SemtilbuSemtilbuSemtilbuSemtilbuGen 1:1 Semtil’in Pathenin van le leiset ahinsemtai.Gen 1:2 Ahin leiset chu alim le agong bei, twipi thuh tah a kikhang chule achunga thimpi jing ahin,twipi chu Pathen Lhagaovin a-opkhum’e.Gen 1:3 Pathenin, “Kho hungvah hen,” atile, ahungvah tai.Gen 1:4 Pathenin khovah chu avet le apha lheh jengin, muthim le khovah asep khentai.Gen 1:5 Pathenin khovah chu “Sun” asah-in, muthim chu “Jan” asah-e. Jan akichaiyin jingkah ahitan,nikhat alhingtai.Gen 1:6 Pathenin, “Twipi lah a chun vanthamjol hung kidal hen, twipi chu alang langa daltan hen,”atin;Gen 1:7 vanthamjol ajamdoh-in, twipi chu chung le noiya adaltanin asep khentai.Gen 1:8 Twipi daltanna chu Pathenin “Vanthamjol” asah-e. Jan akichaiyin jingkah ahitan, ni nialhingtai.Gen 1:9 Pathenin, “Vanthamjol noiya twipi mun khat’a veikhom hen tolgo hung doh hen,” atileh,aseibangin aumtai.Gen 1:10 Tolgo lai chu Pathenin, “Leiset” asah-in, twipi veikhom chengse chu “Twikhanglen” asah tai.Aphatdan chu Pathenin amudoh tai. “Gen 1:11 Pathenin, “Leiset’in hampa, amunei hamphung, agathei thing, achi ding amunei cheh, amaama chi dungjui cheh-in hinsep doh hen, leiset chunga kehdoh hen,” atileh, ahung kehdoh tauve.Gen 1:12 Leiset’in hampa ahinsep doh tan, hamphung ama ama chi dungjuiyin akehdoh-in, agatheiamunei thingphung achi dungjuiyin ahung kehdoh tauve. Ahoidan chu Pathenin amudoh tai.Gen 1:13 Jan akichaiyin jingkah ahitan, nithum alhingtai.Gen 1:14 Pathenin, “Sun le jan sepkhen din vanthamjol’a avah thei vahho hung kigol’u hen, kum kiheichin melchihna le nikho simtohna chule kum simtoh nan jong pangu hen;Gen 1:15 vanthamjol’a konin leiset hinsalvah-u hen,” atileh, asei bangin aumtauve.Gen 1:16 Pathenin vah len cheh ni asemin, nichang chu sun laiyin avahsah-in, lhachang chu jan laiyinavahsah-e. Hiti hin ahsi ho jong asemdoh tai.Gen 1:17 Pathenin, vah chengse chu leiset salvah ding leGen 1:18 sun la i le jan laiya vah ding, muthim le khovah sepkhen din vanthamjol’a agoldohtai.Aphatje chu Pathenin amudoh tan ahi.Gen 1:19 Jan akichaiyin jingkah ahitan, ni li alhingtai.Gen 1:20 Pathenin, “Twi lah a ahon hona kijot le ding, ganhing hung dimset hen, vanthamjol’a jongvachate adung avaiyin hung lengu hen,” atin;Gen 1:21 Pathenin twi lah a cheng din ganhing lentah tah ho le adang dang ganhing tamtah asemin,akijot le nauva twi. akidil chet chut jin, chule alha leng thei vachate aloi loiyin asemdoh-e. Aphat danPathenin amudoh tai.Gen 1:22 Abonchauvin Pathenin phatthei aboh-in, “Hinphauvin, pungun, Twikhanglen le twi lah jousedimset’uvin, chule vachate jong leiset’a pungu hen,” ati.Gen 1:23 Hichun jan akichaiyin jingkah ahitan, ni nga alhingtai.Gen 1:24 Pathenin, “Leiset’in ganhing len le neo, ina vah thei le gamlah a lha ding hinsep doh hen,”atileh, asei bangin aumtauve.Gen 1:25 Pathenin leiset’a ganhing le sa jouse chule tol’a kithol ganhing jouse aloi loiyin asemdoh-in,avet le apha Iheh jenge.Gen 1:26 Chujouvin Pathenin, “Eiho lim le mel pun mihem semu hitin, amaho twi lah a nga jouse lechunga vachate, leiset’a ganhing namkim, ina kivah le gamlah a lha ho, alen aneo jouse chunga thu neivaihomin pangu hen,” atin;Gen 1:27 Ama lim le mel tobangin Pathenin mihem asemin, numei le pasal asemdoh tai.Gen 1:28 Pathenin ama ni chu phatthei aboh-in, “Chiphan pung lhonin, nason napah lhon leiset hungdim hen, twi lah a nga jouse le vachate, leiset chunga ganhing namkim chunga hung vaihomu hen,” ati.

Gen 1:29 Pathenin, “Ven, leiset’a muchi chivo, thingphung gathei jouse naneh lhon din kapen,Gen 1:30 leiset’a sa jouse le vachate, tol’a kithol ganhing ho le adang ho neh din hamhing kapetai,”atin, hiti chun aumtai.Gen 1:31 Hichun Pathenin athilsemsa chengse avet le- ahoi behseh jengin pha asai. Hiti hin janakichaiyin jingkah ahitan, nigup alhingtai.Gen 2:1 Hiti hin thilsem pumpi akijousoh tai.Gen 2:2 Ni sagi Ihin nin Pathenin athilsem ajousoh-in anatoh acholdotan ahi.Gen 2:3 Athilsem aboncha ajosoh a, ni sagi lhin nia acholdo jeh-in hiche nikho hi Pathenin phattheiaboh-in asuthengtai.Gen 2:4 Hitia hi thilsem pumpi hung kisemdoh ahi. Pakai Pathenin thilsem pumpi ahinsemdoh chunGen 2:5 leiset chunga hampa louhing akeh hih laiyin, muchi jong adondoh hih laiye. Ajeh chu PakaiPathenin go ajuh sah hih laiyin, loubol ding mihem jong aum hih laiye.Gen 2:6 Leiset’a konjoh chun meijun ajamdoh jin, chutengle leichung ahinle chapkotjie.Gen 2:7 Pakai Pathenin leiset alan mihem asemin, anahhom sunga hintheina hu ahailut peh le, mihemchumihing asohdoh paitan ahi.Gen 2:8 Chujouvin Pakai Pathenin niso lam Eden mun’a chun hon khat asemin, hikoma hin amihemsempa chu akoitai.Gen 2:9 Honsunga hin vetnom nom thingphung gapha tah tah Pakai Pathenin akesah-in, alailung tah achunhintheina thingphung le se le pha hetna thingphung jong akeh-e.Gen 2:10 Eden honlei chap nou din honleiya konin vadung khat ahung longin, honkal’a lhalka linalong khenin, vadung li asohdoh paitai.Gen 2:11 Vadung masapen chu Pishon ahin, Havilah gamkol vel’in alongin,Gen 2:12 hiche gama hin sana theng atamin, samphai chang le songval chang jong akimui.Gen 2:13 Vadung nina chu Gihon ahin, Cush gamkol vel’a alongin ahi.Gen 2:14 Vadung thumna chu Tigris ahin, Assyria niso lama alongin, chule vadung li lhinna chuEuphrates ahi.Gen 2:15 Pakai Pathenin mihempa chu aleibol ding le angah din Eden honsunga akoitai.Gen 2:16 Pakai Pathenin mihempa jah a, “Honsunga thingga jouse naneh thei ahinan,Gen 2:17 se le pha hetna thingga vang khu naneh thei louhel ding ahi; naneh ni ni le nathi tei tei dingahi,” ati.Gen 2:18 Pakai Pathenin, “Mihempa achangseh a aum hi anompoi, aki-thopi ding aki-angtopi theikhat sempeh inge,” atin;Gen 2:19 leiset alan Pakai Pathenin sa namkim le vacha jouse asemin, ipi asah ding vetnan mihempahenga abonchan ahin hoiluttai. Hichea hi mihempan aminsah pen pen chu aminu hijeng ahitai.Gen 2:20 Hiti hin mihempan vacha jouse le sa namkim aminvo cheh tan, ahinla khat cha beh jong amakithopi thei le aki-angtopi thei aumtapoi.Gen 2:21 Hijeh chun Pakai Pathenin mihempa chu a-ihmut milsah-in, a-ihmut lanin anahgu khat ahehlhan, anung chu aphen atomjol’in,Gen 2:22 anahgua kon chun numei khat asemdoh-in, mihempa henga ahin puilut tai.Gen 2:23 Hichun mihempan: “Hiche hi kagu kachanga kon, Kaphe kavouva kiladoh ahin; Pasal’akona kiladoh ahijeh a ‘Numei’ kiti ding ahi,” ati.Gen 2:24 Hijeh a chu pasal’in anu le apa alhakanga aji akolchah joh a, chule ama ni phe khat vou khathilhon ahi.Gen 2:25 Hichepet chun mihempa le ajinu asagohkeo ahilhonin, ahivangin akijapi lhonpoi.Gen 3:1 Pakai Pathen thilsem ganhing lah a doha thuh pen chu gul ahi. Gul hin numei nu jah a,“Honsunga theiga ho- khu naneh lhon louhel dia Pathenin akha mong ham?” atileh;Gen 3:2 numei nun, “Theiga dang vang kinetheiye;Gen 3:3 honlai lunga vang khu neh jong kaneh thei lhon lou ding, katoh khah lhon jongle kathi tei teilhon din Pathenin eiseipeh lhon nai,” ati.Gen 3:4 Hichun gul’in numei nu jah a, “Thi lhon hih hel’in nate.Gen 3:5 Naneh lhon teng namitlam lhon kikeodoh a Pathen masap’a thilpha thilse nahetdoh lhon dingjeh a Pathenin akha ahibouve,” ati.Gen 3:6 Thingphung chu numei nu mitvet’in ahoi lheh jengin, akineh le mi achihsah ding jeh-in jong

aducha cheh jenge. Hijeh chun numei nun theiga chu akilon anen, ajipa jong apen, aman jong anetai.Gen 3:7 Chutah-in amitlam lhon akikeodoh paiyin, asagohkeo ahi ahedoh lhonin, theichang na akilmatmat lhonin kaipelengin akikai lhontai.Gen 3:8 Nisa dailhah lamin honlei laiya Pakai Pathen va le husa aja lhonin, mihempa le ajinu honsungthing lah a akisel lhontai.Gen 3:9 Ahivangin Pakai Pathenin, “Vo Adam, hoiya um nahim?” tin ahinkouve.Gen 3:10 Mihempan, “Honsunga nahusa kajah le, sagohkeo kahijeh a kichaa kisel kahi,” ati.Gen 3:11 Pakai Pathenin, “Kon sagohkeo nahi atim? Neh lou dia kisei thingga chu naneh hitanteong?” ati.Gen 3:12 Mihempan, “Eilenkhompi dia neipeh numei nu hin thingga chu eipeh a kaneh ahitai,” tinaseiye.Gen 3:13 “Ibol’a hitobangpi chu nabol ham?” tia Pakai Pathenin numei nu adoh le, amanun, “Gulchun eidohabol’a kaneh hichu me,” ati.Gen 3:14 Chuphat’in Pakai Pathenin gul jah a, “Nathilbol jeh a hi gaosap nachan a, ganhing jouse laha talen namat ding, nahinkho lhumkeiya na-op’a kithol’a leivui naneh ding ahi.Gen 3:15 Numei nu to kakidousah a, ama chilhah le nang chilhah kigalto ding ahi. Ama chilhah pannalu avoh chip’a, nangin akhotaljum nachuhpeh ding ahi,” ati.Gen 3:16 Pakai Pathenin numei nu jah a, “Na-naovop teng gim gentheiya naum a, nat hahsa thoh a chanahin ding ahi. Hijongle najipa jeng lhangaiya nahin’a, aman nachunga vai ahom ding ahi,” ati.Gen 3:17 Mihempa jah a Pakai Pathenin, “Naji nu thua nanun a neh lou dia kaseipeh theiga naneh jeha leiset jeng jong hi gaosap chang ahitai. Nahinkho lhumkeiya tohgim genthei puma tol natuh a nehding nakihol ding ahi.Gen 3:18 Nakidoupi din leiset’a theimi ling le ’meithai seltho ling hung keh-in tin, chule tollhangaanche louhing naneh ding ahi.Gen 3:19 Nakisemdohna leiset’a nakile kit kah a, namaiya ulsa long longa na natohgim’a neh le chahnakihol ding ahi. Leivuiya kisemdoh nahin, leivui nalesokit ding ahi,” ati.Gen 3:20 Mihem namkim penna nu ahiphat’in Adamin ajinu chu amin Eve asah-e.Gen 3:21 Pakai Pathenin mihempa le ajinu din savun ponsil asemin asilpeh tai.Gen 3:22 Pakai Pathenin, “Mihem hi ilah-uva khat bangin thilpha thilse hetheiyin aumtan, hichea hihinna theiga khu neh khahsah a tonsot’a hinsah louhel ding ahi,” ati.Gen 3:23 Hijeh chun akisemdohna leiset loubol’a kivah din mihempa chu Pakai Pathenin Eden honakonin asoldoh tai.Gen 3:24 Hinna thingphung lampi ngah din hon niso lama Vantil lha nei chu akoiyin, chemjam deujeju chu akipei kimvelsah tai.Gen 4:1 Adamin ajinu Eve akitimatpin, amanu agaiyin chapa khat ahinge; “Pakai panpi jal’a chapakahin,” tin amin Cain asah-e.Gen 4:2 Chujouvin asopipa Abel ahing kit ’in ahi. Abel chu kelngoi chingin apangin, Cain chuloubol’in apange.Gen 4:3 Khonungin Cain chun alhosoh gan Pakaiya kilhaina abol’in,Gen 4:4 Abel’in jong akelngoi peng masa’pen, athaopen khat athat’in, kilhai nan aneiye. Hichea hinAbel kilhaina chunga Pakai alung lhaiyin, athilbol asanpeh tai.Gen 4:5 Cain thilto vang chu asangpon, ama jong akhohsah tapoi. Cain alung hang behseh-in akaikujenge.Gen 4:6 Pakaiyin Cain jah a, “Ibol’a lung hanga kaiku jeng nahim?Gen 4:7 Thildih bol le chun kipah ding nahin, thilse nabol jeh-in chonset nan kotphunga nachang lhijinge; jotho dia nagot vangin, nangin najotei ding ahinai,” ati.Gen 4:8 Cain chun asopipa Abel jah a, “Gamlah a che hite,” atin; gamlah agei lhon phat’in Cainasopipa chunga achun athattai.Gen 4:9 Hichejeh hin, “Nasopipa Abel la em?” tin Pakaiyin Cain ahindongtai. Aman, “Kei kasopipaching gunset kahi ong?” ati.Gen 4:10 Pakaiyin, “Ibol’a nahim? Tol’a kona nasopipa thisanin eihinsap sap khu me!Gen 4:11 Hiche leiset hi pohkhia nasopipa thisan achop lut tah jeh hin, nang jong gaosap changnahitan, leiset jeng jong hi louva nabol thei lou ding ahitai.

Gen 4:12 Muchi tujongle chun hung kehdoh louhel ding, chen mun det beiya leiset chunga vah thaiding nahitai,” ati.Gen 4:13 Chuphat’in Cain chun Pakai jah a, “Neipeh talen hi alen behseh tan kapoh jouhoi ahitapoi.Gen 4:14 Na-angsunga kona neisoldoh a, leiset’a kona neidelmang ahitan, chen mun det beiya leiset’akavathai le ding, eitoh khapen penin eitha ding ahitai,” ati.Gen 4:15 Ahinla Pakaiyin, “Chuti ponte, Cain hinthat pen pen chunga sagi vei phu kila ding ahi,” atin;atoh kha khan atha louhel na din Cain chalpanga melchihna khat akoipeh-e.Gen 4:16 Pakai angsunga konin Cain apotdoh-in, Eden solam gamkai, “Vahthai gam” sunga achengtai.Gen 4:17 Cainin ajinu akitimatpi le agaiyin, chapa khat ahingin, Enoch asah-e. Cain chun khopi khatasemdoh-in achapa min aputsah-in, Enoch asah-in ahi.Gen 4:18 Enoch chun Irad ahingin, Irad-in Mahuja-el ahingin, Mahuja-el chun Methusha-el ahingin,Methusha-el’in Lamech ahinge.Gen 4:19 Lamech chun ji ni akop’in, Khatnu Adah ahin, khatjonu Zillah ahi.Gen 4:20 Adah hin Jabal ahingin, Jabal hi ponbuh a chengte le gancha ching miho penna pa ahung hi.Gen 4:21 Jabal sopipa chu Jubal ahin, semjang saite le theile mutte chengse penna pa ahung hikhai.Gen 4:22 Zillah hin Tubal Cain ahingin, amahin sum-eng manchah ding alhan, thih khengin apange;Tubal Cain sopinu chu Naamah ahi.Gen 4:23 Lamech chun aji te ni jah a, “Adah le Zillah kasei ngai lhonin, Vo Lamech ji te ni kasei himelchih lhontan; Gollhang khat’in eiden jeh-in kathat tai.Gen 4:24 Cain tha jeh a sagi vei phu akilah ding le Lamech tha jeh a som sagi le sagi vei phu kila dingahi,” ati.Gen 4:25 Adamin ajinu akitimatpi kit le chapa khat ahing kit ’in, “Cain thapa. Abel khel’a chi khai dinPathenin chapa khat eipekit tai,” tin anun amin Seth asah-e.Gen 4:26 Seth-in chapa khat ahingin Enosh asah-e. Ama khanglaiya pat hin min ‘Pakai’ minin chibaiahinboh pantai.Gen 5:1 Pathenin Ama lim bang banga asem mihem-Adam khanggui thusim chu hiti ahi.Gen 5:2 Numei le pasal asemin, phatthei aboh-in, amin jong ‘Mihem’ asah tai.Gen 5:3 Adam kum ja khat le somthum alhinin ama lim le melto kilo tah chapa khat ahingin, Sethasah-e.Gen 5:4 Seth pen nungin Adam kum jaget ahinben, chanu chapa tampi ahingin,Gen 5:5 kum jako le somthum lhin kumin athitai.Gen 5:6 Seth kum jakhat le nga ahin Enosh ahingin,Gen 5:7 Enosh pen nungin Seth kum jaget le sagi ahinben, chanu chapa tampi ahingin,Gen 5:8 kum jako le som le ni lhin kumin athitai.Gen 5:9 Enosh kum somko ahin Kenan ahingin,Gen 5:10 Kenan pen nungin Enosh kum jaget le som le nga ahinben chanu chapa tampi ahingin,Gen 5:11 kum jako le nga lhin kumin athi.Gen 5:12 Kenan kum som sagi ahin Mahalalel ahingin,Gen 5:13 Mahalalel pen nungin Kenan kum jaget le som li ahinben, chanu chapa tampi ahingin,Gen 5:14 kum jako le somkhat lhin kumin athi.Gen 5:15 Mahalalel kum somgup le nga ahin Jared ahingin,Gen 5:16 Jared pen nungin kum jaget le somthumahinben, chanu chapa tampi ahingin,Gen 5:17 kum jaget le somko le nga lhin kumin athi.Gen 5:18 Jared kum jakhat le somgup le ni ahin Enoch ahingin,Gen 5:19 Enoch pen nungin Jared kum jaget ahinben, chanu chapa tampi ahingin,Gen 5:20 kum jako le somgup le ni lhin kumin athitai.Gen 5:21 Enoch kum somgup le nga ahin Methuselah ahingin,Gen 5:22 Methuselah pen nungin kum jathum jen Pathen to akivop jingin, chanu chapa tampi ahinben,Gen 5:23 kum jathum le somgup le nga lhingin ahinge.Gen 5:24 Enoch ahinkho lhumkeiyin Pathento akivop jingin, Pathenin ahing laiya alah phat’inakiholmotai.Gen 5:25 Methuselah kum jakhat le somget le sagi ahin Lamech ahingin,Gen 5:26 Lamech pen nungin Methuselah kum ja sagi le somget le ni ahinben, chanu chapa tampi

ahingin,Gen 5:27 kum jako le somgup le ko lhin kumin athi.Gen 5:28 Lamech kum jakhat le somget le ni ahin chapa khat ahingin,Gen 5:29 “Pathen gaosapsa, ikhut’uva itoh gim nau hiche leiset’a kona hi hiche naosen hin eitha-olsah diu ahi,” tinan amin Noah asah-e.Gen 5:30 Noah pen nungin Lamech kum ja nga le somko le nga ahinben, cha tampi ahingin,Gen 5:31 kum ja sagi le som sagi le sagi lhin kumin athitai.Gen 5:32 Noah kum ja nga ahin chapa thum ahingin: Shem, Ham chule Japheth ahiuve.Gen 6:1 Leiset chunga mihem hapunin apungin, cha le nao tampi ahing tauve.Gen 6:2 Van miten mihem chanu hoitah tah ho amudoh phat’un adei dei ji din akipuiyui.Gen 6:3 Ahivangin Pakaiyin, “Kalhagao mihem sunga tonsot’in chengden deh ponte; mihem hitahsaphe bou ahin, ahinkho jong kum jakhat le som ni bou hiding ahi,” ati.Gen 6:4 Mihem chanu ho le van mite chilhah ho hi chulai le khonung geiya leiset’a mihatte chuahiuvin, khanglui laiya mihat minthang ho chu amaho ahiuve.Gen 6:5 Leiset’a cheng mitin gitlou le niseh a thilse jeng agel ’u Pakaiyin amudoh tan,Gen 6:6 mihem asem’a leiset’a achensah akisih-in, alung na behseh jengin,Gen 6:7 “Mihem hihen ganhing ho hileh, tol’a kithol ho le chunga leng vachate geiya kasemdohkakisih behseh tai; hijeh chun kasemsa jouse, mihem geiyin leiset’a konin sugam tange,” tin Pakaiyinaseitai.Gen 6:8 Noah chunga vang Pakai alung lhai nai.Gen 6:9 Noah hinkho chu hiti ahi: midih, akhang sunga nolnabei, Pathen to kivop jing mihem ahi.Gen 6:10 Noah chun chapa thum ahingin, Shem, Ham chule Japheth ahiuve.Gen 6:11 Pathen mitmun leiset mihem abonchan aphamon, asegamtan, muntin’a pumhat jenginakinotauve.Gen 6:12 Leiset’a cheng mihemte lam hilouva akihei gamtauvin, Pathenin avet le leiset asetsoh helchu amudohtai.Gen 6:13 Pathenin Noah jah a, “Leiset pumpi hi mihemte thilse bol dimsoh ahitan, hijeh a chuabonchauva kasuhgam’a, chitin namtin leiset puma kasuhgam ding ahitai.Gen 6:14 Gopher thingin kong innei khat kisuiyin, kong sung chu adan danin khah tanin, asung le apobegon loijol’in.Gen 6:15 Kong innei chu adung tong jathum, avai tong som nga chule atun tong somthuma nasemdingGen 6:16 kong innei chu inchung nakhua, alhung khu tong khat bou len ding, kong kotpi asih lamanahon a, lhong danthuma nadoa, achungnungpen, aban’a chule anoinungpen nado ding;Gen 6:17 leiset chunga haitheiya hing jouse sumang dia keiman twisang kaletsah ding, leiset’aganhing namkim thisoh hel ding ahi.Gen 6:18 Nangto vang kitepna khat kaphudoh a, naji le nachapate chule namoute chengtoh kong inneisunga nalut diu ahi.Gen 6:19 Chule achikhai dia ganhing namkim-anu khat le achal khat-kop khat cheh kong sunga napuilut ding ahi.Gen 6:20 Vacha hihen ganhing dang hileh, tol’a kithol ho geiya ama ma jat dungjuiya chikhai dianakoma hung kitol lut diu ahi.Gen 6:21 Neh thei jouse nalo khoma, nang ho le ganhing namkim neh dia nakhol khom ding ahi,” ati.Gen 6:22 Pathenin aseipeh bang bangin Noah-in aboltai.Gen 7:1 Pakaiyin Noah jah a, “Hiche khanga midih nang bou kamui, na-insung mite toh kong sungaluttan.Gen 7:2 Satheng jat khat’a konin kop sagi-anu khat le achal khat cheh to, saboh jat khat’a konin vangkop khat bou-anu khat achal khat cheh lan,Gen 7:3 Vacha jat a konin kop sagi cheh leiset’a achikhai din kong sunga kai lut ’in.Gen 7:4 Ni sagi lhin teng nisom li jan som li sunga go kajuh sah-a, kasemsa ahing thei jouse kasuhmang hel ding ahitai,” ati.Gen 7:5 Pakaiyin aseipeh chan abang bangin Noah-in aboltai.Gen 7:6 Leiset chunga twisanglet chun Noah kum jagup alhingtai.

Gen 7:7 Twisanglet’a hoidohna din Noah le ajinu, achapate le ajiteu kong sunga alut tauve.Gen 7:8 Pathen thupeh bangin satheng le saboh kop khat cheh-anu khat le achal khat cheh toh, vachatele tol’a kithol ho geiyin,Gen 7:9 ni nin Noah to kong sunga akijot lut tauve.Gen 7:10 Ni sagi jouvin leiset’a twisang alentai.Gen 7:11 Noah kum jagup Ihin kum, lha ni na, nisom le sagi lhin nin twinah jouse ajaltan, van a gokotjouse jong akihong tai.Gen 7:12 Chutah-in nisom li jan som li sungin go aju ju jenge.Gen 7:13 Hiche nikho le lea chu Noah le ajinu, achapate-Shem, Ham chule Japheth le ajiteu kongsunga lut ahiuve.Gen 7:14 Ganhing namkim, insa le gamsa, alen aneo, vacha namkim,Gen 7:15 akop kop’in kong sunga alut’un,Gen 7:16 anu khat achal khat cheh, Pathenin Noah athupeh bang bangin Noah to akijot lut tauve. Noahalut phat’in Pakaiyin kongkot akhah tai.Gen 7:17 Nisom li jan som li sungin leiset’a go ajun, twi apomtou tel tul’in, leiset sanga sang jon kongaletdoh tai.Gen 7:18 Leiset chung twi adimtel tul jengin, along matsoh tan, kong jong twi chunga akitol le lei.Gen 7:19 Twi atamval’in vannoiya molsang jouse geiyin achupsoh tai.Gen 7:20 Twi chu akhangtou tou nalaiyin, molsang jouse sangin tongsom le ngan asangjoi.Gen 7:21 Hijeh chun leiset ganhing namkim-ju le va, ahon honin, mihem geiyin athisoh heltauve.Gen 7:22 Tolgoa cheng ganhing nah hai thei jouse athisoh tauve.Gen 7:23 Leiset’a hing thei mihem le ganhing namkim, ju le va, tol’a kithol ho le chunga leng jousePakaiyin asugamin, Noah le kong sunga aumpi chengse chubou asoh chauve.Gen 7:24 Ni jakhat le som nga sung geiyin twi akemsuh hih laiye.Gen 8:1 Noah le kong sunga aumpi ganhing chengse Pathenin agel khoh jingin, leiset chunga huianunsah le twi akemsuh pantai.Gen 8:2 Twinah jouse le van’a gokot chengse akikhah-in, go ahaiyin kho aphan,Gen 8:3 ni jakhat le som nga sungin leiset’a twi akang hei hoitai.Gen 8:4 Lha sagi lhin na, nisom le ni sagi lhin nin Ararat lhanga molvum khat’a kong aki-ngamtai.Gen 8:5 Twi vang akemsuh jing jengin, lha som lhinna, ni masapen nin molvum jouse akimu theitai.Gen 8:6 Nisom li lhin nin Noah-in kong bangkot khat ahongin,Gen 8:7 va-ah khat alha leh, leiset’a twi akanloulai jeh-in adung avaiyin aleng len ahung kile kit tai.Gen 8:8 Twi kan le kan lou hetnan Noah-in vakhu khat alha kit leh,Gen 8:9 leiset pumpi twiyin achup nah laijeh-in vakhu chun touna ding aholmon kong lama ahung kilekit ’in, Noah-in agahsang lhan kong sunga achoilut tai.Gen 8:10 Noah ni sagi akho ngaiyin, vakhu chu alha kit leh,Gen 8:11 nilhah lamin vakhu chun amuh a olive thing nathah khat ahinpon, ahenga ahung kile kit ’e.Hichea hin Noah-in leiset’a twi kan ahetai.Gen 8:12 Noah-in ni sagi ma a-ngah-in vakhu chu alhadoh kit leh, hichea vang hin vakhu chu ahengaahung kile kit tapoi.Gen 8:13 Noah kum jagup le khat lhin kum, lha masapen, ni masa nin leiset’a twi akangsoh-in,Noah-in kong inchung khu ahodoh a avet leh, leiset chung twi akangsoh heltai.Gen 8:14 Lha ni na nisom ni le sagi lhin nin leiset chung twi akang goheltan ahi.Gen 8:15 Pathenin Noah jah a,Gen 8:16 “Najinu le nachapate chule ajiteu toh kong sunga konin potdoh tauvin.Gen 8:17 Naumpi ganhing namkim-ju le va, tol’a vah tahsaa hing jouse, apunjal’uva leiset adimsetnadiuvin hinkai doh tan,” ati.Gen 8:18 Hijeh chun konga konin Noah le ajinu, achapate le ajiteu apotdoh tauve.Gen 8:19 Ganhing ho jong, tol’a kithol ho le vachate, leiset’a lhale jouse kong sunga konin akopkop’in ahung potdoh tauve.Gen 8:20 Noah-in Pakai din maicham khat asemin, gancha theng le vacha theng lah a konin khat chehadongkhomin, maicham phunga pumgo thilton agouvamtai.Gen 8:21 Amuinam chun Pakai alung lhaiyin alung sunga, “Aneocha pat mihem lungthim hi asesa

kahet jeh-in, mihem thilse bol man a tukal leiset hi kagaosap kit louhel ding ahitai. Tua kasuhgambang hin ganhing ho jong sumang taponge.Gen 8:22 Leiset aum laisea muchi tuphat, lho lhun phat, gamsat le gamdap phat, nipi laile phalbi la ichule sun le jan um jing ding ahi,” ati.Gen 9:1 Pathenin Noah le achapate phatthei aboh-in ajah-uva, “Son le pah tampi neiyun, leisethinlosoh keiyu hen.Gen 9:2 Ganhing namkim-ju le va, nga jousen jong nagingsoh keiyu hen; abonchauva nanoiyuvakikoisoh ahitai.Gen 9:3 Anche louhing kapeh banguva achatloh thei ganhing jouse neh le chah dia kapeh nahitauve.Gen 9:4 Amavang sa hi ahinna thisan puma naneh thei lou diu ahi.Gen 9:5 Mihem hinkho sumang chun talen amat ding, mihem that’a sahem jouse katha ding ahi.Gen 9:6 Pathen limpua kisem mihem that’ah mi chu mihem ma man atha ding ahi.Gen 9:7 “Nanghon cha le nao tampi hingun, nason napah-un leiset chung hinlosoh hen,” ati.Gen 9:8 Pathenin Noah le achapate jah a,Gen 9:9 “Keiman nangho le nason napah chengse diuvin kitepna khat kaphutdoh tai,Gen 9:10 hiche hi konga nahung potdoh tha piu ganhing namkim-ju le va jouse ding jong ahi.Gen 9:11 Itih hijongle ganhing namkim twiya kisumang talou ding, a-itih geiya jong twisangleninleiset asuhmang lou ding ahitai.Gen 9:12 Nangho le ganhing namkim dinga mantih neilou kitepna kaphudoh het jingnan,Gen 9:13 meilhang lah a kathalpi kakoiye; hiche hi vannoito kakitep het jingna hiding ahi.Gen 9:14 Vanthamjol’a meilhang kajinsah teng thalpi chu kimudoh ding,Gen 9:15 chule ganhing namkim-ahing jouse twilenin asuhmang louna dia nahenguva kakitepnakageldohji ding ahi.Gen 9:16 Hitia chu meilhang lah a thalpi ahung kilah teng, leiset chunga ganhing jouse le kei kah amantih neilou kitepna chu kageldoh ding ahi.Gen 9:17 Thalpi hi ganhing namkim to kakitepna melchihna ahi,” ati.Gen 9:18 Kong sunga hung potdoh Noah chapate chu Shem, Ham chule Japheth ahiuvin, Ham hiCanaan pa ahi.Gen 9:19 Hiche Noah chapa thum ho hi leiset chung cheng mihem chitin namtin penna pului ahitauve.Gen 9:20 Noah hi loubol mi ahin, leiset’a lengpilei bol masapenin apange.Gen 9:21 Noah-in lengpitwi adon le akhamin, aponbuh sunga del cheng louvin alumtai.Gen 9:22 Canaan pa Hamin apa Noah del cheng louva lum amun, polama asopite ni agaseipeh-e.Gen 9:23 Shem le Japheth-in ponsilchol khat ala lhonin, alengkouva akhai lhonin, apa del chenglouvaum chu mu louna din akihei mangin, anung lam ngan ponbuh sunga atoi lut lhonin, apa lhon chuagakhu khum lhone.Gen 9:24 Noah lengpitwi kham alimdoh phat’in achapa neopenin abolna chu ahedoh-in,Gen 9:25 hijeh chun, “Canaan hi gaosap chang hen, Asopite nin soh-in nei lhon hen.Gen 9:26 Pakai, Shem Pathen vang vahchoiyin umhen, Shemin Canaan hi soh-in hin neihen.Gen 9:27 Pathenin Japheth punsah hen, Achilhahte Shem chilhahto hung chengkhomu hen; Canaanvang Japheth soh-in hung pang hen,” ati.Gen 9:28 Twisanglet nungin Noah kum jathum le som nga ahing nalaiyin,Gen 9:29 kum jako le somnga lhin kumin athi.Gen 10:1 Noah chapate Shem, Ham chule Japheth chilhah ho khanggui thusim chu, twisanglet nunginathum’uvin chapa tampi ahing cheh-ui.Gen 10:2 Japheth chapate chu Gomer, Magog, Madai, Javan, Tubal, Meshech chule Tiras ahiuve.Gen 10:3 Gomer chapate chu Ashkenaz, Riphath chule Togarmah ahiuve.Gen 10:4 Javan chapate chu Elishah, Spain, Cyprus chule Rhodes ahiuvin;Gen 10:5 Twikhanglen pang dunga hung cheng ho penna pului ahiuve. Hicheng hi Japheth chilhahahiuvin, aphung phungin agamkai sung cheh a akichen’uvin, ama pao cheh akithouve.Gen 10:6 Ham chapate chu Cush, Egypt, Libya chule Canaan ahiuve.Gen 10:7 Cush chapate chu Seba, Havilah, Sabtah, Raamah chule Sabteca ahiuve. Raamah chapate nichuSheba le Dedan ahi.Gen 10:8 Cush-in Nimrod kiti chapa khat ahingin, leiset’a gal-hat masapenin apange.

Gen 10:9 Pakai panpi ja l’in Nimrod hi sathat thei tah ahin, hijeh chun mihon, “Nimrod banginPakaiyin sathat thei nahisah hen,” akitijiuve.Gen 10:10 Nimrod lenggam chun Babylon, Erech chule Accad, Babylon gamsunga um chengseahopsoh keiye. “Gen 10:11 Hiche gama kon hin NimrodAssyria gama achen, Nineveh khopi, Rehoboth le khopi,Calah khopi,Gen 10:12 chule Nineveh khopi le khopi minthang tah Calah kikah a Resen khopi aphutdoh-e.Gen 10:13 Egypt chapate chu Lydia, Anam, Lehab, Naphtuh,Gen 10:14 Pathrus, Casluh chule Caphtor ahin, Caphtor hi Philistine mite penna pului ahi.Gen 10:15 Canaan chapate chu amasan apeng masapen Sidon le Heth ahi lhonin,Gen 10:16 chule Canaan chilhah chu . Jebus mite, Amor mite, Girgash mite,Gen 10:17 Hiv mite, Ark mite Sin mite,Gen 10:18 Arvad mite, Zemar mite le Hamath mite ahiuve. Khonungin Canaan insung kon chengsegamtin’a akithe chansoh keiyun,Gen 10:19 agamgiu Sidon a pat Gerar lang jonin Gaza geiyin akilhung lut peh-in, Sodom lang joninakilhungin, Gomorrah aphan, Admah ahinphan, chuin Zeboiim ahopan Lasha geiyin akilhung lutpeh-e.Gen 10:20 Hicheng hi Ham chilhah ahiuvin, aphung phungin agamkai sung cheh a achengun, ama paocheh akithouve.Gen 10:21 Japheth upa Shem chu Hebrew mite penna pului ahi.Gen 10:22 Shem chapate chu Elam, Asshur,Arpachshad, Lud chule Aram ahiuve.Gen 10:23 Aram chapate chu Uz, Hul, Gether chule Meshek ahiuve.Gen 10:24 Arpachshad chapa chu Shelah ahin, Shelah chapa Eber ahi.Gen 10:25 Eber hin chapa ni ahingin, khatpa khanga hi leiset mite paocheh jeh a akikhen jeh-un aminPeleg akitin, khatjo pa chu Joktan ahi.Gen 10:26 Joktan chapate chuAlmodad, Sheleph, Hazarmaveth, Jerah,Gen 10:27 Hadoram, Uzal, Diklah,Gen 10:28 Obal, Abimael, Sheba,Gen 10:29 Ophir, Havilah, chule Jobab ahiuvin, abonchauva Joktan chapa jeng ahiuve.Gen 10:30 Joktan chapate gamgi chuMesha a pat Sephar lang jonin solam thing lhang gamsunggeiyin akilhung lutpeh-e.Gen 10:31 Hicheng hi Shem chilhah ahiuvin, aphung phungin agamkai sung cheh a achengun, apaocheh akithouve.Gen 10:32 Hiche miho hi ama ama jat dungjui le akondoh nau insung dungjuiya kisimtoh Noah insungkon cheh ahiuvin, twisanglet nunga leiset chung mihem hijat hi amahoa kondoh jeng ahiuve.Gen 11:1 Hiche la i chun leiset miten pao khatseh athon, thu cheng jong tha khat amanguve.Gen 11:2 Mihemte chu niso lama akitol leu leh Babylon gama phaicham khat’a ahung lut ’uvin,hikoma chun achengtauve.Gen 11:3 Amaho khat le khat akihouvun, “Hungun, cheh dengu hitin goutah lhengu hite,” atiuvin;song panna pang din cheh adenguvin, song lou din leingan amangui.Gen 11:4 Mihon, “Khopi khat semu hitin, insang, atingvum vanto kibang khat sau hitin iminkithansah-u hite, achutiloule leiset chunga ikimoh thethang gam diu ahi,” atiuve.Gen 11:5 Mihemte khopi sem le insang sah chu vedin Pakai ahung kum lhai.Gen 11:6 Hichea hin Pakaiyin, “Mihemte hi jat khat bou ahin, pao khatseh bou athouve; athilbol’u hitua bana abol diu apatna bou ahinalaiyin, tukal abolnom nom abol jeng diu dol ahitai!Gen 11:7 Kum lhau hitin apaovu gasucheh leu hen khat le khat kihou mon um’uvin tin atohbanhaitauvinte,” ati.Gen 11:8 Hitia hi Pakaiyin miho chu leiset chunga athecheh soh phat’in akhopi sah ban ahaitauve.Gen 11:9 Hikoma kona hi Pakaiyin mihemte pao asuh cheh a, leiset chunga athe chehsoh hel jeh-inakhopi min Babylon akisah lo tai.Gen 11:10 Shem chilhah ho thusim hiti ahi. Twisanglet nung kum ni lhin kum, Shem kum jakhat ahinachapaArpachshad ahinge. “Gen 11:11Arpachshad pen nungin Shem kum ja nga ahingin, chadang tampi ahinbei.

Gen 11:12 Arpachshad kum somthum le nga alhinin achapa Shelah ahingin,Gen 11:13 Shelah pen nungin Arpachshad kum ja li le thum ahingin, chadang tampi ahinbei.Gen 11:14 Shelah kum somthum alhinin achapa Eber ahingin,Gen 11:15 Eber pen nungin Shelah kum ja li le thum ahing nalaiyin, chadang tampi ahinbei.Gen 11:16 Eber kum somthum le li alhinin achapa Peleg ahingin,Gen 11:17 Peleg pen nungin Eber kum ja li le somthum ahing nalaiyin, chadang tampi jong ahinbei.Gen 11:18 Peleg kum somthum alhinin achapa Reu ahingin, ,Gen 11:19 Reu pen nungin Peleg kum ja ni le ko ahing nalaiyin, chadang tampi jong ahinbei.Gen 11:20 Reu kum somthum le ni alhinin achapa Serug ahingin,Gen 11:21 Serug pen nungin Reu kum ja ni le sagi ahing nalaiyin, chadang tampi jong ahinbei.Gen 11:22 Serug kum somthum alhinin achapa Nahor ahingin,Gen 11:23 Nahor pen nungin Serug kum ja ni ahing nalaiyin, chadang tampi jong ahinbei.Gen 11:24 Nahor kum som ni le ko alhinin achapa Terah ahingin,Gen 11:25 Terah pen nungin Nahor kum jakhat le som le ko ahing nalaiyin, chadang tampi jongahinbei.Gen 11:26 Terah kum som sagi alhinin Abram le Nahor chule Haran ahinge.Gen 11:27 Terah chilhah ho khanggui chu hiti ahi; Terah-in Abram le Nahor chule Haran ahingin ahi.Haran hin Lot ahinjou,Gen 11:28 apa Terah hinpet’in Babylon gamsung achenna khopi Ur a athitai.Gen 11:29 Abramin Sarai akichenpin, Nahorin Haran chanu Milcah akichenpi: Haran hin Iscah jongahingin ahi.Gen 11:30 Sarai achingin cha neilouvin aumtai.Gen 11:31 Terah hin achapaAbram le amou nu Sarai-Abram jinu, atupa Lot-Haran chapa akipuiyin,Babylon gama Ur khopi dalhan Canaan gam jonin achetauve. Amahon Haran ahinphauvin, hikomachun achengtauve.Gen 11:32 Haran a chunTerah kum ja ni le nga alhinin athitai.Gen 12:1 Pathenin Abram jah a, “Nagam leiset le naphung nachang, na-insung mite dalhan, keimankavetsah got gam jonin chen.Gen 12:2 Keiman nachilhah tampi kahisah a, nam lentah kaso ding, phatthei kaboh a min thang tah akakoi ding, chuteng nangma phatthei bom nahi ding ahi.Gen 12:3 Nangma phatthei nabohte phatthei kaboh a, Nagaosap jouse kagaosap thuh ding; Nang jeh achitin namtin phatthei kaboh ding ahi,” ati.Gen 12:4 Abram kum som sagi le nga ahin, Pakaiyin aseipeh bangin, Haran a konin akipatdoh-in, Lotchun akilhonpi.Gen 12:5 Abramin ajinu Sarai le asopipa chapa Lot akipuiyin, Haran a alamdoh gou jouse pon, sohchengse to kilhonin Canaan gam jonin achetauve. Canaan gam ahung lhun phat’un,Gen 12:6 Shechem muntheng lai, Moreh muna gangpi theng phung ahinphah kahsen Abramingamsung chu akhol khol jenge. Hichepet hin gamsunga Canaan miho anachenguve.Gen 12:7 Abram henga Pakai ahung kilah-in ajah a, “Nason nachilhahte kapehgot gam chu hiche hiahi,” ati. Hichun ahenga hung kilah Pakai din Abramin maicham phung khat hikoma chun asemdoh tai.

Gen 12:8 Chujouvin Bethel khopi niso lam, lhanglam thinglhang gam manon Abram achen, nilhumlama Bethel le niso lama Ai kikah a ngahmun akisemtai. Hikoma jong hin maicham khat asemin Pakaiminin ataove.Gen 12:9 Hiti hin Abram muntin’a avah len, Canaan gamsung lhanglam gamkai sung ajontai.Gen 12:10 Canaan gamsunga kel lhah jeh a ahahsat behseh phat’in Abram puhsuiya khopem din Egyptgam jonin achesuh-e,Gen 12:11 Egypt gamsung alut ding konin Abramin ajinu Sarai jah a, “Veteh, mitvet’a numei mel-hoitah nahi kahei.Gen 12:12 Egypt miten namu tengu keiji nahi heuvintin, kei eithauva, nang nakihoi diu ahi.Gen 12:13 Nang jeh a eihing hoiyuva eibol phatna diuvin kei naovin kiseiyin,” ati.Gen 12:14 Abram Egypt gamsung alut phat’in Egypt mite mitvet’in jong ajinu chu numei mel-hoitahahi nget’e.

Gen 12:15 Pharaoh leng chapaten amudoh-un, Sarai mel-hoi dan lengpa jah a aseiyui; hijeh chun Saraichu leng inpia apuilut tauve.Gen 12:16 Sarai ja l’in lengpan Abram abol phan, kelngoi hon, kelchate, bong hon, sa-ngante, soh lekol chule sangongsao tampi apei.Gen 12:17 Ahinla lengpan Abram jinu Sarai akipuijeh-in, Pakaiyin lengpa chung le a-insung mitechunga nat khoh tah alansah tai.Gen 12:18 Hichun Pharaoh-in Abram agakousah-in ajah a, “Idia hita neibol ham? Hiche nu naji hitaaidia naseida ham?Gen 12:19 Ibol’a nanao ahi natia, jia neipuisah mong ham? Hin hin naji hi, kipuiyin potdoh loiyin!”tin anotai.Gen 12:20 Pharaoh-in amite aseipeh-in, amahon Abram le ajinu chule athil keo alokeo pumingamsunga konin akaidoh tauve.Gen 13:1 Abramin ajinu akipuiyin, anei jouse apon, Lot to kilhonin, Egypt’a konin Canaan lhanglamjonin achetai.Gen 13:2 Abramin kelngoi le kelcha, bong chule sana dangka tampi aneiyin mihao tah ahitan ahi.Gen 13:3 Canaan lhanglam gamkaiya konin akholjin len, muntin achonin, Bethel lang ahinjon’e.Masanga ngahmun asemna Bethel le Ai kikah ahinphan,Gen 13:4 masanga maicham asemna muna chun Pakai minin ataove.Gen 13:5 Lot’in jong atumtah-in kelngoi le kelcha chule bong tampi le soh tampi aneiyin, a-insungmite toh ahiuve.Gen 13:6 Abram le Lot’in gancha tamtah gel anei lhon phat’in, ganchate neh ding gam aneo behsehtan acheng khom thei lhon tapoi.Gen 13:7 Abram gancha ching ho le Lot gancha ching ho akinahso tauvin, akitohmo tauve. Hichepethin Canaan gamsunga Canaan mite le Periz mite acheng nalaiyui.Gen 13:8 Abramin Lot jah a, “Insung khat kihi, namite le kamite kina thei pouvinte.Gen 13:9 Kikhenta hite. Na-angsunga gam ongmo ngap lou, nadei dei la i kilhenin; jetlam nalhen leveilama cheng ting, veilam nalhen le kei jetlama chenge,” ati.Gen 13:10 Lot akhodaa avet leh, Jordan phaicham pumpi, Zoar geiyin agah mun, twi atha lhingin,Pakai honsung le Egypt gamsung abang jengin ahi. Hichepet’a chu Pakaiyin Sodom le Gomorrahasuhmang loulai ahi.Gen 13:11 Hijeh chun Lot’in Jordan phaicham pumpi akilhenin, niso lam jonin akitoldoh tai. Hitia chuAbram le Lot kikhen ahilhon’e.Gen 13:12 Abram Canaan gama acheng denin, Lot chu Jordan phaichama khopi ho lah a chun apansan,Sodom koma ngahmun asem’e;Gen 13:13 Sodom kho mite chu a-engseuvin, Pakai dounan achonseuve.Gen 13:14 Lot’in adalhah nungin Pakaiyin Abram jah a, “Nadin mun laitah a konin najet navei, sah lelhang vegolsoh keiyin;Gen 13:15 gam hitepi nang le nason napah kapeh ding, tonsot’a nagamu hiding ahi.Gen 13:16 Nason nachilhah hapuna kapunsah ding, tam behseh jenguva leivui jat pha diu koiman asimjou lou ding ahi!Gen 13:17 Keiman agam pumpia kapeh tah ding jeh-in, kipatdoh-in abonchan gakholsoh keiyin,” ati.Gen 13:18 Chuphat’in Abram jong achen, Hebron aMamre thingphung theng ho koma chun apansan,hikoma chun Pakai din maicham khat asemtai.Gen 14:1 Hiche la i hin Babylon lengpa Amraphel le Ellasar lengpa Arioch, Elam lengpaChedorlaomer le Goiim lengpa TidalGen 14:2 akon’uvin Sodom lengpa Bera le Gomorrah lengpa Birsha, Admah lengpa Shinah le Zeboiimlengpa Shemeber chule Bela ahiloule Boar lengpa chunga gal agabol tauve.Gen 14:3 Tulaiya Twikhanglen thisa, Siddim phaichama hiche leng nga ho hi anapangkhom’uve.Gen 14:4 Kum som le ni sungin leng nga ho hi Chedorlaomer lengpa noiya alut lo tauvin, nah nah-inkum som le thum kumin ahindou pan thei bep’ui.Gen 14:5 Ahinla kum som le li lhin kumin Chedorlaomer le apanpi leng ho ahung kon’uvin, AshterothKarnaim a Rephaim mite ajouvun, Ham mun’a Zuzim mite ajouvun, Kiriathaim phaiya Emim miteajouvun,

Gen 14:6 Edom molsang lhanga Hor mite ajouvun, nelgam pamchin a Elparan geiyin agadeljampeh-uve.Gen 14:7 Chua konin ahung kile kit’uvin, masanga ‘Enmishpat’ kiti, tulai Kadesh mun a khunahunguve. Hikoma hin Hazazon Tamar a cheng, Amor mite le Amalek mite ajouvun agam pumpialauve.Gen 14:8 Hichun Sodom le Gomorrah, Admah, Zeboiim chule Bela leng ho akikhom’un Siddimphaiya galbol din akigotauve.Gen 14:9 Leng nga hin Elam le Goiim, Babylon, Ellasar-leng li dou din agouve.Gen 14:10 Siddim phai hi bon-ngan bol adimset’in, Sodom le Gomorrah lengpa galmun’a kona ajamlhon le bolsunga alha lut lhontan, leng dang thum vang chu molsang lama ajamdoh tauve. “Gen 14:11 Leng li hon Sodom le Gomorrah khopi sunga thilkeo ijakai, anneh geiyin akichom’unachetauve.Gen 14:12 Amahon Sodom khoa cheng,Abram sopipa chapa, Lot jong gal-hingin akaiyun, athilkeojouse jong akipoh thauve.Gen 14:13 Gal’a hung jamdoh mi khat’in thilsoh chengse hi Hebrew mi Abram jah a ahung seitai.Hichepet hin Abram hiAmor mi Mamre thingphung theng ho koma anachenge. Mamre’n sopi Eshcolle Aner aneiyin-Abram to pangkhom cheh ahiuve.Gen 14:14 Asopipa chapa min gal-hinga akaimang jeng ajah phat’in Abramin ainsung mi galbol theicheh akhop le, jathum le som le get alhingun, ama lamkai nan leng li ho chu Dan geiyin agadel peh-ui.Gen 14:15 Abramin asepaite chu aloi loiyin ahomkhenin, agalte chu janlaiyin anokhumin ajoutai,chule Damascus sah lam, Hobah geiyin agadel jampeh-uve.Gen 14:16 Abramin asopipa chapa Lot le numei chapang jouse ahin puiyin, athilkeo anei agouchengse le athil chomdoh-u abonchan ahin nungpoh kit ’e.Gen 14:17 Chedorlaomer le leng dang ho agajoa ahung kile kit chun ‘lengpa phaicham’ kisah Shavehphaiya Sodom lengpan Abram analamtoi.Gen 14:18 Chule Pathen Chungnungpen Thempupa, Salem lengpa Melchizedek chunAbram dinchanglhah le lengpitwi ahinchoipeh-in,Gen 14:19 phatthei boh nan ajah a, “Van le leiset sem, Chungnungpen Pathenin Abram phatthei bohhen!Gen 14:20 Nagalte josah Chungnungpen Pathen chu vahchoiyin um hen!” ati. Abramin athil chomdohjat hopsom a hop khat cheh Melchizedek apei.Gen 14:21 Sodom lengpan Abram henga, “Nathil chomdoh chengse chang denin lang, kamite vangneipen,” tin athum’e.Gen 14:22 Sodom lengpa jah a Abramin, “Van le leiset sem, Chungnungpen Pathen, Pakai angsungakhut tunga kihahselsa kahi,Gen 14:23 ‘Abram kahaosah-e,’ nati louna din, patse jang cha hihen, kengchot khao jang cha hijongle,nang thil pou pou laponge.Gen 14:24 Gollhang ho nehdoh le kalhonpi ho lahdoh tilou adang ima ding katipoi; kapanpi Aner leEshcol chule Mamre’n vang achan ding dol kilah cheh-uhen,” ati.Gen 15:1 Hicheng nung hin Abramin mu aneipet’in Pakaiyin ajah a, “Kicha hih-in Abram, nang dialum a kisung kahin, kipaman tampi namu tei ding ahi,” ati.Gen 15:2 Abramin, “Thaneitah Pakai, cha le nao neilou kei tobang dinga kipaman chu ijajongphachom ding ham? Kagou jeng jong hi Damascus khoa Eliezerin alo ding dan ahibouve.Gen 15:3 Cha la neihinsah pon, kasohte khat hin kanei le kagou jouse alo ding ahitai,” ati.Gen 15:4 Hichun Pakaiyin ajah a, “Hiche soh Eliezer khun nanei nagou alo louhel ding, nachapamong mongin nagou alo ding ahinai,” ati.Gen 15:5 Pakaiyin inpo lama apuidoh-in, “Van a ahsite khu gahsim gotemin; nason nachilhah jonghijat khu hung pha diu ahi,” ati.Gen 15:6 Hichea khen beihel’a Abramin Pakai atahsan jeh chun, Pakai alung lhaiyin, them achansahtai.Gen 15:7 Pakaiyin Abram jah a, “Babylon gam Ur khopia pat hinpuiya hiche gam nape goa Pakai chuKeima kahi,” ati.Gen 15:8 Abramin, “Thaneitah Pakai, hiche gam keiya ahiding chu iti kahet ding ham?” tin adonge.

Gen 15:9 Adonbut nan Pakaiyin, “Kumthum Ihingsa cheh bongla khat le kel la khat chule kelngoi chalkhat hinkaiyin, chule vakhu khat le vapal khat hinchoiyin hungin,” ati.Gen 15:10 Abramin gancha ho chu Pathen henga din ahinkaikhomin, athat’in ahapsat cheh-in, ahaplangton ajamin, vachate ni vang chu asemkeh poi.Gen 15:11 Sa ho chu muthongten ahinvel tengu Abramin adeldohjie.Gen 15:12 Nisa lhumsuh lamin Abram nguijen juntah-in a-ihmutsoh tan, chule tijat umtah muthimlhangkhal’in ahinjin khumtai.Gen 15:13 Chutah-in Pakaiyin Abram jah a, “Nason nachilhahte gam hi loubeh, kholgam khat’akhopem diu, gasoh changuva kum ja li sunga min genthei hesoh tah a abolgim diu ahi.Gen 15:14 Nachilhah ho soh a vul nam mite chu ken talen kapeh a, nachilhah hon nei le gou tampikipoh a migam chu adalhah diu ahi.Gen 15:15 Nangin hinkho nomtah naman’a, nateh thia kivui ding, napu napate heng najot ding ahi.Gen 15:16 Nachilhahte hi khangli channa a hikoma hung kile kit diu ahi; ajeh chu tuchan geiyin Amormite gitlouna akichai hih laiye,” ati.Gen 15:17 Nisa lhum khojin phat’in meikhu bel sung khat’a mei alleng lungin akiton, hiche chuphotlot louvin sahap kisat ho kah a chun ahung lengjap jengin ahi.Gen 15:18 Hiche nikho hin hikoma chun Pakaiyin Abram to kitepna asemin, “Keiman nasonnachilhahte chu hiche gam, Egypt gamgia pat Euphrates luipi dung gei,Gen 15:19 Ken mite gam jouse pum, Keniz mite gam gei le Kadmon mite gam puma,Gen 15:20 Hit mite gam jong, Periz te gam, Rephaimte gam,Gen 15:21 Amor mite gam gei, Canaan mite gam, Girgash mite gam le Jebus mite gam jouse pumakapeh dia kitep kahitai,” ati.Gen 16:1 Abram jinu Saraiyin cha ahinpeh tapon, ahin Sarai hin Egypt numei Hagar chu soh-inanavul’e.Gen 16:2 Hijeh chun Abram jah a, “Keila Pakaiyin cha neilouvin eikoitan, cha eihinpeh khat leh,kasoh nu-ngah khutoh galumkhomin,” ati. Sarai sei chuAbram anomtai.Gen 16:3 Hiti hin Saraiyin asohnu Hagar chu Abram thaikem din apetai. Hiche hi Abram kum som jenCanaan gama- achen nunga thilsoh ahi.Gen 16:4 Abramin Hagar agaluppi le amanu agaitai. Hagarin agai akihet phat’in akiletsah-in Saraianoise boltan ahi.Gen 16:5 Chuphat’in Saraiyin Abram jah a, “Hibanga eikinoisena gu hi nachunga chuhen! Kenbanakikoipi din kasohnu kapen, aman agai akihet phat’in eihiti noisetai. Koijoh moa dih am Pakaiyinikah lhona thu hintan jeng hen!” ati.Gen 16:6 Abramin la Sarai jah a, “Nakhut’a um nasohnu hichu me, nadei deiyin bol jeng tang-em,”atipeh-e. Hijeh chun Saraiyin Hagar chu thohda daa abolgim leh, ajammanglo tai.Gen 16:7 Shur jotna lampia twisam phung khat’a Pakaiya kon Vantil khat’in Hagar akimupin,Gen 16:8 ajah a, “Sarai sohnu Hagar, hoiya kona hoilam jon ding nahim?” tin adonge. Hagarin, “KapiSarai dalha hung jam kahi,” ati.Gen 16:9 Vantil chun, “Napi henga kile kit ’in asoh-in gapang kittan,” ati.Gen 16:10 Pakaiya kon Vantil’in Hagar jah a hitin jong aseiye, “Keiman koima cha simsen lou son lepah kapeh ding nahi.Gen 16:11 Chapa khat nahin ding ahin, hesoh a nataona Pakaiyin asanjeh a amin Ishmael nasah dingahi.Gen 16:12 Nachapa vang chu gamsa-ngan ngol’a ngol ding, mitin adouva, mi jousen ama aledou diu;ainsung mite to kikhena chang chen ding ahi,” ati.Gen 16:13 Hagarin ajah a thusei Pakai chu aminin akouvin, “Mi mudoh thei Pathen nahi,” ati. Ajehchu, “Tahbeh monga ken Pathen kamua ahivanga hing nalai kahim?” ati.Gen 16:14 Hijeh a hi mihon Kadesh le Bered kikah a twikul chu, “Eimudoh a Hing jing Pa twikul,”atiu ahi.Gen 16:15 Hagarin Abram chapa khat ahinpeh-in, Ishmael asah-e.Gen 16:16 Hichepet hin Abram kum somget le gup alhingtai.Gen 17:1 Abram kum somko le ko alhinin ahenga Pakai ahung kilah-in ajah a, “Keima HatchungnungPathen kahi, kathun nungin thildih bol’in.

Gen 17:2 Nangto Kitepna kasema, nachilhah hapuna kapunsah ding ahi,” ati.Gen 17:3 HichunAbram tol’a abohkhup jengle, Pathenin ahenga,Gen 17:4 “Hiche hi nahenga kakitepna ahi: Chitin namtin penna pa nahi ding;Gen 17:5 namin jeng jong Abram hitalouva Abraham hiding ahi, ajeh chu chitin namtin penna paakasem nahi.Gen 17:6 Nachilhah mihem hapuna kapunsah a, abang bang jong leng le la l hung chang diu, nasonnapah tam behseh jenga nam lentah tah hungsoh diu ahi.Gen 17:7 “Nang le khonung geiya nachilhahte, akhang khanga, tonsot geiya kakitepna chu kanit jingding ahi. Nang Pathen jong kahiya, nachilhahte Pathen jong kahi ding ahi.Gen 17:8 Tua nakhopemna gamsung hi nang le nachilhahte kapeh ding; Canaan gam pumpi hinachilhah mite changuva, tonsot geiya apua pang diu, chule Keima a-Pathenu kahi ding ahi,” ati.Gen 17:9 Abraham jah a Pathenin, “Nahenga kakitepna hi nang nahin, khonunga nachilhah hohijongle nanit soh kei diu ahi.Gen 17:10 Nang le nachilhah ten nalah-uva pasal jouse chep natan cheh diu ahi.Gen 17:11 I-kah lhon a kitepna het jingna dia nangin chep natan ding,Gen 17:12 nakhang lhumkeiyuva, nachilhah insunga pengden mong hihen, suma kicho soh-midanghijongle, pasal jouse chu niget lhin nia chep natan cheh diu ahi.Gen 17:13 Insung pengden hihen soh a kicho hijongle pasal jouse chep natan diu ahi. Hitia hikakitepna chu natahsa vuna naput’uva, tonsot’a um jing jeng ding ahi.Gen 17:14 Keito kitepna sukeh a chep tanlou pasal koi hileh kamite lah a kisimtha louhel ding ahi,” ati.

Gen 17:15 Abraham jah a Pathenin, “Najinu min Sarai tilouva, tukal Sarah natijoh ding ahitai.Gen 17:16 Ama hi ken phatthei boh ing ting, chapa khat nahinpeh ding ahi. Ama phatthei kaboh teng,chitin namtin penna nu hung hiding, chule achilhahte lah a leng le lal jong hung pengdoh ding ahi,” ati.

Gen 17:17 Abraham tol’a aboh khup’in, “Kum jakhat lhingsa pasal’in cha anei mong ding hiya, kumsomko nunga Sarah-in cha anei thei mong ding ham?” tia agel le, amoh nuijat lo tai.Gen 17:18 Abrahamin Pathen koma, “Ishmael chu kagou nalosah jengle iti-am?” ati.Gen 17:19 Ahinla Pathenin, “Ahipoi. Najinu Sarah hin chapa khat nahinpeh tei tei ding, amin Isaacnasah ding ahi. Kakitepna chu ama le achilhahte dinga, tonsot geiya kanit jing ding ahi. Hichu kitepnaguitan mo ahi.Gen 17:20 Ishmael ding nasei jong kahenai, phatthei kaboh a cha le nao son le pah tampi kapeh ding,lengvai pothei cheh pasal som le ni ahin ding, achilhah mite nam lentah kaso ding ahi.Gen 17:21 Ahinla khovei tulai phat’a Sarah-in ahinding nachapa Isaac chunga bou kakitepnakaphudoh ding ahi,” ati.Gen 17:22 Abraham jah a thu aseisoh phat’in Pathen chu akaltoutai.Gen 17:23 Abrahamin Pathen thusei anit’in, achapa Ishmael le a-insung mi pasal jouse, a-insungapengden hihen suma achoh ho hijongle, soh pasal geiyin, hiche nikho le le chun chep atanpeh sohkeiye.Gen 17:24 Chep akitan chun Abraham kum somko le ko alhingtai,Gen 17:25 achapa Ishmael kumsom le thum alhinge.Gen 17:26 Anilhonin nikhat’in chep akitan lhonin,Gen 17:27 Abraham soh pasal jouse jong ahiuve.Gen 18:1 Mamre thingphung theng mun achenna a, nisa hahsat jeh a ponbuh kotphungbul’a atoupet’inAbraham henga Pakai ahung kilah-in,Gen 18:2 Abraham akhodaa agahvet leh, pasal thum anadinguve. Amu mun alamdot din alhaidohpaiye. Tol’a aboh khup’in,Gen 18:3 “Kapu, nang jen dia hikoma ki-uma, ka-in hopa louvin neijot pai hih beh-in.Gen 18:4 Nakeng sopna diu twi hindom ing ting, hikom thingphung noiya hin kicholdo’uvin.Gen 18:5 Ka-in hinhopa ngal tauva, ikhat beh jong bolpeh ung ting, najin nauva natha nei theinadiuvin an kamkhat beh jong nehsah unge,” ati. Miho chun, “Kipa aume, naseibangin hinboltan,” atiuve.

Gen 18:6 Lungkin tah-in Abraham ponbuh sunga alut’in Sarah jah a, “Nachangbong neldi phapen

dip’a konin atena thum tedoh-in, changlhah phabep hinkang loi temin,” agatin;Gen 18:7 chuin bonghon lah a alut’in, bongnou hoisel athao khat amanin, sohpa khat apen, aman jongathat’in ahon min loitai.Gen 18:8 Abrahamin bongnoi le theilhum kihal, bongnoi twi chule bongnousa minsa chutohahindomin, miho angsunga aluiyin, thingphung noiya chun aneh laiseuvin amatah ajenlen apange.Gen 18:9 Amahon Abraham jah a, “Najinu Sarah la?” atiuleh; aman, “Ponbuh sunga khun aum nai,”ati.Gen 18:10 Jinpan, “Khovei tulai phat, nahenga kahung kit teng le najinu Sarah-in chapa khat ahindingahi,” ati. Anung, ponbuh kotphunga chu Sarah uma angai lhih ahi.Gen 18:11 Abraham le Sarah ateh lheh lhontan, Sarah chu athinei jong atangtai.Gen 18:12 Hichun Sarah-in Alungthimin, “Teh nung voi nunga kitimatna kinei jongle anopje jongumlou ding, kajipa jong tehse voisa hilou haimo?” ati.Gen 18:13 Hichun Pakaiyin Abraham jah a, “I-bol’a Sarah nuiya, ‘Teh nung voi nunga cha kaneibehding hinam?’ ati ham?Gen 18:14 Pakai dia ipi ahahsa um am? Kaseisa banga khovei tulai phat le kahung teng Sarah-in chapakhat ahin ding ahi,” ati.Gen 18:15 Chuphat’in Sarah akichan akilep’in, “Nuibon kinui louva,” ati. Ahinla Pakaiyin, “Ahipoi,nanui nai,” ati.Gen 18:16 Amaho akipatdoh-un Sodom khopi gah vetsuh theina mun khat ajon’uve; Abraham jongalhadoh diuvin amaho akilhonpi.Gen 18:17 Pakaiyin, “Kathil bolgot hi Abraham impehda tange.Gen 18:18 Ajeh chu ason achilhah mite nam hattah le nasatah hung hiya, amajeh a chitin namtin kenphatthei boh ngal ding chu.Gen 18:19 Acha anao, ason achilhah miten kathu angaiyuva thildih le akitoh abol theina diuva hildinga ama kilhengta. Achilhahten kathu angaiyu le ken kathutep aboncha kabolpeh ding ahi,” ati.Gen 18:20 Hiti chunAbraham jah a Pakaiyin, “Sodom le Gomorrah dounan thuse akihasei behseh tan,achonset nau jong aval thanghoitai.Gen 18:21 Chesuh ing ting aset nau kisei chengse atah ajou gapho chen tange,” ati.Gen 18:22 Mi nin chukom adalhan Sodom lang ajon lhontai; Pakaiyin vang Abraham aumpi.Gen 18:23 HichunAbrahamin Pakai anailut’in ajah a, “Mona beiho chu chonsete toh nasuhgam thatahbah ding ham?Gen 18:24 Ijemtin khopia khun themmona bei mihem somnga um jongle akho pumpin nasugam nahnah dem? Mihem som nga huhdohna khopi chu nahinghoi lou ding ham?Gen 18:25 Nangin midih le migilou kibanga nabol’a nathagel ding, akikhetna beiya nabol ding vangbolda hel le chun kadeiye! Leiset pumpi thutan Pan adih a atan lou ding ham?” ati.Gen 18:26 Pakaiyin, “Sodom khopia themmona bei mihem som nga bang kamudoh joule, amaho ja l’akho pumpi kahinghoi ding ahi,” ati.Gen 18:27 Abrahamin asei kit ’in “Pakai, imacha lou, leivui le meivam bep ken ngamtah a nahenga thukaseijom kit ding’ jeh-in nei-ngaidamin.Gen 18:28 Khosunga chun themmona bei mihem som nga lhing le l hen som li le nga seh umta leh,midih nga lhahsam jeh chun kho pumpi nasugam jeng dem?” ati. Pakaiyin, “Midih som li le ngakamudoh le khopi chu sugam ponge,” tin adonbut’e.Gen 18:29 Abrahamin, “Ijemtin som li seh hile la?” tin adonge. Pakaiyin, “Som li seh um jongle khopichu sumang ponge,” ati.Gen 18:30 Abrahamin, “Pakai, lung himo hih beh-in, kasei kit nom’e. Ijemtin somthum seh seh umtaleh?” ati. Pakaiyin, “Somthum jeng kamu jongle bolda tange,” ati.Gen 18:31 Abrahamin, “Pakai, imacha lou, leivui le meivam bep ken ngamtah a nahenga thu kaseijomkit ding jeh-in nei-ngaidamin. Ijemtin midih som ni seh bou umta leh?” tin adong kitleuve. Pakaiyin,“Som ni seh kamudoh jongle khopi chu sumang ponge,” ati.Gen 18:32 Abrahamin, “Lung hang hih beh-in Pakai, khatvei seh bou gah sei kit tading’e. Midih somkhatseh bou kimudoh le la?” ati. Pakaiyin, “Midih som khatseh um jongle sumang ponge,” ati.Gen 18:33 Abraham to akihou jouvin Pakai chu achemangtai, chule Abraham jong in lama ahung kiletan ahi.

Gen 19:1 Vantil te ni chu Sodom khopia ahung lhun lhon le Lot chu khopi kelkot phunga anatouve.Amani amu phat’in Lot chun agalamtoi. A-ang sung lhona aboh khup’in,Gen 19:2 “Pu te ni, hikoma nangni kinbol dia umah kahi; ka-in a hung lhung lhonin. Keng kisil lhoninnatin nage khovah thei lhon ahi. Jingpi tah-in thou lhonin natin chepai lhon nan nate,” ati. Amani adan,“Ahipoi, kholai dunga geh khovah lhon tange,” ati lhontai.Gen 19:3 Lot’in amani chu ahajolten phat’in anom lhonin, Lot in lam ajontauve. Maljin te ni dingachanglhah kanpeh a anneh tuitah sempeh din Lot’in alhacha ho asol’in ahi. Lhachahon neh asem jouphat’uvin an anetauve.Gen 19:4 Maljin te nin lupna ajot masangin, khopi sung mihon in chu ahin-umtauve. In umho lah akhosung gollhang upa apang soh keiyuve.Gen 19:5 Amahon Lot ahinkouvun, “Tujan na-in a geh dia hung te ni chu hoiya um lhon tam?Hinpuidoh loiyin, numei bol’a kabol diu ahi!” tin asamtauve.Gen 19:6 Lot apotdoh-in kotpi anungkhan,Gen 19:7 miho jah a, “Golle paite, hitobang lom hin khang gilou hih beh-uvin!Gen 19:8 Veuvin, pasalto kitimat louhel la i chanu ni kaneiyin, anin hinpuidoh peh-uving ting nanopnop’in bol jengun, maljin te ni vang imacha lodauvin, ka-in a hung lhung kamaljin ahilhon bouve,” ati.Gen 19:9 Ahinla amahon ahoh lhauvin, “Nei ot’un khopempa! I-tobang mi nahiya keiho toh dingneihil leu ham? Nei ot’uvin, ajo le amani sanga melse cheh a nang kabol lo diu ahi,” ati tauve. Hiti hinLot chu anung sot’un, kotpi phung phujal ding akigotauve.Gen 19:10 Chuphat’in insunga um te nin Lot chu akailut loi lhonin, kotpi akhah lhontai.Gen 19:11 Kotphunga um mi alen aneo abonchauva Vantil te nin amit’u achotsah lhon leh, suhna dinghelouvin akimaitho gamtauvin ahi.Gen 19:12 Mi te nin Lot jah a, “Hiche khosunga hi heng le kom-chanu chapa, tu le cha-adang koi koinanei nah laiyam? Abonchauvin puidoh loiyin;Gen 19:13 ajeh chu hiche mun hi kasuh mang lhon ding ahitai. Hiche miho dounaa thuse melse tahkisei chengse chu Pakaiyin ajadoh tan, hijeh a chu Sodom sumang dia eihinsol lhon ahi,” ati lhone.Gen 19:14 Chuphat’in achanu te ni toh kitepsa pasalte henga Lot achen, “Kipat’un hikoma koninjamdoh loiyun; mun hi Pakaiyin asuhmang ding ahitai,” agati. Ahinla amanin atot danin anagel lhon’e.Gen 19:15 Jingkah khovah lhah-in Vantil te nin Lot anoloi lhonin, “Khopi hitoh nakisuh mang thalouna diuvin, nachanu te ni le najinu kipuiyin jamdoh loiyun,” ati lhon’e.Gen 19:16 Lot akinomsot nah la i vangin, Pakaiyin akhohsah jeh-in, Vantil te nin akhut’in akai lhonin,ajinu le achanu te ni pumin khopi pamlama alhoh doh lhontai.Gen 19:17 HichunVantil khat chun, “Nathi louna diuvin jamdoh loiyun! Kinung hei hih-un, phaichamdunga jong kibangpa hih hel’uvin, thinglhang gam a jamlut’uvin,” ati.Gen 19:18 Lot’in adonbut’in, “Ahipoi kapu, thing lhang lama neisol dauvin.Gen 19:19 Khohsah tah a kahinkho bon huhhing ta, thing lhang lam agamla behseh-in, kalhunmasanga manthah nan eihin lap den’a kathi den ding ahibouve.Gen 19:20 Ven hiche khopi khu, naicha bou ahi, hikoma khun neijamlut sah-in, khopi neocha ahivangahoidohna thei ahinai,” ati.Gen 19:21 Vantil chun, “Aphai, hiche khopi khu suhmangda tange.Gen 19:22 Man-gangin! Lhaiyin! Khukom nalhun ma imacha kabol thei lou ding ahi,” atipeh-e. Khopineo tinaa amin Zoar kisah ahitai.Gen 19:23 Lot Zoar kho alhunin nisa ahung soh tai,Gen 19:24 Phot lot louvin van a Pakaiya konin, Sodom le Gomorrah chunga Pakaiyin Kath le meikonggoju bangin ajuhsah-in,Gen 19:25 phaicham pumpi le khopi te ni, asunga cheng mihem jouse le tol’a keh thingna louna jousegeiyin asugamhel tai.Gen 19:26 Hichun Lot jinu agah kinunghei leh, chilhang asoh-in, songkhom bangin akitungdentai.Gen 19:27 Jingkah matah-in Abraham alhaijel’in, Pakai masanga anadin na muna chun agadingin,Gen 19:28 Sodom le Gomorrah gamkaise se agah vetsuh patep leh, hol kilhut khu bangin meikhuahung kitungdoh jen jun jengtai.Gen 19:29 Pathenin Lot chenna, phaicham a khopi te ni asuhmang jeng vangin Abraham agel khohjeh-in Lot chu ahindohna thei muna ajamdohsah nai.

Gen 19:30 Zoar khoa chenden ding akichan, achanu te ni toh Lot thing lhang gama acheuvin songkosung khat’a achengtauve.Gen 19:31 Lot cha au-nun anao nu jah a, “I-pa la atehtan, hiche gamsunga eini kichenpi ding pasaldang jong aumpon,Gen 19:32 i-pa hi ju donkhamsah hitin, luppia chi khaipeh din bol hite,” atin;Gen 19:33 hiche jan chun ju adonkhamsah lhonin, au-nun apa akitimatpi leh, ju akham behseh jeh-inapan ima abollam ahephapoi.Gen 19:34 Ajingin au-nun anaonu jah a, “Jan nilhah-in i-pa to kalumkhomtan, tujan jong judonkhamsah hitin, nangin galuppin; chuti leh i-pa to cha inei cheh lhon ding ahi,” ati.Gen 19:35 Hijeh chun chuche janin jong apa ju adonkhamsah kit lhonin, acha neojo nun apa aluppinakitimatpi tai. Apa ju akham behseh jeh-in ima abollam ahephapoi.Gen 19:36 Hiti hin Lot chanu te nin apaa konin nao avop gel lhontai.Gen 19:37 Au-nun chapa khat ahingin amin Moab asah-e. Moab hi tulai Moab mite penna pului anahi.Gen 19:38 Anao nun jong chapa khat ahingin amin Benammin asah-e. Ama hi tulaiya Ammon mitepenna pului anahi.Gen 20:1 Hichea kon hin Abrahamin Canaan lhanglam gam ajonsuh-in, Kadesh le Shur kikah aachengtai. Khonunga Gerar a achenlaiyin,Gen 20:2 Abrahamin ajinu Sarah chu anao nun alep ’in, hijeh chun Gerar lengpa Abimelech chunSarah hi aji din anapui man’e.Gen 20:3 Jan khat Abimelech mangin Pathen ahung kilah-in, “Nangin mi jisa hiche numei hi nakipuijeh a nathi tei tei ding ahi,” ati.Gen 20:4 Abimelech vang chu Sarah koma analut kha loulai ahinai; hijeh chun aman, “Pakai, nanginthemmona bei miho jong natha jeng ding ham?Gen 20:5 Abraham jengin jong anaonua aseiya chule aman jong chutimaa asei ahi. Hijeh a chu lungthengsel’a kabol’a, thil dihmo kabol loulai ahi,” ati.Gen 20:6 Amangin Abimelech chu Pathenin adonbut’in, “Adih-e, lung thengsel’a nabol ahi kahenai;hijeh a chu kadoumah ten chonsetna chu bolsah louva, tugeiya hiche nu hi tongkha louva kakoi nahi.Gen 20:7 Tun vang ama hi ajipa nungpeh tan. Hichepa khu Themgao ahin, aman nataopeh teng thitapon nate. Nanungpeh lou vangle, kagih dim demsa nahi, nang jong namiten jong nathilo tei tei diuahi,” ati.Gen 20:8 Ajing jingkah matah-in Abimelech chun alhacha chengse akoukhomin thilsoh jouseabonchan aseipeh leh, akinlih leu jengui.Gen 20:9 Hijeh chun Abimelech-in Abraham akouvin, “I-neilou ham? Ipi adih louva kabolpeh khah akei le kalenggam chunga hitobang manthahna hi nahinpoh lut jeng ham? Eikibolna louhel ding khat’aneibol ahi.Gen 20:10 Idinga hita chu neibol mong mong ham?” tin adongtai.Gen 20:11 Abrahamin adonbut’in, “Hikoma Pathen tahsan mi aum dingla kagel loujeh a kajinudeichatnan eitha louvinte kati ahi.Gen 20:12 Atah beh a jong ama hi kasopi ahinai. Kanu hin mong ahilou vangin kapa chanu ahin, jiakanei jeng ahibouve.Gen 20:13 Hijeh a chu Pathenin kapa insung dalhaa gam choma eihinsoldoh a pat, ‘Nei ngailut photchetnan mi jouse henga nasopin neiseiyin’ tia kahilsa mong jong anahi,” ati.Gen 20:14 Abimelech-in Sarah chuAbraham anungpeh-in, kelngoi le gancha dang chule soh te jongapeh thai.Gen 20:15 Abraham jah a, “Ven, namuphah chan hi kei gamsung ahi, nadei la i laiya chengin,” ati.Gen 20:16 Sarah jah a Abimelech chun, “Ven, nasopipa dangka sang khat kapen, hiche hi nakoma umchengse mitmua jum ong huhna kapeh ahin, japi angsunga them nakichan ahitai,” ati.Gen 20:17 Chuphat’in Abrahamin Pathen henga ataopeh le, Abimelech le ajinu adamsah-in, soh numeiho geiyin adamsah-in amahon cha ahingtauve.Gen 20:18 Ijeh-inem itile Abraham jinu Sarah jal’a Abimelech insung numei jouse chu Patheninchahingmoa anakoi ahi.Gen 21:1 Sarah chu ateppehsa bangin Pakaiyin phatthei ahungboh-in,Gen 21:2 Abraham ateh nungin Sarah agaiyin chapa khat ahinpeh tai. Achapa chu Pathenin ateppeh

dontah a chu hung peng ahi.Gen 21:3 Abrahamin amin Isaac asah-in,Gen 21:4 Pathen seibangin apenjou niget lhin nin Abrahamin achapa Isaac chu chep atanpeh-e.Gen 21:5 Isaac pen chunAbraham kum jakhat alhingtai.Gen 21:6 Sarah-in, “Pathenin eikipasah a einuisah ahitan, ajapha chan nuiya eikipapi ding ahitai,” ati.Gen 21:7 Aman, “Sarah hin cha le nao hinga nao noi chepsah dia koipenin Abraham anaseipeh ngamdem? Ahinla atehset nungin keiman Abraham chapa khat kahinpeh tai,” tin jong aseiye.Gen 21:8 Isaac akhandoh a noichep aban phat’in Abrahamin naolop golvah loupi tah abol’e.Gen 21:9 Nikhat Egypt numei Hagar chapa Ishmael le Sarah chapa Isaac akichem lhon’e.Gen 21:10 Akichep lhon aven Sarah-in Abraham jah a, “Sohnu le achapa hi solmang tan. Sohnu chapahi kachapa Isaac chan ding nagou halcha jong chang theiponte,” ati.Gen 21:11 Ishmael jong achapa ahijeh-in Abraham din Sarah thusei hi anommo lheh-e.Gen 21:12 Ahinla Pathenin Abraham jah a, “Sohnu le achapa din lung gimdan. Sarah sei sei chu boltan,Isaac a kona nachilhah kisimjo ding ahibouve.Gen 21:13 Nacha ahijeh chun sohnu chapa konin jong nam khat semdoh nange,” ati.Gen 21:14 Jingpi tah-in Abraham athouvin changlhah alan, twipaiya twi akhumin Hagar apen, achapaakipohsah-in asolmangtai. Hagar achen Beersheba gamthip laiya avah le lei.Gen 21:15 Twipaiya twi adon jou lhon phat’in Hagarin Ishmael chu hampa nang noiya aleh lut ’in,Gen 21:16 metre jakhat jen gamlan ache paiyin, atouvin, “Kanao thi ding kave ngampoi!” ati.Hichepet tah chun anao chu ahung kaptai.Gen 21:17 Nao kagin chu Pathenin ajan, Pathena kon Vantil’in Hagar jah a, “Hagar, i-bol’a lung gimnahim? Kicha hih-in, nao kagin chu Pathenin ajatai.Gen 21:18 Chen lang nao khu gadomin, kipomin lhembi loiyin, keiman ama chilhah a kona namlentah kasemdoh ding ahi,” ati.Gen 21:19 Pathenin Hagar mit ahasah leh, aman twikul khat amudoh paiyin, achen savun twipai dimintwi agathal’in, nao chu themkhat adonsah tai.Gen 21:20 Nao chu akhangtou touvin, Pathenin akivoppi jinge, Paran gamthip noi jenga apansan,sadel themtah ahin,Gen 21:21 anun Egypt numei khat jin apuipehtai.Gen 21:22 Hichelai hin Abimelech asepai lamkaipa Phicol toh Abraham henga achen, “Nang hinatohna chan a Pathenin napanpi.Gen 21:23 Khopema nahung chenna hiche gamsunga kei le kachate, kason kalhah chengse chungahepina neiya naum’a, ken kabolna bang banga nabol’a neijou bol louhelna din Pathen maiya kitepmasan,” ati.Gen 21:24 Abrahamin, “Kakitep’e,” ati.Gen 21:25 Twikhuh khat asohten alahpeh jeh-un Abimelech henga Abraham akiphin le,Gen 21:26 Abimelech-in, “Twikhuh lahpeh a chu koipen hiuvam kahe hih beh-e. Seila neiseipeh pon,tua chubou kajah ahi nalaiye,” ati.Gen 21:27 Hichea hin Abrahamin kelngoi phabep le bongchal phabep Abimelech apen, kinoptonaasemdoh lhontai.Gen 21:28 Abrahamin akelngoi lah a konin kelngoi sagi agahoidoh leh,Gen 21:29 Abimelech chun, “Idia nagahoi khen ham?” tin adonge.Gen 21:30 Abrahamin, “Hiche twikhuh hi kei semsa ahi nanop phot chet nan hiche kelngoi sagi hikilah-in,” ati.Gen 21:31 Hikoma chu ama nin kitepna anasem lhonjeh a Beersheba kisah ahi.Gen 21:32 Hitobang kihoutohna asem chai phat’un Abimelech le Phicol Philistine gama akilekitlhontai.Gen 21:33 Beersheba muna chunAbrahamin chah thing khat aphut’in, Pakai tonsot Pathen hengaataove.Gen 21:34 Philistine gamsunga sottah Abraham akhopem dentai.Gen 22:1 Phat chom khat nungin Pathenin Abraham apatep’in ajah a, “Abraham!” tin akouve. Aman,“Hikoma ka-um’e!” tin ahouve.Gen 22:2 Pathenin, “Na-ngailut tah nachapa chang khatseh Isaac chu Moriah gama puiyin, kahinko

peh ding molsang khatpen pen chunga pumgo thilto kilhai nan ganeitan,” ati.Gen 22:3 Ajing jingpi tah-in Abraham athouvin, pumgo thiltoa manchah din thing achomin sanganapohsah-in, alhacha mi ni toh Isaac apuiyun, Pathenin aseipehna mun jonin achetauve.Gen 22:4 Nithumjen ajot nungun Abrahamin ajot nau mun chu gamla tah-in agah mupha bep nalaiye.Gen 22:5 Lhachate ni jah a Abrahamin, “Hikoma sangan anaumpi lhonin, kei le boipu hilampeh akhun gatao lhon ing ting, nahenguva hung kit lhon nange,” ati.Gen 22:6 Pumgo thiltoa tiding thinglom chu Abrahamin Isaac aputsah-in, meicho na ding song meiholle chemcha aman achoiye. Achepet lhon hinGen 22:7 Isaac-in, “Hepa!” atileh; aman, ‘I-ham kanao?” ati. Isaac-in, “Hepa, meicho na ding songmeihol le tiding thinglomla aumtan, kilhaina ding kelngoi hoiba ham?” ati.Gen 22:8 Abrahamin, “Pathenin kelngoi hin ki-ngaito nante,” atin, akijotpai lhontai.Gen 22:9 Pathenin akopehna mun alhun lhon phat’in, Abrahamin maicham khat asemin, maichamchunga thinglom agolchan akoiyin, Isaac akantumin, maicham chunga thinglom chunga chunalupsah-e.Gen 22:10 Hichun chemcha asatdoh-in achapa tha din agotai.Gen 22:11 Vana Pakaiya hungkon Vantil chun, “Abraham, Abraham!” tin ahinsamtai. Abrahamin,“Hikoma ka-um’e!” tin ahouve.Gen 22:12 Vantil chun, “Chapang chu ima lodan, supop hih beh-in, Pathen nagin jeh a nachapa changkhatseh tha na dia jong khut kih louva napan kahetai,” ati.Gen 22:13 Abraham akiheile leh, kelngoichal khat hampa nangtom lah a aki te nia kihen amudoh-in,agakailut’in achapa khel’in pumgo thilto kilhai nan aneitai.Gen 22:14 Hichelai mun chuAbrahamin, “Pakaiyin thilto aki-ngaitona mun,” asah-in, hijeh chun tunigeiyin mihon, “Pakai molvuma aman thilto aki-ngaitona mun,” ati jingui.Gen 22:15 Vana Pakaiya hungkon Vantil chun anivei nan Abraham ahinkou kit ‘in,Gen 22:16 Pakai amatah kihahsel’a asei chu, “Neigin jeh a nachapa chang khatseh chunga jong khutkih louva napan hin kei kitep’ah kahitai.Gen 22:17 Nangma phatthei kaboh a, nason nachilhah van a ahsite jat le Twikhanglen panga neldi jathungpha ding, namelmate ahinjosoh hel diu ahi.Gen 22:18 Kasei nanit jeh a nason nachilhah phatthei kaboh banga hi phatthei kaboh ding deiya chitinnamtin kahenga hung tao diu ahi,” ati.Gen 22:19 Alhachate ni henga Abraham ahung kile kit ’in, Beersheba geiyin ahung kilhon’un, hikomachunAbraham achengtai.Gen 22:20 Phat chom khat nungin Milcah-in asopipa Nahor chapa get jen ahinpeh thu mihon Abrahamahung seipeh tauve.Gen 22:21 Nahor chate apeng masapen pa Uz ahin, anaote chu Buz, Aram pa Kemuel,Gen 22:22 Chesed, Hazo, Pildash, Jidlaph’chule Bethuel-Gen 22:23 Rebecca pa ahiuvin, abonchanAbraham sopipa Nahor chapate, Milcah hin chengse getahiuve.Gen 22:24 Nahor thaikem nu Reumah-in jong Tebah le Gaham, Tahash le Maacah ahinge.Gen 23:1 Sarah chu kum jakhat le som ni to sagi ahingin,Gen 23:2 Canaan gamsung, Kir-iath-arba kiti, Hebron khoa athin, Abrahamin ajinu pul adouve.Gen 23:3 Ajinu thilong phung dalhan Abraham achen Hit mite jah a,Gen 23:4 “Keima maljin, nahenguva hung khopem kahin, kajinu long kavuina din gam leiset mun khatneichohsah-uvin,” agati.Gen 23:5 Hit miten Abraham jah a,Gen 23:6 “Ngaitemin kapu, kalah-uva nangma Pathen tun lamkai lentah hiya, kalhan semsau phapenkhat’a khun najilong vui jengin; koi hijongle naji vuina din kipah tah-in lhan khat pejeng ung kate,”atiuve.Gen 23:7 Hit mite masang tol’a Abraham abohkhup’in,Gen 23:8 “Hikoma kaji neivuisah nomu ahinah leh, Zohar chapa Ephron henga khun,Gen 23:9 aloupam chin a Machpelah songko khu neithumpeh-uvin. Hiche khu lhanmol’a kanei dendin, nang ho maiya leiman lhingset’a eichohsahna din neiseipeh-uvin,” tin angeh-e.Gen 23:10 Kelkot phung, mipi kikhopnaa hi Hit midang ho chutoh Ephron jong toukhom ahiuvin; mi

jouse jah din ahindonbut’in,Gen 23:11 “Kapu ngaitemin, lou pumpi le asunga songko pumin napenge. Najilong navuina dinloumun le songko chu kamite angsung laitah a pejeng ing’e,” ati.Gen 23:12 Ahivangin Hit mite angsungaAbraham akunin,Gen 23:13 Ephron jah a chun mipi jah thei din, “Nei ngai themin ikhat dong inge. Loumun pumpinchotange, aman alhingin kilah-in, chule kajilong jong vui inge,” ati.Gen 23:14 Ephronin Abraham jah a,Gen 23:15 “Kho-ngaiyin kapu, dangka shekel ja li man bep leimun chu nang le kei kah a ipi tahpi ham?Najilong chu kivuina jengin,” ati.Gen 23:16 Abraham anomin, Hit mite jah changtah a Ephronin aseidohsa dangka shekel ja li chu,kivei miho thiltena dungjuiyin atedoh peh tai.Gen 23:17 Hitobanga hi Mamre niso lam Machpelah mun a Ephron loumun le asunga songko lhan toh,loupam chin geiya keh, loulai thing jouse jong Abraham changkha ahitai.Gen 23:18 Kikhopna hung pang Hit mi jousen jong loumun Abraham kipehdoh chu ahetpehsoh keiyui.Gen 23:19 Canaan gamsung, chulai songko lhan sunga chunAbrahamin ajinu Sarah avuitai.Gen 23:20 Hiti hin Hit mipa loumun le asunga songko pumin lhan din Abraham achan thatai.Gen 24:1 Abraham ateh lheh tan, atoh lam lam Pakaiyin phatthei aboh-e.Gen 24:2 Agou jouse ching, lhacha upapen jah aAbrahamin, “Kakhel kah tuh-in lang,Gen 24:3 kachapa Isaac ji dia Canaan gamsung mite chanu napuipeh louna din van le leiset PakaiPathen minin kitep’in.Gen 24:4 Nakile ‘kit ’a kapenna gam, kajat mite lah a kona kachapa Isaac ji naga puipeh ding ahi,” ati.Gen 24:5 Lhachapan, “Nu-ngah chu hiche gama hung ding data leh, nahung kondohna gam langanachapa kalesol ding hitam?” tin adonge.Gen 24:6 Abrahamin, “Kachapa hilama khu nalesol kit louhel ding ahi!Gen 24:7 Kajat mite gam, kapa insunga kona eihinpuidoh, Pakai van Pathenin hiche gam hi kasonkachilhahte peh dia kihahsel’a aseisa ahi. Aman Vantil nalamkaisah intin, kachapa ji ding naholdohsahtei tei ding ahi.Gen 24:8 Nu-ngah chu hung ding adahel leh, Pakai thutep’a kona ongthol ding nahitai. Itin itijonglekachapa vang hiche gama khu nalepui kit louhel ding ahi,” ati.Gen 24:9 Apu Abraham khel kah atuh-in, Abraham sei jouse bol din lhachapa akiteptai.Gen 24:10 Apu Sangongsao som akigot’in, Abraham gouching lhachapan, Mesopotamia niso lam,Nahor chenna khopi ajontai.Gen 24:11 Nilhangkai, numei twithal phat dontah-in lhachapa agalhungin, khopi pam, twikhuh phungasangongsao ho akolsah-e.Gen 24:12 Lhachapa ataovin, “Pakai kapu Abraham Pathen, kapu henga kakitepna nit ’in lang tuninneilo lhinsah tan.Gen 24:13 Khosung nu-ngah ho twithalna mun twikhuh a ka-um’e.Gen 24:14 Nu-ngah khatpen pen jah a, ‘Natwibel hinloi kunin twi neidonsah-in,’ ting ting; ‘Don-o,nasangongsao ho ding jong twi gadom nange,’ tipen pen chu nalhacha Isaac ji dia nalhensa hijeng hen.Hitia nabol leh kapu koma nakitepna nanit kahetdoh ding ahi,” ati.Gen 24:15 Lhachapa tao jou masangin alengkouvah twibel khat ahinpun Rebecca ahungtai. RebeccahiAbraham sopipa Nahor chapa Bethuel le ajinu Milcah chanu ahi.Gen 24:16 Rebecca hi nu-ngah donglai, melhoi tah, pasalto kitimat loulai hel ahi. Twikhuh a akumlhan,twibel dimin twi agathal’in ahung kaldoh-e.Gen 24:17 Lhachapan agalamton ajah a, “Natwibel’a twi chu neihin donsah tem-o!” ati.Gen 24:18 Rebeccan alengkouva twibel chu aloikun loiyin, “Don-o hepu,” atin, adonchim kah-inatuhpeh-e.Gen 24:19 Adon chim phat’in Rebeccan, “Nasangongsao ho ding jong gadoppeh ing ting aduchanindon nauvinte,” ati.Gen 24:20 Gancha ho twidonna kong sunga twibel’a twi asung lha loiyin, lhachapa sangongsao jousenadon chimsoh kahsen twi athal be be jenge.Gen 24:21 Pakaiyin alolhinsah mong ahiding tahsanin lhachapan Rebecca um chan chu ave vejenge.Gen 24:22 Sangongsao ten twi adon jou phat’in lhachapan sanakol shekel keh gih alan Rebecca

nahhoma akhaiyin, shekel som gih sanakol ni jong alan akhut’a abupeh tai.Gen 24:23 Lhachapan, “Kanao, koi cha nahim? Na-in’uva keiho kageh thei diuvem?” tin adong’e.Gen 24:24 Rebeccan, “Kapakhu kapu Nahor le kapi Milcah cha Bethuel ahi,” atin;Gen 24:25 “Gancha neh thei dang le changpol tampi kaneiyun, gena thei jong mun tampi kaneinauve,” tin jong aseiye.Gen 24:26 Hichun lhachapa aboh khup’in Pakai athangvah-in,Gen 24:27 “Kapu henga akitepna kitah tah a nit jing kapu Abraham Pakai Pathen chu choi-at’in umhen! Pakaiyin kapu inkote henga jangkeiyin eilhuttai,” ati.Gen 24:28 Rebecca alhaijel’in athilsoh hi abonchan anu insung mite henga agaseitai.Gen 24:29 HichunAbraham lhachapa umna twikul phung geiyin Rebecca sopipa Laban alhaipeh-e.Gen 24:30 Anaonu nahhoma kikhai sanakol le abanjangte nia kibut sanakol amua, lhachapa tohakihouna thudol aseipeh phat’a Laban che-ah ahin, hiche gei chun Abraham lhachapa chu sangongsaote toh twikul phunga anading nalaiyui.Gen 24:31 Labanin lhachapa koma, “Pakaiyin phatthei naboh tai, hung jengin; i-bol’a polama dingden nahim? Ka-ina nalhun na ding jong gonsa ahitan, nasangongsaote ge-na ding geiya boltohsaahitai,” ati.Gen 24:32 Abraham lhachapa insunga alut nungin Labanin apoh chengse asolhan, sangongsaote chugancha an le changpol apei. Abraham lhachapa le aloite keng sopna din Labanin twi ahin dom’e.Gen 24:33 Bu ahindop phat’un Abraham lhachapan, “Kahung lo thu kasei masangsen anneh twidonbol ponge,” atitai. Labanin, “Gah sei jeng-o!” ati.Gen 24:34 Lhachapan, “Keima Abraham lhachapa kahi,” tin asei panin;Gen 24:35 “Pakaiyin kapu chu phatthei aboh-in, ahaosah lheh tai. Kelngoi hon tampi le kelchate, bonghon tamtah le dangka, sana, soh numei le pasal, sangongsaote leh sangan ho alamdohsah tai.Gen 24:36 Ateh nungin kapi Sarah-in kapu chu chapa khat ahinpeh-in, kapun anei jouse achapa apetai.Gen 24:37 Athu kanitna tei din kapun eikitepsah-in, ‘Kachapa ji dia Canaan gam mi nahin puipehlouhel ding ahi.Gen 24:38 Hisang chun kapa inkote, kasopi ho lah a aji ding nagapui ding ahi,’ ati.Gen 24:39 Kenjong kapu henga, ‘Ijemtin numei chu hiche gama hung ding data leh,’ tin kadonge.Gen 24:40 Aman, ‘A-itih a athu kanit jing Pakaiyin A-Vantil napuisah-in tin nalolhinsah tei ding ahi.Kapa inkote, kasopite lah a kachapa ji ding mudoh tei nan nate.Gen 24:41 Akihahselsa nahitan, nachea ka-inkoten numei napeh dau leh, nakihahselnaa kona ongtholnahitai,’ eiti.Gen 24:42 “Tunia twikul kahung lhun chun kataovin, ‘Kapu Abraham Pakai Pathen, katohnaa neilolhinsah-in.Gen 24:43 Twikul’a hin ka-umin, twithal dia nu-ngah ahung teng, atwibel’a twi don din thum ing ting;Gen 24:44 twi eidonsah nom’a, kasangongsaote jong twi donsah nom pen pen chu kapu chapa ji dianalhensa hijeng hen,’ kati.Gen 24:45 Kitao jou loulai, alengkouva twibel pun Rebecca ahung paiyin, twikul sunga twithal dinakum lhai. Kenjong, ‘Twi neidonsah tem-o!’ katileh;Gen 24:46 aman gangtah-in alenga aput twibel ahin loikunin, ‘Don-o, nasangongsaote jong ken twipenange,’ ati.Gen 24:47 ‘Koi cha nahim kanao?’ katileh; aman, ‘Kapa chu kapu Nahor le kapi Milcah cha Bethuelahi,’ ati. Chuphat’in anahhoma sanakol kakhaipeh-in, abanjangte nia sanachao kabupeh tai.Gen 24:48 Chuin kaboh khup’in Pakai kathangvah-e, Kapu inkote heng jangkeiya eipuilut’a, kapuchapa dia ji eimusah, kapu Abraham Pakai Pathen chu kavahchoitai.Gen 24:49 Tua hi kapu dia phatnaa nakindol chu suh bulhingpeh ding nagot nah le neiseipeh-in; nagotlou jongle neiseipeh-in, keima jong kicheh-in um inge,” ati.Gen 24:50 Laban le Bethuel’in adonbut lhonin, “Athudan hi Pakaiya hung kon ahitan, keini sei dingaumchompoi.Gen 24:51 Pakai amatah-in aseisa bangin Rebecca hi napu chapa ji din kipuitan,” ati lhon’e.Gen 24:52 Hiche hi ajah phat’in Abraham lhachapa akunin Pakai athangvah tai.Gen 24:53 Lhachapan ponsil le kijepna ding sana le dangka manlu tah tah aladoh-in, Rebecca apetai.Rebecca sopipa le anu jong kijepna thil manlu tah tah apei.

Gen 24:54 Hiche jan chunAbraham lhachapa le aloiten an aneuvin lengpi twi adon’uvin, chukomaageh khovah tauve. Ajingtho thouvin lhachapan, “Kapu henga kilekit tange,” ati.Gen 24:55 Ahin Rebecca sopipa le anun, “Hapta khat ham, nisom bep ham boinu hi umpiu ving ting,chujou teng che nante,” ati lhone.Gen 24:56 Lhachapan, “Neilho lhoda tauvin, kahunglo na pen bon Pakaiyin lolhinsah taa, kapu hengakile kit loi tange,” ati.Gen 24:57 Amanin, “Ipi aseiyem, boinu dong temu hite,” ati lhone.Gen 24:58 Hijeh chun Rebecca akoudoh-un, “Hichepa hitoh nakilhon ding hitam?” ati lhon leh, aman,“Henge,” tin anomtai.Gen 24:59 Chuphat’in amahon Rebecca chu alhachanu toh, Abraham lhachapa le aloite tohasolthatauve.Gen 24:60 Amahon Rebecca phatthei aboh-un, “Kasopinuu hin, Mihem sangsom sangja hing hen!Nachilhah ten, Amelmateu khopi jouse lonvuh hen!” atiuve.Gen 24:61 Hichun Rebecca le alhachanu sangongsaova atoudoh lhonin, Abraham lhachapa to kilhoninakipatdoh tauve.Gen 24:62 Isaac chu, “Ahing jing, eimu jing Pa twikul,” gamthip lai, lhanglam Canaan gama ahunginanachenge.Gen 24:63 Nilhah matah-in Isaac apotdoh-in tollhanga agavale leh, sangongsaote hung kijot amui.Gen 24:64 Isaac amu phat’in sangongsao chunga konin Rebecca akum lhan,Gen 24:65 Abraham lhachapa jah a, “Tollhanga eiho lam hinjon khu koi ham?” tin adonge. Lhachapan,“Kapu chu ahi,” atipeh-e. Rebeccan pon lukhuh akilah-in amai akikhutai.Gen 24:66 Athilbol abonchan lhachapan Isaac henga aseiye.Gen 24:67 Isaac-in Rebecca chu anu Sarah chenna ponbuh sunga apuilut’in jin aneitai. Isaac-inRebecca angailun lung ngapna anei phat’in anu thi asumil theitai.Gen 25:1 Abrahamin ji khat aneiben, amin Keturah ahi.Gen 25:2 Keturah hin Zimran, Jokshan, Medan, Midian, Ishbak chule Shuah ahinpeh-e.Gen 25:3 Jokshan hin Sheba le Dedan ahingin, Dedan chilhah ho chu Asshurim, Letushim chuleLeummim mite ahiuve.Gen 25:4 Midian chapate chu Ephah, Epher, Hanoch, Abida chule Eldaa ahiuve. Hichengse hi Keturahchilhah jeng ahiuve.Gen 25:5 Abrahamin anei agou abonchan Isaac apen,Gen 25:6 ahinpet’in ajidang chapate jong nei ahoppehsoh keiyin, achapa Isaac a konin aki-inchonsahcheh-in, solam gama asoltai.Gen 25:7 Abraham hinkho kum jakhat le som sagi le nga ahin,Gen 25:8 ateh kembet geiyin ahingin, athin apu apate heng ajontai.Gen 25:9 Achapate ni Isaac le Ishmael in masanga Hit mi Zohar chapa Ephron loumun, Mamre nisolam, Machpelah songkoa chun Abraham avui lhontai.Gen 25:10 Hiche loumun hi Hit mipaa kona Abrahamin anachoh ahin, Abraham le ajinu Sarah hikomasongkoa chun avuikhomtauve.Gen 25:11 Abraham thi nungin, “Ahing jing, eimu jing Pa twikul” koma chengAbraham chapa IsaacchuPathenin phatthei aboh tai.Gen 25:12 Sarah sohnu, Egypt mi Hagarin Abraham ahinpeh Ishmael chapate chuGen 25:13 apen dungjuiyuva kisim ahin, Nebaioth, Kedar, Adheel, Mibsam,Gen 25:14 Mishma, Dumah, Massa,Gen 25:15 Hadad, Tema, Jetur, Naphish chule Kedemah ahiuve.Gen 25:16 Amaho hi Ishmael chapate, phung som le ni konna ahiuvin, akho mun ule a-ngah muncheh-uva aminu jong akijih cheh-e.Gen 25:17 Kum jakhat le somthum to sagi lhin kumin Ishmael athitai.Gen 25:18 Ishmael chilhah chengseAssyria lampi, Egypt niso lam, Havilah le Shur kikah gamsungaachenguve. Amaho cheng hi Abraham chilhah dang ho to achengkhom pouve.Gen 25:19 Abraham chapa Isaac khanggui thusim hi hiti ahi:Gen 25:20 Mesopotamia gama Aramea mi Bethuel chanu, Laban sopi Rebecca akichenpi chun Isaackum som li alhingtai.

Gen 25:21 Rebeccan cha ahinlou phat’in Isaac-in Pakai henga ataopeh le, Pakaiyin ataona asangin,Rebeccan nao avoptai.Gen 25:22 Rebeccan naokop avop’in, naote ni chu naobu sunga akinehtoji lhon leh, Rebeccan, “Hekaden, hichepi hi iti kadou dou ding ham!” atin, Pakai dongtoh din achetai.Gen 25:23 Pakaiyin Rebecca jah a, “Nasunga nampi ni akijil’in, Kidouto dia vaipi ni nahin ding; Khatsanga khatjoh hatjoa, A-upan anaopa kin abol ding ahi,” ati.Gen 25:24 Rebecca navah phat alhingin, anavah le chapa ni ahingkop’e.Gen 25:25 Apeng lha masapa chu asanin, atahsa samulpon bangin amul’in, hijeh chun amin Esauasah-uve.Gen 25:26 Aban a pan Esau khotaljum atuh chah kheh jeh-in, amin Jacob asah-ui. Esau le Jacob penhin Isaac kum somgup alhingtai.Gen 25:27 Chapangte ni ahung khangdoh lhonin, Esau sadel them, gamvah hat ahin, Jacob chumimong le in um mi ahung hi.Gen 25:28 Esau sathasa aneh jing jeh-in Isaac-in Esau adeijon, Rebeccan Jacob adeijoi.Gen 25:29 Nikhat Jacob’in bechim anahon pet’in, agam lennaa konin Esau gilkel tah-in ahung lhungin,

Gen 25:30 Jacob jah a, “Kakel behseh-e, na-anchim hon sanlet lut chu neihopsah temin,” ati. Hijeh achuEsau hi Edom kisah ahi.Gen 25:31 Jacob’in, “Na-upat chu neipeh ding le hopsah nange,” ati.Gen 25:32 Esauvin, “Akellih pai ding kihita, hiche upat chu iding kati nah la i ding ham?” atitai.Gen 25:33 Jacob’in, “Kihahsel masa tadin,” atileh; Esau akihahsel’in a-upat chu Jacob apetai.Gen 25:34 Hichun Jacob’in changlhah them khat le bechim hon minsa chu Esau apen, aman aneh jouadon jou phat’in akipatdoh-in achetai. Hiti hin Esauvin a-upat chu imacha loutheh-in anageldauve.Gen 26:1 Abraham nikho laiya kellhah masa tobang khat chu gamsunga kel ahung lha kit-e. HijehchunGerar a Philistine lengpa Abimelech henga Isaac achetai.Gen 26:2 Isaac henga Pakai ahung kilah-in, “Nachenna dia kaseisa hiche gamsunga hin chengin lang,Egypt langa chedan.Gen 26:3 Hikoma chengin, naumping ting phatthei kaboh ding, napa Abraham henga kakitepnamolsona dinga hiche gam pumpi hi nangle nachilhahte kapeh ding ahi.Gen 26:4 Nason nachilhahte van a ahsite jat kaphahsah ding, hiche gam pumpi hi kapeh ding ahi.Chuteng nachilhahte phatthei kaboh banga chitin namtin phatthei kaboh dia a-ngeh diu ahi.Gen 26:5 Abrahamin Kadanthu jouse le kathupeh chengse anit jeh a nang phatthei kaboh ding nahi,”ati.Gen 26:6 Hijeh chun Isaac Gerar a achengtai.Gen 26:7 Gerar a mihon ajinu thudol adoh-ule, asopinun bou aseiye. Rebecca chu melhoi tah ahijeh-in,ama jal’a athalo diu kichatnan Isaac-in ama chu ajin asei ngampoi.Gen 26:8 Gerar a Isaac chom khatpi achen nungin, Abimelech lengpan bangkot’a kona agahvet lehIsaac le Rebecca akinupa bol lhon amudoh tai.Gen 26:9 Hijeh chun Abimelech-in mi asol’in Isaac agakousah-in, “Najinu khula ahinan, i-bol ’anasopinu a nasei ham?”‘ tia adoh leh; Isaac-in, “Kajinu ahi seidoh leng amajeh a eikithalo ding ham,tia kicha kahi,” ati.Gen 26:10 Abimelech-in, “I-neilou ham? Kapasal ho’u khat’in najinu chu analuppi taleh, ilou them’athemmo neichan jeng ding chula ahin!” ati.Gen 26:11 Chuphat’in Abimelech chun, “Ajinu deichat man’a hichepa hinbolse pen pen chu thadohding ahi,” tin miho agihsalsoh keiye.Gen 26:12 Hiche kum chun chuche gamsunga Isaac-in muchi atuleh, Pakaiyin phatthei aboh jeh-in,ajat jan aki-at’e.Gen 26:13 Isaac ahaobe cheh cheh jengin, mi haosa tah ahitai.Gen 26:14 Kelngoi hon tampi le bong hon tamtah, soh tampi aneiphat’in, Philistine miten athangsetpeh tauve.Gen 26:15 Hijeh chun Abraham hinlaiya apa Abraham sohte laisa twikul jouse chu Philistine mitenavuh dimpeh gamtauve.Gen 26:16 HichunAbimelech-in Isaac jah a, “Keiho sangin natha lhingjotai, kakom’uva konin chedoh

tan,” ati.Gen 26:17 Hijeh chun Isaac akipatdoh-in achen, Gerar phaiya ngahmun asemin, hikoma chun chomkhat achenge.Gen 26:18 Hikoma hin Abrahamin ahinlaiya alaisa, athinunga Philistine ten adip kit’u, twikul ho chuIsaac-in alaikit’in, apan aminvona min hon aminvo kit ’e.Gen 26:19 Phaichama chun Isaac sohten twikul khat alaiyule twi alaidoh tauve.Gen 26:20 Ahin Gerar a kelngoi chinghon, “Hiche twi hi keihoa ahibouve,” tin Isaac kelngoi chinghoakinahpi tauve. Hijeh chun twikul min chu “Kinahna” tin Isaac-in aminvoi.Gen 26:21 Isaac sohten twikul khat alaikit’uleh, hichejeh jong chun kibaona asoh kit ’in, hijeh chun,“Kidouna” tin aminvoi.Gen 26:22 Hichea kon chun Isaac achebe kit ’in twikul khat alaikit’e. Hiche twikul chunga vangkibaona asohdoh tapon, hijeh chun, “Chamlhat” tin aminvotai. Isaac-in, “Tunvang Pakaiyin hichegamsunga chamlhat din eikoitauve, hikoma vang haodoh tau hite,” ati.Gen 26:23 Isaac-in Beersheba ajontoutai.Gen 26:24 Hiche jan chun ahenga Pakai ahung kilah-in, “Keima napa Abraham Pathen chu kahi.Kaumpi jingnai, kicha hih-in. Kalhacha Abraham koma kakitepna jeh a nangma phatthei kaboh achilhah tampi kaneisah ding nahi,” ati.Gen 26:25 Hikoma chun Isaac-in maicham khat asemin, Pakaiya ataove. Hichelaiya hin ngahmunasemin, asohten twikul khat alaiyuve.Gen 26:26 Athumop a pang Ahuzzath le asepai lamkai Phicol toh Gerar a konin Abimelech chu Isaachenga ahunge.Gen 26:27 Hichun Isaac-in, “Masanga chubanga neivet dauva, nagamsunga kona neideldoh tauvah,tua i-bol dia kahenga hung nahiuvam?” anati.Gen 26:28 Amahon, “Pakaiyin nakivoppi hi kichentah-in kamutauvin, ikah-uva lung thengsel’akinoptona nei ding kadeiyui. Keihon kasuhset lou banguvaGen 26:29 neisuhset louna diuva nakitep ding pha kasauve. Kakhoto jeh-uva lung mongtah akasoldoh-u ahi. Hijeh a chu Pakaiyin jong phatthei naboh ahiye,” ahung tiuve.Gen 26:30 Isaac-in golvah abolpeh-in, ava van aneuvin, achim chimin adontauve.Gen 26:31 Jingkah matah-in athouvun, khat le khat kitoh tah-in akitep’un, akitepnau mohoranamkhumtauve. Isaac-in amaho chu agathah doh-in, amahon jong jolle gol’in adalhatauve.Gen 26:32 Hiche nikho hin asohten Isaac jah a atwikul la i thuu ahung seiyun, “Keihon twi kalaidohtauve,” atiuve.Gen 26:33 Hijeh chun Isaac-in twikul min chu “Kitepna” asah-e. Hichea kona hi Beersheba khopikiminvo ahi.Gen 26:34 Kum som li alhinin Esauvin Hit nu-ngah ni, Beeri chanu Judith le Elon chanu Basemathchu akichenpi.Gen 26:35 Amani hin Isaac le Rebecca abol genthei lheh jeng lhon’e.Gen 27:1 Isaac atehset’a amit athim phat’in, achapa lenjo Esau jah a, “Kachapa!” atileh, Esauvin,“Hoi,” ati.Gen 27:2 Isaac-in, “Neivetan, kateh behseh tan, itih ni pen’a kathi ding kahepoi.Gen 27:3 Nathalpi le nathalchang ho kigot’in, gam galengin sa neigathapeh tan.Gen 27:4 Kadei bangtah-in tuisel’in hin honin lang hindomin. Kaneh jou teng, kathi masangin phattheichaina napeng’e,” ati.Gen 27:5 Esau koma Isaac thusei hi Rebeccan angai lhi. Hijeh chun Esau gamlenga achedoh phat’in,Gen 27:6 Rebeccan Jacob koma, “Tutah chun napan Esau koma asei thu kajan,Gen 27:7 ‘Sa neigakap peh-in, hin honin. Kaneh jou teng, kathi masangin Pakai angsunga phatthei bohinge,’ tin aseiye.Gen 27:8 Hijeh chun phaten ngaiyin, kasei sei bol’in kanao.Gen 27:9 Chen lang kel-honlah a kelnou thao cheh ni gakaiyin, that hitin, napan adu bang tah-inhonpeh inge.Gen 27:10 Chuteng nangin napa neh din doppeh-in natin, athi masanga phatthei naboh ding ahi,” ati.Gen 27:11 Jacob’in anu Rebecca jah a, “Ven, ka-u Esau chu mi timul ahin, keima mul-bei kahi.Gen 27:12 Ijemtin kapan eihinjul hen hedoh taleh, ama daithang kabah ding, phatthei eiboh malah

eigaosap lo bep ding ahibouve,” ati.Gen 27:13 Anu Rebeccan, “Nang kigaosapna ding chengse chu kei chunga chujeng hen, kacha; kaseibang bangin bol jengin, chen kelnou te ni chu neigakaipeh loiyin,” ati.Gen 27:14 Hijeh chun Jacob achen kelnou te ni chu anu henga ahin kailut’in, aman kelsa chu Jacob padubangtah-in ahonpeh tai.Gen 27:15 Hichun Rebeccan in’a akoi Esau ponsil phapen ho alan Jacob asilpeh-in,Gen 27:16 kelnou te ni mul chu abanjang te ni le angong mul-bei laiya chun atompeh tai.Gen 27:17 Chuin asame hon tuitah le changlhah asemsa chu Jacob achoisah-e.Gen 27:18 Jacob achen apa jah a, “Hepa!” agati. Apan, “Hoi kanao, kachapa te ni kah a hoijoh chunahim?” tin adonge.Gen 27:19 Jacob’in, “Nachapa lenjo Esau chu kahi; neihil bangin kabolsoh tai. Vang neiboh theina dintouvin lang same them khat kahinchoipeh hi nen,” ati.Gen 27:20 Isaac-in, “He katei, man gangtah-in sa nahinpolut jengin ne kachapa!” ati. Jacob’in, “Pakaina-Pathenin eipanpijeh ahiye,” ati.Gen 27:21 Isaac-in Jacob jah a, “Esau nahimong nah em, najul tem inge, hung nailut temin,” ati.Gen 27:22 Jacob akikhinlut phat’in apan ajul’in, “Na-ogin la Jacob ogin ahin, nabanjangte ni la Esaubanjang tobang ahinan,” ati.Gen 27:23 Abanjang te ni amul’a akisemjeh-in Isaac-in Jacob chu ahedoh theipoi. Phatthei aboh dingkonchan jong,Gen 27:24 “Esau nahimong nah em?” tin adong kit leuve. Aman, “Kahinai,” atipeh-e.Gen 27:25 Isaac-in, “Sa them khat neihin choipeh-in. Neng ting, kaneh jou teng phatthei naboh inge,”ati. Jacob’in sa ahinchoipeh-in, lengpitwi phabep jong ahindoppeh-e.Gen 27:26 Hichun apan ajah a, “Hung naiyin lang neichop temin kachapa,” ati.Gen 27:27 Apa chop dia- ahung phat’in, Isaac-in apon nam anah-in-phatthei aboh-in, “Kachapagimnamtui chu Pakai phatthei boh gamlah gimvui anam’e.Gen 27:28 Pathenin van a konin gotwi pejingin lang, naloulai leichang leipha hisah jing hen! Changlemim chule lengpitwi ning lhingin nape hen!Gen 27:29 Chitin namtin nasoh-in pang hen, mitin mitang na-anga kun cheh hen! Naheng nakomna-insung mite chunga vaihomin lang, nasopite chengse na-angsunga kun cheh-u hen! Nangmagaosapte chu gaosap chang hen lang, phatthei naboh mite phatthei changu hen!” ati.Gen 27:30 Isaac-in Jacob phatthei aboh jouva, Jacob apotdoh doh le asopipa Esau sadelna koninahung lhung paitai.Gen 27:31 Esauvin jong sa tuitah-in ahonin apa henga adoppeh-e. Aman, “Hepa, phatthei neibohna dintouvin lang sa kahindoppeh hi nen,” ati.Gen 27:32 Isaac-in, “Koi nahim?” atileh; aman, “Nachapa lenjo Esau kahi chume,” ati.Gen 27:33 Hichun Isaac akithingjah-in, akitihot set sut jengin, “Ahile sa hinthat’a eihindoppeh chukoiba ham? Nahung masangjep chun ken kane jouvin, phatthei boh chaina kapen, a-itih a amachangden ding ahitai,” ati.Gen 27:34 Esauvin apa thuseiho ajah phat’in othongje jun akap jah-in, “Hepa, naphattheina chukeijong neipe-o!” ati.Gen 27:35 Isaac-in, “Nasopipan eihung lhep lhah a, nang chan ding phattheina akilahdoh ahitai,” ati.Gen 27:36 Esauvin, “Hichejeh a hi amin Jacob kisah hiteiyinte ong? Ajeh chu niveijen eilhem lhan,ka-upat einalahpeh-in, tun kachan ding phatthei boh akiguh kit ’e. Hepa, kei ding phattheina nakhenlouhitam?” ati.Gen 27:37 Isaac-in, “Nachunga apipun kasemin, a-insung mi aphunggol ho jong asoh-in kasemtai.Changle mim kapen, lengpitwi jong kapetai. Tua nang ding kabol thei imacha aumtapoi chapa!” ati.Gen 27:38 Esau apa henga atao tao jengin, “Phattheina khat cha beh jong nakhen lou ham, hiche chunphatthei neiboh-in hepa!” atin akaptai.Gen 27:39 Chuphat’in Isaac-in ajah a, “Nang din van daitwi jong hung phin pontin, Leiphalai loumunjong naneilou ding;Gen 27:40 Chemhem hat’a nakivah a, Nasopipa soh a napan ding; Nachol behseh teng Nasopipaakona nakitoldoh ding ahi,” ati.Gen 27:41 Achan ding phattheina apan Jacob apehdoh jeh-in Esauvin Jacob ahotbol tai. Esauvin,

“Kapa thia pul douna ding anaitan, chujou teng Jacob katha ding ahi,” ati.Gen 27:42 Esau thilgon ahetdoh phat’in Rebeccan mi asol’in Jacob akousah-in, “Nasopipa Esauvinnang hi matdoh a thatei tei din agoi.Gen 27:43 Tun kanao kasei sei bol’in. Haran a kasopipa Laban henga chejengin,Gen 27:44 ama koma chom khat gapemin, nasopipa lungdam kahsen ga-umtan;Gen 27:45 ama nabolna asuhmil kah-in hung umtan. Iti nikhat sunga nani lhontah a kalhaso lhon dingham, keiman napui ding mi hinsol nange,” ati.Gen 27:46 Rebeccan Isaac jah a, “Keiman Esau jinu Hit mi khu kachim chah behseh jengtai. Jacob’injong Hit mi nungah ho khat hin kichenpi jeng taleh kathilo tahbah ding ahi,” ati.Gen 28:1 Isaac-in Jacob akouvin, phatthei aboh jouvin ajah a, “Canaan mi numei hin kichenpi hihbeh-in.Gen 28:2 Hisang chun Mesopotamia gama napu Laban insung mite henga chen lang, anu-ngah ho’ukhat gakichenpitan, napu Laban chanu ho khat khu.Gen 28:3 Naji neina din Hatchungnung Pathenin phatthei boh hen, chitin namtin penna pa nahina dincha le nao tampi napehen!Gen 28:4 Abraham phatthei aboh bangin Pathenin phatthei naboh hen, Abraham apehsa nachen phagamsung hi Pathenin nalosah hen!” ati.Gen 28:5 Mesopotamia gama Jacob le Esau nu Rebecca sopipa, Bethuel chapa, Aramea mi, Labanhenga Isaac-in Jacob asoltai.Gen 28:6 Isaac-in Jacob phatthei aboh a Mesopotamia gama ji kihol dia asol, Canaan numei akichenpilouhel dia ahilchahna thudol Esauvin ahetai.Gen 28:7 Anu le apa thusah a Mesopotamia gama Jacob che jong chu Esauvin ahe-lhitai.Gen 28:8 Apa Isaac-in Canaan numei adeimo ahet phat’inGen 28:9 Esau achenAbraham chapa Ishmael chanu, Nebaioth sopinu, Mahalath chu akichenpitai.Gen 28:10 Jacob’in Beersheba dalhan Haran ajontai.Gen 28:11 Gamkim la i khat’a nisan alhum khumin, ageh dentai. Janin songtum khat akikhap’ina-ihmui.Gen 28:12 Amangin leiset’a kona van geiya kidolut kalbilei khat amun, leiya chun Vantilte akumsuhakaltou akijot mat jingui.Gen 28:13 Leichungvuma Pakai adingin, “Keima Pakai, Abraham le Isaac Pathen kahin, nalupphagamsung hi nangle nachilhahte kapeh ding ahi.Gen 28:14 Nachilhah leivui jat hung phauva, so le lhum, sah le lhang alosoh diu, nangle nachilhahtejal’a chitin namtin phatthei kaboh ding ahi.Gen 28:15 Ven, nachena chan a lhon ping ting, kahuh jing ding, hiche gamsunga kahin puilut kit dingnahi. Kateppeh chengse kabolsoh masangin nadalha ponge,” ati.Gen 28:16 A-ihmut khah lon Jacob’in, “Hikoma hila Pakai umah ahin, kana hehih beh-in’e!” ati.Gen 28:17 Jacob akicha behseh jengin, “Hiche mun hi agimnei lheh-e, Pathen inmun, van gam kelkotphung hitei ding ahi,” ati.Gen 28:18 Jacob jingpitah-in athouvin, alukhap songtum chu alan, melchih nan aphutdoh-in, thensonan olive thao asun khum’e.Gen 28:19 Amun min chu Bethel asahtai. (Akho mun hi masangin Luz akiti.)Gen 28:20 Jacob’in kigahnan, “Kakholjin na chan a neilhonpia, neihuh jinga, neh le chah, s il le chenneipeh a,Gen 28:21 damsel’a kapa insung neihin lhut kit leh, Pakai nang hi ka-Pathen nahi ding ahi.Gen 28:22 Chule hiche melchihna song katun na mun a hi nangma kahouva, neithilpeh chengsehopsom a khat kapeh ding ahi,” ati.Gen 29:1 Jacob ache kit leh, solam mite gamsung aphatai.Gen 29:2 Tollhang laiya twikul phung khat atoh khan, twikul vel’a chun kelngoi hon thum anakol’e.Hiche twikul a hi kelngoite twi achipsah jiu ahin, twikul kotsin song chu alen lheh-e.Gen 29:3 Twikul phunga kelngoite akikhopsoh teng, kelngoi ching hon twikul kotsin song chuatahdoh-uva kelngoite twi achipsah jiu, achipjou teng anung sin kit’u ahi.Gen 29:4 Jacob’in kelngoi ching ho jah a, “Koi kho nahiuvam sopite?” atileh; amahon, “Haran khokahiuve,” tin aseiyui.

Gen 29:5 “Nahor chapa Laban chu nahet’um?” atileh; “Kahenauve,” tin adonbut’ui.Gen 29:6 Jacob’in, “Laban chu dam nam?” atileh; “Adam nai, gahve le chun, khukoma kelngoihinhoiya khu achanu Rachel ahi,” atiuve.Gen 29:7 Jacob’in, “Nisa la sang nalaiya, kelngoi hoilut phat bon hilou lai, kelngoi honte chu twinachipsah-uva hamhing lah a nalehoi kit jenguva iti am?” ati.Gen 29:8 Amahon, “Kelngoi hon ahung lhunsoh a, twikul kotsin song akitahdoh teng akichipsah loule,tun hithei ponte,” atiuve.Gen 29:9 Kelngoi ching ho toh akihou chai kah-in, Rachel’in kelngoi hon ahin hoiluttan,Gen 29:10 Jacob’in apu Laban kelngoite leh Rachel amu phat’in twikulsin song atangdoh-in, kelngoitechu twi achipsah tai.Gen 29:11 Akipah behseh-in Jacob’in Rachel achop’in othong leuvin akap’in,Gen 29:12 ajah a, “Keima napa sopinu Rebecca chapa kahi,” ati. Rachel chu apa seipeh din alhaijel tai.

Gen 29:13 Labanin atupa Jacob hung ajahdoh phat’in alamdot din alhaijel’in, akoiyin achop’in, inlama ahinpuitai. Jacob’in thilsoh jouse apu Laban aseipeh-in,Gen 29:14 Labanin jong, “Nang hila kaphe kavou mong mong nahibouvin,” ati. Jacob chu lha lhingsetaumdentai.Gen 29:15 Labanin Jacob jah a, “Katupa himan a mohseh a na neitoh peh ding aphapoi, tohman ijatkapeh ding ham?” tin adonge.Gen 29:16 Labanin chanu ni aneiyin, au-nu Leah ahin, anaonu Rachel ahi.Gen 29:17 Leah chu amit leo thimin, Rachel amelput akitoh-in ahoi lheh-e.Gen 29:18 Jacob’in Rachel adeichat jeh-in, “Rachel to neikichensah ding le kum sagi na tohpeh inge,”ati.Gen 29:19 Labanin, “Rachel midang kapeh sanga nang kapeh ding chu aphajo bouve, kakomachengtan,” ati.Gen 29:20 Rachel to akichen theina din Jacob’in kum sagi na atongin, adei behseh jeh-in aphat chuchomchan bou agel’e.Gen 29:21 Aphat lhinin Jacob’in Laban henga, “Aphat alhingtai, nachanu kichenpi tange,” ati.Gen 29:22 Labanin moulhah golvah abol’in miho akou cheh-e.Gen 29:23 Ahin jan chun Rachel khel’in Leah joh Jacob henga agathah peh-e. Jacob-in ama chuakitimatpitai.Gen 29:24 Labanin asoh nu-ngah Zilpah chu achanu Leah lhacha din asolpeh-e.Gen 29:25 Jingkah khovah phat’in Jacob’in avetle Leah joh ahin, hijeh chun Laban henga achen, “Idiahita neibol ham? Rachel lo naa na kitonga, i-bol’a neilhep ham?” ati.Gen 29:26 Labanin, “A-unu sanga anaonu jineisah masah chu hiche gam chon ngai ahipoi.Gen 29:27 Moulop golvah hapta kichai ngah-in lang, kum sagi ma kana natoh kit dingle Rachel jongpenange,” ati.Gen 29:28 Jacob anomin, moulop golvah hapta kichaiyin, Labanin achanu Rachel jong chu Jacob jidin apetai.Gen 29:29 Labanin asoh nu-ngah Bilhah chu achanu Rachel lhacha din asolpeh-e.Gen 29:30 Jacob’in Rachel akitimat pin, Leah sangin adeijoi. Laban din kum sagi na atohpeh kit ’e.Gen 29:31 Jacob’in Leah sanga Rachel adeijoh Pakaiyin amudoh phat’in Leah chu cha le nao ahinsahnan, Rachel achinsah tai.Gen 29:32 Leah agaiyin chapa khat ahinge. Leah-in, “Pakaiyin kagimna amun, tun vang kajipaneilungset tante,” atin, achapa min jong Reuben asah-e.Gen 29:33 Leah agai kit ’in chapa khat ahinphat’in, “Kajipan eilungset chomlou ahetjeh a Pakaiyinhiche chapa jong eipeh kit ahi,” atin amin Simeon asah-e.Gen 29:34 Leah agai pai kit ’in chapa khat ahinkit phat’in, “Chapa thum jen kihinpeh ta, kajipaneilhakang taponte,” tin amin Levi asah-e.Gen 29:35 Leah agaiya chapa khat ahinkit chun, “Tuchunga vang Pakai kathangvah ding ahi,” tinamin Judah asah-in ahi. Chujouvin Leah-in cha abangtai.Gen 30:1 Jacob cha ahinpeh lou phat’in Rachel chu a-unu chunga athangsen, Jacob jah a, “Chaneihinsah-in, achutiloule thi jeng inge,” ati.

Gen 30:2 Rachel chunga Jacob alung hangjah-in, “Pathen toh khel tong theiya neigel ham? Chaneilouva nakoiya Pathen hichu me!” atitai.Gen 30:3 Rachel’in, “Kasoh nu-ngah Bilhah hi luppin, aman cha eineipeh thei nante. Kasohnu ja l’aminu kahithei ding ahi,” ati.Gen 30:4 Hiti hin Bilhah chu ajipa henga asol lut ’in, aman akitimatpitai.Gen 30:5 Bilhah agaiyin Jacob chu chapa khat ahinpeh tai.Gen 30:6 Rachel’in, “Pathenin kathu adih a atan’a, kataona asanjeh-in chapa khat eipei,” tin amin Danasah-e.Gen 30:7 Bilhah agai kit’in Jacob din chapa khat jong ahinpeh kittai.Gen 30:8 Rachel’in, “Kaunu to kakibonin kajoutai,” tin amin Naphtali asah-e.Gen 30:9 Achaban akihet phat’in Leah-in asoh nu-ngah Zilpah chu Jacob jin aneisah-e.Gen 30:10 Zilpah-in Jacob chu chapa khat ahinpeh-in ahi.Gen 30:11 Leah-in “Kahamphai,” tin achapa min Gad asah-e.Gen 30:12 Zilpah-in Jacob chu chapa khat ahinpeh kit ’in,Gen 30:13 Leah-in, “Kanun nom’e, numei jousen nun nom nua eisei diu ahitai,” tin amin Asher asah-e.

Gen 30:14 Suhlou chang-at laiyin Reubenin loulaiya joldei-ai phabep ahinpon anu Leah apei.Rachel’in Leah jah a, “Nachapa joldei-ai poh chu them khat beh neipen,” tin athume.Gen 30:15 Leah-in, “Kaji neilahpeh jong nakhop loulai ham? Kachapa joldei-ai poh geiya lahpehneigotpi chu?” ati. Rachel’in, “Nachapa joldei-ai them khat beh neipeh le tujan Jacob to lumkhomlhon nan nate,” ati.Gen 30:16 Nilhah a Jacob hung vailhun chun Leah-in analamdot’in ajah a, “Kachapa joldei-aiyakachohsa nahi, tujan ilup khom ding ahi,” ati, Hijeh chun hiche jan hin Jacob’in Leah akitimatpi.Gen 30:17 Pathenin Leah taona asangin, Leah agaiyin Jacob chu chapa nga lhinna ahinpeh-in,Gen 30:18 “Kasohnu kajipa kapeh jeng jeh-in Pathenin katoh man eipei,” tin achapa min Issacharasah-e.Gen 30:19 Leah agaikit’in Jacob chu achapa gup channa ahinpeh-in,Gen 30:20 “Chapa gupjen kahinpeh tan, tu vang kajipan eilungset teina din Pathenin thilpeh hoitaheipei,” tin amin Zebulun asah-e.Gen 30:21 Khonungin chanu khat ahingin, amin Dinah asah-e.Gen 30:22 Pathenin Rachel agelkhoh-in, ataona asangin, cha nei thei din asemtai.Gen 30:23 Rachel’in agaiya chapa khat ahinphat’in, “Pathenin einun bolna asumangin chapa khateipetai.Gen 30:24 Pakaiyin chapa khat eipekit hen,” tin amin Joseph asah-in ahi.Gen 30:25 Joseph pen nungin Jacob’in Laban henga, “Inlama chetange, neisol tan.Gen 30:26 Tohhat’a kalodohsa kajite le kachate neipen chetange. Nakin phatah a kabol nahenai,” ati.Gen 30:27 Labanin ajah a, “I-khat seiyinge: nang jeh a Pakaiyin phatthei eiboh hi phunin kasandoh tai.Gen 30:28 Hijeh chun natohman ding jat seiyin napeng’e,” ati.Gen 30:29 Jacob’in, “Itobanga na katoh peh a, kachinpeh kelngoite iti khantou ahi nahet chume,Gen 30:30 Kahung masanga themcha nanei chule simsen louvin apungtan, kaki heina lam lamaPakaiyin phatthei naboh-e. Tua hi kenjong kading kagel phat ahitai,” ati.Gen 30:31 Labanin, “Ipiba kapeh ding nahim?” tin adonge. Jacob’in, “Tohman imacha kadeipoi. Kaseinanop dingle nakelngoi honte chinpeh kit nange.Gen 30:32 Tunin nakelngoi honte gakholsoh keiying ting, kelcha vom chengse le kelnou pol, ahapoldeh ho galhengdoh ing ting, hicheng chukatohman hita hen.Gen 30:33 Chutileh khonunga katohman kholtoh a nahung teng jongleh kakitah le kakitah lounahetdoh thei ding ahi. Ahapol thimlou le apol lou, ahiloule kelngoi vom lou le kelcha kasei tobang hochukanei khah le kaguh ahi nahet jeng ding ahi,” ati.Gen 30:34 Labanin, “Aphai, nasei bangin bol hite,” ati.Gen 30:35 Ahin Labanin hiche nikho chun kelchal kangpol thim ho leh kelpi hapol thimle apol phehphuh chengse, atichung kangpol pou pou chule kelngoi vomse se ahoimangin, achapate achinsah-e.Gen 30:36 Kelhon hijat chu apuiyin nithum lamjen’a Jacob adalhai. Laban kel-hon moh chengse chuJacob’in aching’e.

Gen 30:37 Jacob’in hengthing toithah le jonmot toithah chule theiba toithah asat khomin, alai kanglaiho chu akhoh lha lhan, thing toithah kanglai jouse akhoh lhasoh keiyin,Gen 30:38 ahoh akhokangsa thingtoi ho chu kelngoi honte twi chip dia ahung ji tengule amasanguvavakoma twi lonna a chun agol’in ahi. Kelngoite twi chip dia ahung tengu hikoma chu kijang matjiahijeh-un,Gen 30:39 thingtoi thah ho kikoina laitah a chu akijangmatji tenguleh, akangpol le apolthim, hapolapol jong ahingdoh doh jiuve.Gen 30:40 Jacob’in kelngoite chu kelchate lah a konin ahoidoh-in, Laban kelngoi hon lah a akangpolho le avom ho lang ngan ahoidoh-e. Hiti hin ama kelngoi hon chengse diu Laban a to ahoikheninakitum huitai.Gen 30:41 Kelngoi thao chu akijangmat tengu amu theina diuvin, atwi chip nau vakoma chun Jacob’inthingtoi ho ajampeh jin,Gen 30:42 asapha louho kijangmat teng vangle thingtoiho agajampeh poi. Hiti hin Laban chuasaphamo chengse achang khan, Jacob asapha chengse achangtai.Gen 30:43 Hichea kon hin Jacob ahaodoh tan, kelngoi hon tampi le soh tampi, sangongsao tampi lesangan tamtah avuldoh tai.Gen 31:1 “Jacob’in i-pau nei jouse akilah-in, anei anga aboncha i-pau nei le nga ahibouve,” tia Labanchapate thusei chu Jacob’in akijah tai.Gen 31:2 Chule masanga alung lhaisel banga Laban lung lhai lou jong amutai.Gen 31:3 Hichun Pakaiyin Jacob henga, “Napu napate gamsung, naheng nakom ho henga kile kit tan,keiman lhonpi nange,” ati.Gen 31:4 Loujaova akelngoite umnaa kimupi din, Rachel le Leah kouvin Jacob’in mi asoltai.Gen 31:5 Jacob’in aji te ni jah a, “Napa lhon hi masanga eilung lhai bangin kachunga alung lhai tapoi;hijongle kapa Isaac Pathenin eiumpi jing nai.Gen 31:6 Katha hatsan a napa lhon na katoh nahe cheh lhon’e.Gen 31:7 Ahinla aman eijoubol’in, katohman jong somvei jen akhel’e. Hijongle Pathenin kachungakhut alhasah hih laiye.Gen 31:8 Labanin, ‘Kelcha hapol chengse natohman hihen,’ atileh; kel-hon jousen kelnou hapol jengahingui. ‘Kelcha kangpol ho natohman hihen,’ atijongle, kel-hon jousen akangpol jeng ahing kit ’ui.Gen 31:9 Pathenin napa lhon kel-honte atoldoh-in kei eipetai.Gen 31:10 “Gancha jangmat la i kamangin keljangmat’a kelchal ho chu akangpol ho le hapol’a pol,apolgel belbul jeng kamui.Gen 31:11 Kamang chun Pathena kon Vantil khat’in kajah a, ‘Jacob!’ eitin; kenjong, ‘Hoi!’ katiGen 31:12 Aman, ‘Keljangmat’a pang kelchal ho akangpol ho le hapol’a pol, apolgel belbul kahisah hi,Labanin nabolsetna kahetsoh keijeh a hitia hi kabol mong ahi.Gen 31:13 Melchihna song naphua, Olive thao nasun khuma nakitepna mun, Bethel a nahenga hungkilah Pathen chu keima kahi; Tun napenna gama kile kit din kigon, ’ tin eiseipeh-e,” ati.Gen 31:14 Rachel le Leah-in Jacob jah a, “Keini dia kapa gou lo ding imacha bon umta lou.Gen 31:15 Aman la maljin bol’a eibol lhona; eikijoh lhona, kaman lhon sumla tua kineh mangsoh ta.Gen 31:16 Pathenin kapa nei ahintoldoh a eipeh-u hiche gou hi keini le kachate lhon ding ahitai.Pathenin naseipeh peh chu bol jengin,” atilhontai.Gen 31:17 Jacob akipat’in achate le ajite sangongsao chunga atousah-in,Gen 31:18 Mesopotamia gamsunga alamdoh agou chengse akigot’in, ahing thei gancha jouseahoikhomsoh keiyin, Canaan gama, apa Isaac heng jon dingin aumtai.Gen 31:19 Kelngoi mul vou dia Laban vaikondoh kah-in, Rachel’in apa doibom Teraphim chuakiguhdoh tai.Gen 31:20 Jacob’in Laban alhim lhah-in akichaodoh ding ahetsah poi.Gen 31:21 Jacob’in anei jouse akichom khom loiyin adalhatai. Euphrates luipi dung agalkaiyin Gileadthinglhang gam ajonpantai.Gen 31:22 Jacob jamdoh chu nithum lhin nin Laban aseipeh tauve.Gen 31:23 Labanin amite apuiyin, Gilead thinglhang gam geiyin, nisagi sungin, Jacob nung ahindelpeh-e.Gen 31:24 Jan khat hiAramea mi Laban henga Pathen ahung kilah-in ajah a, “Jacob henga chingthei

tah-in thu seiyin,” ati.Gen 31:25 Labanin Jacob ahinphatan, Jacob’in molvum khat’a ngahmun asemin, Labanin Gileadthinglhang gama ngahmun asem’e.Gen 31:26 Labanin Jacob jah a, “Ibol’a neijou lhep’a, kachanu te ni geiya gal-hing kaiya nakaimanghitam?Gen 31:27 Ipi dinga neiseipeh louva, neidohabol’a kithol mangjel nahim? Neiseipeh le chun kipahthanom’a, lasah le semjang saigin to chule khongpi gin thumje jua nakilhadoh dinga!Gen 31:28 Katu kachate jeng jong lhahdohna din neichop sah poi. Na-ngol chon lheh jenge!Gen 31:29 Nang ho suhsetna thei jong tha kaneiye, ahivangin jan nilhah chun nang ho suhset lounadin na-Pathen’uvin eihilchah tai.Gen 31:30 Napa inlam na-ngai behseh a nache kahenai, ahile ibol’a ka-indoipi chu naguh mang jengham?” ati.Gen 31:31 Jacob’in, “Nachanute ni neilahpeh jeng khat dem, tia kicha kahi.Gen 31:32 Amavang koi hile na-indoi namudohna pen pen chu tha ding ahi. Hikoma kamiteu hi sakhiahiuve, ipi hile nathil kihol’in namu mu kilah jengin,” ati. Laban doibom Rachel’in aguh lam chuJacob’in ahetlou ahi.Gen 31:33 Jacob ponbuh sunga Laban alut’in agahol’e, chuin Leah ponbuh sung ahol kit ’in, sohnumeite ni ponbuh sung dung jong ahol’in, indoi amudoh lou phat’in Rachel ponbuh sunga aluttai,Gen 31:34 Rachel’in indoi ho chu anaguh a, sangongsao pho kah a asel’a anatoupha ahi. Labaninponbuh sung pumpi ahol vangin amupon ahi.Gen 31:35 Rachel’in apa jah a, “Lung hang hih-in hepa, kathi neipet ahijeh-in na-angsunga kadingdohnompoi,” ati. Labanin ahol hol vangin a-indoi Teraphim chu amudeh tapoi.Gen 31:36 Jacob alung hangjah-in, “Ipilom kabolset’a, itobang danthu kapal keh ham? Hibanganeihindel peh chu?Gen 31:37 Kathilkeo hijat naphet lengsoh hel’a chu nathilkeo ijat namudoh mong em? Namudoh lehhikoma kamite le namite mitmun hinpodoh-in, koijoh idih-am amahon seiyu hen.Gen 31:38 Kum som ni kaumpi sunga hi nakelngoiho hihen nakelchate hijongle acha banga jongaumpon, nakelngoi hon lah a kelngoi chal khat beh jong kakitha khah poi.Gen 31:39 Kelngoi sahang tha geiyin keiman kasan, kei themmo jeh a thi ahilou photchetna nahengakahin lhut ngaipoi. Sunkah jankah a kigu mang hijongle neiditsahji bouve.Gen 31:40 Sun teng nisa hamvevu kathoh-in, janteng dap kathoh khovahjie. Hiti hin ihmu louvinka-um jin ahi.Gen 31:41 I-um khomna kum som ni sunga hitobang jenga chubou um kahi. Kum som le li sunginnachanute ni kalon, kumgup sungin nakelngoi hon kaloi. Hichan geihin jong katohman somvei jenneikhel peh-e.Gen 31:42 Kapu kapate Pathen, Abraham le Isaac Pathenin eipanpi lou hileh, khut goh keovaneisoldoh tahbah ding ahi. Ahinla Pathenin kagentheina le katohna amujeh-in jan nilhah chunnagihsaltai,” ati.Gen 31:43 Labanin Jacob adonbut’in, “Numeiho la kachanu jeng ahin, chapang chengla katute ahiuvin,kel-hon jouse jong keiya ahi. Tahbeh-in”hikoma um thil jouse hi keiya anahi. Ahivangin kachanute lekatute hi kahendenthei ahitah loujeh-in,Gen 31:44 nang to kihoucham ding kadeijotai. Hijeh chun ikihoutoh nau melchihnan song seu hite,”ati.Gen 31:45 Hijeh chun Jacob’in melchihna song khat atung’e.Gen 31:46 Jacob’in song ahinset khom diuvin amite aseipeh-e. Chuin song kisethom vel’a chun nehkhom abol’uvin ahi.Gen 31:47 Song kisekhom chu Labanin Jegar Sahadutha asah-in, Jacob’in Galeed asah-e.Gen 31:48 Labanin Jacob jah a, “Hiche song kisethom hi ikah lhon’a sakhia pang ahitai,” atin, amunchuGaleed asah-e.Gen 31:49 Labanin, “Kikhen kang jongle hen Pakaiyin eivesui jing lhon hen,” ati. Hichejeh jong hinamun chu Mizpah akisah-e.Gen 31:50 Labanin, “Kachanute ni nabol gentheiya numei dang jia nanei leh, ken kahet lou vanginPathenin eivetsui jing lhon hi nageldoh ding ahi.

Gen 31:51 Ikah lhona sakhia dia kasongset hiche hi ahin, hiche hi melchihna song ahi.Gen 31:52 Hiche song kisekhom hileh song kitung hi melchihna pang jing ding ahi. Nangma suse diaken hiche ‘melchihna song kahin khokal louhel ding, kei suse dia nangin jong nahin khokal thei louhelding ahi.Gen 31:53 Abraham Pathen, Nahor Pathen chu eini kah a thutan ding ahi,” ati. Hichun apa Isaac-inahou Pathen minin Jacob chu hiche kitepna thudol’a hin thengsel’in akihahsel tai.Gen 31:54 Molvuma chun Jacob’in kilhainan gancha athat’in, amite jouse an nedin akouve. An anehjouvun molvuma ageh khovah tauve.Gen 31:55 Ajing jingkah matah-in Labanin atute jouse le achanute achop’in alhasoh keiyin, in lamaakilekit tai.Gen 32:1 Jacob achepai pai leh Pathen Vantilten analamtoi.Gen 32:2 Vantilte amu phat’in, “Hichelai hi Pathen ngahmun ahi,” tin Mahanaim asahtai.Gen 32:3 Edom gamsunga cheng a-upa Esau henga Jacob’in mi asol masai.Gen 32:4 Amisol ho jah a, “Nathu ngaitah nanaopa Jacob’in ka-u Esau henga kasei nom chu: tuchangei hin Laban henga kagakhopemin,Gen 32:5 bong tampi, sangante, kelngoiho, kelchate chule soh tampi kalamdoh tai. Kachunga nalunglhai ding deina thu kahin thot ahi- he-u!” ati diuvin ahilchah-e.Gen 32:6 Solchahho Jacob henga ahung kile kit ’un, “Na-upa Esau henga kacheuvin, nangto kimutodin ahungtai. Pasal ja li to ahung kilhon’e,” atiuve.Gen 32:7 Jacob atijan akichatai. Chuin alhonpi chengse, mihem jong kelngoi jong, kelchate le bong hochule sangongsao ho loi ni nin akhenin ahi.Gen 32:8 Jacob geldol’a, “Esauvin amasaloi ahindel khum jeng tah jongle anukhah loi jamdoh theiahi,” ati ahiye.Gen 32:9 Jacob ataovin, “Kapu Abraham Pathen, kapa Isaac Pathen! O Pakai, kagam lang, ka-inkotehenga kakile kit ’a, nangin ijakai aphat phatna neibolpeh din nasei me!Gen 32:10 Neikhotona chengse le kitah tah a neibolna ho hi nasoh kei chan dia kilom jong ahipoi.Ajeh chu tenggol keoseh choiya Jordan galkai kahin, tun hiche loi ni nia kihomkhen jatpi hi tohkahung lhontai.Gen 32:11 Ka-upa Esau koma neihuhdoh dia tao kahi. Eihin delkhum’uva, numei chapang geiyasumang dia hungkon ahiding kakichan kati ajatai!Gen 32:12 Keidia thil ijakai aphat phatna neibolpeh a, kachilhahte jong Twikhanglen panga neldi jatnaphahsah a koiman asim jou lou dia neitepna chu geldoh-in!” ati.Gen 32:13 Hikoma chun Jacob ageh khovah-in, athil nei jousea konin a-upa Esau peh dingadongkhomin,Gen 32:14 kelpi ja ni le kelchal som ni, kelngoipi ja ni le kelngoichal som ni,Gen 32:15 sangongsao noukai cheh somthum le anoute, bongpi som li le bongchal som, sanganpi somni le achal som adong doh-e.Gen 32:16 Hicheng chu Jacob’in alup lup’in ahomkhenin, lup khat cheh chu asohte khat chehachinsah-e. Asohte jah a, “Kamasanga cheuvin, alup lup’in kijot’uvin, akah lah chu them khat chehonghoiyun,” ati.Gen 32:17 Amasapen sohpa jah a Jacob’in, “Ka-u Esau to nakitoa aman, ‘Koi lhacha nahiya, hoilamjon nahim? Namasanga nahinhoi gancha ho hi koiya ham?’ tia nadoh teng,Gen 32:18 ‘Aboncha hi nanaopa Jacob gancha ahi. Aman aboncha hi a-upa Esau dia ahintol ahin,Jacob jong kanunguva ahung’e,’ nati ding ahi,” ati.Gen 32:19 Lup ni lhinna sohpa le thum lhinna sohpa, chule gancha lup ching jouse jah a hiti chunaseipeh sohkeiye. “Esau to nakimuto tengu hitia chu naseisoh kei diu ahi.Gen 32:20 Chule, ‘Nanaopa Jacob jong kanung’uva ahunge,’ nati cheh diu ahi,” ati. Jacob geldan’a,“Hiche thilpeh hoa hi kasuh lung dam theileh, kakimuto lhon teng eingaidam thei khat’inte,” ati ahi.Gen 32:21 Jacob’in thilpeh ding chengse asol masan, ama ngahmun a ageh tai.Gen 32:22 Hiche jan chun Jacob athouvin, aji te ni le athaikem te ni, chule achate som le khat chuapuiyin Jabbok vadung agalkaitai.Gen 32:23 Ajite le achate athahdoh soh a, athilkeo jouse jong athahdoh soh phat’inGen 32:24 ama anunguva achangin aumden’e. Pasal khat ahungin , jingpi phalvah geiyin Jacob

akibotpi.Gen 32:25 Jacob kibotpi pan alel ding phat’in akhelbom asuhpeh le, akhelgu akipel doh tai.Gen 32:26 Akibotpi pan Jacob jah a, “Neilha loiyin, kho vah lha ding ahitai,” ati. Jacob’in la, “Vangneiboh masanga kalha louhel ding nahi,” ati nalaiye.Gen 32:27 Akibotpi pan Jacob, jah a, “Namin ipi ham?” atileh; aman, “Jacob,” ati.Gen 32:28 Aman, “Namin Jacob kiti lou ding ahitai; Pathen to jong mihem to jong nakibonin najoutai;hijeh a chu namin Israel hiding ahitai,” ati.Gen 32:29 Jacob’in, “Namin neiseipeh-in,” atileh; aman, “Ibol’a kamin neidoh ham?” atin, phattheiabohjo tai.Gen 32:30 Jacob’in amun chu, “Pathen kimaitoa kamua kahindohna mun,” tin Paniel asah-e.Gen 32:31 Jacob’in Paniel adalhah lhah-in nisa asoh paiyin, akhelgu kipel jeh chun kideopeh-inahunge.Gen 32:32 Tuni geiyin Israel chaten khelgu kisuhtona saphe hi anepouve; ajeh chu Jacob khelgukisuhtona phe lah tah chu anasuhpeh ahi.Gen 33:1 Pasal ja li to lhona Esau hung chu Jacob’in amun, chapang ho chu Leah, Rachel chulethaikemte ni ahoppeh-e.Gen 33:2 Thaikemte ni le achate lhon amasat sah-in, abanin Leah le achate asol’in, ajonan Rachel leJoseph anukhahsah-e.Gen 33:3 Achate le ajite masanga Jacob achen, a-upa ajot lut chun sagi vei tol’a adilsui.Gen 33:4 Ahinla Esauvin adel lut ’in, akoichah kheh a achop leh, akikalo lhontai.Gen 33:5 Esau akiheileh akimvel’a numeiho le chapang cheng amun, “Nahin lhonpi ho hi koi koihiuvam?” tin Jacob adonge. Jacob’in, “Pathenin lungset man’a eipeh chapang ho ahiuve he-u!” ati.Gen 33:6 Hichun thaikemte ni le achate lhon ahunguvin adilsu’ve.Gen 33:7 Abanin Leah le achate ahungun, achainan Joseph le Rachel ahung lhonin adilsu’ve.Gen 33:8 Esauvin, “Gancha alup lup’a kahintopa ho chu ipi ding ba nati ham?” atileh; Jacob’in,“Nalung lhaina dia kapeh nahi,” ati.Gen 33:9 Esauvin, “Kakhop bep kanei nai kanao, nanei chu kikoi jengin,” ati.Gen 33:10 Jacob’in, “Ahipoi, neilung lhaitah le kathilpeh jong neisanpeh teiyin. Deitah a neibolphat’in, namai kamu hi Pathen mai mu kabangtai.Gen 33:11 Pathenin eikhoton ijakai eipei; hijeh chun nang dia kahinpoh thil ho hi neisanpeh-in,” ati.Esauvin akilah kahsen Jacob’in apenah nah jenge.Gen 33:12 Esauvin, “Chetaute, kei masa nange,” ati.Gen 33:13 Jacob’in, “Chapangte lhahsam nahetsa ahin, kelngoipi noukai ho le bongpi noukaiho jongkagel khoh angaiye. Nikhat bang kihoibe kit le alup lup’a thigam jeng thei ahiuve.Gen 33:14 Keisangin masatan, ol tah-in nahin jui nange; Edom gama kahinphah kahsen, ganchate lechapang ho hinpuiying ting, kajochanin hindel nange,” ati.Gen 33:15 Esauvin, “Pasal phabep kadalhah peh ding ahi,” atileh; Jacob’in, “Angaipoi, neilung lhaiding chubou kadei ahi,” atitai.Gen 33:16 Hiche nikho chun Esauvin Edom gam ahinlejot kittai.Gen 33:17 Jacob’in Sukkoth ajonin, hikoma chun in khat akisah-in, ganchate ahen nai. Hijeh a chuhichelai mun hi Sukkoth kisah ahi.Gen 33:18 Mesopotamia gama ahung kilekit chun, Canaan gamsunga Shechem khopia Jacobdamsel’in ahung lhungin, khopi koma tollhang khat’a ngahmun asem’e.Gen 33:19 Hiche gam keh khat chu, Shechem pa Hamor chatea konin Jacob’in dangka jakhat’in achoi.Gen 33:20 Hikoma hin Jacob’in maicham khat asemin, Israel Pathen El min aputsah-e.Gen 34:1 Nikhat hi Jacob le Leah chanu Dinah chu Canaan numei ho henga kholai alenge.Gen 34:2 Chuche gamkai haosa, Hiv mi Hamor chapa Shechemin Dinah amudoh phat’in akipuiyinasusetai.Gen 34:3 Shechemin Dinah hoi asa lheh jengin, adeichan, thu nuntei din ajol jol jenge.Gen 34:4 Shechemin apa jah a, “Hiche nu-ngah hi kaji din neibolpeh-in,” tin aseitai.Gen 34:5 Achanu asuh thangu hi Jacob’in ajatan, achapate aboncha gamlah a bong chinga achejeh-un,ahung vailhun kahseuvin ima abolpoi.Gen 34:6 Shechem pa Hamor chu Jacob to kihou toh dia apotdoh pettah-in,

Gen 34:7 Jacob chapate gamlah a konin ahung vailhunguve. Jacob chapaten athu ajah-uva, ShecheminJacob chanu asuh thanga, Israel chate nahsahmoa abol chu kidang asauvin alung hang behseh jenguve.Gen 34:8 Hamorin Jacob jah a, “Kachapa Shechemin nachanu adeichai, kichenpisah teiyin.Gen 34:9 Kamite le namite kah a ikijonto theina diuvin kinoptona semu hite.Gen 34:10 Chuteng kagamsunguva jong ichenkhom thei diu, nadei lai laiya nachen’uva, lung mongtaha kivei nabol’uva, neile gou nakhol thei diu ahi,” ati.Gen 34:11 Shechemin Dinah pa le sopite jah a, “Hichea hin neilungset’un, thil nadei chanu penge.Gen 34:12 Thilpeh itobang nadeiyuva, moulah man ichan sang nadeiyu hijongle sem jengun, Dinahkakichenpi ding poule na-ngeh chanu pejeng inge,” ati.Gen 34:13 Shechemin asopinuu asuhthangsa ahijeh chun, Jacob chapaten Shechem le apa Hamor chudohan adonbut tauve.Gen 34:14 Amahon, “Keiho dia kisuh minpoina ahisangin kasopinuu hi cheptan lou pasalto kichensahthei pouvinge.Gen 34:15 Namite pasal jouse keiho banga chep natanpeh soh keivang le noppeh nauvinge.Gen 34:16 Chuteng ikijonto diu jong nom ung ting, nalah-uva kachen diu, chikhat nam-khat bangai-um diu ahi.Gen 34:17 Kasei banguva chep tan ding nadau vangle Dinah kipuiyung ting chetau vinge,” atiuvin ahi.Gen 34:18 Hamor le Shechemte pacha din athuseiyu chu aphat toh-in,Gen 34:19 Jacob chanu adei behseh jeh-in, Shechem kho ngai man louvin aseiyu chu aboltai. Shechemchu a-insunguva thunei pen ahi.Gen 34:20 Hamor le Shechemte pacha, khopi kelkot phung, japi kikhopna muna ache lhonin,akhosung miteu jah a agasei lhonin,Gen 34:21 “Hiche mite hi golle pai phatah ahibouvui; gamsunga chengkhomu hitin, jalen jengu hen.Gam hi amaho chenna khopset jong ahinai. Achanuteu kichenpiu tin, amaho jong ichanuteu peu hite.Gen 34:22 Amavang hiche mite toh ichenkhom’uva chikhat namkhat banga i-um theina diu chu, eihonjong amaho banga pasal jouse chep itan diu ahi.Gen 34:23 Chutibol leu hen aganhing jouseu le anei jouseu ichan jeng lou dingu ham? Hijeh chunichen khomna diuvin kinopto jengute,” ati lhon’e.Gen 34:24 Hamor le Shechem thusei chu khosung mite anomsoh tauvin, pasal jouse chep atanpehtauve.Gen 34:25 Nithum lhin nin khopi sung pasal ho cheptan nat thohgim pet’in, Jacob chapate ni, Dinahsopi, Simeon le Levin chemjam akipat lhonin, hetman louhel’in khopi adel khum lhonin, pasal jouseathatgam lhontai.Gen 34:26 Hamor le Shechem geiyin athat lhonin, Shechem insunga Dinah apuidoh lhonin achetauve.Gen 34:27 Amitha jou lhonin Jacob chapate adang hon asopinuu kisuhthang phulah nan khopi achomtheng hel’uve.Gen 34:28 Kel-hon jouse, bong hon, sangan ho chule khopi sunga thil ijakai loujao dunga umho geiyinakichomdoh-uve.Gen 34:29 Thil manlu jouse akilah-un, numei le chapang chengse gal-hingin akaiyun, insung dungaum thil jouse akilah-ui.Gen 34:30 Jacob’in Simeon le Levi jah a, “Nangnin lung gimna neiboldoh peh lhon’e; Canaan mite lePeriz mite chule hiche gamsung cheng mite jouse hot din neibol lhontai. Kenla mi tampi kaneipon,amaho kihoutoh-in eihin delkhum jengu leh, i-inkouva eisuhmang hel diu ahitai,” ati.Gen 34:31 Ahinla ama nin, “Amanba kanaonuu noti bol’a abol ding hijah ong?” ati lhone.Gen 35:1 Pathenin Jacob jah a, “Bethel jontouvin gacheng tan, chule na-upa Esau dalha nahungjamdoh a nahenga hung kilah Pathen din Bethel’a maicham khat gasemin,” ati.Gen 35:2 Jacob’in a-insung mite le alhonpi miho jah a, “Midang indoi nakoi chengseu chu paidoh-un,kisuthenguvin, vontheng kivon cheh-uvin.Gen 35:3 Bethel ijottou diu, kagimna chan a eikithopia, kachena chan a eilhonpi jing Pathen diamaicham khat kasem ding ahi,” ati,Gen 35:4 Mihon midang indoi akoi chengseu le abilba jouseu Jacob apeuvin, aman abonchanShechem kho koma gangpi phung noiya avuitai.Gen 35:5 Jacob le achate akitoldoh jouvun anaivel’a khopi dunga chun Pathena kon kichatna khat

ahung lhungin, hijeh chun amahon Jacob le amite adelngam tapouve.Gen 35:6 Jacob le amite abonchauvin Bethel kisah, Canaan gamsunga Luz khoa ahung tauve.Gen 35:7 Hikoma chun Jacob’in maicham khat asemin, amun chu Bethel Pathen min aputsah-e.Ijeh-inem itile a-upa Esau dalha ahung jama chu hikoma hi Pathen akoma hung kilah ahi.Gen 35:8 Rebecca lhacha nu Deborah thi chun Bethel lhang lam, gangpi phung noiya anavuiyun, hijehchun “Lhi lonna gangpi phung” anasah-ui.Gen 35:9 Mesopotamia gama kona Jacob ahung kile kit ’in jong ahenga Pathen ahung kilah kit ’inphatthei aboh-e.Gen 35:10 Pathenin ajah a, “Namin Jacob hi, tua pat Israel hiding ahitai,” ati. Hitia hi Pathenin Israelanasah ahi.Gen 35:11 Pathenin Jacob jah a, “Pathen Hatchungnung kahi, cha le nao tamtah hingin lang, chitinnamtin nanga pengdoh hen, leng le la l ding jong hingin.Gen 35:12 Abraham le Isaac kapehsa gam chu napeng ting, nathi nung teng nachilhahte kapeh kit dingahi,” ati.Gen 35:13 Akihou lhonna muna konin Pathen akaltoutai.Gen 35:14 Pathenin akihoupina laiya chun Jacob’in melchihna song khat aphut’in, lengpitwi leolive-thao asun khumin athensoi.Gen 35:15 Pathento akihouna laitah chu Jacob’in Bethel asah-e.Gen 35:16 Jacob le a-insung miten Bethel dalhan acheu leh, Ephrath aphah ding kon’un Rachelasonat’in, anat dan ahahsa lheh jenge.Gen 35:17 Asonat khoh pettah-in naodom nun, “Tija hih-in Rachel, pasal khat nanei kit ding ahitai,”ati.Gen 35:18 Rachel la alaichat paitan, atan konin achapa min Benoni asah leh, apan la Benjamin asah-e.Gen 35:19 Rachel athi phat’in, tulaiya Bethlehem kiti, Ephrath lampam a avuitauve.Gen 35:20 Jacob’in hetjingna lhansong khat aphut’in, tuni geiyin Rachel lhankhuh melchihnan apange.

Gen 35:21 Israel achepaiyin Eder insang gal’a ngahmun asem’e.Gen 35:22 Israel chuche gamsunga achen laiyin, apa thaikemte ni lah a Bilhah chu Reubeninakitimatpi. Israel’in ajahdoh phat’in alung hang behseh jenge. Jacob’in chapa som le ni aneiye.Gen 35:23 Leah to ahin ho Reuben, (Jacob cha lenpen), Simeon, Levi, Judah, Issachar chule Zebulunahiuve.Gen 35:24 Rachelto ahin Joseph le Benjamin bou ahi.Gen 35:25 Rachel sohnu Bilhah to ahin Dan le Naphtali ahilhon’e.Gen 35:26 Leah sohnu Zilpah to ahin Gad le Asher ahi. AbonchaMesopotamia gama peng ahiuve.Gen 35:27 Abraham le Isaac chenna, Hebron koma, Mamre khoa apa Isaac henga Jacob achetai.Gen 35:28 Isaac kum jakhat le somget ahingin,Gen 35:29 ateh kembet’in athin, achapate ni Esau le Jacob’in avui lhontai.Gen 36:1 Edom jong kitiji Esau chilhah chu hiti ahiuve.Gen 36:2 Canaan mi Esauvin akichenpi ho chu: Hit mi Elon chanuAdah, Hit mi Zibeon chapa Anahchanu Oholibamah,Gen 36:3 chule Ishmael chanu, Nebaioth sopinu, Basemath toh ahiuve.Gen 36:4 Adah-in Eliphaz ahingin, Basemath-in Reuel ahingin,Gen 36:5 Oholibamah chun Jeush le Jalam to Korah ahinge. Hicheng hi Esauvin Canaan gamsungaahin achapate ahiuve.Gen 36:6 Ajite le achate numei pasal, a-insung mi jouse le, Canaan gamsunga alamdoh anei agoujouse pumin, asopipa Jacob dalhan Esauvin gamchom ajontai.Gen 36:7 Jacob to Esau achenkhom thei louna chu gancha ahao thei behseh lhontan, gamsung kivahnakham ahitapoi. Hijeh a chuEsau chaodoh ahi.Gen 36:8 Hiti hin Esau Edom thinglhang gamsunga achengtai.Gen 36:9 Edomte penna Esau chilhah chu hicheng ahi.Gen 36:10 Esau jinu Adah-in chapa Eliphaz ahinpeh-in, Eliphaz chun chapa nga ahinge: Teman, Omar,Zepho, Gatam chule Kenaz. Timna kiti jichom khat aneiben, chapaAmalek chu ahinbei. Esau jinuBasemath-in chapa Reuel ahinpeh-in, Reuerin chapa li aneiyin: Nahath, Zerah, Shammah chule

Mizzah ahiuve.Gen 36:11 Esau jinu Adah-in chapa Eliphaz ahinpeh-in, Eliphaz chun chapa nga ahinge: Teman, Omar,Zepho, Gatam chule Kenaz. Timna kiti jichom khat aneiben, chapaAmalek chu ahinbei. Esau jinuBasemath-in chapa Reuel ahinpeh-in, Reuerin chapa li aneiyin: Nahath, Zerah, Shammah chuleMizzah ahiuve.Gen 36:12 Esau jinu Adah-in chapa Eliphaz ahinpeh-in, Eliphaz chun chapa nga ahinge: Teman, Omar,Zepho, Gatam chule Kenaz. Timna kiti jichom khat aneiben, chapaAmalek chu ahinbei. Esau jinuBasemath-in chapa Reuel ahinpeh-in, Reuerin chapa li aneiyin: Nahath, Zerah, Shammah chuleMizzah ahiuve.Gen 36:13 Esau jinu Adah-in chapa Eliphaz ahinpeh-in, Eliphaz chun chapa nga ahinge: Teman, Omar,Zepho, Gatam chule Kenaz. Timna kiti jichom khat aneiben, chapaAmalek chu ahinbei. Esau jinuBasemath-in chapa Reuel ahinpeh-in, Reuerin chapa li aneiyin: Nahath, Zerah, Shammah chuleMizzah ahiuve.Gen 36:14 Esau jinu, Zibeon chapa Anah chanu Oholibamah-in chapa thum ahinpeh-in: Jeush, Jalamchule Korah ahiuve.Gen 36:15 Esau chapate phung upa cheng chu hicheng hi ahiuve. Esau cha a-upapen Eliphaz ahin,Eliphaz a kondoh phung upa cheng chu: Teman, Omar, Zepho, Kenaz,Gen 36:16 Korah, Gatam chule Amalek ahiuve. Amaho hi Esau jinu Adah chilhah ahiuve.Gen 36:17 Esau chapa Reuel cha, phung upa cheng chu: Nahath, Zerah, Shammah chule Mizzahahiuve. Hicheng hi Esau jinu Basemath chilhah ahiuve.Gen 36:18 Anah chanu, Esau jinu, Oholibamah lhah phung upa cheng chu: Jeush, Jalam chule Korahahiuve.Gen 36:19 Akisei cheng hi’ Esau chilhah phung upa jeng ahiuvin ahi.Gen 36:20 Gamsunga cheng, Hori mi Seir chapate chu: Lotan, Shobal, Zibeon, Anah,Gen 36:21 Dishon, Ezer, chule Dishan ahiuvin, abonchauva Edom gama cheng Hori mi Seir chate laha phung upa cheh ahiuve.Gen 36:22 Lotan chapate ni chuHori le Heman ahin, Lotan sopinu chu Timna ahi.Gen 36:23 Shobal chapate chu:Alvan, Manahath, Ebal, Shepho chule Onam ahiuve.Gen 36:24 Zibeon chapate ni chuAiah le Anah ahi. (Anah hin apa sangan gamthip noiya agachinnatwisa putna twisam phung ahin mudoh ahi. )Gen 36:25 Anah chate chu: Dishon le Anah chanu Oholibamah ahi lhone.Gen 36:26 Dishon chapate chu: Hemdan, Eshban, Ithran chule Cheran ahiuve.Gen 36:27 Ezer chapate chu: Bilhan, Zaavan chule Akan ahiuve.Gen 36:28 Dishan chapate chu: Uz le Aran bou ahi.Gen 36:29 Hori mi phung upa chengse chu: Lotan, Shobal, Zibeon, Anah,Gen 36:30 Dishon, Ezer chule Dishan ahiuvin, achen nau Seir gamsunga, amaho hi Hori mi phungkhai cheh a upa ahiuve.Gen 36:31 Israelten leng aneidoh masanguva Edom gamsunga leng vaipo ho chu anoiya ho hi ahiuve.Gen 36:32 Beor chapa Belan Dinhabah khopia Edom gam lengvai apoi.Gen 36:33 Bela thi phat’in akhel’in, Bozrah khoa Zerah chapa, Jobab chun lengvai apoi.Gen 36:34 Jobab thi nungin, Teman mite gamsunga Hushamin ama khel’in lengvai apoi.Gen 36:35 Husham thi phat’in, Moab gamsunga Midian mite gajouvah, Bedad chapa Hadad-in, Avithkhopia, ama khel’in lengvai apoi.Gen 36:36 Hadad thi phat’in, Masrekah khoa Samlah-in ama khel’in lengvai apoi.Gen 36:37 Samlah thi phat’in, Euphrates vadung pang, Rehoboth khoa Shaul’in ama khel’in lengvaiapoi.Gen 36:38 Shaul thi phat’in, Achbor chapa Baalhanan chun ama khel’in lengvai apoi.Gen 36:39 Achbor chapa Baalhanan thi nungin, ama khel’in Hadarin Pau khopia lengvai apoi. Hadarjinu min chu Mehetabel ahin, Matred chanu, Mezahab tunu ahi.Gen 36:40 A-insung dungjuiyule, achen nau kho dungjui, amin dungjuiyuva Esau lhah phung upachengse min chu: Timna, Alvah, Jetheth,Gen 36:41 Oholibamah, Elah, Pinon,Gen 36:42 Kenaz, Teman, Mibzar,

Gen 36:43 Magdiel chule Iram ahiuvin, abonchauva Esau chapa Edom chilhah phung upa jeng ahin,gamsunga achen mun dungjuiyuva kihe ahiuve.Gen 37:1 Jacob chu apa chenna, Canaan gama achengin,Gen 37:2 Jacob insung thusim chu hiti ahi. Joseph kum som le sagi bep ahin, apa thaikemte ni Bilhahle Zilpah cha, a-ute chutoh kelngoite le kelcha ho aching jiuvin, a-ute thilse bol ho chu apau hengaJoseph-in ahin lhut jin ahi.Gen 37:3 A-upat nunga ahin ahijeh-in achapa dang jouse sangin Jacob’in Joseph alungset’in, sangkholchol bansao khat jong akhuipeh-e.Gen 37:4 Asopi dang sanga apauvin Joseph alungset a-uten amudoh phat’un, asopipau Joseph chuavetda behseh jenguvin, odamin jong ahouthei pouve.Gen 37:5 Jan khat Joseph-in mang aneiyin, asopite aseipeh leh, amahon avetda lo cheh kit tauve.Gen 37:6 Joseph-in, “Kamang hi ngai tem’uvin.Gen 37:7 Kamangin loulaiya changphal ikankhomu leh, kei changphal akiphongdoh-in ading jang petjengin, nang ho changphal chengse akimvel’a akikhom’uvin akun cheh-uve,” ati.Gen 37:8 Joseph sopiten, “Kachunguva leng changa vaihom dia kigel mong nahimo?” atiuvin, amangneijeh le athusei jeh chun aha hot cheh jenguve.Gen 37:9 Joseph-in mang khat aneikit’in asopite jah a asei kit ’in, “Mang khat kanei kit ’in, kamanginnisa le lha chule ahsi som le khat, ka-anga akun’uve,” ati.Gen 37:10 Joseph-in amang chu apa jong aseipeh leh, aman apho lon, “Iti hitobang mang chu naneiham? Nanu le nasopite to kahunguva nahenga dilsu dia neigel mongu haimo?” ati.Gen 37:11 Joseph sopite chu achunga athangseuvin, apan vang athusei ho chu agel jinge.Gen 37:12 Nikhat hi Joseph sopite chu apau kelngoi hon ching din Shechem a achetauve.Gen 37:13 Jacob’in Joseph jah a, “Na-ute kelngoi chinna, Shechem a chele chun kadeiye,” atileh;Joseph-in, “Henge,” ati.Gen 37:14 Apan, “Nasopite dam’uva, kelngoihon jong pha nam gaven, hung kit ’in lang neiseipeh-in,”ati. Hiti hin apan Hebron phaiya pat Joseph chu asoldoh tai. Joseph chu Shechem alhungtan,Gen 37:15 ahin gamlah a agam mangin avakoile naa pasal khat’in atoh khan, “Ipi hol le nahim?” ati.Gen 37:16 Joseph-in, “Kelngoi chinga pang ka-ute kahol ahi, hoiya um’uvam, neiseipeh le iti-am?” ati.

Gen 37:17 Pasalpa chun, “Chetauva chula em? Dothan a che ding atiu kaja me,” ati. Hijeh chunJoseph asopite nunga achen, Dothan a agamudoh tai.Gen 37:18 Joseph-in ahinphah masangin asopiten agalmu’vin, akihousom loiyuvin, thadoh dinanakoitauve.Gen 37:19 “Veuvo, mang neipa ahungtai!Gen 37:20 Hungun that’u hitin, ‘ twikul twibei la i khat’a along leh lut’u hitin, sahang than seitah tauhen. Chuteng amang chu ipi aso vetah tau hen,” akitiuve.Gen 37:21 Akihouvu Reubenin ajan, Joseph huhdoh agon, “That poute.Gen 37:22 Suhset dauvin, gamthip laiya twikul sunga khun leh lutjo taute,” ati. Hitia hi Joseph chuhuhdoh a apa henga lesol kit dia agot ahi.Gen 37:23 Joseph asopite heng ahung lhun phat’in, amahon asangkhol chol bansao chu asut lhauvinahi.Gen 37:24 Chuin akaiyun, twikangsa twikul sung khat’a aleh lut tauve.Gen 37:25 Joseph sopiten an aneh pet’uvin, Ishmael mi, Gilead a pat Egypt lam jon, kholjin hoamu’ve. Ishmael mihon asangongsaoteu chu bego le thing thao namtui tampi apohsah-uvin ahi.Gen 37:26 Judah-in asopite jah a, “Isopi ikithauva, itolthau i-im manguva ipi phachomding ham?Gen 37:27 Hiche Ishmael mite henga hin kijoh taute. Isopi nahjoh, iphe ivou nahsa achunga khut lhahdaute,” atileh; asopite anom’uvin,Gen 37:28 Midian mi kiveiho hung phat’in, Joseph chu asopiten twikul’a konin akaidoh-un, Ishmaelmiho henga dangka som ni manin ajoh-uvin, Ishmael mihon Joseph chu Egypt gama apuitauve,Gen 37:29 Twikul phung lama ahung kit le Joseph aum lou phat’in Reuben alung gim behseh jenginaponsil abottel’in,Gen 37:30 asopite henga achen, “Boipu chu anaumtapoi, i-kati ding hitam?” ati.Gen 37:31 Joseph sopiten kelcha khat athat’un, Joseph sangkhol chol chu kelcha thisan lah a

adelhop’uvin,Gen 37:32 sangkhol chol chu apau henga achoiyun, “Hiche hi kamu’ve. Nachapa sangkhol hilouham?” atiuvin ahi.Gen 37:33 Jacob’in ahepai jenin, “Joseph sangkhol hina hi-o! Sahang khattou hin atha hita bep’a hime! Kachapa Joseph hi atel adah a ajenthang hita hi-o!” ati.Gen 37:34 Jacob alungna behseh jengin aponsil abottel’in, khaodip pon akisil’e. Phat sottah achapaJoseph pul adouvin ahi.Gen 37:35 Achate numei pasal abonchan ahungun alhep lhep vangun alung mong thei deh tapoi.“Kachapa pul dou pum pumin noimigama kumsuh jeng tange,” atin, achapa Joseph pul adou dou jenge.

Gen 37:36 Midian miten ma Egypt gama Joseph chu lengpa vaibol ho lah a inpi ngah sepai lamkaiPotiphar henga anajoh tauve.Gen 38:1 Hiche la i hin Judah-in asopite adalhan, Adullam khoa amin Hirah kitipa chu agabeltai.Gen 38:2 Hikoma hin Canaan mi Shua chanu chu Judah-in amudoh-in, akichenpi leh,Gen 38:3 chapa khat ahinpeh-in, Judah-in amin Er asah-e.Gen 38:4 Nao avop kit’in, chapa khat jong ahingin, amin Onan asah-e.Gen 38:5 Chapa khat jong ahinbe kit nalaiyin amin Shelah asah-in ahi. Anaoso pet hin Judah chuAchzib a anaum’e.Gen 38:6 Achapa lenpen Er ji din Judah-in Tamar apuipeh-e.Gen 38:7 Er akhanset jeh-in Pakai alung hangin athat tai.Gen 38:8 Chuin Judah-in Er sopipa Onan jah a, “Na-upa jinu ven lang, nasopipa chi khaipeh-in,” ati.Gen 38:9 Cha ahin ding chu achan lou ding akihet jeh-in, a-upa jinu to akitimat chanin Onan chunbotwi tol’a ache lhajin, a-upa chi khaipeh lou din abol’e.Gen 38:10 Athilbol hi Pakai alung lhaitapon, ama jong Pakaiyin athat kittai.Gen 38:11 Judah-in amou nu Tamar jah a, “Kachapa Shelah kikhanlhit kah-in napa in ’a chenmeithaiyin ga-umtan,” ati. Asopite banga Pakaiyin Shelah jong athalo ding kicha Judah-in chutia aseiahi. Hijeh chun Tamar a-in lama achetai.Gen 38:12 Chom khat nungin Judah jinu athitai. Judah-in aji pul adou chai phat’in agolpa, Adullamkhoa Hirah toh Timnah a akelngoi mul vou ho henga achelhone.Gen 38:13 Mi khat’in atehpu Timnah a akelngoi mul vou dia ache hi Tamar jah a agaseitai.Gen 38:14 HichunTamarin meithaivon chu akhel loiyin, ponlu akikhun, Timnah lampia Enaim khopikelkot phunga atouve. Shelah gollhangta a Judah-in amato akichensah lou chu phate cha ahetdohahitai.Gen 38:15 Tamarin ponlu akhuh jeh-in Judah-in avet leh numei kijoh danin agel’e.Gen 38:16 Judah-in lampam a apuidoh-in, amou nu ahilam helouvin, “Hungin lumkhom hite,” ati.Tamarin, “Neiluppi man dia ipi neipeh ding ham?” ati.Gen 38:17 Judah-in, “Kel-hon lah a kelnou khat hinthah peh nange,” ati. Tamarin, “Kelcha nahinthahna dia khamgahna ipi neipeh di ong?” ati.Gen 38:18 Judah-in, “Khamgahna thil ipi kapeh di?” tin adonge. Tamarin, “Na-mohor le akhao chulenatenggol-nachoi chu,” ati. Aseichengse apen, akitimat lhonle, Tamar anaovop paitai.Gen 38:19 Tamar inlama akile kit ’in, aponlukhuh ahoh lhan meithaivon akivonkit tai.Gen 38:20 Kelcha gathah peh a, numei nu koma khamgahna thil adalhah chengse gala din, Judah-inagolpa Hirah asol leh, Hirah-in numei nu chu agaholmo tai.Gen 38:21 Hirah-in Enaim khopia miho jah a, “Lampama tou numei kijohnu chula am?” tin adonge.Mihon, “Hikoma numei kijoh aum khapoi,” atiuve.Gen 38:22 Hirah chu Judah henga ahungin, “Mithangnu kagaholmo ta-e. Amuna mihon ma numeikijoh umkha louhel’in aseiyui,” ati.Gen 38:23 Judah-in, “Aman kilah paitante, min eimoh nuisat bep lhon ding ahi. Peh dia kiseita, nangingamudoh jou talou chu,” ati.Gen 38:24 Lhathum nungin mikhat’in Judah jah a, “Namou nu Tamar noti chonin achontan, tun vangagaitai,” tin aseipeh-e. Hijeh chun Judah-in, “Hinkaidoh-un, kigoulih jeng hen,” atitai.Gen 38:25 Ahinkaidoh phat’uvin Tamarin atehpu henga thu athot’in, “Thil hicheng neipa hin eigai ahi.Hiche mohor le akhao, chule tenggol hi koiya pen ham-hinven,” ati.

Gen 38:26 Athil ho chu Judah-in ahepaiyin, “Kachapa Shelah to kakichensah loujeh-in Tamar adihjotai,” atin, akalsen amanu to akitimat kit tahih hel’e.Gen 38:27 Tamar anavah phat’in anaobu sunga apeng din naocha ni ana-ume.Gen 38:28 Asonat laitah-in naocha khatjoh-in akhut ahinsodoh leh, naodom nun akhutchonga patsanjang aveipeh-in, “Hichejoh hi apeng masa ahi,” tin amelchih-e.Gen 38:29 Ahin akhutchong anung loilut’in, asopipa apeng masatai. Hichun naodom nun,“Nachamtah-in nama nakihon jenge,” tin amin Perez asahtai.Gen 38:30 Chujouvin asopipan patsan jang akibun ahung pengin, amin Zerah asah tauve.Gen 39:1 Ishmael mihon Joseph chu Egypt gama apuisuh-un, leng vaibol’a pang, leng inpi ngah sepailamkai Potipharin Joseph chu akichoh tai.Gen 39:2 Pakaiyin Joseph aumpi jingin, alolhinsah jinge. Joseph chu apu Egypt mipa ina achengin,Gen 39:3 Pakaiyin Joseph aumpia, atoh lam lama alolhinsah chu Joseph pupan amutai.Gen 39:4 Joseph chunga Potiphar alung lhaiyin, ama jenle din apansah-e. A-insung le anei jousechunga vaipon jong apansah tai.Gen 39:5 Hichea pat chun Egypt mipa Potiphar insung, a-insung le aloulaiya aneiho abonchan Josephjal’in Pakaiyin phatthei aboh tai.Gen 39:6 Potipharin anei jouse abonchan Joseph khut’a akoiyin, aneh ding an tilou thil dang imachaadon tapoi. Joseph hi mihoi, vetnom umtah ahi.Gen 39:7 Chom khat jouvin apu jinun Joseph adeichan, luppi din ajol pantai.Gen 39:8 Joseph adan ajah a, “Ven, kei umjeh a kapun insung thil imacha gel khoh talouva, abonchakeima einganseta.Gen 39:9 Hiche insunga hi ama bang banga thaneiya eikoi ahin, nang tilou imacha ei-itpeh louhelahitai. Iti hitobang thilse chu kabol’a Pathen douna kachonset ding ham?” ati.Gen 39:10 Niseh a ajol jol jeng vangin, Joseph-in lup jong aluppi pon, tijong akitimatpi poi.Gen 39:11 Nikhat hi anatoh ngai tong dia Joseph insunga agalut le, insung lhacha pasal khat beh jongana umpouve.Gen 39:12 Hichun Potiphar jinun Joseph chu asangkhol chol’in amanin, “Neiluppi-o,” ati. Josephchun asangkhol chol akhut’a adalhan inpo lama ajamdoh tai.Gen 39:13 Akhut’a sangkhol chol dalha a inpo lama Joseph ajamdoh phat’in,Gen 39:14 Potiphar jinun insung lhacha pasal ho akou loiyin, “Hiche sangkhol chol hi veuvin!Kapauvin hiche insunga ahinpuilut hiche Hebrew mipa hin eidai chavaiyin, indan sunga eipuilut’insuhset din eigoi. Hijeh a chu hapen a kapen leh,Gen 39:15 kapen-gin ajah phat’a, asangkhol chol kakoma adalhah a inpo lama hung jamdoh ahi,” ati.Gen 39:16 Potiphar jinun Joseph sangkhol chol chu apupa hung kahsen akoiye.Gen 39:17 Ahung phat’in asei bang bangin aseipeh-in, “Hiche Hebrew mi nahinpui lut sohpa khuka-indan sunga ahungin eidaithange.Gen 39:18 Kapenjah phat’in polama alhaidoh-in kakoma asangkhol chol adalhai,” ati.Gen 39:19 Joseph pupa chu ajinun ajah a, “Nasohpan hitobang banga hi eibol ahi,” tia asei ajahphat’in, alung hang behseh jengin;Gen 39:20 Joseph chu amanin, lengpa sohchang ho kihenna, songkul sunga akhumin, Joseph hikomachun aumtai.Gen 39:21 Ahivangin Pakaiyin Joseph aumpin, phatthei aboh-in, hijeh chun songkul kotngah panalungset paitai.Gen 39:22 Songkul kot ngah pan sohchang dang jouse Joseph khut’a akoiyin, ipi kibol jongle aboljouse Joseph boldoh-in bou akithangtai.Gen 39:23 Pakaiyin Joseph akilhonpia, abol jouse alolhinsah jeh-in, Joseph thilbol jouse chu songkulkot ngah pan avekhoh tapoi.Gen 40:1 Chomkhat jouvin Egypt lengpa ju vaibolpa le an vaibolpan lengpa doumah abol lhon’e.Gen 40:2 Hijeh chun ju vaibolpa le an vaibolpa chunga lengpa alung hangin,Gen 40:3 hijeh chun leng inpi ngah sepai lamkaipa in, Joseph kihenna songkul sunga chun amani jongsongkul’a ahentai.Gen 40:4 Songkul’a sotpi aumtauvin, inpi ngah sepai lamkaipan Joseph chu ju vaibolpa le an vaibolpalhacha din akoiye.

Gen 40:5 Jan khat songkul sunga chun, ju vaibolpa le an vaibolpan mang khat gel anei lhonin, amanglhon chu aledohna chom cheh ahi.Gen 40:6 Jingkah a Joseph aheng lhona ahungleh, mai ngui theh a anaum lhon amui.Gen 40:7 “Tunin lungkham tah to nabang lhonin-e!” tin Joseph-in adonge.Gen 40:8 Amanin, “Mang khat cheh kanei lhonin, ledoh a hilchen thei hikoma koima cha aumpoi,” atilhon’e. Joseph-in, “Sei lhon tem-o, mang letheiya Pathen uma chu,” ati.Gen 40:9 Ju vaibolpan, “Kamangin kamasanga lengpigui khat anajamin,Gen 40:10 bah thumin ajamkhen’e. Ajih adot jouvin aga alit paiyin, chuin achang lhingpaitai.Gen 40:11 Lengpa khon kanachoiyin, chuin lengpiga ho chu khon sunga kanoilha lhan, kadominlengpa kagapei,” ati.Gen 40:12 Joseph-in, “Namanga lengpibah thum chu nithum hiding,Gen 40:13 nithum lhin ni leh lengpan nalhadoh-in tin, na-ngaidam a, napan mun a napansah kit dingahi. Chuteng masanga ju vaibol’a napan la i banga chu jukhon nadop’a lengpa napeh ding ahi.Gen 40:14 Nang dia ijakai akibol phatsoh teng neihin geldoh-in, neikithopin lang songkul’a konaeilhadoh loina din lengpa henga kathu neihin seipeh-in.Gen 40:15 Adih tah a chu Hebrew mite gamsunga kona eihin lhoh mangu ahibouvin, hikoma jongsongkul lut lo na thei ima kabolsepoi,” ati.Gen 40:16 Ju vaibolpa mang phate cha alepeh chu an vaibol lamkaipan amudoh phat’in Joseph jah a,“Kenjong mang khat kaneiyin, kamang chun changlhah pocha thum kapui.Gen 40:17 Pocha chungung pen a chun lengpa dia kansa changlhah jat chomchom kapun, hiche hochuvachaten ane nejengui,” ati.Gen 40:18 Joseph-in, “Namanga pocha thum chu nithum ding ahin,Gen 40:19 nithum lhin ni leh lengpan nalhadoh-in tin, nalu tantante! Chule natahsa chu khom chungatah-in tin, vachaten nasa aneh diu ahi,” ati.Gen 40:20 Nithum lhin ni, lengpa pen nikhon lengpan alhachate toh golvah abol’in, ju vaibolpa le anvaibol lamkaipa alhadoh-in, alhachate masanga ahin kailuttai.Gen 40:21 Chuin ju vaibolpa chu apan mun luiya apansah kit ’in,Gen 40:22 an vaibol lamkaipa vang chu athat tai. Hiti hin Joseph sei bang bangin agui lhungsoh keiye.Gen 40:23 Ahinla ju vaibolpan Joseph chu ageldoh tapon, asumil del tai.Gen 41:1 Kum ni jouvin Egypt lengpa amangin Nile vadung panga anadingin,Gen 41:2 vadunga konin bongpi jolsel, thaotah cheh sagi ahung doh -in hamhing lah a alhauve.Gen 41:3 Chuin agon a gong, gudohset sot jeng bongpi sagi ma vadunga kon chun ahung kaldoh-un,vapanga bongpi thao ho koma chun adingui.Gen 41:4 Chuin bongpi gongset sot ho chun bongpi thao chengse chu aval lhum tauve. Hichun lengpaa-ihmut akhangtai.Gen 41:5 A-ihmut kit le amangin changpal bohlep, aminsa cheh sagi changkung khat’a anakeh-e.Gen 41:6 Chule niso lam khohui mut heosa, changpal geothit thet sagi ma ana-umin,Gen 41:7 changpal hoitah ho chu aval lhum gamtauve. Lengpa akhah phat’in amang nei ahedoh tai.Gen 41:8 Jingkah-in lengpa amangin alung theh tenin, Egypt gamsunga mitpheldoi them jouse lemiching jouse agakousah-in, ajah-uva amangte ni aseipeh vangin koiman ahilchen theipouve.Gen 41:9 Hichun ju vaibolpan lengpa jah a, “Tunin kathemmona khat kageldoh-e.Gen 41:10 Kei le anvaibol lamkaipa chunga lung hanga, inpi ngah sepai lamkaipa in, songkul’aneinakoi la i lhonin,Gen 41:11 jan khat mang kanei gel lhonin, kamang lhon chu aledohna chom cheh ahi.Gen 41:12 Songkul’a chun inpi ngah sepai lamkaipa soh, Hebrew mi gollhang khat ana-ume. Ama chukamang kaseipeh lhonle, eilepeh lhonin,Gen 41:13 ijakai aseibang bangin ahung umin, keima kapanna munluiya neipansah chun, anvaibolpavang nathattai,” ati.Gen 41:14 Apettah chun lengpan mi asol’in, songkul’a konin Joseph chu agapuidoh loiyuvin, amanakhamul akivo jou phat’in avon akikhel’in lengpa angsunga ahung luttai.Gen 41:15 Lengpan Joseph jah a, “Mang khat kaneiyin, ledoh a hilchen thei aumtapoi; ahin nang hinmang naledoh thei thu kajai,” ati.Gen 41:16 Joseph-in, “Kei hipong ting, amavang Pathenin lengpa lungmon na thei khat’in hindonbut

nante,” ati.Gen 41:17 Lengpan, “Kamangin Nile vadung panga kana dingin,Gen 41:18 vadunga kon chun bongpi jolsel, thaotah cheh sagi ahungdoh-un, hamhing lah a ahunglhauve.Gen 41:19 Chuin agon a gong, gudohset sot, bongpi sagi ma ahungdoh-uvin, hitobang bongpi gongmelse chu Egypt gamsunga kamukha hih laiye.Gen 41:20 Bongpi gong ho chun athaoho chu aval lhumtauve.Gen 41:21 Ahivangin agon ngaiya agon jeh-uvin ipi aneh-u jong akihedoh deh poi. Hichun kahungkhangdoh tai.Gen 41:22 Mang khat ma kanei kit ’in, changphung khat’a changpal bohlep, minsa sagi kamui.Gen 41:23 Chuin niso lam hui mut geosa, changpal geothit thet, sagi ma kamun,Gen 41:24 changpal geosa hon changpal pha chengse chu aval lhumtauve. Kamangte ni hi mitpheldoithem ho kaseipeh vangin koiman eiseipeh thei pouve,” ati.Gen 41:25 Joseph-in lengpa jah a, “Namangte ni hi tha khat ahin, abolgot ho chu Pathenin naseipehahi.Gen 41:26 Bongpi thao sagi hi kum sagi hiding, changpal pha sagi jong chu kum sagi ma hiding ahin,aledohna tha khat ahibouve.Gen 41:27 Bongpi gong sagi hungdoh ho le niso lam khohui mutgeosa changpal sagi chu kum sagi kellhahna ding ahi.Gen 41:28 Kaseipeh banga-athilbol got chu Pathenin navetsah ahitai.Gen 41:29 Kum sagi sunga Egypt gamsunga neh le chah neng jeng jung ding,Gen 41:30 chujou tengle kum sagi sunga kel lha ding, gamsunga kel ahahsat behseh teng, neh le chahthalhin la i kum sagi chu kisumil hel ding ahi.Gen 41:31 Kel lhah chu anatsat behseh jeh a neh le chah nen phat chu kisumil del ding ahi.Gen 41:32 Mang avel’a nanei kit jeh hi-Pathenin asosah tei ding ahitan, tujou teng ahin lhunsah loiding ahi.Gen 41:33 “Hijeh chun miching, ijakai hethemtah khat gamsung pumpi vaipon pansah-in.Gen 41:34 Chule vaibol dang jong pansah-in lang, amahon neh nen kum sagi sungin lhosoh jousehopnga a khat dongkhom’u hen.Gen 41:35 Vaibol ho chu ahung lhung ding kum phat sung sea neh le chah lhoh khoma, khopi jouse akhol khom’a nga tupna thei tha neisah-in.Gen 41:36 Hiche neh le chah ho chu ahung lhung ding kum sagi kel lhah sunga gamsung min keldouna anei diu; hitia chu mipi kel-thi lou diu ahi,” ati.Gen 41:37 Joseph thilgon chu lengpa le avaibol hon pha asauvin,Gen 41:38 hijeh chun lengpan ajah-uva, “Asunga Pathen Lhagao cheng, Joseph sanga phajo midangmudoh jou poute,” ati.Gen 41:39 Lengpan Joseph jah a, “Pathenin hicheng namusah jeh hin, midang jouse sanga chihna giljole hetna phajo nanei akichen jenge.Gen 41:40 Hijeh a chu kagamsung vaipoa kapansah ding, kamiten abonchauva nathupeh jouse anit diu,kei ban a tha neipen nahi ding ahi.Gen 41:41 Egypt gam pumpia vaipoa kapansah nahitai,” ati.Gen 41:42 Lengpan amohor khutjem chu asut lhan, Joseph abupeh-in, tupat ponnem chol asilpeh-in,sanakol a-opeh tai.Gen 41:43 Lengte kangtalai ni lhinna a atousah-in, amasanga Joseph jabolnan lhang akisamin, “Dilsuuvo!” akiti. Hiti hin Joseph chu Egypt gam pumpi vaipon akilhengtai.Gen 41:44 Lengpan Joseph jah a, “Leng kahivangin, nang thu louva, Egypt gamsung pumpin khut lhale kalson abol louhel diu ahi,” ati.Gen 41:45 Lengpan Joseph min chu Zaphenath Paneah asah-in, Heliopolis khopia ThempupaPotiphera chanu, Asenath to akichensah tai.Gen 41:46 Egypt lengpa kinbol’a apan chun Joseph kum somthum alhingtai. Lengpa vaibolna in ’aakipatdoh-in gam pumpi agakholsoh keiye.Gen 41:47 Kum sagi sungin lhosoh apung lheh jengin, neh le chah alhing lheh-in ahi.Gen 41:48 Joseph-in hiche ho chu adongkhom khomin khopi dunga chun akhol’e. Khopi jousea avel

dunga neh le chah kimuho akhol’e.Gen 41:49 Chang atam behseh-in, Joseph-in telouva amoh koijeng leh Twikhanglen panga neldi lhuhkisong abange.Gen 41:50 Kel kum hung lhun masangin, Joseph-in Asenath to chapa ni ahing lhon’e.Gen 41:51 “Pathenin kagimna jouse le ka-insung mite sumil theiyin eikoitai,” tin achapa lenjo chuManasseh asah-e.Gen 41:52 “Hesoh genthei kathohna gamsunga Pathenin cha eihinsah-e,” tin, achapa nina chuEphraim asah-e.Gen 41:53 Egypt gamsunga neh le chah thalhinna kum sagi chu akichaitan,Gen 41:54 Joseph sei bang chun kum sagi sunga kel lhah ding chu akipantai. Gam dang danga kelahahsa lheh jengin, Egypt gamsung pumpia vang neh le chah aum jinge.Gen 41:55 Egypt mite jong akel pantauvin, lengpa koma neh ding athumtauve. Hichun Joseph hengaacheuva, asei bang banga chon din lengpan miho chu aseipeh-e.Gen 41:56 Kel akhoh cheh cheh a gam pumpi alosoh phat’in Joseph-in changsal jouse ahongin Egyptmite chu chang akichohsah-e.Gen 41:57 Muntin a kel ahahsat behseh phat’in, vannoi kolkim vel’a konin mihon Joseph henga changkichoh din Egypt lam ahinjon jon jenguve.Gen 42:1 Egypt gam a chang kimu thu ajah phat’in achapate jah a Jacob’in, “Ibol’a kiveto chel chulnahiuvam?Gen 42:2 Egypt gam a neh le chah kimu thei thu kajai; ikel thipai louna diuvin, cheuvin lang changthem khat gachouvin,” ati.Gen 42:3 Hijeh chun Joseph sopite pasal som chu Egypt gama chang cho din acheuvin,Gen 42:4 i-khat khat ti ding gin nan, Joseph penpi mong mong Benjamin vang chu Jacob’in asopitechutoh asol thapoi.Gen 42:5 Canaan gama jong kel alhah tahjeh-in, Jacob chapate jong midang ho to lhonin, Egypt gamachang chon ahunguve.Gen 42:6 Egypt gam vaipoa apanjeh-in, vannoi kolkimvel’a kona hung miho henga Joseph-in changajoh-e. Joseph sopite jong puhsuiyin ahungun, Joseph masanga aboh khup’uvin salam abol’uve.Gen 42:7 Asopite amu mun Joseph-in ahepai jenin, ahivangin helou bangin abol’in, hutot thonajah-uva, “Hoiya hungkon nahiuvam?” atileh; amahon, “Canaan gama kona puhsuiya hung kahiuve,”tin adonbut’ui.Gen 42:8 Aman asopite ahet vangin, asopiten Joseph ahedoh theipouve.Gen 42:9 Joseph-in asopite chung changa mang anei chu ageldoh-in, “Nang ho hi guhlan gal,kagamsung lhahsam nau vetoh lea hung nahibouvui,” ati.Gen 42:10 Amahon, “Kahipouve kapu, nasohte puhsuiya hung kahibouvui.Gen 42:11 Nasohte hi sopi khat, mi kitah cheh kahiuvin, guhlan miho dan kahi hih hel’uve,” atiuve.Gen 42:12 Joseph-in ajah-uva, “Hilouve, kagamsungu lhahsamna vetoh lea hung nahibouvu chu,” tinanotai.Gen 42:13 Amahon, “Kapu, keiho hi Canaan gama cheng pasal khatseh chate kahiuvin, kabonchauvasom le ni lhingsa kahiuve. Kasopiu khat athitan, alhumpen pa kapauto aum lhon’e,” atiuve.Gen 42:14 Joseph-in, “Kasei chu hiya chu, aguhlan mi nahiu chu.Gen 42:15 Hitia hi nakipatep diu hichu: Nasopiu lhum penpa hikoma nahin puilut masangseuva,lengpa hinlaisea napotdoh thei louhel diu ahi.Gen 42:16 Khat nacheuva nanaopau nagapui diu, nathuseiyu ajou atah akiphot chet masangseaadangse hikoma nakihen diu ahi. Achutiloule, lengpa min a kasei ahi, nang ho guhlan miho nahimongui,” atitai.Gen 42:17 Hichun abonchauvin nithum sunga din songkul’a akhumtai.Gen 42:18 Nithum nin Joseph-in ajah-uva, “Pathen tahsan mi kahijeh-in nahindohna thei diu thil khatbolpeh inge.Gen 42:19 Mi kitah nahiu phot chetnan, nakihen nau songkul’a hin khat kidalhauvin, adangsen kel lechah a um na-insung miteu din nachohsau chang hi pon chetauvin.Gen 42:20 Chule nasopiu lhumpen chu kahenga nahin pui diu ahi. Hitia nabol’u hin nathuseiyuatahdol aphot chetsah a, kathada diu ahi,” ati. Joseph thusei chu anom cheh-un,

Gen 42:21 khat’in khat jah a, “Isopipau lbolgenthei jeh-uva eihon genthei ithoh-u hiya hi; chubangaagenthei pettah a kithopi dia tao tao jenga eihon ki-ngaipeh lou chu. Hijeh a chu tua hiti genthei ihiu hime,” akitiuve.Gen 42:22 Reubenin, “Boipu bolset lou dia chuti kiseiya, nang hon kathu ngailouvu. Tua hi amalongman sahna genthei ihiuva hi,” ati.Gen 42:23 Joseph to akah-uva paole khat apanjeh-in, Joseph-in akihouna jouseu ahetlam chu asopitenahepouve.Gen 42:24 Amaho chu adalhan Joseph agakap’e. Akajouvin ahenguva ahungin, Simeon amaninamasang laitah-uva akantai.Gen 42:25 Asopite chu tumbu athun dimpeh cheh-uva, asumu jong tumbu sunga alehet peh diu, chulelampia aneh diu neh le chah agonpeh diuvin Joseph-in lhacha ho ahilchah leh, hiti chun aboltauve.Gen 42:26 Joseph sopiten chang tumbu ho chu sangante apohsah-un achetauve.Gen 42:27 Ajan gepa nauva, alah-uva khat’in asangan vahna dia tumbu ahondoh leh, akama asumanaum’e.Gen 42:28 Aman, “Kasum einung koipeh tauve, hikoma aum’e,” tin asopite aseipeh tai. Chutah chunalung lha lhop gamtauvin, khat le khat akivetouvin, “Pathenin i-eilo bep’u hitam?” akitiuve.Gen 42:29 Canaan gam, apau Jacob heng ahung lhun phat’un achunguva thilsoh abonchan aseitauve,Gen 42:30 “Egypt gam vaipo pan eihutot tho jengun, ama gamsunga guhlan midanin eiseiyui.Gen 42:31 Keihon, ‘Mi kitah kahiuvin, guhlan mihem kahipouve.Gen 42:32 Kaboncha pa khat cha jeng, sopi som le ni kahiuvin; kasopiu khat vang athitan, alhumpenpa Canaan gama kapauto aum’e,’ katiuve.Gen 42:33 Hichun gam vaipo pan, ‘Mi kitah nahi nahilouvu phot chetna, nalah-uva khat kakomakidalhauvin, adangsen kel le chah thoh a um na-insung miteu chang poh peh-un lang chetauvin.Gen 42:34 Chule nanao lhumpen pau chu kahenga nahin pui diu ahi. Chutengle guhlan louva, mi kitahnahiu heng ting, nasopi pau lepeh ing ting, nachen den’uva sumle pai nakihol diu ahi,’ tin aseiye,”atiuve.Gen 42:35 Atumbuu alhei lhah phat’uvin, asumdip’u ana umsoh keiye; sumamudoh phat’uvin, amahojong apau Jacob jong akichauve.Gen 42:36 Apauvin ajah-uva, “Kachate jouse neichansah got’u ham? Joseph la aumtapon, Simeon maaum kit tapon, tua Benjamin napui mang kit got’u ham? Hitia hi genthei thoh a neilhau hitam!” ati.Gen 42:37 Reubenin apa jah a, “Benjamin kahinle pui kit loule kachapate ni khu that jengin. Neingansen, kahin lepui tei ding ahi,” ati.Gen 42:38 Ahivangin Jacob-in, “Kachapa pui thei pouvin nate; asopipa la athitan, achangseh a um,lam kah a ikhat tileh, katehset nunga neimoh thisah lo diu ahi,” ati.Gen 43:1 Canaan gam kel akhoh cheh cheh jengin,Gen 43:2 Jacob insung miten Egypt a ahinpoh-u chang anejou kit tauve. Jacob’in achapate jah a,“Cheuvin chang them khat beh neigachoh peh kit ’un,” ati.Gen 43:3 Judah-in ajah a, “Gam vaipo pan kasopi pau kapui louvu leh akoma eilutsah louhel diuvineigih bouvui.Gen 43:4 Kasopi pau neisolpeh diu vang le chang gachoh peh nau vinge.Gen 43:5 Neisolpeh lou diu vangle chepou vinge, min kasopi pau kapui louvu leh akoma eilutsahlouhel diuya seita chu,” ati.Gen 43:6 Jacob’in, “l-atileh sopi khat naneiyu chu naseikhoh khoh-uva hibanga hi neibol gentheiyuham?” ati.Gen 43:7 Amahon, “Aman keiho thudol, i-insungu umdol eidonguva, ‘Napau hing nalaiyem? Sopidang nanei nah laiyum?’ tia, kadonbut tei diu ngaiya chu. Kasopi pau kapui diuva asei ding lam itikahet masah diu ham?” atiuve.Gen 43:8 Judah-in apa Israel jah a, “Kel’a ithi louna diuvin, boipu chukeito neisol than chejeng unge.Gen 43:9 Kahinkho hi ama khel’in tung jeng ing ting, mo po nange. Boipu hi dam le bit ’a kahinpui kitloule kahinkhon them mong’e.Gen 43:10 Neilho chon chonda leu chun tua nivei beh kakile man diu ahitai,” ati.Gen 43:11 Chuphat’in apau Israel in ajah-uva, “Chuti ding mong ahile gamsunga thilsoh phalaicheh-thingnai them khat le khoiju them khat, thil namtui phabep, theichang ga phabep le jonmot chang

phabep dongkhom’uvin gam vaipo pa din pouvin.Gen 43:12 Nasum tumbu sunga anakoi kit jeh-uvin, hiche pum chun sum ajat nia tamjon kipoh-un,mukhel jeh a anakhum thau jong hithei ahi.Gen 43:13 Nanaopau puiyun lang hung kilejel kit ’uvin.Gen 43:14 Benjamin le nasopiu khat jong chu nahinpeh kit theina diuvin, Hatchungnung Pathenin gamvaipopa nalungset sah-u hen. Kenvang kachate pul kadou douna kathilo pai ding ahitai,” ati.Gen 43:15 Asopi chauvin Benjamin apuiyun, thilpeh ding chengse le sum ajat ni cheh apouvin Egyptgam ajon’un, Joseph angsunga agading tauve.Gen 43:16 Benjamin amu phat’in a-insung lhachapa henga Joseph-in, “Hiche ho khu ka-in lamapuiyin, sun teng an kaneh khompi ding ahi, sa that’in honsan anakoiyin,” ati.Gen 43:17 Joseph-in aseipeh bangin lhachapan sopicha ho chu Joseph in lama apuitai.Gen 43:18 In a apuilut phat’un kiphat lam le tijat athouvin, “Iche masah-uva tumbu sunga sum kinungkhum jeh a hikoma eipuilut’uva, chutengle nokhuma isangan jouseu kilah a, eiho soh a nei dia eigot’uhita hi,” tin agel ’uve.Gen 43:19 Hijeh chun kotphunga kotngah lhachapa jah a,Gen 43:20 “Kapu, kahung puhsui masah-u chun,Gen 43:21 inlam kajot nauva ge-mun a tumbu kahondoh-uleh, kasumu alhingset cheh-inkamudoh-uvin, hichu kahinpoh peh kit ’uve.Gen 43:22 Chule chang chohbe na din sum phabep kahin kipoh be kit nauve. Tumbu sunga sum koiyachukoi ahiding kahepouve,” tin aseiyui.Gen 43:23 Lhachapan, “Kiphat lamdan, tijat dauvin. Na-Pathenu, napau Pathen chun natumbusunguva sum chunakoipeh-u hitei ding ahi. Nasumu hi kei chang tange,” atin; Simeon chu ahenguvaahinpuidoh tai.Gen 43:24 Lhachapan sopicha ho chu Joseph insunga apuilut’in, akeng silna diu twi apen, amanasanganteu avah-e.Gen 43:25 Sun teng an nehkhompi dia aseijeh chun, Joseph an nea ahung teng peh din, thilpeh dingchengse chu asopiten gonsan akoiyui.Gen 43:26 Joseph in a ahung phat’in, thilpeh ding ho choiyin insunga agalut’uvin, amasanga abohkhuptauve.Gen 43:27 Joseph-in damle damlou thu adongin, “Napau tehsepu naseiyu chu dam a hinam? Damjinga hing nalaiyam?” ati.Gen 43:28 Amahon, “Kapau, nalhachapa dam jingin ahing nalaiye,” atiuvin, Joseph masanga abohkhup cheh-uve.Gen 43:29 Anaopa Benjamin amudoh phat’in Joseph chun, “Nanao lhumpen naseipau ama hi ahiyeong? Pathenin phatthei boh-in, chapa,” ati.Gen 43:30 Joseph anaopao amudoh kipa le voujangnat thon, kap lhapai ding ahiphat’in, a-indan sungaalhai lut ’in agakaptai.Gen 43:31 Joseph-in mai akiphet’in, kitim nah nah-in ahung potdoh-in, ankong sem ding asomtai.Gen 43:32 Joseph neh ding dokhang khat’a aluiyun, asopite ding dokhang chom’a aluiyui. Hebrewtetoh neh khom chu Egypt mite dia kisuhbohna agel jeh-uvin, Egypt miten achombeh-in aneuve.Gen 43:33 Sopi chaho chu aupapen a pat alhumpen geiyin, Joseph lam ngan akigolsah-uve. Akitousahdanu aveuvin, lung dongtah-in khat le khat akiveto to jengui.Gen 43:34 Joseph dokhanga konin an ahin hom’uvin, adang sangin Benjamin chan nga apeval’ui. Hitihin Joseph to achim avaset’in anekhom’uve.Gen 44:1 A-insung vaibol lhachapa jah a Joseph-in, “Hiche miho khu apoh khopset diu tumbu dimsetcheh-in chang khumpeh-in, chule atumbu kam’uva asumu jong kanthan.Gen 44:2 Alhumpen pa tumbu kam a achang chohna ding sum le kasana khon chu kanthan,” ati.Joseph seibangin lhachapan abole.Gen 44:3 Jingkah khovah lhah-in asopi chauvin, asanganteu pumin asoldoh tauve.Gen 44:4 Khopi adalha gamla behseh hih laiyun, Joseph-in a-insung lhachapa jah a, “Hiche miho khudel loiyin, naphah teng, ‘Ibol’a kaphatnau thilsea neilethuh jengu ham?Gen 44:5 Ipi dinga kapu sanakhon naguh-u ham? Hiche hi kapun phunsan na le lengpitwi donnaamanji ahi. Hiche khon naguh-u vang nathemmo lheh jenguve,’ tin seiyin,” ati.

Gen 44:6 Amaho aphah phat’in lhachapan apu seisa chu avelseiyin ahi.Gen 44:7 Amahon, “Kapu, iti hitobang thu neisei khum jengu ham? Hitobang kabol louvu hetnakihahsel jeng kahiuve.Gen 44:8 Katumbu sunguva kikhodoh sum geiya, Canaan gama kon a kahinle poh kit ’u jong nahetsahichu me. Napu insunga dangka ham sana ham iti kaguhdoh peh diu ham?Gen 44:9 Kapu, kalah-uva khon chu gudoh a akimandoh pen pen chu kithat hen, adangse hi nasoh-inpang tau vinge,” atiuve.Gen 44:10 Lhachapan, “Aphai, amavang khon kimudohna penpa chukasoh-in pang intin, adangsevang ongdoh tauvin,” ati.Gen 44:11 Hijeh chun man gangtah-in atumbu u adom lhauvin, ama ama tumbu cheh ahongdoh-ui.Gen 44:12 Joseph lhachapan alenpen’a pat aneopen geiyin atumbu sunguva khon chu gen ngaitah aahinhol leh Benjamin tumbu sunga amudoh tai.Gen 44:13 Chutah-in asopi chauvin lung gimnan aponsil’u abottel’uvin, asanganteu poh agotpeh-unkhopi langa ahung kile kittauve.Gen 44:14 Judah le asopite Joseph ina ahungu chun, Joseph jong anaum nalaiye. Joseph masanga abohkhup’u leh,Gen 44:15 Joseph-in, “Idia hiti chon nahiuvam? Kei tobang hin phunsan a nangho mandoh mo dianeigel’um?” ati.Gen 44:16 Chuphat’in Judah-in, “Kapu, nahenga ipi kaseiyuva, iti kakihon thei diu ham? Kathuu itikakisei theng diu hitam? Pathenin kamo nau mandoh ta hi. Khon kimudohna pa mai hilouva,kabonchauva nasoh kahiu ahitai,” tin ataove.Gen 44:17 Joseph-in, “Hithei ponte, chutia kabol louhel ding ahi! Khon choidohpa chubou soh a kaneiding, adangse vang kitup keiya napau henga nache diu ahibouve,” ati.Gen 44:18 Judah-in Joseph ajonlut’in ajah a, “Kapu, neilungset’in phongtah-in nahenga thu neiseisahta din. Neilung phatmo pehdan, nangma lengpa masap nahijenge.Gen 44:19 Nangin, ‘Napau um nalaiyem, sopi dang jong nanei nah laiyum?’ tin neidongun;Gen 44:20 keihon, ‘Kapau ateh lheh jeng tan, ateh nunga ahin kanaopau jong aum nalaiye.Kanaopauvin nusung khat apenpi asopipa vang athitan, nusung khat peng ama changseh hing ahijeh-inapan alungset behseh jengin ahi,’ katiuve.Gen 44:21 Hichun kapun kanaopau namu nom jeh a hikoma kahin pui diuvin naseiye;Gen 44:22 keihon vang boipun apa adalhah thei lou thu kanaseiyui; ajeh chu hindalha jengleh apanathilo tahbah ding ahi.Gen 44:23 Ahin, ‘Nanao lhumpen pau nahin puilouvu leh kakom nahung lut thei louhel diu ahi,’ nati.Gen 44:24 “Kapau heng kaphah phat’un nasei jouse ajah a kaseiyui.Gen 44:25 Kapauvin Egypt gama hung kit ’a neh cho dinga eisol phat’uvin,Gen 44:26 keihon, ‘Chepou vinge; kanao lhumpen pau kapui louvu leh gam vaipopa anga eilutsahlouhel diu ahi; kanao lhumpen pau kapui diu vangle che nauvinge,’ katiuve.Gen 44:27 Kapauvin kajah-uva, ‘Kajinu Rachel’in chapa ni seh eihinpeh naheuve.Gen 44:28 Khat’in la eidalhatan, ama chu sahangin abotel lheh hitantin, hitih chan hin kamukit tapoi.Gen 44:29 Kakoma konin hichepa puidoh kit’uvin ikhat khat hungti jeng taleh, katehset nunga lunggima neimoh thisah lo diu ahi,’ ati.Gen 44:30 “Tun chapang pui louvin, nalhacha kapa henga che taleng, chapangpa hinkho le amahinkho hi kijopmat tobang ahijeh-in,Gen 44:31 chapangpa kapuidau amudoh tih tih thijeng thei ahin, hitia chu nalhacha kapau tehsesamkangsa chu katha lo ’uva, noimigam a kalhoh lut diu ahi.Gen 44:32 Achungchon hin boipu hinkho din kapa koma kei hinkho hi kahin tungdoh-in, boipu hiakoma kapuilut peh loule kahinkho lhum keiya themmo chang din kakitep’e.Gen 44:33 Hijeh a chu tua hi boipu khel’a keima hikoma nasoh a pang den dia kataova, ama hi asopitetoh nanungsol dia ka-ngeh ahi.Gen 44:34 Boipu beiya iti kapa henga kakile kit thei ding ham? Kapa lung genthei hesoh ding chuthoh jou ponge,” ati.Gen 45:1 Alhachate angsunga akitim le l hel phat’in Joseph apengjah jengin, “Midangse se potdohloiyun!” atin, asopite koma akiseidoh chun midang koima aumtapoi.

Gen 45:2 Othongje jua Joseph kagin chu Egypt mi ten ajauvin, athu hi leng inpi sung geiyin akithangluttai.Gen 45:3 Asopite jah a Joseph-in, “Keima Joseph chu kahi. Kapa hing nalai nam?” ati. Asei hiasopiten ajah vangun, adatmo behseh jengun adonbutje jang ahepouve.Gen 45:4 Ajah-uva Joseph-in, “Neihin naiyun,” atileh; anaiyun, Joseph-in, “Keima nasopiu Joseph,Egypt gama najoh mangpau chu kahi.Gen 45:5 Tun hikoma neijoh mang jeh-un kiphat lam dauvin, themmo jong kichan dauvin, mihokihinso theina einasol masa chu Pathen ahibouve.Gen 45:6 Gamsunga kel lhahna hi kum ni bou ahinalaiyin, loulho chang-at um thei louna ding kumnga aum nalaiye.Gen 45:7 Son le pah naneidoh theina diuva, datmo tah a nang ho hindohsah dia, Pathenin einasolmasah mong mong ahi.Gen 45:8 Hijeh chun eisol masa nang ho nahipouvin, Pathen joh ahibouve. Pathenin lengpa vaibollenpenin eikoiyin, agamsung pumpi kapon, Egypt pumpia vaihomin kapangtai.Gen 45:9 “Kapa henga cheloiyun, nachapa Joseph sei ahi tin, ‘Pathenin Egypt pumpi vaihomineikoitan, kinomsot louvin hung loiyin.Gen 45:10 Nang le nachate, natute, nakelngoite, nakelchate, nabonghon ho chule nanei jouse le nangho kakom naicha, Goshen gamsunga nachen diu ahi.Gen 45:11 Goshen a nachen’u leh kakithopi thei diu ahi. Ajeh chu kel lhahna ding kum nga aumnalaiye; nang le na-insung mite, nagan hing thei jouseuvin kel athoh diu kanompoi ati, ’ gatiuvin.Gen 45:12 “Tun nabonchauvin, Benjamin geiyin, kei hi Joseph mong mong kahi namutauve.Gen 45:13 Egypt gamsunga itobang tha kaneiya, ipi pi namu’vem, abonchan kapa gaseipeh-un,hikoma hinpui lut loi jenguvin,” ati.Gen 45:14 Chuin Joseph chun anaopa Benjamin angongkoiyin aka jengleh, Benjaminin jongangongkoiyih akaptai.Gen 45:15 Hiti hin akap pum pumin Joseph-in asopite akoiyin achopsoh keiye. Hiche jou hin asopitenJoseph akihoupiuve.Gen 45:16 Leng inpi geiya Joseph sopite hung thu ahedoh tauvin, lengpa le avaibolte akipah-uve.Gen 45:17 Lengpan Joseph jah a, “Nasopite chu aganchateu poh ding kigotsah-in, Canaan gama sol’in,

Gen 45:18 apau le a-insung miteu gapuisah tan. Egypt gam phalai tah peng ting, aneh valset’uvagamga alo diu ahi.Gen 45:19 Apau le ajiteu chule achasen ho’u apohna diuvin Egypt gama konin kangtalai ho kitolsah-in.

Gen 45:20 Athil keovu dalhah ding hin itdau hen; Egypt gam pha laitah chang diu ahibouve,” ati.Gen 45:21 Ahil banguvin Jacob chaten abol’un, Joseph-in amaho chu, lengpa thupeh dungjuiyin,kangtalai ho apen, alam an diuvin neh le chah jong agonpeh-e.Gen 45:22 Amichan cheh-in akikhelna diu von apen, Benjamin vang chu dangka jathum le von nga jenapei.Gen 45:23 Egypt gamsunga thilpha lai cheh sangan som poh khopset le suhlou changa kisemchanglhah sangan som jen poh khopset toh, khol lam a neh ding neh le chah Joseph-in apa din asolthai.Gen 45:24 Asopite asol’a akipatdoh phat’un Joseph-in ajah-uva, “Lam dunga kinapa hih hel’uvin,” ati.Gen 45:25 Joseph sopiten Egypt dalhan Canaan gama apau heng ahung lhungtauve.Gen 45:26 Apau jah a, “Joseph ahing nalaiyin, Egypt pumpia vaihomin apange,” ati vangun, Jacob’inatahsan pon, imachan jong agelpeh poi.Gen 45:27 Joseph-in ahil jouseu aseipeh-uva, Egypt gam jon’a ama pohna dia Joseph-in kangtalaiahinsolpeh ho chu Jacob’in amudoh phat’in ahaldoh tan,Gen 45:28 “Kachapa Joseph ahin nah lai cha chu! Aval um lou ahitai! Cheloiying ting kathi masangaama kamutei ding ahi,” ati.Gen 46:1 Jacob chu anei jouse toh akitol than, Beersheba ahinphah phat’in apa Isaac Pathen hengakilhaina abol’e.Gen 46:2 Hiche jan chun Jacob’in mu aneinaa Pathenin ahenga thu aseiyin, “Jacob, Jacob,” tin akouve.

Jacob’in “Hoi,” tin ahouve.Gen 46:3 “Keima Pathen, napa Pathen kahi. Egypt gama che ding kicha hih-in, Egypt a nachilhah namlentah kasosah ding ahi,Gen 46:4 Egypt geiyin nalhon ping ting, nachilhah jouse hiche gama kahin puidoh kit ding ahi. Nathiteng jongle Joseph-in natoupi ding ahi,” ati.Gen 46:5 Jacob Beersheba a konin akipatdoh tai. Egypt lengpan apohna diuva ahinsolpeh kangtalaihoa chun Jacob chaten apau le ajiteu chule achasen jouseu akhum’un atoltauve.Gen 46:6 Canaan gamsunga alamdohsau ganhing jouse le agou chengseu pon Egypt gam ajontauve.Jacob’in ama chilhah chengse:Gen 46:7 achapate, atupase se, achanu chengse le atunu chengse apuisoh keiye.Gen 46:8 Jacob sungkon Egypt’a hung chengse chu: Jacob le achapate, achapa lenpen Reuben ahin,Gen 46:9 Reuben chapate: Hanoch, Pallu, Hezron chule Carmi ahiuve.Gen 46:10 Simeon le achapate chu Jemuel, Jamin, Ohad, Jachin, Zohar le Canaan numeinu chapaShaul to ahiuve.Gen 46:11 Levi le achapate: Gershon le Kohath to Merari ahiuve.Gen 46:12 Judah le achapate: Shelah, Perez, chule Zerah ahiuve. Canaan gama thiden Judah dang chuEr le Onan ahi. Perez chapate ni chu Hezron le Hamul ahi.Gen 46:13 Issachar le achapate: Tola, Puah, Jashub chule Shimron ahiuve.Gen 46:14 Zebulun le achapate: Sered, Elon chule Jahleel ahiuve.Gen 46:15 Achanu Dinah sim louva, hichengse hi Mesopotamia gama Leah-in Jacob ahinpeh achapateahiuve. Leah hin Jacob chilhah chengse somthum le thum alhinguve.Gen 46:16 Gad le achapate: Zephon, Haggi, Shuni, Ezbon, Eri, Arod chule Areli ahiuve.Gen 46:17 Asher le achapate: Imnah, Ishvah, Ishvi, Beriah chule asopinuu Serah ahiuve. Beriahchapate ni Heber le Malchiel ahi.Gen 46:18 Hicheng Jacob chilhah som le gup hi Labanin achanu Leah akenpeh, Soh nu-ngahZilpah-in Jacob ahinpeh ahi,Gen 46:19 Ajinu Rachel’in Jacob chu chapa ni ahinpeh-in, amani chu Joseph le Benjamin ahilhone.Gen 46:20 Egypt gama Heliopolis khoa Thempupa Potiphera chanu Asenath chun Joseph, chapa ni,Manasseh le Ephraim ahinpeh-e.Gen 46:21 Benjamin chapate chu Bela, Becher, Ashbel, Gera, Naaman, Ehi, Rosh, Muppim, Huppimchule Ard ahiuve.Gen 46:22 Hicheng Jacob chilhah som le li hi Rachel a kon ahiuve.Gen 46:23 Dan le achapa Hushim ahi.Gen 46:24 Naphtali le achapate: Jahzeel, Guni, Jezer chule Shillem ahiuve.Gen 46:25 Hicheng Jacob chilhah mi sagi hi Labanin achanu Rachel akenpeh, sohnu-ngah Bilhahchun Jacob ahinpeh ahi.Gen 46:26 Achapate ji ho simtha louvin, Egypt gama che Jacob chilhah mihem somgup le gupalhinguve.Gen 46:27 Egypt gama peng Joseph chapa te ni pumin, Jacob insung mi Egypt gama lut chengse somsagi alhinguve.Gen 46:28 Goshen a amaho to kimuto din, Jacob’in Judah asol masan Joseph agakousah-e. Agalhunphat’un,Gen 46:29 kangtalai akigot’in apa kimuto pi din Joseph Goshen a achetai. Akimuto phat’uvinJoseph-in apa ngong akoiyin phat sotpi akap’e.Gen 46:30 Jacob’in Joseph jah a, “Tun vang hing le dam a namai kamu ahitan, thi jong leng aphatai,”ati.Gen 46:31 Asopite le apa insung mite jah a Joseph-in, “Canaan gam a cheng kapa insung mite lekasopite chengse nahungu hi lengpa kagaseipeh loi ding ahitai.Gen 46:32 Kelngoi ching mi nahiuva, gancha vulte nahiu, chule nanei jouseu le kelngoi hon, bonghonnahinpui jengu hi lengpa jah a kasei lou khoh ahi.Gen 46:33 Lengpan nahin kouvuva itobang natong mi nahiu nadoh tengule,Gen 46:34 napu napauva pat gancha vul mi nahiu phate cha naseipeh diu ahi. Hichea kona chu Goshengama nachensah diu ahi,” ati. Joseph-in hiche asei masah hi Egypt miten kelngoi ching miho athet

jeh-u ahi.Gen 47:1 Joseph-in asopite mi nga lengpa henga apuitai. Lengpa jah a Joseph-in, “Anei jouseu lebonghonte, kelngoi honte pumin kapa le kasopite Canaan gama konin ahungtauve. Tuhin Goshengama aum’ui,” ati.Gen 47:2 Joseph-in asopite lengpa henga apuilut leh,Gen 47:3 lengpan ajah-uva, “Itobang natong mi nahiuvam?” tin adonge. Amahon, “Kapu, keiho kapukapateuva pat kelngoi ching mite kahiuve.Gen 47:4 Canaan gamsung kel akhoh behseh jengin, gancha vahna ding hamhing geiya abei phat’ahiche gamsunga kachen thei diu ham, tia hung kahiuve. Lungset’in Goshen lhanga khun neichensahtauvin,” atiuve.Gen 47:5 Lengpan Joseph jah a, “Napa le nasopite lom nahenga hung ta,Gen 47:6 Egypt gamsung jong amaho gam ahithouve. Gampha laitah, Goshen lhanga chensah-in lang,alah-uva apang thei aum diu jongle, keima ganchate ching din pansah jengin,” ati.Gen 47:7 Apa Jacob jong Joseph-in lengpa henga ahin puilut’in, Jacob’in lengpa chu phatthei aboh-e.Gen 47:8 Lengpan Jacob jah a, “Kum ijat nahitah em?” tin adonge.Gen 47:9 Jacob’in, “Kakhopemle na kumjat hi jakhat le somthum alhingtan, kapu kapate khopemle nakumjat aphapon, kum lhomcha, hinkho nomlou tah kahi,” ati.Gen 47:10 Jacob’in lengpa chu potdohna din phatthei aboh kit ’in apotdoh paitai.Gen 47:11 Lengpa thupeh dung juiyin, Rameses khopi kom, gampha laitah achen mun diuvinJoseph-in apen, apa le asopite chu Egypt gamsunga achensah tai.Gen 47:12 Chapang naosen ho geiyin, apa insung mite jouse le apa le asopite chengse Joseph-in neh lechah apei.Gen 47:13 Kel ahahsa behseh jengin, neh le chah abeitan, Egypt gam mite le Canaan gam mite jongakigen chat pai ding ahitauve.Gen 47:14 Mihon chang achoh nau sum jouse chu Joseph-in leng inpia apolut tai.Gen 47:15 Egypt gam le Canaan gamsung sumamanjou hel phat’uvin, Egypt mite Joseph hengaahungun, “Sum kamang joutauve! Neipan piuvin, neh le chah neipeuvin; neimoh thisah hih hel’un,”tin a-ngeh-ui.Gen 47:16 Joseph-in, “Sum nanei louvu ahitah le, naganchau hinkaiyun chang to kilheh-ute,” ati.Gen 47:17 Hijeh chun mihon asakolteu, akelngoiteu, akelcha ho’u, bong ho, chule asanganteu geiyinJoseph henga ahinkaiyun, aman din Joseph-in neh le chah apei. Hiche kum hin aganchateu man dinJoseph-in neh le chah akhangtauve.Gen 47:18 Kumkit’in Joseph henga ahungun, “Kapuu henga imding aumtapoi, kasumu la abeitan,kagancha jouse jong nang nachangtan, katahsau le kagam leiset’u tilou imacha dang kanei tapouve.Gen 47:19 Neikithopiuvin, neithisah hih hel’un, kagamu jong alheng alhol’in kijamsah dan. Neh lechah man din keiho le kagamu kilah tan. Kihinsona din chang neipeuvin, gamsunga katu diu muchineipejo’uvin,” atiuve.Gen 47:20 Kel ahahsat behseh jeng phat’in Egypt miten agam ajoh joh jengun, Joseph-in abonchanlengpa din achon, hiti hin gam leiset pumpi lengpa achangtai.Gen 47:21 Joseph-in Egypt gam mi abonchan, gam mong lang khat’a pat alang geiyin soh-in achodohtai.Gen 47:22 Thempuho chenna gamsung vang achopoi; Thempuho hi lengpan avah tho ahijeh-in, johding gam jong aneipouve.Gen 47:23 Mipi jah a Joseph-in, “Nagam pumpiu le nang ho hi lengpa dia kachohsa nahisoh tauvin,muchi hi kipoh-un nalouvuva gatu’vin.Gen 47:24 Chang-at teng hop nga a hop khat lengpa napeh diu ahi. Aval chengse vang chu nang ho lena-insang miteu vahna, chule changchia nanei diu ahi,” ati.Gen 47:25 Amahon, “Kapu, naphatjeh a neihinsou ahitan, keiho jong lengpa soh-in pang jeng unge,”atiuvin ahi.Gen 47:26 Hichea kon hin Joseph-in Egypt gamsunga lousoh chang hop nga a hop khat lengpa pehding dan chu asemdoh tai. Hiche dan hi tuni geiyin akimang-jinge. Thempuho gamsung chuboulengpan alah lou ahi.Gen 47:27 Israelte chu Egypt gam, Goshen mun a anachengun, ahaodoh-un cha le nao tampi ahinguve.

Gen 47:28 Egypt gamsunga Jacob chu kum som le sagi anachengin, ahinkho kum jakhat le som li tosagi alhinge.Gen 47:29 Athi ding konin Jacob’in achapa Joseph akouvin ajah a, “Egypt gamsunga neivui louna dinkakhel kah tuh-in kihahsel’in.Gen 47:30 Kapu kapate lupna eikivui din kadeiye; Egypt gamsunga neipodoh-in lang kapu kapatekivuinaa neivuiyin,” ati. Joseph-in, “Nasei bangin hinbol nange,” ati.Gen 47:31 Jacob’in, “Nabol teina din kihahsel’in,” atin; Joseph akihahsel phat’in, Jacob akipah-in ajalkhuna Pathen athangvah-e.Gen 48:1 Chomkhat jouvin apa nat lel thu Joseph aseipeh tauve. Joseph-in achapate ni, Manasseh leEphraim apuiyin apa koma achei.Gen 48:2 Achapa Joseph ama vedia hung chu aseipeh phat’un, Jacob aki-engbol tenin ajalkhunaatoudoh-e.Gen 48:3 Joseph jah a Jacob’in, “Canaan gam, Luz khopia Hatchungnung Pathen kahenga ahungkilah-in phatthei eiboh-e.Gen 48:4 Pathenin kajah a, ‘Cha le nao tampi kahinsah a, nachilhah namlen tah tah hung hidiu ahi;hiche gam hi tonsot chen mun dia nachilhahte kapeh ding ahi,’ tin anaseiye.Gen 48:5 ” Joseph kahung masanga Egypt gama peng nachapate ni jong keimi ahilhone. Ephraim leManasseh hi kachate ni Reuben le Simeon tobang bang ahilhon’e.Gen 48:6 Tukal cha neibe jongle chun keimia kisim lou ding, Ephraim le Manasseh guiya bou gou alodiu ahi.Gen 48:7 Nanu Rachel jeh a hitia hi kabol nahi. Mesopotamia kona kahung kile kit chun, Canaangamsung, Ephrath a kona gamla behseh lou mun khat’a athin, kadou lel behseh jenge. Ephrathlampama nanu chu kavuitai,” ati. Ephrath hi tua Bethlehem kiti khu ahitai.Gen 48:8 Joseph chapate ni amudoh phat’in Jacob’in, “Chapangte ni hi koi hilhon am?” tin adonge.Gen 48:9 Joseph-in, “Pathenin Egypt gamsunga eihinsah kachapate ni chu ahilhone,” ati. Jacob’in,“Phatthei boh-inge, hinpui lut ’in,” ati.Gen 48:10 Atehset behseh tahjeh-in Jacob mit athimin kho amuchen thei tapoi. Chapangte ni chuJoseph-in ahinpuilut leh, Jacob’in akoiyin achoptai.Gen 48:11 Joseph jah a Jacob’in, “Nang mai mukit ding jong kinemlou kahitan, Pathenin nachategeiyin eimusah kit ’e,” ati.Gen 48:12 Chapangte ni chu Joseph-in Jacob pheichunga konin adom lhan, ama geiyin tola abohkhuptai.Gen 48:13 Joseph-in Ephraim chu Jacob veilama aboh khupsah-in, Manasseh chu ajet lama abohkhupsah-e.Gen 48:14 Ahivangin Jacob’in akhut te ni apelton, adongjo ahivangin, Ephraim luchunga akhut jetlamakoiyin, aupajo ahivangin Manasseh luchunga akhut veilam akoiye.Gen 48:15 Jacob’in Joseph phatthei aboh-in: “Kapu le kapa Abraham le Isaac hou, Pathenin hichechapangte ni hi phatthei boh hen! Tuni geiya eipuile jing, Pathenin amani hi phatthei boh hen!Gen 48:16 Kisuh khah theina jousea eihoidoh jing, Vantil chun amani hi phatthei boh hen! Hichechapangte ni ja l hin, Kei le kapu Abraham kapa Isaac min loyang thang hen! Hiche chapangte ni hin,Cha le nao, son le pah tampi hing lhon hen!” ati.Gen 48:17 Apan akhut jetlam Ephraim chunga angap chu Joseph-in nommo asan, apa khut chuEphraim luchunga kona lahdoh aManasseh luchunga koisah din agoi.Gen 48:18 Hijeh chun apa jah a, “Chuti ahipoi hepa, hiche hi a-upajo ahi, aluchunga nakhut jetlamkoiyin,” ati.Gen 48:19 Apa adan, “Kahenai, kacha kahenai. Manasseh chilhah jong vaipi minthang tah hunghinante; ahin anaopa hi ama sanga hung lenjo ding, achilhahte jong namlen tah hungsoh diu ahi,” ati.Gen 48:20 Hiche nikhon Jacob’in Ephraim le Manasseh phatthei aboh-in, “Phatthei akiboh tenguleIsraelten nangni min aman’uva, ‘Pathenin Ephraim le Manasseh bangin nabol hen!’ kiti diu ahi,” ati.Hiti hin Jacob’in Manasseh sangin Ephraim amasat sah jotai.Gen 48:21 Chuin Jacob’in Joseph jah a, “Ven, kathi ding ahitai, hijongle Pathenin naumpin tin, napunapa gamsunga napuilut kit ding ahinai.

Gen 48:22 Kathalpi le kachemjam hemhat’a Amor mite kalah pehsa, gampha tah Shechem khu alhangpumpia, nasopite koima dang pelouva, nang kapeh nahi,” ati.Gen 49:1 Jacob’in achapate akoukhomin, “Hung kibem’uvin, khonung thilsoh ding seipeh unge:Gen 49:2 “Hung kikhomun, ngaiyuvin Jacob chapate. Napau Israel thusei Ngaiyuvin.Gen 49:3 “Reuben, kachapa tahpen, Kahin masah pen, Kathahol janga peng nahi. Kachapate lah akichoi sangpen le ahatpen.Gen 49:4 Twisih banga dingdet lou nahin, Thupin jong hung pandan. Ajeh chu kathaikemnu naluppin,Napa jalkhun nasuboh-e.Gen 49:5 “Simeon le Levi sopi nahi lhonin, Namanchah lhon pumhat thil bolnan namang lhone.Gen 49:6 Akiguh houna lhona pang ponge, Akikhopna lhona jong pandange; Ajeh chu lunghan jeh-inmihem athat lhonin, Akichepna lhona bongchalte jahol asat bai lhone.Gen 49:7 Alunghan behseh lhon jeh-in Gaosap chang jeng lhon hen; Alunghan lhon giloutah chuGaosap chanlo lhonta hen. Israel gamsung pumpia kathe chehsoh a Amite lah a kahoptel soh ding ahi.Gen 49:8 “Judah, nasopiten naseiphat diu, Namelmate alol’a nakai ding ahi. Nasopite chengse jongNamasanga boh khup diu ahi.Gen 49:9 Judah hi sakei bahkai tobang ahin, Sa gathat’a akosunga hung kile kit, Kitaulea kol ji,Koiman aphonkin ngam lou tobang ahi.Gen 49:10 Judah-in leng tenggol achoi ding, Achilhahte vaihoma pang jing diu; Namtinin kaiapeh-uva, Amasanga kuna athu angai cheh diu ahi.Gen 49:11 Lengpigui jeng jong sangan nou hen nan amangin, Lengpigui phapen jong gancha hen nananeiye. Aponsil ho sopna lengpitwi chih aman ding ahi.Gen 49:12 Amit changte ni lengpitwi kham bangin asanin, Aha jouse bongnoi don bangin abangsel’e.Gen 49:13 “Zebulun Twikhanglen panga cheng ding, Kong kaimuna hung pang ding; Sidon geiyaagamgi hung lhung ding ahi.Gen 49:14 “Issachar hi sangan hat’a hat bep, Achunga kijam thilpohna kah dunga kolle bep ahi.Gen 49:15 Ahivangin choldo munpha amun, Agamsung jong deichat aum’e. Hijeh chun thilgih podinabungin, Min sohna atohsah-e.Gen 49:16 “Dan hi amite chunga vaihom ding, Israel phung ho banga um diu ahi.Gen 49:17 Dan hi lampama gul-ha tobang ding, Lamsih a gulse tobang ding; Sakol khotaljum achuhpeh a, Sakol chung toupa kinung thol lhah ding ahi.Gen 49:18 “O Pakai, nahuhhingna ka-ngah jinge.Gen 49:19 “Gad hi guchaten bulun tin, Ahivanga aman ajoa adeljam ding ahi.Gen 49:20 “Asher gamsunga anpha pha kon ding, Lengpa neh thei antui lai la i alhodoh ding ahi.Gen 49:21 “Naphtali hi sakhi kinunkho lai, Sakhi nou hoitah tah hingdoh thei ahi.Gen 49:22 “Joseph hi twisam phunga gamlah sangan tobang ahin, Lhang panga sangan nou tobang ahi.

Gen 49:23 Amelmaten hamve vun ahindel’un, Thalpi le thalchang thon ahindel’uve.Gen 49:24 Ahinla athalpi adet jing nan, Aban tha agol jing nai. Hatchungnung Jacob Pathen thahatvang ahin, Kelngoi chin banga Israel chingpa vang ahi.Gen 49:25 Napanpia hi napa Pathen ahin, Hatchungnung Pathenin phatthei naboh-e. Chung a koninphattheina gohong napen, Lei noiya twipi thuh tah nakholpeh-e. Gancha tampi le cha le naovin vangnapen,Gen 49:26 Changle mim, pahchan vang naboh-e. Gollui la i molsanga kon vangbohna, Tonsot lhangsanga konin kipana thil ho napen; Vangbohna hijat hi Joseph chunga chu hen, Asopite lah akiloikhenpa chunga kitahjal hen.Gen 49:27 “Benjamin hi kamkei lop tah tobang ahin, Jingkah nilhah-in sa athatjin anejitai,” ati.Gen 49:28 Hicheng hi Israel phung som le ni ahiuvin, achang cheh-uva akilompi cheh, apauvinkilhahna a achapate aseipeh thu chu hicheng hi ahi.Gen 49:29 Jacob’in achapate thu apen, “Tua kathia kamite toh kigomdia che ding kahitai. Hit miEphron loulaiya songko, kapu kapate kivuina,Gen 49:30 Canaan gamsung, Mamre niso lam, Machpelah a chun neihin vuiyun.Gen 49:31 Hikoma hiAbraham le ajinu Sarah avuiyuva, Isaac le ajinu Rebecca jong avuiyu, Leahvuina kaneina chu ahi.

Gen 49:32 Aloumun le asunga songko chu Hit mitea kona chohsa ahitai. Hikoma hin neihin vuiyun,”ati.Gen 49:33 Jacob’in achapate ahilsoh kei phat’in, alumin athipaitai.Gen 50:1 Joseph chu apa chung vohnan akineiyin, apeng jah jengin amai achop’e.Gen 50:2 Alhachate chu apa tahsa mon mang thei louna dia limbol din Joseph-in aseipeh-e.Gen 50:3 Mon thei louna dia limbolna hi nisom li lutji ahi. Egypt miten Jacob chu nisom sagi sunginpul adouvui.Gen 50:4 Jacob pul douna phat akichaiyin Joseph-in leng vaibol ho jah a, “Lungset tah-in lengpa komaneiseipeh-un,Gen 50:5 kapan athi konin, Canaan gama asemsa lhan sunga along kagavui teina din eikihahselsah-e.‘Hijeh chun neisol’in lang kapa gavuiying ting, hung kilekit nange,’ tin aseiye neitipeh-un,” ati.Gen 50:6 Lengpan, “Nakihahselsah bang chun chen lang napa gavuitan,” tin aseipehtai.Gen 50:7 Hiti chun apa vui din Joseph achetai. Lengpa vaibol ho le athupi mun a upa chengse, Egyptgamsunga lamkai hon Joseph alhon piuve.Gen 50:8 Joseph insung mite le asopite, apa insung mi jousen jong Joseph chu alhonpiuvin ahi.Chapang neo behseh ho le akelngoiteu, kelcha ho, chule bong hon ho chubou Goshen mun aadalhauve.Gen 50:9 Mihonpi, kangtalaiya tou loi, sakol chunga touloi pumin Joseph akilhonpin ahi.Gen 50:10 Jordan vadung niso lam, Atad changphol ahinphah phat’un kap le pengin phat sotpi puladouvun, ni sagi sungin Joseph-in thi-op kin abol jing jenge.Gen 50:11 Atad a apul douvu Canaan miten amudoh phat’uvin, “Egypt mite thi-op kinbol hi anasalheh jenge,” tin aseiyui: Hijeh chun hiche mun chu Abel Mizraim akisah dentai.Gen 50:12 Apauvin ahilnau bangin Jacob chapaten abol’un,Gen 50:13 Jacob long chu apouvin, Abrahamin Canaan gamsunga Hit mi Ephron henga lhanmol diaachohsa, Mamre niso lam, loulaiya Machpelah songko sunga agavuitauve,Gen 50:14 Apa avuidoh phat’in Joseph chu asopite le thivuiya akilhonpi chengse toh Egypt gamaahung kile kittauve.Gen 50:15 Apau thi nungin Joseph sopiten, “Inabolsetna jouseu lethuh gon Joseph hin eihotbol jengtaleu iti ding ham?” akitiuve.Gen 50:16 Hijeh chun Joseph henga thu agah thot’un, “Athi masangin ipauvinGen 50:17 ‘Nachunga nasopiten thilse abol’uva dih louva nabolnau chu ngaidamun, tin kaseiye, ’ ati.Hijeh chun tun napa Pathen lhacha pang keihon nachunga thilse kabol jouseu chu nei-ngaidamun,”atiuve. Hiche thu ajahdoh chun Joseph akaptai.Gen 50:18 Asopite atahsa mongin ahungun Joseph masanga aboh khuptauve. “Neiveuvin,kabonchauva nasoh kahitauve,” tin aseiyui.Gen 50:19 Ahinla Joseph-in ajah-uva, “Kiphalam hih hel’un; ken Pathen pan mun kakhel theipoi.Gen 50:20 Kel hibang lah a tunia kihinso thei mihem hijat hinkho huhhingna dinga, kachunga thilsenagonu chu Pathenin thilphajoa aheidoh ahitai.Gen 50:21 Nakichatna diu aumpoi. Keiman nang ho le nachateu neh le chah khang nau vinge,” ati.Hiti hin Joseph-in alungu sukha tah thu cheng jeng amangin, amaho chu avel ’in akinepsah kit ’e.Gen 50:22 Egypt gamsunga Joseph apa insung mite to achengkhomin, kum jakhat le som khat lhininathi.Gen 50:23 Ephraim chate le atute geiya mutheiyin Joseph ahinge. InsungaManasseh chapaMachirchate to kichem theiyin jong anahingin ahi.Gen 50:24 Asopite jah a Joseph-in, “Keima thi ding kahitai, hijongle Abraham, Isaac chule Jacobhenga kichentah a akitepna dungjuiyin, Pathenin apeh ding gamsunga chun nahinpui lut tei nauvinte,”atiGen 50:25 Hichun Joseph-in amite akitepsah-in, “Pathenin nateppeh nau gamsunga napuilut dingtengu leh, kalong hi napoh lut tei diuvin kitep’uvin,” atitai.Gen 50:26 Hiti hin kum jakhat le som khat lhinin Joseph chu Egypt gamsunga athidentai. Mihon alongchu amon thei louna din alimbol’uvin, thikong sunga akoitauve.