o le uati a le atua i totonu o orion (version 3.2.1)

O le Uati a le Atua i totonu o Orion

O se suesuega lea o le Tusi Paia ma le Agaga o Valoaga faatasi ai ma se feau uiga ese mai i le Atua mo Ona tagata.

E le’i umi ae tatou faalogoina loa le siufofoga o le Atua e pei o vai e tele, lea na faailoa mai ai ia i tatou le aso ma le itula e afio mai ai Iesu. O le au paia o loo ola, 144,000 le fuainumera, na latou iloa ma latou malamalama i le leo, a’o tagata amioleaga na latou manatu o se faititili lea ma se mafuie.. {EW 14.1} Version

3.2.1

O le Siufofoga o le Atua E Sau Mai i Orion 1/2

Ua faamaumauina e le Agaga o Valoaga le faamatalaga o loo sosoo mai i se faaaliga:

Tesema 16, 1848, na faailoa mai e le Alii ia te a’u se faaaliga e faatatau i le luluina o malosi o le lagi. Na ou vaaia ina ua fetalai mai le Alii “lagi,” i le aumaia o faailoga o loo tusia e Mataio, Mareko, ma Luka, na Ia fetalai e faatatau i le lagi, ma ina ua Ia fai mai “lalolagi” na Ia fetalai e faatatau i le lalolagi. O malosi o le lagi o le la, masina, ma fetu. Latou te pule i le vanimonimo. O malosi o le lalolagi o i latou ia o loo pule i le fogaeleele.. O malosi o le lagi o le a luluina i le siufofoga o le Atua. O le taimi lena o le la, masina, ma fetu o le a aveesea mai i o latou nofoaga. O le a le mavae ese atu i latou, ae o le a luluina e le siufofoga o le Atua. {EW 41.1}

O le Siufofoga o le Atua E Sau Mai i Orion 2/2

O ao pogisa, mamafa na o a’e ma fetaui ma isi ao pogisa mamafa. O le vanimonimo na matala ma taai agai i tua; ona mafai lea ona tatou vaai a’e i luga e ala atu i le avanoa i Orion, lea na sau ai le siufofoga o le Atua. O le Aai Paia o le a sau i lalo mai i lena avanoa. Na ou vaaia o malosi o le lalolagi ua luluina i le taimi lenei ma o mea e tutupu o le a o’o mai i se faasologa. O taua, ma tala e faatatau i taua , o le pelu, oge, ma fa’ama’i e muamua ona luluina ai malosi o le lalolagi, ona luluina ai lea e le siufofoga o le Atua le la, masina, ma fetu ma lenei lalolagi foi. Na ou vaaia o le luluina o malosi i Europa e le o le luluina lea o malosi o le lagi, e faapei ona a’oa’oina e nisi, ae o le luluina lea o malo ua ita. {EW 41.2}

O Afea o le a tatou faalogo ai i le Siufofoga o le Atua?

O le FAAALIGA MUAMUA a Ellen White na te taliina lenei fesili. Se’i tatou faitauina fuaiupu taitasi…

A’o o’u tatalo i le fata faitaulaga i lo matou aiga, na o’o mai i luga ia te a’u le Agaga Paia, ma na foliga mai na ou siitia a’e i luga ma agai atu pea i luga, i luga mamao a’e lava o le lalolagi pogisa. Na ou liliu ina ia ou vaai atu mo tagata faatalitali mo le toe afio mai o Iesu i le lalolagi, peitai ou te lē’i iloaina atu se tasi – ae fai mai loa se leo ia te a’u, “Toe vaai, ma vaai teisi a’e agai i luga.” I lenei faatonuga na ou siitia a’e ai la’u vaai ma ou iloa atu ai loa se ala sa’o ma le vaiti, o taatia maualuga mai lava i luga a’e o le lalolagi. I luga o lenei ala sa faimalaga atu ai tagata faatalitali mo le toe afio mai o Iesu agai atu i le Aai, lea sa i le isi iuga mamao atu o le ala. Sa ia i latou se malamalama pupula lava sa i o latou tua i le ulua’i amataga o le ala, lea sa fai mai se agelu ia te a’u o le Alaga lea o le Tulua o Po ma Ao {EW 14.1}

O le “Alaga o le Tulua o Po ma Ao” o le faagaioiga lea a Miller ma o le faigamalaga na amata i le 1844, ina ua mavae le faanoanoaga tele.


Faatonuga ma Fautuaga mo se faigamalaga umi:

O lenei malamalama na susulu atoa atu lava i le ala, ma foaiina atu ai le malamalama mo o latou vae ina ia latou lē pa’ū’ū ai. Ma afai latou te faatumauina o latou mata i luga ia Iesu, lea sa i o latou luma tonu lava, ma taitaia atu i latou i le Aai, na latou saogalemu. Peitai e le’i umi ae faavaivai loa nisi, ma na latou fai mai o le Aai e matua mamao tele, ma na latou fai mai na latou ulufale muamua atu i ai. Ona faalototele lea o i latou e Iesu e ala i lona siitiaina o lona aao taumatau mamalu, ma o lona aao na sau ai se malamalama matagofie lava [o le Toe Fuataiga o le Soifua Maloloina a le Ekalesia Aso Fitu] lea na susulu mai i luga o le vaega o i latou na faatalitali mo le toe afio mai o Iesu, ma na latou alalaga Aleluia!" {EW 14.1}

O isi na latou teena faataalise ma le lē faaeteete le malamalama sa i o latou tua, ma na latou fai mai e lē o le Atua lea sa taitaia maia i latou seia o’o mai i le taimi lea. O le malamalama sa i o latou tua na alu ese ma tuua ai loa o latou vae i le pogisa atoatoa lava, ma na latou pa’u’ū ai loa ma aveesea mai o latou mata mai i le sini ma latou lē toe iloa atu ai loa Iesu, ma latou pa’u’ū ese ai loa mai i le ala agai ifo i lalō i le lalolagi pogisa ma le amioleaga i lalo. {EW 14.1}


Ma na faafuasei ona tatou faalogoina se faasilasilaga e ofo ai:

E le’i umi ae tatou faalogoina loa le siufofoga o le Atua e pei o vai e tele, lea na faailoa mai ai ia i tatou le aso ma le itula e afio mai ai Iesu. O le au paia o loo ola, 144,000 le fuainumera, na latou iloa ma malamalama i le leo, a’o tagata amioleaga na latou manatu o se faititili lea ma se mafui’e. {EW 14.1}

Ina ua fetalaia mai e le Atua le taimi, na Ia liligiina mai i luga ia i tatou le Agaga Paia; ona amata ai lea ona pupula a’e o tatou foliga ma susulu mai i le pupula o le Atua e faapei ona pupula o foliga o Mose ina ua ia alu ifo mai i le Mauga o Sinai. {EW 14.1}


E sosoo atu i le faamaufaailogaina e le Agaga Paia:

O le 144,000 na faamaufaailogaina uma lava ma ua loto gatasi uma. I o latou muaulu na tusia ai upu, le Atua, Ierusalema Fou, ma se Fetu pupula lava o loo i ai le igoa fou o Iesu. {EW 15.1}

Ma i le taimi tonu lava lea, o le a amata ai loa ona saua tagata amioleaga ia i tatou, e le sauaina i le faasalaga o le oti, a’o le falepuipuiina (taimi o puapuaga itiiti), ma i le vaega lona lua o sauaga o le a leai se fesoasoani o tagata amioleaga (taimi o puapuaga tele ma mala):

I lo tatou tulaga fiafia ma le paia na lilivau ai tagata amioleaga, ma na latou faataalise mai ma le sauā e pu’e atu i tatou ina ia lafo atu i tatou i falepuipui, ae tatou faaloaloa atu o tatou lima i le suafa o le Alii, ma na pa’u’ū ai tagata amioleaga i le eleele e aunoa ma so latou fesoasoani. {EW 15.1}

Ona iloa ai lea e le sunako o Satani ua alofa mai le Atua ia i tatou o ē na mafai ona fufuluina e le tasi vae o le isi, ma faafeiloai atu i le au uso paia i le kisi paia, ona latou ifo mai ai lea i o tatou vae. {EW 15.1}


O lea la, ua tatou iloa nei le vaega taimi o le a tatou faalogo ai i le siufofoga o le Atua:

Ina ua fetalaia mai e le Atua le taimi, na Ia liligi mai i luga ia i tatou le Agaga Paia, ma na amata loa ona pupula a’e o tatou foliga ma susulu mai i le pupula o le Atua, e faapei ona pupula o foliga o Mose ina ua ia alu ifo mai i le Mauga o Sinai. {EW 14.1}

I le taimi o le liligiina mai o le Uaga Mulimuli, (le Agaga Paia) i se taimi itiiti lava ae o’o loa i le iuga o le Faamasinoga Suesue, lea sa amata i le 1844.

O se Feteenaiga?Peitai, o lenei faamatalaga o lona uiga, o le faaaliga muamua a Ellen White o le a feteena’i ma lana faaaliga lona lua, lea e faailoa manino mai ai e le siufofoga o le Atua le aso ma le itula i le iuga o le taimi o mala. (O tagata amioleaga na latou mananao e fasioti [poloaiga o le oti] ae na leai so latou fesoasoani i le taimi muamua:

I le taimi o puapuaga, na tatou sosola ese uma lava mai i aai ma nu’u (villages), (q) peitai na tuliloa atu i tatou e tagata amioleaga, o ē na ulufale atu i fale o le au paia ma le pelu. Na latou siitia a’e le pelu e fasioti ai i tatou, peitai na gau, ma pa’ū i lalo, na leai se malosi e vaivai e pei o se ‘au o saito. Ona tatou alalaga lea i le ao ma le po mo le lavea’iga, ona o’o a’e lea o le alaga i luma o le Atua. O le la na alu a’e i luga, ma o le masina na tumau e le’i toe taamilo. O vaitafe e le’i toe tafe. O ao pogisa mamafa na o a’e i luga, ma fetaui ma isi ao pogisa mamafa. Peitai sa i ai se nofoaga manino e tasi na tumau mai ai le pupula, o iina na sau ai le siufofoga o le Atua e faapei o vai e tele, lea na lūlūina ai le lagi, ma le lalolagi. O le vanimonimo na matala ma toe tapuni, ma na matua fenumia’i solo. O mauga na lūlū e faapei o se ū i le matagi, ma lafo a’e papa ta’eta’ei i itu uma. O le sami na pupuna e faapei o se ulo, ma lafo a’e ma’a i luga o le laueleele. Ma ina ua fetalaia mai e le Atua le aso ma le itula e afio mai ai Iesu, ma Ia fetalaia mai le feagaiga e faavavau i Ona tagata, na Ia fetalaia mai le fuaiupu e tasi, ona taofi lea, a’o taalili atu upu i le lalolagi uma!{EW 34.1}

O le Fofo i le Faafitauli

E faapei lava ona foliga mai e feteenai le tasi ma le isi o tusi Evagelia e fa i le faamatalaina o tusitusiga eseese e tolu sa i luga o le satauro o Iesu, ae e le o ni sese nei poo ni mea foi ua sese ona faamatalaina a molimau e to’a fa. O le mea moni, e tolu tusitusiga eseese sa i ai i luga a’e o le satauro i gagana eseese e tolu faatasi ai ma feau na itiiti lava lo latou eseesega mo tagata eseese. E mafai ona e faitau e faatatau i lenei tulaga i le tusi o le “The Desire of Ages”

E faapea foi le tulaga i faaaliga muamua ma le lona lua a Ellen White. O loo tatou faitau e faatatau i mea eseese e lua na tutupu. Muamua, ua faailoa mai e le Atua le aso ma le itula i le liligiina mai o le Uaga Mulimuli ina ia saunia ai Ona tagata mo le Alaga Tele, ma na te toe faailoaina mai i le taimi lona lua, ina ua mae’a le faamutaina o le galuega, ina ia Na faailoa mai ai Lana feagaiga i Ona tagata ma faamausali ai le mea na folafolaina mai muamua.

O se Tapulaa Faa-ValoagaO le tapulaa lava lea e tasi e mafai ona maua i le tusi o Tanielu.

Muamua, e maua e le perofeta se faaaliga puupuu faatasi ai ma lona faauigaga e patino i lea lava faaaliga, lea e faailoa mai ai se vaaiga lautele ma le faasologa o malo tetele fa’atupu ma le afio mai o Iesu: O le tupua lea a Nepukanesa.

Mulimuli ane, na faailoa atu ia Tanielu se faaaliga lona lua, lea na te faamatalaina, le faaaliga muamua i se faamatalaga sili atu ona loloto ma maoti: e ala i le faaaogaina o faatusa eseese: O malo o le lalolagi o loo faatusalia mai e manufeai, o le nifo itiiti ma isi.

O la tatou galuega le faatulagaina o faaaliga i o latou tulaga fetaui, ma faatumau ai pea le ulua’i faasologa o mea tutupu. E le o faatagaina i tatou ina ia tatou suia le faasologa, lea o le a faanunumiina ai mea e tutupu. Afai tatou te mulimuli i lenei tulafono, e tasi lava la le fofo e totoe mai i le faafitauli:

E moni lava e lua faasilasilaga eseese o le aso ma le itula, ma o le faasilasilaga muamua e faia i le liligiina mai o le Uaga Mulimuli i o tatou taimi.

O le Uaga Mulimuli o loo I Ai se Feau Faapitoa

O lea la, o le Uaga Mulimuli e fesootai atu i se feau lea e faailoaina mai ai le aso ma le itula o le afio faalua mai o Iesu.

Ma o le leo o loo faailoaina mai lenei feau e sau mai i Orion…

I faasologa o le suesuega ”Aso ma le Itula”, O loo o’u faamatala ai e faatatau i osofaiga o loo faia i nei suesuega, lea o loo finau ai faatatau i nei suesuega ona o le setiina o le taimi

O le a le Siufofoga o le Atua?

E mafai ona tatou maua faamaoniga e sili atu nai lo le 86 molimau o loo ta’u mai e Ellen White ia i tatou fai mai o le Siufofoga o le Atua o le...

…O LE TUSI PAIA!!!

O le Tusi Paia o le siufofoga lea o le Atua o loo fetalai mai ia i tatou e mautinoa lava e peiseai na mafai ona tatou lagona atu lona siufofoga i o tatou taliga. O le upu a le Atua soifua e le na ona tusia, ae o loo fetalaia mai foi.{In Heavenly Places, p. 134}

O le a le Siufofoga o le Atua?Peitai i le amataga ua tatou faitau ai faapea ua fai mai Ellen White, o le siufofoga o le Atua e sau mai i Orion ma faia ai nei faasilasilaga.

O tagata uma lava o le a faigofie ona latou malamalama e faapea, o lenei leo e le o se leo moni lea. I le saoasaoa o le leo (sound), o le siufofoga o le Atua o le a manaomia ina ia faimalaga i le miliona ma miliona o tausaga mai i le fetu sili ona latalata mai o Orion (i le mamao e tusa ma le 400 light-years) seia o’o ina mafai ona faalogoina. E faaaoga e le Atua auala eseese e mafai ai ona lagonaina Lona siufofoga. O loo i ai foi se isi faailo: E na o le 144,000 lava o le a mafai ona latou malamalama i le leo. O le uiga o lenei faamatalaga, o se feau lea e na o le 144,000 lava e mafai ona latou faaliliuina ma faauigaina, i latou ia o loo i ai le iloa faavae e faatatau i le talaaga o le Ekalesia Aso Fitu ma lona tulai mai.

I se tulaga faafaatusa ma tauaofa’i ai siitaga ua uma ona talanoaina, ua aumaia e Ellen White ia i tatou le faailo o loo sosoo mai i lana gagana faavaloaga:

E tatau ona tatou suesueina le Tusi Paia ma o le a tatou maua fuaiupu i le Tusi Paia e faatatau i le faaputuga o fetu o “Orion”. Ma afai e mafai ona tatou faauigaina nei fuaiupu, lea o le a fa’ato’a mafai lava i le taimi o le Uaga Mulimuli, o le a tatou maua se feau tuusa’o lava mai i le Atua lea o le a taula’i mulimuli atu ai lava i le Alaga Tele.

O le Fesili Tele:

O fea i totonu o le Tusi Paia tatou te maua ai o Orion o le Nofoalii lea o le Atua ma e i

ai sona sootaga ma le afio faalua mai o Iesu?

O se Fautuaga ua le Amanaiaina

O le mataupu lona lima o le Faaaliga e manaomia ina ia suesueina auiliili lava. E matua taua lava ia i latou o le a faia sa latou vaega i le galuega a le Atua mo nei aso mulimuli. O loo i ai nisi o loo faaseseina. Latou te le iloa le mea o loo sau i luga o le fogaeleele. O i latou ua latou faatagaina o latou mafaufau ina ia faapogisaina e faatatau i le mea e aofia i le agasala ua matua faaseseina lava i se tulaga matautia. Seivagana ua latou faia se suiga maumaututu o le a maua mai i latou ua mamasagia pe a fetalaia mai e le Atua le faasalaga i luga o fanau a tagata. Ua latou solia le tulafono ma latou talepeina le feagaiga e faavavau, ma o le a latou maua le taui e tusa ai ma a latou galuega. {9T 267.1}

O se Fautuaga ua le AmanaiainaO Ellen White o loo ia faasino atu i le mataupu lona lima o Faaaliga ma se faaseseega tele lava o le a o’o mai i luga o i latou e le malamalama manino poo le a le agasala, ma le auala foi e fua ai e le Atua le agasala.

Peitai o fea o tusia ai lenei faaseseega i le mataupu lona lima? Faamolemole faitau lea mataupu mai i le amataga e o’o i le iuga! E aofia ai le aia a Keriso na te talia ai le tusi o loo i ai faamaufaailoga e fitu ma ia tatalaina foi nei faamaufaailoga. Peitai e leai ma se mea o tusia ai e faatatau i se malamalamaaga faapitoa e faatatau i le mea e aofia i le agasala pe faatatau foi i se vaega o tagata o loo faaseseina. E le o tusia ai iina!

Peitai e mafai ona tatou maua le tele o faatusa…

O se Fautuaga ua le Amanaiaina

Atonu tatou te le’i suesueina nei faatusa i le tulaga sa tatau ona tatou suesueina ai? O a faatusa tatou te maua ai iina?

1. O loo tatou i totonu o le potu o le nofoalii, lea na faailoa mai i le mataupu e 4, ma tatou te maua ai iina le faatulagaga o nofoa o le Potu faamasino. O loo tatou faafesagai iinei ma le taimi ina ua mavae le 1844, le taimi o le Faamasinoga Suesue.O fuaiupu e tutusa ma lea taimi o loo i ai i le Tanielu 7.

2. O le Tamai Mamoe, Iesu lava Ia3. O le tusi o loo i ai faamaufaailoga e fitu4. O Agaga e fitu o le Atua ua auina atu i le lalolagi uma5. O manu e fa poo mea ola e fa6. O toeaiina e 247. O se mano ni mano o loo ifo atu i le nofoalii

O se Fautuaga ua le AmanaiainaMulimuli ane o le a tatou iloa ai o nei faatusa uma lava e i ai o latou uiga faavaloaga ma o le a taitaia atu ai i tatou, i le sootaga ma Orion, i se malamalamaaga e iloa ai:

1. Poo ai le vaega faaseseina o tagata.2. Poo le a moni le faaseseega.3. Pe faapefea ona fuaina e le Atua le agasala.4. Poo ai na agasala ma na faapefea foi.5. Poo le a le “suiga maumaututu” e tatau ona i ai, lea na

ta’u mai e Ellen White i lana fautuaga.

Ma o le a tatou vaaia foi le vavalalata tele o le sootaga a le Atua ma Ona tagata, i le auala na Ia ta’ita’i mai ai, iloilo, fufulu ma faamama i latou i tausaga uumi o le Faamasinoga talu mai le 1844, ina ia latou sauni e tutulai i le tofotofoga mulimuli, lea ua matua lata mai lava.

O se Isi Fautuaga

Na tatalaina atu ia Ioane vaaiga o mea taua matua loloto lava ma ofoofogia i le olaga o le ekalesia. Na ia vaaia le tulaga, o lamatiaga, tauiviga, ma le lavea’iga mulimuli lava o tagata o le Atua. Ua ia faamaumauina feau mulimuli lea e tatau ona matua ai le seleselega o le eleele, mo fusi mo le fale saito o le lagi poo le avea foi ma fusi mo afi o faaumatiaga. O mataupu e matua taua tele lava na faailoaina atu ia te ia, aemaise ai lava mo le ekalesia mulimuli, ina ia mafai ona a’oa’oina i latou o le a liliu mai i le sese agai atu i le upu moni e faatatau i lamatiaga ma tauiviga o loo i o latou luma. E leai se tagata e manaomia ina ia i ai i le pogisa e faatatau i le mea o loo sau i luga o le lalolagi. {GC 341.4}

O le Faauigaga o le Faaaliga o le Potu o Nofoalii

Se’i tatou taula’i atu lava o tatou manatunatuga agai i Orion, i le nofoaga e sau ai le siufofoga o le Atua. Ma o fea e afio ai le Atua i totonu o le tusi o Faaaliga? I totonu o Lona Potu o Nofoalii; o le Tama ma Iesu.

Se’i tatou auiliili muamua ina ia tatou iloa pe mafai ona tatou maua ni mea e tutusa i le faatulagaga o fetu o Orion, ma le faatulagaga o faatusa i le faaaliga e faatatau i le Potu o Nofoalii i le Faaaliga 4 ma le 5.

O le ogatotonu o le faaaliga o le Nofoalii lea o le Atua. O lea la se’i tatou amata i le Nofoalii:

Ona a’u i le Agaga loa lea i le taimi lava lena: ma, faauta, o se nofoalii na faatuina i le lagi, sa nofo ai foi le tasi i le nofoalii. O le na nofo ai na pei o le ma’a iasepi ma se salikea lona tino mai: na siomia foi le nofoalii e se nuanua, e pei o le samaraki lona tino mai Faaaliga 4:2, 3

I totonu o le Tusi Paia tatou te maua ai se faamatalaga auiliili e faatatau i le Nofoalii o le Atua: O le Atolaau o le Feagaiga

O iinei na faaali ai le Atua ia Mose ma Arona

E fia Peresona tatou te vaaia i le Nofoalii o le Atua?

2 Agelu + Le Atua = 3 Peresona

O ai nei Agelu?

“Angel” o lona uiga e le o se mea e sili atu nai lo le “avefeau” poo le “sui/ambassador”. O Iesu lava Ia ua faaigoaina o le “Avefeau o le Feagaiga” (Malaki 3:1) aua na Ia maliu mo i tatou ina ia tatou maua ai Lana ta’uamiotonuina. Ma e o’o lava i le Agaga Paia sa auina mai o Ia e avea ma Sui o Iesu i le lalolagi i le aso o le Penetekoso ina ia faia se galuega faapitoa i le fogaeleele: o lo tatou faapaiaga.

O le Atua e Aofia ai Peresona e Tolu

Iesu Keriso + Le Atua, le Tama + le Agaga Paia = 3 Peresona

O le Atua e Aofia ai Peresona e Tolu

O le fusi o fetu e tolu o loo faatusalia mai ai le fuainumera TOLU ma o loo i ai i le ogatotonu tonu lava o le faaputuga o

fetu o Orion

Ona a’u i le Agaga loa lea i le taimi lava lena: ma, faauta, o se nofoalii na faatuina i le lagi, sa nofo foi le tasi i luga o le nofoalii. O le sa nofo ai sa pei o le maa iasepi ma le salikea lona tino mai: na siosioina foi le nofoalii e se nuanua, e pei o le samaraki lona tino mai. Faaaliga 4:2, 3

O fetu e lua o tau’au ma fetu e lua o vae o loo faatusalia mai ai le fuainumera FA ma o loo faataali’oli’o i le nofoalii:

o mea ola ia e fa poo manu e fa.

… o le ogatotonu foi o le nofoalii, ma ua liolioina ai le nofoalii, e mea ola e fa sa tutumu i latou i mata i luma atoa ma tua. O le mea ola muamua e pei o le leona, o le mea ola lona lua e pei o se povi taanoa, o le mea ola lona tolu sa i ai foliga e faapei o foliga o se tagata, o le mea ola lona fa foi sa pei o se aeto ua lele. Faaaliga 4:6, 7

O le numera TOLU ma le numera FA o loo faatusalia faatasi maia le 3 + 4 = FITU, o le numera lea o Iesu

O le Atua (3) na ia faia le fuafuaga ina ia auina mai Iesu ina ia maliu i le satauro (+) mo le aiga tagata (4).

O le fuafuaga lenei o le faaolataga (7) i lona foliga faafaatusa e faaaogaina ai numera(O lenei fuafuaga o le a faamatalaina i faamatalaga sili atu ona maoti mulimuli ane.)

O le sami tioata o loo i “luma” (in front of), poo i lalo ifo, o le Nofoalii, e faapei tonu lava ona faamatala mai e le Faaaliga 4:6.

O luma foi o le nofoalii sa i ai se sami tioata e pei o le ma’a tioata: Faaaliga 4:6

O luma foi o le nofoalii sa i ai se sami tioata e pei o le ma’a tioata: Faaaliga 4:6

O le Avanoa Tele o i ai ao i Orion e manino e pei o le ma’a tioata. O ona tua atu, tatou te maua ai isi faaputuga o fetu ma paneta faatasi ai ma le piliona ma piliona o fetu…

O le Avanoa Tele i Orion o loo matala agai mai ia i tatou, ma aumaia ai ia i tatou se vaaiga agai atu i totonu o se Potu tele lava … “le avanoa matala” lea sa vaai i ai Ellen White i le faaaliga na tuuina mai ia te ia.

Peitai o fea tatou te maua ai nofoalii e 24 o toeaina e 24?

Na siosioina foi le nofoalii e nofoalii e luasefulu ma le fa: ma o luga o ia nofoa na ou iloa ai toeaina e lua sefulu ma le to’a fa o nonofo i ia nofoalii, ua oofu i ofu papa’e; sa i o latou ulu foi o pale auro. Faaaliga 4:4

O le a tatou saili ma le le aoga mo se faaputuga faapitoa o fetu e 24 o liolioina Orion, peitai o loo aumaia e Esekielu ia i tatou ni faailo:

Na ou vaai, ma, faauta, o se asiosio na sau mai i matu, o se ao tele lava, ma se afi o loo mu taataai i totonu ia te ia lava, o se pupula foi sa taaliolioina ai le ao, mai i totonu foi e tino mai e peiseai o le ‘apa pupula mai totonu o le afi. Mai totonu foi o lea vaaiga sa i ai le faatusa o mea ola e fa. O lo latou foliga mai foi lenei; sa faapei o se tagata i latou. Taitasi foi i latou ma ona foliga e fa, taitasi foi ma ona apaau e fa. Esekielu 1:4-6

O le faatusa foi o o latou foliga, sa ia i latou e fa o foliga o se tagata, ma le foliga o se liona i le itu taumatau: sa ia i latou e fa o foliga o le povi i le itu tauagavale; sa ia i latou foi e fa o foliga o se aeto. Esekielu 1:10 A’o o’u vaavaai i mea ola, faauta foi, o le uili taavalevale e tasi ua tu i le laueleele i tafatafa o mea ola, ma ona foliga e fa. O le foliga mai o uili taavavale ma la latou galuega na pei o le lanu o se tasesa: na tutusa foi i latou e fa: o lo latou foliga mai foi ma la latou galuega na faapei o se uili i totonu o se uili . Esekielu 1:15, 16

Ma ina ua o mea ola, na o foi uili taavavale i o latou tafatafa: ma ina ua siitia i luga mea ola mai i le eleele, na siitia foi i luga uili taavavale. Soo se mea lava na mana’o le agaga e alu i ai, na latou o ai foi, o iina foi e alu i ai lo latou agaga; o uili foi na siitia a’e i luga i o latou tafatafa: aua o le agaga o le mea ola sa i totonu o uili taavavale. Ina ua o mea ola, na o foi uili; ma ina ua tutu foi mea ola, na tutu foi uili; ma ina ua siitia a’e mea ola nai le eleele, na siitia a’e foi uili taavavale i o latou tafatafa: aua o le agaga o le mea ola sa i ai i totonu o uili. Esekielu 1:19-21

Ma ina ua latou o, na ou faalogo i le leo o o latou apaau, e pei o le leo o vai e tele, e pei o le siufofoga o Le e Ona le Malosi Uma Lava, le leo o le tautala mai, e pei o le leo o se itu taua: ina ua latou tutu, na latou tu’u i lalo o latou apaau. Ma sa i ai se leo mai i le va-i-lagi sa i luga o o latou ulu, ina ua latou tutu, ma tu’u i lalo o latou apaau. Ma o luga a’e o le va-i-lagi sa i luga o o latou ulu, sa i ai se faatusa o se nofoalii, na faapei o le foliga mai o se ma’a safaira: ma i luga o le faatusa lea na tino mai i le nofoalii, sa i ai le faatusa na foliga mai i se tagata i ona lava luga. Esekielu 1:24-26

E pei o le tino mai o le nuanua ei le ao i le aso timu, na faapena le foliga mai o le pupula na faataaliolioina ai. O le tino mai lenei o le faatusa o le pupula o IEOVA. Ma ina ua ou vaai i ai, ona ou faapa’u fao ai lea, ona ou faalogo ai lea i se leo o le na fetalai. Esekielu 1:28

Na vaai Esekielu i le Nofoalii o le AtuaO mea ola e fa e tutusa ma manu e fa lea ua uma ona tatou iloaina i Orion, ma ua ta’u mai e Esekielu ia i tatou o mea ola e fa, o se tuufaatasiga lea o uili taavavale. O le uili e tasi i totonu o se uili, o le isi uili i totonu o le isi: O uili e i ai o latou nifo faataamilo i o latou pito i fafo, e taavavale faatasi ai ma isi uili!

O nisi e talitonu o se faamatalaga lea o loo faia faatatau i se vaalele i le vateatea, peitai o a’oa’oga faasaienitisi na e le moni! O loo i ai se isi uiga e sili atu ona fetaui, e faatatau i le faamatalaina o le mea atonu na vaai i ai Esekielu…

Na vaai Esekielu i se Faatulagaga o le Galuega a le Uati

O se Uati na te Faailoaina Mai Itula e 24 o se Aso.

O lea la, o toeaina e 24 e mafai ona faatusalia mai ai itula e 24 o se Aso Faale-Lagi.

Peitai e i ai moni ea se “aso” faapitoa i le lagi?

Ioe, o le Aso Tele lea o le Togiola na amata i le aso 22 Oketopa, 1844!

a ou vaavaai ina seia tuu mai o nofoalii, ma sa nofo ai foi Le e mai anamua ona aso, o ona ofu na pa’epa’e e pei o le kiona, o ona lauao foi na pei o le fulufulu mamoe mama: o lona nofoalii na pei o le afi mumu ia, o ana uili taavavale foi na pei o le afi ua mu. O se vai afi mumu na tafe mai i ona luma: e afe ni afe na auauna ia te ia, ma e sefulu afe ni sefulu afe na laulaututu i ona luma: na nofoia le faamasinoga, ma na tatalaina tusi. Tanielu 7:9, 10

O se Manatunatuga e tatau ona faia Muamua…

Afai e faatusalia mai e toeaina e 24 itula o le aso faalelagi e tasi, o le a tulai la toeaina mo itula o le Uati. O le ogatotonu o le Uati o le Nofoalii lea, ma o le a i ai lima e fa o le Uati e i ai o latou uiga taua, o laina ia e amata i le ogatotonu o le Uati, ma ui atu i mea ola e fa, o fetu ia o tau’au ma vae o Orion. O le a faapena ona faailogaina ai “itula” faapitoa lava o le Aso Faale-Lagi lea e mana’o le Atua e faailoa mai ia i tatou.

O se isi Manatunatuga e tatau ona faia Muamua…

O le galuega o le uati e faia i fetu e 7, ma o toeaina e 24 o itula ia o le Aso Faale-Lagi. O le aso atoa e tasi e mafai ona faailoaina mai e ala i se galuega e faapei o le 7 * 24 = 168 aua, i itula atoatoa taitasi, o le a faasino ai se lima (7) o le Uati i le toeaina e tasi (24)

Faatulagaina o Nofoalii e 24E faigofie ona mafai ona e tusia se li’o e 24 ona vaega i va e tutusa lelei e faaaogaina ai compasses: o tulaga ia o nofoalii e 24.

Na pau lava la le mea e te manaomia, o se ata tele lava lea o Orion ma mafai loa ona e amata. Peitai o le taimi lenei, o le fesili tele lava poo fea o i ai le ogatotonu o nofoalii e 24. O le ogatotonu o le Uati o loo i ai i mamao e tutusa lelei, mai i nofoalii taitasi o se toeaina. E tatau la ona tatou sailia, poo le a le ogatotonu o le ifoga a toeaina e 24, lea o loo faatusalia mai itula e 24 o le Uati. I mataupu e 4 ma le 5 o Faaaliga, o toeaina lava ia o loo latou faailoaina mai ia i tatou le ogatotonu. Se’i tatou faitau i ai...

O Fea le Ogatotonu o le Uati a le Atua

O toeaina e lua sefulu ma le fa ua latou faapa’u i luma o le sa nofo i luga o le nofoalii, ma ifo atu i le e soifua e faavavau e faavavau lava, ma lafo o latou pale i luma o le nofoalii, ma faapea atu, Ua tatau lava oe, Le Alii e, ina ia E maua le viiga ma le faaneeneega ma le mana: aua ua e foafoaina mea uma lava, e mo lou finagalo fiafia foi ua i ai i latou ma ua foafoaina. Faaaliga 4:10, 11

Ma ina ua ia aveina le tusi, o mea ola e fa ma toeaina e lua sefulu ma le fa na latou faapa’u fao i luma o le Tama’i Mamoe, ua tofu i latou ma le kitara, ma ipu auro ua tumu i mea manogi, o tatalo ia a le au paia. Na latou usuina foi se pese fou, ua faapea atu, Ua tatau lava Oe ina ia e tago i le tusi, ma tatala i ona faamaufaailoga: aua na fasia oe, ua e toe faatauina foi i matou i lou lava toto mo le Atua mai i ituaiga uma, ma gagana eseese, ma nuu, ma malo; ua E faia foi i matou ma tupu ma ositaulaga i le Atua: o le a matou nofo tupu foi i luga o le fogaeleele. Ona ou iloa atu lea, ma na ou faalogo i le leo o agelu e to’atele na faataaliolio i le nofoalii ma le leo o mea ola e fa atoa ma toeaina: o lo latou faitau aofa’i na sefulu afe ni sefulu afe, ma le afe o afe; O loo faapea atu ma le leo tele, Ua tatau lava le Tama’i Mamoe na fasia ina ia tuuina atu ia te ia le mana, ma le oa, ma le poto, ma le malosi, ma le faaneeneega, ma le viiga, ma le faamanu. Na ou faalogo foi i mea uma na faia oi le lagi, ma le lalolagi, ma lalo ifo o le lalolagi, ma mea foi oi le sami, ma mea uma o i ai i ia mea, o faapea atu, Ia ia te ia o Le nofo i le nofoalii atoa ma le Tama’i Mamoe le faamanu, ma le faaneeneega, ma le viiga, ma le mana e faavavau faavavau lava. Ona fai atu lea o mea ola e fa, Amene. Ona faapa’u ai lea o toeaina e lua sefulu ma le fa ma ifo atu i Le soifua e faavavau e faavavau lava. Faaaliga 5:8-14

Keriso, le Tama’i Mamoe, o le ogatotonu lea o le ifoga a toeaina e 24, ma e faapena ai foi ma le Uati. Peitai o le fea fetu o fetu e tolu o loo faatusalia mai ai Iesu?

O ai le na te faasala mai? O Keriso o le na maliu, a ua toe tu mai lava o Ia, o le o loo i le itu taumatau o le Atua, o loo fautua foi o ia mo i tatou. Roma 8:34

O le ua toe afio atu i le lagi, ma o loo i le itu taumatau o le Atua; ua toilalo ia te Ia o agelu ma faipule ma e malolosi. 1 Peteru 3:22

Ma ia vaavaai ia Iesu o le na amataina ma na te fa’ai’uina lo tatou faatuatua; o le na onosai i le satauro, na faatauvaa ia te ia le ma, ona o le olioli sa tu’u i ona luma, ma ua nofo foi o ia i le itu taumatau o le nofoalii o le Atua. Eperu 12:2

Afai ua toe faatuina outou faatasi ma Keriso, ia outou saili i mea oi luga, i le nofoaga o i ai Keriso o loo nofo i le itu tamatau o le Atua. Kolose 3:1

E amata i nei ona po ona nofo le atalii o le tagata i le itu taumatau o le mana o le Atua. Luka 22:69

Ua mavae foi ona fetalai atu o le Alii ia i latou, ona aveina a’e lea o ia i le lagi, ona nofo ai lea o ia i le itu taumatau o le Atua. Mareko 16:19

A ua tumu o ia i le Agaga Paia, ua ia pulato’a i le lagi, ua ia iloa atu le pupula o le Atua, ma Iesu o loo tu i le itu taumatau o le Atua, ona ia fai atu lea, Faauta, ua ou vaaia le lagi ua matala, ma le Atalii o le tagata o loo tu i le itu taumatau o le Atua. Galuega 7:55, 56

O le fea Agelu (Avefeau) o loo i le itu taumatau o le Atua?

Mai i lo tatou vaai atu, o le agelu lea o loo i le itu tauagavale!!!

O lea la o le Fetu o Iesu o le fetu tauagavale lea o fetu e tolu o le fusi

O Toeaina e 24 Faatasi ai ma le Fetu o Iesu lea ua avea ma Ogatotonu

O lima e 4 o le Uati a le Atua

Ua mafai nei loa ona tatou tusia lima e fa o le Uati, e pei ona faailoa atu iinei, amata i le ogatotonu o le Uati, ma ui atu i fetu o tau’au ma vae.

Peitai o i ai ea se faailo i totonu o le Tusi Paia o faailoa mai ai, e tatau ona tatou faia lenei tulaga?

O le tali i lenei fesili, o le faamatalaina foi lea o se feteenaiga e foliga mai o loo i ai, i le va o le faaaliga a Esekielu ma le faaaliga e faatatau i le Potu o Nofoalii i le tusi o Faaaliga.

O Lima e 4 o le Uati a le Atua

O manu e fa, poo mea ola e fa o le Esekielu, e ta’i fa o latou apaau:

Mai i totonu foi le faatusa o mea ola e fa. O lo latou tino mai lenei; sa ia i latou le faatusa o se tagata.Taitasi foi i latou ma ona foliga e fa, taitasi foi ma ona apaau e fa. Esekielu 1:5, 6

Peitai o manu e fa oi le tusi o Faaaliga e ta’i ono o latou apaau:

O mea ola foi e fa e ta’itasi ma ona apaau e ono ua faataaliolio ia te ia; ma ua tumu i latou i mata i totonu: latou te le malolo foi i le ao ma le po i le fai atu, E paia, e paia, e paia, Le Alii le Atua e Ona le Malosi Uma, o le na soifua, o loo soifua foi, ma o le a afio mai. Faaaliga 4:8


O mea ola e fa o le tusi o Esekielu o kerupi ia, e pei ona mafai ona tatou faitau ai iinei:

Ona siitia lea i luga e kerupi o latou apaau, ma uili taavavale i o latou tafatafa; ma o le pupula o le Atua o Isaraelu sa i o latou luga.Esekielu 11:22

O mea ola e fa o le tusi o Faaaliga o serafi ia, e pei ona ta’u mai e Isaia ia i tatou:

I le tausaga na oti ai le tupu o Usia, na ou vaai ai foi i le Alii o afio i se nofoalii maualuga lava ma siitiaina i luga, o ona pito ofu na faatumulia ai le malumalu. I luga o le nofoalii na tulai ai serafi: sa tofu i latou ma apaau e ono; o apaau e lua na ia ufitia ai ona mata, o apaau e lua na ia ufitia ai ona vae, o apaau foi e lua na ia lele a’i. Isaia 6:1, 2

O Lima e 4 o le Uati a le AtuaUa ta’u mai e Ellen White ia i tatou e faatatau i lenei ata:

Maitau le agamalu o serafi i ona luma. O o latou apaau na latou ufitia ai o latou foliga ma o latou vae. Sa latou i ai i luma o Iesu. Na latou vaaia le pupula o le Atua, --le Tupu i lona matagofie, --ma na latou ufitiaina i latou.{RH, February 18, 1896 par. 2}

Peitai o apaau e lua na latou felelei ai. O lona uiga, na latou faaloloa i fafo le lua o apaau mai i o latou apaau e ono! E mautinoa lava, o se faatusa foi lenei...o se faatusa mo se galuega faapitoa e na o le tusi o Faaaliga latou te faia ai.

Lua apaau faaloloa i fafo (lele) e fausia ai se laina. Tasi le apaau e faasino atu ia Iesu i le ogatotonu o le Uati, a’o le isi apaau e faasino atu i le “itula” o le Uati o loo faasino atu i ai.


Ua mafai nei foi ona tatou malamalama i le mafuaaga e ala ai ona faaigoaina serafi o “mea ola”: aua o i latou o vaega o le Uati lea e gaioi (ola).

O Lima e 4 o le Uati a le Atuao le Siufofoga lea o le Atua mai i Orion

O loo i ai se isi fuaiupu taua lava:

Ina ua latou o, na ou faalogo i le leo o o latou apaau, e pei o le leo o vai e tele, e pei o le siufofoga o le Atua e Ona le Malosi Uma lava, le leo o le fetalai mai, e pei o le taalili o se itu taua: ina ua latou tutu, ona latou tu’u lea i lalo o o latou apaau. Esekielu 1:24

Se’i tatou faatusatusaina lenei faamatalaga ma le mea na vaaia e Ellen White i lana faaaliga muamua:

E le’i umi ae tatou faalogo loa i le siufofoga o le Atua e pei o vai e tele, lea na faailoa mai ai ia i tatou le aso ma le itula e afio mai ai Iesu.

O lea la, o le mea o le a ta’u mai e serafi ia i tatou i le fesootai atu i le Atua, e matua taua lava, ma e tatau ona fesootai atu i le afio mai o Iesu.

O le Uati a le Atua… peitai e faapefea ona tatou fa’asa’oina lima o le Uati ma faitau?

O le faitauina sa’o o soo se Uati lava, e tatau ona fa’asa’oina muamua lona taimi e ala i le faaaogaina o le taimi sa’o o faamaumauga. O le faiga masani lava, e tatau ona tatou fa’asa’oina lima e lua o le Uati mo minute ma le itula. I le Uati a le Atua, e na ona tatou fa’asa’oina lava o le lima e tasi o le Uati. O le uiga lenei, e tatau ona tatou iloa le “itula” o loo faasino i ai le lima o le Uati. A uma lenei, o isi lima e tolu o le Uati o le a otometi lava le faasino atu i “itula” e tolu tatou te le o iloa i le taimi lenei, lea e matua taua lava i le Atua, o lea ua Ia tusia ai nei itula i le vanimonimo, ua faaaogaina ai se faaputuga atoa lava o fetu. Peitai o le auala e mafai ai ona faitau isi lima, e tatau ona tatou iloa le mamao i le va o itula (o toeaina).

E ui i lea, o la tatou galuega muamua lava, o lo tatou a’oa’o lea ina ia tatou iloa faitau le Uati, lea o le a tatou faia loa nei.

E faapefea ona tatou fa’asa’oina le Uati ma faitau?

E tasi lava le vaega o tagata e mafai ona latou faitauina le Uati a le Atua…

O i latou e iloa tali i fesili e 5 o loo sosoo mai:

1. O anafea na amata ai le Aso o le Togiola i le lagi?

2. O anafea na amata ai ona tietie i le solofanua pa’epa’e le o loo tietie ai?

3. E mafai ea ona tatou iloa se pea (pair) e tasi o mea ola ma se fetu o le lima o le Uati?

4. O le a le umi o le Aso Faale-Lagi i taimi faale-lalolagi?

5. E fia tausaga faale-lalolagi e tutusa ma le Itula Faale-Lagi e tasi?

Fesili 1

O anafea na amata ai le Aso o le Togiola i le lagi?

Tali: 22 Oketopa, 1844Mea na tupu: O le aso o le Faanoanoaga Tele

O ai na te iloa le tali?

Ituaiga Tagata Aso Fitu uma lava

Fesili 2

O anafea na amata ai ona tietie i le solofanua pa’epa’e le o loo tietie ai?

Tali: 1846Mea na tupu: O Ellen G. White ma lana tane o James White na la taliaina le upu moni e faatatau i le Sapati i le tausaga lea. Na faapena, ona faamamaina le tala lelei ina ua mavae se taimi umi lava. O le tala lelei mama o loo faatusalia mai e le “solofanua pa’epa’e”. E na o le folafolaina atoa lava o ulua’i Poloaiga uma e Sefulu, o se “tala lelei mama” lea.


Ituaiga Tagata Aso Fitu uma lava

Fesili 3

O mafai ea ona tatou iloaina se pea (pair) e tasi o se mea ola ma se fetu o le lima o le Uati?

Tali: Afai o loo tatou faaaogaina o tatou mata poo masini foi e faalapopo’a ai vaaiga, e mafai ona tatou vaaia, o le tasi o fetu o lima o le Uati o loo lanu mumu mai. O lea la, o lenei fetu e tatau ona faatusalia mai ai le mea ola lona lua, lea na te faailoaina mai le faamaufaailoga lona lua, le solofanua mumu. O lo tatou manatu faapea o le Uati a le Atua e taamilo agai i le itu taumatau, e pei o a tatou uati faaletagata, ua mafai ai nei ona tatou faafesootaia isi fetu uma o lima o le Uati ma o latou mea ola o loo faasino atu i ai ma o latou faamaufaailoga.

O lea la, o le lima o le Uati i lalo i le itu tauagavale, lea o loo fesootai ma le fetu lea o loo faatusalia mai ai le solofanua pa’epa’e, o loo faasino atu i le 1846.

O ai na te iloa le tali?E na o i latou lava e faitau ma malamalama i lenei feau.

O le solofanua mumu

O le solofanua pa’epa’e

Fesili 4O le a le umi o le Aso Faale-Lagi i taimi faale-

lalolagi?

O le sailia o le tali i lenei fesili, e manaomia ai ina ia tatou malamalama, o le tusi a Tanielu ma le Faaaliga e tatau ona suesueina faatasi, e pei ona faamamafaina mai i le tele o taimi e Ellen G. White:

A sili atu le malamalamaaga e faatatau i tusi o Tanielu ma Faaaliga, o tagata talitonu o le a latou maua se iloa/olaga faaletapuaiga e matua ese atoatoa lava. O le a foaiina atu ia i latou vaaiga e faatatau i faitoto’a matala o le lagi o le loto ma le mafaufau o le a faatumulia i le amio e tatau ona fausia a’e e tagata uma lava ina ia iloa ai le faamanuiaga o le a avea ma taui o i latou e mama o latou loto.O le a faamanuia e le Alii i latou uma lava o le a saili ma le agamalu ma le loto maulalo ina ia malamalama i mea ua faaalia mai i le Faaaliga. O lenei tusi o loo i ai malamalama e tele lava o loo matua tele lava lona a’oa’oga e faatatau i le ola e faavavau ma e tumu i le mamalu, o lea, o i latou e faitau i ai ma suesue auiliili i ai ma le finafinau, latou te maua le faamanuiaga ua folafolaina atu ia i latou “e faalogo i upu o lenei valoaga, ma tausi i mea ia o loo tusia ai i totonu.”E tasi le mea o le a malamalama mautinoa lava i ai mai i le suesuega o Faaaliga – o le sootaga i le va o le Atua ma Ona tagata, e vavalalata ma maumaututu. O se sootaga matagofie lava, o loo vaaia i le va o le vateatea o le lagi ma le lalolagi lenei. {TM 114}

1846

O se Lapataiga e Le’i Malamalama i aiSe’i tatou o i se faigamalaga puupuu i le tusi o Tanielu, o le “Tusi lea o Faamasinoga“, aua o le igoa Tanielu, o lona uiga: “O le Alii o lo’u Faamasino o Ia” ma o loo tatou talanoa e faatatau i se aso o le Faamasinoga Suesue.

E faapei lava o le vaega muamua i le mataupu 5 o Faaaliga, ua aumaia ai e Ellen White ia i tatou se isi faailo, e faatatau i le fea mataupu o Tanielu e mafai ona tatou maua ai le tali i la tatou fesili:

“Ia tatou faitau ma suesue le mataupu lona sefulu lua o Tanielu. O se lapataiga lea o le a tatou manaomia uma lava ia tatou malamalama i ai a’o le’i o’o i le taimi o le iuga.”15 MR 228 (1903). {LDE 15.4}

1846

O se Lapataiga e Le’i Malamalama i aiE toatele tagata ua latou suesueina faasologa o taimi ma mea tutupu o le mataupu lona sefulu lua o Tanielu, ma ua latou malamalama lelei lava i le mea o le a tupu, pe a tatou o’o atu i le taimi o tulafono o le Aso La. Peitai o se lapataiga ea lenei?

E leai, aua tatou te fia iloa poo afea o le a o’o mai ai le tulafono o le tausiaina o le Aso La, ina ia tatou faatauina atu a tatou meatotino faalelalolagi, ina ia tatou foai atu ai i le galuega a le Alii. Pe afai foi ua maua i tatou i faaseseega poo a’oa’oga sese, tatou te fia iloa foi po ua faaseseina i tatou, a’o le’i tuai tele, e le o le mea ea lena tatou te mananao i ai?

O se lapataiga e mafai ona aofia ai ituaiga faamatalaga eseese:

1.O le taimi o le a taunuu ai se mea leaga o loo faatali i ai 2.O se mea lelei na fuafuaina e tupu, o le a i’u i se tulaga leaga3.O se Faaseseega o loo fesootai ma se mea e tupu

Mulimuli ane, o le a tatou iloa ai, o le suesuega o le Tanielu 12 ma le Faaaliga 5, e aumaia moni ai lava ia i tatou faamatalaga e tolu.ia. 1846

O se Fesili o loo ia i Tatou Uma Lava… O le a le umi o le a i ai seia o’o i le iuga o nei mea e ofo ai? Tanielu 12:6

Faamatalaga a Ellen White e faatatau i le fesili lava lea e tasi:

O se sootaga matagofie lava o loo vaaia i le va o le iunivesa a le lagi ma lenei lalolagi. O mea na faaalia atu ia Tanielu na toe faaalia atu mulimuli ane e ala i le faaaliga na faia ia Ioane i le motu o Patamo. O nei tusi e lua e tatau ona suesueina ma le faaeteete lava. Na fa’alua ona fesili Tanielu, O le a le umi o le a i ai seia o’o i le iuga o le taimi? {TM 114.6}

1846

O se Tali e Faitaga ona Malamalama i Ai

Ona ou faalogo atu lea i le tagata ua ofu i le ie lino, sa i luga o vai o le vaitafe, ina ua ia sii i luga i le lagi lona lima taumatau ma lona lima tauagavale, na ia tauto foi i Le e soifua e faavavau, o le a o’o ia mea i le tausaga, ma tausaga, ma le vaeluagalemu o le tausaga; a uma foi ona ia faataapeapeina le malosi o le nuu paia, ona taunuu ai lea o na mea uma. Tanielu 12:7

O loo malamalama lelei i ai le toatele o tagata, faapea o le “taimi, ma taimi, ma le vaeluagalemu o le taimi” o loo faatatau atu i se vaega taimi moni e tolu ma le afa tausaga o sauaga, lea o le a puapuagatia ai tagata o le Atua i le iuga o le taimi. Tatou te iloa o lenei taimi o le a o’o mai, o le taimi lea o puapuaga. Peitai o Tanielu (ma i tatou foi) na te le’i manao na te iloa na o le umi o le taimi o le a faatagaina ai Satani e saua, ae na ia fia iloa foi poo le a le umi o le taimi o le a mavae atu, ona o’o ai lea i le amataga o nei mea tutupu. Ua uma ona ta’u atu ia Tanielu le taimi e amata ai le Faamasinoga, o lea la, o lana fesili e manino le faatatau atu i le taimi atoa o le umi o le Faamasinoga. 1846

O se Tali E Le’o Amanaiaina

Ona ou faalogo atu lea i le tagata ua ofu i le ie lino, o le sa i luga o vai o le vaitafe, ina ua ia sii i luga i le lagi lona lima taumatau ma lona lima tauagavale, na ia tauto foi i Le soifua e faavavau, o le a o’o ia mea i le tausaga, ma tausaga, ma le vaeluagalemu o le tausaga; a uma foi ona ia faataapeapeina le malosi o le nuu paia, ona taunuu ai lea o na mea uma. Tanielu 12:7

Ua le amanaiaina mo se taimi umi lava le mea moni lea, o le tali o le fesili a Tanielu, e le gata ina i ai i le vaega lona lua o le fuaiupu, peitai ,o le Atua, i se uiga tatou te le malamalama i ai, ua Ia aumaia ai se vaega taimi umi e muamua mai a’o le’i o’o i le puapuaga o le tolu-ma-le-afa tausaga.

Na ia faailoaina atu se ata i le perofeta, ma o lenei faatusa o loo faailoa mai ai, i lona foliga faafaatusa, le umi o loo manaomia ,o le Aso Faale-Lagi.

Se’i tatou vaavaai i le mea na vaai i ai le perofeta o Tanielu… 1846

O se Fuaiupu o le Tusi Paia o loo Punitia Pea i le tusi o Tanielu

O a’u o Tanielu na ou vaai, ma, faauta, o isi e to’a lua na tutu mai, o le tasi i le itu mai o le auvai o le vaitafe, ma le tasi i lela itu o le auvai o le vaitafe. Tanielu 12:5 Ona ou faalogo atu lea i le tagata sa ofu i le ie lino, o le sa i luga o vai o le vaitafe, ina ua ia sii i luga i le lagi lona lima taumatau ma lona lima tauagavale, na ia tauto foi i le soifua e faavavau, ... Tanielu 12:7

O loo gugu pea le SDA Bible Commentary e faatatau i lenei vaaiga, peitai o loo faailoa manino mai lava, o le tagata o loo i luga o le vaitafe, o Iesu lava Ia. O iinei, o loo tatou tulai ai i luga o eleele sili ona paia!

Peitai e o’o mai i le taimi lenei, e leai se mea e mafai ona tatou iloa ai, poo ai isi tane e to’a lua oi ituvai taitasi o le vaitafe, lea sa vaai i ai le perofeta.

Se’i tatou vaavaai toto’a lava la i le ata ua faailoa mai iinei e Iesu…

1846

O le “Ata” Na Vaai I Ai Tanielu

O le “Ata” na Vaai i Ai Tanielu

O Iesu Keriso i luga o le vaitafeO se vaitafe o loo tu’u eseese ai tane e to’a lua lea e le o iloa poo ai i la’ua

O se isi tagata lona lua e le’o iloa poo ai

O se tagata e le iloa poo ai

O le lima tauagavale ma le taumatau o Keriso na siitia i luga ina ia tauto

O “Suesuega e Faatatau i le Sootaga o Fuainumera” a le Atua (1 of 3)

O loo i ai iinei fuainumera e lua e faapitoa lava lo la taua, lea e faaaoga pea lava pea e le Atua i totonu o le Tusi Paia: FITU ma le SEFULU LUA.

Aisea ma o le a lo la uiga?

O le fuainumera o le FITU e fesootai lava ma Iesu i taimi uma:

7 fetu i Lona aao, 7 ekalesia, 7 faamaufaailoga, 7 iligapu, o le Tama’i Mamoe e 7 ona nifo

O le fuainumera o le SEFULU LUA e fesoota’i i taimi uma lava ma se

feagaiga e faia e le Atua ma le aiga tagata:

12 ituaiga o Isaraelu, 12 Aposetolo, o le 144,000 (12 * 12 * 1000)


Na filifili e le Atua nei fuainumera aua o loo fausia i la’ua e isi fuainumera e lua e tele lava ina faaaogaina-faafaatusa:

TOLU ma le FA3 + 4 = 7

ma le

3 * 4 = 12

TOLU o loo faatusa mai ai le Atua, lea e aofia ai peresona e tolu : O le Alo, Le Tama, Le Agaga Paia.

FA o loo faatusa mai ai le aiga tagata. O tulimanu e fa o le lalolagi: matu, saute, sasa’e ma sisifo.

O le Faaopoopoga o loo faatusalia mai ai le maliu o

Iesu i luga o le satauro +

O le Faatelega o loo faatusalia mai ai le sini o le feagaiga a le Atua ma tagata:

“Ia uluola ma ia faateleina” . Kenese 1:22


Ua faapena ona i ai uiga o loo sosoo mai, o le fuainumera o le FITU:

O le Atua (3) na ia faia aiaiga faapea o le a maliu Iesu i luga o le satauro (+) mo le aiga tagata (4), ma o le fuafuaga lenei o le faaolataga (7).

Afai tatou te mananao e tusi faapea o “Iesu o Ia o lo tatou Faaola” i foliga faafaatusa e faaaoga ai fuainumera, e na ona tatou tusia lava o le FITU.

Ma o le fuainumera o le SEFULU LUA e i ai ona uiga o loo mulimuli mai:

O le Atua (3) na Ia faia aiaiga ina ia faateleina (*) le aiga tagata (4), ina ia toe faatagataina ai le lagi ina ua mavae le pa’u o agelu leaga, ma o le feagaiga lenei (12).

Afai tatou te mananao e tusi “O le feagaiga a le Atua ma le aiga tagata” i foliga faafaatusa e faaaoga ai fuainumera, e na ona tatou tusia lava o le SEFULU LUA.

O Tautoga e Lua

O Iesu o loo tauto i Lona Tama, peitai o loo ia tauto i le itulagi o loo i ai tane ia e to’a lua. Ua Ia siitia i luga ona lima taitasi mo tane taitasi.O se isi upu mo le tauto o le maliega poo le feagaiga. O Iesu ma tane e to’a lua o loo latou faatusalia faatasi maia vaega e lua o le Feagaiga Fou lea sa faia muamua ma Aperaamo mo i latou o le a feoti a’o le’i maliu Iesu i luga o le satauro ma vaavaai atu ai i le Faaola o le a afio mai, ma na faamausaliina mulimuli atu i Aposetolo e 12 i le Tausamaaga Mulimuli, mo i latou uma lava o le a talitonu i le Faaola lea ua afio mai.

O lea la, e mafai ai ona faatusalia mai tane e to’a lua i le fuainumera o le Feagaiga, SEFULU LUA, ma Iesu i le fuainumera o le FITU.

O se tagata lona lua e le o iloa foi poo ai

O se tane e le o iloa poo ai

O le lima tauagavale ma le taumatau o Keriso na siitia i luga ina ia tauto

O Vaega o le Ata

O Iesu Keriso i luga o le vaitafe.

O le vai o loo tu’ueseese ai tane e to’a lua ia ua tatou iloa lelei nei.

O le vaitafe lea o loo tu’ueseese ai tane e to’a lua ia ua tatou iloa lelei nei, lea o loo faatusalia maia le Isaraelu tuai ma le Isaraelu fou, o loo faatusalia mai ai le maliu o Iesu i luga o le satauro ma le liligiina mai o le Agaga Paia:

Aua o lo’u toto lenei o le feagaiga fou, ua faamaligiina mo tagata e to’atele mo le faamagaloina o agasala. Mataio 26:28 O le e talitonu mai ia te a’u, e faapei ona fai mai o le Tusi, o le a tafe mai vaitafe o le vai ola mai i totonu ia te ia. Ioane 7:38

A ua o’o i latou ia Iesu, ma latou iloa ua maliu lava Ia, ona latou le gauia lea o ona vae: Peitai o le tasi o fitafita sa i ai lana tao na ia tutu’i lona itu i le tao, ona sisina mai ai lea o le toto ma le vai. Ioane 19:33, 34

+ 712

12

+12

Lua Vaega o le Feagaiga, Lua Tautoga

O lenei ua tatou malamalama, ona o le mea moni o lea na faia e Iesu le Feagaiga ma vaega e lua o le aiga tagata, e mafai ona faailoa mai, e ala i le tulafono fa’a-Matematika o loo sosoo mai:

12 + 12 = 24O iinei tatou te iloa ai se faauigaga muamua o toeaina e 24 o le Uati a le Atua o ni sui ia o vaega e lua, o le Feagaiga Fou: o ituaiga e 12 o le Isaraelu tuai ma ituaiga e 12 o le Isaraelu fou

O le faamasinoga na amata i le aiga o Isaraelu ma e i’u ia i … tatou.

+712

12

O se Galuega Faa-Matematika o loo NatiaPeitai o le fea sootaga o auala o le galuea’iina o fuainumera, o loo tulai ai Iesu, lea o loo faatusalia mai e le fuainumera FITU, i le fesootai atu i le fuainumera o ituaiga o Isaraelu, 24?

Tatou te manatu o le fa’atele *. Peitai o lenei manatu o loo tusia foi i upu o le Tusi Paia, ma sa na ona le amanaiaina mo le tele o seneturi:

O le upu mo le “tauto” o loo faaaoga i le Tanielu 12:7 o lona uiga:

shaba‛ shaw-bah'O se ulua’i a’a/uiga; uiga fetaui, ia atoatoa, peitai e na ona faaaogaina lava o se uiga e fausia mai i le H7651; ia fa’afitu se tasi, o lona uiga, tauto (e peiseai o le toe faia fa’afitu o se faamatalaga): - faatonu atu, (e ala i se tautoga, i se tautoga)e-sword Bible KJV+

+* 712

12

O le toe faia fa’afitu o se mea, o se fa’atele lea i le FITU.

O le Tali Ua Leva ona SailiaO le tali i le fesili a Tanielu, poo le a le umi ae o’o loa i le iuga (ae faapitoa ai lava le vaega muamua o le fesili, o le:

(12 + 12) * 7

O le tali o le 168.

O lenei valoaga e sosoo mai ma le valoaga o taeao ma afiafi e 2,300, o lea la, o le fuainumera lea, o loo faatusalia mai ai foi aso faavaloaga, o tausaga moni ia e 168.

+* 712

12

O le a faapena ona 168 tausaga o le Aso Faale-Lagi ona faato’a o’o loa lea ina amata

mea e tutupu mulimuli.

Toe Fo’i i le Fesili e 4O le a le umi o le Aso faale-Lagi i taimi faale-lalolagi?Tali: E faapei ona faailoa mai e le suesuega o le Tanielu 12 ia i tatou, o le Aso faale-Lagi o le a 168 tausaga lona umi ona fa’ato’a o’o lea ina tupu se mea taua. Na amata i le autumn/tau e toulu ai lau o laau i le 1844 ma o lea la, o se mea o le a tupu, o le a tupu pe a mavae le autumn 2012 (autumn 1844 + 168 tausaga).

E faapei o isi Uati, o le tulaga mo le itula o le 0, e tutusa ma le tulaga o le 12, poo le 24 foi, i la tatou uati 24 itula. O le Uati a le Atua e amata i le 1844 ma i’u i le 2012 lea e tasi lana taamilosaga faataamilo i le uili e 24 itula:

1844 (amataga o le Aso o le Togiola) = 0 hours 2012 (iuga o le Aso faale-Lagi) = 24 hours

O ai na te iloa le tali?Talu mai le 2005, na teena ai e le Ekalesia Aso Fitu lenei faauigaga o le Tanielu 12, ma isi suesuega faaleTusi Paia e lua lea o loo taula’i atu i le iuga lava e tasi. O lenei la iloa ua tuuina atu nei i soo se tasi na te fia taliaina.

1844

Fesili 5E fia tausaga faale-lalolagi e tutusa ma le Itula Faale-Lagi e tasi?

Tali: E faigofie lava ona maua le tali i le taimi lenei, aua o lea ua tatou iloa o le amataga ma le iuga o le Aso faale-Lagi, o loo faasino lava i le tulaga e tasi i le Uati a le Atua.

O le Aso faale-Lagi o le a 168 tausaga lona umi, atoatoa.

O nei tausaga faale-lalolagi e 168, o loo vaevaeina i Itula faale-Lagi e 24, le Aso Faale-Lagi lea.

O lea la, a tasi le Itula faale-Lagi e tutusa ma le:

168 / 24 = 7 tausaga faale-lalolagi.

O le mamao i le va o “toeaina” e lua lea e faatusalia maia le Itula-Faale-Lagi e tasi o le Aso Faale-Lagi, e tutusa ma le 7 tausaga faale-lalolagi.


E na o i latou lava e faitau ma malamalama i lenei feau.

7 tausaga faale-lalolagi

1844

1846

O lea la ua mafai ona tatou fa’asa’oina le Uati a le Atua

1. O le mamao i le va o toeaina, e 7 lelei lava tausaga. E le o se mea lenei na tupu faafuasei; o le va o tausaga faa-sapati na filifilia e le Atua, e aumaia mai i le Levitiko 25:4.

2. Na faailoa aloaia mai e Iesu le tausaga o le Iupeli o le Alii i le spring i le TA 29 (Luka 4:19), na amata la i le autumn o le TA 28, ma o se tausaga muamua lea o taamilosaga o tausaga faasapati (vaai le table: SDA Bible Commentary, vol. 5, p. 197).

3. O lea foi la, sa i ai se tausaga faa-sapati mai i le autumn o le TA 34 agai atu i le autumn o le TA 35.

4. O lea la ua mafai ona tatou galuea’iina i se tulaga faigofie lava, poo le fea le tausaga faasapati muamua, o le Uati o Orion. O le uluai tausaga faasapati, na amata i le autumn o le TA 1847. O le tausaga faasapati na sosoo ai, o le 7 tausaga mulimuli ane ai…

5. Tatou fa’asa’oina nei loa la le Uati ina ia iloa mai ai, o vaega o loo faailoga mai e toeaina, e pa’u atu lea i tausaga faasapati.

6. O le iuga o loo faailoaina mai i le ata o loo sosoo mai.

Tausaga Faa-Sapati 1847

O le Uati a le Atua ua Fa’asa’oina

Na semanu tatou te mafaia ona faitauina le Uati e aunoa ma suiga, ma maua ai tali lava e tasi, peitai e manaia pe a faasino atu toeaina i tausaga faasapati, aua o le a fesoasoani tele ia i tatou i a tatou suesuega oi le lumanai.

Na pau lava le mea o loo totoe nei, o le faitau lea o lima o le Uati o loo totoe, ma ia iloa o latou tausaga.

Ina ia aua ne’i i ai ni mea sese ma ia faia maoti lelei, o lea na tusia ai le Uati a le Atua i se polokalame faapitoa e tusia ai ata o le taimi lenei (graphics program)...

I le ata o loo sosoo mai, o le a tatou vaai ai i le iuga, ma tausaga uma lava o loo finagalo le Atua e faailoa mai ia i tatou.

O Tausaga o Ulua’i Faamaufaailoga e Fa

I tusitusiga o suesuega ua faaigoaina, “O le Talaaga Ua Toe Fa’aluaina” Ua ou vaavaai toto’a ai i le mea moni lea, o ulua’i faamaufaailoga e ono, ia tatou te malamalama i ai i a’oa’oga faale-Aso Fitu, o loo ua toe faaluaina e tusa ai ma le ata o le ulufale atu o tagata Isaraelu i Kanana ma le faatoilaloina o Ieriko. O lenei toe faaluaina, na amata i le amataga o le Aso o le Faamasinoga Faale-Lagi. O lenei manatu e le aafia ai le ulua’i faauigaga o faamaufaailoga e fitu ma ekalesia!

http://www.lastcountdown.org/index.php/the-clock-of-god/history-repeats






1846: O le Ulua’i FaamaufaailogaIna ua mavae seneturi o le faapogisaina o le Tala Lelei, o le taliaina o le upu moni e faatatau i le Sapati, na toe faatuina ai (e pei ona fa’ato’a mavae ona tatou vaai atu i ai) se ekalesia i luga o le fogaeleele, lea sa folafolaina atu Poloaiga uma lava e Sefulu a le Atua i o latou poloaiga na ulua’i tusia ai.

O le Tusi Paia o loo ia faamatalaina mai faapea:

Ona ou vaaia lea, faauta foi, o se solofanua pa’epa’e: ma o le na tietie ai sa ia te ia se aufana; na avatua foi ia te ia se palealii: na ia alu atu foi o loo manumalo, ma ia manumalo. Faaaliga 6:2

O taua manumalo a le solofanua pa’epa’e, o loo faatusalia mai ai lenei tala lelei faamamaina. E o’o lava i se lesona o le Sapati e le’i mamao atu, na i ai se faamatalaga faapea na faia ai, o le solofanua pa’epa’e na agai fa’alua atu i le talaaga... Muamua i le taimi o ulua’i kerisiano, ma ua toe alu atu nei foi faatasi ma Tagata Aso Fitu faatalitali mo le toe Afio Mai. E Sa’o!

1846 – 1914: EfesoO Efeso o loo malamalama lautele lava i ai faapea o le ekalesia “manaomia”, e pei ona faailoa mai e lona igoa. O lenei vaega taimi amata o le tatou ekalesia na amata mai i le 1844 agai atu i le 1914, o le tasi le tausaga a’o le’i maliu Ellen White. E tele viiviiga a Iesu mo lenei ekalesia i le Faaaliga 2:1-7 aua na iloga i latou e ala i faamanuiaga ofoofogia lava faaleagaga, aemaise ai lava le faatasi mai i taimi uma o le Agaga o Valoaga.

Peitai i le 1888, o se mea matautia lava na tupu. I le Fonotaga a le Koneferenisi Aoao, o le malamalama o le Agelu Lona Fa na tuuina atu e faifeau o Waggoner ma Jones. Peitai e le’i taliaina la la feau, ma na teena ai e le ekalesia le malamalama. O le Lua tausaga mulimuli ane, na fai mai ai Ellen White o la tatou ekalesia, sa ono mafai ona i ai i le lagi i le taimi lena, peitai na latou misia le avanoa. O lea na fetalai atu ai Iesu i le ekalesia: A ua ou iloa se mea ia te oe, ona ua e tuua o lou ulua’i alofa. O lea ia e MANATUA ai le mea na e pa’u mai ai, ma ia e salamo, ma e faia au ulua’i galuega; afai e leai, o le a Ou vave alu atu ia te oe, o le a ou aveesea foi lau tuugalamepa nai lona tulaga, seivagana ua e salamo. 2:4, 5

Tolu Faamaufaailoga o TofotofogaO tausaga o le 1844 ma le 1846 e i ai o la uiga manino i ituaiga tagata Aso Fitu uma lava. Peitai o isi tausaga e tolu (1914, 1936 ma le 1986) e i ai o latou taua manino mo na o ni nai lala itiiti lava o tagata Aso Fitu, ma e na o i latou lava foi e mafai ona latou malamalama i lo latou fa’ato’a vaai lava i ai, poo a mea e tutupu o loo faasino i ai le Atua, ae poo le a foi le feau e matua tele le aafiaga o lona iuga, o loo aofia ai. Mo i latou, o tausaga taua faale-talaaga nei i lo latou talaaga, lea sa natia mai i le to’atele lava o tagata Aso Fitu, mo mafuaaga o le a tatou vaavaai i ai.

Na faailoga e le Atua tausaga e tolu e tatau ona matua tofotofoina ai lava Ona tagata. O faamaufaailoga e tolu na faaaogaina e lulu ai tagata, ma ia vavae ese ai le saito mai i le otaota.

O ulua’i ekalesia e fa o le Faaaliga 2 ma le 3, e faasolosolo mai lo latou tulai mai, ma o le a latou aumaia ia i tatou ni faailo sili atu, e faatatau i mea na tutupu, i nei vaega taimi faale-talaaga, lea na silafia e le Atua e aoga, o lea na Ia tusia ai i Lona lava tamatama’i lima i le vanimonimo.

1914: O le Faamaufaailoga Lona LuaMa ina ua ia tatalaina le faamaufaailoga lona lua, na ou faalogo i le mea ola lona lua o fai mai, Sau ia ina vaai. Ona alu atu lea o le isi solofanua e mumu: ona avatu lea o le pule i le o loo tietie ai ina ia na aveesea le filemu mai i le lalolagi, ma ia latou fasioti e le tasi le isi: na tuuina atu foi ia te ia se pelu tele lava. Faaaliga 6:3, 4.

I le 1914, na amata ai le Taua Muamua o le Lalolagi ma na aumaia faatasi ai i le taua lea, se tofotofoga faapitoa lava mo tagata o le Atua: O le fesili lea, Pe mafai e i tatou o kerisiano, ona tatou auai i auaunaga faafitafita i taua. I lenei Fesili, na tofotofoina ai e le Atua le faamaoni o Ona tagata i le poloaiga lona 6: “Aua ne’i e fasioti”. E le gata i lea, o le Sapati o le poloaiga lona 4 na faia ma tofotofoga i se auala faapitoa lava. Na manino mai, o se fitafita i auaunaga o le taua, o le a le mafai ona ia tausia le Sapati, pe afai o le a feteenai le Sapati ma faatonuga a ona ta’ita’i. Na matua tetee lava Ellen White i le auai i auaunaga i taua, ma na faapena foi ona ia faailoaina mai.

O le VaeluagaTalu ai ona o nei tauiviga, o lea na vaeluaina ai le ekalesia. O i latou na mananao e faamaoni i lo latou Atua e ui lava i faafanoga o le falepuipuiina poo le fasiotia foi e o latou uso a tagata nuu, na faalataina i latou e o latou lava uso ma tuafafine o e na filifili e usitai i tulafono a tagata e sili a’e nai lo tulafono a le Atua. Na vavaeeseina i latou mai i le ekalesia ma tuuina atu i latou i puleaga faale-malo.

O nei tagata faamaoni ia Iesu na latou feoti i le oti faamaturo i tausaga o taua, e pei o o latou uso na feoti i le ulua’i taamilosaga o faamaufaailoga, o e na feoti i le taimi o sauaga o Kerisiano e ala i tagata Roma.

Na faapena, ona i ai i le taimi lena ekalesia e lua: O le Ekalesia Aso Fitu, lea na pa’u atili pea lava pea i le fulitua i le Atua, ma tagata ekalesia ia sa faamaoni i le Atua, o e na toe faatulagaina i latou i le igoa Seventh-day Adventist Reformation Movement, ina ua mavae ni taumafaiga le faamanuiaina ina ia toe faatasia i latou ma le ekalesia Aso Fitu tele.

1914 – 1936: SemuranaIa e tusi foi i le agelu a le ekalesia oi Semurana; o mea nei ua fai mai ai Le muamua ma Le mulimuli, o Le na oti, ma o loo ola; Ua ou iloa au galuega, ma lou puapuaga, ma lou mativa, (a ua e mauoa) ma ua Ou iloa foi upu faifai a e ua fai mai o Iutaia i latou, ae le o i latou o ni tagata Iutaia, a’o i latou o le sunako o Satani. Aua lava e te mata’u i mea o le a e puapuagatia ai: faauta, o le a tuuina atu nisi o outou e le tiapolo i le fale puipui, ina ia tofotofoina ai outou; o le a puapuagatia foi outou i aso e sefulu : ia e faamaoni e o’o i le oti, ona ou avatu ai lea ia te oe le pale o le ola. O le e i ai taliga, ina faalogo mai ia o ia i le mea ua fetalai mai ai le Agaga i ekalesia; o le e manumalo, o le a le afaina lava ia i le oti fa’alua. Faaaliga 2:8-11

O i latou o loo faaigoaina e Iesu “o le sunako o Satani”, o uso ia ma tuafafine Aso Fitu o e na latou tuuina atu o latou uso a tagata ekalesia, i pulega faalemalo (i latou nei e le’i fesoasoani i ai le faalapotopotoga a le ekalesia), ma aveesea o latou igoa mai i le lisi o le ekalesia, ma tuu atu i latou i falepuipui ma le oti.

1914 o se tausaga leaga lea mo le ekalesia Aso Fitu ma o se aso manumalo foi lea mo tagata faamaoni o le Atua, o e na faatulagaina i latou i lena taimi i totonu o le SDA Reformation Movement.

Sauaga i Taua a le LalolagiI le 1888, ina ua mavae ona “tuua” e le ulua’i ekalesia o Faaaliga o “Efeso, lona ulua’i alofa” i le Fonotaga a le KoneferenisiAoao, na tulai mai ai se vaeluaga i totonu, lea na masani lava ona tautala agai i ai Ellen White . Na o’o mai ai loa i le ekalesia le vaeluaga mulimuli atoatoa i le 1914.

O le faalataina e o latou uso ma tuagane, na tulai mai ai loa se ekalesia na te le’i maua lava se faitioga mai ia Iesu, i tusi na tusia atu i ekalesia o Faaaliga. E na o le lua lava ekalesia mai i ekalesia e fitu e le’i mauaina se faitioga: o Semurana ma Filatelefaia. O le a tatou suesueina poo fea o i ai Semurana i le taimi lenei.

O se taimi umi o puapuaga na amata mo le ekalesia moni a le Atua, peitai o tausaga mulimuli o tofotofoga, lea na amata a’o le’i o’o i le Taua Lona Lua o le Lalolagi, na toeitiiti lava a sefulu tausaga lona umi, e pei lava ona ta’u mai e le valoaga ia Semurana ia i tatou. Ma o na tausaga o le a sili atu ona leaga…

1936: O le Faamaufaailoga Lona ToluIna ua ia tatalaina le faamaufaailoga lona tolu, na ou faalogo atu i le mea ola lona tolu o fai mai, Sau ia ina vaai. Ona ou vaai lea, faauta, o se solofanua uliuli; ma o le sa tietie ai sa i lona lima le fua faatautau. Na ou faalogo foi i se leo i le lotolotoi o mea ola e fa o faapea mai, O le tau o le koini o le saito o le tenari lea, o le tau o koini e tolu o le karite o le tenari foi lea; ae aua e te faaleaga i le suau’u ma le uaina. Faaaliga 6:5, 6

I le 1933, i le tulaga sili ona leaga ma pa’u maulalo o le Tamaoaiga o le lalolagi /Great Depression, na tulai mai ai Hitler i le pule. O le faigamalo faailoga tagata pule malosi a Hitila na faasaina ai ekalesia ma faapotopotoga faalelotu uma e ese a latou a’oa’oga ma talitonuga mai i a’oa’oga masani faa-kerisiano. : Le ekalesia Aso Fitu lea ma le SDA Reformation Movement. O se tofotofoga matautia tele lona lua, na o’o mai i le 1936, ma aumaia ai se isi luluuga mo tagata o le Atua.

Ina ua mavae le vaiaso e tasi lava, na filifili ai le ekalesia Aso Fitu e au faatasi ma le faigamalo a Hitler, ma na toe faatagaina ai loa la latou ekalesia i le taimi lava lena, ma toe maua mai ai loa a latou meatotino faale-lalolagi ia sa aveesea faamalosi, o a latou ekalesia, ma eleele.

1936 – 1986: PerekamoIa e tusi foi i le agelu a le ekalesia oi Perekamo; O mea nei ua fai mai ai le ua i ai le pelu maai e fa’ataumaai itu; Ua Ou iloa au galuega, ma le mea ua e nofo ai, o i ai le nofoalii o Satani : ua e taofi mau i Lo’u igoa, ua e le faafitia le faatuatua ia te A’u, i na aso lava sa i ai Anetipa o lo’u molimau faamaoni na fasiotia faamaturo , o le na fasiotia ia te outou, i le mea e nofo ai Satani. A ua ia te a’u ni nai mea ia te oe, ona ua ia te oe o e e taofi i le mataupu a Palaamo, o le na a’oa’o ia Palako ina ia tuu se ma’a e tautevateva ai i luma o le fanauga a Isaraelu, ina ia latou aai i mea na fasia mo tupua, ma ia latou faitaaga. Ua i ai foi ia te oe o e ua taofi i le mataupu a le au Nikolaitai, o le mea Ou te inoino i ai. Ia e salamo; afai e leai, o le a ou vave alu atu ia te oe, ma ou tau ma i latou i le pelu a lo’u gutu. O le ua i ai taliga, ina faalogo mai ia o ia i le mea ua fetalai mai ai le Agaga i ekalesia; O le manumalo o le a ou avatua ia te ia e ‘ai i le manai lilo, o le a ou avatu foi ia te ia se ma’a pa’epa’e, o totonu foi o le ma’a ua tusia ai se igoa fou, e le iloa e se tasi ua na o le ua mauaina. Faaaliga 2:12-17

I le uluai taamilosaga muamua o faamaufaailoga o ekalesia, o Perekamo o le “ekalesia lea sa ia faia maliega ma le agasala”. E faapena foi, ina ua mana’o Hitila ina ia o tamaiti uma i a’oga i le Aso Sapati, na malie i ai le ekalesia Aso Fitu. O le tofotofoga a le Atua lea sa amata i le 1936, na faapitoa lava i le poloaiga o le Sapati. O le ekalesia Aso Fitu na latou faia le maliega ma le fili (vaai i le circular letter a E. Gugel). Ae ioe, o isi fesili e faatatau i auaunaga faafitafita i taua na toe aumaia foi i le tofotofoga.Na faaleaga e le SDAC le tala lelei, ma latou faia maliega ma le faigamalo a Hitila e ala i lo latou malilie i ona manaoga uma lava. Na toe faaluaina moni ai lava e le SDAC le valoaga e faatatau ia Perekamo.

http://www.lastcountdown.org/index.php/the-clock-of-god/the-throne-lines/the-throne-lines-ii





Ua Toe Mausali Semurana Peitai o Semurana sa i ai pea, a’o le taimi lea na faaigoaina o ia o “Anetipa, la’u molimau faamaoni na oti faamaturo”, o le na faatusaliaina mai le SDA Reformation Movement, lea sa tumau mausali i le tofotofoga e pei ona ia faia muamua i le Taua Muamua o le Lalolagi. O le toe faalataina o i latou e le tele o le au uso, na tofotofoina ai i latou i se tulaga sili atu ona leaga i tausaga e 10 na sosoo atu ai.

Peitai e le’i mafai e nofoaga o sauaga (concentration camps) poo le oti ona aumaia le au uso faamaoni ina ia pa’u’u. Na latou tumau mausali ma faamaoni i le Atua.

Na tusia e le Atua o latou mafatiaga i le vanimonimo ina ia mafai ai ona tatou a’oa’o mai ia i latou; ina ia mafai ai ona tatou mulimuli i a latou faataitaiga ma tatou tumau ai i le tofotofoga mulimuli o le Tulafono o le Aso La, lea e o’o vave mai lava a’o le’i o’o i le iuga o le Faamasinoga Suesue.

I le Uati a le Atua, ua faailoa manino mai ai e le Atua ia i tatou le mea sa i ai Ana fanau faamaoni i lena taimi, ma, poo ai foi na fa’aauau ai pea i laasaga o le fulitua e ala i le faia o maliega ma le agasala.

O Anetipa Na Oti i PerekamoA’o se mea e faanoanoa ai, o le valoaga e faatatau ia "Anetipa, la’u molimau faamaoni na oti faamaturo“ e faatatau i le SDA Reformation Movement, e le’i muta ai iina.O loo fai mai le valoaga o Anetipa “na fasiotia i totonu ia te outou, i le mea o nofo ai Satani.” E le o fai mai Iesu e na o ni nai tagata na fasiotia, peitai o le ekalesia faamaoni atoa lava, e pei o tagata Waldenses i le taimi muamua, na faaumatiaina atoa.

O tausaga e 10 o sauaga na faia e puleaga faia faamalosi a Hitila na matua leaga lava o lea e le’i totoe ai se tagata faamaoni o le SDA Reformation Movement --e le’i totoe lo latou uiga/amio.

O le ituaiga agaga na ulufale mulimuli ane ai, e mafai ona vaaia i le mea moni lea, na malepe i latou ina ua mavae le Taua Lona II o le Lalolagi. I le Fonotaga i le General Conference i le 1948, na latou finau ai i mataupu e faatatau i tete’aga o ulugalii/divorce ma faaupuga e faatatau i le umiaina o le pule, lea na i’u atu ai i le faafitauli o le 1951 ma le vaeluaga i ekalesia eseese e lua : o le IMS (Siamani) ma le SDA-RM (USA).O le mafuaaga lenei e le o toe ta’ua mai ai Semurana i isi valoaga.

O Lenei Feau E Mo Kerisiano UmaO lea la, i lenei taimi, ou te manao e faamamafa atu faapea, ua matua faatalitonuina mausali a’u, e le’i gata ina auina mai e Iesu lenei feau i le ekalesia Aso Fitu poo i latou ua vavae ese, a ua auina atu foi i le au uso uma lava na, o loo i ai le loto o Anetipa, le molimau faamaoni, ma faia ai e avea ma faataitaiga ia i latou, i latou na tumau faamaoni i vaega taimi o Taua e Lua o le Lalolagi.

E leai se igoa i totonu o se lisi a se ekalesia e lava lelei mo le faaolataga, ae o le loto ma le amio a le tagata taitoatasi e taua; ina ia latou talia mataupu a le ekalesia Aso Fitu, ma latou ioeina ai o le upu moni lea, ma mulimuli loa i le Faia’oga Sili, o Le na te ta’ita’iina i upu moni uma lava.

O le feau o le Orion na tuuina mai ina ia toe faamausali ai nei mataupu ma ia faatasia ai, i se talitonuga e tasi, i latou o le a le umi ae latou fausiaina a’e loa Filatelefaia, o e o le a molimau e faapei o Semurana, ae o le a le fano.

1986: O le Faamaufaailoga Lona FaIna ua tatala e ia lona fa o faamaufaailoga, ona ou faalogo ai lea i le leo o le mea ola lona fa ua faapea mai, Sau ia ina vaai. Ona ou vaai lea, faauta, o se solofanua samasama: o le igoa o le o loo tietie ai, o le Oti, na mulimuil atu foi Seoli ia te ia. Na avatu foi le pule ia te i laua i le vaega lona fa o le lalolagi, ina ia fasioti i le pelu, ma le oge, ma le oti, ma manu feai o le laueleele. Faaaliga 6:7, 8

I le uluai taamilosaga muamua o faamaufaailoga, o le faamaufaailoga lona fa na faatusalia mai ai le faatumutumuga o le pule faapope. O le solofanua samasama o loo faatusa mai ai se tala lelei ua mate ma o le na tietie ai, o le “oti” faaleagaga lea e faavavau mo i latou uma o le a mulimuli i a latou a’oa’oga sese, faaleagaina. Na faailoa soo mai lava e Ellen White faapea o le ekalesia a le Atua e tatau ona vavae ese atoa lava mai i le faia o soo se sootaga lava ma le puleaga/a’oa’oga faapope poo le faa-Porotisano fulitua foi i le Atua.

I le 1986, na solia fa’aaliali ai e le ekalesia Aso Fitu lenei poloaiga faalelagi. O le Ekalesia Aso Fitu na latou auai faalealoaia i le 1986 ma na amata mai i le 2002 ma agai mai ai i luma na latou auai aloaia ai i le Aso o le Tatalo a le Lalolagi mo le Filemu o Tapuaiga eseese uma lava i Assisi, lea na faatonuina mai e John Paul II o se mea muamua lea ua tupu i le lalolagi atoa ua tuufaatasia ai ekalesia. I le tausaga lava lea e tasi o le 1986, na sailia ai e le ekalesia Aso Fitu i Siamani le avea o i latou ma sui auai aloaia i le faatasiga o ekalesia aufaatasi o le lalolagi (ACK). I le Sootaga a le ekalesia Aso Fitu ma ekalesia aufaatasi e mafai ona e vaaia ai le loloto tele o le pa’u o le ekalesia Aso Fitu talu mai le 1986.

1986 – ????: Tuatira

O le Ekalesia Aso Fitu na faaleagaina i amio leaga le faamaoni, e pei o Perekamo, e ala i le taliaina o a’oa’oga sese (e pei o le manatu faapea, i taimi o taua, poo le taimi foi pe a manaomia a’oa’oga i a’oga, e mafai ona solia ai le Sapati), ma na matua pa’u maulalo lava le ekalesia o lea na amata ai ona ia faia sootaga fa’aaliali ma Iesepela (le tapuaiga faapope ma ana fanau o ekalesia = O tufaatasiga o ekalesia = Papelonia).

Ia e tusi foi i le agelu a le ekalesia oi Tuatira; o mea nei ua fai mai ai le Alo o le Atua, o le e pei o le mumu o le afi ona mata, o ona vae foi e pei o le apa pupula; Ua ou iloa au galuega, ma lou alofa, ma lou auauna mai, ma lou faatuatua, ma lou onosai, ma au galuega; ua sili mea mulimuli i mea na muamua. Ae ui i lea ua ia te a’u ni nai mea ia te oe, ona ua e faatagaina lena fafine o Iesepela, o le ua ta’ua o ia e ia o se perofeta fafine, na te a’oa’o ma faatosina a’u auauna ina ia latou faitaaga ma ia aai i mea ua fasia mo tupua. Na Ou avatu foi ia te ia aso e salamo ai i lana faitaaga; ae le’i salamo. Faaaliga 2:18-21

O Tagata Totoe o TuatiraPeitai, o loo toe faailoa mai e le Atua faapea o loo i ai pea nisi—i le Ekalesia Aso Fitu, ma isi foi nofoaga—e pei o i latou na faamaoni fa’alua i le Atua i tofotofoga faigata, ma Ia fetalai mai ai e le tatau ona latou maua se isi avega, poo se tofotofoga, i le amataga o lea vaega taimi. O lenei valoaga o loo faailoa mai ai, o le “Au Totoe” e i ai lava i soo se taimi i le talaaga:

Ae ou te fai atu ia te outou, atoa ma isi oi Tuatira, o e e le’o i ai lenei mataupu, ma ua latou le iloa mea loloto a Satani, e pei ona ta’ua e i latou; O le a Ou le tuuina atu i luga ia te outou se isi avega. A’o mea ua ia te outou, ia outou taofi mau ai seia Ou alu atu. Faaaliga 2:24, 25

O ekalesia Aso Fitu Toe Fuataiina (SDA Reform) latou te mumusu e faia soo se sootaga ma—pe auina atu foi ni o latou tagata e vaavaai ma faalogo (observers) i —soo se faatasiga poo ni sootaga faapolokiki a le faagaioiga o le tuufaatasiga o ekalesia poo le talitonuga faapope lava ia, i lo latou usitai i poloaiga a le Atua lea na tuuina mai e le Agaga o Valoaga e ala mai ia Ellen G. White. O lenei usitai e tatau ona fa’ata’ita’iina e le SDAC!

O le Talaaga e Agai Pea i Luma

Atonu e foliga mai o se tulaga ofoofogia i mata o ekalesia Aso Fitu Toe Fuataiina ma isi kulupu vavae ese mai e tele, peitai ua tusia e le Atua i totonu o le tusi o faamaufaailoga e fitu e faapea, e le’i uma Lona onosai i lana ekalesia.

O le Ekalesia Aso Fitu ua matua fulitua lava i le Atua, e le masalomia le tulaga lena, ae e le’i avea atoatoa i latou ma Papelonia. O le avea ma Papelonia, o le a manaomia ina ia a’oa’oina a’oa’oga autu a Papelonia. O a’oa’oga ia o le: 1. Taliaina o le tausia o le Aso La ma le2. Taliaina o le Talitonuga i le ola e faavavau o le agaga o le tagata.

Atonu ua le mafai e le toatele i le taimi lenei, ona latou tapua’i faatasi ma o latou au uso ua pa’u’u o le Ekalesia Aso Fitu. Ou te malamalama lelei i lenei tulaga. Peitai o le fofo i le taimi lenei, pe afai e leai lava se isi filifiliga o ia te oe, o lou alu lea i faatasiga laiti i fale o aiga, o loo faatasi ai le au faamaoni ua faatasia i le faatuatua e tasi.

Ae aua e te lafoaia ou uso ma ou tuafafine pa’u’u! Fesoasoani ia i latou ina ia iloa e le toatele lenei feau matagofie lava ma latou taunuu atu ai i Filatelefaia.

O le a le Mea e Sosoo Mai?

O lenei la, a’o tatou iloa poo le a le Uati a le Atua, ma mea o loo ia ta’uina mai ia i tatou, atonu o loo ia i tatou nisi fesili...

1. O fea o i ai faamaufaailoga mulimuli e tolu i le Uati?

2. O fea o i ai ekalesia mulimuli e tolu ma o le a lo latou uiga?

3. O i ai ea nisi “lima o le Uati”?

4. O le a moni lenei feau? Aisea ua tatou maua ai lenei feau i le taimi lenei?

5. O i ai ni faamaoniga faaopoopo e iloa ai o le Uati a le Atua e moni ma e fesootai moni lava ma le Tusi Paia?

O le Tali atu i fesili ua fesiligia mai:

1. Fesili:

O fea o i ai faamaufaailoga mulimuli e tolu i le Uati?

Se’i tatou auiliiliina faamaufaailoga taitasi...

O i ai ea le Faamaufaailoga Lona Lima i le Uati?

Se’i tatou faitauina muamua fuaiupu o le faamaufaailoga lona lima i totonu o le Tusi Paia:

Ina ua ia tatalaina le faamaufaailoga lona lima, na ou iloa lea i lalo ifo o le fata faitaulaga o agaga o e na fasiotia ona o le Afioga a le Atua, mo le molimau foi na latou taofi i ai: Na latou alalaga foi ma le leo tele, ua faapea atu, O le a le umi, le Alii e, o Le paia ma faamaoni, e te le faamasino ai ma taui i lo matou toto i luga o e nonofo i le lalolagi? Ona foaiina atu lea o ofu papa’e ia i latou taitoatasi; na fai atu foi ia i latou, ia latou faatalitali lemu seia toeitiiti, seia atoa mai o latou uso a auauna ma o latou uso, o le a fasiotia pei o i latou lava. Faaaliga 6:9-11

O se fuaitau lenei o loo faatatau atu moni lava e Ellen White i le “taimi o puapuaga itiiti” i se taimi puupuu lava a’o le’i o’o i le iuga o le Faamasinoga Suesue. O le taimi lea o sauaga faatasi ai ma tulafono o le Aso La a’o le’i tapunia le alofa tunoa…

O le Sailiga mo le Faamaufaailoga Lona Lima

Ina ua tatalaina le faamaufaailoga lona lima, na vaaia e Ioane i le faaaliga i lalo ifo o le fata faitaulaga le vaega o tagata na fasiotia mo le Upu a le Atua ma le molimau a Iesu Keriso. Ina ua mavae lenei vaaiga, na o’o mai loa vaaiga o loo faamatala mai i le mataupu e sefulu valu o Faaaliga, le taimi lea ua valaauina ai i latou e faatuatua ma faamaoni ina ia o ese mai i Papelonia. {Mar 199.5}

O lea la, o loo faatatau atu le faamaufaailoga lona lima i le taimi o puapuaga itiiti e pei ona mafai ona tatou iloa i le faaaliga muamua a Ellen White. O le a toe i ai tagata e oti faamaturo.

O le taimi lea o le Alaga Tele, ae o se taimi foi lea o sauaga tetele lava mo i tatou.

Talu ai ona o agaga, o loo fetagisi i lalo o le fata faitaulaga, e tatau ona mafai ona tatou maua lenei vaega taimi i lalo o fetu e tolu ma, i totonu foi o le vaega taimi o Tuatira, aua o le pule faapope o le a pule nei i se tulaga sili atu ona fa’aaliali.

O lea, e tatau ai ona tatou vaavaai toto’a lava i le Uati i luma atu o le vaega taimi o le 2012.

O le Faamasinoga o E OlaE o’o mai i le taimi lenei, ua na ona tatou manatunatu i le taimi seia o’o atu i le 2012, peitai o le vaega taimi mai i le autumn 1844 – e o’o atu i le autumn 2012 ua tuuina mo le Faamasinoga o E oti..

Se’i tatou manatua le tagata oi luga o le vaitafe i le Tanielu 12. O le tautoga a le “tagata” (Iesu) i tane e to’a lua e aofia ai foi le tolu-ma-le-afa-tausaga o le Faamasinoga o E ola i le iuga o le talaaga. O lenei taimi e faamatala auiliiliina mulimuli ane i le Tanielu 12 e le 1,290 aso ma le 1,335 aso.

O tausaga e tolu ma le afa o le a amata i se taimi puupuu lava a’o le’i muta le Faamasinoga o E oti, ma o le Faamasinoga o E ola e felavasa’i ma le Faamasinoga o E oti e ala i le afa tausaga, aua o le afio faalua mai o Iesu e tatau ona tupu i le autumn/le tau e toulu ai lau o laau.

Na tauto Iesu i foliga faafaatusa i tane e to’a lua lea o loo faatusalia mai E ua oti, i lalo o le Feagaiga Fou, faapea o le Faamasinoga o E oti, o le a faia mo le 168 tausaga ma i le taimi lava lea e tasi, na Ia tauto ai i upu fetalaia mai, faapea o le Faamasinoga o E ola, o le a faia mo le tolu-ma-le-afa tausaga.

O lea la, o le Faamasinoga o E ola, na amata i le spring/tau e totogo ai lau o laau i le 2012, ae e tatau ona tatou vaai pe aumai e le Uati a le Atua ia i tatou ni faamatalaga sili atu.

http://lastcountdown.org/index.php/shadows-of-the-future/final-warning/the-1260-days







Autumn 2012 – Autumn 2015: O le Faamaufaailoga Lona Lima

Afai tatou te faatagaina le Uati e alu pea i tala atu o le 2012, o le tausaga e sosoo ai tatou te o’o i ai i totonu o Orion, o loo i le tulaga lava lea e pei ona i ai le 1846.

O le 2014 la, o le a tatou toe taunuu ai i le laina o le solofanua pa’epa’e, lea e le gata ina ia faatusalia maia le Tala Lelei mama, a’o loo ia faatusalia maia foi le ekalesia faamamaina.

E tatau ona tatou fesili ifo ia i tatou lava poo le a le taimi o le a toe faamamaina ai le ekalesia?

O le taimi lea o le a faamaufaailogaina ai i latou uma lava e mafai ona laveaia. O le faamaufaailogaina o le a faataunuuina atoa i se taimi puupuu lava a’o le’i uma le taimi o le alofa tunoa ma le amataga o le tausaga o mala.

I le va o le 2012 ma le 2014, e toe lua lava tausaga o loo totoe ai ia i tatou e tusa ai ma le galuea’iina faa-fainumera. Peitai o Orion na te faailoa maia tausaga mai i le autumn agai atu i le autumn. O lea la, o le “2014”, o lona uiga o le autumn 2014 agai atu i le autumn 2015. O lea la, o le faamaufaailoga lona lima, o le a tolu tausaga lona umi e pei ona talitonuina (faaopoopo i ai le taimi felavasa’i o le afa tausaga o loo felavasa’i ma le Faamasinoga o E oti).

O le Faamaufaailoga Lona Lima o se Vaega o le Faamaufaailoga Lona Fa

O le fea vaega taimi e patino i ai le faamaufaailoga lona lima?

Se’i tatou manatunatu e faatatau i le Uati e peiseai o se pai tele lava, lea e vaevaeina e lima o le Uati i vaega e fa.

I le vaega taimi na faailoa mai e le mea ola lona fa ma le muamua, i le iuga tatou te maua ai tausaga ia o le 2012/2013, 2013/2014, ma le 2014/2015 lea e faailogaina ai le faamaufaailoga lona lima. O le fetu o le solofanua pa’epa’e o loo faasino faapitoa lava i le 2014/2015 lea e tatau ona fa’aatoatoaina ai le faamaufaailogaina o le 144,000 ma le aofai o i latou e oti faamaturo.

O lenei vaega taimi e tutusa lelei lava ma le toe faaluaina o le ulua’i taamilosaga a le faamaufaailoga lona lima. O le toe fuataiga lenei (1571-1755) i le lotolotoi o sauaga a le pule faapope ma lona faatumutumuga i Europa mo na tausaga e 1,260 o le faamaufaailoga lona fa (538-1798). O le taimi lenei, o le puleaga faasilisiliina faapope o le a faalauteleina atu mulimuli lava i luga o le lalolagi atoa a’o le’i tapunia le alofa tunoa ma o le a faia i se taimi e umi itiiti atu, ma muta ai i se taimi itiiti lava a’o le’i afio faalua mai Iesu. O lenei vaega taimi o le a amata i le faamalosia o le pule faapope ma o le a ulufale atu i lona vaega leaga lava i tulafono o le Aso La i le 2014/2015. Peitai o le “Alaga Tele” o le a ia faafetaiaia le pule faapope e pei ona faia e le Toe Fuataiga a le ulua’i taamilosaga, a le faamaufaailoga lona lima.

O fea e mafai ona tatou maua ai le Faamaufaailoga lona Ono?

Se’i tatou faitauina muamua fuaiupu o le Tusi Paia:

Na ou vaai atu ina ua ia tatalaina le faamaufaailoga lona ono, ma, faauta, o se mafuie tele lava; ma, o le la na liua ua uliuli e pei o le ie o fulufulu talatala ma o le masina foi ua liua e pei o le toto; Ma o fetu o le lagi na toulu i le lalolagi, e pei o le laau o le mati ona toulu o ona fua moto , pe a luluina e le matagi tetele. Na mavae atu foi le lagi pei o se tusi ua taaia; o mauga ma motu uma ua aveesea mai i mea sa i ai. O tupu foi o le lalolagi, ma alii sili, ma e mauoa, ma kapeteni sili, ma e malolosi, ma pologa uma, ma tagata saoloto uma, na latou lalafi i ana ma papa o mauga; Ma fai atu i mauga ma papa, Mafuli maia ia te i matou, ma fa’alafi i matou mai i le silafaga a le nofo i le nofoalii, ma le toasa o le Tama’i Mamoe: Aua ua o’o mai le aso tele o lona toasa; o ai foi se o le a mafai ona tu atu? Faaaliga 6:12-17

“O le aso tele o Lona toasa” o lona uiga, e tusa ai ma le tapulaa o le aso ma le tausaga, o se tausaga atoa lea. E i ai la se tausaga faapitoa o le a liligi mai ai e le Atua Lona toasa i luga o le fogaeleele. E sosoo atu ma le vaega taimi o le faamaufaailoga lona lima, o lea la e amata i le tapunia o le alofa tunoa i le autumn 2015.

O le a le ituaiga tausaga faapitoa o le a i ai lenei tausaga?

O le Faamaufaailoga Lona Ono o le Taimi lea o MalaO le faamaufaailoga lona ono e fesootai manino atu lava i le taimi o mala ina ua mavae le iuga o le Faamasinoga Suesue ma ina ua uma foi ona tapunia le faitotoa o le alofa tunoa.

O le Faamasinoga o E ola e faia seia o’o i le autumn 2015. E o’o atu i le taimi lena o le a uma ai ona filifilia iuga o tagata uma. O Iesu o le a Ia tuua le Nofoaga Sili ona Paia, ona pa’u mai lea o mala mo se tausaga atoa.

Afai e amata i le autumn 2015 ma e tasi le tausaga o mala, o le a muta la i le autumn 2016.

Talu ai ona o loo faailoa mai e le Uati i totonu o Orion le toe faaluaina o faamaufaailoga e fitu, o Orion lava ia o le vaega lena o le tusi o faamaufaailoga e fitu lea sa tusia i totonu, a’o le taamilosaga muamua o faamaufaailoga o loo faatusalia mai ai le vaega lea sa tusia i le tua o le tusi. (Rev. 5:1).

O lenei tulaga e fesiligia ai le fesili, o fea o faailoa mai ai le faamaufaailoga lona ono? I le taamilosaga a le Uati, e le o i ai se isi laina e faasino ai e mafai ona fesoasoani ai ia i tatou. Peitai o upu o le Tusi Paia i le Faaaliga14:1 e aumaia ai ia i tatou faailo sili atu. I le taimi o mala, o loo vaaia ai le 144,000 i luga o le “Mauga o Siona”, ae le o luga o le fogaeleele. O lenei tulaga o lona uiga e le faapea o le a latou i ai moni iina, peitai i se uiga mautinoa, o loo latou i ai faaleagaga iina ma Iesu.

Ua Iloa le Faamaufaailoga Lona OnoO ai nei agaga o loo alalaga mo le “tauimasui” i le faamaufaailoga lona lima? O agaga o i latou uma lava na feoti mo lo latou faatuatua ae mo Iesu foi.

O afea o le a latou toe feola mai ai? Pe a toe afio mai Iesu.

O le fea vaega o tagata o le a patino i ai i latou pe a uma ona latou toe feola mai? O le a avea i latou ma vaega o le mano ni mano. O le isi vaega o le 144,000 lea, o e na vaai ia Iesu o afio mai a’o latou ola.

O fea tatou te maua ai le Mano ni Mano i totonu o Orion? I luma o le Nofoalii o le Atua, ma le Sami Tioata, Le Avanoa Tele lava i Orion.

Na ou iloa atu foi ua peiseai o se sami tioata ua fefiloi ma le afi: o i latou foi na manumalo i le manu feai, ma lona faatagata, ma lona faailoga, ma le faitau aofai o lona igoa, ua tutu i latou i le sami tioata, ua ia te i latou kitara a le Atua. Faaaliga 15:2

A’o faatusalia mai e le li’o o loo fausia e toeaina e 24 la tatou faigamalaga i luga o le Fogaeleele, i le taulaiga agai atu i le Kanana Faale-Lagi ma fa’aauau ai pea seia o’o i le iuga o le Faamasinoga i le autumn 2015, o le Sami Tioata i luma o le fetu o Iesu, o le nofoaga lea o loo vaaia ai e le Faaaliga le 144,000 i le taimi o mala amata mai i le autumn 2015 agai atu i le autumn 2016.

O le Faamaufaailoga Lona Fitu e Muta Ai le Talaaga o le Lalolagi

O le faamaufaailoga lona fitu e tatala i le iuga o le taimi o mala, o lona amataga (mala) i le autumn 2015 na faailogaina e le solofanua pa’epa’e. I le iuga o le tausaga o mala, e toe afio mai ai Iesu.

Ina ua ia tatalaina le faamaufaailoga lona fitu, ona filemu (silence) ai lea o le lagi e tusa ma le umi o le afa itula. Faaaliga 8:1

O loo faatatau i le faigamalaga a Iesu ma le Ierusalema fou o loo sau mai i le Orion o le a faia i le 7 aso poo le “afa itula” i taimi faavaloaga. O Ellen White o loo ia tautala e faatatau i le umi lava lea e tasi o le taimi i le fesootai atu ma le toe fo’i o le “Ierusalema Fou” ma le au faaolaina uma i le lagi:

Na tatou ulufale faatasi uma atu i le ao, ma na fitu aso na tatou o a’e ai i le sami tioata, ina ua aumai e Iesu palealii, ma o Lona lava lima taumatau na ia tuuina ai palealii i luga o o tatou ulu. {EW 16.2}

E o’o lava ia Ellen White na ia faaaogaina pea iinei, i se taimi umi lava talu ona mavae le 1844, le tapulaa o le aso-ma-le-tausaga. Afai e maoti le faamatalaga a le Tusi Paia, o le taimi la o mala e tatau ona tasi le tausaga ma aso e 7 lona umi mo le faigamalaga a Iesu mai i Orion agai mai ia i tatou. O lena umi o le a 365 + 7 = 372 aso.

O le a tatou vaaia i le “Ata o Taulaga Fasia" o lenei tulaga e mafai ona faamaonia faale-Tusi Paia.

http://lastcountdown.org/index.php/shadows-of-the-future/shadowy-sacrifices/sacrifices-1




Tali atu i Fesili ua Faatuina mai:

2. Fesili:

O fea o i ai ekalesia mulimuli

e tolu ma o le a lo latou uiga?

O a mea na talitonu i ai ulua’i tagata o le lotu Aso Fitu?E tolu ekalesia o loo totoe i le iuga o le faamaufaailoga lona lima: Sarataisa, Filatelefaia, ma Laotikaia. E na o le tasi lava le ekalesia e leai sona faitioga; e na o le tasi lava foi na te maua le palealii: Filatelefaia.

Se’i tatou faitau poo a mea na talitonu i ai pioneers i o latou taimi o le a faatusalia maia ekalesia mulimuli e tolu aua o lenei iloa e aoga foi i aso nei i se uiga faafaatusa. I le www.whiteestate.org e mafai ona tatou faitau ai:I ulua’i tausaga ina ua mavae le mea na tupu i le 1844, O tagata tausi Sapati na faatalitali mo le afio faalua mai o Iesu, na latou faaigoaina i latou o le ekalesia a Filatelefaia, o isi tagata na faatalitali mo le afio faalua mai o Iesu, na latou faaigoaina i latou o tagata Laotikaia, a’o tagata e le’i talitonu i le toe afio faalua mai o Iesu, na latou faaigoaina i latou o tagata Sarataisa. Ae ui i lea, na o’o atu i le 1854 na taitaia Ellen White ina ia na faailoa mai o le “au totoe e le’i sauni mo le mea o loo sau i luga o le lalolagi. O le uiga valea, e faapei o le vaivai leai se malosi, na foliga mai sa i ai i mafaufau o le toatele o i latou e tautino mai e talitonu ua ia i tatou le feau mulimuli. . . .Tou te faatagaina o outou mafaufau ina ia liliu ese i se auala faigofie mai i le galuega o le sauniuniga ma upu moni –taua-uma lava mo aso mulimuli nei.” Na o’o atu i le1856 o James White, Uriah Smith, ma J. H. Waggoner sa latou ta’u manino atu lava i tama’i vaega o tagata Aso Fitu e le’i leva ona faatuina, e faapea, o le feau ia Laotikaia sa faatatau atu i tagata Aso Fitu tausi Sapati na faatalitali mo le toe afio mai o Iesu, ae faapena ai foi i isi o e sa “faaleogalua” i o latou olaga kerisiano. O i latou, fo’i, na latou manaomia le salamo mae’ae’a lava. Ae le gata iina, na latou tuufaatasia i le iuga o a latou suesuega, e faapea, o le feau a le agelu lona tolu, o le feau mulimuli lea i le “lalolagi tetee,” ma o le feau ia Laotikaia o le feau mulimuli lea i se “ekalesia faaleogalua.”

http://www.whiteestate.org/

O le upu a le Tusi Paia e na o le lua lava ekalesia o loo i ai e aunoa ma se ila. O le tasi o Semurana lea na faaumatiaina e pei o Anetipa, a’o le isi o Filatelefaia i le iuga o le taimi. Muamua lava, o loo faailoa mai e le tusitusiga o le Tusi Paia ia i tatou faapea, ua tatou lata i le tapunia o le alofa tunoa:

Ia e tusi foi i le agelu a le ekalesia oi Filatelefaia; o mea nei ua fai mai ai Le paia, o Le faamaoni, o Le ua i ai le ki a Tanita, o Le na te tatalaina, ae leai se na te tapunia; o Le na te tapunia foi, ae leai se na te tatalaina; Ua ou iloa au galuega: faauta, ua ou tuuina i ou luma se faitotoa matala, e leai foi se na te mafai ona tapunia: aua ua ia te oe sina malosi itiiti, ma ua e tausia foi la’u upu, ua e le faafitia foi lo’u igoa. Faaaliga 3:7, 8

Ona o’o mai lea o le folafolaga fai mai o Filatelefaia o le a le faaumatiaina:

Aua ua e tausia le upu o lo’u onosai, o le a Ou tausia foi oe mai i le itula o le faaosoosoga, lea o le a o’o mai i luga o le lalolagi atoa, ina ia tofotofoina ai i latou o nonofo i le fogaeleele. Faaaliga 3:10

O Filatelefaia o le a Tulai Pea

O Filatelefaia o le 144,000

Na pau lava tagata o le a vaai ia Iesu e aunoa ma lo latou feoti, o le 144,000. O lona uiga, o le ekalesia lea a Filatelefaia, aua o le a lavea’i i latou e Iesu i le taimi o mala. O se ekalesia mama lea ma o loo faatusalia atoatoa mai lava e le solofanua pa’epa’e lea o le a tini atu i ai le Uati i le 2014/2015.

O tagata o lenei ekalesia e o mai mai i faaputuga uma lava o tagata e taliaina lapataiga a lenei feau ma mulimuli i ai. E fausia i latou i tagata faamaoni i faapotopotoga o ekalesia Aso Fitu ma ona tama’i faaputuga o tagata ua vavae ese mai, o le "to’aitiiti lenei i Sarataisa o e e le’i faaeleeleaina o latou ofu" ma i latou i Laotikaia o e na “faatauina mai le vaimata ma le auro ” a’o latou maua tonu lava le taimi.” E leai se tasi e faaolaina ona o lana sootaga faaletapuaiga, ma e leai foi se tasi o le a faasalaina ona o lana sootaga faale-tapuaiga. O aiaiga faaleagaga nei. Peitai o le avea ma tagata o Filatelefaia, o le a manaomia ai le tagata ina ‘ia ia taliaina poutu faapitoa e fitu o le faatuatua. O le a suesue atili i lenei mataupu i se taimi mulimuli ane.

Se’i tatou vaavaai nei ia Sarataisa ma Laotikaia, lea e fausia ai se vaega o ekalesia mulimuli e tolu.

O Sarataisa o le ekalesia lea “ua i ai le igoa faapea o loo ola, a ua oti”. Ua fetalai atu Iesu i le toatele iina: “Afai foi o le a e le mataala, o le a Ou alu atu ia te oe e pei o se gaoi, o le a e le iloa foi le itula o le a Ou alu atu ai ia te oe.” Faaaliga 3:3

O le toatele o tagata o Sarataisa latou te le iloa le itula o le a afio mai ai Iesu, aua o le a latou le maua le Agaga Paia (vaai i le amataga o lenei suesuega). O lea foi o le a afio faafuasei mai ai Iesu i se tulaga foi e ofo ai, mo i latou.

O lea la, e taua lou le patino i Sarataisa, le ekalesia oti! O le ‘alo ese mai i le avea ma tagata o Sarataisa, e tatau i le tagata ona ia iloa uiga o Sarataisa.

O Sarataisa o loo fausia ia i latou e le’i taliaina le fautuaga a Iesu ia Sarataisa. O faapefea ona faailoa atu e Iesu Ia lava ia Sarataisa?

Ia e tusi foi i le agelu a le ekalesia oi Sarataisa, o mea nei ua fai mai ai Le ua i ai Agaga e to’a fitu o le Atua, ma fetu e fitu; ua Ou iloa au galuega, ua ia te oe le igoa ua e ola, a ua e oti. Faaaliga 3:1

Ua toe fetalai foi Iesu e faatatau i fetu e fitu, o Orion, aua, mai iina na semanu e sau ai le faaolataga mai i lo latou tulaga oti faaleagaga. Ana faapea e taliaina lenei feau matagofie, semanu ua faia se toe faaolaolaga e ala i le faafouga a le Agaga Paia. Ae ui i lea, o le toatele o tagata Sarataisa, ua leva ona feoti muamua.

O Sarataisa Oti

Ua faapena, o Laotikaia e le gata o ia o le ekalesia Aso Fitu, e pei ona talitonu i ai le tele o Tagata Toe Fuataiina poo faaputuga foi o Tagata Toe Fuataiina, ae faapena ai foi le vaega faaleogalua o ekalesia Aso Fitu uma ma ona tama’i kulupu na vavae ese mai. O tagata faapena, e le mafaafesiligia, o loo i ai foi i le SDA Reformation Movement ma isi vaega, e o’o lava i ta’ita’i ma o latou tagata ekalesia.

O le amio masani faa-Laotikaia na te manatu o loo ia mauoa, aua na te manatu o loo “fa’aa’upegaina o ia” i le Tusi Paia ma Ellen White, ma e leai lava se mea e tupu ia te ia. A ua galo ia te ia, o Ellen White lava na fai mai so’o lava o le talaaga o le a toe fa’aluaina, ma e tatau ona tatou a’oa’o mai ai, o le a sili atu le tele o le malamalama fou, ma e tatau ona tatou saili mo le malamalama lea e pei ona saili mo le oa lilo, ma e na o i latou lava e saili o le a i’u lava ina latou maua.

O tagata Laotikaia latou te faaaogaina fuaitau e tetee ai i nei suesuega ona o le setiina o le taimi, lea latou te le’i malamalama i ai aua latou te matitiva faaleagaga, tauaso ma le lavalava. Latou te le saili mo le upu moni aua latou te manatu ua latou malamalama i mea uma i o latou mafaufau atamamai.

Latou te tauaso aua latou te le iloa le matagofie o le feau o Orion ma le loto gatasi o nei valoaga. Latou te le gafatia le faitioga a Iesu o loo aumaia ai iina, aua latou te talitonu e sili a’e i latou nai lo mea uma ma ua latou atoatoa.

Mo i latou, ua fetalaia atu i ai e Iesu upu e sili ona leaga ua tulei mai i Lona fofoga i totonu o le Tusi Paia.

O Laotikaia ma le Uiga Faafefeteina Fia Sili Inoino i Isi

Laotikaia ma le FaamasinoinaO i latou nei e iloa le tele o siitaga ma, latou te faitioina o latou au uso, o e o loo i ai pea i totonu o le ekalesia Aso Fitu, o “Papelonia” lea mo i

latou; o e e talitonu ua ia i latou le tiute e lapataia ai i latou ina ia o ese mai iina aua o la latou ekalesia ua matua sili atu ona “mauoa”.

I le taimi lava lea e tasi, i lo latou faaleogalua ua latou le toe alolofa ai i o latou tuaoi/uso a tagata, e o’o lava i lo latou au uso. Ua ia i latou le uiga faamasino ma latou te auai i a’oa’oga maoti faaletapuaiga, pe sili ai foi ia i latou lo latou taulai i mataupu faapolokiki a le lalolagi, aua latou te manatu ua uma ona latou maua mea uma lava i totonu o le Upu a le Atua. Latou te faitioina nei suesuega ma faaigoaina fai mai o ni suesuega e leai se uiga poo a’oa’oga faaletapuaiga foi e le manaomia, ma galo ai ia i latou le mea o loo i ai oa moni o le auro: o loo faatali mai i totonu o le Upu a le Atua ina ia eliina a’e i luga.

A’o feoti faaleagaga i latou o Sarataisa ona ua oti lo latou alofa mo Iesu, o tagata Laotikaia e tatau ona latou talia le faitioga faapea o loo latou loto faamaualuga ma inoino i isi, aua ua latou manatu e na o i latou lava o loo i ai le upu moni.

Latou te mumusu e sailia malamalama fou, e le ona ua latou feoti pe faigata foi ona talia, ae ona ua latou manatu ua siitia a’e i latou i luga a’e o isi uma i lo latou tuputupu a’e faaleagaga. O le agasala lenei o le loto vii faamaualuga ma le faamasino atu, ma o le a luaieseina mai i latou mai i le fofoga o Iesu ona o lo latou lava fia sili faafefeteina faamasino atu.

E toatele e talitonu faapea, i le taimi e sosoo tonu lava ma le iuga o lenei lalolagi, e mafai ona latou tuua vave ai lava Sarataisa poo Laotikaia. Faitau siitaga o loo sosoo mai i le "Signs of the Times” ...

“Signs of the Times“ 01/17/1911, page 7:

“O ekalesia mulimuli e tolu o loo faailoaina mai ituaiga amio e tolu o le taimi lenei: (1 [Sarataisa]) Faalelalolagi Tele lava, oti a’o tautino mai o loo ola, e le o i ai le ola o Keriso, o loo vaaia i totonu o ekalesia tetele ta’uta’ua; (2 [Filatelefaia]) Naunau faamaoni, sailia finafinau o le Atua, o loo faaalia i totonu o se fuainumera sili atu ona itiiti o e o loo vaavaai atu mo le afio mai o lo latou Alii; (3 [Laotikaia]) O i latou ia o loo i ai se iloa i le vaaiga i fafo e faatatau i le upu moni a le Atua, o e e lagona ua latou mauoa ona o lena iloa, faamaualuga ona o la latou amio sili atu ona lelei, ae latou te le iloa le suamalie o le alofa tunoa o le Atua, le mana o lona alofa faaola.

E leai se faamoemoe ia Sarataisa poo Laotikaia. Mai i nei amioga, e tatau ai ona vavae ese mai e e manumalo agai atu i le amio a Filatelefaia – alofa faale-uso. O loo ia aioi i ni nai tagata toaitiiti i Sarataisa. A’o le vaega sili atu ona toatele o i latou i Sarataisa, o le a afio mai i ai Keriso e pei o se gaoi i faasalaga vave lava, ae o le a ia laveaia nisi. E leai sana folafolaga ia Laotikaia atoa. “Ai se tasi e faalogo i lo’u leo," – O loo Ia aioi mai i tagata taitoatasi; peitai o le tagata na te tatalaina le faitotoa o le loto ma faaulufale mai Keriso i totonu, le tagata e sau i totonu o lena mafutaga matagofie lava ma lona Alii faalelagi, o le a sau foi o ia i totonu o le uiga/amio o le alofa faale-uso e ala i lena lava mafutaga. O i latou o le a fausia ai le au totoe o e e tausia le upu o Lona onosai, o i latou na e le o faia i ai sana faitioga, o e ua sauni mo le aveina a’e i le lagi. O le laveaia mai i lena uiga o le faaleogalua, o lona uiga, o se tauiviga faigata lava lea, o le vilivilitai finafinau, o le tauiviga matautia lava; peitai o le e manumalo o le a nonofo faatasi ma Keriso i lona malo e faavavau.”

Leai se Faamoemoe ia Sarataisa poo Laotikaia

Tali atu i fesili ua siitia mai:

3. Fesili:

O i ai ea nisi “lima o le Uati”

O Orion e fausia i fetu e fitu. E o’o mai i le taimi lenei, na tatou faaaogaina na o fetu e lima e faitau ai le Uati ma ona tausaga.

E tatau foi ona tatou manatunatu i fetu e lua o le fusi o fetu e tolu i le itu taumatau o le fetu o Iesu. O fetu e tolu o le fusi o loo faatusalia mai ai le nofoalii o le Alo, le Tama ma le Agaga Paia.

O Iesu faatasi ma lona Tama ma le Agaga Paia, o loo ia faasino i tausaga faapitoa e lua.

O nei tausaga e tatau ona matua taua lava, aua o loo faailoa mai e Peresona e tolu o le Atua.

Ua tatou i ai nei la i luga o eleele paia e tolu:

O mea ola foi e fa na ta’itasi i latou ma apaau e ono na faataali’oina ai o ia; na tumu foi i latou i mata i totonu: latou te le’i malolo foi i le ao ma le po, i le fai atu, E paia, e paia, e paia, Ieova le Atua e Ona le Malosi Uma lava, o le na soifua, o loo soifua, ma o le a afio mai. Faaaliga 4:8

O Laina o le Nofoalii

O le iloaina o laina o le nofoalii e aumaia ai ia i tatou isi tausaga e lua o loo faailoa mai e Iesu:1949 ma le 1950.

O le a se mea ua tupu o lea ua matua faamamafaina mai ai e Iesu?

I le 1949 na amata ai le faasologa o le aveesea o le mataupu e faatatau i le natura pa’u o Iesu mai i a tatou tusi a’oga uma lava. Na mana’o le Ekalesia e fa’alatalata atu i le faagaioiga o le tuufaatasiga o ekalesia uma o le lalolagi. O le amataga lenei o se pa’u maulalo matautia lava mai i a’oa’oga a pioneers/ulua’i ta’ita’i o le ekelasia Aso Fitu, o e sa talitonu na afio mai Iesu i le tino tonu lava e faapei ona i ai ia i tatou, o lona uiga, i le natura agasala pa’u lava lea e tasi, ma o lea la na ia puapuagatia ai i le auala lava lea e tasi e pei o i tatou, i faaosoosoga uma. Afai e aveese e se tasi lenei mataupu ma fai mai na afio mai Iesu i le tino e le’i pa’u, o lona uiga o loo ia fai mai sa i ai se itu na sili a’e ai Iesu i le faatusatusa mai ma i tatou, aua o Ia o le Atua, ma o lea la, na le’i agasala lava o Ia.

O le iuga o le a i ai, o le manatu lea faapea e mafai ona tatou nonofo ai pea i a tatou agasala ma o le a Ia faaolaina i tatou i totonu o a tatou agasala e aunoa ma le laveaia o i tatou mai i a tatou agasala.

1949: O le Natura “Lē Pa’u” o Iesu

O lenei faasologa na amata i le1949 ma na taitaia atu ai, i le tusa ma le 10 tausaga mulimuil ane, i le tusia ma le lomia o le tusi leaga o le “Fesili e faatatau i Mataupu”, lea o loo malamalama i ai le toatele o vaega o tagata Aso Fitu e faapea o le tusitusiga lenei na faamauina ai le fulitua i le Atua a le ekalesia Aso Fitu, aua na ia tatalaina atu ai o ia lava i le faagaioiga o le tuufaatasiga o ekalesia uma.

O lenei mataupu o se kopi tutusa lelei lava lenei ma le mataupu a le au Nikolaitai, lea o loo lapataia mai ai i tatou e le Tusi Paia ma ua tatou “faatagaina o tatou mafaufau ina ia faapogisaina e faatatau i mea e aofia i le agasala ma ua faaseseina i tatou i se tulaga matautia lava”. O le mataupu faaosooso lenei a Palaamo o loo ta’ua mai e Ellen White i Molimau mo le Ekalesia, 9T 267.1. Ua ia fai mai: “Ua latou solia le tulafono ma talepeina le feagaiga e faavavau…” aua ua latou faaleagaina le natura o lo latou Faaola.

I le Uati, ua tatou maua ai nei laina i le “fasi pai”, lea e fesootai atu i le ekalesia o Perekamo 1936 - 1986. I le Faaaliga, tatou te faitau ai i le tusi i le ekalesia oi Perekamo: :

A ua ia te a’u ni nai mea ia te oe, ona ua ia te oe i latou ua taofi i le mataupu a Palaamo, o le na a’oa’o ia Palako ina ia tuu atu se mea e tautevateva ai i luma o le fanauga a Isaraelu, ina ia latou aai i mea ua fasia mo tupua, ma ia latou faitaaga. Ua ia te oe foi o e ua taofi i le mataupu a le au Nikolaitai, o le mea ou te inoino i ai. Faaaliga 2:14, 15

O lenei molimau e aumaia ai ia i tatou faamaoniga atili e iloa ai o le Uati o loo mulimuli maoti lelei i le faasologa o faamaufaailoga e fitu.

1949: Mataupu a le Au Nikolaitai

Talu ai ona o lenei lamatiaga (faapea o le a agai atu le ekalesia Aso Fitu i le faagaioiga o le tuufaatasiga o ekalesia, poo se mea e sili atu foi ona leaga), o lea na auina atu ai e Iesu faifeau e to’a lua i le Koneferenisi Aoao i le 1950; o Robert Wieland ma Donald Short.

Na la tusia se tusitusiga matagofie lava, lea sa la faamatalaina ai le mea tonu lava na tupu i le 1888, lea na mafua ai ona fai mai Ellen White, i le na o le lua tausaga mulimuli ane ai (1890) e faapea, o le malamalama o le Agelu Lona Fa sa teena ma na aveesea mai ai i le ekalesia lona avanoa e alu ai i le lagi.

O lea tusitusiga na faaigoaina “Ua Toe-Auiliiliina le Mataupu o le 1888”.

O faifeau o Wieland ma Short, o le taumafaiga lona lua lea a Iesu ina ia avatu le malamalama o le Agelu Lona Fa i Lana ekalesia, e pei ona ia faia muamua e ala mai i faifeau o Waggoner ma Jones. O le Koneferenise Aoao a le ekalesia Aso fitu na latou teena foi a la suesuega faapea na soona faateleina, aua na valaau faifeau mo le salamo o le ekalesia atoa ma se toe fuataiga, o se sauniuniga lea a le ekalesia na manaomia i le taimi lena ma le taimi foi lenei mo le toe afio mai o Iesu.

1950: “Ua Toe-Auiliiliina le Mataupu o le 1888”

O faifeau o Wieland and Short na la faia le mea sili na la mafaia e a’oa’i ai le ekalesia ma faatauanau atu ai ia vavae ese mai i le aumaia o a’oa’oga sese e faatatau i le natura o Iesu, lea o le a taitaia muilmuli atu ai i le faafanoga o le ekalesia. Peitai e le’i taliaina la la aoaiga.

O le mataupu e faatatau i le natura le-pa’u o Iesu na i’u ina taitaia atu ai i le agasala fa’aaliali na faia e le ekalesia i le 1986, o lo latou fesootai lea ma le faagaioiga o le tuufaatasiga o ekalesia, lea e mafua ai ona i ai ia i tatou le tele o tagata ekalesia le faamaoni, e agasala fa’aaliali i se tulaga e ofo tele ai, o lea, o le toatele o i tatou ua le o toe tosina i a tatou faapotopotoga ona e le o toe tutusa lo tatou faatuatua ma i latou.

O lea ua toe lapata’i mai ai Iesu ia i tatou i le taimi lenei, ma le tele o lona onosai, ina ia se’ieseina atoatoa nei pepelo e faatatau i Lona natura, aua o le sini o Lana galuega i le fogaeleele ua osofaia tu’usa’o lava e nei faaupuga sese e faatatau i Lona natura.

O le a e maua se suesuega loloto ma mae’ae’a e faatatau i laina o le nofoalii o loo faasino i tausaga o le 1949 ma le 1950 i le “O Laina o le Nofoalii." I le Va’a o le Taimi, o le a e vaaia ai, na faailoga foi e Iesu i totonu o Lana Upu, i se auala faapitoa lava, le iuga o lena sefulu tausaga matautia na amata i le 1950s, lea na aumaia i totonu le fulituaga sili ona leaga a le ekalesia.

O se Lapataiga Na Teena

http://www.lastcountdown.org/index.php/the-clock-of-god/the-throne-lines




I le taimi o la’u suesuega o “Valoaga o le Lumanai” na amata ai ona manino mai se isi vaega taimi. Na faaalia mai na auina atu e Iesu se faatonuga tu’usa’o i le va’a o Lana ekalesia (ship) i tausaga e tusa ma le 1865, lea na taitaia atu ai i se suiga maumaututu o lona taulaiga.

Ina ua uma ona ou maua le faailo e ala i lena suesuega, na ou maitauina, o le sosooga o laina o le nofoalii i le itu tauagavale, na faasino tonu atu lava i le 1865 ma le 1866. O nei tausaga e lua na faailogaina e Sapati faavaloaga o le malumalu.

Peitai o faatagaina ea i tatou e fa’aumiina atu laina i le isi itu pe afai e le o i ai se fetu i lena taulaiga? I le tulaga e faatatau i laina o loo faailogaina e mea ola, e matua leai lava. A’o laina o le nofoalii, ia o loo fausia mai ia Iesu ma le Tama ma le Agaga Paia, o loo i ai moni iina se faailo faapitoa i le faaaliga muamua a Ellen White:

O lenei malamalama na susulu atoa atu lava i le ala, ma foaiina atu ai le malamalama mo o latou vae ina ia latou lē pa’ū’ū ai. Ma afai latou te faatumauina o latou mata i luga ia Iesu, lea sa i o latou luma tonu lava, ma taitaia atu i latou i le Aai, latou te saogalemu. Peitai e le’i umi ae faavaivai loa nisi, ma na latou fai mai o le Aai e matua mamao tele, ma na latou fai mai na latou ulufale muamua atu i ai. Ona faalototele lea o i latou e Iesu e ala i lona siitiaina o Lona aao taumatau mamalu, ma o lona aao na sau ai se malamalama matagofie lava lea na susulu mai i luga o le vaega o i latou na faatalitali mo le toe afio mai o Iesu, ma na latou alalaga, "Aleluia!" {EW 14.1}

O le Lima Taumatau o Iesu

http://www.lastcountdown.org/index.php/shadows-of-the-future



A nofo Iesu i luga o Lona nofoalii ma faasaga mai ia i tatou ma Ia siitia lona lima tauagavale, e faasino atu lona lima i tausaga o le 1949 ma le 1950. Afai Na te siitia i luga Lona lima taumatau, e faasino atu i tausaga o le 1865 ma le 1866.

O i tatou taitoatasi e tatau ona taliaina lenei feau ma le olioli tele, lea sa avea ma a’oa’oga tumau i nei tausaga i totonu o la tatou ekalesia, ma ia avea ai ma vaega o lona olaga. Ua uma ona auina mai e Iesu faaaliga e faatatau i le toe fuataiina o le ola maloloina talu mai le 1863, peitai i le aso ta’uta’ua o le 25th o Tesema 1865, na faatonu ai e Iesu Ellen White i le faaaliga ina ia amata le galuega o le ola maloloina i le fausiaina o falema’i ma ia a’oa’oina le feau o le ola maloloina e avea o se vaega tumau o a’oa’oga a le ekalesia Aso Fitu.

O le taimi lava lena, na latou mulimuli ai i le faatonuga a Keriso ma i le Koneferenise Aoao i le 1866, na folafolaina ai e Ellen White le avea o la tatou feau o le toe fuataiga o le soifua maloloina o se a’oa’oga tumau. O le tausaga muamua foi lena na lomia ai le a’oa’oga e ta’ua o le “Tagata Toe Fuata’i o le Soifua Maloloina”.

I le tausaga lava lea e tasi, na tatala ai e le falema’i o le “Western Health Reform Institute” ona faitotoa. Tatou te iloa atili uma lava le falema’i lea i lona igoa “Battle Creek”.

O La Tatou Toe Fuataiga o le Soifua Maloloina

I le tusi “Early Writings”, ua aumaia ai e Ellen White ia i tatou se isi faailo e faatatau i le fesili poo ai e patino i le 144,000 ae poo ai foi e faatagaina e ulufale atu i totonu o le Malumalu Faale-Lagi:

Ma ina o le a tatou ulufale atu i totonu o le malumalu paia, na siitia e Iesu lona siufofoga alofa ma fetalai mai, E na o le 144,000 lava e ulufale mai i le nofoaga lenei, ma na tatou alalaga Aleluia! “O lenei malumalu na lagolagoina e poutu e fitu, e faia uma lava i le auro tioata, na faamauina i penina sili ona matagofie. {EW 18.2}

O le malumalu o loo faatusalia mai ai le faasologa o talitonuga o tagata taitasi o le 144,000. O loo faavae i pou tu e fitu. E o‘o mai i le aso lenei, e leai se tasi na mafai ona faailoaina maoti mai poo le fea o a tatou mataupu o loo fausia a‘e ai poutu e fitu. A‘o lenei ua mafai ona tatou iloa...

O Pou Tu e Fitu o le Malumalu

1844: O la tatou Mataupu e faatatau i le Malumalu, le amataga o le Faamasinoga Suesue i le Lagi.

O Poutu e Fitu o le Faatuatua

1846: O le Sapati aso-lona Fitu e faavae i le vaiaso o le foafoaga.

1865: O la tatou Toe Fuataiga o le Soifua Maloloina.

1914: O lo tatou Le-auai i taua, tusa lava pe aveesea ai o tatou ola.

1936: O lo tatou le faia o se sootaga/maliega ma le Malo, tusa lava pe aveesea ai o tatou ola.

1950: O le Ta’uamiotonuina e ala i le Faatuatua, i le Usitai atoatoa i poloaiga a le Atua ona o le alofa ia Iesu. O le mauaina o se amio paia a’o le’i toe afio mai Iesu.

1986: O le Le Faatasi ma isi tapuaiga. O le le auai i le faagaioiga o le Tuufaatasia o ekalesia eseese uma i le lalolagi.

O le vaavaai atu i laina o le nofoalii i lo latou tulaga atoa, tatou te maua ai o loo latou faailoa mai ai le auaunaga a Iesu i le fogaeleele…

O lona aao tauagavale na aumaia ai i Ona tagata le amiotonu e ala i le faatuatua… ma aumaia ai se faataitaiga o le auala e mafai ai ona tatou ola i se olaga mama i le usitai atoatoa i poloaiga a le Atua, e ala i le gauai atoa o o tatou loto i le Tama.

O lona aao taumatau na faamaloloina tagata. Na ia faamaloloina ma’i o tagata i soo se mea. E tatau foi ona tatou mulimuli i Lana faataitaiga ma faamalolo o tatou tuaoi e ala i lo tatou iloa e faatatau i le toe fuataiga o le ola maloloina.

Talu ai ona o le suiga itiiti i totonu o fetu e tolu o le fusi, o loo i ai laina e lua o loo ui atu le isi i luga o le isi, o loo faailoa mai ai le tumutumuga o le olaga o Iesu: O Lona maliu lea i luga o le satauro mo i tatou.

O laina o le nofoalii o loo faasinoina i tatou ia Iesu, ina ia tatou ola e pei ona Ia ola, ma aoaiina ma fautuaina mai ai i tatou ina ia tatou sauni e feoti mo lo tatou faamaoni ia Iesu pe afai o le a manaomia ai. E le o toe umi ae tofotofoina loa le toatele o i tatou i lenei tulaga.

O le Lima Tauagavale ma le Lima Taumatau o Iesu

Tali atu i fesili ua siitia mai:

4. Fesili:O le a moni lenei feau?, Aisea ua tatou maua ai lenei feau i le taimi lenei?

Na tusia e le Atua vaega taimi e tolu o le talaaga o le Faagaioiga o le Faatalitali mo le Toe Afio Mai o Iesu i le vanimonimo, lea o le a tofotofoina ma luluina ai Ona tagata, ina ia latou sauni ai mo le tofotofoga mulimuli. Peitai na Ia faailoa mai foi ia i latou mataupu sa’o, ina ia latou sauni ai mo le tofotofoga mulimuli. O lenei tofotofoga o le a o’o vave mai nei lava, ae e le o’o mai a’o le’i o’o atu lenei feau i le 144,000 ina ia avatua ai le leo i le Alaga Tele.

I le tusi o le Early Writings, ua tatou faitau ai o le siufofoga o le Atua o le a faailoaina mai le aso ma le itula o le afio faalua mai o Iesu, ma o lenei leo e sau mai i Orion. Mulimuli ane o le a faatupulia ai e tagata o le Atua le ita o malo.

O le feau o se valaau lea ina ia salamo mo ekalesia Aso Fitu ma tagata taitoatasi. O loo aumaia ai Semurana ma Anetipa o se faataitaiga lea mo le auala e tatau ona tatou amio a’i i le taimi o le sauniuniga ma tofotofoga: I le faamaoni lea i poloaiga a le Atua, tusa lava pe aveesea ai o tatou ola!

Tumau Faamaoni i Poloaiga!

O lenei feau ua o’o mai nei ia i tatou i se malosi faatupulaia, i se taimi puupuu lava a’o le’i faailoaina mai tulafono o le Aso La. O loo i ai se mafuaaga mo lenei tulaga. Ua faailoa mai e le Atua le auala ua pa’u ai Ona tagata i tofotofoga taitasi e tolu ua mavae atu, ma le auala e tasi na mafai ai ona tumau faamaoni se vaega itiiti lava.

O le tofotofoga tele mulimuli lava ua i o tatou luga nei. O le faamaufaailoga lona lima ua tatalaina nei, ma i le vaega taimi o Tuatira, mo le taimi mulimuli lava e tasi lenei, ua fetalai mai ai nei le Atua i Ona tagata toatele lava, le ekalesia Aso Fitu:

A ua ia te a’u ni nai mea ia te oe, ina ua e faatagaina lena fafine o Iesepela, o le ua ta’ua o ia e ia o le perofeta fafine, na te a’oa’o ma faatosina A’u auauna ina ia latou faitaaga, ma ia latou aai i mea ua fasia mo tupua. Na ou avatu foi ia te ia le vaega taimi e salamo ai mai i lana faitaaga; ae le’i salamo. Faauta, o le a Ou lafoina o ia i se moega, atoa ma e ua mulilulua faatasi ma ia i le puapuaga tele lava, seivagana ua latou salamo mai i a latou galuega. O le a ou fasiotia foi ana fanau i le oti; o le a iloa ai foi e ekalesia uma, o A’u o Le e suesue i manao ma loto: o le a Ou avatua foi ia te outou taitoatasi e tusa ma a outou galuega. Faaaliga 2:20-23

Na ou tusia se tusitusiga ese mai mo lenei ulutala, “O le Tagata Aso Fitu o Ekalesia Tuufaatasi Uma o le Lalolagi”, peitai o isi foi manatu e fetaui iinei, o isi autu ia o le faasologa o tusitusiga ua faaigoaina, “E leai se Mea na Tupu?".

Alu Ese Mai i le Faagaioiga o le Tuufaatasia o Ekalesia Uma o le Lalolagi!

http://lastcountdown.org/index.php/behind-enemy-lines/nothing-happened/the-ecumenical-adventist



















O faifeau o Robert Wieland ma Donald Short na la faailoa mai, afai e le salamo le ekalesia ma liliu fa’aaliali e aunoa ma lona manatunatu i iuga o lona toe fo’i i tua i ulua’i mataupu, o le va’a o le ekalesia o le a matua i ai i le lamatiaga tele lava.

O i tatou taitoatasi uma lava, e tatau ona fesoasoani, ina ia faaali le vilivilitai finafinau lava ina ia aveesea le faalelalolagi mai i le ekalesia.

Afai e le faaalia le vilivilitai finafinau sili lava i le ogatotonu tele o le galuega ina ia puipuia mataupu taua a le upu moni, o le ekalesia o le a o’o ina faaleagaina e faapei lava o ekalesia a isi talitonuga. … O se mea moni e fefe tele ai lea, o le le naunau faaleano, tulimoe, ma le le naunau paie ua i ai nei i tane oi tofiga faamoemoeina, ma ua i ai se tulaga faatupulaia o le faamaualuga loto vii ma le le amanaiaina i se tulaga e fefe ai, o lapataiga a le Agaga o le Atua.... O mata o tagata o le Atua ua foliga mai ua faatauasoina, a’o tafea faataalise atu lava le ekalesia agai atu i le ala o le faalelalolagi. {4T 512.3}

O le lalolagi e le tatau ona aumaia i totonu o le ekalesia, ma faaipoipo mai i le ekalesia, ma faia ai se sootaga o se maliega. E ala i lenei auala o le a matua faaleagaina moni ai lava le ekalesia, ma, e faapei ona faamatalaina mai i le Faaaliga, “o se pa foi e puipui ai manu felelei uma e le mama ma inosia”. {TM, p. 265.1}

O se Valaau mo le Ekalesia Atoa ina ia Salamo

O le feau mulimuli lenei ua aumai e le Atua mo Ona tagata, lea Na te faaaogaina Na te faapotopoto mai ai le 144,000 mo le Alaga Tele, ma faamausaliina ai poutu faavae o le talitonuga faale-ekalesia Aso Fitu i le malamalama fou.

E pei ona tatou vaaia, o poutu e 7 o lo tatou faatuatuaga ua toe faamausaliina mai i lenei feau. O nei poutu ua tatau nei ona toe faatuina ma o le va’a o le ekalesia e tatau ona faamamaina mai i mea o loo faaleagaina ai.

O lenei feau e mo tagata taitoatasi uma lava, ae e mo ta’ita’i foi o e ua i ai se matafaioi tele lava i nei tausaga mulimuli o loo totoe. O le Faamasinoga o E ola ua amatalia nei.

Fesoasoani i ou ta’ita’i, ae ia e apoapoa’i foi ia i latou pe afai latou te a’oa’o tetee i poutu o lo tatou faatuatuaga! Vaai toto’a lava i le mataupu sese o le natura-le-pa’u o Iesu! Fautua i o tatou uso ma tuafafine ina ia faamaoni i le feau o le soifua maloloina ma le tapulaa e faatatau i ofu ma lavalava, o se vaega lea o poutu!

O nei manaoga e le o ni manaoga tautu i le mataitusi o le tulafono, peitai ia e fesili ifo ia te oe lava, ona o lou alofa ia Iesu, poo e naunau ai ea e faia le mea Na te finagalo Na te silasila mai o e faia, ina ia faailoa atu ai ia te Ia lou agaga faafetai mo Lona maliu mo oe.

Aua e te gugu i luma o le faalelalolagi! Fautua, fafagu i luga isi!

Toe Fa’afo’isia Mai ma le Toe Fuataiga

O le Ekalesia Aso Fitu ua faaleagaina, ma o le Koneferenisi Aoao e le o toe i ai ia i latou le tuugalamepa o le upu moni. O ai la o i ai le tuugalamepa? O faaputuga o tagata vavae ese mai poo ekalesia Toe Fuataiina latou te le o faataunuuina le valoaga, ina ia tumu moni lava le lalolagi i lo latou malamalama. O le fesoasoani e tatau lava ona sau mai i “luga”.

Talu mai lava mea matautia na tutupu i le 1888, o loo tatou faatali lava mo le “Agelu Lona Fa” o le Faaaliga e 18 ina ia sau e fesoasoani i ekalesia ia o loo i ai le feau a le Agelu Lona Tolu. I le 1950, na tatou toe teena ai o ia i le taimi lona lua.

Ua mavae ia mea ona ou iloa atu lea o le agelu o loo alu ifo mai i le lagi, ua ia te ia le pule sili; ua malamalama foi le lalolagi i lona pupula. Na ia matua alaga foi ma le leo tele, ua faapea atu,Ua pa’u, ua pa’u Papelonia le aai tele, ua avea foi o ia ma mea e nofo ai temoni, ma mea e puipui ai agaga leaga uma, o le pa foi e puipui ai manu felelei uma e leaga ma le inosaia. Aua ua inu malo uma i le uaina o le toasa o lana faitaaga, o tupu foi o le lalolagi ua latou faitaaga faatasi ma ia, ua faatamaoaigaina foi e ua faatau oa o le lalolagi e ala i le faulaiga o ana mea faafiafia. Faaaliga18:1-3

Fesoasoani mai i “Luga”

Peitai e na o le Ekalesia Roma ea ma le Faaporotisano fulitua i le Atua e faatatau i ai nei fuaiupu?

E leai, aua ua a’oa’o mai i tatou e le Agaga o Valoaga:

O le malamalama sa i lenei agelu [lona fa] na ati atu i soo se mea, a’o ia alaga ma le leo tele, “Ua pa’u, ua pa’u, Papelonia tele, ma ua avea foi o ia ma nofoaga e nofo ai temoni, ma mea e puipui ai agaga leaga uma, o le pa foi e puipui ai manu felelei uma e eleelea ma inosia." O le feau o le pa’u o Papelonia, e faapei ona aumaia e le agelu lona lua, ua toe fa’aluaina, faatasi ai ma le faaopoopoga o le toe ta’uina mai o mea leaga uma ma le le faamaoni ua ulufale mai i ekalesia talu mai le 1844. {EW 277.1}

O loo ta’u manino mai e Ellen White ia i tatou fai mai o le feau a le Agelu Lona Fa, o loo faatatau faapitoa lava i ekalesia ia ua faaleagaina talu mai le 1844. O le ekalesia Roma ma ekalesia Porotisano na mautinoa lava na faaleagaina a’o le’i o’o i le 1844. O lea la, o loo ta’u mai e le agelu le faaleagaina o le ekalesia Aso Fitu tele (SDA mother church) ma nisi o ana tama teine lea e manana’o e aumaia ma a’oa’o a’oa’oga sese. O le feau a le Agelu Lona Fa e tatau ona ia toe faatuina a’e poutu tuai o le faatuatua ma faamautinoa mausali ai.

O le Feau a le Agelu Lona Fa

O le malamalama o le Agelu Lona Fa o se feau lea e lua ona vaega; o se mea moni lea o loo masani ona le amanaiaina:

O le tasi vaega o loo aoaiina ai le ekalesia ona o ana amioga le faamaoni (le toe faaluaina o le Feau a le Agelu Lona Lua: O le malamalama sa i lenei agelu [lona fa] na ati atu i soo se mea, a’o ia alaga ma le leo tele, “Ua pa’u, ua pa’u, Papelonia tele, ma ua avea foi o ia ma nofoaga e nofo ai temoni, ma mea e puipui ai agaga leaga uma, o le pa foi e puipui ai manu felelei uma e le mama ma inosia." O le feau o le pa’u o Papelonia, e faapei ona aumaia e le agelu lona lua, ua toe fa’aluaina, faatasi ai ma le faaopoopoga o le toe ta’uina mai o mea leaga uma ma le le faamaoni na ulufale mai i ekalesia talu mai le 1844. {EW 277.1}

Peitai e i ai foi se isi ona vaega o se feau lea o le taimi:

O lenei feau na foliga mai o se faaopoopoga lea i le feau lona tolu, ma faatasi atu i ai a’o faatasi atu le Alaga o le Tulua o Po ma Ao i le feau a le agelu lona lua i le 1844.{EW 277.2}

O le Malamalama o le Agelu Lona Fa e Lua ona Vaega

O le “Alaga o le Tulua o Po ma Ao”, o le feau lea a William Miller e faatatau i le afio mai o Keriso, ma o se feau manino lava o le taimi. O Ellen White o loo ia faatusalia mai le malamalama o le Agelu Lona Fa, i lenei feau o le taimi e ala i lona fai mai, o le feau a le Agelu Lona Fa ua sau e fesoasoani i le Agelu Lona Tolu, e faapei lava o le Alaga o le Tulua o Po ma Ao.

O Miller lava ia sa fai lana miti o loo lomia i le tusi “Early Writings”. I lenei miti, o ana a’oa’oga uma lava na faaleagaina ma faanunumiina ai. Peitai o se isi tane na sau ma toe faamama a’oa’oga uma lava ma na “faasefuluina lo latou susulu mai nai lo lo latou pupula muamua”. O lenei tane lona lua o loo faatusalia mai ai le faagaioiga a le Agelu Lona Fa, ma a’o i ai ia Miller i le taimi ua mavae se feau-o-le-taimi mo le amataga o le Faamasinoga, ua i ai foi i le “Miller lona lua” se feau o le taimi mo le iuga o le Faamasinoga. Na maua e Miller ana ma’a taua i totonu o se “pusa” matagofie, o lona uiga, o totonu lea o le Tusi Paia. O le “pusa” a le William Miller lona lua na “sili atu lona tele ma sili atu lona matagofie” ... o Orion.

A se faailo: Soo se tasi lava e fai mai ua ia te ia le malamalama o le Agelu Lona Fa, ae peitai ua na o se feau lava o le taimi ua ia te ia, e tutusa lelei lava lona sese e pei o se tasi ua na ona i ai o se feau o apoapoaiga. O vaega e lua e patino faatasi!O loo o’u faamatalaina le mataupu e faatatau i le taimi i se tusitusiga ua faaigoaina , “Aso ma le Itula”.

O le “Pusa” a le William Miller Lona Lua

http://www.lastcountdown.org/index.php/the-clock-of-god/day-and-hour




O le a le aafiaga o le a i ai o le feau a le Agelu Lona Fa... Le Feau o Orion?

O le tele o taimi tatou te faitau ai i fuaiupu o le Faaaliga 18 i se tulaga salusalualuga. Ina ua mavae le Agelu Lona Fa, ona sau ai lea o se isi Leo ma se feau:

Na ou faalogo foi i se isi leo mai i le lagi, o faapea mai, Ia outou o ese mai ia te ia, O’u tagata, ina ia le faatasia outou i ana agasala, ina ia le tofusia foi outou i ona mala. Aua o ana agasala ua o’o a’e i le lagi, ua manatua foi e le Atua ana amioleaga. Faaaliga 18:4, 5

O le tele o tusitusiga ua latou iloa i se tulaga sa’o, o le “leo mai i le lagi” o le siufofoga lea o Iesu i lenei fuaiupu. Peitai o nisi ua latou fai mai o le Agaga Paia lea o loo fetalai iinei. O le feau lenei, o le feau lea o le Uaga Mulimuli.

O le Siufofoga lea o le Atua o loo sau mai i Orion, ma o le Agaga Paia o le a Ia taitaia nei i latou taitasi uma lava o le 144,000 i upu moni uma, ma taitaia ai i latou, i lenei taimi faaletalaaga, ina ia latou talia lenei feau ma ia salamo foi. O lenei tulaga o le a vave lava ona i’u i le Alaga Tele.

O le Alaga Tele

E faapei ona matou faailoaina atu i isi suesuega, o le Vatikana ua ia sauni nei e tietie i le manu feai o le Faaaliga 17. I le aso 10 Iulai 2009, na faatuina ai le G20 (malo e 20 e sili ona tetele ma sili ona tamaoaiga i le lalolagi) e avea ma pule fou faapolokiki na te taitaia le Puleaga Fou a le Lalolagi (New World Order)

O ni nai aso na se’i mavae atu, na aioi atu ai le Pope mo le pule aoao i lenei manufeai (G20) e ala i le faamatalaga tusitusia aloaia a Benedict XVI. I le aso 10 Iulai 2009, ina ua mavae le fonotaga a le G20, na alu sa’o ai lava Obama i le Pope. Sa faia sa la fonotaga faalilolilo ma na faailoa atu e Obama le filifiliga o le ioega a malo i le Pope.

O loo mafai ona tatou faitauina mea o loo tutupu i tua o tuaoi o le fili i le ata o loo i le talita (coat of arms) o le ofu poo le pulou o le Pope ma le faailoga o tausaga o Paulo (faitau atili i ai i le “O Tua o Tuaoi o le Fili”).

I le spring/tau e totogo ai lau o laau i le 2012, na amata ai le Faamasinoga o E ola. Ua faapotopotoina nei e le Atua i le taimi lenei le 144,000 e ala i lenei feau faapitoa, lea e na o i latou lava e mafai ona malamalama i ai, ma o lenei galuega o le a faauma faaatoatoaina e le Agaga Paia. O lea la, o le sauaga o i latou e talitonu i lenei feau, ua amata nei. Faamolemole toe faatusatusa le faaaliga muamua a Ellen G. White.

Aisea ua Aumaia ai Lenei Feau i le Taimi Lenei?

http://www.lastcountdown.org/index.php/behind-enemy-lines






Ua tatou i ai nei i le itula lona 11 o le galuega.

Aisea? Se’i e toe tepa i le Uati a le Atua. O le itula mulimuli o le Faamasinoga o E oti, na amata i le 7 tausaga a’o le’i o’o i le 2012. O le tausaga lea e 2005. Na faailoga e le Atua le amataga o le itula mulimuli i le Sunami tele i le aso Kirisimasi 2004, ma i le 2005 na filifilia ai Benedict XVI e avea ma Pope fou.

Talu mai le amataga o le 2005, na amata ai ona faamatala faasolosolo mai e le Atua nei suesuega uma lava ia te a’u. E le’i i ai se tasi na mana’o e faalogo i ai.

Mo le fitu tausaga na amata ai ona fealua’i se tane agai i luga ma lalo o auala o Ierusalema, ma faailoa atu auega o le a o’o mai i luga o le aai. O le ao ma le po na ia alagaina ai le auega o le faanoanoa: “O se leo mai i sasa’e! o se leo mai i sisifo! O se leo mai i matagi e fa! O se leo e faasaga ia Ierusalema ma le malumalu!! O se leo e faasaga i faato’afaiava ma faato’anofotane! O se leo e faasaga i le malo uma!”—Ibid. O lenei tagata uiga ese na falepuipuiina ma sauaina, peitai e leai se faitioga na sau mai i ona laugutu. I tauemuga ma sauaga, sa na ona ia tali atu lava: “Oi talofa, oi talofa ia Ierusalema!” “oi talofa, oi talofa i e o nonofo ai!” O lana alaga o le lapataiga e le’i muta seia o’o ina ua fasiotia o ia i le faaumatiaga o le aai na ia valoiaina. {GC 30.1}

Na faataga e le Atua ina ia ou faia– e pei ona faia e William Miller muamua – se sese o le tausaga e tasi i le lomiga na mavae atu o lenei suesuega. E o’o lava i lea tulaga o loo le malamalama sa’o i ai tagata, ma o lea ua latou faaigoaina ai a’u o se “perofeta” pepelo. Peitai ua na o a’u o se tagata suesue o le Tusi Paia ma e leai se tasi ua ia maua le sese i le tausaga o mala poo le faaleleia atiliina foi.

O fea, lo’u au uso pele, o le a e tu ai pe afai e taunuu moni mea uma? O afea o le a e tuua ai lou vaivai faaleagaga?

O le Feau o le Itula Lona 11

“O ese mai ia te ia, O’u tagata e, ina ia le faatasia outou i ana agasala, ia le tofusia foi outou i ona mala. Aua ua o’o a’e ana agasala i le lagi, ua manatua foi e le Atua ana amio leaga.” Rev 18:4

O le faitotoa o le alofa tunoa mo le ekalesia Aso Fitu i le avea o ia ma faalapotopotoga ua amata ona tapunia i le aso 27 Oketopa 2012 ma, o lea la, ua valaau nei le Atua i le taimi lenei i mamoe mai i isi ekalesia ia o ese mai. Peitai o fea e tatau ona latou o i ai? O le a fufulu e le Atua i le taimi lenei le ekalesia Aso Fitu e ala i faasalaga leaga lava ma o le a faasaolotoina o ia mai i lona faauluuluga o ta’ita’i fulitua i le Atua. Seivagana ua o’o i le taimi lena, e tatau ona tou faatasi i totonu o tama’i kulupu laiti i totonu o aiga ina ia suesue le feau a le Atua ma ia sauni loa mo mea tutupu mulimuli.

O loo aioi mai le Atua ia i latou uma lava o loo i ai pea i totonu o ekalesia o loo tausiaina ai le Aso La:

http://lastcountdown.org/index.php/shadows-of-the-future/the-new-light/the-end-of-the-sda-church



Tali atu i fesili ua faatuina mai:

5. Fesili:O i ai ea ni faamaoniga faaopoopo e iloa ai e moni le Uati a le Atua ma e fesootai moni lava ma le Tusi Paia?

O le a le sootaga o le galuea’iina-faanumera e mafai ona faia, e maua ai fuainumera e ono i le US Lotto 6/49?

Tali:E tatau ona tatou filifilia fuainumera sa’o e ono mai i numera e 49 e mafai ona filifilia. O le faasologa o fuainumera e leai sona taua.

O le tulafono faa-matematika o le:(49 * 48 * 47 * 46 * 45 * 44) / 6! = 13,983,816

O lea la, afai e fa’a-14 miliona le tele o taimi tatou te taaalo ai i le loto, e mafai ona tatou manatu e fa’a-tasi ona tatou maua fuainumera sa’o e ono. A’o lo tatou taaalo i vaiaso taitasi, o le a sili atu pe itiiti ifo ai foi le mauaina, fa’a-tasi, i tausaga uma ta’i 269,000!

Poo se mea ea ua na ona tupu faafuasei ma ua fetaui ma le taimi?

O se Iloiloga Auiliili faa-FuainumeraO le a le galuea’iina o fuainumera e mafai ona faia, e iloa ai, o faaputuga o fetu o Orion o loo faasino sa’o lava i tausaga sili ona taua o le talaaga o le ekalesia Aso Fitu?

Tali:E tatau ona tatou filifilia mai fuainumera sa’o e iva mai i tausaga e 168 e mafai ona filifilia. O le faasologa e tatau ona sa’o, ma e tatau ona tatou toe galuea’iina aofai o tausaga o loo totoe pe a uma filifiliga taitasi.

O le tulafono faa-matematika o le:168 (1844) * 167 (1846) * 165 (1865) * 146 (1866) * 145 (1914) * 97 (1936) * 75 (1949) * 62 (1950) * 61 (1986)

= 2,696,404,711,201,740,000

O se Faatusatusaga e Ofo ai

O le tulaga e ono mafai ona iloa ai o le Uati a le Atua ua na o se mea lea na tupu faafuasei ma o se a’oa’oga sese lea, e faa-14,000 (!) e itiiti ifo ai…

…ina ia manumalo fa’alua ai i le US Lotto, ma ona numera e ono.

Afai, na tatou tuufaatasia i la tatou auiliiliga, le mea moni lea na tatou tuuesea faapea o le Uati o Orion, o loo lafoia mai ai ma faailoa mai ai faamaufaailoga uma e 7 ma ekalesia o le tusi o Faaaliga ma valoaga-uma e fesootai i ai, a Ellen White, o le a tatou maua la se fuainumera tele lava o le a faailoa mai ai, o le tulaga e mafai ona galuea’iina, e iloa ai o le Uati o Orion atonu ua na o se mea na tupu faafuasei…

… E, LEAI SE MEA- ZERO!

E le Mafai ona Avea o se Mea na Tupu Faafuasei!

O Mea Ofoofogia ua IloaAe mulimuli ai lava, o le a tatou faia ni suesuega sili atu ona ofoofogia o le a toe faamautinoaina mai ai, o le Uati a le Atua o le mea moni lea. Mo lenei suesuega, o le a tatou faaaogaina ai polokalame o tomai o le taimi lenei tatou te faalatalata atu ai i le Nofoaga Sili ona Paia ma le Fetu o Iesu:

A ia tatou manatua muamua lava:

O le 144,000 na faamaufaailogaina uma ma ua loto gatasi uma. I o latou muaulu sa tusia ai, le Atua, Ierusalema Fou, ma se fetu pupula matagofie lava o loo i ai le igoa fou o Iesu. {EW 15.1}

O fea i Orion, o loo i ai le Fetu o Iesu? O le fetu tauagavale lea aupito i fafo, o le fusi o fetu e tolu. Ma o fetu o le fusi e i ai uma lava o latou igoa-anamua fa’a-Arapi…

O le Igoa Fou o Iesu

Mintaka

Alnilam

Alnitak o le igoa fa’a-Arapi lea

o Iesu ma o lona uiga:

O le Fusi poo O Le na manu’a.

Ona ou faliu lea e vaai i le leo na tautala mai ia te a’u. Ma, ina ua ou faliu, na ou vaai i tuugalamepa auro e fitu; Ua i totonu i tuugalamepa e fitu le tasi e pei o le Atalii o le tagata, ua ofu ia i le ofu tatapuvae, ua fusia foi lona fatafata i se fusi auro. Faaaliga 1:12, 13

Alnitak, o se Sauai Lanu Moana e Matua Uiga Ese Lona Tele

Alnitak e fa’a-100,000 le sili atu o le susulu o

lona malamalama nai lo lo tatou lava la.

Alnitak e le o se fetu e na ona maoa’e lona matagofie ma lona tele, ae o se faaputuga lea o fetu o loo aofia ai fetu e TOLU!Ua toe faailoa mai e Iesu ia i tatou o le Atua e tolu Ona Peresona.

Alnitak – ma ona Siosiomaga

Alnitak

Kasa Mumu

Kasa Mumu e foliga i le ulu o se Solofanua (na iloa i le 1888)

Se’i fa’alatalata atu la tatou vaai. Tatou te maua ai iina mea sili ona ta’uta’ua o suesuega o le taimi lenei e faatatau i mea oi le vateatea i tafatafa ane tonu lava o le Fetu o Iesu…

O le Vaitafe Afi

Alnitak

O le Ao poo le kasa musaesae

O le Ao/Kasa Mumu e foliga mai i le ulu o se Solofanua

O se vaitafe afi na alu atu nai ona luma: e afe ni afe na auauna ia te ia, ma e sefulu afe ni sefulu afe na tutulai i ona luma: na nofoia le faamasinoga, ma na tatalaina tusi. Tanielu 7:10

O le Ao poo se Kasa-Mumu Fa’a-Afi

Na ou vaavaai ina seia tuu mai o nofoalii, na nofo ai foi Le mai anamua Ona aso, o Ona ofu na pa’epa’e e pei o le kiona, o Ona lauao na pei o le fulufulu mamoe e lelei: o lona nofoalii na pei o le afi mumu, ma o ona uili taavavale foi na pei o le afi ua mu. Tanielu 7:9

O uili fesootai o le Uati a le Atua, o fetu ia e tolu o le fusi o fetu, ma mea ola e fa: o fetu ia o le tauau ma vae. I lenei fuaiupu, o loo faaigoaina ai nei mea o se afi mumu. O se faamatalaga matagofie lea ma le tonu o fetu!

O le Kasa poo le Ao-mumū e foliga i le Ulu o se Solofanua

Ona ou vaai lea, faauta foi, o se solofanua pa’epa’e: sa i ai le aufana i le na tietie ai; na foaiina atu foi ia te ia le palealii: ma na ia alu atu o loo manumalo, ma o le a manumalo pea ia. Faaaliga 6:2

Na ou iloa atu le lagi ua matala, faauta foi, o se solofanua pa’epa’e; o le na tietie ai na faaigoaina o le Faamaoni ma le Moni, o le amiotonu foi na te faamasino ai ma tau ai le taua. Faaaliga 19:11

O lea ua tatou malamalama i se isi mafuaaga na ala ai ona filifilia e Iesu se solofanua e avea ma faatusa o lona afio mai, ma le mafuaaga e ala ai ona avea ma solofanua-ma-tagata-o-loo-tietie ai, ia faamaufaailoga muamua e fa, lea na faailoa mai e lima e fa o le Uati.

Orion “Le Tuli Manu“ Ona ou vaai lea, faauta foi, o se solofanua pa’epa’e: sa i ai le aufana; i le na tietie ai; na foaiina atu foi ia te ia le palealii: na ia alu atu foi o loo manumalo, ma o le a manumalo pea ia. Faaaliga 6:2

O le a ou tuuina foi le feitagai i le va o oe ma le fafine, o le va foi o lau fanau ma lana fanau; o le a ia tuimomomoina lou ulu, a’o oe o le a e tuimomomoina lona mulivae. Kenese 3:15

E tele tagata anamua sa i ai manatu faapitoa e faatatau i le faaputuga o fetu o Orion: Na latou talitonu o se “Tagata tuli manu lea ma se U”. O lona vae tauagavale (Rigel) na siitia ina ia solia ai le ulu o le gata (faaputuga o fetu i lalo ifo o Eridianus).

O le a se mea tatou te vaaia moni i totonu o Orion?

O i ai ea se sootaga i le va o mea na fai mai ai tagata anamua ma upu moni faale-Tusi Paia? O le “Tuli Manu” ea poo “Le Sauai" e matua sili atu lona faamatalaina atili nai lo se Uati tele, ma o se faatusa lea mo mea o loo tutupu i le Aso faale-Lagi o le Togiola?

O auaunaga o le malumalu faalelalolagi sa lua ona vaega eseese; o faitaulaga sa auauna i aso taitasi i totonu o le nofoaga paia, ae na fa’a-tasi i le tausaga ona faatino e le faitaulaga sili se galuega faapitoa o le togiola i totonu o le nofoaga sili ona paia, mo le faamamaina o le malumalu. O lea aso i lea aso na aumaia ai e le tagata agasala ua salamo lana taulaga i le faitotoa o le malumalu ma, o le tuuina o lona lima i luga o le ulu o le manu le sala, na ia faaalia ai ana agasala, ma faapena ona aveina atu faafaatusa ai agasala mai ia te ia lava agai atu i le manu le sala o le taulaga. Ona fasia lea o le manu. Ua fai mai le aposetolo, “A leai se faamasaaina o le toto, e leai foi se faamagaloina o agasala.” “O le ola o le tino o loo i le toto.” Levitiko 17:11. O le tulafono ua talepeina a le Atua, na manaomia ai le ola o le tagata solitulafono.

O le toto, lea na te faatusalia mai le ola ua lafoaia,o le tagata agasala, lea sa tauave e le manu le sala lana agasala, na aveina atu e le faitaulaga i totonu o le nofoaga paia ma lulu i luma o le veli, o tua atu o le veli lea sa i ai le atolaau sa i ai i totonu le tulafono lea na solia e le tagata agasala. O lenei sauniga, na aveina atu ai le agasala, e ala atu i le toto, i se tulaga faafaatusa i totonu o le malumalu. I nisi o taimi, e le’i aveina atu le toto i totonu o le nofoaga paia; peitai o le tino o le manu lea ua fasia, na faatonuina ina ia aina e le faitaulaga, e pei ona faatonu atu Mose i atalii o Arona, ua fai atu: “Ua foai atu e le Atua ia te outou ina ia outou tauave le agasala a le faapotopotoga.” Levitiko 10:17. O sauniga uma e lua na faatusalia mai ai le aveina atu o le agasala mai i le tagata-agasala-ua-salamo agai atu i le malumalu. {GC 418.1}

Na faapena le galuega sa faia, i lea aso ma lea aso, i le tausaga atoa. O agasala a Isaraelu na faapena ona aveina atu i le malumalu, ma na manaomia ai loa se galuega faapitoa mo le aveesea o nei agasala. Na faatonu e le Atua ina ia faia se togiola mo potu paia taitasi.“O le a ia faia foi se togiola mo le nofoaga paia, ona o le leaga o le fanauga a Isaraelu, ona o a latou solitulafono foi i a latou agasala uma : o le a faapena foi ona ia faia mo le fale fetafai o le faapotopotoga o loo totoe ia i latou i le lotolotoi o lo latou leaga.” Na tatau foi ona faia se togiola mo le fata faitaulaga, ina ia “faamamaina ai, ma faapaiaina ai mai i le leaga o le fanauga a Isaraelu.” Levitiko 16:16, 19. {GC 418.2}

Na fa’a-tasi i le tausaga, i le Aso tele o le Togiola, na ulufale atu ai le faitaulaga sili i le nofoaga sili ona paia mo le faamamaina o le malumalu. O le galuega na faia ai iina na faamae’a atoa ai auaunaga o le tausaga atoa. I le Aso o le Togiola na aumaia ai tama’i oti e lua i le faitotoa o le malumalu, ona faia lea o vili ia i la’ua, “o le vili e tasi mo le Alii, ma le isi mo le oti e tuuina atu e alu”. Fuaiupu 8. O le oti na pa’u i ai le vili mo le Alii na fasia e fai ma taulaga o le agasala mo le nuu. Ona aumaia lea e le faitaulaga lona toto i totonu o le veli ma lulu atu i luga o le nofoa o le alofa ma luma o le nofoa o le alofa. O le toto na manaomia ina ia luluina foi i luga o le fata e mu ai mea manogi sa i luma o le veli. {GC 419.1}

O le Toto i luga o le Nofoa o le Alofa

O le taimi lena, e pei ona valoia mai e Tanielu le perofeta , o lo tatou Faitaulaga Sili na ia ulufale atu i le nofoaga e sili ona paia, ina ia na faia le vaega mulimuli o Lana galuega paia – o le faamamaina lea o le malumalu. {GC 421.2}

E pei ona tuuina anamua agasala a le nuu e ala i le faatuatua, i luga o le manu fasia mo le agasala, ma ave atu ai loa, faafaatusa, e ala i lona toto, agai atu i totonu o le malumalu faalelalolagi, e faapena foi i le feagaiga fou, o agasala a le tagata-agasala-ua-salamo, e tuuina atu e ala i le faatuatua i luga o Keriso ma avatu, moni ai, i le malumalu faalelagi. Ma a’o faataunuuina le faamamaina o le malumalu faalelalolagi e ala i le aveesea o agasala ia na faaleagaina ai, e faapena foi le faamamaina moni o le malumalu faalelagi e tatau ona faataunuuina e ala i le aveesea, poo le soloiesea, o agasala o loo faamaumauina ai iina.

Peitai, a’o le’i mafai ona faataunuuina lenei tulaga, e tatau ona faia se suesuega o tusi o faamaumauga ina ia iloa ai poo ai, e ala i le salamo mai i agasala ma le faatuatua ia Keriso, ua ta’uaogaina mo faamanuiaga o Lana togiola. O lea la, o le faamamaina o le malumalu, e aofia ai se galuega o le suesuega—o se galuega o le faamasinoga. O lenei galuega e tatau ona faatinoina a’o le’i afio mai Keriso ina ia toe avatu Ona tagata; aua a Ia afio mai loa, ua ia te Ia Lana taui ina ia avatu i tagata taitasi uma e tusa ai ma ana galuega. Faaaliga 22:12. {GC 421.3}

O le Faamamaina o le Malumalu

Mulimuli i le Tama’i Mamoe….Na faapena, o i latou na mulimuli i le malamalama o le upu fa’avaloaga na latou vaaia, e aunoa ma le afio mai o Keriso i le iuga o aso e 2300 i le 1844, na ulufale atu o Ia i le taimi lena i le nofoaga sili ona paia o le malumalu faalelagi ina ia faia le galuega mulimuli o le togiola e sauni ai mo Lona afio mai. {GC 422.1}

O tagata Aso Fitu na latou mulimuli ia Iesu i o latou manatunatuga faale-mafaufau seia o’o i le taimi lena. Peitai o le 144,000 latou te mulimuli i le Tama’i Mamoe Moni o le Taulaga i luma mai o le taimi lea…

Na latou pepese foi e peiseai o se pese fou i luma o le nofoalii, ma luma o mea ola e fa, ma toeaina: e le’i i ai foi se tasi na mafai ona a’oa’o i lea pese, ua na o le selau afe ma afe e fa sefulu ma le fa o afe, o e na faatauina nai le lalolagi. O i latou nei e le’i faaleagaina i fafine; aua o taupou i latou. O i latou nei o e ua mulimuli atu i le Tama’i Mamoe i mea uma e alu i ai o ia. O i latou nei o e ua faatauina nai tagata, o i latou o ulua’i fua ua faapolopoloina mo le Atua ma le Tama’i Mamoe. Faaaliga14:3-4

O le 144,000 o i latou ia e iloaina, o loo tulai Iesu i luma o le Tama ma e le gata ina Ia faailoaina mai ona manu’a, ae na ia faamaligiina foi Lona lava toto i luma tonu lava ma luga o le nofoa o le alofa, ma o lenei tulaga o loo faailoa mai i totonu o se faaputuga o fetu o loo fofola mai i luga o le afe o tausaga o le malamalama...

O Faailoga o Manu’a o Iesu

E tasi lava le faamanatuga e totoe:

O le a tauave e faavavau e lo tatou Faaola faailoga o Lona faasatauroga.

I luga o Lona ao na manu’a, i Lona itu,

Ona lima ma vae,

na pau lava ia o faailoga e iloa ai le galuega leaga na faia e le agasala. Ua fai mai le perofeta, i lona vaavaai atu ia Keriso i Lona mamalu: “Sa i ai ave pupula na sau mai i Lona itu: ma o iina sa natia ai Lona mana.” Sapakuka 3:4,

O lena itu na tuia na tafe mai ai le vai toto na toe faaleleia atu ai le tagata i le Atua—o iina o loo i ai le mamalu o le Faaola, o iina o loo “natia ai Lona mana.” {GC 674.2}

O le iloa lea ua teena e le toatele faapea o le setiina lea o le taimi, o le mea moni lava, ua o’o mai le taimi e “mafai ai ona tatou vaai i se sootaga ofoofogia lava i le va o le iunivesa a le lagi ma le lalolagi lenei” e pei ona folafola mai e Ellen White ia i tatou pe afai o le a tatou suesueina faatasi tusi o Tanielu ma le Faaaliga ma o le a tatou fesiligia foi le fesili lava lea na fesiligia e Tanielu: “O le a le umi o le a i ai seia o’o i le iuga o le taimi?” (vaai slide 61). O lenei la, na tatou mulimuli moni lava ia Iesu agai atu i totonu o le Potu Sili ona Paia, i le nofoaga o loo fautua ai lo tatou Alii mo i tatou ma o le mea lenei o loo tatou vaai i ai i totonu o Orion.

Na Ia amataina lenei auaunaga i le 1844, ma o le a Ia fa’ai’uina i le autumn 2015, ma Ia toe fo’i mai ai i le tausaga 2016 – o le taimi lea, o Ia o le Tupu o tupu ma le Alii o alii.

O loo Ia faailoaina atu Ona manu’a i Lona Tama, lea na Ia maua mo i tatou. O Ona manu’a ua faamauina e faavavau i totonu o se faaputuga o fetu: Orion. Mai i Lona itu na tafe mai ai le vai ma le toto, ina ia foai mai ai ia i tatou le ola: o le Orion Nebula, le nofoaga o le a tatou faapotopoto ai pe afai tatou te faamaoni e o’o i le iuga.

O le Auaunaga Faa-Puluvaga a Iesu

O lena itu na tuia ma na tafe mai ai le vai toto na toe faaleleia atu ai le tagata i le Atua—o loo i ai iina le mamalu o le Faaola, o loo i ai iina “le natiaina o Lona mana.” … O faailoga foi o Lona faalumaina o Lona mamalu silisili lea; i tausaga uma e faavavau o manu’a o Kalevario o le a faailoa mai ai Lona viiga ma faailoa mai ai Lona mana. {GC 674.2}

O lenei autu e toe aumaia ai tatou i tua, e toeitiiti lava a aumaia i tua i le amataga o lenei suesuega—i le tagata o loo tulai i luga o le vai i le Tanielu 12. O iina, na faailoa mai ai, o le vai, o loo faatusalia mai ai le Sami Tioata, le Vai ma le Toto mai i le itu o Iesu.

O tane i itu taitasi e lua o le vai, e tutusa ma ma’a taua e 12, lea o loo ofuina e lo tatou Alii o Iesu i Lona fatafata i le avea o Ia ma Faitaulaga Sili, ma o loo faatusa mai ai ona tagata: o vaega ia e lua o le Feagaiga Fou ma le Faamasinoga o E oti. Ae le gata i lea, o le taimi mo le Faamasinoga o E ola, na folafola mai i upu na tautalagia mai i le 144,000. O le tautoga a Iesu na faailoa mai ai ia i tatou le umi atoa, o le Faamasinoga e o’o atu i le tausaga o mala:

168 tausaga mo le Faamasinoga o E oti (7 * 12 + 7 * 12).

3 ½ tausaga mo le Faamasinoga o E ola.

I le Faaaliga 10, tatou te maua ai le vaaiga lava lea e tasi, seivagana ai, o iinei o loo siitia ai e Iesu na o Lona lima e tasi ma faapea mai “o le a le toe i ai se taimi”.

O ai na Ia faia i ai lenei tautoga?… I tane na o loo faatusalia maia le Faamasinoga o E oti. Mo lenei vaega o le Faamasinoga, o le a taofia ai le folafolaina o le taimi. A’o lenei ua amata le Faamasinoga o E ola, o le auaunaga a Iesu i totonu o le Nofoaga Sili ona Paia ua ulufale atu nei i se vaega fou, ma e le o i ai se lima lona lua o siitia a’e ina ia faia ai se tautoga, “faapea o le a le toe i ai se taimi”. O lea la, o le Agelu Lona Fa, o lenei ua ia folafolaina atu le aso e afio mai ai Keriso i le 144,000.

O le Sami o le Vai ma le Toto

Na ou vaai i agelu e fa sa i ai sa latou galuega e faia i luga o le fogaeleele, ma na latou o atu i lo latou ala ina ia faataunuuina. O Iesu na ofu i ofu faa-Ositaulaga. Na Ia silasila mai ma le alofa i le au totoe, ona Ia siitia lea o Ona lima, ma alaga ma se leo o le alofa loloto faapea, “O Lo’u Toto, Lo’u Tama e, o Lo’u Toto, o Lo’u Toto, o Lo’u Toto!" Ona ou vaai lea i se malamalama matua pupula lava o sau mai i le Atua, o Le sa nofo i luga o le nofoalii tele pa’epa’e, ma sa susulu faataali’oli’o uma atu ia Iesu. Ona ou vaai lea i se agelu ma se faatonuga mai ia Iesu, o lele faataalise atu lava i agelu e to’a fa o e sa i ai sa latou galuega e faia i luga o le fogaeleele, ma talotalo atu se mea agai i luga ma lalo i lona lima, ma alaga ma se leo tele lava, “Faatali! Faatali! Faatali! Faatali! seia faamaufaailogaina auauna a le Atua i o latou muaulu." {EW 38.1}

O iligapu e tolu o loo misi, o le a sau i le 2013. Ma i le autumn 2015, o i latou uma lava e le patino i le 144,000, o le a latou maua mala mulimuli e fitu. Ia sauni e outou outou lava, ina ia mafai ona siitia e Iesu Lona lima mo oe a’o Ia le’i tuua le Nofoaga Sili ona Paia!

Faamagaloga ma le PuipuigaO faapotopotoga o tagata Aso Fitu ia e talitonu pea faapea ua tuu atu e Iesu ia i latou ia valaauina tagata o le Ekalesia a le Atua ina ia o ese mai, lea sa Ia faatuina i le 1844, e tatau ona latou manatunatu loloto i le mea o loo ta’u atu e Iesu ia i latou i Ona manu’a i Orion. O a’u foi na tatau foi ona ou iloa le mea lena, aua sa ou i ai foi i le sese!

I le 1888, ina ua teena e le Ekalesia Aso Fitu le malamalama o le agelu lona fa, na faailoa atu e Iesu i Lona Tama le manu’a o lona vae taumatau. Ina ua agasala le Ekalesia Aso Fitu i le 1914, na Ia siitia a’e Lona lima taumatau ma faailoa atu i Lona Tama le manu’a. I le 1936, na siitia ai e Iesu Lona lima tauagavale ma ole atu i Lona Tama ina ia onosai pea. I le 1986, na faailoa atu ai e Iesu i Lona Tama Lona vae tauagavale, ina ‘ia Ia maua mai ai le faatagaga e faatali ai pea i se taimi umi atu. I le 2015, o le a faamuta ai e Iesu Lana auaunaga faa-Puluvaga faa-Fautua ma e na o le 144,000 lava o le a ola i taimi o mala.

Mo i latou e le’i maitauina pea: E fa foi iligapu sa i ai (taua), i vaega taimi e fa, o ulua’i faamaufaailoga e fa. O le 1860 – o le Taua i Amerika (American Civil War), 1914 – Taua Muamua o le Lalolagi, 1939 – Taua Lona Lua o le Lalolagi, ma talu mai le 1980, e lua Taua/Gulf Wars na fai ai, ma talu mai le 2001 o le taua lea agai i sauaga faapolokiki. Na vaaia e Ellen White mea nei:

O taimi taitasi uma lava na agasala ai le Ekalesia, na faasino ai Iesu i Ona manu’a, ina ia le amatalia e agelu e to’a fa la latou galuega o le faaumatiaga. O taimi taitasi uma lava nei na fai mai ai Iesu, “Faatali!“. O le taimi mulimuli na Ia fetalaia mai ai lenei faatonuga mo le Ekalesia, o le tausaga lea e 2010, ina ua uma ona valoia mai i miti le ono faaumatiaina o le Koneferenise Aoao.

O se amio e faapei o le amio a Keriso, e onosai ma faamagalo ma e le faasinoina atu le lima tusi i lona uso, ae e fesoasoani ia te ia ina ia sola ese mai i le mailei na saunia e le fili mo ia. E te le tau fesootai tuusa’o fua ma i latou i ni sootaga vavalalata ne’i faaleagaina ai oe lava, ae e le tatau foi ona e tuua i latou ia i latou lava ma liliu ese ai mai ia i latou. Na foai mai e Iesu Lona toto mo lenei, o Lana ekalesia.

Soo se tasi e manao e toe lelei ma le Atua, e tatau ona faalelei muamua ma lona uso. Aua na foai mai foi e Iesu Lona toto mo lenei Ekalesia fulitua i le Atua ma na Ia aioi fa’atolu atu i le Tama ina ia faatali. Ma na fa’afa, ona Ia aioi atu mo le lalolagi. O lea la ua tatou malamalama o le “Aso o le Togiola" o lona uiga, e tatau ona tatou lelei muamua ai ma o tatou uso ma tuafafine.

Soo se tasi e manao e patino i le 144,000, e tatau ona ia talia mea uma lava ua faailoa mai e le suesuega o le Orion ia i tatou. E o’o lava i le faamagaloga ma le onosai o Iesu! O ai lava e faia se taamilosaga atoa o Orion, ma talia ai ona a’oa’oga uma, lea o loo faailoaina mai ia te ia iina, ma ia tuufaatasia loa nei a’oa’oga i lona olaga, o le a ia maua fetu e fitu mai i le aao o Iesu lava Ia ma o le a ia maua lona palealii i luga o le Sami Tioata, i le Avanoa i Orion i le 2016.

O le Toe Faaleleiga

O le Ogatotonu o le Vateatea Atoa

O le fiafia le mafaamatalaina e ulufale atu ai fanau a le lalolagi i le olioli ma le poto o agelu e le’i pa’u’u. Ua latou tofusia i oa o le iloa ma le atamai e maua i tausaga ma tausaga i manatunatuga e faatatau i galuega a le Atua.

O le vaai le mafaapuaoaina latou te sioa atu ai i le matagofie o le foafoaga – o la ma fetu ma faaputuga o ia mea uma, i o latou faatulagaga filifilia uma lava o taamilo fa’ataali’oli’o i le nofoalii o le Atua. I luga o mea uma lava, mai i le mea e sili ona itiiti seia o’o i le mea e sili ona tele, o loo tusia ai le suafa o le Atua foafoa, ma o nei mea uma lava foi o loo faailoa mai ai le tamaoaiga o Lona mana. {GC.677.3}

O lea la, o le Orion Nebula, le nofoaga o loo i ai le Aai Paia ma le Nofoalii o le Atua, o le ogatotonu lea o le iunivesa atoa, e pei ona faamatala mai e Ellen White i le iuga o le Finauga Tele, aua o loo faatusalia mai ai Puapuaga o Iesu, o Lona maliu ma Lana Auaunaga Fa’a-Puluvaga mo i tatou:

O oa uma lava a le iunivesa o le a tatala mai i le suesuega a le au faaolaina a le Atua. O le le taofia o i latou e le tino e o’o i ai le oti, latou te felelei atu ai i faigamalaga e le vaivai i lalolagi mamao ese atu.— o lalolagi na faatumulia i le faanoanoa i le vaaiga o le puapuaga faale-tagata ma faatumulia i pese o le fiafia i tala o se tagata ua toe lavea’iina mai.

A uma le suesuega, ou te mana’o e avatu se manatu e faatatau i se isi suesuega, ma tali fesili e masani ona fesiligia mai, ma ta’u atu ia te oe sina faamatalaga e faatatau ia te a’u ma avatu se valaau i lo’u au uso o e e le patino ia Sarataisa poo Laotikaia.

Na mafai ea ona tatou iloa le aso tonu o le iuga o le Faamasinoga Suesue, afai e mafai, na mafai ea ona tatou

iloa foi le aso o le a afio mai ai Iesu?

Ua tatou iloa le aso tonu o le amataga o le Faamasinoga Suesue. O le a faato’a fetaui foi pe afai o le a tatou iloa foi le aso tonu o lona iuga. Na vaaia e Ellen White o le a tatou iloa le aso (2016) ma le itula (?) o le afio mai o Iesu i le liligiina mai o le Agaga Paia. E tatau foi la ona tatou iloa lenei faamatalaga i le taimi tonu lava lenei.

O lenei itula o le a avea ma autu o le suesuega “Valoaga o le Lumanai” i luga o la’u web site: www.lastcountdown.org.

http://www.lastcountdown.org/

E LE Afio Mai Keriso i le 2012!!!

O nisi ua latou faauigaseseina lenei suesuega ma manatu ai na ou fai atu o le a afio mai Iesu i le 2012. E leai, ou te le’i fai atu lava i lea faamatalaga!

O le tausaga lena o le iuga o le Faamasinoga o E oti ma le amataga o le Faamasinoga o E ola.

E fa’ai’u e le Atua le faamasinoga pe a le mafai ona toe laveaia se isi lava tagata. Peitai i le 2014/2015, pe a ulufale le faamaufaailoga lona lima i lona tulaga leaga, o le a sau ai tulafono o le Aso La ma le KERISO PEPELO foi. O le a vave ai loa ona tapunia le faitotoa o le alofa tunoa mo i latou na tulai i le itu a Satani e ala i lo latou tausia o le Sapati sese, poo le Aso La poo Sapati foi e faatatau i le masina.

Na faigata ea ona faitauina le Uati?

E na ona tatou manaomia lava o… 1. o se compass/pair of compasses

2. o se vase e leai ni fua o tusia ai3. fasi pepa e lua

4. o se ata o Orion5. o le Tusi Paia

ma 6. le Agaga Paia, lea ua liligiina mai i le Taimi Lenei.

Ia i ai faamanuiaga a le Atua ia i latou uma e suesueina lenei suesuega. Faamolemole lafo atu lenei suesuega i uso uma ma tuafafine o Filatelefaia,

ma i latou oi Sarataisa o e e le’i faaleagaina o latou ofu, ma i latou oi Laotikaia o e e mananao e faatau mai le auro ma le vaimata, ina ia mafai

ona feiloa’i le 144,000.

E faatatau i le Tusi Tala ma nei suesuega

O lenei suesuega e le’i iloa e se isi o ekalesia Aso Fitu i le taimi na lomia ma faasalalauina ai. Talu mai le 2005, o suesuega ua mavae atu ia na taitaia mai ai i le tausaga e 2012, na teena faapea o le setiina lea o le taimi, e le au uso uma lava na mafai ona ou faailoaina i ai suesuega. E le’i “faaosofiaina” lava nei suesuega i soo se auala lava e le SDARM.

O loo o’u faailoa faalaua’iteleina atu lenei suesuega i le avea o a’u ma tusi tala ma lo’u iloaina, e ui lava ina faavaeina i mataupu a le ekalesia Aso Fitu, ae e le o lagolagoina i se auala lava e tasi, e Koneferenisi Aoao. O lenei suesuega, o le “malamalama fou” lea sa valoia mai, ma e na o le Agaga Paia lava o le a Ia faailoaina mai ia i latou o le a patino i le 144,000. O le matafaioi o tagata taitasi lona suesueina ma le tatalo, mo ia lava, o lenei malamalama fou, ma ‘ia ia filifili ai poo le upu moni lea.

“TOFOTOFO I MEA UMA; TAOFI MAU I LE MEA E LELEI.” 1Tesalonia 5:21

O lenei suesuega na saunia e se tane o loo nofo, talu mai le 2004, i le nofoaga i le vao e pei ona fautua mai ai Ellen White. Ua ia tuuina atu atoa lona taimi ma lona malosi i le galuega a le Atua. I ana lava tupe itiiti, o loo ia fausiaina ai se falema’i, lea e na o auala faale-natura lava o faamalologa e faaaogaina ai, ma se a’oga faamisionare i Amerika i Saute. O ia ma lana ava o loo la faia galuega tau i le soifua maloloina mo tagata o se tasi o atunuu sili ona matitiva o Amerika i Saute e aunoa ma ni fesoasoani faale-tupe maua mai..

http://www.lastcountdown.org/index.php/contact/3-authors/1-john-scotram





O Sese i Lomiga na mavae atu

Na ou amatalia le galuega i lenei web site ia Ianuari 2010 aua na ou manao i se folasaga o le a mafai ai ona ou suesue faatasi ma isi au uso naunau. Sa ou faamoemoe ina ia faia ni faigauo, o e – afai e tatau ai - o le a Iatou aumaia ni fautuaga mo le faaleleia atili ai o lenei suesuega. Peitai e tele osofaiga , o le tele lava o taimi e matua tiga lava, ma o le tele lava o taimi e na ona faia lava, ona o le manatu faapea o loo o’u setiina le taimi. E le’i i ai se tasi na iloa, sa ou malamalama i le tausaga o mala, faapea o se vaega lea o le tolu ma le afa tausaga o le taimi o le Faamasinoga o E ola, ma na faapena ona puupuu ai le taimi o le Faamasinoga o E ola i le tausaga e tasi, ma vave ai ona afio mai Iesu, a’o le mea moni lava, o le tausaga o mala, e i ai i le vaega taimi e amata mai i le autumn 2015 agai atu i le autumn 2016.

O lenei tulaga e faamanatu mai ai ia i tatou na faia foi e William Miller mea sese e lua. Muamua na ia faia se galuea’iina sese o fuainumera. I lana galuea’iina o le iuga o le 2,300 afiafi ma taeao, na ia tuufaatasia ai le tausaga e 0, lea, o le mea moni lava, e le’i i ai se tausaga faapea, ma na faapena ona taunuu ai lana suesuega i le tausaga e 1843, lea na taitaia atu i le faanoanoaga itiiti. Na ia fa’asa’oina lena mea sese mulimuli ane, e pei ona ou faia i le taimi lenei.

O se isi ana “mea sese”, o lona faauigaseseina lea o le mea o le a tupu i le 1844. Na ia manatu o le afio mai lea o Iesu, ae peitai o le amataga lea o le Faamasinoga Suesue, e pei ona tatou iloa ai i le taimi lenei. Na ou faia se mea sese faapea, aua na ou manatu o le 2015 o le tausaga lea o le afio mai o Iesu ma o lea na ou o’o ai i le taunuuga faapea, i le 2014 o le a tapunia ai le faitotoa o le alofa tunoa. Peitai na ou toe iloa o le Faamasinoga o E ola e tatau ona faia pea mo le tolu ma le afa tausaga atoa aua o iuga o tagata uma lava e tatau ona filifilia a’o le’i mafai ona pa’u mai mala. O nei mea sese, ua fa’asa’oina nei i le taimi lenei.

Uso ma tuafafine, o le a le faafaigofieina lava e Iesu mo oe lou tailaina o malamalama fou. E na o le faatuatua lava e mafai ona e faafiafiaina ai le Atua, ma o le faatuatua e o’o mai, mai i le suesueina o Lana Upu. O outou uma lava ua valaauina ina ia outou suesueina na suesuega uma, lea ou te malamalama ua tuuina mai e le Atua, ma faia ai a outou filifiliga e outou lava, lea atonu, e mo outou, o se manogi lea mo le ola poo le oti foi. O a’u tatalo e faia lava mo i latou o loo tatala o latou loto, o e e siakiina mea uma lava e faapei o tagata Perea, ma faailoa mai ia te a’u i se uiga faale-uso pe afai latou te maua ai pea ni sese.

O le Agelu Lona Fa e tatau ona sau e faapei o le “Alaga o le Tulua o Po ma Ao” a Miller. O lenei tulaga na valoia mai e Ellen White. O le “Miller lona lua” foi, e tatau foi ona ia faaluaina mea sese a le Miller muamua. O lenei la ua faataunuuina ai iinei.

O Se Olega Mo Outou Taitoatasi…

Afai o oe, le uso pele, le tuafafine pele, ua faatalitonuina oe faapea o lenei suesuega e tatau ona faasalalausoloina, ina ia fesoasoani e saili ai mo le 144,000 ma e mafai ona e tautala i se gagana e ese mai i le gagana faa-Peretania, ou te ole atu ia te oe ina ia e fesoasoani mai ia te a’u i le faaliliuina o nei suesuega. Ou te manao ou te saunia web sites i gagana eseese, peitai o le auala e mafai ai ona faia lenei tulaga, ou te manaomia lau fesoasoani!

E mafai foi ona e fesoasoani e ala i lou lafoina atu o lenei suesuega i au uo uma, o ou aiga uma, ma uso ma tuafafine o lotu eseese uma faa-Kerisiano! E faamanuia le Atua ia te oe mo lou faia o lenei galuega!

Afai e te fia auai i le galuega a le Agelu Lona Fa, faamolemole faafesootai mai a’u e ala i le faaaogaina o le tuatusi o loo sosoo mai: [email protected]

O LOO O’U TATALO MO I LATOU UMA LAVA E FAITAUINA LENEI FEAU INA IA TAITAIA I LATOU E LE AGAGA PAIA I UPU MONI UMA!!!

Ua fai mai Le o loo molimau i nei mea, E moni Ou te vave alu atu. Amene. O lea lava, le Alii e, Iesu, ia E afio mai. Faaaliga 22:20, 21

mailto:[email protected]

o le uati a le atua i totonu o orion (version 3.2.1)

Spiritual