rineqarput. Inatsisartunut ilaasortat Hans Egedep Illuani ilasseqatigilluni nereqatiginnermi folketingimut ilaasor-tanik naapeqateqarnissaminnut periarfissinneqarput.

Inatsisartut siulittaasuisa Savalimmiuni juunimi ataatsimiinneratSavalimmiuni, Islandimi nunatsinnilu inatsisartut siulit-taasui ukiumut ataasiarlutik naapeqatigiittarput, ukiorlu manna tamanna Savalimmiuni ulloq 28. juni pivoq. Nunat paarlaakaallutik ataatsimiiffiusarput, tullianillu 2012-imi Islandimimi ataatsimiittoqassalluni. Nunani pineqartuni inatsisartuni sulineq pillugu ilisimateqatigiittoqartar-poq, taamatullu aamma inatsisartoqarnermi pissutsit eqqarsaatigalugit misilittakkanik inatsisartullu sulineri pitsaanerulersinniarlugit suliutaasinnaasunik nutaanik ilisimateqatigiittoqartarluni.

Nunat Avannarliit Killiit Siunnersuisoqati-gifffiata (NAKS) Savalimmini ataatsimeer-suartitsineraNAKS piffissami 7. – 9. juni Savalimmiuni aalajangersi-masumik qulequtaqartitsilluni ataatsimeersuartitsivoq Siunissami Nunani avannarlerni killerni utoqqarnut inis-siat qulequtaralugu. Nunatsinniit titartaasarfiup Qarsoq pisortaa Johan Rosbach peqataavoq Kalaallit Nunaanni si-unissami utoqqarnut inissialioriaasissatut siunnersuuter-tik unammisitsinermi ajugaassutaasoq saqqummiullugu, soorlu aamma Utoqqaat Nipaat ataatsimeersuarnermi siulittaasortik Magnus Therkelsen peqataatikkaat. Kingulleq siunissami inigisassanut utoqqaat sunik naat-sorsuuteqarnerannik saqqummiussaqarpoq. Utoqqaat Nipaata siulittaasuata oqariartuutaa erseqqippoq, tassalu siunissami utoqqarnut inissialiortitertarnissat pillugit naalakkersuinikkut aalajangiiniartarnerni peqa-taatinneqarnerunissaat pisariaqartoq, soorlu aamma meeqqat pisinnaatitaaffii pillugit inatsimmut assingusu-mik utoqqaat pisinnaatitaaffii pillugit aamma nunatsinni inatsiseqalertariaqartoq.

Tamatuma saniatigut Nunat Avannarliit Siunnersuisoqa-tigiiffiat NORA NAKS-ilu suleqatigalugit Atlantikup avannaani imaatigut ajutoortoqariataarsinnaaneranut upalungaarsimaneq pillugu ataatsimeersuartitsivoq, tassani aallaavigineqarluni maajimi Nuummi Issittumi Siunnersuisoqatigiit ataatsimiinneranni tamanna pillugu suleqatigiinnissamik Issittumi Siunnersuisoqatigiit aalajangernerat. Savalimmiuni ataatsimeersuarnermit oqariartuutit takutippaat Atlantikup avannaani imaatigut ajutoortoqariataarsinnaaneranut upalungaarsimaneq suleqatigiissutigineqassappat tamatuma nukissanik naammattunik atugassaqarfiunissaa pisariaqartinneqar-tuassasoq.

2011-mi upernaakkut ataatsimiinneq2011-mi upernaakkut ataatsimiinneq 1. marts aallartip-poq 13. april naammassilluni. Upernaakkut ataatsimiin-nermi ullut 16-it ataatsimiiffiupput, taamalu 2010 upernaakkut ataatsimiinnermi ullut ataatsimiiffiusut amerlaqatigalugit.

Upernaakkut ataatsimiinneq pilersaarutaareersut iluanni naam-massineqarpoq, naak naatsorsuutiginngisamik annertuumik pisoqaraluartoq ataatsimiinnerup ingerlanneqarneranut sunniute-qartumik.

Inatsisartuni init, pineqarlutik Inatsisartut ataatsimiittarfiat, ataatsimiititaliat ataatsimiittarfii allaffeqarfillu, Namminersorlu-tik Oqartussat allaffeqarfissuanni sumiiffinni allani paasineqar-simasutut, oqummit saassunneqarsimassangatinneqaleraluarput. Tamannarpiaq pissutigalugu taamatullu aamma sulisut ininillu atuisut eqqarsaatigalugit Inatsisartut ataatsimiinnerat unitsin-neqarallarpoq, erseqqissumik paasisaqarnissap ataatsimiiffiusin-naasunillu allanik nassaartoqarnissaata tungaanut.

Inatsisartut ataatsimiittarfiata avataani ataatsimiiffiusin-naasunik allanik pilersitsoqarpoq ataatsimiititaliallu sulinerat nangeqqinneqarluni, taamaattorli Inatsisartut ataatsimiittarfiini atortorissaarutit, ilaatigut oqaluttaanermut, atunngikkaluarlugit.

Nuummi kommunalbestyrelsip ataatsimiittarfi-ani UPA11-p naammassineqarneraKommuneqarfik Sermersuup inussiarnisaarluni kommunalbe-styrelsip ataatsimiittarfia Inatsisartunut atugassanngortippaat, taamaalillunilu annertunngikkaluartunik naleqqussaalaarluni Inat-sisartut ataatsimiiffigisinnaasaannik allamik pilersitsisoqarluni, taamalu upernaakkut ataatsimiinnermi ullut ataatsimiiffiusussat kingullit marluk tassani ingerlanneqarlutik. Nutaatut ataatsimiit-tarfimmi ilaasortat sumi issiassanersut makitsinikkut aalajanger-neqarpoq, tamanit naammaginartinneqartumik.

Ataatsimiinnerup TV-kkut aallakaatinneqarneraUpernaakkut ataatsimiinneq kanali digitaliusumik aallakaatitsivi-gineqarsinnaasoq piareersimatitaq atorlugu KNR-imit toq- qaannartumik aallakaatinneqarpoq. Tamanna pivoq Inatsisartunut toqqaannartumik aningaasartuutaanngitsumik, tassanimi pineqar-mata Inatsisartut nittartagaat aqqutigalugu Inatsisartut ataatsi-miinnerannit internettikkut aallakaatinneqartareersut.

NAKS-imit kaammattuutitUPA11-mi NAKS-imut aallartitat Inatsisartunut kaammatuutitut aalajangersakkanik tallimanik saqqummiussaqarput. Siunner-suutit sisamat akuerineqarput, taakkunani pineqarlutik Nunani avannarlerni killerni radiukkut tv-kkullu aallakaatitat pillugit suleqatigiinnerunissaq, ataatsimut aalisagaqatigiit iluaqutiginiar-

neqarnerisa suleqatigiissutiginissaat, angallannikkut attaveqaatit pitsaanerulersinneqarnissaat kiisalu kisimiillutik pilersuisuusut atugaasa pitsanngorsarneqarnissaannut suleqatigiinnerunissaq. Nunat avannarliit killiit ataatsimut oqaluttuassartaanik ilisima-tusarnermut ilisimasaqarfimmik pilersitsinissamik siunnersuut UKA11-mi aappassaaneerneqassaaq, 2012-imut aningaasanut inatsisissatut siunnersuummut atatillugu siunnersuutip sukumii-nerusumik periarfissai Naalakkersuisut nalilersorniarmatigit.

Aningaasarsiaqartitsineq pillugu inatsitAningaasarsiaqartitsineq pillugu inatsist UKA10-mi siullermeer-neqarpoq Inatsisartuni sulineq eqqarsaatigalugu inatsisit allat arlallit nutarterneqarnerannut ilatigillugu.

Aningaasarsiaqartitsineq pillugu inatsit UPA11-mi naammassil-lugu suliarineqarpoq akuerineqarlunilu, ilaatigullu malitsigalugu Inatsisartut aamma Naalakkersuisut siulittaasuata, taamatullu aamma Naalakkersuisunut ilaasortat, ineqarnerminnut akiliutigi-sartagaasa ullutsinnut naleqqussarneqarnerat.

Ineqarnermut akiliutaasartut ukiorpassuarni iluarsineqartarsi-manngillat, siulittaasut eqqarsaatigalugit akeqanngitsumik naju-gaqartinneqarnerup akileraartarnikkut oqartussanit akileraartar-nikkut nalilerneqarnera tunngavigalugu akiliisoqartarsimalluni, Naalakkersuisunullu ilaasortat ataasiakkaat eqqarsaatigalugit atorfimmut atatillugu inigisamut ineqarnermut akiliutip isu-maqatigiinniutigineqartarsimannginnera pissutigalugu. Pissutsit tamakku inatsimmik nutarterinikkut iluarsiniarneqarput.

Aningaasarsiaqartitsineq pillugu inatsisikkut taamatuttaaq Inatsisartunut ilaasortat siunissami periarfissaqalerput qanigisat napparsimarulunnerinut toqunerinulluunniit atatillugu sulinngif-feqarsinnaanissaminnut, soorlu aamma naartunermi, erninermi meeravissiartaarnermilu sulinngiffeqartoqarsinnaasoq. Pisinnaa-titaaffiit taakku aamma Naalakkersuisunut ilaasortanut atuutis-sapput.

2011-mi ukiakkut ataatsimiinneqUkiakkut ataatsimiinneq ulloq 16. september 2011 aallartissaaq, ileqquusutut Annaassisitta Oqaluffiani naalagiaqatigiinnermik. Tamanna pereerpat Naalakkersuisut siulittaasuat ammaalluni oqalugiassaaq, nalinginnaasumik nunatta killiffia saqqummiullugu.

Inatsisartunut ilaasortat Naalakkersuisullu ukiakkut ataatsimiin-nermut oqaluuserisassanik ilanngukkusutaminnik tunniussivissaat ulloq 12. august nal. 12.00-imut killilerneqarsimavoq.

P A R L I A M E N T O F G R E E N L A N DI N AT S I SA RT U T

Inatsisartut SiulittaasuannitJosef Motzfeldtimit

NUTAARSIASSATUkiup affaa siulleq 2011

Upernaakkut ataatsimiinneq Nuummi kommunalbestyrelsip ataatsimiittarfiani naammassineqarpoq

AallaqqaasiutQinigaaffimmi matumani ukiut Inatsisartut suliffiisa pingajuat ulloq 16. september ukiakkut ataatsimiinnerup ammarneqar-neratigut aallartissaaq. Tamanna sioqqullugu siulittaasoqar-fik aammaarluni suliniutinik aallartitsisimavoq Inatsisartut ukiuanni nutaami malunnaateqartussanik.

Kunngissakkut kuisitsineranni tunissutUlloq 14. april kunngissakkut marlulissanik kuisitsinerannut Siulittaasoqarfik pilluaqqussuteqarpoq. Inatsisartut sinnerlu-git Siulittaasoqarfik marlulissanut puisit amiit atallaalianik ukioq manna kingusinnerusukkut tunniunneqartussanik tunis-suteqarpoq.

Ataatsimiinnermik aqutsinermik Inatsisartu-nut ilaasortat pikkorissartinneqarneratSiulittaasoqarfiup Inatsisartut nutaat 2009-mi katersuun-nerata kinguninngua aalajangerpaat Inatsisartunut ilaasortat Inatsisartuni sulinermik paasinninnerunissaat siunertaralugu pikkorissarnernut peqataasarnissaminnik periarfissinneqas-sasut. 2010-mi oqallorissarnermik pikkorissartitsisoqarpoq, UPA11-mullu atatillugu taamaalilluni aamma ataatsimiinner-mik aqutsinermik pikkorissartitsisoqarluni ulluni 4. – 5. marts ingerlanneqartumik.

Siulittaasoqarfiup pisortatigoortumik New-foundland aamma Labradorimut tikeraarneratSiulittaasoqarfik ulluni 7. majimiit 14. majimut Newfoundland aamma Labradorimi St. John’simi pisortatigoortumik tikera-arpoq. Siulittaasoqarfik inatsisartuinut pulaarpoq Newfound-landimilu inatsisartut aaqqissuussaanerat pillugu sukumii-sumik ilisimatinneqarlutik, taamatullu aamma Inatsisartut Siulittaasuannik Hon. Roger Fitzgeraldimik naapeqateqarlutik inatsisartuinilu akunneq apeqquteqarfiusinnaasoq malinna-avigalugu. Siulittaasoqarfiup taamatuttaaq Ministeriuneq Ms. Kathy Dunderdale ministerillu allat naapippaat, tamatumunn-ga atatillugu aamma imavinni pissutsinik ilisimatusarfimmut soqutiginartumik pulaarlutik.

Aningaasatigut soqutigisanik nammineq piumassutsimik paasissutissiisarneqSiulittaasoqarfik St. John’simiinnermini ataatsimiippoq ataatsimiititaliat arlallit kattunneqarsinnaanerat, taamatullu aamma Inatsisartunut ilaasortat ilaasortatut atuuffimmik saniatigut aningaasatigut inuussutissarsiornikkullu soquti-gisatik pillugit nammineq piumassutsimik paasissutissiisin-naalernissaannik aaqqissuussinermik nutaamik eqqussisoqar-sinnaanera ilaatigut eqqartorlugu.

Ulloq 1. juni siulittaasoqarfik aalajangerpoq Inatsisartutut ilaasortatut atuuffiup saniatigut aningaasatigut inuussutis-sarsiornikkullu soqutigisat pillugit nammineq piumassutsimik paasissutissiisarnermik aaqqissuussineq nutaaq aallartinni-arlugu. Ilaasortat pissutsit tamakku pillugit paasissutisseeru-sukkunik paasissutissat nassiunnissaannut qaammammik ataatsimik periarfissinneqarput. Paasissutissat tiguneqartut tamatuma kingorna nittartakkami www.inatsisartut.gl/katiti-gaanerat–imi takuneqarsinnaassapput.

Siulittaasoqarfiup pingaartippaa qinikkat sulinerata innutta-asunut sapinngisamik ammanerpaamik ingerlanneqarsinnaa-nissaa. Siulittaasoqasrfiup suliassaq, aalajangertakkamisut allatulli, malinnaavigeqqissaarniarpaa paasissutissalu aal-laqqaataasumik tunniunneqartut tunngavigalugit paasissutis-sat tunniunneqartussat annertusineqarsinnaanerat pisaria-qarnersoq nalilerlugu. Siullermilli pisariaqarpoq paasissallugu ilaasortat qassit nammineq piumassutsimik aaqqissuussineq manna atussallugu kissaatigineraat, siulittaasoqarfiup ilaa-sortat pinngitsaalisinnaanngimmagit aningaasatigut atukka-tik pillugit paasissutissiinissaannut.

UKA2011-miit ataatsimiititalianik kattussineqSiulittaasoqarfiup aamma ulloq 1. juni ataatsimiititaliat arlal-lit kattunnissaat akuersissutigaa. Kattussinerup 2011-mi ukiakkut ataatsimiinnermi atuutilernissaa naatsorsuutigine-qarpoq.

Ataatsimiititaliat uku kattunneqassapput:

1. SIUSINNERUSUKKUT: Inatsisit atortinneqarnerannut ataat-simiititaliaq, Eqqissisimatitsinermut ataatsimiititaliaq aamma Nunami namminermi pissutsinut ataatsimiititaliaq --> NUTAAQ: Inatsisinut ataatsimiititaliaq

2. SIUSINNERUSUKKUT: Kukkunersiuinermut ataatsimiiti-taliaq aamma Akileraartarnermut akitsuusiisarnermullu ataatsimiititaliaq --> NUTAAQ: Akileraartarnermut kukkunersiuinermullu ataatsimiititaliaq

3. SIUSINNERUSUKKUT: Inuussutissarsiornermut ataatsimii-titaliaq, Aatsitassanut ataatsimiititaliaq, Aluminiuliorfilior-niarneq pillugu ataatsimiititaliaagallartoq aamma Aalisar-nermut, piniarnermut punalerinermullu ataatsimiititaliaq --> NUTAAQ: Pisuussutinut ataatsimiititaliaq

4. SIUSINNERUSUKKUT: Ilaqutariinnermut ataatsimiititaliaq aamma Peqqissutsimut ataatsimiititaliaq --> NUTAAQ: Ilaqutariinnermut peqqissutsimullu ataatsi-miititaliaq

5. SIUSINNERUSUKKUT: Attaveqatigiinnermut ineqarner-mullu ataatsimiititaliaq aamma Avatangiisinut ataatsimii-titaliaq --> NUTAAQ: Sanaartornermut avatangiisinullu ataatsimii-titaliaq

Taamaalilluni Inatsisartuni ataatsimiititaliat 17-iugaluartut quliinnanngussapput.

Siulittaasoqarfiup taamatut aalajangernermigut kissaati-gaa ilaasortat sulinerisa nukittorsarneqarnissaat ilaasortat taamatut kattussinikkut ataatsimiititaliani assigiinngitsuni ataatsimiinnernik arlalinnik ataqatigiissaarisussaajunnaarlutik ataatsimiititaliami ataatsimi suliassaqarfimmik annerusumik aallussisinnaalissammata. Siulittaasoqarfiup naatsorsuutigaa taamatut ataatsimiititalianik kattussinikkut suliassaqarfiit pissusissamisoortumik imminnut atasut ataatsimiititaliamilu ataatsimi suliarineqartarsinnaasut suliarineqartarnerat nukit-torsarneqassasoq.

Tamatumunnga peqatigitillugu siulittaasoqarfik Inatsisartut suleriaasiannut allannguutissamik saqqummiussaqarniarpoq ataatsimiititaliani nutaani ilaasortat arfineq-marluk tikillugit amerlassuseqalersinnaalersillugit, suleriaaseq atuuttoq naaper-torlugu massakkut tallimaannaasinnaammata.

Nersornaasiinerit2011-p affaani siullermi Siulittaasoqarfik ataatsimik Nersor-naasiivoq, Nanortalimmi borgmesteriusimasoq Nikolaj Ludvig-sen nersornaaserneqarmat. Nersornaasiineq Nanortalimmik pivoq Inatsisartut Siulittaasuata malunnartitsiniarnerani.

Issittumut sammisumik suliniuteqarnermut atatillugu Tromsømi inatsisartunut ilaasortat ataatsimeersuarnerisa aappaatInatsisartut Siulittaasuat ulluni 22. – 23. februar Tromsømi ataatsimeersuarnermut peqataavoq. Ataatsimeersuarneq taamatut ataatsimeersuarnerit aappassaraat Nunat Avannarliit Siunnersuisoqatigiiffianni Finlandip siulittaasuutitaqarnerani aallartittumik nunat avannarliit suleqatigiinnerannik aallaavi-lik. Rusland suleqatigiinnermut tassunga aamma peqataavoq. Inatsisartut Siulittaasuat issittumi peqqinnissakkut suleqati-giinnissamut isumaqatigiissut, ulloq 16. februar 2011 Nuummi ataatsimeersuarnermi issittumi peqqissutsimut ministerit isumaqatigiissutigisaat, pillugu saqqummiussaqarpoq. Trom-sømi ataatsimeersuarnerup nalaani Nunat Avannarliit Killiit

Siunnersuisoqatigiiffiata siulittaasoqarfia taamatuttaaq 2011-mi siullermeerluni ataatsimiippoq juunimi aggustimilu NAKS-ip ataatsimeersuartitsinissaa ukiumoortumillu ataatsimiinnissaa piareersarniarlugit.

Illersornissamut ministerip tikeraarneraInatsisartut Siulittaasuat ulloq 16. maj 2011 illersornissamut ministerimit Gitte Lillelund Beckimit pulaarneqarpoq, taassuma Issittumi sakkutooqarnikkut qullersaqarfiup nutaamik sumut inissinneqarsinnaaneranut periarfissat pillugit paasisassar-siorluni nunatsinnut angalanerani. Illersornissamut ministerip siulittaasoq naapikkusussimavaa issittumi sakkutooqarnikkut qullersaqarfissap nutaamik inissinneqarnissaanut naalakkersui-nikkut isummat tusarusullugit.

Issittumi sakkutooqarnikkut qullersaqarfiup nutaamik inissin-neqarnissaanik aalajangernissap 2011-mi aasaareerpat aatsaat pinissaa naatsorsuutigineqarpoq.

EU-p inatsisartuinut ilaasortanik tikeraarteqarneqNunat Avannarliit Killiit Siunnersuisoqatigiiffiata siulittaa-soqarfiata Nuummi ulloq 19. maj ukioq manna aappassaanik ataatsimiinneranut atatillugu NAKS-ip siulittaasoqarfiata EU-p inatsisartuinut ilaasortanik tallimanik tikeraarteqarpoq. Siulittaasoqarfik EU-llu inatsisartuinut ilaasortat Nuummiin-nermi arlaleriarlutik ataatsimiipput, ilaatigut Naalakkersuisut Siulittaasuat, Aalisarnermut, Piniarnermut Nunalerinermullu Naalakkersuisoq kiisalu Inuussutissarsiornermut Aatsitassanul-lu Naalakkersuisoq ataatsimeeqatigineqartarlutik. Taaneqartut saniatigut aamma Aatsitassanut ataatsimiititaliaq, Aalisarner-mut ataatsimiititaliaq, ICC aamma Greenland Development A/S ataatsimeeqatigineqarput.

EU-p inatsisartuinut ilaasortat oqariartuutaat pingaarneq tassaavoq EU-mut puisinik nioqqutissianik eqqusseqqusiun-naarnermut, tamatumunngalu naggueqatigiinnut inunnut atuutinnginnerata sunniuteqannginnerata, atatillugu nunatsinni piniartut aningaasatigut eqqugaasimanerisa kingunerisaat pil-lugit EU-mi tusarniaasoqarnissaa sulissutiginiaramikku.

Greenland Contractors Pituffimmiinnerminik ukiunik 25-nngortorsiortitsineranut siulittaa-sup peqataaneraPiffissami 9. – 13. juni Greenland Contractors Pituffimmi ukiu-nik 25-inngortorsiortitsineranut peqataanissaminut Inatsis-artut Siulittaasuat qaaqquneqarsimavoq. Siulittaasoq nalliut-torsiornermi aaqqissuussinernut assigiinngitsunut peqataavoq, soorlu aamma GC-p Pituffimmi sakkutooqarfimmik isumaqa-tigiissutaata nutarneqarnissaa pillugu isumaqatigiiniarnissat pillugit ilisimatitsissuteqartoqartoq.

Folketingimit aallartitat paasisassarsiorlutik angalasutFolketingi ukiumut tamaasa folketingimut ilaasortanik Naa-lagaaffiup Sinniisoqarfia suleqatigalugu nunatsinnut paasi-sassarsiortitsilluni angalatitsisarpoq. Aallartitat sinerissami illoqarfinnut arlalinnut tikeraartarput, taamatullu aamma Nuumminnerminni Inatsisartunut alakkaasarlutik. Ulloq 20. juni folketingimut ilasortat arfinillit atorfilittaallu sisamat pulaarto-

Newfoundland Labradorimi siulittaasoqarfiup pisortatigoortumik tikeraarneranit