ÅRSMELDING 2019

 

Framside:  Dagfrid  Vallestad  Brevik  under  Fylkeskappleiken  2019.  Foto:  Leif  Vinsrygg    

ÅRSMELDING 2019

INNHALD

KORT OPPSUMMERING AV ÅRSMELDINGA  ......................................................................................  1  ORGANISASJON  ................................................................................................................................................  2  

STYRET  ............................................................................................................................................................  2  ADMINISTRASJON  .......................................................................................................................................  2  MEDLEMMER, MEDLEMSSKAP OG REPRESENTASJON  ..............................................................  3  ÅRSMØTE 2019  .............................................................................................................................................  4  FOND  .................................................................................................................................................................  4  UTGJEVINGAR  ...............................................................................................................................................  4  FOLKEMUSIKKPRISEN  ...............................................................................................................................  5  

PRIORITERTE SATSINGSOMRÅDE  ............................................................................................................  5  INFORMASJON  ..............................................................................................................................................  5  FOLKEMUSIKKARENA  ................................................................................................................................  6  KULTURPOLITISK ARBEID  ........................................................................................................................  9  

UTSNITT  ...............................................................................................................................................................  9  

 

1    

KORT OPPSUMMERING AV ÅRSMELDINGA  ORGANISASJON: Styret i 2019: Knut David Hustveit – leiar, Ingrid Buvarp Årdal – nestleiar, Ine Kjøsnes Raad, Gunhild Dahling Korsøen og Mette Carlsen. Varamedlemmer: Marie Nicolaisen, Dagfrid Vallestad Brevik og Berner Midthjell. Laget hadde 597 medlemmer fordelt på 20 lokallag. Av desse var 102 born og unge. Ingrid Heieren var tilsett som dagleg leiar. I hennar barselpermisjonstid vikarierte først Ole Nilssen og så Britt Pernille Frøholm. Årsmøtet vart avvikla i Stryn kulturhus 31. mars 2019 i samband med Fylkeskappleiken. Styret har i året gjennomført 5 lokallagsbesøk. FOND: Rolf Myklebust Minnefond; eigenkapital 122 919,- Mo-kursfondet; eigenkapital 89 109,- PRIORITERTE SATSINGSOMRÅDE: Informasjon, folkemusikkarena, kulturpolitisk arbeid og organisasjon. Informasjonsarbeidet er i det aller mest gjennomført via nett på laget sin nettportal og sosiale media som Facebook og Instagram. Det er også sendt ut presse-meldingar om mellom anna spesielle arrangement under overskrifta Folkemusikkarenaer. Folkemusikkarenaer. I meldingsåret var dette Fylkeskappleiken i Stryn kulturhus 29.– 30. mars, med Spelemannslaget Fjelljom som arrangør. 235 deltok i tevlinga. Under kappleiken vart også Smørbukk-kappleiken avvikla med 67 deltakarar under 12 år. Det var også Sogn og Fjordane sin tur å arrangere Vestlandskappleik. Det gjorde Nordbygda spel- og dansarlag. Her deltok 330. Alle dei 4 vestlandsfylka var representerte. Ein annan viktig folkemusikkarena er opplæring. Dessverre fekk vi for få deltakarar på det tradisjonsrike Mo-kurset, så det måtte av økonomiske grunnar avlysast. Dette kan vi ikkje slå oss til ro med. Saman med Hordaland folkemusikklag vil vi revitalisere rekrutteringsarbeidet. Derimot fekk vi avvikla to ungdomssamlingar: TØFT-samlingar. Gaular spelemannslag stod for den eine og Spelemannslaget Fjelljom den andre. Kulturpolitisk arbeid. Fylkesmusikarordninga held på å bli fasa ut slik den var. Her er ein fylkesmusikar att i Sogn og Fjordane i dag. Distriktsmusikarordninga kjem som ei slags vidareføring av denne. Her har laget prøvd å verre ein pådrivar for å få denne på plass. I 2019 var fem folkemusikk-stillingar knytt til kulturskulane i fylket. Dette er svært positivt. Regionreforma og samarbeid mellom folkemusikkinteressene i regionen. Det har vore fleire kontaktar mellom folkemusikklaga i Hordaland og Sogn og Fjordane siste året der temaet har vore korleis vi best kan samarbeide i framtida. I forkant av desse drøftingane har begge laga hatt positive samtaler med Ole Bull Akademiet, hardingfela.no (Hordaland), Førdefestivalen og Sunnfjord kulturskule som representant for kulturskulane. Alle desse kontaktane gjev klart uttrykk for stor interesse for å få til eit enno nærare samarbeid i framtida. Det vert no satsa på å skissere korleis folkemusikklaga i Hordaland og Sogn og Fjordane best kan møte den nye regionsstrukturen i Vestland fylke.  

 

2    

ORGANISASJON

Sogn og Fjordane Folkemusikklag vart skipa i 1981, og har følgjande formål: Sogn og Fjordane Folkemusikklag skal arbeide for å ta vare på og vidareformidle folkemusikktradisjonane i Sogn og Fjordane gjennom å arbeide for og auke kunnskapen om, kjennskapen til og interessa for tradisjonelt spel, song og dans.

STYRET Styret i Sogn og Fjordane Folkemusikklag har etter val på årsmøtet 2019 og konstituering hatt ei slik samansetjing: Knut David Hustveit – leiar på val i 2020 Ingrid Buvarp Årdal – nestleiar på val i 2020 Ine Kjøsnes Raad på val i 2021 Gunhild Dahling Korsøen på val i 2021 Mette Carlsen (vald for eitt år) på val i 2020 Varamedlemmer på val kvart år

1. Marie Nicolaisen 2. Dagfrid Vallestad Brevik 3. Berner Midthjell

1. varamedlem har vore kalla inn til alle styremøte. Styret har hatt 6 styremøte i 2019. Eit av desse har vore gjennomført som nettmøte via e-post. Det er handsama i alt 42 saker. Det er laga ein rettleiar for korleis styret best kan fungere. Det har komme vel med i dette året med så mykje skifte av dagleg leiar. Særleg med tanke på arbeidsgjevaransvaret som følgjer med denne stillinga. Det er også eit mål å gjere meir informasjon tilgjengeleg på nett. Lokallagsbesøk Det er gjennomført 5 lokallagsbesøk i 2019. Dermed har halvparten av lokallaga fått besøk i den pågåande besøksrunden til lokallaga. (Det er gjennomført eit i 2020 og avtala eit til.) Besøka har gjeve oss viktig kunnskap om mål og tiltak i lokallagsarbeidet i organisasjonen. Vi ser nokre klare signal om at rekruttering er det som er høgast prioritert i dei fleste lokallag vi har besøkt. Dernest er det peika på at det er viktig både i lokallaga og distriktslaget sine samlingar å skape eit så godt miljø at alle har lyst til å komme att på neste tilstelling. Det vert lagd fram ei førebels oppsummering av besøka i årsmøtet. Styret trur dette er viktige besøk, men saman med andre gjeremål for frivillige tillitsvalde har dette vist seg å ta lenger tid enn rekna med. Tiltaket bør vidareførast.

ADMINISTRASJON

• Ingrid Heieren har vore tilsett som dagleg leiar i 50% stilling. • Ole Nilssen har vore tilsett i eit vikariat for dagleg leiar, Ingrid Heieren, i

første delen av den tida ho hadde foreldrepermisjon, fram til 01.08.2019.

 

3    

Han har også vore tilsett i 12,5% stilling som prosjektleiar for ungdomsprosjektet TØFT fram til han starta i jobb som lærar ved kulturskulen i Førde 1.8.2019.

• Britt Pernille Frøholm har vore tilsett i vikariatet frå 1.8.2019 og ut året. I denne perioden sa Ingrid Heieren opp si stilling som dagleg leiar for Sogn og Fjordane folkemusikklag med verknad frå 1.1.2020.

• Etter dette vedtok styret å søkje etter ny dagleg leiar i 50% stilling. (Ny dagleg leiar, Liv Ulvik, vart tilsett frå 15.1.2020. Britt Pernille Frøholm fungerte i stilling fram til same dato.)

MEDLEMMER, MEDLEMSSKAP OG REPRESENTASJON Folkemusikklaget hadde 597 medlemmer pr. 31.12.2019 (581 i 2018). 102 born og unge og 499 vaksne (92 born og 489 vaksne i 2018). Av desse er 9 æresmedlemmer. 20 lokallag er tilslutta organisasjonen. Dette er det same som i 2018. SFFL har medlemsskap i:

• FolkOrg – organisasjon i folkemusikk og folkedans. • Stiftinga Førde Internasjonale Folkemusikkfestival (Førdefestivalen). • Vestland Musikkråd (skipa 2012 – før: Sogn og Fjordane Musikkråd).

SFFL har i 2019 vore representert på:

• Leiarmøte på Vestlandskappleiken 2019 v/ styreleiar og dagleg leiar. • Representantskapsmøte i Førdefestivalen. • Jubileumsfest i Indre Sunnfjord spelemannslag v/ styremedlem Ine Kjøsnes

Raad. • Fjelljomfestivalen / TØFT-samling v/styreleiar. • FolkOrg sitt landsmøte på Gjøvik v/styreleiar og 1. vara Marie Nicolaisen. • Kulturkonferansen Vestland i Bergen v/ styreleiar.

 

4    

ÅRSMØTE 2019 Årsmøtet vart halde i Stryn kulturhus 31.mars 2019. 7 lokallag møtte med utsendingar. Frå styret møtte Hallgrim Skjerdal, Gjermund Tomasgard og Knut David Hustveit, og frå administrasjonen møtte Ingrid Heieren og Ole Nilssen. Knut David Hustveit var møteleiar. Det var 3 observatørar med i møtet. I alt 19 deltakarar.

FOND Sogn og Fjordane Folkemusikklag forvaltar Rolf Myklebust Minnefond og Mokursfondet. Rolf Myklebust Minnefond http://www.folkemusikklaget.no/rolf-myklebust-minnefond.160232.no.html

Minnefondet har som føremål å stø utgjeving av tradisjonell folkemusikk frå Sogn og Fjordane. Fondet gjev ikkje stønad til nyinnspelingar eller utgjeving av nye komposisjonar på notar. Det har ikkje vore nytta midlar frå minnefondet i 2019. Fondet sto pr. 31.12.19 med kr. 122 918,81 i eigenkapital.

Rolf Myklebust Mokursfondet Mokursfondet vart oppretta etter vedtak av årsmøtet 2011, og skal byggjast opp av driftsoverskot frå Mokurset, samt renteinntekter av fondet sin eigenkapital. Midlar frå fondet kan gå til å dekkje eit eventuelt driftsunderskot frå Mokurset, og til å gjere investeringar i Mokurset etter vedtak i styret. Sidan Mokurset vart avlyst i 2019 er fondet ikkje nytta i meldingsåret. Fondet sto pr. 31.12.19 med kr. 89 108,80 i eigenkapital.

UTGJEVINGAR Dei hefta som er nemnde nedanfor har Sogn og Fjordane folkemusikklag for sal. Rolf Myklebust: «Slåttar i Nordfjordtradisjon». Rolf Myklebust sine seks notehefte med Slåttar i Nordfjordtradisjon vart utgjeve av Folkemusikklaget i 1985 og 1986. Folkemusikklaget har 476 hefte på lager ved utgangen av året. Hefte nr. 2 er på det næraste utseld. Arbeidet med å få trykt opp fleire eksemplar av hefte 2 vurderast starta opp. Det er selt 2 sett av hefta i 2019. Skumringstimen Boka Skumringstimen vart gjeven ut i 1998, og inneheld ei samling folkesongar skrive ned etter kjelder frå alle kommunane i fylket. Boka inneheld også to cd-plater med opptak av kjeldene. Folkemusikklaget har 41 hefter på lager ved utgangen av året. Det er avhenda 1 hefte i 2019.

 

5    

Andre utgjevingar som laget har for sal: Lars Hjelbakk: 17 slåttar (22 stk.) Einar Eimhjellen: Slåttar og spelemenn i gamle Naustdal (9 stk.) Einar Eimhjellen: Steindalslåttar og andre slåttar frå Flora kommune (3 stk.) Jens Brekke: Slik læte da her (2 stk.) Slåttar frå Jølster (4 stk.) Tala i parentes viser restopplaget.

FOLKEMUSIKKPRISEN  http://www.folkemusikklaget.no/folkemusikkprisen.160292.no.html Folkemusikkprisen er ei heidersutmerking og blir delt ut anna kvart år til ein person, lag eller organisasjon som har gjort ein særleg innsats for folkemusikken i fylket. Hilde Bjørkum fekk prisen i 2018. Det er såleis ikkje delt ut pris i 2019. PRIORITERTE SATSINGSOMRÅDE Formålsparagrafen til laget styrer all aktivitet. Arbeidsprogrammet, som vart vedteke av årsmøtet 2018 byggjer på føringane i formålsparagrafen og hadde 4 hovudpunkt: Informasjon, Arena, Kulturpolitisk arbeid og Organisasjon. Organisasjonsdelen er omhandla ovanfor.

INFORMASJON Folkemusikklaget har arbeidd for å gje god og relevant informasjon om aktuelle saker og hendingar til utøvarar, arrangørar, media og publikum. Tyngda av dette går via nettportal, sosiale media og pressemeldingar/annan kontakt med presse Nettportal Folkemusikklaget har på nettportalen “Folkemusikk i Sogn og Fjordane” ein felles informasjonsportal knytt til domena www.folkemusikklaget.no, www.mokurset.no , www.fylkeskappleiken.no og www.vestlandskappleiken.no Nettsida har følgjande punkt på hovudmenyen:

• Aktuelt • Folkemusikklaget • Kurs | Seminar • TØFT • Mokurset • Fylkeskappleiken • Vestlandskappleiken

Her er det jamleg publisert aktuelle nyhende og saker. Portalen har ein kalenderfunksjon der alle som ønskjer, kan legge inn arrangementa sine. Sakene på nettportalen blir såleis publisert på grunnlag av informasjon frå medlemmene og andre relevante aktørar. Folkemusikklaget ønskjer at nettportalen skal spegle det som skjer på folkemusikkfronten i fylket og oppmodar alle om å sende inn informasjon om arrangement i fylket. Nettsida er oppgradert med ny grafisk profil i 2019.

 

6    

Sosiale media Sogn og Fjordane Folkemusikklag har eiga side på Facebook. Her er det vidareformidla eigne nyhende frå nettportalen og delt vidare folkemusikkhendingar, relevante avisinnlegg osb. Det har vore lagt spesielt vekt å på spreie informasjon om arrangement i Sogn og Fjordane og utøvarar frå Sogn og Fjordane. Laget har eigen konto på Instagram. Dei fleste arrangementa våre er oppretta som hendingar på Facebook-sida vår. Fylkeskappleiken og Vestlandskappleiken har fått tilbod om å bli oppretta som hendingar under Folkemusikklaget si side. Både Fylkeskappleiken, Vestlandskappleiken, Mokurset og Tøft-satsingane har vore annonserte/presenterte her i meldingsåret. Pressemeldingar Det er sendt ut pressemeldingar om fleire av desse tiltaka. Mange av lokalavisene i Sogn og Fjordane skriv om arrangementa med bakgrunn i desse meldingane, men ikkje alle media er like interesserte i dette stoffet.

FOLKEMUSIKKARENA Sogn og Fjordane Folkemusikklag trur at det er viktig å ha gode arenaer for musikk, song og dans. Ein lokallagsrunde (halvvegs gjennomført til og med 2019) fortel at rekruttering, opplæring og attraktivt miljø er høgt prioritert i dei fleste lokallaga. Folkemusikklaget har prøvd å bidrege til dette ved å stimulere til at det vert arrangere kappleikar, arrangere Mokurs, motivere til at lokallaga arrangerer TØFT-samlingar (born og ungdom frå 10 – 18 år) og drive kulturpolitisk arbeid. (Mokurset vart diverre avlyst i 2019. Så eige avsnitt i meldinga.)      Kappleikar Fylkeskappleiken for Sogn og Fjordane 2019 Fylkeskappleiken vart arrangert i Stryn kulturhus 29.-30.mars med Fjelljom spelemannslag som arrangør. Det vart ein godt gjennomførd kappleik med 96 startnr. og i alt 235 (ca.) deltakarar. Beste dansepar, songar og musikar fekk vandrepremie. Desse var: Pardans: Mari Andrea Ness og Atle Hoff. Vokal: Judith Vesterheim. Spel: Egil Furnes. Elles kan nemnast at ordføraren i Stryn, Sven Flo, opna kappleiken og arrangøren følgde opp med ein flott kulturoppvising av mange gode tradisjonsberarar både i spel, song og dans. Her finn de fullstendig resultatliste: http://www.folkemusikklaget.no/resultatliste-for-fylkeskappleiken-2019.5661568-160217.html

 

7    

Irene Hestvik og Leon Årdal Smørbukk-kappleiken 2019 Smørbukk–kappleiken,for dei som ikkje er gamle nok til å delta i den vanlege tevlinga, har dei siste åra vorte eit flott og ikkje minst viktig innslag på fylkeskappleiken. Dette året var det stor deltaking med heile 67 namn på deltakarlista. Det er Sogn og Fjordane folkemusikklag som arrangerer denne.

  Lita jente på Smørbukk-kappleik Vestlandskappleiken 2019 I 2019 var det Nordbygda spel- og dansarlag som arrangerte denne sidan det var vårt distriktslag sin tur å stå for denne. Dei laga ein flott kappleik i Operahuset Nordfjord på Eid 18.-19. oktober. Her var det 114 startnr. med ca. 330 deltakarar. Kappleiken vart opna av ordførar Alfred Bjørlo, og Britt Pernille Frøholm (fungerande dagleg leiar) heldt ein flott konsert der ho m.a. presenterte lokale Nordfjordslåttar.

 

8    

Mokurs 2019 Dessverre måtte vi avlyse Mokurset i 2019 på grunn av for liten påmelding og dermed for dårleg økonomi. Dette vurderer styret så alvorleg at det vart bestemt å sette ned ei arbeidsgruppe som skal gå gjennom og fornye opplegget. I kontakt med Hordaland folkemusikklag signaliserer dei at dei kan tenkje seg å vere med å vidareføre «Mokurset» i framtida. Planen er å bruka 2020 til dette fornyingsarbeidet, for så å kunne få sett i gang med liknande opplegg frå 2021. TØFT TØFT er eit rekrutteringsprosjekt for ungdom i Sogn og Fjordane som driv med folkemusikk og folkedans. Formålet med prosjektet er å samle og rekruttere ungdom frå 12-18 år frå Sogn og Fjordane til sosiale ungdomssamlingar fordelt på tre-fire helger i året. Born frå 10-12 har og hatt iblant hatt tilbod om dagskurs, SmåTØFT, i samband med kurshelgene. Sogn og Fjordane Folkemusikklag er eigar og initiativtakar til prosjektet og har tilsett Ole Nilssen som prosjektleiar. Det er sett ned ei styringsgruppe med ressurspersonar i Nordfjord, Sunnfjord og Sogn som bidreg med evaluering og marknadsføring til miljøa. Første ungdomssamling i 2019 vart arrangert i Viksdalen om våren i samarbeid med Gaular spelemannslag. Andre samlinga vart gjennomførd i samarbeid med Spelmannslaget Fjelljom i samband med Fjelljom festivalen om hausten på Fjelli i Stryn. TØFT er støtta av Dextra Musica/FolkOrg, Sogn og Fjordane Fylkeskommune, Sparebankstiftinga og Rådet for folkemusikk og folkedans.

 

 

9    

KULTURPOLITISK ARBEID Fylkesmusikarordninga Denne ordninga er på veg ut, men framleis er Vidar Underset i funksjon i denne ordninga og er omreisande i folkemusikk og –dans. Det vert ikkje tilsett fleire i denne ordninga. Distriktsmusikarordninga Dette er ei slags vidareføring av fylkesmusikarordninga. Den er no knytt til kulturskulane. Folkemusikklaget har vore ein pådrivar for å få denne på plass. Dei fem med folkemuskkbakgrunn som så langt er knytte til ordninga skal både undervise og vere utøvande. I 2019 tilsette Sunnfjord kulturskule i Førde 2 nye distriktsmusikarar: Ingrid Schei Stuhaug (hardingfele) og Ole Nilssen (trekkspel/dans). Ingrid Stuhaug har i tillegg til Sunnfjord ein dag i veka i Fjaler. Ole Nilssen er tidlegare vikar for dagleg leiar hjå oss, og også leiar for TØFT- satsing vår. Gloppen kulturskule tilsette i 2019 Malin Alander (vokal/kveding). (I 2018 tilsette Sogn kulturskule Håkon Høgemo (hardingfele) og Lærdal kulturskule Tom Karlsrud (trekkspel) i denne ordninga). Alle desse er viktige samarbeidspartnarar og ressurspersonar knytt til det arbeidet som folkemusikklaget driv. Regionreforma og samarbeid mellom folkemusikkinteressene i regionen Det har vore fleire kontaktar mellom folkemusikklaga i Hordaland og Sogn og Fjordane siste året der temaet har vore korleis vi best kan samarbeide i framtida utan at det er dregne endeleg slutningar om dette. I forkant av desse drøftingane har det også vore fleire kontakter mellom desse to laga, Ole Bull Akademiet, hardingfela.no (Hordaland), Førdefestivalen og Sunnfjord kulturskule som representant for kulturskulane. Alle desse kontaktane gjev klart uttrykk for stor interesse for å få til eit enno nærare samarbeid i framtida. UTSNITT Landskappleiken 2019, 26. – 30. juni i Vågå Her er teke med dei frå Sogn og Fjordane som fekk 3. plass eller betre pluss kongepokalvinnaren: Ole Nilssen og Bjørn Kåre Odde: Kåra til beste dansespelemenn Asbjørg Hustveit Sølvberg/Arne M. Sølvberg: 3. plass i dans fele kl D Arne Sølvberg: 1. plass spel både fele og hardingfele begge kl D Åsmund Farstad: 3. plass spel hardingfele kl. C Dordi Boksaap Lerum: 2. plass vokal kl. C Dag Vangberg: delt 1. plass vokal kl. D Kongepokalen dette året gjekk til Alexander Aga Røynstrand, Hardanger Heile resultatlista finn du her: https://resultat.folkorg.no/klasser/?kid=43 Landsfestivalen 2019, 7. – 11. august i Kinsarvik Her er teke med dei som fekk 3. plass eller betre: Ole Nilssen: 2. plass andre instrument senior Åsmund Farstad: 1. og 2. plass fele/hardingfele junior Hafslobelgen: 3. plass Lagspel durspel/trekkspel Gamlebanken: 1. plass Lagspel fele/hardingfele Anne Louise Drevdal/Tormod Øvrebø: 1. plass Pardans senior Heile resultatlista finn du her: https://resultat.folkorg.no/klasser/?kid=45 Arrangement Førdefestivalen2019. Her deltok me med speling ved inngangspartiet til Førdehuset. Fylkeskappleiken Stryn 29.-30. mars 2019 Smørbukk-kappleiken Stryn 30.mars 2019 (del av fylkeskappleiken) Vestlandskappleiken Eid 18. – 19. oktober 2019 TØFT-samlingane med opplæring i musikk og dans:

 

10    

• Jostedal: Samlinga vart avlyst på grunn av liten påmelding. • Viksdalen: 5. – 7. april • Fjelli: 4. – 6. oktober

Prisar Luttprisen i år gjekk til Erlend Apneseth Samarbeidspartnarar og støttespelarar Laget vil med dette rette ei stor takk til alle desse:

• Sogn og Fjordane fylkeskommune • Sparebankstiftinga Sogn og Fjordane • Førdefestivalen • KOMP • FolkOrg • Dextra Musica • Rådet for folkemusikk og folkedans • Luster sparebank • Hordaland folkemusikklag • Fylkesarkivet i Sogn og Fjordane • Jostedal spel- og dansarlag – TØFT-samling • Gaular spelemannslag – TØFT-samling • Spelemannslaget Fjelljom – TØFT-samling

Flekke 20200404 Knut David Hustveit - styreleiar