-1-Bod-Dhon-Ling-Tik

སྤྱིའི་འདོན་ཐེངས་ལྔ་པ། ཟླ་ཕྲེང་ཚགས་པར། ཕྱི་ལོ་ ༢༠༡༡ ཟླ་བ་ ༦ པའི་ཚེས་ ༡། གསར་རིན་སྒོར། 5Rs

བོད་དོན་གླེང་སྟེགས།BOD-DHON-LING-TIK

ལེགས་བཤད།

ཕྱི་ལོ་༢༠༡༡ ཟླ་༤ ཚེས་༢༣ ཉིན་རི་བོ་རྡ་རམ་ས་ལར་ཚ་བ་ཅུང་ཆེ་ཞིང་། གུས་པོའ་ིའདུག་ཤག་གཡས་གཡོན་དུ་གད་སྙིགས་བསྲེགས་པའི་དྲི་ངན་གང་སར་མཆེད་བཞིན་འདུག ཨེ་ཤེ་ཡ་རང་དབང་རླུང་འཕྲིན་ཁང་གིས་བོད་མདོ་སྨད་རྔ་བའི་ཡུལ་དུ་རྒྱ་གཞུང་གིས་གཉའ་གནོན་དང་རྡུང་གཅོག་གསོད་འཕྲོག་བྱེད་བཞིན་པའི་གནས་ཚུལ་རྒྱང་སྒྲོག་བྱེད་ཀྱི་འདུག ངས་གློག་ཀླད་ཀྱི་ཁ་ཕྱེས་ནས་QQདྲ་འབྲེལ་གླེང་མོལ་ལས་བོད་ནང་གི་ངོ་ཤེས་དག་ལ་འབྲེལ་བ་བྱེད་འདོད་ཞུས་པ་ཡིན། “ཏུས ཏུས ཏུས” ང་ལ་QQནང་དུ་སྔ་ས་ནས་ངོ་ཤེས་ཤིག་གིས་སྐད་ཅིག་བཞག་འདུག “རྔ་བར་ན་ཙིའི་དཔུང་ཆེན་སླེབས་འདུག ཁྱོད་ཚོས་ཅི་བྱེད་ཀྱི་ཡོད།” ངས་ཚིག་དུམ་གཉིས་ཅན་གྱི་འཕྲིན་ཡིག་འདི་ལ་ཡང་ཡང་བལྟས་ཤིང་། ཚིག་དུམ་འདི་གཉིས་ཡང་ཡང་བཟླས་པ་ཡིན། ངས་མཉམ་འབྲེལ་རྒྱལ་ཚོགས་ཀྱི་མིའི་ཚོགས་ཆུང་གིས་བོད་རྔ་བའི་ཐད་གླེང་སློང་ཅི་བྱས་དང་། ཨ་རི་དང་ཡུ་རོབ་སོགས་ནས་རང་རེའི་རྒྱབ་དཔུང་དུ་སྤྲོས་པའི་གནས་ཚུལ་རིང་པོ་ཞིག་བྲིས་ཚར་སོང་། གནས་ཚུལ་འདི་དག་ཁོ་ལ་གཏོང་དགོས་པ་ཡིན་ནམ། ང་ལ་བློ་དོགས་སྐྱེས་ཤིང་། ངས་ཁོ་ཚོའི་ཟུངས་ཁྲག་གིས་སྒྲོན་བཞིན་པའི་དཔལ་འབར་གྱི་མེ་ལྕེ་ལ་བསམ་བློ་བཏང་སྟེ་སྐྱི་གཡའ་བའི་ཚོར་བ་ཞིག་སླེབས་སོང་། ང་ནི་མི་སྙིང་ཆུང་ཞིག་ཡིན་པས་གཞིས་བཞུགས་པར་ངར་ཤུགས་སློང་བྱེད་ཀྱི་སྨན་འདི་ཡོངས་སུ་གསུབ་ནས་“དགོངས་པ་མ་ཚོམས་”ཞེས་བྲིས་ཏེ་བཏང་བ་ཡིན། རྡ་རམ་ས་ལར་མི་མང་གི ་སྐད་འབོད་བསྟུད་མར་གྲགས་ཤིང་། ཡ་ང་བའི་རྔ་ཡུལ་གྱི་གནས་སྟངས་ནི་ཇེ་སྡུག་ནས་ཇེ་སྡུག་ཡིན་པའི་གནས་ཚུལ་ཐོན་གྱི་འདུག ཞུམ་པ་མེད་པའི་རྒྱལ་གཅེས་དཔའ་བོ་གྲྭ་ཕུན་ཚོགས་ལགས་ཀྱིས་རང་ལུས་མེར་བསྲེགས་ཀྱི་ངོ་རྒོལ་དང་། བགྲེས་སོང་ཕོ་མོ་གཉིས་ཀྱི་ཚེ་སྲོག་འཕྲོག་པའི་གནས་ཚུལ་སོགས། བསམ་པ་ཙམ་གྱིས་ཞེ་སྡང་དང་ཁོང་ཁྲོ། འཇིགས་སྣང་སོགས་རིམ་པར་སླེབས། མིའི་ཚེ་སྲོག་ནི་རྩ་ཆེན་ཞིག་ཡིན་པ་ཤེས་བཞིན་དུ་རྒྱ་དམག་གི་སྨྱོ་ཧམ་དང་གཏུམ་སྤྱོད་བོད་མིའི་ཚེ་སྲོག་གི་སྟེང་དུ་རྟ་རྒོད་སྤང་ལ་ཤོར་བ་བཞིན་སླེབས་ཤིང་། རྒྱ་དམག་འདི་དག་ལ་ཚེ་སྲོག་གི་རྩིས་ཐང་དང་མིའི་ཀུན་སྤྱོད་ཀྱི་ངེས་ཤེས་ཡེ་ནས་སྟོང་བ་འདི་ཅི་ཞིག་མ་འགྲིག་པ་ཡིན་ནམ།ངའི་མིག་ལམ་དུ་མདོག་ལྗང་སེར་ཅན་གྱི་ལྭ་བ་གྱོན་ཞིང་། བོད་མི་རྣམས་ཀྱིས་མཐོང་ཡང་མ་མྱོང་བའི་དྲག་ཆས་གོ་མཚོན་ཐོགས་པའི་འཇིགས་སྐུལ་བ་མང་པོ་ལོ་མང་རིང་ཞི་བདེ་བག་ཕེབས་ཀྱིས་འཚོ་བ་རོལ་བའི་རྔ་བའི་མི་མང་གི་ཕྱོགས་སུ་སླེབས་ཤིང་། རྔ་བ་སྟོད་སྨད་བར་གསུམ་དུ་ཅི་ཞིག་ཟ་རྒྱུ་ཡོད་མེད་དང་། ཅི་ཞིག་འཐུང་རྒྱུ་ཡོད་མེད་ལ་ཧམ་སེམས་ཀྱིས་ཞིབ་ལྟ་བྱས། གློ་བུར་དུ་མེ་མདའི་སྐད་ཀྱིས་རྔ་ཡུལ་ཡོངས་སུ་ཁེངས་ཤིང་། སེམས་ཀྱི་དག་ཞིང་ལ་སློབ་སྦྱོང་བྱེད་སའི་སློབ་གྲྭ་ཆེན་མོ་ཞིག་མེ་ལྕེ་ཁྲོད་དུ་ཡལ་བར་གྱུར། དགེ་འདུན་པ་ཉིས་སྟོང་ལྷག་གི་སློབ་སྦྱོང་བྱེད་ས་འདི་གཏོར་བཤིག་མཁན་གྱི་ལག་འོག་ནས་རིམ་པར་ཡལ་རྗེས། ལོ་རྒྱུས་ཡིག་ཚགས་ཁྲོད་ཀྱི་ལྷ་སྟེང་དགོན་གྱི་མིང་བྱང་འདི་ལས་ལྷག་མེད་དུ་གྱུར། བཙན་པོའ་ིདམག་དཔུང་གི་ཁྲོད་དུ་མཛད་རྗེས་ཆེ་ཞིང་བློ་སྟོབས་ལྡན་ལ་ཕྱི་བཤོལ་མེད་པའི་རྩེ་རྣོ་བའི་མདུང་རིང་དང་། དངོ་མི་ཐོགས་པའི་རལ་གྲི་འཆང་མཁན་གྱི་དཔའ་

དགོངས་སེལ་ཞིག ---- བོད་རྔ་བར་སེམས་གཏད་པ།-----རས་པ།

རྩོམ་ཡིག་འདི་ནི་བོད་རྔ་བའི་ཡུལ་མི་ཡོངས་ལ་གདུང་སེམས་མཉམ་སྐྱེས་ཆེད་ཕུལ་བ་ལགས།

བོ་མང་པོ་ནང་པའི་ཆོས་ཀྱིས་བྱམས་སེམས་ཅན་གྱི་མི་རྒྱུད་དུ་བསྐྲུན་ཞིང་། བརྩེ་སེམས་ཀྱིས་ཁེངས་ཏེ་འཇིག་རྟེན་ཁམས་གཅེས་པར་སྐྱོང་བའི་དུས་སུ་བར་མེད་དུ་གྲགས་པའི་མེ་མདའི་སྐད་སྒྲའི་ངོགས་སུ་འཐིམས། ཤུལ་དུ་ལུས་པ་ནི་ཕ་མེད་མ་མེད་ཀྱི་བྱམས་སེམས་ཅན་གྱི་མི་རྒྱུད་ཁག་ཅིག་ཡིན། རི་དྭགས་རྔོན་པའི་ཚོར་བ་ཙམ་ལས་མེད་པའི་དམག་ལྭ་ལྗང་སེར་ཅན་གྱི་འཇིགས་སྐུལ་བ་དག་དགོད་སྒྲའི་ཁྲོད་ཕྱིར་ཐོན་བྱས་ཤིང་། འཁྱེར་འདོད་པ་ཆ་ཚང་འཁྱེར་ནས་ཕྱིན་སོང་། དེ་དུས་ཕྱི་ལོ་ ༡༩༣༥ རེད། བྱམས་སེམས་ཅན་གྱི་མི་རྒྱུད་ཀྱིས་བསླབས་པ་ནི་བྱམས་སེམས་གཅིག་བུ་ག་ལ་ཡིན། ལས་དབང་དང་། རྒྱུ་འབྲས། བཟོད་པ། ཀུན་ཁྱབ་སེམས་འཁུར་ལྡན་པའི་རིག་གནས་ཅི་འདྲའི་མང་པོ་ཞིག་ཁོ་ཚོས་རྟོགས་ཏེ་ཉམས་ལེན་བྱེད་བཞིན་འདུག་ཨང་། རྔ་བའི་མི་མང་གིས་རང་གི་རིག་གནས་ཉམས་ལེན་དང་མདུན་བསྐྱོད་ཀྱི་གོམ་པ་མཚམས་འཇོག་བྱས་མྱོང་མེད་པ་དང་། ཤུལ་ལུས་སྐྱ་སེར་གཉིས་ཀྱིས་རང་འགན་ཕྲག་ཏུ་བླངས་ཏེ་གཟི་བརྗིད་ལྡན་པའི་དགོན་པ་གསར་བཞེངས་ཀྱིས་སེམས་ཀྱི་དག་ཞིང་ལོངས་སུ་སྤྱོད་པའི་རྣམ་པ་ཕུན་སུམ་ཚོགས་པར་བསྐྲུན་སྟེ་ཞི་བདེ་བག་ཕེབས་ཀྱི་འཚོ་བར་འབད་བརྩོན་བྱས། འོན་ཀྱང་། འཇིགས་སྐུལ་བ་སླར་ཡང་སླེབས་ཤིང་། དབང་བསྒྱུར་དང་བཙན་འཛུལ་གྱི་འདོད་པ་སྔར་ལས་ཆེ་བ་བྱུང་། “ས་རྒྱལ་ཁབ་ཀྱི་ཡིན་། ཆུ་རྒྱལ་ཁབ་ཀྱི་ཡིན་”ཟེར་བའི་བཤད་ཡམས་ཤིག་བསྒྲགས་ཤིང་། བོད་མི་རྣམས་ལ་རྒྱལ་ཁབ་སུ་ཡིན་ནམ་སྙམ་པའི་དྲི་བ་འཁོར་ཡོད་ངེས། ཡ་མཚན་པ་ཞིག་ལ་རྒྱལ་ཁབ་དེ་ནི་ངོ་གདོང་སྐྱ་བེར་བེར་གྱི་གཟུགས་པོ་ཐུང་ཞིང་། ཁྱིའི་སྣ་དང་འདྲ་བོ་ཡོད་པའི་རྒྱ་མི་བཙན་འཛུལ་བ་ཚོ་ཡིན། དེ་ནས་བཟུང་རྔ་ཁོག་གིས་མཚོན་པའི་བོད་ཡུལ་ཡོངས་སུ་ཁྲག་རྒྱུན་ཆད་པའི་དུས་ཚོད་ཡལ་མྱོང་མེད་ཅིང་། ཁྲག་འདོན་པར་དགའ་བའི་བཙན་འཛུལ་བའི་འགྲམ་པར་དམར་གོར་གོར་ཀྱི་སྐྱིད་མདོག་ཤར་ཏེ་“མི་ཡིས་རང་དོན་མ་བསྒྲུབས་ན།། གནམ་སའི་དབར་དུ་གནས་ཐབས་མེད།།” ཟེར་བའི་རྒྱ་མིའི་གཏམ་དཔེ་དེ་ཁོ་ཚོས་ལྐོག་ཏུ་ཡང་ཡང་བསྐྱོར་གྱིན་ཡོད། རྒྱ་མི་ལས་གཞན་གྱིས་མི་ཐོས་སར་་་་་་་་་འཇིགས་སྐུལ་དང་གཉའ་གནོན། རྡུང་གཅོག་གསོད་འཕྲོག་གི་མནར་གཅོད་འོག་ནས་ལོ་ངོ་བདུན་ཅུ་དོན་གསུམ་འདས་པའི་ཕྱི་ལོ་ ༢༠༠༨ ལོར་རྔ་བའི་མི་མང་གིས་སྙིང་རྗེའི་མཚོན་དོན་གྱི་གཟུངས་སྔགས་ཡི་གེ་དྲུག་མ་བཟླས་ཤིང་། བདག་གཞན་མཉམ་བརྗེ་ཡི་ཆོས་ཀྱི་དགོངས་དོན་རྒྱ་དམར་འཇིགས་སྐུལ་བར་སློབ་ཁྲིད་བྱས། “ཐག ཐག ཐག”སྐྱབས་ཡུལ་དགེ་འདུན་པ་གཅིག་དང་། སློབ་གྲྭར་འགྲོ་བའི་བུ་མོ་ཞིག་ས་རུ་འགྱེལ། ད་དུང་དེ་ལས་ཀྱང་མང་པོ་རླངས་པ་ཐུ་ལུ་ལུའི་ཟུངས་ཁྲག་ནང་དུ་བསྙལ་སོང་། ང་ཚོའི་དྲན་ཡུལ་དུ་སྙན་ཚིག་ཅིག་འཁོར། སྙན་ཚིག་དེ་ནི་མི་ཤི་རྟ་འགྱེལ་ལ་ཞེ་སུན་བྱུང་བའི་རི་བོ་དགེ་ལུགས་པའི་སྙན་ངག་སྨྲ་བ་ཆེན་པོ་ཞང་ཞུང་ཆོས་དབང་གྲགས་པ་ལགས་ཀྱི་“འཛིན་མ་རུས་པའི་གོས་དཀར་ནི།། བར་བར་ཁྲག་གི་ལྟིང་ཀ་འཁྱིལ།། ལ་ལར་ཁྲག་རྒྱུན་དྲོན་མོ་འབབས།། ”ཞེས་པ་འདི་ཡིན། སྙན་ཚིག་རྐང་བ་གསུམ་པོ་འདི་ཡིས་རྔ་ཡུལ་གྱི་རྣམ་པ་ཡོངས་སུ་མཚོན་པར་བྱས་ཤིང་། ང་ལ་འདི་ལས་ཀྱང་ཁ་གསལ་ལ་ཚིག་ཉུང་བའི་བརྗོད་པ་ཅི་ཡང་མ་བྱུང་། དྲག་སྤྱོད་

གཞུང་གི་ཀླ་ཀློའ་ིརུ་དཔུང་སྔར་ལས་ཀྱང་སྣོན་པ་བྱས་ཤིང་། བྱམས་སེམས་ཅན་གྱི་མི་རྒྱུད་རྣམས་འུ་ཐུག་པ་བཟོས་སོང་། བཟོད་བསྲན་ཆེ་ལ་བློ་སྤོབས་ཉམས་པ་མེད་པའི་བདེན་དོན་གྱི་མགོ་བོ་ཡར་ལ་བཀྱགས་ཤིང་། ཚེ་སྲོག་གིས་བདེན་དོན་གྱི་ལ་རྒྱ་རྩོད་པའི་བོད་ཕྲུག་གཞོན་ནུ་ཞིག་གིས་རང་སྲོག་དོར། “བོད་རྒྱལ་ལོ། བོད་རྒྱལ་ལོ། བོད་མི་རྣམས་ཀྱིས་ཀྱང་རང་དབང་གི་འཚོ་བ་རོལ་ཆོག་དགོས། བོད་མི་རྣམས་ཀྱིས་ཀྱང་རང་ཉིད་ཀྱི་དད་མོས་བྱེད་སར་གུས་བཀུར་བྱེད་པའི་རང་དབང་དགོས། ང་ཚོ་ལ་རང་ཉིད་ཀྱི་བདག་དབང་དགོས། ”ཞོགས་པའི་ཉི་ཟེར་གྱི་དྭངས་གཙང་དང་འགྲོགས་པའི་རྒྱལ་གཅེས་དཔའ་བོ་ཕུན་ཚོགས་ལགས་ཀྱི་སྐུ་ཕུང་གིས་མངོན་འདོད་མང་དག་ཅིག་མནབས་ནས་ཀིརྟི་དགོན་པའི་ཕྱོགས་སུ་སླེབས་ཤིང་། ཁོང་གི་ཆོས་ཀྱི་གྲོགས་པོ་རྣམས་དང་། ཡུལ་མི་རྣམས་ཀྱིས་ཁོང་གི་མངོན་འདོད་དེ་རང་ཉིད་ཀྱི་མངོན་འདོད་ཡིན་པའི་གསལ་བསྒྲགས་བསྐྱངས། ཏང་ཀྲུང་དབྱང་ནས་སླེབས་པའི་ཁ་པར་གྱི་ཏིར་སྒྲ་རྔ་བའི་རྫོང་སྲིད་གཞུང་ནས་སིང་སིང་གྲགས་ཤིང་། དྲག་སྤྱོད་གཞུང་གི་གཏུམ་དྲག་ཅན་གྱི་ཁྱི་ཚོགས་ཤར་གྱིས་རྔ་བ་ཀིརྟི་དགོན་པའི་ཕྱོགས་སུ་སླེབས་ནས་ཐག་ཐག་ཐག་གི་མེ་མདའི་སྐད་སྒྲ་བར་མེད་དུ་བསྒྲགས་བྱུང་། ད་དུང་ཚེ་སྲོག་ཅི་ཙམ་ཞིག་རྒྱ་དམར་གྱི་དགོད་སྒྲ་དང་མཉམ་དུ་མཇུག་བསྡུས་ཡོད་ཨང་། ང་རང་རི་བོ་ཆུང་ཆུང་རྡ་རམ་ས་ལའི་སྒང་ནས་དྲན་མེད་ཚོར་མེད་དུ་ལུས་ཤིང་། གསར་ལམ་ཁག་ཏུ་ཉིན་རྒྱུན་ཛ་དྲག་གི་གནས་ཚུལ་སྤེལ་གྱིན་འདུག དྲ་རྒྱའི་གཞུང་ངོས་སུ་རྔ་བའི་མིང་བྱང་གིས་ཁེངས་ཤིང་། རྔ་བའི་རྒྱལ་གཅེས་དཔའ་བོར་བསྟོད་པའི་སྙན་ངག་གི་ཚོར་རླབས་ཐུལ་མགོ་བརྩམས། ཐེག་ཆེན་ཆོས་གླིང་དུ་རྔ་ཡུལ་དང་། བོད་ས་ཡོངས་སུ་དྲག་སྤྱོད་གཞུང་གི་མེ་མདའི་མཆུ་སྦུག་ཏུ་དྲངས་པའི་དཔའ་བོ་རྣམས་དང་། བཙོན་ལུས་སྤུན་ཟླ་རྣམ་པར་གདུང་སེམས་མཉམ་བསྐྱེད་ཀྱི་ཆེད་དུ་སྨོན་ལམ་གསུང་འདོན་བྱེད་ཀྱི་ཡིན་ཞིང་། ངས་ཀྱང་《སྨོན་ལམ་ཕྱོགས་བསྒྲིགས་》ཀྱི་དེབ་ཁྱེར་ནས་ཐེག་ཆེན་ཆོས་གླིང་དུ་སྨོན་ལམ་འདེབས་པར་འགྲོ་རྒྱུ་ཡིན།

རིགས་རྒྱུད་གཅིག་པའི་རྔ་བའི་མི་མང་ལགས། ངས་ནི་སྨོན་ལམ་གྱི་ཆོ་ག་འདི་གཉེར་ཏེ་རང་སེམས་སྡུག་གིས་མནན་པའི་གདོང་པ་ཕྱི་རུ་སྟོན་པ་ལས་ཅི་ཡང་མི་ནུས་པས་“དགོངས་པ་མ་ཚོམས་”ཞུ་རྒྱུ་ཡིན། བོད་ལྕགས་ཡོས་བཙན་བྱོལ་ལོ་༥༡པ་ཕྱི་ལོ་༢༠༡༡ཟླ་

༤ཚེས་༢༥དགོང་མོ།

འགན་ཁུར་གསུམ།

དང་པོ། ཁོང་ཉིད་འགྲོ་བ་མི་ཞིག་ཡིན་པའི་ཆ་ནས། འགྲོ་བ་མིའི་རྒྱུད་ཀྱི་བཟང་སྤྱོད་གོང་མཐོར་སྤེལ་ཐབས་བྱ་རྒྱུ་དེ་ཡིན་ཞིང༌། དེ་ནི་མི་སྒེར་དང༌། ཁྱིམ་ཚང༌། སྤྱི་ཚོགས་བཅས་སུ་བདེ་སྐྱེད་འབྱུང་བའི་གཞི་རྩ་ཡིན་པར་བཞེད།

གཉིས་པ། ཁོང་ཉིད་ཆོས་པ་ཞིག་ཡིན་པའི་ཆ་ནས། ཆོས་ལུགས་ཕན་ཚུན་བར་མཐུན་འབྲེལ་གོང་མཐོར་གཏོང་རྒྱུ་དེ་ཡིན་ཞིང༌། ཆོས་ལུགས་འདྲ་མིན་ལ་ལྟ་བ་དང་གྲུབ་མཐའ་འདྲ་མིན་ཡོད་ཀྱང༌། བྱམས་པ་དང༌། བརྩེ་བ། བཟོད་སྒོམ། ཆོག་ཤེས། ཚུལ་ཁྲིམས་བཅས་ཀྱི་བསླབ་བྱ་ཉམས་སུ་ལེན་པར་ཆོས་ལུགས་ཚང་མ་གཅིག་མཚུངས་ཡིན་པ་མ་ཟད། མི་ཚེ་བདེ་སྐྱེད་ཀྱི་ལམ་དུ་འཁྲིད་པའི་ནུས་པའང་གཅིག་མཚུངས་ཡིན་པར་བཞེད།

གསུམ་པ། ཁོང་ཉིད་བོད་མི་ཞིག་ཡིན་པ་དང་ཏཱ་ལའི་བླ་མའི་མཚན་གནས་ཡོད་པ། ལྷག་པར་དུ་བོད་ཕྱི་ནང་དུ་ཡོད་པའི་བོད་མི་སེར་སྐྱ་ཡོངས་ཀྱིས་ཡིད་ཆེས་བློ་ གཏད་ཆེན་པོ་བྱེད་བཞིན་ཡོད་པའི་ཆ་ནས། བོད་ཀྱི་རྩ་དོན་ལ་ཐུགས་ཁུར་དང༌། བཙན་འོག་ལ་གནས་པའི་བོད་མི་ཚོའི་རང་དབང་གི་མགྲིན་ཚབ་པ་ཞིག་གནང་རྒྱུ་དེའང་ ཁོང་གི་འགན་ཁུར་ཡིན་པར་བཞེད།

༌༌༌༌༌༌༌༌༌༌༌༌༌༌༌༌༸གོང་ས་མཆོག་གི་དྲ་རྒྱ་ལས།

མིག་གིས་མཐོང་བ་དང་རྣ་བས་ཐོས་པ་ཁོ་ནས་ཐག་གཅོད་དགོས་པ་ཞིག་ལས། ཤེས་པས་མཁས་པར་འགྲོ་བ་དང་། མ་ཤེས་པས་བླུན་པོར་འགྲོ་བ་ཞིག་ནི་མ་ཡིན་ན་ཡང་། འོལ་ཚོད་ཀྱིས་སྨྲས་ན་རྫུན་དུ་འགྲོ་བ་ནི་སྨྲ་མི་དགོས་ལ། ཇི་ལྟ་བ་བཞིན་ཤེས་པ་ཞིག་བྱུང་ན་ནི་ཅིས་ཀྱང་དོན་ཆེན་པོར་འགྱུར་ངེས།

---དགེ་འདུན་ཆོས་འཕེལ།

ང་ཚོ་སྟོན་པའི་བཀའ་ལ་གཙི་མཁན་ཞིག་ཡིན།འགྲོ་བ་རིགས་སེམས་ཅན་མཐའ་དག་བསམ་བློར་འཁོར་མ་ཐུབ་ན་ཡང་ཁྲག་རྒྱུད་གཅིག་པའི་ཆོལ་གསུམ་སྤུན་ཟླ་རྣམས་དམ་ཚིག་འོ་ཆུ་གཅིག་འདྲེས་ཡོང་ཐབས་ལ་སྒོ་གང་ས་ནས་བསམ་བློ་གཏོང་དགོས་ངེས་རེད། གལ་སྲིད་ཆོལ་གསུམ་ཆོས་ལུགས་དང་བཅས་པར་ཕྱོགས་རིས་དབྱེ་འཁྱེར་བྱུང་ཚེ། བླ་སྤྲུལ་སྙན་གྲགས་ཅན་ཡིན་ནའང་འདྲ། དཔོན་པོ་དབང་ཤུགས་ཅན་ཡིན་ནའང་འདྲ། ཚོང་པ་འབྱོར་ལྡན་ཅན་ཡིན་ནའང་འདྲ།གང་ལྟར་སུ་ཡིན་ནའང་། དེ་ལ་ངོ་རྒོལ་མཐའ་གཅིག་ཏུ་བྱེད་དགོས། གང་ཡིན་ཟེར་ན་ལོ་ངོ་སྟོང་ཕྲག་རིང་ལ་བོད་མི་རྩམ་གཟན་མ་ཎི་བགྲང་མཁན་ཚང་མ་གཅིག་གྱུར་བྱས་ནས་བསྡད་ཡོད། ད་དུང་ཡང་ཤ་རུས་ཁྲག་གསུམ་འདྲེས་པའི་སྤུན་ཟླ་ཚང་མ་སྟག་མོ་མ་བུ་ཁ་འཆམ་པ་ལྟར་རྡོག་རྩ་གཅིག་ཏུ་སྒྲིལ་དགོས།

༌༌༌༌༌༌༌༌༌༌༸པཎ་ཆེན་སྐུ་ཕྲེང་བཅུ་པ་མཆོག་གིས།

འཛམ་གླིང་ཞི་བདེའི་དབུ་ཁྲིད་ཆེན་པོ།

བོད་ཕྲུག་རྣལ་མ།

བོད་དོན་གླེང་སྟེགས།

Bod-Dhon-Ling-Tik-2-

=༢= ཕྱི་ལོ་ ༢༠༡༡ ཟླ་བ་ ༢ པའི་ཚེས་ ༣།

ངའི་མེས་པོ་ཚོའི་སྤྱི་ཚོགས་ཁྲོད་ཀྱི་བོད་སྐད་ཡིག་ནི་མཆོད་བཤམས་ཀྱི་ཁྲོད་ནས་བཤམས་རྒྱུ་ཞིག་དང་ཁ་ཏོན་གྱི་དཔེ་ཆ་འདོན་བྱེད་ཅིག ད་དུང་བླ་གྲྭ་ཚོས་ནང་ཆོས་སྦྱོང་བྱེད་དང་སྒོམ་ཆེན་ཚོས་གསང་སྔགས་སྒྲུབ་བྱེད་ཁོ་ན་ཞིག་ཆགས་ཡོད། ཡིན་ནའང་། ད་ལྟའི་ན་གཞོན་ཚོའི་སྤྱི་ཚོགས་ཁྲོད་དུ། བོད་སྐད་ཡིག་ནི་མིའི་རིགས་ཀྱི་གནད་དོན་གླེང་བྱེད་ཅིག་དང༌། མིའི་རིགས་ཀྱི་འཚོ་གནས་སྒྲུབ་བྱེད་ཅིག་ཡིན། ད་དུང་བོད་སྐད་ཡིག་གིས་ངའི་མི་རིགས་འདིའི་སྐྱོ་སྡུག་གི་ལོ་རྒྱུས་ཀྱི་འཁན་འཁྲི་ཁུར་ནས་གཞིས་བྱེས་གཉིས་གཅིག་ཏུ་སྤྲེལ་དགོས། སེམས་བསམ་པའི་གཏིང་ནས་གླེང་བའི་སྙིང་གཏམ་དང་། ཤ་རུས་པའི་མཐུལ་ནས་ལངས་བའི་ན་ཟུག་དེ་དག་ཕྱི་རུ་འདོན་དགོས། ཉམས་ཐག་པའི་མི་རིགས་འདིའི་ཕྱིར་དུ། ཤོར་ཟིན་པའི་རྒྱལ་ཁབ་འདིའི་ཆེད་དུ། ད་དུང་མི་རིགས་འདིའི་ལུས་གསེང་ན་རྒྱུ་བའི་ན་ཟུག་གི་འཁུན་སྒྲ་གྲངས་མེད་དེ་ཕྱི་ལ་བསྒྲག་དགོས། ལྷག་དོན་དུ་གཏིང་ཟབ་ཅིང་རྒྱ་ཆེ་བའི་མི་ཆོས་རིག་གནས་ཀྱི་དབུ་འཕང་དགུང་དུ་བསྟོད་དགོས། མི་རིགས་འདིའི་མཛེས་དཔྱོད་ལྟ་གྲུབ་དང་རིག་གནས་སེམས་ཁམས་སོགས་བརྒྱུད་སྤྲོད་བྱེད་དགོས། མི་རབས་ནས་མི་རབས་བརྒྱུད་དེ། བོད་སྐད་ཡིག་ལ་འདི་ལྟར་འགན་འཁྲི་གྲངས་མེད་ཅིག་ཡོད། བོད་སྐད་ཡིག་ལ་འདི་ལྟར་ལས་དོན་གྲངས་མེད་ཅིག་ཡོད།

ངའི་བོད་སྐད་ཡིག

མཐར་དེད་ན་འདི་ཡོད་ཚད་ང་ཚོས་བསྒྲུབ་དགོས། འདི་ཡོད་ཚད་སྒྲུབ་བྱེད་ཀྱི་ལག་ཆ་གཙོ་བོ་ནི་བོད་སྐད་ཡིག་ཡིན་པས་ང་ཚོར་བོད་སྐད་ཡིག་མེད་སོང་ན་ཡོད་ཚད་མཇུག་རྫོགས་སོང་བ་མ་ཡིན་ནམ། གྲོགས་པོ་ལགས། ད་ལྟའི་བོད་སྐད་ཡིག་ནི་ཁྱེད་ཀྱི་འཚོ་བའི་ནང་གི་ལྷུ་ལག་ཅིག་ཡིན། ད་ལྟའི་བོད་སྐད་ཡིག་ནི་ཁྱེད་ཀྱི་འཇིག་རྟེན་ནང་གི་ལམ་ཡིག་ཅིག་ཡིན། བོད་སྐད་ཡིག་ནི་བོད་མི་རིགས་འདིའི་ལྕེ་ལྟ་བུ་ཡིན་པས།ངས་ནམ་ཡང་བོད་མི་རིགས་འདི་ལྐུགས་པར་མི་འགྲོ་བའི་སྨོན་འདུན་ཞུ་བཞིན་ཡོད། གླེན་པར་མི་འགྲོ་བའི་སྨོན་ལམ་འདེབས་ཀྱིན་ཡོད། སྨོན་ལམ་འདི་རེ་འདུན་ཞིག་ཡིན། དྲན་གདུང་གིས་མནར་བའི་སྐྱབས་བཅོལ་གྱི་ལོ་ཟླའི་ཁྲོད་ནས་མིག་ཆུས་བསླངས་པའི་རེ་འདུན་ཞིག་ཡིན། སེམས་བསམ་པའི་གཏིང་ན་རེ་བའི་འདུན་པ་ཞིག་ཡིན། རེ་འདུན་དེ་མངོན་གྱུར་ཡོང་ཆེད་བོད་མི་རེ་རེ་ལ་བོད་སྐད་ཡིག་སྲུང་སྐྱོབ་བྱ་རྒྱུའི་འགན་འཁྲི་ཆེན་པོ་ཡོད། བོད་སྐད་ཡིག་དར་སྤེལ་བྱ་རྒྱུའི་ལས་འགན་མང་པོ་ཡོད།འདི་ནི་བོད་མི་སྒེར་པ་ཞིག་གིས་རང་གི་རྒྱལ་ཁབ་སླར་གསོའ་ིཆེད་བསྒྲུབ་དགོས་པའི་ལས་དོན་རླབས་ཆེན་ཞིག་ཡིན།

— འབྲོག་རུ་ཆོས་གྲགས། 《རྡ་ས།》

ངས་ཐེའུ་རང་དྲན་གི ཨ་འདུས་མིག་ཆུ། 《ས་རཱ》

༡ ཕ་ཡུལ་གྱི་རྩྭ་ཐང་རང་རིགས་ཀྱི་དུར་ས་རུ་བསྐྲུན་དུས། ཕ་ཡུལ་གྱི་མཚོ་མོ་མཚལ་ཁྲག་གིས་དམར་པོ་རུ་བསྒྱུར་དུས། ཕ་ཡུལ། རོ་གཟན་རྒོད་པོ་ཁྱུ་གཅིག་གིས་གནམ་འཕང་གཅོད་ས་དང་། ཁྲག་འཐུང་སྦྱང་མོ་འབའ་ཞིག་གིས་འདུར་རྒྱུག་བྱེད་ས་ཞིག་ཏུ་གྱུར་དུས། ངའི་ཕ་ས་ཕ་ཡུལ། དམར་སྲུང་དམག་ལི་འགའ་ཞིག་གིས་ཨག་རིང་འཐེན་ས་རུ་གྱུར་ཞིང་། རྒྱ་མོ་རྐང་ཐོ་རེ་གཉིས་ཀྱིས་སྒེག་ཉམས་ངོམ་ས་ཞིག་ཏུ་གྱུར་དུས། བལྟས་བལྟས་རིག་རིག་ལ། སྙིང་སྟོབས་ཀྱི་གོ་ཆ་སྲ་མོ་ཞིག་བགོས་ཤིང་། སྙུ་གུའི་རལ་གྲི་རྣོ་དབལ་ཞིག་བཏེགས་ནས། བསད་བསད་གཏུབ་གཏུབ་ཀྱི་ཁྲག་དམར་གླེགས་བམ་ཆེན་པོ་ཞིག་གི་ལྟེབ་ཁུག་ན་བླུགས་ནས། སྟག་ཤ་ར་ཞིག་གིས་ཀི་རིང་ཞིག་འདེབས་བཞིན་ཤོར་འོང་བའི་བདག་གི་ནུ་བོ་སྟེ། ཐེའུ་རང་ཞེས་པའི་གསར་རུ་ལོ་ཆུང་དེ་དྲན་བྱུང་། ༢མ་ཡུལ་རི་ལུང་གི་ཤིང་ནགས་བྲེགས་ནས་གྲྭ་བཙུན་དག་གི་མགོ་བོ་ལྟ་བུ་ཞིག་ཏུ་བསྐྲུན་ཞིང་། མ་ཡུལ་སྤང་གཤོང་གི་གཏེར་ཁ་བསྔོགས་ནས་སློག་པ་ཐེད་པོ་འདྲ་བ་ཞིག་ཏུ་བསྐྲུན་དུས། མ་ཡུལ། དུག་སྦྲུལ་ནག་རིང་ཞིག་དང་འདྲ་བའི་མེ་འཁོར་རྒྱུ་ས་ཞིག་ཏུ་གྱུར་ཞིང་། སྐྱག་འབུ་སྦྲང་ནག་ཞིག་དང་མཚུངས་པའི་རླངས་འཁོར་རྡོག་རྡོག་པོ་དེ་དག་འཚུབ་ལོང་རྒོད་ས་ཞིག་ཏུ་གྱུར་དུས། ངའི་མ་ས་མ་ཡུལ། རྒྱ་རྒན་ལབ་གྱལ་འགའ་ཞིག་གིས་དུད་ཆང་རོལ་ས་ཞིག་དང་། རྒྱ་མོ་ཡུགས་ས་མ་ཁྱུ་ཞིག་གིས་གཞང་བཙོང་གི་གཡའ་ཆུ་བཞུར་ས་རུ་གྱུར་དུས། ཤེས་ཤེས་གོ་གོར། བསམ་གཞིགས་ཀྱི་གྲི་རིང་ཐོགས་ཤིང་། ལ་རྒྱ་ཡི་ཐོ་བ་འཁྱེར་ནས། ལྐོག་ལྐོག་སུད་སུད་ཀྱིས་རང་རིགས་ཀྱི་ཤ་ཚིལ་ཟ་བའི་མི་ངན་དག་གི་ངོ་གདོང་བཤོས་ནས། སྐྲ་ལོ་གཡག་རྔ་འདྲ་བོ་འཕྲག་ལ་གློད་ནས་འགྱིང་འོང་བའི་བདག་གི་ནུ་བོ་སྟེ། ཐེའུ་རང་ཟེར་བའི་ན་གཞོན་བུ་རྒོད་དེ་དྲན་བྱུང་། ༣འོད་དཀར་དྲ་ཚིགས་ཀྱི་རྒྱང་འབོད་ལེ་ཚན་ལས་བསྐྱུར་ཞིང་། རྩོམ་པོའ་ིམཐུན་ཚོགས་ཀྱི་མིག་ཟུར་ལས་མ་འོང་བའི་《ཁྲག་ཡིག་》དམར་པོའ་ིབདག་པོ་སྟེ། མི་ཆེན་དཔོན་ཆེན་གྱིས་རྣ་བར་མ་བཞག་ཀྱང་། བླ་ཆེན་དགེ་བཤེས་ཚོས་ཐུགས་དགོངས་ལ་མ་ཤར་བའི་ཐེའུ་རང་སྟེ།ནུབ་བྱང་ལྷ་སྲིན་སྡེ་བརྒྱད་ཀྱི་ནང་ཚན། བོད་མིའི་སྡུག་བསྔལ་ཧར་གྱིས་སྒྲོག་མཁན་གྱི་དུང་སྒྲ་རིང་མོ། བཙོན་ཁང་ནང་གི་སྐར་མ་འོད་ཆེན། བདག་གིས་དྲན་བྱུང་། དྲན་གདུང་གི་སེམས་པར་བཞད་པའི་སྙིང་གི་ཚི་ལུ། ཐེའུ་རང་ཧ་ཅང་དྲན་གི ༤ བཙན་བྱོལ་རྩོམ་པ་པོའ ་ིངག་སྒོ་ན་མ་ཐོན་ཞིང་། བོད་སྐྱོབ་རེ་འབོད་པ་དག་གིས་བསྐྱབ་ཡུལ་དུ་མ་གྱུར་བའི་ན་གཞོན་ཏེ། སྨྲ་ལྕེ་བདེན་པ་ལ་བཅོལ་ཞིང་། རང་རིགས་ཚེ་སྲོག་གིས་སྐྱོབས་པའི་དཔའ་བོ། རྒྱ་མོ་སྨིན་ལེགས་མའི་ཟུར་མིག་ལ་མ་ཆགས་ཤིང་། མོའ་ོཙེ་ཏུང་གི་མགོ་བོའ་ིབམ་ཁས་མ་ཁུགས་པའི་སྒལ་ཚུགས་དྲང་མོ། ལྕགས་ནག་འདོམ་པ་བཅོ་བརྒྱད་ཀྱི་དམ་པོར་བཅིངས་པའི་སྟག་རྒོད་ངར་མ། ཐེའུ་རང་དྲན་བྱུང་། ཉིན་མཚན་མེད་པར་དྲན་བྱུང་།

གཅིག རང་ཉིད་བོད་མི་ཞིག་ཡིན་པའི་ངོས་ནས་བསམ་ཞིང་གཏམས་པར་བྱས་ན། སེམས་སྐྱོ་སྐྱོ་བར་དུ་བསམ་རྒྱུ་ཡོད་ལ། ཁ་ན་ན་བར་དུ་འཆད་རྒྱུ་ཡོད། དེ་ནི་ང་བསམ་མཁས་པས་མ་ཡིན་ལ། ང་བཤད་མཁས་པས་དེ་བས་ཀྱང་མིན། གང་ཟག་སུ་ཞིག་ཡིན་ཡང་ལྷན་སྐྱེས་ཀྱི་རང་དབང་དང་ལྷན་སྐྱེས་ཀྱི་ཐོབ་ཐང་

རྨི་ལམ་རྨིས་པ།བསྟན་འཛིན་ཆོས་འཕེལ། 《ས་རཱ》

ཡོད་པ་ནི་ འགྲོ་མིའི་རིགས་གཙོ་བྱས་པའི་སྲོག་ལྡན་གྱི་རིགས་ཐམས་ཅད་གཅིག་མཚུངས་རེད། དེ་ལྟ་བུའི་ཆོས་ཉིད་འདི་ནི་སྲིད་པ་རྒན་པོའ་ིགཤིས་ལུགས་སུ་འཁུམས་པས་དེ་དང་འགལ་ན་ད་གཟོད་ཀླ་ཀློ་དུ་བགྲང་ཆོག་པ་ཡིན། གཉུག་མའི་ལོ་རྒྱུས་དང་གདོད་མའི་བྱུང་བ་ལ་ཕྱི་མིག་བལྟས་ན་ད་གཟོད་ཀླ་ཀློའ་ིབྱེད་བབ་གཅིག་གཅིག་གཉིས་གཉིས་ཀྱི་མིག་ལམ་དང་ཡིད་ངོ་ཚང་མར་ཁྲ་ལྷམ་མེར་འཆར་འོང། དེ་ལྟར་འཆར་བའི་གནད་དོན་རེ་རེ་ནི་ཀླ་ཀློའ་ིབྱེད་བབ་དངོས་མ་རེ་རེ་ཡིན་པས་ ཞིབ་དཔྱོད་ཀྱིས་འཇུག་ཅིང་ཉམས་སུ་སྦྱར་ཏེ་གཏན་དུ་བརྗེད་རྒྱུ་མེད་པར་བཟོ་དགོས། དེ་ནི་བོད་པའི་མིང་གིས་གོས་པའི་སེམས་ཅན་ཐམས་ཅད་ཀྱི་བགོ་སྐལ་ཡིན་ལ་འོས་འགན་ཡིན་པ་མ་ཟད་གདམས་ང་མེད་པའི་འོས་འགན་ཡིན།

གཉིས། མདང་ནུབ་ངའི་རྨི་ལམ་ནང་དུ་རང་དབང་ལྷ་མོ་ངའི་འདུན་དུ་ཕེབས་ཏེ་༼ཁྱོད་ཀྱིས་དཀའ་ངལ་ རྣམས་ཆད་ལྷག་མེད་པར་ཤོད༽ཅེས་གསུང་བྱོན་པར་གྱུར། ངས༼ང་བོད་པ་ཡིན་པའི་རྒྱུ་མཚན་གྱིས་ང་ལ་རང་དབང་མེད། ང་བོད་ཡིན་པའི་རྒྱུ་མཚན་གྱིས་ང་ལ་ཐོབ་ཐང་མེད། ང་བོད་པ་ཡིན་པའི་རྒྱུ་མཚན་གྱིས་ང་ལ་རྒྱལ་ཁབ་མེད་། ང་བོད་ཡིན་པའི་རྒྱུ་མཚན་གྱིས་ངས་གཞན་ངོ་སྲུང་དགོས། ང་བོད་པ་ཡིན་པའི་རྒྱུ་མཚན་གྱིས་ང་ལ་སྨྲ་བརྗོད་རང་དབང་མེད། ང་བོད་པ་ཡིན་པའི་རྒྱུ་མཚན་གྱིས་གཞན་གྱིས་ང་ལ་མཐོང་ཆུང་བྱེད་ཀྱི་འདུག ང་བོད་པ་ཡིན་པའི་རྒྱུ་མཚན་གྱིས་གཞན་གྱིས་ང་མི་གྲལ་དུ་རྩིས་ཀྱི་མི་འདུག ང་བོད་ཡིན་པའི་རྒྱུ་མཚན་གྱིས་ངའི་སྲོག་ལ་གཞན་གྱིས་སྲོག་གི་རིན་ཐང་བྱིན་གྱི་མི་འདུག ང་བོད་པ་ཡིན་པའི་རྒྱུ་མཚན་གྱིས་ཁྱི་མཞིན་དུ་འཁྱམ་དགོས་ཀྱི་འདུག ང་བོད་པ་ཡིན་པའི་རྒྱུ་མཚན་གྱིས་གཞན་གྱིས་ང་ལ་་་་་་་་་་་་་༽ཞེས་ངས་ཁ་ན་ན་དང་མིག་ཆུ་འཛར་འཛར་གྱིས་འཆད་བཞིན་པའི་མཚམས་དེར་རང་དབང་ལྷ་མོ་སུན་ཡོད་པ་འདྲ། མོས༼ད་འགྲིག་སོང་། ཁྱོད་ཚོ་བོད་པར་ཐུག་ཀྱང་འདི་འདྲ་རྐྱང་རྐྱང་རེད། ཁྱོད་ངོ་མ་དེ་འདྲ་སྡུག་ལ་ཐུག་ཡོད་ན་ཁྱོད་ཅིའི་ཕྱིར་འདི་འདྲ་ཉལ་ནས་སྡོད་ཀྱི་ཡོད༽ཅེས་ངའི་འགྲམ་པར་འགྲམ་ལྕགས་ཚ་ཐག་ཆོད་ཅིག་གཞུས་ཏེ་གཉིད་ལས་བསླངས། དེ་དུས་ཕལ་ཆེར་མཚན་གྱི་ཆུ་ཚོད་༡༡ཙམ་ཡིན་ས་རེད། ངའི་

གཡས་གཡོན་གྱི་ཤག་མཚེ་ཚང་མ་ལྷིང་འཇག་གེར་རེད་ལ། ལ་ལས་རྔུར་པའང་གསལ་ལ་མི་གསལ་བ་ཞིག་འཐེན་གྱི་འདུག ངས་རྨི་ལམ་ལ་རྨི་ལམ་རང་དུ་ བསམས་ནས་སླར་ཡང་ཉལ་བ་ཡིན།

གསུམ། དེ་ནས་ཕལ་ཆེར་ཆུ་ཚོད་གསུམ་ཙམ་གྱི་རྗེས་སུ་སླར་ཡང་ངའི་རྨི་ལམ་དུ་སྙན་ངག་ལྷ་མོ་ ཕེབས་བྱུང། མོས༼ཁྱོད་ལ་དཀའ་ངལ་གང་ཡོད་དེ་རིང་སྙན་ངག་གི་ལམ་ནས་གྱེར་ན་འགྲིག་གི་རེད་དམ༽ ཅེས་གསུངས། ཡང་ངས་༼ང་བོད་པའི་གངས་རི་ཡིན་པའི་རྒྱུ་མཚན་གྱིས་དཀར་པོ་བྱས་ནས་བསྡད་ས་མི་ འདུག ང་བོད་པའི་ཁ་བ་ཡིན་པའི་རྒྱུ་མཚན་གྱིས་དཀར་པོ་བྱས་ཏེ་འབབ་ས་མི་འདུག ང་བོད་པའི་སྤངས་ལྗོངས་ཡིན་པའི་རྒྱུ་མཚན་གྱིས་ལྗང་མདོག་བྱས་ཏེ་འཚར་ས་མི་འདུག ང་བོད་པའི་ཆུ་གཙང་ཆབ་ཡིན་པའི་རྒྱུ་མཚན་གྱིས་དྭངས་མ་བྱས་ནས་བཞུར་ས་མི་འདུག ང་བོད་པའི་ནགས་ཚལ་ཡིན་པའི་རྒྱུ་མཚན་གྱིས་གཡུ་ལོ་རྒྱས་དེ་མཚར་ས་མི་འདུག ང་བོད་པའི་གཡག་རོག་ཡིན་པའི་རྒྱུ་མཚན་གྱིས་རྩ་་ལྡུམ་ལྗང་ཁུ་ཟ་ས་མི་འདུག ང་བོད་པའི་ཁྲུང་ཁྲུང་ཡིན་པའི་རྒྱུ་མཚན་གྱིས་གནམ་མཐོན་པོར་འཕུར་ས་མི་འདུག ང་བོད་པའི་ཆར་པ་ཡིན་པའི་རྒྱུ་མཚན་གྱིས་དུས་ཐོག་ཏུ་་་་་་་་་༽ཞེས་ངས་རྫོགས་རྒྱུ་མེད་པར་གྱེར་དེ་མཚམས་འདིར་སླེབ་དུས་སྙན་ངག་ལྷ་མོས་སུན་སྣང་ཆེན་པོས༼ད་འགྲིག་ཐག་ཆོད་སོང། ཁྱོད་མ་དཀའ་ནའང་ང་དཀའ་ཡི་འདུག གྱེར་ནས་རྫོགས་རྒྱུ་ཁྱོན་ནས་མི་འདུག ཁྱོད་ཚོ་བོད་པ་ཚོས་རྟག་པར་འདི་འདྲ་གྱེར་གྱེར་ནས་བསྡད་པ་ལས་གཞན་ཅི་ཡང་ཤེས་ཀྱི་མི་འདུག༽ཅེས་བཀའ་བཀྱོན་ཕེབས། ངས་ཅུང་མི་འདོད་པའི་རྣམ་འགྱུར་ཞིག་སྟོན་བཞིན་༼ད་ཁྱེད་ཀྱིས་ཀྱང་ང་ཚོར་མཐོང་ཆུང་བྱེད་ཀྱི་འདུག ང་ཚོ་བོད་རྣམས་དེ་འདྲ་རྐྱང་རྐྱང་མིན།༽ཞེས་ངས་རང་ནུས་གང་ཡོད་ཀྱིས་རྩོད་པ་བྱས། སྐབས་དེར་མོས་༼ཁྱོད་ཚོ་དེ་འདྲ་རྐྱང་རྐྱང་ཡིན་ས་མ་རེད། སེམས་ཤུགས་ཆེ་མདོག་བྱེད་མཁན་ཁྱོད་རང་གིས་ཁྱོད་རང་ལ་ལྟོས་དང། ཉི་མ་འཕོངས་མགོར་ཤར་ནས་ཡོང་གི་འདུག་ཁྱོད་ད་དུང་ཉལ་ནས་སྡོད༽ཅེས་ཤེལ་གྱི་བུམ་པ་སྙིང་དུ་སྡུག་པ་ཞིག་ལས་ཆུ་ཕྲན་བུ་བསྟོར་ཏེ་ཡལ་སོང། དེ་མ་ཐག་ངའང་སད། ངས་སྔས་མགོར་ཡོད་པའི་ཆུ་ཚོད་

ལ་ལྟ་སྐབས། ཆུ་ཚོད་བརྒྱད་པ་ཟིན་པར་སྐར་མ་ལྔ་ལས་མི་འདུག ། མྱུར་དུ་ལངས་ཏེ་ཁྲུས་བཤལ་ཡང་མ་བྱས་པར་འཛིན་གྲྭར་ཕྱིན་པ་ཡིན།

ང་རང་ཚོའི་བཟང་སྤྱོད་གྱི་གནས་ཚུལ་དེའི་ཐོག་ནས་མང་ཚོགས་ལ་༧རྒྱལ་བ་རིན་པོ་ཆེའི་བཀའ་སློབ་དང་མཐུན་པའི་མིག་དཔེ་བསྟན་ཐུབ་པ་ཞིག་ངེས་པར་དུ་ཡོང་བའི་རེ་བ་ཞུ་གི་ཡོད། རེ་བ་ཙམ་མ་ཟད་ཡིད་ཆེས་ཞུ་ཡི་ཡོད།

༌༌༌༌༌༌༌༌༌༌༌༌༌༌༌བཀའ་ཁྲི་ཟམ་གདོང་རིན་པོ་ཆེས།

རང་རེ་གངས་ཅན་མི་རིགས་ལ་མཚོན་ན་ལོ་རྒྱུས་ཀྱི་རྒྱུན་རིང་བ་དང་རིག་གནས་ཀྱི་ལོངས་སྤྱོད་ཕྱུག་པ་སོགས་རྒྱལ་ཁབ་ཕྱི་ནང་ཀུན་ཏུ་གྲགས་ཀྱང་གྲགས་ལ། བདེན་ཡང་བདེན་མོད། མེས་པོ་རྣམས་ཀྱི་ཤུལ་བཞག་དངོས་རྫས་ཡོད་ཁུལ་གྱིས་རང་མཐོང་ང་རྒྱལ་གྱིས་ཉལ་བསྡད་ན་མི་འགྱངས་པར་གཞན་གྱི་གྱང་རྩ་དང་ཟས་ལྷག་ལ་བརྟེན་པའི་སྤྲང་པོར་འགྱུར་བར་ཐེ་ཚོམ་མེད།

---དོར་ཞི།

བོད་ཀྱི་ལྟེ་གནས་གྲོང་ཁྱེར་ལྷ་ས་དང་། གནའ་རབས་ལོ་རྒྱུས་ཀྱི་འབྱུང་ཡུལ་ལྷོ་ཁའམ། ཀོང་པོ། འབྲི་གུང་སོགས་ས་གནས་དུ་མར་གནའ་དུས་བཙན་པོའ ་ིསྐབས་བསྐྲུན་པའི་རྡོ་རིང་གི་ཡི་གེ་བཟོ་བཅོས་ཀྱི་དྲི་མས་མ་གོས་པ་ཁག་གཅིག་ད་ལྟའང་དངོས་སུ་གནས་ཡོད་པ་དེ་དག་གི་ཐོག་ཆབ་སྲིད་དང་། དམག་དོན། ས་རིས་བདག་དབང་གི་སྐོར་སོགས་འཁོད་ཡོད་ལ། ཆོས་ལུགས་འཛིན་སྐྱོང་ཐད་ཀྱི་གཙིགས་ཡིག་ཀྱང་ཚུད་པ་བཅས་ལོ་རྒྱུས་དཔྱད་གཞིའི་ནང་དོན་ཕུན་སུམ་ཚོགས་ཙམ་མཆིས།

---ཆབ་སྤེལ་ཚེ་བརྟན་ཕུན་ཚོགས།

མི་ཞིག་ཚད་ལྡན་ཡིན་དང་མིན་གྱི་ཚད་གཞི་དེ་མི་དེ་ལ་རྒྱབ་སྐྱོར་བྱེད་མཁན་མང་ཉུང་ཐོག་ནས་བལྟ་རྒྱུ་མིན་པར། མི་དེས་བཤད་པའི་སྐད་ཆ་དེ་དང་བསམ་བློ་དངོས་ཡོད་གནས་ཚུལ་དང་མཐུན་ན་མི་དེ་ཚད་ལྡན་ཡིན་པ་དང་། དེ་མིན་ན་ཚད་ལྡན་མིན།

༌༌༌༌༌༌༌༌༌དུང་དཀར་བློ་བཟང་འཕྲིན་ལས་ཀྱིས།

ལོ་ངོ་ཁྲི་སྟོང་མང་པོའ་ིརིང་ལ། ལམ་ཕྲན་འདི་རྒྱ་ཇེ་ཆེར་དང་ཁོད་ཇེ་སྙོམ། ཁྱོན་ཇེ་ཡངས་སུ་གཏོང་མ་ཐུབ་པ་དེ་ནི་ང་ཚོའི་ངོ་ཚ་ཡིན་པ་ལས་གནའ་མིའི་གླེན་རྟགས་ག་ལ་ཡིན།

༌༌༌༌༌༌༌༌༌༌༌༌༌དཔལ་དོན་གྲུབ་རྒྱལ་གྱིས།

ཤ་དར་ཁྲག་དར་དུས་སུ།། ཡོན་ཏན་ནོར་བུ་བསགས་དགོས།། ཡོན་ཏན་མེད་པར་རྒས་དུས།། ཁྱི་རྒན་སྒོ་ཉལ་འདྲའོ།།

༌༌༌༌༌༌༌༌༌༌མཁས་དབང་དམུ་དགེ་བསམ་གཏན་གྱིས།

བོད་དོན་གླེང་སྟེགས།

-3-Bod-Dhon-Ling-Tik

=༣=ཕྱི་ལོ་ ༢༠༡༡ ཟླ་བ་ ༢ པའི་ཚེས་ ༣།

ཆེད་སྒྲིག་ལེ་ཚན། –བོད་རྔ་བའི་སྐྱིད་སྡུག་གླེང་བ།

གོ་མཚོན་སྤྲས་པའི་དམར་དམག་གི་མིག་སྡངབཙན་གནོན་དང་གདུག་རྩུབ་ཀྱི་ཡོལ་བའི་ཧྲག་བརསྤུ་གྲིའི་སོ་ཁ་ན་རྐང་རྗེན་དུ་བགྲོད་པའི་བདག་གི་དཔའ་བོ་དཔའ་མོམིག་བཙིམ་ཡང་སེམས་ལ་འཁོར་འོང་བའི་རྣམ་ཤེས་དེ་དགཁྱོད་ཀྱི་པང་ནས་འཚར་ཏེ་ཁྱོད་ཀྱི་པང་ནས་ཆས་སོང ཁྱོད་ཀྱི་ཞལ་རས་སྒོར་མོ་དེ་ཇི་འདྲའི་ཡིད་དུ་འོང་ནའངམེ་མདའ་དང་སྒྱོགས་ཆེན་གྱི་དུད་སྨུག་གིས་སྦགས་བྱུང་ཨངཁྱོད་ཀྱི་ཞི་འཇམ་གྱི་གཤིས་ཀ་དེ་ཇི་འདྲའི་སྲ་ཞིང་བརྟན་ནའངདབྱུ་གུའི་ཟོལ་དུ་དགྲ་བོའ་ིམེ་མདའ་དང་རྩེ་གྲིས་སྐུལ་ཏེཁྱོད་ཀྱིས་རང་གི་སྒྲ་དབྱངས་དེ་མི་འཁྲོལ་ག་མེད་བྱུང་སོངཨ་མདོ་རྔ་བ དཔའ་བོའ་ིསྙིང་སྟོབས་ཀྱི་མེ་ལྕེ་དྲག་ཏུ་འབར་བའི་ཞིང་ཁམས ཁྱེད་ཀྱིས་བྲིས་པའི་ལོ་རྒྱུས་ཀྱི་ཐིག་ཕྲེང་རེ་རེ་ནིབདེན་པ་དང་སྙིང་སྟོབས་ལ་བརྒྱུས་པའི་འོད་ཟེར་རེ་རེ་སྟེམི་རིགས་ཤིག་གི་སེམས་གཏིང་ལ་ཟུག་པའི་ཁྱོད་ཀྱི་མིང་བྱང་ཡངརྟག་བརྟན་ཐེར་ཟུག་གི་མར་མེ་ཚེ་འབར་དེ་མ་ཡིན་ནམ དཔའ་བོ་ཕུན་ཚོགས། མིག་ཆུ་ཁོག་ལ་མིད་ནས་ཟུངས་ཁྲག་ཕྱི་ལ་བཏོན་ཏེངོ་གདོང་དམར་སྨུག་གི་དཔའ་བོའ་ིསྣང་བརྙན་དེ་བོད་ལ་བཞག་སོངམི་ལོ་ཉི་ཤུར་མྱངས་པའི་སྡུག་བསྔལ་ལས་ཀྱང་སྟོབས་ཆེ་བའིསྙིང་སྟོབས་ཀྱི་མེ་ལྕེ་དེ་འཛམ་བུ་གླིང་ལ་ཁྱབས་སོང བདག་གི་སྙིང་ཉེ་བའི་རྒྱལ་གཅེས་དཔའ་བོ་ཆུང་ཆུངཁྱེད་ཀྱིས་རང་གི་ཚེ་སྲོག་གི་སྒྲོན་མེ་སྦར་ཏེགདུག་རྩུབ་ཀྱི་མུན་པ་གཞིལ་བའི་ལོ་རྒྱུས་ཀྱི་རྟོགས་བརྗོད་དེསབདག་གི་མིག་ཆུ་དང་སེམས་གཅོང་ལ་རང་དབང་མེད་པར་གྱུར་སོང དགྲ་བོའ་ིམེ་མདའ་དང་ལྕགས་དབྱུག་གིས་ཁྱེད་ཀྱི་ཚེ་སྲོག་འཕྲོག་ཀྱངཁྱོད་ཀྱི་རང་དབང་དང་སྙིང་སྟོབས་དེ་ནམ་ཡང་འཕྲོག་མི་བཏུབཁྱོད་ཀྱི་བདེན་པ་དང་གཟི་བརྗིད་དེ་ནམ་ཡང་གཞོམ་མི་སྲིདའཆི་བ་ལ་འཇིགས་པ་མེད་པའི་རྒྱལ་གཅེས་དཔའ་བོ་ཆུང་ཆུང་ལགས དཔའ་བོ་བཀྲ་བྷེ། སྙིང་ལ་གཟན་པའི་སྐག་སྒྲ་གཉིས་བསྟུད་མར་གྲགས་སྐདཁྱོད་ཀྱི་སྙིང་སྟོབས་ཀྱི་མེ་ལྕེ་དེ་ལྷབ་ལྷུབ་ངང་དགུང་དུ་མཆེད་སྐདད་དུང་རང་དབང་གི་འབོད་སྒྲ་དེས་རྔ་ཁོག་རིང་མོ་གཤགས་དུསགཟི་བརྗིད་ལྡན་པའི་མི་རིགས་ཤིག་ཁྱོད་ཀྱི་རྗེས་ན་འཚོ་ཡོད ཐེ་ཚོམ་མེད་པར་འཆི་ཕོད་ཀྱི་སྙིང་སྟོབས་དེསད་དུང་བདག་གི་མི་རིགས་འདིར་གསོན་གནས་ཤིག་ཡོད་པར་མཐོང་བྱུང བཀྲ་བྷེ་ལགས ཁྱོད་རང་མུན་པར་བཅུག་ཡོད་ཀྱངགཟི་བརྗིད་ལྡན་པའི་འོད་སྣང་དེས་བདག་གི་མཁའ་དབྱིངས་ཁྱབས་ཡོད འདོན་སྤེལ།: ༢༠༡༡/༠༤/༠༢

ཨ་མདོ་རྔ་བ། –རྔ་བ་དཔའ་བོའ་ིཞིང་ལ་སྦྲིངས་པ། ལྷ་ཆབ་སྦྱིན་པ།《རྡ་ས》

དོ་ནུབ་ཀྱི་མཚན་མོ་ནི་ཁྱོད་དང་ཤིན་ཏུ་མཚུངས་སྟེ།ཉི་ཟེར་གྱི་ཁ་ཟས་དང་རིང་དུ་བརྒལ་བའི་ཕྱིར་རོ། རྔ་བ། ཁྱོད་ཉིད་མེ་དཔུང་ཞིག་ཡིན་པའི་དབང་དུ་བཏང་ན།ཁྱོད་ཀྱི་མེ་སྟག་གི་རྣོ་དབལ་རེ་རེས་གཏུམ་སྤྱོད་ཀྱི་སྙིང་རྩ་བསྲེགས་ལ།ཁྲག་དྲོན་གྱི་འཕར་རྩ་གཏིང་ནས་ཁོལ་བར་བྱས་པར་མ་ཟད།ཁྱོད་ཀྱི་ཨམ་གཙུག་གིས་སྒུལ་བའི་སྙིང་རུས་གསོན་པོ་དགའཇིག་རྟེན་གྱི་མཐོ་སར་ལྡིང་ཞིང་། མི་སེམས་ཀྱི་ཟབ་སར་འཛུལ་འོང་། རྔ་བ། ངས་ཁྱོད་ཀྱི་གཏམ་རྒྱུད་ཀྱིས་སྒུལ་བའི་ས་ཆེན་པོའ་ིགཤོག་པ་མཐོང་བྱུང་ལ།ངས་ཁྱོད་ཀྱི་སྙིང་སྟོབས་ཀྱིས་སྤུར་བའི་ཆུ་ཆེན་པོའ་ིརླབས་སྒྲ་ཐོས་བྱུང་།མི་ཡུལ་ནི་བདེན་སྟོབས་ཀྱི་ཆེད་དུ་བཞེངས་པ་མིན་ནའང་། མི་ཚེ་གནས་ལུགས་ཀྱིས་བཞུད་ཐུབ་པ་ནི་ཁྱོད་ཉིད་དེ།ཞེ་གནག་གི་མཆེ་བར་ནས་སྙིང་སྟོབས་ཀྱིས་ལངས་སྤོབས་པའང་ཁྱོད་ཉིད་ཁོ་ནའོ། དེ་ལྟ་ནའང། རྔ་བ མིག་ཆུས་སྒུལ་གྱིན་པའི་རྔ་བ།སྙིང་གི་འུ་ཁུང་བརྟོལ་བའི་ཁྲག་དྲོན་དེ་ནི་ཁྱོད་ཀྱི་གསོན་ཤུགས་དང་སྙིང་སྟོབས་ལོས་ཡིན་ཏེ།མི་སེམས་སྙི་མོས་གྲུབ་པའི་སྙིང་ཁམས་འདིས་ནི་ཁྱོད་ཀྱི་ལོ་རྒྱུས་ལ་ཞིབ་ལྟ་བྱེད་མི་ཕོད་ཅིང་།ཁྱོད་ཉིད་འགྲོས་སྟངས་ལ་རྒྱང་ལྟ་བྱེད་མི་ཕོད་ཨང་། རྔ་བ།

༢༠༡༡།༤ །༢༢ མཚན་མོར་མདོ་སྨད་རྔ་བའི་ཞི་རྒོལ་ལ་ཞིབ་ཉན་ཐེངས་གཅིག་བྱས་རྗེས།

རྔ་བའི་དཔའ་བོ་ཚོར་ཕུལ་བ། –ཕུན་ཚོགས།《རྡ་ས》

སྤུན་ཟླའི་ལས་དབང་ཡ་ཁོག་སེམས་སུ་ཉར་དུས།། ཚོར་སྣང་ལྕི་མོ་ཞིག་གིས་བྲང་ཁོག་རྡུང་དུས།།ན་ཟུག་རྙིང་པ་ཞིག་གིས་ཧོབ་ཀྱིས་དཀྲོག་དུས།།ཁྱེད་ཀྱི་དཔའ་རྩལ་སུས་ཀྱང་འགྲན་ནུས་མ་སོང་།། ས་ཡ་དྲུག་གི་ལས་དབང་སེམས་སུ་རུམ་དུས།།སྐྱིད་སྡུག་མཉམ་མྱོང་ཞིག་ལ་ཕུགས་བསམ་བཅོལ་དུས།།རང་གི་རིགས་ལ་ཞེན་པ་དཀར་པོ་འཆང་དུས།། ཁྱེད་ཀྱི་དཔའ་རྩལ་སུས་ཀྱང་འགྲན་ནུས་མ་སོང་།། གཏམ་རྒྱུད་ནག་པོ་ཕྱིར་དྲན་ཐེངས་ཤིག་བྱས་དུས།། ཕ་གྱོད་རྙིང་པར་སྤྱན་ཞགས་ཐེངས་ཤིག་འཕེན་དུས།། རྒོལ་ལུགས་སྲོལ་དང་མཐུན་པའི་རྒོལ་སྟངས་འདིས་ཀྱང་།།ཁྱེད་ཀྱི་དཔའ་རྩལ་སུས་ཀྱང་འགྲན་ནུས་མ་སོང་།། རང་རིགས་མི་ལ་བཀུར་བའི་དད་འདུན་ཕྲ་མོ།། ལྷད་མེད་དྭངས་གཙང་སེམས་འདི་ཐུགས་སུ་འཁྲུངས་དུས།། རང་སྲོལ་མཆོད་མ་ེའབུལ་པའ་ིརྒོལ་ལུགས་འདིས་ཀྱང་།། ཁྱེད་ཀྱི་དཔའ་རྩལ་སུས་ཀྱང་འགྲན་ནུས་མ་སོང་།། རང་རིགས་དོན་དུ་རྒོལ་སྟངས་གྲངས་ལས་འདས་ཀྱང་།།རང་ལུས་མེ་རུ་བསྲེག་པའི་རྒོལ་སྟངས་རྫིག་པོ།། དེའི་ཕྱིར་ལ་རྒྱའི་དབང་གི་མཆོང་སྟངས་འདིས་ཀྱང་།། ཁྱེད་ཀྱི་དཔའ་རྩལ་སུས་ཀྱང་འགྲན་ནུས་མ་སོང་།།

རྒྱལ་གཅེས་དཔའ་བོ་བློ་

བཟང་ཕུན་ཚོགས་

ཀྱི་རྒོལ་ལུགས། – རྒྱལ ་གཅེ ས ་

དཔའ་བོ་ཁོང་སྐུ་གཤེགས་ནས་ཉིན་ཞག་བཞི་བཅུ་ཞེས་

དགུ་འཁོར་བའི་དུས་དྲན་དུ་ཕུལ་བ།

–ལི་སྨྱོན་མ་ཧ་ཀཱ་ལཱ།

སྙན་ཚིག་བུང་བའི་གཤོག་སྒྲོ་ལྡེམ་མྱུར་ཞིག་གིས།། ཁྱེད་རང་དྲན་པའི་གདུང་བ་སེལ་བའི་ཕྱིར་དུ།།དབང་མེད་སྨྱུ་གུས་གར་སྟོབས་བསྒྱུར་སྟངས་འདིས་ཀྱང་།། སྐྱིད་སྡུག་མཉམ་མྱོང་ཞིག་གི་མཚོན་དོན་ཡིན་ནོ།།

༢༠༡༡་་༥་་༤་་ཡི་དགུང་མོ་འབྲས་སྤུངས་བློ་

གསལ་གླིང་གྲྭ་ཚང་གི་ཉིན་ཞག་ཞེ་དགུ་འཁོར་བའི་དུས་

སྐབས་དང་བསྟུན་ནས་སྨོན་ལམ་གསུང་དུས་ཐོལ་བྱུང་

དུ་ཚོགས་ཐོག་ན་གདུང་བ་དྲག་པོ་ཞིག་སྐྱེས་ནས་མྱ་ངན་

ཞིག་གི་ཚབ་ཏུ་བྲིས།།

འདོན་སྤེལ།: ༢༠༡༡/༠༥/༠༤

སུ་ལའང་ཡོད་ཆོག་པའི་མཛེས་སྡུག་གི་རྨི་ལམ་དེའི་ཕྱིར་དུ།ཡང་ན། སུ་ལའང་ཡོད་དགོས་པའི་རང་དབང་གི་འབོད་སྒྲ་དེའི་ཆེད་དུ།སྨག་ནག་པའི་ཕ་ཡུལ་གྱི་རི་སུལ་དེ་ནས།ཁྱོད་ཀྱིས་རང་ཉིད་མར་མེ་རྐོང་བུ་ཞིག་གི་ཚུལ་དུ་བསྒྲོན།ཁྱོད་ཀྱིེས་རང་ཉིད་ཚག་སྒྲ་རྐང་ཞིག་གི་ཟོལ་དུ་སྤར།དམར་ལྷབ་ལྷུབ་ཀྱི་མེ་ལྕེ་དེས།སྨག་རིམ་གྲངས་མེད་ཀྱི་མཚན་གཞུང་གཤགས་ནས།སུ་ཞིག་གིས་བརྡར་བའི་གནས་ལུགས་བཞིན།གཏམ་རྒྱུད་གཞན་ཞིག་བྲང་ཁོང་བརྟོལ་ནས་ཕེབས་སོང་།འདི་ཁོ་ན་ཁྱོད་ཀྱིས་མི་ཡུལ་ལ་བཞག་པའི་རྐང་རྗེས་ཡིན་ནམ།འདི་ཁོ་ན་ཁྱོད་ཀྱིས་ཕ་ཡུལ་ལ་བསྐྱུར་བའི་ཁ་ཆེམས་ཡིན་ནམ།མཚན་མོ་དེའི་སྔ་རྗེས་སུ།ཁྱོད་ཀྱི་ཕ་ཡུལ་དུ་དྲག་རླུང་འཚུབ་བྱུང་།གནའ་གཏམ་ཁྲོད་ཀྱི་དྲག་རླུང་ཡང་བསྐྱར་འཚུབ་བྱུང་།མུན་པ་གྱོན་ཞིང་མུན་པར་དགའ་བའི་འུག་པའི་ཚོགས།སུ་ཞིག་གི་ཚེ་སྲོག་ལ་རྔམ་པའི་དུར་འདབས་ཀྱི་ཁྱི་སྤྱང་བཞིན།ཡང་བསྐྱར་སླེབས་བྱུང་། ཉམ་ཆུང་གང་མང་ཞིག་ཁྱུར་མིད་གཏོང་བར་སླེབས་བྱུང་།འོན་ཀྱང་། ཕ་ཡུལ་གྱི་ཕུ་ནུ་མིང་སྲིང་ཚོས།ཁྱོད་ཀྱིས་སྤར་བའི་མེ་ལྕེ་སྒྲོན་མེར་བཏེགས་ནས།ཁྱོད་ཀྱིས་བསྐྱུར་བའི་ཁ་ཆེམས་སེམས་ཁོངས་སུ་ཉར་ནས།གོམ་པ་རེ་རེ་བཞིན་ཨུ་ཚུགས་ཀྱིས་སྤོ་བཞིན་ཡོད།རླུང་རྟ་རེ་རེ་བཞིན་རེ་སྤོབས་ཀྱིས་གཏོར་བཞིན་ཡོད།ཞི་བདེ་དང་གནས་ལུགས་ལ་རིན་ཐང་མེད་པའི་ཁྱོད་ཀྱི་ཕ་ཡུལ་དུ།ཁྲིམས་ལུགས་དང་ཐོབ་ཐང་ལ་བེད་སྤྱོད་མེད་པའི་ཁྱོད་ཀྱི་ཕ་ཡུལ་དུ།

རང་ཉིད་མེ་ལ་སྒྲོན་མཁན་ཁྱོད། (ཕ་ཡུལ་དུ་ཁ་པར་ཐེངས་ཤིག་བཏང་རྗེས་བྲིས།)

སྦྲ་ཪིགས་ཐོགས་མེད།《ལྡི་ལི》

ཁྱོད་ཀིྱ་ཕ་ཡུལ་དུ། ད་ལྟ་མུན་ནག་རྐྱང་རྐྱང་འཁོར་ནས་ཡོད།ཁྱོད་ཀིྱ་ཕ་ཡུལ་དུ། ད་ལྟ་མིག་ཆུ་ཁ་ོན་བཞུར་གིྱན་ཡོད།གང་ལྟར། ཁྱོད་ཀིྱ་ང་ཚོར་འོད་ཟེར་གིྱ་གཏམ་རྒྱུད་བསྐྱུར་ནས་ཕེབས་སོང་།ཁྱོད་ཀིྱས་ང་ཚོར་གནས་ལུགས་ཀིྱ་མིག་ཟུང་གནང་ནས་བཞུད་སོང་།དེའི་ཕིྱར། དུས་ཚིགས་གང་རུང་གི་སྔ་རེྗས་སུ།ཕ་ཡུལ་དུ་གདུག་སེམས་ཀིྱ་མུན་པ་ཇི་འདྲའི་མཐུག་ནའང་།ཕ་ཡུལ་དུ་འཇབ་རྒོལ་གིྱ་དྲག་ཆར་ཇི་འདྲའི་རྩུབ་ན་ཡང་།ང་ཚ་ོཡང་ཕིྱར་མི་ལྡོག་པའི་ཁྱོད་ཀིྱ་ཕེབས་ལམ་དེར་ཞུགས་ནས་ཡོང་གིན་ཡོད།ང་ཚ་ོཡང་འོད་སྣང་གིས་ཁེངས་བའི་ཁྱོད་ཀིྱ་བགྲོད་ལམ་དེ་དེད་ནས་སེླབ་བཞིན་ཡོད།

བོད་ཀྱི་གཞོན་ནུའི་ཟས་བཅད་ངོ་རྒོལ་པ་རྣམས་

ལ་རྩོམ་སྒྲིག་པའི་ངོས་ནས་གདུང་སེམས་

མཉམ་སྐྱེད་ཞུ་བཞིན་ཡོད།

བོད་དོན་གླེང་སྟེགས།

Bod-Dhon-Ling-Tik-4-

=༤= ཕྱི་ལོ་ ༢༠༡༡ ཟླ་བ་ ༢ པའི་ཚེས་ ༣།

ལོ་རྒྱུས་ཀྱི་གླེགས་བམ་ལསམི་བུ་ཞིག་གི་རྣམ་དཔྱོད་ལ་འོད་སྣང་བཀྱེད་ཚུལ་དེསུ་ཞིག་གི་སྙིང་ལ་བཏབ་པའི་གཏམ་གྱི་སྒོ་མོ

དུས་རབས་ཤིག་ཁད་ཀྱིས་བཞུད་པའི་ལོ་ཟླདར་རྒུད་ཀྱི་ཞིང་ཁམས་ནས་རྨི་ལམ་བཞིན་ཡལ་དུསརང་དབང་ལྷ་མོའ་ིའཛུམ་རིས་ལ་དུང་བའི་དཔུང་ཁག་ཅིགབླ་སྲོག་གི་འབོད་པ་བཏང་བའི་རུ་འདྲེན་དུ་གྱུར

ཚོད་ཚོད་ལ བསམ་བློའ་ིགྲུ་ཟུར་ནས་འཛུམ་པའི་སྐད་ཆ་ཐེད་པོ་དེ་དགབསམ་གཞིགས་ཀྱི་རྣོ་ཁ་ནས་ཡང་སྐོར་བསྐྱར་སྐོར་བྱེད་དུསསུ་ལ་བཅིངས་པའི་དུང་སེམས་ཀྱི་རྨང་རྡོ་དེའང་འགུལ་ཙམ་འགུལ་ཙམ་བྱས

འདི་ནི ཐོབ་ཤོར་གྱི་བར་གསེང་ལས་བུད་པའི་ཚེ་སྲོག་ཕྲ་མོ་ཙམའདི་ནི དུས་རླུང་གིས་བདས་པའི་བསམ་གཞིགས་ཀྱི་ཡོ་ལང་ཞིག

དུས་རླུང་གིས་བདས་པའི་བསམ་གཞིགས

–བོན་རྒྱ་བློ་བཟང་བཀྲ་ཤིས། 《ནོར་གླིང》

ཕ་ཡུལ་དང་ཁ་གྱེས་ཏེ་ལོ་ངོ་ག་ཚོད་ཅིག་ལ་ས་མཐར་འཁྱམ་པའི་པོ་ཏ་ལའི་མི་དམངསཕ་མ་དང་ངོ་མ་ཐུག་པར་དྲན་གདུང་ག་ཙམ་ཞིག་བཟོད་བསྲན་ཡོད་པའི་བྱེས་གྱར་བའི་བོད་མྱིཁྱོད་ཚོས་ཕ་ཡུལ་དྲན་པ་ནང་བཞིན ཕ་ཡུལ་གྱིས་ཁྱོད་ཚོ་དྲན་གྱིན་ཡོད་དེརེ་སྒུག་གི་ལག་པ་ཐོད་ལ་བཞག་སྟེ་མཛུབ་མོ་ནང་བཀུག་བྱེད་ཀིན་པའི་ཁོག་རྩིས་ཀྱི་རེའུ་མིགརྩྭ་ཐང་གི་ནམ་མཁའ་ན་བྱ་ཁྱུ་བཞིན་འཕུར་བའི་དྭངས་གཙང་གི་ཚོར་བའི་གསེབ་ལ་བཞག་ཡོད

རྒན་རྒོན་ལོ་ལོན་ཚོས་མ་ནི་འདོན་མཚམས་ཀྱི་བར་ན་ཁྱོད་ཚོ་གླེང་གི་ཡོད་ལགསར་བུ་དར་མ་ཚོས་ལས་ཀ་ལས་མཚམས་ཀྱི་བར་ན་ཁྱོད་ཚོ་བཤད་ཀི་ཡོདགྲྭ་བཙུན་དང་ཨ་ནེ་ཚོས་རྒྱ་ཕིབས་དང་གསེར་ཏོག གཡེར་ཆུང་གི་སིལ་སྒྲའི་བར་ན་ཁྱོད་ཚོའི་གོམ་སྒྲ་ལ་ཉན་ཡོད

ཤེས་ཡོན་ཅན་ཚོས་ཁྱོད་ཚོས་སྙིང་སྟོབས་ཤིག་བཏེགས་ནས་འོང་བར་རེ་སྒུག་བྱས་ཡོདསློབ་བུ་ཚོས་དཔེ་ཆའི་ཐིག་ཕྲེང་གི་བར་གསེང་ན་ན་ཟུག་དང་སྐྱོ་ཤས་ཀྱིས་ཁྱོད་ཚོར་ངང་སྒུག་བྱས་ཡོདས་མཐར་འཁྱམས་ནས་ཡུན་རིང་བྱིན་པའི་པོ་ཏ་ལའི་མི་དམངས ད་ནི་ཕ་ཡུལ་ལ་ལོག་ཤོགརང་དབང་གསར་བ་ཞིག་བསུས་ནས དམངས་གཙོའི་ལེགས་སྐྱེས་ཤིག་བཏེགས་ནསཕ་ཡུལ་ལ་འཚོ་བ་རོལ་དུ་ཤོག ཕ་ཡུལ་གྱི་མི་དམངས་དང་ལྷན་འཛོམས་ཀྱི་དགོད་སྒྲ་འཐུང་དུ་ཤོག

གངས་རི་དང་མཚོ་མོ སྦྲ་ནག་དང་ལུག་ཁྱུཁྱོད་ཚོའི་རྨི་ལམ་གྱི་གཞུང་ན་རྒྱུན་པར་ཡོད་སྲིད་པའི་མཐོ་དབུས་མདོ་སྒང་གིསཁྱོད་ཚོ་དྲན་ནས་ཡུན་རིང་བྱིན་སོང ཁེར་རྐྱང་གི་མགོ་བོ་བྲང་ལ་བསྙེས་ཏེ་ཡུན་རིང་བྱིན་སོང

གངས་རིའི་བཤད་ན་ཁྱོད་ཚོ་འགྲོ་ཁར་སྐྱོ་ལྷང་གིས་བཞུད་སོང་ཟེརམཚོ་མོས་བཤད་ན་ཁྱོད་ཚོ་ནམ་ཞིག་སྤྲོ་ལྷང་ལྷང་གིས་ཡོང་སྲིད་ཟེརསྦྲ་ནག་གིས་སྐྱོ་གར་གྱིས་དྲངས་པའི་དགའ་སྤྲོ་ཞིག་ཡོད་པར་ཡིད་ཆེས་བདོག་ཟེརལུག་ཁྱུས་མི་རིང་བར་བདག་པོ་འོང་སྟེ་ང་ཚོ་རྩྭ་ཆུ་འཛོམས་ས་ཞིག་ལ་འདེད་སྲིད་ཟེར

པོ་ཏ་ལའི་མི་དམངས ཕྱིར་ཕ་ཡུལ་ལ་ཕེབས་ཤོགཁྱོད་ཚོས་ཕ་ཡུལ་དྲན་པ་ནང་བཞིནཕ་ཡུལ་གྱིས་ཀྱང་བརྗོད་མི་ཐུབ་པའི་ཐ་སྙད་རེ་རེའི་ངོ་གདོང་གི་བར་ན་ཁྱོད་ཚོ་དྲན་གྱི་ཡོད 08/11/14ཉིན་གུང་པེ་ཅིན་དུ།

པོ་ཏ་ལའི་མི་དམངས། ཕྱིར་ཕ་ཡུལ་དུ་ཕེབས་ཤོག

–རྣོ་སྦྲེང་།

ཀ་ཁ་ག་ང་། ཅ་ཆ་ཇ་ཉ།……《བྱིས་པའི་དབྱངས་གསལ་ཀློག་འདོན་གྱི་སྒྲ་དང་སྦྱར་ཏེ།》ང་ཡི་མེས་པོའ་ིརུས་རྐང་ལས་འཛུམ་པའི་གསེར་གྱི་མར་ཁུ།མཐོན་པོའ་ིགངས་ཁྲོད་དུ་སྒྲོན་པའི་གསེར་གྱི་མར་མེ།ཨོ། དབྱངས་གསལ་སོ་བཞི། ངའི་རྣམ་ཤེས་ཀྱི་མཁའ་དབྱིངས་ལ་འོད་ཀྱིས་འཚེར་བྱུང་།ངའི་བླ་སྲོག་གི་གཏིང་རུམ་ལ་དྲོད་ཀྱིས་གསལ་བྱུང་།ཨོ། དབྱངས་གསལ་སོ་བཞི། ང་བོད་པའི་སྒལ་ཚིགས་སྦྲེལ་བྱེད་ཀྱི་རྡོ་རྗེ་མདུད་པ།ང་བོད་པའི་མགོ་བོ་དགྱེ་བྱེད་ཀྱི་བློ་རྩ་བརྟན་པོ།ང་བོད་པའི་འཇིག་རྟེན་མཐོང་བྱེད་ཀྱི་མིག་དབང་རྣོན་པོ།ཨ། དབྱངས་གསལ་སོ་བཞི། ངའི་བླ་སྲོག་གི་སྒྲོན་མེ།

ང་ཡི་སེམས་ཀྱི་ཡོལ་གོ་རུ་བླུག་པའི་གསེར་གྱི་མར་ཁུ།གློ་སྙིང་མཆིན་གསུམ་དུ་སྒྲོན་པའི་གསེར་གྱི་མར་མེ།ཨོ། དབྱངས་གསལ་སོ་བཞི། ངའི་རྨོངས་མུན་གྱི་ཞིང་ཁམས་ལ་འོད་ཀྱིས་མངོན་བྱུང་།ངའི་གྲང་འཁྱག་གི་འཇིག་རྟེན་ལ་དྲོད་ཀྱིས་བབས་བྱུང་།ཨོ། དབྱངས་གསལ་སོ་བཞི། ང་བོད་པའི་ཁྱིམ་གཞིས་འཛིན་བྱེད་ཀྱི་མཐིང་སྨུག་སྦྲ་ཆུང་།ང་བོད་པའི་ལུས་སྟོབས་འཕེལ་བྱེད་ཀྱི་མར་རྩམ་སྣུམ་པོ།ང་བོད་པའི་རིགས་རྒྱུད་སྤེལ་བྱེད་ཀྱི་ཁུ་ཁྲག་དྭངས་མོ།ཨ། དབྱངས་གསལ་སོ་བཞི། ངའི་བླ་སྲོག་གི་སྒྲོན་མེ།

བླ་སྲོག་གི་སྒྲོན་མེ། ཚིག འབྲུག་ལྷ་རྒྱལ།

ཤེས་པའི་རིག་གནས་ཆུ་གཏེར་ཇི་བཞིན་དཔོག་པ་དཀའ་བའི་གཏིང་མཐའ་ལ།། གཞལ་བར་འདོད་པའི་མ་འོངས་བོད་ཀྱི་སོན་རྩ་འི་ཉ་མོའ་ིངར་སེམས་ཀྱིས།། དུས་ཀྱི་གེགས་དབང་རྦ་རླབས་ཁྲོད་ནས་བརྩོན་པ་ལྷུར་ལེན་ཡང་ཡང་འཁྱུག ། བརྩེ་བའི་གངས་ཕྲུག་སྙན་གྱི་དབང་པོ་བདག་ལ་འཁྱུག་ཙམ་གསན་པར་མཛོད།། གངས་རིའི་འདབས་ལ་གཅེས་པའི་སྤུན་ཟླ་དམར་པོའ་ིཚོན་གྱིས་བཀུམས་ན་ཡང་།། གངས་རིའི་བླ་མ་ཡིད་བཞིན་ནོར་བུ་དབུ་འཕང་དགུང་དུ་གསེར་འོད་འཁྱུད།། གངས་རིའི་ཡུལ་གྱི་སྤུན་ཟླའི་སླད་དུ་ཉིན་མཚན་རེས་མོས་ངལ་བར་སྐྱོང།། གངས་ཕྲུག་ང་ཚོས་ཆིག་སྒྲིལ་དཔུང་པས་རྩ་དོན་མ་བསྒྲུབ་ཅི་ལ་རུང།།

ཆིག་སྒྲིལ།

ཤར་ཕྱོགས་མི་བསྲུན་དུག་གི་སྦར་མོ་ཤ་རུས་སྤུན་ལ་བརྡབས་པས་ན།། ནོར་འཛིན་པང་ལ་བལྟ་བར་མི་བཟོད་ཁྲག་གི་མཚོ་མོ་འཁྱིལ་བའི་ཁྲོད།། སྤུན་ཟླ་སྟོང་གི་ཚེ་སྲོག་གློད་པའི་ཁྲག་གི་ཕུང་པོ་མཐོང་ཡོད་ན།། མི་རིགས་ལ་རྒྱ་དགུང་དུ་བཏེགས་ནས་ཆིག་སྒྲིལ་ནུས་པ་གཅིག་ཏུ་སྤུངས།། མུན་ནག་ཁྲོད་དུ་ལྷབ་ལྷུབ་གཡོ་བའི་མཐོ་སྒང་ཡུལ་གྱི་དར་ལྕོག་དེ།། དམར་པོའ་ིབདུད་ཀྱི་ཆར་རླུང་དཀྱིལ་ན་ཟད་ལ་ཉེ་བའི་དུས་སྐབས་འདིར།། ཆོལ་ཁ་ཆོས་ལུགས་འཐེན་འཁྱེར་རླུང་འཚུབ་གངས་རིའི་ཡུལ་ལ་མ་ལྡང་བར།། དཔའ་ངར་ཞུམ་མེད་ཨམ་གཙིགས་བསྡམས་ཏེ་ཆིག་སྒྲིལ་དཔུང་པ་མཁའ་ལ་འཕྱར།། སུམ་རྩེན་ལྷ་ཡི་སྐྱེད་ཚལ་ཇི་བཞིན་ཁ་བའི་ལྗོངས་སུ་བཤུས་འདྲ་བའི།།

སྣོད་བཅུད་ཕུན་ཚོགས་ལྷ་ལམ་ཡངས་པོར་རྒྱུ་སྐར་བཞིན་དུ་བཀྲ་བ་ལ།། དམར་པོའ་ིགླང་གིས་ལྕགས་ཀྱི་མཆེ་བ་ངོམ་པ་མེད་པར་ལྡད་པས་ན།། ཁྱེད་དང་ང་ཞེས་བླུན་གཏམ་སྤངས་ནས་ཆིག་སྒྲིལ་ལམ་དུ་མདུན་བསྐྱོད་གྱིས།།

ཕ་རོལ་དགྲ་བོའ་ིརྣ་བར་འགེངས་པའི་འབྲུག་སྒྲ་ལྟ་བུའི་ལྡིར་སྒྲ་དང་།། ཚེ་སྲོག་འབུམ་ཕྲག་སྐད་ཅིག་བརླག་པའི་ཚོན་གྱི་ནུས་པ་མ་མཆིས་ཀྱང།། བཅུ་གཉིས་བདག་པོ་ནུབ་ཏུ་བཞུད་ཀྱང་ཤར་རིའི་རྩེ་ནས་བསྐྱར་ཕེབས་ལྟར།། ཆིག་སྒྲིལ་ནུས་ཤུགས་མཉམ་དུ་བསྡེབ་ན་རང་དབང་ཉིན་མོའ་ིལོས་ཀྱང་ཤར།།

ཡེ་ཤེས་བསམ་གཏན་གྱིས། 《ས་རཱ》

བོད་ཡིག་དྲ་རྒྱ་ངོ་སྤྲོད།

༸གོང་ས་མཆོག་གི་དྲ་ཚིགས།www.gyalwarinpoche.com

བཙན་བྱོལ་བོད་གཞུང་དྲ་རྒྱ།www.tibet.net

བོད་ཀྱི་དྲ་མཛོད།www.tibetnetwork.com

མཆོད་མེ་དྲ་བ།www.tibetcm.com

རང་དབང་དྲ་གནས།www.rangwang.net

རང་གྲོལ་སྨྱུག་གསར་དྲ་བ།www.rangdrol.net

ཕ་ཡུལ་དྲ་ཚིགས།www.phayul.com

འོད་དཀར་དྲ་ཚིགས།www.dawakarpo.com

དགེ་འདུན་ཆོས་འཕེལ་དྲ་ཚིགས།www.gdqpzhr.com

ན་གཞོན་གསར་བ་དྲ་ཚིགས།www.tbyouth.com

ཤམ་བྷ་ལ་དྲ་ཚིགས།www.shambalapost.com

ཨེ་ཤ་ིཡ་རླུང་འཕྲིན་དྲ་ཚིགས།www.rfa.org

ཀུན་གེླང་དྲ་གནས།www.tibetanvoa.com

བོད་ཀྱ་ིདུས་བབ་དྲ་ཚིགས།www.tibettimes.net

བོད་ཀྱ་ིབང་ཆེན་དྲ་ཚིགས།www.tibetexpress.net

དཔལ་དོན་གྲུབ་རྒྱལ་གྱ་ིདྲ་བ།www.zt.tibet.cn

བོད་ཀྱ་ིསྐད་ཡིག་དྲ་ཚིགས།www.ti.tibet.cn

མཚ་ོསྔོན་བརྙན་འཕྲིན་དྲ་བ།www.qhtb.com

བོད་སྐད་བརྙན་འཕྲིན་དྲ་བ།www.ti.tibetradio.cn

བོད་ཀིྱ་བརྡ་འཕིྲན་ལག་རྩལ་དྲ་བ།www.tibetitw.com

བོད་ཀྱ་ིདྲ་བ།www.ti.tibet3.com

དགེ་སློབ་གེླང་སེྟགས།www.gyelob.net

རྡ་ོའབུམ་དཔེ་འཕྲིན་དྲ་བ།www.dobum.org

གཡུ་ཞུན་དྲ་བ།www.youshun12.com

ཁ་བརྡ་དྲ་ཚིགས།www.khabdha.org

ང་ཚོའི་མི་རབས་འདིའི་ཆོས་ལུགས་པ་ཡིན་ན་འདྲ། འཇིག་རྟེན་པ་ཡིན་ནའང་འདྲ། འཚོ་གནས་ཀྱི་ཉེན་ཁ་ཆེན་པོ་ཞིག་གི་སྐས་ཚིགས་སུ་གནས་ཡོད་པས། འགག་དོག་པའི་ལོ་རྒྱུས་ཀྱི་བྲག་འཕྲང་འདི་ནས་ང་ཚོས་ཅིས་ཀྱང་གསོན་ལམ་ཞིག་མི་འཚོལ་ཐུ་མེད་ཡིན་སོང་།

༌༌༌༌༌༌༌༌༌༌༌༌༌༌སྒོ་ཤེས་རབ་རྒྱ་མཚོས།

བོད་དོན་གླེང་སྟེགས།

-5-Bod-Dhon-Ling-Tik

=༥=ཕྱི་ལོ་ ༢༠༡༡ ཟླ་བ་ ༢ པའི་ཚེས་ ༣།

སྤྱིར་བཏང་བོད་རིགས་མི་མང་གི་བདེ་སྡུག་དང་དེའི་རིག་གཞུང་གི་སླད་དུ་རང་སྲོག་བློས་བཏང་བྱས་པའི ་མདོ ་དབུས་ཁམས་གསུམ་གྱི ་སྤུ་ཟླ་གྲངས་ཀྱི་མི་ཟིན་ལ། དེ་དག་རེ་རེའི་རྣམ་ཤེས་ཀྱིས་ང་ཚོ་ལ་ཉིན་རེ་འབོད་ཀྱིན་ཡོད་ལབ་ན་རྫུན་དུ་ འགྲོ་མི་སྲིད། མེས་པོ་གོང་མ་དག་གི་དཔའ་དང་བློ་རིག་བཅས་ལ་ང་ཚོས་རྗེས་སུ་ཡི་རངས་བྱེད་པ་ལས་ འཁང་ར་བྱེད་ས་གཏན་ནས་མེད། དུས་རབས་ཉེར་གཅིག་པའི་མེ་ཏོག་གསར་དུ་བཞད་པ་ནས་བཟུང་བོད་རིགས་ཀྱི་སྤུན་ཟླ་གང་མང་ཞིག་གི་ཚེ་སྲོག་བོད་ཅེས་པའི་ཐ་སྙད་འདིའི་ཆེད་དུ་ཕུལ་བ། ཀུན་གྱི་མིག་ལམ་དུ་བཤམས་ནས་ཡོད་ལ་རྣ་ལམ་དུ་ཡང་ཡང་ཐོས་ཡོད་ངེས་ཡིན། ལྷག་པར་ཉིས་སྟོང་བརྒྱད་ནས་བཟུང་རྣམ་པ་གསར་བའི་ལས་འགུལ་ཞིག་དང་ཆོལ་གསུམ་ཡོངས་ཀྱིས་འབོད་སྒྲ་མཉམ་དུ་བསྒྲགས་པ་རེད། དེ་དུས་རྒན་གཞོན་དང་ཤེས་ཡོན་མཐོ་དམན་གྱི་ཁྱད་པར་མེད་པར་ཀུ་སྒྲས་གནམ་ས་བཀང་བ་དང་། ཚེ་སྲོག་གིས་བདེན་དཔང་བྱས་པ་རེད། དེ་དང་བསྟུན་ནས་བྱེས་ཀྱི་བོད་རིགས་ཚོས་ཀྱང་རང་ནུས་ཀྱིས་ལས་འགུལ་རབ་དང་རིམ་པ་ཞིག་སྤེལ་བ་དང་དེ་ལ་དེའི་ཚོད་ཀྱིས་གྲུབ་འབྲས་ཤིག་ཏན་ཏན་ཡོད་རྒྱུ་རེད།གཅིག སྔོན་མ་རྔ་བའི་ཚོང་བ་ལབ་ན་སྐད་གྲགས་ཆེ་བ་དང་ཆོལ་གསུམ་བོད་ཁུལ་གྱི་ནང་གི་ཚོང་ཕྱོགས་ནས་སྔོན་ཐོན་པ་རེད། གཉིས། རྔ་བའི་རྩོམ་པ་པོ་གང་མང་ཞིག་གིས་ཤར་དུང་རི་དང་དྲ་བའི་ཁོར་ཡུག་བརྒྱུད་ནས་བོད་དོན་གླེང་བ་དང་། གླེང་ཕྱོགས་ཀྱང་མཐོ་རྒྱག་དམན་རྒྱག་མིན་པར་བདེན་པ་གཞི་བཅོལ་དང་རང་གཞན་སུ་ཞིག་གིས་བལྟས་ན་ལོས་ཡིན་བསམ་སྐྱིད་ཅིག་རེད། གསུམ། བྱེས་ཀྱི་དཔའ་བོ་ཐུབ་བསྟན་དངོས་གྲུབ་ཀྱིས་རང་ལུས་མེ་བསྲེགས་བཏང་ནས་བོད་མི་རིགས་ལ་དྲན་སྐུལ་ཅིག་བྱས་ཡོད་ལ། དེ་ལ་བོད་མི་རྩམ་ཟན་ཡོངས་ཀྱིས་གདེང་འཇོག་དང་མིག་དཔེ་ལྟ་བུ་དང་ཀུན་གྱི་སེམས་ནང་དུ་ཉར་ནས་ཡོད་རེད། ཁ་སང་བདུན་ཕྲག་འགའི་སྔོན་དུ་རྔ་བའི་དགེ་འདུན་པ་ཕུན་ཚོགས་ཁོང་གིས་སྐུ་ཕུང་མེ་བསྲེགས་བཏང་བ་དང་། རྔ་བའི་མི་མང་གིས་དེ་ལ་རིན་ཐང་དང་རྗེས་དྲན་བྱས་པ། ཁྲི་སྟེང་དུ་བཞག་ནས་དྲི་མས་མ་གུས་པའི་དར་ཨེ་ཤེ་བསྒྲོན་པ་སོགས་ཧ་ལས་པའི་མཐོང་ཆེན་ཞིག་བཞག་ཡོད་མོད་ཀྱང་། ས་འདི་ནས་སྐབས་དེ་དང་དུས་དེར་དེའི་ཚོད་ཀྱིས་འདེང་འཇོག་ཅིག་དང་གོ་གོ་ཐོས་ཐོས་རིག་རིག་བྱས་མ་སོང་། དེ་ནི་ཕྱོགས་ཡོངས་ནས་བལྟས་ན་ནོར་འཁྲུལ་ཆེ་ཤོས་ཤིག་རེད། རང་དབང་ལུང་བ་ནས་རང་ལུས་མེ་བསྲེགས་བཏང་ན་རིན་ཐང་ཡོད་ལ་རྒྱ་མའི་མེ ་མདའ་ཁ་ནས་སྐུ་ཕུང་མེ་ལ་བསྒྲོན་པ་ཅིའི་ཕྱིར་མ་མཚུངས་པ་རེད་ཅེས་པའི་དྲི་བ་ཞིག་རང་སེམས་ ནས་འགོག་མེད་དུ་ཤོར་སོང་། བཞི། རྔ་བ་ཀི་རྟི་དགོན་པའི་དགེ་འདུན་པ་ཚོས་རྒྱ་མའི་མེ་མདའ་ཁ་

རྔ་བའི་ལ་རྒྱའི་མེ་ལྕེ་གྱེན་དུ་འབར།

__ཨ་རིག་དགེ་མཐོང་། 《ལྷོ་ཕྱོགས།》

ནས་བདེན་དོན་ཆེད་རང་ཚུགས་མ་ཤོར་བ་དང་ཆོད་སེམས་མ་འགྱུར་བར་བཞུགས་པ་རེད། སྐབས་དེའི་རྡུང་རྡེག་མནར་གཅོད་ནི་བཤད་མི་དགོས་པར་ཀུན་གྱི་ཀུན་གཞིའི་རྣམ་ཤེས་ལ་དོན་སྤྱི་ལྟ་བུ་ཞིག་འཆར་ངེས་རེད། དེ་ལ་བྱེས་ཀྱི་ཀིརྟི་བྱེས་པ་གྲྭ་ཚང་གིས་རྒྱབ་སྐྱོར་རམ་གདེགས་ལྟ་བུའི་ཚུལ་དུ་སྒྲིག་ཁྲིམས་ཡོད་པའི་སྒོ་ནས་ངྷ་ས་ནས་ལྡི་ལི་བར་གོམ་བགྲོད་དུ་ཕེབས་པ་དང་། ཕེབས་སྟངས་དེ་ནི་དངོས་གནས་ཞི་བའི་ངོ་རྒོལ་རང་རེད་བསམ་སྐྱིད་ཅིག་ཏུ་ངེས་སོ། ། དེ་དང་ལྷན་དུ་མདོ་སྨད་དབུས་རྒྱུན་ཚོ་མཉམ་ཞུགས་གནང་བ་དང་། གཞོན་ནུ་དང་ཚོགས་པ་ཁག་ཅིག་གིས་ཁ་རུ་ཁ་ཐུག་ལས་འགུལ་སྤེལ་བ། ལྷག་པར་ད་ཐེངས་གཞོན་ནུ་ཚང་གི་ཚོགས་གཞོན་དང་ཟུང་དྲུང་། དྲུང་ཆེ་བཅས་ཀྱིས་རང་སྔུན་མ་བྱས་ཏེ་ཟས་བཅད་ངོ་རྒོལ་དུ་བཞུགས་པ་ནི། བཙན་བྱོལ་སྤྱི་ཚོགས་ཀྱིས་ལས་འགུལ་སྤེལ་སྟངས་ཐད་ནས་ལེགས་ཤོས་དང་ཁ་དོན་མཚུངས་པ་ལྟ་བུར་ཚོར་བྱུང་། དེ་མིན་དུས་རྒྱུན་ཚོགས་སྒེར་ཚོས་སོ་སོས་ཁ་ནས་ཆེན་པོ་རྐྱང་རྐྱང་བཤད་པ་དང་། ལག་ལེན་ཁྲོད་ནས་སྐར་ཆ་འགའ་ལ་གོམ་པ་སྤོ་མི་འདོད་པར། མི་མང་ལ་རྒྱབ་ལོགས་ནས་ཀུ་བཏབས་ནས་བསྡད་པ་ནི་ཡག་རྟགས་ཤིག་ཁྱོན་ནས་མ་རེད། ཁ་སང་ཁོ་བོ་ལྡི་ལི་ནས་ཡོང་དུས་གཞོན་ནུའི་ལས་བྱེད་ཁག་ཅིག་ཟས་བཅད་ངོ་རྒོལ་ལ་བཞུགས་འདུག་པ་དང་རྒྱལ་སྤྱིས་ཀྱང་དེ་ལ་དོ་སྣང་བྱས་ཏེ་ལྟ་རུ་ཡོང་རྒྱུ་རེད་ཅེས་པའི་གསར་འགྱུར་མཐོང་། དེ་ནས་མེ་འཁོར་བརྒྱུད་ཧོང་སོར་དུ་བསླེབས་དུས་དེ་ན་བོད་རིགས་ཁག་ཅིག་ཟས་བཅད་ངོ་རྒོལ་དུ་བཞུགས་འདུག་པ་དང་། དེ་བཞིན་སྦེལ་ཀོབ་གཞིས་གྲོང་དང་པོར་ཐོན་དུས་ཡང་ཟས་བཅད་དུ་བཞུགས་འདུག འདི་ལྟར་བལྟས་ཡོང་ན་བོད་པ་གང་ན་ཡོད་ན་དེར་བོད་དོན་གླེང་གིན་ཡོད་པའི་ཏན་རྟགས་ཤིག་ཚུར་ངོམ་ནས་ཡོང་གིན་འདུག དེ་ལྟར་བོད་གཞིས་བྱེས་གཉིས་ཀྱིས་བོད་དོན་གླེང་བ་དང་བདེན་མཐའ་བརྩད་ན་རེ་བ་ཏན་ཏན་ཡོད་རྒྱུ་རེད། ད་དུང་ངས་མ་མཐོང་བ་དང་མ་ཐོས་པས་ལས་འགུལ་ག་ཚོད་ཡོད་རྒྱུ་རེད། སུས་ཀེམ་གྱི་རྐང་རྩལ་སྤོ་ལོ་རྩེ་འགྲན་པ་གྲགས་ཅན་བུ་ཆུང་བྷོ་ཌི་ཡ་༼ ཉེ་ ཆར་བོད་མདོ་སྨད་རྔ་བ་ཀིརྟི་དགོན་པར་རྒྱ་ནག་གཞུང་གིས་དྲག་གནོན་བྱེད་བཞིན་པར་ཡང་ཤི་ལོང་ཁུལ་གྱི་བོད་མིས་ངོ་རྒོལ་ལས་འགུལ་སྤེལ་སྐབས་སུ་ཁོང་མཉམ་ཞུགས་གནང་ཡོད་རེད༽ཅེས་གོ་ཐོས་བྱུང་། དེས་ཀྱང་ང་ཚོ་ལ་བརྡ་གསར་བ་ཞིག་བརྒྱབས་པ་རེད། བོད་ནང་ནས་མེ་འབར་ན་ང་ཚོས་འདི་ནས་གསོད་མི་ཉན་པ་ཀུན་གྱིས་ཐུགས་ལ་ཟུངས། འདི་ནས་གསོད་མི་ཉན་ཞེས་པ་དེ་ལ་རྒྱབ་སྐྱོར་མ་བྱས་ན་དོན་གྱིས་བསད་པ་རེད།ཉིས་སྟོང་བཅུ་གཅིག་གི་ཟླ་བ་ལྔ་བའི་ཚེས་བརྒྱད་ཉིན་གྱི་མཚན་ཆུ་ཚོད་དང་པོ་དང་སྐར་མ་ང་བཅུ་ང་དྲུག་སྟེང་མཇུག་བསྡུས་པའོ།།

བཙན་བྱོལ་བོད་མིའི་འོས་བསྡུ་ཐེངས་སྔོན་མ་དག་དང་བསྡུར་ན། ད་ལོའ་ིབཀའ་སྤྱིའི་འོས་འཕེན་ཐད་མི་དམངས་ཀྱི་ཁྲོད་ནས་འུར་གླེང་ཆེན་པོ་ཡོད་པར་གྱུར། དེ་བས་སྤྱི་ཚོགས་ཐོག་གི་དཔྱད་བརྗོད་པ་དང་གཏམ་བརྗོད་པ་གང་མང་ཞིག་གིས་ཀྱང་ད་ནི་མང་ཚོགས་ལ་མང་གཙོའི་གོ་རྟོགས་སླེབས་ཡོད་ཚུལ་བསྒྲགས་བྱུང༌། འོན་ཀྱང་བདག་གིས་དེ་ལྟར་མི་འདོད་དེ། མང་གཙོ་ཞེས་པ་ནི་ཆབ་སྲིད་བྱ་འགུལ་ཁྲོད་དུ་ཞུགས་པ་དང་དེར་སྤྲོ་བ་བླངས་ཙམ་ལ་གོ་ན་ག་ལ་འགྲིག དེ་ནི་མང་གཙོ་མངོན་མཚོན་གྱི་ཆ་ཤས་གལ་ཆེན་ཤིག་ཡིན་འདུག་ནའང༌། ཚན་ཉིད་རིག་པའི་འཚོ་བ་དང་འབྲེལ་བའི་བསམ་སྤྱོད་ཀྱི་གཤིས་ལ་མེད་ན་མང་གཙོའི་ཚད་མཐོ་སར་སོན་པ་མ་ཡིན་ནོ། དེ་བས་ན་མང་གཙོ་ཞེས་པ་ནི་རྒྱལ་ཁབ་དང་ཚོགས་སྡེ་ཡི་གྲུབ་ཆ་སྟེ་ཆབ་སྲིད་ཀྱི་གཞི་སྒྲོམ་དང་དཔལ་འབྱོར་གྱི་གཞི་སྒྲོམ། སྤྱི་ཚོགས་ཀྱི་གཞི་སྒྲོམ་བཅས་ཀྱི་རིམ་པ་སོ་སོའ་ིའཛིན་སྐྱོང་དང་དོ་དམ། འབྲེལ་ལམ་དང་ལས་ཁུར་སོགས་ཀྱི་ཁྲོད་ནས་རྒྱུན་དུ་མངོན་འོས་པའི་བྱ་སྤྱོད་ཅིག་ཏེ། དེ་ཡང་ལོ་རྒྱུས་དང་སློབ་གསོའ་ིཡིན་རིང་གི་འཕེལ་རྒྱས་ཀྱི་རྒྱུད་རིམ་ནང་དུ་བྱུང་ཞིང༌། མང་གཙོའི་རྩ་དོན་དང་རིན་ཐང༌། ཁག་ཐེག་བཅས་ལ་བློ་སྦྱོང་བྱས་པ་ལས་བྱང་གོམས་སུ་སོང་ཞིང་བསམ་གཤིས་སུ་གྲུབ་པ་ཞིག་གོ དེ་ལྟ་ན་བཙན་བྱོལ་སྤྱི་ཚོགས་སུ་རྟག་ཏུ་སྒྲོག་གིན་པའི་ཡང་དག་པའི་མང་གཙོ་ཞེས་པའི་ཁ་གཡང་སྙན་མོ་འདི་ལ་བློ་མི་བདེ་ཞིང༌། ང་ཚོ་ཡང་དག་པའི་མང་གཙོའི་སྤྱི་ཚོགས་ཤིག་ཏུ་བསྙེག་པར་ད་ལྟ་ད་དུང་སྟ་གོན་གྱི་གནས་སུ་ལྷག་ཡོད་པ་མིན་ནམ་སྙམ། ཁྱད་པར་དུ་ད་ལོའ་ིསྔོན་འགྲོ་དང་དངོས་གཞིའི་འོས་བསྡུའི་སྐབས་དག་ཏུ་མི་དམངས་ཀྱི་སྤེལ་བའི་བྱ་འགུལ་དང་གཏམ་སྤྱོད་ཁྲོད་དུ་འོས་འཕེན་གྱི་སྤྱོད་ལམ་ཅུང་མི་བཟང་བའི་རྣམ་པ་རེ་ཟུང་ཡང་མངོན་ཡོད་ལ། ལྷག་པར་དུ་དངོས་ཡོད་འཚོ་བའི་ནང་དུ་མང་གཙོ་ལ་གོ་བ་མ་ལོན་པའི་གཏམ་སྤྱོད་རྒྱུན་དུ་ཡོང་བཞིན་ཡོད་ཅིང༌། འདིར་དངོས་བྱུང་གནས་ཚུལ་ཞིག་དཔེ་མཚོན་དུ་བཀོད་ན། ལོ་གཅིག་ལྷག་གི་ཡར་སྔོན་ཞིག་ལ་ང་ཚོ་མི་མང་པོ་ཞིག་དོན་བྱ་ཞིག་གི་ཆེད་དུ་མཉམ་འཛོམས་བྱས། བསམ་ཚུལ་མི་འདྲ་བའི་དབང་གིས་གྲོས་ཐག་མ་ཆོད་པར་ལུས་པའི་སྐབས། འདོད་མོས་ཡོད་མེད་ལག་པ་བརྐྱངས་བཅུག་མོད། འོན་ཀྱང་མི་ཆ་ཚང་མོས་པ་གཅིག་ཏུ་མ་བབས། དེར་བརྟེན་དེའི་ཁྲོད་ཀྱི་མི་གཅིག་ཁོང་ཁྲོའ་ིངང་ཡར་ལངས་ཏེ་མོས་མཐུན་མེད་པའི་མི་ཉུང་ཕྱོགས་དེ་ལ་ཁ་འཁོར་ནས་ཁྱེད་ཚོ་ཅི་རེད། ས་འདི་མང་གཙོའི་ལུང་པ་རེད། མང་ཟེར་ན་མང་པོའ་ིདོན་རེད་འདི་ཡང་ཤེས་ཀྱི་མེད་དམ་ཞེས་སྡིགས་ར་བྱས་བྱུང༌། ཁོའ་ིའདོད་ཚུལ་ལྟར་ན་ཉུང་ཕྱོགས་དེར་འདོད་མོས་ཡོད་མེད་ཅི་ལྟར་ཡང་མང་ཕྱོགས་ཀྱི་ཁ་ལ་མགོ་སྒུར་ནས་ཉན་དགོས་པ་དེ་རེད། དོན་དངོས་སུ་མང་ཚོགས་ཁྲོད་དུ་ད་དུང་ཡང་སྣང་ཚུལ་འདི་འདྲ་དང་གོ་བ་འདི་ལྟ་བུ་ལེན་མཁན་གྱི་མི་ཧ་ཅང་མང་པོ་ཡོད་ལ། དེ་ཡང་ཁག་ཅི་ལ་ཡོད་དེ། དམངས་གཙོའམ་མང་གཙོ་ཞེས་པ་ནི་བོད་པར་མཚོན་ན་མིང་བརྡ་གསར་བ་ཞིག་རེད་ལ། མིང་འདི་བོད་སྐད་དུ་ཐོག་མར་དམངས་གཙོ་སོགས་སུ་བསྒྱུར་ཏེ་བཀོལ་པ་དང༌། ད་ལྟ་གཞུང་འབྲེལ་ཡིག་ཆར་མང་གཙོ་ཞེས་སྤྱོད་ཀྱིན་ཡོད། བོད་མི་ཚོས་མིང་བརྡ་འདི་ཡིག་ངག་གཉིས་ཐོག་ནས་ལོ་ངོ་སུམ་བཅུ་ལྷག་གི་རིང་ལ་བེད་སྤྱད་ཀྱང༌། ད་ལྟ་ད་དུང་དེའི་གོ་དོན་བོད་པ་གང་མང་གི་སེམས་སུ་གསལ་ཁ་དོད་པོ་ཞིག་ངེས་མེད་ཚོད་དུ་གདའ། ཆ་བཞག་ན། མང་གཙོ་ཞེས་པའི་སྐབས་སུ་མང་ཉུང་གི་མང་ལ་གོ་བ་བླངས་ཏེ། མི་ཁ་མཐུན་པ་མང་ཤོས་ཀྱིས་དབང་བསྒྱུར་བའི་གཞུང་ལ་འདོད་པ་ནི་རྦད་དེ་གོ་ལོག་ཐེབས་ཤིག་རེད། གོ་བ་དེ་ལྟར་བླངས་པ་ནི་མང་གཙོའི་རྩ་བའི་གཞི་རྟེན་དང་འགལ་ཡོད་དེ། མང་གཙོ་ནི་ཆབ་སྲིད་ལམ་ལུགས་ཤིག་དང་ཚན་ཉིད་ལྟ་གྲུབ་ཅིག ཡང་ན་བསམ་པའི་འཁྱེར་སོ་ཞིག་གང་གི་ངོས་ནས་བལྟས་ཀྱང་རང་

མང་གཙོ་དང་གོ་ལོག

–པདྨ་བསམ་གྲུབ།

དབང་དང་འདྲ་མཉམ། མཛའ་བརྩེ་བཅས་གཞི་ལ་བཞག་ཏེ་བསྐྲུན་པ་ཞིག་ཡིན་སྟབས། གོ་བ་དེ་ལྟར་ལེན་པར་མི་རིགས་ཏེ། རང་དབང་དང་འདྲ་མཉམ་དེ་ཡང་མི་བུ་སྒེར་གཞི་ལ་བཞག་པ་ཞིག་ཡིན་པ་ལས་མང་མཐའ་ལ་ལྷུང་བ་ཞིག་གཏན་ནས་མིན། མི་སྒེར་གྱི་བརྩི་མཐོང་གཅེས་སུ་འཛིན་པའི་མང་གཙོས་མི་བུ་སྒེར་གྱི་གཏམ་བརྗོད་རང་དབང་དང་དགག་རྒྱག་རང་དབང༌། མཐའ་ན་གཞན་ཕྱོགས་ལ་མོས་མཐུན་མི་བྱ་བའི་ཐོབ་ཐང་ལ་ཁག་ཐེག་བྱེད་ལ། དེ་ནི་མང་གཙོའི་རྩ་བའི་རྩ་དོན་གལ་ཆེན་ཞིག་ཀྱང་ཡིན་པས་ན། མང་གཙོའི་མང་ནི་མང་ཉུང་གི་མང་ལ་གོ་བ་བླངས་ན་བརྡ་དོན་གྱི་བར་ལ་འགལ་ཚད་ཆེན་པ་ཤོར་འགྲོ་བས་མི་འཐད་དོ། དེ་ཡང་དབྱིན་ཡིག་གི་Democracy ཞེས་པའི་མིང་ཚིག་འདི་ཐོག་མར་ནུབ་གླིང་ནས་བྱུང་ཞིང་དེའི ་སྐད་དོད་དུ་བོད་ཕྱི ་ནང་གཉིས་ནས་འགྱུར་སྣ་ཚོགས་ཤིག་བྱུང་མྱོང་འདུག་ཅིང༌། དེའི་ཐོག་མའི་ཡོང་ཁུངས་ནི་གྷི་རིག་གི་མིང་ཚིག་སྟེ་demosཞེས་པ་མི་མང་དང་kratosཞེས་པ་སྟོབས་ཤུགས་ལ་ལས་དབང་བསྒྱུར་ལ་གོ་བ་ཡོད་ཀྱང་དོན་ལ་མི་འགལ།ལ་གོ་བས་ན་དེའི་ཚོག་དོན་ནི་མི་མང་གི་སྟོབས་ཤུགས་ཟེར་བ་ཡིན་ཕྱིར། ད་ལྟ་གཞུང་འབྲེལ་གྱིས་སྤྱོད་པའི་མིང་བརྡ་མང་གཙོ་ཞེས་པ་འདི་ལ་མི་མང་གཙོ་བའམ་མང་ཚོགས་གཙོ་བ་ཞེས་པའི་དོན་དུ་བཀྲལ་ན་བརྡ་དོན་འབྲེལ་ཆགས་པར་མཐོང་མོད། འོན་ཀྱང་མང་མང་གིས་འདིའི་གོ་བ་ཚུལ་བཞིན་མ་ལོན་པར་གོ་ལོག་ཏུ་སྤྱོད་པའི་སྣང་ཚུལ་ཧ་ཅང་མང་པོ་འདུག་གོ ཡང་གོ་བ་དེ་ལྟར་ལེན་པ་ལ་དོགས་གནད་འདི་ཡོད་དེ། མང་གཙོའི་སྤྱི་ཚོགས་སུ་བྱ་བ་ཐམས་ཅད་མང་མོས་ཀྱིས་ཐག་གཅོད་པ་དང་མང་ཕྱོགས་དབང་ཆེ་བར་འཛིན་པ་མིན་ནམ་ཟེར་ན། དེ་ཡང་མིན་ཏེ་མང་ཕྱོགས་དབང་ཆེ་བར་འཛིན་པ་ནི་མང་གཙོའི་ཐབས་ལམ་ཞིག་ཡིན་གྱི་དེའི་རྩ་དོན་དང་དམིགས་ཡུལ་མ་ཡིན་ནོ། གལ་ཏེ་རྒྱལ་ཁབ་ཅིག་གི་མི་མང་ཡོངས་དོན་བྱ་གཅིག་ལ་སྤྱི་མོས་བྱུང་ན་ནི་ལྷ་རབ་རེད་མོད། འོན་ཀྱང་གནའ་བོའ་ིའཚོ་བ་ཤོག་ཁག་གི་རྣམ་པ་དེ། རིམ་བཞིན་ས་རྒྱ་ཆེ་ལ་མི་འབོར་མང་བའི་རྒྱལ་ཁབ་ཀྱི་ངོ་བོར་འཕོས་ཤིང༌། ལྷག་པར་བཟོ་ལས་གསར་བརྗེའི་ཚུན་ནས་རྒྱལ་ཁབ་དག་གི་མི་འབོར་དང་ས་རྒྱ། སྤྱི་ཚོགས་ཀྱི་རྙོག་འཛིང་རང་བཞིན་དག་བསམ་ཡུལ་ལས་འདས་པ་ཞིག་ཏུ་འཕེལ་བ་ན། གནས་སྟངས་དེ་འདྲའི་འོག་ཏུ་མི་ཁྲི་འབུམ་མང་པོ་ས་གཅིག་ཏུ། དུས་གཅིག་ལ། མཉམ་གཅིག་ཏུ་འཛོམས་ནས་གྲོས་བསྡུར་དང་ཐག་གཅོད་བྱེད་ཐབས་མེད་ལ། མི་མང་ཡོངས་ཀྱི་འདོད་མོས་གཅིག་མཐུན་དང་བརྒྱ་ཁ་གཅིག་གྲགས་ཡོང་དཀའ་བས་ན་ཐབས་ལམ་འདི་ལས་ལེགས་པ་ཞིག་མ་རྙེད་པ་རེད་ལ། དེ་བས་ཉུང་ཕྱོགས་དེ་རང་བཞིན་གྱིས་དབང་ཆུང་བར་སོང་སྟབས། དེ་ནི་མང་གཙོ་རང་ལུགས་ཀྱི་ཞན་ཆ་ཞིག་ཏུ་སྨྲ་ཞིང༌། ཞན་སྐྱོན་དེ་སེལ་ཆེད་མང་གཙོ་རང་ལུགས་ཀྱིས་མི་བུ་སྒེར་གྱི་རང་དབང་དང་བརྩི་མཐོང་ལ་རིན་ཐང་ལྟ་བས་འགན་ལེན་དང་ཁྲིམས་ལུགས་ཀྱིས་སྲུང་སྐྱོབ་བྱེད་པ་རེད། རྒྱུན་མཚན་དེའི་དབང་གིས་མང་གཙོའི་རྒྱལ་ཁབ་དག་གི་རྩ་ཁྲིམས་སུ་ཡང་ཉུང་ཕྱོགས་ཀྱི་རང་དབང་ལ་སྲུང་སྐྱོབ་ཆ་ཚང་ཡོད་པའི་ཐོག་ནས་ད་གཟོད་མང་ཕྱོགས་ཀྱིས་དབང་འཛིན་བྱེད་དགོས་པའི་གནད་འདི་འཁོད་པ་མ་ཡིན་ནམ།

ད་ལྟ་ང་ཚོར་གལ་ཆེན་པོ་གང་འདུག་ཅེ་ན།ང་ཚོ་འཚེ་བ་མེད་པའི་ལམ་ལ་བརྟེན་ནས་ཡོད།འཚེ་བ་མེད་པའི་ལམ་ལ་བརྟེན་ནས་འགྲོ་བ་ལ་ཤེས་བྱ་ཡོན་ཏན་དགོས་པ་དང་།ཤེས་བྱ་ཡོན་ཏན་གྱི་ཐོག་ནས་བདེན་པ་མཐའ་ལ་འཁྱོལ་བ་ཞིག་བྱེད་དགོས། ཤེས་བྱ་ཡོན་ཏན་མེད་ན་འཚེ་བ་མེད་པའི་ལམ་ལ་བརྟེན་ནས་བདེན་པ་བདེན་པར་འཁྱོལ་རྒྱུ་ཁག་པོ་ཡིན། དེར་བརྟེན་དེ་རིང་འདིར་ཡོད་པའི་ཁྱོད་རང་གཞོན་ནུ་ཕོ་མོ་ཚོས་སློབ་སྦྱོང་ལ་ཤུགས་བརྒྱབ་དགོས་པ་ཡིན།

༌༌༌༌༌༌༌༌༌༌༌༌༌༌༌༌༌༌༌༌༌༌༌༸གོང་ས་མཆོག་གིས།

བོད་དོན་གླེང་སྟེགས།

Bod-Dhon-Ling-Tik-6-

=༦= ཕྱི་ལོ་ ༢༠༡༡ ཟླ་བ་ ༢ པའི་ཚེས་ ༣།

བོད་དོན་གླེང་སྟེགས།

རྩོམ་སྒྲིག་པ།

ཨ་འདུས་མིག་ཆུ།

རྩོམ་ཡིག་སྐུར་སྒམ།

bodhonlingtik2011@gmail.com

འབྲེལ་གཏུག་ཨང་།

9882224292

གཅིགཆུང་ཆུང་བྱིས་པའི་དུས་སུ། ཁྱིམ་གྱི་ཀོ་ཐུམ་ཅན་གྱི་རླུང་འཕྲིན་ཚི་སྟུག་མ་དེ་ལས། རྔ་བ་ན་ཚོང་བ་མང་གི་ཞེས་འོར་དང་ཡང་གིས་གྲགས་ཡོང་བ་དེ་ནི། ངའི་རྣ་ལམ་དུ་རྔ་བ་ཟེར་བ་ཞིག་འཁྱེར་ནས་ཡོང་མཁན་གྱི་དབྱར་ཐོག་མའི་འབྲུག་སྒྲ་ཡིན་ཞིང༌། ངའི་སེམས་སུ་རྔ་བ་ཟེར་བ་ཞིག་འཇགས་སུ་འཇུག་མཁན་གྱི་སྒྲ་དབྱངས་ཆེས་ཐོག་མའང་དེ་ཡིན་མོད། དེ་ནི་ཨ་ཁུ་སྨན་བླའི་ཁ་ཤགས་ཀྱི་དགོད་བྲོ་བའི་ཚིག་གི་རོལ་རྩེད་དང་ངག་གི་འགྱུར་ཁུག་ལས་ཐོས་པ་ཡིན་པས། སྐབས་དེར་ངའི་རྣ་ལམ་དུ་རྔ་བ་ཟེར་བ་ནི་དགོད་སྤྱད་ཅིག་ལས་ཅི་ཡང་མིན་ལ། ངའི་སེམས་ནའང་རྔ་བ་ཟེར་བ་དེར་གོ་བ་ཅི་ཡང་མེད། འོན་ཀྱང༌། དུས་དེ་རིང་སྐབས་དེ་དུས་ཀྱི་རྔ་བ་དེ་སླར་ཡང་ཡིད་ལ་དྲན་ཞིང༌། སེམས་ནས་རྣོག་ཚེ། སྐབས་དེ་དུས་ཀྱི་ཚོང་པ་མང་པོ་མང་པོ་ཅན་གྱི་རྔ་བ་དེ། མཐོ་སྒང་གི་ན་བུན་སྟུག་པོའ་ིཁྲོད་ན། ལམ་ལ་ཆས་ཀྱིན་པའི་རྔ་བ་དེ་ཡིན་འདུག་ལ། དེ་ནི་ས་སྒང་གི་ཡང་རྩེ་རུ་རྟོགས་སད་ཀྱི་རྔ་སྒྲ་ཞིག་གྲགས་ཡོང་གིན་པ་དེ་རེད་གདའ་ཨང༌།།

གཉིས།ཕོ་ལོ་དྲུག་གསུམ་བཅོ་བརྒྱད་ཀྱི་དུས་སུ། མི་སྐྱིད་མི་བདེ་ཟེར་བའི་ས་མཐའ་རུ། ངས་ཁ་གྲགས་ཚད་ལ་ཁ་ནས་དམྱལ་བ་བོ་དང༌། མྱི་ལྡང༌། བཀའ་འགྱུར་ཟེར་བཞིན་ཁ་རྒྱག་ཆེན་པོས་ཁ་ཤོམ་འཐེན་མཁན་གྱི་རྔ་བ་པ་གཞི་ནས་མཐོང་ལ། སྐབས་དེར་རྔ་བ་པ་ཕལ་ཆེ་བས་སློབ་གྲྭའི་ཐབ་ཚང་གི་གཞུང་གི་ཟ་མ་མི་ཟ་ཞིང་གཞུང་གི་ཉལ་ཆས་མི་གྱོན་ལ། གོ་སྐབས་ཤིག་ནམ་ཡིན་ལ་རྔ་བ་པ་དག་མདུན་དུ་ཐོན་

ང་ཡི་ལོ་ཟླ་དང་ཨ་མདོ་རྔ་བ། སྐལ་བཟང་ཉི་མ། 《ཤེས་རབ་དགའ་ཚལ་གླིང༌།》

ཡོང་པས། ངས་སྐབས་དེ་དུས་ཀྱི་ཕྱི་འཛོམས་ནང་འཛོམས་ཀྱི་རྔ་བ་པ་ཚོ་མཐོང་དུས། རླུང་འཕྲིན་ནང་གི་སྐད་ཆ་དེ་སླར་ཡང་ཡིད་ལ་ཝ་ལེར་དྲན་ཞིང༌། རྔ་བའི་ཚོང་པ་དག་གི་འབྱོར་ཉམས་དེ་སེམས་སུ་ལྷམ་མེར་འཆར་པས། རྔ་བའི་ཚོང་པ་དག་གིས་རང་གི་བུ་རབས་ཚ་རྒྱུད་ལ། རྐང་རྟེན་མཐུག་ཐག་ཆོད་པ་ཞིག་བཟོས་འདུག་པ་གཞི་ནས་རྟོགས་ལེ་ཡིན།།

གསུམ།སྤྱི་ལོ་ཉིས་སྟོང་བརྒྱད་ཀྱི་ལོར། བོད་ཡུལ་རང་དབང་དང་མང་གཙོའི་གཡུལ་ལ་ཆས་དུས། བོད་མདོ་སྨད་རྔ་བ་རུའང་དམར་པོ་ཁྲག་གི་རུ་དར་འཕྱར་ཏེ་ཚེ་སྲོག་གིས་གཏུག་གཤེར་རྒྱག་པ་རླུང་འཕྲིན་དང་བརྙན་འཕྲིན་ཀུན་པོ་ལས་ཐོས་ཤིང༌། འཇིགས་ཡེར་ཡེར་གྱི་གནམ་ས་ཞིག་གི་ཁ་ཕྱེས་སོང་ལ། ཁྲག་དམར་གྱིས་ནེམ་པའི་བོད་རྔ་བའི་དཔའ་རྒོད་ཚོའི་ཕུང་བོ་པར་ལ་བཏབས་པ་དག་གིས། སྲང་ལམ་དང་བཞི་མདོ། རྒྱ་ལམ་གྱི་གཡས་གཡོན་དང་འགོ་རྔ༌། ཐ་ན་ཧྲག་བར་ཆུང་ཆུང་ཞིག་གི་བར་སྟོང་ཡང་མ་ལུས་པར་ཁེངས་སོང་བ་མཐོང་པས། བླ་འདར་འདར་གྱི་རང་གི་སྙིང་ཁམས་སུ། དོན་ངོ་མར་རྔ་བ་རུ་ཅི་ཞིག་མང་ངམ་སྙམ་པའི་དྲི་རྟགས་ཤིག་གིས་ཚ་འདྲི་བྱས་བྱུང༌།།

བཞི།བོད་རྔ་བའི་སྨྱུག་འཆང་པ་དག་གི་སྙིང་སྟོབས་སུ་ངོམ་ཆོག་པའི་གཉན་མིང་པས། ང་ཚོའི་ལུས་ཐོག་གི་འགྲོ་བ་མིའི་ཐོབ་ཐང་གྲངས་བཤེར་བྱས། རྔ་ཡུལ་གྱི་ཐེའུ་རེངས་སུ་འབོད་པའི་ཕོ་རྒོད་དར་མ་ཞིག་གིས། དྲ་ལམ་གྱི་ཤོག་ཐང་ཆེན་པོའ་ིཐོག་ཐག་ཏུ། སྟོང་ལོ་བརྒྱད་པའི་ཁྲག་ཡིག་གི་རྡོ་རིང་བསླངས། ད་དུང་བོད་རྔ་བའི་སྨྱུག་

འཆང་པ་དེ་དང་། འདི་དང་འདི་ལ་སོགས་པ། སྨྱུག་དམག་གི་རུ་དཔུང་དེ་སུ་ཞིག་གི་རྒྱབ་དཔུང་དུ་མདུན་ལ་ཐོན་ཞིང༌། ཚ་ཚ་འུར་འུར་གྱི་《ཤར་དུང་རི་》དང་《དུས་རབས་ཀྱི་ང་》སོགས་ཀྱི་དར་ཆ་མཐོ་རུ་སྒྲེང་བཞིན་འུར་དང་སྟོབས་ཀྱིས་མཆོང་ཡོང་བ་འདིས། དགྲ་གཉེན་ཀུན་ལ། མིའི་རིགས་ཡོངས་ལ། འགྲོ་བ་ཐམས་ཅད་ལ། ཉེན་བརྡ་ཞིག་གཏོང་དུས། ལྐོག་བརྡ་ཞིག་རྒྱག་དུས། ངས་རང་གི་ལོ་ཡི་འཁོར་མོ་རིས་སུ་བཀྲ་བའི་མི་ཚད་མིག་གིས་མཐོང་གི་ངས་རང་གི་བློ་དང་རིགས་པས་བསགས་པའི་ཤེས་ཚད་སེམས་ཀྱིས་མྱོང་གི།

ལྔ༌།དུས་དེ་རིང་གི་རྔ་བ་ཀིརྟི་དགོན། རང་ལུས་མེ་རུ་སྦར་ནས་བདེན་པའི་བུ་ཆུང་གཉོར་མཁན་གྱི་དཔའ་བོའ ་ིའདུ་རྭ་ཆེན་མོ། གྲྭ་བ་ཁྱུ་འདེད་ཀྱིས་མུན་ནག་གི་བཙོན་རྭར་འཇུག་གིན་པའི་དམྱལ་ཁམས་གསོན་པོ། ཉིན་མཚན་མེད་པར་དམར་དམག་གི་སྡིགས་ར་དང་སྡུག་སྦྱོང་གི་ཁྲག་དང་མིག་ཆུ་ཆད་རྒྱུ་མེད་པའི་ཁྲིམས་རྭ་བཙན་པོ། དུས་དེ་རིང་ཁྱེད་ཀྱི་མཚན་ཙམ་ཐོས་ཀྱང་ཀྲུང་གོའ་ིགློག་བརྙན་རྙིང་གྲས་ཁག་གི་ནང་ནས་མཐོང་བའི་ཧྲོ་ལན་དགོན་པ་དག་དྲན་ཡོང་གི ཁོང་ཚོས་རང་ཉིད་ཆུང་ཆུང་ཞིག་ཡིན་པ་ཤེས་བཞིན་དུ། མི་མང་གི་བདེ་སྡུག་གི་ཆེད་དུ་སྲིད་གཞུང་ཞིག་འགོ་རྟིང་སློག་པའི་འཐབ་ར་སྦྲན་པ་དང༌། སྲིད་གཞུང་གི་ཁྲིམས་མེད་ལུགས་མེད་ཀྱི་བྱ་སྤྱོད་ཐེར་འདོན་བྱ་ཆེད་དབྱུག་པའི་རྩལ་གྱི་སྤོབས་པ་རི་ལས་མཐོ་བ་དང༌། རང་གི་ཆོས་ལུགས་རང་དབང་ཁུ་ཚུར་གྱི་ངར་ཤུགས་ཁོ་ནས་རྩོད་པ་བཅས་དྲན་པ་མ་ཟད། ཀིརྟི་དགོན་པའི་གྲྭ་ཕུན་ཚོགས་ཀྱིས་རང་ལུས་མེར་བསྲེགས་པ་དང༌། གྲྭ་བ་སུམ་རྒྱ་ཐམ་པ་འཛིན་བཟུང་བཀག་ཉར་བྱས་པ་སོགས་གོ་ཡོང་དུས། ཧྲོ་ལན་དགོན་པའི་ཛ་དྲག་སྐབས་ཀྱི་ཁྲི་བ་ཀྲི་ཧྲན་དང་དགེ་སྤུན་ཆེ་ཆུང་རྣམས་སོགས་ཀྱི་གཟུགས་སྣང་ཡིད་ལ་འཁོར་ཡོང་བས། སྙིང་དམར་པོ་ལྷོག་ལྷོག་བྲང་ཁོག་གི་མུ་མཐའ་ལ་ལྡིང་འགྲོ་འོ།།རྔ་ཡུལ་ཀིརྟིདགོན། ཁྱོད་ཀྱི་འཇིགས་པ་ང་ཡི་སྡུག་བསྔལ་ཡིན། ཁྱོད་ཀྱི་སྡུག་བསྔལ་ང་ཡི་འཇིགས་པ་ཡིན། །

རྩྭ་ཐང་ནས་གཉོམ་ལག་རྒྱས་ཤིང་སྦྲ་འདབས་ནས་ཚེ་སྲོག་འབུས་པའི་བོད་མི་ཞིག་ཡིན་ཕྱིན་ཕལ་ཆེར་ཨ་མའི་ལག་རྩམ་གྱི་རོ་བཅུད་ལ་བརྟེན་ཏེ་འཚར་ལོངས་མ་བྱུང་བ་གཅིག་ཀྱང་མེད། ཁོ་མོར་མཚོན་ན་ཡང་ཨ་མའི་ལག་རྩམ་ལ་རོལ་ཏེ་ནར་སོན་པའི་འབྲོག་ཕྲུག་མ་ཞིག་ཡིན། ཨ་མའི་ལག་རྩམ་ནི་བོད་མིའི་ཐུན་མོང་མ་ཡིན་པའི་ཟས་ཏེ་བོད་མིའི་འཚོ་བའི་ཁྲོད་དུ་ཆེས་མེད་དུ་མི་རུང་བའི་བཅུད་ལྡན་གྱི་ཟས་མཆོག་ཅིག་ཡིན།གདོན་མའི་མེས་པོའ་ིབཀའ་དྲིན་ཅན་སུ་ཞིག་གིས་དཀའ་སྡུག་གི་རྔུལ་ནག་ལས་བརྡོལ་བའི་རྩམ་པ་ཟ་བའི་སྲོལ་འདི་བྱུང་བ་ནས། རྩམ་པ་འདི་མི་རིགས་ཤིག་གི་ཚེ་སྲོག་གི་རྟེན་གཞི་དང་རིགས་རྒྱུད་ཅིག་གི་ཐུན་མོང་མ་ཡིན་པའི་ཟས་སྐལ་དུ་གྲུབ། མི་རིགས་འདི་ལ་མགོ་ནག་རྩམ་ཟན་པ་ཞེས་པའི་མིང་འདི་ཡང་དུས་འདི་ནས་ཐོགས། དེའི་ཕྱིར། བོད་པ་ཞིག་ཡིན་ཕྱིན་རྩམ་པ་ཟ་བར་མི་དགའ་མཁན་ཉུང་ཉུང་ཡིན། ཁོ་མོར་མཚོན་ན་ཡང་བོད་པ་ཞིག་ཡིན་ཕྱིར་རྩམ་པ་ཟ་བར་དགའ་ལ། ལྷག་པར་དུ་ངེད་ཚང་གི་ཤིང་སྒམ་དུ་བླུགས་པའི་ཨ་མའི་ལག་རྩམ་ཟ་བར་ཧ་ཅང་དགའ།ངས་དྲན་པ་ནས་བཟུང་ངེད་ཚང་གི་མར་སྒྱེད་འགྲམ་གྱི་ཤིང་སྒམ་གྲུ་བཞི་དེའི་བདག་པོ་ཨ་མ་ཡིན་ལ། ཟས་ཐུན་སླེབས་ཐེངས་རེར་དྲི་ཞིམ་འཐུལ་ཞིང་དྲོད་ཁོལ་མ་ཡལ་བའི་ཨ་མའི་ལག་རྩམ་ལ་རོལ་དུས་སེམས་སུ་སྔར་མེད་སྤྲོ་བ་ཚད་མེད་རེ་སྐྱེས་མྱོང་ལ། མྱུར་དུ་རྔམ་ཟ་བྱས་ཏེ་སླར་ཡང་ལག་པ་བསྲིངས་བར་དགའ།

ཨ་མའི་ལག་རྩམ་དྲན་པ།

–སྨིན་སྣང་མཛེས། 《ས་རཱ》

ངེད་ཚང་གི་ཤིང་སྒམ་གྲུ་བཞི་དེའི་ནང་ན་ཉར་བའི་ཨ་མས་ལག་འཐག་གི་རྩམ་པ་ནི།་ངེད་ཚང་གི་ཕ་མའི་ཡང་མེས་ནས་བརྒྱུད་པའི་གཅེས་ནོར་དང་། ལོ་ངོ་སྟོང་ཕྲག་དུ་མའི་ལོ་རྒྱུས་རུམ་ཞིང་མི་རབས་དུ་མའི་གཏམ་རྒྱུད་ཁུར་ཏེ་ཚེ་སྲོག་གྲངས་མེད་ཅིག་ལ་ལང་ཚོའི་ཁོ་ལག་རྒྱས་སུ་བཅུག་སོང་།དེར་བརྟེན། ངེད་སྤུན་མཆེད་སུ་ཞིག་ཡིན་ཡང་ཨ་མའི་ལག་རྩམ་གྱི་རོ་བཅུད་ལ་བརྟེན་ཏེ་ནར་མ་སོན་པ་གཅིག་ཀྱང་མེད། ལྷག་པར་དུཁོ་མོ་ནི་སྤུན་མཆེད་གཞན་ལས་ཀྱང་ཨ་མའི་ལག་རྩམ་ལ་རོལ་བར་དགའ་བའི་བུ་མོ་ཞིག་ཡིན་ཕྱིན། ནམ་རྒྱུན་ཨ་མ་དང་འབྲལ་མ་མྱོང་ལ་ཨ་མའི་ལག་རྩམ་དང་ཡང་འབྲལ་མ་མྱོང་། ཚེ་སྲོག་གི་རུས་རྐང་རེ་རེ་ལ་ཡང་ཉིན་རེ་ནས་ཉིན་རེར་གསོན་ཤུགས་རྒྱས་པ་རྟོགས་ཐུབ། ཨ་མས་གསུངས་པ་ལྟར་ན་ཚི་དྲེག་ཆགས་ཤིང་སྐྱ་བོར་གྱུར་བའི་རྩམ་སྒམ་འདི་ཕ་མེས་བཀའ་དྲིན་ཅན་ཚོས་ཤུལ་བཞག་གི་གཅེས་ནོར་ཡིན་པས། ཨ་མས་ཀྱང་རྗེས་མར་རྩམ་སྒམ་འདི་བུ་མོར་བརྒྱུད་སྤྲོད་བྱེད་དགོས་ཞེས་ཐེངས་མང་གསུངས་མྱོང་བ་མ་ཟད། སྐབས་རེར་ཨ་མས་རྩམ་སྒམ་དང་འབྲེལ་བའི་གཏམ་རྒྱུད་རིང་པོ་རེ་ཡང་བཤད་མྱོང་། གང་ལྟར་། ང་ནི་ཨ་མའི་ལག་རྩམ་གྱི་གསོས་པའི་བུ་མོ་ཞིག་ཡིན་ཕྱིར། རྩམ་པ་ནི་ངའི་མི་ཚེའི་ནང་འབྲལ་དུ་མེད་པའི་ཟས་མཆོག་ཅིག་ཡིན་ལ། ངའི་ཚེ་སྲོག་གི་གྲུབ་ཆ་གལ་ཆེན་ཞིག་ཀྱང་ཡིན།ཡིན་ན་ཡང་། ངའི་གོམ་སྟབས་ཁེར་རྐྱང་དུ་ཕྱོགས་པ་ནས་ང་ཨ་མ་དང་བྲལ་ཟིན་ལ་ཨ་མའི་ལག་རྩམ་དང་ཡང་བྲལ་ཟིན།

ལོ་མ་སེར་པོའ ་ིའཕུར་ལྡིང་རྒོད་ཅིང་དགུན་གྱི་རང་གཤིས་མངོན་ལ་ཉེ་བའི་དུས་འདིར་ང་སྔར་བཞིན་ཁེར་རྐྱང་དུ་ཁང་མིག་གྲུ་བཞི་འདི་ན་ཨ་མའི་འཛུམ་ཞལ་ཡིད་ལ་སྒོམ་ཞིང་ཨ་མའི་ལག་རྩལ་དྲན་བཞིན་མིག་ཆུའི་ཐིགས་པ་རེ་རེ་མཁུར་ཚོས་བརྒྱུད་དེ་ས་རུ་ཟགས་བྱུང་། སྐབས་འདིར་རང་དབང་མེད་པར་མདང་དགོང་གི་རྨི་ལམ་དེ་དྲན་བྱུང་། རྨི་ལམ་དུ་ཁོ་མོ་དང་ཨ་མ་གཉིས་སྦྲ་འདབས་ན་འཛོམས་ཤིང་ཨ་མས་སྔར་བཞིན་ཚ་བེར་བེར་གྱི་ལག་རྩམ་བརྫིས་ཏེ་ཁོ་མོའ ་ིལག་ཏུ་བཞག་པར། ཁོ་མོས་ཨ་མས་ལག་རྩམ་དྲན་དྲགས་ནས་རྔམ་ཟ་བྱེད་བཞིནའདུག ཁོ་མོའ་ིམཐའ་འཁོར་ན་ཡོད་པའི་སྤུན་མཆེད་ཚོས་ཀྱང་བདག་ལ་མིག་ཟུང་རིག་རིག་གིས་གྱེར་ཞིང་ལག་ཟུང་བསྲིང་བཞིན་འདུག་གོ།

འབོད་སྐུལ་དང་རེ་བ།

བོད་དོན་གླེང་སྟེགས་དང་འབྲེལ་བའི་རྒྱ་ཆེའི་རྩོམ་པ་པོ་དང་ཀློག་པ་པོ་རྣམས་ལ། བོད་དོན་གླེང་སྟེགས་འདི་ནི ་སྔ་ལོར་སློབ་ཕྲུག་རྒན་པ་གཉིས་ཀྱིས་ལྷག་བསམ་རྣམ་དག་གི་ཀུན་ནས་བསླངས་ཏེ་བསྐྲུན་པ་ནས་ད་བར་ལོ་གཅིག་ཙམ་ལས་མ་ལོན་པའི་ལོ་ཆུང་ཞིག་ཡིན་ལ། ད་སྐབས་ཀྱང་སློབ་ཕྲུག་ཅིག་གིས་སློབ་ཞོར་དུ་རང་རིགས་ཀྱི་སྐད་ཡིག་དང་རིག་གཞུང་གི་ཉམ་ཉེས་ལ་བསམ་ནས། འབད་འབད་དུང་དུང་གིས་ཚགས་པར་འདིའི་ཚེ་སྲོག་རྒྱུན་གནས་ཡོང་ཕྱིར་སྒྲུབ་བཞིན་པ་ལགས་ན། རྒྱ་ཆེའི་སྙུག་ཐོགས་པ་རྣམས་ཀྱིས་རྩོམ་ལུས་ལ་ཁྱད་མེད་ཀྱིས་རང་རེའི་འདས་ཟིན་པའི་ཉམ་ཉེས་ཀྱི་རྒྱུ་རྐྱེན་དང་། མ་འོངས་མདུན་ལམ་གྱི་འཕེལ་ཕྱོགས་ལ་ཕན་པའི་རྩོམ་ཡིག་གང་མང་ཞིག་གཤམ་གསལ་གློག་འཕྲིན་ཁ་བྱང་བརྒྱུད་ནས་སྨོན་ལམ་བོད་ཡིག་གསུམ་པའི་སྟེང་ངེད་རྩོམ་སྒྲིག་པར་གནང་སྐྱོང་ཡོང་བའི་རེ་བ་སྙིང་ནས་ཞུ། ཚགས་པར་དང་དུས་དེབ་གང་ཞིག་འཚོ་བ་གཞན་དོན་དུ་ཡིན་ཡང་། འཚོ་བྱེད་ཀྱི་ཁ་ཟས་ལྟ་བུ་ནི་ཁྱེད་ཅག་སྙུག་ཐོགས་པ་དག་གི་རྩོམ་ཡིག་གི་སྦྱིན་གཏོང་ཆེན་པོ་ཁོ་ན་ལ་རག་ལས་ཏེ། ད་བར་ཚགས་པར་དང་དུས་དེབ་མང་པོ་ཞིག་འཇིག་རྟེན་དུ་ཕེབས་ཤིང་ཡུན་རིང་མ་འགོར་བར་ལྔ་ལམ་དུ་ཆས་དགོས་བྱུང་བ་མང་པོ་ཞིག རྩོམ་པ་པོའ་ིརྩོམ་ཡིག་གི་སྦྱིན་གཏོང་ཞན་པ་དང། ཀློག་པ་པོའ་ིརེ་སྒུག་གི་འདུ་ཤེས་ངན་དྲག་པའི་ཅི་ལ་མིན་སྙམ་ན། ལྷག་བསམ་དང་ཤེས་དཔྱོད་མངའ་བའི་རྒྱ་ཆེའི་རྩོམ་པ་པོ་ཚང་མས་ཟླ་རེའི་ཚགས་པར་འདིར་ཕྱོགས་གང་ཐད་ནས་རྒྱབ་སྐྱོར་རེ་ཡོང་བར་ཞུ་ཞེས་དམར་དམར་སྙིང་ནས་རེད་འབོད་ཞུ་བཞིན་ཡོད།

བཟོད་གསོལ་དང་སློང་གཏམ།

ད་རེའི་འདིར་བཀོད་པའི་རྩོམ་ཡིག་མི་ཉུང་བ་ཞིག་རྩོམ་པ་པོ་རང་རང་གི་དྲ་ཐོག་ཟིན་བྲིས་ལས་འདིར་གདན་འདྲེན་ཞུས་པ་ཡིན་ལ། དེ་ལྟར་བྱེད་ཆོག་པའི་དབང་ཚད་ཀྱང་སྙུག་ཐོགས་པ་དེ་དག་ཁོ་ནར་དབང་བ་བཞིན། དེ་དག་གི་ཟིན་བྲིས་གཤམ་དུ་བདག་གིས་ཀྱང་ཟིན་མཆན་རེ་བཀོད་ནས་འདྲེན་བཀོད་བྱ་ཆོག་པའི་གནང་བ་ཞུས་ཡོད་ཀྱང་ཁོང་དག་གིས་དེ་བཞིན་བགྱི་བའི་གསུང་སྐད་མ་བྱོན་ནའང་རང་ཉིད་ཀྱིས་ཀྱང་སེམས་ཁོང་ནས་བཟོད་གསོལ་ཞུ་བཞིན་འདིར་བཀོད་ཡོད་པས་རྩོམ་ཡིག་དེ་དག་གི་བདག་པོ་སོ་སོར་ལག་གཉིས་བྲང་ཁར་སྦྱར་ཞིང་སེམས་བསམ་པའི་གཏིང་ནས་དགོང་དག་ཐུགས་དག་ཅེས་ཞུ་རྒྱུ་ཡིན། མ་འོངས་པར་ཡང་ཚགས་པར་འདིས་ཐད་ཀར་འཚོ་རྟེན་གྱི་རྩོམ་ཡིག་གི་ཟས་མཆོག་མ་རེག་ཚེ་སླར་ཡང་དེ་ལྟར་བྱེད་ཆོག་པའི་འབོད་པ་བྱེད་བཞིན་ཡོད་ལ། རྩོམ་པ་པོ་དག་གིས་གཤམ་འོག་གློག་འཕྲིན་ཁ་བྱང་ངམ་ཁ་པར་ཨང་གྲངས་ཀྱི་འབྲེལ་ཟམ་ཐོག་ནས་ལམ་སྟོན་དང་། རྩོམ་ཡིག་བོད་དོན་དང་འབྲེལ་ཡོད་རེ་གནང་བར་ཞུ། ད་ཐེངས་ཀྱི་ཚགས་པར་འདི་བདག་གིས་རྩོམ་སྒྲིག་གི་ལས་ལ་ཞུགས་པ་དང་པོ་ཡིན་པས་དག་ནོར་དོན་ནོར་གྱི་སྐྱོན་ཡོད་སྲིད་པས་བཟོད་གསོལ་སྙིང་རུས་པའི་གཏིང་ནས་ཞུ་བཞིན་ཡོད།