Årsmelding 2020
TRANSCRIPT
ÅRDAL TURLAG
Gålaget på tur til Sletterustvatnet
ÅRSMELDING 2020
Styret i Årdal Turlag 2020
Leiar Sonja Hestetun På val i 2020 (kvart år)
Nestleiar Inga Jane Vie Karlsen På val i 2021 (kvart 2. år)
Kasserar Sølvi Hatlevoll På val i 2021 (kvart 2. år)
Styremedlem Anders Lindborg På val i 2020 (kvart 2. år)
Styremedlem Helge Rørvik På val i 2021 (kvart 2. år)
Styremedlem Kristin Hestetun På val i 2021 (kvart 2. år)
Styremedlem Inge Seglem På val i 2020 (kvart 2. år)
Varamedlem Odd Einar Frosta På val i 2020 (kvart år)
Varamedlem Frank Øyre På val i 2020 (kvart år)
Undergrupper
Barnas Turlag Anders Jon Seim
Fjellsportgruppa Martin Walderhaug
Mosjonsskulen Jorunn Haug Johansen
Årdal Gålag Gunvor Nordås
Heilårstrimmen Tor Valaker
Nemder og utval
Materialforvaltar Vert vald av styret
Revisorar Bjørn Lindland
Hans Otto Tråi
Valnemd Jasmin Eminovic
Rune Valsvik
Anne Bjørg Dalheim
Støls-og topptrim Jan Rune Rørvik
Inga Jane Vie Karlsen
Anton Kjærvik
Stirydding Frank Øyre / Inge Seglem
Dugnadsgjengen Gravdalen Ole Magnar Nundal
Gravdalen, Avdalselet Kristian Avdal Semstrøm
Asle Aannevik
Gravdalen, Svalheimselet Ole Magnar Nundal
Tom Røysi
Gravdalen, Tronteigselet Bjarte Krossøy
Magne Folven
Kvernhusdambrui Tilsynsnemdi for Avdal Gard
Representant til Slingsby-instituttet Ole Magnar Nundal
Kontaktperson YRC Bjarne Havro
Leiaren har ordet
Det har vore eit noko annleis turår i år. 2020 starta bra med gode planar og
mange aktivitetar både for store og små. Barnas Turlag var på lyktetur på Ytre
Moa og «Kom deg ut» på Seimsåsen og FTU fekk seg ein triveleg runde på Ytre
Moa. Nokre fann glede med tur på truger og ski, og mange tok beina fatt både
opp etter fjellsider og rundt om i bygda.
I februar gjorde Gålaget avtale med Årdal Kommune om å ta på seg ettersyn og
drift av Dagsturhytta og stiane opp til Moakamben, og dei kom godt i gang med
programmet sitt. Fjellsportsgruppa leigde inn Folkehjelpen som instruktørar, og
arrangerte 1.hjelpskurs for medlemmane i Turlaget.
Alt lova godt for eit aktivt år for turlaget! 12.mars, før våraktivitetane
eigentleg var i gang, vart heile Noreg stengt ned på grunn av koronaen.
Smittefaren gjorde at me måtte hente alle bøkene på nærpostane våre, og
Gravdalen vart stengt før sesongen eigentleg var kommen i gang. Dagsturhytta
stengde på ubestemt tid. Snøen låg lenge og vinteren ville ikkje heilt gje slepp,
og vårløysinga gjorde at fleire av turane var uframkommelege langt ut i juni.
I mai livna det heldigvis i lundar att! I Gålaget kom dei ivrige i gang att, og har
vore svært så aktive og følgt smittevernreglane til punkt og prikke. Sjølv om
planar og turar måtte endrast, kan me trygt seie at med godt over 30 ivrige
turgåarar på 21 ulike turar kvar onsdag etter 27.mai, har det vore ein
kjempesuksess i år trass alt.
Mange nye turskilt er på plass, og ein våryr gjeng gjekk i gang med sti- rydding
rundt om i bygda. Ein stor takk til den gjengen som ikkje har tenkt å gje seg
med dette.
Det har vorte gjennomført fleire dugnadar med stirydding. Her fra to økter i området
Eldegarden.
Den sosiale trimgjengen i Mosjonsskulen som er vane til å trene i gymsalen på
Farnes måtte endre på strategiane fram til 5.oktober. Dei har vore kreative og
har stått på og dei har teke utfordringa med å trimme på anna vis på strak arm.
Mottoet er å ta vare på eiga helse gjennom livslang mosjonering, så da vart det
til at i år har 22 ivrige mosjonistar møtt to gonger i veka, både for å gå trimtur
og nytta eigna plassar ute til å gjera øvingane sine.
FTU har klar målsetting heile året med mottoet – Mei skal ut på tur – me skal
kosa oss med song, musikk og dans – me skal ha rebus og naturbingo – me skal ha
god turmat ME SKAL HA DET KJEKT I LAG! For ein fantastisk flott gjeng! Det
manglar ikkje på initiativ og pågangsmot. «Heile bygda» er tatt i bruk, og eit av
høgdepunkta i år var at dei fekk høve til å prøve padling i kajakk til stor glede
for mange.
Fjellsportsgruppa med si positive innstilling sørgjer for spennande aktivitetar
for både Barnas Turlag og for dei som ønskjer og har behov for å vera med både
på klatring, skikøyring, og kanskje litt meir utfordrande turar som t.d.
blåisvandring på Bøverbreen som dei var på i september.
Sjølv om Gravdalen har vore stengt, stilte den trufaste dugnadsgjengen opp to
helgar i haust med slått, vedhogst og reparasjon av lekkasje på Avdalselet. Flott
at så mange stiller opp og sørgjer for at hyttene og området vert vedlikehalde
slik at fleire kan nyta livet i fantastiske omgivnader i Gravdalen.
Årdal Turlag har ikkje fått i gang ei DNT ung – gruppe enda, men det var
positivt at OPPTUR 2020 vart ein suksess i år der 8.klasseelevar og lærarar frå
Farnes og Tangen vart frakta med bussar til og frå galdane i Lærdal.
Til stor glede for mange opna Turistinformasjonen på Torget 20.juni. Dette vart
ein stor suksess for fjellkommunen Årdal. Frivillige turistvertar med mange
medlemmar i Gålaget, har gjort ein stålande jobb i heile sommar med å
informere og geleide turistar rundt om i nærområdet vårt.
Det er vanskeleg å koma med eksakt tal på kor mange som har vitja dei populære
trimpostane i år, men statistikken til turistvertane stadfestar at turar og stiar
rundt om i bygda har vore godt besøkt av både fjern og nær.
Årdal Turlag har investert i ein del nytt utstyr til sti-rydding, sitte-gruppe i
Avdalen, diverse til Mosjonsskulen og Gravdalen. Turlaget ønskjer å legge til
rette for at fleire tek i bruk naturen vår, så me har òg kjøpt inn truger og
hengekøyer som turlaget låner ut gratis til dei som måtte ønskje det.
Turlaget har kjøpt inn truger og hengekøyer som kan lånast ut til medlemmar
Turleiarforum hadde tidleg planar og målsetting om å få med fleire til å ta rolla
som turleiarar, gjennom å bygge kompetanse og erfaringsdeling. Dette arbeidet
er viktig for Turlaget, og Turleiarforum har ein plan å arrangere
turleiarsamlingar for dei som er interesserte i å vera med. Ulike kurs som t.d
snøskredskurs, førstehjelp og bruk av kart og kompass vil vera aktuelle tema på
desse møta. Turlaget ønskjer alle som kan tenke seg til å vera med hjarteleg
velkomne. Det er berre å ta kontakt!
Årdal Turlag er positive til og har som mål å samarbeide med andre turlag i
Sogn, og er i tillegg i dialog med DNT Oslo om skilting og sti-rydding i Utladalen.
Årdal Turlag er og vil vera aktivt med som berekraftig utviklingsaktør i arbeidet
med å gjere bygda til ein attraktiv stad både å bu i og besøka. DNT sentralt sin
overordna visjon «Naturopplevingar for livet» og STIEN passar godt for Årdal
Turlag sine verdiar:
Spennande – me skal by på utfordrande og spennande opplevingar for alle
Truverdig – me skal skape tryggheit og ha kvalitet i fokus
Inkluderande – me skal ha eit turtilbod der alle føler seg velkomne
Enkelt – me skal bidra til at folk opplever glede ved det enkle friluftslivet
Naturvennleg – våre aktivitetar, stiar og postar skal vera naturvennlege
Me vil takka alle som har sendt inn flotte bilde som dokumenterer den
fantastiske naturen vår i Årdalskalendaren 2021, og ein særleg takk til alle som
har stilt opp og vore med turlaget, trass dei spesielle forholda i år. Eg personleg
vil takka dei positive og dyktige styremedlemmane for at vervet som ny leiar har
vore så interessant og givande.
Alle gruppene er allereie godt i gang med planar for mange flotte aktivitetar for
alle i 2021. Det er berre å «hiva seg rundt» og bli med på tur!
Sonja S. Hestetun
Rekneskap 2020
MEDLEMMAR I ÅRDAL TURLAG
2020
2020 2019
DNT Medlem 383 359
DNT Barn/Ungdom 33 38
Fjellsportgruppa 0 0
Årdal Turlag lokalt 106 108
Totalt 522 505
Hans Otto Tråi Bjørn Lindland
Turrapportar
Trugetur til Brendefjell, 27.februar
Vel gjennomført turlagstur med truger i området på Seimsåsen. 10 deltakarar
var med samt Øyvind Valsvik som gjekk ut i forkant og fyrte opp óg grilla pølser
til alle kom. Rune tok turen dagen i forkant for sportrakking der han hadde med
seg to i følget.
Biletet teke under same fåra som i fjor.
Fin gjeng i godt driv gjennom oppover i skogen.
Turleiar Rune Valsvik
Blåskavelen, 13. juni
Årdal turlag arrangerte skitur til blåskavlen 1809 moh. med totalt åtte i følget.
Turen starta fra Jonshøgda på Aurlandsfjellet og det er ca 500 høgdemeter
stigning. Både ver og føre var fint, noko vind på toppen.
Fint oppover på breen
Undredal langt der nede….
Turleiarar Jon og Rune
Sognefjellet – Skogadalsbøen - Vormeli-runden – Hjelle, 31/7 – 2/8
8 turdeltakarar, både lokale og utanbygds, var med på "rundturen", og me fekk
ei fantastisk flott helg i Utladalen. Veret var strålande.
Fredag gjekk me frå Sognefjellshytta til trivelege Skogadalsbøen, der me hadde
base.
Fint nedover Vetle-Utladalen
Laurdag hadde me ein minnerik, spesiell og strabasiøs tur: Me gjekk ned
Bjørneskåri til Vormeli, eit avsides og nedlagt bruk som i dag blir brukt som
ubetjent losji med DNT-nøkkel.
Noko bratt og spennandes terreng ned Bjørneskåri og langs Utla på veg til Vormeli
Oppstilling ved brua som kryssar Utla under Vormeli
Turen tilbake tilbake til Skogadalsbøen gjekk me på sti til Gjertvassbøen og
over Storebrui.
Søndag gjekk turen heim om Friken, ned Fleskedalen til Morki, Vetti og Hjelle,
også denne dagen i flott turvær.
Stor takk til den hyggelege betjeninga på Skogadalsbøen for god mat og god
service, og ikkje minst takk til turleiararane Odd Einar og Inga Jane som gjorde
turen heilt unik!
Godt nøgd etter nedstigninga i Vettisgaldane
Grønvassnosi, 30. august
19 medlemmer i Årdal turlag hadde ein flott tur til Grønnvassnosi 1598 moh i
dag. Turen gjekk via Lovadalsvatnet, vidare til Jervvatnet og Hyttedalsvatnet
før oppstigning til Grønnvassnosi.
Takk til turleiar Kristin som losa oss trygt til målet, og til Jorunn som sørga for
at alle kom seg trygt tilbake til start.
Opptur til Lærdal og Galdane rundt, 16. september
På grunn av koronasituasjonen kunne ikkje Opptur gjennomførast som vanleg
i vår, men 16. september fekk årets 9.klassar ved Farnes og Tangen endeleg
oppturen sin.
Turen gjekk til Galdane rundt i Lærdal. Kjekt å få vere med ungdommane på tur i
flott ver!
Helge og Anders
Gjerdenosi, 27. september
Flott utsyn fra toppen av Gjerdenosi
10 stk var med oss på fin tur til Gjerdenosi.
Turen starta frå Strupane via Skår 840 moh, så vidare til Skar 1000moh. Der
vart det ein rast etter å ha gjort unna det brattaste. Vidare opp skaret og
høgdene utover. Kuppert terreng så det vart litt opp og ned. Målet Gjerdenosi
1250 moh vart nådd og alle var fornøgde!
Fint driv i bakkane, her fra Skaret Matpause etter å ha vore på toppen
Takk til alle som var med på turen, turleiar Jorunn, Mildrid som var med å passa
på at kursen vart rett og Anne Bjørg som passa på at alle vart med heimatt!
Årsmelding, Årdal FTU
2020
Etter eit fint oppstartsår i 2019, gjekk me laus på 2020 med stort pågangsmot.
Me gledde oss til å få gjengen ut på tur att, og la planar for fire turar før
sommaren og fire turar til hausten. Nokre av turane var dei same som året før,
men me ville også prøve oss på nye turmål.
Dessverre fekk me berre gjennomført den fyrste turen, som var på Ytre Moa i
byrjinga av mars, før korona slo til for alvor, og all aktivitet vart lagt på is. Det
var nok mange som sakna turane våre i den perioden, for det var ein veldig
turklar gjeng som møtte opp då me endeleg kunne møtast att i mai og ha
rebusløp frå Hjelle og til Skåri. Det var kjekt å vera i gang att!
I juni kom det store høgdepunktet for oss i FTU i år. Då hadde me kajakk-kurs
med Bulder og Brak! Mange var nok litt skeptiske til om dei kom til å tore å ut på
Årdalsvatnet, men nesten samtlege kom seg i kajakken og storkosa seg med
padling. Det var trygt og godt å ha Bulder og Brak som ansvarlege arrangørar.
Torunn Laberg har utdanning i å tilrettelegge padling for funksjonshemma og
hadde laga til eit kjempeflott opplegg. Dette håpar me verkeleg at me kan
gjenta neste år. Tusen takk til Årdal Turlag som sponsa denne fantastiske
opplevinga for FTU’arane våre.
Til no har me gjennomført fem turar i år. Det står att ein siste tur i november,
som me håpar let seg gjennomføre trass korona-oppblomstring. Det er for oss
som for andre, ei utfordring å følge smittvernsreglane, men me meiner me har
god kontroll. Det vert nytta handsprit uansett kvar me er, turdeltakarane held
god avstand og me er stort sett utandørs. Me har også valt å kutte ut matlaging
som t.d vaffelsteiking på turane. I staden har me laga til porsjonar med frukt i
beger og turgåarane har teke med mat og drikke sjølve. Dei som er sjuke må
halde seg heime. Me har kjent oss trygge på tur i heile år.
Alt i at er me godt fornøgde med oppmøtet og arrangementa som har vore. Me i
styret har gjort oss ein del erfaringar og det gjer det at turane blir betre
organiserte. Me har variert og tilpassa innhald og kosar oss verkeleg på tur.
Utgiftene våre er ikkje så store, men me brukar litt på turmat og også til å leige
kompetanse som t.d. Bulder og Brak. Nokre gonger kan det vere at me betalar
litt i leige for å kunne ha eit lokale som endestasjon for turen vår. Mange av
brukarane må ha tilgang på toalett, dei frys lett og må kunne gå inn o.s.b. Alt
dette må me legge til rett for og det er vorte eit flott turtilbod til dei med
utviklingshemming, dei med andre utfordringar og også søsken, foreldre, anna
famile og andre.
Turar i 2020:
✓ Mars – Ytre Moa med rebus, kakao og frukt, bål, song og musikk.
✓ April – Vikadalen Hovland gard, sjå på sauer, dyrerebus, pizzabollar
(avlyst p.g.a. korona)
✓ Mai – Skåri i Utladalen, ulike aktiviteter på området rundt Skåri, song og
musikk.
✓ Juni – Ned ved vatnet i Øvre. Padling med Bulder og Brak, grilling, song og
litt dans
✓ September – Timbesletta i Dalen. Sjå på dyra, grilling, dyrequiz, song og
dans.
✓ Oktober – «Lysløypa» langs Årdalsvatnet, inneaktivitetar på Årdal vgs,
frukt, kakao, song.
✓ November – Juleavslutning med grauttur. Planen er å vere på Timbersletta
igjen. Gå frå Svalheim. Graut hjå Magne og Laura. Synge julesongar og ha
ein julekonkurranse.
Gravdalen
Vintermøte i dugnadsteamet 07. – 09. februar. Me var 7 personar som låg over
frå fredag til søndag. Denne vinterturen til Gravdalen, har vorte ein fin
tradisjon, og i år kunne me gå heilt opp utan anna lys enn fullmånen.
Laurdagsturen gjekk på truger til Botnanosi. Det var fint då me la ut om
morgonen, men ruska seg til utover dagen, so det vart ein kort stopp på toppen.
Det har vore 2 dugnadshelgar i år. Slått i september, og ved-dugnad i oktober.
På slåttedugnaden var me 4 personar. Åsmund Nordgulen nytta høve til å
overrekka oss ei ny kløyveøks, og nokre fleire river. Han hadde fått noko pengar
frå eit fond, som kunne brukast til slike ting. Sidan me var so få, konsentrerte
me slåtten om området rundt seli, og næraste stølsbøen.
Etter endt arbeidsøkt er det alltid triveleg å samlast rundt bordet
Ved-dugnaden i oktober hadde 9 deltakarar. I tillegg til vedhogst, reparerte me
ein lekkasje i taket på avdalsselet. Me fekk jamvel tid til ein tur innover
Gravdalen laurdag ettermiddag, og Jon fann endeleg tuftene etter seli der dei
stod før dei, på grunn av vedamangel, vart flytte dit dei står no. Stølen har
også, i ein kort periode, lege inne i Slufsedalen, men tuftene der har me ikkje
greid å finne førebels. Ein av dugnadsfolki gjekk nedatt laurdag ettermiddag,
men me var likevel 8 som kosa oss rundt bålet laurdag kveld. På grunn av viruset
som rir verden som ei mara, vart det ikkje felles bordseta i eit av seli, men kvar
og ein hadde med litt bålmat. Det var kjekt det og, men me håpar me kan komma
forbi koronaen snart.
På grunn av dette viruset, har seli vore stengde for allmenheita i heile sommar.
Det har likevel vore mange besøkande som har overnatta i telt, og som me
diverre ikkje har noko register på, men me ser at dei har laga bål og kosa seg.
Det gledar oss å registrere, at Gravdalen er eit turmål, som blir meir og meir
brukt, både av lokale trimmarar og meir langvegsfarande fjellfolk.
Søndag var det oppvask og rydding, og me tok av flakane på brui for vinteren.
Seli er i bra stand, men som sagt måtte me tette ein liten lekkasje i taket på
Avdalsselet.
Nokre av oss har også hatt ein del snarturar opp, med stearinlys, dopapir,
bensin, reine handdukar, sengeklede, lampeolje, gass og andre småting til drift.
Det er viktig å sjå innom litt regelmessig, for å sjå at alt står bra til.
Det er bokført 207 dugnadstimar i år. Ingen registrerte overnattingar, utanom
overnattingar i samband med dugnadsarbeid. Me har heller ikkje registrert
dagsbesøk, sidan seli har vore stengde. Dei dagsbesøka som er registrerte i
statistikken, er trimmarar som har registrert seg i «Støls- og topptrim-boka».
Dugnadsgjengen er trufast og stabil, og me likar svært godt at folk tek kontakt
og vil vera med.
Alt i alt: Gravdalen er prega av god drift, godt vedlikehald, og ein engasjert
dugnadsgjeng.
Litt statistikk til slutt
Ein liten tur innover i dalen under vedhogst dugnaden
For tilsynsfolki på Gravdalen,
Ole Magnar Nundal
Årdal Mosjonsskule, årsmelding 2019/2020
Samarbeidsavtalen med Årdal Turlag, seier noko om føremålet til Årdal
Mosjonsskule :
1. Drive eit trimopplegg med låg terskel for å delta
2. Skapa eit lystbetont opplegg, med stor vekt på det sosiale
3. Drive målretta arbeid for å få «nullmosjonistar» til å ta vare på eiga helse
4. Drive rekruttering for Årdal Turlag
Aktivitet/sosiale tiltak
Frå september til april, møtest gruppa til trening kvar måndag og onsdag.
Oppvarminga føregår ute. Deretter møtest me i gymsalen på Farnes Skule, for
øvelsar eller sirkeltrening.
Me har hatt 1 sosial samling – juleavslutninga 2019. Her hadde me for siste gong
premiering for deltaking i x antal år. Me vil framleis ha ei markering.
Den sosiale avslutninga i vår måtte me avlyse grunna Korona. Me avslutta
treningane våre 11 mars i år, dagen før heile Norge «stengde ned»
Etter styremøte 18/8 vart me samde om å starte opp igjen trening 7/9 som
planlagt. Farnes skule var stengd, så me gjennomførte treningane ute. Me gikk
ein lengre tur, og gjorde øvelsar, der me fann ein ledig plass. Starta opp igjen
trening inne 5/10, då med krav til avstand, spriting og bruk av utstyr.
Styret har hatt fem styremøter i løpet av nov.19 til sept.20. Styresaker har
bl.anna vore planlegging av arrangement, innkjøp av eige treningsutstyr og
innhenting av tilbud. Me har og sendt søknad om kulturmidalar, og søknad til
Årdal Turlag om dekking av deler av utgifter til treningsutstyr. Me fikk i år ein
sum frå kommunen, og Turlaget har dekka utgifter til treningsutstyret me
bestilte. Takksame for støtten frå Årdal Turlag. Dei dekker og utgifter til årleg
annonse i avisa. Kasserar informerer meir om økonomien til laget.
Trimmøkt på Yttremoa og gåtur langs moloen
Rekruttering
Fram til avslutninga i vår, hadde me 33 registrerte medlemmar. Ved oppstart i
haust har me på det meste vore 22 stk. Alderssamansetninga er mellom 59 og
over 80 år, no med berre tre menn og resten damer. Rekrutteringa er laber, og
me ser no at nokre fell frå, grunna ulike helseplager. Om det er
koronasituasjonen som gjer at nokre har uteblitt, er usikkert. Me må berre
jobba vidare med rekruttering til gruppa.
Trenarar
Instruktørane våre er framleis Jane Haglund og Bjørg Størseth. Me kryssar
fingrane for at me får behalda dei framover. Dei er dyktige, ser alle, har sansen
for ein god replikk og gjer alt for at me skal ha ei god og humørfylt treningsøkt.
Gjengen samla til ei treningsøkt på Farnes Skule
Årdal Mosjonsskule har gjennomført sitt 29.driftsår. Aktiviteten me driv er eit
folkehelsetilbod i kommunen, og eit svært viktig mosjonstilbod til denne
aldersgruppa.
Neste år feirar Årdal Mosjonsskule 30 år som gruppe. Dette vil me feire med
ein flott festmiddag ved avslutninga våren 2021.
Styret Jorunn H Johansen Oddrun Fredheim Bjørg Svori Jane Haglund Bjørg Størseth Norvald Osland
Leiar Kasserar Styremedlem Styremedlem Styremedlem Varamedlem
ÅRSMELDING FOR HEILÅRSTRIMMEN
Styret:
Leiar: Tor Valaker Tillitsvald: Kåre Bjørk
Sekr./kasserar: Svein Fretland Tillitsvald: Ole M. Hestetun
Revisor: Bjørn Lindland og Hans Otto Tråi
Oppsummering
Som følge av pandemien har det ikkje vore nokon aktivitet i gruppa dette året. Alle
postkassebøker har vorte tatt inn for å redusere smittefare.
Tor Valaker Svein Fretland
Leiar Kasserar/sekretær
Kåre Bjørk Ole Magne Hestetun
Styremedlem Styremedlem
Årdal Gålag, tursesong 14 – 2020
Tur til Sletterustvatnet
Året 2020 vart eit spesielt år for Gålaget. Vi gjennomførte vinterturane, den
siste 12. mars og så kom koronaen og stengde Norge.
Det kom inn 32 skriftlege og ein del muntlege turforslag til turprogrammet for
2020. Av desse valde vi ut 28 turar, med start 22. april. På grunn av koronanen
fekk vi ikkje koma i gang før 27. mai. Mange av turane vart endra, utsette og
nokre nye kom til. Snøen låg lenge i fjella i år likevel gjennomførte vi 21 turar
med eit samla antal på 701 som gjev eit snitt på 33.
Horgi Rundt. Vi ser innover mot Feninga i Seimsdalen
Den turen som hadde flest deltakarar var turen til Fimreite der 58 var med. Til
Sletterustvatnet var vi 51 og til Tungestølen var vi 45. I år vart det ikkje
overnattingstur. Vi har fått fleire nye turvenner i år og dei fleste frå Tangen.
Dette tykkjer vi er kjempeflott. Dessverre så har vi mista 2 som hadde vore
med like frå starten. På fyrste tur etter dødsfall tek vi alltid eit minutt
stillheit.
Dei 58 som var med til Fimreite fekk ein historisk og minnerik tur. Nils var
turleiar og hadde avtalt med Magni Haug kor vi skulle parkera. Ein bilist som kom
forbi lurte på kva dette fylgje var. «Å, berre nokre venner som eg har invitert»
svarte Magni. Så fekk vi historia om «Slaget på Fimreite» og mykje meir.
Deretter vart vi invitert til hageselskap hjå syster hennar, Margrete, der det
vart servert heimalaga sveler, kaffi og juice. Vi var og innom det gamle
skulehuset som no er vorte grendahus.
Tur til Fimreite
Turen til Kinsdalen var og ein historisk tur, der Leif Hamaren fortalde om
storindustrien som tyskarane dreiv her under krigen med over 500 mann i
arbeid. Alt var i dag til nedfalls eller vekke og av det store kaianlegget stod
berre kaifundamentet att.
I februar vart styret innkalla til eit møte med Årdal kommune med spørsmål om
Gålaget ville ta på seg ettersyn og drft av Dagsturhytta og stiane opp til
Moakamben. Vi fekk presentert eit utkast til avtale der kommunen ville gje oss
ei årleg godtgjersle på kr 20 000,- samt alle kostnader knytte til drift og
vedlikehald av hytta. Styret sa ja til avtalen som vart underskreve 1. mars.
Frå tur til Tungestølen. Vi ser innover Eldedalen ved Veitastrondi.
Av arbeid som Gålaget har utført i år er laga og lagt ut klopper på dei våtaste
delene av stien, samt laga platning utanfor inngangen til hytta, montert og sett
opp skilt på stien opp til Moakamben, rydda eindel rundt hytta og bore ned
dette. Vi er no i gang med å sikra nokre bratte parti av stien med tau. Det
meste av arbeidet er utført av Magnar og Harald. Stor takk til desse trottige
arbeidskarane og ei stor takk til Harald som har laga det flotte
informasjonskiltet på parkeringsplassen. Hytta er no åpna att, men bøkene er
ikkje komen på plass, heller ikkje besøksboka, derfor veit ein ikkje kor mange
som har vore innom hytta i år. Ei stor takk til Bjarne som framleis byggjer og
legg ut klopper i turstiane i Seimsdalen og merkar opp nye stiar.
Åsetvatnet
Vi søkte i år og om midlar frå «Aktiv i 100» og fekk kr 15 000,- for 2020.
I vår fekk vi ikkje besøkt ÅBO slik vi har gjort tidlegare år, men vi håpar vi kan
ta ein tur før jul. Desse besøka, der vi viser film fra turane våre, kosar oss med
song og musikk, kaffi og kaker set bebuarane stor pris på.
Til slutt vil eg takka alle turleiara og kjentfolk og ikkje minst den flotte
turgjengen som eg er så glad i, for alle dei flotte turminna som dei har delt med
meg i år.
Gunvor
Fjellsportgruppa i Årdal Turlag
Styret 2020 Martin Walderhaug (leder)
David Andersen Åmås
Kristian Larsen
Eirik Hjertenæs
Ingrid Andersen Eidsvaag
Mats Lindborg
Gjert Nygård (til 09.06.2020)
Aktiviteter 2020
NF grunnkurs skred alpint
30. januar – 2. februar
Denne helgen arrangerte vi skredkurs, hvor deltakerne fikk lære mer om trygg
ferdsel i vinterfjellet. Temaer som terrengvurdering, trygge veivalg,
snøkjennskap, turplanlegging, faretegn og kameratredning ble gjennomgått. Det
ble en lærerik helg og fine dager på tur. Kristian Larsen var med som
instruktøraspirant, og fikk med dette godkjent en del av praksisen som trengs
for å bli kvalifisert som skredinstruktør.
Skredvettdag: tips og triks om skred og topptur på ski underveis til Bjørnaholten
Skredvettdag på Seimsåsen
9. februar
Skredvettdagen arrangeres av DNT fjellsports lokallag over hele landet. Vårt
arrangement ble som tidligere holdt på Seimsåsen. Dagen begynte med en tur
mot Bjørnaholten, hvor det ble gitt tips om toppturer på ski og ferdsel i
skredterreng underveis. Deretter var det kameratredningsøvelse, bål og
pølsegrilling ved Skihytta, før vi trakk inn på hytten for å avslutte dagen med
skredforedrag og quiz med topptursekk fra Bergans som premie. Takk til ÅTIL
Skigruppa for lån av hytten!
Førstehjelpskurs med Norsk Folkehjelp Årdal
18.-19. februar Norsk Folkehjelp Årdal stilte opp og holdt førstehjelpskurs for ivrige deltakere
fra Fjellsportgruppa. Hypotermi og traumer fikk ekstra fokus, siden dette er
spesielt relevante tema for fjellfolk. Det ble både teori og praktiske øvelser
over to kvelder. Stor takk til Folkehjelpen for et kjekt og lærerikt kurs!
Todagers inne-til-ute klatrekurs
6.-7. juni I samarbeid med Årdal Klatreklubb holdt vi et todagers inne-til-ute-kurs i
sportsklatring. Kurset ble holdt på klatrefeltet Kvam i nabokommunen vår.
Deltakerne fikk kjekke dager hvor de fikk prøve seg i veggen, og lærte de
viktigste teknikkene for å drive med sportsklatring utendørs på en trygg måte.
Ingrid Eidsvaag var med som instruktøraspirant, og fikk med det godkjent en
del av praksisen i klatreinstruktørutdanningen.
Årsmøte
9. juni Fjellsportgruppas årsmøte skulle egentlig holdes i mars, men på grunn av
koronaviruset ble møtet utsatt og avholdt digitalt i juni. Godkjenning av
vedtekter og styrevalg stod på agendaen.
Klatring på Hagaberg med Barnas Turlag
15. august Denne helgen hadde Barnas Turlag overnattingstur i Avdalen. Den ene dagen fikk
både små og store prøve seg i veggen på Hagaberg, hvor Fjellsportgruppa hadde
rigget til topptauklatring.
Fra Barnas Turlags overnattingstur til Avdalen. Klatring for små og store på Hagaberg.
Fjellsportsamling ved Krossbu
28.-30. august Siste helg i august hadde vi fjellsportsamling, og i år gikk turen til Krossbu.
Lavvo og vedovn var med, og det ble god stemning på kveldene. På dagtid gikk
folk på tur etter egen interesse. På lørdag var noen på tur i blåisen på
Bøverbreen, mens andre gikk fottur. Søndag gikk en gruppe over breen til
Kalven, mens andre var på Veslbreatind.
Fjellsportsamling: blåisvandring på Bøverbreen.
Fjellsportsamling: avslappet kveld i leiren etter tur.
Barnas turlag 2020, årsrapport
STIFTINGA AVDAL GARD
ÅRSMELDING 2020
Året og sesongen 2020 har vore positiv, sjølv om dette blei ein spesiell sesong
p.g.a. pandemien, covid 19. Vi opna ikkje med betjening før i juli og det blei
mange omsyn å ta for å ta inn turistar i husa. Men alt i alt fekk vi gjennomført
sesongen på ein god måte. I år har vi hatt tre norske jenter som betjening i
Avdalen. Desse var hos oss i perioden 8.juli til 31.august. Elles var det to menn,
den eine frå mai til juli og den andre frå juli og august. Dei to sistnemnde hadde
jobben som ute- arbeidarar i Avdalen, Vetti og Skåri.
I forkant og etterkant av sesongopninga har me tatt i mot gjester til
sjølvbetjening. Det er elles etablert ein avtale med Visit Årdal for booking som
har fungert bra. Totalt antal overnattingar har vore noko mindre enn fjoråret,
men har vore bra ut frå det ein kunne sjå føre seg med pandemien. I tillegg var
det mange dagsturister hos oss.
I sesongen har Johannes Skahjem vore gardskar og administrert Avdalen. Han
har vore tilsett frå mai til slutten av oktober.
Den tradisjonelle Fjøsbluesen måtte vi avlyse på grunn av pandemien.
Fjøsbluesen er ei kjærkomen inntektskjelde som me mista i år.
Ei støtte på 20 000 kroner frå Sparebankstiftinga Sogn og Fjordane kjem godt
med når pandemien skapar uvisse rundt besøkande.
Som vanleg har vi fått låne 14 sauer hos Erling Offerdal, som gjer Avdalen
koselegare å koma til. Det er kjekt både for born og vaksne å sjå dyr ute på
markene. Vi er svært takksame for at Erling hjelper oss med dette.
Stordugnad med nytt tak på hovedhuset blei gjennomført før sesongen. Sjefen
for dugnaden på dette var vår dyktige og trufaste tømrer, Magne Folven. Elles
har vi dugnad om våren før sesongopning og så har vi ved-dugnad no i oktober. Petter Arnt Løvdahl -leiar-
STIFTINGA AVDAL GARD Postboks 28 6882 Øvre Årdal
Org.nr. : 985858934 Tlf. : 94 57 08 29 Bankkonto: 3730 20.27391