Ntlo ea Senate e ile ea hlahloba le ho nyakurela melao e leshome le metso e supileng kaofela selemong sa 2010.

LITS'OANTS'O TSA MOLAO KA NTLONG EA SENATE SELEMONG

SA 2010

LITS'OANTS'O TSA MOLAO KA NTLONG EA SENATE SELEMONG

SA 2010

1.Sets'oants'o sa molao sa likhetho tsa puso ea libaka. Setso’ants’o sa molao sa likhetho tsa puso ea libaka.

'Moko taba oa sets'oants'o sena sa molao ke ho fa basali litulo tse khethehileng le ho eketsa litulo bakeng sa basali likhethong tsa puso ea libaka.

Molao o re baemeling ba bararo ba likhetho a le mong e loketse ho ba mosali,( 1/3).

Sets'oants'o se boetse se bonts'a boikarabelo ba mekha ea lipolotiki ntlheng ea ho fana ka bakhethoa ba mekha ea bona ba ntseng ba kenyeletsa basali.

Sets’oants’o Se hlalosa melemo ea mokhethisi 'me se tsebahatsa hape ka pampiri ea bobeli ea ho khethela (ballot paper) e fang basali monyetla oa ho ba teng lethathamong la khekhethane le tla fanoa ho IEC.

2. SETS'OANTS'O SA MOLAO SA SETSI SA PHEPELO EA MOTLAKASE SA 2010.

Sets'oants'o se hlomathisa molao oa setsi sa motlakase sa 2002. Sepheo sa molao ke hore phepelo ea motlakase, metsi le likhoerekhoere li tsamaisoe le ho laoloa nqa e le 'ngoe.Setsi se joalo se tla bitsoa LEWA ( Lesotho Electricity and Water Authority)

Ho latela sehlomathiso, karolo ea (5) (1) ea molao oa pele,Lekhotla la tsamaiso la setsi le tla boptjoa ka litsebi tsa phepelo ea metsi le motlakase. Litsebi tsena li tla ba peli (2) ka palo mahlakoreng ana a mabeli, joale ho tla bat eng hape le setsibi sa molao. Pele ho mona litsebi e ne e le tsa motlakase feela.

1

Molao ona o tlilo felisa bompoli ba WASA esaale e laola ts'ebeletso ea metsi le likhoerekhoere e le 'ngoe ka nako e telele, moo baji ba neng ba hloka boikhethelo ka boemo ba lits'ebeletso bo neng bo fanoa ke WASA.

3. SETS'OANTS'O SA MOLAO SA TS'IRELETSO LE BOIKETLO BA BANA SA 2010.

Litsi'ea tsa molao ona tsa mantlha ke ho tsebahatsa, ho nanabetsa litokelo le ho tsi'reletsa bana joalo ka ha litokelo li hlalosoa ka har'a molao oa machaba oa 1989 oa litokelo tsa bana.

Molao o bua ka bana ba hlokang tlhokomelo ka kakaretso,ha ka lehlakoreng le leng o sheba bana ba khahlanong le molao. Ho hlalosoa ke molao ona hore ngoana ke motho ea lilemo li ka tlaase ho leshome le metso e robeli (18).

Bana bao ho buuoang ka bona ke bana ba lahluoeng, ba hlekefetsoang, ba khetholloang, ba tlatlapuoang, ba sebelisoang hampe le ho hobosoa e le batho.

Sepheo sa molao hape ke hore litokelo tsa bana li hlomphuoe ho sa shejoe hore na batsoali ba bona ke bo mang, 'me litokelo li hlompha le eona mekhoa le meetlo ea Basotho.

4. SETS'OANTS'O SA MOLAO SA KARETE EA NAHA EA BOITSEBISO SA 2010.

Molao o mocha ona o lokisa molao oa selemo sa 2004.

LIKATENG TSA MOLAO

Ho tla ngolisoa boitsebiso ba batho bohle bao e leng Basotho naha ka kakaretso, ho tloha ka ea lilemo li leshome le metso e tšeletseng, le bao eseng Basotho, ha feela ba na le mangolo a ho lula Lesotho nako e telele.

2

Ngoliso ena ea batho bohle, e tla ba eona taba ea bohlokoa- hlokoa e lelekellang hore bohle ba fumane likarete tsa boitsebiso.

Karete ena e tla khetholoha ka ho ba le khatiso ea menoana ea mong’a eona, ho qoba ts'ebeliso e bohlasoa ea litokomane tsa bohlokoa.

Karete e tla sebetsa nako ea lilemo tse leshome (10),'Me e tla nchafatsoa ka hore mong'a eona a etse kopo bocha. Karete ena e ka senngoa haeba ho fanoe ka boitsebiso ba bohata, e senyehile kapa mong'a eona a hlokahetse.

Molao o fana ka kotlo makhotleng a molao ho batho ba tla sebelisa tokomane ena ha mpe.Motho ea joalo o tla hlola lilemo tse leshome le metso e mehlano chankaneng kapa ho lefa M25,000.00 kapa bobeli ba tsona.

Tse ling tsa lits’oants’o tsa melao tse fihlileng ka Ntlong ea Mahosana.

Sets’oants’o sa molao oa tsamaiso ea linyeoe le bopaki sa 1981(sehlomathiso).

Sets’oants’o sa molao sa setempe sa molao sa ts’ebetso sa 2001 (sehlomathiso).

Sets’oants’o sa molao sa litsieane tsa Mohlomphehi Tonakholo le Mofumahali oa hae, Motlatsi oa Tonakholo le mofumahali oa hae ‘moho le tsa Motlotlehi Mofumahali .

Sets’oantso sa molao oa mobu.

Tlhophiso ka : Senate Public Relations Office

P. O. Box 553, Maseru 100, LesothoTel: 2231 5338 / 2231 7026

www.parliament.ls