Zunh Doz/Sermon Light of the World

Njang Ziux Baamh Gen

John 8:12; Matt. 5:14-16

Zeuz, YauzSing

Hnyouv Nyiemz Fingx Jiez Daaih Hnyouv Nyiemz Fingx Jiez Daaih Njang Ziux Baamh Gen Njang Ziux Baamh Gen Njang Ziux Baamh Gen Light of the World

Introduction/Gorngv Jiex Gorn Waac: Mbuo oix juangc jienv hoqc taux Njang ziux baamh

gen. Da’yietv, mbuo oix hoqc taux njang nyei gorn,Yesu. Da’nyeic, mbuo oix hoqc taux Ziouv nyei waac, ging-sou hnangv haaix nor ziux njang (Hnangv lungh muonz zanc dorh fai-faav/dienx tongh dang daaih ziux jauv nor, mbuo maiv bungz zieqc daaih liuz aengx zorqv buoz buang jienv, mbuo dorh daaih ziux jauv. Ziouv nyei waac se hnangv naaic dorh jauv). Da’faam, mbuo oix hoqc taux sienx Yesu nyei mienh fai yiem njang nyei mienh hnangv haaix nor aengv njang. Maaih eix-leiz gorngv mbuo zoux nyei sic, mbuo ziangh nyei maengc biux mengh taux mbuo sienx fai aengv mbuo sienx wuov dauh Ziouv. Mbuo yaac oix mangc taux haaix nyungc Torngv Njang. Zuiz se hnangv mbuo dorh buoz buang jienv fai-faav fai dorh tongv gomv jienv dang nyei njang nor.

A. Light is Christ/Njang Se Yesu 1. Yesu gorngv ninh se njang ziux baamh gen, “Yie se njang ziux baamh gen.

Haaix dauh gan yie, wuov dauh yietc liuz maiv zuqc yangh hmuangx gu'nyuoz, zungv duqv njang ziux ninh nyei maengc.” (Yo^han 8:12) Hnangv ba’hnoi ziux lungh hnoi zanc nor njang, Yesu ziux mbuo nyei lingh wuonh, ninh se njang ziux bun mienh zoux nyei zuiz mangc duqv cuotv (fai bun mbuo hiuv duqv haaix nyungc se zuiz) Yaac mbuo yiem hmuangx nyei mienh haih mangc duqv buatc jauv, bun m’zing maengc mienh haih maengc duqv buatc. Bun zuuiz mienh haih goiv hnyouv daaih lorz yaac zaangc zien wuov dauh Tin-Hungh.

2. Yesu yiem baamh gen nyei ziangh hoc ninh gorngv, yiem Yo^han 9:5 Yie corc yiem jienv baamh gen nyei ziangh hoc yie zoux njang ziux baamh gen.” Yo^han 12:46 Yie daaih bieqc baamh gen weic zoux norm njang. Haaix dauh sienx yie, maiv zuqc yiem hmuangx gu'nyuoz

3. “Tin-Hungh se Njang” Ninh maiv maaih yietc deix hmuangx.” Yesu daaih benx dauh baamh mienh weic oix bun yiem hmuangx nyei mienh haih mangc duqv buatc, haih biux mengh Tin-dorngh Diex. (1 Yo^han 1:5) njang se gorngv taux Tin-Hungh nyei fiem fingx. Ninh cing-nzengc, maiv maaih zuiz…Weic Tin-Hungh se njang, sienx ninh nyei mienh oix zuqc yangh njang, weic ninh zoux cing-nzengc mbuo sienx ninh nyei mienh oix zuqc zoux cing-nzengc.

4. Yesu daaih ziux baamh mienh “Yesu maiv daan zoux njang nyei gorn, ninh yaac zoux ziangh maengc nyei gorn-nyuonh “Doz zoux ziangh maengc nyei gorn-nyuonh. Naaiv nyungc maengc dorh njang daaih ziux baamh mienh” (Yo^han 1:4) Baamh mienh se bangc Tin-Hungh cingx maaih ziangh maengc. Mbuo nyei sin, lingh wuonh oix zuqc bangc Tin-Hungh cingx haih ziangh.

B. Light is Gospel, the word of God/Njangc se Ziouv nyei waac fai Kuv fienx

1. “Meih nyei waac se hnangv dang ziux yie nyei zaux-mbiec, yaac zoux yie jauv zaangc nyei njang. ” (Singx Nzung 119:105) Dang se ziux hmuangx, hnangv mbuo yangh jauv weic maiv oix caiv piatv fai ndorpc. Njang tengx dorh mbuo mingh taux dorngx, Tin-Hungh nyei waac se hnangv njang dorh mbuo mingh taux dorngh, dorh mbuo hnangv haaix nor ziangh.

2. Yesu Giduc biux mengh Zangc Diex bun mbuo hiuv. Mv baac Mienv buang jienv mienh nyei m’zing (2 Ko^lin^to 4:4) Mienv dangv jienv mienh nyei hnyouv, buang jienv mienh nyei m’zing, bun ninh mbuo mangc maiv buatc.

3. E^fe^so 5:13-14 Njang ziux jienv haaix nyungc, wuov nyungc ziouc buatc duqv zien, 14 weic zuqc njang ziux haaix nyungc, wuov nyungc ziouc njang aqv. “Haaix nyungc zien fai njang ziux wuov nyungc wuov nyungc ziouc mangc duqv buatv zien.

4. Ziouv nyei waac se dang ziux bun mienh haih mangc duqv buatc Yesu.(2 Bide 1:19) Douc waac zunh Ziouv nyei waac hnangv dang ziux taux Yesu nor.

C. Believer reflects Light/ Sienx Giduc nyei mienh aengv njang fai tengx njang zoux zorng zengx.

1. Matv^tai. 5:14-16 “Meih mbuo se hnangv njang weic ziux baamh mienh. Yietc norm zingh yiem wuov mbong-ningv maiv haih bingx maiv mbueiz mienh. Yaac maiv Goiv yienc nyei maengc fai zoux kuv sic, zoux cing-nzengc nyei maengc biux mengh taux Tin-Hungh nyei njoux en nyei domh qaqv yaac bun mienh taaih Ziouv, bun Ziouv duqv njang-laangh. (mangc 1 Bide 2:12)

2. Sienx Yesu nyei mienh se maiv zeiz njang, mv baac aengx Tin-Hungh nyei njang. Mbuo benx Yesu nyei mienh mbuo oix zuqc ziangh ei ninh weic biux mengh ninh nyei njang bun hmuangx nyei mienh. Mbuo oix zuqc faix fim maiv bun haaix nyungc torngv Ziouv nyei njang.

3. Mbuo se benx zoux njang nyei zorng zengx. Yo^han gorngv, “Yo^han 1:7-9 Yo^han daaih tengx njang zoux zorng-zengx bun maanc mienh muangx yaac sienx. 8 Ninh ganh maiv zeiz zoux naaiv njang. Ninh kungx tengx njang zoux zorng-zengx hnangv. 9 Naaiv njang se zien haic nyei njang yaac bieqc baamh gen ziux mienh maanh” Gong-zoh 13:47 Baulo gorngv, Weic zuqc Ziouv hnangv naaiv nor paaiv yie mbuo, ‘Yie bun meih zoux norm njang ziux bun Janx, weic bun meih dorh njoux en mingh taux jomc lungh ndiev.’)

4. Believers are sons of light and sons of day (1 Te^saa^lo^ni^gaa 5:5) Hnangv dorn zuangv dae, sienx njang wuov dauh Ziouv nyei mienh oix zuqc zuangv njang. Fi^lipv^poi 2:15

Application of Doctrine to Duty: 1. Zuiz Torngv Njang. Yo^han 3:20 Haaix dauh zoux waaic sic, wuov

dauh nzorng njang yaac maiv oix mingh lorz njang. Nzauh heix ninh zoux nyei waaic sic oix biux mengh cuotv daaih. 1 Yo^han 1:6 Se gorngv mbuo gorngv mbuo caux Tin-Hungh jiu tong mv baac corc yangh hmuangx nyei jauv nor, mbuo kungx gorngv-baeqc hnangv, maiv ei zien leiz zoux.

2. Mbuo hiuv njang, zipv njang nyei mienh oix zuqc ziux njang, Fi^lipv^poi 2:15 “meih mbuo ziouc zoux Tin-Hungh nyei cing-nzengc, maiv lamh guaix dorngx nyei naamh nyouz. Meih mbuo oix zuqc yiem baamh gen, hnyouv waaic, baamz zuiz mienh nyei dorngx mbu'ndongx ziux njang hnangv hleix yiem wuov lungh ziux jienv njang nor”

3. Matv^tai. 5:14-16 “Meih mbuo se hnangv njang weic ziux baamh mienh. Yesu Zoux Njang nyei gorn, Ziouv Nyei waac Zoux Njang dorh mbuo *Giduc mienh zoux Njang nyei zorng-zengx, aengv njang…zuiz yiem mbuo nyei maengc torngv jienv njang… Goiv yienc nyei maengc fai zoux kuv sic, zoux cing-nzengc nyei maengc biux mengh taux Tin-Hungh nyei njoux en nyei domh qaqv yaac bun mienh taaih Ziouv, bun Ziouv duqv njang-laangh.

4. Yesu se njang, ninh nyei waac zoux dang dorh jauv, mbuo sienx ninh nyei mienh aengv ninh nyei njang se gorngv mbuo ei jienv ninh nyei waac zoux.