42

Is salinas de una borta

Po unu piciocheddu chi in is annus ’70 biviat in cussu chi in pagu tempus at pigau su nòmini de Quartiere del Sole is salinas funti sempri stétias unu parcu de giogus.Is fortinus de sa segunda gherra mundiali e is impiantus dismìtius fiant is logus idealis po scadenai la fantasia de totus.Fantasia chi a bortas s’agatàda in is boxis chi narànta chi is salineris tenessint fosilis carrigaus a sali, ma nemancu chini ddu naràda ci creiat meda. Su traballu de is salineris est sempri stétiu unu traballu grai. Fintzas a su 1800 est stétiu fatu de is cumandaus, personas de is biddas acanta a Casteddu chi fiant obbligadas a traballai in sa salina.

42

43

Marco Corda Contu fotogràficu

Dopo su 1800 custus traballadoris funti stétius sostituius de is fortzaus, presoneris de sa colónia penali de Santu Bartumeu, fintzas a su 1929.In su séculu passau s’indùstria at permìtiu conditzionis de traballu prus bonas e is machinàrius anti afiancau s’òpera de s’ómini.In su 1985 sa produtzioni de su sali est acabbada poita is salinas funti stétias serradas.Oi totu su tretu de Molentargius fait parti de su Parcu, gestiu de sa Regioni Sardìnia.

Passillendi aintru de su parcu si podint biri is machinàrius chi si funti sucédius in su tempus. Calincunu est in conditzionis bonas, de atrus abarrant sceti is arrastus.Podit capitai de biri unu barconi afundau in su canali de Mammarranca o si podit sighiri sa ferrovia chi serbiat po trasportai su sali.Si podit castiai su sistema de canaleddus arregulaus de cresuris in linna, fintzas a arribbai a is impiantus po allogai su sali cun su nastru trasportadori aundi si formàda su muntoni de sali chi si podiat biri, fintzas a is annus 70, passendi in su Poetu.Una bella passillada, sentza de si spostai de sa citadi, tra beciu e nou, tra natura e archeologia industriali.

43