Wan Niu Sandei EksperiensLong Jenuware 2018, ol Sandei miting blong Ol Kworom blong Melkesedek Prishud mo blong Rilif Sosaeti bambae oli jenis. Ol jenis ia oli long saed blong ol buk we yumi stap yusum—Ol buk blong Teachings of Presidents of the Church bae oli riplesem olgeta, mo bae yumi lukluk moa blong lanem samting aot long ol mesej blong jeneral kon-frens, blong yumi toktok tugeta, mo blong yumi stadi long ol topik we ol jeneral lida blong yumi oli jusum.

Be jenis we i gat moa mining we bae i hapen, i long wei we yumi yusum ol tul ia blong mekem ol tru stamba tingting blong Sandei miting blong yumi oli hapen.

Ol Stamba Tingting blong Ol Miting blong YumiGod i oganaesem ol boe mo gel blong hem blong kavenan i go long ol kworom blong prishud mo ol Rilif Sosaeti, blong oli helpem Hem blong mekem wok blong Hem i kamtru. I gat wan strong samting i stap hapen taem yumi kam tugeta anda long daereksen blong olgeta we oli holem ol ki blong prishud. I tru se blong tijim gospel i impoten, be ol klas blong prishud mo Rilif Sosaeti oli moa bitim ol klas. Oli ol wok miting. Wan ples we yumi lanem samting tugeta aot long ol mesej blong jeneral konfrens, we yumi toktok tugeta abaot wok blong fasin blong sevem man, mo wan ples we yumi oganaesem yumi blong mekem wok ia i hapen. Ol jenis ia oli stap kam long 2018. Bae oli helpem yumi blong mekem ol stamba tingting ia oli kamtru.

Blong kasem moa infomesen, lukluk long Liahona mo Ensign, blong manis Novemba, mo tu, insaed long Ap blong Gospel Library, mo long ComeFollowMe . lds .org.

OL KWESTIN MO ANSA

Mi no wan tija. ?I nid blong mi mas pem fi blong kasem magasin ia Liahona o Ensign? Bae yu gat wan moa gud eksperiens sapos yu ridim ol mesej blong jeneral konfrens mo tekem mesej ia i kam long klas long Sandei. Yu save kasem ol mesej ia onlaen long conference.lds.org o wetem Ap blong Gospel Library o taem yu pem fi blong kasem Liahona o Ensign evri manis (luk long store .lds .org) o askem long Distribusen Senta blong yu.

?Olsem wanem sapos magasin blong konfrens ia i no stap long mama lanwis blong mi? Ol mesej blong jeneral konfrens oli stap long plante lanwis long conference .lds .org mo long Ap blong Gospel Library, mo ol kurikulom lesen bae oli stap long intanet pej long ComeFollowMe .lds .org. Sapos lanwis blong yu i no kasem niufala kurikulom ia onlaen o long wan magasin, luk long Instructions for Curriculum, 2018 (Instraksen blong Kurikulom blong 2018) blong kasem moa infomesen.

?Wetaem nao bae yumi stat blong stadi long niufala jeneral konfrens mesej? Bae yumi stat blong stadi long Oktoba 2017 konfrens mesej long Jenuware 2018. Afta long hemia, bae ol lokol lida bae oli disaed wetaem blong stat yusum ol mesej blong nekis konfrens—bae i posibol se hem i long evri manis Mei mo Novemba blong wanwan yia.

?Huia i jusum wijwan mesej blong jeneral konfrens bae yumi stadi long hem? Ol lokol lida blong yufala bae oli toktok tugeta abaot wijwan mesej blong kon-frens bae i stret moa blong lukluk long ol nid blong kworom, grup, o Rilif Sosaeti blong yufala. Wan grup blong hae pris, kworom blong ol elda, mo Rilif Sosaeti insaed long sem wod o branj bae oli save stadi long ol defren mesej blong mekem se oli save lukluk long ol defren nid we oli stap.

Jenis we i gat moa mining we bae i hapen, i long wei we yumi yusum ol tul ia blong mekem ol tru

stamba tingting blong Sandei miting blong

yumi oli hapen.

?Jenis ia i wan niufala kurikulom —o i moa long hemia? Ol niufa-

la tul ia, oli save luk olsem se i wan niufala kurikulom, be oli wan strong tul blong mekem jenis insaed long ol kworom blong Melkesedek Prishud mo Rilif Sosaeti. Hem i blong mekem se oli tekpat

moa long wok blong God mo blong lukluk long ol lokol

nid. Jenis ia i mekem se i gat wan ples blong faenemaot ol nid, toktok

tugeta abaot ol nid ia mo olsem wanem blong lukluk long ol nid ia.

?Wanem nao bae yumi tokbaot moa long ol miting blong Sandei? Stat long Novemba 2017, insaed long ol magasin blong Liahona mo Ensign bae i gat ol lesen blong yusum long ol Sandei miting blong Melkesedek Prishud mo Rilif Sosaeti. Tu miting long manis bae oli yusum mo stadi nomo long ol mesej blong konfrens; bae oli givim ol tingting long ol lida mo ol tija long wei blong helpem ol memba blong toktok raon mo mekem wanem i stap long ol mesej ia. Bae oli spen-dem ol fas Sandei blong manis blong toktok raon tugeta long wei blong lukluk ol lokol nid, mo long nambafo Sandei bae oli toktok raon long wan topik se ol jeneral lida oli jusum. Luk long taemtebol blong ol miting blong manis we i stap long nara saed blong pej ia.

?I minim wanem blong toktok tugeta abaot ol lokol nid blong yumi? Ol kworom blong Melkesedek Prishud mo ol Rilif Sosaeti oli “sidaon olsem wan kaonsel” (luk long D&C 107:89) long fas Sandei blong evri manis. Anda long daerek-sen blong ol lida blong prishud mo Rilif Sosaeti, oli yusum ol fas Sandei blong faenemaot ol lokol nid mo toktok raon tugeta abaot wei blong stretem ol nid ia. Ol topik we yumi save yusum long ol kaonsel long fas Sandei ia, oli, wei blong kam antap blong save storian o toktok gud wetem ol memba blong famli, wei blong givim seves insaed long komuniti, mo wei blong lidim tingting blong ol yut insaed long wod o branj. Long ol miting afta, kworom, grup, o Rilif Sosaeti i folemap ol tingting mo ol aksen we oli bin tekem.

?Kurikulom ia i semmak long Come, Follow Me we oli yusum wetem ol yut? Nomata we ol topik mo ol lesen blong Come, Follow Me—For Melchizedek Priesthood and Relief Society Meetings oli defren long Come, Follow Me blong ol yut, tijing mo fasin blong lanem samting i semmak nomo. Blong gat moa infomesen abaot fasin blong lanem mo tijim gospel, luk long Teaching in the Savior’s Way we i stap long teaching .lds .org.