Lesoni 4 ni Epereli 25, 2020

Na I Vakarau

Veika-Sotavi-Oti

Na I Tovo

Vakarau-ni-rai

Na I Vola Tabu

Kevaka mada ga meda a bula saraga ena yavu vaka iVola Tabu duadua ga, nanoda kila-ka enai Vola Tabu e bucini ka yavu-taki vakalevu ena vica na yavu: naivakarau sa taurivaki tiko ena noda tubu mai, na veituberi ni vakayagataki ninoda vakasama kei na noda vakayagataka na noda ivakarau-ni-rai me vakamacalataka e dua na ka, na vei tamata kei na veivakasama-vure eda sasotava oti, vatakei na itovo-ni-bula e vakawavoliti keda, eda a bucini kina.

Na noda vakabauta vaka iVola Tabu e vakatau-vakalevu sara ena yavu se vei-yavu oqori eda vakainabi kina; kena-i-cavacava, oya ni sa na dusia na igolegoleni ivakavuvuli vaka iVola Tabu ni matavakabauta.

“Ni veika kece sara era tu e vuravura —na gagadre ca ni yago, kei na gagadre ca ni mata, kei na yalo e dokadokataka na veika ni bula oqo — era sa sega sara ni

lako mai vei Tamada, ia mai vuravura ga.” (1 Joni 2:16 NFT)

“Keitou sa vakarusa na veile lasu ka talaraka sobu na veibai cecere ni qaciqacia me voroka na kilai ni Kalou ka vagolea na veivakasama sa vesuki me talairawarawa vei Karisito.” (2 Koronica 10:5 NFT)

“Kevaka dou a vakabauti Mosese, dou na vakabauti au: ni sa volai au ko koya.” (Joni 5:46 FOV)

Cava e vinaka kina na i Vola Tabu?

Jisu e vakauqeti keda me da vulica (Joni 5:39) ka me da vakabauta (t. 46).

E Vosa ka a vakavuna na Kalou. E yaga me ivakavuvuli (2 Timoci 3:16).

Ena veika vaka vakabauta kei na i vakavuvuli-dina, na I Vola Tabu e tikoe cake vei Na-i-Vakarau, Veika-sa-sotavi-oti, na-i-Tovo, kei Vakarau-ni-Rai. Iratou kece oqori e dodonu me raici-lesu ka dikevi me veivakadutaitaki vatakei na I Vola Tabu.

Cava e leqa ena i Vola Tabu?

Sega ni dua na ka, kevaka eda liutaki tiko mai vei koya ka vola – na Yalo Tabu.

Na Yalo Tabu ena sega sara ni tuberikeda ki na dua na “rarama” ka veisaqasaqa kei na dua na ka e vakaraitaka Ko Koya ena I Vola Tabu.