44 NORM

IU-MIENH

NZAANGC

MAAC

LEIZ YAUZ-CING SENG

LEIZ NAIX ZIUH

IU-MIENH DORN

HOQC IU-MIENH NZAANGC

GORNGV IU-MIENH WAAC

CD

Yie mbuo IU-MIENH DORN HOQC IU-MIENH NZAANGC

GORNGV IU-MIENH WAAC . Fiev duqv camv buonv sou nyei, weic

longc hoqc caux njaaux Iu-Mienh nyei nzaangc caux waac.

1. Yie Nyei Da’Yietv Buonv Sou

2. Yie Nyei Nzaangc-Maac Sou

3. Yie Nyei Da’Nyeic Buonv Sou

4. Seix Zangc Gouv Gorngv

5. Yie Nyei Sou-Faangx

6. Yie Nyei Sou-Gouv

7. 44 Norm Iu-Mienh Nzaangc

8. 4 Hnoi Iu-Mienh Nzaangc Horqc

Se gorngv meih qiemx zuqc longc, weic hoqc fai weic njaaux

nor, gunv heuc mingh lorz taux yie mbuo oc.

Laengz zingh camv.

Dinc waac: (916) 715-2380.

Dinc fienx: iumienhdorn@gmail.com

BIUX MENGH WAAC

Iu-Mienh nyei nzaangc maiv maaih tong-zuangx nyei

horqc dorngh njaaux, kungx maaih laanh baav mienh dongh

ninh mbuo ganh maaih hnyouv guaax taux mbuo Iu-Mienh

nyei fingx, wuov deix mienh ganh duqv siev ziangh hoc, yaac

duqv cuotv za’eix daaih njaaux taux Iu-Mienh muoz, dongh

maaih hnyouv oix hoqc nyei mienh hnangv.

Fi’hnangv nyei Iu-Mienh nyei waac yaac maiv gaengh

maaih haaix norm dorngx duqv funx longc jienv, duqv dorh

daaih longc benx tong-zuangx nyei jauv, kungx maaih Iu-

Mienh nyei Ging-Sou nduqc buonv sou hnangv. Weic naaiv

cingx maiv maaih leic daauh jangv bun taux dongh hoqc hiuv,

haih doqc haih fiev, yaac haih gorngv Iu-Mienh waac nyei

mienh.

Mbuo benx Iu-Mienh Dorn, mbuo maiv haih kungx

mangc taux leic daauh hnangv, mbuo oix zuqc buatc taux

mbuo Iu-Mienh Fingx maaih nyei “Jaax-Zinh”. Mbuo cingx

daaih jiez hnyouv hoqc Iu-Mienh nzaangc, gorngv Iu-Mienh

waac, maaih a’hneiv benx Iu-Mienh Dorn yaac oix siou liouh

mbuo ganh nyei waac, weic borqv Iu-Fingx maaih siouc

nyuonh ndaauv mingh taux maanc-maanc doic.

I

44

NORM

IU-MIENH

NYEI

NZAANGC-MAAC

IU-MIENH DORN

HOQC IU-MIENH NZAANGC

GORNGV IU-MIENH WAAC

———————————————

916-715-2380

iumienhdorn@gmail.com

U.S.A.

1

20 NORM

NZAANGC-MAAC-NDOQC

B Biauv

Se kuv-yiem haic nyei dorngx

C Cie Dorh mbuo mingh daaih feix bung

D Dungz Dungz-junc maaih hmei camv

F Faanx

Longc tengx caengx mbiungc torngv nyutc duqv laangh

G Geh

Benx guoqv zangc nyei mengh gingx

H Heh

Daapc jienv sengh zaux yangh jauv zaux yaac maiv mun

3

20 NORM

NZAANGC-MAAC-NDOQC

J Jouh Jaax jiex ndoqv jiex ndaaih, bun mienh haih mingh daaih

K Kuing

Bun fu’jueiv longc dangh jienv hoqc ziouh wuom

L

Lauz

Norqc foux lauz daaih weic ndauc jaux

M

Maaz

Yungz daaih weic longc geh caux tengx tor dorx

N Norqc

Maaih biei maaih ndaatv yaac haih ndaix

P

Puangv

Yie longc sung-buoz puangv wuom jiez daaih hopv

4

20 NORM

NZAANGC-MAAC-NDOQC

Q Qaa

Maaih siaam maaih nqimh maaih dueiv

R R Benx Lengc

Jeiv Nzaangc-Maac.

Mbuo longc fiev janx-mbuox, zingh mbuox fai deic-bung-mbuox.

S Sou

Tengx siou liouh wuonh zaang, cong-mengh, lienh lix, gouv-laic, guei-jei

T Tei Maaih zaux-kaqv bun zaux daqc bun zaux caaiv jienv faaux

W

Waaz

Waaz-zaangc maaih hnyouv zoux waaz faangx nyei gong

X

X-Ray

Se aamx sin zaangc gu’nyuoz maengx nyei faangx

5

20 NORM

NZAANGC-MAAC-NDOQC

20 norm Nzaang-Maac-Ndoqc

dorng mi’aqv. Yiem naaiv mingh bieqc

Nzaangc-Maac-Gapv, Nzaangc-Maac-Ken, Gapv Qiex nzaangc, Goiv Qiex Nzaangc.

Y Yungh

Yungh se ceux jiex nyei yietc nyungc saeng-kuv

Z Zaangz

Maaih batc ndaauv maaih nyaah ngau yaac maaih m’normh hlo gau

6

7 NORM

NZAANGC-MAAC-GAPV

Nzaangc-Maac-Gapv, se 2 norm nzaangc-maac gapv daaih benx yietc

norm, yaac maaih yietc gouv qiex hnangv.

Mb Mbiauz Yiem wuom gu’nyuoz

Nd Ndiangx Nqoi biangh ndaang

Ng Ngongh Ngongh orv-sern nyanc kuv nyei

Nj Njaih

Njaih jorng maaih camv-caax

Nq Nqingh nquaiz Maaih longz maaih nqimh maaih nyiuv

Ny

Nyaah

Tengx nziuc lai hnaangx yaac zorng nzueic nzuih

Nz Nziouv

Se yietc nyungc faix nyei gaeng-gueiv

7

7 NORM

NZAANGC-MAAC-KEN

Nzaangc-Maac-Ken, se 2 norm nzaangc-maac gapv daaih, maaih 2 gouv qiex yietc jauv nyangz

jienv cuotv.

Hl Hleix

Se yiem gu’nguaaic lungh hlang jiex nyei dorngx

Hm Hmien Benx wuov laanh mienh nyei faangx zeiv

Hn Hnamv Hnamv yiem hnyouv cuotv daaih

Hng Hnganx Se yietc nyungc m’sieqv nyei baengc

Hny Hnyouv Se gem jienv yaac yiem ndo nyei dorngx

Hw Hwaang Oix zuqc tiux maiv dungx dingh

Hy Hyaangx Douz mbietc hiaangx ziouc jorm ndaangx

8

5 NORM

GAPV QIEX NZAANGC-MAAC

Gapv Qiex

Nzaangc-Maac, longc yiem gorn gapv caux capv qiex jangv cuotv, ei mbuo qiemx zuqc cuotv nyei qiex.

A A’hneiv

Bun mienh maaih njien-youh la’kuqv nzauh zingh

E Eiv

Maaih dorngx bun zueiz yaac maaih dorngx bun bueic

I I/Yi

I norm benx yietc doix, I diuh benx yietc sung

O Orv

Benx kuv lai, nyanc liuz bun mienh haih maaih qaqv henv

U Uv

Se longc bouz gorngv waac, uv mbuox mingh, yaapv mbuox daaih

9

6 GOUV QIEX 5 NORM

GOIV QIEX NZAANGC

Baengh

Qiex

C

Njiec Qiex

H

Faaux Qiex

V

Nzengv Qiex

X

Nangv Qiex

Z

Ndaauv Qiex

10

13 NORM TENGX

GAPV QIEX NZAANGC

GAPV QIEX NZAANGC-MAAC GAPV CAUX

TENGX GAPV QIEX NZAANGC CAPV GAPV QIEX JANGV CUOTV

11

a e i o u k

m n ng p q r t

A E I O U K M N NG P Q R T

A aa ae ai au ak am an ang ap aq at

E ee ei eu Ek em en eng ep eq er et

I ia ie io iu ik im in ing ip iq it

O oi ou ok om on ong op oq or ot

U ui uo uk um un ung up uq ut

TENGX GAPV QIEX NZAANGC

GA

PV

QIE

X N

ZAA

NG

C-M

AA

C

6 GOUV IU-MIENH

NYEI WAAC-QIEX

Iu-mienh nzaangc caux waac se maiv aqc hoqc,

mv baac yietc zungv dongh duqv fiev njiec naaiv

buonv sou-dorn nyei gorn wuov deix nzaangc-maac

oix zuqc buih bieqc hnyouv nzengc. Oix zuqc fiev taux

zuoqc, mbopc nzengc mingh, cingx daaih haih doqc

cuotv duqv junh waac-joux nyei qiex, yaac haih fiev

duqv zien nzaangc-norm.

Laengz zingh camv!

12

Baengh

Qiex

C

H

V

X

Z

Aa aac aah aav aax aaz

E ec eh ev ex ez

I ic ih iv ix iz

O oc oh ov ox oz

U uc uh uv ux uz

IU-MIENH NZAANGC

Iu-Mienh nzaangc duqv caaux cuotv daaih, weic bun mbuo ganh

yietc zuangx Iu-Mienh longc. Bun mbuo hoqc hiuv yaac kauv daaih longc

fiev cuotv benx Iu-Mienh nyei waac, guaax njiec benx kou-gong, ceu cuotv

kuv gueix-jei leiz-nyeic. Fiev gouv, fiev nzung, fiev fienx, fiev wuonh fiev uv,

fiev njiec sou-horngh gapv benx sou an wuov sou-dorngh, liouh bun hoz

doic zeiv-fun. Weic siou liouh taux mbuo ganh Iu-Mienh nyei waac, tengx

jangx yietc zungv muonh douh caux douc zong-zei hiaang-heih, benx jangx-

daauh njaaux, siou liouh Iu-Mienh ganh nyei leiz-fingx.

Yiem mbuo nyei Ong-taaix-Ngaeqv, dongh duqv jiez gorn butv cuotv

benx Iu-Mienh Fingx wuov zanc, duqv benx cuotv Iu-Mienh ganh nyei waac.

Iu-Mienh nyei waac nyei “Sing-Qiex”, duqv bun nqoi benx 2 gouv mbuo

heuc, “Hmz Yiem juangc Luoqc Junx”.

“Hmz Yiem juangc Luoqc Junx fai Luoqc Junx juangc Hmz Yiem”,

naaiv se duqv gorngv taux 12 fingx Iu-Mienh Dorn gorngv nyei “Waac-Qiex”

fai “Sing-Qiex” nyei gorn-ndoqv.

PORV MENGH TAUX WAAC-QIEX.

“JUNX” = “QIEX”, maaih 6 gouv qiex

“YIEM” = “LENGC”, maaih 5 gouv lengc (hlang aiv nyei qiex)

1. Baengh Qiex = > Zien Qiex

2. Njiec Qiex = C

3. Faaux Qiex = H

4. Nzengv Qiex = V > Lengc Qiex

5. Nangv Qiex = X

6. Ndaauv Qiex = Z

13

Iu-Mienh nyei waac-qiex, waac caux nzaangc, corc maaih camv-

norm dorngx aqc duqv bieqc hnyouv nyei. Maaih camv-norm nzaangc

yaac maiv gaengh dingc, maaih camv-joux waac cuotv nyei qiex yaac

maiv gaengh dingc. Aengx maaih camv-joux waac yaac maiv hiuv duqv

zien waac-gorn yiem haaix cuotv daaih, dongh ih hnoi longc gorngv jienv

nyei, gorngv caux fiev mbuo duqv ei m’normh muangx haiz mbui nyei

qiex fiev hnangv.

Mangc Nyungc Zeiv:

Waac-gorn Fiev Cuotv qiex

? Mba’hnoi/mbu’hnoi Mbaqc hnoi/mbuqc hnoi

? Ma’biei/mbu’biei Mbaqc biei/mbuqc biei

? Ga’naaiv Gaah naaiv/gan-naaiv

Maaih 2 gouv qiex nyei nzaangc-maac maaih 7 norm:

Longc Domh mbietc nyei qiex: L M N NG NY W Y.

Longc Mbietc dorn nyei qiex: L M N NG NY W Y.

Mbuo corc qiemx zuqc lomh nzoih juangc jienv lorz, juangc jienv

hnamv, juangc jienv corngh yaac kauv hoqc taux mbuo Iu-Mienh ganh

nyei waac, weic haih juangc fiev dingc yietc norm nzaangc yaac haih

duqv waac nyei zien eix leiz.

Naaiv benx mbuo nyei yietc norm domh sic-kaav kuonx jienv

mbuo yietc zuangx Iu-Mienh Dorn nyei hnyouv. Naaiv yaac benx mbuo

yietc zuangx nyei gong-buonc, oix zuqc zorqv daaih juangc jienv bun-jaiv.

14

TENGX JANGX

——————————————————————————

——————————————————————————

——————————————————————————

——————————————————————————

——————————————————————————

——————————————————————————

——————————————————————————

——————————————————————————

——————————————————————————

——————————————————————————

——————————————————————————

——————————————————————————

——————————————————————————

——————————————————————————

——————————————————————————

——————————————————————————

——————————————————————————

——————————————————————————

——————————————————————————

——————————————————————————

——————————————————————————

——————–————————————————————

————————————————————————–——

——————————————————————————

——————————————————————————

15

Feix duqv yie mbuo haih zoux

duqv hnangv yie mbuo hnyouv

hnamv nor, zungv maiv zuqc faanh

luic haaix nyungc taux zuangx cien

mienh muoz. Weic zuqc yie mbuo

nyei buonv-zeic maiv zaaic mbaengc

dongh yie mbuo hnamv duqv taux

nyei bung-daauh.

Longx nyei se dongh Iu-Mienh Dorn, Gueix nyei se

dongh Iu-Mienh Fingx, Jaaix nyei se dongh Iu-Mienh

Nzaangc, Horpc siou nyei se dongh Iu-Mienh Waac. Leic

daauh benx zuangx Iu-Fun nyei, Bungh zuoqc se dongh hoz

doic Iu-Fun maaih lamh siou dorngx nyei, Nzueic nyei se

dongh Iu-Mienh nyei kuv gueix-jei leiz-nyeic.

Douc mingh wuov ndaangc hingv nyei, se dongh naaiv

Doic mienh nyei buonc gong. Zinh Baan wuov doic nyei

gong-bou, ninh mbuo duqv zoux ziangx mi’aqv. Mbuo nzipc

duqv daaih nyei, zuqc zunh mbuox njiec, mbuo siou liouh

daaih nyei zuqc taan njiec bun taux zeiv-fun.

Zeiv-fun hoz doic cingx maaih nzipc, yaac maaih fiou,

longx nyei cingx maiv dangx, gueix nyei cingx borqv jienv

mingh, jaaix nyei cingx haih zaangv duqv wuonv, horpc nyei

cingx haih maaih yiem, Nzueic nyei cingx haih maaih zanx.

IMD-HIMNZ-GIMW-04092014-IMNZM-D03B-LJ01B.