.”(Tin-Deic Douh 33:19-20)
10. EU^LO^HIM. ( Elohim )
E^lo^him se Hipv^lu Waac eix-leiz se “Tin-Hungh.” Yiem Loz-Ngaengc Waac gorngv taux camv gau. Naaiv joux waac nyei eix-leiz gorngv daaih se gauh camv yietc dauh. ( 2 faaux maengx fai Plural ) Eix-leiz gorngv daaih maaih gauh camv yietc dauh Njoux Ziouv, Mv baac longc gorngv taux maaih yietc dauh hnangv. ( daan fai Singular ) Bun mbuo buatc mengh nyei gorngv maaih yietc dauh Tin-Hungh hnangv, mv baac longc gan nqaang wuov joux se a’loc longc gauh camv yietc dauh. ( Plural ) (Tin-Deic Douh 1:26; 20:13; 35:7; Cuotv I^yipv 22:9 )
11. EU^LAA. ( Elah )
Naaiv joux waac se yietc hnangv (Singular) yiem E^lo^him ( Ellhim ) wuov joux waac daaih. Naaiv joux waac yiem Yopv wuov buonv 42 nzunc. Yiem ganh buonv longc 15 nzunc. Se hnangv Nzamc Leiz-Latc 32:15; Cong-Mengh Waac 30:5 Longc naaiv joux waac se oix bun hiuv duqv kungx maaih Nduqc dauh Tin-Hungh hnangv.
12. MBAA^AN. ( Baal ) Naaiv joux waac se loz-hnoi Kaa^naa^an Mienh longc heuc ninh mbuo, mbiungc-nziaaux nyei zienh fai bungx zuoqc nyei zienh. Jiex daaih nqa’haav ziouc tiuv naaiv joux waac daaih heuc “EU” ( El ) longc heuc I^saa^laa^en Mienh nyei Tin-Hungh caux jienv.
13. AA^NDON. ( Adon, Adonai)
Naaiv joux waac nyei eix-leiz se “Tin-Hungh.” Naaiv joux waac se Kaa^naa^an Mienh nyei waac eix-leiz se gorngv taux Tin-Hungh nyei gong-mengh gauh camv Ziouv nyei mbuox.
11 14. ZIOUV YESU GIDUC. ( Jesus Christ )
Yiem Siang-Ngaengc Waac heuc Ziouv Yesu benx Tin-Hungh, Tin-Hungh nyei Ndoqc Dorn. ( Matv^taai 16:16 Maako 3:11 Lugaa 22:70 Yo^han 10:30 Aengx maaih camv gau.)
Tin-Hungh - ZANGC DIEX Tin-Hungh - Zangc Diex. Ziouv gunv jienv maanc muotc, yaac longc Ninh nyei hnamv Ninh nyei en gunv naaiv baamh gen caux mienh maanh. Ziouv hiuv nzengc nyungc-nyungc, Ziouv se dongh maaih hatc maaz nyei Ziouv, yaac buangv nzengc hnamv. Tin-Hungh se dongh Giduc mienh caux dauh dauh sienx yaac bungx hnyouv Ziouv Yesu wuov deix mienh nyei Zangc Diex. Ging-Sou gorngv taux Tin-Hungh Zangc Diex nyei ziex nyungc
eix-leiz caux fiem-fingx se hnangv naaiv.
1. TIN-HUNGH dongh zeiz maanc muotc wuov dauh Ziouv ( Tin-Deic Douh 1:1 )
“Dongh cor Tin-Hungh jiex gorn zeix lungh zeix ndau wuov zanc”
2. TIN-HUNGH dongh zeix baamh mienh wuov dauh Ziouv
( Tin-Deic Douh 2:7 ) “Zoux gau, Ziouv Tin-Hungh aengx zorqv deix nie nanv cuotv dauh mienh yaac biomv maaih maengc nyei qiex bieqc wuov dauh mienh nyei mbaqc zorng. Wuov dauh mienh ziouc nanh daaih aqv.”
3. TIN-HUNGH nyei mbuox dongh, “Yietc liuz ziangh jienv wuov dauh Ziouv” ( Cuotv I^yipv 3:14 ) “……Yie nyei mbuox heuc yietc liuz ziangh jienv wuov dauh…mbuox heuc yietc liuz ziangh jienv wuov dauh……”
12 4. TIN-HUNGH nyei mbuox heuc “Ziouv”
( Cuotv I^yipv 6:2-3 ) “……..Yie hinc cuotv daaih bun Apc^laa^ham……Ninh mbuo hiuv duqv yie se Nenh jiex nyei Tin-Hungh. Mv baac dongh yie heuc ‘Ziouv’ wuov norm mbuox, yie maiv laauc yaangh bun ninh ninh mbuo hiuv.”
5. Zangc Diex se TIN-HUNGH ( Lewi 22:2 )
“…Weic maiv baaic yie nyei cing-nzengc mbuox. Yie se Ziouv.”
6. Kungx maaih nduqc dauh TIN-HUNGH hnangv
( Nzamc Leiz-Latc 6:4 ) “……..Tin-Hungh se nduqc dauh Ziouv hnangv.”
7. TIN-HUNGH zeix baamh mienh ( Nzamc Leiz-Latc 32:6 )
“………..Ninh zoux meih mbuo nyei Die, zeix meih mbuo, liepc meih mbuo daaih yaac yungz meih mbuo wuov dauh maiv zeiz?”
8. Lungh zaangc zunh yaangh TIN-HUNGH nyei njang-laangc
( Singx Nzung 19:1-3 ) “Lungh zunh yaangh Tin-Hungh nyei njang-laangc, lungh zangc biux mengh Ninh nyei buoz-dauh………………”
9. TIN-HUNGH cing-nzengc yaac zoux Hungh Diex ( I^saa^yaa 43:15 )
“Yie se Ziouv, meih mbuo nyei cing-nzengc Tin-Hungh, dongh zeix I^saa^laa^en wuov dauh Hungh Diex.”
10. TIN-HUNGH yiem tin-dorngh
( Matv^taaih 6:9 ) “….Yie mbuo nyei tin-dorngh Diex aah.”
11. TIN-HUNGH oix bun longx nyei ga’naaiv tov Ninh wuov deix mienh ( Matv^taai 7:11 ) “………Meih mbuo nyei tin-dorngh Diex yietc zei oix bun longx nyei ga’naaiv tov ninh wuov deix mienh.”
13 12. Baamh mienh nyei Die se dongh yiem tin-dorngh wuov dauh
TIN-HUNGH ( Matv^taai 23:9 ) “Maiv dungx heuc yiem naaiv baamh gen nyei haaix dauh zoux ‘Die’, weic zuqc meih mbuo maaih nduqc dauh Die hnangv. Se yiem tin-dornh wuov dauh Die.”
13. Dengv Die (TIN-HUNGH), Dorn caux Singx Lingh nyei
mbuox tengx Giduc mienh jiex wuom nyei leiz ( Matv^taai 28:19 )
“……….Oix zuqc dengv Die, Dorn caux Singx Lingh nyei mbuox tengx ninh mbuo jiex wuom nyei leiz.”
14. TIN-HUNGH se Lingh Wuonh ( Yo^han 4:24 ) “Tin-Hungh se lingh wuonh. Zangc Tin-Hungh nyei mienh oix zuqc longc Singx Lingh yaac longc zien leiz zangc.”
15. Maiv maaih haaix dauh zeix Zangc Diex fai TIN-HUNGH,
Zangc Diex ganh zoux ziangh maengc nyei gorn nyuonh (Yo^han 5:26 ) “Zangc Deix hnangv haaix nor zoux ziangh maengh nyei gorn-nyuonh, ninh yaac jiu ninh nyei Dorn hnangv wuov nor zoux ziangh maengc nyei gorn-nyuonh.”
16. Giduc mienh benx TIN-HUNGH nyei naamh nyouz ( Lomaa 8:14-15 )
“Tin-Hungh nyei Singx Lingh dorh wuov deix benx Tin-Hungh nyei Dorn mi’aqv……………Singx Lingh bun meih mbuo benxTin-Hungh nyei Dorn ziouc longc Singx Lingh nyei qaqv heucTin-Hungh, ‘ Aa Dae ’ ”
14
Tin-Hungh - DORN (Ziouv Yesu Giduc.)
Ziouv Yesu yietc liuz benx Tin-Hungh nyei Ndoqc Dorn. Singx Lingh nyei hatc maaz bun Ziouv Yesu daaih yiem maiv gaengh nziaauc jiex dorn nyei sieqv-dorn-yaang nyei ga’sie cuotv seix, naaiv dauh sieqv-dorn-yaang nyei mbuox heuc Maa^li^yaa. Ziouv Yesu ei jienv Zangc Diex nyei za’eix zoux dunh yunh nzengc. Ziouv Yesu za’gengh benx yietc dauh baamh mienh maaih sin maaih orv hnangv nzengc baamh mienh, mv baac Ziouv Yesu maiv maaih zuiz. Ziouv Yesu yiem naaiv baamh gen wuov zanc, ninh muangx Tin-Hungh nyei waac longx haic, liemh nyunc yiem ziepc zaangc jaax zuqc ding daic, weic njoux lungh ndiev maanc mienh biaux ndutv zuiz duqv yietc liuz nyei maengc. Ziouv Yesu daic liuz aengx nangh daaih, Ziouv Yesu caux sai-gorx yiem douc. Nqa’haav ninh aengx nzuonx tin-dorngh mingh yiem jienv Tin-Hungh nyei mbiaauc maengx, weic zoux baamh mienh caux Tin-Hungh nyei mbuqc ndongx-mienh. Maaih norm hnoi Ziouv Yesu buangv nzengc njang-laangc nzuonx daaih weic siemv baamh mienh nyei zuiz. Yaac zoux bun duqv njoux nyei maengc dunh yunh nzengc. Ih zanc Ziouv Yesu caux sienx ninh wuov deix dauh dauh mienh yiem, ninh se dongh ziangh jienv wuov dauh Tin-Hungh.
GING-SOU ZOUX ZORNGX GORNGV TAUX ZIOUV YESU
1. Maiv gaengh zeix maanc muotc, maiv gaengh zeix baamh
mienh wuov zanc ZIOUV YESU yiem jienv nyei. ( Tin-Deic Douh 1:26 ) “Tin-Hungh aengx gorngv, ‘Mbuo oix zuqc ziux mbuo nyei fangx zeiv zeix mienh daaih zuangv mbuo yaac hnangv mbuo nor.’ ” (Ei Hipv^lu Waac yiem naaiv bun mbuo hiuv duqv se gauh camv yietc. ( plural ) Biux maengh bun hiuv taux buo dauh Njoux Ziouv se Tin-
15 Hungh juangc jienv zeix maanc muotc juangc jienv zeix baamh mienh. )
2. ZIOUV YESU yiem ndaangc Apc^laa^ham. ( Tin-Deic Douh 18:1-2 ) “Apc^laa^ham yiem Mamle ndiangx-lomc zueiz jienv ndopv-liuh gaengh ndaangc……….Apc^laa^ham cau hmiem buatc buo dauh m’jangc dorn souv jienv wuov…………….” ( Zangc Diex se lingh wuonh, hnangv naaic daaih buangh Apc^laa^ham naaiv dauh se dongh Dorn, Dorn se dongh Ziouv Yesu ganh aqv. )
3. Oix maaih dauh sieqv-dorn-yaang yungz ZIOUV YESU ( I^saa^yaa 7:14 ) “Weic naaiv Ziouv ganh oix bun maaih norm jangx-hoc. Maaih dauh sieqv-dorn oix maaih norm sin, yungz duqv dauh dorn aengx tengx ninh cuotv mbuo heuc, I^maa^nu^en.”
4. ZIOUOV YESU se Tin-Hungh nyei Dorn-hnamv.
( Matv^taai 3:17 ) “….Naaiv se yie nyei Dorn-hnamv. Yie za’gengh a’hneiv haic ninh.”
5. Liemh mienv yaac nyiemc ZIOUV YESU se Tin-Hungh nyei
Dorn. ( Matv^taai 8:28-29 ) “……Maaih i dauh…..…..Ninh mbuo ziouc ciouv haic……….Naaiv deix i dauh heuc mbui nyei, ‘Tin-Hungh nyei Dorn aah! Meih daaih yie mbuo naaiv zoux haaix nyungc? Ziangh hoc maiv gaengh taux meih daaih zeix yie mbuo fai?’ ”
6. Zangc Diex jiu nyungc-nyungc hatc maaz bun ZIOUV YESU. ( Matv^taai 11:27 ) “Aa Die zorqv nyungc-nyungc jiu bun yie. Cuotv liuz Die, maiv maaih haaix dauh hiuv duqv Dorn. Cuotv liuz Dorn, caux Dorn bun hiuv wuov deix, maiv maaih haaix dauh hiuv duqv Die. ”
16 7. Zangc Diex gorngv ZIOUV YESU se Ninh nyei Dorn-
hnamv. (Lugaa 3:22) “……Yaac maaih qiex yiem gu’nguaaic lungh gorngv, ‘Meih se yie nyei Dorn-hnamv. Yie za’gengh a’hneiv haic meih.’ ”
8. Fin-mienh yaac gorngv ZIOUV YESU se Tin-Hungh nyei
Dorn. ( Lugaa 1:35 ) “Fin-mienh aengx dau, ‘Singx Lingh oix njiec daaih yiem meih. Tin-Hungh nyei qaqv oix nzie jienv mienh. Hnangv naaiv meih ziouc duqv dauh maiv maaih zuiz, cing-nzengc nyei fu’jueiv, heuc Tin-Hungh nyei Dorn.’ ”
9. ZIOUV YESU zoux nyungc-nyungc nyei gorn-nyuonh.
( Yo^han 1:1-18 ) “Zinh ndaangc maiv gaengh zeix lungh zeix ndau wuov zanc, Doz zungv yiem nyei. Doz yaac caux Tin-Hungh yiem yaac dongh Tin-Hungh……Tin-Hungh longc Dorz zeix cuotv maanc muotc. Maiv maaih yietc nyungc Tin-Hungh maiv longc Doz zeix. Doz zoux gorn-nyuonh bun nyungc-nyungc maaih maengc ziangh. Naaiv nyungc maengc dorh njang daaih zuix baamh mienh. Njang yaac zuix bieqc hmuangx nyei dorngx, muangx yaac maiv haih hingh njang…………………. ”
10. ZIOUV YESU caux Zangc Diex se benx yietc dauh hnangv.
( Yo^han 10:30 ) “Yie caux yie nyei Die benx yietc dauh hnangv.”
11. Haaix dauh sienx ZIOUV YESU yaac sienx Tin-Hungh caux
jienv. ( Yo^han 12:44 ) “Yesu longc qiex hlo nyei aengx gorngv, ‘Haaix dauh sienx yie, maiv daan sienx yie hnangv. Ninh yaac sienx paaiv yie daaih wuov dauh.’ ”
12. ZIOUV YESU nangh daaih nzuonx Zangc Diex wuov
( Yo^han 20:1-29 ) “……Mbuox yie nyei gorx-youz yie oix faaux yie nyei Die wuov…Longc meih nyei buoz-ndoqv hluo
17 yie nyei buoz mangc gaax maah. Aengx sung meih nyei buoz zuiz yie nyei la’nyaapv nyei caang-kuotv maah. Maiv dungx hlungh hluotv. Gunv sienx maah……”
13. ZIOUV YESU zoux bun naaiv baamh gen caux Tin-Hungh horpc. ( 2 Ko^lin^to 5:19-20 ) “Yie mbuo zunh nyei se Tin-Hungh longc Giduc bun maanc mienh caux ninh horpc hnyouv. Hnangv naaic, yie mbuo zoux Giduc nyei douc fienx mienh…………”
14. ZIOUV YESU daaih ndaam maanc mienh nyei zuiz.
( 2 Ko^lin^to 5:21 ) “Giduc maiv maaih zuiz mv baac weic mbuo Tin-Hungh zoux bun ninh hnangv ninh benx zuiz-mienh, bun mbuo caux ninh juangc maengc ziangh ziouc duqv caux Tin-Hungh horpc hnouv.”
15. ZIOUV YESU maaih hatc maaz gauh camv maanc muotc
( E^fe^so 1:21 ) “Ninh bun Giduc zungv gauh hlang jiex yietc zungv gunv ndaamh lungh nyei, maaih lingc maaih qaqv nyei, zoux hlo gunv sic wuov deix yietc zungv. Yaac bun ninh maaih mengh hoc gauh hlo jiex, maiv daan yiem naaiv gitv lungh ndiev hnangv, yaac yiem da’nyeic gitv.”
16. ZZIOUV YESU Yesu zoux baamh mienh caux Tin-Hungh
nyei mbu’ndongx mienh. ( 1 Ti^mo^tai 2:5-6 ) “Weic zuqc maaih nduqc dauh Tin-Hungh hnangv. Yaac maaih nduqc dauh yiem Tin-Hungh caux mienh mbu’ndongx zoux mbuo’ndongx-mienh, se Giduc Yesu, dongh benx baamh mienh wuov dauh. Giduc Yesu siev ninh ganh nyei maengc weic zuoqc maanc mienh nzuonx. Taux horpc nyei ziangh hoc ninh hnangv naaiv nor zoux bun cing Tin-Hungh oix maanc mienh duqv njoux.”
17. ZIOUV YESU se dongh Tin-Hungh. ( Hipv^lu 1:3 ) “Ninh aengv Tin-Hungh nyei njang-laang, yaac zuangv nzengc Tin-Hungh……...”
18
Tin-Hungh - SINGX LINGH
Singx Lingh se Tin-Hungh Tin-Hungh nyei Singx Lingh. Se dongh naaiv dauh Singx Lingh loz-hnoi yiem mienh nyei hnyouv zoux gong dorh mienh fiev Ziouv nyei waac benx nzaangc daaih. Se dongh ih jaax hnoi mienh doqc jienv naaiv buonv Ging-Sou, se dongh naaiv dauh Singx Lingh bun mienh hiuv duqv Tin-Hungh nyei za’eix.
Singx Lingh taaih Ziouv Yesu, Singx Lingh yiem mienh nyei hnyouv zoux gong bun mienh hiuv duqv zuiz, hiuv duqv baengh fim yaac hiuv duqv Ziouv siemv zuiz. Singx Lingh ceix Giduc mienh nyei maengc, orn Giduc mienh nyei hnyouv, ceix zingh nyeic bun sienx nyei mienh, weic bun ninh mbuo yiem jiu-baang fuh sux Ziouv.
Singx Lingh mborqv jienv yienx sienx wuov deix mienh nyei hnyouv taux nqa’haaiv laai Ziouv zuoqc nyei hnoi. Singx Lingh yiem sienx wuov deix dauh dauh mienh nyei hnyouv, weic benx jangx-hoc gorngv Tin-Hungh dorh sienx nyei mienh mingh taux dunh yunh nyei maengc, Singx Lingh tipv qaqv bun, yaac bun sienx nyei mienh caux jiu-baang mengh baeqc hiuv duqv oix zuqc hnangv haaix nor ceng Tin-Hungh, hnangv haaix nor zunh kuv fienx, oix zuqc hnangv haaix nor fuh sux Ziouv, aengx caux ziex nyungc camv nyei.
Ging-Sou gorngv taux Singx Lingh hnangv haaix nor
1. Maiv gaengh zeix maanc muotc wuov zanc SINGX LINGH zungv yiem jienv nyei. ( Tin-Deic Douh 1:2 ) “Baamh gen maiv maaih haaix nyungc mou zeiv, yaac maiv maaih yietc nyungc ga’naaiv yiem. Wuom gu’nguaaic mapv maengh mapv hmuangx nyei. Tin-Hungh nyei Singx Lingh yiem wuom gu’nguaaic youh mingh youh daaih.”
19 2. SINGX LINGH ceix qaqv ceix banh zeih bun sienx nyei
mienh ( Domh Jien 14:6 ) “Ziouv nyei Singx Lingh liemh zeih bun Saem^sanx henv haic. Ninh ziouc zorqv wuov dauh sienh daaih maeqv hnangv mienh maeqv yungh dorn nor, maiv gunv ninh nyei buoz maiv maaih yietc nyungc jaa-sic……”
3. Ziouv nyei SINGX LINGH maiv caux zoux zuiz nyei mienh yiem ( Singx Nzung 51:11 ) “…………Maiv dungx yiem yie dorh meih nyei Singx Lingh mingh.”
4. SINGX LINGH caux Ziouv orn daaih nyei mienh yiem ( I^saa^yaa 61:1-3 ) “Ziouv Tin-Hungh nyei Singx Lingh caux yie yiem, weic zuqc Ziouv ginv yie daaih…………” .
5. Ziouv nyei SINGX LINGH bun hiuv laauc yaangh nyei sic yaac zoux buoqc horngh nyei sic ( Yo^en 2:28-32 ) “….Yie oix dox yie nyei Singx Lingh bun maanc mienh, meih mbuo nyei dorn, meih mbuo nyei sieqv oix tengx yie douc waac. Meih mbuo nyei mienh gox mienh oix mbeix mbeix. Meih mbuo nyei mienh lunx mienh oix buatc hinc yaangh nyei sic………………Yie oix yiem lungh ndau zoux cuotv mbuoqc horngh nyei sic……………..”
6. SINGX LINGH nyei hatc maaz bun Ziouv Yesu daaih cuotv seix ( Matv^taai 1:18 ) “…………Yosepv gorngv ziangh ninh mi’aqv. Ninh mbuo maiv gaengh juangc dorngx bueix jiex mv baac Maa^li^yaa maaih sin aqv, se yiem Singx Lingh nyei qaqv daaih.”
7. SINGX LINGH orn Ziouv Yesu ( Matv^taai 3:16 ) “…………Liemh zeih lungh nqoi. Yesu buatc Tin-Hungh nyei Singx Lingh njiec daaih hnangv norqc nqo nor, yaac nzopc jienv ninh.
20 8. SINGX LINGH maaih hatc maaz hingh jiex Saadaan
( Matv^taai 12:28-32 ) “Yie longc Tin-Hungh nyei Singx Lingh bun daaih nyei qaqv zunc mienv cuotv. Naaiv bun cing Tin-Hungh daaih yiem meih mbuo mbu’ndongx zoux Ziouv.”
9. Tin-Hungh ceix SINGX LINGH bun dongh tov wuov deix mienh ( Lugaa 11:13 ) “……………Meih mbuo nyei tin-dorngh Diex corc gauh oix ceix Singx Linh bun tov ninh wuov deix mienh.”
10. Tin-Hungh caux SINGX LINGH m’daaih benx yietc dauh Ziouv hnangv ( Yo^han 4:24 ) “Tin-Hungh se lingh wuonh. Zangc Ziouv nyei mienh oix zuqc longc Singx Lingh yaac longc zien leiz zangc.”
11. SINGX LINGH se tengx mbuo wuov dauh, yaac caux mbuo yietc liuz yiem. ( Yo^han 14:16-17 ) “Yie oix tengx Zangc Diex tov, ninh ziouc oix bun ganh dauh daaih tengx meih mbuo, caux meih mbuo yietc liuz yiem. Naaiv dauh Singx Lingh, dongh bun mienh hiuv duqv zien leiz wuov dauh. Baamh mienh maiv haih zipv ninh, weic zuqc baamh mienh mangc maiv buatc ninh yaac maiv hiuv duqv ninh. Mv baac meih mbuo hiuv duqv ninh nyei, weic zuqc ninh caux meih yiem yaac yiem meih mbuo nyei hnyouv.”
12. SINGX LINGH zoux zingh ginx gorngv taux Ziouv Yesu (Yo^han 15:26 ) “………….Ninh yiem Zangc Diex wuov daaih, dongh ninh bun mienh hiuv duqv zien leiz wuov dauh Singx Lingh. Ninh daaih ziouc tengx yie zoux zorng-zengx.”
13. SINGX LINGH bun mienh haih gorngv maiv gaengh duqv hoqc jiex nyei ganh nyungc waac ( Gong-Zoh 2:1-4 ) “………..Mouz dauh duqv Singx Lingh buangv hnyouv ziouc jiez gorn gorngv cuotv ganh nyungc waac daaih ei Singx Lingh dorh ninh mbuo gorngv.”
14. SINGX LINGH biux mengh bun mbuo hiuv duqv Tin-Hungh nyei za’eix ( Gong-Zoh 13:2-3 ) “Ninh mbuo baaix Tin-Hungh yaac zei maiv nyanc haaix nyungc wuov zanc, Singx
21 Lingh mbuox ninh mbuo, ‘Paaiv Mbaa^naa^mbatc caux Sau^lo cuotv mingh weic zoux yie oix heuc ninh mbuo zoux nyei gong.’ ”
15. SINGX LINGH ceix siang-maengc bun sienx nyei mienh
( Lomaa 8:9 ) “Se gorngv Tin-Hungh nyei Singx Lingh zien-zien yiem meih mbuo nyei hnyouv, meih mbuo yiem seix zangc maiv zeiz ei baamh mienh nyei hnyouv zoux. Meih mbuo maaih Singx Lingh dorh meih mbuo. Haaix dauh maiv maaih Giduc nyei Singx Lingh, wuov dauh maiv zeiz ninh nyei.”
16. SINGX LINGH ceix ziex nyungc zingh nyeic bun sienx nyei mienh ( 1 Ko^lin^to 12:3-11 ) “…….Singx Lingh ceix bun nyei zingh nyeic maaih camv-nyungc mv baac Singx Linh se nduqc dauh hnangv. …….Singx Lingh bun dauh mienh haih gorngv cong-mengh nyei waac, aengx bun ganh dauh haih gorngv guai-qaauv nyei waac. Yaac dongh nduqc dauh Singx Lingh bun. Dongh naaiv dauh Singx Lingh yaac bun dauh maaih sienx fim yaac bun ganh dauh maaih banh zeix zorc baengc. Aengx bun dauh haih zoux mbuoqc horngh nyei sic, aengx bun dauh haic douc Tin-Hungh nyei waac, yaac bun dauh haih samx duqv cuotv haaix nyungc yiem Singx Lingh daaih, haaix nyungc yiem mienv daaih. Singx Lingh aengx bun dauh haih gorngv ganh nyungc waac, aengx bun dauh haih faan wuov deix waac. Naaiv deix yietc zungv yiem wuov dauh nduqc dauh Singx Lingh daaih. Singx Lingh yaac ei ninh ganh nyei za’eix dingc haaix dauh duqv haaix nyungc zingh nyeic.”
17. Maaih SINGX LINGH nyei mienh ninh zoux duqv ziex nyungc ( Gaa^laa^tie 5:22-23 ) “Mv baac Singx Lingh bun laanh haih hnamv laanh, bun mienh maaih njien-youh, maaih baengh orn, maaih noic, maaih hnyouv laanh korh lienh laanh, laanh zoux longx bun laanh, laanh kaux duqv zuqc laanh, zoux hnyouv suonc, gunv duqv ganh nyei buonh sin. Naaiv deix yietc zungv sic leiz-latc maiv haangh.”
22
3 ZAANG
BAAMH MIENH
Tin-Hungh ei jienv ninh nyei fangx zeiv zeix baamh mienh daaih. Baamh mienh se benx Tin-Hungh nyei buoz dauh. Jiez gorn wuov zanc baamh mienh maiv maaih zuiz, mv baac weic laaix Tin-Hungh bun baamh mienh haih hnamv haih ginv oix zoux nyungc yaac duqv, ninh mbuo ginv ei jienv ninh mbuo hnyouv nyei zoux. Baamh mienh ginv dorngc, ninh mbuo zoux dorngc baamz Tin-Hungh, ninh mbuo nyei zuiz ziouc linh jienv mingh taux lungh ndiev maanc mienh. Baamh mienh se cing-nzengc, Saadaan nduov ninh mbuo maiv muangx Tin-Hungh nyei waac ziouc nduotv njiec daaih. Zoux bun baamh mienh maaih zuiz nyei nziaamv-fei gan jienv daaih. Yiem naaiv jiez gorn daaih baamh mienh ziouc zuqc Tin-Hungh zioux. Mv baac weic Tin-Hungh nyei en baamh mienh aengx duqv nzuonx daaih caux Tin-Hungh horpc hnyouv. Baamh mienh haih caux Tin-Hungh horpc hnyouv se oix zuqc sienx Ziouv Yesu bungx hnyouv Ziouv Yesu yaac zipv Ziouv Yesu daaih zoux mbuo nyei Njoux Ziouv, mbuo cingx daaih haih cing-nzengc.
Ging-Sou gorngv taux BAAMH MIENH
1. Tin-Hungh ei ninh nyei fangx zeiv zeix BAAMH MIENH cuotv daaih ( Tin-Deic Douh 1:26-30 )
“Tin-Hungh aengx gorngv, Mbuo oix zuqc ziux mbuo nyei fangx zeiv zeix mienh daaih zuangv mbuo yaac hnangv mbuo nor, bun ninh mbuo gunv koiv gu’nyuoz nyei mbiauz, yiem ndaamh lungh nyei norqc, nyungc-nyungc saengh kuv……Tin-Hungh ziouc ziux ninh ganh nyei fangx zeiv zeix baamh mienh se ziux Tin-Hungh ganh nyei fangx zeix mienh daaih, ninh zeix cuotv benx m’jangc m’sieqv.”
2. BAAMH MIENH nyei lingh wuonh se yiem Tin-Hungh daaih ( Tin-Deic Douh 2:7 )
“Zoux gau, Ziouv Tin-Hungh aengx zorqv deix nie nanv cuotv dauh mienh daaih yaac biomv maaih maengc nyei qiex bieqc wuov dauh mienh nyei mba’zorng. Wuov dauh mienh
23 ziouc nangh daaih aqv.” (Yiem naaiv yiemc Ging-Sou bun mbuo hiuv duqv mengh nyei mienh nyei lingh wuonh se yiem Tin-Hungh daaih. “Qiex fai Nziaaux” wuov joux waac nyei eix-leiz caux “Lingh wuonh wuov joux waac fih hnangv nyei. Hnangv naaic, haih gorngv duqv nyei Tin-Hungh biomv lingh wuonh njiec wuov deix nie, nie ziouc maaih maengc daaih. Mienh maiv maaih lingh wuonh nor mienh maiv maaih maengc aqv. )
3. Tin-Hungh zeix M’SIEQV dorn yiem M’JANGC dorn daaih ( Tin-Deic Douh 2:18-24 )
“ Ziouv Tin-Hungh aengx gorngv, ‘Nduqc laanh mienh ganh yiem hnangv se maiv horpc. Yie aengx oix zeix dauh daaih puix ninh, caux ninh zoux doic tengx ninh.’ Ninh ziouc zorqv deix nie daaih nanv nyungc-nyungc yiem ndau nyei hieh zoih saengh kuv caux nyungc-nyungc yiem ndaamh lungh nyei norqc……corc buatc maiv maaih yietc dauh puix ninh, caux ninh zoux doic, tengx ninh. Ziouv Tin-Hungh ziouc bun wuov dauh mienh bueix m’njormh ndo nyei. M’njormh wuov zanc, ninh zorqv diuh wuov dauh mienh nyei la’saengx mbungv aengx bun orv ziangh ndipc mi’aqv. Ziouv Tin-Hungh longc yiem m’jangc dorn zorqv cuotv wuov diuh la’sengx mbungv zoux benx dauh m’sieqv dorn…….Wuov dauh m’jangc dorn ziouc gorngv….Oix zuqc tengx ninh cuotv mbuox heuc m’sieqv dorn, weic zuqc ninh yiem m’jangc dorn cuotv daaih.”
4. Saadaan nduov BAAMH MIENH baamz zuiz dorngc Tin-
Hungh (Tin-Deic Douh 3:1-24) “..…….Naang gorngv mbuox m’sieqv dorn, ‘meih mbuo maiv daic lorqc. Tin-Hungh hnangv naaiv nor gorngv weic zuqc ninh hiuv duqv meih mbuo nyanc liuz, meih mbuo haih hnamv duqv tong, yaac hnangv ninh nor, haih hiuv duqv longx hiuv duqv waaic.’ Wuov dauh m’sieqv dorn mangc buatc wuov zungh biouv nzueic nyei, daaix nyanc kuv nyei. Ninh yaac hnamv daaih se gorngv haih bun mienh guai nor, za’gengh longx haic. Ninh ziouc gaeqv daaih nyanc aqv. Aengx bun
24 deix ninh nyei nqox nyanc……….Tin-Hungh yaac gorngv mbuox wuov dauh m’sieqv dorn, ‘Meih maaih sin nyei ziangh hoc yie oix jaa tipv bun meih kouv. Ndutv sin nyei ziangh hoc meih oix zuqc mun. Mv baac meih corc oix longc meih nyei nqox. Meih nyei nqoix yaac oix gunv jienv meih.’ Tin-Hungh yaac gorngv mbuox Aa^ndam, ‘Laaix meih muangx meih nyei auv nyei waac, nyanc dongh yie hatc meih ‘Maiv dungx nyanc wuov zungh biouv,’ Ndau ziouc weic meih zoux nyei sic zuqc houv………Meih oix zuqc zoux gong kouv cuotv ziex sin hanc wuov deix ndau cingx daaih haih cuotv deix ga’naaiv. Zoux taux meih aengx nzuonx benx nie……..Ziouv Tin-Hungh ziouc zunc ninh cuotv E^nden Huiangx yaac bun ninh zoux liangx-ndeic………………..”
5. Haaix dauh daix BAAMH MIENH, oix zuqc zorqv ninh nyei
zuiz taux daic (Tin-Deic Douh 9:6) “Haaix dauh daix mienh bun nziaamv liouc cuotv, wuov dauh zungv zuqc mienh daix, bun nziaamv liouc cuotv.” 6. Tin-Hungh zeix BAAMH MIENH daaih yiem gauh aiv deix
ninh hnangv (Singx Nzung 8:4-6) “Meih funx baamh mienh benx haaix nyungc cingx jangx taux ninh?………Meih bun ninh zoux gauh aiv meih ganh, aengx taaih ninh, bun ninh maaih njang-laangc weic zoux hungh ningv. Meih paaiv ninh gunv meih nyei buoz zeix daaih nyei nyungc-nyungc, zungv orn ninh zoux ziouv gunv maanc muotc………… ”
7. Lungh ndiev BAAMH MIENH yietc zungv juangc wuov deix
nziaamv-fei daaih (Gong-Zoh 17:26) “Tin-Hungh longc yietc dauh mienh zoux buonv zeix cuotv maanc fingx bun yiem buangv lungh ndiev. Ninh jaa-ndaangc dingc ziangx ziangh hoc caux ninh mbuo yiem nyei gapv jaaix.”
8. BAAMH MIENH haih biaux ndutv zuiz se kungx oix zuqc
goiv hnyouv hnangv ( Gong-Zoh 17:30-31)
25 “Mv baac ih zanc Tin-Hungh hatc yietc zungv lungh ndiev norm-norm dorngx nyei mienh oix zuqc goiv hnyouv guangc zuiz. Weic zuqc Tin-Hungh dingc norm hnoi daaih siemv lungh ndiev mienh nyei zuiz. Ninh yaac longc dauh ninh ginv daaih nyei mienh baengh fim nyei siemv.”
9. BAAMH MIENH guangc jienv Tin-Hungh mingh baaix
miuc-fangx yaac zoux zuiz dorngc Tin-Hungh ( Lomaa 1:19-32 ) “Tin-Hungh ziouc dingc ninh mbuo nyei zuiz weic zuqc ninh mbuo haih hiuv duqv Tin-Hungh. Se Tin-Hungh ganh biux mengh bun ninh mbuo hiuv . Yiem zeix lungh zeix ndau daaih wuov zanc…… .Buatc Tin-Hungh zeix daaih nyei ga’naaiv ziouc bun ninh mbuo hiuv duqv Tin-Hungh aqv. Ninh mbuo ziuc maiv maaih dorngx jaiv sin. Ninh mbuo ceng ganh cong-mengh mv baac ninh mbuo hngongx haic. Ninh mbuo horpc zuqc zangc maiv haih daic nyei Tin-Hungh. Daaux nzuonx ninh mbuo zangc miuc-fangx, dongh maaih haih daic nyei mienh nyei fangx zeiv, caux norqc, caux saeng-kuv caux gaeng-gueiv nyei fangx zeiv nyei miuc-fangx……..Ninh mbuo hiuv duqv Tin-Hungh nyei leiz gorngv zoux naaiv nyungc sic nyei mienh oix zuqc daic Mv baac maiv daan ninh mbuo ganh zoux hnangv, mienh zoux, ninh mbuo yaac a’hneiv nyei.”
10. Mouz dauh BAAMH MIENH benx zuiz-mienh
( Lomaa 3:9-18) “………Yiutai Mienh caux Janx yietc zungv zuqc zuiz nyei qaqv gunv jienv nyei. ………..Maiv maaih haaix dauh caux Tin-hungh horpc hnyouv, yietc dauh yaac maiv maaiih. Maiv maaih haaix dauh mengh baeqc, yaac maiv maaih haaix dauh oix gan Tin-Hungh. Dauh dauh huin nqaang leih Tin-Hungh. Yietc zungv ziouc waaic nzegnc mi’aqv. Maiv maaih haaix dauh zoux longx, yietc dauh yaac maiv maaih.……………Ninh mbuo yaac maiv hiuv duqv gamh nziex Tin-Hungh.”
11. Ziouv Yesu daic weic zuoqc BAAMH MIENH yiem zuiz
cuotv daaih (Lomaa 5:8, 18)
26 “Mv baac Tin-Hungh bun cing ninh ndongc haaix hnamv mbuo. Dongh mbuo corc zoux zuiz-mienh nyei ziangh hoc Giduc weic mbuo daic…………Hnangv naaiv, laaix nduqc dauh mienh baamz zunc zuiz, zuangx mienh zuqc dingc zuiz. Fih hnangv nyei, nduqc dauh mienh zoux nzunc kuv sic ziouc bun mienh benx bungx nqoi nyei mienh, duqv ziangh jienv. ”
12. Zuiz dorh BAAMH MIENH mingh taux daic
(Lomaa 5:12) “Laaix nduqc dauh mienh baamz zuiz, zuiz bieqc baamh gen. Zuiz yaac zoux bun mienh zuqc daic. Weic naaiv zuqc daic nyei qaqv linh jienv mingh bun maanc mienh zuqc daic weic zuqc dauh dauh mienh baamz zuiz. ”
13. Ziouv Yesu tengx BAAMH MIENH biaux ndutv zuiz
(Lomaa 6:6) “Mbuo yaac hiuv duqv mbuo nyei loz-hnyouv zuqc caux Giduc ding wuov ziepc nzaangc jaax weic bun baamz zuiz nyei hnyouv zuqc mietc, cingx daaih maiv zuqc aengx zoux zuiz nyei nouh.”
14. Zuiz nduov BAAMH MIENH zoux waaic
(Lomaa7: 15-25) “Yie ganh zoux nyei, yie maiv mengh baeqc, weic zuqc yie oix zoux nyei, yie yaac maiv zoux. Daaux nzuonx zoux dongh yie nzorng nyei ……hnangv naaic maiv zeiz yie ganh zoux. Yie hiuv duqv yiem yie baamh mienh nyei hnyouv maiv maaih haaix nyungc longx. Yie gengh oix zoux longx nyei yaac maiv haih zoux. Yie oix zoux nyei kuv sic yie yaac maiv zoux. Mv baac dongh yie maiv oix zoux nyei waaic sic yie zoux jienv mingh…….Hnangv naaic, yie buatc maaih naaiv nyungc leiz cuotv, dongh yie oix zoux longx, yie kungx haih zoux cuotv waaic nyei hnangv ……..”
15. Longc BAAMH MIENH nyei cong-mengh maiv haih lorz
duqv buatc Tin-Hungh, baamh mienh maiv haih tengx ganh biaux ndutv zuiz. (1 Ko^lin^to 1:21-31) “Tin-Hungh longc ninh ganh nyei cong-mengh bun mienh maiv haih kaux ninh mbuo ganh nyei cong-mengh hiuv duqv ninh. Daaux nzuonx Tin-Hungh a’hneiv longc yie mbuo zunh
27 mv baac mienh funx hngongx wuov nyungc leiz………Mv baac yie mbuo zunh Giduc zuqc ding ziepc nzaangc jaax daic nyei jauv. Yiutai Mienh youc nqemh ziqc zuiz ninh mbuo. Janx yaac funx hngongx, mv bac weic Tin-hungh ginv daaih nyei mienh, mv gunv Yiutai Mienh fai Janx, mbuo hiuv duqv Giduc se Tin-Hungh nyei domh qaqv yaac dongh Tin-hungh nyei cong-mengh. Weic zuqc Tin-Hungh hngongx nyei sic, zungv gauh guai baamh mienh nyei cong-mengh. Tin-Hungh mau nyei dorngx, corc gauh henv baamh mienh nyei qaqv……Mv baac baamh mienh funx hngongx nyei Tin-hungh ginv daaih weic bun cong-mengh nyei mienh nyaiv. Baamh mienh funx mau nyei, Tin-Hungh yaac ginv daaih weic bun henv wuov deix nyaiv. Baamh mienh funx haac dangv nyei, mangc piex nyei, maiv lamh longc nyei, Tin-Hungh ginv daaih weic mietc baamh mienh funx longc jienv nyei. Hnangv naaic, maiv maaih haaix dauh yiem Tin-Hungh nyei nza’hmien haih bungx waac-maux. Tin-Hungh bun meih mbuo caux Giduc Yesu juangc maengc ziangh, yaac bun Giduc zoux mbuo nyei cong-mengh. Tin-Hungh longc Giduc bun mbuo caux ninh horpc hnyouv, benx ninh nyei cing-nzengc mienh, zuoqc mbuo nzuonx leih ndutv zuiz. Hnangv naaic, se hnangv Ging-Sou fiev jienv gorngv, ‘Haaix dauh oix bungx waac-maux, oix zuqc bungx waac maux gorngv taux Ziouv zoux nyei sic.’ ”
16. BAAMH MIENH duqv njoux se Tin-Hungh nyei en, yaac
oix zuqc longc sienx fim. ( E^fe^so 2:8-9) “Se laaix Tin-Hungh nyei en meih mbuo cingx duqv njoux weic zuqc meih mbuo sienx ninh. Se maiv zeiz meih mbuo ganh zoux nyei, se Tin-Hungh ceix bun nyei ziangh nyeic. Mienh duqv njoux se maiv zeiz kaux ganh zoux nyei sic, weic maiv bun haaix dauh haih bungx waac-maux.”
17. BAAMH MIENH longx nyei siang-fiem-fingx se yiem Tin-Hungh daaih ( Ko^lo^si 3:9-11) “Laanh maiv dungx gorngv-baeqc nduov laanh, weic zuqc meih mbuo guangc meih
28 mbuo nyei loz-maengc caux loz-maengc zoux nyei sic, aengx duqv siang-maengc. Naaiv nyungc siang-maengc, zeix maanc muotc nyei Tin-hungh zanc-zanc zeix daaih siang nyei, gunv zoux gunv zuangv ninh nyei fangx zeiv weic bun meih mbuo haih hiuv nzengc ninh ganh……… ”
Ziouv Yesu hnangv haaix nor hnamv taux BAAMH MIENH nyei jauv-louc.
Yiem Siang-Ngaengc Waac bun mbuo buatc taux Ziouv Yesu hnangv haaix nor hnamv taux “BAAMH MIENH” nyei jauv-louc. Nyungc zeiv se hnangv: 1. BAAMH MIENH benx sin yaac benx orv, ndopv ( Body / Flesh ) Hnangv yiem Maako 5:28; 14:8; 13:20 nyei nyungc zeiv nor. 2. BAAMH MIENH maaih maengc ( Life )
Hnangv yiem Maako 3:4; 10:45; 8:35 nyei nyungc zeiv nor. 3. BAAMH MIENH maaih hnyouv, yaac haih hnamv ( Soul ) Hnangv yiem Matv^taai 23:37; Lugaa 10:27 nyei nyungc zeiv nor. 4. BAAMH MIENH maaih wuonh ( Spirit )
Hnangv yiem Maako 1:10; 13:11; 12:36 wuov nor. 5. BAAMH MIENH maaih cong-mengh ( Intelligence )
Hnangv yiem Matv^taai 15:19 nyei nyungc zeiv nor. 6. BAAMH MIENH haih ginv zoux duqv nyei ( Freedom )
Hnangv yiem Maako 4:3-20 nyei nyungc zeiv nor.
7. BAAMH MIENH oix zuqc ndaam-dorng ganh zoux nyei sic ( Responsibility ) Hnangv yiem Maako 9:42 nyei nyungc zeiv nor.
29
Baulo hnangv haaix nor hnamv taux BAAMH MIENH nyei jauv-louc.
Baulo se benx yietc dauh cuotv mengh nyei Gong-Zoh, ninh se benx yietc dauh njaaux leiz nyei mienh. Ninh gorngv taux baamh mienh pou-tong nyei eix-leiz se maaih ziex nyungc dongh mbuo oix zuqc hoqc hiuv nyei hnangv naaiv, 1. BAAMH MIENH se maaih oix zoux nyei hnyouv ( Desire )
Hnangv yiem Gaa^laa^tie 5:16-21 nyei nyungc zeiv nor. 2. BAAMH MIENH haih hnamv lorz gorn-baengx Hnangv yiem Lomaa 7:22-23 nyei nyungc zeiv nor. 3. BAAMH MIENH maaih hnyouv qaqv ( Will )
Hnangv yiem Lomaa 7:25 nyei nyungc zeiv nor.
4. BAAMH MIENH se zuiz-mienh maiv haih tengx ganh ( Sinner )
Hnangv yiem Lomaa 7:7:17-25 nyei nyungc zeiv nor. 5. BAAMH MIENH qiemx zuqc yiem zuiz zuoqc cuotv daaih.
( Redemption ) Hnangv yiem Lomaa 7:24-25 nyei nyungc zeiv nor.
6. BAAMH MIENH oix zuqc daic. (Maiv haih yietc liuz yiem.)
( Immortality ) Hnangv yiem 1 Ko^lin^to 15:45-50 nyei nyungc zeiv nor.
30
4 ZAANG
YIEM ZUIZ ZUOQC CUOTV DAAIH Baamh mienh yiem zuiz nyei buoz-ndiev cuotv daaih, naaiv se Ziouv Yesu zuoqc mienh yiem zuiz nyei buoz-ndiev cuotv daaih, Ziouv Yesu ceix bun dau dauh sienx yaac bungx hnyouv Ninh wuov deix mienh. Duqv njoux se sin, hnyouv, lingh wuonh yietc zungv yiem zuiz nyei buoz-ndiev njoux cuotv daaih. Duqv njoux nyei maengc se Tin-Hungh baeqc baeqc ceix bun baamh mienh hnangv, baamh mienh maiv haih longc haaix nyungc daaih daapc ziec Tin-Hungh nyei en. Ziouv Yesu yiem ziepc zangc jaax zuqc ding daic, zoux bun baamh mienh nyiemc gorngv Ziouv Yesu se dongh Njoux Ziouv. Ziouv Yesu weic baamh mienh zuqc daic, weic zuqc baamh mienh maiv haih tengx duqv ganh. Haaix dauh zipv Ziouv Yesu zoux Njoux Ziouv, wuov dauh ziouc yiem zuiz cuotv daaih aqv, wuov dauh maiv zoux zuiz nyei nouh gauv aqv. Ziouv Yesu zuoqc baamh mienh yiem zuiz cuotv daaih, se maaih buo nyungc dongh sienx yaac bungx hnyouv Ziouv Yesu nyei mienh duqv zipv nyei se
1. ZOIX YUNGZ DAAIH
Zoix yungz daaih nyei maengc se dongh sienx yaac bungx hnyouv Ziouv Yesu wuov deix mienh ganh duqv zipv nyei siang-maengc. Naaiv nyungc maengc se Tin-Hungh ceix daaih bun, naaiv nyungc maengc se maiv hnangv zinh ndaangc nyei loz-maengc. Zoix yungz daaih nyei maengc se bun daaih benx yietc kang yietc kang nyei hnangv naaiv: (1.1) Nyiemc ganh se zuiz-mienh.
Hiuv duqv ganh se zuiz mienh yaac haiz hnyouv mun gau taux ganh zoux jiex daaih nyei yietc zungv zuiz. Naaiv se benx da’yietv kang dongh Singx Lingh yiem mienh nyei hnyouv zoux gong bun wuov dauh
31 mienh zipv Ziouv Yesu daaih zoux ninh nyei Njoux Ziouv.
(1.2) Nyiemc ganh zoux nyei zuiz. Naaiv se benx Singx Lingh nyei da’nyeic kang gong. Singx Lingh yiem mienh nyei maengc tiuv ninh mbuo nyei hnyouv, bun ninh nyiemc ninh ziangh seix jiex daaih zoux nyei yietc zungv zuiz.
(1.3) Zoix yungz daaih.
Da’faam kang se Singx Lingh tiuv wuov laanh mienh nyei maengc benx siang-mienh. Wuov laanh mienh guangc ninh zoux nyei zuiz, gamh nziex zuiz. Ninh jiez gorn zoux kuv sic, yaac zoux Tin-Hungh eix nyei. Zoix yungz daaih nyei mienh se maiv zeiz ninh maiv haih zoux dorngc, weic zuqc ninh haih zoux dorngc yaac suei seix hnyouv nyei sic, ninh haih zoux dorngc nzunc baav nyei, mv baac Singx Lingh oix mbuox ninh, bun ninh haiz hnyouv mun yaac nyiemc dongh ninh zoux dorngc nyei, aengx jiez nzunc siang-gorn.
2. Fioux ganh cing-nzengc daaih.
Fioux ganh nyei maengc cing-nzengc daaih weic fongc horc bun Tin-Hungh. Naaiv se aengx benx yietc kang dongh sienx nyei mienh zoux nyei. Naaiv kang se daaux jienv zoix yungz daaih nyei daauh kang. Fioux ganh nyei maengc cing-nzengc daaih fongc horc bun Ziouv, naaiv se wuov laanh mienh nyunc bun Tin-Hungh gunv nzengc ninh nyei maengc, yaac ei jienv Ziouv nyei za’eix zoux, kaux yiem mbuo nyei maengc nyei Singx Lingh bun ganh nyei mengc hlo jienv faaux. Naaiv nyungc maengc se Ziouv nyei en ceix bun yietc seix hlo jienv faaux.
3. Mengh hoc caux njang-laangc.
Mengh hoc caux njang-laangc naaiv se benx hlang jiex wuov kang yaac benx nqa’haav laai wuov kang dongh Ziouv ceix
32 bun sienx bungx hnyouv ninh wuov deix mouz laanh mienh. Mouz dauh sienx nyei mienh oix duqv zipv mengh hoc caux njang-laangc dunh yunh nzengc se dongh Ziouv Yesu daaih gunv naaiv baamh gen wuov zanc. Taux wuov zanc dongh sienx Ziouv Yesu wuov deix, Ziouv zuoqc ninh mbuo nyei sin, hnyouv, lingh wuonh dunh yunh nzengc.
Yiem Ging-Sou gorngv taux yiem zuiz ZUOQC cuotv daaih.
1. Ziouv Yesu ganh ZUOQC lungh ndiev maanc mienh.
(Matv^taai 1:21 ) “Ninh oix duqv dauh dorn, meih oix zuqc tengx wuov dauh dorn cuotv mbuox heuc Yesu, weic zuqc ninh oix njoux ninh nyei baeqc fingx leih ndutv ninh mbuo nyei zuiz.”
2. Kungx maaih zoix yungz daaih nyei mienh hnangv duqv
bieqc tin-dorngh guoqv. (Yo^han 3:3-21) “Yesu dau, ‘Yie gorngv zien mbuox meih. Haaix dauh maiv yiem wuom caux Singx Lingh ganh siang-yungz jiex maiv duqv bieqc Tin-Hungh nyei guoqv………………Maiv gaengh maaih haaix dauh duqv faaux jiex tin-dorngh cuotv liuz yie, Baamh Mienh nyei Dorn, dongh yiem tin-dorngh njiec daaih wuov dauh. Loz-hnoi Mose yiem deic-bung-huaang hnangv haaix nor zorqv dongh naang an wuov dongc faaux hlang, yie, Baamh Mienh nyei Dorn, yaac oix hnangv wuov nor zuqc mienh zorqv liepc faaux hlaang, bun haaix dauh sienx kaux yie ziouc duqv yietc liuz nyei maengc. Tin-Hungh ndongc naaic hnamv lungh ndiev mienh cingx zorqv ninh nyei Ndoqc Dorn ceix bun ninh mbuo. Haaix dauh sienx kaux Tin-Hungh nyei Dorn maiv zuqc mietc mv baac duqv yietc liuz nyei maengc. Tin-Hungh paaiv ninh nyei Dorn njiec taux baamh gen maiv zeiz weic dingc baamh mienh nyei zuiz. Kungx oix bun baamh mienh duqv njoux hnangv…………..’ ”
33 3. Sienx yaac bungx hnyouv wuov deix biaux ndutv daic duqv
ziangh maengc. (Yo^han 5:24) “Yie gorngv zien mbuox meih mbuo, haaix dauh muangx yie nyei waac yaac sienx kaux paaiv yie daaih wuov dauh, ziouc duqv yietc liuz nyei maengc, yaac maiv zuqc dingc zuiz. Ninh biaux ndutv daic nyei jauv duqv ziangh maengc.”
4. Sienx Ziouv Yesu nyei mienh duqv yietc liuz nyei maengc.
(Yo^han 10:28-29) “Yie bun ninh mbuo maaih yietc liuz nyei maengc, yietc liuz maiv zuqc daic. Ninh mbuo yiem yie nyei buoz, maiv maaih haaix dauh haih caangv duqv cuotv. Yie nyei Die zorqv ninh mbuo jiu bun yie. Die yaac gauh hlo jiex maanc muotc. Ninh mbuo yiem yie nyei Die nyei buoz, maiv maaih haaaix dauh haih caangv duqv cuotv.”
5. Kungx maaih Ziouv Yesu ganh hnangv zuoqc mienh yiem
zuiz cuotv daaih, maiv maaih ganh dauh. (Gong-Zoh 4:12) “Cuotv liuz Yesu, maiv maaih haaix dauh haih bun mienh duqv njoux, weic zuqc yiem lungh ndiev maanc mienh, Tin-Hungh maiv ceix ganh norm mbuox weic bun mbuo duqv njoux.”
6. Baamh mienh duqv njoux se Tin-Hungh nyei en, maiv zeiz
kaux ganh zoux nyei kuv. (Gong-Zoh 15:11, E^fe^so 2:8-9) “…Mbuo sienx mbuo duqv njoux se weic Ziouv Yesu nyei en hnangv ninh mbuo nor.”
7. Weic sienx fim dorh mbuo biaux ndutv zuiz.
(Gong-Zoh 16:30-31) “.………Domh gorx aah! Yie oix zuqc hnangv haaix nor zoux cingx haih duqv njoux? Baulo mbuo dau, ‘Oix zuqc sienx kaux Ziouv Yesu, meih caux meih nyei yietc biauv mienh ziouc duqv njoux aqv.’ ”
34 8. Maiv goiv hnyouv nzuonx daaih nyei mienh, Tin-Hungh oix
siemv yaac dingc ninh mbuo nyei zuiz. (Gong-Zoh 17:30-31) “…………..Mv baac ih zanc Tin-Hungh hatc yietc zungv lungh ndiev norm-norm dorngx nyei mienh oix zuqc goiv hnyouv guangc zuiz. Weic zuqc Tin-Hungh dingc norm hnoi daaih siemv lungh ndiev mienh nyei zuiz. Ninh yaac longc dauh ninh ginv daaih nyei mienh baengh fim nyei siemv. Wuov laanh mienh daic mingh mv baac Tin-Hungh bun ninh nangc daaih bun zuangx mienh hiuv dingc za’gengh oix hnangv naaiv nor.”
9. Mouz laanh baamh mienh baamz zuiz, Ziouv Yesu daaih
weic baamh mienh nyei zuiz daic. (Lomaa 3:23-25) “Weic zuqc mouz dauh mienh zungv baamz zuiz, leih duqv Tin-Hungh nyei njang-laangc go. Mv baac Tin-Hungh baeqc baeqc ceix en, longc Giduc Yesu zuoqc mienh nzuonx ziouc bun mienh caux ninh horpc hnyouv daaih. Tin-Hungh jiu Yesu zoux ziec nyei ga’naaiv weic bun mienh sienx kaux Yesu nyei nziaamv ziouc duqv Tin-Hungh guangc zuiz. Tin-Hungh hnangv naaiv nor zoux biux mengh ninh se baengh fim nyei……………………..”
10. Sienx Ziouv Yesu nyei mienh hingh jiex daic nyei qaqv.
(Lomaa 6:5) “Se gorngv mbuo duqv caux Giduc juangc maengc daic, Tin-Hungh bun mbuo nangh daaih hnangv ninh bun Giduc nangh daaih, mbuo yaac duqv caux Giduc juangc maengc ziangh.”
11. Zoix yungz daaih nyei mienh nyei lingh wuonh yietc liuz
maiv daic. (Lomaa 8:1-16) “Ei baamh mienh nyei hnyouv hanc zoux wuov deix, kungx hnamv taux baamh mienh zoux nyei sic hnangv. Mv baac maaih Singx Lingh dorh wuov deix, hnamv taux Singx Lingh zoux nyei. Se gorngv bun baamh mienh nyei hnyouv gunv nor, zungv oix zuqc daic. Se gorngv Singx Lingh gunv, ziouc duqv ziangh maengc yaac duqv baengh orn……………Haaix dauh maiv maaih Giduc nyei Singx
35 Lingh, wuov dauh maiv zeiz ninh nyei. Se gorngv Giduc yiem meih mbuo nyei hnyouv, maiv gunv meih mbuo nyei sin oix zuqc laaix zuiz zuqc daic, meih mbuo nyei lingh wuonh duqv ziangh jienv weic zuqc meih mbuo caux Tin-Hungh lorpc hnyouv mi’aqv………….. ”
12. Caux Ziouv Yesu siouc kouv nyei mienh oix duqv buonc
Ziouv Yesu nyei njang-laangc. (Lomaa 8:17) “Mbuo zoux Tin-Hungh nyei naamh nyouz ziouc oix duqv nzipc Tin-hungh liouh bun ninh myei baeqc fingx nyei fuqv. Dongh Tin-Hungh liouh bun Giduc, mbuo yaac oix caux ninh juangc jienv nzipc. Se gorngv mbuo siouc kouv hnangv Giduc siouc kouv nor, mbuo yaac oix duqv buonc ninh nyei njang-laangc.”
13. Ih zanc buangh nyei kouv naanc maiv fungc beiv sienx nyei
mienh duqv zipv nyei njang-laangc. (Lomaa 8:18) “Yie funx mbuo ih zanc buangh nyei kouv naanc maiv fungc beiv Tin-Hungh oix hinc bun mbuo nyei njang-laangc.”
14. Muangx Ziouv nyei waac se dorh mbuo biaux ndutv zuiz
duqv njoux. (Lomaa 10:9-10) “Se gorngv meih nyei nzuih nyiemc, ‘Yesu zoux Ziouv, meih yaac longc hnyouv sienx Yesu daic mingh Tin-Hungh bun ninh aengx nangh daaih, meih ziouc duqv njoux aqv. Weic zuqc mbuo longc hnyouv sienx ziouc duqv caux Tin-Hungh horpc. Mbuo longc nzuih nyiemc Yesu zoux Ziouv, mbuo ziouc duqv njoux aqv.’ ”
15. Haaix dauh caux Giduc juangc maengc ziangh, wuov dauh
benx siang-zeix daaih. (2 Ko^lin^to 5:17-20) “Haaix dauh caux Giduc juangc maengc ziangh, wuov dauh benx sing-zeix daaih nyei mienh. Loz nyei nyungc-nyungc jiex nzengc, yietc zungv benx siang nyei daaih aqv. Naaiv yietc zungv Tin-Hungh zoux. Tin-Hungh longc Giduc bun mbuo caux ninh hoprc hnyouv yaac paaiv yie mbuo kuinx mienh daaih caux ninh horpc hnyouv. Yie mbuo zunh nyei
36 se Tin-Hungh longc Giduc bun maanc mienh caux ninh horpc hnyouv, yaac guangc, maiv funx mienh nyei zuiz. Ninh aengx paaiv yie mbuo mingh zunh mbuo mienh hnangv haaix nor haih duqv caux Tin-hungh horpc hnyouv……………..”
16. Giduc mienh maaih Ziouv Yesu Giduc nyei maengc.
(Gaa^laa^tie 2:20) “Yie caux Giduc juangc ding ziepc nzaangc jaax daic cingx daaih ih zanc ziangh jienv. Yie ih nzanc ziangh nyei maengc yie duqv ziangh weic zuqc yie sienx Tin-Hungh nyei Dorn, dongh hnamv yie yaac weic yie siev maengc wuov dauh. ”
17. Yiem Ziouv Yesu Giduc zoix yungz daaih nyei maengc.
(Gaa^laa^tie 5:22-25) “Mv baac Singx Lingh bun laanh haih hnamv laanh, bun mienh maaih njien-youh, maaih baengh orn, maaih noic, maaih hnyouv laanh korh lienh laanh, laanh zoux longx bun laanh, laanh kaux duqv zuqc laanh, zoux hnyouv suonc, gunv duqv ganh nyei buonh sin………………Za’gengh zoux Giduc Yesu nyei mienh wuov deix, zorqv ninh mbuo baamh mienh nyei eix, dongh ninh mbuo nyei hnyouv oix zoux nyei caux hnyouv hanc zoux nyei yietc zungv ding liuz ziepc nzaangc jaax mi’aqv. Mbuo kaux Singx Lingh ziangh jienv, ziouc oix zuqc bun Singx Lingh dorh mbuo.”
18. Maiv maaih haaix dauh kaux ganh zoux nyei kuv sic tengx ganh duqv njoux. (E^fe^so 2:8-9) “Se laaix Tin-Hungh nyei en meih mbuo cingx duqv njoux weic zuqc meih mbuo sienx ninh. Se maiv zeiz meih ganh zoux nyei, se Tin-Hungh ceix bun nyei zingh nyeic. Mienh duqv njoux se maiv zeiz kaux ganh zoux nyei sic, weic maiv bun haaix dauh haih bungx waac-maux.”
19. Tengx duqv njoux nyei sienx fim. (Hipv^lu 11:1-40)
“Sien fim se sienx dingc mbuo maaih lamh hnamv oix duqv nyei za’gengh oix duqv, yaac sienx dingc mbuo mangc maiv buatc nyei za’gengh maaih. Loz-hnoi mienh weic sienx Tin-
37 Hungh ziouc duqv Tin-Hungh a’hneiv ninh mbuo ………. Naaiv deix zuangx mienh daic nyei ziangh hoc ninh mbuo corc maaih sienx fim. Ninh mbuo maiv gaengh duqv zipv Tin-Hungh laengz bun nyei ………Weic naaiv Tin-Hungh maiv nyaiv ninh mbuo heuc ninh zoux ninh mbuo nyei Tin-Hungh ………Naaiv deix mienh duqv mengh dauh longx weic zuqc ninh mbuo maaih sienx fim, mv baac Tin-Hungh laengz bun nyei ninh mbuo maiv gaengh duqv zipv………”
20. Kungx sienx hnangv maiv ei jienv zoux se maiv lamh longc.
(Yaagorpc 2:14-26) “Yie nyei gorx-youz aac, haaix dauh gorngv ninh maaih sienx fim yaac maiv ei jienv nzuih gorngv nyei zoux nor, fungc maaih lamh longc? Ninh nyei sienx fim haih njoux ninh fai?………..Meih sienx kungx maaih nduqc dauh Tin-Hungh hnangv fai? Longx aqv. Liemh mienv yaac sienx, gamh nziex haic, sin zinx nzengc……….Hnangv naaic mbuo buatc nyei, mienh duqv caux Tin-Hungh horpc hnyouv se weic ninh mbuo zoux nyei sic, maiv zeiz kungx weic sienx hnangv………Se gorngv sin maiv maaih qiex, mienh ziouc daic mi’aqv. Sienx fim yaac fih hnangv nyei. Maiv ei jienv zoux se maiv lamh longc, hnangv daic mi’aqv nor.”
21. Sienx Ziouv Yesu nyei mienh yietc liuz caux Ziouv Yesu
juangc jienv gunv. (Laauc Yaangh 22:5) “………Weic zuqc Ziouv Tin-Hungh oix zoux ninh mbuo nyei njang. Ninh mbuo yietc liuz duqv zoux hungh gunv taux maanc gouv maanc doic.”
Yiem Loz-ngaengc Waac gorngv taux “Yiem zuiz zuoqc cuotv daaih” wuov joux waac nyei eix-leiz.
Yiem Loz-ngaengc Waac gorngv taux “Yiem zuiz zuoqc cuotv daaih” wuov joux waac nyei eix-leiz hnangv naaiv:
38 1. Tengx. 2. Dorh mingh taux maiv maaih hiuang-hienv nyei dorngx. 3. Dorh mingh taux duqv hingh jiex nyei dorngx. 4. Dorh mingh taux gunv zoux gunv longx jienv faaux. 5. Kungx maaih nduqc dauh Tin-Hungh hnangv haih zuoqc
duqv mienh yiem zuiz cuotv daaih.
Yiem Siang-Ngaengc Waac gorngv taux “Yiem zuiz zuoqc cuotv daaih” wuov joux waac nyei eix-leiz.
Yiem Siang-Ngaengc Waac gorngv taux “Yiem zuiz zuoqc cuotv daaih” wuov joux waac nyei eix-leiz. Yiem Gikc wuov joux waac se “Soteria” 1. Tengx sin zaangc nyei jauv fai nanv duqv zuqc nyei nyungc-
nyungc.
a. Tengx bungx nqoi maiv zuqc guoqv zangc nyei mienh zoux hoic. (Lugaa 1:69; 71) b. Tengx njoux cuotv mienh nyei maengc. (Gong-Zoh 27:34)
2. Tengx njoux mienh nyei lingh wuonh yietc liuz. Tin-Hungh njoux dongh sienx Ziouv Yesu wuov deix mienh biaux ndutv zuiz yietc liuz. (Gong-Zoh 4:12)
3. Ih zanc tengx jienv nyei.
Tengx biaux ndutv ih zanc buangh nyei youh nzauh, kouv naanc, naaiv se weic laaix zuiz zoux hoic nyei. (Fi^lipv^poi 2:12)
4. Hoz nqaang hingv oix tengx nyei.
Hoz nqaang hingv Ziouv Yesu nzuonx daaih gunv naaiv baamh gen wuov zanc Ziouv oix bungx nqoi yaac tengx mbuo. (1 Te^saa^lo^ni^gaa 6:9)
39 5. Duqv zipv Tin-Hungh nyei fuqv.
Longc nyei ziangh hoc se oix biux mengc taux Tin-Hungh ceix bun nyei fuqv. (Hipv^lu 5:9)
6. Biux mengh laengz zingh Tin-Hungh.
Hnangv buatc yiem Laauc Yaangh 7:10
5 ZAANG
TIN-HUNGH NYEI EN
Tin-Hungh nyei en wuov joux waac nyei eix-leiz se yietc zungv nyungc-nyungc ga’naaiv dongh Tin-Hungh baeqc baeqc ceix bun nyei en, baamh mienh maiv haih dorh haaix nyungc mingh daapc ziec duqv Tin-hungh nyei zingh en. Baamh mienh maiv horpc zipv Ziouv nyei en, mv baac Ziouv gengh korh lienh haic cingx zuoqc baamh mienh yiem zuiz cuotv daaih yaac njoux mienh yiem Saadaan nyei buoz-ndiev cuotv daaih. Tin-Hungh nyei za’eix biux mengh yiem Ging-Sou, oix mienh ei jienv Ging-Sou njaaux nyei zoux. Baamh mienh ei jienv Tin-Hungh nyei za’eix zoux, Ziouv oix mienh zoux kuv sic. Tin-Hungh nyei en njoux mienh yiem zuiz cuotv daaih, bun mienh goiv hnyouv zoix yungz daaih, yaac zipv Ziouv nyei njang-laangc. Maiv gaengh zeix lungh zeix ndau wuov zanc Ziouv zungv ginv ziangx baamh mienh daaih benx ninh nyei mienh. Eix-leiz se maiv zeiz Tin-Hungh ginv ninh hnamv nyei mienh hnangv. Ziouv hiuv ndaangc mi’aqv gorngv haaix dauh muangx ninh nyei waac yaac zipv ninh, haaix dauh maiv nyiemc ninh. Mouz dauh baamh mienh haih ginv duqv gorngv ninh oix zipv Tin-Hungh yiem ninh maengc fai maiv zipv. Ninh ginv ei ganh nyei m’zing buatc horpc nyei jauv zoux, mv baac hoz nqaang hingv ninh oix zuqc zipv dongh ninh ginv zoux nyei.
40 Za’gengh sienx Tin-Hungh nyei mienh ninh haih diev duqv youh nzauh kouv naanc, caux ziex nyungc seix hnyouv nyei sic diev taux naaiv gitv lungh ndiev nyei ziangh hoc jiex nzengc mingh. Tin-Hungh zuoqc daaih nyei mienh Ziouv longc Singx Lingh fioux ninh mbuo nyei maengc cing-nzengc daaih, Ziouv nyei en yaac goux longx ninh mbuo maiv bun dingx laaih. Sienx nyei mienh haih zoux zuiz weic laaix ninh mbuo lorx, yaac suei seix hnyouv nyei sic. Naaiv se zoux bun Singx Lingh hnyouv mun haic, yaac maiv haih duqv zipv Tin-Hungh nyei en, corc aengx zoux bun maiv sienx nyei mienh mangc piex Ziouv Yesu. Hnangv naaic, Ziouv oix dingc ninh nyei sin zoux dorngc nyei sic weic bun ninh nyei lingh wuonh duqv njoux. Mv baac dongh zoix yungz daaih wuov deix mienh Ziouv yietc liuz goux jienv ninh. Ging-Sou gorngv taux Tin-Hungh nyei en 1. Tin-Hungh nyei en hlo haic.
(Tin-Deic Douh 12:1-3) “…….Yie oix ceix fuqv bun meih, bun meih zoux yietc fingx hlo nyei mienh. Yie oix bun meih maaih mengh hoc. Meih yaac haih bun mienh duqv fuqv. Haaix dauh buang waac meih, yie ziouc ceix fuqv bun wuov dauh. Haaix dauh zioux meih, yie oix zioux wuov dauh. Weic meih yie oix ceix fuqv bun lungh ndiev fiangx-fingx mienh.”
2. Tin-Hungh nyei en ginv mbuo daaih.
(Cuotv I^yipv 18:5-8) “Se gorngv meih mbuo muangx yie nyei waac yaac ei jienv yie nyei ngaengc waac zoux, meih mbuo ziouc benx yie yiem maanc fingx mbu’ndongx ginv daaih nyei mienh. Naaiv lungh ndiev yietc zungv se yie nyei. Meih mbuo oix zoux yietc fingx sai mienh fuh sux yie, yaac benx yie nyei cing-nzengc fingx……………….”
41 3. Tin-Hungh nyei en ginv mbuo daaih yaac ceix ziex nyungc
fuqv bun mbuo. (Matv^taai 25:34) “……Meih mbuo naaiv deix yie nyei Die ceix fuqv nyei mienh aah! Gunv daaih aqv. Daaih zipv dongh zinh ndaangc zeix lungh zeix ndau wuov Tin-Hungh liuc leiz ziangx bun meih mbuo wuov norm guoqv.”
4. Tin-Hungh nyei en njoux mienh biaux ndutv zuiz.
(Lugaa 24:46-48) “…….Giduc oix zuqc siouc kouv. Daic mingh taux da’faam hnoi aengx nangh daaih. Oix zuqc dengv ninh nyei mbuox mingh zunh mbuox mienh goiv hnyouv guangc zuiz ziouc duqv Tin-Hungh guangc ninh mbuo nyei zuiz…….. ”
5. Tin-Hungh nyei en ginv mbuo ndaangc.
(Yo^han 15:16) “Maiv zeiz meih mbuo ginv yie, se yie ginv meih mbuo. Yie paaiv meih mbuo cuotv mingh ziangh biouv camv, dongh yietc liuz maiv haih waaic nyei biouv. Hnangv naaiv meih mbuo dengv yie nyei mbuox tengx Zangc Diex tov haaix nyungc, ninh ziouc ceix wuov nyungc bun meih mbuo.”
6. Zoix yungz daaih nyei mienh maiv zuqc mietc.
(Yo^han 17:12) “Yie corc caux ninh mbuo yiem nyei ziangh hoc, yie longc Die maaih hatc maaz nyei mbuox, dongh Die bun yie wuov norm mbuox, beu jienv ninh mbuo. Yie goux ninh mubo, maiv bun haaix dauh laaih zietc, cuotv liuz dingc ziangx zuqc mietc wuov dauh. Ninh zuqc mietc weic bun sic cuotv daaih doix Ging-Sou fiev jienv nyei waac.”
7. Tin-Hungh nyei en, ceix baamh mienh yaac ceix zingh nyeic bun. (Gong-Zoh 20:32) “Ih zanc yie zorqv meih mbuo jiu bun Tin-Hungh caux ninh ceix en nyei doz. Naaiv doz haih ceix meih mbuo jiez daaih yaac bun meih mbuo caux ninh myei cing-nzengc mienh duqv nzipc meih mbuo nyei buonc.”
42 8. Win-wangv maivh haih zoux hoic sienx Ziouv nyei mienh.
(Lomaa 8:28-39) “Mbuo hiuv duqv Tin-Hungh bun hnamv ninh, dongh ei ninh nyei za’eix heuc daaih wuov deix, yiem maanc sic duqv longx……Hnangv naaic, mbuo oix zuqc hnangv haaix nor gorngv? Se gorngv Tin-Hungh tengx mbuo, haaix dauh haih hingh duqv mbuo? ………Haaix dauh haih gorx Tin-Hungh ginv daaih nyei mienh? Tin-Hungh ganh gorngv ninh mbuo maiv maaih zuiz………. ”
9. Mbuo duqv njoux se Tin-Hungh nyei en ceix, maiv zeiz kaux
ganh zoux nyei kuv sic. (Lomaa 11:6-7) “Tin-Hungh ginv ninh mbuo daaih se ei ninh nyei en hnangv. Maiv zeiz ninh mbuo ganh zoux haaix nyungc. Se gorngv Tin-Hungh ei mienh zoux nyei ginv nin mbuo nor, ninh nyei en se maiv zeiz zien en aqv. Wuov nyungc hnangv haaix nor? I^saa^laa^en Mienh lorz nyei, ninh mbuo maiv buatc. Dongh Tin-hungh ginv daaih zoqc nyei wuov deix duqv buatc hnangv. Zengc njiec wuov deix hnyouv ngaengc mi’aqv.“
10. Maiv gaengh zeix lungh zeix ndau wuov zanc Ziouv zungv
ginv ziangx mbuo mi’aqv. Naaiv se Tin-Hungh nyei en. (E^fe^so 1:4-5) “Yiem maiv gaengh zeix lungh zeix ndau wuov zanc, Tin-Hungh zungv ginv mbuo daaih bun mbuo kaux Giduc benx ninh nyei mienh, yiem ninh nyei nza’hmien cing-nzengc, maiv lamh gorngv dorngx. Tin-Hungh hnamv mbuo ziouc jaa-ndaangc dingc ziangx longc Giduc bun mbuo benx ninh nyei Dorn. Naaiv se ei ninh ganh nyei za’eix yaac horpc ninh nyei hnyouv.”
11. Baamh mienh duqv njoux se Ziouv nyei en ceix caux ninh
mbuo maaih nyei sienx fim. (E^fe^so 2:8-9) “Se laaix Tin-Hungh nyei en meih mbuo cingx duqv njoux weic zuqc meih mbuo sienx ninh. Se maiv zeiz meih mbuo ganh zoux nyei, se Tin-Hungh ceix bun nyei zingh nyeic. Mienh duqv njoux se maiv zeiz kaux ganh zoux nyei sic, weic maiv bun haaix dauh haih bungx waac-maux.”
43 12. Tin-Hungh nyei en oix goux jienv sienx nyei mienh taux
siemv zuiz nyei hnoi. (2 Ti^mo^tai 1:12) “Weic naaiv kuv fienx yie ih zanc hnangv naaiv nor siouc kouv. Mv baac yie maiv nyaiv, weic zuqc hiuv duqv yie sienx nyei se haaix dauh yaac hiuv dingc yie jiu bun ninh nyei, ninh haih beu jienv taux siemv zuiz wuov hnoi.”
13. Tin-Hungh hiuv duqv ninh ginv daaih nyei dauh dauh mienh. (2 Ti^mo^tai 1:19) “Mv baac Tin-Hungh liepc daaih nyei gorn-ndoqv se wuonv haic yaac maaih yienx nqaapv jienv gorngv, ‘Ziouv hiuv duqv haaix dauh zoux ninh ganh nyei mienh,’ yaac gorngv, ‘Haaix dauh nyiemc Ziouv nyei mbuox, wuov dauh oix zuqc guangc nzengc yietc zungv waaic sic.’ ”
14. Tin-Hungh longc Ziouv Yesu ceix ninh nyei en njiec taux
baamh mienh. (1 Bide 1:13) “Weic naaiv oix zuqc liuc leiz ziangx hnyouv, oix zuqc gunv jienv ganh yaac zanc-zanc hnamv jienv Yesu aengx daaih wuov zanc ninh oix ceix bun meih mbuo nyei en.”
Yiem Loz-Ngaengc Waac gorngv taux
“Tin-Hungh nyei en.” Yiem Loz-Ngaengc Waac longc Hipv^lu waac se “Hen” (Hen) wuov joux waac biux mengh taux Tin-hungh nyei en. Se maaih hnangv naaiv, 1. Kungx maaih Tin-Hungh hnangv ceix en bun lungh ndiev
maanc mienh. 2. Tin-Hungh nyei en se baeqc baeqc ceix bun baamh mienh,
baamh mienh maiv haih zoux haaix nyungc daapc ziec Ziouv nyei en zingh, baamh mienh maiv haih dorh ganh zoux nyei kuv sic (Merit) mingh tiuv duqv.
44 3. Tin-Hungh nyei en se maaih jiex mingh naaiv deix zorpc
jienv.
( 3.1 ) Hnamv. (Love) ( 3.2 ) Korh lienh. (Pity) ( 3.3 ) Korh lienh. (Mercy) ( 3.4 ) Oix bun duqv longx. (Goodwill) ( 3.5 ) Guangc nqoi zoux dorngc nyei sic. (Pardon) ( 3.6 ) A’hneiv. (Favour)
Yiem Siang-Ngaengc Waac gorngv taux “Tin-Hungh nyei en.”
Yiem Siang-Ngaengc Waac gorngv taux Tin-Hungh nyei en caux Loz-Ngaengc Waac gorngv daaih fih hnangv nyei. Yiem Siang-Ngaengc Waac aemgx tipv deix gauh muonc deix hnangv naaiv,
1. Gikc waac longc gorngv taux “Tin-Hungh nyei en” daauh
joux se “charis.” Naaiv joux waac se longc tipv jienv Hipv^lu Waac nyei eix-leiz se,
1.1 Tipv jienv a’hneiv. (Delight) 1.2 Tipv jienv Nzueic. (Beauty) 1.3 Tipv jienv Njang-laangc. (Gracefulness) 1.4 Zoux bun maaih en-zingh. (Gratitude) 1.5 Zoux bun nyungc-nyungc hungh hec. (Easy) 1.6 Zoux bun nyungc-nyungc longx daaih. (Good)
2. Da’nyeic joux gorngv taux “Tin-Hungh nyei en” Gikc
Waac longc “Euprepeeia” wuov joux waac, naaiv joux waac se longc tipv jieev Hipv^lu Waac nyei eix-leiz se, 2.1 Zoux bun hmien-mueic nzueic. 2.2 Zoux bun sin-pei nzueic. (Good Appearance)
45
6 ZAANG
JIU-BAANG Ziouv Yesu nyei jiu-baang ei jienv Siang-Ngangc Waac nyei nyungc zeiv nor se sienx nyei wuov guanh mienh ei jienv Ziouv Yesu njaaux nyei jiex wuom nyei leiz, juangc yietc nyungc sienx yaac juangc jienv gong zoux. Sienx nyei mienh kaux wuonv yaac ei jienv 2 nyungc leiz zoux se jiex wuom nyei leiz caux nyanc singx hnaangx. Ninh mbuo ei jienv Ziouv Yesu njaaux nyei leiz zoux maiv bungx ndortv yietc nyungc. Naaiv deix sienx nyei mienh longc Singx Lingh ceix bun nyei zingh nyeic fuh sux Ziouv, yaac fuh sux mienh. Longc jienv jiex, naaiv guanh sienx nyei mienh zoux nyei gong se zunh kuv fienx mingh gormgx naaiv lungh ndiev, zunh taux sienx Ziouv Yesu nyei mienh ziouc biaux ndutv zuiz duqv njoux. Sienx Ziouv nyei guanh gapv daaih benx jiu-baang, se maiv gaengh maaih haaix norm gorn gunv ninh mbuo, se maaih Ziouv Yesu benx ninh mbuo nyei bieiv. Goux jiu-baang nyei za’eix se longc “Tin-Hungh zoux Ziouv.” (Theocracy) Ninh mbuo longc Tin-Hungh nyei za’eix yaac muangx Tin-Hungh dorh ninh mbuo tengx ninh mbuo liuc leiz nyungc-nyungc sic. Cuotv liuz naaiv ninh mbuo aengx muangx “Mienh gauh camv dingc nyei” (Demoracy) daaih liuc leiz ninh mbuo zoux nyei gong. Yiem jiu-baang naaiv guanh sienx nyei dauh dauh mienh goqc mienh maaih goqc mienh nyei gong zoux ei Tin-Hungh mangc nor ninh mbuo mouz laanh mienh nyei gong se fih hnangv fih ndongc longc jienv nyei. Tin-Hungh ceix bun nyei zingh nyeic se maiv fih hnangv, weic oix bun mouz laanh mienh longc ziex nyungc zingh nyeic zoux ziex nyungc gong fuh sux Ziouv yaac fuh sux mienh.
Jiu-baang nyei gong bun nqoi daaih se maaih hnangv naaiv.
46 1. Goux jiu-baang mienh, fai jiu-baang mienh gox. 2. Liuc leiz jiu-baang gu’nyuoz nyei gong-mienh. 3. Aengx maaih ganh nyungc gong, se dauh dauh sienx Ziouv
nyei mienh zoux nyei gong.
Ging-Sou gorngv taux jiu-baang nyei jauv-louc.
1. Ziouv Yesu zoux jiu-baang nyei gorn ndoqv.
(Matv^taai 16:18) “Yie ziouc mbuox meih, meih dongh Bide. Yie oix liepc yie nyei jiu-baang yiem naaiv norm la’bieiv gu’nguaaic. Daic nyei qaqv yietc liuz maiv haih hingh jiu-baang.”
2. Ziouv Yesu jiu Tin-Hungh nyei guoqv nyei forv-zeih (Duqv njoux) bun jiu-baang. (Dauh dauh sienx nyei mienh.) (Matv^taai 16:19) “Yie oix jiu Tin-Hungh nyei guoqv nyei forv-zeih bun meih. Meih yiem naaiv lungh ndiev ndoh haaix nyungc, yiem wuov tin-dorngh wuov nyungc yaac zuqc ndoh aqv. Meih yiem naaiv lungh ndiev bungx haaix nyungc, yiem wuov tin-dorngh ziouc bungx wuov nyungc aqv.”
3. Jiu-baang maaih hatc maaz siemv sienx nyei mienh zoux nyei
sic. (Matv^taai 18:17) “Se gorngv wuov dauh corc maiv muangx ninh mbuo nor, oix zuqc zorqv naaiv deix sic mbuox nzengc jiu-baang. Ninh corc maiv kangv muangx jiu-baang nor, oix zuqc funx ninh se hnangv maiv sienx nyei mienh fai tengx Lomaa hungh jaa siou nzou nyei mienh.”
4. Tin-Hungh muangx jiu-baang mienh daux gaux nyei waac.
(Sienx nyei mienh gapv zunv daux gaux.) (Matv^taai 18:19-20) “Yie aengx mbuox meih mbuo, se gorngv meih mbuo yiem naaiv baamh gen maaih i dauh mienh dongh hnyouv gapv eix daux gaux tov haaix nyungc, yie nyei Tin-dorngh Diex zungv weic meih mbuo zoux
47 ziangx nzengc. Weic zuqc maiv gunv yiem haaix normx dongx, maaih i buo dauh mienh dengv yie nyei mbuox gapv zunv, yie ziouc yiem ninh mbuo mbu’ndongx.”
5. Yiem jiu-baang maaih 2 nyungc longc jienv oix zuqc zoux
nyei. (Gong-Zoh 2:41-42) “Mienh camv nyei sienx Bide nyei waac ziouc jiex wuom nyei leiz. Dongh wuov hnoi maaih leih maiv go mbuo cin dauh mienh tim bieqc gong-zoh mbuo nyei guanh. Ninh mbuo longc hnyouv muangx gong-zoh mbuo njaaux leiz yaac lomh nzoih jiu tong, juangc maeqv njuoz yaac daux gaux.”
6. Tin-Hungh dorh jienv sienx nyei mienh gapv hnyouv daaih
ceix jiu-baang. (Gong-Zoh 2:47) “……….Zuangx mienh yaac taaih ninh mbuo. Ziouv hnoi-hnoi bun duqv njoux nyei mienh tim bieqc ninh mbuo nyei guanh.”
7. Tin-Hungh maaih hatc maaz gunv jienv jiu-baang. (Gong-Zoh 5:11-14) “Zuangx jiu-baang caux haiz naaiv deix jauv-louc nyei mienh za’gengh! gamh nziex haic aqv. (Aa^naa^nie caux ninh nyei auv gorngv-baeqc nduov Singx Lingh, liuz ninh mbuo ziouc daic mi’aqv. )……….Hnoi-hnoi maaih m’jangc m’sieqv sienx Ziouv, tim bieqc ninh mbuo wuov guanh camv nyei.”
8. Yiem jiu-baang bun daaih maaih 2 nyungc longc jienv nyei
gong. (Gong-Zoh 6:2-6) “Ziepc nyeic dauh gong-zoh ziouc heuc sai-gorx mbuo daaih zunv, mbuox ninh mbuo, ‘Yie mbuo guangc jienv Tin-Hungh nyei doz maiv zunh, mingh liuc leiz auv-guaav se maiv horpc. Gorx-youz aah, yiem meih mbuo naaiv gu’nyuoz oix zuqc ginv dieh dauh mienh, dongh maaih mengh dauh longx, maaih Singx Lingh buangv hnyouv, yaac maaih cong-mengh nyei mienh. Yie mbuo ziouc paaiv ninh mbuo liuc leiz naaiv deix gong. Yie mbuo ziouc haih longc nzengc hnyouv daux gaux, zunh Tin-Hungh nyei doz. Zuangx mienh haiz naaiv
48 deix waac ninh mbuo horpc hnyouv nyei……Zuangx mienh dorh naaiv deix sai-gorx mingh gong-zoh mbuo wuov, gong-zoh mbuo ziouc maan jienv ninh mbuo daux gaux.’ ”
9. Jiu-baang longc jienv haih nyei gong se zunh kuv fienx.
(Gong-Zoh 13:1-3) “Yiem An^ti^okc jiu-baang maaih deix Tin-Hungh nyei douc waac mienh caux deix njaaux leiz nyei fin-saeng……Ninh mbuo baaix Tin-Hungh yaac zei maiv nyanc haaix nyungc wuov zanc Singx Lingh mbuox ninh mbuo, ‘Paaiv Mbaa^naa^mbatc caux Sau^lo cuotv mingh weic zoux yie oix heuc ninh mbuo zoux nyei gong.’ ”
10. Norm-norm jiu-baang horpc zuqc maaih goux jiu-baang
mienh fai jiu-baang nyei mienh gox. (Gong-Zoh 14:23) “Yiem norm-norm jiu-baang ninh mbuo orn mienh zoux mienh gox. Ninh mbuo daux gaux, zei maiv nyanc haaix nyungc ziouc zorqv naaiv deix mienh gox fungx bun ninh mbuo sienx kaux wuov dauh Ziouv.”
11. Singx Lingh orn dorh jiu-baang nyei mienh.
(Gong-Zoh 20:28) “Meih mbuo oix zuqc mbungh jienv oc. Oix zuqc goux longx meih mbuo ganh yaac goux longx Singx Lingh bun meih mbuo goux wuov deix mienh. Oix zuqc goux Tin-Hungh nyei jiu-baang, dongh ninh longc ninh nyei Dorn nyei nziaamv maaiz nyei jiu-baang, hnangv yungz yungh nyei mienh goux ninh mbuo nyei yungh nor. ”
12. Sienx Ziouv Yesu nyei mienh yietc zungv se Tin-Hungh nyei singx dinc. (Jiu-baang.) (1 Ko^lin^to 3:16-17) “Meih mbuo maiv hiuv fai? meih mbuo se Tin-Hungh nyei singx dinc. Tin-Hungh nyei Singx Lingh yaac yiem meih mbuo gu’nyuoz. Se gorngv haaix dauh zoux waaic Tin-Hungh nyei singx dinc, Tin-Hungh oix mietc wuov dauh, weic zuqc Tin-hungh nyei dinc se cing-nzengc nyei. Meih mbuo yaac zoux ninh nyei singx dinc.”
49 13. Jiu-baang nyei gong se oix zuqc goux jienv mouz dauh sienx
nyei mienh nyei lingh wuonh. (1 Ko^lin^to 5:4-5) “Meih mbuo dengv Ziouv Yesu nyei mbuox gapv zunv nyei ziangh hoc, yie nyei hnyouv yaac caux meih mbuo yiem, aengx maaih mbuo nyei Ziouv Yesu nyei qaqv caux meih mbuo yiem, meih mbuo oix zuqc zorqv naaiv dauh mienh jiu bun Saadaan mietc ninh nyei sin. Hnangv naaic, taux Ziouv Yesu aengx daaih nyei hnoi haih njoux duqv ninh nyei lingh wuonh.”
14. Jiu-baang oix zuqc liuc leiz zunh doz mienh nyei pienh fuix.
(1 Ko^lin^to 9:13-14) “Meih mbuo maiv hiuv duqv fai? Yiem zangc Tin-Hungh nyei biauv zoux gong nyei mienh duqv wuov norm biauv nyei nyanc hopv. Yiem ziec-dorngh longc saengh kuv ziec bun Tin-Hungh wuov deix sai mienh yaac duqv buonc wuov deix orv. Fih hnangv nyei, Ziouv yaac paaiv da’faanh zunh kuv fienx nyei mienh oix zuqc kaux kuv fienx yungz maengc.”
15. Jiu-baang se Giduc nyei sin yiem naaiv baamh gen.
(E^fe^so 1:22-23) “Tin-Hungh yaac zorqv maanc muotc hietv Giduc nyei zaux-ndiev, paaiv ninh zoux jiu-baang nyei m’nqorngv gunv jiu-baang nyei nyungc-nyungc. Jiu-baang se Giduc nyei sin yaac zoux bun Giduc dunh yunh nzengc. Giduc bun nyungc-nyungc dunh yunh nzengc wuov dauh.”
16. Ziouv Yesu nyei hatc maaz gunv jienv jiu-baang.
(E^fe^so 5:22-32) “…..Giduc zoux jiu-baang nyei m’nqorngv wuov nor. Jiu-baang zoux Giduc nyei sin, Giduc yaac zoux jiu-baang nyei Njoux Ziouv. Jiu-baang hnangv haaix nor mbuoqc Giduc, auv yaac oix zuqc hnangv wuov nor yiem maanc sic mbuoqc ninh nyei nqox. Zoux nqox nyei mienh aah! Oix zuqc hnamv ganh nyei auv hnangv Giduc hnamv jiu-baang, yaac weic jiu-baang siev ninh nyei maengc weic jiu-baang cing-nzengc daaih. Ninh longc wuom yaac longc ninh nyei doz nzaaux jiu-baang weic zorqv jiu-baang fungx bun ninh ganh, benx njang-laangc nyei jiu-baang, maiv lamh
50 daanh dorngx nyei jiu-baang……Weic zuqc mbuo dauh dauh zoux Giduc nyei sin nyei yietc nyungc………… ”
17. Goux jiu-baang nyei mienh gox oix zuqc hnangv haaix nor?
(1 Ti^mo^tai 3:1-7) “……..’Haaix dauh maaih hnyouv oix zoux jiu-baang nyei mienh gox, wuov dauh oix zoux nyei se longx haic nyei gong.’ Jiu-baang nyei mienh gox oix zuqc zoux maiv maaih dorngx daanh nyei mienh, longc nduqc dauh auv, haih zanv ganh, gunv duqv ganh, zoux dorh leiz nyei mienh, maaih hnyouv zipv kaeqv, yaac haih njaaux mienh. Ninh maiv hengx hopv diuv, maiv zoux ciouv mborqv mienh, hnyouv suonc nyei, maiv oix caux mienh nzaeng jaax, yaac maiv mauv nyaanh. Oix zuqc haih gunv duqv longx ganh nyei hmuangv doic, njaaux ganh nyei fu’jueiv taaih ninh, muangx ninh nyei waac. Haaix dauh mienh maiv haih gunv duqv ganh nyei hmuangv doic ninh hnangv haaix nor haih goux Tin-Hungh nyei jiu-baang? Siang-sienx nyei mienh maiv horpc zuqc zoux jiu-baang nyei mienh gox. Nzauh heix ninh haih ceng-hlo ziouc zuqc dingc zuiz hnangv mienv nyei hungh zuqc dingc zuiz wuov nor. Zoux mienh gox nyei mienh oix zuqc dongh jiu-baang ga’nyiec nyei mienh funx mengh hoc longx nyei mienh, ninh ziouc maiv zuqc mienh daanh yaac maiv zuqc mienv nyei hungh zaeng koux hlopv ninh.”
18. Jiu-baang nyei borng buoz mienh oix zuqc hnangv haaix nor?
(1 Ti^mo^tai 3:8-13) “Jiu-baang nyei borng-buoz mienh fih hnangv nyei oix zuqc maaih mengh dauh longx nyei, gorngv nyei waac haih kaux duqv wuonv nyei, maiv hengx hopv diuv, yaac maiv mauv baeqc zoih. Ninh mbuo oix zuqc sienx wuonv Tin-Hungh bun mbiaangx yaangh cuotv daaih nyei doz, bun ganh nyei hnyouv maiv lamh guaix ganh. Haaix dauh oix zoux borng-buoz mienh oix zuqc seix ninh mbuo ndaangc. Buatc ninh mbuo maiv maaih dorngx daanh nor, gunv paaiv ninh mbuo zoux naaiv nyungc gong aqv. Ninh mbuo nyei auv yaac fih hnangv nyei oix zuqc maaih mengh dauh longx, maiv gorngv waac-huv, haih zanv duqv ganh,
51 yiem maanc sic yaac zoux hnyouv zingx nyei mienh. Borngz-buoz mienh oix zuqc longc nduqc dauh auv hnangv, yaac haih gunv duqv longx ganh nyei fu’jueiv caux biauv zong mienh. Ninh mbuo zoux duqv gong longx ziouc duqv mienh taaih yaac yietc zei sienx longx, bungx laangc nyei zunh Giduc Yesu nyei doz.”
“Jiu-baang” wuov joux waac nyei eix-leiz. Yiem Siang-Ngaengc Waac longc 2 joux waac gorngv taux jiu-baang. 1. KYRIAKE
Naaiv joux waac Gikc nyei waac eix-leiz se “Benx Tin-Hungh nyei.”
2. EKKLESIA
Naaiv se benx yietc joux Gikc nyei waac longc heuc jiu-baang, naaiv joux waac nyei waac gorn se yiem “Mienh camv gapv zunv” wuov joux waac daaih.
Hnangv naaic, dorh naaiv deix i joux waac daaih gapv jienv heuc Tin-Hungh nyei jiu-baang, mbuo ziouc hiuv duqv eix-leiz se “Dongh Tin-Hungh ginv daaih nyei mienh camv gapv zunv daaih ceng yaac ei jienv Tin-Hungh nyei za’eix zoux.” Maiv gunv zinh ndaangc jiez gorn wuov zanc “Ekklesia” (Ekv^kli^sie) naaiv joux waac se longc buangv nzengc, liemh maiv sienx nyei mienh gapv zunv m’daaih juangc naaiv joux waac. Mv baac Giduc mienh ginv 2 joux waac daaih longc bun buatc mengh nyei se caux ganh nyungc mienh gapv zunv daaih nyei maiv fih hnangv, se maaih lengc jeiv nyei hnangv naaiv, 1. Tengx siang-sienx nyei mienh jiex wuom nyei leiz. 2. Gapv zunv nyanc singx hnyaangx nyei ziangh hoc. 3. Nzunc-nzunc zoux leiz baaix nyei ziangh hoc se maaih zunh
doz caux jienv.
52 4. Lomh nzoih gapv zunv hoqc Ging-Sou. 5. Yiem sienx nyei guanh se laanh hnamv laanh. 6. Dongh sienx nyei mienh maaih lamh hnamv nyei se Ziouv
Yesu nzuonx da’nyeic-nzunc. Yiem Loz-Ngaengc Waac longc yietc joux gorngv taux “Jiu-baang” hnangv, se longc “QAHAL” wuov joux waac. Yiem Gikc wuov buonv Ging-Sou heuc “Sepv duo jenh.” Eeix-leiz faan “QAHAL” wuov joux waac daaih benx “ECCLESIA” leih maiv go 100 nzunc. Mbuo mangc liuz longc waac yiem haaix daaih, mbuo yaac hiuv duqv ziex joux waac nyei eix-leiz zoux bun mbuo hiuv duqv “Jiu-baang” wuov joux waac nyei eix-leiz mengh nyei. Mbuo haih gorngv taux eix-leiz nangv-nangv nor hnangv naaiv, 1. Tin-Hungh nyei mienh gapv zunv.
(Zunh Doic Duoh 30:13) 2. Mienh gapv zunv daaih weic maaih nyungc baav lengc jeiv
nyei. (Gong-Zoh 12:5) 3. Tin-Hungh ginv mbuo daaih kaux Giduc benx ninh nyei
mienh. (E^fe^so 1:4) 4. Giduc mienh duqv Tin-Hungh nzaaux cing-nzengc.
(Laauc Yaangh 20:9) 5. Sienx wuov Tin-Hungh nyei waac wuov deix mienh.
(Gong-Zoh 11:26) 6. Nyunc zoux Ziouv nyei bou wuov guanh mienh.
(Gaa^laa^tie 5:13) 7. Tin-Hungh ginv daaih nyei mienh.
(1 Bide 2:9) 8. Tin-Hungh nyei biauv zong mienh.
(Hipv^lu 3:2-6) 9. Yiem Ziouv nyei buoz-ndiev.
(1 Bide 3:18-22) 10. Tin-Hungh nyei ba’gi yungh.
(Gong-Zoh 20:28) 11. Tin-Hungh nyei sin.
(Lomaa 12:5)
53 12. Maengc nyei gorn-nyuonh.
(Lomaa 5:12-21)
7 ZAANG
JIEX WUOM NYEI LEIZ Jiex wuom nyei leiz wuov deix Giduc mienh se dongh sienx Ziouv Yesu yaac bungx hnyouv Ziouv Yesu wuov deix mienh. Dengv Diex Dorn caux Singx Lingh nyei mbuox jiex wuom nyei leiz, jiex leiz se ziangh dauh mienh ziemx muotv nzengc. Jiex wuom nyei leiz se biux mengh bun mienh hiuv duqv ninh gengh sienx Ziouv Yesu. Sienx Ziouv Yesu yiem ziepc zaangc jaax zuqc ding daic, weic dongh nyiemc Ziouv Yesu zoux Ziouv wuov deix mienh nyeiz zuiz. Yaac sienx Ziouv Yesu zuqc biopv jienv aengx nangh daaih tengx mbuo duqv njoux.
Jiex wuom nyei leiz se maaih 2 nyungc eix-leiz hnangv naaiv
1. Ninh dorng zuangx nyei nyiemc Ziouv Yesu zoux ninh nyei
Njoux Ziouv. Yaac sienx Ziouv Yesu gengh tengx ninh duqv njoux, ninh se kungx maaih Tin-Hungh zoux ninh ziangh maengc Ziouv hnangv.
2. Weic zoux jangx-hoc. Dongh muotv dangh njiec wuom wuov
zanc, ninh nyei loz-maengc caux Ziouv Yesu daic mi’aqv. Yiem wuov wuom cuotv daaih wuov zanc ninh caux Ziouv Yesu nangh daaih. Jiex wuom nyei leiz se zoux daauh nyungc zingx ginx gorngv, ninh caux Ziouv Yesu juangc maengc ziangh jienv aqv.
54 Pou-tong nyei jiu-baang, ninh mbuo kungx funx jiex liuz wuom nyei leiz wuov deix za’gengh benx jiu-baang guanh hnangv.
Yiem Ging-Sou gorngv taux Jiex Wuom nyei Leiz.
1. Ziouv Yesu ganh jiex wuom nyei leiz weic zoux nyungc zeiv
bun sienx nyei mienh. (Matv^taai 3:13-17) “Wuov zanc Yesu yiem Gaa^li^li mingh Jor^ndaen Ndaaih, oix Yo^han tengx ninh jiex wuom nyei leiz. Mv baac Yo^han oix Yesu goiv za’eix, ninh ziouc gorngv, ‘Horpc zuqc meih tengx yie jiex leiz, mv baac meih daaih lorz yie?’ Yesu dau Yo^han, ‘Meih gunv tengx yie aqv. Mbuo hnangv naaiv nor zoux, mbuo ziouc ei jienv Tin-Hungh oix zoux nyei zoux zianghx.’ Yo^han ziouc tengx aqv………………..”
2. Ziouv Yesu hatc jienv sienx nyei mienh oix zuqc jiex wuom
nyei leiz. (Matv^taai 28:19-20) “Weic naaiv meih mbuo oix zuqc mingh njaaux maanc fingx mienh zoux yie nyei sai-gorx. Oix zuqc dengv Die, Dorn caux Singx Lingh nyei mbuox tengx ninh mbuo jiex wuom nyei leiz, yaac njaaux ninh mbuo ei nzengc yie mbuox meih mbuo zoux nyei nyungc-nyungc. Jangx jienv oc. Yie yietc liuz caux meih mbuo yiem taux baamh gen nyei nyutc zeiv jiex.”
3. Jiex wuom nyei leiz se benx goiv hnyouv nyei jangx-hoc.
(Yo^han 3:23) “Wuov zanc Yo^han yaac tengx mienh jiex wuom nyei leiz. Ninh yiem Ai^non Mungv, leih Saa^lim Mungv maiv nangc go, weic zuqc wuov norm dorngx maaih wuom camv. Mienh zanc-zanc mingh wuov lorz Yo^han, oix ninh tengx jiex leiz.”
55 4. Jiex liuz wuom nyei leiz ziouc benx Ziouv Yesu nyei sai-
gorx. (Gong-Zoh 2:41) “Mienh camv nyei sienx Bide nyei waac ziouc jiex wuom nyei leiz. Dongh wuov hnoi maaih leih maiv go buo cin dauh mienh tim bieqc gong-zoh mbuo nyei guanh.”
5. Jiex wuom nyei leiz se dorng zuangx nyiemc Ziouv Yesu
nyei jangx-hoc. ( Gong-Zoh 8:34-39 ) “Wuov dauh domh jien naaic Filipv, ‘Tov meih mbuox yie oc. Naaiv dauh douc waac mienh gorngv zuqc haaix dauh?’……….Filipv ziouc jiez gorn longc naaiv douc Ging-Sou gorngv Yesu nyei kuv fienx bun domh jien muangx. Ninh mbuo zueiz jienv maaz-cie mingh gau, taux norm dorngx buatc maaih wuom nyei. Wuov dauh jien gornv, ‘Mangc gaax, naaiv maaih wuom nyei. Maaih haaix nyungc bun yie maiv gaengh haih jiex duqv wuom nyei leiz fai?’ Filipv dau, ‘Se gorngv meih liepc dingc hnyouv sienx, jiex duqv nyei lorqc’ Wuov dauh jien gorngv, ‘Yie sienx aqv. Yie sienx Yesu Giduc se Tin-Hungh nyei Dorn.’ Gorngv liuz, ninh mbuox maaz-cie dingh jienv. Ninh mbuo i dauh ziouc bieqc wuom. Filipv yaac tengx domh jien jiex wuom nyei leiz……………….”
6. Jiex wuom nyei leiz se siang-maengc nyei jangx-hoc.
(Gong-Zoh 16:30-33) “…………….Domh Gorx aah! Yie oix zuqc hnangv haaix nor zoux cingx haih duqv njoux? Baulo dau, ‘Oix zuqc sienx kaux Ziouv Yesu, meih caux jienv meih nyei yietc biauv mienh ziouc duqv njoux aqv.’ Baulo mbuo ziouc gorngv Ziouv nyei doz bun ninh caux ninh nyei yietc biauv mienh muangx. Dongh naaic muonz…………………gunv loh jien caux yietc biauv mienh liemh zeih jiex wuom nyei leiz aqv.”
7. Jiex wuom nyei leiz se biux mengh mbuo nyei loz maengc
daic mi’aqv, ih zanc mbuo caux Ziouv juangc maengc ziangh. (Lomaa 6:3-5)
56 “Meih mbuo hiuv duqv mbuo jiex wuom nyei leiz, mbuo duqv caux Yesu juangc maengc. Jiex leiz wuov zanc duqv ninh juangc daic. Hnangv naaic, jiex wuom nyei leiz mbuo caux Giduc daic mingh biopv jienv weic bun mbuo duqv siang-ziangh maengc, hnangv Giduc daic mingh Tin-Hungh yaac longc njang-laangc nyei domh qaqv bun Giduc aengx nangh daaih ziangh jienv wuov nor. Se gorngv mbuo duqv caux Giduc juangc maengc daic, Tin-Hungh bun mbuo nangh daaih hnangv ninh bun Giduc nangh daaih, mbuo yaac duqv caux Giduc juangc maengc ziangh.” Jiex wuom nyei leiz nyei yietc nyeic.
Yiem loz-hnoi koqv jang jiez gorn maaih jiu-baang wuov zanc tengx siang-sienx nyei mienh jiex wuom nyei leiz. Jiex wuom nyei yietv-nyeic se bun daaih hec nyei hnangv naaiv, 1. Njaaux Ziouv Yesu nyei kuv fienx. 2. Zaah mangc oix sienx nyei mienh nyei sienx fim. 3. Tengx jiex wuom nyei leiz, se ziangh dauh mienh ziemx
muotv wuom nzengc. 4. Longc buoz maan jienv daux gaux. 5. Nyanc singx hnaangx. Dongh maiv gaengh jomc 400 wuov hnyangx dauh, Ziouv nyei kuv fienx zunh jangv jienv cuotv mingh taux Yu^lopv wuov bung, Aa^faa^li^gaa wuov bung caux Aa^sie wuov bung. Jiex wuom nyei leiz ziouc bun nqoi daaih maiv nangc fih hnangv, bun daaih benx 4 guanh cou-cou nor se maaih hnangv naaiv, 1. East Syria (Dong Bung Si^lie ) guanh
Naaiv guanh njaaux nyei se yiem “Acts of Thomas” caux “Didascalia Apostolorum” caux “Armenian Ordo” wuov deix sou. Naaiv guanh ninh mbuo zorqv jiex wuom nyei leiz nyei yietv-nyeic bun daaih hnangv naaiv,
57 1.1 Jiex wuom nyei leiz, se ziangh dauh mienh ziemx muotv
nzengc. 1.2 Longc ndaang nyei youh orn. 1.3 Nyanc singx hnaangx.
2. Gaul and Spain guanh.
Naaiv guanh fiev jienv jiex wuom nyei leiz nyei jauv-louc yiem “Cyril of Jerusalem” wuov buonv sou. Naaiv guanh nyei yietv-nyeic hnangv nzengc da’yietv wuov guanh mi’aqv. Mv baac ninh mbuo aengx tim deix se lengc jeiv nyei njaaux siang-sienx nyei mienh.
3. Naaiv guanh ninh mbuo zorqv East and West Syrian daaih
zorpc jienv. Naaiv guanh ninh mbuo fiev jienv jiex wuom nyei leiz nyei yietv-nyeic caux ninh mbuo njaaux nyei yiem “Apostolic Constitutions” wuov buonv sou. Ninh mbuo nyei yietv-nyeic se bun daaih hnangv naaiv, 3.1 Ninh mbuo longc nyei leiz weic zunc hieh guaiv mienv. 3.2 Ziangh laanh mienh ziemx muotv nzengc. 3.3 Longc ndaang nyei youh orn. 3.4 Nyanc singx hnaangx.
4. Hippolytus’ Apostolic guanh.
Ninh mbuo longc naaiv norm mbuox se weic zuqc ninh duqv njaaux nyei jauv-louc yiem “Hippolytus’s Apostolic Tradition” wuov buonv sou daaih. Ninh mbuo nyei yietc nyeic se bun daaih hnangv naaiv: 4.1 Ninh mbuo longh youh orn wuov laanh mienh weic nzunc
mienv. 4.2 Ziangh laanh mienh ziemx muotv nzengc. 4.3 Longc ndaang nyei youh dox jienv sin. 4.4 Dorh siang-jiex wuom nyei leiz wuov laanh mienh daaih
bun zuangx jiu-baang mienh, weic bun zuangx jiu-baang mienh.
58 A. Longc buoz maan jienv daux gaux. B. Tov Ziouv nyei Singx Lingh lengc jeiv nyei korh
lienh. C. Aengx longc ndaang nyei youh dox nzunc.
4.5 Nyanc singx hnaangx.
8 ZAANG.
NYANC SINGX HNAANGX Sienx nyei mienh jiex liuz wuom nyei leiz gapv zunv nyanc singx hnaangx. Nyanc singx hnaangx nyei eix-leiz se maaih buonc Ziouv Yesu nyei sin, nyanc njuov caux hopv a’ngunc diuv. Nyanc weic jangx taux Ziouv Yesu daic weic teix maanc mienh nyei zuiz. Yaac zuov jienv Ziouv Yesu nzuonx da’nyeic-nyunc.
Nyanc singx hnaangx nyei mienh oix zuqc liuc leiz nyei se maaih hnangv naaiv:
1. Nyiemc ganh zoux dorngc nyei yietc zungv bun Tin-Hungh. 2. Tov Tin-hungh guangc nqoi mbuo zoux dorngc nyei. 3. Caux muoz-doic maiv horpc wuov deix oix zuqc gorngv
horpc mingh. 4. Tov siang-qaqv. 5. Caux Tin-Hungh laengz jienv oix zoux horpc nyei sic
hnangv. Oix nyanc singx hnaangx maqc fai saa se yiem wuov norm jiu-baang mienh ganh maaih ga’naaiv ndongc haaix nyei nzoih fai wuov guanh mienh haiz oix nyanc maqc faih nyanc saa se maiv fih hnangv, suieh yietc norm dorngx yietc norm dorngx nyei mienh ganh dingc daaih hnangv naaiv,
59 1. Maaih guanh baav haaix zanc zoux leiz-baaix nor, ninh
mbuo ziouc nyanc singx hnaangx aqv. 2. Maaih guanh baav hnoi-hnoi nyanc singx haangx. 3. Maauh guanh baav yietc norm leiz-baaix nyanc nzunc singx
hnaangx. 4. Maauh nziex guanh yietc hlaax nyanc nzunc singx hnaangx
hnangv. 5. Maauh guanh baav lauh-lauh nyanc nzunc singx hnaangx
hnangv. Ninh mbuo nyanc singx hnaangx se maaih nyungc baav lengc jeiv nyei cingx daaih nyanc hnangv.
Ging-Sou gorngv taux nyanc Singx Hnaangx nyei jauv-louc.
1. Ziouv Yesu ganh liepc daaih weic bun ninh nyei sai-gorx
mbuo jangx taux Ninh. (Matv^taai 26:26-30) “Nyanc jienv hnaangx wuov zanc, Yesu zorqv njuov daaih, laengz zingh liuz Tin-Hungh ziouc maeqv nqoi bun ninh nyei sai-gorx mbuo, yaac gorngv, ‘Zorqv daaih nyanc aqv. Naaiv se yie nyei sin.’ Yesu aengx zorqv norm zaanv daaih laengz zingh liuz Tin-Hungh, ziouc bun ninh mbuo, yaac gorngv, ‘Meih mbuo yietc zungv gunv hopv maaih! Naiv se yie nyei nziaamv weic liepc jiez Tin-Hungh nyei ngaengc waac. Se liouc cuotv weic bun Tin-Hungh guangc mienh camv nyei zuiz………… ”
2. Singx hnaangx se Ziouv Yesu caux sienx nyei mienh liepc
daaih nyei ngaengc waac. (Maako 14:22-26) “Nyanc jienv hnaangx wuov zanc, Yesu zorqv njuov daaih, laengz zingh Tin-Hungh, ziouc maeqv nqoi bun ninh nyei sai-gorx yaac gorngv, ‘Zipv jienv aqv. Naaiv se yie nyei sin.’ Ninh aengx zorqv zaanv a’ngunc diuv daaih, laengz zingh Tin-Hungh yaac cunv bun ninh mbuo hopv. Ninh mbuo yietc zungv ziouc juangc wuov norm zaanv hopv. Yesu aengx mbuox ninh mbuo, ‘Naaiv se yie nyei nziaamv weic liepc
60 jiez Tin-Hungh nyei ngaengc waac. Se weic mienh camv liouc cuotv daaih.’ ”
3. Singx hnaangx nyei eix-leiz se Tin-Hungh caux baamh mienh liepc nyei siang-ngaengc waac. (Lugaa 22:19-20) “……Naaiv yie nyei sin. Se bun weic meih mbuo. Meih mbuo oix zuqc hnangv naaiv zoux weic jangx taux yie.… …..Naaiv norm zaanv se longc yie nyei nziaamv liepc jiez nyei siang-ngaengc waac, se weic meih mbuo liouc cuotv daaih.”
4. Sienx nyei mienh nyanc singx hnaangx maqc nyei.
(Gong-Zoh 2:42) “Ninh mbuo longc hnyouv muangx gong-zoh mbuo njaaux leiz yaac lomh nzoih jiu tong, juangc jienv maeqv njuov yaac daux gaux.”
5. Loz-hnoi Ziouv Yesu nyei sai-gorx mbuo haaix zanc zoux
leiz-baaix nor, ninh mbuo ziouc nyanc singx hnaangx aqv. (Gong-Zoh 20:7) “Leiz baaix hnoi wuov muonz, dongh yie mbuo gapv zungv maeqv njuov wuov zanc, Baulo gorngv waac njaaux nzuangx mienh……………..”
6. Singx hnaangx zoux bun Giduc mienh maaih buonc caux Ziouv Yesu siouc kouv yaac maaih buonc Ziouv Yesu hingh jiex nyei maengc. (1 Ko^lin^to 10:16) “Mbuo nyanc singx hnaangx, weic wuov norm zaanv laengz zingh Tin-Hungh liuz ziouc hopv, mbuo maaih buonc juangc Giduc nyei nziaamv maiv zeiz? Maeqv nqoi njuov, nyanc wuov zanc mbuo maaih buonc juangc Giduc nyei sin maiv zeiz?”
7. Dongh maaih buonc nyanc singx hnaangx nyei mienh, maiv
haih aengx nzuonx mingh zoux waaic aqv. (1 Ko^lin^to 10:21) “Meih mbuo hopv Ziouv nyei zaanv, maiv haih hopv mienv nyei zaanv. Meih mbuo juangc Ziouv nyei dieh nyanc, maiv haih juangc mienv nyei dieh.”
61 8. Dongh la’guaih nyanc singx hnaangx nyei mienh oix zuqc
dingc zuiz. (1 Ko^lin^to 11:23-30) “……..Weic naaiv, haaix dauh la’guaih nyanc Ziouv nyei njuov, longc Ziouv nyei zaanv hopv, wuov dauh ziouc baamz Ziouv Yesu nyei sin caux Ziouv Yesu nyei nziaamv…..Haaix dauh nyanc fai hopv yaac zieqv maiv duqv Ziouv Yesu nyei sin, ninh nyanc yaac hopv bun ninh ganh zuqc dingc zuiz weic naaiv meih mbuo mienh camv butv baengc, mau haic, aengx maaih deix daic mi’aqv.”
Ziex guanh Giduc mienh gorngv taux nyanc Singx Hnaangx nyei jauv-louc.
Yietc zungv Giduc mienh caux norm gorn nyei Giduc mienh buatc taux nyanc singx hnaangx nyei jauv-louc fih hnangv nyei se singx hnaangx se dongh Ziouv laengz nyei siang-ngaengc waac. Se Tin-Hungh caux sienx nyei mienh laengz nyei ngaengc waac. Nyanc singx hnaangx se bun mbuo jangx taux Ziouv Yesu yiem ziepc zaangc jaax zuqc ding daic weic mbuo nyei zuiz. Mv baac dongh ziex guanh sienx nyei mienh buatc maiv fih hnangv nyei se dongh Ziouv Yesu gorngv, “Naaiv se yie nyei orv” caux “Naaiv se yie nyei nziaamv” nzutv zunv daaih se maaih hnangv naaiv. 1. “Nyanc singx hnaangx” naaiv joux waac, ei Hipv^lu Waac
nor heuc “berakah” eix-leiz se “Fuqv” fai “Ceix fuqv” Mv baac ei Gikc Waac nor se “Eucharistia” eix-leiz se “Laengz zingh.”
2. Loz hnoi nyei sai-gorx mbuo, porv mengh taux nyanc singx
hnaangx nyei eix-leiz ei jienv Siex Maengc Zipv nyei eix-leiz. Weic zuqc Siex Maengc Zipv caux nyanc singx hnaangx se yietc zungv dongh zanc cuotv daaih. Ziouv Yesu liepc nyanc singx hnaangx daauh nzunc se nyanc ndaangc deix zuqc ding wuov ziepc zaangc jaax weic bun mienh duqv
62 njoux. Ziouv Yesu se hnangv Siex Maengc Zipv nyei bi’gi yungc dorn nor, weic njoux I^saa^laa^en Mienh .
3. “Roman Catholic” (Lo^man^kaa^tor^likc) naaiv guanh,
ninh mbuo mbuo heuc “Mass” fai “Mitv^saa” Ninh mbuo sienx gorngv dongh yietv daux gaux wuov zanc “Njuouv caux a’ngunc diuv” ziouc tiuv daaih za’gengh benx “Ziouv Yesu nyei orv caux Ziouv Yesu nyei nziaamv” mi’aqv. Mv baac se gorngv maiv maaih sienx fim nor mangc maiv buatc.
4. “Protestant” (Plo^te^saa^den) naaiv guanh heuc nyanc singx hnaangx gorngv “The Lord’s Supper” eix-leiz se “Njoux Ziouv nyei hnaangx” fai “Communion” eix-leiz se “Gapv zunv jiu tong” maaih deix heuc “Mass” Nzutv zunv daaih gorngv nor “Protestant” naaiv guanh nyei sienx fim bun nqoi daaih benx 2 guanh gorngv taux “Nyanc singx hnaangx“ nyei jauv-louc se 4.1 Da’yietv guanh sienx gorngv, “Njuov caux a’ngunc diuv”
za’gengh tiuv daaih benx Ziouv “Yesu nyei nziaamv, Ziouv Yesu orv” naaiv se lingh wuonh wuov bung maiv zeiz ei sin zangc hnamv nyei.
4.2 Da’nyeic guanh sienx gorngv “Njouv caux a’ngunc diuv’
se benx “Jangx-hoc” nuqv taux “Ziouv Yesu nyei Orv, Ziouv Yesu nyei nziaamv” hnangv. Maiv haih tiuv daaih za’gengh benx Ziouv Yesu nyei orv caux Ziouv Yesu nyei nziaamv.
63
9 ZAANG
NJOUX ZIOUV NYEI HNOI Giduc mienh longc leiz-baaix zoux Njoux Ziouv nyei hnoi. Giduc mienh longc Leiz-Baaix Hnoi benx cing-nzengc hnoi, naaiv norm hnoi se zuangx Giduc mienh longc zoux leiz-baaix yaac longc naaiv norm hnoi lorz Tin-Hungh nyei za’eix. Aengx longc naaiv norm hnoi jangx taux Ziouv Yesu nangh daaih nyei hnoi. Tin-Hungh ceix naaiv norm cing-nzengc hnoi daaih bun baamh mienh longc ceng Tin-Hungh, yaac longc naaiv norm hnoi hitv deix kuonx. Cuotv liuz naaiv Giduc mienh yaac longc naaiv norm hnoi tengx nzie ganh dauh mienh lo haaix, zoux bun mienh maaih baengh orn, yaac dorh mienh daaih lorz Tin-Hungh.
Ging-Sou gorngv taux Njoux Ziouv nyei hnoi nyei jauv-louc.
1. Ih hnoi se Tin-Hungh nyei cing-nzengc hnoi longc weic
Dingh Gong Hnoi. (Cuotv I^yipv 20:8-11) “Oix zuqc jangx jienv longc Dingh Gong Hnoi benx norm cing-nzengc hnoi. Maaih juqv hnoi zoux meih mbuo nyei yietc zungv gong. Mv baac da’cietv hnoi wuov hnoi se Dingh Gong Hnoi weic fungx bun Ziouv. Wuov hnoi maiv dungx zoux haaix nyungc gong. Meih mbuo ganh caux meih mbuo nyei naamh nyouz, meih mbuo nouh gauv nouh beiz, meih mbuo nyei saeng-kuv, fai yiem meih mbuo nyei zingh nyei ganh fingx mienh yaac maiv dungx zoux haaix nyungc gong. Weic zuqc Ziouv longc juqv hnoi zeix lungh zeix ndau zeix koiv caux yiem naaiv deix gu’nyuoz nyei yietc zungv ga’naaiv. Mv baac siec hnoi wuov hnoi Tin-Hungh dingh gong aqv. Weic naaiv Tin-Hungh ceix fuqv wuov norm hnoi benx ninh nyei cing-nzengc hnoi.”
64 2. Ziouv Yesu ganh nqoi nzuih bun longc Dingh Gong Hnoi
tengx mienh duqv nyei. (Matv^taai 12:12) “Yietc dauh mienh se gauh jaaix jiex yietc dauh ba’gi yungh. Hnangv naaic mbuo nyei leiz bun mbuo longc Dingh Gong Hnoi zoux kuv sic duqv nyei.”
3. Giduc mienh longc leiz-baaix hnoi (Sunday) zoux leiz-baaix
div leiz baaix luoqc (Saturday) wuov hnoi, weic zuqc taux leiz-baaix hnoi Ziouv Yesu nangh daaih. ( Matv^taai 28:1-7) “Jiex liuz Dingh Gong Hnoi, dongh Leiz-Baaix Hnoi wuov hnoi, lungh aav lamh deix njang, Makv^ndaa^laa Mungv wuov dauh Maa^li^yaa, aengx caux ganh dauh Maa^li^yaa mingh mangc zouv. Liemh zeih ndau dongz seix nyei. Maaih dauh Ziouv nyei fin-mienh njiec daaih tui nqoi mbaeqc zouv-gaengh wuov kuaaiv la’bieiv, ziouc zueiz jienv wuov kuaaiv la’bieiv gu’nguaaic…….Fin-mienh gorngv mbuox wuov deix m’sieqv dorn, ‘Maiv dungx gamh nziex oc. Yie hiuv duqv meih mbuo lorz dongh zuqc ding ziepc nzaangc jaax daic wuov dauh Yesu. Mv baac ninh maiv yiem naaiv. Ninh ei ninh ganh gorngv nyei waac nangh daaih aqv………….’ ”
4. Tin-Hungh ceix Dingh Gong Hnoi daaih weic baamh mienh.
(Maako 2:27-28) “Yesu mbuox ninh mbuo, ‘Dingh Gong Hnoi Tin-Hungh liepc daaih tengx mienh. Maiv zeiz zeix mienh daaih weic Dingh Gong Hnoi. Weic naaiv, yie Baamh Mienh nyei Dorn, zoux Dingh Gong Hnoi nyei Ziouv.’ ”
5. Yiem loz-hnoi nyei Giduc mienh m’daaih longc leiz-baaix
hnoi zoux leiz-baaix. (Gong-Zoh 20:7) “Leiz-Baaix Hnoi wuov muonz, yie mbuo gapv zunv maeqv njuov wuov zanc, Baulo gorngv waac njaaux zuangx mienh……………. ”
6. Longh leiz-baaix hnoi zoux leiz-baaix yaac longc Leiz-Baaix
Hnoi tengx mienh caux jienv. (1 Ko^lin^to 16:1-2)
65 “Ih zanc yie oix gorngv gapv nyaanh tengx Yiu^ndie Saengv sienx Yesu nyei mienh wuov nyungc jauv. Yie mbuox Gaa^laa^tie Deic-Bung nyei zuangx jiu-baang hnangv haaix nor zoux, meih mbuo yaac oix zuqc hnangv wuov nor zoux. Naorm-norm Leiz-Baaix Hnoi meih mbuo mouz dauh mienh ziux meih mbuo zornc duqv nyei nyaanh oix zuqc zorqv deix cuotv daaih siou jienv……………………”
7. Dongh Giduc mienh horpc zuqc longc Ziouv nyei hnoi zoux
nyei. (Ko^lo^si 3:16) “Oix zuqc zaangh Giduc nyie doz buangv meih mbuo nyei hnyouv ziouc longc nyungc-nyungc cong-mengh laanh njaaux laanh, laanh kuinx laanh. Yaac oix zuqc baaux singx nzung, caux ceng Tin-Hungh nyei nzung, caux Singx Lingh bun mienh benx cuotv nyei nzung, longc hnyouv laengz zingh Tin-Hungh.”
Maaih ziex guanh mienh maaih ziex nyungc hnamv taux “Ziouv nyei hnoi.”
“Ziouv nyei hnoi” naaiv joux waac, zinh ndaangc loz-hnoi jiez gorn maaih jiu-baang wuov zanc yiem Giduc mienh nyei guanh tong haaix ndau yaac longc naaiv joux waac. Longc Ziouv nyei hnoi naaiv joux waac div “Leiz-Baaix Hnoi” wuov joux waac. Weic zuqc Leiz-Baaix Hnoi se dongh leiz-baaix luoqc wuov hnoi, fai Sat wuov norm hnoi. Giduc mienh longc leiz-baaix cietv wuov norm hnoi zoux Leix-Baaix. Hnangv naaic Giduc mienh cingx longc Ziouv hnyei hnoi wuov joux waac daaih div “Leiz-Baaix Hnoi” wuov joux waac. Mv baac mienh m’daaih bieqc hnyouv nyei, taux naaiv norm hnoi se longc dingh gong zoux Leiz-Baaix ceng Tin-Hungh hnangv loz wuov nor. “Leiz-Baaix Hnoi” naaiv joux waac se yiem Gikc Waac “Sabbaton” wuov joux waac daaih fai “Sabbata” wuov joux waac Gikc se yiem Aramaic wuov nyungc waac daaih. (Naaiv joux waac se longc Hipv^lu Waac caux ganh nyungc waac zorpc daaih
66 longc nyei waac, wuov zanc longc fiev Siang-Ngaengc Waac nyei ziangh hoc.) Naaiv joux waac nyei gorn se yiem Hipv^lu Waac daaih, Hipv^lu longc nyei waac se “shabath” naaiv joux waac nyei eix-leiz se “Dangv zuqc” fai “Zoux bun dingh njiec” caux “Dingh njiec zoux kouv haih nyei gong.” Ei loz-hnoi Yiutai Mienh nyei leiz nor, maaih ziex nyungc Leiz-Baaix Hnoi nyei leiz. Maiv bun zoux haaix nyungc gong. Dingc ziangx yangh jauv mingh leih maiv go 2,000 ndorqc nyei dorngx, fai ei loz-hnoi Gikc nyei futv (foot fai 30.5cm nyei dorngx), leih maiv go 3,000 futv nyei dorngx fai ei Lo^man se 3,600 futv nyei dorngx hnangv.
10 ZAANG.
TIN-HUNGH NYEI GUOQV. “Tin-Hunghn nyei guoqv” naaiv joux waac nyei eix-leiz se Ziouv yiem nyei dorngx caux Ziouv gunv nyei maanc muotc daaih gapv jienv nyei dorngx. Tin-Hungh nyei guoqv naaiv joux waac se bun daaih benx 2 joux hnangv naaiv, 1. Tin-Hungh zoux Ziouv gunv mienh. 2. Tin-dorngh guoqv. Tin-Hungh nyei guoqv se maaih 2 nyungc eix-leiz. Da’yietv nyungc eix-leiz se gorngv taux, tin-dorngh, lungh ndiev, caux Tin-Hungh zeix yiem naaiv baamh gen nyei yietc zungv maanc muotc. Naaiv yietc zungv se benx Ziouv nyei guoqv. Da’nyeic nyungc eix-leiz, longc jienv jiex se yietc zungv
67 sienx Ziouv Yesu wuov deix mienh, ninh mbuo yietc zungv se benx Tin-Hungh nyei guoqv yiem naaiv baamh gen. Tin-Hungh zoux Ziouv gunv mienh gorngv taux lingh wuonh wuov bung nyei eix-leiz nor, se dongh baamh mienh biaux ndutv zuiz bieqc daaih, sienx Ziouv Yesu nyei maengc. Giduc mienh oix zuqc njiec qaqv zoux gong, bun Tin-Hungh zoux Ziouv gunv nzengc mouz dauh baamh mienh nyei maengc. Dongh Ziouv Yesu aengx nzuonx daaih gunv naaiv baamh gen wuov zanc, Tin-Hungh nyei guoqv ziouc dunh yunh nzengc aqv. “Tin-dorngh guoqv” wuov joux waac nyei eix-leiz se gorngv taux Tin-Hungh yiem nyei dorngx, maiv gunv Tin-Hungh yiem haaix norm dorngx, wuov norm dorngx se benx tin-dorngh guoqv aqv. “Tin-dorngh guoqv” ndongc haaix zungv gorngv taux dongh “Tin-Hungh maaih hatc maaz gunv nzengc yaac gunv dunh yunh nzengc nyei dorngx hnangv.” Aengx longc ganh joux waac gorngv taux “Tin-dorngh guoqv” mv baac eix-leiz se leih maiv go fih hnangv nyei, 1. Tin-Hungh zeix maanc muotc daaih, hnangv naaic Ninh
zoux maanc muotc nyei Ziouv. (Tin-Deic Douh 1:1, 20-30) “Dong cor Tin-Hungh jiez gorn zeix lungh zeix ndau wuov zanc……Tin-Hungh aengx gorngv, Wuom gu’nyuoz oix zuqc cuotv maaih maengc nyei ga’naaiv hiaangx daaih buangv wuom-ndiev…….. Tin-Hungh aengx gorngv, Ndau-bieiv oix zuqc cuotv nyungc-nyungc maaih maengc nyei ga’naaiv, saengh kuv, hieh zoih caux nyungc-nyungc nyorng ndau nyei ga’naaiv. Yietc nyungc maaih yietc nyungc nyei buonv…… Tin-Hungh aengx gorngv, mbuo oix zuqc ziux mbuo nyei fangx zeiv zeix mienh daaih zuangv mbuo yaac hnangv mbuo nor………….”
2. Ziouv Yesu zoux Ziouv gunv tin-dorngh guoqv.
(I^saa^yaa 9:6-7) “Weic zuqc maaih dauh guh nguaaz weic yie mbuo cuotv seix, maaih dauh dorn ceix bun yie mbuo. Ninh duqv Hungh lingh gunv yie mbuo…..Ninh nyei Hungh
68 lingh oix jaa camv, baengh orn nyei jauv yietc liuz maiv jomc….”
3. Gunv tin-dorngh guoqv nyei mienh se benx Ndaawitv nyei
zeiv fun. (Ye^le^mi 23:5-6) “…………….” (Yie maiv maaih Ging-Sou)
4. Tin-Hungh zoux Ziouv gunv mienh nyei hnoi taux fatv aqv.
(Matv^taai 3:2) “Ninh gorngv, ‘Oix zuqc goiv hnyouv guangc meih mbuo zyei zuiz, weic zuqc Tin-Hungh daaih zoux Ziouv gunv mienh nyei ziangh hoc taux fatv aqv.’ ”
5. Ziouv Yesu zunh doz gorngv taux Tin-Hungh zoux Ziouv
gunv mienh nyei kuv fienx. (Matv^taai 4:23) “Yesu mingh gornmx Gaa^li^li Saengv, yiem ninh mbuo nyei wuic dorngh njaaux mienh, yaac zunh Tin-Hungh zoux Ziouv gunv mienh nyei kuv fienx.”
6. Naaiv baamh gen nyei nyutc zeiv jiex, Tin-Hungh zoux
Ziouv gunv mienh nyei hnoi ziouc daaih taux aqv. (Matv^taai 13:1-52) “………Tin-Hungh zoux Ziouv gunv mienh beiv dauh mienh dorh mbiauh mingh haaz wuov ndeic. ……….Gaatv biauh nyei ziangh hoc yaac beiv baamh gen nyei nyutc zeiv jiex mi’aqv……..Tin-Hungh zoux Ziouv gunv mienh yaac beiv mungz borngz njiec koiv guaatv duqv nyungc –nyungc mbiauz. Mbiauz buangv mungz, borngz biauz nyei mienh tor cuotv wuov mbienx mingh. Ninh mbuo ziouc zueiz jienv ginv longx nyei dapv tongv. Maiv benx wuov deix ziouc guangc . Baamh gen nyei nyutc zeiv jiex yaac hnangv naaiv nor……………..”
7. Giduc mienh oix bun Tin-Hungh zoux Ziouv gunv nzengc
ninh mbuo nyei maengc. (Matv^taai 6:33) “Gauh longc jienv jiex, meih mbuo oix zuqc bun Tin-Hungh zoux Ziouv gunv meih mbuo ndaangc, yaac oix zuqc ei nzengc ninh nyei eix, naaiv deix yietc zungv nyei ga’naaiv ninh ziouc jaa tipv bun meih mbuo.”
69 8. Mbuo longc sienx fim sienx Ziouv, bun Tin-Hungh zoux
Ziouv gunv nzengc mbuo nyei maengc. (Lugaa 17:20-21) “Maaih deix Faa^li^si Mienh naaic gaax Yesu, ‘Tin-Hungh taux haaix zanc cingx daaih zoux Ziouv gunv mienh?’ Yesu dau, ‘Tin-Hungh zoux Ziouv gunv mienh maiv zeiz m’zing mangc duqv buatc. Maiv maaih haaix dauh haih gorngv, ‘Mangc maah! Yiem naaiv!’ Fai ‘Mangc maah, yiem wuov!’ weic zuqc Tin-Hungh ih zanc yiem meih mbuo mbuo’ndongx zoux Ziouv. “
9. Kungx maaih zoix yungz daaih nyei mienh hnangv haih duqv bieqc tin-dorngh guoqv. (Yo^han 3:3) “Yesu dau, ‘Yie gorngv zien mbuox meih. Haaix dauh maiv ganh siang-yungz jiex, maiv haih duqv buatc Tin-Hungh nyei guoqv.’ ”
10. Maaih norm hnoi naaiv baamh gen yietc zungv se benx Tin-
Hungh nyei guoqv. (Laauc Yaangh 11:15) “Da’cietv dauh fin-mienh biomv nzatc ziouc maaih qiex camv nyei yiem wuov tin-dorngh gorngv mbui nyei, ‘Ih zanc baamh gen benx mbuo nyei Ziouv yaac benx ninh nyei Giduc myei guoqv. Ninh oix yietc liuz gunv taux maanc gouv maanc doic. ’ ”
Maaih ziex guanh hnamv taux “Tin-Hungh nyei guoqv” nyei jauv-louc.
Yiem Ging-Sou longc ziex joux waac gorngv taux “Tin-Hungh nyei guoqv.” Maaih deix longc gorngv taux Tin-Hungh nyei guoqv hnangv haaix nor, 1. Tin-Hungh zoux Ziouv gunv mienh. (Matv^taai 6:33) 2. Tin-Hungh daaih zoux Ziouv gunv mienh. (Matv^taai 3:2) 3. Tin-Hungh nyei guoqv. (Maako 14:25) 4. Dorn nyei guoqv. (Lugaa 22:30)
70 5. Zangc Deix nyei guoqv. (Matv^taai 13:41) 6. Tin-Hungh nyei guoqv. (Laauc Yaangh 1:9) 7. Zoux Ziouv gunv mienh. (2 Ti^mo^tai 4:1)
Tin-dorngh nyei Guoqv hnangv naaiv nor. 1,000 hnyangx taaih baengh nyei ziangh hoc oix hnangv naaiv, 1. Fangx zeiv nyei jauv-louc.
1.1 Naaiv lungh ndiev nyei fangx zeiv oix tiuv nzengc. (I^saa^yaa 2:2; E^se^ken 47:1-12; 48:8-20; Se^kaa^li^yaa 14:4, 8,10)
1.2 Ciouv nyei hieh zoih yietc zungv caux ganh nyungc hieh
zoih juangc jienv dorngx yiem maiv ngaatc doic. (I^saa^yaa 11:6-9; 35:9 E^se^ken 34:25)
1.3 Bungx zuoqc longx. (I^saa^yaa 27:6, 35:12, 6-7;
Aa^motv 9:13; Se^kaa^li^yaa 14:8)
1.4 Baamh mienh nyei maengc ndaauv. (I^saa^yaa 65:20-23) 2. Lingh wuonh caux mienh buoqc zangc nyei jauv-louc.
2.1 Saadaan zuqc wuonx jienv ndo haic nyei kuotv. (Laauc Yaangh 20:1-3)
2.2 Maaih siang-singx dinc. (E^se^ken 40:5-43:27)
2.3 Buov saengh kuv ziec Tin-Hungh. (I^saa^yaa 56:7;
66:20-23; Ye^le^mi 33:17-18; E^se^ken 43:18-27; 45:13-46:24; Maa^laa^ki 3:4)
2.4 Oix maaih mienh houc siang-hnyangx, houc Siex Maengx
Zipv, aengx maaih mienh zoux biauv yiem. (E^se^ken 45:18-25; Se^kaa^li^yaa 4:16-21 )
71 2.5 Mienh yietc zungv mingh Ye^lu^saa^lem Zingh zangc
Tin-Hungh. (I^saa^yaa 2:2-4; Mi^kaa4:2; 7:12 Se^kaa^li^yaa 8:20-23; 14:16-21)
2.6 Maanc guoqv mienh hiuv duqv Tin-Hungh.
(I^saa^yaa 11:9 Ye^le^mi 31:34)
2.7 Singx Lingh orn mienh ceix hatc maaz bun siang-I^saa^laa^en Mienh camv haic. (Giduc mienh) (I^saa^yaa 32:15; 44:3; E^se^ken 36:24-29 )
2.8 Tin-Hungh aengx ganh laengz jiex siang-ngaengc waac
bun siang-I^saa^laa^en Mienh. (Giduc mienh.) (Ye^le^mi 31:31-34; E^se^ken 11:19-20; 36:25-32)
2.9 Oix maaih taaih baengh nyei jauv caux baengh fim nyei jauv buangv naaiv lungh ndiev. (I^saa^yaa 9:7; 42:1-4; Ye^le^mi 23:5)
3. Guoqv zangc nyei jauv-louc.
3.1 I^saa^laa^en Mienh aengx nzuonx daaih liepc siang-guoqv. (Ye^le^mi 3:18)
3.2 I^saa^laa^en taaih baengh nyei yiem. (Mi^kaa 4:4; Se^kaa^li^yaa 3:10)
3.3 Tin-Hungh laengz bun Apc^laa^ham nyei ngaengc waac
zoux ziangx nzengc naaiv gitv lungh ndiev. (Tin-Deic Douh 18:18-21; E^se^ken 47:13-48:8)
3.4 Ziouv Yesu yiem Ye^lu^saa^lem Zingh gunv naaiv lungh
ndiev. (I^saa^yaa 40:11)
3.5 Ndaawitv nyei zeiv-fun yietc liuz yiem ninh nyei hungh weic zoux hungh gunv zoux ziangx nzengc yiem Ziouv Yesu. (2 Saa^mu^en 7:11-16; I^saa^yaa 9:6-7)
72 3.6 Giduc mienh caux jienv Ziouv Yesu gunv naaiv deix
1,000 hnyangx nyei lungh ndiev. (Matv^taai 19:28; 2 Ti^mo^tai 2:12; Laauc Yaangh 5:10; 20:6 )
3.7 Ye^lu^saa^lem Zingh benx naaiv lungh ndiev nyei Domh
Zingh. (E^se^ken 48:30-35; Mi^kaa 4:1) 3.8 Naaiv lungh ndiev gengh taaih baengh nyei yiem.
(I^saa^yaa 2:4; 32:17-18; 60:18)
1,000 hnyangx jiex liuz, Tin-Hungh nyei guoqv hnangv haaix nor
1. Ziouv Yesu hingh nzengc yietc zungv gunv ndaamh
lungh, maaih lingc maaih qaqv, ziouc zorqv ninh nyei guoqv jiu bun ninh nyei Die Tin-Hungh. (1 Ko^lin^to 15:24)
2. Loz-lungh loz-ndau jiex nzengc mi’aqv. (Laauc Yaangh 21:1; 2 Bide 3:10) 3. Aengx maaih siang-lungh siang-ndau. (Laauc Yaangh 21:1) 4. Siang-Ye^lu^saa^lem Zingh, yiem tin-dorngh, Tin-Hungh wuov njiec jienv daaih. (Laauc Yaangh 21:2, 10-27) 5. Ziouv Yesu yietc liuz gunv taux maanc gouv maaih doic.
(I^saa^yaa 9:6-7; E^se^ken 37:24-28; Ndaa^ni^en 7:13-14; Lugaa 1:32-33: Laauc Yaangh 11:15)
73
11 ZAANG
SETV MUEIZ NYEI HNOI Tin-Hungh ei jienv ninh nyei za’eix dingc ziangx ziangh hoc bun mienh yiem naaiv norm baamh gen maaih setv mueiz nyei hnoi-nyieqc. Ziouv Yesu laengz ziangx ngaengc waac Ninh oix buangv nzengc njang-laangc daaih zipv sienx nyei mienh mingh caux Ninh yiem. Wuov zanc dauh dauh baamh mienh nyei m’zing oix buatc Ziouv Yesu nzuonx daaih. Naaiv deix sic cuotv ndaangc wuov deix 7 hnynangx nyei domh kouv naanc. Naaiv deix sic jiex liuz, Ziouv Yesu gunv 1,000 hnyangx, naaiv deix 1,000 hnyangx gu’nyuoz gengh taaih baengh haic. Yietc cin hnyangx jiex liuz Ziouv Yesu nyei baeng oix caux Saadaan nyei baeng mborqv domh jaax. Mborqv liuz naaiv baan domh jaax, daic mingh nyei mienh oix nangh daaih. Dauh dauh zuiz-mienh oix zuqc siemv zuiz, dingc zuiz, yiem wuov deic nyuoqc yietc liuz. Mv baac sienx Ziouv Yesu wuov deix ei jienv yiem naaiv baamh gen ziangh seix zoux nyei duqv zipv zingh nyeic. Ninh mbuo yietc liuz caux Tin-Hungh yiem wuov tin-dorngh.
Ging-Sou gongv taux setv mueiz hnoi nyei jauv
1. Ziouv Yesu siemv baamh mienh zoux nyei, yaac ceix
baengh orn bun naaiv baamh gen. (I^saa^yaa 2:4 ) “Ninh oix siemv naaiv norm guoqv caux wuov norm guoqv gu’nyuoz nyei sic, yaac weic camv-fingx mienh dunx sic. Ninh mbuo ziouc zorqv ninh mbuo nyei nzuqc ndaauv daav benx laih bieiv, ninh mbuo nyei cang duqv daav benx daav ndiangx-nquaah dueiv nyei limh ngau.
74 Guoqv caux guoqv yietc liuz maiv aengx mborqv jaax, yiem naaiv mingh maiv hoqc linc mborqv jaax aqv.”
2. Dauh dauh baamh hiuv duqv Tin-Hungh. (I^saa^yaa 11:9) “….Weic zuqc hiuv Ziouv nyei mienh buangv nzengc lungh ndiev, hnangv wuom buangv koiv nor.”
3. Ziouv Yesu oix bun zingh nyeic sienx nyei mienh.
(Matv^taai 16:27) “Weic zuqc yie, Baamh Mienh nyei Dorn, oix yiem yie nyei Die nyei njang-laangc gu’nyuoz yaac caux jienv yie nyei fin-mienh daaih. Daaih wuov zanc yie ziux gorqc mienh zoux nyei sic bun zingh nyeic ninh mbuo.”
4. Ziouv Yesu oix wuih zingh nyeic bun dongh siev duqv
bun Ziouv Yesu wuov deix mienh 100 gouv. (Matv^taai 19:28-30) “……Yie gorngv mbuox meih mbuo, maaih siang-lungh siang-ndau wuov zanc, yie Baamh Mienh nyei Dorn, zueiz jienv njang-laangc nyei weic nyei ziangh hoc,………Haaix dauh weic yie guangc ninh nyei biauv, muoz-doic, diex maac, fu’jueiv fai lingh deic, wuov dauh guangc yietc gouv ziouc duqv yietc baeqv gouv yaac duqv yietc liuz nyei maengc. Mv baac ih zanc maaih zoux hlo nyei mienh camv oix zuqc zoux faix. Zoux faix maaih camv nyei duqv zoux hlo. ”
5. Ziouv Yesu nzuonx daaih wuov zanc, dauh dauh mienh
nyei m’zingh oix duqv buatc Ziouv. (Matv^taai 24:26-28) “Hnangv naaic, se gorngv maaih mienh mbuox meih mbuo, ‘Mangc maah. Ninh yiem wuov deic-bung-huaang,’ maiv dungx cuotv mingh lorz. Mienh aengx gorngv, ‘Mangc maah, ninh yiem biauv gu’nyuoz,’ maiv dungx sienx. Weic zuqc borngz mba’linghc yiem dong bung njapc dangh, njang mingh taux fai bung hnangv haaix nor, yie, Baamh Mienh nyei Dorn, aengx daaih wuov zanc yaac hnangv wuov nor.
75 Ga’naaiv-daic yiem haaix, domh jaangv-ngongh yaac yiem wuov aqv. ”
6. Kungx maaih Zangc Diex ganh hnangv hiuv duqv setv
mueiz hnoi nyei hnoi-nyieqc. (Matv^taai 24:36-44) “Wuov norm hnoi wuov norm ziangh hoc haaix zanc oix taux, maiv maaih haaix dauh hiuv. Liemh tin-dorngh nyei fin-mienh maiv hiuv. Dorn yaac maiv hiuv. Kungx Zangc Diex ganh hiuv hnangv….Hnangv naaic, meih mbuo oix zuqc liuc leiz ziangx, zanc-zanc zuov jienv, weic zuqc meih mbuo liemh maiv jangx zaaic nyei ziangh hoc, yie, Baamh Mienh nyei Dorn, ziouc taux aqv. ”
7. Ziouv Yesu liuc leiz ziangx dorngx bun sienx nyei mienh. (Yo^han 14:1-3) “Yesu aengx gorngv, ‘Maiv dungx hnyouv huaang hnyouv nzauh. Oix zuqc sienx kaux Tin-Hungh yaac sienx kaux yie. Yie nyei Die nyei biauv maaih yiem nyei dorngx camv nyei. Se gorngv maiv maaih yie zungv mbuox meih mbuo mi’aqv. Yie yaac mingh liuc leiz dorngx bun meih mbuo yiem. Yie mingh liuc leiz ziangx dorngx bun meih mbuo yiem, yie aengx daaih dorh meih mbuo mingh caux yie yiem wuov. Yie yiem haaix meih mbuo ziouc caux yie yiem wuov.’ ”
8. Singx Lingh bun daaih nyei sin maiv hnangv ih zanc
maaih orv maaih nziaamv naaiv norm sin. (1Ko^lin^to 15:35-58) “…….Lungh zangc maaih lungh zangc nyei ga’naaiv nyei sin, ndau-beih maaih ndau-beih ga’naaiv nyei sin. Lungh zangc ga’naaiv nyei sin maaih yietc nyungc nzueic. Ndau-beih nyei ga’naaiv yaac maaih ganh nyungc nzueic…….Daic mingh nyei mienh nangh daaih se hnangv naaiv aqv. Biopv nyei sin haih huv nyei. Daic mingh aengx nangh daaih nyei sin maiv haih huv aqv. Zuqc biopv nyei sin se aqc mangc. Nangh daaih nyei sin se nzueic nyei. Zuqc biopv nyei sin se mau. Nangh daaih nyei sin se henv. Zuqc biopv nyei sin
76 se orv sin. Nangh daaih nyei sin se Singx Lingh bun maaih maengc nyei sin. Se gorngv maaih orv sin, ziouc maaih Singx Lingh bun maaih maengc nyei sin………..”
9. Dongh Ziouv Yesu daaih gunv 1,000 hnyangx wuov zanc,
Saadaan zuqc wuonx jienv nyei. (Laauc Yaangh 20:2-3) “Ninh zorqv jung-hungh, dongh loz-hnoi wuov diuh domh naang, se mienv nyei hungh, Saadaan, longc limc ndoh jienv yietc cin hnyangx. Fin-mienh zorqv ninh zoi njiec ndo haic wuov norm kuotv, forv jienv kuotv nyei gaengh yaac nqaapv jienv yienx, maiv bun ninh cuotv mingh nduov maanc guoqv nyei mienh, zuov taux wuov deix yietc cin hnyangx jiex liuz. Nqa’haav oix zuqc bungx ninh cuotv caamx.”
10. Giduc mienh yietc liuz maiv daic yaac caux Ziouv Yesu zoux hungh gunv. (Laauc Yaangh 20:4-6) “……Ninh mbuo panh nangh daaih duqv caux Giduc zoux hungh gunv yietc cin hnyangx. Naaiv se mienh daic mingh aengx nangh daaih nyei daauh baan. Zengc njiec wuov deix daic mingh nyei mienh zuov taux buangv wuov deix yietc cin hnyangx cingx daaih nangh. Haaix dauh maaih buonc caux daauh baan panh nangh nyei mienh, wuov dauh se cing-nzengc, orn-lorqc aqv. Da’nyeic baan daic nyei jauv gunv maiv jienv ninh mbuo. Ninh mbuo yaac duqv zoux Tin-Hungh caux Giduc nyei sai mienh yaac duqv caux Giduc gunv yietc cin hnyangx.”
Mienh hnamv taux Setv Mueiz nyei hnoi nyei jauv-louc.
Mbuo haih nzutv zunv daaih gorngv taux setv mueiz hnoi nyei jauv-louc bun daaih hnangv naaiv, 1. Naaiv deix sic cuotv ndaangc deix dien wuov deix 7
hnyangx nyei domh kouv naanc nyei jauv-louc.
77 1.1 Zipv jiu-baang faaux tin-dornh.
(Yo^han 14:1-3; 1 Ko^lin^to 15:51-52; 1 Te^saa^lo^ni^gaa 4:16-18; Laauc Yaangh 3:10)
1.2 Saadaan beic ndiev zoux ninh nyei gong. (2
Te^saa^lo^ni^gaa 2:7)
1.3 Yiem tin-dorngh bun zingh nyeic sienx nyei mienh. (1 Ko^lin^to 3:12-15; 2 Ko^lin^to 5:10)
2. Jiez gorn bieqc wuov deix 7 hnyangx nyei domh kouv
naanc. 2.1 Caux Giduc zoux win-wangv nyei mienh caux
I^saa^laa^en Mienh taaih baengh nyei yiem. (Ndaa^ni^en 9:26-27)
2.2 Maaih 2 laanh zoux zorng-zengx nyei mienh jiez gorn
zunh kuv fienx. (Laauc Yaangh 11:3)
3. Jiez gorn bieqc wuov deix 3 hnyangx bienx nyei kouv naanc.
3.1 Jiez gorn maaih siang-Lomaa Zingh wuov zanc Giduc nyei win-wangv maaih hatc maaz gauh camv jiex. (Ndaa^ni^en 7:20, 24)
3.2 I^saa^laa^en taaih baengh nyei yiem. (E^se^ken 38:8)
3.3 I^saa^laa^en nzuonx Ye^lu^saa^lem Zingh mingh
aengx ceix siang-Ye^lu^saa^lem Ziangh faaux daaih, yaac yiem wuov buov ga’naaiv ziec Tin-Hungh. (Laauc Yaangh 11:1-2)
3.4 Oix maaih maanc guoqv nyei jiu-baang cuotv daaih
caux Ziouv Yesu nyei win-wangv gunv jienv maanc guoqv. (Laauc Yaangh 17)
78 4. Naaiv deix sic oix cuotv ndaangc wuov deix 7 hnyangx
mbuqc ndongx nyei domh kouv naanc.
4.1 Gokc caux jienv ninh nyei guanh oix mborqv bieqc Baa^letv^dai wuov jiex hingv. (E^se^ken 38:2, 5-6, 22)
4.2 Tin-Hungh mietc Gokc caux ninh nyei guanh. (E^se^ken 38:17-23)
5. Naaiv deix sic oix cuotv dongh 7 hnyangx nyei domh
kouv naanc gu’nyuoz.
5.1 Tin-Hungh zunc Saadaan cuotv tin-dorngh mingh. Saadaan ziouc njiec daaih gunv jienv baamh gen yaac dengv jienv Ziouv Yesu nyei win-wangv.
(Laauc Yaangh 12:12-17) 5.2 Ziouv Yesu Giduc nyei win-wangv guangc nqoi ninh
mbuo caux I^saa^laa^en Mienh liepc daaih nyei ngaengc waac. Maiv bun I^saa^laa^en Mienh buov ga’naaiv ziec Tin-Hungh aqv. (Ndaa^ni^en 9:27)
5.3 Yiem siang-Lomaa Zingh maaih 10 dauh hungh, ninh
mbuo caux Ziouv Yesu Giduc nyei win-wangv gapv hnyouv daaih zoux hoic dongh zinh ndaangc maaih hatc maaz camv haic, se dongh maanc guoqv nyei jiu-baang. (Laauc Yaangh 17:16-18)
5.4 Maaih 144,000 laanh I^saa^laa^en Mienh zoix yungz
daaih yaac duqv njoux. (Laauc Yaangh 7:1-8)
6. Naaiv deix sic cuotv yiem 7 hnyangx nyei domh kouv naanc nyei nqa’haav wuov deix 3 hnyangx-bienx.
6.1 Jiez gorn buo hnyangx-bienx wuov deix domh kouv
naanc sienx maiv wuonv wuov deix guangc ninh mbuo nyei sienx fim mi’aqv. (Matv^taai 24:12;
79 2 Te^saa^lo^ni^gaa 2:3) 6.2 Ziouv Yesu nyei win-wangv ganh gunv njiec naaiv
baamh gen. (Da’yietv norm yienx yiem Laauc Yaangh 6:1-2) Maaih yiem mba’hnoi muotv wuov bung nyei ziex norm guoqv dengv jienv ninh.
(Laauc Yaangh 13:5, 7; 17:12-13) 6.3 Ziouv Yesu nyei win-wangv nyei mbuox se “Baamz
leiz-latc wuov dauh.” (2 Te^saa^lo^ni^gaa 2:3, 8-9) 6.4 Maaih mborqv domh jaax, ngorc hnaangx, yaac maaih
daic nyei jauv. (Da’nyeic, da’faam, da’feix wuov norm yienx. Yiem Laauc Yaangh 6:3-8)
6.5 Jiez gorn 3 hnyang-bienx wuov deix domh kouv
naanc sienx daaih nyei mienh zuqc hoic taux daic, weic oix goux jienv dongh ninh mbuo maaih nyei sienx fim. (Da’hmz norm yienx yiem Laauc Yaangh 6:9-11 caux Laauc Yaac 7:9-14 caux Matv^taai 24:9)
6.6 Maaih lunc nyei sic cuotv daaih. Tong naaiv lungh
ndiev nyei mienh gamh nziex haic Tin-Hungh. (Da’luoqc wuov norm yienx. Yiem Laauc Yaangh 6:12-17)
6.7 Mienh jiez gorn baaix zangc miuc-mienv yaac baaix
zangc Ziouv Yesu nyei win-wangv. (Ndaa^ni^en 9:27; Matv^taai 24:15; 2 Te^saa^lo^ni^gaa 2:4; Laauc Yaangh 13:14-15)
6.8 Jaav nyei douc waac mienh dengv jienv Ziouv Yesu
nyei win-wangv. Naaiv lungh ndiev maanc guoqv nyei mienh, sienx Ziouv nyei mienh caux hnamv maiv gaux longc wuov deix I^saa^laa^en Mienh ziouc baaix Ziouv Yesu nyei win-wangv. (Matv^taai 24:11-12; 2 Te^saa^lo^ni^gaa 2:11; Laauc Yaangh 13:4, 11-15)
80
6.9 Dongh nyunc bun hieh zoih gunv wuov deix mienh nqaapv jienv yienx yiem mbiaauc jieqv buoz fai biorngh. (Laauc Yaangh 13:16-18)
6.10 Ziouv Yesu Giduc nyei win-wangv daix zoux zorng-
zengx wuov deix 2 laanh mienh. (Laauc Yaangh 11:7)
6.11 Zoux zorng-zengx wuov deix 2 laanh mienh aengx nangh daaih. (Laauc Yaangh 11-12)
6.12 Saadaan nzorng haic I^saa^laa^en Mienh ziouc daix ninh mbuo. (Laauc Yaangh 12:6, 13-17)
6.13 Janx daaih mborqv waaic Ye^lu^saa^lem Zingh.
(Lugaa 21:24; Laauc Yaangh 11:2)
6.14 Ziouv Yesu Giduc nyei win-wangv caux jaav nyei douc waac mienh oix cuotv mingh nduov mienh, maaih sienx Ziouv nyei mienh camv haic guangc ninh mbuo nyei sienx fim mi’aqv. (Matv^taai 24:11; 2 Te^saa^lo^ni^gaa 2:9-11)
6.15 Aengx maaih mienh siang-zunh Ziouv Yesu nyei
kuv fienx. (Matv^taai 24:14)
6.16 Ziouv Yesu nyei win-wangv aengx daaih mietc nzunc I^saa^laa^en Mienh. (Ye^le^mi 30:5-7; Ndaa^ni^en 12:1; Se^kaa^li^yaa 13:8; Matv^taai 24:21-22)
6.17 Tin-Hungh dingc Ziouv Yesu nyei win-wangv nyei
zuiz. (Laauc Yaangh 8-9) Ziouv longc bunh dox njiec dingc ninh mbuo nyei zuiz. (Laauc Yaangh 16)
6.18 Baamh mienh oix hemx Tin-Hungh camv jienv
faaux. Dingc zuiz nyei jauv jaa hniev jienv faaux. (Laauc Yaangh 16:8-11)
81
7. Dongh a’lamh deix jomc 7 hnyangx nyei domh kouv naanc, naaiv deix sic oix cuotv daaih.
7.1 Yiem wuov ndiev bung nyei hungh (I^yipv) caux
wuov jiex bung nyei hungh oix dongh hnyouv mborqv Giduc nyei win-wangv. (Ndaa^ni^en 11:40)
7.2 Giduc nyei win-wangv oix mborqv bieqc
Baa^letv^dai yaac mietc nzengc I^yipv, Lipv^yaa, caux E^ti^o^bie. (Ndaa^ni^en 11:43)
7.3 Yiem mba’hnoi cuotv wuov bung nyei baeng-maanh
caux wuov jiex nyei baeng oix borqv bieqc Baa^letv^dai. (Ndaa^ni^en 11:44; Laauc Yaangh 16:12)
7.4 Ye^lu^saa^lem Zingh zuqc mborqv waaic nzengc.
(Se^kaa^li^yaa 14:1-4)
7.5 Mbaa^mbi^lon Domh Zingh mbaang. (Laauc Yaangh 16:19; 18:1-3, 21-24)
7.6 Yiem guh ngaauc lungh oix maaih ziex nyungc jangx-
hoc cuotv daaih, yiem ndau-beih yaac maaih ziex nyungc jangx-hoc cuotv daaih. (I^saa^yaa 13:10 Yo^en 2:10, 30-31; 3:15; Matv^taai 24:29)
7.7 Ziouv Yesu Giduc caux jienv fin-mienh daaih.
(Matv^taai 24:27-31, Laauc Yaangh 19:11-16) 7.8 Yiutai Mienh biaux win-wangv ziouc biaux cuotv
Ye^lu^saa^lem Zingh. (Se^kaa^li^yaa 14:5)
7.9 Maanc guoqv nyei Janx-baeng gapv zunv norm dorngx heuc, Aa^laa^maa^getc^ndorn. (Yo^en 3:9-11 Laauc Yaangh 16:16; 19:17-19)
82
7.10 Ziouv Yesu Giduc nyei baeng mborqv baaic maanc guoqv nyei Janx-baeng. (Laauc Yaangh 19:19, 21)
7.11 Hieh zoih (Ziouv Yesu Giduc nyei win-wangv) caux
zunh jaav douc waac mienh zuqc zoi njiec yietc liuz zieqc jienv hungh nyei douz-koiv. (Laauc Yaangh 19:20)
8. 7 hnyangx nyei domh kouv naanc jiex liuz, naaiv deix sic oix cuotv daaih.
8.1 I^saa^laa^en Mienh aengx nzuonx daaih gapv jienv
benx guoqv, naaiv se nqa’haav-laai wuov nzunc. (I^saa^yaa 11:11-12 Ye^le^mi 30:3 E^se^ken 36:24; 37:1-14 Aa^motv 9:14-15 Mikaa 4:6-7 Matv^taai 24:31)
8.2 Nzengc njiec nyei I^saa^laa^en Mienh duqv maengc
siex cuotv goiv hnyouv siang-yungz jiex, ninh mbuo duqv saax nzengc zuiz. (Se^kaa^li^yaa 12:10; 13:1)
8.3 Tin-Hungh zuoqc I^saa^laa^en Mienh yiem Giduc
nyei win-wangv buoz-ndiev cuotv daaih. (Ndaa^ni^en 12:1 Se^kaa^li^yaa 12:10; 13:1 Lomaa 11:26-27)
8.4 Siemv dongh maiv goiv hnyouv sienx Ziouv Yesu
wuov deix I^saa^laa^en Mienh. (E^se^ken 20:33-38 Matv^taai 25:1-30)
8.5 Siemv maanc fingx maiv sienx Ziouv Yesu wuov deix
mienh. (Matv^taai 25:31-46)
8.6 Saadaan zuqc zoi njiec ndo haic wuov norm kuotv. (Laaauc Yaangh 20:1-3)
83 8.7 Yiem Loz-Ngaengc Waac wuov deix sienx nyei
mienh aengx nangh daaih. (I^saa^yaa 26:19, Ndaa^ni^en 12:1-3)
8.8 Yiem wuov deix 7 hnyangx domh kouv naanc zuqc
hoic maengc taux daic wuov deix Giduc mienh aengx nangh daaih. (Laauc Yaangh 20:4-6)
8.9 Yiem Ndaa^ni^en 9:24 gorngv taux 70 hnyangx nyei
jauv se zoih zunh mi’aqv.
8.10 Ba’gi Yungh Dorn nyei cing-jaa-yinh taux aqv. (Laauc Yaangh 19:7-9)
8.11 Ziouv Yesu Giduc zoux hungh gunv 1,000 hnyangx.
(Singx Nzung 72:8, I^saa^yaa 9:6-7, Ndaa^ni^en 2:14-35, 44; 7:13-14, Se^kaa^li^yaa 9:10, Laauc Yaangh 20:4)
12 ZAANG
ZUNH KUV FIENX Ziouv Yesu nyei kuv fienx se bun mienh biaux ndutv zuiz daaih sienx kaux Ziouv Yesu. Zunh Ziouv Yesu nyei kuv fienx se lengc jeiv nyei benx Giduc mienh nyei gong. Ziouv Yesu jaa jienv waac ninh nyei sai-gorx oix zuqc zunh kuv fienx bun lungh ndiev maanc fingx mienh duqv njoux. Oix zuqc dorh ninh mbuo daaih sienx Ziouv, ninh mbuo cingx daaih maiv zuqc mietc. Mouz dauh Giduc mienh oix zuqc lengc jeiv nyei longc nzengc qaqv longc nzengc za’eix zunh kuv fienx. Oix zuqc caux ganh dauh mienh juangc jienv zunh Ziouv nyei kuv fienx.
84
Yiem Ging-Sou gorngv taux zunh Kuv Fienx nyei jauv-louc.
1. Apc^laa^ham se Ziouv nyei daauh dauh gong-mienh.
5,000 hnyangx jiex daaih Tin- Hungh ginv ninh. (Tin-Deic Douh 12:1-3) “Ziouv gorngv mbuox Apc^laam, ‘Oix zuqc leih nqoi meih nyei buonh deic, meih nyei cien-ceqv caux meih nyei die nyei biauv mingh taux yie oix bun meih hiuv nyei deic-bung. Yie oix ceix fuqv bun meih, bun meih zoux yietc fingx hlo nyei mienh. Yie oix bun meih maaih mengh hoc. Meih yaac haih bun mienh duqv fuqv. Haaix dauh buang waac meih. Yie ziouc ceix fuqv bun wuov dauh. Haaix dauh zioux meih, yie oix zioux wuov dauh. Weic meih yie oix ceix fuqv bun lungh ndiev fingx-fingx mienh.’ ”
2. 4,000 hnyangx jiex daaih Ziouv heuc I^saa^laa^en Mienh
zoux ninh nyei gong-mienh. (Cuotv I^yipv 19:5-6) “Se gorngv meih mbuo muangx yie nyei waac yaac ei jienv yie nyei ngaengc waac zoux. Meih mbuo ziouc benx yie yiem maangc fingx mbu’ndongx ginv daaih nyei mienh. Naaiv lungh ndiev yietc zungv se yie nyei. Meih mbuo oix zoux yietc fingx sai mienh fuh sux yie, yaac benx yie nyei cing-nzengc fingx. Naaiv deix waac meih oix zuqc gorngv mbuox I^saa^laa^en Mienh.”
3. I^saa^yaa laengz zoux Ziouv nyei gong-mienh.
(I^saa^yaa 6:1-8) “……Yie aengx haiz Ziouv nyei qiex gongv, ‘Yie oix zuqc paaiv haaix dauh mingh? Haaix dauh oix weic yie mbuo mingh?’ Yie ziouc gorngv, ‘Yie yiem naaiv. Tov paaiv yie mingh.’ ”
4. Mouz dauh Giduc mienh oix zuqc dengv jienv zunh kuv
fienx. (Matv^taai 9:37-38) “Yesu ziouc mbuox ninh nyei sai-gorx mbuo, ‘Gaeng-zuangx camv mv baac gong-mienh zoqc. Weic naaiv oix
85 zuqc tov gaeng-zuangx nyei Ziouv paaiv gong-mienh cuotv mingh siou ninh nyei gaeng-zuangx.’ ”
5. A’lamh deix duqv 2,000 jiex daaih aqv, Ziouv Yesu bun
daauh guanh sai-gorx cuotv mingh zunh kuv fienx. (Matv^taai 10:5-10) “Yesu paaiv naaiv deix ziepc nyeic dauh gong-zoh cuotv mingh wuov zanc, ninh yaac njaaux ziangx. Ninh gonrngv, ‘Maiv dungx mingh haaix fingx Janx nyei deic-bung. Yaac maiv dungx bieqc Saa^maa^lie Deic-Bung nyei haaix norm mungv. Kungx oix zuqc mingh lorz I^saa^laa^en Mienh. Ninh mbuo se hnangv dingx laaih nyei ba’gi yungh nor. Mingh taux haaix ndau, oix zuqc zunh mbuox mienh, ’Tin-Hungh daaih zoux Ziouv gunv mienh nyei ziangh hoc taux fatv aqv.’ Oix zuqc zorc baengc, heuc daic mingh nyei mienh nanggh daaih, zorc butv gomh huv baengc wuov deix longx, yaac zunc mienv cuotv. Meih mbuo baeqc baeqc duqv daaih nyei yaac oix zuqc baeqc baeqc bun…………… ”
6. Zunh liuz kuv fienx nyei biouv. (Matv^taai 13:18-30) “…….Haaz ndortv jauv wuov deix nyim se hnangv mienh haiz Tin-Hungh zoux Ziouv gunv mienh nyei kuv fienx mv baac maiv mengh baeqc. Yiem ninh mbuo nyei hnyouv wuov deix kuv fienx, hiuang orqv wuov dauh daaih caangv cuotv mi’aqv. Haaz ndortv la’bieiv-lomc, beiv mienh yietv haiz kuv fienx ziouc a’hneiv zipv. Mv baac se hnangv kuv fienx njiec nzungh maiv ndo, sienx maiv lauh. Weic kuv fienx buangh zuqc sic fai zuqc mienh zoux doqc, ninh mbuo ziouc cuotv mi’aqv. Haaz ndortv zuqc njiemv-lomc wuov deix nyiem, beiv mienh haiz kuv fienx. Mv baac laaix kuonx hnyouv nyei sic fai laaix hnamv zinh nyaanh mbiorngz jienv kuv fienx, nyim ziouc maiv haih jauh aqv. Haaiz ndortv ndau-longx nyei nyim, se hnangv mienh haiz kuv fienx yaac bieqc hnyouv, naaiv deix nyim ziouc ziangh duqv gitv. Maaih deix yietc gouv duqv yietc baeqv gouv, maaih deix duqv
86 luoqc ziepc gouv, maaihdeix duqv faah ziepc gouv……………”
7. Zunh kuv fienx se nuqv tin-dorngh nyei jauv bun muangx
nyei mienh. (Matv^taai 16:19) “Yie oix jiu Tin-Hungh nyei guoqv nyei forv-zeiv bun mienh. Meih yiem naaiv lungh ndiev ndoh haaix nyungc, yiem wuov tin-dorngh wuov nyungc yaac zuqc ndoh aqv. Meih yiem naaiv lungh diev bungx haaix nyugc, yiem wuov tin-dorngh ziouc bungx wuov nyungc aqv.”
8. Ziouv nyei kuv fienx zunh gormx lungh ndiev. Nqa’haav, nyutc zeiv jiex nyei hnoi-nyieqc ziouc taux aqv. (Matv^taai 24:14) “Tin-Hungh zoux Ziouv gunv mienh nyei kuv fienx zungv oix zunh buangv lungh ndiev weic zoux zorng-zengx bun maanc fingx hiuv. Nqa’haav, nyutc zeiv jiex nyei hnoi-nyieqc ziouc taux aqv.”
9. Ziouv Yesu ganh heuc ninh nyei sai-gorx mbuo cuotv
mingh zunh kuv fienx buangv naaiv lungh ndiev. (Matv^taai 28:18-20) “………Weic naaiv, meih mbuo oix zuqc mingh njaaux maanc fingx mienh zoux yie nyei sai-gorx. Oix zuqc dengv Die, Dorn caux Singx Lingh nyei mbuox tengx ninh mbuo jiex wuom nyei leiz. Yaac njaaux ninh mbuo ei nzengc yie mbuox meih mbuo zoux nyei nyungc-nyungc. Jangx jienv oc. Yie yietc liuz caux meih mbuo yiem taux baamh gen nyei nyutc zeiv jiex.”
10. Ziouv Yesu fungx ninh nyei sai-gorx mbuo yietc doix
yietc doix nyei cuotv mingh zunh kuv fienx. (Lugaa 10:1-18) “…Nqa’haav Yesu aengx ginv cuotv cietv ziepc nyeic dauh sai-gorx paaiv ninh mbuo yietc doix yietc doix nyei mingh. Yesu oix mingh haaix norm mungv haaix norm dorngx, ninh ziouc paaiv ninh mbuo mingh ndaangc……………..”
11. Ziouv Yesu longc Giduc mienh cuotv mingh zunh kuv
fienx div ninh. (Yo^han 20:21) “Yesu aengx gorngv
87 mbuox ninh mbuo, ‘Meih mbuo baengh orn aqv oc. Yie nyei Die hnangv haaix nor paaiv yie, yie yaac hnangv wuov nor paaiv meih mbuo mingh.’ ”
12. Oix zuqc maaih mienh cuotv mingh zunh kuv fienx, mienh cingx daaih haih duqv njoux. (Lomaa 10:13-15) “Hnangv Ging-Sou gorngv nor, ‘Haaix dauh heuc Ziouv nyei mbuox, wuov dauh ziouc duqv njoux.’ Se gorngv mienh maiv gaengh sienx Yesu Giduc, ninh mbuo hnangv haaix nor haih heuc ninh? Se gorngv maiv maaih haaix dauh gorngv jiex Yesu nyei jauv-louc, ninh mbuo hnangv haaix nor haih sienx? Se gorngv maiv maaih haaix dauh zunh kuv fienx bun ninh mbuo muangx, ninh mbuo hnangv haaix nor haih duqv haiz kuv fienx? Se gorngv maiv maaih haaix dauh paaiv ninh mbuo mingh zunh kuv fienx, mienh hnangv haaix nor haih mingh zunh?........... ”
13. Giduc mienh oix zuqc longc noic nyei zunh kuv fienx.
(2 Ti^mo^tai 4:5) “Mv baac meih ganh yiem maanc sic oix zuqc gunv jienv ganh, oix zuqc diev kouv naanc, oix zuqc zoux zunh doz mienh nyei gong. Tin-Hungh paaiv meih zoux nyei gong, nyungc-nyungc oix zuqc zoux taux nzengc. ”
Hnamv taux zunh “Kuv Fienx” wuov joux
waac nyei gong.
Zunh kuv fienx. “Kuv fienx” wuov joux waac, se yiem Janx Yangh Yinh “Gospel” naaiv joux waac daaih. Naaiv joux waac nyei gorn se yiem Gikc wuov joux waac heuc “Euangel ion” naaiv joux waac nyei eix-leiz se “Tin-Hungh nyei guoqv nyei kuv fienx daaih taux baamh mienh kaux Ziouv Yesu ziouc biaux ndutv zuiz aqv.” caux “Euangcl i zo” eix-leiz se “Zunh Ziouv Yesu nyei kuv fienx.” Caux maaih joux longc, “Proeuangcl i zomai” eix-leiz se “Jaa-ndaangc zunh Ziouv Yesu nyei kuv fienx”
88 Hnangv naaic, “Kuv fienx” (Euangel ion) caux “Zunh kuv fienx” (Euangel ion) m’daaih dongh wuov joux waac aqv. “Kuv fienx” wuov joux waac a’loc zorpc jienv naaiv deix waac longc.
1. “kerusso” eix-leiz se “Tin-Hungh zoux Ziouv gunv mienh nyei kuv fienx. ”(Matv^taaih 4:23)
2. “laleo” eix-leiz se “Zunh ninh nyei kuv fienx.” (1 Te^saa^lo^ni^gaa 2:2)
3. “diamarturomai” eix-leiz se “Tin-Hungh nyei en nyei kuv fienx.” (Gong-Zoh 20:24)
4. “euangel izo” eix-leiz se “Zunh mbuox meih mbuo nyei kuv fienx.” (1 Ko^lin^to 15:1)
5. “katangel lo” eix-leiz se “Zunh kuv fienx.” (1 Ko^lin^to 9:14)
6. “douleuo eis” eix-leiz se “Ninh caux yie zunh kuv fienx.” (Fi^lipv^poi 2:22)
7. “sunatahleo en” eix-leiz se “Zoux kuv fienx gong.” (Fi^lipv^poi 4:3)
8. “hierourgeo” eix-leiz se “Zunh Tin-Hungh nyei kuv fienx. ” (Lomaa 15:16)
9. “pleroo” eix-leiz se “Giduc nyei kuv fienx.” (Lomaa 15:19)
10. “sunkakopatheo” eix-leiz se “Weic kuv fienx maaih buonc siouc kouv.” (2 Ti^mo^tai 1:8)
11. “dechomai” eix-leiz se “Nyunc muangx kuv fienx.” (2 Ko^lin^to 11:14)
12. “hupakouo” eix-leiz se “Nyunc muangx kuv fienx.” (Lomaa 10:16)
13. “pisteuo en” eix-leiz se “Sienx kuv fienx.” (MaaKo 1:15)
“Zunh kuv fienx” naaiv joux waac se yiem Janx Yangh Yinh “Mission” wuov joux waac daaih, Gikc Waac se “aposteiio” caux “pempo” naaiv deix i joux waac nyei eix-leiz se “Fungx cuotv mingh” fai “Fungx cuotv mingh nyei mienh” liemh jienv
89 fungx nyei mienh caux “Zuqc fungx cuotv mingh nyei mienh” yietc zungv se zuoqc nyei jiu doic nyei mienh.
13 ZAANG
GIDUC MIENH OIX ZUQC KAUV HOQC
Giduc mienh mauv jienv oix kauv hoqc taux Ziouv Yesu nyei guoqv nyei jauv-louc se weic zuqc, Ziouv Yesu heuc Giduc mienh zunh Ninh nyei kuv fienx mbuox maanc fingx mienh hiuv taux ninh nyei njoux en. Cuotv liuz naaiv, Ziouv Yesu aengx jaa jienv waac Giduc mienh njaaux taux ninh njaaux nyei nyungc-nyungc. Hnangv naaic, kauv hoqc nyei jauv se tengx jiu-baang hlo jienv faaux yaac zunh Ziouv Yesu nyei kuv fienx jangv jienv cuotv. Giduc mienh maaih buonc tengx jienv mbenc taux oix njaaux nyei jauv-louc, hnangv naaic Giduc mienh oix zuqc samx mangc taux njaaux nyei jauv-louc, weic naaiv oix zuqc faix fim ei jienv Ziouv Yesu njaaux nyei se ei jienv Ging-Sou njaaux, yaac ei jienv Giduc mienh mauv jienv nyei njaaux, fai ei jienv dongh wuov norm jiu-baang nyei gorn dengv jienv njaaux nyei. Giduc mienh oix zuqc maaih buonc taux fu’jueiv kauv hoqc nyei jauv caux jienv. Maiv gunv yiem jiu-baang njaaux nyei fai yiem ganh norm gorn nyei Giduc mienh njaaux nyei. Fu’jueiv yiem ga’nyiec zipv nyei se hnangv yiem horqc dorngh nyei fai ganh norm dorngx njaaux nyei, naaiv deix yietc zungv se yietc liuz maaih buonc yiem ninh mbuo nyei maengc, maiv gunv ninh mbuo nyei sienx fim fai ninh mbuo zoux cuotv daaih nyei sic.
90
Ging-Sou gorngv taux “Kauv Hoqc” nyei jauv hnangv naaiv,
1. Tin-Hungh hatc mbuo oix zuqc liuc leiz taux fu’jueiv,
zeiv-fun kauv hoqc nyei jauv-louc. (Nzamc Leiz-Latc 4:1-14) “O I^saa^saa^en Mienh aac, ih zanc yie njaaux meih mbuo naaiv deix leiz-latc caux leiz meih mbuo oix zuqc muangx longx yaac ei jienv zoux, weic bun meih mbuo duqv ziangh jienv……..Mangc maah Yie ziux Ziouv , yie nyei Tin-Hungh paaiv nyei waac zorqv leiz-latc caux leiz njaaux meih mbuo. Meih mbuo bieqc mingh yiem jienv Ziouv, meih mbuo nyei Tin-Hungh, jiu bun nyei deic-bung, oix zuqc ei jienv zoux……Yietc seix oix zuqc jangx jienv yaac zunh mbuox meih mbuo nyei fu’jueiv fun-faqv. Wuov zanc Ziouv mbuox yie njaaux meih mbuo hiuv duqv meih mbuo jiex wuov ngaanc yiem jienv meih mbuo oix duqv nyei deic-bung oix zuqc gan nyei leiz-latc caux leiz.”
2. Tin-Hungh hatc jienv oix zuqc zanc-zanc kauv hoqc hiuv taux Ziouv nyei jauv-louc. (Nzamc Leiz-Latc 6:7-9) “Oix zuqc jienh njaaux meih mbuo nyei fu’jueiv hiuv duqv naaiv deix leiz. Maiv gunv yiem biauv fai yiem jauv zangc, bueix njiec fai jiez sin, zungv oix zuqc buih jienv yiem, Oix zuqc zorqv naaiv deix leiz kou jienv meih mbuo nyei buoz yaac nyatv jienv meih mbuo nyei biorngh zoux jangx-hoc. Yaac oix zuqc fiev jienv meih mbuo nyei biauv nyei gaengh nyei caa caux meih mbuo nyei laatc gaengh.”
3. Tin-Hungh hatc oix mbuo dauh dauh mienh hoqc hiuv
ninh. (Nzamc Leiz-Latc 31:12-13) “Oix zuqc heuc zuangx mienh, liemh m’jangc m’sieqv caux fu’jueiv, liemh yiem meih mbuo nyei zingh nyei ganh fingx mienh, daaih gapv zunv weic bun ninh mbuo duqv haiz yaac hoqc linc taaih Ziouv, meih mbuo nyei Tin-Hungh, yaac gan longx naaiv deix leiz-latc nyei yietc
91 zungv waac. Ninh mbuo nyei zeiv-fun, dongh maiv haiz jiex naaiv deix leiz-latc wuov deix, ziouc duqv haiz yaac hoqc linc taaih Ziouv, meih mbuo nyei Tin-Hungh……..”
4. Hoqc hiuv Tin-Hungh nyei jauv-louc tengx goux jienv
mbuo maiv zoux zuiz. (Singx Nzung 119:11) “Yie siou Meih nyei waac yiem yie nyei hnyouv, weic bun yie maiv baamz zuiz.”
5. Hoqc hiuv Tin-Hungh nyei jauv-louc se gauh jaaix jiex
kauv hoqc ganh nyungc jauv. (Cong-Mengh Waac 4:1-11) “Zuangx fu’jueiv aac, oix zuqc muangx die njaaux nyei waac, oix zuqc longc hnyouv muangx ziouc mengh baeqc……Maiv dungx guangc cong-mengh, cong-mengh ziouc beu jienv meih. Oix zuqc hnamv ninh, ninh ziouc goux jienv meih……Yie nyei dorn aac, oix zuqc muangx yaac zipv yie nyei waac, weic bun meih ziangh nyei hnoi-nyieqc camv.”
6. Kauv hoqc nyei jauv tengx mbuo hiuv camv jienv faaux,
yaac goiv yienc mienh nyei maengc longx jienv faaux. (Matv^taai 7:24-27) “Hnangv naaiv, haaix dauh haiz liuz yie naaiv deix waac, yaac ei jienv zoux, se hnangv yietc dauh cong-mengh nyei mienh gomv biauv la’bieiv-baengh gu’nguaaic……Mv baac haaix dauh haiz liuz yie naaiv deix waac yaac maiv ei jienv zoux, ziouc hnangv dauh mienh hngongx mienh nor. Naaiv dauh gormv biauv yiem saaiv-ziou gu’nguaaic………….”
7. Ziouv Yesu hatc jienv Giduc mienh oix zuqc zunh Ziouv
nyei kuv fienx gormx naaiv lungh ndiev. (Matv^taai 28:18-20) “….Weic naaiv , meih mbuo oix zuqc mingh njaaux maanc fingx mienh zoux yie nyei sai-gorx. Oix zuqc dengv Die, Dorn caux Singx Lingh nyei mbuox tengx ninh mbuo jiex wuom nyei leiz, yaac njaaux ninh mbuo ei nzengc yie mbuox meih mbuo zoux nyei
92 nyungc-nyungc. Jangx jienv oc. Yie yietc liuz caux meih mbuo yiem taux baamh gen nyei nyutc zeiv jiex.”
8. Ziouv heuc daaih zoux fin-saeng njaaux nyei mienh.
(E^fe^so 4:11) “Dongh naaiv dauh fungx zingh nyeic bun maanc mienh. Maaih deix duqv zingh nyeic zoux gong-zoh. Maaih deix duqv douc waac mienh, maaih deix duqv zoux zunh kuv fienx nyei mienh, maaih deix duqv zoux goux jiu-baang nyei mienh, maaih deix duqv zoux fin-saeng.”
9. Kauv hoqc Tin-Hungh nyei jauv-louc nyei mou deic.
(E^fe^so 4:12-16) “Ninh hnangv naaiv nor zoux weic liuc leiz ziangx Tin-Hungh nyei mienh zoux Giduc nyei gong weic ceix jiez Giduc nyei sin. Zuov taux mbuo yietc zungv dongh diuc hnyouv sienx longx, hiuv Tin-Hungh nyei Dorn, mbuo ziouc ei lingh wuonh nyei jauv benx domh mienh, yaac dunh yunh hnangv nzengc Giduc. Taux wuov zanc mbuo ziouc maiv zeiz fu’jueiv aqv. Maiv zuqc guv-guaix nyei mienh njaaux wuov nduov mbuo hnangv zuqc nziaaux buonc mingh buonc daaih, mietv mingh mietv daaih nor. Ninh mbuo longc mbienv-mbeuux fai longc guv-guaix nyei sic nduov mienh gan jaav doz-leiz………………..”
10. Kauv hoqc Tin-Hungh nyei jauv-louc se bun hiuv duqv
gorngv ganh se puix duqv tin-Hungh nyei. (2 Ti^mo^tai 2:15) “Meh oix zuqc njiec qaqv zoux nyungc-nyungc weic bun Tin-Hungh horpc hnyouv, ziouc zoux maiv zuqc nyaiv nyei gong-mienh, yaac longc duqv horpc Tin-Hungh zien leiz nyei doz.”
11. Yiem naaiv lungh ndiev, Ging-Sou se benx longc jienv
jiex nyei sou bun mbuo kauv hoqc duqv nyungc-nyungc jauv. (2 Ti^mo^tai 3:14-17) “…….Yiem meih zoux fu’jueiv nyei ziangh hoc meih zungv hiuv duqv Ging-Sou. Ging-Sou haih bun meih
93 maaih cong-mengh hiuv duqv oix zuqc sienx kaux Giduc Yesu cingx duqv njoux. Douc-douc Ging-Sou. Tin-Hungh dorh mienh fiev yaac maaih lamh longc weic njaaux mienh, weic gorngv-hemx mienh, weic zorc mienh zoux dorngc nyei dorngx, weic njaaux mienh zoux hopc nyei jauv. Hnangv naaic ziouc bun Tin-Hungh nyei mienh duqv dunh yunh nzoih weic zoux nyungc-nyungc kuv sic.”
12. Tin-Hungh ceix cong-mengh bun mbuo kauv hoqc
nyungc-nyungc jauv. (Yaagorpc 1:5) “Se gorngv meih mbuo haaix dauh cong-mengh maiv gaux, oix zuqc tov Tin-Hungh, Tin-Hungh ziouc ceix bun aqv.”
Maaih ziex nyungc hnamv taux “Kauv Hoqc” nyei jauv-louc.
1. “Kauv hoqc ” fai “Njaaux” wuov joux waac se yiem
Hipv^lu Waac “Torah” wuov joux waac daaih, eix-leiz se “Njaaux Tin-Hungh nyei Leiz.” Aengx maaih ganh joux waac gorngv taux “Kauv hoqc” se 1.1 “Nuqv horpc nyei jauv.” (1 Saa^mu^en 12:23 ) 1.2 “Doqc sou.” (Domh Jien 3:31) 1.3 “Njaaux bun hiuv.” (Domh Jien 3:2) 1.4 “Zoux taux genx.” (Ye^le^mi 2:20)
2. “Fin-saeng” se njaaux nyei mienh yiem Hipv^lu Waac
longc “Cong-mengh” wuov joux waac. (Cong-Mengh Waac 1:2) Cuotv liuz naaiv Hipv^lu Waac aengx longc joux maaih eix-leiz “Njaaux nyei mienh” se “ummia” eix-leiz se “Zoux duqv liouc” fai “Hnangv dae nor.”
94 3. “Horqc saeng” wuov joux waac se yiem Hipv^lu Waac
daaih, eix-leiz se “Zuqc mienh njaaux nyei mienh.” (I^saa^yaa 50:4) fai “Beiv hnangv njaaux nyei mienh nyei dorn nor.” (Singx Nzung 34:11)
4. Yiem Loz-Ngaengc Waac njaaux nyei jauv se:
4.1 Njaaux taux Tin-Hungh tengx ninh mbuo jiex daaih nyei sic.
4.2 Njaaux leiz-fingx, leiz-latc, buoqc zangc nyei jauv,
caux horpc nyei jauv.
5. Yiutai Mienh “Njaaux taux zoux gong nyei jauv-louc.” 5.1 Fu’jueiv, m’jangc dorn hoqc nyei.
A. Ging-Sou. (Cuotv I^yipv 12:26-27) B. Uix saengh kuv. (1 Saa^mu^en 16:11) C. Zuangx gaeng-zuangx. (2 Hungh Douh 4:18) D. Hoqc patv nzung. (Batv daanh baah liouc, fiev
waac paaih.) (1 Saa^mu^en 16:15-18) E. Hoqc longc buoz zoux nyei gong, aengx hoqc
zoux ziex nyungc zangc.
5.2 Fu’jueiv, m’ieqv dorn hoqc nyei. A. Hoqc Ging-Sou. (Nzamc Leiz-Latc 6:4-9) B. Hoqc liuc leiz biauv nyei gong. (1 Saa^mu^en 13:8) C. Hoqc hiou suix, hoqc ndatv ndie. (Cuotv I^yipv 35:25-26)
6. Janx Gikc kauv hoqc nyei.
Loz-hnoi Janx Gikc zoux gorn-ndoqv taux njaaux sou hoqc sou daaih taux ih jaax hnoi daaih. Gikc njaaux nyei se bun nqoi daaih benx yietc kang yietc kang nyei hnangv naaiv:
95 6.1 Hnangx-jeiv yiem 1-7 hnyangx.
Yiem biauv gu’nyuoz, ganh nyei domh mienh njaaux maiv gunv m’jangc dorn fai m’sieqv dorn.
6.2 Hnyangx-jeiv duqv 7-15 hnyangx. M’jangc dorn wuov deix cuotv mingh horqc dorngh doqc sou, maaih fin-saeng njaaux ninh mbuo. Maaih m’sieqv dorn wuov deix nor yiem biauv hoqc taux liuc leiz biauv gu’nyuoz nyei gong, maaih ninh mbuo nyei maa njaaux ninh mbuo.
6.3 Hnyangx-jeiv duqv 16-18 hnyangx. Butv-zoih mienh nyei fu’jueiv cuotv mingh hoqc hlang wuov kang, heuc “Gymnasium (saiax qaqv saaix tiux nyei dorngx)” naaiv joux waac se yiem Gikc wuov joux daaih, Gikc Waac heuc “Gymnos” eix-leiz se “Jaev nqoi liu-hnoux” fai “Njang sin civ liv nyei” naaiv deix butv nzoih fu’jueiv gauh camv se jaev nqoi liu-hou ndouv-saaix ziex nyungc nyei. Ninh mbuo yiem “Gymnasium” hoqc nyei se maaih hnangv naaiv, A. Hoqc taux sorngx qaqv nyei jauv.
(Physical training) B. Hoqc taux sou-nzung caux mborqv lorh nzoz
wuov bung. (Miusic, poetry, dancing) C. Hoqc taux mienh fiev longx haic nyei sou.
(Literature)
D. Hoqc taux seix mangc nyei jauv-louc. (Janx taiv waac heuc Witv^taqv^yaa^saatc) (Science)
E. Hoqc taux gunv guoqv nyei jauv-louc. (Politics)
96 6.4 Hnyangx-jeiv 19 mingh taux 20 hnyangx.
Yiem naaiv deix hnyangx-jeiv mbenc ziangx daaih kouv benx “Gikc nyei baeqc fingx.” (Citizen) Yiem “Gynasium” hoqc cuotv daaih wuov deix hou-saeng-mienh longc ziangh hoc 2 hnyangx mingh zoux baeng liuz cingx daaih duqv benx Gikc nyei baeqc fingx. Zoux baeng nyei mienh se bun daaih benx 2 kang. A. Da’yietv hnyangx nor se hoqc hiuv taux zoux baeng nyei jauv-louc. B. Da’nyeic hnyangx se oix zuqc cuotv mingh mborqv jaax yiem mborqv jaax ciangv.
14 ZAANG
FUH SUX TIN-HUNGH Weic zuqc mbuo duqv zipv nyei nyungc-nyungc fuqv se Tin-Hungh ceix bun mbuo. Tin-Hungh bun mbuo nyei sin zangc wuangc siangx nyei, maiv butv baengc. Ziouv ceix zinh nyaanh daaih bun mbuo longc. Ziouv aengx ceix yietc liuz nyei maengc bun mbuo. Naaiv deix yietc zungv se Tin-Hungh ceix daaih bun mbuo. Dauh dauh baamh mienh yietc zungv qiemx jienv Tin-Hungh nyei zaeqv, maiv gunv wuov dauh mienh sienx Tin-Hungh fai maiv sienx. Mv baac Giduc mienh qiemx zaeqv gauh camv ganh guanh mienh, se qiemx kuv fienx nyei zaeqv. Giduc mienh oix zuqc cuotv mingh zunh kuv fienx tong naaiv lungh ndiev bun mienh hiuv. Giduc mienh nyei gong se oix zuqc longc sin, longc zinh nyaanh, longc ziangh hoc, longc banh zeic zoux Ziouv nyei gong
97 weic daapc ziec Tin-Hungh nyei en, yaac fuh sux baamh mienh, yaac longc nyungc-nyungc za’eix tengx mienh biaux ndutv youh nzauh daaih zipv Tin-Hungh nyei baengh orn. Giduc mienh oix zuqc buangv hnyouv buangv eix nyei longc nzengc ninh maaih nyei banh zeic fuh sux Tin-Hungh yaac fuh sux baamh mienh.
Yiem Ging-Sou gorngv taux fuh sux nyei jauv-louc.
1. Yiem Ging-Sou gorngv taux Apv^laa^ham se daauh dauh fongc horc ziepc gouv nyei yietc gouv. (Tin-Deic Douh 14:20) “Ceng Yiem Hlang Jiex nyei Tin- Hungh, weic zuqc ninh bun meih nyei win-wangv zuqc yiem meih nyei buoz-ndiev. Apc^laa^ham ziouc zorqv ninh duqv nzuonx daaih nyei yietc zungv ga’naaiv. Ziepc gouv nyei yietc gouv bun Men^ki^se^ndekc.” 2. Tin-Hungh hatc jienv ninh nyei mienh oix zuqc fongc horc ziepc gouv nyei yietc gouv. (Lewi 27:30-32)
“Yiem ndau cuotv nyei yietc zungv ga’naaiv, liemh laangh zieqc liemh ndiangx nyei biouv, ziepc gouv nyei yietc gouv benx Ziouv nyei mi’aqv. Se gorngv haaix dauh oix zuoqc haaix deix ninh nyei ziepc gouv nyei yietc gouv, oix zuqc bun buonh zinh aengx jaa tipv biaa gouv nyei yietc gouv. Da’faanh ngongh guanh, ba’gi yungh fai yungh guanh, ziepc gouv nyei yietc dauh ziouc cing-nzengc weic fungx bun Ziouv.”
3. Sin zangc wanngc siangx nyei caux meih maaih nyei yietc
zungv zinh nyaanh se yiem Tin-Hungh daaih. (Nzamc Leiz-Latc 8:18) “Oix zuqc jangx jienv Ziouv, meih mbuo nyei Tin-Hungh, bun meih mbuo maaih banh zeic hnangv naaiv nor butv zoih daaih, weic ziepc zuoqv nyei ei jienv ninh caux meih mbuo nyei ong-taaix houv jienv liepc nyei ngaengc waac hnangv ih hnoi nor.”
98 4. Tin-Hungh zioux maiv fongc horc ziepc gouv nyei yietc
gouv wuov deix mienh, mv baac ceix fuqv fongc horc ziepc zuoqv wuov deix mienh. (Maa^laa^ki 3:8-12) “Yie naaic meih mbuo, ‘Maaih mienh oix pienx Tin-Hungh fai?’ Meih mbuo yaac pienx yie ni! Mv baac meih mbuo, naaic, ‘Yie mbuo hnangv haaix nor pienx meih?’ Meih mbuo pienx cuotv ziepc gouv nyei yietc gouv caux horpc zuqc fongc horc nyei ga’naaiv. Weic zuqc meih mbuo pienx yie, meih mbuo yietc norm guoqv nyei mienh zuqc zioux aqv. Nenh jiex nyei Ziouv gorngv, ‘Meih mbuo oix zuqc dorh gaux ziepc gouv nyei yietc gouv daaih dapv jienv yie nyei lamz, weic bun yie nyei biauv maaih nyanc hopv. Gunv seix gaax yie maah! Meih mbuo ziouc buatc yie weic meih mbuo koi nqoi lungh nyei gaengh dox fuqv camv haic njiec daaih bun meih mbuo, zungv maiv maaih dorngx gaux dapv.’ Nenh jiex nyei Ziouv gorngv, ‘Yie oix dangv gaeng, maiv bun ngaatc waaic meih mbuo nyei deic-bung nyei gaeng-zuangx ga’naaiv. Yie yaac oix bun meih mbuo nyei a’ngunc ndeic nyei biouv maiv bioh.’ Nenh jiex nyei Ziouv aengx gorngv, ‘Wuov zanc maanc guoqv nyei mienh oix heuc meih mbuo zoux duqv fuqv duqv loqc nyei mienh weic zuqc meih mbuo nyei deic-bung kuh yiem haic.’ ”
5. Oix zuqc longc zinh nyaanh, longc ziangh hoc, longh meih
nyei banh zeic tengx mienh. (Matv^taai 6:1-4) “Meih mbuo oix zuqc faix fim. Tin-Hungh oix meih mbuo zoux nyei kuv sic maiv dungx dorng zuangx zoux weic bun mienh buatc. Se gorngv meih mbuo dorng zuangx zoux, meih mbuo maiv duqv zipv tin-dorngh Diex bun nyei ziangh nyeic. Wuov nyungc, meih cuotv fim tengx mienh jomc mienh, maiv dungx hu hu hiaangv hiaangv nyei zoux, yiem jaai-horngc zoux weic oix bun mienh ceng nor. Yie mbuox zien meih mbuo ninh mbuo nyei zingh nyeic ninh mbuo duqv zipv liuz aqv. Cuotv fim tengx mienh jomc mienh wuov zanc, liemh maiv dungx bun meih zuoqc jiex nyei loh gaeng doic hiuv. Hnangv naaic, maiv maaih haaix dauh hiuv duqv meih zoux naaic deix jauv, mv baac meih nyei Zangc Diex, dongh
99 mangc duqv buatc meih gem jienv zoux nyei sic, ziouc bun zingh nyeic meih aqv.”
6. Meih nyei zinh nyaanh yiem haaix, meih nyei hnyouv ziouc
yiem wuov. (Matv^taai 6:19-21) “Maiv dungx weic ganh siou jaaix nyei ga’naaiv yiem naaiv baamh gen, weic zuqc haih jiex sioux jiex nzingx nyei. Gaeng yaac haih ngaatc waaic nzengc. Janx-zaqc yaac haih betv bieqc daaih nimc. Oix zuqc weic ganh siou jaaix nyei ga’naaiv yiem wuov tin-dorngh weic zuqc Janx-zaqc yaac maiv haih betv bieqc mingh nimc. Meih siou jaaix nyei ga’naaiv yiem haaix norm dorngx, meih nyei hnyouv haaix zanc yaac jangx jienv wuov aqv.”
7. Giduc mienh oix zuqc maaih hnyouv nzie mienh.
(Matv^taai 19:21) “Yesu mbuox ninh, ‘ Se gorngv meih oix zoux dunh yunh nyei mienh, oix zuqc mingh maaic nzengc meih maaih nyei jaa-dingh yietc zungv zorqv wuov deix nyaanh bun mienh jomc mienh. Hnangv naaiv meih ziouc maaih jaaix nyei ga’naaiv siou jienv yiem wuov tin-dorngh. Zoux liuz, daaih ganh yie oc.’ ”
8. Ziouv Yesu gorngv Faa^li^si Mienh camv-nyungc jauv nyei.
Mv baac Ziouv Yesu ceng ninh mbuo fongc horc ziepc gouv nyei yietc gouv. (Matv^taai 23:23) “Meih mbuo beih zaqc hnyouv njuotv njaaux leiz nyei fin-saeng caux Faa^li^si Mienh aah! Meih mbuo oix buangh zuqc kouv aqv. Meih mbuo dorh baeqc citv, tongh hau caux yienh si ziepc gouv nyei yietc gouv fongc horc Tin-Hungh. Leiz-latc njaaux gauh longc jienv jiex nyei leiz se oix zuqc zoux baengh fim, oix zuqc korv-lienh mienh, oix zuqc zoux hnyouv ziangx, mv baac meih mbuo maiv zoux. Meih mbuo horpc zuqc hnangv naaiv nor zoux, yaac oix zuqc maiv dungx la’kuqv ziepc gouv nyei yietc gouv ga’naaiv fongc horc Tin-Hungh.”
100 9. Longc Ziouv ceix bun nyei zingh nyeic zoux Ziouv nyei gong
wuov deix mienh, Ziouv oix ceix fuqv ninh mbuo. Mv baac Ziouv oix dingc zuiz maiv longc Ziouv ceix bun nyei zingh nyeic wuov deix mienh. (Matv^taai 25:14-30) “………Meih naaic dauh waaic haic lueic haic nyei bou aah! Meih hiuv yie maiv ndortv qaqv zuangx nyei dorngx yie duqv gaatv? Yie maiv haaz nyim nyei dorngx yaac duqv siou? Wuov nyungc meih horpc zuqc dorh yie nyei nyaanh mingh dapv wuov nyaanh lamz. Hnangv naaic, yie nzuonx daaih yie duqv buonh zinh yaac duqv leic zinh caux jienv niaa. Zorqv ninh nyei wuov deix nyaanh aqv. Aengx bun maaih zieqc waanc wuov dauh, weic zuqc haaix dauh maaih deix nyei, oix tipv bun ninh maaih gauh camv, ninh ziouc maaih zengc. Haaix dauh maiv maaih, liemh ninh maaih deix baav nyei, zungv zuqc zorqv mi’aqv…………..”
10. Maiv dungx nquin siou baamh gen nyei ga’naaiv, weic zuqc
nyungc-nyungc se Ziouv ceix bun dongh hnamv ninh wuov deix mienh. (Lugaa 12:15-21) “Oix zuqc faix fim. Maiv dungx zoux hnyouv hlo mauv haaix nyungc. Maiv gunv ndongc haaix butv zoih, zien maengc maiv zeiz yiem naaiv deix ga’naaiv……Mv baac Tin-Hungh gorngv mbuox ninh, ‘Ga’naaiv hngongx aah! Ih muonz meih oix zuqc daic aqv. Meih siou daaih liouh meih ganh longc nyei ga’naaiv, naaiv nzunc oix benx haaix dauh nyei?’ Yesu aengx gorngv setv mueiz waac, ‘Haaix dauh kungx oix siou jienv ga’naaiv camv liouh ninh ganh longc, se hnangv wuov dauh butv zoih nyei mienh hngongx mienh nor. Ei Tin-Hungh mangc, ninh se mienh jomc mienh.’ ”
11. Loz-hnoi nyei jiu-baang se benx longx haic nyei nyungc zeiv,
ninh mbuo fongc horc ga’naaiv bun Tin-Hungh, yaac laanh nzie laanh. (Gong-Zoh 2:44-46) “Sienx nyei mienh gapv zunv yiem. Maaih haaix nyungc ninh mbuo juangc jienv longc. Ninh mbuo yaac maaic ninh mbuo nyei lingh deic jaa-dingh ga’naaiv, zorqv wuov deix nyaanh ziux gorqc mienh qiemx longc nyei bun nqoi longc.
101 Ninh mbuo hnoi-hnoi gapv zunv yiem zangc Tin-Hungh nyei biauv yaac yiem ninh mbuo nyei biauv maeqv njuov. Ninh mbuo juangc nyanc juangc hopv, lomh nzoih a’hneiv, longc nzengc hnyouv zoux yaac ceng Tin-Hungh.”
12. Bun nyei mienh gauh maaih orn-lorqc zipv nyei mienh. (Gong-Zoh 20:35) “Yie zoux nyei nyungc-nyungc se zoux nyungc zeiv bun meih mbuo hiuv duqv oix zuqc hnangv naaiv nor zoux gong kouv weic tengx mau nyei mienh. Jangx jienv Ziouv Yesu gorngv nyei waac. Ninh gorngv, ‘Bun nyei gauh maaih orn-lorqc duqv zipv nyei.’ ”
Fuh sux wuov joux waac nyei nyei eix-leiz. “Bou” naaiv joux waac fai “Fuh sux” naaiv joux waac se yiem Janx-yangh yinh waac “Stewardship” wuov joux waac daaih. Naaiv joux waac se yiem Gikc Waac faan daaih, Gikc se longc 3 joux waac, hnangv naaiv 1. OIKONOMOS naaiv joux waac se maaih 2 joux waac gapv daaih. “oikos” naaiv joux waac nyei eix-leiz se biauv. Aengx maaih joux “nemo” eix-leiz se “Liuc leiz gong wuov dauh.” Hnangv naaic, “oikonomos” naaiv joux waac nyei eix-leiz se “Tengx gong-ziouv liuc-leiz goux biauv, goux gong-ziouv nyei zinh nyaanh nyei mienh.” Naaiv bun cing Giduc mienh hiuv dingc gorngv, ninh mbuo se kungx tengx Tin-Hungh goux Tin- Hungh ceix daaih bun nyei nyungc-nyungc hnangv, ninh mbuo maiv zeiz ziouv, Tin-Hungh se benx Ziouv yaac maaih hatc maaz wuov dauh. (Lugaa 12:42; Lomaa 16:23; Gaa^laa^tie 4:2) 2. EPITROPOS naaiv joux waac nyei eix-leiz se “Goux jienv” fai “Tengx goux mangc” ninh zoux gong div ninh nyei gong-ziouv. (Matv^taai 20:8 Lugaa 8:3)
102 3. OIKONOMIA naaiv joux waac nyei eix-leiz se “Ninh ei jienv ninh nyei gong ziouv nyei waac, tengx ninh nyei gong- ziouv bun zinh nyaanh.” (Lugaa 16:2-4)
15 ZAANG
GIDUC MIENH DONGH HNYOUV GONG ZOUX
Giduc mienh oix zuqc gapv hnyouv daaih juangc jienv zoux Tin-Hungh nyei gong. Se gorngv gorqc mienh longc gorqc mienh ganh nyei banh zeic zoux nor se maiv haih ei jienv Ziouv Yesu nyei waac zoux ziangx. Hnangv naaic, Giduc mienh oix zuqc longc nzengc qaqv longc nzengc za’eix caux ganh dauh Giduc mienh dongh hnyouv juangc jienv gong zoux fuh sux Tin-Hungh. Giduc mienh dongh hnyouv nyei zoux gong fuh sux Tin-Hungh se yiem ninh mbuo ganh nyei eix cuotv daaih se maiv zeiz aapv jienv dongh hnyouv. Naaiv deix Giduc mienh ninh mbuo a’hneiv nyei gapv zunv daaih caangc laangc liuz lomh nzoic gapv hnyouv gapv qaqv juangc jienv gong zoux. Ninh mbuo gapv hnyouv daaih zunh Ziouv Yesu nyei kuv fienx tong naaiv lungh ndiev. Dongh wuov norm ziangh hoc ninh mbuo ganh yaac laanh ceix laanh, jiu-baang ceix jiu-baang bun jaa wuonv jienv faaux daaih.
103
Giduc mienh haih hnangv naaiv nor dongh hnyouv juangc jienv gong zoux.
1. Gorqc mienh ganh lengc jeiv nyei. 2. Jiu-baang. 3. Ziex norm yiem-laangz nyei jiu-baang. 4. Saqc^haqc^gitc Saengv jiu-baang nyei gorn. 5. Saqc^haqc^gitv Guoqv zangc jiu-baang nyei domh gorn. 6. Ziex norm guoqv Saqc^haqc^gitc jiu-baang nyei domh gorn.
Ziex norm jiu-baang dongh hnyouv nyei zoux gong se weic:
1. Zunh Ziouv Yesu nyei kuv fienx. 2. Njaaux Ziouv nyei bou fuh sux Tin-Hungh. 3. Njaaux Giduc mienh. 4. Laanh tengx laanh.
Oix zuqc samx mangc ndaangc liuz cingx daaih haih caux ninh mbuo
juangc jienv Gong zoux.
1. Ninh mbuo sienx nyei se ei jienv Ging-Sou njaaux nyei fai?
2. Oix zuqc maaih dingc daaih nyei dorngx fih hnangv nyei. 3. Oix zuqc a’hneiv nyei nyunc diev kouv weic zuangx
mienh.
104
Yiem Ging-Sou gorngv taux Giduc mienh dongh hnyouv zoux gong
nyei se hnangv naaiv:
1. Dongh hnyouv nyei jauv zoux bun duqv hingh. (Cuotv I^yipv 17:11-13) “Da’faanh Mose sung jienv buoz, I^saa^en Mienh hingh. Mose bungx buoz njiec nor, Aa^maa^lekv Mienh jiez gorn hingh aqv. Mose sung gau buoz, buoz nyuix haic. Aalon caux Hu^aa ziouc lorz norm la’biev bun ninh zueiz jienv, yietc dauh yiem bung, baav jienv Mose nyei buoz. Ninh nyei bouz ziouc sung jienv taux mba’hnoi muotv. Yo^su^waa ziouc longc nzuqc ndaauv mbuorqv hingh Aa^maa^lekv Mienh.”
2. I^saa^en Mienh dongh hnyouv zoux zangc Tin-Hungh
nyei biauv. (E^saa^laa 1:3-4) “ 3 Yiem ….. mbu'ndongx, da'faanh zoux Tin-Hungh nyei baeqc fingx wuov deix, tov ninh mbuo nyei Tin-Hungh caux ninh mbuo gorqv-mienh yiem. Gunv nzuonx Yu^ndaa Deic-Bung, Ye^lu^saa^lem Zingh, ceix zaangc Ziouv nyei biauv, se I^saa^laa^en Mienh nyei Tin-Hungh, dongh yiem Ye^lu^saa^lem wuov dauh Tin-Hungh nyei biauv. 4 Maaih haaix dauh zuqc guaatv daaih nyei mienh, maiv gunv yiem haaix norm dorngx, bun wuov norm dorngx nyei mienh tengx jiem nyaanh, qiemx longc nyei ga'naaiv caux saeng-kuv. Cuotv liuz naaiv, sueih mienh cuotv fim fongc horc ga'naaiv weic Ye^lu^saa^lem zingh, zaangc Tin-Hungh nyei biauv.
3. I^saa^laa^en Mienh dongh hnyouv zoux bun zoux ziangx laatc zingh. (Ne^haa^mi 4:16; 6:15) “…….” (Yie maiv gaengh maaih naaiv yiemc Ging-Sou)
105 4. Ziouv Yesu ginv 12 dauh sai-gorx daaih dongh hnyouv
nyei zunh kuv fienx. (Matv^taai 10:5-15) “Yesu paaiv naaiv deix ziepc nyeic dauh gong-zoh cuotv mingh wuov zanc, ninh yaac njaaux ziangx. Ninh gorngv…..Tin-Hungh daaih zoux Ziouv gunv mienh nyei ziangh hoc taux fatv aqv…..Meih mbuo baeqc baeqc duqv daaih nyei yaac oix zuqc baeqc baeqc bun……..”
5. Ziouv Yesu heuc 70 dauh sai-gorx daaih caux ninh juangc
jienv gong zoux. (Lugaa 10:1-2) “Naaiv deix sic jiex liuz, nqa’haav Yesu aengx ginv cuotv cietv zipec nyeic dauh sai-gorx paaiv ninh mbuo yietc doix yietc doix nyei mingh. Yesu oix mingh haaix norm mungv haaix norm dorngx, ninh ziouc paaiv ninh mbuo mingh ndaangc. Ninh gorngv mbuox sai-gorx mbuo, ‘Gaeng-zuangx camv mv baac gong-mienh zoqc. Weic naaiv oix zuqc tov gaeng-zungx nyei Ziouv paaiv gong-mienh cuotv mingh siou ninh nyei gaeng-zuangx.’ ”
6. Loz-hnoi nyei jiu-baang ninh mbuo maaih dongh hnyouv juangc jienv gong zoux nyei nyungc zeiv longx haic. (Gong-Zoh 4:32-35) “Zuangx sienx Yesu nyei mienh hoepc fim dongh eix. Maiv maaih haaix dauh gorngv haaix nyungc benx ninh ganh nyei siqc jeiv ga’naaiv. Yietc zungv benx domh zuangx nyei, juangc jienv longc. Gong-Zoh mbuo maaih domh qaqv zoux zorng-zengx gorngv Ziouv Yesu nangh daaih nyei jauv-louc. Tin-Hungh yaac camv-camv nyei ceix fuqv bun ninh mbuo mouz dauh mienh. Yiem naaiv guanh mienh maiv maaih haaix dauh caa haaix nyungc weic zuqc haaix dauh maaih lingh deic, maaih biauv, ziouc maaic mingh dorh nyaanh daaih jiu bun gong-zoh mbuo. Gong-Zoh mbuo ziouc ei gorqc mienh qiemx longc nyei bun nqoi gorqc mienh. ”
7. Ging-Sou baav taux maiv dungx bun nqoi, mv baac oix
zuqc dongh diuc hnyouv. (1 Ko^lin^to 1:10) “Zuangx gorx-youz aac, yie dengv mbuo Ziouv Yesu Giduc nyei mbuox tov meih mbuo oix zuqc dongh joux
106 waac gorngv. Maiv dungx bun nqoi zoux ziex guanh. Oix zuqc hopc fim dongh eix, dongh diuc hnyouv.”
8. Giduc mienh dongh hnyouv juangc jienv gong zoux
wuov zanc, Tin-Hungh ziouc ceix fuqv wuov norm gong. (1 Ko^lin^to 3:5-15) “Baulo zoux haaix nyungc mienh? Aa^bor^lo zoux haaix nyungc mienh? Yie mbuo kungx zoux Tin-Hungh nyei bou dorh meih mbuo sienx. Ziux Ziouv paaiv nyei gong, gorqc mienh maaih gorqc mienh buonc zoux. Yie zuangx nyim, Aa^bor^lo fuqv wuom, mv baac Tin-hungh ganh bun hlo daaih. Zuangx nyim wuov dauh caux fuqv wuom wuov dauh se maiv longc jienv. Longc jienv nyei se Tin-Hungh, weic zuqc Tin-Hungh bun hlo daaih. Zuangx wuov dauh caux fuqv wuom wuov dauh, i dauh zungv fih hnangv nyei. Tin-Hungh oix ei gorqc mienh zoux nyei gong bun zingh nyeic………..Ei Tin-Hungh ceix bun yie nyei en, yie zoux maaih buoz-dauh nyei gomv biauv zangc liepc zianghx gorn-ndoqv. Aengx maaih ganh dauh daaih bangc naaiv norm gorn-ndorqv ceix jiez. Mv baac dauh dauh oix zuqc faix fim mangc gaax, hnangv haaix nor ceix……”
9. Mouz dauh Giduc mienh yietc zungv se benx Ziouv Yesu
nyei sin, hanngv naaic, mouz dauh Giduc mienh oix zuqc dongh hnyouv nyei zoux Ziouv nyei gong. (1 Ko^lin^to 12:1-31) “……..Giduc se hnangv yietc norm sin, maaih ziex nyungc gapv jienv. Maiv gunv maaih ziex nyungc gapv jienv, kungx benx yietc norm sin hnangv…..Mv baac Tin-Hungh ei ninh ganh nyei za’eix bun sin zangc yietc nyungc maaih yietc nyungc nyei dorngx yiem. Se gorngv sin nyei yietc zungv kungx nduqc nyungc hnangv, naaiv maiv benx sin aqv…….. Buatc sin nyei haaix nyungc mau jiex, wuov nyungc mbuo gauh qiemx longc jiex. Mbuo hnamv daaih sin nyei haaix nyungc gauh maiv taaih nyei, dongh wuov nyungc mbuo gauh oix zuqc taaih. Maiv benx mangc nyei dorngx, gauh oix zuqc jiemh guaan longx……
107 Hnangv naaic sin cingx daaih maiv lamh nzaeng dorngx, sin nyei nyungc-nyungc, meih goux yie, yie goux meih fih hnangv nyei…………….”
16 ZAANG
GIDUC MIENH OIX ZUQC ZOUX NYEI
Giduc mienh nyei maengc oix zuqc zoux nyei gong se ei jienv Tin-Hungh nyei za’eix zoux ziangx, yaac ei jienv Ziouv nyei za’eix yiem-laangz zoux ziangx. Yiem-laangz mienh nyei maengc haih longx jienv faaux se gorngv ninh mbuo maaih siang-maengc se dongh Ziouv Yesu ceix bun nyei siang-maengc. Ei baamh mienh nyei cong-mengc longc nyei ziex nyungc za’eix se maiv haih tengx, se gorngv baamh mienh nyei hnyouv corc maiv gaengh duqv zoix yungz daaih nor. Giduc mienh longc Singx Lingh nyei qaqv doix-dekc hnyouv hlo, douh ganh duqv longx, caux ziex nyungc waaic nyei sic. Giduc mienh tengx ndortv naanc fu’jueiv, dongh kouv nyei wuov deix mienh, mienh jomc mienh, mienh gox mienh, maiv lamh kaux nyei mienh, mienh zoux doqc, zoux hoic nyei mienh. Giduc mienh kaux Tin-Hungh dorh jienv tengx ceix yiem-laangz nyei dorngx longx jienv faaux. Giduc mienh ndongc haaix zungv maiv bouc zuiz nyei jauv, fai zoux sic daaih doix-dekc Ging-Sou.
108
Yiem Ging-Sou gorngv taux baengh fim nyei jauv-louc
1. Tin-Hungh hatc jienv oix zuqc goux longx baengh fim nyei
jauv. (Lewi 6:2-5) “Se gorngv maaih mienh baamz zuiz, maiv ziepc zuoqv nyei zoux bun Ziouv, se ninh nduov laangz zangc nyei gorx-youz, yiem dingc-zinh fai mienh juix bun ninh siou nyei ga’naaiv fai ninh nimc mienh nyei ga’naaiv fai zoux bun mienh zuqc kuei, fai zuotc duqv ga’naaiv yaac maiv nyiemc, fai ndouv zioux mv baac jaav nyei, fai zoux haaix nyungc mienh haih zoux dorngc nyei zuiz, wuov dauh ziouc zoux dorngc, maaih zuiz aqv. Ninh oix zuqc tuix nzuonx ninh nimc nyei, fai bun mienh zuqc kuei nyei, fai mienh juix bun ninh nyei ga’naaiv, fai zuotc daaih nyei ga’naaiv, fai ninh weic haaix nyungc ga’naaiv ndouv zioux jaav nyei. Dorh ga’naaiv mingh ziec weic zoux dorngx zuiz wuov hnoi, ninh oix zuqc tuix nzengc aengx buih biaa gouv nyei yietc gouv bun wuov deix ga’naaiv nyei ziouv.”
2. Sienx nyei mienh oix zuqc muangx Tin-Hungh goux jienv
baengh fim nyei jauv. (Nzamc Leiz-Latc 27:17) “Haaix dauh suiv juangc laangz mienh nyei ndau-deic gapv-nqenx zoux jangx-hoc nyei dongx, wuov dauh zuqc zioux aqv.”
3. Giduc mienh yiem laangz oix zuqc zoux longx.
(Matv^taai 5:13-16) “Meih mbuo se hnangv nzauv weic yiem baamh mienh mbu’ndongx. Se gorngv nzauv nyei mueix tuix zaamv mingh, maaih haaix nyungc za’eix bun nzauv aengx haih nzaaih daaih? Naaiv deix nzauv maiv lamhc longc aqv. Oix zuqc dox njiec ndau bun mienh caaiv hnangv. Meih mbuo se hnangv njang weic ziux baamh mienh. Yietc norm zingh yiem wuov mbuong-ningv maiv haih bingx maiv mueiz mienh. Yaac maiv maaih mienh diemv zieqc dang daaih, zorqv tongv nqopv jienv. Dang m’daaih don dang nyei baaih ziux njang yietc biauv mienh.
109 Hnangv naaic, ninh mbuo duqv buatc meih mbuo zoux nyei kuv sic ziouc ceng meih mbuo nyei tin-dorngh Diex.”
4. Giduc mienh oix zuqc hnamv ninh mbuo nyei win-wangv.
(Matv^taai 5:43-48) “Meih mbuo haiz jeix loz-hnoi mienh njaaux naaiv deix waac, ‘Oix zuqc hnamv meih nyei gorx-youz, nzorng meih nyei win-wangv.’ Mv baac ih zanc yie gorngv mbuox meih mbuo, oix zuqc hnamv meih mbuo nyei win-wangv. Zoux doqc meih mbuo wuov deix, oix zuqc tengx ninh mbuo daux gaux. Meih mbuo hnangv naaiv nor zoux, meih mbuo ziouc benx meih mbuo nyei tin-dorngh Diex nyie dorn aqv. ’Maiv gunv kuv mienh fai mienh waaic mienh, Tin-Hungh yaac bun mba’hnoi ziux fih hnangv nyei’…………………………..”
5. Ziouv Yesu ganh zoux nyungc zeiv tengx kouv ga’naanh
wuov deix mienh. (Maako 1:29-34) “……….Dongh naaic hnoi, mba’hnoi muotv nziemx-yaangh nyei ziangh hoc, mienh dorh yietc zungv butv baengc caux zuqc mienv muoqv nyei mienh mingh Yesu wuov . Zuangx mungv nyei mienh daaih gapv zunv wuov gaengh ndaangc. Yesu ziouc zorc longx mienh camv nyei nyungc-nyungc baengc, yaac zunc mienv………..”
6. Ziouv Yesu daaih baamh gen weic tengx baamh mienh.
(Lugaa 4:18-19) “Ziouv nyei Singx Lingh caux yie yiem, weic zuqc ninh ginv yie daaih zunh kuv fienx mbuox mienh jomc mienh, yaac paaiv yie daaih zunh mbuox zuqc wuonx nyei mienh ninh mbuo oix duqv bungx cuotv. Yaac zunh mbuox m’zing maengh nyei mienh ninh mbuo haih mangc duqv buatc. Yaac bun zuqc mienh zoux doqc hoic wuov deix duqv bungx nqoi. Aengx zunh gorngv Ziouv ceix en nyei hnyangx-dauh taux aqv. ”
110 7. Giduc mienh ei jienv Tin-Hungh njaaux nyei waac zoux
ziouc haih tengx yiem-laangz longx jienv faaux. (Ko^lo^si 3:12-17) “Tin-Hungh hnamv meih mbuo yaac ginv meih mbuo daaih benx ninh ganh nyei cing-nzengc mienh. Weic naaiv meih mbuo oix zuqc maaih hnyouv korh lienh mienh, zoux longx bun mienh, nyiemc ganh zoux faix, suonc zingh suonc eix yaac maaih noic diev. Oix zuqc zoux hnyouv ndaauv, laanh nyaangc laanh. Se gorngv meih mbuo haaix dauh laanh caux laanh maaic sic, laanh oix zuqc guangc bun laanh. Ziouv Yesu hnangv haaix nor guangc meih mbuo zoux dorngc nyei sic, meih mbuo yaac oix zuqc hnangv wuov nor laanh guangc bun laanh. Maiv daan mbuoqc naaiv yaac oix zuqc jaa tipv hnamv mienh nyei hnyouv weic zuqc hnamv mienh nyei hnyouv bun naaiv deix yietc zungv sic yunh yunh nzengc……Hnangv naaiv, maiv gunv meih mbuo zoux haaix nyungc, fai gorngv haaix nyungc, oix zuqc dengv Ziouv Yesu nyei mbuox zoux. Yaac oix zuqc dengv ninh nyei mbuox laengz zingh Zangc Diex Tin-Hungh.”
17 ZAANG
MBORQV DOMH JAAX CAUX TAAIH BAENGH
Dauh dauh Giduc mienh oix zuqc oix zuqc kaux Tin-Hungh tengx jienv lomh nzoih ceix taaih baengh nyei sic bun ninh mbuo yiem nyei dorngx, yaac oix zuqc bun dauh dauh mienh taaih baengh nyei yiem, lomh nzoih tengx jienv goux jienv maiv bun maaih mborqv domh jaax. Ziouv Yesu njaaux ninh nyei sai-gorx mbuo oix zuqc taaih baengh nyei yiem.
111 Ziangh buonv Ging-Sou se bun mbuo buatc taux Tin-Hungh nyei za’eix oix maanc guoqv taaih baengh nyei yiem. Yiem Ging-Sou bun mbuo buatc mengh nyei kungx maaih nduqc nyungc za’eix bun naaiv baamh gen taaih baengh nyei yiem se dauh dauh baamh gen mienh goiv hnyouv daaih sienx Ziouv Yesu. Maiv gunv jiex daaih nyei sic bun mbuo buatc baamh mienh longc ziex nyungc za’eix ceix taaih baengh liuz, mv baac buatc ninh mbuo zoux nyei sic caux ninh mbuo gorngv nyei maiv doix, weic zuqc baamh mienh kungx mborqv jaax yaac maiv doix-dongh. Yiem naaiv baamh gen mienh buoqc zangc ziex nyungc, mv baac buoqc zangc nyei jauv maiv haih tengx duqv mienh maiv morqv jaax, se gorngv maaih zuiz buangv nzengc baamh mienh nyei hnyouv .
Yiem Ging-Sou gorngv taux mborqv domh jaax caux taaih baengh nyei jauv-louc.
1. Kungx maaih Tin-Hungh ganh hnangv haih bun naaiv baamh
gen taaih baengh. (I^saa^yaa 2:4) “Ninh oix siemv naaiv norm guoqv caux wuov norm guoqv gu’nyuoz nyei sic, yaac weic camv-fingx mienh dunx sic. Ninh mbuo ziouc zorqv ninh mbuo nyei nzuqc ndaauv duqv benx laih biev, ninh mbuo nyei cang duqv benx daav ndiangx-dueiv nyei limh ngau. Guoqv caux guoqv yietc liuz maiv aengx mborqv jaax, yiem naaiv mingh maiv hoqc linc mborqv jaax aqv.”
2. Yiem Tin-Hungh zoix yungz daaih nyei mienh haih zoux bun
naaiv baamh gen taaih baengh nyei yiem. (Matv^taai 5:9) “Kuinx i bung mienh horpc hnyouv daaih maaih baengh orn wuov deix, maaih njien-youh aqv, weic zuqc maaih Tin-Hungh zoux ninh mbuo nyei Ziouv gunv ninh mbuo.”
112 3. Ziouv Yesu njaaux ninh nyei mienh oix zuqc zoux longx bun
mienh. (Matv^tai 5:38-42) “Meih mbuo haiz jiex loz-hnoi njaaux mienh naaiv joux waac. ‘M’zing jaauv m’zing, nyaah jaauv nyaah.’ Mv baac ih zanc yie gorngv mbuox meih mbuo, mienh zoux dorngc bun meih, maiv dungx jaauv win. Se gorngv maaih mienh mbaix meih nyei mbiaauc bung hmien, oix zuqc liemh zaaix maengx bung huin mingh bun ninh mbaix. Se gorngv maaih dauh mienh dorh meih mingh sic dorngh oix gox longc meinh nyei lui, liemh meih nyei domh lui yaac oix zuqc bun ninh. Se gorngv maaih dauh Janx-baeng zorqv meih fungx bou, aapv meih nyiex ninh nyei ga’naaiv yietc gilo jauv, meih oix zuqc tengx nyiex mingh i gilo. Maaih mienh tengx meih tov haaix nyungc, meih oix zuqc bun aqv. Maaih mienh oix gaav meih nyei ga’naaiv longc, yaac oix zuqc bun ninh longc.”
4. Ziouv Yesu buatc maiv horpc se gorngv baamh mienh
mborqv domh jaax. (Matv^tai 26:52) “Yesu mbuox ninh, ‘Zorqv meih nyei nzuqc ndaauv tapv jienv paiv maaih! Haaix dauh longc nzuqc ndaauv, zungv oix zuqc laaix nzuqc ndaauv daic.’ ”
5. Ziouv Yesu oix Giduc mienh taaih baengh nyei yiem, jaauv
win nyei jauv se juix bun Tin-Hungh. (Lomaa 12:18-19) “Yiem meih mbuo haih zoux haaix nyungc weic tengx caux zuangx mienh baengh orn yiem ziouc oix zuqc zoux aqv. Hnamv nyei gorx-youz aac, maiv dungx jaauv win. Oix zuqc jiu bun Tin-Hungh, sueih Tin-Hungh mbenc. Weic zuqc maaih waac fiev jienv Ging-Sou gorngv, Ziouv gorngv, ‘Yie ganh oix jaauv win. Yie za’gengh jaauv aqv.’ “
6. Laaix baamh mienh nyei hnyouv maaih hanc nyei sic ziouc
zoux bun mienh mborqv jaax. (Yaagorpc 4:1-2) “Yiem meih mbuo gu’nyuoz haaix nyungc bun meih mbuo nzaeng jaax mborqv jaax? Se laaix meih mbuo nyei hnyouv maaih hanc nyei sic cingx hoic meih mbuo mborqv jaax maiv zeiz? Meih mbuo hanc oix duqv ga’naaiv yaac maiv haih
113 duqv ziouc daix mienh. Mueic jieqv mienh nyei ga’naaiv mv baac maiv haih duqv ziouc nzaeng jaax mbuoqv jaax. Meih mbuo oix longc nyei meih mbuo maiv maaih weic zuqc meih mbuo maiv tov Tin-Hungh.” Maaih hnangv naaiv hnangv wuov hnamv
taux mborqv domh jaax caux taaih baengh nyei jauv-louc.
Gikc longc “Morqv domh jaax” wuov joux waac 4 joux. 1. POLEMEO eix-leiz se borngz jaax, mborqv domh jaax. (Laauc Yaangh 12:7; 2:16 Yaagorpc 4:2 )
2. STRATEUO eix-leiz se mborqv domh jaax, liepc Janx-baeng guanh. 3. ANTISTRATRUOMAI eix-leiz se benx win-wangx. (Lomaa 7:23 Lugaa 23:11) 4. POLEMOS eix-leiz se mborqv domh jaax, borngz jaax, nzaeng jaax. (Laauc Yaangh 9:7; 11:7, 20:8; Matv^taai 24:6)
Hipv^lu Waac longc ziex joux gorngv taux “Morqv domh jaax” naaiv joux waac se yiem
ziex joux waac daaih se hnangv,
1. Longc “Baamh mienh” wuov joux waac eix-leiz se “Oix mborqv domh jaax nyei mienh.”
2. Longc “Maaih qaqv maaih hatc maaz” wuov joux waac eix-leiz se “Bieqc mingh mborqv domh jaax nyei baeng-maanh.”
114 3. Longc “Nyanc” wuov joux waac nyei eix-leiz se “Meih
daix yie, yie daix meih. ”
Gikc longc camv-joux waac gorngv taux
“Taaih baengh” se hnangv
1. EIRENE eix-leiz se baamh mienh jiu doic nyei jauv-louc, yaac maiv maaih haaix nyungc hiungh hienv nyei sic.
2. EIRENEUO eix-leiz se ceix taaih baengh. (Matv^taai 9:50) 3. EIRENOPOIEO eix-leiz se zoux bun maaih taaih
baengh. (Ko^lo^si 1:20)
4. EIRENIKOS eix-leiz se: A. Nqa’haav goiv hnyouv. (Hipv^lu 12:17) B. Taaih baengh. C. Yiem gu’ngiaauc duqv daaih nyei cong-mengh. (Yaagorpc 3:17) 5. SIGAO eix-leiz se maiv lunc zieqc zingx nyei. (1 Ko^lin^to 14:28) 6. SIOPAO eix-leiz se zoux bun dingh sekv-sekv nyei maiv
ko lo. (Matv^taai 20:31) 7. HESUCHAZO eix-leiz se maiv ko lo. (Lugaa 14:4)
8. PHIMOO eix-leiz se hatc jienv maiv dungx ko lo. (Lugaa 4:35) 9. EIRENOPOIOS eix-leiz se kuinx mienh horpc hnyouv
daaih. (Matv^taai 5:9)
Hipv^lu Waac longc “SHALOM” wuov joux waac nyei eix-leiz
1. Dunh yunh nzengc. (Yu^su^waa 8:31)
115 2. Zoux ziangx nzengc. (Ne^haa^mi 6:15) 3. Zoih zunh nzengc. (I^saa^yaa 42:19) 4. Laanh maiv zoux hoic laanh. (Tin-Deic Douh 26:31)
18 ZAANG
SUEIH MIENH GINV BUOQC ZANGC NYEI JAUV
Norm-norm guoqv nyei hungh jaa sueih mienh ginv oix buoqc zangc haaix nyungc zienh yaac duqv nyei. Tin-Hungh bun hungh jaa maaih hatc maaz gunv guoqv, hungh jaa cingx daaih haih gunv duqv ninh mbuo nyei baeqc fingx caux baeqc fingx zangc nyei gorn se maiv zoux hoic mienh. Hungh jaa gunv guoqv caux mienh buoqc zangc nyei domh gorn oix zuqc bun nqoi. Gorqc mienh maaih gorqc mienh nyei gong-buonc zoux, hungh jaa maiv mingh gunv mienh buoqc zangc nyei jauv, mienh buoqc zangc nyei gorn yaac maiv mingh gunv hungh jaa nyei gong. Hungh jaa oix zuqc baengh fim, maiv nqemh mienh zangc wuov nyungc fai zangc naaiv nyungc. Hungh jaa yaac maiv dungx ba’laqc dengv jienv mienh zangc wuov nyungc fai zangc naaiv nyungc camv jiex ndaangc. Hungh jaa maiv dungx mingh nyauv taux mienh zangc nyei yietv-nyeic, maiv dangv ninh mbuo zoux nyei, yaac maiv dangv ninh mbuo sienx nyei. Se gorngv mienh buoqc zangc nyei maiv mingh zoux hoic zuqc mienh nor. Hungh jaa maiv maaih leiz heuc mienh zangc nyei gorn cuotv nzou bun hungh jaa.
116
Yiem Ging-Sou gorngv taux mienh haih ginv buoqc zangc nyei jauv.
1. Tin-Hungh nyei za’eix se bun buoqc zangc nyei jauv caux
gunv guoqv nyei jauv bun nqoi. (Matv^taai 22:21) “………..Ziouv Yesu ziouc mbuox ninh mbuo ‘Hnangv naaic, haaix nyungc Lomaa Hungh nyei, oix zuqc bun Lomaa Hungh. Haaix nyungc Tin-Hungh nyei, oix zuqc bun Tin-Hungh.’ ”
2. Giduc mienh oix zuqc muangx Tin-Hungh gauh camv guoqv zangc nyei leiz. (Gong-Zoh 4:19-20) “Mv baac Bide caux Yo^han dau ninh mbuo, ‘Meih mbuo hnamv mangc gaax, ei Tin-Hungh mangc, yie mbuo muangx meih mbuo gauh horpc mungx Tin-Hungh fai? Yie mbuo buatc jiex, haiz jiex nyei sic, yie mbuo maiv haih guangc maiv gorngv.‘ ”
3. Giduc mienh oix zuqc muangx guoqv zangc nyei leiz, se
gorngv guoqv zangc nyei leiz maiv caux Tin-Hungh nyei leiz doix-dekc nor. (Lomaa 13:1-7) “Dauh dauh oix zuqc muangx hungh jaa, weic zuqc maiv maaih haaix nyungc hungh lingh maiv zeiz Tin-Hungh liepc daaih. Ih zanc zoux jien, maaih lingc nyei mienh se Tin-Hungh liepc daaih. Hnangv naaic, haaix dauh ngaengc hungh jaa nyei waac, wuov dauh yaac ngaengc Tin-Hungh liepc daaih nyei hungh lingc. Ngaengc hungh jaa wuov deix oix zuqc dingc zuiz………Weic naaiv oix zuqc muangx hungh jaax nyei waac. Maiv daan weic gamh nziex Tin-Hungh oix dingc meih mbuo nyei zuiz hnangv. Ganh nyei hnyouv yaac bun ganh hiuv duqv oix zuqc hnangv haaix nor zoux. Weic naaiv meih mbuo yaac oix zuqc cuotv nzou-zinh bun hungh jaa, weic zuqc ninh mbuo zoux hungh jaa nyei gong ziouc tengx Tin-Hungh zoux bou. Horpc zuqc bun haaix nyungc nzou-zinh haaix dauh ziouc bun wuov dauh aqv. Horpc zuqc taaih ginx haaix dauh ziouc taaih aqv.”
117
4. Giduc mienh oix zuqc goux jienv ganh haih ginv buoqc zangc nyei jauv. (1 Bide 2:13-17) “……..Meih mbuo zoux bungx nqoi nyei mienh ziouc oix zuqc hnangv bungx nqoi nyei mienh yiem nor. Mv baac maiv dungx longc bungx nqoi nyei leiz zoux haaix nyungc waaic sic. Oix zuqc ziangh jienv zoux Tin-Hungh nyei nouh. Oix zuqc taaih ganh dauh mienh. Oix zuqc hnangv sienx Yesu nyei gorx-youz. Oix zuqc gamh nzeix Tin-Hungh, taaih Tin-Hungh, yaac oix zuqc taaih Hungh Diex.”
118