JAMHURI YA MUUNGANO WA TANZANI WIZARA YA MAMBO YA NDANI YA NCHI

JESHI LA POLISI TANZANIA.

R.P.C Ofisi ya Kamanda wa Polisi, Mkoa wa Mbeya,

Namba ya simu 2502572 S. L. P. 260,Fax -+255252503734 MBEYA.E-mail: rpc.mbeya@tpf.com tanpol.mbeya@gmail.com Unapojibu tafadhali taja

TAARIFA YA JESHI LA POLISI MKOA WA MBEYA KWA VYOMBO VYA HABARI

“PRESS RELEASE” TAREHE 21.03.2016.

WATU WATATU WAUAWA KWA KUNYONGWA NA KISHA KUCHOMWA MOTO WAKIWA KATIKA NYUMBA YA KULALA WAGENI.

JESHI LA POLISI MKOANI MBEYA LINAMSHIKILIA RAIA WA NCHINI RWANDA KWA KOSA LA KUINGIA NCHINI BILA KIBALI.

JESHI LA POLISI MKOA WA MBEYA LINAWASHIKILIA WATU WAWILI WAKIWA WA BHANGI.

KATIKA TUKIO LA KWANZA:

WATU WATATU WALIKUTWA WAMEUAWA NA MTU/WATU WASIOFAHAMIKA KATIKA NYUMBA YA KULALA WAGENI IITWAYO MEXICO GUEST HOUSE AMBAKO WALIFIKIA WAKIANDIKA KWENYE KITABU CHA KULALA WAGENI KUWA WANATOKEA SONGEA.

MAREHEMU WALITAMBULIKA KWA MAJINA WALIOJIANDIKISHA KWENYE KITABU CHA WAGENI 1. MARIAM HASSAN, MNGONI, MFANYABIASHARA ALIANDIKA KWENYE KITABU CHA WAGENI KUWA ANATOKEA SONGEA ALIKODI CHUMBA NAMBA 15 AKIWA NA MWANAUME MMOJA AMBAYE HAKUANDIKA TAARIFA ZAKE KWENYE KITABU CHA WAGENI 2. ABBAS YASINI, MZARAMU, MFANYABIASHARA, AMBAYE PIA ALIANDIKA KWENYE KITABU CHA WAGENI KUWA ANATOKEA SONGEA NA ALIFIKIA CHUMBA NAMBA 14 NA 3. TATIZO ADAM, MKINGA, MKULIMA AMBAYE ALIANDIKA KUWA ANATOKEA SONGEA NA ALIKODI CHUMBA NAMBA 103.

AWALI MNAMO TAREHE 19.03.2016 MAJIRA YA SAA 16:00 JIONI INADAIWA KUWA HAPO KATIKA NYUMBA YA KULALA WAGENI IITWAYO MEXICO GUEST HOUSE WALIFIKA WATU WANNE AMBAO KATI YAO WATATU WALIKUWA WANAUME NA MMOJA ALIKUWA NI MWANAMKE. WAGENI HAO WALICHUKUA VYUMBA VITATU,

CHUMBA NAMBA 15 ALICHUKUA MAREHEMU MARIAM HASSAN AKIWA NA MWANAUME AMBAYE HAKUANDIKA TAARIFA ZAKE KWENYE KITABU CHA WAGENI.

AIDHA MAJIRA YA SAA 19:00 JIONI WAGENI HAO WALIONEKANA WAKITOKA NA BAADAE WALIRUDI NA KISHA KUKAA CHUMBANI KWA MARIAM HASSAN WAKIWA WANAONGEA NA KUNYWA VINYWAJI.

MNAMO TAREHE 20.03.2016 MAJIRA YA SAA 07:30 ASUBUHI, MTU MMOJA AMBAYE ANAISHI JIRANI NA NYUMBA HIYO YA WAGENI ALIONA MOSHI UKITOKA KWENYE CHUMBA NAMBA 15 AMBACHO ALIFIKIA MAREHEMU MARIAM HASSAN NA NDIPO ALITOA TAARIFA KWA WAHUDUMU WA NYUMBA HIYO YA KULALA WAGENI NA KISHA KWENDA KUKAGUA NA KUKUTA MIILI YA MAREHEMU IKIWA IMENYONGWA NA BAADAE KUCHOMWA MOTO NDANI YA CHUMBA HICHO.

HATA HIVYO INADAIWA MAPEMA ASUBUHI TAREHE 20.03.2016, MWANAUME AMBAYE HAKUANDIKA TAARIFA ZAKE KATIKA KITABU CHA WAGENI NA ALILALA CHUMBA NAMBA 15 CHA MAREHEMU MARIAM HASSAN, ALIONDOKA AKIWA AMEBEBA NDOO NDOGO NA BEGI DOGO NA KUDAI KUWA YEYE ANAONDOKA [ANASAFIRI] ILA WENZAKE AMEWAACHA WAMEPUMZIKA.

CHANZO CHA MAUAJI HAYO BADO HAKIJAFAHAMIKA. MMILIKI WA GUEST HIYO BWANA SPIRIAN BONIPHACE MTENGELA, ANASHIKILIWA KWA MAHOJIANO KUHUSIANA NA TUKIO HILO. UPELELEZI UNAENDELEA IKIWA NI PAMOJA NA KUMTAFUTA MTUHUMIWA ALIYEHUSIKA KATIKA TUKIO HILI.

KAMANDA WA POLISI MKOA WA MBEYA KAMISHNA MSAIDIZI MWANDAMIZI WA POLISI AHMED Z. MSANGI ANATOA WITO KWA YEYOTE MWENYE TAARIFA ZA MTU/WATU WALIOHUSIKA KATIKA TUKIO HILI AZITOE KATIKA MAMLAKA HUSIKA KWA HATUA ZAIDI ZA KISHERIA. MIILI YA MAREHEMU IMEHIFADHIWA HOSPITALI YA WILAYA – KYELA KWA UCHUNGUZI WA KITABIBU NA KWA UTAMBUZI TOKA KWA NDUGU NA JAMAA.

TAARIFA ZA MISAKO:

JESHI LA POLISI MKOA WA MBEYA LINAMSHIKILIA MHAMIAJI HARAMU MMOJA RAIA WA NCHINI RWANDA ALIYEFAHAMIKA KWA JINA LA TUNSUMILE CLAUD [19] AKIWA AMEINGIA NCHINI BILA KIBALI.

MTUHUMIWA ALIKAMATWA MNAMO TAREHE 20.03.2016 MAJIRA YA SAA 09:30 ASUBUHI HUKO NSALAGA, KATA YA NSALAGA, TARAFA YA IYUNGA, JIJI NA MKOA WA MBEYA. TARATIBU ZA KISHERIA ZINAFANYIKA ILI AKABIDHIWE IDARA YA UHAMIAJI.

WATU WAWILI WOTE WAKAZI WA IYELA JIJINI MBEYA WALIOFAHAMIKA KWA MAJINA YA 1. SHADRACK MOTON [25] NA 2. FRANK YOHANA [21] WANASHIKILIWA NA JESHI LA POLISI MKOA WA MBEYA WAKIWA NA BHANGI KETE 18 NA MISOKOTO 12.

WATUHUMIWA WALIKAMATWA MNAMO TAREHE 201.03.2016 MAJIRA YA SAA 13:00 MCHANA KATIKA MSAKO ULIOFANYIKA HUKO MAENEO YA IYELA, KATA YA

IYELA, TARAFA YA IYUNGA, JIJI NA MKOA WA MBEYA. WATUHUMIWA WALIKAMATWA ANA BHANGI HIYO AMBAYO WALIKUWA WAMEIFICHA KWENYE MFUKO WA RAMBO.

KAMANDA WA POLISI MKOA WA MBEYA KAMISHNA MSAIDIZI MWANDAMIZI WA POLISI AHMED Z. MSANGI ANATOA WITO KWA JAMII KUACHA KUTUMIA DAWA ZA KULEVYA KWANI NI KINYUME CHA SHERIA NA NI HATARI KWA AFYA YA MTUMIAJI. AIDHA ANAENDELEA KUTOA WITO KWA JAMII KUTOA TAARIFA ZA MTU/WATU AU KIKUNDI CHA WATU WANAOJIHUSISHA NA UINGIZAJI/USAMBAZAJI NA UUZAJI WA DAWA ZA KULEVYA ILI WAKAMATWE.

Imesainiwa na:[AHMED Z. MSANGI – SACP]

KAMANDA WA POLISI MKOA WA MBEYA.