shango solutions - tokelo ya ho batla diminerale: …...5 (b) e ile ya elwa hloko tumellong ya...
TRANSCRIPT
Dunrose Trading 186 (Pty) Ltd t/a Shango Solutions
HHK House
Cnr. Ethel Ave and Ruth Cr.
Northcliff Gauteng
P. O. Box 2591
Cresta 2118
Moh: +27 11 678 6504
Fekse: +27 11 678 9731
Imeli: [email protected] Website: www.shango.co.za
White Rivers Exploration (Pty) Ltd
Tokelo ya ho Batla Diminerale: FS 30/5/1/1/3/2/1/10273 EM
Ntlafatso ya Tokomane ya Tokelo ya ho Batla
Diminerale le Tumello ya Tikoloho Bakeng sa Kopo ya
Projeke ya Bothaville NE Ext A
March 2019
Tokomane ya Tlhahisoleseding ya tse Fihletsweng Pele (BID) e o neha, jwalo ka Mothahaselli le
Moamehi (I&AP), kakaretso ya projeke e lohothilweng.
BID e o memela wena, jwalo ka I&AP, ho nkakarolo Tshebetso ya ho ba le Seabo ha
Setjhaba (PPP).
BID e fa wena, jwalo ka I&AP, monyetla wa ho ba le seabo le ho nkakarolo ho theweng
ha Raporoto ya Tekolo ya Motheo (BAR) le Raporotong ya ya Lenaneo la Taolo ya
Tikoloho (EMPR).
BID hape e fa wena, jwalo ka IAP, monyetla wa ho fa sehlopha sa projeke
maikutlo, dingongoreho, le dikganyetso tsa hao tsa projeke e lohothilweng.
0
TSE KA HARE
1. Selelekela ........................................................................................... Error! Bookmark not defined.
2. Sepheo sa Tokomane ya Tlhahisoleseding (BID) .............................. Error! Bookmark not defined.
3. Sebaka ................................................................................................ Error! Bookmark not defined.
4. Thlaloso ya Projeke ............................................................................ Error! Bookmark not defined.
5. Moo Diminerale di Fumanwang le ho Batlwa Teng ............................ Error! Bookmark not defined.
6. Ditlhoko Tsa Bolaodi ........................................................................... Error! Bookmark not defined.
7. Ditshitiso Tse Bang Teng Mesebetsing Ena ...................................... Error! Bookmark not defined.
8. Tshebetso ya Tekolo ya Motheo ........................................................ Error! Bookmark not defined.
9. Phumano ya Raporoto ya Tekolo ya Motheo le Dinthla Tsa Letsatsi La ho Kopana le Setjhaba Error! Bookmark not defined.
10. Nako eo Tumello ya Tikoloho e Ntlafaditsweng e Hlokwang ka Yona .............. Error! Bookmark not defined.
11. Melemo ya Projeke Ena ..................................................................... Error! Bookmark not defined.
12. Memo ya Setjhaba ............................................................................. Error! Bookmark not defined.
13. Memo ya ho Ingodisa ......................................................................... Error! Bookmark not defined.
LETHATHAMO LA DITSHWANTSHO
Setshwantsho 1: Mmapa wa Sebaka. ........................................................................................................ 2
LETHATHAMO LA DITHEIBOLE
Theibole 1: Dintlha tsa Diminerale. ............................................................................................................ 3
1
1. SELELEKELA
White Rivers Exploration (Pty) Ltd (tokomaneng ena e tla bitswa White Rivers Exploration) e fumane Tokelo ya ho
Batla Diminerale (FS 30/5/1/1/2/10273 PR) le Leano la Taolo ya Tikoloho e amohetsweng (EMP) ho latela Molao
wa Ntshetsopele ya Diminerale le Petroliamo wa 2002 (Molao wa 28 wa 2002, o ntlafaditsweng) (MPRDA). Tokelo
ya ho Batla Diminerale e fanwe ke Lefapha la Diminerale (DMR) Ofising ya lebatowa e Foreistata ka la 8 Lwetse
2015. Projeke ena e tsejwa e le Bothaville NE Ext A mme e akareletsa tlhahlobo e keneletseng le e sa kenellang
ya diminerale tse latelang: gautla, silevera, mashala, taemane (alluvial), sehlopha sa dimethale tsa polatinamo,
rare earths/matlotlo, salfire le Yuraniamo.
White Rivers Exploration e batla ho etsa diphetoho lenaneong la yona ka ho kenyelletsa ditlhahlobo tse
keneletseng ho Lenaneong la ho Batla Dirafshwa (PWP). Diphetoho tsena di bolela hore ho tla tjhekwa mekoti e
meng e 8 (robedi). Selemong sa 4, ho tla tjhekwa mekoti e mene mme ho itshetlehile ka sephetho sa mosebetsi wa
ho tjhekwa, mekoti e meng e mene e tla tjhekwa selemong sa 5.
E le hore ho ka fetolwa tshebetso, ho hlokahala hore foromo ya Karolo ya 102, le kopo ya Tumello ya Tikoloho e
ntlafaditsweng di tlatswe le ho fuwa DMR e le hore e ka etsa qeto. E le hore phetoho e na e etswe ho hlokahala ho
romelwe Raporoto ya Tekolo ya Motheo (BAR) ,Raporoto ya Lenaneo ya Taolo ya Tikoloho (EMPR) hammoho le
ho etsa Tshebetso ya ho ba le Seabo ha Setjhaba (PPP).Shango Solutions (Pty) Ltd (Shango Solutions)e kgethilwe
ke White Rivers Exploration jwalo ka Setsebi sa Tekolo ya Tikoloho (EAP) ho thusa ka ho etsa dintho ho latela se
hlokwang.
Kopo e ntlafaditsweng ya Tokelo ya ho Batla Diminerale e kentswe ho itshetlehilwe ka Karolo ya 102 ya MPRDA
mme kopo e ntlafaditsweng ya Tumello ya Tikoloho e kentswe ho itshetlehilwe ka Karolo ya 31 ya Melawana ya
Tekolo ya Kameho ya Tikoloho (EIA) (e ntlafaditsweng). Dikopo tsena di isitswe Mookameding wa Lebatowa wa
DMR ya Foreistata. Ka la 3 Motsheanong 2018 kopo ya ntlafatsa Tekolo ya ho Batla Diminerale e ile ya amohelwa
mme ka la 3 Phupu 2018 kopo ya ho ntlafatsa Tumello ya Tikoloho e fanweng e ile ya amohelwa.
2. SEPHEO SA BID
Ho ba le Seabo ha Setjhaba ho theha karolo ya bohlokwa ya tshebetso ya Tekolo ya Motheo. Tokomane ya
Tlhahisoleseding ya tse Fihletsweng Pele (BID) e fa mmadi monyetla wa ho fumana tlhahisoleseding, ho ntsha
maikutlo, ho hlahisa dintlha tse ngongorehisang le tshebedisanommoho tshebetsong ya ntshetsopele. Phatlalatso
ya tokomane ena ke mohato o hlokolotsi wa ho eletsa mmadi kamoo a ka bang le seabo tshebetsong.
Sepheo sa tokomane ena ke ho fa mmadi tlhahisoleseding ya motheo e mabapi le projeke e lohothilweng e
kenyeleditseng:
Selelekela sa projeke, ho kenyeleditswe dintlha tsa sebaka.
Sesupo sa mesebetsi e lohithilweng le mekgwatshebetso ya molao eo projeke e etswang ka yona.
Sekgahla hodima tikoloho se ka etsahalang.
Tlhaloso ya Tshebetso ya ho ba le Seabo ha Setjhaba (PPP) e lokelang ho latelwa.
Tlhaloso ya kamoo motho a ka bang le seabo jwalo ka Mothahaselli le Moamehi (I&AP).
3. SEBAKA
Sebaka sa projeke se bohoho ba dihekthara tse 9 510.03 (ha), jwaloka ha ho bontshitswe setshwantshong sa
(Figure 1) polaneng 2(2). Sebaka sena se Seterekeng sa Maseterata wa Bothaville, e leng dikhilomithara tse ka
bang 30 (km) borwa ho toropo ya Bothaville e Profinseng ya Foreistata, Afrika Borwa. Dikarolo tsa dipolasi tse 24 le
tsona di sebakeng seo (Figure 1). Theibole 1 e bontsha dintlha tsa sebaka sa projeke.
2
Setshwantsho sa 1: Mmapa wa sebaka.
3
Theibole ya 1: Dintlha tsa thepa.
Lebitso la Polasi Karolo ya Polasi Phuputso kapa Khoutu e Akaretsang
1 Beestkraal-Noord 186 0 F00500000000018600000
2 Brak–Spruit 222 0 F00500000000022200000
3 Concord 392 0(RE) F00500000000039200000
4 Concord 392 1 F00500000000039200001
5 Concord 392 2 F00500000000039200002
6 Damplaats 220 0(RE) F00500000000022000000
7 Damplaats 220 1 F00500000000022000001
8 Diepwater 50 0 F00500000000005000000
9 Doornheuvel 242 0 F00500000000024200000
10 Eureka 761 0(RE) F00500000000076100000
11 Eureka 761 1 F00500000000076100001
12 Gelukskraal 56 0 F00500000000005600000
13 Kaalplaats 51 0 F00500000000005100000
14 Lyden 264 0 F00500000000026400000
15 Mealie Bult 20 0 F00500000000002000000
16 Roode Rand 35 0(RE) F00500000000003500000
17 Roode Rand 35 1 F00500000000003500001
18 Roode Rand 35 2 F00500000000003500002
19 Spitshoek 868 0 F00500000000086800000
20 Tarantaaldraai 156 0(RE) F00500000000015600000
21 Tarantaaldraai 156 1 F00500000000015600001
22 Uitkijk 147 0 F00500000000014700000
23 Weestevreden 269 0(RE) F00500000000026900000
24 Weestevreden 269 1 F00500000000026900001
4. THLALOSO YA PROJEKE
Dipatlisiso tse latelang tse sa kenellang di kentswe lenaneong le ntlafaditsweng la PWP dilemong tsa 1 ho ya ho 3 tsa
projeke:
1. Ho Bokellwa ha Datha
Tlhahlobo ya Sebaka:
Datha e Bokelletsweng: [Selemo sa pele: dikgwedi tse 12]
Dathabeise, ho etswe Mmapa le Mmotlolo wa Jeolojikhale: [Selemo sa pele: dikgwedi tse 6]
Ho Etela Sebaka: [Selemo sa pele: beke ya pele]
2. Diphuphutso Tsa Jeofisikhale
Phuputso ya Jeofisikhale: [Selemo sa bobedi le sa borobong: dikgwedi tse 24]
Phuputso ya Seismic: [Selemo sa boraro: dikgwedi tse 12]
Ho Kopanya Datha le Tlahloso: [Selemo sa boraro: dikgwedi tse 12]
Ntlafatso ya Mmotlolo wa Jeolojikhale: [Selemo sa bobedi le sa boraro: dikgwedi tse 24]
3. Sebaka sa bokahare sa sediba sa mantlha, le ho loga hape le ho sampola hape
[Selemo sa boraro: dikgwedi tse 12]
E le karolo ya ho ntlafatsa PWP, ho tla etswa mesebetsi e keneletseng le e sa kenellang selemong sa bone le sa
bohlano sa projeke:
4.1 Ho Tjheka [Selemo sa bone: dikgwedi tse 6]
Ho latela mmotlolo wa jeolojikhale, ho tla tjhekwa mekoti e mene ya taemane (mokoti ka mong o tla teba dimithara tse
700).
4.2 Ho Hlakisa Mmotlo wa Jeolojikhale [Selemo sa bone: dikgwedi tse 6]
4
Datha e fumanweng ha ho logwa le ho sampolwa didiba tsa mantlha e tla kenngwa mmotlolong wa jeolojikhale ho
nnetefatsa sejioloji le dibaka tsa ho tjheka.
5.1 Ho Tjheka [Selemo sa bohlano: dikgwedi tse nne]
Haeba mosebetsi wa ho tjheka o tla etswa selemong sa bone o atleha, ho tla etswa e meng e mene (mokoti ka mong o
tla teba dimithara tse 700). Mosebetsi wa ho tjheka o tla etswa selemong sa bohlano o tla tswella ha feela mosebetsi
wa ho tjheka o tla etswa selemong sa bone o ba le maphumela.
5.2 Phethelo ya mmotlolo wa jeolojikhale wa 3D [Selemo sa bohlano: dikgwedi tse tharo]
Ho latela ho logwa hape le ho sampolwa hape ha botebo ba nalane, mmotlolo wa sejioloji wa 3D o tla kengwa lesedi le
letjha mme o phethelwe bakeng sa tshebediso nakong ya kakanyo ya disebediswa.
5.3 Khoutu e Dumellanang le Kakanyo ya disebediswa [Selemo sa bohlano: dikgwedi tse tharo]
Ka tshebediso ya mmotlolo o phethetsweng wa sejioloji hammoho le diphetho tsa diteko tsa dimmethale tsa nalane le
diphetho dife kapa dife tsa ho sampolwa hape, ho tla etswa khoutu e dumellanang le kakanyo ya disebediswa.
5.4 Tekolo ya Projeke [Selemo sa bohlano: dikgwedi tse pedi]
Haeba mesebetsi ya tlhahlobo e bonahala e atleha, ho tla etswa tekolo ya projeke. Nakong ya phuputoso ena,
disebediswa di tla bolokwa mme ho tla etswa moralo le kemiso. Sena se tla bontsha hore na sebaka se kgethilweng se
loketse bakeng sa ho rafa kapa tjhe.
5. MOO DIMINERALE DI FUMANWANG LE HO BATALWA TENG
Karolo e tlang ho hlahlojwa e na le (i) mesaletsa e mesesaane ya Quaternary, moo ho yona ho fumanweng lehlabathe
le kerabole melapong, ho boetse ho na le (ii) Karoo Dolerite Suite le (iii) mesaletsa ya majwe a Karoo Supergroup.
Witwatersrand Supergroup e na le gauta eo hangata e aperweng ke lehlabathe le kwahelang dimithara tse 500 ya
sehlopha sa Karoo Supergroup, mme lehlabathe lena le na le majwe a tswakilweng a Sehlopha sa Ecca. Sehlopha sa
Ecca se na le mekoti e sa tebang ha kaalo ya mashala a ka sebediswang.
Welkom Goldfield e na le merafo le leshome le motso o mong (11) pakeng tsa Allanridge, Welkom le Virginia, e
dikhilomithara tse 270 borwa bophirimela ho Johannesburg. Merafong ena yohle ho ile ha fumanwa gauta e boima bo
ka bang dikhilograma tse dimilione tse 9.6. Ha jwale sehlopha sa Central Rand sa Witwatersrand Supergroup se na le
dibaka tse nne tseo ho ka fumanwang diminerale ho tsona teropong ya Bothaville. Dibaka tseo ke Basal Reef, Big
Pebble Conglomerate, A Reef le B Reef. Ho phaella ho fumaneng gauta, ho latela histori le majwe a ntseng a fumanwa
morao tjena, ho lebeletswe hore ho tla fumanwa le diminerale tse kang silvera, yuraniamo, salfire, taemane, matlotlo le
sehlopha sa dimethale tsa polatinamo.
6. DITLHOKO TSA BOLAODI
Dintlafatso tse tlang ho kenngwa kopong di tla kenyeletsa mesebetsi e latelang:
PWP e ntlafaditsweng e kenyeletsang ho tjheka mekoti.
Tekolo ya Motheo (BAR) le Lenaneo la Taolo ya Tikoloho (EMPR).
Ho kenyeletsa setjhaba (PPP).
Ho lebeletswe hore mesebetsi ena ya NEMA e kenyeletswe kopong ena:
GNR 326 (wa 2017), Mosebetsi wa 31 (Karolo ya 2): Tumello ya Tikoloho e ka ntlafatswa ho latela
mesebetsi e boletsweng karolong ena, mme ho bonahala e fapane le mesebetsi e boletsweng tekolong ya
Tumello ya Tikoloho ya mathomo hoo phapang eo e tlisang diphetoho tse kgolo sebakeng se amehang:
(a) E ile ya hlahlojwa mme ya kenngwa kopong ya Tumello ya Tikoloho; kapa
5
(b) E ile ya elwa hloko Tumellong ya Tikoloho ya mathomo, mme phetoho ha ya kenngwa lethathamong la
mesebetsi e ikgethang.
GNR 327 (ya 2017), Mosebetsi wa 20: Mosebetsi ofe kapa ofe ho kenyeleditswe le ho etswa ha mosebetsi
oo o hlokang tokelo ya ho batla diminerale ho latela Karolo ya 16 ya Molao wa Ntshetsopele ya Diminerale
le Mehlodi nya Petroliamo wa 2002, (Molao wa 28 wa 2002), ho kenyeleditswe marangrang, meaho le le
ditshebetso tsa mobu, tse amanang ka kotloloho le ho batla dimenirale kapa (b) tshebetso ya mantlha ya
mehlodi ya diminerale ho kenya, ho olosa, ho ntsha, ho hlophisa , ho hokola, ho thuwa, ho arola dithollo tsa
dirafshwa kapa ho hlatswa; empa ho sa kenyeletswa tshebetso ya bobedi ya mehlodi ya diminerale, ho
kenyeleditswe ho qhibidisa, ho matlafatsa methale, phokotso, ho ntlafatsa, ho fokotsa moya ka hare ho
methale, kapa ho fetolela mehlodi ya diminerale gasen.
GNR 324 (ya 2017), Mosebetsi wa 12(b): Ho hlekwa ha sebaka sa disekweremithara tse 300 kapa ho feta
tsa dimela tsa matswallwa ntle le moo ho hlokahalang ho hlekwa ha dimela tsa matswallwa bakeng sa
sepheo sa ho lokisa ho entsweng ho latela moralo wa taolo ya ho lokisa (i) mahareng a dibupuwa tse kotsing
tse letotong la karolo ya 52 la NEMA kapa pele hophatlalatso ya letoto le jwalo, mahareng a sebaka se
hlwauweng se le kotsing e mahlonoko ho Tekolo ya National Spatial Biodiversity ya 2004 le (ii) mahareng a
dibaka tsa biodiversity tse hlwauweng meralong ya bioregiona.
7. DITSHITISO TSE BANG TENG MESEBETSING ENA
Dikgahla tse latelang hara tse ding di tla kenyeletswa le ho lekolwa Raporotong ya Tekolo ya Motheo:
Dikotsi tsa polokeho le tshireletso ho beng le
badudi ba molao.
Tshitiso ya tshebediso ya mobu.
Dibaka tsa botjhaba/setso.
Tahleho/tshenyo ya bodulo ba diphoofolo le dimela.
Tshenyo ya marangrang a seng a le teng.
Menahano e se nang bonnete le ditebello.
Ho hlekwa ha dimela.
Ho hlokisa mobu botsitso/ ho ribitla mobu/
tshilafatso ya mobu.
Kgooleho le phallelo.
Pherehlo/tshenyo ya dibopeho tsa bojalefa.
Lerata.
Ho tlisa dibupuwa tsa melata.
Ho kubeletsa (lerole).
Ho dutla ha khabone/ tshilafatso.
Tshilafatso ya metsi a ka hodima lefatshe le a ka
tlasa lefatshe.
Tlhahiso le ho lahla ditshila.
8. TSHEBETSO YA TEKOLO YA MOTHEO
Mehato ya sehlooho e kenyeletsang tshebetso e tlwaelehileng ya Tekolo ya Motheo e hlalositswe ka tlase.
Thakgolo le Kopo
Tlatsa le ho romela (di) foromo ya kopo ho DMR.
Public Participation Process
Ho hlwauwa ha I&APs
Tokiso ya ditokomane tsa tsebiso (BID, lengolo, papatso, tsebiso ya sebaka, foromo ya ngodiso)
Tsebiso ya I&APs le bathahaselli ba loketseng ba projeke
Ho beha ditsebiso le dipapatso
Raporoto ya Tekolo ya Motheo (BAR) le Raporoto ya Lenaneo la Taolo ya Tikoloho (EMPR)
Pokeletso ya ntlha e qalang ya datha ya tikoloho le tlhwao ya dikgahla tse ka bang teng tse amanangle
projeke
Tekolo ya dintlha tse ding di sele tsa projeke
Boithuto bo kgethehileng bo entsweng (ha ho hlokeha)
Dikgahla tse ka bang teng di a lekanngwa le mehato e lohothilweng ya ho di fokotsa
Re mona
6
Ho beha mananeo a lohothilweng leihlo ho netefatsa hore mehato ya phokotso e a kgonahala
Mokgwaritso wa BAR/EMPR o fuwa setjhaba le Balaodi ba Mmuso bakeng sa tlhahlobo le maikutlo a
setjhaba
BAR/EMPR ya ho qetela e a ntjhafatswa ho kenyeletsa maikutlo ohle pele ho ho romelwa ho DMR
DMR e amohela BAR/EMPR kapa e kopa tlhahisoleseding e eketsehileng
Rekoto ya Qeto
DMR e etsa qeto ya ho amohela kapa ho nyahlatsa kopo bakeng sa Tumello ya Tikoloho
I&APs bohle ba tsebiswa sephetho sa kopo, le tokelo ya bona ho ipiletsa
9. PHUMANO YA RAPOROTO YA TEKOLO YA MOTHEO LE DINTHLA TSA LETSATSI LA HO
KOPANA LE SETJHABA
Raporoto ya mathomo ya BAR e tla fumaneha matsatsi a 30 e le hore setjhaba se ka e hlahloba, mme e tla ba teng ho
tloha ka la 20 Mrach 2019 ho fihlela ho la 23 April 2019, e le hore di I&AP tsohle di e bale le ho bolela ditlhahiso. Kopi ya
teng e fumaneha sebakeng se boletsweng mona:
Sebaka Aterese Dinomoro tsa ho letsa
Bothaville Golf Club
Off Greyling Street, Bothaville
Ditshupiso tsa GPS:
-27.394164, 26.625155
056 515 2951
083 409 5214
Hape kopi ya elektronike e tla fumaneha websaeteng ya Shango Solutions (www.shango.co.za/public-documents/) ho
tloha ka la 20 march 2019. Ho tla ba le letsatsi la dipuisano le setjhaba mabapi le dintlha tsa Tekolo ya Motheo mme
batho ba tla bolela maikutlo a bona ka raporoto e fanweng. Dintlha mabapi le letsatsi la dipuisano di boletswe mona:
Letsatsi Nako Sebaka Dinomoro tsa ho letsa
11 April 2019 09:00-17:00 Bothaville Golf Club 056 515 2951
083 409 5214
Ditlhahiso tsohle tsa setjhaba tse mabapi le raporoto ya mathomo ya BAR le ya EMPR di tla kenngwa raporotong e
ntlafaditsweng e tla romelwa Competent Authority, e leng DMR.
10. NAKO EO TUMELLO YA TIKOLOHO E NTLAFADITSWENG E HLOKWANG KA YONA
Tumello ya Tikoloho e ntlafaditsweng e hlokwa ka nako e tshwanang le Tokelo ya ho Batla Diminerale e ntlafaditsweng.
11. TSHEBETSO YA HO BA LE SEABO HA SETJHABA
Ha ho batlwa ha diminerale ho ka fumanwa ho atlehile mme mohlodi o kgona ho lekanngwa, ho tla bontsha bokgoni ba
ho atisa moruo ho ya pele sepopehong sa ho rafa. Ho rafa ho tla ba le seabo se seholo kgodisong ya moruo wa
tikoloho ka phumantsho ya mosebetsi ka kotloloho, menyetla ya nako e tlang ya kgwebo, merokotso le kunu ya
lekgetho.
12. MEMO YA SETHABA
Mmadi o mengwa ho nkakarolo ka bolokolohi le ho romela dipotso dife kapa dife kapa tlahisoleseding e ka bang le
seabo ho tshebetso ya Tekolo ya Motheo. Ho ba le seabo ha setjhaba ke karolo ya bohlokwa ya tshebetso. E sekaseka
ka tokelo ya I&APs ho ba leseding ka mesebetsi e lohothilweng le ho ba le seabo diqetong tse ba amang. Hape e fa
EAP monyetla wa ho lekola le ho sekaseka dintho le dingongoreho tse hlahisitsweng ke I&APs kahoo e dumella EAP
ho lekola dikgahla tsohle tse ka bang teng tsa projeke e lohothilweng.
7
13. MEMO YA HO INGODISA
E le ho nnetefatsa hore o ngodisitswe o le I&AP (haeba ha o a ngodiswa) le hore o ka fana ka ditlhahiso mabapi le
BAR ha mmoho le EMPR, ka kopo tlatsa mme o romele foromo e tsamayang le tokomane ena le ditlhahiso tsa hao ho
Shango Solutions pele ho la 23 April 2019.
Ke ha bohlokwa ho hopola hore karolo ya Tekolo ya Motheo e laolwa ke nako e behilweng ke molao. Ka lebaka leo, re
kopa hore o romele kopo ya ho ingodisa le ditlhahiso tsa hao pele ho letsatsi le boletsweng ka hodimo. Sena se tla
thusa hore re rue molemo karolong eo o e phethang projekeng ena. Ka kopo bolela le nomoro ya lebitso la projeke
(Bothaville NE Ext A) dipuisanong tsohle. Ela hloko hore ke ba ngodisitsweng e le di I&AP feela ba tlang ho ba le
menyetla ya ho kenella karolong ya mosebetsi ona.
Dipotso, maikutlo, kapa dingongoreho dife kapa dife tse mabapi le kopo ena di ka lebiswa ho Shango Solutions
ho:
Moh: 011 678 6504
Fekse: 011 678 9731
Imeili: [email protected]
Motho wa boiteanyo: Ms Nyandala Ramaru
Lebitso la projeke: Bothaville NE Ext A
Aterese ya Poso: P.O. Box 2591, Cresta, 2118, South Africa
Maikutlo, kapa dingongoreho dife kapa dife tse mabapi le kopo hape di ka lebiswa ho DMR (khopi e romelwe
ho Shango Solutions) ho:
Moh: 057 391 1356
Fekse: 057 357 6003
Motho wa boiteanyo: Mr Salani Shitlangu
Aterese ya Poso: Private Bag X33, Welkom, 9460
Nomoro ya tshupo ya DMR: FS 30/5/1/1/3/2/10273 EM
Boikarabelo: Regional Manager – Free State Region Mineral Regulation