islaam haq hai
DESCRIPTION
This Book Is i Right for Islam .. For Muslim ...TRANSCRIPT
-
1
-
2
-
3
Serial No. Particular Page no. 1. ISLAM HAQ HAI Iss Kitaab Ke Likhne Ka Maqsad 4
2. Bahut Zaroori Aur Ahem Baat 7 3. ALLAH TAALA Kaun Hai ? 8
4. ALLAH TAALA Ka Huqm Kya Hai ? 9
5. Aap Nabi E Kareem Sallal Laho Alaihe Wa Sallam Par Imaan Lana Kyon Zaroori Hai ?
10
6. Wajhe Takhleeq E Qaayenaat 12 7. Zameen Aur Aasmaano Par Aap Nabi E Kareem
Sallal Laho Alaihe Wa Sallam Ke Naam E Mubaarak
14
8. ALLAH TAALA Ne Qalam Ko Paidaa Farmaya 16 9. Farishton Ki Paidaayeesh 17
10. Jinnaton Ki Paidaayeesh 17 11. Iblees Ki Paidaayeesh 18
12. Takhleeq E Hazrat Aadam Alaihe As Salam 19 13. Hazrat Shees Alaihe As Salam 40
14. Hazrat Idrees Aalihe As Salam 41
15. Hazrat Nooh Alaihe As Salam 45 16. Hazrat Hoodh Alaihe As Salam 63
17. Hazrat Saleh Alaihe As Salam 70 18. Hazrat Ibrahim Alaihe As Salam 87
19. Hazrat Looth Alaihe As Salam 154 20. Hazrat Shoeb Alaihe As Salam 171
21. Hazrat Ismayeel Alaihe As Salam 181
22. Hazrat Ishaq Alaihe As Salam 137 23. Hazrat Yaqoob Alaihe As Salam 183
24. Hazrat Yusuf Alaihe As Salam 192 25. Hazrat Ayyub Alaihe As Salam 229
26. Hazrat Zul Kifl Alaihe As Salam 238
27. Ashaab Al Ras Ka Waqeya (Qissa ) 243 28. Ashaab Al Yaseen Ka Waqeya ( Qissa ) 246
29. Hazrat Yunus Alaihe As Salam 250 30. Hazrat Musa Alaihe As Salam Ki Qaum Yahood 257
31. Hazrat Musa Aur Hazrat Haroon Alaihe As Salam 270 32. Hazrat Yusaah Bin Noon Alaihe As Salam 324
33. Hazrat Khizar Alaihe As Salam 328
-
4
34. Hazrat Iliyaas Alaihe As Salam 360
35. Hazrat Hazqeel Alaihe As Salam 362 36. Hazrat Yasaaa Alaihe As Salam 365
37. Hazrat Samuyeel Alaihe As Salam 367 38. Hazrat Taloot 367
39. Hazrat Dawood Alaihe As Salam 374
40. Hazrat Sulaimaan Aalihe As Salam 380
41. Hazrat Shayeeya Bin Amshiya Alaihe As Salam 404
42. Hazrat Armiya Bin Hazqiyah Alaihe As Salam 407 43. Hazrat Daaniyaal Alaihe As Salam 416
44. Hazrat Uzair Alaihe As Salam 420 45. Hazrat Zakariya Alaihe As Salam 424
46. Hazrat Yaahya Alaihe As Salam 429 47. Hazrat Mariam Alaihe As Salam 438
48. Arab Ke Jaahil Mushriq Aur Kaafiro Ka Aqeeda 453
49. Hindustaan Ke Kaafiro Aur Mushriqo Ka Aqeeda . 453 50. Buddh Mazhab Ke Maan Ne Walo Ka Aqeeda 454
51. Hazrat Esaa Alaihe As Salam Ki Paidaayeesh 464 52. Esaayeeyo Ki Ibaadat Ke Kufariya Kalaamat 509
-
5
ISLAM HAQ HAI ISS KITAAB KO LIKHNE KA MAQSAD
Aziz Dosto , Aaj Ke Iss Pur Fitan Daur Me Jahaa Ki Har Cheez Ka Mayeyaar
Badal Gaya Hai , Ilm Haasil Karne Ke Taur Tarike Badal Gaye Hai , Har Maa
Baap Chaahe Woh Ameer Ho Ya Gareeb Apni Aulaado Ke Behtar Mustaqbil Ke
Liye Aala Se Aala Taaalim Dilaane Ki Koshish Me Lage Huve . Har Eik Me Isi
Baat Ki Hodhh ( Competition ) Lagi Huyee Hai Ki Hamaari Aulaade Iss Naye
Daur Naye Zamaane Ke Aitbaar Se Peechhe Na Rahe Jaaye . Iss Ka Nateeza Yeh
Huwaa Ki Hamaari Nayee Naslo Ne Aala Taaalim Toh Haasil Kar Li , Lekin
Mazhabi Taaalim Ko Pas E Pusht Daal Diya . Duniya Me Qaamyaab Ho Gaye
lekin Aakhirat Ko Bhula Diya , Woh Aakhirat Jo Ki Har Dam Rahene Wali Zindagi
Hai Jab Ki Yeh Duniya Ki Zindagi Chaar Din Ki Hai . Aur Yeh Fanaa Ho Jaayegi Jab
Ki Aakhirat Ki Zindagi Abdi Zindagi Hai . Uss Zindagi Ke Liye Ham Ne Kuchh
Tayyari Na Ki ..
Behtareen Mustaqbil Ke Liye Ham Ne English , Hindi Aur Dusri
Zubaano Ko Toh Apna Liya Lekin Apni Maadir Zubaan Urdu Ko Faraamosh Kar
Diya . Main Bhi Iss Se Achhuta Nahi Hoon . Mujhe Bhi Mere Waldain Ne Behtar
Mustaqbil Ke Liye Hindi Midium Ki School Me Dakhila Kara Diya . Jaha Par
Duniyavi Taaalim Ke Saath Saath Gair Mazhab Ki Taaalim Bhi Mili , Lekin
Main Apne Hi Mazhab Se Door Hota Chala Gaya . Kahete Hai Ki Jaisa Mahol
Hota Hai Bachcha Usi Mahol Me Dhal Jata Hai . Gair Mazhab Ke Logo Ki Sangat
Ka Asar Yeh Huwaa Ki Unn Ki Mushrikana Aur Kafirana Taur Tarike Toh Maloom
Ho Gaye ,Lekin Apne Hi Mazhab Ke Taur Tarike Aur Shariyat Se Anjaan Rahe
Gaya . Aisa Bhi Nahi Tha Ki Ghar Me Dini Mahol Nahi Tha , Meri Waalda Panj
Waqta Namaazi Thi , Aur Mujhe Arbi Yaani Ki Quran Padhna Bhi Unnhone Hi
Sikhaya Tha . Lekin Gair Mazhab Ke Logo Ke Saath Uthhna , Baithhna Unn Ke
Saath Me Rahena , Ghumna Firna Aur unn Ke Tyohaaro Me Shaamil Hona , Yehi
Sab Wajaah Thi Ke Islam Se Wabastagi Sirf Itni Rahe Gayee Ki Sirf Jumme Ke
Din Namaaz Padh Liya , Ramzaan Ke Roze Rakh Liye Aur Eid , Bakra Eid Mana Li
. Lekin Kahete Hain Na Ki ALLAH TAALA Jise Jab Chaahe Hidaayat De Deta Hai ,
Isiliye Jab Kuchh Sawoor ( Samajhdaar ) Huwaa Toh Islam Ko
Jaan Ne Aur Samajh Ne Ki Chaahat Dil Me Jaagi , Lekin Saamne Masayeel Yeh
-
6
The Ki Islami Aur Dini Kitaabe Jiyaadah Tar Urdu Zubaan Me Thi Jo Ki Mujhe
Aati Nahi Thi Kyonki Hindi Midium Se Jo Padhayee Ki Thi . Aur Hindi Zubaan Me
Jo Kitaabe Thi Unn Se Utni Maloomat Milna Mushkil Tha . Isiliye Dheere
Dheere Urdu Padhna Sikh Liya Lekin Utni Rawaadari Se Ab Bhi Urdu Nahi Padh
Paata . Isiliye Islami Aur Dini Maloomat Haasil Karne Ke Liye Mujhe Jitni
Dushwari Aur Mushkilo Ka Saamna Karna Pada Yeh Main Hi Janta Hu , Tabi
Mere Dil Me Khayaal Aaya Ki Na Jaane Mere Hi Tarhaa Meri Qaum Ke Kitne
Bhai Aur Bahen Hoge Jinhone Apne Behtareen Mustaqbil Ke Liye Gairo Ki
Zubaan Me Taaalim Haasil Ki Hai Lekin Unnhe Bhi Urdu Nahi Aati Hogi . Aur
Islam Ki Taaalim Haasil Karne Ki Chaah Unn Me Bhi Zaroor Hogi . Isi Khyaal Se
Maine Ambiya Alaihe As Salam Ke Waqeye ( Qisse ) Ko Roman English Me
Likhna Shuru Kiya Aur Face Book Par Post Karna Shuru Kiya . Iss Sab Ka Maqsad
Yehi Tha Ki Jo Log Urdu Nahi Padh Paate Lekin Unnhe English Ya Koi Bhi Dusri
Zubaan Aati Ho , Toh Aise Bhai Aur Bahene Inn Islami Waqeyaat Ko Aasaani Se
Padh Aur Samajh Sake . Isiliye Maine Inn Islami Waqeyaat Ko Jitna Ho Sakta
Tha Aasaan Lafzo Me Bayaan Kar Ne Ki Koshish Ki Hai , Taki Sabhi Logo Ko Inn
Waqeyaat Ko Padhne Aur Samajhne Me Aasaani Ho . Aur Iss Kaam Me Main
Ahesaan Mand Aur Shukar Guzaar Hu Apne Unn Dosto Ka Jinnhone Yeh Sab
Kuchh Likhne Me Meri Hausla Afzayee Ki Hai .
Meri Inn Baato Se Aap Log Jaan Gaye Hi Hoge Ki Main Na Toh Koi
Maulvi Hoon Aur Na Hi Koi Haafiz Ya Qaari Hoon Aur Na Hi Kisi Madarse Se
Main Faarig Huwaa Hoon . Main Bas Aap Logo Ki Hi Tarhaa Eik Aam
Musalmaan Hu , Aur Yeh Sab Waqeyaat Jo Ki Iss Kitaab Me Aage Bayaan Kiye
Gaye Hai , Woh Sab Quran Majeed Ke Urdu Tarjume , Hadeeso , Deeni
Kitaabo , Taqreer , News Papers Wagairaah Se Li Gayee Hai . Ab Kyonki Na Toh
Mujhe Urdu Zubaan Par Itna Aboor ( Mahaarat ) Hai Aur Na English
Zubaan Par . Isiliye Iss Kitaab Ko Likhne Me Mujh Se Jo Bhi Galti Huyee Ho Uss
Ke Liye ALLAH TAALA Se Yehi Duwaa Hai Ki Woh Apne Habib Hazrat
Muhammad Mustafa Sallal Laho Alaihe Wa Sallam Ke Sadqe me Meri Inn
Khataavon Aur Galtiyon Ko Maaf Farma De . Aakhir Main Bhi Eik Insaan Hu
Aur Galti Mujh Se Sirzad Hona Yaqeeni Hai . Aap Sabhi Bhaiyo Aur Baheno Se
Guzaarish Hai Ki ALLAH TAALA Ki Baar Gaah Me Mere Haq Me Duwaa Kare
Woh Mujh Par , Mere Waldain Par Aur Mere Ahle Khana Par Rahem Kare ..
Aur Jis Maqsad Ke Liye Yeh Kitaab Likhi Gayee Hai Use Pura Kare .. AAMEEN
. YA . RAB UL AALAMEEN ..
-
7
AAP KA BHAI
MUHAMMAD RAFIQUE
Date : 25/ 6 / 2015
BAHUT ZAROORI AUR AHEM BAAT
Aziz Dosto ,.. Islam Ki Nemat Har Zamaane Me ( 2 ) Hi Zariye Se Insaano Tak Pahoonchi
Hai , Eik Toh ALLAH Ka Kalam , Aur Dusre Ambiya Alaihe As Salam Ki Shakhshiyat . Jin Ko ALLAH
TAALA Ne Na Sirf Apne Kalaam Ki Tableeg O Taaalim Aur Tafheem ( Samajhne Ka ) Waasta
Banaya Balki Iss Ke Saath Hi Unnhe Amli Qayaadat Aur Rahenumaayee Ke Mansab Par Bhi
Maaamoor Kiya Taki Woh Kalam ALLAH Ko Thheek Thhaak Aur Sahi Tarike Se Har Insaan Aur
Muaasre ( Samaaj , Qaum ) Ki Islaah Kare Aur Insaani Zindagi Ke Bigde Huve Nizaam Ko Sanwaar Kar
Uss Ki Sahi Tarike Se Taaameer Kar Dikhaaye .
-
8
Yeh Dono Cheeze Hamesha Se Hi Zaroori Rahi Hai , Agar Inn Me Se Eik Ko Dusre Se Alag
Kar Diya Jaaye Toh Insaano Ko Kabhi Bhi Deen Ki Sahi Samajh Haasil Nahi Ho Sakegi Aur Na Hi Woh
Hidaayat Pa Sakega . Jaisa Ki Misaal Ke Taur Par Agar Kitaab Ko Nabi Alaihe As Salam Se Alag Kar De
Toh Yeh Aisa Hi Hoga Ki Eik Qashti Hai Nakhuda ( Mallah , Naav Chalaane Wale ) Ke Bagair Jise Lekar
Anaadi Aur Jaahil Musaafir Zindagi Ke Samundar Me Kitna Bhi Bhatke Lekin Apni Manzil Par Kabhi
Nahi Pahoonch Sakega . Aur Agar Nabi Alaihe As Salam Ko Kitaab Se Alag Kar De Toh Insaan KHUDA
Ka Raasta Paane Ke Bajaaye Nakhuda ( Naav Chalaane Wale ) Ko Hi KHUDA Bana Baithhega . Aur
Yeh Dono Hi Nateeze peechhli Qaume Dekh Chuki Hai .
Jaise Ki Hinduvo Ne Apne Ambiya Ki Seerato Ko Gum Kar Diya Aur Sirf Kitaab Le Kar Baithh
Gaye . Esaayeeyo Aur Yahoodiyo Ne Kitaab ALLAH Ko Nazar Andaaz Kar Diya Aur Sirf Apne Ambiya (
Nabi ) Ka Daaman Pakda Aur Nabi Ki Shakhshiyat Ke Ird Gird Ghumna Shuru Kar Diya . Iss Ka
Nateeza Yeh Huwaa Ki Innhone Nabi ALLAH Ko ALLAH Ka Beta ( Nauzbillah ) Aur Yaha Tak Ki Unnhe
KHUDA Hi Bana Dala . Aur Raahe Raast Se Bhatak Gaye Aur Gumraah Ho Gaye .
Lekin Ham Musalmaano Par ALLAH TAALA Ka Ahesaan Azeem Hai Ki Hamaare Paas Yeh
Dono Cheeze Maujood Hai Eik Toh ALLAH Ka Kalaam Yaani Ki Quran Majeed Jis Ki Hifaazat Ki
Zimmedaari Khud ALLAH TAALA Ne Li Huyee Hai Aur Dusre ALLAH Ke Maheboob Janaab
Muhammad Arbi Sallal Laho Alaihe Wa Sallam Ki Seerat Paak Jo Ki Aaj Bhi Maujood Aur Mahefooz
Hai . Isiliye Ham Musalmaan Pure Daave Ke Saath Kahete Hai Ki Islam Hi Haq Hai Aur Jo Islam Ki Aur
Imaan Ki Daulat Se Maala Maal Ho Gaya Woh Hi Hidaayat Par Hai . Aur Islam Hi Duniya Aur
Aakhirat Me Qaamyaabi Aur Kaamraani Ka Zariya Hai . Kuchh Na Samajh Aur Nadaan Log Yeh Kahete
Hai Ki Islam Toh Eik Naya Mazhab Hai Jo Ki Sirf ( 1400 ) Saal Pahele Hi Aaya Hai . Aisa Bilkul Nahi Hai ,
Jab Se Yeh Qaayenaat Bani Hai Ya Jab Se Iss Duniya Me Insaan Aabaad Huve Hai Tab Se Lekar Ab Tak
Yaani Ki Har Daur Me ALLAH TAALA Ne Jitne Bhi Ambiya Alaihe As Salam Mabwoos Kiye ( Bheje )Hai
Khawaah Woh Duniya Ke Kisi Bhi Hisse ( Khitte ) Me Ho Jaha Insaano Ki Abaadi Maujood Thi , Woh
Sabhi Ambiya Alaihe As Salam Islam Ki Taaalim Hi Lekar Aaye The . Unn Sabhi Ambiya Alaihe As
Salam Ka Ziqr Iss Kitaab Me Kiya Gaya Hai Jin Ke Naam E Mubaarak Quran Majeed Aur Hadeeso
Ki Kitaabo Me Darz Hai
BOOK ISLAM HAQ HAI
BISMILLAH HIR RAHEMAN NIR RAHIM
SHURU ALLAH KE NAAM SE JO KI NIHAAYAT HI RAHAM KARNE WALA AUR BADA HI MEHARBAAN
HAI
SAARI TAAAREEFE AUR IBAADATE SIRF ALLAH SUBHANAHU TAALA WAH DAHU LA
SHARIQ QALAHU KE LIYE HAI , JO SAARE AALAM KA MAALIK AUR KHAALIQ HAI, HAMARA RAB (
PAALANHAAR ) HAI . AUR DAROOD O SALAAM HAMAARE PYAARE AAQA HAZRAT MUHAMMAD
MUSTAFA SALLAL LAHO ALAIHE WA SALLAM PAR , AAP KI AAL AULAAD PAR . AUR SALAAM HO AAP
KE SAHABA RIZWANULLAHE AZMAYEEN PAR
ALLAH TAALA KAUN HAI ?
-
9
ALLAH YEH ARBI KA LAFZ HAI JO KI ( 2 ) LAFZO SE BANA HAI AL + ILAHA YANI KI
IBAADAT KE LAAYEQ YA JIS KI IBAADAT KI JAAYE . YA WOH QUWAT YA HASTI JO HAR TARHAA KI
IBAADAT YA BANDAGI KE LAAYEQ HAI . ISS DUNIYA KI IBTIDA ( SHURUWAAT ) SE LE KAR AB TAK YA
TAQAYAAMAT TAK JITNI BHI ZUBAANE ( BOLIYAA(N) YA BHASHAYE YA LAUNGUAGES ) BOLI JATI
HAI YA BOLI JAAYEGI . UNN TAMAAM ZUBAANO ME ISS QUWAT KO JO KI SAARE AALAM KA NIJAAM
CHALA RAHA HAI KISI NA KISI NAAM SE PUKARA JATA HAI , JAISE KI SIRYAANI ZUBAAN JO KI HAZRAT
IBRAHIM ALAIHE AS SALAM AUR AAP KI AAL AULAADO KI THI USS ZUBAAN ME ISS QUWAT KO EEL
KE NAAM SE PUKARA JATA THA . FAARSI ZUBAAN ME KHUDA WAND QUDDUS , ENGLISH ZUBAAN
ME THE GOD AUR HINDI YA SANSKIRAT ZUBAAN ME ISHWAR YA PARMESHAWAR , AUR ARBI
ZUBAAN ME ALLAH ISI TARHA AUR BHI DUSRI ZUBAANO ME ISS QUWAT YA HASTI ( MAHA
SHAKTI ) KO ALAG ALAG NAAMO SE PUKARA JATA HAI .
Ab Yaha Par Eik Sawaal Aap Logo Ke Jehan ( Aqal , Mind ) Me Aata Hoga Ki Jab ALLAH ,
RAB , KHUDA ,PARMESHAWAR , ISHWAR , THE GOD , Yeh Sab Eik Hi Azeem ( Mahaan , Great )
Quwat Ka Naam Hai Jo Ki Iss Saari Qaayenaat ( Barhamaand , Univers ) Ka Nijaam Chala Raha Hai
Yani Ki ALLAH Ka Toh Fir Islam Hi Haq ( Sachcha ) Kyon Hai ?.... Duniya Ka Koi Aur Mazhab Kyon Nahi
.. Toh Sab Se Pahele Islam Ka Matlab Aap Ko Batlata Hu Ki Islam Ka Matlab Aman ( Shaanti ,
Peace ) Ke Hota Hai . Aur Iss Duniya Ki Ibtidaa ( Shruwaat ) Se Lekar Hamaare Pyaare Aaqa Hazrat
Muhammad Mustafa Sallal Laho Alaihe Wa Sallam Tak Jit Ne Bhi Paigambar Alaihe As Salam (
Mesaangers Of God Ya Ishwariya Doot ) Iss Duniya Me Tashreef Laaye , Unn Sab Ka Eik Hi Mesaage (
Sandesh ) Yani Ki Islam Hi Tha , Yaani Ki Aman Aur Shaanti , Aur Iss Duniya Me Aman Aur Shaanti Tab
Hi Qaayem Ho Sakti Hai , Jab Saari Duniya Ke Insaan Uss Azeem Quwat Wale ALLAH Ke Banaye Huve
Qanoon ( Shariyat ) Ke Hisaab Se Apni Zindagi Guzaare Aur ALLAH TAALA Ke Huqum Ki
Farmabardaari Kare , Aur Uss Ki Abdiyat ( Bandagi , Araadhdhaya ) Ka Haq Adaa Kare . Yaani Ki Iss
Zameen Aur Aasmaan Aur Jo Kuchh Bhi Inn Ke Darmiyaan Hai Uss Sab Ka Maalik Aur Khaaliq (
Banaane Wala , Rachnakaar ) ALLAH Hi Hai . Isiliye Sirf Uss Ki Hi Ibaadat Ki Jaaye , Na Ki Unn Cheezo
Ki Jise Uss RAB Ne Paidaa Farmaya Hai , Jaise Ki Insaan , Jinnat , Farishte , Suraj , Chaand , Sitaare ,
Grahaa, Nadee , Pahaad , Pedh ( Tree ) Aur Insaano Ke Haatho Se Banaayee Gayee , Sona , Chaandi ,
Taamba , Lakdi , Paththar Aur Bhi Dusre Metal ( Dhaatu ) Se Bani Huyee Cheeze ,. Chaahe Woh
Insaan Ki Shaqal Aur Surat Ki Ho Ya Kisi Jaanwar Ke Shaqal Aur Surat Ki . Inn Sab Sirq Aur Kufar Se Eik
Insaan Tabhi Bach Sakta Hai Ki Woh Apne Malik , Khaaliq Aur RAB Ke Huqm Ki Farmaa Bardaari Kare
. Na Ki Shaitaan Ki Pairvi Aur Farmaa Bardaari Kare .
ALLAH TAALA KA HUQM KYA HAI ?
ALLAH TAALA Ka Huqm Yeh Hai Ki Woh Apni Zaat Me Yaktaa ( Akela ) Hai , Yani Ki Use
Sirf Eik Mana Jaaye Aur Uss Ke Saath Ibaadat Me Kisi Aur Ko Sharik ( Shaamil , Saajhidaar ) Na Banaya
Jaaye . Kyon Ki Uss Ne Hi Tamaam Qaayenaat ( Brahmaand ) Ko Banaya Hai Aur Jo Kuchh Zameen
Aur Aasmaan Ke Darmiyaan Hai Use Bhi . Toh Fir Use Chhodh Kar Kisi Aur Ki Ibaadat Kaise Ki Ja Sakti
Hai ?... Ki Jin ka Iss Qaayenaat Ko Banaane Me Koi Hissedaari Nahi Hai ,.. Balki Woh Khud Paidaa
Kiye Gaye Ya Banaaye Gaye Hai .. ALLAH TAALA Ka Quran Majeed Ki ( SURAAH : AKHLAAS )
Me Farmaan E Aalishaan Hai Ki : ( Aye Nabi ) Aap Kahe Dijiye Ki WOH ALLAH Eik Hai ,. WOH
BeNiyaaz Hai ,. ( Yaani Ki Sab Uss Ke Mohtaaj Hai Aur Woh Kisi Ka Mohtaaj Nahi ) ,.. Na Uss Se
Koi Paidaa Huwaa Aur Na Kisi Ne Uss Ko Paidaa Kiya ,. ( Yani Na Toh Uss Ne Kisi Ko Janam Diya Aur
-
10
Na Hi Kisi Ne Uss Ko Janam Diya ) .. Aur Na Hi Koi Uss Ka Hamsar Hai .. ( Yani Ki Koi Uss
Jaisa Nahi Ho Sakta ,.. Na Toh Zaat Me , Na Shafaat Me Aur Na Uss Ke Afaal Me ,.. Yani Ki Uss RAB
Ke Jaisa Koi Dusra Ho Hi Nahi Sakta ) ..
Hadees Qudsi Me Hai Ke ALLAH TAALA Farmata Hai : Insaan Mujhe Gaali Deta Hai ,
Yani Ki Mere Liye Aulaad Saabit Karta Hai , Halaanki Main ! Eik Hu , Be Niyaaz Hu , Maine Kisi Ko
Janam Nahi Diya Aur Na Hi Main Kisi Se Paidaah Huwaa Hu , Aur Na Hi Koi Mere Jaisa Hai . ( Sahih
Bukhaari ,.. Hadees : 4974 )..
Iss ( SURAAH : AKHLAAS ) Me ALLAH TAALA Unn Logo Ke Baatil ( Jhuthhe ) Aqeede
Ko Radd ( Galat ) Farma Raha Hai ,.. Jo Log Bahut Saare Khudaavo Ko Maante Hai , ( Jaise
Ki Kaafir ).. Aur Unn Ke Aqeede Ko Bhi Radd ( Galat ) Farmaa Raha Hai Jo ALLAH TAALA Ke Liye
Aulaad ( Beta Ya Beti ) Saabit Karte Hai ,..... ( Jaisa Ke Yahoodi Aur Esaayee ) .. Aur Unn Logo Ke
Aqeede Ka Bhi Rad( Galat ) Farma Raha Hai Jo Dusro Ko Uss Ka Shariq ( Saajhidaar ) Bataate Hai
, ( Jaise Ki Mushriq ) . Aur Unn Logo Ke Aqeede Ka Bhi Radd ( Galat ) Farma Raha Hai Jo Ki ALLAH
TAALA Ke Wajood Ka Hi Inqaar Karte Hai Yani Ki ALLAH TAALA Ko Nahi Maante Aur Jo Iss Baat Ke
Qaayel Hai Ki Yeh Saari Qaayrnaat Apne Aap Wajood Me Aa Gayee . Aur Iss Ka Koi Maalik Aur Khaliq
Nahi Hai .. Yani Ki Nastik Ya Natury Log .
Iss Ke BarAqs Haqiqat Yeh Hai Jab Se Iss Duniya Ki Takhleeq Huyee Hai Aur Bani Nau
Insaan Iss Me Aabaad Huwa Hai Tabhi Se Uss Ne Iss Baat Ko Badi Shiddat Se Mahesoos Kiya Hai Ki
Yeh Tamaam Qaayenaat Aur Iss Me Jo Kuchh Bhi Hai ,Yeh Sab Apne Aap Wajood Me Nahi Aaya Hai
Balki Iss Kaarkhaane Ko Banaane Wala Aur Chalaane Wala Yaqinan Koi Buzurg Aur Taaqatwar Hasti
Hai Jo Ki Iss Tamaam Qaayenaat Ka Malik Aur Khaaliq Hai . Aur Isi Taaqatwar Hasti Ko MALIK , RAB ,
KHUDA , GOD , ISHWAR aur ALLAH ke naam se pukara Jata hai . Yani Ki ALLAH Hi Uss Azeem
Shakhshiyat Ya Taaqatwar Hasti Ka Naam Hai Jis Ne Iss Saare Aalam Ko Paida Farmaya . Isiliye Jo
Malik Aur Khaaliq Hai Wohi ALLAH Ibaadat Ke Laayeq Hai . Aur Yehi Paigaam Hazrat Aadam Alaihe As
Salam , Hazrat Nooh Alaihe As Salam , Hazrat Ibrahim Alaihe As Salam , Hazrat Musa Alaihe As Salam
, Hazrat Esaa Alaihe As Salam Aur Hamaare Pyaare Aaqa Hazrat Muhammad Mustafa Sallal Laho
Alaihe Wa Sallam , Garaz Yeh Ki Jitne Bhi Ambiya Alaihe As Salam Iss Duniya Me Tashreeh Laaye
Chaahe Woh Kisi Bhi Qaum Ya Kisi Bhi Ilaaqe Me Tashreef Laaye Ho Unn Sab Ka Yehi Paigaam Raha
Hai Ki Eik ALLAH Ko Maano Aur Uss Ki Hi Ibaadat Karo Jo Ki Tumhara Aur Ham Sab Ka Malik Aur
Khaliq Hai , Hamara RAB ( Paalanhaar ) Hai .
AAP NABI E KAREEM SALLAL LAHO ALAIHE WA SALLAM PAR
IMAAN LANA KYON ZAROORI HAI ?
Ab Kuchh Log Kahege Ki Chalo Ham Ne ALLAH TAALA Ko Apna RAB Maan Liya Aur Yeh Bhi
Maan Liya Ki Woh Hi Hamara Malik Aur Khaliq Hai . Lekin Aap Hazrat Muhammad Mustafa Sallal
Laho Alaihe Wa Sallam Ki Hi Naboowat Aur Risaalat Par Imaan Lana , Aap Ki Shariyat Par Amal Karna
Kyon Zaroori Hai ? .
Toh Iss Ka Jawab Yeh Hai Ki ALLAH TAALA Ne Aalam E Arwaah Me Tamaam Ambiya
Alaihe As Salam Se Yeh Pukhta Ahad ( Pakka Waada ) Liya Tha Ki . Yani Ki Uss Aalam Me Jis Me
-
11
ALLAH TAALA Ne Abhi Insaano Ke Jism Nahi Banaaye The Sirf Qayaamat Tak Paidaa Hone Wale
Insano Ki Roohe Paidaa Farmayee Thi . Uss Aalam E Arwaah Me ALLAH TAALA Ne Tamaam
Ambiya Alaihe As Salam Se Yeh Pukhta Ahad Liya Tha Ki : Agar Tum Log Aakhiri NABI Muhammad
sallal laho alaihe wa sallam ka Zamaana Paavo toh Aap ki Pairvi aur Aap ki Ittebaa karna aur Aap ki
Shariyat par Imaan lana. Aur Aap Sallal Laho Alaihe Wa Sallam Ki ( Deen ) Me Madad Karna
.'' Har Nabi aur Rasool ki yeh Dili Khawaahish thi ke woh Aap Rahmate Do Aalam Sardaar - E
Ambiya Sallal Laho Alaihe Wa Sallam ka Zamaana Paaye . Lekin sabhi Ambiyavo ki Dili Khawaahish
ya Hasrat Puri na huyee Siwaaye Hazrat Esaa Alaihe As Salam ke , kyon ki jab Qayaamat ke Qareeb
Hazrat Esaa Alaihe As Salam Dubaara Aasmaani Duniya se iss Zameen par Tashreef laayege toh
Hamaare Pyaare Aaqa Hazrat Muhammad Mustafa salla laho alaihe wa sallam ke Ummati ban kar hi
Aayege .
Hazrat Ibrahim Alaihe As Salam ne Khaana - E - Kaaba ki Taaameer ke waqt yeh duwaa ki
ke : Meri Aulaad me Aakhiri Nabi ko Mabwoos ( paida kar ya bhej ) . Aur Hamaare Pyaare Aaqa
Mohammed Mustafa sallal laho alaihe wasallam ki yeh hadees : '' Main Hazrat Ibrahim Alaihe As
Salam ki Duwaa hoon .''
Hazrat Ibrahim Alaihe As Salam Ne Jab Khana E Kaaba Ki Taameer Kar Li Toh Yeh
Duwaa Farmayee : Ya ILAAHI ! Inn Hi Me Se Eik Azeem ( Mahaan , Great ) Rasool Inn Ki Hidaayat Ke
Liye Mabwoos ) Farma , Jo Meri Nasal Se Ho , Yaha Ke Bashindo Ki Zubaan Me Fasheeh - O - Ballikh
Kalaam Farmaye Aur Innhe Hiqmat Andoz Baato Se Raahe Raast Par Gaamzan Kare , Taki Inn Zahiri
Nemato Ke Saath Saath Baatini Aur Aakhiravi Nemate Bhi Innhe Muyassar Ho ( Mil ) Jaaye . Woh
Duniya Me Bhi Surkhroo Ho Aur Aakhirat Me Bhi Teri Nemato Ke Mushtahaq Thhahere ...
ALLAH TAALA Ne Aap Ki Yeh Bhi Duwaa Qabool Farmayee Aur Bani Ismayeel ( Hazrat
Ismayeel Alaihe As Salam Ki Nasal ) Me Eik Nihaayat Hi Azeem O Alshaan Rasool Ki Bushaat
( Paidayeesh ) Huyee , Jin Par Naboowat Aur Risaalat Ka Silsilaa Khatam Kar Diya , Aur Jo Eik Aisa
Kaamil Deen ( Mazhab Islaam ) Le Kar Tashreef Laye Jo Kisi Bhi Rasool Ko Ataa Nahi Kiya Gaya . Jin Ki
Daawat Arbi Aur Azmi ( Gair Arbi ) Aur Sari Duniya Ke Har Insaano Ke Liye Aam Hai . Yani Ki Har
Qaum Har Nasal , Har Zubaan o - Kalaam Karne Wale Insaano Ke Liye Qayaamat Tak Iss Daawat E
Haq Ka Faayedah Pahunchta Rahega .
Gaur karne wali baat hai ki Hazrat Ibrahim Alaihe As Salam ka Zamaana Hamaare
Pyaare Aaqa ke Zamaane se kayee Hazaaro Saal Pahele ka hai . Hamare Pyare Aaqa Nabi - e - Kareem
Muhammed sallal laho alaihe wa sallam ka Martaba aur Azmat Itna Buland hai ki Aadam Alaihe As
Salam ne Aap ke Waseele se Duwaa ki , yahaa tak ki Aap sallal laho alaihe wasallam ka Ziqr Touuret ,
Injeel aur Hinduvo ke Mazhabi Kitaabo me bhi hai . aur Yahoodi aur Esaayee bhi Aap sallal laho
alaihe wa sallam ki Aamad ki Raah dekh rahe the . Aur yahaa tak ki Aap sallal laho alaihe wasallam ki
Aamad se pahele Yahoodi Aap sallal laho alaihe wa sallam ka Waseela lekar jung ( ladhaayee ) karte
aur Qaamyaab bhi hote . Aap Nabi E Kareem Sallal Laho Alaihe Wa Sallam Ke Sadqe Tufayel Yeh
Saari Qaayenaat Banayee Gayee .
-
12
WAJHE TAKHLEEQ E - QAAYENAAT
****************************
Jab kuchh nahi tha , tab Bhi ALLAH Subhanahu Taala ki Zaat Azim thi . Na Zameen thi
na Aasmaan tha na Chaand na Suraj na Sitaare , Na Farishte na Jinnat na Insaan na Arsh na Farsh .
kuchh bhi nahi tha . Bas Thi Toh Mere RAB Ki Paak Zaat ,.. WOH Hi Awwal Hai Woh Hi Aakhir Hai ,
WOH Hi Zaahir Hai WOH Hi Baateen Hai . Uss Ki Hi Baadshahat Saare Aalam Par Hai , Chaahe Yeh
Jahaan Ho Ya Wo Jahaan . WOH Har Cheez Se Be- Parwaah Hai ,Tamaam Qaayenaat Ki Saari
Cheeze Sab Uss Ke Liye Jawaabdeh Hai ( Yani Sabhi Ko Uss Ke Huzur Apne Apne Aamaalo Ka Jawaab
Dena Hai ) Lekin Woh Kisi Ke Liye Jawaabdeh Nahi Hai . Zameen Aur Aasmaano Aur Jo Kuchh Inn Ke
Darmiyaan Hai Sab Uss Ki Hi Malkiyat Hai . Farishte , Insaan, Jinn , Sajar ( Pedh Paudhe ) Hajar (
Pathhar ) Chaand , Suraj , Sitaare , Pahaad ,Dariya Sab Uss Ke Aage Hi Sajdaa Rez Hai , ALLAH TAALA
Ne Inn Tamaam Makhlooq Ko Apni Ibaadat Ke Liye Paidaa Farmaya , Sab Uss Ki Hi Hamd O
Sanaa Ke Nagme ( Geet ) Gaate Hai . Na Use Neend Hai Na Use Uoongh Aati Hai Na Hi Use Maut
Hai . Jab Kuchh Na Tha Tab Bhi Woh Tha Aur Jab Kuchh Na Hoga Tab Bhi Uss RAB Ki Paak Zaat Baqi
Rahegi . ( ALLAH HU BAQI MIN QULLE FAANI )
Sab se pahele ALLAH Subhanahu Taala ne apne Noor se Noor - E - Muhammadi ko
paida Farmaya , aur usi waqt Noor - e - Muhammedi ne ALLAH Subhanahu Taala Ke Huzur Sajda
kiya. Aur fir ALLAH Subhanahu Taala ne Noor - E - Muhammadi se sari Qaayenaat ki takhliq ki . Yani
ki hamaare Pyaare Aaqa ke Sadqe me sari Qaayenaat banaayee gayee.
Hamaare Pyaare Aaqa Hazrat Muhammed sallal laho alaihe wa sallam ke Noori
bashar hone ki Dalil me kuchh Hadeese aur Qur'an Majeed me ALLAH Subhanahu taala ka Irshaad
E Azeem iss tarhaa hai .
-
13
QURAN MAJEED ME IRSHAAD E BAARI TAALA HAI
1).... Qur'an Majeed me ALLAH Subhanahu Taala Irshad Farmata hai : '' Beshaq , Tumhari taraf
ALLAH ki taraf se NOOR ( Mohammed sallal laho alaihe wa sallam ) aaya hai aur eik Roshan Kitaab
. ( Qur'an Majeed )...... ( Surah Maida parah 6 , Aayat 15 )
2 ).... Qur'an Majeed me ALLAH Subhanahu Taala Irshaad Farmaata hai '' Aur woh chaahete hai ki
ALLAH ke Noor ko apni Muhh ( Mouth ) ki Foonk se bujha de, lekin ALLAH Apne Noor ko pura kar ke
rahega , chaahe yeh Kaafiro ko Bura lage .''
HADEESE MUBAARAK
1 ). Hazrat Jabir Razi Ta ala Anhu ne Aap Huzur E - Akram sallal laho alaihe wa sallam se Arz kiya
: '' Ya Rasool ALLAH ! ALLAH TA ALA ne sab se pahele kis cheez ko paida farmaaya ?.. Iss par
Rasool ALLAH sallal laho alaihe wa sallam ne Irshaad farmaaya : '' Aye Jabir ! Beshaq ALLAH
TAALA ne sab se pahele apne Noor se tere Nabi ke Noor ko paida farmaaya .''
2 ).... Aap Huzur E Akram sallal laho alaihe wa sallam ne Hazrat Jibrayeel Alaihe as salam se
Farmaaya : '' Aye Jibrayeel ! Tumhaari umar ( Age ) kya hai ?.. Jibrayeel Ameen ne Arz kiya : ''
Huzur ! mujhe kuchh khabar nahi ? lekin main itna jaanta hoon ki chouthe (4th ) Hijaab me eik
Noorani Taraa 70000 hazaar baras ( saal ) ke baad chamakta tha , aur usS Noorani Taare ko maine
72000 Hazaar martaba chamakte dekha hai .'' Aap Huzur sallal laho alaihe wa sallam ne ye
sunkar Farmaaya : '' Mere RAB ki Izzat ki kasam ! Main hi woh Noorani Taara hoon .''
3 ).... Aap Huzur sallal laho alaihe wa sallam ne Farmaaya : '' Main ! ALLAH Subhanahu Taala ke
Noor se hoon , aur Tamaam Makhlooq mere Noor se hai . Aur sab se pahele ALLAH Subhanahu Ta
ala ne mere Noor ko paida Farmaya . ( Tirmiji Shareef , page no. : 201 )
4 ) .... Eik Sahaabi ne Aap sallal laho alaihe wa sallam se arz kiya : '' Ya RasoolALLAH ! Aap ko
Naboowat kab Ataa Huyee ? Aap Huzur E - Akram sallal laho alaihe wa sallam ne Farmaaya
: '' Main ! uss waqt bhi Nabi tha , jab Aadam (Aadam Alaihe As Salam ) Mitti aur Rooh ke darmiyaan
the .''
5 ).... Aap Huzur sallal laho alaihe wa sallam ne Farmaaya : '' Main Aadam ( Alaihe As Salam ) ke
paida hone se pahele apne RAB ke Huzur me Noor tha .''
6 ) ... Ibn Sabaah Farmaate hai : '' Aap Huzur pur Noor ke Noor ho ne ki Khaasiyat yeh thi ke Aap
sallal laho alaihe wa sallam ka sayaa Zameen par nahi padtaa tha .
7 ) .... Hazrat Ali Razi Taala Anhu Farmaate hai ki : '' Jab Huzur - E Akram sallal laho alaihe wa
sallam kuchh Irshaad Farmaate toh , Aap ke Mubaarak Daanto ke beech me se Noor ki Kirne foot ti
dikhayee deti thi .''
8 ) ... Aap sallal laho alaihe wa sallam ne Irshaad Farmaaya : '' Main ! Aulaad - E - Aadam me sab se
Jiyaada Muqarram aur sab se Jiyaada Muaz zam hoo (n) .''
-
14
9 )... Hazrat Umar Razi Taala Anhu Farmaate hai Ki : RasoolAllah sallal laho alaihe wa sallam ne
Farmaaya : '' Main tum me se kisi ki bhi tarhaa nahi hoo (n) .''
( Sahih Bukhaari vol.1 page no. 246 )
10 ) .... Hazrat Ali Razi Ta - ala ho Anhaa Farmaate hai '' Maine Aap Huzur sallal laho alaihe wa sallam
jaisa kisi ko na payaa , na Aap ke pahele aur na Aap ke baad .''
11 ) ... Aap Huzur sallal laho alaihe wa sallam ne Sahaabiyo ko Raat - Din ke Roze rakhne se manaa
Farmaaya . Sahaabiyo ne Arz kiya : '' Ya RASOOLALLAH ! Aap toh Wisaal (Yani Ki Raat - Din ) ke Roze
rakhte hai .''.. Aap Huzur E Akram sallal laho alaihe wa sallam ne Farmaya : '' Main tumhaari
tarhaa ( Aam Insaan ) nahi hoo (n) , Mujhe Rizq diya jaata hai .'' .. ( Muslim 774, Bukhaari 693 ,
Nisaayee 241 )
Eik Riwaayat Me Hai Ki Jab Jannat Se Iss Zameen Par Utaare Jaane Ke Baad Hazrat
Aadam Alaihe As Salam Ne apne Dono haath uthha kar Bargaah - E KHUDA WANDI me Aap Huzur
E Aqaddas Muhammed Mustafa Ahmad E Mujtaba Sallal Laho Alaihe Wa Sallam Ke Waseele
Se duwaa ki : '' Aye Mere RAB ! Main ! Tujhe Muhammad Mustafa Sallal Laho Alaihe Wa Sallam Ke
Haq Ka Waasta Deta Hoo ( n) , Meri Khtaavo Ko Maaf Farmaa De .. ALLAH TAALA Ne
Farmaya : '' Aye Aadam ! Tu , Muhammed Sallal Laho Alaihe Wa Sallam Se Kaise Waqeef Hai , Ya Tu
Unnhe Kaise Jaanta Hai ? Maine Toh Unnhe Abhi Paidaa Bhi Nahi Farmaya .'' .. Hazrat Aadam
Alaihe As Salam Ne Arz Kiya : '' Aye Mere MAULA KAREEM ! Jab Tu Ne Mujhe Apne Dast E -
Qudrat Se Paidaa Farmaya Aur Mujh Me Apni Rooh Foonki Toh Maine Sir Uthhya Aur Arsh Ke Paayo
( Legs Taango ) Par '' LA ILAHA ILLALLAH MUHAMMED RASOOLALLAH '' Likha Dekha , Main
Samajh Gaya Ke TU Ne Jis Shakhsh Ke Naam Ko Apne Naam Ke Saath Jodh Rakha Hai , Woh
Makhlooq Me Sab Se Jiyaadah TUJHE Maheboob ( pyaara ) Hoga .. ALLAH TAALA Ne
Farmaya : '' Aye Aadam ! Tu Ne Sach Kaha Hai , Beshaq Woh Tamaam Makhlooq Se Mujhe Jiyaadah
Maheboob Hai , Ab Jab Tu Ne Muhammad Ke Waseele Se Mujh Se Sawaal Kiya Hai ,. Toh Maine
Tujhe Bakhsh Diya , Aur Agar Muhammad Na Hote Toh Main Tujhe Bhi Paidaa Na Karta .''.. (
SUBHAN ALLAH ).. Yeh Mere Aaqa Kamli Wale Ki Shaan Hai .
ZAMEEN AUR AASMAN PAR AAP SALLAL LAHO ALAIHE WA SALLAM KA NAAM
E - MUBAARAK
Saato ( 7 ) Aasman aur Saato ( 7 ) Zameen me Huzoor E - Akram Sallal Lahu Alaihe Wa Sallam ke
Naam E - Mubaarak Iss Tarhaa Hai
(1) Pahle Aasman me Mujtaba
(2) Dusre Aasman me Murtaza
(3) Teesre Aasman me Mazki
(4) Chauthe Aasman me Mujeeb ''
(5) Panchve Aasman me Muhibb "
-
15
(6) Chhate Aasman me Mazhar
(7) Sathve Aasman me Maqrab
Aur Satho Zameen me Aap Huzoor E Akaram Salla Laho Alaihe Wa Sallam ke Naam E
Mubaarak Iss taraha se Hai
(1) Pahli Zameen me Mu'azzam ''
(2) Dusri Zameen me MUBAJJAL
(3) Teesri Zameen me Muhibb ''
(4) Chauthi Zameen me Musharraf ''
(5) Panchvi Zameen me Mazhar ''
(6) Chhattvi Zameen me Aminullah ''
(7) Satvi Zameen me Nurullah ''
{Marij-un Nubuwwah,Safa No-29)
Saari Qaayenaat Me Aap Huzur Mohammed Mustafa Sallal Laho Alaihe Wa Sallam Ko Alag Alag
Naam Aur Sifat Se Yaad Kiya Jata Hai .
(1) Ahle Jannat ke Nazdeek Aap ka Naam Abdul Kareem '' hai.
(2) Ahle Naar ( Jehannamiyo ) ke Nazdeek Aap ka Naam Abdul Jabbar '' hai .
(3) Malayeka Hamilan E - Arsh ( Woh Farishte Jinhone Arsh Uthhaya Huwaa Hai ) ke Nazdeek Aap
ka Naam Mustafa '' hai.
(4) Malayeka Karobeen ke Nazdeek Aap ka Naam Mukhtaar '' hai.
(5) Malayeka Ruhanin ke Nazdeek Aap ka Naam Mukarram '' hai.
(6) Saaq Arsh par Aap ka Naam Habibullah hai.
(7) Kursi par Aap ka Naam Rasoolullah hai.
(8) Lauh E - Mahfooz par Aap ka Naam Safiullah hai.
(9) Jannat ka wo Darakht jiska Naam Toobaa hai jise ALLAH TAALA ne Apne Dast - E - Qudrat se
lagaya,uss ke patto par Aap ka Naam Safwaatullah hai.
(10) Lawa E - Hamd par Aap ka Naam Khairatullah hai.
(11) Ahle Arsh ke Nazdeek Aap ka Naam Abdul Hameed hai.
(12) Farishton ke Nazdeek Aap ka Naam Abdul Majeed hai.
(13) Ambiya ke Nazdeek Aap ka Naam '' Abdul Wahaab hai.
-
16
(14) Shayateen ke Nazdeek Aap ka Naam Abdul Qahhar hai.
(15) Jinnat ke Nazdeek Aap ka Naam Abdur Raheem hai.
(16) Pahadho me Aap ka Naam Abdul Khaliq hai.
(17) Janglaat wa Khushki me Aap ka Naam Abdul Qadeer hai.
(18) Tari me Aap ka Naam Abdul Muhaimin ABDUL hai.
(19) Machhliyon ke Nazdeek Aap ka Naam Abdul Quddus ABDUL hai.
(20) Keedhe Makodho ke Nazdeek Aap ka Naam Abdul Giyaas hai.
(21) Wahshi Janwaron ke Nazdeek Aap ka Naam Abdur Razzaq hai.
(22) Darindo ke Nazdeek Aap ka Naam Abdus Salam hai.
(23) Chaupayon ke Nazdeek Aap ka Naam Abdul Momin '' hai.
(24) Parindo ki Zuban me Aap ka Naam Abdul Gafaar hai.
(25) ALLAH pak ke Nazdeek Aap ka Naam Tahaa , Yaseen hai. AUR
(26) Musalmano ke Nazdeek Aap ka Naam MUHAMMAD Sallal Laho Alaihe Wa Sallam hai .
ALLAH TAALA NE QALAM KO PAIDAA FARMAYA
Aap Huzur Sallal laho alaihe wa sallam ke Noor se ALLAH Subhanahu Taala ne saari
qaayenaat banaayee, fir sab se pahele Qalam ( pen ) ko Paida Farmaya , Riwaayato me hai ki
Zameen ki Thakhliq ( banaane ) ke 50,000 hazaar saal pahele ALLAH Subhanahu Ta -ala ne Qalam (
pen ) ko paida Farmaya . ALLAH Subhanahu T ala ne Qalam ( pen ) ko huqum diya '' Likh ( write ) ''
toh sab se pahele Qalam ( pen ) ne BISMILLAH HIR RAHEMANIR RAHIM likha , Yaani ki ALLAH ke
Naam se shuru , jo ki bahut Rahem karne wala aur bahut Meharbaan hai . ALLAH Subhanahu Taala
ne fir Huqum diya : LiKH ( write ) . Iss par Qalam ne Arz kiya '' Aye mere RAB ! Ab
kya likhoo ? '' ALLAH Subhanahu Taala ne Huqum diya '' Ab se Qayaamat tak jo bhi ho ne wala hai ,
woh sab likh de .'' Aur Qalam ne Tab se lekar Qayaamat tak jo bhi hona hai woh sab likh diya jo ki
Lohe Mahefooz me Darz hai Ya likha huwa hai
FARISHTO KO PAIDAYEESH
Fir ALLAH Subhanahu Taala ne Farishto ko Noor se paida kiya , Jinnato ko Aag se .aur
Insaan ko Mitti se paida kiya . Farishte Din - Raat ALLAH Subhanahu Ta - ala ki Ibaadat aur Hamd - o
Sanaaa karte hai . Aur ALLAH Subhanahu Ta - ala ne unnhe jis kaam par maamoor kiya hai ya jis
kaam ki jimmedari di hai , Farishte uss par Amal karte hai . aur Thakte bhi nahi . Jaise Jibrayeel Alaihe
as salam jo ki ALLAH Taala ka paigaam ya Wahee ,. ALLAH Taala ke Paigambaaro , Rasoolo aur
Nabiyo tak pahoochate hai , Maut ka Farishta Izrayeel Alaihe as salam logo ki Rooh Qabz karte hai .
Rahemat ke Farishte , Rizq ke Farishte . Munqeer Naqeer Jo Qabar Me Sawaal Karte Hai , Jehannum
-
17
ka Daroga ( Farishta ) jo gunaahgaro ko azaab dete hai . Israfil Alaihe as salam jo ki Qayaamat ka sur
foonkege .. Aur bhi Bahut se Farishte hai jin he ALLAH Subhanahu Taala ne jo bhi kaam unn ke
supurd kiya hai woh use Ba - khoobi Anjaam dete hai .
JINNATO KI PAIDAYEESH
Jinnato Ko ALLAH TAALA Ne Jumerat Ke Din Paida Kiya . ALLAH TAALA Ne Hazrat Aadam
Alaihe As Salam ki Paiadaish se Saathh Hazaar (60, 000) Saal pahle Jinnat ko Zameen par basaaya tha.
'' Jinnaat Iss Zameen par Taqreeban Saat Hazaar ( 7,000) Saal Tak Aabaad rahe. Aur Eik Riwaayat Ke
Hisaab Se ( 53,000 )Saal Tak . ( ALLAH HU AALAM )
'' Jinnaat '' Teen ( 3 ) Tarhaa Ke Hote Hai
(1) Woh jinke Parr Ya Pankh hote hain,aur woh Hawaa me Udhhte Hai
(2) Woh jo Saanpo ( Snake ) ki Shaql me Rahte Hai .
(3) Woh jo Insaano ki Tarah Hote Hai .
'' Jinnat Jab Iss Zameen par Aabaad huwe toh unn ka Aapas me Hasad , Bugz , Keena ,
Shuru huwa unhone ne Zameen par Fasaad Barpaa Kar Diya Khoob Khoon bahaya , aur Qatl O -
Gaarat kiya Jab Ki ALLAH TAALA Ne Unnhe Apni Ibaadat Ke Liye Paida Farmaya Tha , Lekin Jinnat
Sirkash ( Baagi ) Ho Gaye . Isiliye ALLAH TAALA Ne Azazil ( Iblees ) Jo Ki uss waqt tak bahut Maqbool
E Baargah E - ILAAHI Tha Aur Jinnato Me Hi Se Tha . Use FarIshto Ka Sardaar Banaya . Aur
Use Huqum Diya ke '' Apne saath Farishto ki Eik Jamaat ( Lashqar , Fauj ) Le ja , Aur Zameen Ke
Maidaani Ilaaqo Ko Jinnato Se Paak Kar De Ya Unhe Pahaado Aur Ghaaityo Me Dhakel De ''. Azazil
Farishto ka Lashkar Apne Saath le kar Zameen par Aaya aur Jinnato se Jung ( Jihaad ) ki aur unnhe
Maidaani Ilaaqe chhodkar Pahaado , Ghaatiyo , Waadiyo Aur Biyaabaan Junglo me bhaagne par
Majboor kar diya .
Riwaayato Me Hai Ki Azazil ( Shaitaan Iblees ) bahut Ibaadat Guzaar tha .Duniya ( Ru -
E - Zameen ) ka koi bhi kona Aisa nahi bacha jahaa uss ne sajda na kiya ho . Isi wajah se woh ALLAH
Subhanahu Ta - ala ke Muqarab ( Khaas ) bando me se tha . yahaa tak ki woh Jannat me bhi be - rok -
tok aaya jayaa karta Tha .
IBLEES KI PAIDAYEESH
ALLAH TAALA Ne Aalam E Sijjeen Yaani Ki Zameen Ke Andar Ki Woh Jagaah Jahaa Tamam Kaafiro
Ki Roohe Qaid Kar Ke Rakhi Jaati Hai . Sijjeen Arbi Lafz Hai Jis Ka Matlab Jail Ya Qaid khaana Hota
Hai . Iss Jail Khaane Me Bhedhiya ( Wolf ) Aur Saanp ( Snake ) Ki Shaqal Me ( 2 )Surat Paida
Farmaayee . Unn Dono Ke Milan Se Iblees Paida Huwaa . Iblees Ke Baap Ka Naam '' Khablees '' Tha ,
Jis Ki Shaqal Saanp Jaisi Thi . Aur Maa Ka Naam '' Nablees '' Tha . Jis Shaqal Bhedhiye ( Wolf ) Jaisi
Thi
.
-
18
Jab Iblees Jannat Me Tha Toh Uss Ka Naam '' AZAZEEL '' YA '' AL HARIS '' YA ''
FATRA '' Tha . ( ALLAH O AALAM ). Iblees ( 40 ,000 ) Saal Tak Jannat Ka Khazaanchi raha , Uss
Ne Taqreeban ( 14,000 ) Saal Tak Arsh E Aazam Ka Tawaaf Kiya . Woh ( 80,000 ) Saal
Tak Farishto Ke Saath Rahaa . Jis Me Se ( 20,000 ) Saal Tak Farishto Ko Waaz o Nasihat Ka Dars
Deta Raha Aur Unnhe Ilm Sikhata Raha . ( 30,000 ) Saal Tak Malaika Karobeen Ka Sardaar Raha . Aur
( 1,000 ) Saal Tak Malaika Roohaneen Ka Sardaar Raha. Azazeel ( Iblees ) Ko .
(1) pahle Aasman par Aabid ke Naam se Pukara jata tha
(2) Doosre Asman par Zahid pukara jaata tha
(3) Teesre Aasman par Arif
(4) Chauthe Aasman par Wali
(5) Panchve Aasman par Taqi
(6) Chhate Aasman par Khazin
(7) Saatve Aasman par Azazil ke Naam se pukara jata Tha .
TAKHLEEQ E AADAM ALAIHE AS SALAM
( Aadam Alaihe As Salam Ki Paidayeesh )
QUR'AN MAJEED Me ALLAH TAALA Irshaad Farmata Hai .
TARJUMA : Jab ALLAH Subhanahu Taala ne Farishto se Farmaya : '' Main Insaan ko Zameen ka
Khalifa ( Waris ) Banaane wala hoon .''.. Iss par Farishto ne Khadsaa ( Darr , Andesha ) Zaahir kiya
ki : Insaan bhi Zameen par Fasaad karega aur Qatal - o - Gaarat karega .Teri Ibaadat ke liye ham hi
kaafi hai ... ALLAH Subhanahu Taala Ne Farmaya : '' Main jo jaanta hoon wo Tum nahi jaante .''
Eik Riwaayat Me Hai Ki Aap Huzur E Aqdas Mohammed Sallal Laho Alaihe Wa Sallam
Ne Farmaya : '' ALLAH TAALA Ne Hazrat Aadam Alaihe As Salam Ko Moost - Khaaq ( Mili Juli Mitti
) Se Paida Farmaya Jo Ki Puri Zameen Se Li Gayee Thi Isiliye Hazrat Aadam Alaihe As Salam Ki Aulaade
Zameen Ki Muwafiq Paida Huyee Hai Koi Inn Me Safed ( White ) Hai Toh Koi Surkh ( Red ) Koi Siyaah
( Kaala ,Black ) Toh Koi Salauna . Koi Jiyadah Sakhat Mizaaz Hai Toh Koi Bahut Narm Mizaaz Hai Aur
Koi Na Jiyadah Shakht Hai Aur Koi Na Jiyadah Narm Hai .Yaani Ki Alag alag Mizaaz Ke Hai . ''
Eik Riwaayat Me Hai Ki ALLAH TAALA Ne Hazrat Jibraayeel Alaihe As Salam Ko Zameen
Par Bheja Ki Zameen Se Mitti Le Aaye. Aap Zameen Par Aaye Toh Zameen Rone Lagi Aur Kaha '' Main
-
19
Tujh Se ALLAH TAALA Ki Panaah Maangti Hoon Ke Tu Mujh Se Kuchh ( Mitti ) Kam Kare Ya Mitti Le
Aur Mujh Me Aib Lagaaye . Jibrayeel Ameen Ko Zameen Ke Rone Par Taras Aa Gaya Aur Aap Waapas
Chale Gaye Aur Mitti Na li Aur Baargaahe Ilaahi Me Arz Kiya : '' Maula Karim ! Zameen Ne Teri
Panaah Ka Sawaal Kiya Tha Toh Maine Ise Chhodh Diya Aur Mitti Na Li .''
ALLAH TAALA Ne Hazrat Mikaayeel Alaihe As Salam Ko Bheja , Zameen Unnhe Bhi
Dekh Kar Rone Lagi Aur ALLAH Ki Panaah Talab Ki . Aap Bhi Waapas Laut Gaye Aur Hazrat Jibrayeel
Alaihe As Salam Ki Tarhaa Baargaahe KHUDA WANDI Me Arz Kiya : '' Aye Mere RAB ! Zameen Ne Teri
Panaah Maangi Toh Maine Use Chhodh Diya Aur Mitti Na Li .''
Fir ALLAH TAALA Ne Hazrat Izrayeel Alaihe As Salam Ko Bheja Toh Zameen Unnhe Bhi
Dekh Kar Rone Lagi Aur ALLAH Ki Panaah Talab Ki , Maut Ke Farishte Ne Kaha : '' ALLAH Ki Panaah Jo
Main Khaali Laut Jaavoo Aur ALLAH Ka Huqum Na Bajaa Laavoo .'' Unhone Zameen Ke Mukhtaleef
Hisse Se Mitti Li Aur Use Aapas Me Mila Diya . Yeh Mitti Zameen Ki Alag Alag Jagaah Se Li Gayee Thi
, Jis Me Se Kuch Surkh ( Laal ) Kuch Safed Aur Kuchh Kaali Isiliye Aadam Alaihe As Salam Ki Aulaade
Alag Alag Rango Ki Hoti Hai . Fir Izrayeel Alaihe As Salam Uss Mitti Ko Aasmaan Me Le Gaye Aur Use
Gilaa Kiya Yahaa Tak Ki Woh Mitti Ka Gaara Ban Gaya . ALLAH TAALA Ne Hazrat Aadam Ko Apne Dast
Qudrat Se Paida Farmaya Taki Iblees Inn Ke Muqaable Me Taqabbur Na Kar Sake .
HAZRAT AADAM ALAIHE AS SALAM KA NAAM AADAM HONE KI WAJAAH
HAZRAT AADAM ALAIHE AS SALAM KA NAAM AADAM HONE KI KAYEE WAZAAH HAI
(1) Hazrat Abdullah Bin Abbas (RadiAllahu anh) Farmate hai ke '' Aap ka Naam Adam Iss Wazaah se
hai ke ( Gandumi . Gehuwaa ) Rang ki Zameen se wo Mitti li Gayee thi, jis se Aap ke
Jism (Putla) ki Khameer banaya Gaya .
(2) Hazrat So labi Farmate hain ke '' Kyon Ki ( Ibrani Zaban ) me Mitti ko Aadam kahete hai, Iss
Munasibat ( Wazaah ) se Aap ka Naam Aadam Rakh diya gaya . ''
(3) Hakimul Ummat Mufti Ahmad Yaar Khan Naimi ( Rahematullah Alaihe ) Farmate hai ke
''Aadam,Ya toh ( Adeem ) "" se bana hai jis ka Matlab hai ( Zahiri Zameen ) Kyon ke Aap ka Jism
Paak Zahiri Zameen ki Mukhtalif Mittiyo se Bana tha, Isiliye aap ka Naam Aadam huwa .''
Aap ke Jism (Putla) ko Tayyar karne ke liye,Hazrat Izrayeel (Alaihissalam) ne Zameen
ki 40 Mukhtalif Jagaaho se Haath Bhar Kar Mitti li, Aur Iss me Khusoosiyat Makka aur Taif ki Zameen
ko Hasil hai. . Aur eik Riwaayat me hai ki saat ( 7 ) Alag - Alag Jagaaho se Mitti le kar Khamira Tayyar
kiya gayaa . aur uss se Aadam Alaihe as salam ka Khaaqi Putlaa banaaya gayaa . Iss Mitti par ( 40 )
dino tak , Ba Huqm E RABBANI ( Darya - E Mala Mal ) se jo Ki '' Arsh Aazam ke neeche hai, jis
ka dusra Naam (Baihrul Ahzaan) haiUss Se Barish hoti rahi, jis se wo Mitti Gaare ( Khameere ) ki
Shaql Ikhtiyar kar gayee
Eik Dusri Riwayat ke Mutabiq 70,000 Farishto ne Ba - Huqm E - Rabbul Aalameen Se (
Chashma e Raheel o - Sal Sabeel o Kausar ) ke Pani se Iss Mitti Ke Gaare ko Tayyar kiya.
Aap ki (Khaak) Paak par 40 dino Tak Barish hoti rahi, Aur Inn (40 ) Dino me se ( 39 ) Din Dukh - Dard
( Ranj - o - Gam ) ka Pani Barsa aur ( 1 ) Din ( Khushi - wa - Masarrat ) ka Pani barsa Isi liye Ham
Insaan ko Ranj o - Gam , Dukh Takleef Ziyadah hote hai, aur Khushi kam Hoti Hai . ALLAH
-
20
Subhanahu Taala ne Iss Mitti ke Khameer se Aadam ka Putlaa Tayyar kiya . Eik Riwaayat me hai ki
Aaj jahaa Khana - E - Kaaba hai , uss Jagaah se mitti li gayee .
Hazrat Abdullah bin Abbas Razi Taala Anhu Riwaayat farmaate hai ki : Maine
Sayyed E - Alam (sallallahu alaihi wasallam) se Daryaaft Kiya : '' Ya Rasoolallah ! ALLAH TA - ALA ne
Hazrat Aadam ( Safi Ullah ) ko kis tarah paida Farmaya ke unn ki Aulad Ki Shaqle Eik dusre Se
Hu - bahoo nahi milti julti ? '' .. Aap Huzur E Aqdas Mohammed Sallal Laho Alaihe Wa
Sallam ne Farmaya : '' Aye Abdullah ! ALLAH Tabarak wa Taala ne Aadam Alaihe As Salam ke chehre
Mubarak ko Makkah Shareef ki Mitti se banaya Sir Mubarak Baitul Muqaddas ki khaak se banaya
Muhh , Kaan , Naak Aur Aankho ko duniya ki ( Mukhtaleef ) khaako se banaya Qadam Mubarak (
Pairo ) ko Hindustaan ki Zameen se banaya Aur Jism Ke Dusre Hisse ( Aajaa ) Ko Jazeera Sarandeep
( Sri Lanka ) ki Mitti se banaya Kamar Mubarak ko Mashhad ki Khaak se banaya , Aye Abdullah !
Agar Adam Alaihe As Salam ki khaak paak ( Mitti ) Eik hi jagah se lee jaati toh Aap ki Aulado me se
har eik Dusre se Pahchana Na jaata, sab eik hi shaql - o - surat ke hote .''
Eik Riwaayat Me Hai Ki ALLAH TA - ALA ne Aap ki Surat ( Chehra ) ki Takhliq ( Makkah )
aur ( Taif ) ke Darmiyan Wadi E - Nomaan me (Arfat) Pahaad se Ki. Eik Riwaayat Me Hai Ki ALLAH
TA ALA Ne Apne Dast - E - Qudrat Se Uss Gaare Se Hazrat Aadam Alaihe As Salam ka Putla (Qalib)
Banaya Aur Aap ki Surat Tayyar Ki, Farishto Ne Kabhi Aisi Surat Na Dekhi Thi, Woh Bade Taajub Aur
Hairat Me Padh Gaye,Aur Uss Putle Ke Aas Paas Ghoomne Lage,Uss Putle Ki Khubsurti Dekh Kar
Hairan The.
Iblees Ko Bhi Iss Baat Ki Khabar Ho Chuki Thi,Woh Bhi Uss Putle ( Muzassame ,Qalib ) Ko
Dekhne Aaya, Aur Uas Ke Ird - Gird Ghoom Kar Bola Ke : ''Aye Farishto! Tum Iss ka Kya Taajjub Karte
Ho?... Ye Toh Eik Andar Se Khaali Jism Hai, Jis Me Jagah Jagah Surakh ( Whole ) Hai , Aur Iss Ki
Kamzori Ka Ye Aalam Hai Ke Agar Bhookha Ho Toh Gir Padhe,Aur Agar Khoob Khaale Toh Chal Fir
Na Sake, Iss Putle ( Qalib ) Khaali Se Kuchh Na Ho Sakega. '' Fir Bola . '' Lekin Haa(n) , Iss Ke
Seene Ki Baayen Taraf ( Left Me ) Eik Band Kothri Hai (DIL) Ye Khabar Nahi Ke Uss Me Kya Hai?
Shaayad Yahi Lateefa ( Ziqr ) RABBANI Ki Jagah Ho, Jis ki Wajah Se Ye Khilafat Ka Haqdar Ho.''
Aur Eik Riwaayat Me Hai Ki Jab Farishte Aadam Alaihe As Salam Ke Putle Ke Qareeb Se
Guzre Toh Use Dekh Kar Darr Gaye , Aur Sab Se Jiyaadah Iblees Khauf Zadah Tha ,Aur Woh Jab Bhi
Aadam Ke Putle Ke Qareeb Se Guzarta Toh Use Thhokare Maarta . Uss Thhokar Ki Wazaah Se Uss
Putle Se Khankne Ki Aawaaz Aati Thi Ya Khankhanahat Ki Aawaaz Paida Hoti Thi . Shaitaan Ye Bhi
Sawaal Karta Ki : Ise Kis liye Takhleeq ( Paida ) Kiya Ja Raha Hai ? Shaitaan Uss Putle ( jism ) Ke
Aage Ke Suraakho ( Chhedd ) Se Ghuss Kar Pichhe Ke Suraakh Se Nikal Jaata Aur Farishto Se Kaheta :
'' Iss Se Darr Ne Ki Koi Baat Nahi Hai , Ye Andar Se Khokhlaa Hai , Agar Main Iss Par Musallat Ho Gaya
Ya Iss Par Qaboo Paa Gaya Toh Ise Halaaq ( Qatal ) Kar Dalooga .''
Eik Riwaayat Me Hai Shaitaan Iblees Ne Yaum Awwal (Yani Pahele Hi Din Se ) Jab Use
Khabar Mili Thi Ke ALLAH TAALA Ne Mitti Se Aadam Ka Putlaa Banaya Hai Aur Unnhe Apna Khalifa
Banayega , Toh Uss Ne Usi Waqt Se Apne Dil Me Hazrat Aadam Ke Liye Bugz , Adaavat ( Dushmani )
Aur Nafrat Paal Rakhi Thi . Aur Isi Nafrat Aur Hiqaarat Ki Wazaah Se Uss Ne Aadam Ke Putle Par
Thook Diya . ALLAH TAALA Ne Hazrat Jibrayeel Alaihe As Salam Ko Huqm Diya Ki : Iblees Ki Thook
Ko Hazrat Aadam Alaihe As Salaam Ke Putle Se Khurach Kar Nikaal De ... Jab Hazrat Jibrayeel
Alaihe As Salam Ne Aadam Ke Putle Se Iblees Ke Thook Ko Khurach Kar Nikala Toh Uss Thook Ke
Saath Kuch Mitti Bhi Nikal Aayee , Aur Riwaayto Me Hai Ki Uss Mitti Se Kutta ( Dog ) Ko Banaya Gaya
-
21
. Ab Kyon Ki Kutte Ki Takhleeq ( Banaane ) Me Iblees ka Thook Mila Huwaa Hai Isiliye Kutte Ko
Napaak Kahaa Jata Hai , Aur Kutte Ki Takhleek Me Aadam Ki Mitti Bhi Mili Huyee Hai , Isiliye Dusre
Jaanwaro Ke Muqaable Me Kutte Ki Unsiyat ( Lagaav ) Insaano Se Bahut Jiyada Hai .Aur Kutte
Insaano Ke Aas Paas Rahena Jiyadah Pasand Karte Hai .
Aap Huzur E Aqdas Muhammad Mustafa Sallal Laho Alahe Wa Sallam Ki Eik
Hadees Mubaaraka Hai Jis Me Aap Ne Farmaya Ki '' Jis Ghar Me Kuttaa ( Dog ) Aur Kisi Jaandaar Ki
Tasweer Ho , Uss Ghar Me Rahemat Ke Farishte Nahi Daakhil Hote ,''..
Hazrat Aadam Alaihe As Salam ka putla (Dhancha) Tayyar hone ke( 40)Saal bad uss me
jaan dali gayi.. Eik Qaul ke Mutabiq 120 Saal hai , Hazrat Ibn-e - Abbas ( Razi Taala Anhu ) farmate
hai ke: Hazrat Adam Alaihe as salam ka Putla ( 40 ) Sal tak Chamakti Mitti ki Shaql me raha fir
(40 ) saal tak siyaah ( Kaali )Mitti ki Shaql me raha fir ( 40 ) saal tak Khanakti Mitti ki Shakl me raha
Iss tarah se ( 120 ) saal ka Waqt guzar jane ke baad ALLAH TAALA ne uss me Jaan dali.
CHHEENK AANE PAR ALHAMDULILLAH KYON KAHA JATA HAI ?
Eik Riwaayat Me Hai Ki ALLAH TAALA Ne '' Rooh '' Ko Huqm Diya Ke : '' Uss Putle Me
Aur Uss Ke Surakhon Me Daakhil Ho Ja .''. Jab Rooh Putle Ke Andar Daakhil Huyee Toh Uss Jism Me
Tang - O Tariq ( Andhera ) Paaya Aur Ghabrakar Baahar Nikal Aayee . Riwaayato Me Hai Ki Tab
NOOR E - MUSTAFA Sallal Laho Alaihe Wa Sallam Se Woh Khaqi Putla Jagmaga Diya Gaya. Yani
Woh NOOR Peshani E - Aadam Alaihe As Salam Me Amanat Ke Taur Par Rakh Diya Gaya. Fir Rooh
Aadam Alaihe As Salam Ke Jism Me Daakhil Huyee . Abhi Woh Sir ( Head ) Me Pahoonchi Hi Thi Ke
Hazrat Aadam Alaihe As Salam Ko Chheenk Aa Gayee , Aur Aap Ki Zubaan Se Nikla : ''
ALHAMDULILLAH ''
ALLAH TA ALA Ne Farmaya : '' ARHAMQULLAH '' Aur Ab Yeh Alfaaz Ki Adaayegi
Sunnat Hai . Aur Chheenk Ka Jawaab Dena Zaroori Hai . Isiliye Jab Aap Logo Me Se Kisi Ko Cheenk
Aaye Toh Woh Yeh Kahe '' ALHAMDULLILAH '' Yaani Ki Tamam Taarife ALLAH TAALA Ke Liye Hai . Aur
Jo Shakhsh Eik Ho Ya Jiyada Uss ka Jawaab De '' YARHAMAQULLAH '' Yaani Ki ALLAH TAALA Tum Par
Rahem Kare . Aur Fir Chheekne wala Yeh Kahe '' YAHDIQ ALLAH '' Yaani Ki ALLAH TAALA Tumhe
Hidaayat De .
Chhink Aane Par '' ALHAMDULILLAH '' Kyon Kahaa Jata Hai Aayeeye Zara Iss Baat Ko
Smajhte Hai . Aaj Science Ne Bhi Ye Proove ( Sabit ) Kiya Hai Ki Jab Insaan Ko Chhink Aati Hai Toh
Kuchh Lamho Ke Liye Insaan Ke Saare Jism Ki Macheenary ( Parts , Hisse ) Kaam Karna Band Kar Dete
Hai Ya Thhapp Padh Jaate Hai . Aur Aap Jaante Hi Hai Ki Insaan Ke Jism Ke Hisse Jaise Dil , Gurda ,
Fefda Aur Bhi Dusri Cheeze Agar Kaam Karna Band Kar de Toh Iss Ke Nateeze Me Insaan Ki Maut Ho
Jaati Hai . Aur Jab Chhink Aane Ke Baad Dubaara Jism Ke Sare Hisse ( Macheenary ) Kaam Karne
Lagte Hai . Yaani Ki Insaan Ko Dubaara Zindagi Milti Hai . Isiliye Banda Apne RAB Ka Shukriya Adaa
Karta Hai Ki , Uss Ki Saari Macheenary ( Jism Ke Hisse ) Pahele Jaise Hi Kaam Karne Lage Hai . Aur
ALLAH TAALA Ne Use Dubaara Zindagi Ataa Ki Hai .
-
22
FARISHTO KA AADAM ALAIHE AS SALAM KO SAJDAA KARNA AUR SHAITAAN
IBLEES KA SAJDE SE INQAAR KARNA
Riwaayato Me Hai Ki ALLAH Subhanahu Taala ne Farishto Ko Huqum Diya: '' Jab Main
! Iss Putle me apni Rooh Foonkoo ( daaloo ) toh Tum sab Sajde me gir jaana .'' Jab ALLAH Subhanahu
Taala ne Aadam ke putle me Rooh daali toh sab ne sajdaa kiya siwaaye Iblees ke . Sab se pahle Sidra
Nasheen Hazrat Jibreel -e - Amin ne Sajdah kiya fir Hazrat Mikail ne,fir Hazrat Israfeel ne,Fir Hazrat
Izryeel ne, Fir saare Farishto ne Sajdah kiya Itaat me sabqat ( Sab Se Pahele Sajdaa) kar ne ki
wajah se Roohul Amin Hazrat Jibrayeel alaihe as salam ko sabse bada darja Ataa Farmaya gaya,yani
Khidmat E - Ambiya Alaihe as salam ka . Eik Riwaayat MeYeh Bhi hai ke sabse pahle Sajdaah,
Hazrat Israfeel Alaihe As Salam ne kiya, iss sabab se unn ki Peshani Mubarak par Poora Quran likh
diya gaya.
Hazrat Aadam (Alaihissalam) ko kiya Jaane wala Sajda kitni der ka tha Iss Baare me , Kuchh Ikhtilafat
hai .
(1). Yeh Sajda Juma Ke Din Waqt - E - Zawal se (Asar) tak kiya gaya
(2). Farishte 100 baras tak Sajde me gire rahe .
(3). 500 baras tak Sajde me gire rahe.
Kul Milaa kar Iss baare Me Yehi Kahaa Ja Sakta hai Ki Sab Se Pahele Malaika (
Farishto ) ne Hazrat Adam Alaihe as salam ko Sajda kiya, jis ka Iblees ne Inkar kiya yeh Sajdah thodi
der raha,fir Farishto ne Sar utha kar dekha ke Shaitan Naa Farman,Adam Alaihe as salam ki taraf
peeth ( Back ) fere khada hai,tab unho ne dusra Sajda kiya, Ye Sajada ALLAH TA ALA Ka Shuqr
Adaa Karne Ki Taufiq Ataa Kar ne Ke Liye ALLAH Taala Ke liye Kiya Gaya . Fir jab Farishto ne dusre
Sajde se Sar uthhaya toh dekha ke Shaitan Mardood ki surat pahle jaisi Haseen - o - Jameel na rahi,
balki chehra Bandar ke jaisa,aur Jism Khinzeer (Suwar) ke Jaisa ho gaya tab Farishto ne Haibat
ILAAHI se ek aur Sajdah kiya. Ye teeno Sajde Adam (alaihissalam) hi ki taraf the,magar teeno alag
alag Qism ke, aur unn ki Muddat bhi alag alag thi. Hazrat Aadam Alaihe As Salam Juma ke Din uss
Jagah Wajood me aaye Ya Paida Kiye Gaye jahaa aaj Khana - E - Kaaba Shareef hai .
ALLAH TAALA QURAN MAJEED ME IRSHAAD FARMATA HAI ..
TARJUMA : ALLAH TA ALA Ne Farishto Se Farmaya Ki '' MAIN ! Jab Iss Putle Me Apni Rooh Foonkoo Toh Tum Sab Sajde Me Gir Jaana , Toh Sab Ne Sajda Kiya Siwaaye Iblees Ke .''.. ALLAH Subhanahu Taala ne Iblees se Farmaya : '' Jab sab ne sajdaa kiya toh Tu ne Sajda kyon nahi kiya ?............ Tujhe kis Cheez ne Roka ?'' . Iblees ne apni galti nahi mani aur Takabbur ( Ghamand ) se kahaa : '' Main Iss se Afzal ( behtar ) hoo(n) , Tu ne Mujhe Aag se paida kiya aur Ise Sadhhi ( Kharaab ) huyee Mitti se (Khanakti huyee Mitti ) se paida kiya ... ALLAH Subhanahu Taala ne Huqm diya : '' Nikal ja yahaa se , Aaj se Tu Razim (Dhutkaara ) huwaa hai , aur Tujh pe Laanat hai .'' Iblees ne kahaa : '' Aye Mere RAB , jis ki wazaah se Tu ne Mujhe Dhutkaara , Mujhe Gumraah kiya aur Laanat ki ,toh Mujhe Qayaamat tak Mohlat de ke main Ise aur iss ki Aulaado ko Gumraah karoo aur innhe Teri Raah se roku , aur Main chahe Aage se Piche se Upar se Niche se Jahaa se bhi Aawoo koi Mujhe dekh na sake. ALLAH Subhanahu Taala ne Farmaya : '' Mujhe apne Jalal ki kasam , ja Tujhe Mohlat di , Lekin main Tujhe aur jo bhi Teri paivi karega ya Tere
-
23
Naqs - e - qadam par ya Tere batlaaye huve Raaste par chalega unn sab ko Jehannum me bhar dooga . Aur Insaano ki Rahenumaayee ke liye Main apne Nabiyo aur Rasoolo ko bhejooga . Jo bhi Muttaqi aur Parhezgaar hoga aur nek amal karega Main use Jannat ke Baago ( garden ) me Dakheel Karooga .
AZAZEEL KA NAAM IBLEES PADNE KI WAJAAH
Azazeel Ka Naam Isiliye Iblees Pada Kyon Ki Uss Ne Khullam Khulla ALLAH TAALA Ke Huqum Ki Nafarmani Ki Aur Hazrat Aadam Alaihe As Salam Se Bugz Rakha . Jis Ki Wazaah Se ALLAH TAALA Ki Har Nemato Se Mayoos Kar Diya Gaya . Woh Eik Aisa Banda Tha Jisne Apni Neki Aur Badee ( Achchayee Aur Buraayee ) Aapas Me Kallat Mallat ( Aapas Me Milaa Diya ) Kar Diya . Isiliye Woh Iblees Ke Naam Se Mashhoor Huwaa . Iblees Par Sabse Pahle Laanat,Hazrat Jibreel Alaihe As Salam Ne Ki Fir Hazrat Mikayeel Alaihe As Salam ne Fir Hazarat Israfeel Alaihe As Salam Ne Fir Hazrat Izrail Alaihe As Salam Ne Ki Thi .
EIK RIWAAYAT ME HAI KE '' INQAAR - E - SAJDA E - AADAM ALAIHISSALAM KE BAAD
IBLEES KA JISM KHINZEER YANI (PIG) KI SHAKL ME AUR CHEHRA BANDAR KI TARAH HO GAYA.. ''
SOORAT, IZZAT , NEMAT SAB KUCHH CHHEEN LIYA GAYA.... AUR NICHE LIKHI GAYEE SAZAAVO KA
MUSTAHIQ HUWA.....
(1). TAMAM RU E - ZAMEEN AUR AASMAN AWWAL ( PAHELE AASMAAN ) KI BADSHAHAT KE
ALAWA JANNAT KE AFSAR - E - KHAZANA KE OHDE SE MAHROOM KAR DIYA GAYA - BALKI
HAMESHAA HAMESHA TAK JANNAT KA DAKHILA BAND KARDIYA GAYA.
(2). HAQ TAALA KE QURB SE MAHROOM HUWA.
(3). AZAZEEL NAAM TABDEEL KAR KE IBLEES NAAM TAJWEEZ KIYA GAYA.
(4). BAD BAKHT LOGON AUR KUFFAR KA PESHWA BANA DIYA GAYA.
(5). HAMESHA - HAMESHA KE LIYE MALWOON WA MARDOOD BANA DIYA GAYA.
(6) MAAREFAT ILAAHI KI DAULAT SE HAMESHA KE LIYE MAHROOM HO GAYA.
(7) TAUBA KA DARWAZA USS KE LIYE BAND KAR DIYA GAYA.
(8) NEKI SE HAMESHA KE LIYE MAHROOM KAR DIYA GAYA.
(9).. TAMAM DOZAKHYON KA KHATEEB MUQARRAR HUWA.
ISS SE SABIT HUWA KE GUSTAKHANE RASOOL SALLAL LAHO ALAIHI WA SALLAM WA
SAHABA - E - IZZAM AUR AULIYA - E - IKRAM RADI ALLAHU ANHUM KA BE ADAB IS DUNIYA ME HAJI
HO MUFTI HO QAZI HO NAMAZI HO MUJAHID,ZAHID,MUTTAQI,,PARHEZ GAR AUR QAUM KA SABSE
BADA SE UNCHA AUR AWAM KA MAHBOOB WA MUQTADA AUR SAB KUCHH HO? LEKIN QAYAAMAT
ME JAHANNUM KE KUTTO YANI (DOG) JAISA HOGA.
JAISA KE HUZOOR SALLALLAHU ALAIHI WASALLAM NE FARMAYA : '' (AL KHAWARIJ
KALAABUN NAAR) BAD MAZHAB JAHANNAM KE KUTTE HAIN. ''.. YEH KOI MUBALGA NAHI
HAQEEQAT HAI - THANDE DIL SE KOI GAUR FARMAYE TOH SAMAJH ME AA JAYEGA ( INSHA
ALLAH )
-
24
Jab Aadam Alaihe As Salam Ki Rooh Jism Me Unke Kamar Tak Pahoonchi Toh Aap
Hazrat Aadam Alaihe As Salam Ne Uthne Ki Koshish Ki Aur Gir Padhe .Kyonki Kamar Ke Neeche Ke
Hisse Me Rooh Pahoonchi Hi Nahi Thi . Isiliye ALLAH TA ALA Ne Farmaya Ki '' Insaan Bahut Jaldbaaz
Hai .''
Hazrat Aadam Alaihe As Salam Ko ALLAH TAALA Ne Huqm Diya : '' Aye Aadam ! Farishto
Ke Paas Ja Kar Unhe Salam Karo , Aur Suno Woh Kya Jawaab Dete Hai ?'' Hazrat Aadam Alaihe As
Salam Farishto Ke Paas Tashreef Le Gaye Aur Farmaya '' AS SALAMU ALAIKUM '' . Farishto Ne Jawaab
Diya : '' WA ALAIKUM AS SALAM WA RAHEMATULLAHE WA BARQATOHU '' ALLAH
TAALA Ne Irshaad Farmaya : '' Yeh Hi Alfaaz , Tumhaare Aur Tumhaari Aulaad Ke Liye Muqarrar Kar
Diye Gaye Hai . Hazrat Aadam Alaihe As Salam Ne Arz Kiya : '' Aye Mere RAB ! Meri Aulaade Kaun Hai
? '' . ALLAH TAALA Ne Farmaya : '' Aye Aadam ! Mere Eik Haath Ka Intekhaab Kar .''
Hazrat Aadam Alaihe As Salam Ne Arz Ki : '' Aye Mere RAB ! Tera Daayaa ( Sidha , Right ) Haath , Aur
Hamaare RAB Ke Toh Dono Haath Hi Daaye ( Sidhe , Right ) Hai .'' Tab ALLAH TAALA Ne Aap Ki
Pustt ( Peeth ) Par Dast E Qudrat Fer Kar Uss Se Sari Insaani Roohe Nikaali , Aur Hazrat
Aadam Alaihe As Salam Ko Sab Dikhayee . In Insaani Rooho Me Kaafir , Momin , Munaafiq , Mushriq ,
Aulia , Qutub , Ambiya Ki Roohe Dikhayee Gayee . Jo Qayaamat Tak Paida Hogi . Inn Me Se Eik
Shakhsh Ke Noor Ne Hazrat Aadam Alaihe As Ko Hairaan Kar Diya , Aap Ne Arz Kiya : '' Aye Mere RAB
! Ye Kaun Hai ?..... RAB Ne Farmaya : '' Yeh Tera Beta Dawood Hai .''. Aap Ne Arz Ki : '' Aye
Mere RAB ! Ise Kitni Umar Di Gayee Hai ? ''.. RAB Ne Farmaya : '' Iss Ki Umar ( 60 ) Saal Hogi .''
Aap Ne Arz Ki : '' Aye Mere RAB ! Ise Meri Umar Me Se ( 40 ) Saal Ataa Farmaa De Ki Iss
Ki Umar Puri ( 100 ) Baras Ho Jaaye .'' ALLAH TA ALA Ne Hazrat Aadam Alaihe As Salam Ki Umar
Se ( 40 ) Hazrat Dawood Alaihe As Salam Ko Ataa Farma Di Aur Eik Tahereer Likh Kar Iss Par gawaah
Muqarrar Kar Liye
BHOOLNE KI BIMAARI INSAANO KO WASIYAT ME MILI HAI..
Jab Hazrat Aadam Alaihe As Salam Ki Rooh Qabz Karne Ka Waqt Aaya Toh Hazrat Aadam
Alaihe As Salam Ne Farmaya '' Meri Umar Me Toh Abhi ( 40 ) Saal Baqi Hai ,'' Aap Ko Bataaya Gaya Ki
Aap Ne Apni Umar Ke ( 40 ) Saal Toh Hazrat Dawood Alaihe As Salam Ko Hibaa Kar Diye The Ya De
Diye The . Iss Par Hazrat Aadam Alaihe As Salam Ne Inqaar Kar Diya . Aap Huzur E Aqdas
Mohamed Mustafa Sallal Laho Alaihe Wa Sallam Farmaate Hai Ki : '' ALLAH TAALA Ne Unhe
Tahereer Dikhayee Aur Farishto Ne Bhi Gawaahi Di . Lekin ALLAH TAALA Ne Apne Karam Se Hazrat
Dawood Alaihe As Salam Ki Umar Mubarak Bhi Pure ( 100 ) Saal Kar Di Aur Hazrat Aadam Alaihe As
Salam Ki Umar Me Bhi Koi Kamee Na Ki .Aur Hazrat Aadam Alaihe As Salam Ne Bhi ( 1000 ) Saal Ki
Umar Payee ''
Eik Riwaayat Me Hai Ki ALLAH TAALA Ne Hazrat Aadam Alaihe As Salam Ki Peeth Se
Unn Ki Aulaado Ko Nikala Jis Tarha Se Ki Zameen Par Beej Ugta Hai , Aur Inhe ( 2 ) Hisso Me Taqseem
Kar Diya . Eik Daaye Haath ( Right Hand ) Wale Aur Dusre Baayee Haath ( Left Hand ) Wale , Aur
Daaye Haath Wale Ke Baare Me Farmaya Ki Yeh Jannati Hai Yeh Jannati Wale Kaam Karege , Aur
Baayee Haath Waalo Ke Baare Me Farmaaya Ki Yeh Jehunnami Hai Yeh Jehunnamiyo Wale Kaam
Karege .
Aap Huzur Sarware Qaayenaat Muhammed Mustafa Sallal Laho Alaihe Wa Sallam Ne
Farmaya Ki : '' Jis Shakhsh Ko ALLAH TA ALA Ne Jannat Ke Liye Paida Kiya Hai Uss Se Jannatiyo
-
25
Walaa Kaam Lega Yahaa Tak Ki Uss Ka Khaatma Bhi Nek Aamaal Par Hoga , Aur Jis Shakhsh Ko
Jehunnam Ke Liye Paida Kiya Hai Use Bure Kaam Me Mashgool ( busy ) Rakhega , Yahaa
Tak Ki Woh Jehunnamiyo Wale Kaam Karte Huve Maregaa Aur Jehunnam Me Daakhil Hoga .''
Eik Riwaayat Me Hai Ki ALLAH TAALA Ne Hazrat Aadam Ki Peeth Se Qayaamat Tak Paidaa
Hone Wali Aulaado Ko Ikathhthha ( Jamaa ) Kiya . Inhe Shaqal Surat De Kar Inn Se Guftgoo Ki Aur Inn
Se Pukhta Ahad ( Pakka Waada ) Liya .. Wo Pakka Waada Ye Tha Ki Unn Se Poochha : '' Kya , MAIN
! Tumhara RAB Nahi Hoon ? ''.. Tamaam Ibne Aadam ( Aadam Ki Aulaado ) Ne Jawaab Diya : ''
Kyon Nahi , Beshaq Tu Hi Hamara RAB Hai .'' ALLAH TAALA Ne Farmaya : '' Main Iss Par Saat
( 7) Aasmaan Aur Saat ( 7 ) Zameen Ko Gawaah Muqarrar Karta Hoon Aur Tumhaare Baap ( Aadam )
Bhi Gawaah Hoge , Ke Kahi Qayaamat Ke Din Tum Yeh Na Kahene Lago Ki Ham Toh Iss Ahad
O Paimaan ( Waade ) Ko Jaante Hi Nahi . Mera Ahad Ye Hai Ki Siwaaye Mere Koi Ibaadat Ke Laayeq
Nahi , Aur Mere Siwaa Tumhaara Koi RAB Nahi . Mere Saath Kisi Ko Saajhidaar ( Shareeq ) Mat
Banana , Main Tumhari Taraf Rasool Bhejooa Jo Tumhe Mera Ahado Paimaa ( Wadaa ) Yaad
Dilaayege , Aur Main Tumhari Hidaayat Ke Liye Kitaabe Naazil Karooga .. Aulaad - e- Aadam
Ne Kaha : '' Ham Gawaahi Dete Hai Ki Tu Hi Hamara RAB Aur Maaabood Hai , Tere Siwaa Koi Hamara
RAB Nahi , Aur Tere Siwaa Koi Hamara Maaabood Nahi . '' Iss Tarhaa Iss Din Tamaam Bani
Aadam Ne Iss Haqiqat Ka Iqraar Kiya Aur Itaat Par Qaayem Rahene Ka Ahad ( Waada ) Kiya .
ALLAH TAALA Ne Hazrat Aadam Alaihe As Salam Ko Buland Kiya Toh Inhone Apni Aulaado
Ko Dekha Jis Me Gani ( Daulatmand ) Bhi The Faqeer Bhi , Khoobsurat Bhi The Aur Badsurat Bhi .
Hazrat Aadam Alaihe As Salam Ne Arz Kiya : '' Aye Mere RAB ! TU Ne Meri Aulaado Ko Eik Jaisaa Kyon
Nahi Banaya ?''. ALLAH TAALA Ne Farmaya : '' Yeh Iss Liye Ki MAIN Shuqr ( Shuqar Karne
Wale ) Ko Pasand Karta Hoon .'' Hazrat Aadam Alaihe As Salam Ne Apni Aulaado Me Ambiya Alaihe
As Salam Ko Bhi Dekha , Jin Ki Nooraniyat Chiraago(n) Ki Tarhaa Chamak Rahi Thi .
Jab Shaitaan mardood aur laanati ho gayaa toh uss ke Jannat me dakheele par paabandi
laga Di gayee . Ab woh Jannat me dakheel nahi ho sakta tha . ALLAH Subhanahu Taala ne Aadam
Aalaihe as salam ko Ilm aur hiqmat ki baate sikhayee garaz ye ki Aaj duniya me jitni bhi zubaane ,
Bhashaye , boli jaati hai woh sab aur Duniya ke tamaam uloom ( Hunar , Fann ) sikhaaye aur tamaam
chizo ke naam bhi sikhaaye . Fir ALLAH Subhanahu taala ne Tamaam Farishto ke saamne Hazrat
Aadam Alaihe as salam ko Huqum diya : '' Aye Aadam ! bayaan kar jo bhi baate aur Ilm ,Maine Tujhe
sikhaayee hai , agar Tu sachcha hai .'' Hazrat Aadam Alaihe as salam ne woh saari baate aur
woh sara Ilm jo ALLAH Subhanahu Taala ne Aap Ko sikhayee thi sab Farishto ke saamne bayaan kar
di .Iss par tamaam Farishto ne eik saath kahaa : '' Paak hai Tu , Aye hamaare RAB ! Beshaq Tu jo
jaanta hai , ham wo nahi jaante ,''..
HAZRAT AADAM ALAIHE AS SALAM JANNAT ME
Hazrat Aadam Alaihe As Salam ko ( 70000 ) Jannati Libas pahnaye gaye Eik Taaj jo
Yaqoot ka tha,aap ke sar par rakha gaya kamar ko Heere Jawahar se Sajaya gaya ek Takht Aali jo
bada Haseen O - Jameel tha, uss pe aap ko bithha kar Baag e- Jannat pahunchaya gaya aap ke
saath Farishte ( 7,00,000 ) Daaye (n) ( Right ), aur ( 7,00,000 ) Baaye(n) ( Left ) , aur ( 7,00,000 )
Aage , aur ( 7,00,000 ) peechhe the jo aap ki Shaan O - Azmat aur Salam pesh
kar rahe the. Aur ALLAH Subhanahu Taala ne Hazrat Aadam ko Jannat me rahne ka huqum diya , aur
is tarhaa Aadam alaihe as salaam Jannat me rahne lage .
-
26
HAZRAT HAWAA ( RAZI TAALA ANHA ) KI PAIDAYEESH
Jannat me khaane peene aur ghumne firne ko bahut kuchh tha . Lekin tanhaa akele hone
ki wazah se Aadam Alaihe as salam udaas rahne lage . Fir ALLAH Subhanhu Taala ne Jab Hazrat
Aadam Alaihe as salam So Gaye Toh Unn Ki Baayee pasli ( chaati ki haddi ) se Bibi Hawwa ko banaya .
Aur Jab Hazrat Aadam Alaihe As Salam So Kar Jaage ( Uthhe ) Toh Aap Ne Apne Sirhaane Eik Aurat Ko
Baithha Dekha . Hazrat Aadam Alaihe Salam Ne Uss Aurat Se Poochha : '' Tu Kaun Hai
?''.. Uss Ne Jawaab Diya : '' Main Aurat Hoon ''. Aap Ne Fir Poochha : '' Tujhe Kis Liye
Paidaa Kiya Gaya Hai ? ''. Uss Ne Jawaab Diya '' Taki Meri Wazaah Se Aap Ko Raahat Aur Aaraam
Naseeb Ho .''..
Farishto Ne Hazrat Aadam Alaihe As Salam Ke Ilm Ki Gaheraayee Ka Andaaza Lagane Ke
Liye Unn Se Poochha : '' Aye Aadam ! Iss Aurat Ka Naam Kya Hai ?'' Aap Ne Jawaab Diya : ''
Iss Aurat Ka Naam Hawwaa Hai . '' Farishto Ne Fir Poochha : '' Iss Ka Naam Hawwaa Kyun Rakha
Gaya Hai ? ''.. Aap Ne Jawwab Diya : '' Isiliye , Ke Ise Zinda Jism Se Paida Kiya Gaya Hai .''
ALLAH TAALA Ne Hazrat Aadam Alaihe As Salam Ka Nikaah Hazrat Bibi Hawaa Razi
Taala Anha Se Kar Diya Aur Iss tarhaa Hazrat Aadam Alaihe As Salam Aur Hazrat Bibi Hawaa eik
dusre ka saath pa kar khushi khushi Jannat me rahne lage . ALLAH Subhanahu Taala ne Farmaaya : ''
Tum dono Jannat me jo chaahe khaavo piyo aur Jahaa Chaahe ghumo firo , lekin khabardaar uss
Mamnuwaa Sajar ( pedh , Darakht ) ke paas mat jaana aur uss ka fal ( Fruites ) mat khaana warna
tum log zaalimo me se ho jaawoge ...
MAMNUWAA SAJAR ( DARAKHT , JHAADH ) KA NAAM
Hazrat Adam (Alaihissalam) ko,Jannat me Jis Darakht (Ped) ka Phal Khane se Mana
Framaya Gaya tha? Iss mutalliq se Mukhtalif Riwayaat hai Ki Wo Mamnuwaa Sajar Kaun Sa Tha
(1).. Gehoo ka Darakht tha Ya Uss Se Milta Julta Koi Darkht Tha .
(2) Wo Injeer ka Darakht tha.
(3).. Wo Darakht Angoor Ka tha.
(4) Koi Aisa Darakht tha jiske khane se Rafaa Hajat ( Paikhana Ya Toilet ) ki Zarurat hoti hai,aur
Jannat Inn Gandagiyo se pak hai.
(5) Ya wo Khajoor ka pedh ( Darakht ) tha Lekin pahle wali baat ko yani ki Genhoo ( Gandum )
ke pedh ko Tarjeeh Hasil hai.
JANNAT ME SAANP ( SNAKE ) AUR MOR
Jannat me Saanp (Snake ) Tawoos ( Mor , pecock ) bhi rahte the . Aur woh dono Jannat se baahar bhi aaya jayaa karte the . uss waqt Saanp ke pair ( legs ) bhi the aur uss ke Muhh se
-
27
Abhraq ki bahut achchi Khushboo Aati thi . Aur Mor jitna abhi Khubsurat hai uss se bhi kahi jiyaada
Khubsurat huwa karta tha aur uss ke pair ( legs ) bhi bahut Khubsurat huwa karte the . Eik din jab
dono Jannat se baahar aaye toh Shaitaan se unn ki Mulaaqat huyee . Shaitaan ne kahaa : '' Mujhe bhi
apne saath Jannat le chalo . ''. Unn dono ne kahaa '' Hame ALLAH Subhanahu Taala ka Khauff hai ,
Ham Tumhe Apne Saath Jannat me nahi le ja sakte . Koi dekh lega .'' Iss par Shaitaan ne unnhe
apni Dosti ka waasta diya . Toh Saanp ne Mashwaraa diya ki : '' Tum Saanp ban jaavo aur Mor
Tumhe nigal lega aur Tumhe Jannat me ja kar ugal dega . Iss Tarhaa koi Tumhe dekh na paayega .''
Shaitaan fauran Saanp ban gayaa aur Mor ne use nigal liya aur Jannat me le ja kar ugal diya . Iss
tarhaa Shaitaan Iblees Jannat me dakheel hone par Qaamyaab ho gayaa .
SHAITAAN IBLEES KA JANNAT ME DAAKHIL HONA AUR HAZRAT AADAM ALAIHE
AS SALAM AUR ( MAA ) HAWWA KO BAHEKANA
Shaitaan ne Jannat me Bibi Hawwa aur Aadam Alaihe as salam se Mulaaqat ki aur kahaa :
'' Main Tumhaara khairkhawaah hoon , Tum dono ne Jannat ke uss Sajar ka fal kyon nahi
khaaya ?............... Iss par wo dono bole ki : '' Hame ALLAH Subhanahu Taala ne uss Sajar se door
rahne ke liye kahaa hai , Isiliye Ham ne wo Fal nahi khaaya .'' Jab Aadam Alaihe as salam so gaye
toh Shaitaan ne Bibi Hawwa ko bahekaaya aur kahaa : '' ALLAH Subhanahu Taala ne tum Logo Ko
wo Fal khaane se Isiliye manaa kiya hai ki kahi wo Fal khaa kar Tum Farishta na ban jaawo aur
Hamesha Hamesha ke liye Jannat me hi na rahne lago .''. Shaitaan Iblees ke bahkaave me aa kar
Hazrat Hawwa (Razi taala anha ) ne Shajar Mamnuwa ke 7 Khoshe ( Daaliya ) todhe the,Pahle eik
Khud ne khaya, aur jab Aadam Alaihe as salam so kar ( Neend se) jaage toh unnhe bhi bahut Israar
kar ke wo Paanch ( 5 ) Fal khilaa diya . Aur Eik Fal Bacha Kar Rakh Liya . jaise hi unn dono ne wo Fal
khaaya unn ka Jannat ka Libaas utar gayaa . Aur woh dono sharam ke maare apni apni Sharamgaah
chipaane lage .
Hazrat Aadam Alaihe as salam Rone lage aur apne Badan ko chhupane ki Fikr kar ne
lage,jis Darakht (pedh) ke Paas jaate wo pedh aap se door ho Jata Aakhir Me (Injeer) ke Pedh Ke( 4
) patto se aap ne apne Jism ko chupaaya . Eik Riwaayat Me hai Ki Aap Ne Vood ( Eik Khusboodar
Pedh ) Ke Patto Se Apna Jism Chipaya Tha .
Eik Riwaayat Me Hai Ki Hamare Pyaare Aaqa Hazrat Muhammed Musatafa Sallal Laho
Alaihe Wa Sallam Ne Farmaya : '' Beshaq Tumhaare Baap ( Aadam Alaihe As Salam )
Khazoor Ke Buland Aur Baala Darakht ( Jhaadh ) Ki Tarha Lambe The Aur Aap Ka Qadd Mubaarak ( 70
) Gaz Tha , Aap Ki Sharmgaah Bhi Chhipi Huyee Thi , Aur Aap Ke Sir Ke Baal Bahut Ghane Aur Lambe
The , Jab Aap Se Jannat Me Ye Khataa ( Galti ) Ho Gayee Toh Aap Ki Sharmgaah Khul Gayee Aur Aap
Jannat Se Nikal Kar Bhaag Khadhe Huve . Lekin Eik Darakht Me Aap Ulajh Kar Rah Gaye . Peshaani (
Maathe , Sir ) Ke Baal Iss Buri Tarhaa Uljhe Ki Aap Wahi Par Ruk Gaye . Isi Waqt ALLAH TAALA Ne
Gaib Se Aawaaz Di : '' Aye Aadam ! Kya Mujh Se Bhaag Kar Ja Rahe Ho ? . Hazrat Aadam
Alaihe As Salam Ne Arz Ki : '' MAULA ! Main Apni Khataa Par Sharmindah Aur Naadim Ho Kar
Bhaag Raha Hoo (n) ,''
Aur Eik Riwaayat Me Hai Ki Jab Hazrat Aadam Alaihe As Salam Se Khataa Ho Gayee Aur
Apni Khataa Par Sharmindah Ho Kar Jannat Se Bhaagne Lage Toh Aap Ke Sir Ke Baal Eik Darakht Me
Ulajh Gaye Aur Aap Wahi Par Ruk Gaye , Tabhi Ba Huqum E RABBANI ! Hazrat Jibrayeel Alaihe
As Salam Ne Aap Ke Sir Se Taaj Utaara Jo Aap Ko Jannat Le Jaate Waqt Pahenaya Gaya Tha . Aur
-
28
Hazrat Miqayeel Alaihe As Salam Ne Aap Ki Zabeen ( Mathe ) Se Jawaaheraat Se Sajaa Huwaa Patkaa
( Patta ) Khol Liya . Jab Hazrat Aadam Alaihe As Salam Uss Darakht ( Jhaadh ) Se Ulajh Gaye Toh Ye
Socha Ki Shaayad Unn Ki Khataa Ki Sazaa Di Ja Rahi Hai . Aap Ne Sir Jhukaa Liya . Aur Parwardigaar Se
Apni Khataa Ko Maaf Kar Dene Aur Draguzar Kar Dene Ki Iltijaa Kar Ne Lage . ALLAH TAALA Ne
Farmaya : '' Kya Mujh Se Bhagna Chaahete Ho ?''. Aap Ne Arz Ki '' Aye Mere MAULA ! Apni
Khataa Par Sarmindah Hoon , Isiliye Bhaag Rahaa Hoon , Tujh Se Bhaag Kar Kahaa Jaavooga .''
HAZRAT AADAM , ( MAA ) HAWAA , SHAITAAN IBLEES , SAANP AUR MOR KO
ZAMEEN PAR FENKA JANA
Jab Hazrat Aadam Alaihe As Salam Aur Biwi Hawaa Apni Apni Sharmgaah Ko
Chupaane Lage , Usi Waqt ALLAH Subhanahu Taala ne Gaib se Aawaaz di : '' Maine Tum se nahi
kahaa tha ki us Sajar ke paas mat jaana aur uska Fal mat khaana . Tum dono ne apni jaan par Zulm
kiya . ''. Aadam Alaihe as salam ko apni galti ka ahesaas huwa . Aap Ne ALLAH Subhanahu
Taala ki Baargaah me apne gunaaho ( Apni Nafarmaani ) ki Maafi maangi . ALLAH Subhanahu Taala
ne Farmaya : '' Tum logo ne Gunaah kiya hai ,Isiliye Tumhe Zameen par eik Arsaa ( Waqt ) Guzaarna
hoga , Aur Tum me se jo Achche amal karega aur Meri Ibaadat karega Main use Jannat me dakheel
karooga .
Hazrat Ali Razi Taala Anhu Farmate hai : ''Eik Roz Risalat MaAab Aap Huzur E
Akram Sallallahu alaihi wa sallam Ki Bargaah me Chand Yahoodi Hazir Huve aur poochha : '' Ya
Rasool ALLAH ! Ham ne Tauret me likha dekha hai ke Aap ki Ummat par 30 Roze Farz kiye gaye hain ?
'' Aap Nabi E Kareem Sallal Laho Alaihe Wa Sallam ne Farmaya : '' Yeh theek hai ke Hazrat
Adam Alaihe as salam ne Jannat me jo Gandum Ka Daana khaya tha,wo Aap ke shikam ( pet ,
Stomuck ) me 30 Roz tak raha, Isi Sabab se 30 Roze Farz kiye gaye.''
Saanp ( Snake ) Aur Mor ( Peacock ) Ne Shaitaan Iblees Ki Jo Madad Ki Thi Use Jannat Me Le
Jaane Ke Liye Toh Unn Ke Iss Gunaah Ke Sabab ALLAH Subhanahu Taala ne Saanp ( snake ) ke Pair (
legs ) chhinn liye , Aur jis Muhh se uss ne Mashwaraa diya tha uss se Abhraq ki Khushboo chhinn kar
uss ke Muhh me Zaher ( Poision ) bhar diya gayaa . Aur Mor ( Pecock ) ki Khubsurati chhinn li gayee ,
Jin Pairo ( legs ) se wo chalkar Jannat me Shaitaan ko le gayaa tha use Badsurat banaa diya
gayaa . Isiliye Aaj bhi jab Mor apne Pankho ko dekhta hai toh Khush hota hai aur Jab apne Pairo ( legs
) ko dekhta hai toh Rota hai .
ALLAH Subhanahu Taala ki Nafarmaani aur eik Galti ki Sazaa , Aadam Alaihe as salam Bibi
Hawwa , Iblees . Saanp aur Mor ko ye mili ki unhe Jannat se Zameen par Fek diya gayaa . Zaraa
sochiye ki ham Musalmaan kitni Nafarmaniya aur Gunaah karte hai , toh Hamara Haal kya hoga ?
ALLAH Subhanahu Taala Ham Sab Musalmano ko apna Farmabardaar Banda banaaye aur har
Chhote Bade Gunnah se bachne ki Toufiq de ... AAMEEN
Jab un Paancho ko Jannat se Zameen Par Fenka gayaa toh Aadam Alaihe as salam Sri Lanka
( Koh e Sarandeep ) ke uss Pahaad par utare gaye, jis ko Nood kahte hain. Aaj Bhi Sri Lanka me
eik Bahut Bada Insaani Qadmo ( Foot ) ka Nishan Maujood hai . Kitaabo me likha hai ki Shaayad wo
Nishaan Aadam Alaihe as salam ke Qadmo ka hi hai . (ALLAH - HU - AALAM ) . Hazrat Hawwa ko
Bahar - e - Hind ( Hind Mahaa sagar ya Dariya e Hind ) Ke Kinaare par Utara Gaya Eik
Riwayat me hai Ki Arab Me Utara Gaya ( ALLAH HU AALAM ) Mor ( Tawoos ) Ko wasat (
-
29
Cenetral ) Hindustaan Me . Shaitaan Iblees Ko Iraq Ke Nisan me jo ke Basra se kuchh Fasle par hai, ya
jaha ab Yajooj wa Majooj ki Deewar Qaim hai . Aur Saanp ( Snake ) ko Bahistan,ya fir Asfahan Jo Ki
Iraan Me Hai Wahaa phenka gaya.
HAZRAT AADAM AUR MAA HAWAA ISS ZAMEEN PAR KITNE SAAL TAK RAHE ?
HAZRAT AADAM ALAIHE AS SALAM AUR HAZRAT HAWWA JANNAT ME KITNE SAALO ( YEARS ) TAK RAHE ISS BAARE ME KAYEE BAATE MASHHOOR HAI
(1) Aap dono ne Jannat me Duniya ke 500 Saal ke Barabar Qiyam kiya.
(2) Aap dono ne Jannat me ek Saaat rahe,Jannat ki yeh eik Saaat Duniya ke ( 130 ) Saal ke
barabar hai.
(3). Eik Riwayat ke mutabiq , Jannat me aap dono ( 100 ) Saal tak rahe .
HAZRAT AADAM ALAIHE AS SALAM JANNAT SE ISS ZAMEEN PAR APNE SAATH
KYA LAAYE ?
HAZRAT AADAM ALAIHE AS SALAM JANNAT SE APNE SAATH KUCHH MUKHTALEEF KISM
KI CHEEZE LAAYE THE JO KI ISS TARHAA HAI .
(1).. Hajar E - Aswad, jo Khana - E - Kaaba me Laga huwa hai.
(2).. Asa e - Musvi (Hazrat Musa Alaihe as salam ki Chhadhi Ya Laathi ) ,yani wo Danda Ya
Aasaa Jo Hazrat Musa Alaihe As Salam apne sath Rakhte the,aur aap uss se Tarah - Tarah ke
Moajjaze Zaahir Farmate the.
(3).. Hathoda.
(4).. Sandasi.
(5).. Eiran.
(6). Kuchh Sona Chandi.
(7).. Mukhtalif Qism ke Beej.
(8).. ( 3) - Qism ke Phal ( Fruits ), Eik wo jo poore khaye jaate hai, Dusre wo jinka Upri Hissa khaya
jata hai,aur gutli phenk di jati hai,jaise Chuwara,wagairah.. Teesre wo jinka upri hissa phenk diya
jaata hai,aur andar ka hissa khaya jata hai.
(9).. Jannati Darakhto ki Pattiya,ya Phoolo ki Pankhudiya.
(10).. Belcha.
(11).. Kudal.
-
30
(12) Kandar, ya Sanubar .
(13).. Vood,( Khushbu dar lakdi ),
(14). Angashtari ( Angoothhi ) Sulaimaani .
AAP NABI E KAREEM SALLAL LAHO ALAIHE WA SALLAM KE WASEELE SE
HAZRAT AADAM ALAIHE AS SALAM KI DUWAA KA QABOOL HONA
Iss Zameen Par Utaare Jane Ke Baad Hazrat Aadam Alaihe As Salam Aur Bibi Hawaa (
300 ) Baras tak eik dusre se judaa rahe . Eik Riwayat ke Mutabiq ( 200 ) saal,aur Eik Riwaayat ke
Mutabiq ( 100 ) saal tak Dono Eik Dusre Ki Judayee me Mubtila rahe. Aur Alag Alag
Bhatakte rahe , Rote rahe aur Apne Gunaaho ki Maafi Maangte rahe . Fir bhi unn ki Touba Qabool na
huyee . Fir eik Din Aadam Alaihe as salam ko Khayaal Aaya ki unnhone Jannat me Arsh - E Mualla
par ALLAH Subhanahu Taala ke Naam ke Saath eik Naam aur Bhi Dekha tha . Aur woh Naam tha
Hamaare Pyaare Aaqa aur ALLAH Subhanhau Taala ke Habib Hazrat MUHAMMAD MUSTAFA
AHMAD - E - MUJTABA (sallal laho alaihe wa sallam ) ka . Yaani ki '' LA ILAAHA ILLALLAH
MUHAMMED- DUR - RASOOL ALLAH .''. Aadam Aalaihe as salam ne usi Waqt apne Dono haath
uthha kar Bargaah E KHUDA WANDI me yeh duwaa ki : '' Aye Mere RAB ! Main Tujhe
MUHAMMAD Mustafa Sallal Laho Alaihe Wa Sallam Ke Haq Ka Waasta Deta Hoon , Meri Khtaavo Ko
Maaf Farmaa De ... ALLAH TAALA Ne Farmaya : '' Aye Aadam ! Tu , Muhammad Sallal Laho
Alaihe Wa Sallam Se Kaise Waqeef Hai , Ya Tu Unnhe Kaise Jaanta Hai ? MAINE Toh Unnhe Abhi
Paidaa Bhi Nahi Farmaya .'' .. Hazrat Aadam Alaihe As Salam Ne Arz Kiya: '' Aye Mere MAULA ! Jab
Tu Ne Mujhe Apne Dast Qudrat Se Paidaa Farmaya Aur Mujh Me Apni Rooh Foonki Toh Maine Sir
Uthhya Aur Arsh Ke Paayo ( Legs ) Par '' LA ILAHA ILLALLAH MOHAMMED RASOOLALLAH '' Likha
Dekha , Main Samajh Gaya Ke Tu Ne Jis Shakhsh Ke Naam Ko Apne Naam Ke Saath Jodh Diya Hai ,
Woh Makhlooq Me Sab Se Jiyaadah Tujhe Maheboob ( pyaara ) Hoga . ''. ALLAH TAALA Ne
Farmaya : '' Aye Aadam ! Tu Ne Sach Kaha Hai , Beshaq Woh Tamaam Makhlooq Se Mujhe
Jiyaadah Maheboob Hai , Ab Jab Tu Ne Muhammad Ke Waseele Se Mujh Se Sawaal Kiya Hai , Toh
Maine Tujhe Bakhsh Diya , Aur Agar Muhammad Na Hote Toh Main Tujhe Bhi Paidaa Na Karta .''
Note : Yeh Hadees Imaam Haaqim Ne Aur Imaam Baheqi Ne Sanad Ke Saath Aur Ibn e Asaakar
Ne Abdur Raheman bin Zaid Bin Aslam Ke Hawaale Se Riwaayat Kiya Hai , Aur Inhone Apne Baap Se
Aur Unhone Apne Dada Se Aur Unhone Hazrat Umar Farooq Bin Khattab Razi Taala anhu Se
Riwaayat kiya hai ki Aap Huzur E Aqdas Muhammed Mustafa Sallal Laho Alaihe Wa Sallam Ne Yeh
Hadees Farmayee.
HAZRAT AADAM AUR MAA HAWAA KA MILAN
Hazrat Aadam Alaihe As Salam Ne Hamaare Pyaare Aaqa Hazrat Muhammad Mustafa Sallal Laho Alaihe Wa Sallam Ke Waseele Se Duwaa Farmayee Toh Usi Waqt Rahmat - E
ILAAHI Josh me Aayee . Aur ALLAH Subhanahu Taala ne Aadam Alaihe as salam ki Duwaa Qabool ki .
ALLAH TAALA ne Hazrat Aadam Alaihe As Salaam Ki Tauba Qubool hone ke baad Aap dono ko '' Zil
Hajj '' ko milaya.. Hazrat Aadam Alaihe as salam ne Hazrat Hawwa ko Pahchana, Isiliye Iss Din Ko ''
Aarfaa '' ( Pahechaane jaana ) Ka Naam Diya Gaya . Aur Jis Jagaah Mulaaqat Huyee Thi Woh Jagaah ''
-
31
Aaraafat '' Ya Maidaan E - Aaraafat Ke Naam Se Mashhoor Hai . Aur Maidaan E Aaraafat Ki Jis
Pahaadi par Unn ka Milan huwa . Uss Pahaadi ko Jabal - E - Rahemat kahete hai . Kyonki uss par
Aadam Alaihe as salam aur Bibi Hawwa ka Milan huwa aur ALLAH Subhanahu Taala ki Rahemate
Naazil huyee thi . Woh Dono eik Dusre ko Paa kar Bahut Khush huve aur ALLAH Subhanahu Taala ka
Shukar Adaa kiya . Aur Ab woh Dono Saath me Rahne lage .
HAZRAT AADAM ALAIHE AS SALAM KA QAD MUBAARAK
Riwaayato Me Hai Ki Hazrat Aadam Alaihe as salam jab Duniya me Aaye toh Aap Bahut Buland Qamat aur Taweel Jism ke the, Yani Ki Aap Ke Jism Ki Lambayee ( Hight , Unchayee ) Aur
Chaudhayee ( Width ) Bahut Jiyada Thi . Aap Ke Jism Ka Har Hissa jaise ki Sir ( Head ) , Chhaati
( Chest ) , Gardan , Pet ( Stomach ) , Haath Aur Pair ( Legs ) Sab Ki Lambaayee Chaudhayee ( 60 ) (
60 ) Haath Ya Gaz thi Jis se aap ke Qadam Mubarak ( Pair ,Legs ) Zameen par Rahte ,aur Sar Aqda (
Head ) Aasman ko chhuta tha Aur Aap Farishto Ke Darmiyaan Ho Ne Wali Baato Ko Bhi Suna Karte
The . Fir ALLAH TAALA ne Aap ki Lambaayee Aur Chaudhayee ko Kam Kar ke Bahut Chotaa Kar diya
yaha tak ke Aap Ki Unchayee ( Hight ) ( 60 ) Haath Ya Gaz rah gayee,aur Aap ke jism Mubarak ki
chaudhayee 7 Haath Ho Gayee . Aap Duniya me ( 40) Dino tak Bhooke Pyaase rahe Eik Riwayat me
hai ke aap ( 40 ) Saal tak Bhooke piyase rahe. ( ALLAH HU AALAM ) Aap Koh - E - Sarandeep
( Sri Lanka ) Hindustaan se ( 40 ) baar Khana E - Kaaba ki Ziyarat ko gaye Farishte Har
jagaah Qadam Qadam par Aap ka Intizar karte the. Aap jab Khana E - Kaaba ki Ziyarat ko chalte toh
har Qadam ka Faasla ( 3 ) Roz ( Din ) Ke Masafat ( Doori ) ke Barabar hota tha . Aap ( 300 ) Saal tak
is Qadar Rote rahe ke,Hazrat Jibreel Amin (Alaihissalam) ko bhi aap ke Rone par Rona aata, aur
unnhone Baargaah E KHUDA WANDI me aap ki Sifarish wa Shafaat ki aur yeh bhi Aksar
Ahadees se sabit hai ke agar tamam Ru E - Zamaeen ke rone wale Jama kiye jayen toh bhi Aadam
Alaihe as salam jis qadar roye hai uss ki barabari nahi kar sakte . Tafseer Alam Nashraah
me hai ke aap apni Khataa par (200 ) Saal tak Rote rahe Eik Riwayat ke Mutabiq Aap ( 180 ) Saal
tak rote rahe, ( 70) saal Gandum ( Genhoo ) Khaane par, ( 70 ) saal apni khataa par, aur ( 40)
saal Apni Aulaad Habeel Ke Qatal Kiye Jaane par Aur Eik Riwayat me ( 370 ) saal hai. ( ALLAH
HU AALAM ).
Hazrat Aadam Alaihe as salam ko ( 7,00,000 ) Zubaano ( Boli , Bhasha , Launguage ) ka ILM
tha, aur ( 1000 ) Pesho ( Kaamo , Hunar) me Maharat Rakhte the, magar aap ne Zaraat wa Kasht (
Kheti Kar ne ) ka pesha Apnaya .Yaani ki Kheti baadhi karte rahe .
ZAMEEN PAR HAZRAT AADAM KI PAHELI KHURAAQ ( KHANA )
Hazrat Abu Hurairaah Razi Allaho Anha Riwaayat Karte Hai Ki : Hazrat Aadam Alaihe
As Salam Ki Zameen Par Paheli Khuraaq Gandoom ( Genhoo , Wheat ) Thi , Hazrat Jibrayeel Alaihe As
Salam Gandoom Ke ( 7 ) Daane ( Beej ) Le Aaye , Hazrat Aadam Alaihe As Salam Ne Poocha : '' Yeh
Kya Hai ? '' Hazrat Jibrayeel Alaihe As Salam Ne Bataaya : '' Yeh Usi Sazar( Darakht ) Ka
Fal Hai Jis Se Aap Ko Roka Gaya Tha .''. Aap Ne Poochha : '' Main ! Iss Ka Kya Karoo ?''. Hazrat
-
32
Jibrayeel Alaihe As Salam Ne Bataaya : '' Ise Zameen Me Qaast Kar Do .( Yaani Zameen Me Bo Do )''
Hazrat Aadam Alaihe As Salam Ne Wo Daane Zameen Me Qaast Kar Diye , Gandoom Ke Har Daane
Se Bhi Jiyaadah Paudhe Ugg Aaye , Jab Fasal Pak Kar Tayar Huyee Toh Aap Ne Use Kaata Aur Saaf
Kiya Aur Dubaara Zameen Me Qaast Kar Diya , Fir Aap ne Gandoom Ko Pisaa Aur Goondha (
Goontha ) Aur Badi Mehnat Aur Masaqqat Se Roti Banaayee Aur Fir Khaayee .
Isiliye ALLAH TAALA Ne Qur'an Majeed Me Irshaad Farmaya : '' Toh , Aisa Na Ho Ke
Woh Nikaal De Tumhe Jannat Se Aur Tum Masaqqat Me Padh Jaavo ...
ZAMEEN PAR HAZRAT AADAM ALAIHE AS SALAM KA LIBAAS ( POSHAKH
)
Aap ne Duniya me sabse pahle jo Libaas ( Kapda ) zebtan farmayee ( Pahena ) wo
(Bhedh) ke Baalo ( Woon ) ka tha ,jise aap ne khud tayyar kiya tha,apne liye ek Jubba, aur Hazrat
Hawwa ke liye Jis Se Ki Puraa Jism Chupp Sake eik Qameez ( kurta ) aur Sir Dhaakne Ke Liye eik Odhni
( dupatta , Chaadar ) Tayyar Kiya .
Hazrat Aadam Alaihe As Salam , Jannat se ,Duniya me jab Tashreef laaye toh aap ke
Jism ka rang (Siyah) Kaala tha.. Aap ki Tauba Qubool hone ke baad, ALLAH TAALA ka yeh Hukm huwa
ke (Chaand) ki 13vi,14vi,aur 15vi, ka Roza rakho,chunanche! Aap ne yeh Roze rakhe aur har din aap
ke Jism ka rang chmakta raha,aur apni Asal Rang par aata raha,aur 15ve Tareekh ko tamam Badan
apne Asal ( Pahele Jaise ) Rang par aa gaya. Aap ki Zaban ( Boli , Bhasha ) Jannat me
(Arbi) thi, jab Duniya me Tashreef laye toh Arbi Zuban Aap se Chheen Li gayee, ya Bhula di gayee
Tauba Qabool hone se pahle aap (Siryani) Zaban me Guftugu Farmaya karte the,aur Tauba Qabool
hone ke bad fir Arbi Zaban,Jannat Nishaan ataa Kar Di Gayee .
AULAADO KI PAIDAYEESH KA SILSILAA SHURU HUWAA