nagabagang duta...nagabagang duta rebolusyonaryong pagpasidungog sa ila kaupod julie kg kaupod zero...
TRANSCRIPT
Fake News Alert!
OPISYAL NGA PAHAYAGAN SANG ROSELYN JEAN PELLE COMMAND NORTHERN NEGROS GUERILLA FRONT
Isyu No. 1 Setyembre 21, 2019
Ambush sa Escalante batok sa 79th IB
SABAT SA MARTIAL LAW,INAWAY BANWA!Dako nga kadalagan sg Roselyn Jean Pelle CommandNew
People's Army (RJPCNPA) kg pumuluyo sa norte nga bahin ka Negros ang ambush sg NPA batok sa 79th IB
sadtong Agosto 31, 2019 mga alas 6:45 sg aga sa Sityo Moreno, Brgy. Paitan, Escalante City.
Ang ambush sabat sa handom sg pumuluyo nga mahatagan sg hustisya ang mga mangunguma kg sibilyan nga biktima sg masaker kg pagpamatay sa Negros nga kahimuan sg pasistang AFP kg paramilitar sini idalum sa Memorandum Order 32 (MO 32) ukon de facto Martial Law sg rehimeng USDuterte.
Tatlo ka sundalo ang ginadeklara sg 303rd Brigade nga "slightly wounded" ukon pilason sa ambush. Pero klaro nga nakaangkon gilayon sg damo nga kaswalidad ang mga pasistang sundalo sg palukpan sila sg commanddetonated explosive (CDeX) sg NPA. Indi magnubo sa pulo (10) ka sundalo ang napatay
kg damo sg iban pa ang pilason.Ang engkwentro natabo
bangud sg paglagas sg 79th IB sg puntos batok sa NPA. Lunsay sibilyan ang naging target sg ila peke nga pagpasurender, pagpangaresto kg pagpamatay.
Ginapagwa sg 79th IB nga ara sa ila ang pagdampig sg pumuluyo kg nakabaton kuno sila sg impormasyon halin sa mga sibilyan batok sa NPA. Ang kamatuoran, ang mga mersenaryo kg nawongkwartang asset nga ila gintanom sa erya ang mismo nagdulong sa ila makahuluya nga kapyerdehan sa inaway.
Sa pagtener sg "peace & development team" ukon PDT sg AFP sa Paitan, dako sg perwisyo kg damo nga reklamo batok sa army ang
ginpadangat sg pumuluyo. Makahalalit sa masa ang padayon operasyon sg militar sa Escalante.
Gani maisog nga ginatubang sg mga Pulang hangaway ang mga pasistang sundalo. Wala nahadlok ang NPA sa superyor nga pwersa ka tropa sg kaaway.
Andam kg pursigido sa gihapon ang NPA nga magalagad sa malapad nga ginapigos kg ginahimuslan bisan ginabubo diri sa norte ka Negros ang damo nga mga drone, helicopter, kg rekursong kwarta para sa mga aset, pekeng pagpasurender, kg iban pang pakana sg kaaway.
Ang desperado kg makahuluya nga tikang kg hayag nga paglapak sg AFP sa mga tawhanong kinamatarung sg mga mangunguma kg sibilyan mas naghatag pa rason sa pumuluyo nga maghakos kg magdangop sa rebolusyon.
Ang manggaran nga kasaysayan sg pumuluyo batok sa Martial Law ilabe na sa Escalante ang inspirasyon sg rebolusyonaryong kahublagan sa pagpaslaw sa MO 32 sa Negros kg sa kontrarebolusyonaryong gera sa rehimeng USDuterte. Sabat sa Martial Law, inaway banwa!
FAKE ENCOUNTER, FAKE ESCAM, FAKE SURRENDER..Wala sg nahitabong engkwentro sa tunga sg NPA kg mga sundalo sg 79th IB sadtong Setyembre 17 sa Sitio Maitom, Old Poblacion, Escalante City. Ang “fake encounter” ginpagwa sg militar para magpalapnag sg kahadlok kg gamo sa pumuluyo. Samtang ginipit kg ginaresto sg kapulisan kg militar ang mga progresibong grupo
nga naghiwat sg rekorida para sa komemorasyon sg Escalante Masaker (ESCAM) sadtong Sept. 18. Ginplanteran sg “fake evidence” nga armas kg bomba ang ila dyip. Tama ka klaro nga ang mga pasista sa rehimeng USDuterte, pareho sg 303rd Brigade, 3rd ID, 79th IB kg National Task Force to End Communist Insurgency (NTF) ang tuman ka
interesado kg desperado sa pagsabotahe sa mga aktibidad sg pumuluyo sa ika34 ka tuig sg ESCAM. Pilit ginapatambong ang mga sibilyan sa kontrapumuluyong “Peace Summit” ukon “Fake ESCAM” sa adlaw mismo sa anibersaryo sg Masaker sa Escalante diin 2,500 “Fake NPAs” ang ipresenta sg militar bilang surrenderee.
NAGABAGANG DUTA
Nagabagang DUTA
Rebolusyonaryong pagpasidungog sa ila Kaupod Julie kg Kaupod Zero
Para sa mga martir sg engkwentro sa Marcelo, Calatrava
Pahayag ni CECIL ESTRELLA, TigpamabaRoselyn Jean Pelle Command - NPA North Negros
Nagahatag sg pinakamataas nga pagpasidungog ang Roselyn Jean Pelle Command – New People’s Army Northern Negros Guerilla Front (RJPCNPA) kg ang bugos
nga rebolusyonaryong kahublagan kg pumuluyo sg Negros kanday Kaupod Julie kg Kaupod Zero, ang duha ka mga kaupod nga nagbuhis sg kabuhi sa reyd nga ginpatigayon sg 79th IB batok sa isa ka iskwad ka RJPCNPA sa Brgy. Marcelo, Calatrava sadtong Abril 17, 2019 pasado alas 4:00 sg hapon. Kag isa ka sibilyan ang gintiropatay sg militar sa amo nga insidente, si Sulpicio Hernan Jr, kg ginapagwa sg 79th IB nga si Hernan upod kuno sa mga combatant sg NPA. Si Hernan isa ka ordinaryo nga batanon nga ginasurbeylans sg militar. Ang RJPC nagaupod sa kasubo sg pamilya sa pagkapatay ni Hernan. Maisug nga ginatubang sg nasambit nga yunit sg RJPCNPA ang sorpresa nga atake sg mga pasista. Ginapagwa sg kaaway nga isa lang ang ila kaswalti nga pilason, si Sgt. Gardose nga amo ang CO sg nagreyd nga tropa sg kaaway. Samtang ang kamatuoran, ang 30minuto nga inaway nagresulta gid sa pagkapatay sa indi magnubo 5 ka pasistang tropa kg may 5 pa ang ila pilason. Ginatago sg pasistang militar ang kamatayon sg mga ordinaryong sundalo nga ila ginapaon sa inaway samtang nagatinikal sila sa ila brutal nga pagpamatay sa mga kaupod kg sibilyan agud hadlukon ang pumuluyo. May ara mga dugang nga igo sa ulo ang mga nagkalamatay, indikasyon nga sila gintiro pa sa gihapon pagkatapos mapatay. Ang ila patay nga lawas ginguyod kg gindispley sa plasa sa Marcelo.
Ang ini nga brutalidad kahimoan lang sg mga desperadong pasista nga uhawsadugo. Mas bugat pa sa Bukid Kanlaon ang kasubo sg pumuluyo sa pagtaliwan nanday Ka Julie kg Ka Zero. Sanday Kaupod Julie kg Kaupod Zero, pareho ang edad 28, mga lamharon nga modelo sg ila henerasyon nga nagbuhis sg kabuhi para sa matuodtuod nga kahilwayan kg demokrasya sa pungsod kg sosyalistang palaabuton. Ang bulawanon nga tingog ni Kaupod Julie kg ang iban pa niya nga talento bilang hangaway sa patag sg hilikuton pangkultura, ginpauswag niya sa sulod sg Bagong Hukbo sg Banwa.
Samtang ginpursige ni Kaupod Zero ang pagremolde bilang proletaryong rebolusyonaryo halin sa naandan nga dunot nga kultura kg impluwensyang burgispyudal sa mga kabataang mangunguma kg mangingisda. Nagadamgo ang kaaway sa ila panghunahuna nga magaatras ang NPA pagkatapos sg engkwentro sa Calatrava. Ang kamatayon nanday Ka Julie kg Ka Zero, mangin inspirasyon sa mga kaupod sa maisug nga pagatubang sa pasistang rehimeng USDuterte kg ang ila sakripisyo rason para sa madamo pa nga pamatanon sa Negros nga magupod sa armadong paghimakas. Napamatudan na sa 50 ka tuig sg NPA nga magapadayon ang inaway banwa kg wala na sg iban pa nga padulungan ang NPA kundi ang kadalagan!
Mabuhay ang handumanan nanday Ka Julie kg Ka Zero! Isulong ang inaway banwa hasta sa kadalagan!
Wala sg kaswalti ukon wala sg napatay kg pilason sa hanay sa NPA sa duha ka engkwentro sini sa pasistang 79th IB sa nagligad nga mga bulan.
Sadtong Mayo 15, ginpagwa sa report sg kaaway na lima kuno ang napatay sa NPA sa engkwentro sa Sitio Puting Tubig, Brgy. Minautok, Calatrava. Lima kuno gihapon ang patay sa NPA
sa report sg kaaway sa ambush sa Sityo Moreno, Brgy. Paitan, Escalante City sadtong Agosto 31. Ang kamatuoran, madasig kg hilway na nakaatras ang mga yunit sg RJPCNPA sa mga natabong engkwentro.
Wala bisan isa ka kaupod ang napilasan, samtang mainit ang naangkon nga suporta sg mga Pulang hangaway halin sa masa kg pumuluyo sa mga erya nga ginatrasan sa NPA halin sa inaway! Salamat sa masa!
Wala sg kaswalti ang NPA sa Minautok kg Paitan
Setyembre 21, 2019