ዐውል 2.00 ነቅፈሳምነይት ሰነት ዕልብ 22 አርቡዕ 17 ጁን 2015

ርኢስ እስያስ አፍወርቂ ጀውለት ሽቅል እግል ሊዴ ዮም 11ዩንዮ አስክ ጀምሁርየት ሱዳን ሳፈረ።

ርኢስ ኢሳይያስ መከረዪ ጥያራት ከርቱም ዲበ አተ ዲበ ኢነት፡ ርኢስ አልበሺር እብ ናይ ሕሽመት መሲረት ወነሺድ

ርኢስ ኢሰያስ ምን ናይ ሱዳን ጋዘሌቡ ለዐቀብል

ወጠን ክልኤ ለደውለት ለትተሌት ከብቴ ናይረት ወደ እግሉ።፡

ክልኢቶም ለሩአሰ እት 11

ዩንዮ ዲብ ከርቱም ዲበ ሀለ ዴዋን ሕኩመት ዲበ ወደው ልቃእ፡ ዕላቀት፡ መሳልሕ ወሸራከት ክልኤ ለጀሀት፡ አግደ ህዬ ናይ እቅትሳድ ወእጅትማዕየት ዕላቃት ገባይሎም እብ ሰበትለ ልትደቀብ እቡ አግቡይ ወክልኤ ለደውለት ዲበ ከስስ ናይ መንጠቀት ወእድንየ ተጠውራት ህድግ ፋይሕ ወደው።፡

ርኢስ እስያስ አፍወርቂ እምበል እሊ፡ ምስል ርኢስ መጅልስ ሱዳን ፕሮፌሰር እብራሂም አሕመድ ዑመር እንዴ አማሕበረ ዲብ ጠወሮት ዕላቀት ሕውትነ፡ ወዲብ መንጠቀት ዐለም ዐረብ ወቃረት አፍሪቀ ልትርኤ ለሀለ ናይ ስያሰት ዕላቃት ተጠውራት

ወተቅዪራት ክም ሀድገ፡ ምን ከርቱም ለበጽሐተነ ሐብሬ አፍሀመት።፡

እሊ ክእነ ዲብ እንቱ፡ ርኢስ እስያስ ምስል ናይብ ርኢስ ጀምሁርየት ሱዳን ጀነራል በክሪ ሐሰን ሳልሕ እንዴ አማሕበረ እብ ክእነ ለመሰል ጋራት ከም ሀድገ ለሐብሬ ትወድሕ።።

ርኢስ እስያስ አፍወርቂ ዲብ ሱዳን ለወደየ ናይ ሰለስ አምዕል ጀውለት ሽቅል እንዴ አትመመ፡ ዮም 13 ዩንዮ አቅበለ።፡

ሜርሐት ኤረትርየ ወሱዳን፡ መሳልሕ ሕበር ድወሎም ዲበ ቡ ጋራት ምን ወክድ ዲብ ወክድ እግል ህድግ ወጎማት ልቃኣት ወዱ ጻንሓም ቶም።፡

ከም ክፋል ናይለ ከደማት ዓፍየት እብ ኑዕየት እግል ልትመም ገብእ ለሀለ ጅህድ፡ ዲብ ሐ’ረት እስብዳልየት ሐሊበት ለትበነ አቅሳም ዐመልያት ዓጭሞታት ወአስዑድ እንዴ ተመ እግል ሽቅል ትዳለ።፡

ለእብ መዓወነት ውዛረት ዓፍየት ‘ኣኑልያሞ ላ ዲስታንዛ’ ( ፈርግነ ለአጭብብ) ለልትበሀል ማሕበር ውዳይ ኢጣልየ ለትሸቀ ክልኦት አቅሳም ዐመልያት ጅራሕ ለብእቱ 10 ቅረፍ ወኣላቱ ለከምክም መብነ፡ እብ ወዚረት ዓፍየት አሚነ ኖርሕሴን ዲብ ዮም 15 ዩንዮ ትደሐረ።፡

ዲብ ውዛረት ዓፍየት ሙዲር ዓም ፈርዕ ከደማት ዓፍየት አሰይድ በርሃኔ ገብረትንሳኤ ዲበ አስምዐየ ከሊመት፡ ምስል መትነዳቅ ናይለ መብነ ወመዳላይ ኣላቱ፡ ዲብ ከደማት ዐመልያት ዓጭም ወአስዑድ ለዐለ መሐገዝ እግል ልርሄ ክም ቱ እንዴ ሸርሐ፡ ዲብ አትመሞት ከደማት ዓፍየትመ ምስዳር ዐባይ ገጽ ቀደም ክም ቱ ወደሐ።፡

ዲብ እስብዳልየት ሐሊበት መስኡል ከደማት ሕክምነ ዓጭሞታት ወአስዑድ ዶክተር ሰመሬ ተክለገርጊስ እብ ጀሀቱ፡ ቀደም አዜ እግለ መጃል ለገብአ ቅስም ዐመልያት ሰበት የዐለ ግድዐት ከም ዐለት እንዴ ሐበረ፡ ለትሸቀ አቅሳም ለጸንሐ ጨቅጥ እንዴ አርሀ፡ እብለ ትፈናተ ጅንስ ብቆት ወሕማማት ከደማት ዐመልያት ለረክቦ ከም በዙሕ ሸርሐ።፡

ርኢስ ማሕበር ማሕበር ‘ኣኑልያሞ ላ ዲስታንዛ’ ሲኞር ሎረንዞ ካላማይ ህዬ፡ ማሕበሮም ለኤረትርየ ዓፍየት መዋጥኒነ እግል ተአድምን ተአርእዩ ለህሌት ዐቦት እግል ትደቀብ ከም ልትሳዴ ወደሐ።፡

ሙዲር እስብዳልየት ሐሊበት ዶክተር ተክለሀይማኖት ጸጋይ እብ ጀሀቱ፡ መትዳላይለ አቅሳም ዲብ ዐቦት ከደማት ዓፍየት ዐድነ ዶር ክም ቡ እንዴ ሐበረ፡ ሰብ መቅደረት ካፍያም እግል ልግብኦ እግሉ ሰአየቱ ሸርሐ።፡

እምበል እሊ፡ ሰፊር ኢጣልየ ዲብ ኤረትርየ ሲኞር ስቴፋኖ ፖንተሲሊ ወወኪለት ዩኒሴፍ አሰይደ ፐሉቺ ንታዋምቢርወኪ እብጀሀቶም ከሊማት ቀደመው።፡

መድሐራት አቅሳም ዐመልየት አስዑድ

ወዓጭሞታት እት ሐሊበት ሰላም ወዐማር ለልትላኬ፡ ዓደት ዐግሎ ዲብ ኤረትርየ ለሸርሕ እብ ርእየት ሰለስ ጀሀት ለትዳለ ዕፌ ሰወር ግራፊክስ ፈናን ኤድዋርዶ አርአየ፡ ዲብ ዮም 12 ዩንዮ ዲብ ቃዐት ኤክስፖ አስመረ ትቀደመ።፡

ለ57 ሱረት ለከምክም ዕፌ፡ እብ መፈወድ ርያደት ወዓዳት ሰፊር ዘመዴ ተክሌ ለትከሰተ ዲብ ገብእ፡ ውቁላም ሰብ-ሰልጠት ሕኩመት ወጀብሀት፡ ዲፕሎማስዪን ወብዝሓም ዐዙመት ለገብአት እግሎም ሓድራም ዐለው።፡

ፈናን ኤድዋርዶ አርአየ እብ ሰበትለ

ዕፌ ስወር እግል ኤሪነ ዲበ ሀበየ ሐብሬ፡ ለአግደ ሓለፈየ ልእከት፡ ዲብ ሐርብ ወመሻክሉ ለሀለ አፍካር እንዴ ትወቀለ፡ እብ መጆቡ እግል ሰላም ወዐማር ለለአትናይት አፍካር ሓለፎት ክም ቱ እንዴ ወድሐ፡ ብስር ዐግሎ ወአግቡይ ሙነት ዲብ ኤረትርየ ለሸርሕ ክም ቱ ወድሐ።፡

ለቅዱም ሀለ ዕፌ፡ ምስል ዓዳት ወመንበረት ገባይል ለወድሕ ወሓድር ተሐድያት ነብረ ወጣቀት እግል ጋብሆት እብ ሰበትለ ገብእ ለሀለ ወራታት ለለሐብር እድንያይ ኤክስፖ

አስመረ፡ ዕፌ ስወር ግራፊክስ ርእየት ሰለስ ጀሀት

እብ ዓመት ወኤክስፖ ሚላኖ 2015 ህዬ እብ ፍንቲት ዕላቀት ሰበት ቡ፡ እድንያይት ልእከት ከም ብእቱ ሸርሐ።፡

ጽበጥ ናይለ ዕፌ እበ ከስስ ሲነማቶግራፈር አሰይድ ተመስገን ጽሃዬ ዲበ አስምዐየ ከሊመት፡ ብስር ወተጃርብ ዲብ ረስም ለለአርኤ፡ ወአምር ቴክኖሎጂ ለጠልብ እብ ሸክል ርእየት ሰለስ እትጃህ ለትቀደመ ዲብ ኤረትርየ ናይ ሰልፍ ክም ቱ አፍሀመ።፡

ለዕፌ አስክ ዮም 18 ዩንዮ እግል ሸዐብ ፍቶሕ እግል ልጽናሕ ቱ።

አርቡዕ 17 ጁን 2015 2

ክል አርቡዕ ለትጠ’በዕ ጀሪደት

መዳልያይ። መሐመድ እድሪስ መሐመድ

ናይብ መዳልያይ። ኣድም ሳልሕ (አቡሐሪሽ)

ለይ-ኣውት። ፋጥና ኣደም

ተለፎን። 121797 ፋክስ። 127749። ዕ.ሰ.ቡ። 247

ተውዝዕ ጀሪደት።ተለፎን። 200454አትአመሮት።

ተለፎን። 125013። ዕ.ሰ.ቡ። 1284E-Mail: tigreit@zena.gov.er

ዲብለ ትፈናተ ድዋራት ልሰርገል ለሀለ በራምጅ ዐማር እብ መሻረከት ሙጅተማዕ ሰበት ልትዐወት፡ ስካን ድርፎ ዲብ ድዋሮም ለገብእ ወራታት ሐርስ ወብንየት ትሕትየት እግል ልትዐወት ዶሮም እግል ለዓቡ፡ ሓክም አቅሊም ምግብ ሜጀር ጀነራል ረመዳን ዑስማን አውልያይ አትፋቀደ።ለሓክም፡ ዲብ ዮም 14 ዩንዮ ዲብ እዳረት ደዋይሕ ድርፎ ጀውለት እንዴ ወደ፡ ሓለት ሐርስ፡ ወልሰርገል ለሀለ በራምጅ ብንየት ትሕትየት ወእጅትማዕየት ሐቆ ገንሐ፡ ምስል ሸዐብ ክም አመሕበረ፡ ሕኩመት ረዪም

ብሩር አውለውየት እንዴ ሀበት - ናይ ዓፍየት፡ ተዐሊም ወብዕድ ከደማት እጅትማዕየት ተአዳሌ ከም ጸንሐት እንዴ ዘክረ፡ ሰርገል እግል ልትረከብ ምኑ ላኪን መሻረከት ሸዐብ እግል ትዕቤ ትላከ። ዲብ ፈርዕ ብነ ወዐማር አቅሊም ምግብ መስኡል ሐርስ ነባታት መሀንድስ አብርሃም ዳንኤል እብ ጀሀቱ፡ ዲብ እዳረት ደዋይሕ ድርፎ እግል ሕፍዘት ማይ ወዓበዮት እተይ ዲበ ሐልፈየ ሰለስ ሰነት እበ ገብአ ሽቅል፡ ሰለስ ሐጅዝ ወከዛናት ከም ትበነ እንዴ ሐበረ፡ ከዛን ዐቢ እግል ልትሸቄ ምስል ሼርከት ብነ

ሓክም አ/ምግብ ወቀይ ዐማር ድርፎ እግል ልገይድ ለአትፋቅድ

ሰገን ዲብ መፋሀመት ብጾሕት ከም ሀሌት ወድሐ።ሙዲረት ምዴርየት አኽርየ አሰይደ ድሃብ ተስፋይ ወመስኡል እዳረት ደዋይሕ ድርፎ አሰይድ ዑመር እብራሂም ህዬ፡ መንፈዐትለ አስክ እለ ዲብ ሕፍዘት ትረበት ወረዘቆት ጽበጥ ማይ ለገብአ ካድም እንዴ ወድሐ፡ ፋግር ለሀለ ኤታን ዐማር እግል ልትዐወት፡ መትነዛም ወመዓወነት ሸዐብ እግል ልዕቤ ትፋነው።ዲብ ምዴርየት አኽርየ ለህሌት እዳረት ደዋይሕ ድርፎ፡ 5 ደገጊት ትከምክም።

እድንያይት አምዕል መትበርዐት ደም 14 ዩንዮ፡ እብ ደረጀት ወጠን ‘’ ደሐን ውላዳት እግል ነአድምን ዮም ደም ንትበራዕ ‘’ እበ ትብል ስቅራት ዲብ መዲነት ባርንቶ ትዘከረት።ዲበ ሰብ-ሰልጠት ሕኩመት፡ አንፋር ውዛረት ዓፍየት ወማሕበር መትበርዐት ደም፡ እተክምሰልሁመ ዐዙመት ለገብአት እግሎም ዲበ ሐድረወ መናሰበት፡ መስኡል ፈርዕ ውዛረት ዓፍየት አቅሊም ጋሽ-በርከ ዶክተር ልኡል ባንቴርይጋ፡ ዲበ አስምዐየ ከሊመት፡ ዲብ ወክድ ዕምስነ ወወሊድ ለሳድፍ ነዚፍ ምን አግደ አስባብ ሞት እማት ክም ቱ እንዴ ሐበረ፡ እግል ሀወኖቱ መትበርዐት ደም ለብጉሳም እግሉ ለህለው ሀደፍ እበ ትወቀለት

እግል ለአተላልው ወደሐን እማት እግል ለአድምኖ ዲበ ገብእ ጅህድ ዶሮም እግል ልቀድሞ አትፋቀደ።፡ ዲብ ውዛረት ዓፍየት ሙዲር ከደማት ዓፍየት ዶክተር ጎይትኦም መብራህቱ እብ ጀሀቱ፡ 14 ዩንዮ - እግል ሕሽመትለ ምን እንሳንየት ወረሐመት እንዴ ትበገሰው አወርሐትለ ኢለአሙሩ ነፈር እግል ልነጁ ደም እብ ምራዶም ለትበርዐው አንፋር ለትትዘከር ክምተ እንዴ ወድሐ፡ ዲብ ሰነት 2013 ለትአሰሰ ማሕበር መትበርዐት ደም፡ ዲብ መጃል ዓፍየት ምነ ትሰጀለ ዐባዪ ዐውቴታት ክም ቱ ወድሐ።ርኢስ ማሕበር መትበርዐት ደም ኤረትርየ አሰይድ ሳምሶም ገብረስላሴ እብ ጀሀቱ፡ ናይ ዮም ዓመት አምዕል

መትበርዐት ደም እብ ደረጀት ወጠን ዲብ አቅሊም ጋሽ-በርከ መትዘካረ፡ ምስል መትአሳስ ባንከት ደም ወራታት ማሕበር መትበርዐት ደም ዲበ አቅሊም ዲብ አደቀቦትመ ዶር እግል ልትቀደም እንዴ አትፋቀደ፡ ዲብ መዲነት አስመረ ወድዋረ ሌጠ ሕዱድ ለዐለ ወራታት ዲብ አቃሊም እግል ልብጻሕ ምን ቀድረ፡ ፍገሪትለ ገብእ ለሀለ ጅህድ ሕበር ክም ቱ አፍሀመ።ዲብ አቅሊም ጋሽ-በርከ ለሸቁ ወካይል ባንከት ደም ኤረትርየ፡ ማሕበር ወጠን መትበርዐት ደም፡ ሰብ መቅደረት ዓፍየት ወመሰል ሰኔት መትበርዐት ደም፡ ለአምዕል እበ ከስስ ለትፈናተ ውራቅ ቀደመው።ዲብ ካቲማለ ዓደት፡ ሙዲር ዓም ከደማት እጅትማዕየት አቅሊም ጋሽ-በርከ አሰይድ ገብረስላሴ ነጋሽ ዲበ ሓለፈየ ልእከት፡ እብ ማሕበር መትበርዐት ገብእ ለሀለ ጅህድ፡ ለእብ ሰበብ መሐገዝ ደም ለትሳድፍ ሞት እማት ዲብ ሀወኖት ዶር ዐቢ ክም ቀድም ዳምን ክም ቱ እንዴ ሸርሐ፡ እብ ደረጀት አቅሊም ጋሽ-በርከ እግል ልትሐረክ እምቡት ለሀለ ማሕበር ወራታቱ እግል ለአተርድ ወልትሰርገል እዳረት አቅሊም ከም ትሰድዩ አከደ።እግል አግመሎትለ መናሰበት፡ እብ ደረሰ ወአንፋር ማሕበር መትበርዐት ደም አሴራር ወበርናምጃት ፈን ልትቀደም ዲብ ሀለ ብዝሓም አንፋር እብ ደም ትበርዐው።

ዝክረት እድንያይት ምዕል መትበረዕ ደም እት ባርንቶ

ዲብ ምዴርየት ባጼዕ፡ ሙጅተማዕ ለአሳሱ አትሐደሮት ምስኩናም እግል ለሀሌ ለሰዴ ዋዕለ፡ ዲብ ዮም 9 ዩንዮ ዲብ መዲነት ባጼዕ ትሰርገለ።፡

ዲበ ምስኩናም፡ ዐባዪ ዐድ፡ መስኡሊን እዳራት ደዋይሕ፡ ምሓብር ወአንፋር ውዛረት ዐመል ወራዐዮት እጅትምዓየት ለሻረከው ዲቡ ዋዕለ፡ ሙዲር መዲነት ባጼዕ አሰይድ ኪዳኔ ወልደስላሴ ዲበ አስምዐየ ከሊመት፡ ለዋዕለ እብ ደረጀት ደገጊት ሸቃለ ሙጅተማዕ ለአሳሱ አትሐደሮት ስምኩናም እግል ልትሐረው ለገብአ ክም ቱ እንዴ ሐበረ፡ ሸዐብ ብቅዓም አንፋር እንዴ ሐረ ዲብ ሰርገሉ እግል እልክደም አትፋቀደ።፡

ዲበ ዋዕለ፡ እብ ፈርዕ ውዛረት ዐመል ወራዐዮት እጅትማዕየት አቅሊም ቅብለት በሐር ቀየሕ ሙጅተማዕ ለአሳሱ አትሐደሶት እግል ለሀሌ ለሰዴ፡ ዲበ ምዴርየት ለህለው ምስኩናም ብዝሔሆም፡ እብ አስል፡ ዕምር፡ ደረጀት ተዐሊም፡ ሰበብ ወጅንስ ምስክነ፡ ዓ’መት ሓለት ወለገብአት እግሎም ሰዳይት እተክምሰልሁመ አግቡይ ጽብጠት መጃምዕ ወብዕድ ለትከምክም በሐስ ታየኖት ትቀደመ።፡

እብ ውዛረት ዐመል ወራዐዮት እጅትማዕየት መስኡል ውሕደት

ምስኩናም ሐርብ አሰይድ ገዛኢ እምባዬ፡ ኸልፍየት ምስክነ፡ ተርጀመቱ ወመፍሁም ምስክነ፡ ሀደፍ ውዛረት ዐመል ወራዐዮት እጅትማዕየት፡ ወአትሐደሶት ምስኩናም ወአግቡዩ፡ እበ ከስስ ለገብአት ድራሰት፡ ወራታት አትሐደሮት ደገጊት ወልጃን ለከስስ ተወድሕ ሀበ።፡

ሙሽተርከት ዲበ ሀበው ረአይ፡ ሙጅተማዕ ለአሳሱ አትሐደሮት ምስኩናም ምስል ማሕበር ምስኩናም ሐርብ ኤረትርየ ወብዕድ ምሓብር ለቡተ ዕላቀት እግል ትትወዳሕ፡ አብካት ሽቅል ምስኩናም እግል ልፍያሕ፡ ወዲብ ምስኩናም ራትዕ አፍካር ሙጅተማዕ እግል ልዕቤ አትፋዝዖት እግል ልዕቤ ትፋነው።፡

ዲብ ካቲማለ ዋዕለ፡ ሙዲር ዓም ከደማት እጅትማዕየት አቅሊም ቅብለት በሐር ቀያሕ አሰይድ ተስፋይ ተክሌ፡ ሓድር ወእብ መትሐሳር ወመትሰባል ለገብአ ድራሰት ናይ አማን ሱረት ሰበት ለሀይብ፡ ዲብ እሊ መጃል እሊ እግል ልሽቀው ለልትሐረው አንፋር እብ መትሐሳር እግል ልክደሞ አትፋቀደ።፡

ዲብ ደንጎበ ህዬ እብ ደረጀት ምዴርየት ሙጅተማዕ ለአሳሱስ አትሐደሮት ምስኩናም ተአሰሰ።

ባጼዕ፡ ወዕለ አትሐደሮት ምስኩናም

ገብእ

ስካን እዳረት ደዋዬሕ ዐጎምበሳ - ምዴርየት ጊንዳዕ፡ ምን መንበረት ስብክ ወስግም እንዴ ትባልሐው መትነፍዐት መስለሐት ክዳማት እጅትማዕየት እግል ልግብኦ ወመናበረት ሳብተት ዲበ እግል ልትዐደው ዱልያም ክም ህለው አከደው።

ህቶም ሕርያን መስኡሊን እዳራት ደዋዬሕ፡ መመቅረሐት ሽቅል ወልጃን ደገጊት እንዴ ወደው፡ ምስል ስክርቴር ጀብሀት ሸዕብየት እግል ዲሙቅራጥየት ወዐዳለት አቅሊም ቅብለት በሐር ቀየሕ አሰይድ ሀይሌ ተወልዴ ብርሃብ እተ ወደዉ ልቀእ፡ እብ ሰበብ መናበረት ስብክ ወስግም መትነፍዐት ከደማት እጅትማዕየት ክምሰል ይዐለው፡ እትሊ ወቅት እሊ ላኪን አሀምየት መትከምካም ሰበት ፈሀመው ዲበ ህለው እተ አካን አሳስያይ መአሰሳት ከደማት እጅትማዕየት እግል ልዳሌ እሎም ተሐሰበው።

አሰይድ ሀይሌ ተወልዴብርሃን ዲበ አስመዐየ ከሊመት፡ እት ረዪም ብሩር ለሀለ ሸዐብ መትነፈዓይ ከደማት እጅትማዕየት ጀላብ እግል ልግበእ ምነ ሕኰምት አውለውያት እንዴ ሀበት ለትሸቄ እቱ ጋራት ክም ቱ እንዴ አሸረ፡ ክም ተኣምርተ ናይ እሊ 50 ዓይለት ስካን ዐጎምቦሳ እት እዳረት ደዋዬሕ ወቂሮ ምዴርየት ሽዕብ ክምሰል ሐድረየ እንዴ አትፋቀደ፡ ለተርፈው ስካን ለናይ መትከምካም በርናምጅ እት ዐዶም እግል ልግበእ እሎም ሓርያም ክምሰል ህለው አትአመረ።

“መትከምካም እብ ምራድ ኖስ መዋጥኒን ቱ ለገብእ” ለቤለ አሰይድ ሀይሌ፡ ሕኩመት መሓግዞም እንዴ ፈሀመት እት አትመሞቱ ክም ትትአየስ አከደ እሎም።

እዳረት ደዋይሕ ዐጎምቦሳ ሐቴ ምነ 17 እዳራት ደዋይሕ ምዴርየት ግንዳዕ እት ገብእ፡ እብ ርዕዮ ወሐርስ ለልትናበረ ዝያድ 1000 ዓይለት ነብራሀ።

ስካን ዐጎምበሰ እግል መትከምካም

አርቡዕ 17 ጁን 2015 3

ፍሬ-ጸብሬ

ሐጃጅ ምስል እሲቱ ዲብ ለሐማሕም ወዳግም “ገሮብዬ በኪት እግልዬ እት እንቱ እትመዬ እግልዬ። ረቢ ከረዐ ልግበእ እለ እዲነ ወቅት ዎሮት ክሉ እሊ ባባተ ዱቡእ ልትረኤከ ወለአመሽገከ ወንየትከ ተሐጭር ወሐቴ እንዴ ኢትመልክ ወእንዴ ተዐሎብጥ፡ ሐሬ ለሰፊነተ ወገህ ጽዑን ክምሰል ህሌከ ሰበት ተአገርስ እስትቅፋር እት ረቢከ እንዴ በለስከ ምነ ተሐምስ እተ ለዐልከ በሐር ወሀም ተአቀብል” ቤለ።

ዐረፋት ላተ እግለ እት ምድገ ግንግእት እበ ለዐለት ቡናተ እት ከሽክሽ ወእት ቀሌ፡ ምነ ሃ’በ እሳት ለሰኒ ትሩድ፡ አይደት ዲብ ሻንክ ወተአሳውር ወለሰኒ ትሩድ አስዑደ ዲብ ለሀምበላብል፡ እግለ እት ሕድ እሱር ለዐለ አግርነተ ዲብ ተአትሳኔ ወእደየ ዲብ ረዋስስ ክመ ንኡሻይ ተሀምግ ለህሌት መስል ዐለት።

ህተ ዲብ እሊ ዲብ ተአመሀዝን እግለ ወቅት ሐጪር መሐበሩ አጨምቤት ምኑ። ወሐር ክምሰል ንፉዝ ነፈር ፈግ እንዴ ትቤ ምን ሐዲስ እተ ህግያሆም አቅበለው። ከእግል ብእሰ “እንቱም አብ-ኼር ሴመ ቃውያም ይእንቱም ፈድል ረቢ ለናይ ክልዶል ሴፋነ ህዬ እት ክል ዮም ወሰነት ለእንወድየ ሰእየት ተ። ወረቢ ለእቱ ሀይበነ ወቅት ኖሱ ኣምሩ ወዳልሁ ህለ።” ትቤ ወሐር ንየት ወድ አዳም ሐጫር ሰበት ገብአት ንየተ ሐጭረት ወክመ ንኡሻይ ስብስብት ዲብ እንተ ለእተ መሽረፈት ባልሰተን ለዐለት ቡናት እንዴ ትረሰዐተን ለፍስት ዐለት ብሶተ እንዴ ትቀርጠነት ዲብ ምድር እት ተአድኖኔ እብ እንቤዕ ጀለም ትቤ።

ዐረፋት ክልዶል እግል ብእሰ ተአትሓጥር ዲኢኮን ህታመ ለላሊ ላተ ሰራተ ለትሰክብ፡ እበ ሕሳባት ክእናቱ መስለኒ ለእት ክርፍ ኣተየ ወለ ውላደን እግል ለአትሃድየ እት መዳሊት ለዐለየ ስናተ እት ቀደመ እት ልትዋሰፈ እግለ ወዲብ ቀንእ ህዬ ራሐት ደሚር ሐግለት። “ረቢ ልክርዑ ርሕም መካን” እት ትብል ህዬ እግለ ርሕመ ተትዐግብ ወትረግም።

መስኪናይ ርሕም ሚ ወደ ህቱመ ቅስመቱተ ዲኢኮን ውላድ ወአዋልድ እግል ልሕነን ወበደድ እግል ለአብል ምዶል ወአበ ገብእ? ዐረፋት ላተ ለጽሩይ ወፋሪ ዕንታተ ማይ ተባራት እት መስል ክምሰል ዕራይ ቅዙር ለአትሃርሩ ወእበ ክልኤ ምልተሐ ልደራገግ ለዐለ አናቤዕ እበ ምልሺተ እግል ትማስሱ አምበተት። ንየተ ህዬ ሰኒ

ሐጭረት፡ ጎመመት ወተአሰፈት፡ ገጸ ቅሙድ ዲብ እንቱ ህዬ ዲብለ ምድር አድኖኔት ወአስቆቀበት።

እሊ ወክድ እሊ ሼክ ሐጃጅ እበ ንየተ ሐጫር ወብካየ ሓርቅ ወንኩድ ዲብ እንቱ፡ “ኣዑዝብለ ምነሸይጣን ኣረጂም፡ የሀው እሊ አንስ ህዬ ጋረን እብ ጋር ፈግራሁ ኢኮን” ቤለ ወሐራጠጠ እተ። “ወገህ! እሊቱ ለእግሉ እግልዬ ተአትሓጥሪ ወትመክሪ ለአስበሐኪ? አዜ ህዬ ሳምዓምኪ ህሌነ እዘሚ ወአስተቅፍሪ” እት ልብል ተሐሰበየ ወትረጀየ። ወእበ ህግያሁ ለቀዳሚት ሰኒ ተዐሰ ወህቱመ እግል መደቲት ዲብለ ምድር እት ደምእ ወትም ብህል እንዴ ዐለ እት ምግብ ክምሰለ ንፉዝ ፈግ እንዴ ወደ አስክለ ድጌ እብ ግዲዱ ለልሰሌ እቱ ምስግዱ ብርግግ ቤለ ምነ።

ለምስግድ ክሉ ሰብለ ድጌ አስኩ ተሬ ዲብ ልብል እግል ሰልፍ መደት እንዴ በድረው አስክ አፉሁ ርጉሕ ጸንሐዩ። ለቀደም ሰላት ረአሰ ሰቴ ለዐለ ቡን ላኪን እለ ምዕል እለ ኢትሰቴት። ዐረፋት እንዴ ቀሌተ ዲበ መሽረፈት ክምሰል በልሰተ ዲብለ አካነ ለትረሰዐተ እት መስል ዲብ ብዕድ አድኦማመ አቴት። ሼክ ሐጃጅ ላኪን በዲር ቀደም ሰላት ወግረ ሰላት እስቡሕ ምድር ፍጃኑ ዲብ ልትሀናፈት ፋይግ ወልውቅ እት እንቱቱ ለአጸቤሕ ለዐለ።

ሼክ ሐጃጅ ክምሰለ ልሙድ ወእት ክል አምዕል ለወድዩ፡ እትሊ ምስግዱ ሰር ሳርሑ ወሰርመ ልትከበቱ፡ እብ ዕልም ዲብ ለአፈቴ ህዬ እግል ክሉ ሃህ ለአብል ልውዕል ወለአመሴ ዐለ። ለአዳም ህዬ ሰር ገሌ እት እሙር እዲነ ልሰአል ወሰርመ እት እሙር አልኣኽረ

ልሰአል ወሼክ ሐጃጅ ምነ ረቢ ሀበዩቱ ዕልም ፋጭል ወለሐርቦም ዐለ።

ሼክ ሐጃጅ ዲብ ምስግዱ ሌጠ እንዴ ኢገብእ ለለአፈቴ ወፈስር ለዐለ፡ ላመ እት ሐንቴሀ ልውዕል ለዐለ ዕጨት ጋምለት አፍ እንዴ አፍገረት ምን ትትሃጌ ብዙሕ ወበልሰት። ሼክ ሐጃጅ እብ አደቡ ወእክላቅያቱ ሕሙድ ወፍቱይ ወክሉ እተ ድጌ ለነብር ሸዐብ ህዬ እግል ሼክ ሐጃጅ ሰኔት ወው’ላድ ለኢልተምኔ ይዐለ። ላኪን ክምሰለ ዐረፋት ቴለተ ሐቴ እት መቃስመ ትመጽእ። ለወድ ሚን ኣደም ላኪን ምስል ክልቀት ልትባደር ወእግል ረቢ ለከተበየ እግል ለአትሻፍገ ሸፍግ፡ ላኪን ኢትገብእ እግሉ። ደለ ረቢ ቀስመየ እት ምዕለ ወሳዐተ

ትመጽእ ዲኢኮን።ሼክ ሐጃጅ ደለ እሉ

ሳ ር ሐ ሼ ክ ነ

ገድም ረ ቢ

ን የትኩም ወምራድኩም

ለ ሀ በ ኩ ም እንሸአለ፡ እሊ አዳም

ክሉ እግልኩም ሰኔት ወውላድ ልተምኔ ወእንሸለ ዚረት ሳልሐት ለሀይበኩም ወምራድኩም ተምም እኩም ወመሕበርኩም ገምል ዲብ ልብል ልትደዔ ወልተምኔ እሉ ሌጠ ዐለ። ሼክ ሐጃጅመ “እንሸአለ ረቢ ለሀይበነ ህያቡ ምን ወዐዱ ቀርብ” ልብል ወሳረሖም።

ዐረፋት ላቱ እለ አምዕል እለ ክምሰል በዲረ እግል ጋሻሀ ትትከበት ጠብ እንዴ ተዐንደቀት እዴሀ ሐቴ ቡን እት ተአፈልሕ እዴሀ፡ ሐቴ ከልዕ እት ተአብሽል እበ ወዐለት። አርወሐታመ ፋይገት ይዐለት እግለ፡ ሰኒ ህምት ወማሽገት ምነ እት እንተ ለጋሸ ለሀይ ተሐርቡ ወለሀይ ትትሐደሩ ዲብለ ሐንቴሀ ሕማረ ዐለት። አደሓመ ወቅት እንዴ ነስአት ጸሓይ ምን ንቅረትለ ዐስተር እብ መልሃየ ሸንከት ምውዳቀ ዲብ ትሽሕግ ምድር

ዐዝለት ምሴ ባልስ ዐለ።ሼክ ሐጃጅ ገድም እግል ሰላት

አልዐስር ሐቆ ተአመመ እቦም ክመ ንየቱ ወትርሃኑ ዳልያም ለዐለው እት መስሎ ኦሮት እናስ ዐቢ እንዴ ቀንጸ “የሀው ዮም እለ ምዕላይ እግል ዐድ ሼክነ ነተድዔ” ቤለ ወሐሬ ክልኤ ለእዴሁ አስክ ሰመ እንዴ አግነሐ “ያረቢ እሎም ዐድ ሼክነ ለለሐልብ ወለለውዕል እግሎም ው’ላድ ሳልሕ ሀቦም፡፡ ያረቢ ሐሰብከ አነ ፈንጎሕ ስሜቶም ለትረፍዕ ወዳሮም ለትወርስ ዚረት ሳልሐት ሀቦም፡ ያረቢ ምስሉ ለለምሐብሮ ወመሕበሮም ለለአገምል ሀቦም” እት ልብል ደዓሁ አትመመ።

ሼክ ሐጃጅመ እግለ ደዓሀ ሻይብ ወዕጉል እናስ ልውቅ ወፋርሕ ዲብ እንቱ ፡ ወንየቱ ወሸንሀቱ እግል ትትመም እሉ ዲብ ልተምኔ እብ ቀልብ ናስሕ ወገጽ ፋርሕ እደዩ አስክ ዐስተር እንዴ አግነሐ “ኣሚን” እት ልብል ምን ልቡ ትከበተየ።

ዐረፋትመ ንየተ ሐጫር ዲብ እንተ ወአመት ብለዕ ወሲቶ እንዴ ኢትወዴ አርድ መሴ ሰበት ዐለ ወብእሳመ ወቅት ምዕያሩ እንዴ ልሽእግ ገይስ ሰበት ዐለ ለእተ ረአሰ ለአትማሱ ቡኖም እግል ትውገእ አንበተት። እለ ቡን እለ ላተ ለናይ እስቡሕ ቡኖም ተረተ እግል ትትፈዴ እተ ሐስበት መስለኒ፡ እግለ እተ መደግ ካርየተ ለዐለት ዊደቲት ርሕክን እበየ ትቀርብ ትብለን ለህሌት እት መስል ለትሩድ አስዑደ ወሐረትመ እንዴ

2ይ ክፋል

ሳደደት ድግ፡ድግ እት ተአብለ ወለመደግ ቀለሀው እት ልብል ክምሰል ሀናቀሸቱ ቃልሆቱ ክሉ ለድጌ በለሰ።

ሼክ ሐጃጅ ምስለ ስይስ ወግርም ክልቀቱ ዝያድ ፍክር ወፈረሕ፡ ዐቅል ወንየት ለቡ ሰኒ ጋንዕ፡ ራውግ ዓቅል ወሳብርቱ ለዐለ። ክሉ እት ድዋራት ሼክ ሐጃጅ ለነብር ሸዐብ ሌጠ እንዴ ኢገብእ ላመ እት ረዪም ለነብር አዳም ክምሰል መሰል-ሰኔት ሰበት ለሀድጉ ለትበአሰ ለትዓሬ ወለደመለ ለአትባሬ፡ ጭዊት መሐበር ለአረትዕ እት አሰር ምብላሱ ዎሮትመ በልስ ይዐለ። ህቱ ለቤለየ ከላስ ህታተ ለትገብእ።

እብሊ ሰበብ እሊቱ መስለኒ አስክ ቤቱ እት ለዐይር ለእስቡሕ በዐል ቤቱ ሓድግ እቱ ለዐለ ቴለል እት ለአትዋይን ወእት ፈክር፡ “ዮም ላተ ለሓለት እግል እበድለ ሀለ እግልዬ፡” እት ልብል ምስል ነፍሱ ዲብ ለአስር ወፈቴሕ ወሀም ገም እት ወዴ ሓለት ዐረፋት እግል ለትሀድእ ወምነ ሽምት እቱ ለህሌት ሀማት ወሸቀላት እግል ልፈርቅቀ እት ለሐስብ፡ ምነ አጠዐሚቶ ለገብእ ሃጁኩ ወአዳጋማቱ እት ልትፋቀድ እትረአስለ ጀበነቶም እብ ፈረሕ ወስሩር ድንገሔ እት ልብሎ እግል ለአምሱ ዲብ ልተምኔቱ ህዬ አስክለ ቤቱ ተከሽ ለቤለ።

ዐረፋት ህዬ ከአፎ ገብእ ጸንሐቱ ወትከበተቱ?

ትተላሌ….

ዐብደለ መሐመድዐሊ (መዐልም)

ፍንጌ እለን ክልኤ ሱረት 10 ፍንቲት ሕዜ

አርቡዕ 17 ጁን 2015 4

ኣደም አቡሐሪሽ

ዮም 17 ጁን ምን ሰነት 1995 እንዴ አንበተት፡ አምዕል እድንያይ መትዓዋን እት ወራት ጋብሆት ሰቦት ወተእሲር ጀሐር ፈሀም ሸዐብ እግል ሊዚድ ለትሐደደት አምዕል ተ።

መጅልስ ዓም መነዘመት መጅልስ ቅራን እት ሰነት 1994 ዲበ አፍገረዩ ቀራር A/RES/49/115፡ ዮም 17 ጁን “እድንያይት አምዕል መዳፍዐት ሰቦት ወጀሐር” እንዴ ገብአት፡ ገባይል እዲነ ፈሀሙ ዲብ እለ ጋሪት እንዴ ትወቀለ ወቀይ እትፋቅ መነዘመት መጅልስ ቅራን እት ጋብሆት ሰቦት እብ ዓመት ዲብለ እብ ጀሐር ወሰቦት ለትአዘየ ድወል ወእብ ፍንቲት ድወል አፍሪቀ እት ፍዕል እግል አውዐሎት ትበገሰ።

ምነ ወክድ ለሀይ አዕደእ ናይለ እትፋቅ ለገአየ ድወል እት ሐን ማርሒት ኩለን ለከስሰን ጀሃት ወውዛረት ሐርስ ደውለት ኤረትርየ - መታብዓይት ውዛረት በራምጅ UNCCD ሰበት ተ፡ መሓብር ንዛም መነዘመት መጅልስ ቅራን፡ እድንያይ ወምን ሕኩመት በረ ላቱ መሓብር ወብዕዳም እዩሳም ሰብ ሽርከት ምስል ብዕድ ወራታት ዐማር ለልአቴ፡ እለ አምዕል ፍንቲት እብ ለትፈናተ ወራታት ክም ሸቲል ዕጨይ፡ ነዘሞት እት ተዕቢኣት ለረከዘ መሓብር-ጎማት፡ በራምጅ ተለፍዝዮን፡ ክምሰልሁመ እት ቀበት ኤረትርየ ዲበ አምዕላይ ጀራይድ ትግሬ፡ ትግርኛ፡ ዐረብ ወእንግሊዝ ለፈግር መዋዴዕ እት ፈግር፡ አስክለ እት መዲነት ቦን (ጀርመን) ለሀለ ወኪል UNCCD ንሰኽ ተቅሪር እግል ልንደእ ቱ።

እድንያይት አምዕል ጋብሆት ሰቦት ፍንቲት መናሰበት እት ገብእ፡ ክል ነፈር ሰቦት እብ አማን እግል ልትጋበህ ክም ቀድር ወለሕሉል እት እዴነ ክምሰል ቱ፡ እት ጋብሆት ሰቦት ለልዐውት አግደ ኣላት ህዬ ውቅል መሻረከት መጅተመዕ እብ ኩሉ መቃዪሰ ዶል ተሀሌ ሌጠ ክም ቱ ተአተንበሀ’ነ።

እብ አሳስ ተቅሪር UNCCD ናይ ሰነት 2014፡ እተ ምን ሰነት 2012-2014 ለዐለየ ሰኔታት 805 ሚልዮን ምን ሸዐብ እዲነ እብ ኢረኪብ ነብረ ክም ትጀረሰ ትወደሐ። እሊ ህዬ እት እዲነ ምን ክል ሰማን ነፈር ለዎሮ ስፍሩይ እት እንቱ ነብር ሀለ በሀለት ቱ። ለበዝሐው ምን እሎም እልሁሻም

ህዬ እተ ለኢትጠወረየ ድወል ነብሮ። እት አህዳፍ አልፍየት ለትረአ ገሌ መትቀዳም ወተጠውር ምንመ ሀለ፡ ሰፍረ ላቱ እት መንጠቀት ምን ገብእ ወድወል በታተን ምን ቅርደ ምሒት ኢህሌት።

ድግነ ሰፍረ ምን ተጠውር እቅትሳድ ሲናዶ ብዝሕት፡ንስአት ሙነት ሰኔት ክምሰልሁመ ጋብሆት ጠቢዐታይ መደራት ለትሐዜ ወራት ተ። አስክ እለ እንትበህ እት አርደት አግደ ጋር ጋብእ ሀለ። ሰበቡ ህዬ፡ ለዝያድ 99.7% ምን ነብራነ ምን አርድ ሰበት እንረክባ ቱ። ምስለ እት በዜሕ መጽእ ለሀለ ዐደድ ስካን እዲነ፡ ጅግረ ዲብ አርድ ሐርስመ እት ዘይድ መጽእ ሰበት ህሌት፡ አርድ ሐርስ እት ልውሕድ መጽእ ሀለ። ነብራነ እግል ንድመን ህዬ፡ ለትሸርሸረ ምድር እግል ነአትሓይሱ ወጅብ።

ሰፍረ ዲበ ይቡስ ወጽበጥ ማይ ለአለቡ አራዲ ናይለ እት ተጠውር ለህለየ ድወል፡ ክምሰልሁመ መደረት ኣደሚ ወጠቢዐት ለትላድዱ አምዳር እት ገርግር ትመጽእ ህሌት። መብዝሖም ስካን ይቡስ አራዲ ህዬ እበ ምን ድዋሮም ሌጠ ለረኩበ ሕድት ነብረ-ኢረኪብ ልትናበሮ ህለው። ድወል ሽብህ ሰሃረ አፍሪቀ እት አስረቶት ሰፍረ ሸበህ መትቀዳም እርኡያት ምንመ ህለየ፡ አስክ እለ ለትወቀለት ዛህረት ዐጸቦ ላተ ትትረኤ ዲበን ህሌት።

እድንያይት አጄንደት ተጠውር ሰነት 2015 ክመ ተሐብሩ፡ ለሕስር ውቁል እንዴ ተሀየበዩ እግል ልትሸቄ እቡ ለልትሐሰብ “ዎሮመ ኢትአሰፍሩ” ለልብል በርናምጅ ለዐናቅፍ ለሀለ ጋር፡ ለፍንጌ-ፍንጌ መስኡልየት ጋሪት መትሸርሻር አርድ፡ እት ኩሉ ሰፍረ ወሕግላን ተአዘይድ ለህሌት ጋሪት ክም ተ ተሐብር።

ሸዓር አስረቶት ሰፍረ (ሀደፍ 2) ዎሮት ምነ ግረ ሰነት 2015 እግል ልትሸቄ እቡ ሕሱብ ለሀለ አህዳፍ ክም ቱ፡ እብ ሰራሐት ለሸቁ አንፋር አህዳፍ ተጠውር ዳይም ወድሖ። ለትገሌት ትርበት ወአርደት ክም በዲረ ብልሰት ህዬ ምን አውለውያት ሀደፍ 15 ወእብ ፍንቲት ሀደፍ 15.3 ቱ።

ሀደፍ 15 ደማን ለቡ መትነፈዕ ድዋራት ምድር ይቡስ ለልሐፍዝ ወክም በዲሩ ለበልስ እት ገብእ፡ ድበዕ ለልዐቅብ፡ ሰቦት ለልትዳገን፡ መትገላይ ትርበት ወምድር ክምሰልሁመ ሰሪት መክሉቃት ለከሬዕ ቱ።

ሀደፍ 15.3 እት ሰነት 2020፡ ሰቦት እንዴ አስረተ፡ ለትገሌት ትርበት ወምድረ (ላመ እብ ሰቦት፡ ጀሐር ወወሓይዝ ለትአዜት አርደት) ክም በዲረ እንዴ በልሰ፡ ምን መትሸርሻር ለነጌት እዲነ እግል ከሊቅ ቱ።

ናይ ሰነት 2015 እድንያይት አምዕል ጋብሆት ሰቦት፡ “ወጀዶት ነብረ እግል ኩሉ፡ እብ ደማነት

ንዛም ነብረ” ሐንቴለ ትብል ስቅራት ለትዘከረት፡ እትሎም ክልኦት ሀደፍ ርክዝት ዐለት። ለመባጽሕ ህዬ፡ ሀደፍ 15 ወሀደፍ 2 እንዴ አደቀብከ እግለ ግረ ሰነት 2015 ለሀለ ወራታት አደቃብ ቱ። ሸዓርለ ምዕል ህዬ፡ “ደማነት ጸቤሕ-እብ-ለሀ መስለ አለቡ፡ ትርበት ሰኔት ዲበ አስተስምር” ልብል።

ሸዓር ሰነት ዮም ዓመት ህዬ፡ አስረቶት ሰፍረ ወሐገሌብ፡ መትሸርሻር ትርበት ዶል ነሓርብ ሌጠ ክም ቱ ለንትሰርገል ዲቡ፡ እግል ሸዐብ እዲነ ምን ገብእ ወሰብ ቀራራቱ ልእከት ዐባይ ለሓልፍ ሀለ።

ምስለ ሸዓርመ መክተብ UNCCD እብሊ ለተሌ ልትፋኔ።-

1) ደማነት ለበ እዳረት ምድር፡ ወእብ ፍንቱይ ህዬ፡ ዲበ ዝላም ለአለቡ ምድር ሐርስ ሰኒ ወመትላማድ ምስል ተቅዪር ሓለት ጀው

2) አትባጽሖት ቴክኖሎጂ ወሐዞት ምድር ዲብለ ሑድ ምድር ለመልኮ፡ ምድር ለልሐፍዞ ወነብረ ድቡራም ለልአደምኖ ሐረስቶት

3) መትሐሳር ወደሪስ ምነ ሰኒ ወራታት እት ሜዛን መትነፈዕ ምድር ኢኮሎጂ ወሐርስ

4) ዝያድ እስትስማር ዲብ ደማን ለቡ ወራታት እዳረት ምድር እግል ወጀዶት ርዝቅ ወንዛም ነብረ

5) ሰቦት ሰበብ ናይለ ኢልትረኤ ሐርብ እግል ዐለዮ ወመትሸዕታር ክምሰልሁመ ሰበብ ኢመስኩበት ክምሰል ተ እንዴ ኣመርከ፡ እግል መስኩበት፡ ሰላም ወአምን ናይለ እብ ሰቦት ለትደመዐየ ድወል ናደሎት፡ መሰለን ሕዳን ማይ ወነብረ ልጁእ ክም ከልቅ እግል ንፍሀም ብነ።

እሊ እት ለዐል ለትሀደገ ሸዓር እት ፍዕል እግል አውዐሎት፡ ውዛረት ሐርስ ደውለት ኤረትርየ ምስል እዳረት አቃሊም ወብዕዳም እዳርዪን ዳሕያት እንዴ ተዓወነት ተዕቢኣት ዲብለ ሐረስታይ መጅተመዕ እት ትወዴ፡ ነሻጣት ብዙሕ ዲብ ደማን ለትሀይብ እዳረት ርዝቅ ምድር ወማይ

ትወዴ ህሌት። እትሊ ህዬ ክም መሰል ሰኔት እግል መጅተመዕ እዲነ ለገብኦ ሐረስቶትመ ፋርያም ህለው።

ምድርከ እግል ትስከን ወተአስኔ ንየት ውቅል ሰበት ህሌት፡ ደማን ለቡ ተጠውር ክም ልትረከብ አኪድ ቱ። ሕኩመት ወሸዐበ ዎሮት ድዋር ሰኒ

እግል ልትሸቄ እቡ ሕሱብ ለሀለ አህዳፍ ክም ቱ፡ እብ ሰራሐት

ለመልኮ፡ ምድር ለልሐፍዞ ወነብረድቡራም ለልአደምኖ ሐረስቶት

ሸዓር አስረቶት ሰፍረ (ሀደፍ2) ዎሮት ምነ ግረ ሰነት 2015 እግል ልትሸቄ እቡ ሕሱብ ለሀለ

2) አትባጽሖት ቴክኖሎጂ ወሐዞት ምድር ዲብለ ሑድ ምድር ለመልኮ፡ ምድር ለልሐፍዞ ወነብረ

ጁን 17፡ እድንያይት አምዕል መዳፍዐት ሰ’ቦትተአተ አው ትሰከነ፡ ሰኒ ተሐፈዘ ወሰኒ ትነፈዐከ እቡ ምን ገብእ፡ ተጠውር፡ ደማነት ነብረ ወሙነት ሰኔት ሰበት መጽእ፡ እሊ ህዬ እት ጋብሆት ሰፍረ ወሕግላን ክምሰልሁመ ዕጥል ዶር ውቁል ክም ቡ ወአውለውያት ወጠን ክም ቱ ሽሙይ ለልአሙረ ሐቂቀት ተ።

ሕኩመት ኤረትርየ ምስል ውዛረት ሐርሰ፡ እብ ነሐር አዳም እት ትትከሰእ፡ እበ ዲብ አትሓያስ ርዝቅ ማይ ወትርበት ለወዴቱ እስትስማር ዐቢ፡ መናበረት ሸዐበ እብ ዓመት ወመናበረት ናይለ 70% ለገብእ እብ ሐርስ ለነብር ሸዐበ እስኒት ህሌት።

እሊ ለተሌ ህዬ፡ ገሌ ምነ አግደ እግል አትሓያስ መናበረት ናይለ እብ ሐርስ ለነብር መጅተመዕ ኤረትርየ ገብእ ለሀለ ወራታት ወእስትስማራት ብስር ደማን ለበ ናይ ጠቢዐት ወአዳም ለሸቀየ እዳረት ቱ።

1. አዳለዮት ስታት ስትራተጅየት ዐማር ሐምስ ሰነት (2014-2018)

ውዛረት ሐርስ ክመ ልሙድ አሽቃለ ምስል ሐረስቶት፡መሓብር ሐረስቶት ወሴድየቶም፡ እተክምሰልሁመ ምስል አንፋር ዐማር መጅተመዕ ደገጊት፡ ምስል መሓብር ሸባብ፡ ደረሰ ወአንሳት ወብዕዳም ሰብ ሽርከተ እት ትትዓወን ወትትጋሜ፡ ናይ ሖል፡ ክልኦት ወሰለስ ሖል ስትራተጅያይ ስታቲባት ዐማር ተአዳሌ።

ውዛረት ሐርስ ዲበ ቀደም እለ ለረክበቱ ተጃርብ እንዴ አተንከበት፡ ናይ ሐምስ ሰነት (2014-2018) ስታት ስትራተጅየት ዐማር አዳሌት። እሊ ስታት እሊ ሐጪር፡ ምግባይ ወረዪም ስትራተጅያት ወአህዳፍ ለቡ እት ገብእ፡ ዋዴሕ ነሻጣት ወመስኢት ለገብእ እተ ፍገሪት ቡ።

እሊ ስታት እሊ፡ እተይ ሐርስ ወእግለ ትሸርሸረ አርድ እት ተአትሓይስ ምን ክል ክትፈት-አርድ ለልአቴ እተይ እት ወግም ለኣተ እት ገብእ፡ ሰቦት ለጋብህ፡ ከሱበት ትርበት ወብዝሔ መክሉቃት ለወቅል፡ ብስር መትላማድ ምስል ሓለት ጀው ለልአትቃልል ወናይ መአሰሳት ወአዳም መቅደረት እት ደማን ለበ እዳረት ርዝቅ ምድር ወማይ ለልዐቅብ ቱ።

አርቡዕ 17 ጁን 2015 5

መሓመድ እድሪስ

ለኢትሰቀለት መንዴረት

ቅያደት ፈሲለትነ እግል ሳልሳይት መጅሙዐት ብሬን እንክር ድማን፡ ካልኣይት መጁሙዐት አርፐጂ ጀሀት ድገለብ፡ ምግብ ህዬ ዲቶሩፍ ለበ ሳልፋይት መጅሙዐት እንዴ አዳሌነ አካነትነ ክምሰል አጽበጠውነ ሜርሐት መጃምዕነ ሰዋትርነ አጽበጠውነ። ፈሲለትነ ሐድ 60 ለገብእ ብዝሔ አዳም ሰበት ዐለ እለ ብራር ጉወ እብ ተማሙ ኖሰ ጸብጠቱ።

አነ ዲብ መጅሙዐት አርበጂ ሰበት ዐልኮ፡ እንክር ድገለብ ናይ ፈሲለትነ ምስለ ኤም 14 ጻብጥ ለዐለ ብርሃኔ ጃኒ፡ ሐሬ ዲብ ደውሸሾት ውቃው ለአስተሽሀደ፡ ናይ ዘብጥ አካን ጸበጥኮ፡ ምኒነ ጀሀት ድማን ሽሂድ ብርሃኔ ነቲዐ፡ ሽሂደት ፈረወይኒ ኮልት፡ ሽሂድ ሙሴ (ውዲ ፖሊስ) ሽሂደት ትምኒት (ወለት አርበዕተ) ናቶ ለጸብጠ ሽሂድ ባሻይ ሃብቴ፡ ሽሂድ ዑቅባይ (ሰብኣይ ንእሽቶ) አርበጂ ለጸብጠው ሹሀደ ነጋሲ ገረግሄር (ኩኒ) ወበላይ (አርከቤ)፡ ፍጹም ሃይሌ (ወድ ሃይሌ) ሽሂድ ተስፋጋብር፡ ሐኪም መጅሙዐት አልጌኔሽ፡ ሽሂድ ብርሃኔ ዒሉ፡ ሽሂድ ኤንፍዮጅን (ቃእድ መጁምዐትነ) አካኖም ጸብጠው። ምኖም እንዴ አተላለው አንፋር አወላይት ወሳልሳይት መጃምዕ አስረው። አመቴ ንጉሰ (ወለት ንጉሴ) ለትመረሐ ፈሲለት ስርየት 13 ህዬ እብ ጀሀት ድማንነ ዲብ ማይ ከላሺን ሸፈት። ምን አንፋር ፍርቀት ዓዳት ብርጌድ ሐቴ መጁሙዐት ህዬ እብ ጀሀት ድማን ጉወ ትወሰከት።

ሰዋትርነ ክምሰል ጸበጥነ ወለት ሸሪፍ ወኤንፍዮዥን ቃእድ መጅሙዐትነ እበ ምንለዐል ሰኒ ለትገልበበ ከናሌታት ዲብለ አነ ወብርሃኔ ጃኒ ለዐልነ እተ አካን መጽአው። ዲብ ሽውየ ውቅል ለቤለት ሕነ ሻፋም እተ ለዐልነ አካን እንዴ ኢፈግሮ፡ ወለት ሸሪፍ፡ “አሀ ማንጁሳይ ደሐን ህሌከ ማሚ?” ቴለኒ። አነ ወፍረወይኒ ኮልት ምነ ፈሲለት እብ ዕምር ለነአሽነ ሰበት ዐልነ፡ “ማንጁሳይ” እንዴ ትቤቱ ትትላኬነ ለዐለት። ገጬ ምነ አስክለ ቀደም ድፈዕ ለአኖክዩ ለዐለ እንዴ ይአትወልቡ “ሰላም ህለ” በለስኮ እግለ።

ወለት ሸሪፍ “እለ ጉወ ጉዋ ተ፡ እሊ ምድር ህዬ ማሲ ህለ…እሊ አድግ ምድር እንዴ መሰ እቱ ጉወ ጉወ ልብል ህለ… ኢንሕመቅ፡ ዲብ ሰዋትርነ እግል ነአሽእጉ አለብነ። ለወድቀ እንዴ ወድቀ እንዴ ኪዴነ ሐልፋመ ምን ገብእ እብ ክለ ቅድረትነ ዲብ እለ ጉዋነ እግል ንትሓረብቱ፡” ትቤ። “ሸክ ኢትውደይ ወለት ሸሪፍ” ብርሃኔ ጃኒቱ ለበልሰ እግለ። ኤንፍዮዥን እብ ጀሀቱ “ ቀናብል እዴ ማጽእነ ህለ እግል ንወስክ እግልኩምቱ፡” ቤሌነ።

“ዲብ ቀደም ድፈዐን ሚ ልትረኤ ህለ?” ትሰአለት ወለት ሸሪፍ

“ክልኦት ለወድቀው ሙናድሊን እርኤ ህሌኮ” በለስኮ እግለ።

“አይወ፡ ለሶታይት ፉጠተ (ኩሽከ)

ትትረኤ ለህሌት ወለት ገብረኪዳን ተ። ለዎሮት ህዬ ወድ ሸምበል ቱ” ትቤ።

ንግስቲ (ወለት ገረኺዳን) ዲብ ስርየት 13 ሐኪመት ስርየት ለዐለት ፋርሰት ተ። ወድ ሸምበልመ ዲብለ ውሕደት ምስለ ለዐላቱ። ክልኢቶም እተ ናይ ዮም 12 ህጁም አ ስ ተ ሽ ሀ ደ ው ። ወለት ሸሪፍ አስኮም ፍድ እንዴ ትቤ ዲብ ተአቀምት ሰኒ ትነከደት። “ፈንጎሕ ፈጅር ገናይዘን እብ ብዝሔ ቀደም ድፈዕነ ክምሰል ልትማደድ እግል ኒዴቱ አብሽርኩም፡” ትቤ አንያበ ዲብ ተሐራቅም። ወለት ሸሪፍ ቀየሕ ረያም ዕንተ ሐቴ ዲብ ራብዓይ ወራር እብ ርሳስ አባይ ለጌሰት ተ። ህተ ትትነከድ ዲብ ህሌት እበ ሐቴ ዕንተ እንዴ አፋደደት እት ትገንሐከ ትትሃጌ። መጦር እናስ ሌጠ እንዴ ኢገብእ ዝያድ እናስ ፋርሰት ወሓጥረት ዐለት። ህተ እንፈትየ ወነሐሽመ ለዐልነ መልህየትና ተ። ዲብ ሳብዓይ ወራር (ስቱር ወራር) ህዬ እብ ፈራሰት አስተሽሀደት።

ህግያነ እንዴ ኢንአተምም ክልኤ ሚግ 21 ጥያራት ሐርብ፡ ፍንጌነ ወፍንጌ አባይ እብ ጉወ እንዴ ትጸገዐየ ጽራር ድቁብ እንዴ ውደየ ሸንከት ቅብለት ገጸን ሐልፈየ። ወለት ሸሪፍ፡ ‘ዎሮትኩም ልእቴ’ እንዴ ቴለነ ህተ ወቃእድ መጅሙዐትነ ምስል ጌሰው ምኒነ። ለጥያራት ይአደገየ እንዴ አቅበለየ ጉወ እግል ልዝበጠ አንበተየ። አነ ዲበ እለክፍ እተ አካን እንዴ ትጸገዐኮ እርእየን ዐልኮ። ለወርውራሁ ለዐለየ ክላስተር ጉወ እብ ቅሩብ እንዴ ጀሌ ምነ ናይ ድፈዕ ሰዋትርነ ገጽ ኬን አብ ቀደምነ ወግራነ ወድቀ። ለድፍዓት እግል ልውደቅ አስክ ለሐዜ ሀንቀልቀለ። ወእብ ተናናት ትገልበበ። ክምሰለ ብዕድ ወቅት እግል መደት 10-15 ደቂቀት ለከፈየ፡ ለለሐድጋነ ምንመ መስለየ ብዕዳት ዲብ ለዐርየ እምበል ዕርፍ እግል መደት 45 ደቂቀት ዲብ ረአስ ጉወ 21 ቅምብለት ፋሽሽቲ ለከፈየ።

ለቀናብል ክሉ ጀለ ሚኒነ። ሐቴ ላኪን ረአስ ጉወ፡ እት ምግብ ፈሲለትነ እት ረአስለ አንፋር ሳልፋይት መጅሙዐት መድፈዐጂታት ብሬን ገብረሊባኖስ ቺና ወመቀርከ ለዐለው እተ ቤት ትከሬት። ለከንደግ ትገለበት። ገናይዝ ክልኢቶም ጅማዐት ህዬ ለዐል እንዴ ነጥረ ምድር ለደደ። እተ ምሴት ለሀ

ዝክረት ሹሀደ እንዴ ወዴነ እት ጉወ ቀበርናሆም።

ሀደፍለ ቀናብል እግል ጉወ መጋዌሕ እግል ልህጀም ልትዳሌ ለዐለ ዴሽ ሸዐቢ ዲብ ጨበል ረንቦ እንዴ ወዴከ እብ ቀሊል ክምሰል ጸብጣቱ ልጻገም ለዐለ። እብ ጀሀትነ አባይ እግል ልትፈረር ክምሰልቱ ሰበት ኣመርነ ዲብ ዮም 15/02/82 ዲብለ ጸብሐት ላሊ ዲብ ለትወቀለ መደጋግ ሰበት ዐልነ ቀሸው እንዴ

ይእምብል ትመዬነ። ኮሌኔል መንግስቱ ሀይሌማርያም፡ እግል ጅብሀት ሸዕብየት ዲብ ወቅት ሐጪር እግል ለአብዴነ እብ ሰልሲተን ጀብሀት ሐርብ እግል ለአንብት እበ ሀበዩ ትእዛዝ፡ ዴሽ እስትዕማር ዲብ ክሉ ጀብሃት ዲብ ሰዋትር ዴሽ ሸዕቢ እንዴ ትጸገዐ ትመየ። ጽብሕ ምድር ህዬ ሐርብ ድቁብ አምበተ።

3 9 ይ ተራረ ብርጌድ እብለከፍ ድቁብ ናይ መዳፍዕ ወደባባት እንዴ ተለ፡ ሳዐት 5፡00 ህጁም ጠለቀ። ሰር ገሌ ዐሳክር አባይ ቀደምነ ትኩል ለዐለ አልቃምነ እንዴ ኬደው ወድቆ እት ህለው። ምኑ ለተዐደው እብ ሸፋግ ዲብ ልትባደሮ ዲብ ድፈዕነ እግል ልእተው ጀረበው። ፈሲለትነ ቀናብል ካፊ ናይ እዴ ወርሳሳት ሰበት ዐለ እግልነ እብ ርሳስ ወቀናብል እዴ አቴነ እቶም። ድፈዓትነ እብ ብስር ለትሸቄ ወሕድ ለለአቀምት ወለዐቅብ ቱ

ለዐለ። ክልነ ምስል ለእግል ልህጀመነ ለመጽአ ዴሽ አባይ ለልትቀተል ቀተልነ ወለተርፈ እት እንክራምዱ ዲብለ ሕነ እግል ንርአዩ ለይእንቀድር አግሉብ ሄደድናሁ። ምናተ፡ ዲቡመ ኢትወጠ እሎም፡ ዶሽከ ስለሕ ክቡድ ናይ ብርጌድነ እብ እንክር ድገለብ ምን ረአስ ዴስነት እብ ስምጥ፡ ድቁብ ዘብጥ እንዴ ከስተው ምነ እግል ለአጭፍር እተ ለሐስበ አካን ኬን ደርገገው።

ለምስ ብርሃኔ ጃኒ እጭፉራም እቱ ለዐልነ ሳትር ለእንለክፍ እቦም ክልኦት ሽባክ ዐለው እቱ። ናይ ብርሃኔ እንክር ገለብ ወናዬ እንክር ድማን ወገጽ ቀደም እግል ለአቅምት ለቀድር ቱ። ሰበት እሊ፡ ለሸንከትነ ለሀጅም ለዐለ ሌጠ እንዴ ኢገብእ፡ እብ ጀሀት ድማን አስክ አወላይት መጅሙዐት ለሀጅም ለዐላመ

እንርእዮ ዐልነ። ዴሽ አባይ አሰልፍ እብ ብዝሔ ሀጅመ። ፍንጌሀ ለሀጅም ለዐለ ዴሽ፡ ዎሮት ሮማይ ዐስከሪ ዲብ ሐጺነት ረያም ለትሰቀለት መንዴረት እንዴ ጸብጠ እት መጽእ ረኤናሁ። ለሜርሐት ዲብ ልጀለፎ ክምሰል አምበተው፡ በዐል መንዴረት ወለተርፈው ዐሳክር አባይ ገጽ ግረ ሐረግረገው። ምን ሐዲስ እንዴ ትነዘመው እግል ልህጀሞ ክምሰል

አምበተው ህዬ፡ ለበዐል መንዴረት አካን እንዴ በደለ ምስለ ዲብ

ባሻይ ሀብቴ ለእምብሉ ነፈር መጅሙዐትነ ለሸበው 10 አንፋር ለጥአ። እንዴ መጽአ ሽክ እግል ሊበል እትነ ለጀረበ እተ ኢነት፡

ባሻይ ሀብቴ እብ ናቶ እንዴ ወደ ረአሱ ክምሰል

ሸወጠ ለዐል እንዴ ሰረ ምድር ለደደ። ለመንዴረትመ ምስሉ አከይ ውድቀት ወድቀት። ባሻይ ሀብቴ ሐቆሁ ዲብ አወላይ ህጁም ደውሸሾት ውቃው እዝ አስተሽሀደ።

“እለ መንዴረት ሚ እግል ቲዴቱ ለመጽአት?” ትሰአልክዉ እግል ብርሃኔ ጃኒ።

“እግልነ እንዴ አጽድፈው ዲብ ጉወ እግል ልውቶደ። ለቅያደቶም ውትት ዲብ እንተ ረአወ ምንገብእ፡ ዴሽ እንዴ ወሰከው እግል ልጽቦጣቱ ፍክሮም፡” ቤሌኒ።

ለቀይሕ ኮከብ እንዴ ትሰመ ዲብ ጉወ ለትፈረረ ዴሽ፡ ለ መ ን ዴ ረ ት እት ጉወ እግል ልውቶደ ንየት ውቅል ዐለት እሉ። ለእግል ልዳፍዖ ለሸፈው ፍራስ ሙናድሊን ህዬ ዲብለ መርከዝ ስ ሙ ዶ ም ወፍርስነቶም ጉወ መንዴረት

አባይ እግል ትትሰቀል ኢሰምሐው።እበ ትትቀደሩ ለሀጅመ ዴሽ

አባይ ክምሰል ተሐለለ፡ ዲብ ሰዋትርነ ለልአነቤዕ ጋዝ እግል ልልከፍ አምበተ። ለእግል ዕንታት ወኣንፍ ለለአዜ ጋዝ፡ ሙናድሊን እንዴ አርዐበ እብ ቀላል ጉወ እግል ልጽበጥ ለገብአት ብዕደት ጀርቤ ዐለት። ሐቴ ምን ቀናብል ጋዝ ዲብ ከናሌታት ሳልፋይት መጅሙዐት፡ ከረ መምህር አርአየ ተኽለ፡ አልማዝ ሀይሌ፡ ንግስቲ መሓሪ (ትፍሬ) ለዐለው እተ አካን እንዴ ወድቀት ትፈርገዐት። ወለት ሀይሌ ለብእቶም ጅማዐት ምስል ጼነ በሰል ለልትማሰል ድቁብ ጼነ እንዴ ከብሀዮም ዕንታቶም እብ እንብዕ ጀለም ቤለ። ምን ሳትሩ ለቀንጠ ላኪን ይዐለ።

ገሌ ምነ ለልአነቤዕ ጋዝ እንዴ ኢልትፈርገዕ እት ቀደም ድፈዕነ ወድቀ። ፍጹም ሀይሌ ድፈዕ እንዴ ሐልፈ ክምሰል አምጸአዩ፡ ወለት ሸሪፍ እግል ቅያደት ስርየትነ ወቦጦሎኒነ ሀበቶም። እብ ተውሳክ ምነ እት ቀደም ድፈዕነ ለወድቀው ገናይዝ 81 መናዱቅ እንዴ አሬነ አምጸአነ። ሐቆ ሰለስ አምዕል ፍጹም ገብረሂወት ዲብ መክተብ ብርጌድ እግል ልንድኡ ዎሮት ነፈር ጦፍ ክምሰል ትሰአለ ቃእድ መጀሙዐትነ እግልዬ ነድአ። ሰለስ ቅምብለት ለልአነብዕ ጋዝ እንዴ ጹርኮ ዲብለ እት እት ዕንክለት ናሺናል እንዴ ገብአ እግለ ጀብሀት ለአትመቃርሕ ለዐለ ቃእድ ብርጌድነ ተኽላይ ሀብተስላሴ፡ አብጸሐክዉ። ተኽላይ ለቀናብል እንዴ ባለሰ ለክቱብ ክምሰል ቀርአ “እሊ ላተ ደሐንቱ - ለለነብዕ ጋዝ ቱ” እንዴ ቤለ ሻሂ እንዴ አስቴኒ ሳረሔኒ።

አባይ ዮም 15 ወ16 ትሉሉይ ጀርቤታት ምንመ ወደ። እግል ድፍዓትነ እንዴ ደርገ እግል ልዕረግ እቱ ላተ ኢቀድረ። ዮም 17 ወ 18 እምብለ ናይ መዳፍዕ ወደባብ እብ ኔሸኖት ሰዋትርነ እግል ለሃግግ ለወደዩ ድቁብ ዘብጥ፡ ለህጁም ሃድእ እት እንቱ ወዐለ። ወቃው እዝ እብ ምግብ ጀብሀት ድፈዕ ዴሽ ሸዕቢ እንዴ በክአ እግል ልሕለፍ ክምሰል ኢቀድር ሰበት ፈሀመዩ፡ እግል 19ይ ተራረ ክፈል ዴሽ ዲብለ እንክር ግብለት፡ 23 ክፈል ዴሽ ምስል ብርጌድ 42 ናይ 19 ክፈል ዴሽ ለለሀጅም እቱ እትጀህ ተሐረከ። ለዲቡ ዐለት ሒለት አባይ ገበይ ፈሕ እንዴ ጸብጠት ዲብ ባካት ብሌቃት ዲብ ገሌ አድብር ሻፈት ሰበት ዐለት፡ እቡ እግል ለአሽክት እንዴ ቤላቱ እትጀህ ለበደለ። ሕናመ አካነትነ እብ ብርጌድ አርበዕ እንዴ ትበደለት፡ አስኩ ዐሬናሁ። ዲብ ወራር ቀይሕ ኮከብ፡ ሳድስ ወራር ምን ዮም 15/2/82 አስክ 02/06/82 ክቡድ ሸፍ እንዴ ገብአ ህዬ እብ ዐውቴ ዴሽ ሸዕቢ ተመ።

ዮም፡ ምነ እተ መደት ለሀ እት ጉወ ሻፋም ለዐልነ 60 ለእንበጽሕ አንፋር ፈሲለትነ እብ አርወሐት ለህሌነ 10 ይእንበጽሕ። ክልኢቶም ሜርሐት ስርየትነ፡ ሜርሐት ፈሲለትነ፡ ሰልሲልቶም ሜርሐት መጃምዕነ ወብዕዳም ፍራስ ሙናድሊን ዲብለ ግረ እሊ ወክድ እሊ ለገብአ ሕሩባት፡ እግል ሕርየት ኤረትርየ ፍዘ ገብአው። አንፋር ፈሲለትነ ከትምየቶም ንእሽናሆም፡ ያንዲኖም፡ ረታዐቶም ወእግል እስትሽሃድ መዳላዮም ልትካየል እዬ። ዮም አድብር ሳሕል አፍ እንዴ ፈትሐ ለረአዩ ምን ደግም፡ ጉወ ሚ ወትቤ!?

ለኢትሰቀለት መንዴረት እበ ልብል አርእስ ሙናድል ሙሴ ገብረትንሳኤ፡ ዲብለ እብ መናሰበት ዝክረት 30 ሰነት መደውሻሽ ናይለ እት ቅብለት ምፍጋር ጸሓይ ሳሕል ሻፍፍ ለዐለ ጄሽ አባይ ለፈግረ ክታብ መዐዳዪት (መቀይሮ) ለትከተበት ቅሰት አማን እግል ዮም ካልኣይ ወናይ ደንጎበ ክፋለ እግል ንርኤቱ፡ ከቅራአት በኪተት፦

አርቡዕ 17 ጁን 2015 6

ዲብ ኤረትርየ ሐንቴ ውዛረት ዓፍየት ለትሸቄ እት ዓፍየት ገቢል እዴ ዐባይ ለተሀሌ እሉ ሕማማት እንዴ ሰኒ ፈረገት ወአውለውያቱ እንዴ ረተበት፡ እትሚ ቴለል ሀለ ወከፎ ልትባሰር ለታይን ጀሀት ሀሌት። እለ ጀሀት እለ እብ አሳስለ ወዴቱ ዐራባይ

• እትለ ዐድነ 19 ጅንስ አውለውየት ለልትሀየብ ለልዐዴ ሕማም ሀለ

• ህቱ ሀዬ ግንፈእ ሰራይር(Avian Flu)፡ ሳርስ( SARS) ለልትበሀል ሕማም ስርዐት ትንፋስ፡ ኮሮነ ቫይረስ(coronavirus) እትሊ እያም ቅሩብ ዲብለ ሊስተት ለአተ እት ገቢእ፡ ምኑ ለቅዱም ሀዬ

• ሕማም ቅልዔA(nthrax)፡- ብዙሕ ለልትረኤ ምን አዳም እት ንዋይ ለለዐዴ ሕማም ገቢእ እት ሀለ፡ መብዘሑ ሀዬ እት አቃሊም ግብለት ወዐንሰበ ክም ልትረኤ ተቃሪር ውዛረት ዓፍየት ለሐብር።

• ሐዝ ደንጊ/ ዌልካም እት ልትበሀል ለልትሀደግ(Dengue fever) እብ ሐናኒት ለለዐዴ ቫይረስ ለሰብቦ ሐዝ

• ክም ገሽለት እንዴ ገብአ እግል ኢልቅነጽ ለልትፈረህ ሕማማት ሀዬ።- ኮሌረ (cholera) እብ ባክቴርየ ለመጽእ ፍጋር ወዕምጢጥ(bacillary dysentery/shigellosis)፡ ሐዝ ጸሊም (plague) እት ክም ከረ ዐነጺት መስል ሔዋን ወቀ’ጹ ለጸኔሕ ባክቴርየ ለለመጽኦ፡ ስፌር ቤጪ (yellow fever) ያብሶ (meningococcal meningitis) ሐዝ ሰኒ ድቁብ (VHFs)፡ መላርየት (malaria) እንፍሉዌንዛ ሰራይር (Avian Flu) ወኒፎ፡ (measles) ገብእ እት ሀለ፡

• እግል ኩሉ ረአሱ ልስረት እት ኤታን ለሀለ ሕማማት ሀዬ ሸለል (poliomyelitis)፡ እት ዐልቀት ለልዝህር ቴታኑስ/ለጋም አንኩክ( neonatal tetanus)፡ ኒፎ( measles) ወበጀሌ( dracunculiaisis) ከምክም።

በጀሌ እት ኤረትርየ ብዙሕ ለልትረኤ ሕማም ምንመ ኢገቢእ እት አግዋርነ እት ግብለት ሱዳን ወአቶብየ ሀለ፡ ክምሰልሁመ እት

ረ ዪ ም ነ ቅሩብነ ዲብ ቻድ ወማሊ ሀለ። በጀሌ ለ ሰ ብ ቦ ባልዒን እት ማያት ክሩዕ ለ ነ ብ ር ወ ድ ማ ይ እቱ እንዴ ጸ ን ኑ ሕ ፡ አዳም እግል ለ ሐ ም ስ ፡ ል ባ ስ ል ሕ ጸ ብ አ ው መ ማይ ልስቴ ክም ቀርበዮም ምነ ወድ ማይ ለአንቀዋቄሕ እት ገሮብ ለአቴ፡ ክም ተ’መ እብ እገርነ እንዴ ሐፍረ እግል ልፍገር ዶል ልብል መ’ጸት ወሐዝ ለወዴ ወአስክ ለሓባልለ ተብዕን ፈግር አረይ ዐዛብ ለወዴ ሕማምቱ። ስራይ ልግበእ ወክታበት ሰበት አለቡ ሀዬ ምን ማይ ክሩዕ መትሰላም ወማይ ጽሩይ ሲተት ሌጣተ ምኑ ለተአነግፍ።

እሊ ተሀደገ ሕማማት ወብዕድ እት ገቢል እዴ ለወዴ ወእብ እህትማም ዐቢ ለልትረኤ እንዴ ትፈረገ እግል ካፍሖቱ፡ ወቢሉ-ቢሉ እግል በዳሁ ውዛረት ዓፍየት ምስል ዐለም ለትመሳነ ኤታን ተአፈግር። እብ አሳስለ ፈግር ኤታን ሀዬ ሽቅል ልትየመም። እሎም እት ዓፍየት ገቢል መደረቶም ዐባይ ላተ ሕማማት ሀዬ ፍጋር (diarrhea)፡ መእረር ወረክስ ሸነብእ (pneumonia) እት ምተሐት ዕምር ሐምስ ሰነት፡ ኤች ኣይ ቪ ወኤድስ( HIV/AIDS)፡ እብ ጅመዕ ለለዐዴ ሕማማት( STI)፡ ቲቢ/ስዕለት ዐባይ (tuberculosis)፡ ሲስቶሶማይትስ/ቢልሃርዝየ (schistosomiasis) እት መራታት ወብዕድ ማይ ለነብር አረኔ እቱ እንዴ ትከተለ እት ዶል ሕጽቤ አው ሕማሴ ምን አረኔ እት ገሮብነ እንዴ አተ ምንፈሐትነ ወብዕድ ስርዐት ሽን

አውመ አምዓይትነ ዲቡ እንዴ አተ ደምነ እት ጸምም ለነብር ባልዒን፡ ሕማም መየምየም( rabies) ወስፌር እት ኩሉ ዓማር/ነኣይሽ ወዐባዪ( hepatitis in all ages) ቶም እንዴ ትቤ ውዛረት ዓፍየት ፍርግቶም ሀሌት።

እሊ ለልዐዴ ሕማማት እግል ታየኖት ወራቀቦት እት አውለውየት

እግል ልትረተብ ለቀድረ እቡ አስባብ ሀለ። ውዛረት ዓፍየት ቅስም ታየኖት ለልዐዴ ሕማማት ክምለ ለሐብሮ ።-

ምነ ዐባዪ አስባብ ሕማም ወሞት ገቡእ እት ሀለው፡ ሀለዮቶም እት እቅትሳድመ እዴ እኪት ወዴ።

ክል ዶል እትሚ ሓለት ሀለው አየትሳረበብከ ምን ገቢእ እንዴ ሰክቦ ጸንሐው ክም ገሽለት እግል ልቅነጾ ለቀድሮ እቱ አውካድ ሳድፍ።

እግል ልብደው ወልስረቶ ሀዬ እት ቅሩብ ሀለው

አሻይሮም እንዴ ረኤከ እብ ቀሊል እግል ልትፈረጎ ቀድሮ

እግል ልትከሩዕ ወእት መራቀበት እግል ልእተው ለለተቅድር ንዛም ሽቅል ሰበት ሀለ

እት አፍ ጽብጠቱ እብ ትንፋስ ለልዐዴ፡ ለዘይድ ላኪን እብ ሽን

ከደን እብ ኢ ነ ዳ ፈ ት እ ደ ይ ወ ሽ ቃ ቃ ት ለ ል ሐ ል ፍ ሸለል /ፖልዮ ምነ አጀኒት ለቀትል አው ለ ለ መ ስ ክ ን ምንማቱ ምን ኤረትርየ ባዲ ሰበት ሀለ፡ መ ታ በ ዐ ት ወ አ ሰ ራ ባ ብ ብዙሕ እግል ል ግ በ እ ላ ዝ ም ቱ ።

ለገብአ ክም ሸለል መስል አሻይር ለትረአ እተ አካን አጊድ ለመዕሉመት እንዴ ትረከበት ፖልዮቱ መኢኮን በሐስ እግል ልግበእ ዲቡ ከአጊድ ናይ መዳፈዐት በርናመጅ እግል ልትነዘም ክል ዶል ንዙም ወራታት ታያን ሕማማት ገቢእ። ክምሰልሁመ ክታበት

እት ኩሉ እግል ትብጸሕ፡ ሻፍግ አሻይር ሸለል ትረአ ምንገቢእ አጊድ ክም ልትሐበር ገቢእ፡ እት ረአስለ ርቱብ ጀድወል ክታበት ወሱክ ክታበት እብ ጅምለት ልትሀየብ፡ እተ ምስል ብዕዳት እግለ ሕማም ለይአብደየ ዐዶታት ለልትሐደድ ገቢል ሀዬ እብ ፍንቱይ ሐምላት ክታበት ልትዳሌ እሉ።

ናይ ኒፎመ እተ ክምሰልሀ፡ ለከፌ አትኣሳር ሕማም ገቢእ ወእግለ ትጸበጠው አጊድ እግል ልሕየው ለትትሀየብ መራዐየት ክም ትሰኔ ወትሰፌ ገቢእ። እሊ በህለት፡ ለገብአ ግሮቡ ለትፈፈአ፡ ሐዝ ለቡ፡

ዕንታቱ ለቀይሐ፡ ወአንፉ ለጀ’በ ጅነ መርመረ እንዴ ገብአ ዲቡ ኒፎ ገብአት ምንገቢእ አጊድ እግል ሐዮቱ ወሰላመት አጀኒት ብዕድ ምስዳር ትነሰእ።

እት ዓሉቅ ለልትረኤ ቴታኑስ ኦሮ ምነ እብ ቀሊል ለኢልትአመር ሕማም ሰበት

ለትመሳኔት ታበዖት ወአትሰራባብ ሕማማትገብአ እግል አሰርባቡመ ክቡድቱ። ለገብአ ዐልቀት ምዕል ተውሊደቱ ወፈጅሪተ ሰኒ እንዴ ጠቤ ወበኬ ዐለ፡ ምን ሳልስ ምዕል ወሐር ጥብ ምን ለአቤ/ጠቢ ምን ሐይሎ፡ ወገሮቡ ክመ ዩቡስ ምን ገቢእ አውመ ክምለ ለረጅፍ ሀለ መስለ ምንገቢእ ቴታኑስ ዐልቀት ጻብጡ እግል ለሀሌ ክም ቀድር ንትሸከክ፡ ወእግል ሰብ ምህነት ዓፍየት ነሐብር ዋጅብቱ። እት ዐልቀት እት ነዳፈት ለአለቡ ድዋር ሐቆ ልትወለድ ወእሙ መረዐየት ዐመሲ እንዴ ኢትወዴ ወምን ቴታኑስ ለዳፌዕ እለ ክታበት ናስአት ሐቆ የዐለት ሐቴ ምነ ተሀደገ አሻይር ለረኤነ እቱ ዐልቀት ቴታኑስ ጻብጡ እግል ኢለሀሌ ለሐብሬ እት ሰብ ምህነት ዓፍየት ነአብጸሐ ።

እብ ዓመት እሊ ንሀድግ እቡ ለጸንሐነ ሕማማት እብ ነዳፈት ድዋር ሌጠ ሰኒ እግል ነአውሕዶ ለእንቀድርቱ። ማይ ለእሉ እንሰቴ ጽሩይ ሐቆ ገቢእ፡ ሽን ከደንነ እት ሽቃቅ ትሰተረት ምንገቢእ፡ ምን ሐመሶት እት ማይ ክሩዕ ተሓፈዝነ ምንገቢእ፡ እት ወራት ሐርስ መስኖ ዶል ንትፈረር አስእን ድብእት ወሐሸካታት/ ጋንቲ ትነፈዕነ ምንገቢእ እግል ንንጌ ምኑ ለእንቀድርቱ። እብ ሰብ ምህነት ዓፍየት ለገቢእ ሽቅል እት አካኑ ዲብ እንቱ ገቢል ሀዬ ጀለ ዓፍየቱ ሚ እግል ሊዴ ቀድር? ለልብል ሰኣል ዋጅብቱ።

ገቢል እግለ ውዛረት ዓፍየት ይምምተ ለሀሌት ሕማማት ለተአሰራብብ ወሐብሬ እንዴ አከበት ለተስትህል ምስዳር እግል ትነሰእ ለትከድም ጀሀት ሐብሬ እግል ለሐንከ ሐቴ ምነ ትሰኤ ምኑተ። ክምሰልሁመ ደለ እግል ዓፍየትቱ ለነትፍዑ ሐብሬ እብ ፈርድ ልግበእ ወመዐየ እት ዐመል እግል ለአውዕለ፡ እግለ ሔሰ ብስር መንበሮ እብ ፍክር ሻረኮት። እግልሚ ዓፍየት እግል ኩሉ ለተሀምም፡ ኩሉ ገበየ እግል ለኣምር ለተስትህል ወኩሉ እግል ልሻርክ እተ ለወጅብ ዔማት ሐያት ተ።

አረኔ ለቡ ማይ አረይ ሲስቶሶመ ወደ

ወድ ማይ water fleas

በጀለ ምን እገር እት ልትፋጉሮ

ግዕም (ኣረኔ)

አርቡዕ 17 ጁን 2015 7

ጋንከ ልስከብ ሽሂድ - ፋርስ ውድ ፋርሶታትኢበሌ ታሪክከ - ይሐልፍ ምስል ሰኖታትዐጃይብቱ ውዳይከ - ዕልምቱ ወምህዞታት

ውዳይከ ምስትንክርቱ - እት አድብር ወጋድሞታት

ሳትር ገቢልቱ ሸላል - ሕጌ ዐድ ወከደንደማን ሀለዮቶም እግል - ሸዐብ ወወጠን

ፍዘ ገአ ጀላቦም - ለመርባት እግል ትቅሰንምን አድማዩ አርወየ - ክእነ እግል ትሽነንሰበለየ አርወሐቱ - ሀለዮተ እግል ልድመን

ታሪክ ኖሱ ዳግሙ - ሐን ክል ዕጨይ ወእመን፣

እግል ሕሽመተ ከዱረት ሰበለየ አርወሐቱኢትዋለበ ገጽ ግረ - ነወ እግል መርባቱ

ኢትዋለበ ዋልዳይት - በካየ ዘሬ ምን ሻካቱኢትዋለበ ዋልዳዩ - ስፍሉል ምን ስናቱ

ጌሰ ምኑ ውላዱ - ስራይ ልቡቱ ወዕንታቱእንዴ ትበኬ ፈታይት - ጌሰ እቡ ሻማቱ

ወጠን ዐቤት ምን ክሉ - ከእበ ሐድገ አፍያቱሻህደቱተ ዶል እስትሽሃድ - ወዶል ወቀይ ስቅራቱ፣

ገናደለት መጦር ሐወ - ለሐየት ገመኔትፈረረት ዲብ ረመጭ - እግል ፍጉር እት ትትሐኔ

ኢትሸነሀተ እት ገሮበ - ወቴለተ ትትመኔዓጭሞታት ሳበረት - እቡ እግል ትትበኔ

ምን አድማየ ሰቴት - እግለ ተዐቅር ወትከኔምን እንጉዖሀ ተሓሰሰት - እቡ ትትረሸድ ወትሰኔ፣

አይወ ጽላሎምቱ ደፍአተ - ለሓዩት አሸግርእብ ጨመሪት ትበገሰው - ምነ ዎሮት ሽፍር

ለሐው ምስል ትቃበረው - ወድ ዳግም ወብክርአልፋትሐ ኢኮን ወስርሐ - ከፈን ኢኮን ወዕጥርአፍያቶም ቀባሸሸ - ወሐቴ ገብአ ለመስእል

ክእነ ገብአ ቴለሎም - ለታሪክ ምንዲ ነሐንፍል፣

ምን አቡሁ ትሰአሌኒ - ለንኡሻይ ትሰባሰበአቡዬ ሚ ረኤከ? ቤሌኒ - ጀሀቼ ትቀራረበ

ሚ ትቤ? እቤሉ - ወንሳልዬ ተዐራገበአዜመ ለሰኣሉ ደግሜኒ - ወገጼታዩ ትሰራበበ

አሃ! እግል ልምጸእቱ እቤሉ -ወአምዒቼ ሀቀብቀበምዶል መጽእ? ቤሌኒ - ሰኣላቱ ጀረባበተሐየርኮ አናመ - አናብዕዬ ትሻበበ፣

ምን ብካዩ በኬኮ - ወትቃጠረ ለአናቤዕአትዐገብኮ ነፍሼ - ወመለሀዬ እግል አትሳጄዕሰኣላቱ አትዋየንኮ - ሐቴ ክልኤ ሳልስ ወራቤዕእግል እሰአል አምበትኮ - ወእዳግም ለእለ ሳሜዕእዝን ክሬ እቤሉ - ጃህል ይእንተ ወሻፌዕወድ ሕጌ ገቢል እንተ - ለእግል ጠሩ ዳፌዕ።

ኢትብኬ እቤሉ -ኢኮን ዮም አምዕል ብካይጀላብ ሰላም ሐልፈ አቡከ - እግል ልርሄ ለሞዳይእግል ልሕደር ለገቢል - ምን ዐለዮ ወአንጎጋይ

እግል ለአዳውር ለዘተ - በዐል ዐድ ለገብአ ወጋሻይታርፈት ለህሌት ዲብካተ - እግል ትዕቀበ ምን አባይ

ብኔ ዲበ ወዐምር - ውርስካተ ምን ዋልዳይ፣

ተዐንደቀ ጀላበ - ወትከበተየ ለፊነተሐበነ እብ ሞቱ - ዳይመት ሚተ እዲነ

ቃልየት ዐውል ቃልያም - እብ ደሞም በጽሐት ምርዒነ

አሳስ ውሕደት ቱ ሀለዮተ - ብዝሔ ኢኮን ወሕዲነ፣

ሐየት ሰቦት እንተ ወድ ፋርስ - ለእብ ክሉ ኢባሌአልመ በሐር እንተ - ለሞጅ ልታሌ

ኩከት መሳጥር እንተ - ምን አፈች ትትጋሌህመም አልቁብ እንተ - እብ ሜረፍ ኢትትዋሌ

ሆባይ ሰመ እንተ እት ዐስተር ልትለዋሌአይወ ጋንከ ልስከብ አዜመ - እት ጽላልካቱ ንታሌአይወ ጋንከ ልስከብ አዜመ - እት ጽላልካቱ ንታሌ፣

ዐውቴ እግል ገቢል!ዳይም ዝክር እግል ሹሀዳነ!!ኢብራሂም መሐመድኑር ድዌደቅዋት በሐር ባጽዕ (ገደም )

ስትትንክርቱ - እት አድብር ወጋድሞታት

ስከታቱስት

ከብ ሽሂድ - ፋርስ ውድ ፋርሶታትታሪክከ - ይሐልፍ ምስል ሰኖታት ውዳይከ - ዕልምቱ ወምህዞታትትንክርቱ እት አድብር ወጋድሞታት

አርቡዕ 17 ጁን 2015 8

ረመዳን ታይብ

እብ መሕበር ወጠን ሸባባት ወደረሰ ኤረትርየ ለትትዳሌ ሰፍሐት

ምን ዕዉታት ሐዋተ ሐቴ ተ፡ እዲነ እብ ክል ታላተ ምንመ ታሌተ፡ እብ ናየ መታክል እ ዴ ሀ እንዴ

ሀ በ ት እ ት ምተሐተ እግል ተአጅጌሕ ኢሐዜት። እሊ እግል ተአክድ ብዞሕ ትጻገመት።

ዐውቴ ፍሬለ ትሄርሩ ሄራር ረዪም ወእት አርወሐትከ ተአሲር ዐቢ ለትወዴ ስለል ሐያት ለትወልደ ፍገሪት ሰበት ቱ፡ እግል ትትዐወት ዶል ትሰትት ገሮብከ እግል ጋብሆት እሊ መታክል መዳላዩ እግል ለአክድ ወጅቡ።

እሊ መትዳላይ እሊ እንዴ ኢትወዴ እግል ትሄርር ወትትዐወት ለህለ እግልከ በክት ሐዋን ሰበት ገብአ፡ ምንመ እግል ሀደፍከ ሄራር ተአስተብዴ እት ገበይ እግል ትትረፍ ሰበት ትቀድር ለትሐዝየ ዐውቴ እግል ትትሰርጌ ለህለ በክት ሐዋን ገብእ።

ህተ ላኪን ክሉተ፡ እም እግል ው’ላድ ለትሐስብ፡ መስተቅበለ እብ ዐውል መስተቅበል ው’ላደ ለትርኤ፡ ሕት ምን እግል ርሐ እግል ብዕዳም ሐወ እግል ተአፍሬሕ ወተዐልም ስለል ሐያት ለትጸርግ፡ መሰል ሐዋተ እግል ትግበእ እት ዐግሎ ተዐሊም እንዴ ተዐገለት ሐዋተ እብ ዕልም ለትትሐዜ ርሽመት ዕልም እግል ለዐንጥጠ ክም ቀድረ ርሐ እንዴ ትበርዐት ለትከድም፡ምጅተመዕ እት ምኩ ለዐለ አፍካር ድንጉር እግል ለአብዴ ቅባል አፍካሩ እንዴ በጥረት፡ አንሳይት እግል ተአፍሬ ክም ትቀድር እብ ደማነት ኖስ ለትጻገገት ሞረ አማን።

ተዐሊም ናይ ሕበር ወእግል ክሉ መዋጥን ለልአስትህል ወጠንያይ ዳይ ክምሰልቱ እግል ተአፍህም ለወጠነት ወለወጠነቱ ስታት እት አካኑ ለአብጸሐቱ ተ።

ዕውትት አንሳይት ለልአተብለ ጠባይዕ ብዞሕ ምንማቱ፡ ክም አንሳይት ላኪን እግል ትትሐሬ እበ ለትቀድር ፍንቲት ናይ ክልቀት ሒለት ለበ አንሳይት ተ። እዲነ ጠዐመ እብ ተዐሊም ክም ልትቀየስ እንዴ አግረሰት እበ፡ ፈጅር ምን ዮም እግል ትሒስ ለትቀድር አምዕል ክምተ እንዴ አምነት ከብደ እብ ሃለ እት እንተ ወነፍሰ ክም ንኢሽ ሻበት ብዞሕ እግል ትርከብ ወትትጋሬ እንዴ ተሐዝየ ከንፈረ እንዴ ነክሸት ለሐልፈቱ መታክል ብዞሕ ቱ።

ዮም ምን ማሌ እግል ትስኔ እግለ ክምቱ እንዴ ደምነት ሰበት ትበገሰት፡ ዮም ለማሌ ተአትቃብለ

ለዐለት ዮም እብ መስተቅበለ ባርህ ክብትተ ህሌት።

ለወክድ ድግም ተጃርብ እት ራድዮ ክርን ገቢል ኤረትርየ እንዴ አትመምኮ ምን ስቱድዮ አስክ ከፈቴርየት ውዛረት እዕላም ሄርር እቱ ለዐልኮ ቀደም ሐቴ ሳምን ዐለ፡ ዮም

09/06/2015።መስኡል መሐበር

ወጠን ሸባባት ወደረሰ ኤረትርየ ፈሬዕ ኩልየት ሐርስ

ሐመልማሎ ሻብ ሙሰ ሳዐት 8፡20 ናይ ምሴ እንዴ አተሰለ እበ ቃርብ ለዐለ በርናምጅ ረአዩ ሐቆለ ቀደመ፡ እግል እሊ በርናምጅ እሊ ወብዕድ ናይ ተለፍዝዮን በራምጅ ለትገብእ መሰል ሰኔት ላተ ሻ’በት እት ኩልየቶም ክም ህሌት እብ ፋይሕ ሰበት ሐበሬኒ፡ እበ ሀቤኒተ ሐብሬ ምን ልብዬ እንዴ ሐመድክዉ እተ ለሐጭረ ወክድ እተ ኩልየት እንዴ መጽአኮ ተጃርበ እብ ገበይ ውዛረት እዕላም እት ክለ ወጠን ለህለው መዋጥኒን እግል አብጽሑ ገለድ በአኮ እሉ።

ህቱመ እተ ረአስለ ወደየ ሰዳይት ሽቅሉ እንዴ አሽከፈ እግል ሰዳይትነ ብጉስ ክም ህለ ሰበት ሐብሬኒ፡ ለትአትሐዜ ሐብሬ እግል ለሀበ እግልዬ እንዴ ትፋሀመነ ትፈናቴነ።

ወክድ እግል ኖሱ እት ገይስ ሳልስ አምዕል ሰበት በጽሐኮ እግል አትመሞት ገለጄ መዲነት ከረን አስከ ሳፈርኮ።

እብሊ ህዬ ለቀድየት ምስለ እተ አቅሊም ለህለው ሰሐፍዪን እንዴ ትገሴኮ እለ፡ ተማም ክም ናቀሽናሀ ምስል ሙሰ ወምስል ጋሻይቱ ለንትዋጀህ እቱ እዋን እንዴ ፈንቴነ ካሜራትነ ወብዕድ መሻቀዪታትነ እንዴ ነስአነ አትኒን 15/06/2016 ምስለ እት ቀደም ኮስቲነ-ሆቴል እንዴ በጥረት አስክ ኩልየት ሐርስ ሐመልማሎ ለገይሶ መደርሲን እንዴ አምሐበርነ፡ ሄራርነ ምን ሕንብረ ከረን አስክለ እብ ጀራዲን መሓዝ ዐንሰበ ጋምል ላቱ ድዋራት ሱጥር አተጅሀነ።

ሐቆ ናይ ደቃይቅ ግምብየ-መኪነት ኩልየት ሐርስ ሐመልማሎ ሰበት በጽሐነ ምነ ጽዑናም እተ ለዐልነ አተቡስ እንዴ ትከሬነ ምስለ እተ ኩልየት ለህለ መስኡል ሽባን ላቱ ሻብ ሙሰ እንዴ ትዋጀሀነ አስክለ ጋሻይትነ ለዐለት እተ አካን ሄረርነ።

ሕብር ስሜት ወመባትክ ጋሻይትነ እግል ንታይን እንዴ እንቤ

ዎሮከ እብ ምኩ ሰውረ ዐለ፡ “ደሀብ” ክምሰል ቤለውነ ላኪን ለሸክል እግል ልትቀየር ቀድር ለልብል ረአይ በአ እትነ።

እግልሚ ሕነ ስሜተ ፋጥነ፡ሐሊመ፡ ሰዐድየ ወብዕድ ንትጸበረ ሰበት ዐልናቱ ገብእ፡ ደሀብ ለትብል ስሜት ህዬ ለነሐዝያ ህሌነ ጋሻይትነ ኢኮን ገብእ እግል ኒበል ወለት ገበይ ለቀፍረት እግልነ ስሜት ዐለት።

ምስልነ መስኡል ሽኡን ደረሳለ ኩልየት ሰበት ዐለ፡ እብ ክሱሰ ክም ሐበርናሁ ዎሮት ደረሳይ እንዴ ትላከ፡ “ደሀብ ትላኬ እግሎም” ክም ቤለ ፍህምነ የሀለ እንዴ እንቤ “ለለእ ደሀብተ ኢመስለኒ እለ ለትግራይት ትትሃጌ ደረሰይት ተ ለእግለ ነሐዜ ህሌነ፡” እቤሉ ኣቤ ለመሰል ሰኔት ደረሳይት እለ ኩልየት ተ፡ መህታተ ለትግራይት ትትሃጌ እንዴ ቤሌኒ

ፍክርዬ ሰይሐ እግልዬ።ደሀብ እንዴ እቤ ትፈከርኮ፡ እብሊ

ህዬ፡ እግለ እቱ ኣትያም ለዐልነ መክተቡ ወእቱ ለዐለ ለትፈናተ ክቱብ እት እገንሕ እግልሚ ደሀብ ለልብል ሰኣል እት ምክዬ ሰበት ረበሼኒ በሊሱ እግል አትዳሌ እትሻቀል እቡ ዐልኮ። ምናተ ክም ትዋጀሀናሀ ወለ መቃበለትነ ወዴነ በሊሱ እግል እርከብ ክምቱ እግል ምክዬ ሐበርኮ።

ኩልየት ሐርስ ሐመልማሎ እምበል ምን ረዪም እት ከብደ እንዴ አቴኮ ርኢሀ ሰበት ይአምር፡ እበ እት ከብደ ለህለ ዝሕሮታት ጠቢዐት እት እትዐጀብ እብ ምግበ እንዴ በተክነ አስክለ እብ ማንጉስ ጋምል ላቱ ክፈለ ጊስነ፡ እብሊ ህዬ ደሀብ እት መዐመል ሐሊብለ ኩልየት እት ሸቄ ሙሰ ምስል ጋሻሁ ጠበሽ ሰበት ቤለየ፡ ሰላም ፋይሐት ክም ትሰላለምነ ወትኣመርነ ለእግለ ማጽኣም ዐልነ ምህመት እግል ነአንብት መትዳላይ ሐጪር እንዴ ወዴት አስክለ እንዴ በሽለ ልትከፍከፍ ለዐለ መንጉስ አተጅሀነ።

መሓሪ በላይ ካሜረቱ እንዴ አትዳላ እሻረት አንብት ክም

አሸረ እግልዬ፡ ለሰልፋይ ሰኣልዬ እት ምክዬ እኩብ ለዐለ አስእለቼ እብ ሐት-ሐቴ ወእብ ተርተረት እግል ልፍገር ባብ ለፈትሐ ዐለ።

ምስል እለ ዮም እብ ደረጀት ማስትረይት-ዲግሪ እግል ትደሐር አምዕሎታት ታርፈ ለህለ ሻ’በት ምን ተአትኣምሪነ እንዴ እቤለ፡ ቀደም መትዋጅሆትነ እብ ክሱሰ ለዐለ እግልዬ መዐሉማት እግል እፈትሽ ጀረብኮ።

ደሀብ ታፍለ እትበሀል፡ እት ሰነት 1986 እት ከረን ትወለድኮ፡ ግራሁ ሐቆ ሕርየት እት ሰነት 1992 መአንብታይት ድራሰቼ እት ደዓሪት፡ምግባይት እት መጋርሕ ወካልኣይት ደረጀት ህዬ እት ከረን ሰከንዳሪ ደረስኮ፡እንዴ ትቤ ከልፍየተ እብ ሕጭር ለትቤ ገበይ ሐበረተኒ።

ግረ እሊ እት ድራሰተ ሚ ለትመስል ደረሳይት ክም ዐለት እግል እታይን እበ አውሐዝኩዉ እተ ትሉሉይ አስእለት፡እት መአንብታይት ወምግባይት ደረጀት ምስል ሰልፋያም ለ10 ፈግር ክም ዐለት እት ተአክድ እግልዬ፡ እት ካልአይት ደረጀት ላኪን ምስል ሰልፋያም ለሰለስ እግል ትትረተብ ክም ቀድረት ምን ዝክርያተ ትፋቀደቱ።

ደሀብ፡ ደሀብ ክም ስማተ ምስል አዳም እብ ቀሊሉ ለትትኣመር፡ደማነት ኖስ ለበ፡ መስተቅበለ እት እዴ ረቢ ግራሁ ህዬ እት እዴሀ ለተንከበ ክምሰልቱ ለትአምን ሻ’በት እት እንተ ጸንሐተነ።

ደሀብ እግል ትትበሀል ለትሐሬት እግለ ስሜተ እብ አማን እት ደሀብ ለበደለት ክምሰልተ፡ ምን ሄራር ሐያተ

ትትአከድ። ንኢሽ እት እንተ ፍንጌ እመ ወአብሀ መፋሀመት ሰበት ትሰአነት፡ ክም ሕሉል እመ ወአቡሀ እግል ልትፈናተው ሰበት ትቀረረ፡ ረሐመት ዋልዴን እብ ሕበር እንዴ ሰአነት ምስለ ምስል እሞም ታርፋም ለዐለው ሑሀ ወሕተ እግል ትንበር እዲነ ፈርደተ።

ረቢ ለቀስመየ እግለ እንዴ አግነዐት እለ መጦር እመ እንዴ ገብአት እግል ዕበያቶም ትሰርግሉ

ለዐለት ካድም፡ አካን እንዴ ሀበቱ ተዐበ እብ ዕልም እግል ትፍደያቱ እንዴ ነዌት ድራሰተ ተአተላሌ ዐለት። ግራሁ ዕምረ ክም ትቀደመ እብ’ለ ምስል እመ እት ሸቄ ወእት አምዕላይ መንበረት ዓይለተ ሰዳይት እት ወዴ፡ እብላመ እት ድራሰተ ዝያድ ስናተ እንዴ ገብአት ምን ሰነት እት ሰነት ተቅዪር እት ተአመጽእ ትርኤት።

ዋልዳይተ ወለተ እግል ትትቀደም ገብአት ምንገብእ፡ እት ድሩሰ እግል ትፈድብ ህለ እግለ ለልብል ፍክር ሰበት ዐለ እግለ፡ ህተ ተዐሊም ምንመ የዐለ እግለ ክል አምዕል ከራሰ እት ቃልዕ እግለ ለትረክበ ሰሕ ወከለጥ እንዴ ተዐልብ እግልሚ እት ድራሰተ ክም ሐወነት አስእለት ትቀድም እተ ዐለት።

እሊ ወብዕድ እግል ደሀብ ምን ንእሸ እት ደሀብ እግል ትትበደል ለሰደ ዐለ። እብለ ገበይ እለ፡ ድራሰተ እብ ሰኔት ገበየ እት ተአተላልየ ሰነት 2004 ናይ 12ይ ፈስል ድራሰት እግል ተአተላሌ ወተዐሊም ዐስከሪ እግል ትንሰእ ሳወ ትከሬት።

እት ሳዋመ ክሉ እንዴ ከሀለት እምተሓን ሸሃደት ጃምዐት እቱ እንዴ ሻረከት 3.6 እንዴ አምጸት፡ ከአስክ ኩልየት ዕሉም ወቴክኖሎጂ ኤረትርየ ማይ ነፍሒ ትወከለት።

እትለ ኩልየት እለ እግል ሰነት ድራሰት እንዴ አተላሌት አስክለ እት ሐመልማሎ ለዐለት ኩልየት ሐርስ እንዴ አቅበለት እት መጃል ዕልም ሔዋናት እንዴ አቴት እት ሰነት 2010 እብ ንቅጠት ውቅል እብ ሰልፋይ ዲግሪ ትደሐረት።

ደሀብ እብ ክሉ ፍቲት ሰበት ዐለት፡ ናይ ሰነት ክድመት እግል ተሀብ ክም መደርሰት ባዮሎጂ እንዴ ገብአት ለናይ ካልአይት ደረጀት ተዐሊመ ለአትመመት እተ መድረሰተ (2ይት ደረጀት ከረን) እንዴ መጸት ክም መደርሰት ከድመት።

ግራሁ ምስለ ዐለ እግለ ንቃጥ ምን ገብእ ወለ ዐለ እግለ ፍድብነ እተ ኩልየት ክም ሴድያይት መደርስ ዲብለ ኩልየት እግል ትሽቄ ምስል ብዝሓም ስናተ እምትሓን ሕበር ነስአት።

ልተላሌ.......

ሌት። ክምሰል ቤለውነ ላኪን ለሸክል እግል እት ምክዬ እኩብ ለዐለ አስእለቼ

እል ተ ክም

እብ’ለ ምስል እመ እት

መህሌሌት ክምሰል ቤለውነ ላኪን ለሸክል እግል እት ምክዬ እኩብ ለዐለ አስእለቼ

ለዐለት ካድም፡ አካን ተዐበ እብ ዕልም እግልእንዴ ነዌት ድራሰተዐለት። ግራሁ ዕምረ ክ

’

መስተቅበለ ዎሮከ እብ ምኩ ሰውረ ዐለ፡ ደሀብ አሸረ እግልዬ፡ ለሰልፋይ ሰኣልዬ መመስተቅበለ ዎሮከ እብ ምኩ ሰውረ ዐለ፡ “ደሀብ” አሸረ እግልዬ፡ ለሰልፋይ ሰኣልዬ

እግእተመደፈእግላኪእግም

ምለትመግክምእን

ለትአማክም

እእመደፈእላእም

ምለመግክእ

ለአክ

ሕዱግ ስሌማን

አርቡዕ 17 ጁን 2015 9

ዩስፍ እድሪስ አሚር

ተበሰም

ምነ እት ልትደጎሞ ለጸንሐው ኣድጋማት . .ዎሮት መልክ እግል አንስ ደሀብ ልግበእ መብዕድ ሰርጎ እግል ኢልልበሰ ለመንዕ ቀራር አፍገረ፡ እሊ ቀራር እሊ ሰኒ ፈዳብ ላቱ ረድ ፍዕል አትሐሶሰ፡ አንስ እሊ ቀራር እሊ ምስል ግርመተን ለልትጻረር ሰበት ገብአ ትቃወመያሁ ወእብ ሰበብለ ቀራር ብዙሕ ቀጽብ ወረብሸት ትረአ፡ ወመቃወመት ለወድየ አክራናት ትወቀለየ፡ ወለአንስ ህዬ ሰኒ ወአማን ወምንቅያስ ወለዐል ደሀብ ልግበእ ወብዕድ ሰርጎ እት ለብሰ ትረአየ። ለመልክ እሊ ጋር እሊ ክም ትረአ ሰኒ ትዳየገ ወለእለ ወዴ ሰበት ቀወ ለመስአለት እብ እሱዋ ገበይ ክም ለሐልለ ትቀዌት እቱ። እብሊ ሰበብ ምስለ ሰብ ጎማቱ ላቶም ሻፍግ እጅትማዕ ወደ፡ ለንቃሽ ክም አንበተ፡ ዎሮት ምነ ጌምየቱ ጀላብ ዕሙማይት መስለሐት እሊ ቀራር እሊ ምን ልስሕቡ ለሔሰ ክም ቱ ነስሐዩ፡ ዎሮት ብዕድ ህዬ ኢፋልነ፡ እሊ ቀራር እሊ ሰሓብናሁ ምን ገብእ እሻረት ሕምቅነ ወፈርሀት ሰበት መስል ለሔሰ ሐል ሒለትነ እግል ነአርኤ ብዲብነ ወለቀራር በታተን እግል ልትሰሐብ ኣለቡ ቤለ። ወእብለ ገበይ እለ ለጌምየት እት ሙአይድ ወሙዓርድ እት ክልኦት ረአይ ትካፈለው . .ለመልክ እሊ ክም ረአ፡ ከጽንሑ ሐቴ ዶል ህምድ በሎ ወለቢብለ መምልከት ንቀሞ ዲብዬ ቤለ። ለለቢብ ክም መጸ ለጋር ደግመ እሉ . .ለለቢብ ሀዬ፡ ስመዕ መልክ። እሎም አዳም ህቶም ሚ ክም ልትሸነሆ እንዴ ሐደግከ ከእብለ እንተ ትትሸነሀ ሌጠ ተሐስብ ገበእከ ምን ገብእ፡ በታተን እግል

ልስሙዑከ ወሊጢዑከ ኢኮን ቤለዩ። ለመልክ ህዬ ከለሐል ሚ መስለከ? ለቀራር ምን እስሕቡ ገብእ ለሐይስ? እት ልብል ትሰአለዩ። ኢፋልከ፡ ምናተ አንስ ለግሩማት ሰርጎ ወመትጋራም እቱ ሕጉዛት ሰበት ኢገበአየ፡ ደሀብ ወክሎም ብዕዳም ሰርጎ ለመንዕ ቀራር አፍግር፡ ምናተ እሊ ቀራር እሊ እግለ ደገልል አንስ ልግበእ መለ ክፍኣት ክም ኢሸምል ወእሊ ህዬ ለሰርጎ ቅሩብ ለክፍኢናሀን ወለአግጸተን መአበይ እግል ልስተር እለን ሰበት ሰድየን ቱ በሎም ቤለዩ . . .ለመለክ እሊ መስል ቀራር አፍገረዩ . .እሊ ቀራር እሊ ክም ፈግረ ለአንስ ወቅት እንዴ ኢነሰአ ኩለን ለሰርጎሀን እንዴ ካረያሁ ለገበአት ምነንተ ከእግል ረሐ ክም ግርም ወመሕገዝ ዲብ ሰርጎ ልግበእ መአትጋራም ለአለበ እንዴ ወዴት ነስአተ . .ለዶል ለሀ ለለቢብ እግለ መልክ አዜ እንተ አክል አሕድ ሸንሀት ናይ ለአዳም እት ወግም እንዴ ኣቴከ ክመ ህቶም ለለሐስቦ እበ ገበይ እበ ዶል ሐሰብከ ወህቶም ለልትሐሰሮ እቱ ጋራት እቡ ዶል ተሐሰርከ . .ረአዮም አዜ ሌጣ ቱ ለጠይዑከ ወሰምዑከ ቤለዩ። ወምሽክለትለ መልክ እብለ ሐል ዳይም ረክበት።

ከክል ዶል ውላድ አደሚ እግል ልስሙዑከ ወምራድከ እግል ልውደው እግልከ ገበአው ምን ገብእ . .እት ሰልፍ ክሉ ህቶም ምራዶም ሚቱ? እብ ሚ ልትሐሰሮ፡ ወእብ ሚ ትመስል ገበይ ፈክሮ እግል ተኣምር ወሸንሀቶም ቀደምለ ሸንሀትከ እት ወግም ወሕሳብ እግል ቲደየ ለአትሐዜ፡ እትለ ዶል ለሀ ሐስለቶም እት እዴከ ሀለ በህለት ቱ።

ማውስ እት እዴ ለቡተ ክጡረት ሰኒ ዐባይ፡ ወካሰተን ብዙሕ ትቀዋቅል እቡ ገበእከ ምን ግብእ። ሓዳስ ድራሰት ክምለ ትሐብሩ፡ ከምብዩተር ብዙሕ ትቀዋቅል ዶል ገበእከ እት እዴ ብዙሕ ክጡረት ክም ቡ አከደት። ከለድራሰት ክምለ ሸርሐቱ፡ እግል ማዉስ እት አምዕል እምበል አትካራም እግል መደት ክልኤ

አስክ ሰአለስ ሳዐት ለልትነፎዑ እቡ አንፋር እት እዴሆም ወእት አስዑድ ለበኮም ዐቢ ከጠር ሳድፎም፡ ገሌ ምኑ ለእደይ ገዝፍ ወቀስን። ወዎሮት ምንለ ባሕሲን፡ እት ረአስ እሊ ለዐል ዝኩር ለሀለ ክም እሊ እት ልብል ወስክ። ለነፈር እት ክል ዶል እብለ ማውስ እትለ ቀዋቅል እቱ ወቅት ክም ለእዴሁ እት ገድፍ

ማውስ ወእት እዴ ለቡተ መደ’ረትወትቀስን ወእት ትትጨውጬ ትገይስ ወእተ ክምሰልሁመ እት አስዑድለ ለበኩ ስጋዱ እሊ መስል ጀሬ። ከለሙሽክለት ዲብለ ማውስ ኖሱ እንዴ ኢትገብእ እብ ሰበብለ እት ሐቴ መስአለት ለእንወድዩ መትደጋግም ቱ በህለት ክምለ እት ማውስ ለእንወድየ፡ ወክም እሊ መስል ሽቅል ምን ቅያስ ወለዐል መትዕባይ ቱ።

ሀይገት ህዬ ልትበሀል፡ ከሀይገት ምንለ ብዕድ አምዳራት ህተ ተሐይስ፡ አውል ወኣውለት ምን ረክበት። በህለት ምድር መንሰዕ እት ዓመት ክልኤ እዋን ሐርስ ቡ፡ ለእተን ዘልም፡ ወእብሊ ምስምሰ ክልኤ እዋን ፍሬ ቡ፡ ወአሐ ህዬ ብዙሕ ትሰኔ እቱ፡ ወእት ዓመት ክልኤ እዋን ትወልድ ወሰብ አሐ ሐሊብ ሰቴ። ወእግል ርዒና አሐ ብዙሕ ሐሙዱ፡ ከመስከብ አሐ ወሀይገት ተ ወዐይገት ልብሎ። ዐይገት ምድር ቤት መዐላቱ ወእግል ርዒና ሰኒ ቱ ህቱመ።

መንሰዕ ሐርስ ኣውለት እብ ክእነ ኣምቡቱ። እብ ወርሕ ምክኤል ሓጋይ እት ሰሩማ እት

መከለሲሁ አብዕረቶም ወንዋያት ሐርሶም ኩሉ ወዘርኦም እንዶ ኣዳለው ጸኑሕ ወሐር ዎሮት እናስ ወድ ዐድ ላቱ ወበኪት ወእርባናሁ ፋትየት ለገአት ማ ዎሮት ምን ቤት ኣ’በዘ አምዕል ሰኖ መ አረርብዓ ተ’ልም ሰልፍ ኩሉ ወህቱ ክም አንበተ ክል ዎሮት ገርሀቱ እታ ጸምድ ከሐርስ ወክል እናስ ሐድ መርዘዙ ማሼለ ዘርእ ወሐቆሁ ህዬ ሸዒር ወሽርናይ ዘርእ ወክሉ ክም ከለሰው ምክራይ እርባና ተ አስክ እዋን ሀረሞ ለዓርፎ። ወሐር ልብቅል ሐድ ሀረሞ ክም በጽሐ ወራት ሀረሞት አንብቶ፡ ወእብ ኖሱ እግል ልህረም ለኢፈተ

እግል ገርሀቱ እብ ርብዓ እናስ ለሀርመ ሀይበ። ወዝላም ከረም ሐደት ምን ገብእ፡ ወለብቅል ለመሓርሶም እግል ልጨዕርር ምን አምብት ለዶል አንስ ምን ማሼለ ክል ሐቴ ገሌ ትቀሌ ከእት አፌት ቤተ ገሌ ትላክፍ ምኑ ወሐር ለተርፈ ምስለ ትነሱኡ ወምስሉ ሽንኬባይ ትከዐሌ ትነስእ ወክሉ ለአንስ እት ዕንክለት እንዴ ፈግረ፡ ለትከዐሌ እት ልከሽክሽ ክእነ እት ልብል ልትመህለል።እዝግኦ መሐረነ ክርስቶስ።እግል ለሎሎ ፈገርነ ቦሎ።ወጎይታይ ኣሎኒ ዘይሕሶ ዘይምኖ ዘይጠልም ከደኖ።ወአብሬ ፈገርነ ደብሬ።ወገምየ ሎሎ ፈገርነ ቦሎ።

ምን ዐግሎ አፍ ትግራይት

ደት ክልኤአትካራም እግል ቅት ክም ለእዴሁ እት ገድፍ ለዐል ትዕባይ ቱ

ድግም ምድር መንሰዕ

- ህተ ሕምት እት እንተ

ብዕዳም ትሳሬ . .ወህምት እት

እንተ ብዕዳም ተአትሳጅዕ . .

ወትዕበት እት እንተ ተአርሄ . .

ወምስለ እሉ ኢተአምር

ተሐዝን . .ከሕሳብኩም ውደው

እለ።

- ለበዝሐየ አንስ ክርን

እናሰን ልብ እንዴ ከረየ እተ

ለለአተንስየ እቱ ወቅት፡ እት

ወቅት ስካቡ ለልትሀጋገዩ

ሀገጊት ሌጣ ቱ!

- እሲት እግል ሕጻይ

ምነ እብ ክሱስ እሲት ወእናስ ለትበሀለ

ለልትሰአል ምነ እናስ ዶል

መጸእ። ዕምረ እት ሕዱድ

ዕስረ ሰኖታት ዶል ሀለ፡

እብ ምልሃሀ እናስ ከፎቱ?

እት ትብል ትትሰአል ምኑ።

ወዕምረ እት ሕዱድ ሰላሳታት

ሐቆ ሀለ ህዬ ሰኒ እይስት

እቡ እት እንተ ምን ቱ? እት

ትብል ትትሰአል ምኑ። ዕምረ

እት አርበዓታት ሐቆ ሀለ

ላቱ ሻፍገት እት እንተ እብ

ክርን ውቅል እት አየ ሀለ?!

ትብል።

- ነቅድ ለኢልትከበት ነፈር ላዝም ገሌ ጋር ሓብዕ ሰበት ሀላ ቱ።

- ሽዕር ለውቀት ለዘርእ እቱ ነፈር፡ እሊ ሕሹም ነፈር እሊ፡ ወላ ጡል ሐያቱ ሐቴ ቤት ናይ ሽዕርመ ኢልክተብ ክም ናይ አማን ሻዕር ልትዐለብ።

- ኣደሚ ምን ሞት እግል ልፍረህ ኢወጅቡ..ለለአፈሩሁ ጋር ሀለ ምን ገብእ፡ እዲነ እንዴ ኢለአነብት እግል ኢልትረፍ ቱ።

- ደለ ገብአ ጋር አስክ ትትአከድ ምኑ አጽነሕካሁ ምን ገብእ..ሐቴመ እግል ተአውቄ ኢኮን።

- ክሎም ድድከ እትለ ገቦኦ እቱ፡ ወክሎም ለሓባር ምንለ ሕብርከ ዶል ልትፈናተው፡ ወክሎም ዐክስከ ገይሶ ዶል ትርእዮም፡ አሰር ልብከ ግበእ ወምንለ እሉ ብከ መባድእ ኢትሽከፍ ወበታተን ሐር ኢተሐረግርግ፡ በደል ብዕዳም እግል ተአርዴ እንዴ ትቤ ዐክስ ነፍስከ እት ገይስ ትነበር በይን ትትፈደል እትከ።

በሀል

- ደክቶር እግል ሕሙም።

“መለሀይ ለደወ አፎ ቀደም ዶሉ ሰቴካሁ?” ሕሙም፡

“ለጄርሚታት አመተ አለቦም እግል እዳህሞም ሰበት ሐዜኮቱ።”

ወድ ኣደሚ ለእት ደንጎበ ትመይት ሓሰቱ፡ ሓሰትለ ሰምዕ በህለት (ሔለትለ ስምዑ ተ )። ወእት ቀደም ክሉ ለሕሰይ ለትመይት ህዬ። ለናይ ረአይ ሓሰት ትገብእ እት ህሌት አሰረ ለናይ ጠምጠሞት ወጼነዮት ወተምተሞት ሓሶታቱ ሐቴ ከአሰርለ ሐቴ ትመይት።

መዕሉመት

አርቡዕ 17 ጁን 2015 10

? ሰ ኣ ል ?

ዐገል ዕጉላምአ’ዳወሮት ሽዕር

ፈን ወዓዳት

ሰኣል፦ ሀለው ሰላም ወዐለይኩም፡ መድሃኔ መስፍን ምን ኩልየት ዕልም እጅትማዒ ዐዲ ቀይሕ አነ። መዕሌሽ፡ አነ እግል እትሰአል እንዴ ይእገብእ፡ ምነ እት ሲነመት ሮመ እብ መናሰበት ዒድ ሕርየት ለቀርበ በ ተማሲል፡ ለዐጅበያኒ ክልኤ ተምሲልየት እብ ዕን ነቅድ እግል እርአየን እጃዘት ሐዜ ህሌኮ፡ ለክቱብ ህዬ እግል እልአኩ ዲብኩምቱ። ከአርሕብ ነሐርከ ኢልደበእ እግል ቲበሉኒ እስኤ፡ ሹክረን።

በሊስ፦ መርሐበ መድሃኔ፡ እለ ጀሪደት እብ ዓመት ንሳል ገቢል ሰበት ተ ወእብ ፍንቱይ ህዬ ሰፍሐት ፈን ወዓዳት እግል ክሎም እዩሳም ወሰብ ቅድረት ባበ ፋትሐት ሰበት ተ፡ እግል ትሰአል፡ ትብለስ፡ ተዐግብ፡ እግል ተሐምድ፡ እግል ተአዳውር ወተሐልል መንገአተ ፍትሕትተ። ከአብሽርከ ለሓስቡ ህሌከ በሉ ምንከ።

መድሃኔ፡ ጠብዐን እት ሲነመት ለርኤክወን ተማሲል እብ ዓ’መት ሰኒ ዐለየ። ላኪን ምን ሰኒ ለሔሰ ሰበት ሀለ፡ “ቀባር አማነቱ” ለትብል እብ መሐሙድ ዐሊ ሐሰብ ለትከተበት ተምሲልየት ወ “ንከፍት ኢና” ለትብል እብ ወዲ ፋኖ ለዳሌት ተምሲልየት ምነ ሰኒ ለዐለየ ተማሲል ተን። ከእብ “ ቀባር አማነቱ” እግል አንብት። “ቀባር አማነቱ” ለትብል ተምሲልየት፡ እብ መሕሙድ ዐሊ ሐሰብ ለትከተበት ገብእ እት ህሌት፡እክራጅመ እብ ወድ ሐሰብ ገብአ እግለ። ‘ቀባር አማነቱ’ እት ዘመን ቅዱም ሹም ናይ ሐቴ ዐድ ለዐለ እናስ ለሐምም፡ ለሕማም ለሐድጉ ሰበት ኢመስለ ዲቡ፡ እግል ልትፋኔ ህዬ ሓይሳም ወአግዋሩ እንዴ ጀምዐ፡ “አነ እብሊ ጻብጬ ለሀለ ሕማም ድቁብ እት ለሐጭረ ወቅት ሞቼ ኢተርፈኒ፡ ሰበት እሊ፡ ፊናዬ እግል ተአትሙመ እትሐሰበኩም። ሐቆ ሐቴ ሰነት ሺመቼ ወማልዬ እግል ዕሹር ወልዬ ሰሉሙ እግልዬ፡ ዛይደት ወለት ሸርቦት ሓጺ እግሉ ሰበት ህሌኮ ህዬ፡ ክምሰል አበዉ እንዴ ገብአኩም ወአካንዬ ደብአኩም አትሀድዉ። አስክ ለወቅት እሊ ተምም ላኪን ሺመቼ ወማልዬ እት ሐንቴ እዳረት ሸርቦት እግል ልጽነሕ ቡ” እት ልብል ትፋነዮም። ሸርቦት ድቡር ሰበት ዐለ፡ ሐንቴለ ሹም ነብር ለዐላቱ። እት ኣክር ህዬ እብ አማነት ሺመቱ እንዴ ሰለመዩ አምር ረቢሁ ሰለመ። ሸርቦት ላኪን እብ መግሀፍ፡ እግል ኩሉ ማል ወሺመትለ ሹም ኖሱ እግል ልውረሱ ለሐስብ ወብዞሕ ዋይዲባት ሰትት። ድራመ “ቀባር አማነቱ” ፊነ ሹም እግል ትጥለም ለኢሐዜት ዛይደት፡ ለምስል ዕሹር አንበተቱ ሻም እት ህዳይ ወውላድ እግል ልብጸሕ፡ ድድለ ፊነ ለጠልመ አቡሀ ወምስል አቡሀ ለጠልመው ሸባብ ወዐበች ዐድ እብ በጢር፡ ፊነ ናየ እብ ፍቲ ወረሐመት ለዓበየ ዌድያይ ሰኔት እት ፍዕል እግል ተአውዕል ለትነፍዐቱ አብሳር ለተአርኤ ተምሲልየትተ። እሊ ክምኩም ጽበጥለ ተምሲልየትቱ።

ለሰኔት ክም ዐለት ለአቀየመየ ጋር ህዬ ሚቱ?ዒንለ ቅሰት፡ ለቅሰት እግል ተምሲል ውጢት ሰበት ገብአት፡ በሀለት ብዞሕ ዐሪግ ወመትከራይ ዐለ ዲበ። ሙመስሊን፡ ሙመስሊን ናይ እለ ተምሲልየት ለዲቡ ለአደምዖ አካናት ሰበት ተሀየበው እብ አማን ዶሮም

ተልሀው ወእግለ ቅሰት አርወሐት ዘርአው እተ።እሊ ክእነ እት እንቱ፡ ገሌታይ ንቅስ ይዐለ ዲበ በሀለት ኢኮን። እግል መሰል አክራን sound track ሰኒ

ይዐለ። እክራጅ ድዒፍ ዐለ ወቴልየይት በርሀት (cinematography) ይዐለ። ምስል እሊ ክሉ ንቁስ ላኪንን ለሰኔት ተምሲልየት እግል ኢበለ እቀድር።

• “ንከፍት ኢና”፡ ኬትባይ እለ ተምሲልየት ኤፍሬም ሃብተጼን (ገዴ) ገብእ እት ሀለ፡ እክራጅ እብ አጽበሀት የውሃንስ ጋብእ እግለ ዐለ።

እለ ተምሲልየት እለ፡ ሐቴ ሰለስ ወለት ክም ወልደት ብእሰ ለሞተ ምነ እሲት፡ “ወለት ቤት አቡሀ ኢትፈቴሕ” ምነ ለልብል ድንጉር አፍካር እንዴ ትበገሰት፡ ውላድ ተብዕን ሰበት ኢወልደት ሰኒ ትትሻቀል ወተሐስብ፡ ምን እሊ እንዴ ትበገሰት ህዬ፡ እግለ አዋልደ “በደል ሰልሲትክን ኦሮ ጄኬ ሕጻን ወሔሴኒ” ትብለን ዐለት። ተምሲልየት ‘ንኸፍት ኢና’ ለላባት ሐዋት ሸክለን እት ቃይረ እግለ ጊጉይ አፍካር እመን እግል ልቀየረ ለልትነፍዓሁ አብሳር ለተአርኤተ።

ብቁዕ ገጸ፡ እት ተአትፋግዕ ለተአደርስ ሰበት ገብአት፡ ብቅዕት ወድየ። እብ ጥበብ ለትበኔት እብ ዐለዮተ፡ እክራጀ፡ መትነፍዖት ወአትመቃርሖት ስቴጀ ለልትሐመድ ዐለ። ሰበት እሊ፡ እለ ለተምሲልየት ሐቴ ምነ ሰንያት እግል ትትበሀል ትቀድር።

ድዒፍ ገጸ፡ በርሀት ክምለ ለአትሐዜ ይዐለት። ክሱሰን ለልትነፍዖ እቡ ዐለው ሓባር ለሓለት ለሸሬሕ ይዐለ።

ሓይሳም ወሓይሳት ቄርአት እለ ሰፍሐት፡ አዜ ህዬ ኬትባይ ምንቱ እተ ልብል አርእስ ንቃሽ ለመጽኤነ ረአይ እግል ንቀድም እግልኩምቱ፡ ቅራአት በኪተት።

ኬትባይ ለቀርእ ፡ ለልሰአል፡ እት ክሉ መሕባራይ ጋር ለሻርክ፡ ረአይ ለለሀይብ ወለልትከበት፡ እብ ሽቅል ኬትበት ለልትበሰጥ ላኪን ለኢነግል፡ እግል ሐጃት ወሐቃይቅ እብ ፍንቲት ዕን ለልርኤ፡ ቡሎሕ ወተቅዪር ለለአይድ ቱ እብል። እሊ ላኪን ለአነ ሐስቡ ኬትባይቱ። እት ኦሮት ክታብ፡ እብ ፍንቱይ ኬትባይ ወሻዕር እግል ትግበእ ለትሳዕድ ምክር ርኢ ዐልኮ። ለምክር ለሀ ሰኒ ሰበት ተዐጅበኒ፡ እግል እትመረሕ እበ እጅርብ። ህተ ክእነ ትብል፦

ኦሮት ሻዕር እግል ልግበእ ለሐዜ ለዐለ ሻብ፡ እግል ኦሮት ፕሮፌሰር ሻዕር እግል ልግበእ ጅህድ ወዴ ክም ሀለ ላኪን አስክ እለ ሻዕር እግል ልግበእ ክም ኢቀድረ አስአለዩ። ለፕሮፌሰር ህዬ ክእነ ቤለዩ፡ ተማም፡ አወል እትሊ መጽእለ ሀለ ሰለስ ሸሀር 500 ናይ ለትፈናተው ሸዐረእ አሽዓር እብ ረአስከ እንዴ ጸበጥከ ምጸኒ ቤለዩ ወሳርሐዩ። ለደረሳይ ንየት ሰበት ዐለት እግሉ ክምሰለ ትበሀለየ እት ሰለስ ሸሀር 500 ናይ ለትፈናተው ሹዐረእ አሽዓር እንዴ ሐፍዘ መጽአ። ወእብ ሐት-ሐቴ እግለ ፕሮፌሰር ቀርአዩ እግሉ። ለፕሮፌሰር ሰምዑ ሐቆ ጸንሐ፡ ‘ተማም አወላይ እምትሓንከ ሓልፉ ህሌከ ላኪን አዜመ ምኑ ለለዐቤ ሽቅል ሀለ እግልከ፡ ህቱ ህዬ እግል እሊ ክሉ ሓፍዙ ለህሌከ እት ሰለስ ሸሀር እንዴ ትረሰዐካሁ ምጸኒ ቤለዩ። ለደረሳይ እብ ህግያለ ፕሮፌሰር ሰኒ ተዐጀበ፡ ላኪን ለትበሀለቱ እግል ሊዴ ገለድ ባይእ ሰበት ዐለ፡ ሐቴ ከልመት እንዴ ኢለአፈግር ጌሰ። ሐቆ ሰለስ ሸሀር ክምለ አዩዱ እተ ፕሮፌሰር እንዴ መጽአ ክሉ ክም ትረስዐዩ አስአለዩ። ለፕሮፌሰር እግል አወል መረት ናይ ራሐት ሰሓቅ ትሰሐቀ፡ ‘ተማም በገ፡ እንተ ምን እለ ሳዐት እለ ወሐር ሻዕር እንተ’ ቤለዩ። ለጣልብ ሰኒ ፋሬሕ ወዕጁብ እት እንቱ ፡“ለሕፍዘትዲ መንፈዐተ ኣመርኩሀ፡ ለመትረስዖት ህዬ ሚተ ፋእደቱ?” እት ልብል ትሰአለዩ። ለፕሮፌሰር እብ ሀዳአት፡ “ሰኣልከ እት አካኑ ቱ ወብዝሓም ደረሰ ሽዕር ለልትሰአሎ ምኑ ሰኣልቱ።

ክሉ ለሐፈዝካሁ አሽዓር ሐቆ ኢትረሰዐካሁ፡ ናይከ ሽዕር እንዴ ኢትከትብ ናይ ብዕዳም አሽዓር እት ደግም ሰበት

ትነብርቱ። ለሕፍዘቱ ህዬ ጥበብ፡ አብሳር፡ ወስፋት ወወዝን ሽዕር እግል ተኣምር ሰዴከ፡ ኬትባይ እግል ትግበእመ ነፍሰ ለገበይ እላ ተ። አክትበት ብዞሕ ቅረእ ወለዘቱ አዳውር፡ ወሐቆሀ ለቅሰስ እንዴ ኢትደግም እበ ለርኤካሁ አርካን፡ አብሳር ወወስፍ ናይ ጥበብ ወፍጥር እንዴ ወሰከ ዲቡ ናይከ ክቱብ ክተብ” ቤለዩ። ከኬትባይ ክምሰለ እት ለዐል ለሸርሐኩሁቱ፡ በሀለት ኬትባይ ክሉቱ።

ረመዳን ታይብ

ለብካይ ለናይ ተውሊደት ኢኮን ብካይ ዮመቴብካይ እግል መንበሮ ትንፋስ ሰልፍ እግል ተኣቴ

ብካይ ዐልቀት ንኢሽ ምን ጥብ ሐሊብ እግል ትስቴብካይ እግል ዕላላት እሻረት ፈርሐት ወዐውቴብካይ እግል ሰዋኒ አስክለ ስካብ ለአስተብዴ።

በጥር ምኑ ሐቆሁ እት ሐንቴ ሕቅፍ ዶል ለአቴልሰሐቅ እግለ ወዳግም ለዘት ናየ ዶል ለዐዴእሊ ብካይ ተውሊደት ብካይ ርቴዕ ወሕንቃቄ

ብካይ እሙር እዋኑ አስክ ሰኒ ልሰንቄ።

እሊ ክሉ ዶል ተማም ልፍህም እበ ዕንዳቄጽጋብ እት ሐንቴ ዋልዳይት ድርጹ ሰኒ ለአፎቴላኪን ብካይ ፍንቱይ ቱ እሊ ለናይ ዮመቴብካይ ዐልቀት ኢኮን ለልቡ ኢፈንቴ።

ብካይ ቃሻሽ ኢኮን ለእንቤዕ ሐዋኒት ለአተርቴብካይ ግቡእ ገሮቡ ምን ክል አፍካክ ልትከንቴ

ብካይ ምሩስ እዲነ ሸቢበቲት ኢትበዴእሊ ብካይ ድቁብቱ ለአስራር ዐቅል ለአንዘህዜ።

ብካይ ጻሌዕ ገሮቡ እት ክል ኢነት ለአስቆቄብካይ ባዲ ስራዩ ገሮብ ረጅፍ ወፎጼ

ዕንብዕ ከደን ኢትፈግር ጅወት ገሮብ ትትሰቴግቡእ ዲመ ደማይን ለዐቅል ሐቁ እግል ልቅሴ።

ብካይ ፍንቲት ኢኮን አትራያመ አራዲብካይ ፍቲ ኢኮን ለሻም እት ገሮብ ባዲብካይ ስናት ኢኮን ለእት ሐቴ ሐረት ዓቢብካይ ሕማም ኢኮን ለጸቢር ሐዮት ዋዲ ብካይ ሐገሌብ ኢኮን ለገራይሽ ሓዚ

ብካይ ፍንቲት ደማይን አዳሙ እት ቀብር ለኣቲ።

ላኪን ለፍንቲት ትትፈንቴ እት ውሉድ ወዋልድፍንቲት ሐቴ ናይ ፋርስ እት ፍንጌ ውላድ ወአዋልድ

ምንመ በኬ ለዐይለት ምስል ሐበን ተአሰርድትብል በርከት እት ሽፍር እንዴ ካልቅ ኢተዓርድ

ደፍእ ዲበ ዋልዴነ ከከራመት ተሓርድ።

ደዐ ትወዴ ትመሚት ከዕላል ህዳይ ተአትዋርድእለ ፍንቲት እብ ገበይ እት ፍሩድ ፈርድ ምን ፋርድ

ላኪን ለፍንቲት ካልአይት ገሀይ ዲመ ወዐዋርድ አዳም እበ ደነግጽ እግል ዲመ ተአትባርድ

እለ ፍንቲት እላተ ለረመጭ ሕፉን ተአካይድወእለ ፍንቲት እላተ ለረሕመት ኢተአዛይድ።

ምንዲ ፈሬሕ ገሮብዬ እት ክል ወቅት ወኢነት ዕላል ሐቆ ትሐረመ ከፎ ይእገብእ እት ሰኒነት

ደዋዬመ ተሐገለ እበር ወለከኒነትብካይ ዲመ ትከፈልኮ ሰአንኮ ጠምአኒነት

ለፍንቲት ለናይ ዋልዳይት ካቲመትለ ዚነት።

“ኬትባይ ክሉቱ”

መሓመድ ዳፍላ

አርቡዕ 17 ጁን 2015 11

መሐመድ አቡበከርመሐመድ አቡበከር

ሻምፕዮን ዐጀላት ኤረትርየ 2015

ናይ ሕብር ሰዐት እግል ዝክረት ሹሀዳእለእግል ሰነት እብ አትሌት ዘርእሰናይ እንዴ ትመወለ ለገብእ ጅግረ

ናይ ሕበር ሰዐይ ዝክረት እግል ሹሃዳእ ዮመ ዓመት ለትመጽእ ጅምዐት 19 ጁን ምን ገጽ አስቡሕ ምን ሳዐት 11፡00 እግል ነአንብት ክም ቱ ተሐበረ።፡

ሐብሬ

ብድረ ዐጀላት ሕርየት አቅሊም ጋሽ-በርከ

ፍረቅ ሊግ ዐንሰበ ሰዳይት ረክበው

በኒተዝ ሙደርብ ማድሪድ

ፈደሬሽን ዐጀላት ኤረትርየ ለክል ሰነት ለወድዮ ጅግረ ሻምፕዮን ዐጀላት ኤረትርየ ለትመጽእ ሳምን እት 26-28/6/2015 እት መዲነት አስመረ እግል ሊደዩ ክምቱ ምነ ፈደሬሽን ለበጽሔነ ከበር አከደ።

ናይ ዮም ዓመት ሻምፕዮን ዐጀላት ኤረትርየ ድቁብ መትዳላይ ገብእ እግሉ ሐቆለ ጸንሐ እብ ደረጀት

ነአይሽ ወዐባዪ ውላድ ወአዋልድ ናይ ብሕተ (ክሮኖ ሜተር) ወናይ ብሕተ ናይ ሕበር ጅግረ ናይ ክልኤ ምዕል እት መዲነት አስመረ እግል ልግበእ ቱ።

እትሊ ጅግረ አቃሊም ምግብ ወዐንሰበ እብ ውላድ ወአዋልድ እግል ልሻርኮ ዱሉያም ክም ህለው እት ልትሐበር፡ አቃሊም ግብለት

ወጋሽ-በርከ ህዬ እብ ውላድ ሌጠ እግል ልሻርኮ ክም ቶም አከደው።፡ አቅሊም ቅብለት በሐር ቀየሕ ህዬ እብ አዋልድ ሌጠ እግል ልሻርክ ክም ቀድር፡ እግል ሻምፕዮን ለገብኡ ውላድ መትባድረት ክም አለቦም እት ለሐብሮ፡ አስክ ለሐልፈት ሳምን አቅሊም ግብለት በሐር ቀየሕ አስማይ ሙሽተርከት ክም ኢነድአ ወሀለዮቱ ክም የአከደ ምነ ፈደሬሽብ ለበጽሔነ ጀዋብ ወዴሕ።

እተ ሐልፈት ሰነት እት ጅግረ ክሮኖ ሜተር ናትናኤል ብርሃኔ እት ልትዐወት እት ናይ ሕበር ጅግረ አማኑኤል ገብሬዝጋብሄር ዕውት ዐለ።፡ እት ናይ አዋልድ ህዬ እት ክልኤቱ ናይ ብሕተ ወናይ ሕበር እብ ዐውቴ ወሓዚት ክዳኔ ታምም ዐለ።

እሊ እብ መሕበር ዐጀላት እዲነ(UCI) ንቃጥ ለልትሀየብ ጅግረ ዮም ዓመት ህዬ ምን ገብእ ልትዐወት እቱ እት ደንጎበ ወርሕ 6 ለገብእ ጅግረ ለአትራክበነ።

እግል ስኒን ብዙሕ እት እንግሊዝ እግል ሊቨርፑል ለደረበ ወድ ስባንየ ራፈ በኒተዝ ምን ኢጣልየ እግል ፈሪቅ ርያል ማድሪድ እግል ልደርብ መዲነት ማድሪድ ኣቲ ህለ።

እት ናይ ዮም ዓመት ደውሪ ብራቅ እዴሁ ለተርፈ ናይ መልክ ስባንየ ላቱ ፈሪቅ ርያልማድሪድ እግል ወድ ኢጣልየ ላቱ ፋብዮኮ ካፔሎ ናይ ሰልጠቱ እንዴ ከረ ምስል በኒተዝ ሰለስ ሰነት ለተአጸንሕ እትፋቅየት ዋዲ ህለ።

እትሊ ወቅት እሊ እግል ነኣይሽ ዌርሰት ርያል ማድሪድ ደርብ ለህለ ገዲም መተልህያይ ኮበሪት እገር ፈሪቅ ፈረንሰ ላቱ ዜነዲን ዚዳን ቤኒተዝ እት ስታድዩም ሳንትያጎ ቤርናቮ ሓቆለ መጽአ እግል ተአምረ ለህሌት እግልከ ሓጀት ህሌት ምንገብእ ምስል ማድሪድ እግል ተአተላሌ ገአከ ምን ገብእ እሰልፍ እት ላሊገ እግል ትትዐወት ህለ እግልከ ለትሰረረተ እት ማድሪድ ለህለ እግልከ ዕምር ሐጪር እግል ልግበእ ቱ እት ልብል መክረዩ።

ምስል ምጽአት በኒተር ርያል ማድሪድ እት መተልህየት ተቅዪር ወደ ህለ።፡ እግለ እብ ትሉሉይ እብ

መትአዛይ ምን ኮበሪት በክር ለዐለ ወድ ጀርመን ሳሚ ከዲረ እብ ሰሉፍ አስክ ጁቨንቱስ ሳረሕዩ።፡ ሻምፕዮን ኢጣልየ ላቱ ፈሪቅ ጁቨንቱስ እት ናይ ደንጎበ ካስ ሻምፕዮንስ ሊግ እብ በርሰሎነ እንዴ ትቀለበ 2ይት ደረጀት

ለፈግረ ድቁብ ፈሪቅ አውሮባቱ። እሊ ፈሪቅ እሊ እግለ ክም ታክየት ምግብ እንዴ ሓጠጠዩ እት ለትፈናተ ካሳት ለዐወተዩ ምኬፍላይ ፔርሎ እብ ዕብ ካስሩ ሰበት ህለ ከዲረ ሰኒ ሐየ ምን ገብእ በክት እግል ለሀለ እግሉቱ።

እብ መናሰበት ዒድ ሕርየት እብ ደረጀት አቅሊም ጋሽ-በርከ እት መዲነት ስነይ ለገአ ብድረ ዐጀላት እግል ዒድ ሕርየት ናይለ ምዴርየት አግመለ፡፡

ምን መትባድረት 1ይት ደረጀት፡ ሳምኤል ዑቅባልደት፡ ፍጹም በርኖባስ ወሐበን ሀይሌ ሰልሲቶም ምን ስነይ ተዐወተው።፡ እት ናይ አዋልድ ህዬ መትባደረት ስነይ ላተን ቤተልሄም ጎይትኦም፡ ሰላም በረከት ወሰሚረ ተክሌዝጊ ፈግረየ። ፊልሞን ግርማይ ምን ስነይ፡ ዑስማን ፈረጅ ምን አቁርደት ወአምጃድ አሕመድ እሊመ ምን አቁርደት እት ናይ 3ይት ደረጀት እት ቀልቦ። እት ናይ 2ይት ደረጀት ህዬ፡ መርሃዊ የዕብዮ ስነይ፡ ሮቤል ግርማይ ስነይ ወሚልዮን ሰለሙን ህቱመ ምን ስነይ ተዐወተው።

ለእግል ዝክረት 24 ማዮ አምዕል ሕርየት እት መዲነት ስነይ ለገአት ጅግረ ዐጀላት አቅሊም ጋሽ-በርከ እብ ደረጀት ምዴርያት ስነይ ካስ ወመዳልየት ደሀብ እት ትሰርጌ፡ አቁርደት ወባረንቶ ግራሀ ፈግረየ።

እግል አቅሊም ዐንሰበ እንዴ ወከለው እት ሊግ ሻርኮ ለህለው ፈረቅ ምን መክተብ ዓዳት ወፈን ናይ አሳስ ርያደት መዲነት ከረን ማል ወኣላት ርያደት ተሀየበው።

ለሰዳይት እግለ እት ሊግ ሻርኮ ለህለው አ’ነስር፡ ሳሕል፡ አልህላል፡ ስቴለ፡ ላሳል፡ ዐንሰበ ወደንደን ለተህየበት እት ገብእ፡ እግል ክል ፈሪቅ 18 ፍሌንየት ምስል አሽርበተን ወሰረውነን፡

ክምሰልሁመ እግል 15 ነፈር ለገብእ እስእኖታት ምን ኣላት ርያደት እት ገብእ እግል መትናየቲ ህዬ፡ 10 አልፍ ነቅፈ ክም ቱ ምነ አካን ለበጽሐተነ ሐብሬ ወደሐት።

እምበል እሊመ፡ እለ ሰዳይት ለሀይብ ለሀለ መክተብ እግል አንፋር ፈደሬሽናት ርያደት ኮበሪት እገር፡ ባስኬት ወቮሊቦል፡ አትሌቲክስ፡ ብድረ ዐጀላት ለእግሉ ለመስል ቱተ ሀበ።

ኤርትሪ መትባድራይ ዐጀላት ፈሪቅ MTN ዳንኤል ተኽሌሃይማኖት ሰማን መራሕል ዲበ ሐቅፈ ጅግረ ዐጀላት ክራይቴርዩም ዱ ዳውፊኔ ሐየት ስጋደት ገብአ።

እሊ ለኢልትጀገር መትባድራይ ዲበ 1212.5 ኪሎምትር መሳፈት ለገልበበ ጅግራ ቱ፡ 65 ንቅጠት እንዴ ረክበ ለእብ ቀይሕ ወጸዕደ ሕሉዊት ፍሌንየት እግል ሐላሉ ለከምተተየ።

ዳንኤል እበ ምን እንባተትለ ጅግረ ለአርአየ በቃዐት፡ ብዝሓም ፈተች ጅግረ ዐጀላት እግል ልረይሕ ቃድር ሀለ። መትጃግራይ ፈሪቅ ዐጀላት

ስካይ ክሪስቶፈር ፍሩም እብ 26 ንቅጠት 2ይ ፈግር እት ሀለ፡ ወድ ፈሪቁ እግል ዳንኤል ላቱ ሉዊስ መንቴዝ ህዬ እብ 25 ንቅጠት ሳልሳይ ገአ።

ሐቆለ ጅግረ ዳንኤል፡ “እለ ፍሌንየት ምን ለበስኮ፡ ሰኒ ሕቡን ህሌኮ። እሊ ዐውቴ እሊ ህዬ እግልዬ፡ እግል ውላድ ፈሪቅዬ ወኩሎም መትጃግረት ዐጀላት ድወል አፍሪቀ ለልአሰሜ ክም ቱ ሸክ አለብዬ፡ እት ኤረትርየ ወብዕድ ድወል ለህለው ብዝሓም መአይደቼ ተስጄዕ ምን አሴፈውኒ ቱ ህዬ እትሊ ሰርገል ለበጽሐኮ፡ ሐምዴዬ ህዬ ትብጽሖም። ፈሪቅዬ ዲበ ወድዩ ጅግራታት ውዳይ ስን ህዬ ሐዞቼ

ዳንኤል፡ ሐየት ጅግረ ስጋደት ክራይቴርዩም ገብአ

እግል ኢዴ ቱ። እት ቱር ዲ ፍራንስ ህዬ እብ ንየት ዛይደት እግል እትጃገር ቱ” ቤለ።

አርቡዕ 17 ጁን 2015 12

ረመዳን መ/ኑር ታይብ

ምን ክታብ ጃህ “እግል” ለትብል ከሊመት

ሐት-ሐቴ ዶል እብ አከይ ገበይ ንትነፈዕ እበ ህሌ’ነ፡ለጌገ ሀዬ ምስል ስሜት ዶል ነኣትየ ሳድፍ።

መሰለን፡-1.መባጼሕነ ክሎም ሐረስቶት

ሕበር ክምሰል ከድሞ እግል ውድየት ቱ።

2.እት ዐውቴ እግል ብጽሐት እንናድል ሀሌ’ነ።

3.ክልኦት ለሽቅል እግል ሓበሮት እንገሜ ሀሌ’ነ።

4.ለጀሬት ምሽክለት እግል ሀወኖት ትበገሰው።

እትሊ ሕስቦታት እሊ እግል ምስል ስሜት እንዴ ትከተረት ለህግየ ክምሰል ትትሐምረግ ዋድየተ ሀሌ’ት።

ክእነ ለተሌ እግል ነአርተዐ ሀዬ እንቀድር።

1.መባጼሕነ ክሎም ሐረስቶት ሕበር እግል ልከድሞ ቱ።

2. መባጼሕነ ክሎም ሐረስቶት ሕበር ክምሰል ከድሞ ቱ።

2. እት ዐውቴ እግል ንብጸሕ እንናድል ሀሌ’ነ።

3.ክልኦት ለሽቅል እግል ንሓብር እንገሜ ሀሌ’ነ።

4.ለምሽክለት እግል ሀወኖት ትበገሰው።

ክእነ ለምስል ሸክል ዲብ ትግራይት ለሀለ እንዴ ኢገብእ ምን ትግርኘ ለትነስኣቱ።

እት ሙጅተመዐነ ዶል ነአቀምት ደም ዶል ልትሰሜ ምስል እኩይ ሰበት ልትርኤ፡ ደም እግል ትንሰእ ወተሀብ ኢኮን እግል ትስመዩመ ክም ስሬዕ ልትሐሰብ ነብረ። ዮም ላኪን ምስል ፈሀም ለረአይ ሌሂ እት ተርፍ መጽእ ህለ፡ እብሊ ህዬ ደም እንዴ ተአመረ ወትመርመረ እብ ሕዲነ ደም ትመይት ለዐለት አርወሐት እግል ትድሐን እብ ምራድ ኖስ ደም ምን ወአስክ እት ልትዐዴ ልትርኤ ህለ።

እሊ ክፈል ሕርየት ላቱ መሽሮዕ ዓፍየት፡ ደም እንዴ ሰአነት ትገይስ ለዐለት አርወሐት እግል ትረደእ ዶሩ ቀድም ሀለ።

እብ ደረጀት ደውለት እት አስመረ ባንከት ደም እንዴ ተአሰሰት ምን ክል ዐድነ ለልትአከብ ደም እንዴ አከበት ወምን ዓፍየቱ እንዴ ተአከደት እት ክል አቅሊምነ ለልትሐዜ ደም እግል አትመሞት ትከድም ምንመ ጸንሐት፡ ካፊ እት እንቱ ሰበት ኢትረከበ እት ክል አቅሊም ገበይ ፍንቲት እግል ተሀሌበ እበ ልብል ፍክር መሕበረ እት ተአርሕብ እት አቃሊም ናይ አቃሊም መሐበር ባንከት ደም እንዴ አሰሰት እግል ተአበርክተን እብ ምራድ ኖሶም ደም ለልትበርዖ አንፋር እግል ትነዝም አንበተት።

እብ አሳስ እሊ ህዬ እት አቅሊም ጋሽ በርከ እብ ረስሚ ባንከት ደም እንዴ ተአሰሰት እግለ አቅሊም ለከፌ ደም እግል ተአክብ ወተአትመቃርሕ መስኡልየት ራፍዐት ትትረከብ። እምበል እሊመ እት አቅሊም

ዐንሰበ ዎሮት ሖል እድዉር ለህለ መሐበር መትበርዐት ደም እብ

ምራድ ኖስ እንዴ ተአሰሰ እት ነዘሞት ወከምከሞት ሰብ ምራድ ኖስ ዶሩ ቀድም ክም ህለ እኩድ ህለ።

እ ት ሊ መ ሕ በ ር ዝ ያ ድ ዶ ሮ ም ቀ ድ ሞ ለ ህ ለው ሽ ባ ን አ ን ፋ ር መሐበር ወ ጠ ን ሸ ባ ባ ት ወ ደ ረ ሰ ኤ ረ ት ር የ አ ቅ ሊ ም ዐንሰበ እት ገብኦ፡ እብ ብቆት ደም እንዴ ሰአነት ለትሐልፍ አርወሐት እግል

ም አባይነ ደም ለሀብ ለልብል

አለቡ!

ድ ኖስ ድም ህለ ።

የ ምእት ብቆት

ዴ ሰአነት

ኢተሀሌ ከድሞ እብ ሀለዮቶም እብ ሰብ መቅድረት ዓፍየት ምን ገብኦ ወመትነፍዐት ከብቴ ሰኔት ራክባም ህለው።

እብ ፍንቱይ እብ ቀሊሉ ለኢልትረከብ ጅንስ ደም በሀለት ኦ (O) ፕላስ ወማይናስ እንዴ ተአመረ እት ወክድ ብቆት እብ ሸፋግ እንዴ መጸው እት ሂበት ደም ዶሮም ሐዋን የሀለ።

እብ አሳስ እሊ ህዬ ምን 2-4 ወክድ ለገብእ ብሩዓም ሀለው።

ዑፉያም ሐቆ ገብአነ ደምነ እብ ቀሊሉ ፌሸት እንዴ ሰቴነ

እግል ንብለሱ ሰበት እንቀድር፡ እት ዓፍየትነ ለትመጽእ ብቆት

የህሌት፡ ምናተ አዳም እሊ ሰበት ኢለአምሩ ደም ሀብ ዶል ትብሉ፡ እንዴ ትደውረረ እት ሞት ለበጽሕ ሰበት ለአመስሎ ደም እግል ለሀብ ዱሉይ ኢገብእ።

መ ሐ በ ር ሄይበት ደም እብ ምራድ ኖስ እት ዮም 5/4/2014 እት ኮስቲና ሆቴል እንዴ ተአሰሳ 23 ነፈር ላበ መመቅርሓይት ልጅነት እንዴ

ተሐሬት እሉ እት ሽቅል ትፈረረት። እብሊ ህዬ

እት ሐቴ ሰነት እበ ወዴቱ አትፋዝዖት ደረሰ ወብዕዳም

ሽባን፡ 2540 ነፈር ፈሀሞም እት ሂበት ደም እንዴ ትቀየረ እግል ሂበት ክም ትደለው ምን እሎም ህዬ 451 ደም ክም ትበርዐው፡ 254 እብ ሰበብ ሕማም እግል ለሀቦ ለኢቀድሮ እት ገብኦ፡ 901 እብ ሰበብ ሜዛን ገሮብ እግል ለሀቦ ለኢትሰምሐ እግሎም ዐለው። 225 እብ ሰበብ ዕምር ደም እግል ለሀቦ እት ለሐዙ ክም ትመነዐው፡ እት ልትወደሕ እት

ከብድ እለ ሰነት እለ 280 ዩኒት ደም ክም ተሀየበ ተአመረ።

እብ መሐበር ወጠን ሸባባት ወደረሰ ኤረትርየ ፈርዕ አቅሊም ዐንሰበ ወእብ ፍንቱይ ሽባን መዲነት ከረን ለአሰሰዉ መጅሙዐት መትበርዖት ደም ለትከምከመው 60 ሻብ ክም ህለ ምን እሎም ለሰላሰ እት ወክድ ብቆት እት ሕክምነ እንዴ መጽአው ደም ክም ልትበርዖ

ወምን እሎም ሽባን እሎም 84 ዩኒት ክም ትረከበት ተአከደ።

እሎም እብ ምራድ ኖሶም ደም ልትበርዖ ለህለው ሽባን እግለ ልትሀየብ ደሞም እንዴ ነስአው አርወሐቶም ምን ሞት ለደሐነት መዋጥኒን እብ ክሱስ እሊ ረአዮም ናስኣም ህሌነ፡ እተ መጽእ በራምጅና ታብዕዉ።

ልተላሌ.......

በሊስ ተክተት