1

- Í TA KT V I Ð T ÍM A NN

Ítarlegar upplýsingar er að finna á heimasíðu Landsmóts skáta 2014: www.skatamot.is

Það mæta allir skátar á landsmót skáta !

Svartur

Gulur

Grænn

Orange

K0

PMS 123

PMS 355

PMS 158

2

Landsmót skáta eru haldin reglulega og verður 28. landsmótið

haldið í sumar dagana 20.-27. júlí. Það fer fram í útilífs- og

umhverfismiðstöð skáta að Hömrum við Akureyri.

Mótið er fyrst og fremst fyrir hinn hefðbundna skátaaldur en

eldri skátar, björgunarsveitafólk og fjölskyldur skátanna eru

einnig hjartanlega velkomin.

Allir skátar, stelpur og strákar, reyndir og sjóaðir, hvaðanæva

af landinu mæta og taka þátt í landsmótinu – það er ekki

spurning! Á landsmóti skáta eru engir varamannabekkir, þar

eru allir virkir þátttakendur í ævintýrinu.

Landsmót skáta eru ávallt með alþjóðlegu ívafi því erlendir

skátar fjölmenna gjarnan á mótin og að þessu sinni munu

nokkur hundruð erlendir skátar frá um 25 þjóðlöndum taka

þátt í mótinu, ýmist sem almennir þátttakendur eða starfs-

menn. Landsmót skáta er því eftirsóknarvert fyrir íslenska

skáta til þess að fá tækifæri til að upplifa í raun hið alþjóð-

lega samfélag sem skátahreyfingin er. Auðvitað setja allir

skátar stefnuna á landsmótið nú í sumar og er hér með skorað

á foreldra og forráðamenn skátanna að veita börnunum þetta

tækifæri – við þurfum ekki að ræða það!

HeimsóknardagurLandsmót skáta er tvímælalaust einhver mesta upplifun

sem skáti á kost á að taka þátt í á skátaferli sínum. Mótin eru

fjölmenn og að Hömrum mun rísa öflugt bæjarfélag með 4.000-5.000

íbúum sem mun heldur betur setja svip sinn á bæjarlíf Akureyrar.

Mótið stendur í viku, frá sunnudegi til sunnudags. Hápunktur mótsins er

laugardagurinn 26. júlí, en þá verður sérstök hátíðardagskrá sem endar

með glæsilegri kvöldvöku – nokkuð sem enginn ætti að láta fram hjá

sér fara!

Dagskrá og daglegt lífDagskrá mótsins verður allt í senn, fjölbreytt, vönduð, spenn-

andi og gefandi. Hún krefst virkrar þátttöku skátanna og veitir

þeim vettvang til að nýta sköpunargleði sína, kraft og útsjónarsemi.

Yfir daginn starfa þátttakendur í skátaflokkunum sínum við fjölbreytt

viðfangsefni. Þessi viðfangsefni velja flokkarnir sér sjálfir að nokkru leyti

fyrir mótið. Hluti dagskrárinnar fer fram á mótssvæðinu sjálfu og að

sjálfsögðu nýtum við fallega náttúruna í kringum Hamra auk þess sem

allir þátttakendur fara í Akureyrarferð.

Á hverjum morgni er blásið til fótaferðar kl. 08:00. Þá drífa skátarnir

sig á fætur, sinna hefðbundnum morgunverkum og snæða morgunverð.

Fram að hádegi geta skátaflokkarnir ýmist unnið í tjaldbúðinni eða farið

í opna dagskrárpósta. Hádegisverð snæða flokkarnir í tjaldbúðinni eða

hafa með sér nesti ef þeir eru í ævintýraferð í nágrenni mótssvæðis ins.

Við hvetjum skátafélögin til þess að gefa flokkunum tækifæri til þess að

elda fyrir sig sjálfir með stuðning foringja þar sem við á. Sum skátafélög

hafa þann háttinn á að stærri máltíðir eru sameiginlegar á vegum með

aðstoð fullorðinna félaga sinna eða foreldra.

3

Að loknum hádegisverði fara flokkarnir á það skipulagða dagskrártorg

sem þeim hefur verið úthlutað þann daginn. Torgin eru þrjú talsins,

Fortíð, Nútíð og Framtíð en auk mun hver flokkur taka þátt í einum

útivistardegi og verja einum degi á Akureyri.Flokkadagskrá lýkur kl.

17:00 og þá taka við fjölþætt viðfangsefni þar sem af nógu er að taka.

Auðvitað þarf að undirbúa kvöldverðinn sem verður kraftmikil og

seðjandi máltíð sem byggir á kjöti, fiski, pasta eða öðru því sem börn

og unglingar þekkja vel til. Þeir sem ekki þurfa að sinna undirbúningi

kvöldverðar geta tekið þátt í opnum dagskrárpóstum, eytt tíma með

nýjum vinum eða bara slappað af í tjaldbúðinni og skrifað eitt eða tvö

kort heim. Stundum þarf að sinna ýmsum verkefnum vegna undirbún-

ings kvölddagskrár s.s. að undirbúa skemmtiatriði eða söng en mörg

kvöldin enda með hinum einstöku skátavarðeldum.

Að loknu heitu kakói og kexi að skátasið er komið að kyrrðartíma en

algjör kyrrð á að ríkja í tjaldbúðinni frá kl. 24:00. Það bregst yfirleitt

ekki að svefninn sígur fljótt á eftir viðburðaríkan dag. Gæsla er í

tjaldbúð unum á nóttunni til að gæta þess að allir fái notið góðrar hvíldar.

Ný borg við Eyjafjörð!Landsmót skáta mun verða næst stærsti byggðakjarni á

Norðurlandi á meðan á því stendur. Þetta verður myndarlegt

bæjar félag sem mun að sjálfsögðu bjóða íbúum sínum upp á margvís-

lega þjónustu. Póstþjónusta verður í boði þar sem mótsgestir

geta sent bréf heim og fengið á það sérstakan póststimpil mótsins.

Mótsblaðið mun koma út daglega meðan á mótinu stendur og flytja

fréttir af mótinu og jafnframt mun verða sérstök útvarpsstöð á vegum

mótsins sem mun útvarpa fréttum, tónlist og skemmtiefni. Heimasíða

mótsins mun svo flytja daglegar fréttir og myndir af mótinu sem og

beinar útsendingar svo vinir og ættingjar heima geti fylgst aðeins með.

Verslun verður opin alla mótsdagana þar sem kaupa má minjagripi,

matvæli, hreinlætisvörur, útilífsvörur og helstu nauðsynjar. Kaffihús

verður opið á kvöldin fyrir þá eldri þar sem hægt verður að tylla sér

niður yfir kaffi eða kakóbolla og meðlæti. Það er mikið líf og fjör á

mótsstað en einnig gefst þar tækifæri til að sækja frið og andlega

íhugun í kyrrðartjaldi (kirkju) mótsins. Stutt er í miðbæ Akureyrar

og verða strætóferðir á milli.

Mamma og pabbi mæta á landsmót!Á mótinu eru starfræktar sérstakar tjaldbúðir þar sem

eldri skátar, fjölskyldur skátanna og vandamenn geta sett

niður tjaldið sitt, tjaldvagn eða fellihýsi og tekið þátt í

landsmótsævintýrinu. Nokkur dagskrá er í boði í fjölskyldubúðum

fyrir alla aldurshópa og því ættu allir að finna sér eitthvað við sitt hæfi.

Ekki þarf að tilkynna þátttöku í fjölskyldubúðum. Hægt er að dvelja

í fjölskyldubúðum eins lengi og gestir óska þess. Þátttakendur í fjöl-

skyldubúðum annast sjálfir um matinn fyrir sig en mögulegt verður að

kaupa hráefni í verslun mótsins s.s. brauð, álegg, mjólk, gos, morgun-

mat, pylsur, samlokur og grillkjöt. Einnig er stutt í verslanir á Akureyri.

Þátttökugjald í fjölskyldubúðum er kr. 3.200,- sem er stofngjald fyrir

hvern einstakling 10 ára og eldri (fæddir 2004 og fyrr) fyrir fyrstu nótt

óháð því hversu lengi dvalið er. Að auki greiða tjaldgestir gistigjald

Hamra ( frítt fyrir yngri en 10 ára).

4

Heilbrigð víma kemur að innan!Landsmót skáta er lengsta, stærsta og fjölmennasta útisam-

koma ungs fólks sem haldin er hér á landi. Íslenska skátahreyf-

ingin hefur frá upphafi lagt grunn að heilbrigðum lífsvenjum barna og

ungmenna. Markmið skátahreyfingarinnar er að þroska börn og ungt

fólk til að verða sjálfstæðir, virkir og ábyrgir einstaklingar í samfélaginu.

Skátastarf er heilbrigð skemmtun og neysla áfengis eða annarra vímu-

efna á enga samleið með því. Landsmót skáta eru því að sjálfsögðu

vímulaus hátíð. Ungir sem aldnir koma skátar áhyggjulausir saman í

náttúrunni, njóta fegurðar hennar og lífsins í samfélagi sem þekkir ekk-

ert kynslóðabil og eina víman sem þar má sjá á fólki er sú sem kemur

með gleðinni og lífsfjörinu innan frá. Þetta er fólk í fjölskyldubúðum

sérstaklega beðið um að virða svo og reglur mótsins um reykingar.

Alþjóðlegt samfélagEitt af meginmarkmiðum Bandalags íslenskra skáta er að

gefa skátum kost á þátttöku í alþjóðlegu starfi enda erum við

hluti af alheimsbræðralagi skáta. Landfræðilegar aðstæður draga

úr möguleika íslenskra skáta til heimsókna og persónulegra kynna

við skátasystkin sín erlendis en eitt af því sem gerir Landsmót skáta

frábrugðið öðrum innlendum skátamótum er hið alþjóðlega samfélag

sem skapast á mótinu. Þegar er fyrirsjáanlegt að tugir erlendra skáta

muni verða í starfsliði mótsins og fjöldi erlendra þátttakenda er ávallt

mikill.

Dagskrá og tjaldbúð eru þannig byggð upp að þátttakendur blandast

mikið og eiga mikið samneyti. „Þetta er alveg eins og að fara til út-

landa” sagði ungur skáti á síðasta landsmóti, „maður er alltaf að heyra

útlensku talaða eða sungna – alveg mergjað”. Andrúmsloftið verður því

alþjóðlegt og ungir skátar fá þarna tækifæri til að kynnast því í reynd

að skátahreyfingin þekkir engin landamæri og mismunandi tungumál,

menning eða trúarskoðun er enginn þröskuldur í samskiptum.

Öryggið ofar öllu!Á mótinu verður starfrækt sjúkragæsla í umsjón reyndra

björgunarsveitaaðila í samvinnu við Slysavarnarfélagið Lands-

björgu. Þar verður læknir ávallt á vakt auk þaulæfðra björgunarsveita-

manna með þjálfun í fyrstu hjálp. Sjúkragæslan sinnir öllum minniháttar

pústrum en alvarlegri meiðsl, sem eru afar fátíð, eru meðhöndluð

umsvifalaust á sjúkrahúsinu á Akureyri.

Mikið er lagt upp úr öryggismálum á mótinu. Dagskráin er vel yfirfarin

með öryggi skáta í huga og sérstakar reglur gilda t.d. um vatnadagskrá.

Mótsstjórn nýtur einnig fulltingis reyndra skáta og björgunarsveitafólks

við að halda stjórn á ýmsum þáttum s.s. við umferðargæslu og almenna

gæslu á svæðinu.

Eldvarnareftirlit er eins öflugt og kostur er þó gist sé í tjöldum og elda

má bara kveikja í þar til gerðum eldstæðum. Öll félög hafa með sér

slökkvitæki og annan búnað til varnar bruna á sínu svæði og af hálfu

mótsstjórnar eru sett upp stærri tæki víðs vegar á mótsstaðnum.

Skátunum er heimilt að ganga með vasahnífa og skátahnífa í belti og

nota við skátastörf sín á mótinu en allir leikir með hnífana eru hins

vegar bannaðir og er hart gengið eftir því af foringjum og starfsfólki

mótsins.

TryggingarForeldrar eru hvattir til að sjá til þess að barn þeirra sé vel

tryggt sem og útbúnaður þess og passa þarf að allur út-

búnaður sé vel merktur. Mótið tryggir ekki mótsgesti gagnvart

skakka föllum á mótinu og er ekki ábyrgt fyrir skemmdum, stuldi eða

hvarfi eigna skátanna, þó reynt sé að fyrirbyggja að slíkt gerist.

5

Hrein og bein!Í 4.000-5.000 manna bæjarfélagi þarf að hugsa fyrir marg-

víslegri þjónustu og þar eru hreinlætismálin ekki undanskilin.

Hamrar eru vel útbúnir með alla nauðsynlega hreinlætisaðstöðu og

vatnssalerni. Aðstöðunni er dreift um mótssvæðið þannig að stutt er

fyrir alla að fara þegar kallið kemur og öflugt gengi eldri skáta sér um

að halda öllu hreinu og snyrtilegu! Þvottastæði með rennandi vatni

eru á víð og dreif um svæðið þar sem skátarnir geta þrifið sig. Nokkrar

sturtur verða á svæðinu fyrir skátana en einnig fara allir í sundlaugina á

Akureyri í bæjarferðinni.

Skátafélögin leggja metnað sinn í að gæta fyllsta hreinlætis við matseld

og geymslu matvæla og verður haft eftirlit með því af hálfu mótsins.

Taka verður samt tillit til þess að um útilegu er að ræða þó reynt sé að

gæta fyllsta hreinlætis og þess gætt m.a. að skátarnir þrífi vel matar-

áhöldin sín að lokinni hverri máltíð.

KlæðnaðurVið búum á Íslandi og á vikumóti er nokkuð víst að við fáum

að sjá ýmis tilbrigði íslenskrar veðráttu. Þátttakendur gista í

tjöldum og eru undir berum himni við dagskrá allan daginn. Því þarf að

huga vel að klæðnaði sem hentar mismunandi aðstæðum.

Skátafélögin munu gefa út útbúnaðarlista áður en farið er af stað.

Helstu atriðin á slíkum lista eru: hlý föt, regngalli, léttur klæðnaður ef

sólin gerir vart við sig, gönguskór, stígvél, léttir skór og nægur nærfatn-

aður til skiptanna.

Foringjarnir fylgjast með því að skátarnir klæði sig eftir veðráttu

hverju sinni. Ef mjög blautt veður verður á mótstímanum verða gerðar

ráðstafanir til að hægt sé að þurrka fatnað og svefnpoka sem blotnað

hafa mikið.

Þema mótsins og mótsmerkiÞema Landsmóts skáta 2014 er „í takt við tímann”. Flakkað

er um tíma og rúm og tekur dagskráin miða af þemanum. Fortíð-nútíð-

framtíð eru undirþemun. Þemað bíður upp á margt þegar kemur að

dagskrá sem og í allri umgjörð mótsins.

Mótsmerkið var hannað Birgi Ómarssyni og sýnir með skemmtilegum

hætti tjaldið, sólina og grasið græna sem einkenna Landsmót skáta.

Þorpið að HömrumMótsstaðurinn, Útilífsmiðstöð skáta að Hömrum við Akureyri,

er í reynd opinbert tjaldsvæði Akureyrarbæjar og því í eigu

bæjarins en reksturinn og uppbyggingin er í höndum skáta-

félagsins Klakks á Akureyri samkvæmt sérstökum samningi

þar um. Staðurinn er skipulagður með það fyrir augum að þar sé

unnt að halda stórmót líkt og landsmót skáta og hefur staðurinn þegar

sannað sig. Mikil vinna hefur farið í uppbygginguna og er svæðið til

mikillar fyrirmyndar. Það hentar landsmótum okkar vel sem og öðrum

fjölmennum samkomum með nauðsynlegum tjaldflötum, hreinlætis-

aðstöðu og margvíslegri afþreyingu.

Nálægð Hamra við Akureyrarbæ gerir það líka að verkum að hluti

dagskrárinnar fer fram í og við bæinn þannig að bæjarbúar verða vel

meðvitaðir um að landsmótið fer fram þessa viku og gamlir skátar úr

bænum eru duglegir að sækja mótið heim. Nánari upplýsingar um

útilífsmiðstöðina á Hömrum er að finna á www.hamrar.is.

- Í TAKT VIÐ TÍMANN

6

Skipulag tjaldbúðaMótssvæðið mun skiptast í fjögur þorp: Sumar og Vetur þar sem

almennir þátttakendur munu dvelja, Haust verður þorp fjölskyldubúða

og Vor verður þorp starfsmanna mótsins. Verslanir, þjónusta og uppá-

komur verða í miðbæ og á hátíðarsvæði mótsins. Þau skátafélög sem

útfæra þemað best í tjaldbúð sinni munu verða verðlaunuð. Jafnframt

eru skátafélögin hvött til að mæta til landsmóts skáta 2014 í takt við

þá árstíð sem einkennir þeirra tjaldbúð.

MótsgjaldÞátttökugjald Landsmóts skáta 2014 er kr. 54.000,-. Tekið skal

fram að þetta er sjálft mótsgjaldið en til viðbótar kemur ferðakostnaður

fram og til baka auk sameiginlegs kostnaðar hvers skátafélags. Þessi

viðbótarupphæð er mismunandi eftir því hvaðan skátarnir koma og

hversu mikið er lagt í sameiginlegan búnað félaganna. Flest skáta-

félögin leitast við að standa fyrir einhverjum fjáröflunum til að mæta

þessum kostnaði.

Innifalið í mótsgjaldinu er fullt fæði allan tímann, dagskrá, ofið móts-

merki, mótsbók, einkenni mótsins, mótsblað og allur undirbúningur og

aðbúnaður á mótsstað. Mótsgjaldið má greiða í þrennu lagi. Fyrst er

staðfestingargjaldið kr. 10.000,- og rest er hægt að skipta niður á hvern

mánuð fram í maí 2014.

VasapeningarSkátarnir þurfa að hafa einhverja vasapeninga með sér. Þau

fara í bæjarferð til Akureyrar og jafnframt er verslun opin á mótinu sem

selur m.a. hreinlætisvörur, matvæli og sælgæti. Þá er talsvert útbúið af

minjagripum merktum mótinu og verða þeir jafnframt til sölu í verslun-

inni. Er nær dregur mun verða kynnt hvaða minjagripir verða í boði og

hvað þeir kosta.

Skráning skátans á landsmótið fer fram á

heimasíðunni: www.skatamot.is

Band

alag

ísle

nskr

a sk

áta

– ja

núar

201

4 –

Ábyr

gðar

mað

ur: H

erm

ann

Sigu

rðss

on