LAWAK NG KAALAMAN SA ORTOGRAPIYANG FILIPINONG MGA GURO SA MATAAS NA PAARALAN NG GUBAT, DISTRITO NG SORSOGON

CHELO MANANSALA-HOMO

ISANG TESIS NA INIHARAP BILANG BAHAGI NG PAGTUPAD SA MGA KAILANGAN SA TITULONG MASTER NG EDUKASYON MEDYOR SA FILIPINO SORSOGON STATE COLLEGE SORSOGON CITY

ABSTRAK

Layunin ng pag-aaral na ito na tiyakin ang lawak ng kaalaman sa Ortograpiyang Filipino ng mga guro sa Filipino sa Mataas na Paaralan ng Gubat, Distrito ng Sorsogon. Ang mga respondent sa pag-aaral na ito ay ang labing siyam (19) na gurong nagtuturo sa asignaturang Filipino sa Mataas na Paaralan ng Gubat, Distrito ng Sorsogon. Ginamit ang deskriptibong korelesyunal sa paglikom ng mga datos na kailangan sa pag-aaral. Isang sarbey ang instrumentong ginamit sa paglikom ng datos upang malaman ang lawak ng kaalaman ng guro sa ortograpiyang Filipino. Ang mga nalikom na datos ay inalisa at binigyan interpretasyon sa pamamagitan ng paggamit ng nararapat na istatistika. Ang mga natuklasan sa pag-aaral na ito ang mga sumusunod: Mas nakararami ang bilang ng mga gurong babae ang nagtuturo sa asignaturang Filipino kaysa sa mga lalaking guro. Karamihan sa kanila ay Teacher I at gradweyt sa kursong BSED/AB. Karamihan sa kanila ay medyor sa Filipino ngunit mga baguhan pa sa serbisyo. Kakaunti lamang ang kanilang mga dinaluhang seminar at pagsasanay na lokal, rehiyonal at pambansa. Ang average mean score ng mga guro sa lawak ng kanilang kaalaman sa ortograpiyang Filipino ay 6.86. Ang computed chi-square sa kasarian, posisyon, pinakamataas na pinag-aralan, medyor, haba ng panahon sa pagtuturo ng Filipino at pagsasanay na dinaluhan ay 1.63, 2.74, 2.79, 12.37 at 8.21. Ang tatlong mga suliraning kinakaharap ng mga guro sa pagpapalawak ng kanilang kaalaman sa ortograpiya ay kaunti ang mga dinaluhang seminar at pagsasanay sa Filipino, kulang at kapos sa panahon sa pagbabasa ukol sa ortograpiya at hindi medyor sa Filipino. May panukalang solusyon na makapagpapalawak ng kaalaman ng mga guro sa ortograpiyang Filipino. Batay sa mga natuklasan, ang mga kongklusyon ay: Mas nakararami ang babaeng respondents kaysa sa mga kalalakihan. Karamihan sa kanila ay nasa Teacher I at tapos sa kursong BSED/AB. Medor sa Filipino ang karamihan sa mga respondents ngunit baguhan pa sa serbisyo. Kakaunti lamang ang kanilang nadaluhang seminar at pagsasanay sa lokal, rehiyonal at pambansa. Ang lawak ng kaalaman ng mga guro sa ortograpiyang Filipino ay di-gaanong mahusay. Walang kaugnayan ang kasarian, posisyon, pinakamataas na pinag aralan, medyor, haba ng panahon sa pagtuturo ng Filipino at pagsasanay na dinaluhan sa lawak ng kaalaman ng mga guro sa Ortograpiyang Filipino. May mga suliraning kinakaharap ang mga guro na nagtuturo sa Filipino sa Ortograpiyang Filipino. Ang panukalang solusyon batay sa resulta ng pag aaral ay pwedeng ipatupad at gamitin. Ang rekomendasyon ay: Hikayatin ang mga guro na nagtuturo ng Filipino na bigyang pagpapahalaga ang ganap na pagkatuto tungkol sa Ortograpiyang Filipino upang lalong maging kongkreto, tunay, daynamik at ganap na modelo sa kanilang mag-aaral.Ang lahat ng guro sa/ng Filipino ay bigyan ng pagkakataong dumalo sa seminar sa Filipino upang higit na mapaunlad ang kaalaman sa Ortograpiyang Filipino at maging ang kabuuan ng Filipino bilang asignatura.Magsagawa ng iba pang pag-aaral na may kaugnayan sa kasalukuyang pag-aaral at magamit ang resulta ng pag-aaral na ito ng mga susunod na mananaliksik.

KABANATA IANG SULIRANINKaligiran ng Pag-aaralMalaki ang impluwensya ng edukasyon sa hindi mapigilang pagsulong ng panahon at pag-iiba ng mukha ng mundo. Ito ang isa sa mga dahilan ng napakaraming pagbabagong nagganap sa halos lahat ng aspekto ng buhay at hindi maikakailang ito rin ang tugon at susi sa inaasam na kaunlaran at matatag na lipunan. Kung gayon, isang hakbang upang matamo ang maunlad at matatag na edukasyon ay ang pagkakaroon ng mga gurong may sapat na kahandaan, kaalaman at kasanayan sa pagtuturo.Isinasaad sa Kautusang Pangkagawaran Blg.10533 s.2013, Isa sa layunin ng K to 12 Kurikulum, Education for All (EFA) ang magkaroon ng dekalidad na edukasyon. Ito ay makakamtan lamang kung malalaman ang mga salik na siyang makatutulong upang paunlarin ang performans ng mga mag-aaral. Ang gawain na ito ay obligasyon ng mga guro. Dapat nilang malaman kung ano-ano ito nang sa ganoon ay makapagplano sila ng mga estratehiya na makapagbibigay daan tungo sa mas maunlad at produktibong resulta sa performans ng mga mag- aaral. Isa sa mga asignatura na kasalukuyang kabilang sa bawat na programa sa pag-aaral na inilatag ng DepEd ay ang Filipino.Ayon sa Departamento ng Edukasyon Ang Filipino ay isang asignatura na tumatalakay sa mga bagay - bagay na may kaugnayan sa ating Wikang Pambansa. Ang tao ay nabubuhay sa paghahanap at pag-alam ng mga bagay-bagay at ang wika ay nabubuhay kung napag-uukulan ito ng panahon na mapaunlad ng tao. Sa madaling salita, magkaagapay ang bawat isa sa pagtupad ngisang layuning makabansa.Ayon sa pahayag ni Bautista (2004), dulot ng pagbabagong ito ang mga suliranin sa pagbabaybay sa ortograpiya at gramatika at sa patuloy na panghihiram ng mga salita sa ibang wika, nawawalan ng kakanyahan ang isang wika dahil sa mga katangiang hinahalaw dito na nagpapabago sa anyo ng palabaybayan nito. Pinaluluwag dito ang pagpasok ng mga elemento mula sa ibang wika nang hindi isinasakripisyo ang simplisidad ng sistema ng pagbaybay. Ang mga pagbabagong ito ay dahilan kung bakit ang mga guro ay kailangang maging bukas ang isipan sa pagtanggap ng mga makabagong paraan sa ibat ibang pagbabagong panlipunan.Taong 2012 nang ipatupad ang K to 12 Kurikulum ng Departamento ng Edukasyon, idinagdag ang Mother Tongue na sabjek na kung saan, ituturo ang mga asignatura sa elementarya sa kanilang diyalekto. Sa kabila ng multi- lengguwaheng dulog ng Kagawaran ng Edukasyon, wala pa ring mga bagong programa para sa pagpaunlad ng ating wikang Pambansa. At dito masusubok ang tatag at pasensya ng mga guro sa pagtuturo ng FilipinoMaraming Filipino ngayon ang hirap sa paggamit ng Filipino, pasulat o pasalita man.Lumalabas sa obserbasyon na patuloy ang pagsasawalang-bahala at pagkikibit ng balikat ng mga mag-aaral at ilang mga guro dahil mas binibigyang pansin pa rin ang pag-aaral ng ingles dahil mas nagpapakita ito ng katalinuhan ng isang tao kaysa magpakadalubhasa sa sariling wika, ayon na rin sa kinasanayan ng ating lipunan.Ayon kay Reandino (2014), tatlumput anim na bahagdan (36%) respondents ng mga mag-aaral ang sumagot na di- kalidad na pagtuturo ng Filipino ang isa sa mga suliraning kinakaharap nila sa akademikong Filipino.------Ayon kay Gleason (Baluca et.al, 2006)Ang baryasyon ng wika ay isang katotohanan sa lipunan na nakabukod sa mga tradisyon ng mga tao at sa mga salik panlipunan na nakikilala sa ibat ibang grupong sosyal, kultural at etniko.Gayunpaman, kinakailangan na mapaghandaan ang anumang pagbabagong magaganap sa wika.-----------Sa pag-aaral na ito mababatid kung gaano kalawak ang kaalaman sa Ortograpiyang Filipino ng mga guro sa Filipino sa Mataas na Paaralan ng Gubat, Distrito ng Sorsogon.

Paglalahad ng SuliraninAng pag-aaral na ito ay naglalayong tiyakin ang Lawak ng Kaalaman sa Ortograpiyang Filipino ng mga Guro sa Filipino ng Mataas na Paaralan ng Gubat, Distrito ng Sorsogon.Sasagutin sa pag-aaral na ito ang mga sumusunod na tanong:1.Ano ang profile ng mga guro na nagtuturo ng asignaturang Fiipino batay sa:a. kasarianb.posisyonc. pinakamataas na nataposd. medyore.haba ng panahon sa pagtuturo ng Filipinof. pagsasanay na dinaluhan

2. Gaano kalawak ang kaalaman ng mga guro sa Filipino sa Ortograpiyang Filipino?3. May mahalagang kaugnayan ba na namagitan sa profile ng mga guro at lawak ng kanilang kaalaman sa Ortograpiyang Filipino?4.Ano ang mga suliraning kinakaharap ng mga guro sa paggamit ng bagong ortograpiyang Filipino?5. Ano ang maipapanukalang solusyon batay sa resulta ng pag-aaral?

Kahalahagan ng Pag-aaralAng pag-aaral na ito ay magiging makabuluhan dahil ang maibibigay na impormasyon ukol sa lawak ng kaalaman ng mga guro sa Ortograpiyang Filipino ay makatutulong upang masolusyunan ang mga suliraning kinakaharap nila sa paggamit nito.Ang pag-aaral na ito ay maaaring kapaki- pakinabang sa mga sumusunod:Kagawaran ng Edukasyon. Upang makapagpanukala ng pagpapalakas ng pagtuturo ng Filipino sa kabila ng muti-lingguwal na pagdulog ng edukasyon.Superbisor ng Filipino. Upang magsagawa ng mga seminar at pagsasanay sa mga guro lalong lalo na sa mga di-medyor sa pagtuturo ng asignaturang Filipino.Punong-guro. Upang maging batayan sa pagdaos ng mga pagsasanay sa mga guro ukol sa paglinang ng paggamit ng wika.Mga Guro. Upang lalong mapaghusay ang kanilang pagtuturo sa Filipino sa ibat ibang disiplina..Mga Mag-aaral. Upang maging matatas sa paggamit ng wikang Filipino pasalita man o pasulat.Risertser. Upang makapagbigay ng kaalaman ukol sa pag-aaral ng wika.

Saklaw at Delimitasyon ng Pag-aaralAalamin ng pag-aaral na ito ang lawak ng kaalaman ng mga guro sa Ortograpiyang Filipino.Sasagutin sa pag-aaral na ito kung ano ang profile ng mga guro sa Mataas na Paaralan ng Gubat, Distrito ng Sorsogon na nagtuturo ng asignaturang Filipino batay sa: kasarian, posisyon, pinakamataas na natapos, medyor, haba ng panahon sa pagtuturo ng Filipino at pagsasanay na dinaluhan, Gaano kalawak ang kaalaman ng mga guro sa Ortograpiyang Filipino, May mahalagang kaugnayan ba na namagitan sa profile ng mga guro at lawak ng kanilang kaalaman sa Ortograpiyang Filipino, Ano ang mga suliraning kinakaharap ng mga guro sa paggamit ng bagong ortograpiyang Filipino at ano ang maipapanukalang solusyon batay sa resulta ng pag-aaral.Ang mga respondent sa pag-aaral na ito ay ang mga guro sa Filipino sa Mataas na Paaralan ng Gubat,Distrito ng Sorsogon. Lahat ng guro na nagtuturo sa Filipino ang bibigyan ng talatanungang personal at pagsusulit.Ang pag-aaral na ito ay limitado sa mga guro na nagtuturo ng asignaturang Filipino sa Mataas na Paaralan ng Gubat, Distrito ng Sorsogon.

KATUTURAN ng TALAKAYUpang lubos na maunawaan ng mga mambabasa ang pag-aaral na ito, ang sumusunodna salita o lipon ng mga salita ay binigyang katuturan o kahulugan ayon sa pagkakagamit ng kasalukuyang pag-aaral:Lawak ng Kaalaman. Ito ay tumutukoy sa kaalaman sa ortograpiyang Filipino.Ortograpiyang Filipino. Ito ay binubuo ng mga tuntunin ung paano sumulat gamit ang wikang Filipino.(Marbella) Profile ng mga Guro. Ito ay tumutukoy sa kasarian, katayuang sibil, posisyon,pinakamataas na natapos, medyor, haba ng taon sa pagtututuro ng Filipino at mga pagsasanay na dinaluhan ng mga guro.Posisyon. Ito ay tumutukoy sa mga aytem ng guro, tulad ng Teacher (I,II,III). Master Teacher (I, II, III) at Head Teacher (I, II, III).Filipino.Ito ay tumutukoy sa Pambansang Wika ng Pilipinas;at Asignaturang pinag-aaralan sa paaralan.Ispeling. Ito ay tumutukoy sa pagbaybay ng mga salita sa wikang Filipino alinsunod sa Ortograpiyang Pambansa.

KABANATA IITEORITIKAL, KONSEPTUWAL at OPERASYONAL na BATAYAN ng PAG-AARALInilalahad sa kabanatang ito ang buod ng mga napiling literatura at pag-aaral. Gayundin ang sintesis ng pag-aaral, gap, balangkas konseptwal ng pag-aaral at hipotesis.Kaugnay na LiteraturaAng mga literaturang nabasa ay nakapag-ambag sa konsepto ng kasalukuyang isinasagawang pag-aaralAyon sa Komisyon ng Wikang Filipino (KWF), ang wikang Filipino ay palaging tulad ng ibang wika sa pamamagitan ng pagsalin ng mga salita galing sa mga katutubo at dayuhang salita para sa ibat ibang sitwasyon. Sang-ayon kay Gleason (2006)ang baryasyon ng wika ay isang katotohanan sa lipunan na nakabukal sa mga tradisyon ng mga tao at sa mga salik panlipunan na nakakakilala sa ibat ibang grupong sosyal, kultural at etniko. Ang wika ay lumalago, nagbabago at nadaragdagan ang talasalitaan hanggat ito ay buhay, ito naman ang pahayag ni Quinto.Ayon kina Santos at Hufana (2008), ang Filipino ay liberated variety ng Filipino dahil sa malaya nitong tinatanggap ang mga salitang katutubo o banyaga man, ito ay mananatiling buhay at dinamiko. Gayunpaman, binanggit ni Bautista(2004) na kinakailangan na mapaghandaan ang anumang pagbabagong magaganap sa wika dahil dulot ng pagbabagong ito ang mga suliranin sa pagbabaybay sa ortograpiya at gramatika.Sa patuloy na panghihiram ng mga salita sa ibang wika, nawawalan ng kakanyahan ang isang wika dahil sa mga katangiang hinahalaw dito na nagpapabago sa anyo ng palabaybayan nito.Ang mga nabanggit na literatura ay may kahalagahan sa kasalukuyang pag-aaral sapagkat may mga konsepto o ideya tulad ng mga kaisipan sa pagproseso ng mga impormasyon na mababasa sa kasalukuyang pag-aaral.Ayon kay Transona Jr., (2002), malaki ang ginagampanan ng edukasyon sa pag-unlad ng isang bansa. At dahil sa paaralan nakabatay ang mga inaasahan at mithiin ng mga mamamayan patuloy na nagbabago ang sistema nito. Ang antas ng kahusayan ng alinmang paaralan ay nakasalalay sa pagganap ng mga guro sa pagtuturo.May ibat ibang papel na ginagampanan ang guro. Sa kanilang pagtuturo silay umaakto bilang tagapayo, patnubay, tagapangasiwa, kapatid, kaibigan, magulang at iba pa. Sa isang banda, dahil sa ang pagtuturo ay isang komplikadong gawain, mahalaga ang kahandaan ng guro sa propesyong ito. Bagamat, hindi lamang ang guro ang tanging baryabol sa ekwasyong pagtuturo-pagkatuto, ang kahandaan ng guro sa pagtuturo ay isang malaking salik na nakapag-aambag sa pagkatuto ng mga mag-aaral.Ayon kay Bacani (2000), makakamit ang makabagong sistemang edukasyunal ng ating bansa sa pamamagitan ng kurikulum pangwika na nakapokus sa mga mag-aaral. Ang pangunahing layon nito ay ang paglinang ng mga kasanayang komunikatibo na krusyal na tungkulin ng bawat gurong Filipino.Dapat tandaan ng guro na ang interaksyon ay magiging mabisa lamang kung may ugnayan ang guro at ang mga mag-aaral. Higit na mahalagang maitatak sa isipan ng mga guro na ang pagpapahusay sainteraktibong pagdulog sa pagtuturo ng komunikasyon ay student-centered, yaong nakararami ang salitaan ng mga mag-aaral upang ganap silang matuto sa wika at masanay sa pagsasalita na mahalaga sa pakikipag-ugnayang sosyal (Villafuerte at Bernales, 2008).Kaugnay ng mga pagbabago sa kurikulum, sinabi ni San Luis (2004) na ang tipikal na guro sa kasalukuyang panahon ay bukas sa mga pangunahing pagbabagong hatid ng mga pagsasanay at muling pagsasanay. Sa ganitong pananaw, ang pamahalaan at Kagawaran ngEdukasyon ay dapat lamang na maging katulong at hindi hadlang sa pag-unlad ng paaralan sa ating bansa sapangunguna ng mga guro.Samakatwid, bilang mga guro, kailangang matugunan ang pangangailangan ng isang partikular na pangkat ng mga mag-aaral na maging makabuluhan sa daigdig na papasukin nila pagkatapos ng kanilang pag-aaral bilang pagsunod sa pagbabago ng Kurikulum sa Batayang Edukasyon ng DepEd (Badayos, 2006).Nakatulong sa kasalukuyang pag- aaral ang mga nabanggit na literaturadahil isang mahalagang salik ang guro upang mabuo ang pag-aaral na isasagawa.Kaugnay na Pag-aaralSa kongklusyon ng pag-aaral nina Malana (2013), ang kakulangan ng kaalaman ng mag-aaral sa linggwistikong filipino at maling pagbigkas ay mga dahilan sa maling pagbaybay. Ang kanilang pag-aaral ay ukol sa mga suliraning kinakaharap ng mga mag-aaral sa sekondarya samantalang ang kasalukuyang pag-aaral ay tungkol sa lawak ng kaalaman ng mga guro sa ortograpiyang Filipino.Ang pag-aaral ni Naparan (2001) na may pamagat na Learning Enhancement and Activity Program of Public Secondary Schools of the Division of Calbayog City: An Assessment ay nakatuon sa paghambing ng pananaw ng mga guro at administrador sa pagpatupad ng LEAP (Learning Enhancement and Activity Program) at pag-alam sa kaugnayan ng profile ng mga ito sa kanilang pananaw. Natuklasan sa pag-aaral na ang mga suliraning nakaharap ng mga guro at administrador sa pagpatupad ng LEAP ay ang parehong hindi pagtanggap ng mga guro at administrador sa mga pagbabago, ang pagkakaroon ng negatibong pagtanggap nito at ang mahinang pagpaplano ng LEAP sessions.sa pag-aaral ay kulang ang propesyonal na pag-unlad ng mga guro at hindi sila gaanong nahihikayat na magpatuloy ng kanilang pag-aaral sa antas gradwado sapagkat halos kulang pa ang kanilang sahod na panustos dito maliban kung mabibigyan sila ng scholarship na iniaalok ng DepEd. Gayunpaman, halos lahat ng mga guro ay nakadalo ng mga in-service training na nakatulong upang mapaunlad ang kanilang kakayahan sa pagtuturo. Parehong guro ang tuon ng unang pag-aaral sa kasalukuyang pag-aaral. Nagkaiba lamang ang mga ito sa layunin sapagkat ang una ay tungkol sa pagpapaunlad ng kakayahan sa pagtuturo ngmga guro samantalang ang kasalukuyan ay tungkol sa pag-alam sa lawak ng kaalaman ng mga guro sa ortograpiyang Filipino.Ipinaliwanag ni Gurney (2007) sa kanyang pag-aaral na kung ang guro ay hindi handa, maaaring hindi niya magampanan ang responsibilidad ng isang guro. Kung ang guro ay maykahandaan sa kanyang pagtuturo at handa siyang ibahagi ito sa kanyang mga mag-aaral, mas makikita ang ganap na epektibong relasyon ng pagtuturo at pagkatuto.Sa pag-aaral ni Delima(Baluca et.al, 2006) inalam niya ang katangian sa pasalita at pasulat na Filipino ng mga guro. Ang mga naturang pag-aaral ay nagmungkahi ng mga nararapat na katangian ng mga guro upang maging epektibo ang pagtuturo niya ng wikang Filipino.Habang pinag-ukulan ng pag-aaral na ito ang lawak ng kaalaman ng mga guro sa ortograpiyang Filipino.Sa pag-aaral naman ni Sual (Averilla, 2004) ay hangad niya malaman ang antas ng kaalaman ng mga mag-aaral tungkol sa mga pagbabago sa Ortograpiyang Filipino. Habang ang pag-aaral na ito ay alamin ang lawak ng kaalaman ng mga mag-aaral sa ortograpiyang Filipino.Sa pag-aaral nina Baluca at Bilbao (2006) upang magkaroon ng kalutasan ang mga suliraning kinakaharap ng mga mag-aaral ng Salvacion National High School, kailangang magsanay ng mabuti sa pagsulat ng mga angkop na salita na batay sa mga tuntuninng ispeling.Nakatuon ang naturang pag-aaral sa mga mag-aaral habang guro naman ang pokus ng kasalukuyang pag-aaral.Sa pag-aaral ni Bornilla (2011), sinuri ang kahandaan ng mga guro sa Filipino sa implementasyon ng Kurikulum ng Edukasyong Pansekundarya, habang lawak ng kaalaman sa ortograpiya ang aalamin ng kasalukuyang pag-aaral.Ang pag-aaral ni Castro(2004) ang pangunahing kaugnay na pag-aaral ng kasalukuyang pag-aaral.Ang layon ng pag-aaral ni Castro ay matanto ang lawak ng kaalaman ng mga guro hinggil sa Makabagong Kalakarang Pangwika sa Hilagang Distrito ng Gubat, Sorsogon. Natuklasanniyang hindi pa malawak ang kaalaman ng mga guro ukol dito. Iminungkahi ang pagdalo ng mga guro sa pagsasanay upang mapalawak ang kaalaman sa mga makabagong kalakarang pangwika. Ang pag-aaral ni Castro ay nakapokus sa lawak ng kaalaman ng mga guro sa makabagong kalakarang pangwika. Ang kasalukuyang pag-aaral ay alamin ang lawak ng kaalaman ng mga guro sa ortograpiyang Filipino.Sintesis ng Pag-aaralAng mga nasuring literatura ay nagbigay sa risertser ng mahalagang varyabols na may kaugnayan sa kasalukuyang pag-aaral. Ang mga kaugnay na pag-aaral na tumalakay sa ibat ibang suliranin ay nagbigay sa risertser ng kaisipan na alamin ang lawak ng kaalaman ng mga guro tungkol sa ortograpiyang Filipino.Ang mga kaugnay na literatura galing sa Komisyon ng Wikang Filipino(KWF), Gleason, Bautista, Santos at Hufana ay ukol sa wika.Nakasentro naman sa guro ang literatura nina Transona Jr, Bacani, Villafuerte at Bernales.Ang mga kaugnay na pag-aaral nina Naparan, Gurney, Delima at Castro ay tungkol sa sa guro. Samantalang ang pag-aaral nina Malana,Sual,Baluca at Bilbao ay nakatuon sa mga mag-aaral.GapAng kaugnay na literatura ay nagbigay sa risertser ng sapat na impormasyon at kaalaman tungkol sa suliraning ilalahad. Marami nang pag-aaral ang isinagawa ukol sa pasulat at pasalitang Filipino. May pag-aaral na ring isinagawa tungkol sa alfabeto at patnubay ng ispeling pokus ang guro batay sa 2001 Rebisyon nito. Ang kasalukuyang pag-aaral ay nakatuon sa Bagong Ortograpiya ng Wikang Filipino 2013. Hindi pa gaano ang pag-aaral ukol sa ortograpiyang Filipino batay sa taong 2013. Wala pa ring pag-aaral na naisagawa sa ortograpiyang Filipino sa Mataas na Paaralan ng Gubat, Distrito ng Sorsogon. Ito ang gap na nais punan ng kasalukuyang pag-aaral.Batayang Konseptwal ng Pag-aaralMakikita sa balangkas konseptwal ng pag-aaral na ito na ang profile ng mga guro ay may mahalagang kaugnayan sa lawak ng kanilang kaalaman sa ortograpiyang Filipino.Ang profile ay binubuo ng kasarian, katayuang sibil, posisyon, pinakamataas na natapos, medyor, haba ng taon sa pagtuturo ng Filipino at mga pagsasanay na dinaluhan ng mga guro.Mga suliraning kinakaharap ng mga guro sa ortograpiyang Filipino ay ang input ng pag-aaral.Ang proseso na ginamit upang masukat ang lawak ng kaalaman ng mga guro sa ortograpiyang Filipino ay pagsusuri ng datos na makukuha sa talatanungang personal at pagsusulit na sasagutin ng mga guro. Bukod dito, gagamitin ang sarbey upang malaman ang mga suliraning kinakaharap ng mga guro sa ortograpiyang Filipino.Makikitang ang fidbak na kaugnay sa bawat balangkas ay magsisilbing gabay sa pagsasagawa ng mga panukala batay sa pag-aaral.

Mga Panukala batay sa resulta ng pag-aaral*Sarbey*Pagkondukta ng Pagsusulit1.PROFILE*Kasarian*Katayuang Sibil*Posisyon*Pinakamataas na natapos*Medyor*Haba ng panahon sa pagtuturo ng Filipino*Pagsasanay na dinaluhan2.Mga Suliraning kinakaharap ng mga guro sa ortograpiya

FIDBAK

PIGURA I : BATAYANG KONSEPTWALHipotesisAng hinuha ng pag-aaral na ito ay sinubok sa .05 na antas ng pagpapahalaga.Hinihinuha ng risertser na walang mahalagang kaugnayan na namamagitan sa profile ng mga guro at sa lawak ng kanilang kaalaman sa ortograpiyang Filipino.

KABANATA IIIDISENYO at PAMAMARAAN ng PANANALIKSIKSa kabanatang ito inilahad ang mga pamamaraang ginamit sa pananaliksik, ang paglalarawan ng respondents, ang instrumentong ginamit, paraan ng paglikom ng mga datos at paraan ng pagsusuri ng mga datos.DISENYO ng PANANALIKSIKLayunin ng pag-aaral na ito ay alamin ang lawak ng kaalaman sa ortograpiyang Filipino ng mga guro sa Mataas na Paaralan ng Gubat, Distrito ng Sorsogon.Deskriptibong sarbey ang gagamitin ng risertser sa paglikom ng mga datos na lubhang kailangan sa pag-aaral. Ang mga respondent dito ay ang mga guro sa na nagtuturo ng asignaturang Filipino.Upang masukat ang lawak ng kaalaman sa ortograpiyang Filipino, bibigyang pagsusulit ang mga respondent.Ang mga malilikom na datos ay aanalisahin, susuriin at bibigyang interpretasyon ng nararapat na estatistika tulad ng frequency count,iskala at analysis of variance.

RespondentsAng mga respondent sa pag-aaral na ito ay ang mga guro sa Mataas na Paaralan ng Gubat,Distrito ng Sorsogon.

Talahanayan IRespondentsRespondent f%

Bentuco 2Bulacao 2Rizal 2Bagacay 3Jupi 2Gubat NHS 8

TOTAL 19

InstrumentoGagamit ang risertser ng talatanungan at pagsusulit. Ang talatanungang personal at pagsusulit ay sasagutin ng mga guro.Ang unang bahagi ng pagsusulit ay bubuuhin ng mga katanungan tungkol sa pagbaybay sa Ortograpiyang Filipino.Ang ikalawang bahagi ng pagsusulit ay isang tseklist hinggil sa mga suliraning kinakaharap ng mga guro at mga mungkahing panukala sa ginagawang pag-aaral.Ang talatanungang personal ay maglalaman ng kasarian,katayuang sibil, posisyon, pinakamataas na natapos, medyor, haba ng panahon sa pagtuturo ng Filipino at mga pagsasanay na dinaluhan ng mga guro.Ang risertser ay sasangguni sa talatanungan na ginamit ni Castro (2004) sa kanyang pag-aaral at dadagdagan ng ilang aytem ukol sa Bagong Ortograpiyang Pambansa 2013.Paraan ng Paglikom ng mga DatosAng mga malilikom na datos sa pag-aaral na ito ay buhat sa mga naging kasagutan sa pag-aaral buhat sa mga guro sa Mataas na Paaralan ng Gubat, Distrito ng Sorsogon.Makakalap ang mga hihinging datos buhat sa resulta ng gagawing talatanungan at pagsusulit na ibibigay ng risertser sa mga respondent.Ang pagsusulit ay ikokondukta pagkatapos maipakita at maipaayos ng risertser sa mga panelista at kanyang tagapayo.Tatlong linggo ikokondukta ang nasabing pagsusulit.Paraan ng Pagsusuri ng mga DatosAng makakalap na datos at kasagutan ng mga respondent ay sasailalim sa ibat ibang estatistika upang masuri, maanalisa, at mabigyan ng intrepretasyon ang mga datos na saklaw sa pag-aaral na ito.

KABANATA 1VLAWAK NG KAALAMAN SA ORTOGRAPIYANG FILIPINO NG MGA GURO SA MATAAS NA PAARALAN NG GUBAT, DISTRITO NG SORSOGONInilalahad sa kabanatang ito ang interpretasyon sa mga nakalap na datos na makapagbibigay ng kasagutan sa mga suliraning inilahad sa pag aaral na ito.Ang mga nakuhang datos ay nagsilbing kasagutan sa mga sumusunod na suliranin: 1. Profile ng mga guro na nagtuturo ng asignaturang Filipino batay sa kasarian, posisyon, pinakamataas na pinag-aralan, medyor, haba ng panahon sa pagtuturo ng Filipino at pagsasanay na dinaluhan. 2. Lawak ng kaalaman ng mga guro sa Ortograpiyang Filipino. 3. Mahalagang kaugnayan na namagitan sa profile ng mga guro at lawak ng kanilang kaalaman sa ortograpiyang Filipino. 4. Suliraning kinakaharap ng mga guro sa paggamit ng bagong ortograpiyang Filipino. 5. Panukalang solusyon batay sa resulta ng pag-aaral.1. Profile ng mga guro na nagtuturo ng asignaturang Filipino batay sa kasarian, posisyon, pinakamataas na pinag-aralan, medyor, haba ng panahon sa pagtuturo ng Filipino at pagsasanay na dinaluhan.

Sa Talahanayan 2 makikita ang profile ng mga guro. Ipinapakita na mas marami ang gurong babae na nagtuturo sa asignaturang Filipino kaysa sa mga lalaking guro. Karamihan sa kanila ay nasa Teacher I posisyon na may labing-apat (14), tatlong (3) Teacher II at dalawa (2) ang Teacher III.Samantala, siyam (9) na guro ang nakatapos ng BSED /AB, 3 ang nakatapos ng BSIE at pito (7) ang BSED/AB na may yunit sa masteral. Siyam (9) ang Filipino medyor, lima (5) ang English medyor, tatlo (3) ang TLE medyor, isa (1) ang Science medyor at isa (1) ang walang medyor. Makikita rin dito na mas maraming guro ang baguhan pa lamang sa serbisyo at nakadalo rin sila sa pagsasanay sa pansangay, panrehiyon at pambansa.Talahanayan 2Profile ng mga Guro na Nagtuturo ng Asignaturang Filipino1. Kasarian BilangBabae 14Lalaki 51. PosisyonTeacher 1 14Teacher 2 3Teacher 3 21. Pinakamataas na Pinag-aralanBSED/AB 9BSIE 3BSED/AB with MA Units 71. MedyorFilipino 9English 3TLE 3Science 3Walang Medyor 11. Haba ng panahon sa Pagtuturo ng Filipino1-5 106-10 111-15 316-20 51. Pagsasanay na dinaluhanBeses Pambansa Panrehiyon Pansangay6-10 5 0 41-5 0 12 8Wala 14 7 7

2. Lawak ng kaalaman ng mga guro sa Ortograpiyang FilipinoMakikita sa talahanayan 3 na ang mga respondent ng pag-aaral ay di-gaanong sanay ang kaalaman sa kasaysayan na may mean score na 5.63, panghihiram na 6.63 at ispeling na may 6.58. Nangangahulugan na ang mga guro ay di sapat ang kaalaman sa pag-aaral ng ortograpiyang Filipino. Maaari ring hindi pa ganap na alam ng mga guro ang kasaysayan at pagbabagong nagaganap sa ortograpiyang Filipino. Ipinapakita rin na nahihirapan silang tukuyin ang tuntunin ng panghihiram ng mga salita mula sa mga katutubo at wikang banyaga at kung paano ito babaybayin sa Filipino. Subalit ang mga guro na sumagot sa bahagi ng pagsusulit sa wastong gamit ng mga salita ay nakakuha ng 8.63 na mean. Itoy nangangahulugan na mahusay sila sa tamang paggamit ng mga salita. Nangangahulugan din ito na ang mga guro ay maalaman sa gabay sa pagsulat at maging sa tuntunin kung paano gagamit ang mga salita.Sa kabuuan, makikitang di-gaanong malawak ang kaalaman ng mga guro sa Ortograpiyang Filipino.Talahanayan 3 Lawak ng Kaalaman ng mga Guro sa Ortograpiyang Filipino.Mga BatayanMean ScoreDeskripsyon

Kasaysayan5.63di-gaanong mahusay

Panghihiram6.63di-gaanong mahusay

Ispeling6.58di-gaanong mahusay

Wastong Gamit ng Salita8.63Mahusay

Kabuuang Mean Score6.86di-gaanong mahusay

3. Mahalagang kaugnayan na namagitan sa profile ng mga guro at lawak ng kanilang kaalaman sa ortograpiyang Fili pino

Makikita sa talahanayan 4 na ang valyu ng computed chi-square sa kasarian ay 1.63 na mas mababa sa tabular value na 5.991 kapag ang degree of freedom ay 2 at .05 ang antas ng pagpapahalaga. Nangangahulugan ito ang hipotesis ay hindi rejek at nangangahulugang walang kaugnayan na namagitan sa profile ng mga guro lalo na ang kasarian sa lawak ng kanilang kaalaman sa ortograpiyang Filipino. Ibig sabihin nito na walang koneksyon kung ang guro ay babae o lalaki sa lawak ng kaalaman sa ortograpiyang Filipino.

Talahanayan 4

Kaugnayan na Namagitan sa Profile ng mga Guro at Lawak ng Kanilang Kaalaman sa Ortograpiyang Filipino.

Statistical Bases Statistical Analysis

Kasarian Posisyon Pinakamataas Medyor Haba ng Na pinagaralan panahon sa pagtuturo

Df 2 4 4 8 6

Tabular Value 5.991 9.488 9.488 15.507 12.592

Level ofSig. .05 .05 .05 .05 .05

Computed X2 1.63 2.74 2.79 12.37 8.21

Decision do not do not do not do not do noton Ho Reject reject reject reject reject

C Coefficient .28 .36 .36 .63 .55

Relationship low low low moderate moderate

Interpretation not not not not not Sig sig sig sig sig

Makikita rin na ang valyu ng chi-square sa posisyon o katungkulan ay 2.71 na mas mababa sa tabular value na 9.488 kapag ang degree of freedom ay 4 kapag ang antas ng pagpapahalaga ay .05. Ayon sa resulta, ang hipotesis ay hindi rejek at nangangahulugang walang kaugnayan ang posisyon o katungkulan sa lawak ng kanilang kaalaman sa ortograpiyang Filipino. Ibig sabihin na ito na walang kaugnayan sa lawak ng kaalaman sa ortograpiyang Filipino ang kung anong katungkulan mayroon ang isang guro. Hindi dito tinitingan kung siya ay Teacher I, Teaacher II, Teacher III o Master Teacher ang katungkulan ng isang guro. Mapapansin din sa talahanayan na ang valyu ng chi-square sa pinakamataas na pinag-aralan ay 2.79 na mas mababa sa tabular value na 9.488 kapag ang degree of freedom ay 4 kapag ang antas ng pagpapahalaga ay .05. Nangangahulugan ito na ang hipotesis ay hindi rejek, samaktuwid walang kaugnayan na namagitan sa profile ng mga guro sa kanilang pinag-aralan at ang lawak ng kanilang kaalaman sa ortograpiyang Filipino. Ibig sabihin nito na ang natapos na digri ng isang guro ay walang kaugnayan sa lawak ng kaalaman sa ortograpiyang Filipino Mapapansin din na ang valyu ng chi-square sa medyor ay 12.37 na mas mababa sa tabular value na 15.507 kapag ang degree of freedom ay 8 kapag ang antas ng pagpapahalaga ay .05. Ang ibig sabihin nito, na walang kaugnayan na namagitan sa profile ng mga guro sa medyor at ang lawak ng kanilang kaalaman sa ortograpiyang Filipino. Nangangahulugan ito na ---- Mapapansin pa rin na ang valyu ng chi-square sa haba ng panahon sa pagtuturo ay 8.21 na mas mababa sa tabular value na 12.592 kapag ang degree of freedom ay 6 kapag ang antas ng pagpapahalaga ay .05. Ibig sabihin nito na walang kaugnayan na namagitan sa profile ng mga guro sa haba ng panahon sa pagtuturo at lawak ng kanilang kaalaman sa ortograpiyang Filipino. Nangangahulugan lamang ito na walang kinalaman kung ilang taon na sa pagtuturo ang isang guro sa kaalaman nito sa ortograpiyang Filipino. Ang implikasyon nito ay upang ganap na maging maalam ang isang guro sa ortograpiyang Filipino kinakailangan na ----

4. Suliraning kinakaharap ng mga guro sa paggamit ng bagong ortograpiyang Filipino

Talahanayan 5

Suliraning kinakaharap ng mga Guro at Mag-aaral sa Paggamit ng Binagong Ortograpiyang FilipinoMga Suliraning kinakaharap sa Ranggoortograpiyang Filipino

1. Hindi ako medyor 2.5

1. Kaunti ang aking dinaluhang Seminar at pagsasanay sa Filipino 1

1. Kulang at kapos ang aking panahonSa pagbabasa ukol sa ortograpiya 2.5

1. Walang badyet para makadaloSa mga seminar at pagsasanaySa Filipino 4

1. Marami ang gawaing pampaaralan 5

Ipinapakita sa talahanayan 5 na ang nangunguna sa mga problemang kinakaharap ng mga guro sa ortograpiyang Filipino ay ang kaunti ang dinaluhang seminar sa pagsasanay sa Filipino. Marahil hindi nabibigyan ng pagkakataon ang mga gurong nagtuturo sa asignaturang Filipino na makadalo sa mga seminar at sa-lingkurang pagsasanay na may kaugnayan sa Filipino. Maaari rin na ang mga salik na humahadlang tulad ng pinansyal, oras, walang imbitasyon na nakukuha ang dahilan sa hindi makadalo sa mga seminar. Ang kulang at kapos sa panahon sa pagbabasa ukol sa ortograpiya at hindi medyor ang Filipino naman ang sumunod na problemang kinakaharap ng mga guro. Ibig sabihin nito kakaunti pa rin ang kumukuha ng Filipino bilang medyor. At dahil sa kakaklangan ng medyor sa Filipino kahit anong medyor ay pinapaturo na lamang ng asignaturang Filipino. Kung kayat masasabi natin na sila ay kapos o kulang ng kaalaman sa paksang Filipino. Ang walang sapat na panahon upang magbasa ukol sa ortograpiya ay isa pa ring dahilan. Maaaring walang panahon sa pagbabasa dahil sa maraming mga gawaing pampaaralan. At maaari ring may mga iba pa silang katungkulang ginagampanan sa loob ng paaralan.Ang mga suliraning tulad ng walang badyet para makadalo sa mga seminar at pagsasanay sa Filipino at ang marami ang gawaing pampaaralang ginagampanan ay ilan din sa mga balakid na kinaharap ng mga guro sa pagpapaunlad ng kanilang kaalaman sa ortograpiya.1. Ano ang maipapanukalang solusyon batay sa resulta ng pag-aaral? Ang panukalang solusyon ay makatutulong upang mapalawak ang kaalaman ng mga guro tungkol sa ortograpiyang Filipino.

KABANATA VPAGLALAGOM, KONGKLUSYON AT REKOMENDASYON

Ang kabanatang ito ay naglalahad ng paglalagom, kongklusyon at rekomendasyon batay sa resulta ng pag-aaral na ito.

Paglalagom Layunin ng pag-aaral na ito na tiyakin ang lawak ng kaalaman sa Ortograpiyang Filipino ng mga guro sa Filipino sa Mataas na Paaralan ng Gubat, Distrito ng Sorsogon.Sinagot ng pag-aaral na ito ang mga sumusunod na tanong:1. Ano ang profile ng mga guro na nagtuturo ng asignaturang Filipino batay sa:a. kasarianb. posisyonc. pinakamataas na pinag-araland. medyore. haba ng panahon sa pagtuturo ng Filipino f. pagsasanay na dinaluhan2. Lawak ng kaalaman ng mga guro sa Ortograpiyang Filipino?3. Mahalagang kaugnayan na namagitan sa profile ng mga guro at lawak ng kanilang kaalaman sa ortograpiyang Filipino?4. Suliraning kinakaharap ng mga guro sa paggamit ng Bagong Ortograpiyang Filipino?5. Ano ang mga panukalang solusyon batay sa resulta ng pag-aaral?

Ang mga respondent sa pag-aaral na ito ay ang labing siyam (19) na gurong nagtuturo sa asignaturang Filipino sa Mataas na Paaralan ng Gubat, Distrito ng Sorsogon. Ginamit ang deskriptibong korelesyunal sa paglikom ng mga datos na kailangan sa pag-aaral. Isang sarbey ang instrumentong ginamit sa paglikom ng datos upang malaman ang lawak ng kaalaman ng guro sa ortograpiyang Filipino. Ang mga nalikom na datos ay inalisa at binigyan interpretasyon sa pamamagitan ng paggamit ng nararapat na istatistika.

Mga NatuklasanBatay sa mga nalikom na datos natuklasan ang mga sumusunod:1. Mas nakararami ang bilang ng mga gurong babae ang nagtuturo sa asignaturang Filipino kaysa sa mga lalaking guro. Karamihan sa kanila ay Teacher I at gradweyt sa kursong BSED/AB. Karamihan sa kanila ay medyor sa Filipino ngunit mga baguhan pa sa serbisyo. Kakaunti lamang ang kanilang mga dinaluhang seminar at pagsasanay na lokal, rehiyonal at pambansa.2. Ang average mean score ng mga guro sa lawak ng kanilang kaalaman sa ortograpiyang Filipino ay 6.86.3. Ang computed chi-square sa kasarian, posisyon, pinakamataas na pinag-aralan, medyor, haba ng panahon sa pagtuturo ng Filipino at pagsasanay na dinaluhan ay 1.63, 2.74, 2.79, 12.37 at 8.21.4. Ang tatlong mga suliraning kinakaharap ng mga guro sa pagpapalawak ng kanilang kaalaman sa ortograpiya ay kaunti ang mga dinaluhang seminar at pagsasanay sa Filipino, kulang at kapos sa panahon sa pagbabasa ukol sa ortograpiya at hindi medyor sa Filipino.5. May panukalang solusyon na makapagpapalawak ng kaalaman ng mga guro sa ortograpiyang Filipino.

KongklusyonBatay sa mga natuklasan, inilalahad ang mga sumusunod na kongklusyon:1. Mas nakararami ang babaeng respondents kaysa sa mga kalalakihan. Karamihan sa kanila ay nasa Teacher I at tapos sa kursong BSED/AB. Medor sa Filipino ang karamihan sa mga respondents ngunit baguhan pa sa serbisyo. Kakaunti lamang ang kanilang nadaluhang seminar at pagsasanay sa lokal, rehiyonal at pambansa.2. Ang lawak ng kaalaman ng mga guro sa ortograpiyang Filipino ay di-gaanong mahusay.3. Walang kaugnayan ang kasarian, posisyon, pinakamataas na pinag aralan, medyor, haba ng panahon sa pagtuturo ng Filipino at pagsasanay na dinaluhan sa lawak ng kaalaman ng mga guro sa Ortograpiyang Filipino.4. May mga suliraning kinakaharap ang mga guro na nagtuturo sa Filipino sa Ortograpiyang Filipino.5. Ang panukalang solusyon batay sa resulta ng pag aaral ay pwedeng ipatupad at gamitin.

RekomendasyonBatay sa mga natuklasan at kongklusyon, inirerekomenda ang mga sumusunod:1. Hikayatin ang mga guro na nagtuturo ng Filipino na bigyang pagpapahalaga ang ganap na pagkatuto tungkol sa Ortograpiyang Filipino upang lalong maging kongkreto, tunay, daynamik at ganap na modelo sa kanilang mag-aaral.2. Ang lahat ng guro sa/ng Filipino ay bigyan ng pagkakataong dumalo sa seminar sa Filipino upang higit na mapaunlad ang kaalaman sa Ortograpiyang Filipino at maging ang kabuuan ng Filipino bilang asignatura.3. Magsagawa ng iba pang pag-aaral na may kaugnayan sa kasalukuyang pag-aaral at magamit ang resulta ng pag-aaral na ito ng mga susunod na mananaliksik.