iii.gepeskonyv.btk.elte.hu/adatok/tavol-keleti/terjek_jozsef/...03-bu-ston.doc 2 phyir mi wong...

03-Bu-ston.doc 1

Bu-ston: Chos-wbyung

III. gnyis pa gnas tshul la gsum ste | bstan pa ji srid gnas pa’i dus | dus der wbyung ba’i bstan wdzin gyi gang zag lung bstan pa | lung bstan pa’i gang zag gis bstan pa la bya ba byas tshul lo | | dang po la | wdul wdzin kha cig bstan pa lo bdun stong du gnas pa la | skye dgu’i bdag mo rab tu byung bas nyis stong wgribs te | lnga stong du gnas par phran tshegs nas bshad zer te | phran tshegs su yang lo stong du gnas par gsungs pa dang wgal lo | | mdo bskal bzangs las | chos lo lnga brgya dang | gzugs brnyan lo lnga brgya ste stong du bshad | mdzod kyi mdo tig tu gser phreng can gyi rtogs pa brjod pa las kyang | rgyal po khyod kyi rmi lam du skye bo phal po che wdus nas | tshig ngan brjod de chad pa dang gnod pa byed pa mthong ba gang yin pa de ni sangs rgyas sh’akya thub pa de’i bstan pa lo stong du gnas shing mthar ngan par smra ba dang chad par byed pas nub par wgyur ba’i snga ltas yin no | | zhes wbyung ngo | | mngon pa mdzod kyi rang wgrel du | de dag kyang lo stong du gnas so zhes bshad do | | gzhan dag na re | rtogs pa ni de lta bu yin gyi | lung ni yun ring du gnas so zhes zer ro zhes lo stong du gnas par gsungs so | | drin lan bsab par | gal te de bzhin gshegs pas sangs rgyas kyi bstan pa la bud med wjug tu gnang bar gyur na | dam pa’i chos lo lnga brgyas sngar nub par wgyur te | de bas na de bzhin gshegs pa ni bud med rnams sangs rgyas kyi bstan pa la wjug par mi dgos so | | zhes bud med rab tu byung bas lo lnga brgya wgrib par bshad do | | blo gros mi zad pas bstan pa’i mdo’i wgrel par slad ma’i dus lnga brgya pa tha mal | zhes pa’i wgrel par | dper na | mi’i tshe lo brgya thub pa la lo lnga bcu’i bar du ni wphel ba’i dus te | lus dang shes rab dang rtsal la sogs pa wphel zhing skye’o | | de ltar lo lnga bcu wdas nas de’i phyi ma lnga bcu ni wgrib pa’i dus te | lus dang shes rab dang rtsal la sogs pa nyams shing wbri bar wgyur ro | | de bzhin du sangs rgyas sh’akya thub pa’i bstan pa wbras bu thob pa dang shin tu rgyas pa’i dus ni lo stong zhig wdzam bu’i gling na gnas so | | de yang phyed du bgos te lnga brgya snga ma ni wphel ba’i dus su bzhag la | lnga brgya phyi ma ni wgrib pa’i dus zhes bya’o zhes bsungs so | | yang zla ba snying po’i mdo las mya ngan las wdas nas dam pa’i chos kyi gzugs brnyan lo nyis stong gnas par wgyur ro zhes pa dang | snying rje pad dkar du | bdag mya ngan las wdas nas lo stong du dam pa’i chos gnas par gyur cig | yang lo lnga brgyar dam pa’i chos kyi gzugs brnyan gnas par gyar cig | ces phyed dang nyis stong du gsungs la | rdo rje gcod pa’i wgrel par | lnga brgya pa tha ma zhes bya ba la brgya phrag lnga’i tshogs ni lnga brgya ste | bcom ldan wdas kyi bstan pa lnga brgya phrag lnga’i bar du gnas zhes grags pas | de’i phyir tha ma zhes bye brag tu mdzad do zhes pa dang | thub dgongs su | bcom ldan wdas sh’akya thub pa’i dam pa’i chos ni lo lnga brgya pa lngar gnas par gsungs so | | zhes kha cig zer ro zhes phyed dang sum stong dang | wbum tig tu lo lnga stong gnas pa las lo stong phrag re re la phyed phyed du bcad pas lnga brgya phrag bcu la le’u bcur wgyur te | de la lnga brgya dang po dang gnyis pa dang gsum pa rnams la rim pa ltar dgra bcom pa dang phyir mi wong ba dang rgyun du zhugs pa mang du wbyung bas | dgra bcom pa’i le’u dang

03-Bu-ston.doc 2

phyir mi wong ba’i le’u dang rgyun du zhugs pa’i le’u zhes bya te | khong du chud pa’i le’u gsum dang | de nas lnga brgya bzhi pa dang lnga pa dang drug pa rnams la go rims bzhin du lhag mthong dang ting nge wdzin dang tshul khrims dang ldan pa mang du wbyung bas lhag mthong gi le’u dang ting nge wdzin gyi le’u dang tshul khrims kyi le’u zhes bya ste sgrub pa’i le’u gsum dang | de nas lnga brgya bdun pa dang brgyad pa dang dgu pa la rim pa ltar chos mngon pa dang mdo sde dang wdul ba ston pa mang du wbyung bas mngon pa’i le’u dang mdo sde’i le’u dang wdul ba’i le’u ste lung gi le’u gsum dang | lnga brgya pa bcu pa ni | rab tu byung ba’i rtags tsam las lta spyod rnal ma dang mi ldan pas rtags tsam wdzin pa’i le’u ste wdi nyid la lnga brgya tha ma zhes bya’o zhes bshad do | | slob dbon wjam dpal grags pas | lnga brgya phrag bcu po la mngon par rtogs pa’i dus gsum dang | sgrub pa’i dus gsum dang | lung gi dus gsum dang | rtags tsam wdzin pa’i dus zhes bshad la | dang po la wbras bu’i dus zhes kyang bya’o | | yang wphags pa dga’ ba’i bshes gnyen gyi rtogs brjod las | wdzam bu’i gling pa’i mi rnams kyi tshe lo bcu pa las yar wphel te | tshe lo drug brgya par gyur pa’i bar du | bcom ldan wdas sh’akya thub pa’i bstan pa dam pa’i chos gnas par wgyur ro zhes bshad do | | de la | lo stong dang | lnga brgya dang | nyis stong dang nyis stong lnga brgyar bshad pa ni | drang don du gsal te | dgongs gzhi sgrub pa la sogs pa nyams pa la dgongs te | thub dgongs su dam pa’i chos nub pa ni sgrub pa yongs su nyams pa yin no | | zhes pa dang | rdo rje gcod pa’i wgrel par | dam pa’i chos rab tu rnam par wjig pa ni mos pa dang | klog pa dang | kha ton byed pa dang | lung nod pa dang | wchad pa dang | nyan pa dang | sems pa la sogs pa nyams pa’o zhes bshad pa’o | | dgos pa gdul bya skyo ba bskyed pa’i phyir yin no | | dngos la gnod byed lha mo dri ma med pa’i wod lung bstan par | nga yongs su mya ngan las wdas nas lo nyis stong lnga brgya na gdong dmar can gyi yul du dam pa’i chos rgyas par wgyur ro | | zhes sogs dang | thogs med sku mched la sogs lung bstan pa dang wgal pa’i phyir ro | | mdzod kyi wgrel bshad du | lung gi chos yun ring du gnas pa ni | lo stong gi wog tu yang gnas so zhes bya ste | phyogs wdi nyid rigs par blta’o zhes so | | lnga stong du gnas pa nges pa’i don te de la lngar lo du song na jo bo rje ni | ston pa shing pho byi ba la lhums su zhugs shing mo glang la bltams | sa mo phag la sangs rgyas | shing pho spre’u’i lo ston zla tha chung gi yar ngo’i tshes brgyad la wdas par bzhed la | chos rje sa skya pa ni | me mo yos la lhums su zhugs sa pho wbrug la bltams | chu pho stag la sangs rgyas | me mo phag gi dpyid thasi nya’am ston tha’i tshes brgyad la wdas par bzhed de | de la ston pa wdas nas lo brgya sum cu rtsa bdun na rgyal po dga’ byed byung | de nas lo brgyad brgya na rgyal po zla srung byung | de nas lo nyis brgya sum cu rtsa gcig na | rgyal po brjed mangs byung | de nas lo bdun brgya nyi shu rtsa bzhi nas wphro bzung nas | lo brgyad brgya bcu bzhi na bal por | rgyal po wod zer go cha byung | de nas lo nyis brgya bzhi bcu rtsa gnyis na | bod kyi rgyal po khri gtsug lde btsan ral pa can byung ste | de yan chad la lo nyis stong dgu brgya lnga bcu rtsa lnga song zhes rgya gar dang bal po’i lo bcos pa dang bod kyi rgyal po rnams kyis legs par brtsis pa las wbyung zhing | jo bo rje’i rjes su wbrang te | mchims nam mkha’ grags kyis me mo sbrul lo sum stong sum brgya dgu bcu rtsa gsum wdas par bzhed pas | chu pho khyi yan chad la sum stong bzhi brgya lnga bcu rtsa brgyad wdas par bzhed do | | thub pa wbrug lo par bzhed pa’i lugs kyis | rje btsun grags pa rgyal mtshan zhi bar gshegs pa’i chos wkhor me pho byi ba la mdzad pa’i tshe | sa skya paNDi tas brtsis pas | sum stong sum brgya bzhi bcu zhe dgu lon no | | de nas me mo glang la chu mig chos wkhor gyi dus su bla ma chos rgyal gyis brtsis pas sum stong bzhi brgya dang bcu lon par brtsis pas | chu pho khyi lo la bla ma ti shri kun dga’ blo gros rgyal mtshan dpal bzang po bod du bsnyen rdzogs la byon pa’i lo yan chad la sum stong bzhi brgya lnga bcu rtsa lnga wdas | rtsa drug pa’i steng na yod pas | wbras bu dang sgrub pa’i dus kyi lnga brgya phrag drug dang | lung mngon pa’i dus kyi bzhi brgya lnga bcu rtsa lnga ni

03-Bu-ston.doc 4

snying rje pad dkar las | ston pa wdas nas bstan pa sus wdzin zhes pa’i lan du | kun dga’ bo dge slong wod srungs dang khyod gnyis lo bzhi bcu lhag tsam du nga’i dam pa’i chos wdzin par wgyur ro | grong khyer bcom brlag na ri spo dang ngos che zhes pa na | kun dga’ ra ba wdam bu can zhes bya bar yul slan pa zhes bya ba’i dge slong wbyung | yang de nyid du dge slong dga’ ba can zhes pa wbyung | ri u shi rar dge slong bzhi khri bzhi stong dang | grong khyer skya nar gyi bur kun dga’ ra ba lam zhes bya bar | dge slong rta sbas dang | der bya gag gi kun dga’ ra bar dge slong bla ma dang | yul yan lag tu lo lnga’i dus ston la dgra bcom pa khri sum stong dang | grong khyer gser gyi brer | dge slong mkhas pa zhes bya ba dang | yang dag pa rgyal ba can zhes bya ba gnyis dang | grong khyer gnas bcas su dge slong brtson wgrus che dang | byang phyogs kyi rgyud yul spos wdzin du wod srungs te | dge slong de dag thams cad rdzu wphrul che ba mthu che ba dbang che bar grags pa gsal ba wjigs pa med pa mang du thos pa wdul ba wdzin pa mdo sde wdzin pa ma mo wdzin pa yang dag par ston pa wdzin du wjug pa gzengs bstod pa rab tu dag bar byed pas | nga’i bstan pa rgyas par byed do | | byang phyogs kyi rgyud du grong khyer rdo wjog ces bya bar | khyim bdag ral pa can zhes pa wbyung | des nga’i lus dang nyan thos rnams mchod par wgyur te | bskal pa stong nas bskal pa bzang byed la bkod pa chen pos legs par brgyan pa’i wjig rten du sangs rgyas kun tu snang ba zhes bya bar wgyur ro | | byang phyogs na pho brang rgyas ldan du | bram ze dang khyim pa bstan pa la dad pa mang po wbyung ste | shi nas dga’ ldan du skye la | rab tu byung ba phal cher chos bzhin mi spyod pas | log par ltung ngo | | der dge bsnyen chos wphel zhes bya ba rdzu wphrul dang ldan pa zhig wbyung ngo | | byang phyogs su dge slong wtsho byed ces pa theg chen pa zhig wbyung ste | des sangs rgyas kyi mchod rten zhig pa wchos shing gser gyis brgyan pa la sogs byed cing bde ba can du skye’o | | mtha’ wkhob kyi yul nags kyi sa na rgyal po’i pha brang zhi ba na rgyal po mes byin zhes bya bas sku gdung dang nyan thos rnams mchod de | der dgra bcom pa sum stong lhag tsam wdu’o | | byang phyogs kyi rgyud na grong shing kun skye ba zhes bya bar tshems mche ba la mchod pa rgya chen po byed cing | dge slong khrims ldan mang du wbyung ste | thams cad theg pa gsum gyis mya ngan las wda’ ste | de rnams kyis nga’i bstan pa rgyas par byed par wgyur gyis | mya ngan ma byed | ces gsungs so | | lang kar gshegs par | lho phyogs be da’i yul du ni | | dge slong dpal ldan cher grags pa | | de ming klu zhes bod pa ste | | yod dang med pa’i phyogs wjig pa | | nga yi theg pa wjig rten du | | bla med theg chen rab bshad nas | | rab tu dga’ ba’i sa bsgrubs te | | bde ba can du de wgro’o | | zhes pa dang | wjam dpal rtsa rgyud las | de bzhin gshegs pa nga wdas nas | | lo ni bzhi brgya lon pa na | | dge slong klu zhes de wbod wbyung | | bstan pa la ni dad cing phan | | rab tu dga’ ba’i sa thob pa | | lo ni drug brgya dag tu wtsho | | rig pa rma bya chen mo ni | | bdag nyid chen po des kyang wgrub | | bstan bcos sna tshogs don dang ni | | dngos po med pa’i don de rig | gang tshe lus de bor ba na | |

03-Bu-ston.doc 9

zhes gsungs so | | shar phyogs rgya mtshor brten nas ni | | de wdir wbrog gi mthar thug par | | blo ldan lo hi ta las gzhan | | byang du de bzhin kha ba can | | zhes pa wdis ya wbrog tu wkhrungs pa’i lo tstsha ba chen po bstan par wdod de | rgyal po lung bstan pa’i skabs yin pas brtag dgos te | | de’i wphro las nub tu ka shi nyams dga’i grong | rtse mo zhes bya’i grong de bzhin | | wdi yi nang du rgyal po ni | | ston pa’i bstan pa gsal byed pa | | de ni seng ge lnga zhes bya | | zhes pas so | | gzhan yang ston pa wdas nas lo brgya na grong khyer me tog can du rgyal po mya ngan med wbyung ste | lo brgya lnga bcur wtsho zhing | lo brgyad cu rtsa bdun du mchod rten mchod par byed do | | de nas rgyal po mya ngan med bral zhes pa lo bdun cu rtsa drug tu mchod rten mchod do | | de nas rgyal po dpa’ bo’i sde lo bdun cur rgyal srid byed do | | de nas rgyal po dga’ bo lo lnga bcu rtsa drug rgyal srid byed cing | de’i grogs po bram ze p’a Ni ni yin no | | de nas rgyal po zla ba sbas pa wbyung | de nas de’i bu snying po thig le zhes bya bas lo bdun cur rgyal srid byed | de’i blon po tsa na ka ste dmyal bar wgro | dge slong dga’ bo’i wog tu tsan dan skyong zhes pa | lo sum brgyar wtsho ba wbyung | de nas rgyal po btsun pa zhes pas shar phyogs nas | kha che’i bar gyi lha khang mchod rten rnams bsregs | btsun pa rnams gsod par byed pa wbyung | de’i wog tu rgyal po sangs rgyas phyogs zhes pa wbyung | de nas rgyal po thams cad sngon dga’ zhes pa lo sum brgya thub pa zhig wbyung | de’i bu rgyal po zab mo’i phyogs zhes pa lnga len du wbyung | gangs ri’i nang byang phyogs lha ldan gyi yul du rgyal po mi’i lha zhes pa lo brgyad cu thub pa zhig wbyung | | rgya’i yul du rgyal po dbyig gi snying po zhes pa lo brgya lnga bcu thub pa de’i yul du | byang chub sems dpa’ dpa’ po che | | wjam pa’i dbyangs ni wod chen po | | mngon sum de yi yul dag na | | byis pa’i gzugs kyis bzhugs pa yin | byang phyogs su rgyal po tu ru SHka zhes pa lo sum brgya thub pa wbyung | de nas tu ru SHka mang pos bkur ba zhes pa lo nyis brgya thub pa wbyung | nub phyogs wphags rgyal gyi pha rol la da’i yul du rgyal po ngang tshul zhes pa lo sum brgyar rgyal srid byed | de nas rgyal po g.yo ba zhes pas lo lnga bcu rtsa lnga dang | zla ba lnga thub pa wbyung zhing | de dag phal cher byang chub thob par lung bstan no | | gzhan yang rgyal po mang po lung bstan te | mangs kyis dogs pas ma bris so | | mgon po mngon wbyung gi rgyud las kyang | nya pa gcig nya yis zos nas shi ba dang | rnal wbyor pa d’a ri ka zhes par gyur nas | des chu bo gangg’a la chang wphangs pa | chu tshod gcig na yul ba da ha zhes par wgyur ro | | de’i sngags kyi wbras bu mkha’ wgro dang mkha’ wgro ma wching ngo zhes pa dang | yul o ru bi sa der skyes bu brtson wgrus chen po’i sbyor ba dang ldan pa | ma ni’i bka’ dang mtshungs pa sde tshan dang po’i ka la dbyangs yig dang pos brgyan pa sde tshan bdun pa’i bzhi pa cung zad na la zhon pa’i can rnal wbyor dbang po gcig po wdis dngos grub chen po brgyad thob par wbyung ngo zhes ka hna pa ste | nag po spyod pa ba lung bstan no | | yang de’i slob ma rnal wbyor pa drug gis lus dngos po spangs pa’i phyag rgya chen po thob par wgyur ro zhes pa dang | pa NDi rnams kyi gtso bor gyur pa chos kyi grags pa zhes par grags pa wdi dang | skyes bu drug bstan pa la phan pa tshangs par spyod pa la gnas pa rnams kyis grub pa thob bo | |

03-Bu-ston.doc 10

phyi nas ma hi la dang saM ga ra dang bha bya gho SHa dang sa ha pra karNa zhes pa’i ming can yongs su skyong ba rnams lo bcu gsum gyis grub pa thob par wgyur ro zhes pa dang | de’i lho phyogs su grong khyer a dz’a ra yo gi ni zhes pa wbyung ste | der klu sgrub ces bya ba’i rnal wbyor pas | shing sha la zhon pa go p’a la zhes pa la rgyal po byin pas | bu shi nas ba ha na’i tsha bo la sogs pa’i rgyal po wbyung ngo zhes so | | dus kyi wkhor lo’i rgyud phyi ma las | dge slong slob dpon klo sgrub ces bya ma lus yon tan wbyung khungs sems can kun la phan wdogs pa | | slob dpon blo brtan zhes bya gcod byed tshe yi grub pa stong phrag bcu dang bcas pa rnams zhes bya ba dang | | dge bcu’i lam gyis grub par gyur pa wphags pa lha dang lva ba’i na bza’ rta dbyangs dang | phyogs kyi glang po gzhan la phan pa’i bsam pa zla ba padma padma’i myu gu zhes | | ma wgongs bha sa la yi rtog pa’i rgyal po ma lus nag po rgyal po ondra bo dhi dang | zhes pa dang | ye shes ming can rdo rje dril bu lag ltung dag kyang de bzhin thod par chang wthung zhing | kha TvaM ga dang rus pa’i rgyan cha chang snod cang te’u ster ba nag po’i ming can no | | zhes gsungs pas | lung bstan pa’i gang zag de dag gis bstan pa wdzig par byed do | | kha cig rnal wbyor pa’i cha byad can la lung bstan med ces smra ba’ang | de dag gis khegs so | | spyir sangs rgyas kyi bstan pa wdzin pa bshad sgrub byed pa | khyad par sangs rgyas stong gi bstan pa phyag rdor gyis bsrung sdud skyong | | thub pa wdi’i bstan pa wjam dpal dang phyag rdor dang | tshangs pa brgya byin la sogs pas bsrung ste | wjam dpal rtsa rgyud las | thub dbang yongs su mya ngan wdas | | dam pa’i chos ni bsrung ba’i phyir | | de tshe rtag bsrung bar ni | | wjam pa’i dbyangs su wgyur ba yin | | zhes so | | khyad par du gnas brtan bcu drug gis skyong ste | sum cu rtsa gsum na gnas brtan lam pa | gangs can na gnas brtan mi phyed pa | nub ba lang spyod na gser can | byang sgra mi snyan na bha ku la | shar lus wphags na bha ra dhva dza | zangs gling na dus ldan chen po | | sing ga gling na rdo rje mo’i bu | | pri yang ku’i gling na sgra gcan wdzin | chu bo ya mu na’i glong na dpal bzang | ri bi hu la na sbed byed | ngos yangs kyi ri la klu sde | lo ma bdun pa’i ri la nags gnas | bya rgod spungs pa la lam phran | kha cher gser gyi be’u | ti si la yan lag wbyung | drang srong shel nags la ma pham pa ste | bcu drug po re re la dgra bcom pa mang pos bskor te | mya ngan las mi wda’ bar thub pa’i gsung bsgrub cing bstan pa skyong bar byed do | | gnyis pa lung bstan pa’i gang zag gis bstan pa la bya ba byas tshul ni | sangs rgyas wdas nas lo bzhi brgya na | lho phyogs be dar bha’i yul du bram ze phun sum tshogs pa zhig la bu med pa na rmi lam du bram ze brgya la chos ston drangs na bu rnyed ces lhas lung bstan no | | de nas de ltar byas te gsol ba btab pas zla ba bcu na khye’u zhig btsas te | mtshan mkhan la bstan pas mtshan bzang mod kyi won kyang | zhag bdun gyi tshe las med do zer ro | | de la ci phan dris pas | bram ze brgya la chos ston drangs pas zla ba bdun dang | dge slong brgya la chos ston drangs pas lo bdun thub | de nas thabs med zer ro | | de nas de bzhin byas te lo bdun du nye ba na bu’i ro mthong ba pha mas mi bzod pas | g.yog dang bcas pa wkhyam du btang ngo | | de rim gyis song song ste khar sa p’a Ni’i zhal bltas te | rim gyis dpal n’a len dra’i sgo drung du song ste | snyan ngag gyi rig byed dag bsgrags pa na | de na bram ze sa ra ha bzhugs pas gsan nas | nang du khrid nas ji ltar gyur pa’i rgyu mtshan bshad pas | slob dpon na re | rab tu wbyung nus na | thabs yod gsungs pas rab tu byung | tshe dpag med wchi bdag wjoms pa’i

03-Bu-ston.doc 11

dkyil wkhor du dbang bskur nas | gzungs wdon du bcug | khyad par lo bdun lon pa’i nub mo mtshan thog thag bton pas | wchi bdag las thar te | pha ma dang phrad pas kyang shin tu dga’o | | de nas bram ze sa ra ha la dpal gsang ba wdus pa la sogs pa’i gzhung gdams pa dang bcas pa zhus so | | de nas n’a len dra’i mkhan po sgra gcan wdzin bzang po la mkhan po zhus te | bsnyen par rdzogs te dge slong dpal ldan zhes grags so | | de’i tshe n’a len dra pa’i dge wdun gyi zhal ta ba byas pa’i tshe mu ge chen po byung ba la gling bar nas gser wgyur gyi rtsi blangs te | gser wgyur byas nas nas dge wdun gyi gdugs tshod sbyar te dbyar gnas thon pa dang | dge wdun rnams kyis | mi rid pa dang | shi ba mthong nas | mu ge byung wdug pas | dge wdun gyi gdugs tshod ji ltar sbyar zhes dris pas | sngar gyi tshul brjod pas dge wdun la ma zhus par | dge wdun log wtsho la bkod wdug pas | gnas nas phyung la gtsug lag khang dang | mchod rten bye ba gyis shig ces bsgo’o | | de nas wjig rten dang wjig rten las wdas pa’i dngos grub bsgrubs pas thob ste | de’i tshe dge slong bde byed ces pas | rigs pa’i rgyan zhes pa’i gzhung wbum phrag bcu gnyis pa byas nas | thams cad sun phyung bas de gdul ba’i don du n’a len drar chos gsungs so | | de’i tshe byis pa gnyis chos mnyan cing sa wog tu song ba la su yin dris pas klu yin zer ba la | slob dpon gyis gnod sbyin gyi wdam khyer la shog gsungs pa la de dag gis klu’i rgyal po la zhus pas | slob dpon spyan drongs zer te spyan drangs pas | don du wgyur bar mkhyen nas | klu’i yul du byon nas chos gsungs so | | de’i tshe klus bzhugs par zhus pas | nga mchod rten bye ba bzhengs pa’i wdam wtshol ba dang | wbum gdan wdren du wongs kyi | bsdad mi khom | phyis wong srid gsungs te | wdam mang po dang | | wbum dang | yi ge nyung ngu yang gdan drangs te | wbum gyi zhabs nas bag tsam klus ma bskur zhes grag go | de nas wdam des mchod rten la sogs bye ba byas klu rnams kyis grogs byas te | pha la cher grub la | wga’ zhig klu yul du mi wgro ba’i phyir ma byas te | klu sgrub ces pa’i ming du gyur to | | de nas li kha ra shing wphel du gser wgyur byas te sbyin pa rgya chen po byas te | de’i tshe bram ze rgan rgan gnyis la gser mang po gnang bas dad de | rgan pos nye gnas byas chos mnyan te shi nas | slob dpon klu’i byang chub tu gyur to | | de nas shar phyogs pa Ta be sar byon nas lha khang mang po bzhengs | yul ra dhar yang bzhengs | dril bu lta bu’i brag gser du bya bar bzhed pa lhas bkag ste | sgra mi snyan du gshegs pa’i lam grong khyer sa la ma na byis pa dzi ta ka’i lag ris las rgyal por lung bstan nas | sgra mi snyan du byon nas | na bza’ shing la bkal te | khrus mdzad pas | gos de dag gis khyer ba la | nga’i yin gsungs pas nga bdag can zer nas blta skad | der don byas te byon pas | sngar gyi byis pa rgyal por gyur te | des rin po che mang du phul te | skyes lan du chos kyi rin po che’i phreng ba gnang ngo | | slob dpon des bstan pa’i bya ba | dge wdun gyi zhal ta byas | mchod rten lha khang mang po bzhengs | rdo rje gdan la rdo’i dra mig gi ra bas bskor | dpal wbras spungs kyi mchod rten gyi bkod pa bzhengs | bstan bcos la nang rig pa la lta ba gtso bor ston pa la mtha’ bral gyi dbu ma | lung gis ston pa dbu ma bstod skor | rigs pas ston pa rigs pa’i tshogs | spyod pa gtso bor ston pa la lung gis ston pa mdo kun las bdus | rigs pas ston pa theg chen blo sbyong | nyan thos rigs sad par byed pa rmi lam yid bzhin gyi nor bu | rten khyim pa’i spyod pa gtso bor ston pa bshes spring | rab byung gi spyod pa gtso por ston pa byang chub kyi tshogs | sngags kyi phyogs la lta spyod mdor bsdus pa rgyud kun las btus | lta ba gtan la wbebs pa byang chub sems wgrel | bskyed rim ston pa wdus pa’i sgrub thabs mdor byas | mdo bsre | dkyil chog nyi shu pa | rdzogs rim ston pa rim pa lnga pa la sogs pa mdzad do | | gso ba rig pa’i bstan bcos sbyor ba brgya pa la sogs pa dang | lugs kyi bstan bcos dmangs la gdams pa skye bo gso thigs | blon po la gdams pa shes rab brgya pa | rgyal po la theg chen gyi

03-Bu-ston.doc 12

lta spyod zung wbrel du ston pa dbu ma rin chen phreng ba | gzhan yang rten wbrel gyi rtsis | spos sbyor | gser wgyur la sogs pa rang rkang du brtsams pa mang po dang | gzhan wgrel du btags pa gsang wdus wgrel pa dang | sa lu ljang pa’i mdo tshigs su bcad pa bsdus pa la sogs pa mdzad do | | phyag rgya bzhi pa ni | klu sgrub kyis mdzad pa min no zhes | man ngag snye mar bshad do | | slob dpon shes rab wbyung gnas blo gros kyis | spyod wjug wgrel par | slob dpon klu sgrub kyis bslab pa kun las btus pa zhig kyang mdzad par bshad do | | de ltar lo drug brgyar bstan pa’i bya ba mdzad do | | de’i tshe rgyal po mthar wgro zhon nam bde spyod bzang po la bu gzhon nu nus ldan zhes bya ba zhig la | mas gos bzang srubs med pa zhig byin pas | wdi nga rgyal srid wdzin dus su dgos zer ba la | mas khyod kyis rgyal srid wdzin pa mi wong | yab dang slob dpon klu sgrub tshe sgrub dang bcud len stabs su byas pas grub ste | slob dpon dang srog gcig pa yin zer ba dang | des dpal gyi ri la slob dpon klu sgrub bzhugs sar phyin te | dbu blangs pas chos gsungs te | ral gris bcad pas ma chod pa na | slob dpon na re | ngas rtsva ku sha bcad pas srog chags shi ba’i rnam smin yod pas | ku shas chod gsungs nas bcad pas | ske’i rtsa ba nas | nga ni bde ba can gyi wjig rten du | | phyin nas lus wdi la yang wjug par wgyur zhes tshigs bcad byung ngo | | dbu de des khyer te phyin pas | gnod sbyin mos phrogs te dpag tshad gcig tu dor ro | | dbu dang sku lus gnyis ka ma nyams par lo re bzhin nyer song nas | mthar wbyar nas | bstan pa dang wgro don mdzad ces grag go | n’a g’a rdzu na’i n’a ga ni klu ste | chos kyi dbyings su skyes pa | rtag chad gnyis kyi mtha’ la mi gnas pa | gsung rab rin po che’i bang mdzod la mnga’ brnyes pa | bsreg cing gsal ba’i lta ba dang ldan pas klu’o | | ar dzu na ni srid sgrub ste | chos kyi rgyal srid skyong ba dang | nyes pa’i dgra tshogs wdul bas srid sgrub ste | bsdus pas klu sgrub bo | | tshig bsal du | gang zhig mtha’ gnyis gnas la gnas bsal zhing | | rdzogs sangs rgyas blo rgya mtshor skye ba brnyes | | dam chos mdzod kyi zab mo nyid ji ltar | | rjes su rtogs bzhin thugs rjes ston par mdzad | | gang gi lta ba’i me dag gis | | da dung phas rgol gzhung lugs kyi | | bud shing dang ni wjig rten gyi | | yid kyi mun rnams wjoms par mdzad | | gang gis gnyis med ye shes gsung mda’i tshogs | | lha dang bcas pa’i gdul bya’i wjig rten la | | khams gsum dag tu rgyal thabs legs mdzad pas | | srid pa’i dgra sde ma lus wjoms mdzad pa | | klu sgrub de la phyag wtshal nas ni de’i | | zhes pa dang | dbu ni don du gnyer ba wongs la thugs rjes dbu ni bcad de stsal mdzad nas | | bde ba can du rgyal ba’i sras po klu sgrub gshegs par gyur pa des mdzad pa’i | | zhes gsungs so | | kha cig | sprin chen po’i mdo las | li ca byi wdi nga wdas nas lo bzhi brgya na klu zhes bya ba’i dge slong du gyur nas | nga’i bstan pa rgyas par byed de | mthar | wjig rten gyi khams dang ba’i wod du | sangs rgyas ye shes wbyung gnas wod du wtshang rgya’o zhes bshad zer te | sprin chen las | lho phyogs drang srong byi po’i yul du rgyal po rgud pa gso ba zhes bya ba wbyung ste | de’i tshe lo brgyad cu na | dam pa’i chos zhig pa’i lhag ma tsam du gyur pa na | bsod nams ldan gyi grong khyer bye ma chen po zhes pa’i wbab chu mdzes wbyor gyi byang gi wgram du | rje rigs wbra go can gyis phyogs su | li tsa byi gzhon nu wjig rten thams cad kyis mthong na dga’ ba | de bzhin gshegs pa’i chos dbyung ba’i phyir nga’i ming can du skye’o | |

03-Bu-ston.doc 13

des de bzhin gshegs pa klu rigs sgron ma’i drung du thub pa’i bstan pa la chos phyir srog gtong bar dam bcas pa des bstan pa rgyas par byed do | | zhes wbyung gi | klu sgrub kyi gsal kha med mod | kha cig | klu sgrub kyi mtshan sh’akya bshes gnyen du wdod pa ltar na brtag cing | rnga bo che’i mdo las | klu sgrub lung bstan sa brgyad par bshad ces pa’ang brtag par bya’o | | de’i sras slob dpon warya de ba ni | sing ga la’i gling du padma’i sbubs su rdzus te skyes pa la de’i rgyal pos bur bzung ste | cher skyes pa na slob dpon klu sgrub can du byon nas | slob gnyer mdzad pas rig pa’i gnas thams cad dang | phyi nang gi grub mtha’ ma lus pa la mkhas par gyur te | de’i tshe mu stegs kyi ston pa ma khol zhes bya bas lha dbang phyug chen po grub ste mngal skyes gang gis kyang mi thub pa’i mchog byin pa zhig yod pa des | sangs rgyas kyi bstan pa la gnod pa byas te | phal cher mu stegs la btsud de | n’a len drar phyin no | | n’a len dra pa rnams kyis dpal gyi ri la klu sgrub bzhugs pa la sbran pas | slob dpon warya de bas wdul bar zhal gyis bzhes te byon pa’i tshe | shing gi lha mos sbyan slong ba la sbyan gcig sbyin par btang ngo | | de nas mu stegs pham par byas pa na | mig gcig pa wdi ci wdra zhes smra ba la | drag po mig gsum ldan yang de nyid mthong ba med | | brgya byin mig stong ldan yang de nyid mthong ba med | | warya de ba mig gcig po ni gang yin des | | srid pa gsum po ma lus pa yi de nyid mthong | zhes gsungs te | chos kyis tshar bcad de bstan pa la bcug ste | paNDi ta chen por gyur to | | slob dpon wdi sa brgyad par grags te | wjam dpal rtsa rgyud las | | wphags pa min la | wphags pa’i ming | zhes gsungs pas brtag par bya’o | | slob dpon wdis rang bzhin med pa’i don rgyas par ston pa dbu ma bzhi brgya pa bsdus te ston pa dbu ma lag pa’i tshad | de la rtsod pa spong ba | wkhrul ba zlog pa’i gtan tshigs grub pa | mtshan nyid dang sngags kyi grub mtha’i rnam gzhag ston pa | ye shes snying po kun las btus | sngags phyogs la sngags kyi lta spyod gtan la wbebs pa la | mdo rgyud rtog pa’i lung bsres nas sgrub pa spyod pa bsdus pa’i sgron ma | rigs pas sgrub pa sems kyi sgrib sbyong | smin byed dbang gi cho ga la gdan bzhi’i dkyil chog snying po mdor bsags | bskyed rim ston pa gdan bzhi’i sgrub thabs | ye shes mkha’ wgro ma’i sgrub thabs | gtor chog | rdzogs rim ston pa shing gcig gi dka’ wgrel la sogs pa mdzad cing | sgron gsal gyi wgrel bshad mdzad zer te | dus mtshungs sam mi mtshungs brtag par bya’o | | yang slob dpon klu sgrub kyi slob ma klu’i byang chub ni phyi nang gi grub mtha’ thams cad la mkhas pa | yi dam gyi lha’i zhal gzigs shing tshe’i dngos grub brnyes pas deng sang gi bar du yang dpal gyi ri la bzhugs par grags pa des kyang | gsang wdus kyi dkyil chog dang | rim lnga’i wgrel pa la sogs pa mang du mdzad do | | slob dpon tsantra go mi ni shar phyogs bhaM ga lar skyes shing | gzhon nu la mkhas par gyur te | ba ren tra’i rgyal po’i bu mo t’a ra zhes bya ba bag mar byas te wdug pa na | re shig gi tshe g.yog mos t’a ra zhes bos te | bsams pa dang | mo dang yi dam gyi mtshan mthun pas mi rung bar shes te | bzod par gsol te | wgro bar chas pa na wkhor gyis bzung ste | ci’i phyir wgro zhes wdri ba la rgyu mtshan brjod do | | de rgyal pos thos te | nga’i bu mo dang lhan cig tu mi wdug na gangg’a la skyur cig zer ba dang | gshed ma dag gis gad g’ar bskyur ba na | slob dpon gyis sgrol ma la bstod pas | sgrol mas chu dbus su gling sprul | zhal mngon sum du bstan te byin gyis brlags pas deng sang yang tsantra’i gling zhes grags so | | de nas nya pas bsgral te | ba ren dra’i rgyal po’ang dad nas | mchod gnas mdzad de | mthar gyis n’a len drar song ste | yon tan ci shes wbri ba la | sgra p’a Ni dang | mtshan brjod dang bstod pa brgya lnga bcu pa gsum shes | zhes brjod pas | mkhas pa chen por shes te | bsu ba dang bkur sti rgya chen po byas so | | de’i tshe sman dpyad la sogs pa’i bstan bcos phran mang du brtsams pas | rje btsun wjig rten dbang phyug gi zhal nas | theg chen gyi bstan bcos mang du rtsoms shig gsungs nas | zla ba

03-Bu-ston.doc 14

sgron me’i wgrel pa dang | sku gsum la wjug pa la sogs pa mang du mdzad de | de’i tshe slob ma rgyal rigs kyi dge slong zhig babs nas sdig pa sna tshogs byed pa zhig byung nas | de wdul ba’i don du | slob ma la spring ba dang | sgra’i mdo le’u sum cu so gnyis shu lo ka bdun brgya yod pa | p’a Ni ni dang mthun pa zhig mdzad de | de’i yan lag tu gyur pa byings dang | nyer bsgyur dang yi ge’i mdo dang | u Na la sogs pa dang | su pa dang | ting la sogs pa mdzad nas btul lo | | wjam dpal dbyangs la bstod pa byas pas sku gzugs kyi dbu yon por mdzad de gsan pa byung bas | wjam dbyangs mjing yon gyi bstod pa zhes grags so | | de’i tshe slob dpon zla ba grags pas sgra’i bstan bcos kun tu bzang po zhes bya ba tshigs bcad du byas pa legs pa zhig mdzad pa gzigs te | rang gis byas pa’i bstan bcos mi legs pas snub bo snyam ste | khron par bskyur ba dang | wjig rten dbang phyug gis khyod kyis lhag bsam gyis byas pas phan che bar wgyur gyis thon cig gsung nas | bton te | khron pa de la tsantra khron pa zhes grags shing de la chu wthung na’ang blo rno bar wgyur zer ro | | de’i tshe zla bgrags pa dang rtsod pa byas te | de ring gi lan wjig rten dbang phyug la zhus te | nang par btab pas zla grags the tshom du gyur te | phyi bzhin bsnyegs pa na | wjig rten dbang phyug gi lan slob pa gzigs te | wphags pa nye ring ma mdzad ces gsol bas | phyag mdzub bskum pa ma byung bar lus pas | ding sar yang thugs rje chen po mdzub kyer zhes grags so | | de ltar tsantra go mi yon tan chen po dang ldan pas bstan pa bzung ngo | | zla ba grags pa ni yul lho phyogs sa ma nar wkhrungs te | mdo rgyud kyi don la sbyangs pas | klu sgrub yab sras kyi gsung rab la brten nas mkhas pa chen por gyur cing | skye ba lnga brgyar wjam dpal gyis byin gyis brlabs pa ri mor bris pa’i ba la wo ma wjo nus pa | rdo’i ka pa la phyag mi thogs par dbyug pa des rigs tshogs dang bzhi brgya pa’i wgrel pa dang | dbu ma la wjug pa’i rtsa wgrel dang | khyad par du nyi zla ltar grags pa’i wgrel pa | rtsa she’i wgrel pa tshig gsal | gsang wdus wgrel pa sgron gsal te | gsal ba rnam pa gnyis su grags pa mdzad do | | de bzhin du sangs rgyas bskyangs dang zla grags dbu ma thal wgyur wjig rten grags sde spyod pa’i dbu ma | slob dpon bha bya la sogs mdo sde spyod pa’i dbu ma | ye shes snying po | dpal sbas | zhi ba wtsho | padma’i ngang tshul | seng ge bzang po la sogs pa rnam wbyor spyod pa’i dbu mar wphags pa yab sras kyi dgongs pa wchad do | | tshig gsal du | klu sgrub sgra gcan wdzin ni bzang po’i zhal snga dang bcas lhas kyang gsung rjes su | | wbrangs bas de yi tshul lugs dus ni yun ring zhig tu gsal bar bstan par mdzad | | de yi slob ma bstan bcos de la rnam par byed pas rnam nges bla so ldan pa | | rnams kyis kyang ni mu stegs ma lus pham byas thub mchog bstan pa yun ring bshad | | ces gsungs so | | warya de ba’i slob ma ma khol gyis kyang bstan bcos mang du brtsams shing bstan pa la bya ba byas te | lo rgyus rnams | mangs bas wjigs pas ma bris so | | thogs med sku mched kyi byon tshul ni chos mngon pa la dgra lan gsum du dar te | dang po mu stegs kyi rgan mo zhig na re | nang pa’i gaNDi’i sgra las wgems zhes pa zhig snang ste | wo skol la gnod mi gnod brtag par rigs so | | zer nas brtags pas | lha dang klu dang gnod sbyin gyis mchod pa’i | | dkon mchog gsum gyi tog sde wdi brdungs pas | | mu stegs wchal ba’i klad pa rnam par wgems | | zhes par rig nas dmag drangs te bsnubs so | | de nas cung zad wphel nas yod pa’i tshe | dbus kyi rgyal pos stag gzig gi rgyal po la ras kyi na bza’ srubs med pa zhig skyes su bskur te | de’i snying khar rkang rjes wdra ba zhig yod pas ngan sngags byas so zer nas dmag drangs te bsnubs so | | de nas yang cung zad wphel nas yod pa’i tshe nang pa’i gtsug lag khang zhig tu phyi pa’i sprang po gnyis slong wongs pa la | bkru chu stor bas khros te nyi ma bsgrubs nas nang pa’i gtsug lag khang dang gsung rab mang po bsregs nas bsnubs so | |

03-Bu-ston.doc 15

de’i tshe bram ze mo gsal ba’i tshul khrims zhes pa’i bsam pa la | bstan pa’i rtsa ba mngon pa la dgra lan gsum gyis nub pas | wdi dar bar byed nus pa gzhan yang mi snang | bdag kyang bud med du song bas mi nus kyi | lus la bu bskyed la | dar bar byed du gzhug go | snyam ste rgyal rigs dang wdus pas thogs med dang | bram ze dang wdus pas dbyig gnyen byung nas btsas pa na lce la gi hang gi yi ge a wdri ba la sogs pa blo rno ba’i cho ga yang byas te | cher skyes pa’i tshe | pha’i las gang yin zhus pas | ma na re | khyed de’i phyir ma bskyed kyis | blo sbyong gyis la bstan pa dar bar gyis shig gsung nas | gcung kha cher slob dpon wdus bzang gi drung du byon | gcen gyis byams pa bsgrubs la bstan pa dar bar bya’o snyam ste | ri bya rkang gi phug tu bsgrub tu byon te | lo gsum du bsgrubs pas mtshan ma cung zad kyang ma mthong bas skyo ste | phyir thon pa na rgan po shing bal gyi wdab mas lcags kyi sdong po la khab byed pa mthong nas | khab ji ltar wbyung zhes dris pas | snying stobs ldan pa’i skyes bu yis | bsgrubs na mi wgrub gang yang med | | dka’ yang brnag pa ma dor na | | ri bo rnams kyang thal bar rlog | zer bas | lo drug dang dgur bsgrubs te thon pa na chu thigs kyis kyang brag zad pa dang | bya sgros brag zad par mthong ste | lo bcu gnyis su bsgrubs kyang mtshan ma ma byung bas skyo ste | phyin pa na | khyi mo ro smad wbus gzhigs pa | ro stod zugs zhing za ba zhig mthong nas snying rje lhag par skyes te | bsal na wbu wchi | ma bsal na khyi mo wchi bar snang bas | rang gi lus las sha bcad de | der wbu bsal snyam ste | grong khyer a tsen ta zhes bya bar phyin te | gseg shang gteng bar bcug nas | gser gyi spu gri g.yar te | rang gi lus sha bcad | lag pas blangs na shi yis dogs te | spyan btsums ste | ljags kyis blang snyam pa dang | khyi med par rje btsun wod dang bcas pa mthong nas | kye ma yab cig bdag gi skyabs | | ngal brgyas wbad kyang wbras ma mchis | | ci phyir char sprin rgya mtsho’i dpung | | gdung bas bsregs te skom tshad wbab | | bdag gis de tsam bsgrubs kyang rtags kyang ma byung na | thugs rje re chung zhes wkhangs pas | rje btsun gyis | lha yi rgyal pos char phab kyang | | sa bon mi rung mi wkhrung ltar | | sangs rgyas rnams ni byon gyur kyang | | skal ba med pas bzang mi myong | | nga dang po nas yod de | khyod rang gi sgrib pas ma mthong la | da lta snying rje chen po skyes pas dag nas mthong ba yin te | de ltar yin par | khyod rang nga phrag gong du khur la ston cig gsung nas bstan pas | mthong ba ma byung bas | der yid ches so | | khyod ci wdod gsung ba la theg chen dar bar zhu wtshal byas pas | nga’i chos gos la wjus shig gsung nas | dga’ ldan du byon te lha’i gro skad gcig | mi lo lnga bcu’am | lnga bcu rtsa gsum du bzhugs par wchad | sa sde’i sna mchan las | zla ba drug bzhugs te gsan zhes wbyang ngo | | der yum gyi mdo rnams dang | rnal wbyor spyod pa’i sa chen po dang | theg chen gyi mdo sde mang du gsan no | | de dag gi don ston pa’i bstan bcos rtsom par zhus pas byams chos lnga brtsams so | | zhes slob dpon seng bzang la sogs pa wdod la | gnad kyi zla zer las | bka’ bsdus pa’i rjes la dus der gnas pa nyid nas mchog tu zab cing rtogs par dka’ la rtogs par mi nus pas | thugs rje de rtogs pa’i don du wphags pa byams pas mngon par rtogs pa’i rgyan gyi tshig le’ur byas pa’i bstan bcos kyis gsal bar mdzad kyi | wphags pa thogs med kyis zhus nas dus phyis byas zer ba ni | seng ge bzang po la sogs pa rnams kyi wkhrul pa ste sngon du byas pa las bshad ces pa ni | gzhan dag gi’o zhes gsungs so | | slob dpon sh’anti pa ni mngon pa kun las btus kyang | byams pas mdzad par wdod ces grags kyang | yongs su grags pa byams pa’i chos lnga mdzad pa rnams gsan te | mi yul du byon nas | rnal wbyor spyod pa’i sa chen po la sogs pa theg chen gyi sde snod dam | lde snod gsum gtan

03-Bu-ston.doc 16

la wbebs pa rgyas pa’i bstan bcos sa sde lnga dang | de’i don sdud pa sdom rnam gnyis brtsams te | mngon pa kun las btus ni theg pa thun mong gi sdom yin no | | kha cig slob dpon a bha yas | theg pa chen po’i bstan bcos mngon pa kun las btus zhes bshad pas thun mong du mi wthad zer yang | skyon med de | theg chen gyi bstan bcos yin yang theg pa gsum ga’i don ston pa mi wgal te sa sde bzhin no | | byams chos lnga yang yi ger bkod de | mngon rtogs rgyan dang yum gyi don ston pa de nyid rnam nges brtsams | rgyud bla’i wgrel pa dang | mdo dgongs pa nges wgrel gyi wgrel pa sogs mdzad cing sa gsum pa brnyes pas bstan pa la bya ba byas pa yin no | | wgrel chung gi bshad pa tshig gsal du | slob dpon thogs med sa gsum pa wod byed pa brnyes kyang dbyig gnyen gdul ba’i don du sems tsam du bstan no zhes pa dang | sems tsam rgyan las | byams pa thogs med kyis gsungs shing | | klu sgrub kyang ni bzhed pa yi | | tshad ma lung dang ldan pa yi | | bden pa gnyis ni wdir brjod bya | | zhes pa’i wgrel par | byams pa ni sa bcu pa’i byang chub sems dpa’o | | thogs med ni sa gsum pa la gnas pa’i byang chub sems dpa’o | | klu sgrub ni sa dang po la gnas pa’i byang chub sems dpa’o | | zhes so | | kha cig sa’i stod wgrel las | wjig rten kun la phan phyir thogs med ces bya ba | | chos rgyun ting wdzin stobs kyis drangs pa’i bdud rtsi’i chos | | wphags pa mi pham zhal gyi bum pa nas blugs pa | | gsan pa’i snyim pas gsol ba de la phyag wtshal lo | | zhes pa dang | rnam par bshad pa bsdu ba’i mjug tu | wphags pa thogs med bdag dang gzhan gyi grub pa’i mtha’ rgya mtsho’i pha rol tu byon nas chos kyi rgyun gyi ting nge wdzin gyi khyad par brnyes pa wphags pa mi pham pa’i zhabs kyi padma rnyog pa med pa spyi bos len par mdzad | ces bshad pas chos rgyun gyi ting nge wdzin la gnas par bshad cing | de tshogs lam na yod pas wphags pa min yang rgyu la wbras bu’i ming gis wphags par btags so | | zer ba mi wthad de | slob dpon seng ge bzang pos | chos rgyun ting nge wdzin tshogs lam du thob par bshad kyang | de’i rjes la med par ma bshad pas so skyer mi wgrub cing | mdo lde rgyan gyi wgrer bshad chen mo las | chos kyi rgyun gyi ting nge wdzin ni mos pas spyod pas mthar phyin pa’o | | zhes pa dang | btsun pa ngo bo nyid med pa’i wgrel bshad las chos kyi rgyun gyi ting nge wdzin ni wjig rten pa’i chos kyi mchog go zhes gsungs la | chos mchog dang mthong lam stan gcig tu skye bas shin tu’ang wphags par gsal lo | | des dgung lo lnga brgyar zer yang brgya lnga bcu bzhugs te | theg chen dar bar mdzad do | | dbyig gnyen gyis | sngon rang rgyal mang pos chos mngon pa dar bar smon lam btab cing | lung sman gyi gzhi las | lhag mthong dang rjes su mthun pa’i gnas mal gyi mchog tu lung bstan pa’i kha cher slob dpon wdus bzang gi drung du | sngon dgra bcom pa zhi ldan dang sgur po la sogs pa mang pos mngon pa sde bdun dang lung gi don bsdus pa bstan bcos bye brag tu bshad pa zhes pa gzhung wbum phrag gcig tu longs pa zhig mdzad do | | wod ldan las | nyer sbas kyis mdzad ces wbyung ngo | | wdi la wgrel pa rgyal sras mar bye brag bshad mtsho zhes wbyung ba ni | bye brag tu bshad pa rgya mtshor gzugs can gyi rgyan gyi ston pa yin gyi ming ma yin la de bzhin du bye brag bshad mdzod ces wdod pa’ang mi wthad do | | bye brag tu bshad pa dang mngon pa sde bdun la sogs pa bslabs pas tshegs med par mkhyen nas | rgya gar du wbyon par bzhed pa’i tshe yul de’i sho gam bsrung ba’i gnod sbyin gyis lha rten yod pa phrogs nas lan gsum gyi bar zlog kyang | nor ni med | chos blo la yod pa dbral du mi btub pas btang ste n’a len drar byon pa dang | gcen gyis bstan bcos mang du brtsams pa’ang gsan nas | kye ma thogs med nags su lo | | bcu gnyis bar du ting wdzin bsgrubs | |

03-Bu-ston.doc 17

ting wdzin ma grub glang chen gyi | | rgyab khal longs pa’i grub mtha’ brtsams zhes theg chen gyi gang zag dang chos la bstings pa gcen gyis gsan nas | log sgrub don min du wgyur bar mkhyen nas de bzlog pa’i phyir slob ma gnyis sa bcu pa dang | blo gros mi zad pas bstan pa wdzin du bcug nas | gcung can song la srod dang tho rangs thon cig | ces bsgo pa ltar bsgrubs pas | srod la theg chen wdi rgyu bzang la wbras bu kha g.yel ba wdra gsung tho rangs rgyu wbras gnyis ka bzang bar wdug pa la ngas skur ba btab pa lce wdis lan pas gcod gsung nas | spu gri tshol ba’i tshe khong gnyis kyis ljags sgum mi wtshal | de’i sgrib pa sbyang thabs gcen la mnga’ bas | der gshegs so | | zhes smras te byon to | | der chos mang du gsan cing wbel gtam mang du mdzad pa’i tshe gcung ni spobs pa shin tu myur bar byung | gcen cung zad bul ba’i lan bzang po byung bas | wdi’i rgyu ci | dris pas | khyod ni skye ba lnga brgyar paNDi tar gyur pas skyes thos kyi shes rab che ba yin | nga la de lta bu med pas yi dam zhig la dris shing lan wdebs pa yin gsung | de bdag la bstan par zhu byas pas | rje btsun la zhu yi gsung nas zhus pas | khyod so so’i skye bo yin cing | dang por theg chen la skur ba btab pas | tshe wdi la mthong ba’i skal ba med kyis sgrib pa sbyang bar bya ba’i phyir | theg chen gyi mdo wgrel mang du rtsoms | gtsug tor rnam rgyal thon | phyi ma la mjal | gsung nas | de nas gcen la lhag par dad de | nga yi phu’o klu dang wdra | | nga ni char sdod bya dang wdra | | klu yi rgyal pos char phab kyang | | bya yi gre bar song ba med | ces zer zhing | byams pa’i gsung yang bsgrubs la | mdzod kyi tshig le’ur byas pa brtsams te | skyes dang bcas pa wdus bzas la springs so | | de’i slob ma dag gis lo dang grag la sogs pa wdi wo skol gyi grub mtha’ la zur za’o | | zhes smras pa dang | khong bstan bcos rtsam pa la mkhas pas tshig rgyan yin zer te | shin tu mnyes nas wgrel pa mdo dang mthun pa yang sbyar ro | | dus phyis wgrel pa mdzad de bskur ba dang | rtsa ba sun wbyin gyi wgrel pa wdi lung dang rigs pas tshar bcad cing pham par byas la | khong nyid kyis lag pas bsub tu gzhug dgos gsung ste | bstan bcos lan gyi phung po’ang brtsams te | rgya gar du wbyon bar chas pa dang | dbyig gnyen gyis gsan nas | slob dpon wdus bzang ni bye brag tu smra ba’i grub mtha’ la byang ba yin pas | zlog par dka’ la | de pham yang dgos pa med pas rang byung gi mchod rten bltar wgro zhes bsgrags la bal yul du wgro’o snyam nas byon no | | de’i rjes la slob dpon saMgha bha dra wdus bzang ngam | dge wdun bzang po wkhor rab tu byung ba mang po’i gos ngur smrig gi wod kyis nam mkha’ dmar por song ba tsam byon te | n’a len drar zhi bar gshegs so | | slob dpon dbyig gnyen ni bal yul du hang ngu zhes pa rab byung gi cha byad wdzin pa sdom khrims la mi gnas pa | chang gi bum pa thogs pa mthong nas | bstan pa nub wdug gsung nas skyo ba skyes te | rnam rgyal zlog nas bton pas wdas te | mchod rten brtsigs pa da rung yang yod par grag go | mdor na rigs mchog tu gyur pa bram ze’i rigs las rab tu byung ba’i dge slong | skye ba lnga brgyar paNDi tar gyur cing wbum sde dgu bcu rtsa dgu’am | brgyad cu’i don rtogs shing thugs la mnga’ ba wbru mar gyi bcing ba mdzad nas zhag bcu gnyis su zhal bton mdzad pa’i shes rab kyi dbyig dang ldan pa | brtse ba’i sgo nas bstan pa dar bar mdzad pas | wgro ba’i gnyen du gyur pa ste | ji skad du | blo ldan rnams mchog wjig rten gyis | | sangs rgyas gnyis pa ltar brjod gang | | wgro ba’i yang dag gnyen gyur pa | | dbyig gnyen zhes bya des mdzad do | | zhes pa dang | sa’i stod wgrel las kyang | wphags pa thogs med thub pa dpag bsam shing gyur las | | tshig gi yal ga wkhrungs las yi ge’i me tog gi | char bas rnam brgyan blo gter gyur pa dpal yon can | |

03-Bu-ston.doc 18

de yi gcung po dpal ldan de la phyag wtshal lo | | zhes bsngags pa’i slob dpon des | bka’ wkhor lo dang po bstan pa’i gzhir bshad nas | rigs pa’i mtshon rnon pos bshig pa chos mngon pa’i mdzod rtsa wgrel dang | wkhor lo bar pa’i don sems tsam du ston pa rgyal ba’i yum gyi gzhung wgrel dang | wkhor lo tha ma nges don du bshad pa rab tu byed pa sde brgyad dang | gzhan yang sa bcu pa’i mdo dang | blo gros mi zad pas bstan pa dang | ga ya go ri’i mdo dang | sgo drug pa’i gzungs dang | chos bzhi pa’i mdo la sogs pa’i mdo wgrel mang po dang | chos dang chos nyid rnam wbyed kyi wgrel pa la sogs pa bstan bcos mang du mdzad do | | brgyad stong wgrel par yang | wphags pa thogs med ces bya grags pa gsal ldan shes rab ldan pa’i mchog gyur pas | | de nyid rnam par nges pa bshad pa rab tu sbyar mdzad des mdzad pa yi mthus | | dngos dang dngos med rnam dbye’i phyogs la mkhas par shes pa’i mngon rlom gyis mtho ba | | slob dpon dbyig gnyen gyis ni gzhung gi wgrel par don bshad pa las gnas thob gyur | | zhes gsungs so | | slob dpon de la slob ma rang las mkhas pa bzhir grags te | mngon pa rang bas mkhas pa slob dpon blo brtan ni | slob dpon dbyig gnyen bha ga bi h’a ra zhes bya ba na wbru mar gyis zangs bkang ba’i nang na bzhugs te | wbum sde brgyad cu zhal ton mdzad pa’i tshe phug ron zhig rgyun du nyan pa zhig yod pa de re zhig gi tsho shi ste | mtha’ wkhob wdra ma zhes bya bas dmangs rigs kyi bur skyes ma thag nga yi slob dpon ga na bzhugs zhes wdri ba la | khyod kyi slob dpon su yin byas pas | dbyig gnyen yin zer nas | phas yul dbus su wgro ba’i tshong pa la dris pas bzhugs par thos nas | cung zad skyes pa dang | slob dpon dbyig gnyen can du bskyal nas | slob dpon gyis yi ge’i phyi mo bslob pa nas bzung ste | rig pa’i gnas thams cad la mkhas par bslabs te | chung ba’i dus su len dran gri lendra na sgrol ma’i rten bzhugs pa’i phyag tu | sran ma’i phud phul la bza’ snyam nas wga’ zhig phul bas wgril nas byung | yang phul bas wgril | wphags mas ma gsol bar rang za ba mi wong snyam nas | zad zad phul yang wadgril bas | byis pa ngus so | | der wphags mas zhal dngos su bstan te | ngu mi dgos | ngas khyod la byin gyis brlabs kyis khyim du song gsungs nas | de nas mkhyen rab thogs med du gyur te | rten de la sran ma’i sgrol ma zhes grags so | | slob dpon de la mdo dkon mchog brtsegs pa’i le’u bzhi bcu zhe dgu yan chad thugs la mnga’ zhing | wgrel pa yang mdzad ces grag go | de’i tshe mkhas pa’i grags pas kun tu khyab cing | de’i dus na slob dpon yon tan wod kyi sbyin bdag | rgyal po shr’i har shas chos kyi grags pa la da lta su mkhas dris pas | mkhas par rgyal pos byas pa yi | | btsun pa yon tan wod kyang ste | | bstan bcos kun gyi spod gcig la | | slob dpon blo gros brtan pa nyid | | ces gsungs skad do | | slob dpon des mdzod kyi wgrel pa gnam lcags thog gzer | chos mngon pa kun las btus kyi wgrel pa | rab tu byed pa sde brgyad kyi wgrel pa la sogs pa bstan bcos mang du brtsams so | | bod kha cig | sprang po nyi ma’i dngos grub kyis chos bsregs rjes | slob dpon blo brtan gyis dkon brtsegs blo la bton nas | bdag blo phyogs gcig bzhag pa dang | | gzhan blo phyogs gcig bzhag pa gnyis | | srang la gzhal na bdag blo lci | zhes pa’i nga rgyal gyi dbang gis | phag phrug tu skyes te ngur ba’i sgra la brtags pas | nga ni sngon gyi mkhas pa blo brtan te | | nga rgyal dbang gis phag mo’i lto ru skyes | | wdi nas shi ma thag tu dga’ ldan wgro | |

03-Bu-ston.doc 19

zhes grag ste | dus kyang wgal zhing | sangs rgyas kyi bstan pa wdzin par lung bstan pa’i gang zag las kyi dbang gis ngan wgror mi wgro’am snyam mo | | de’i slob ma gang ba spel yin la | de’i slob ma dzi na mi tra dang shi len dra bo dhi la sogs yin gsung ste dpyad par bya’o | | dbyig gnyen gyi slob ma tshad ma rang bas mkhas pa dpal ldan phyogs kyi glang po ni rigs bram ze la gnas ma bu’i sde ba’i mkhan po zhig las rab tu byung ste | sgra la sogs pa tha snyad kyi gcug lag la lags par sbyangs te | mkhan po la spong ba bsam gtan gyi man ngag zhus pas | phung po las de nyid dang gzhan du brjod du med pa’i bdag sgoms shig gsungs nas bsgoms pas bdag ma rnyed nas | phyi nang gi sgrib pas bsgribs sam snyam nas phyogs bzhir mar me chen po sbar | lus gcer bur byung | mig bgrad de phyogs bcur bdag btsal yang ma rnyed do | | de’i tshe spyod lam de ltar byed pa | grogs kyis mthong nas mkhan po la zhus nas | mkhan pos khyod ci’i phyir de ltar byed dris pas bdag tshol lo zhes so | | khyod rang gi grub mtha’ sun wbyin par wdug pas song zhig zer ba dang | mkhan po de nyid du rigs pas sun dbyung nus mod kyi | wos ma yin no snyam ste rim gyis byon te slob dpon dbyig gnyen can byon te | theg pa gsum la mkhas par sbyangs shing | khyad par rnam rig pa’i grub mtha’ dang tshad ma la mkhas par gyur to | | de nas slob dpon gyis wgro ba rnams kyi sdug bsngal gyi rgyu yang dag pa’i don ma rig pa yin pas | de spang ba’i phyir dang | gnyen po shes rab bskyed pa’i phyir mdzod kyi wgrel pa dang | yon tan mtha’ yas par bstod pa’i wgrel pa dang | dmigs pa brtag pa la sogs pa bstan bcos thor bu ba brgya rtsa brtsams so | | de dag kyang wthor ba lta bur gyur pas | gcig tu bsdus pa tshad ma’i mdo kun las btus pa brtsam mo zhes dgongs te | phyogs kyi glang po’i phug ces pa’i brag ngos la rdo thal gyis | tshad mar gyur pa wgro la phan bzhed pa | | ston pa bde gshegs skyob la phyag wtshal te | | tshad ma bsgrub phyir rang gi gzhung kun las | | btus te sna tshogs wthor rnams wdir gcig bya | zhes mchod brjod dang bshad par dam bca’ bris pa tsam gyis | sa g.yos | wod gsal | sgra chen po grag | mu stegs kyi ston pa rnams byin pa shing bzhin rengs pa la sogs pa ltas khyad par can du ma byung | de’i tshe nye logs na mu stegs kyi ston pa nag po thub rgyal zhes bya ba zhig yod pas | mngon shes phra mos bltas pas de’i mthur shes te | phrag dog gi dbang gis | slob dpon bsod snyoms la bzhud pa’i shul du phyin te | lan gnyis su bsubs pa dang | slob dpon gyis gsum pa bris nas | mjug tu ngas bris pa’i tshigs su bcad pa wphyi ba su yin | ku re dang kyal ka’i phyir yin na dgos pa rgya chen po yod pas ma phyi | phrag dog gi dbang gis yon na | blo la yod pas dbyi bar mi nus so | | nor te rtsod par bzod na | lus snang bar gyis shig brtsad par bya’o zhes bris so | | yang ltas sngar bzhin du byung ste | phyir wongs pas brtsad par bya’o zhes pa mthong ste bsdad do | | slob dpon bsod snyoms wkhor te byon pa dang | phrad nas bstan pa rgyal du btsugs te | brtsad pas lan gnyis lan gsum gyi bar du | mu stegs pham par byas te | da khod nang pa’i bstan pa la zhugs gsungs pas | kho khros nas kha nas me sbar te | slob dpon gyi yo byad thams cad bsregs | slob dpon yang tshig la khad par byas pas thugs skyo ste | yon ye ngas sems can thams cad kyi don bya snyam mod kyi | mu stegs wdi gcig pu’i don yang bya mi nus par wdug pas | rang don zhi bde mngon du bya’o | | snyam du dgongs nas | rdo thal nam mkha’ la wphangs te | sa la babs ma thag sems skyed btang nge snyam du wphangs pas | sa la ma babs par wjam dpal dngos su byon te | bu | ma byed ma byed theg pa dman dang phrad pa las ni blo gros ngan skye ste | khyod kyi bstan bcos wdi la mu stegs tshogs kyis gnod mi nus par shes bya ste | khyod kyis sa ma thob kyi bar du dge ba’i bshes su nga wgyur gyis | | phyi ma’i dus na bstan bcos kun gyi mig gcig tu ni wdi wgyur ro | |

03-Bu-ston.doc 20

zhes rjes su bzung ngo zhes kha cig wchad do | | rnam nges kyi T’ikka chos mchog las | slob dpon phyogs kyi glang po ri phug dben pa zhig na bsgom pa la brtson pas gnas pa na | gnas skabs wga’ zhig tu wkhor ba las yid wbyung nas | sems can gyi don las gzhan du phyogs te gcig pu grol bar wdod pa na | skad cig de la wphags pa wjam dpal byon nas | bu | skye bo ngan pa dang rjes su mthun par sems sdar ba’i gzhan gyi dbang du gyur te | sems can kun la phan par nus pa’i sems yod bzhin du | ci’i phyir btang snyoms su byed cas gsungs pa dang | lan du bcom ldan wdas wkhor ba ni bzod par dka’ ba’i sdug balngal du ma dang ldan pas | bsran par mi nus la sems kyang dam pa ma yin pa’i skye bo la dga’ bas g.yo bar spyod cing | khyod mthong yang bdag la byin gyis ma brlabs na | de la ci zhig bgyir mchi zhes gsungs pa dang | lan du | bu | ji srid sa ma thob kyi bar du | khyod kyi dge ba’i bshes gnyen ni nga nyid do | | zhes gsungs te mi snang bar gyur to | | zhes wbyung la | | kha che dzny’a na shr’i’i T’ikka las | khyod kyis sangs rgyas ma thob kyi bar du | zhes wbyung ngo | | slob dpon des tshad ma kun las btus rang wgrel dang bcas pa brtsams te | mu stegs thams cad btul nas bstan pa rgyas par mdzad do | | de’i slob ma slob dpon dbang phyug sde rig pa’i gnas lnga la mkhas pa zhig byung ste | kun las btus kyi wgrel bshad kyang mdzad do | | de’i slob ma chos kyi grags pa ni rgya gar lho phyogs rgyal dbang gtsug gi nor bu zhes bya bar | mu stegs kyi bram ze’i rigs su skyes te | chung ngu la sgra legs par wbyongs nas | zhang po mu stegs kyi ston pa gzhon nu ma len la | mu ste kyi bram ze rab hu byung ba’i chas blangs pas | zhang pos ngan du smras te bskrad do | | slob dpon gyi dgongs pas | mu stegs thams cad pham par byed pa zhig bya’o snyam ste | nang pa’i bstan pa la rab tu byung nas sbyangs pa mdzad cing | khyad par slob dpon dbang phyug sde la tshad ma kun las btus tshar gsum du nyan par dam bcas nas mnyan pas dang po la slob dpon dbang phyug sdes ji ltar dgongs pa ltar go | gnyis pa la phyogs glang gos dgongs pa bzhin go ste | dbang phyug sde’i wdod pa nor bar rtogs nas | gsum pa gsung bar zhus pas | phyogs glang la slob ma nga lta bu las med | nga la’ang khyed lta bu las ma byung | tshar re las wchad pa’i srol med pa la | gnyis su’ang bshad pa yin | nga wdi gcig pu wchad pas mi phan | paNDi ta’i bya ba gzhan yang bya dgos pas | ras snum sta gon gyis shig nub mo wchad do | | gsungs nas de ltar byas pas | wbras bu rgyu’i khyad par gyi rjes su byed pa lhag par rtogs te slob dpon la lngar gyi tshul brjod pas shin tu mnyes nas | da khyod kyis nga’i grub mtha’ nor pa rnams | phyogs sngar gyis la | kun las btus la | wgrel pa rtsoms shig | ces rjes su gnang ngo | | de nas slob dpon gyis grangs can gyi grab mtha’i gsang tshig rnams rtogs pa’i don du bran du rdzus te zhang po’i chung ma’i g.yog byas nas mgu bar byas te | grub mtha’i gnad wdi wdra wdri dgos byas pas | wdod pa spyod pa’i tshe dri yis | khyed rab yid la zung zer nas | mo’i rkang pa la thag pa btags nas | gang dka’ ba de la thag pa wthen nas legs par shes pa dang bris te grub mtha’i gnad shes pas | thams cad thub par shes te | de’i tshe mkhas pa yod na rtsod par byed do zhes dril bsgrags pas phal cher yul gzhan du bros | rtsod pa byas pa rnams chos kyis tshar bcad de | chos kyi lam la bkod nas | gal te chos kyi grags pa yi | | smra ba’i nyi ma nub pa na | | chos rnams gnyid log yang na shi | | chos ma yin rnams da gdod longs | | zhes ched du brjod pa mdzad do | | bstod pa byed pa dag gyis kyang | | mu stegs rigs la sgra tshad mkhas | | rgol ba tshar gcod mkha’ la gshegs | |

03-Bu-ston.doc 21

dharma k’irti zhes bya ba’i | | bla ma de la phyag wtshal lo | | zhes bstod do | | de nas slob dpon rim gyis grong khyer dang ljongs rgyu zhing | mthar rgyal po me tog rgyas pa’i sgo drung du sleb ste rgyal pos da lta su mkhas dris pas | shes rab can ni phyogs kyi glang po ste | | tsandra go mi brjod pa rnam par dag | snyan ngag dpa’ bo las byung sdeb sbyor mkhas | | me tog kun tu rgyas pa longs spyod ldan | | phyogs las rnam par rgyal ba nga min su | | zhes gsungs pas | rgyal po na re | dharm’a k’irti yin nam | de skad du’ang grags so | | gsung pa dang | rgyal pos gdan drangs te sbyin bdag mdzad nas | rab tu byed pa sde bdun brtsams te | mjug tu rnam wgrel gyi le’u dang po’i rang wgrel mdzad do | | bstan bcos rnams mkhas pa’i gra sar wgrims pas phal cher gyis ma shes so | | la las shes kyang phrag dog byas nas nyos so | | zhes bsgrags te khyi mjug la btags pas | slob dpon nare | khyi grong dang srang kun tu rgyu ba bzhin bstan bcos kyang dar bar wgyur ro | | zhes gsungs shing | rnam wgrel gyi mgor | skye bo phal cher phal la chags shing shes rab rtsal med pas na legs bshad rnams | | don du mi gnyer kho nar ma zad phrag dog dri ma dag gis sdang bar yang | | longs gyur des na bdag la wdi ni gzhan la phan pa yin zhes bsam pa’ang med | | sems ni yun rings legs bshad goms pas lhur len bskyed phyir wdi la dga’ ba skyes | zhes pa bcug go zhes grag go | de nas paNDi ta lha dbang blo la wgrel pa rtsom par bskos pas lan cig brtsams te gzigs pa phul bas chus bkrus | yang brtsams pas mes bsregs pas | phyis brtsams nas | phal cher skal ba med nyid dang | | dus la’ang sdod pa med pa’i phyir | | goms pa’i phyir ni mdor bsdus nas | | dka’ wgrel wdi ni wdir byas so | | zhes pa phul bas | wphros dang tshig gi zur gyis mtshon pa’i don rnams ma byung bar wdug ste | tshig gis dngos su bstan pa’i don byung wdug gsung | won kyang nga’i rigs pa wdi gzhan gyis ma nor ba mi shes par wdug dgongs te | rnam wgrel gyi mjug tu | rgya mtsho la ni chu bo bzhin du rang gi lus la thim zhing nub pa nyid du wgyur | zhes pa bcug ces grag go | de yi slob ma sh’akya blo yin la | des wgrel bshad byas | de’i slob ma wod kyi blo yin zer ro | | kha cig dza m’a ri chos grags kyi dngos slob yin | | rgyan gyis spur la lung blangs | de’i slob ma dul lha | de’i slob ma chos mchog zer to | chos mchog ni chos wbyung byin dang dge srung gi slob ma yin par T’ikka las bshad do | | dza m’a ris rgyan la wgrel bshad byas | dul lha dang bde byed dga’ bas sde bdun la wgrel pa byas zhes grag go | slob dpon dbyig gnyen gyi slob ma phar phyin rang bas mkhas pa wphags pa rnam grol sde ni | gtsug lag khang rgya chen po du ma’i bdag po | gas pa ku ru ku lu ba la’i sde pa | slob dpon sangs rgyas wbangs kyi dbon po | sa rab tu dga’ ba thob pa des | sangs rgyas la mngon sum du nyan nas | sher phyin gyi don ston pa mngon rtogs rgyan gyi wgrel pa | nyi khri lnga stong pa dang sbyar ba nyi khri snang ba zhes bya ba mdzad do | | btsun pa rnam grol sdes nyi khri rnam wgrel mdzad do | | de’ang wphags pa grol lde’i slob mar kha cig wdod do | | khyad par du slob dpon seng ge bzang po’i lo rgyus ni | sngon shar phyogs seng ldeng gi nags zhes bya ba na | sdong po chen po zhig la shing gi lha zhig yod pa las yul de’i phyugs rdzi zhig dus las wdas te | de’i chung gzugs byad bzang mo zhig yod pa phyugs wtshor song ba

03-Bu-ston.doc 22

dang | shing gi lha des wdod pa sbyad pas | sras khyad par can zhig wkhrungs te | gau p’a la zhes btags so | | de la phas nor bu rin po che byin pas de’i yon tan gyis sa thams cad la kha lo sgyur ba zhig byung ste | des na len dra brtsigs so | | de’i btsun mo dbang chung ba zhig gis | rgyal po dbang du bya ba’i phyir slob dpon bram ze zhig la rig pa zhus pas des ri bo gangs can las sman blangs te | rgya btab ste bran mo la bskur bas | de stegs wdred pa la lhung bas chus khyer te | rim gyis rgya mtshor zhugs pa dang | klu’i rgyal pos blangs te zos pas klu’i rgyal po rgya mtsho skyong dbang du gyur nas | btsun mo dang phrad spa sras dpal ldan chos skyong bltams te | dus bzang la mchod pa byas pa’i tshe sbrul mgo rong nge byung bas rgyal po khros te | chad pa bcad par brtsams pa las | sor gdub bstan pas klu’i yi ge mthong bas slar bkur sti byas te skyed bsrings so | | des lha khang gzhan las khyad par du wphags pa zhig rtsig par wdod pas ltas mkhan la dris pas | dge sbyong dang bram ze’i ras la sdong bu byas te | rgyal po dang tshong dpon gyi khyim nas mar blangs shing | dka’ thub pa’i lha gnas nas kong bu blangs te | mar me spar ba yi dam gyi mdun du bzhag ste | gsol ba btab na | chos skyong gi sprul pas kong bu bskyur bar wgyur bas der rtsigs shig zer nas | de ltar byas pas bya rog cig byung nas | kong bu mtshor bskyur bas yi chad pa na | mtshan mo klu’i rgyal po sbrul mgo lnga pa zhig byung ste | nga khyod kyi pha yin pas mtsho bskams la rtsig tu gzhug go | zhag bdun bdun na mchod pa chen po gyis shig zer te | de bzhin byas pas zhag nyer gcig na mtsho bskams te | o tyanta pu ri’i gtsug lag khang bzhengs so | | rgyal po de la sras rgyal po dang paNDi ta dang grub thob dang sdig sbyod kyi rgyal po zhig ste bzhi yod pa la | tha ma nor gyis brel dogs nas | nor bu byin no | | de la sras de ba p’a la zhes bya ba smon lam gyi stobs can yum la dad pa thob pa zhig byung ste | des pha la nor bu brkus te dge slong yum wchad pa zhig la phul bas | yab gyis rig ste | nor bu ni rgyal po dbang ba yin gyis | dge sbyong wdod pa chung zhing chog shes par rigs pa la | khyod de lta ma yin no zhes mgul pa bgags te | rin po che wphrogs so | | dge slong gis shi ma thag rang gi slob ma rgyal bu’i sras su skye bar smon lam btab pas | da ltar gyur nas | rgyal po sa skyong zhes bya ba yum la dad pa thob pa zhig tu gyur te | phyogs kun tu yum wchad pa tshol ba la zhugs pa na | de’i tshe slob dpon seng ge bzang po zhes bya ba rgyal rigs las rab tu byung ba | phyi nang gi grub mtha’ thams cad la mkhas pa khyad par du yum gyi don la ring du goms pa zhig byung ste | des rang gi mkhan po rnam snang bzang po la byams pa’i sgrub thabs zhus nas bsgrubs pas | rmi lam du dge slong gur kum gyi mdog can spyod lam mdzes pa zhig rmis te | shar phyogs khars p’a Nir song zhig | ces lung bstan no | | sad de der song nas zhag gsum du smyung gnas byas te | rmi lam brtags pas tho rangs rmi lam na | o tyanta pu ri bi ha ri’i gandho la’i steng gi nam mkha’ la sprin phung wthug po zhig gi gseb na | lha’i lus stod sprin gyi gseb nas phyung nas mchod rdzas sna tshogs kyis mchod pa mthong ste | ci byed dris pas | rje btsun byams pa brgyad stong pa gsung ba la mchod pa byed pa yin zer te | ring du bltas pas rje btsun zhal gser mdog can spyi gtsug mchod rten gyis spras pa phyag g.yas chos wchad kyi phyag rgya mdzad pa tsam zhig mthong nas phyag dang mchod pa byas te | nyid kyi bstan bcos la ding sang wgrel pa mang du mchis na | gang gi rjes su wjug par bgyi zhes zhus pas | thams cad kyi gzhung legs par rtogs la | wthad pa bsdus te | khyod kyis phyogs gcig tu rtsoms shig | ces gnang ba thob bo | | sad de mchod pa byas te | bstan bcos rtsom pa’i sbyin bdag btsal pa’i phyir | shar nas nub tu byon pa na | rgyal po sa skyong gis yum wchod pa la | slob dpon seng ge bzang po mkhas par thos nas | gdan wdren du btang pa’i pho nya dang prad nas gdan drangs te | wphags pa’i wgrel pa dang mthun pa nyi khri’i bsdus den le brgyad ma dang brgyad stong wgrel chen dang | don gsal wgrel pa dang | sdud wgrel rtogs par sla ba dang | shes phyin sgom pa la sogs pa mdzad do | |

03-Bu-ston.doc 23

zhes grag go | brgyad stong wgrel chen du dpal ldan chos skyong gis sbyin bdag byas nas | tri ka tu ka zhes pa tsha ba gsum gyi gtsug lag khang du byas par bshad do | | slob dpon shes rab wbyung gnas blo gros kyis | slob dpon seng ge bzang po skyes bu’i don la mngon du phyogs te | shes rab kyi pha rol tu phyin pa ston pa na | po ti du ma dag na wdod pa du ma dang | wchad pa po rnams kyis | bshad pa yang phan tshun wgal ba mthong bas skyo ba skyes te | mtha’ gcig tu gnas pa na | thugs rje chen po dang ldan pa’i bcom ldan wdas byams pas de’i skyo ba bsal ba’i phyir mngon par rtogs pa dang bcas pa’i bcom ldan wdas ma yang bshad do | | zhes zer ba rjes su thob pa yin no | | zhes bshad do | | slob dpon chos kyi bshes gnyen ni lo bcu bdun du dge ba’i bshes gnyen mnyes par byas pas | rmi lam du byams pas rjes su bzung zhes wchad kyang | slob dpon nyid kyi mkhas pa’i wgrel pa bzhi las rnyed cing | khyad par wphags pa gnyis kyi wgrel pa la brten par bshad de | wgrel chen du | wdi ni wphags pa thogs med la sogs pa rnams kyis bshad pa bris pa yin pa’i phyir tshad mar bya’o shes pa dang | wphags pa rnam par grol sde yi | | mthu yis don mthong sgo nas ni | | zhes so | | de’i slob ma slob dpon sangs rgyas ye shes zhabs zhes grags pa wjam pa’i dbyangs las dbang bskur ba thob pa des | tshogs su | slob dpon gsang pas mig wthon yang bzod par gsol bas | nyin mtshan gnyis kar mthong ba’i spyan byon pa de | slob ma gu Na mi tras bskul nas sdud wgrel brtsams | gsang wdus la lung gis zin pa’i chos bcu bzhi brtsams te | wjam dpal zhal gyi lung dang | sgrub thabs kun tu bzang po dang | kun tu bzang mo dang | bdag grub par wbyung ba dang | sna tshogs wkhor lo dang | rin chen wbar ba dang | rtsa ba’i ye shes chen po dang | tshigs su bcad pa’i mdzod dang | grol ba’i thig le dang | byang chub sems kyi thig le dang | bkra shes kyi rnam bshad dang | bzhi pa la wjug pa dang | gtor ma dang | sbyin sreg dang | mchod pa dang | dkyil wkhor dang | chu dbang gi sgrub thabs la sogs pal grags so | slob dpon dbyig gnyen gyi slob ma wdul ba rang bas mkhas pa yon tan wod ni | rgya cher wgrel las | wphags pa gzhi thams cad yod par smra ba’i wdul ba wdzin pa chen po | | bram ze’i slob dpon btsun pa yon tan wod | bdag dang gzhan gyi grub pa’i mtha’ rgya mtsho’i pha rol tu son pa | bde bar gshegs pa’i chos wdul ba bdud rtsi’i nying khus shes rab kyi dbang po rgyas pa de bzhin gshegs pa’i bka’ dam pa nan tan snying pod bsgrub pa | zhes wbyung ba’i yon tan dang ldan pa des | wdul ba’i mdo dang | las brgya rtsa gcig dang | byang sa’i tshul khrims le’u’i wgrel pa dang | wdul ba’i mdo la rang wgrel la sogs pa mdzad do | | kha cig las brgya rtsa gcig dul ba lhas byas par wdod do | | slob dpon de kha cig nyer sbas kyi slob mar wdod | kha cig legs mthong gi slob mar wdod de | dus mi gcig pas nor bar rig par bya’o | | stod wdul ba dag legs mthong gis phyir mi wong la | des glos mi wbebs la | des yon tan wod la bshad zer te | brtag dgos so | | yon tan wod kyis lo bzhi brgya thub zer ro | | de’i slob ma sh’akya wod yin zer ba | mi bden te | wod ldan las | bdag gi mkhan po ma ga dhar gnas rgyan du gyur pa grags thob pa | | bsod nams grags pa las ni bdag gis mnyan nas rang gi wdul ba’i cho ga yi | | rnam par bshad wdi gsum rig rnams kyis bshad pa’i phyogs kyi gzhi mdzad bstan pa yin | | zhes pa dang | gzhan yang | bla ma dag ni ring na bzhugs pa grags pas rnam par khyab ba zhi ba’i wod kyis bdag | dran pas dgongs pa mdzad par gyur cig snyam nas bdag gis wgrel pa don gsal byas pa yin | zhes bsod nams grags dang | zhi ba wod kyi slob mar bshad do | | de’i slob ma sh’akya bshes gnyen yin par sum brgya par bshad do | | sh’akya wod kyis sum brgya pa dang de’i wgrel pa wod ldan mdzad do | |

03-Bu-ston.doc 24

wdul ba’i mdo la chos kyi bshes gnyen gyis rgya cher wgrel mdzad cing | de yon tan wod kyi slob mar kha cig wdod do | | sh’akya wod kyi slob ma seng ge’i gdong can | de’i slob ma dzi na mi tra yin zer ba’ang brtag par bya’o | | rgyal sras zhi ba lha’i lo rgyus ni | ngo mtshar can gyi gtam bdun zhes grags te | lhag pa’i lha mnyes n’a len dra’i | | bkod pa phun tshogs rtsod pa bzlog | ya mtshan can dang sprang po dang | rgyal po mu stegs can btul ba’o | | de la dang po lho phyogs su yul wkhor bzang po zhes bya bar rgyal po dge ba’i go cha zhes bya ba’i sras zhi ba’i go cha zhes bya bar bltams nas gzhon nu’i tshe rig pa mang po bslabs shing | khyad par du ku su lu zhig la wjam dpal rnon po’i sgrub thabs shig zhus te bsgrubs pas zhal mthong ngo | | re shig na yab wdas te | nang par rgyal por dbang bskur ba’i do nub rmi lam na | sang rang nyid sdod par wgyur ba’i khri de la rje btsun bzhugs nas | bu gcig wdi ni nga yi stan yin te | | nga ni khyod kyi dge ba’i bshes gnyen yin | | nga dang khyod gnyis stan gcig la wdug pa | | wdi ni rnam pa kun tu rigs ma yin | zhes gsung ba rmis pas sad pa dang rgyal srid bzung mi btub par shes te | bros nas n’a len drar paNDi ta lnga brgya’i khyu mchog rgyal ba’i lha las rab tu byung ste | mtshan zhi ba’i lha zhes btags te | nang gi kun spyod wphags pa la chos gsan cing de la mnyam par wjog pa dang | | bstan bcos zab mo rtsom par mdzad kyang | phyi’i spyod lam za nyal wgro ba ma gtogs pa gzhan gyis ma rig pas | bhu su ku wdu shes gsum pa zhes grags shing | gzhan rnams kyis phyi’i spyod pa la dpags nas | rab tu byung ba’i bya ba wkhor lo gsum yin pa la | wdi gang dang yang mi ldan par dad pas byin pa longs spyod par mi rung bas bskrad par bya | de’ang mdo wdon res byas pas rang bud la wgro lo | | snyam du bsams nas | de la mdo wdon par bsgo pas mi nus zer ba dang | mkhan po la zhus pas | khyed nyid kyis sgos shig gsung nas bsgos pas | wdon par khas blangs pa dang | kha cig ci yin mi shes snyam zhing the tshom du gyur bzhin du nyams sad pa’i phyir | skye bo mang po’i dbus su khri mthon po bshams so | | de nas ji ltar song mi mngon par phyag gis mnan nas | steng du byon pas phal cher yid gnyis su gyur to | | de nas sngar grags pa gdon nam | ma grags pa gdon gsungs pas | ma grags pa gdon par zhus pas | bslab btus ni mangs | mdo kun las btus ni nyungs bas | tshig bsdus la don rgyas pa | byang chub sems dpa’i spyod pa la wjug pa zhal ton du mdzad cing | sher le’i | gang tshe dngos dang dngos med dag | ces pa nas | nam mkha’ la je mtho je mthor song nas | mthar sku mi snang bar gsung grag pa’i sgo nas rdzogs par bton te gshegs so | | de nas gzungs thob pa rnams kyis ji ltar zin pa bsdus pas shu lo ka bdun brgya dang stong dang stong lhag tu gyur pas the tshom za zhing | bslab pa kun las btus pa yang | | yang dang yang du blta bar bya zhes pa dang | yang na re zhig mdor bsdus pa | | mdo rnams kun las btus pa blta | zhes pa’ang | ngo ma shes pa na | lho phyogs mchod rten dpal yon can na bzhugs par thos nas | dge slong gnyis spyan wdren du btang ba dang mjal nas | de dag zhus pas | bslab btus dang mdo kun las btus kho bo’i brang khang gi gdung gseb na paNDi ta’i yi ge phra mos bris pa zhig yod | spyod wjug shu lo ka stong tshang ba de yin | zhes lung bstan te de dag gi bshad pa dang sgrub pa’i lung yang gnang ngo | | de nas shar phyogs su byon te rtsod pa chen po byed pa zhig gi wthab zla mdzad pas | rdzu wphrul gyis thams cad wdums par gyur te bde ba la bkod do | | yang yul ma ga dha’i nub phyogs ha cang mi ring ba zhig na | ya mtshan gyi lta ba wdzin pa lnga brgya gnas pa’i wkhor du bsdad pa dang | re shig yul ngan chen po byung bas bza’ btung che de | nyom mongs par gyur nas su slong nus pa dpon du bskos shing bsgo ba nyan par byas

03-Bu-ston.doc 25

pa dang | slob dpon gyis wbras chan s+hung bzed gang blangs te | byin gyis brlabs pas thams cad tshim par mdzad nas | de dag ya mtshan can gyi lta ba las bzlog ste | thub pa’i bstan pa la bcug go | | de nas re shig mu ge chen po byung ste | sprang po stong tsam zhig bru ba tsha bas nyen te | | wchi la khad pa na | slob dpon gyis wtsho ba sbyar zhing chos bstan te | bde ba la bkod do | | de nas shar phyogs su | a ri bi sha na’i rgyal po la ma tsa la’i gnod pa bya ba | wtsho ba ma phyid pa kha cig rgyal po la wkhril nas kho la gnod pa byas na rgyal po gsod pas | nor sbyin dgos pa yod pas | bsrung ba’i phyir sku srung mdzad pa la slob dpon la | rje btsun gyis phyag rgyar bcangs pa shing gi ral gri zhig las med pas grogs kyis mthong ste | rgyal po la mi wdi sgyu can zhig ste lag cha la gzigs shig ces gsol pas | rgyal po khros te | khyod kyi ral gri phyung zhig ces smras pas | lha nyid la gnod par wgyur ro zhes gsol bas | gnod kyang bla yis | nges par phyung zhig zer ro | | wo na lha’i spyan gcig bkab ste gcig gis gzigs shig ces gsol pas | de ltar byas te | ral gri phyung bas de’i wod zer gyis ma bzod de | mig gcig zhar ba dang | bzod par gsol te skyabs su song ste | chos la btsud do | | de nas dpal gyi ri’i lho phyogs su byon te | u tsha sma’i spyod pa zhes pa sprang po’i cha byad gcer bu khrud ma pho ba’i tshigs mas wtsho bar byed pa na | kha ti bi ha ra’i rgyal po’i bran mo ka tsa la has khrud ma pho ba’i chu thor slob dpon la phog pas khol ba mthong ste | de’i tshe mu stegs kyi ston pa shad ka ra de pa zhes bya bas | gnangs nam mkha’ la dbang phyug chen po’i dkyil wkhor wbri bas | de bshig ma nus na nang pa’i chos lha rten bsregs nas | phyi rol pa’i sgor wjug dgos so zhes rgyal po la gsol pa dang | rgyal pos dge wdun bsdus te | don de bsnyad pas sus kyang bshig par khas len ma nus pas | rgyal po mya ngan du gyur pa na | bran mos sngar mthong pa de bshad pas | tshol cig gsungs nas | phyogs kun tu btsal bas shing sdong gcig gi drung nas rnyed de | don de zhus pas | ngas nus kyis | | chu bum pa gang ras yug gnyis | me rnams sta gon gyis shig gsungs nas | de ltar byas so | | sang dgong kha thig btab ste song bas thams cad the tshom du gyur to | | gnangs snga dro dkyil wkhor bris te shar sgo tsam zin pa na | slob dpon gyis ting nge wdzin mdzad pas tshub ma chen po langs te | rmeg med par khyer te rtsva dang shing dang grong khyer thams cad kyang wgyel la ma wgyel la thug par ldeg | der wtshogs pa’i mi rnams kyang bdas | mu stegs kyi ston pa yang rnam par wthor rlung gi bdas pa’i bye’u bzhin du | phyogs thams cad du khyer zhing mun pa chen por gyur to | | de nas slob dpon gyi smin mtshams nas | wod byung nas rgyal po dang btsun mo la lam bstan te gos dang bral zhing rdul gyis g.yogs pa la chus bkrus nas | ras gsar pa g.yogs te mes bsros te bde bar byas so | | de nas mu stegs kyi lha khang rnams bshig nas sangs rgyas kyi bstan pa la btsud pas da lta’i bar du yang mu stegs pham pa’i yul zhes grags so | | slob dpon des rang nyid so skyer zhal gyis bzhes kyang | slob dpon shes rab wbyung gnas blo gros kyis wphags par bshad cing | nag po bas kyang wjam pa’i dbyangs kyi zhabs kyi pad mo la spyi bos gtugs par bshad pa’i slob dpon des | rgyas par ston pa bslab btus | bsdus te ston pa mdo kun las btus | don rgyas la tshig bsdus pa spyod wjug dang gsum mdzad do | | spyod wjug la rgya gar na wgrel pa brgya rtsa yod par grags kyang | bod du wgyur ba brgyad tsam yod do | | mdo lang kar gshegs par | sgra byed pa ni p’a Ni ni | zhes lung bstan cing | wjam dpal rtsa ba’i rgyud las kyang | byang chub thob par lung bstan pa’i bram ze p’a Ni ni la sogs pas mdzad pa’i sgra’i bstan bcos kyi lo rgyus ni | dang po su macu rtsa gsum du sarbba dzny’an zhes pa’i lha zhig gis sgra’i bstan bcos chen po zhig byas te | lha rnams kyis spyad de | nub nas wdzam bu’i gling du ma phyin no | | de nas lha’i dbang po brgya byin gyis | sgra’i bstan bcos shig mdzad de | indra by’a ka ra Na zhes grags pa de drang srong phur bus legs par shes nas lha’i bu rnams la bstan pas | lha’i bla ma zhes sam sgra mkhan zhes ming du grags so | |

03-Bu-ston.doc 26

de nga las sgra mkhas pa med snyam du nga rgyal byed pa na | lha’i dbang pos rgya mtsho las chu bum pa gang blangs te | de las ku sha’i rtses chu thigs pa gcig blangs te | phur bu la sgra spyir rgya mtsho tsam | ngas shes pa bum chu tsam | khyod kyis shes pa wdi tsam mo zhes brjod pas | phur bu yi mug ste | sgra ye mi slob par sems pa la | dbang pos won kyang ji ltar shes pa slobs shig ces bsgo pas bka’ ma bcag par dus bzang bzhi la mi slob gzhan la slob par khas blangs pas | bram ze rnams ding sang yang | tshes brgyad slob dpon nges par wjoms | | bcu bzhi la ni slob ma wjoms | | gnam stong la ni rig pa wjoms | | tshes gcig la ni thams cad wjoms | | zer nas dus bzangs bzhi srung ba yang de yin no | | bstan bcos de wdzam bu’i gling du’ang phyin te dar bar gyur to | | de nas de nub pa dang bram ze p’a Ni ni byung ste | sgra bslab par wdod nas | lag ris mkhan la bstan pas sgra mi shes par wdug zer ba dang | mtshon rnon pos lag ris bris te | slob dpon wtshol du song bas ma rnyed do | | de nas ma h’a de ba bsgrubs pas zhal bstan nas | ci wdod zer ba la sgra shes par wtshal lo | | zhes smras pas | lhas byin gyis brlabs te dus gcig tu | a i u zhes brjod pas | sgra thams cad shes zhes grag go | nang pa rnams spyan ras gzigs bsgrubs pas shes par wchad pa de lung dang mthun te | wjam dpal rtsa rgyud las | bram ze’i khye’u p’a Ni ni | nges par nyan thos byang chub tu | | nga yis lung bstan byas pa yin | | wjig rten dbang phyug bdag nyid che | | de yang de yi sngags grub bo | | zhes pas so | | slob dpon des sgra’i bstan bcos sho lo ka nyis stong yod pa zhig byas te | p’a Ni by’a ka ra Na zhes grags so | | de la klu’i rgyal po zhig gis ma h’a bha SHa zhes pa’i wgrel pa shu lo ka wbum yod pa zhig byas te shin tu dar ro | | dus phyis rgyal po bde spyod kyi btsun mo sgra’i cha shas cung zad shes pa zhig yod pa de dang | rgyal po khrus byed cing rgyal pos chu gtor bas btsun mos | ma mo da k’a sinytsa | zhes saM skri ta’i skad du bdag la chu ma wthor byas pas | rgyal pos wphral skad kyi tshig zur dang sbyar nas | til gyi tshod ma blang zhes par go nas | bran zhig la til gyil du bskur bas | btsun mos khrel te | ba lang wdra ba wdi dang wgrogs pa bas shi bla’o snyam ste lceb par rtsom pa na | rgyal pos ci yin dris pas gong gi lo rgyus bsnyad do | | de nas rgyal po’i zhang po sarbba varmma zhes bya bas | rgyal po la ngas gzhon nu smin drug bsgrubs la | ngag gi dngos grub blangs la | rgyal pos kyang sgra shes par bya yis | btsun mo la de ltar ma byed cig ces gyis shig | rgyal pos kyang de ltar byas te btsun mo spro bsrings so | | sarbba varmmas bsgrubs pas gzhon nu smin drug gis zhal bstan nas ci wdod zer ba la | sgra shes par wtshal lo zhus pas | siddho varNa sa maMn ye zhes pa nas | le’u bco lnga’i bar du bshad pa dang | de rlom ba skyes te des wtshal lo zhes smras pas | smin drug gis bzhon pa bskyod de | rma bya’i mjug ma log ste byung ba dang | ka l’a pa bzod par gsol zhes smras so | | ka l’a pa ni cha bsags te | rma bya’i mdongs la wjug pas de bzhin grags so | | de nas rgyal po la bslabs pas shes nas btsun mo’ang mgu’o | | de la sgra ma rdzogs par | sarbba varmma dang bram ze mchog sred kyis bsnan te | shu lo ka bzhi brgya lo’u nyer bzhi yod pa zhig byas so | | de la paNDi ta bgrod dka’ seng ges wgrel pa mdzad do | | paNDi ta grags wbyor gyis wgrel pa slob ma la phan pa zhes pa byas so | | de latsntra tsantra by’a ka ra Na byung ngo | |

03-Bu-ston.doc 28

rnams na bstan pa dar ba dang nub pa dang mgo zug pa’i tshul gyis | theg pa gsum tshang ba dang ma tshang ba ci rigs su gnas so | | bka’ mang po klu’i yul na bzhugs par bshad de | slob spring las | bstan pa rin chen mchog ltar bzang la wphan med pa | | rnam par dag tshul gang yin klu mgo’i gdengs ka can | | chen po rnams kyis gtsug gi rgyan bzhin gus mnos nas | | sa yi gting na gnas pa’i rab rib sel bar mdzod ces gsungs so | | gsum pa nub par wgyur tshul ni | zla ba snying pos zhus pa las | bcom ldan wdas dam pa’i chos wdi tha mar ji ltar nub par wgyur | rgyu ci las nyams | sus ma mchis par bgyid | ces zhus pa na | nga wdas pa’i wog tu lo lnga brgya’i bar du | nga’i bstan pa spyod pa’i sems can rnam par grol ba mang du wbyung | | de nas lo lnga brgya’i bar du ting nge wdzin spyod pa’ang mang du wbyung | rgyal po dang sems can phal cher chos la dad cing spyod pa ni | phyir zhing nyung bar wgyur ro | | de nas lnga brgya’i bar du dam pa’i chos ston cing | sems can wdren pa dang thar par byed pa’i slob dpon mang du wbyung la | nyan thos kyi dgra bcom pa nyid ni nyung bar wgyur ro | | rgyal po dang sems can phal yang nyan pa tsam du zad kyi | nyams su len cing spyod pa la brtson wgrus mi byed la dad pa wbri bar wgyur ro | | dam pa’i chos kyi srung ma rnams kyang mi dga’ bar wgyur te | dam pa’i chos la mi dad pa rnams ni sngon bas mthu stobs skye’o | | wdzam bu gling gi rgyal po rnams kyang phan tshun gcig la gcig dmag wdren cing wkhrug par wgyur ro | | de la lo lnga brgya’i sum brgyar ni | dam pa’i chos spyod pa’i lha klu la sogs pa rnams mi gnas shing | sems can rnams chos la ma dad par wgyur | chos spyod pa rnams kyang chos kyi gzhung bzhin mi spyod pa dang | brtson wgrus chung bas grub pa’ang nyung bar wgyur | kha dog bzhi dang bzhi las gyur pa’ang dri ro la sogs pa’ang chung bar wgyur ro | | mi nad dang phyugs nad dang mu ge’ang wbyung ngo | | lo nyis brgya la dge slong yang chos bzhin mi spyod | wjig rten gyi khe dang grags pa wtshol | snying rje chung | tshul khrims la mi gnas | dam pa’i chos ma nor bar spyod pa la ni skur pa wdebs | longs spyod dang yo byad wphrog | wjig rten gyi rgyal po’i gsung la brten cing rgyal srid wdzin | rgyal po’i wphrin par wgro zhing ngo wphrad wtshol | | rgyal po dang wbangs wbyed pa’i dbyen byed | nyo tshong dang khe spogs byed thabs tshol | dam pa’i chos spyod pa’ang snying nas nyams su blangs te mi spyod kyi | phal cher kha gsag dang tshul wchos byed do | | de’i dus na chos la dga’ ba’i lha klu thabs cad kyis khams kyi dge slong wdi ltar spyod pa’i sa gzhi de bor te mi gnas shing | bdud kyi ris la sogs pa chos kyi bgegs rnams der wbyung ste | mthu dang stobs skye bar wgyur | | rgyul po dang blon po la sogs pa dad pa wbri dge sdig gi mtshams mi zin | dam pa’i chos la rma wbyin | dkon mchog gsum gyi dkor dang dge wdun gyi rdzas la rku wphrog byed | sdig pa la mi wdzem | gzugs brnyan dang mchod rten rnams khad kyis bshig | mchod pa’i yo byad wbri | de’i tshe dam pa’i chos ma nor bar spyod pa’i dge slong dang khyim pa wga’ gnas pa’i bsod nams kyis | yul phyogs su kha char dus su wbab cing | lo legs pa dang mi nad phyugs nad nyung zhing yul bde ba dag kyang wbyung la | de lta bu mi gnas pa phal cher ni sdug bsngal dang mi bde ba sna tshogs wbyung ngo | | de’i dus su rgya gar dang | rgya ma yin pa’i rgyal po ya ba na dang | ba la b’a dang | shi kun na zhes bya ba gsum wbyung zhing | de dag dam pa’i chos bzhin mi spyod par dmag wdren cing wthab rtsod byed pas nub dang byang gi yul khams mang po med par byas | yul khams de’i mchod rten dang gtsug lag khang bshig | mes bsregs | mchod pa’i yo byad dang | dkon mchog gi dkor la sogs pa phrogs bcom ste | rgyal po de gsum gcig la gcig gnod pa byed pas |

03-Bu-ston.doc 29

gsum char gyi rgyal srid mi bde bar gyur nas | re zhig de dag mdza’ wdum te | srid gcig tu byas te dmag mang po bsdus nas | rgya gar gyi yul gang g’a’i tshu rol ga dha ra dang ma h’a de sha la sogs pa phrogs nas wdzin par wgyur ro | | de’i tshe gang g’a’i pha rol lho phyogs na sh’a ma b’i’i yul na | rgyal po ma he ndra se na zhes bya ba la | bu zhig btsas pa’i ming du pra sa ha zhes bya ba | smin mtshams na lcags kyi sme ba yod pa | lag pa’i gru mo man chad khrag gis bskus pa zhig wbyung ngo | | de dang dus mnyam du blon po lnga brgya la bu lag pa’i mkhrig ma man chad khrag can du byas pa lnga brgya btsa’o | | de dag dang dus mnyam du | rgyal po de la rte’u smra shes pa zhig kyang wbyung ste de’i nub mo nam mkha’ la khrag gi char wbab bo | | rgyal pos drang srong lnga mngon par shes pa can zhig la de dag gis mtshan ltas dris pas | drang srong gis rgyal po khyod kyi bus wdzam bu’i gling gi sa gzhi la khrag gis gsher bar byas te | de’i wog tu wdzam bu’i gling gi rgyal po byed par wgyur ro | | zhes lung bstan no | | de nas | rgyal bu btsas nas lo bcu gnyis lon pa dang | sngar gyi rgyal po ya ba na la sogs pa gsum wdus pa’i dmag sum wbum rgyal po dang chas te | rgyal po ma he ndra se na’i yul du drangs pa dang | dmag byung bas rgyal po mi dga’ ste mya ngan byed cing wdug pa la | bu du pra sa has | yab la wdi lta bu’i thugs mi dgyes pa ci las gyur | ces dris pa dang | pha na re | rgyal po gsum gyi dmag byung bas mi dga’o | | zhes smras pa dang | bus | yab mi dgyes su ma mdzad cig | dmag wdi dag bdag gis thub par bgyi’o | | zhes smras pa dang | pha na re legs so zhes zer nas | de nas rgyal bu de blon po’i bu ya mtshan can lnga brgya la sogs pa dmag nyis wbum dang chas nas | wthab mo byas pa’i tshe | smin mtshams nas lcags kyi sme ba bskyed nas | lus ri la gyis lcags su byas te | rab tu khros nas brgal ba dang | du pra sa ha’i dmag rgyal te phyir log pa dang | pha na re | bu khyod kyis | rgyal po gsum gyi dmag wdi lta bu dang wthabs pa las | rgyal ba legs so | | da phyin chad khyod kyis rgyal srid zung shig | nga ni rab tu wbyung ngo zhes bsgos nas | rgyal srid bus bzung ngo | | de nas lo bcu gnyis kyi bar du rgyal po gsum gyi dmag dang wthabs pa las dmag mang po’ang rim gyis gtugs | rgyal po gsum yang bzung nas med par byas so | | de phan chad wdzam bu gling gi rgyal po chen po byas par gyur to | | de nas rgyal pos | blon po rnams la nga wdzam bu’i gling gi rgyal po byed pa ni dga’ na | sems can mang po wdi snyed cig bsad pa’i sdig pa che bas | mi dga’ bas | sdig pa wdi ji lta bu byas na wbyang bar wgyur | zhes dris pa dang | blon po rnams na re | yul p’a Da li pu tra na chos kyi mkhan po sde snod gsum shes pa bram ze a ka na dra dha’i bu slob ma can zhes bgyi ba zhig dgon pa na gnas pa de spyan drangs na | sdi pa wbyang bar bgyid nus so zhes zer ba dang | rgyal po dga’ nas | dge slong slob ma can spyan drangs nas rgyal pos phyag byas te | sdig pa rnams thabs ci zhig gis wbyang zhes zhus pa dang | des dkon mchog gsum la lo bcu gnyis su mchod cing skyabs su gsol na sdig pa wbyang ngo zhes byas so | | de nas | wdzam bu’i gling na dge slong wdug go cog la wgugs pa btang ste | thams cad ko’u sh’am b’ir bsdus nas | yul gzhan du chos spyod du mi ster bar gyur to | | dge slong rnams kyang lam du gcan gzan dang | mi rgod dang chu la sogs pas phal cher chud zos nas | rgyal po’i drung du wbum tsam zhig gis phyin par wgyur ro | | de dag phyin pa dang rgyal pos mchod ston gsol yon phul te mchod do | | de nas dge wdun rnams phan tshun khyod kyi mkhan po ga re slob ma gar song | grogs po khrims zla ga re | zhes so sor gtam dris pa dang | gcan gzan dang | mi rgod kyis bsad pa dang | chus khyer ba dang nad kyis btab ste shi ba la sogs pa’i gtam byas pas | so so nas mya ngan langs te | dud mos wdebs shing brang brdung par wgyur ro | | de nas rgyal pos mya ngan ma byed ces bsgo nas | dge wdun rnams kyis ma mnyan pa dang | rgyal po’ang mi dga’ ste | kha wog tu phyogs te nyal lo | |

03-Bu-ston.doc 30

nyal ba’i tshe | da wjig rten kyi dge wdun la ni skyabs ma byung gi | dgra bcom pa’i zhal mthong bar shug cig | ces smon lam btab pa dang | wjig rten gyi lhas rmi lam du gandha mah’a na’i ri la su ratna sha’i bu | des pa zhes bya ba dgra bcom pa zhig bzhugs te | de spyam drangs na sdig pa wbyang zhing | the tshom yang sel bar wgyur ro zhes lung bstan pa dang | rgyal pos | rmi lam bzhin du sad ma thag pho nya bkye ste | wphags pa spyan drangs te mchod cing phyag byas so | | de nas tshes bcu bzhi’i nub mo dge wdun wdus pa’i nang nas dge slong gsar zhugs rnams kyis mkhan po slob ma can la wdul ba bshad par gsol ba dang | slob ma can na re | mi la mig zhar sna dang rna ba med na | me long gis ci byar yod | wdul ba bshad kyang | khyed wdul ba bzhin mi spyod | chos khrims mi bsrung ba la wdul ba bshad pas ci phan zer ba dang | dgra bcom pa des pas | seng ge’i sgra bzhin du | ngas sangs rgyas bcom ldan wdas kyi chos khrims mnos nas | da tsam gyi bar du rtsva mchog tsam yang ma nyams na | de skad ma zer bar wdul ba shud ces smras pa dang | mkhan po slob ma can gyis | dgra bcom pa yin par shes nas | rab tu gnong ste cang mi smra bar wdug go | de nas slob ma can gyi slob ma dge slong dpung rgyan zhes bya ba stan las langs te | dgra bcom pa la | khyod khrims kyang med wdul ba yang mi shes par nga’i mkhan po sde snod gsum la mkhas pa la ci’i phyir brnyas zhes khros nas | dgra bcom pa brdegs te bsad do | | de nas dam pa’i chos la dga’ ba’i gnod sbyin zho gdong zhes bya bas rdo rje thogs te | mngon du byung nas dge slong dpung rgyan can la ci’i phyir dgra bcom pa gsod ces zer nas rdo rjes brdegs te bsad do | | dge slong ge rad ces bya bas slob ma can bsad do | | zhes wbyung ngo | | de nas dge slong thams cad phan tshun gcig gis gcig bsad de | gcig kyang ma lus so | | de’i tshe nam mkha’ la lha klu la sogs pa chos kyi srung ma phal po che mi dga’ nas | ngus pa’i mchi ma ni khrag dang me’i char dus gzhi der wbab bo | | nam mkha’ang ser po dang | nag po dang | dmar por gyur | glog dang sgra chen po yang wbyung | skar ma dhu ma ke tu zhes bya ba’i lus las du ba nag po zhig byung ste | nyi zla la sogs pa’i wod kyang mi snang ngo | | de’i tshe sum cu rtsa gsum gyi lha dang | yum sgyu wphrul chen mo la sogs pa wongs nas | mya ngan byed cing | dge wdun gyi gos tshon can thams cad bsdus te sum cu rtsa gsum du khyer ro | | de nas rgyal pos wdi lta bu’i ca co chen po ci las byung zhes dris pas dge wdun wkhrugs nas gcig gis gcig bsad par gyur to | | zhes gsol ba dang | rgyal po ma dga’ nas langs te | tho rangs phyi rol gyi lha khang du bltar phyin pa dang | dge wdun la la ni mgo bcad | la la ni rkang lag bcad | kha cig ni mig phyung ste | sna tshogs su shi ba mthong nas | mya ngan langs te | dgra bcom pa dang sde snod gsum pa slob ma can gyi pur btsal te | mchan khung g.yas g.yon du bcug nas | dgra bcom pa ni nga’i ma yin | sde snod gsum pa ni chos kyi mdzod yin te | wdi gnyis wdas pas | da phyin chad nga’i srog kyang gces pa med do | | rgyal srid kyang su wdod pa la sbyin no | | zhes smras nas mig kyang btsums te mi blta bar gyur to | | de nas blon po rnams kyis rgyal po’i mya ngan bsang pa’i phyir | mi lnga brgyar rab tu byung bar bcos te | skra dang kha spu breg tu | spu gris ma chod nas | mes bsregs te | phyugs nag po dang | dmar po’i ko ba bskon te | rgyal po’i drung du wongs nas rab tu byung ba lnga brgya wongs so | | zhes gsol ba dang | rgyal po dga’ nas mig phye ste bltas pas | thams cad phyugs kyi ko ba gyon zhing | skra dang kha spu mes bsregs pa mthong nas | dkon mchog gsum la mchod pa’i yo byad khyer la shug ces bsgo nas | de rnams la mchod do | |

03-Bu-ston.doc 31

de nas rgyal pos de dag la chos dris pas | chos tshig gcig kyang mi shes nas | rgyal po yang mya ngan langs te ngu’o | | de nas dge slong rnams kyi ro thams cad bsdus te | bsregs nas mchod pa byed do | | de’i tshe wdzam bu gling gi dam chos ril nub bo | | de nas gser ni dngul ngan pa dang rdor wgyur | dngul ni ra gan ngan pa dang rdor wgyur ro | | ra gan ni zangs su wgyur | mu tig ni rva ru wgyur | ro drug las kha ba dang skyur ba gnyis lus so | | zhes wbyung ngo | | dge wdun wphel gyis lung bstan pa la sogs las | sku lugs ma la sogs pa ni klu’i yul du spyan wdren no | | yi ge thams cad rang byi bar wgyur ro | | gos thams cad rtsub mor wgyur | ro kha ba dang bska ba ma gtogs pa dang | rin po che thams cad nub par wgyur la | rgyal po de’ang bstan pa nub pa’i mya ngan gyis wchi bar wgyur ro zhes bshad do | | de dag kyang bstan pa lo nyis stong gi dbang du byas nas gsungs la | mngon rtogs rgyan gyi wgrel bshad chos kyi bshes gnyen gyis mdzad par | de dag sngar byung zin par bshad par gsal lo | | spyir bstan pa nub pa’i rgyu | sangs rgyas kyi smon lam gyi wphen pa zad pa dang | bstan pa’i gdul bya zad pa yin la | rkyen ni | mdo dag las | dge sbyong rnams rang gi lta spyod las nyams pa dang | sbyin bdag rnams bstan pa la dad pa bri ba dang | bdud dang bdud kyi ris kyi lha dang yi dvags kyis bar chad byas pa gsum gyis nub par wgyur bar gsungs pa la | ston pa wdi’i bstan pa wjig pa’i rkyen dang po gnyis su gsal lo gsung ngo | | nub dus | tshe lo bzhi bcu pa’i dus su nub par gdags pa las bshad zer ro | | chag na re | sum cu pa’i dus su zer te | shes byed ma mthong ngo | | snying rje pad dkar las | de bzhin gshegs pa sh’akya thub pa’i dam pa’i chos nub pa’i rjes la | sku gdung rnams wog tu gser gyi sa gzhi’i mthar thug par wgro zhing | nam mi mjed kyi wjig rten du rin po ches phongs pa’i tshe | sku gdung de dag nor bu bai D’urya tog gi blo gros zhes bya bar gyur nas | dbul ba sel ba dang | de nas yang sku gdung de dag steng du yang wog min gyi bar du wphags nas | me tog sna tshogs kyi char wbebs la | me tog gi char de dag las dkon mchog gsum gyi sgra la sogs pa chos kyi sgra sna tshogs wbyung zhing | chos kyi sgra de rnams wdod gzugs kyi lha rnams kyis thos pas sngon byas pa’i dge ba dran nas de dag wdzam bu’i gling du babs te | mi rnams dge ba bcu la wgod par wgyur ba dang | yang me tog nam mkha’ la rin po che sna tshogs su gyur nas | mi mjed du wbab cing | mi mjed kyi sems can rnams kyi wthab rtsod la sogs pa rnams zhi zhing nad med pa dang lo legs pa la sogs pa dang | sems can gang gis rin po che de dag mthong ba dang | reg pa dang longs spyod pa de dag kyang | theg pa gsum las phyir mi ldog par byas te | slar yang sku gdung de dag gser gyi sa gzhi’i mthar thug par gnas par wgyur ro | | de bzhin du mtshon dang mu ge dang bskal pa bar ma gsum wbyung ba’i dus su’ang sku gdung de dag nor bu rin po che indri rnyil du gyur nas | steng du wog min gyi bar du wphags nas gnas te | snga ma ltar me tog gi char wbebs shing | chos kyi sgra sgrogs pa dang | rin po che’i char wbebs pa dang | mi mthun pa’i phyogs rnams zhi bar byas te | slar yang gser gyi sa gzhi’i mthar thug par gnas par wgyur bar gsungs la | dge ba’i bshes gnyen gyi rtogs brjod las | wdzam bu’i gling pa’i mi rnams kyi tshe lo bdun brgya par gyur pa na | gnas brtan chen po bcu drug gis sa’i steng na | sangs rgyas sh’akya thub pa’i bstan pa’i chos kyi tshogs ji snyed bzhugs pa thams cad gcig tu bsdus nas | rin po che sna bdun gyi mchod rten byas te der bzhugs pa la kun nas bskor te | skyil krung bcas te wdug nas | bcom ldan wdas de bzhin gshegs pa dgra bcom pa yang dag par rdzogs pa’i sangs rgyas sh’akya thub pa la phyag wtshal lo zhes brjod de | phyag byas nas gnas brtan de dag kyang lhag med du mya ngan las wda’ la | rin po che sna bdun gyi mchod rten de yang nub nas wog gi gser gyi sa gzhi la gnas par wgyur zhing | de nas bcom ldan wdas sh’akya thub pa’i bstan pa dam pa’i chos nub par wgyur ro | |

03-Bu-ston.doc 32

de nas de’i rjes la rang sangs rgyas bye ba phrag bdun wjig rten du wbyung bar wgyur ro | | de nas skye dgu rnams kyis tshe lo brgyad khri thub pa na | de bzhin gshegs pa byams pa wjig rten du wbyung ngo zhes bshad do | | byang chub sems dpa’i sde snod las | tshe lo bcu pa nas byams pa ma byon gyi bar bskal pa yar wphel la rang sangs rgyas brgyad khri wbyung bar gsungs so | | kha cig | de bzhin gshegs pa sh’akya thub pa mya ngan las wdas nas | lo bye ba phrag lnga bcu rtsa bdun na | sangs rgyas byams pa wbyung ngo zer ro | | rgyal ba’i bstan pa nor bu rin chen sgron | | dge legs yon tan kun gyi gter gyur pa | | dus kyi dbang gis yongs su gtugs gyur cing | | me tog rlan dang bral ba bzhin du nyams | | da ni bstan pa ring du mi gnas shing | | tshe ni mi brtan rlung nang mar me bzhin | | las nyon wchi bdag bdud ni stobs ldan pas | | bstan la bag yod byos dang rin chen grub | | tshul wdi sh’akya’i sras kyi dge slong gang | | tshe wdi’i dbang gyur yang dag ting wdzin bral | | ne tso lta bu’i bu ston kha ches bris | | dge bas myur du mi pham zhal mthong shog | chos kyi wbyung gnas gsung rab rin po che’i mdzod las | spyir wjig rten du chos byung tshul gyi le’u ste gnyis pa’o | | | | spyi don gnyis pa bod yul du chos ji ltar byung tshul la gsum ste | bstan pa snga dar gyi rnam gzhag | phyi dar gyi rnam gzhag | de dag tu chos bsgyur ba’i dkar chag wastan pa’o | | dang po la | spyir bod kyi yul du | mi’i wgro pa dang po byung tshul ni | lha las phul du byung ba’i bstod pa’i wgrel par | skya ba seng bu lnga dang | dgra ngan dpung tshogs bcu gnyis wthab pa’i dus su | rgyal po ru pa ti zhes pa dmag stong phrag gcig dang bcas pa bud med kyi chas su zhugs te | ri gangs can gyi gseb tu bres pa las | wphel ba yin par bshad cing | bod kyi gtam las | spre’u dang brag srin mo las chad par wchad de | de dag rgyas par gzhan du blta’o | | bod kyi rgyal rgyud ni | kha cig | ko sa la’i rgyal po gsal rgyal gyi sras lnga tshigs yin zer ro | | kha cig gzugs can snying po’i sras chung ba stobs chung gi sras lnga tshigs yin zer ro | | kha cig bod rnams bdud dang gnod sbyin gyi rgyal phran bcu gnyis kyis mnar ba’i dus su | bad sa la’i rgyal po wchar byed kyi bu mig mas wgebs ba sor mo dra bas wbrel ba | mtshan ldan zhig byung bas skrag ste | zangs kha sbyor du bcug ste | gaM g’a la bskyur ba zhing pas rnyed de gsos | de cher skyes pa na | sngar gyi gtam bshad pas yid skyo ste | gangs ri’i phrag tu bros pa na | rim gyis lha ri yol pa’i khar byung ste | btsan thang sgo bzhir bron pa la | bon po rnams dmu thag dang dmu skas la yongs bas lha yin zer ro | | de nas khyed su yin dris pas btsan po zer ro | | gang nas byon dris pas nam mkha’ la mdzub mo sbreng zhing | skad ma go nas | shing gi khri la bzhag ste mi bzhi’i gnya’ ba la khur nas | wdi la kho bo cag gi jo bo bya’o zer te | ming yang gnya’ khri btsan por btags | rgyal po snga shos yin no | | de’i sras dmu khri btsan po | de’i sras ding khri | de’i sras so khri | de’i sras ye khyi | de’i sras gdags khri | de’i sras sri khri btsan po dang bdun la khri bdun zer zhing | tha ma de’i ring la rdol bon dar ro | |

03-Bu-ston.doc 37

lag tu me tog phreng ba gtad de | khyed gnyis shags gyis la gang rgyal ba la | pham pas me tog phreng ba phul cig | pham pa de wdir ma sdod cig ces bka’ stsal pa dang | tva shang na re | las dge mi dge spyad na mtho ris dang ngan song du wgro bas | wkhor ba las mi thar zhing | sangs rgyas thob pa la bsgrib pa yin | dper na | sbrin dkar nag gang gis kyang nam mkha’ la bsgrib pa dang wdra | | gang zhig ci la yang mi sems | ci yang mi bsam pa de wkhor ba las yongs su thar bar wgyur ro | | ci la yang mi sems mi rtog mi dpyod pa ni | mi dmigs pa yin pas | cig car du wjug pa ni sa bcu pa dang wdra’o | | zer ro | | ka ma la sh’i la’i zhal snga nas | de ltar ci la yang mi bsam zer ba de ni | so sor rtog pa’i shes rab spangs pa yin no | | yang dag pa’i ye shes kyi rtsa ba so sor rtog pa’i shes rab yin pas | de spangs pas wjig rten las wdas pa’i shes rab kyang spangs par wgyur ro | | so sor rtog pa’i shes rab med na rnal wbyor pa gang gis rnam par mi rtog pa la gnas | gal te chos thams cad dran pa med cing yid la bya ba med pa yin na | nyams su myong ba thams cad mi dran zhing | yid la mi bya bar mi nus so | gal te bdag gis ches dran par mi bya’o snyam na | de shin tu dran pa yid la byas par wgyur ro | | dran pa med pa tsam po la byed na | brgyal ba’am | wbog pa’i dus su rnam par mi rtog par wgyur ro | | yang dag pa’i so sor rtog pa med par rnam par mi rtog pa la wjug pa’i thabs med do | | dran pa tsam po bkag kyang | yang dag pa’i so sor rtog pa med na | chos thams cad ngo bo nyid med pa la ji ltar wjug nus | stong pa nyid pa rtogs par | sgrib pa spangs par mi wgyur ba kho na’o | | des na yang dag pa’i shes rab kyis | phyin ci log gi snang ba rgyang bsrings pa yin no | | des na dran bzhin du mi dran byar mi rung ngo | | dran pa dang yid la bya ba med par | sngon gyi gnas rjes su dran pa dang | thams cad mkhyen par ji ltar wgyur | nyon mongs pa yang ji ltar spong | de bas na yang dag pa’i shes rab kyis don nges par rtog pa’i rnal wbyor pas | dus gsum phyi nang thams cad stong par rtogs nas | rtog pa nye bar zhi ste | lta ba ngan pa thams cad spangs te | de bstan nas thabs shes rab la mkhas pas | sgrib pa thams cad bsal nas | sangs rgyas kyi chos thams cad thob par wgyur ro zhes gsungs so | | de nas btsan po’i zhal nas | wkhor kun gyis kyang mchid shags thob cig gsungs pa dang | dpal dbyangs na re | rgya’i ltar cig car wjug cing rim gyis sbyeng ba mchis na | pha rol tu phyin pa drug mi mthun phyogs las gdags par gsungs te | sbyin pa ni yongs su wdzin pa la brten nas gdags te | yongs su wdzin pa thams cad btang na sbyin pa’i mchog lags | de bzhin du shes rab kyi bar du sbyar nas | ston pa wdas nas ring zhig tu | lta ba la mi mthun pa ma mchis | slad nas dbu ma rnam gsum ma mthun te | ston mun cig car du wjug pa mchis te ma wtshal ma rtogs pas de ltar gyur | wjug sgo tha dad kyang sangs rgyas par gcig cing wbras bu’ang gcig smras pa dang | ye shes dbang pos cig car wjug bya ba dang | rim gyis wjug bya ba gnyis dpyid dgos te | rim gyis wjug na rgyu ma mchis pas nged dang mi wdra cig car wjug na khyed da rung ci byed | dang po nas sangs rgyas na ci nyes | de bas na ri la wdzeg pa’ang gom pa re res wdzag dgos te | gom pa gcig gis bgrod mi nus pa ltar | sa dang po thob pa’ang dka’ na | thams cad mkhyen pa lta ci smos | nged tsen min gyi lugs kyis | gsung rab kun la shes rab gsum gyis sbyangs pas | don ma nor bar shes | chos spyod bcu la bslabs te bsgoms pas bzod pa thob | sa dang por skyon med pa la zhugs te | sa bcu rim gyis sbyangs pas tshogs gnyis rdzogs nas wtshang rgya ba yin | khyed ltar na | tshogs ma rdzogs | blo ma sbyangs par | wjig rten gyi bya ba yang mi shes na | shes bya thams cad shes par ji ltar wgyur | ci yang ma byas par nyal bas zan yang mi myong ste ltogs te wchi na | sangs rgyas ga la wgrub | ma brtags ma dpyad par gom pa bor yang brdeg wchos na | chos ga la rtogs zhes bya ba la sogs pa rgyas par smras

03-Bu-ston.doc 42

brtsigs | glang ra nas mched pa la glang ra skor zer | nyug gi u lung nas gyis pa la | u tsho zer | de gnyis ka la kyi tsho smad pa zer ro | | glang ra nas wkhris kyi kha chad dgon pa bzung | de nas a me’i mkhan bu zhang ston tshul wphags kyis bya rgyus bzung | a me’i mkhan bu kong po thar pa rin chen la mkhan bu bzhi byung ste | gzu ston wphan grags kyis sgre’i lce mtshams dang | rgya mkhar stag lung bzung | de las mched pa la gzu tsho zer | lce btsun dkar pos ang yig bzung | g.yung ston wdza’ ka ris pas wor zung | de gnyis la mo’i skor du song nas mched pa med | shab rtsas shab rtse lha khang brtsigs te | de tsho la kong tsho zer ro | | de tsho la gyi tsho bar pa zer ro | | a mes kha chad dgon pa nas sad kyi la ste ra bzung | der stod kyi mkhan bu on pa zhang rnam gsum byung | | khri ston brtson wbar gyis shong sna ra bzung | de nas mched pa la khri tsho zer | sa rbad btsun chung gis bran chung bzung | de nas mched pa la bran chung skor zer | rgya ston warya de bas sgo ru du sna bzung | de nas mched pa la rgya tsho zer ro | | mkhan po gzhon nu sh’akyas sa phug bzung | de nas mched pa la sa cho zer | de rnams la stod kyi khral tsho bzhi ste | kyi mtsho stod pa zer ro | | a me’i mkhan bu spang gis wkhris bskyangs | zhang btsun bsod grags kyis bya rgyus bzung ste | de gnyis la kyi tsho bar pa zer | kyi tsho stod nas mched pa’i mkhan bu gzhon nu wbyung gnas kyis rgyan mkhar thur la bzung | de las gyes pa la thur tsho zer ro | | kyi btsun dpal gyi ye shes kyis wbrung kun dga’ ra ba gzung | de kyi tsho stod nas mched pa yin no | | tshong tsho la khral tsho dgu byung ste | tshong tsho stod pa la skal skor dang rgyan skor gnyis byung | tshong tsha bar pa la gnas gsar dang gnas rnying gnyis byung | smad pa la khral tsho lnga yod de | a mes tshong btsun gyis rtsis kyi yang dben bzung ba’i dus su rtsis lha khang phul | de nye gnas rba btsun blo gros yon tan la gtad | des mkhan po byas nas bskyangs pa tsha la | rba tsho zer te | de’i mkhan bu yol chos dbang gis skyegs gnas rnying bzung | de nas mched pa la sba tsho stod pa zer | yol thog wbebs kyis lcang ra bzung | stag pa jo btsun gyis lce sbe bzung | de gnyis la rba tsho bar pa zer | rtsis nas mched pa la rba tsho smad pa zer | de nas a mes la nyan tsho phul nas | mkhan bu rva blo gros bzang po dang | khams pa gnyis la nyan tsho gtad | rva sa ngur smrig bzung | khams pas lcags mkhar bzung ste | de gnyis la rva tsho dang khams tsho zer zhing | gnyis ka la nyan tsho skor du grags so | | a mes la stag tshal gyi bya chos mkhar po che phul bas | mkhan bu rgya rgyal bu tshul seng la gtad | rgyas kong po ye wbyung la gtad | kong pos dmu’i gnas mo che dang | bya chos gnyis ka bskyangs te | rgyas bra thang brtsigs te | de rnams la bya chos skor zer ro | | de nas a mes la mar shul la yon bdag mo gnyos mos smon gro phul | des mkhan bu mar pa rdo rje ye shes la gtad | de’i mkhan bu sne po grags pa rgyal mtshan la gtad de | rong mkhar phug bzung | phyis a mes spyugs mtshams stag tshal dakhyus thang bzhengs nas phul | mar pas bran ma sgang po brtsigs | lan gro’i stag tshang dang bzhi la smon gro’i ma dang mnyam pa’i bu bzhir grags te | de rnams la smon gro skor zer ro | | de nas yang a mes kyis ser gyi sgong khrog bzung nas | des mkhan bu zhang pa tsher khrod pa la gtad | des ser gyi brag shod brtsigs | de nas btsan mo sdings bzung | de nas rtsis kyi yang dben bzung | de nas ra sog mtshar la dang | stag tshal mkhar po che bzung nas | mkhan bu rba dge mthong la gtad | des rong gi ba do bzung | de’i mkhan bu bre btsun sngon mo la gtad | de rnams la do tsho zer te | khral tsho wdus nas wdun ma byed pa’i dus su | de dag gi btsun chung gsum byung ba la khyed cag gi dpon po gar song byas pas shi zer | wo na khyed do phrug tu wdug pa byas pas | do tshor chags so | | de dag thams cad la smad kyi tshong tsho lnga zer ro | | tshong tsho dgu po thams cad kyi wa mo sngo gling yin no | | gzhan yang wa zha mgo bo che’i bu wa zha ye shes g.yung drung gis | khams su sdom pa len du wgro bar wdod nas | lha sar phyin pas lha sa’i steng khang du wgro ba’i skas gcig gi mar

03-Bu-ston.doc 44

bla ma | wdzims pa’i slob ma ko khyim pa ye shes bla ma | de gsum gyis rgya wdul wdzin dbang phyug tshul khrims | de la slob ma rma tsho byang rdor dang | bya wdul wdzin | gyi po tshul wphags | sha mi la sogs pa’i bar du wdul ba’i bshad pa man ngag dang bcas pa yod pa’i phyir dang | dzi na mi tras | ska cog zhang gsum | nam nad zla ba’i rdo rje | dpal gyi rdo rje | sba rgyal ba ye shes | cog gru mchog gi ye shes | se btsun gzhon nu | gar mi yon tan g.yung drung | khu ston shes rab brtson wgrus | ra khri bzang wbar | rgya rgyal bu tshul le | brang ti dar ma snying po | de’i slob ma wban rog gnyis la sogs pa’i bar du mngon pa’i bshad nyan ma chad par byung pa’i phyir ro | | bar dar dang phyi dar du wbyed pa’ang mi wthad de | bar du bstan pa med pas bar chod pa med pas so | | snga dar dang phyi dar du wbyed pa ni glang dar mas bstan pa bsnubs pas dbus gtsang du bstan pa ye med pa lo wga’ byung bas | de yis bzhag go | mkhas pa gtsang nag pas kyang | bstan pa phyi ma dar ba’i tshul ni zhes bshad pas so | | de ltar bstan pa’i me ro smad nas blangs te mnga’ ris nas dar zhing rgyas par mdzad do | | btsan po wkhor res rgyal srid gcung srong nge la gtad nas | rab tu byung ste | mtshan ye shes wod ces bya’o | | des mtshan nyid kyi theg pa bkar shes kyang | sngags pa rnams kyis sbyor sgrol la sogs spyod log gis bka’ yin min the tshom du gyur te | rin chen bzang po la sogs pha khye’u nyi shu rtsa gcig brdzangs nas | rgya gar du chos slob tu btang ba la | rin chen bzang po dang legs pa’i shes rab ma gtogs pa gzhan shi nas chos ma lobs | rin chen bzang po sngags mtshan nyid thams cad la mkhas par gyur ste | paNDi ta shr’addha ka ra va rmma dang | padma ka ra gupta dang | bu ddha shr’i sh’anta dang | buddha p’a la dang | ka ma la gupta la sogs pa spyan drangs te mtshan nyid kyi theg pa dang | rgyud ste bzhi ka bsgyur | khyad par yo ga dang gsang wdus la sogs mang po bsgyur zhing sngags gtan la phab | paNDi ta dharmma p’a la spyan drangs te | zhang zhung pa rgyal ba’i shes rab kyis sdom pa blangs shing | bal por byon nas wdul wdzin pre ta ka la wdul ba’i lag len zhus | de’i slob ma dpal wbyor dang | zhing mo che pa byang chub seng ge la sogs pa brgyud de | wdul ba stod lugs kyi bshad pa dar ro | | lha bla mas zhang zhung tho ling gi gtsug lag khang bzhengs | lo paN mang po’i yon bdag mdzad do | | de’i gcung srong nge’i sras la ldes kyang | paNDi ta su bha SHi ta spyan drangs | de’i sras wod lde dang | pho brang zhi ba wod dang | btsun pa byang chub wod gsum gyi byang chub wod kyis nag tsho tshul rgyal la sogs pa mi lnga la gser bskur | lo tstsha ba rgya brtson wgrus seng ge dpon du bskos nas paNDi ta bzang po gdan drongs la shog byas pas | shar phyogs rgal po dge ba dpal gyi sras bri ka ma la sh’i la’i gtsug lag khang du legs par sbyangs pa | d’i paM ka ra shr’i dzny’a na spyan drangs pas | sgrol mas lung bstan te byon pas | rgya brtson seng lam du wdas | nag tshos lo tstsha byas te byon | lo tstsha ba chen po rin chen bzang po’i gzims khang du byon pa’i tshe | dang po lo tstsha bas phyag ma mdzad de | paNDi tas lo tstsha ba’i gzims khang gi gsang sngags kyi lha rnams la bstod pa re mdzad pas | lo chen mnyes te | chos kyi wbel gtam mang po mdzad de | phyag byas chos zhus | wgyur mang po mdzad de khyad par du | yo ga rnams kun dga’ snying po’i wgrel pa dang bstun nas | dag par bcos te | dbang bka’ dang bshad sgrub kyi man ngag rgya cher spel lo | | jo bo rjes rim gyis dbus su byon te | slob ma khu rngog wbrom gsum la gdams pa dang chos mang po gnang ste | khyad par wbrom la bka’ gdams kyi chos lugs gnang ste | dar bar mdzad do | | lo tstsha ba chen po rin chen bzang po’ang mnga’ ris su klu skar rgyal btul | sngags log spyod pa rnams chos kyis sun phyung ste | nye rgyu’i sgrub pa mdzad de mkha’ spyod du gshegs | zhes grag go | de’i lo chung grags wbyor shes rab kyis kyang | bde mchog dang | phag mo dang | tshad ma la sogs pa bsgyur cing | mkha’ spyod pa gshegs so | |

03-Bu-ston.doc 50

slob dpon tshul khrims bskyangs kyis mdzad pa’i wgrel pa | phran tshegs kyi tshig gi rnam par bshad pa dang gtugs pa | bam po lnga bcu rtsa dgu pa | lo tstsha ba dpal wbyor gyis bsgyur ba wdi tshad mar bya’o | | lung gzhung bla ma | zhu ba rdzogs pa | bam po lnga bcu rtsa gsum tshang ba dang | zhu ba ma rdzogs pa’i bam po bcu gnyis pa dang | gnyis la | gzhung dam pa’ang zer ro | de dag gi lung gzhis rab byung gi gzhi la sogs pa nas | gnas mal gyi gzhi’i bar gzhi bcu bdun ston | dge slong pha’i rnam wbyed kyis dge slong gi khrims nyis brgya lnga bcu rtsa gsum ston | ma’i rnam wbyed kyis dge slong ma’i khrims sum brgya drug cu ston | gzhung bla mas | gzhi dang rnam wbyed kyi don zhib tu wchad pa’i wgrel pa lta bu yin no | | phran tshegs de rnams kyi ma tshang ba kha skong lta bu yin | rtsa ba’i lung dge slong gi so sor thar pa shu lo ka bdun brgya ste bam po gnyis dang | dge slong ma’i so sor thar pa shu lo ka brgyad brgya ste bam po gnyis pa gnyis klu’i rgyal mtshan gyis bsgyur pa’o | | so sor thar pa’i mdo gnyis po dgra bcom pa chos gyi tshong dpon gyis byas pas | bka’ min zer ba dang | kha cig | bka’ yin yang ston pa bzhi yin te | sangs rgyas dang | nye bar wkhor dang | chos kyi tshong dpon dang | dri med bshes gnyen dang | bzhi’o zer te | bstan pa gcig la ston pa bzhi ngo mtshar che’o | | kho bo’i bla ma | lung sde bzhi dang | mngon par wbyung ba’i mdo | | bstan bcos su bzhed pa ni | bzhed pa tsam du zad do | | de dag wdul ba’i skor ro | | gzhan yang dus phyis gsungs pa dang | ci rigs su yod kyang | theg chung rnams | phyogs gcig tu bstan par bya ste | wphags pa dran pa nye bar gzhag pa bam po | | pa tshab tshul khrims rgyal mtshan gyi wgyur | wdi lo tstsha bas theg chen du mdzad | dkar chag chen po dag las theg chung du bshad do | | tshangs pa’i dra ba bam po gnyis | mdo chen po sgyu ma’i dra ba bam po gcig dang shu lo ka bzhi bcu | mdo chen po wdus pa chen po’i mdo bam po gcig mdo chen po kun tu rgyu ba dang | kun tu rgyu ba ma yin pa dang mthun pa bam po gcig dang shu lo ka lnga bcu | mdo chen po gzugs can snying pos bsu pa bam po phyed | mdo chen po stong pa nyid shu lo ka dgu bcu | mdo chen po stong pa nyid chen po bam po phyod | mdo chen po rgyal mtshan mchog shu lo ka bzhi bcu ste | bdun po de ye shes sde la sogs pa’i wgyur | mdo chen po rgyal mtshan dam pa shu lo ka bzhi bcu | mdo chen po lnga gsum pa shu lo ka nyis brgya nyi shu ste | de gnyis ye shes sde’i wgyur | rdo wphangs pa’i mdo bam po gnyis | skyes bu dam pa’i mdo shu lo ka nyis brgya ste | bzang skyong dang | dpal brtsegs kyi wgyur | dga’ po rab tu wbyung ba’i mdo shu lo ka lnga bcu rtsangs de vandra’i wgyur | lha’i mdo shu lo ka sum cu rtsa bdun | lha’i mdo nyung du shu lo ka bcu bdun te ye shes sde’i wgyur | zla ba’i mdo shu lo ka bcu gsum | khang bu brtsegs pa’i mdo shu lo ka drug cu ratna rakSHi ta’i wgyur | gnas wjog gi mdo shu lo ka nyi shu | dpal brtsegs la sogs pa’i wgyur | dga’ ba can gyi mdo shu lo ka nyis brgya | gzhon nu dpe’i mdo shu lo ka nyi shu | khams mang po’i mdo shu lo ka nyis brgya | wkhar gsul gyi mdo dang | wkhar gsil wchang ba’i kun tu spyod pa’i cho ga gnyis bam po gcig gaNDi’i mdo shu lo ka bcu | tshul khrims yon tan dang rin chen bzang po’i wgyur | gaNDi’i dus kyi mdo shu lo ka dge blo’i wgyur | dge ba’i bshes gnyen bsten pa’i mdo shu lo ka | dge slong la rab tu gces pa’i mdo shu lo ka | tshul khrims yang dag par ldan pa’i mdo shu lo ka | ltung ba sde lnga’i dge ba dang mi dge ba bstan pa’i mdo | sh’akya blo gros kyi wgyur | mchog tu btags pa’i mdo | rnam par grol ba’i lam las sbyangs pa’i yon tan bstan pa’i mdo | dpal brtsegs kyi wgyur | wdi dkar chag chen mo dag tu mdor byas la kha cig bstan bcos su wdod | tshe’i mtha’i mdo shu lo ka nyis brgya rtsa lnga pa | dge ba dpal dang dpal brtsegs kyi wgyur | wchi wpho ba dang ji ltar wgyur ba bstan pa’i mdo | mi rtag pa nyid kyi mdo shu lo ka bco lnga ye shes sde’i wgyur | wdu shes bcu bstan pa’i mdo shu lo ka brgyad | wdu shes bcu gcig bstan pa’i mdo shu lo ka bcu gcig | wdi bcos ldan wdas kyi zhal chems yin no | |

03-Bu-ston.doc 51

mtshan mo bzang po’i mdo shu lo ka lnga bcu rtsa phyed dang gnyis | mun gyi nags tshal gyi mdo | pha ma’i drin lan bstan pa shu lo ka sum brgya | bden pa bzhi’i mdo | chos kyi wkhor lo’i mdo | don rnam par gdon mi za ba’i chos kyi rnam grangs shu lo ka bdun cu | don rgyas pa’i chos kyi rnam grangs shu lo ka brgya mjug ma tshang ba | rmad du byung ba’i chos kyi rnam grangs shu lo ka bdun cu ye shes sde’i wgyur | de bzhin gshegs pa’i gzugs brnyan bzhag pa’i phan yon brjod pa’i chos kyi rnam grangs shu lo ka drug cu | ye shes snying po dang dpal brtsegs kyi wgyur | mchod rten bskor ba’i tshigs bcad shu lo ka bdun cu | gsal rgyal gyi tshigs bcad shu lo ka brgya | klu’i rgyal po rnga sgra’i tshigs su bcad pa shu lo ka brgya | tshigs su bcad pa gcig pa | tshigs su bcad pa bzhi pa | mngon par wbyung ba’i mdo rin chen bzang po’i wgyur | ched du brjod pa’i tshoms bam po bzhi rin chen mchog dang dpal brtsegs kyi wgyur | wdi sngar gyi dkar chag dag las | bstan bcos su bgrangs pa | da lta bkar grags | thabs la mkhas pa chen po sangs rgyas kyi drin lan bsab pa bam po bdun | las rnam wbyed chung du bam po gcig ye shes sde la sogs pa’i wgyur | las kyi rnam par wgyur ba bstan pa’i gzhung shu lo ka nyis brgya bdun cu | rgyal bu don grub kyi mdo bam po gcig | bsod nams kyi stobs kyi rtogs pa brjod pa shu lo ka nyis brgya brgyad bcu | lha’i zla ba’i wgyur | rgyal po zla wod kyi rtogs pa brjod pa dang | dpal gyi sde’i rtogs pa brjod pa gnyis | shes rab legs dang | rin chen bzang po’i wgyur | rgyal po gser mdog gi sngon gyi sbyor ba bstan pa shu lo ka bcu bdun | sangs rgyas kyi rtogs pa brjod pa shes ldan gyi mdo shu lo ka bco lnga dpal brtsegs kyi wgyur | phag mo’i rtogs brjod shu lo ka brgya | ye shes sde’i wgyur | ma ga dha bzang mo’i rtogs brjod | tshul khrims yon tan dang | rin chen bzang po’i wgyur | gang po la sogs pa’i rtogs pa brjod pa brgya pa bam po nyi shu rtsa gnyis pa | lha’i zla pa’i wgyur | las brgya pa bam po sum cu so bdun mdzangs blun gyi mdo bam po bcu gsum | legs nyes kyi rgyu dang wbras bu bstan pa | wgos chos grub kyis | rgya gar dang rgya’i dpe las bsgyur ba | dge ba dang mi dge ba’i las kyi wbras bu bstan pa | zla ba snying pos zhus pa’i mdo las | sangs rgyas mya ngan las wdas nas bstan pa gnas pa dang wjig pa lung bstan pa’i mdo bam po gnyis | ri glang ru lung bstan pa bam po gcig | stag sna’i rtogs pa brjod pa bam po gnyis sh’akya wod kyi wgyur | mig bcu gnyis pa wdi gnyis | klu mes dbang phyug grags bka’ min par smra’o | | kun tu rgyu sen rings kyis zhus pa’i mdo | shu lo ka sum cu rtsa bdun | byams pa lung bstan pa | dpal brtsegs kyi wgyur la shu lo ka brgya | sngar wgyur nges pa | da lta ma rnyed pa la | bsod nams kyi mdo shu lo ka brgya rtsa | bsod nams kyigdugs kyi mdo shu lo ka brgya | gang zag gi mdo shu lo ka brgya rtsa | khyim bdag wdu shes kyi mdo shu lo ka lnga bcu | ched du brjod pa’i mdo | lus wphags mo’i mdo | dran pa nye bar gzhag pa’i tshig le’ur byas pa shu lo ka brgya | wdi dkar chag ldan dkar mar bstan bcos su bgrangs pas | de nyid yin par sems | dran pa nye bar gzhag pa’i mdo chung du | sems can la skye shi’i rtsa ba bstan pa bam po gcig | wjig rten pha rol sgrub pa bam po gnyis | dge ba bcu yi dam du blangs ba’i cho ga shu lo ka brgya | bzang sbyin gyi mdo bam po gnyis | byams pa skar gyi mdo | dad pa la rab tu wjug pa’i mdo | sbyangs pa’i yon tan bshad pa’i mdo | smon lam gyi mdo | sa’i mdo | wdod pa la gdams pa’i mdo | yul wkhor skyong gis zhus pa’i mdo chung ngu shu lo ka bdun cu rtsa gsum | las rnam par wbyed pa chen po bam po gnyis | mang pos bsdus pa’i mdo shu lo ka nyis brgya nyi shu rtsa gnyis so | | wdi dag las drin lan bsab pa dang mdzangs blun dang | sems can la skye shi’i rtsa ba bstan pa la sogs pa mang po zhig | theg chen du | dkar chag chen mo dag tu bshad pas | brtag par bya’o | | gnyis pa bka’ bar pa mtshan nyid med pa’i chos kyi wkhor lo bskor ba’i bka’ ni | shes rab kyi pha rol tu phyin pa stong phrag brgya pa | bam po sum brgya ste | nyang khams pa go che | bai ro tsa na | lce khyi wbrug zhang ye shes sde la sogs pa’i wgyur byang drug yod par grag go | nyi khri lnga stong pa bam po brgyad cu rtsa gsum dang shu lo ka brgya | khri brgyad stong pa bam po drug cu | ye shes sde la sogs pa’i wgyur | shes rab khri pa bam po sum cu rtsa

03-Bu-ston.doc 52

gsum | brgyad stong pa bam po nyer bzhi | rngog chen po la sogs pa’i wgyur | sdud pa bam po gcig dpal brtsegs kyi wgyur te | de dag la yum drug zer ro | | shes rab kyi pha rol tu phyin pa rab kyi rtsal gyi rnam par gnon pas zhus pa shu lo ka nyis stos chig brgya drug cu ste | bam po bdun dang shu lo ka drug cu ye shes sde’i wgyur | shes rab kyi pha rol tu phyin pa lnga brgya pa shu lo ka lnga brgya | rdo rje gcod pa bam po gcog ste | de gnyis skad gsar bcad kyis bcos pa | tshul brgya lnga bcu pa shu lo ka brgya lnga bcu | lnga bcu pa shu lo ka lnga bcu | ko’u shi ka shu lo ka sum cu rtsa gcig | sgo nyi shu rtsa lnga pa shu lo ka nyi shu rtsa lnga skad gsar bcad kyis bcos pa | shes rab snying po shu lo ka nyi shu rtsa lnga | rin chen sde dang | ban de nam mkha’ la sogs pa’i wgyur | wdi la shu lo ka nyi shu rtsa brgyad zer yang | rgya dper nyi shu rtsa lngar bshad do | | yi ge nyung ngu shu lo ka sum cu | yi ge gcig ma | wdi’i steng du dkon brtsegs kyi wdus pa bzhi bcu rtsa drug pa shes rab kyi pha rol tu phyin pa bdun brgya pa bsnan pas | sras bcu gcig ste | sras yum bcu bdun zhes grags so | | shes rab kyi pha rol tu phyin pa mtshan brgya rtsa brgyad pa shu lo ka sum cu | shes rab kyi pha rol tu phyin pa nyi ma’i snying po | sher phyin zla ba’i snying po | sher phyin kun tu bzang po | sher phyin lag na rdo rje | sher phyin rdo rje rgyal mtshan gyi mdo ste | drug po de dag kyang | sher phyin yin pas sras yum bcu bdun | zhes yum dang sras su phye ba’i don dang grangs gnyis ka nor ba’o | zhes kha cig go | kha cig sdud mdo rgyas pa gsar wgyur zhes pa yod gsung te brtag go | sngar gyi bgyur wphro sher phyin stong phrag bzhi pa da lta ma rnyed ces kyang bya’o | | gsum pa bka’ tha ma don dam rnam par nges pa’i wkhor lo bskor ba’i bka’ la | sangs rgyas phal po che la | sangs rgyas phal po che dang | wphags pa byang chub sems dpa’ bsam gyis mi khyab pa’i mdzad pa dang | zhing khams dang | wkhor dang | wjig rten gyi khams kyi bkod pa dang | zab pa dang rgya che ba’i don | mtha’ dang dbus med par ston pa sangs rgyas phal po che wjig rten gyi dbang po thams cad kyi rgyan gyi le’u nas | sdong pos rgyan pa’i le’u bzhi bcu rtsa lnga pa yan chad la shu lo ka sum khri dgu stong sum cu ste | bam po brgya sum cu dang shu lo ka sum cu bai ro tsa na rakSHi tas zhu chen bgyis pa la | de bzhin gshegs pa phal po che’i le’ur gtogs pa la bam po bcu bzhi | rdo rje rgyal mtshan gyi bsdo ba’i le’u bam po bcu gsum | sa bcu pa bam po brgyad | kun tu bzang po’i spyod pa bstan pa bam po bcu drug | de bzhin gshegs pa skye ba wbyung ba bstan pa bam po lnga | wjig rten las wdas pa’i le’u bam po bcu gcig | sdong pos brgyan pa’i le’u bam po sum cu tham pa’o | | sadi la shin tu rgyas pa’i sde snod dang | snyan gyi gong rgyan dang | padma’i rgyan dang | shin tu rgyas pa’i mdo chad do | | dkon mchog barcegs pa chen po chos kyi rnam grangs le’u stong phrag brgya pa las sdom pa gsum bstan pa bam po gsum | ye shes sde’i wgyur | sgo mtha’ yas pa rnam par sbyong ba bam po bzhi dpal brtsegs kyi wgyur | de bzhin gshegs ba’i gsang ba bsam gyis mi khyab pa bstan pa shu lo ka sum stong lnga brgya ste bam po bcu gcig dang shu lo ka nyis brgya | ye shes sde’i wgyur | rmi lam bstan pa shu lo ka stong | wod dpag med kyi zhing gi bkod pa bam po gsum | mi wkhrugs pa’i zhing gi bkod pa shu lo ka stong lnga brgya bzhi bcu ste bam po lnga dang shu lo ka bzhi bcu | go cha bkod pa bam po drug | chos kyi dbyings rang bzhin gyis dbyer med par bstan pa bam po gnyis dang shu lo ka lnga bcu | chos bcu pa shu lo ka lnga brgya | kun nas sgo’i le’u shu lo ka nyis brgya drug cu pa rnams | ye shes sde’i wgyur | wod zer kun tu bkye ba bstan pa bam po lnga | byang chub sems dpa’i sde snod bam po nyi shu skad gsar bcad kyis bcos pa | chos nyid tshul khrims kyi wgyur | dga’ bo la mngal na gnas pa bstan pa bam po gnyis | mngal du wjug pa bstan pa bam po gcig | wjam dpal gyi sangs rgyas kyi zhing gi yon tan bkod pa bam po gsum dang shu lo ga brgya bzhi bcu | ye shes sde’i wgyur | yab sras mjal ba bam po bco lnga | ye shes sde’i wgyur | gang pos zhus pa bam po drug |

03-Bu-ston.doc 53

yul wkhor skyong gis zhus pa bam po gsum dang shu lo ka brgya ye shes sde’i wgyur | khyim bdag drag shul can gyis zhus pa bam po gnyis dang shu lo ka brgya lnga bcu | klog thob kyis zhus pa bam po gnyis | sgyu ma mkhan bzang po lung bstan pa bam po gcig dang shu lo ka brgya sum cu | cho wphrul chen po bstan pa lha’i bu ded dpon gyis zhus pa bam po gsum | byams pa seng ge sgra chen po bam po bzhi | wdus pa rnam par gtan la dbab pa nye bar wkhor gyis zhus pa bam po gnyis | lhag pa’i bsam pa bskul ba bam po gnyis | lag bzang gis zhus pa bam po gnyis dang shu lo ka brgya rtsa brgyad | des pas zhus pa bam po gcig | khyim bdag dpal sbyin gyis zhus pa bam po gcig | pad sa la’i rgyal po wchar byed kyis zhus pa shu lo ka nyis brgya | bu mo blo gros bzang mos zhus pa shu lo ka nyis brgya | bu mo gang g’a’i mchog gis zhus pa shu lo ka brgyad cu | bu mo mya ngan med pas byin pa lung bstan pa bam po gcig | bu mo dri ma med pas byin pas zhus pa bam po gcig dang shu lo ka brgya lnga bcu | yon tan rin chen me tog kun tu rgyas pas zhus pa shu lo ka brgya bzhi bcu | sangs rgyas kyi yul bsam gyis mi khyab pa bstan pa bam po gnyis | de rnams ye shes sde’i wgyur | lha’i bu blo gros rab gnas kyis zhus pa bam po bzhi | klu’i rgyal mtshan gyi wgyur | seng ges zhus pa shu lo ka drug cu | sangs rgyas thams cad kyi gsang chen thabs la mkhas pa bam po bzhi dang shu lo ka bcu gsum | tshong dpon bzang skyong gis zhus pa bam po gnyis pa rnams | ye shes sde’i wgyur | bu mo rnam dag dad pas zhus pa shu lo ka brgya lnga bcu | byams pas zhus pa bam po gcig dang shu lo ka bcu | byams pas zhus pa’i chos brgyad pa bam po gcig | wod srungs kyis zhus pa’i le’u bam po gsum | rin po che’i phung po’i mdo bam po gnyis dang shu lo ka bdun cu | blo gros mi zad pas zhus pa shu lo ka nyis brgya | shes rab kyi pha rol tu phyin pa bdun brgya pa bam po gnyis dang shu lo ka brgya | de rnams ye shes sde’i wgyur | gtsug na rin chen gyis zhus pa bam po gsum | chos nyid tshul khrims kyi wgyur | lha mo dpal phreng seng ge sgra’i le’u bam po gnyis dang | drang srong rgyas pas zhus pa bam po gnyis ye shes sde’i wgyur te | dkon brtsegs kyi wdus pa bzhi bcu rtsa dgu yan chad tshang bar wgyur ro | | theg pa chen po’i mdo sde sna tshogs la | bskal pa bzang po bam po nyi shu rtsa drug pa dpal dbyangs dang dpal brtsegs kyi wgyur | rgya cher rol pa bam po bco brgyad skad gsar bcad kyis bcos pa | wjam dpal rnam par rol pa bam po gnyis dang zho lo ka bcu | wjam dpal rnam par wphrul pa’i le’u bam po gcig dang zho lo ka dgu bcu rtsa bzhi skad gsar bcad kyis bcos pa | byang chub sems dpa’i spyod yul gyi thabs kyi yul la rnam par wphrul pa bstan pa bam po lnga ye shes sde’i wgyur | bcom ldan wdas kyi ye shes rgyas pa’i mdo bam po nyi shu rtsa lnga ye shes snying po dang dpal brtsegs kyi wgyur | sangs rgyas thams cad kyi yul la wjug pa ye shes snang ba’i rgyan bam po gsum dang shu lo ka lnga bcu pa | ye shes sde la sogs pa’i wgyur | dge ba’i rtsa ba yongs su wdzin pa bam po bco brgyad legs kyi sde dang ye shes sde’i wgyur | zung gi mdo’i chos kyi rnam grangs bam po bzhi skad gsar bcad kyis bcos pa | khye’u snang ba bsam gyis mi khyab pas bstan pa’i chos kyi rnam grangs shu lo ka nyis brgya bdun cu | ye shes sde’i wgyur | de bzhin gshegs pa’i sangs rgyas kyi zhing gi yon tan brjod pa’i chos kyi rnam grangs | dkyil wkhor brgyad ces bya ba’i chos kyi rnam grangs shu lo ka drug cu ye shes sde’i wgyur | dgongs pa nges par wgrel pa bam po bzhi dang shu lo ka nyi shu skad gsar bcad kyis bcos pa | lang kar gshegs pa rgya gar las bsgyur pa bam po bcu gcig | lang kar gshegs pa rin po che’i mdo las sangs rgyas thams cad kyi gsung gi snying po’i le’u wgos chos grub kyis rgya las bsgyur pa bam po brgyad | ga ya go ri shu lo ka brgya brgyad cu rtsa brgyad pa dang | dam pa’i chos padma dkar po bam po bcu gsum pa dang | snying rje padma dkar po bam po bco lnga pa dang | snying rje chen po padma dkar po bam po drug pa ste bzhi | ye shes sde’i wgyur | mya ngan las wdas pa chen po’i le’u nyi khri lnga stong pa las lha dang mi la sogs bas zhus pa’i le’u bam po bcu gsum pa lha’i zla ba’i wgyur | mya ngan las wdas pa’i mdo chung ba rin chen bzang po’i wgyur | wda’ ga ye shes shu lo ka bcu rgya las bsgyur bar dkar chag ldan dkar mar bris | sangs rgyas kyi mdzod bam po lnga rgya las bsgyur pa wdi dkar chag chen po gsum du mdor mdzad | kha cig the tshom gyi gzhir wchad do | |

03-Bu-ston.doc 54

rgyan stug po bkod pa bam po bzhi yan chad wgyur | de bzhin gshegs pa thams cad kyi byin rlabs sems can la gzigs shing | sangs rgyas kyi zhing gi bkod pa kun tu ston pa bam po gnyis | klu’i rgyal mtshan dang ye shes sde’i wgyur | chos thams cad kyi yon tan bkod pa’i rgyal po bam po drug pa dang | bde ba can gyi bkod pa shu lo ka brgya sum cu pa gnyis | ye shes sde la sogs pa’i wgyur | za ma tog bkod pa bam po bzhi dang shu lo ka brgya drug cu rtsa lnga | dkon mchog za ma tog bam po bzhi rin chen wtsho’i wgyur | dkon mchog wbyung gnas bam po bdun pa dang | rin po che’i mtha’ shu lo ka nyis brgya bcu pa gnyis | ye shes sde la sogs pa’i wgyur | gser wod dam pa mdo sde’i dbang po che ba bam po brgyad pa | rnam par mi rtog pa’i wgyur | gser wod dam pa mdo sde’i dbang po chung ba bam po lnga pa | gser wod dam pa mchog tu rnam par rgyal ba bam po bcu wgos chos grub kyis rgya las bsgyur pa | gser gyi mdo | gser gyi bye ma lta bu shu lo ka brgyad cu ye shes sde la sogs pa’i wgyur | chos thams cad kyi rang bzhin mnyam pa nyid rnam par spros pa’i ting nge wdzin gyi rgyal po bam po bco lnga yan chad tshang ba | chos nyid tshul khrims kyi wgyur | rab tu zhi ba rnam par nges pa’i cho wphrul gyi ting nge wdzin bam po gsum dang shu lo ka bcu pa dang | sgyu ma lta bu’i ting nge wdzin bam po gcig dang shu lo ka brgya lnga bcu pa dang | de bzhin gshegs pa’i ye shes kyi phyag rgya’i ting nge wdzin bam po gnyis dang shu lo ka drug cu pa ste gsum ye shes sde’i wgyur | dpa’ bar wgro ba’i ting nge wdzin bam po lnga rin chen wtsho’i wgyur | da ltar gyi sangs rgyas mngon sum du bzhugs pa’i ting nge wdzin bam po bdun rin chen wtsho’i wgyur | bsod nams thams cad bsdus pa’i ting nge wdzin bam po bzhi ye shes sde la sogs pa’i wgyur | rdo rje’i ting nge wdzin bam po drug pa rgya las bsgyur pa | khye’u bzhi’i ting nge wdzin bam po gsum ye shes sde la sogs pa’i wgyur | ting nge wdzin mchog dam pa bam po gcig | wdus pa chen po rin po che tog gi gzungs bam po brgyad dang shu lo ka sum cu rtsa gsum pa dang | rdo rje snying po’i gzungs bam po gcig dang shu lo ka nyis brgya bdun cu pa gnyis ye shes sde’i wgyur | sgo mtha’ yas pa sgrub pa’i gzungs shu lo ka nyis brgya drug cu | sgo drug pa’i gzungs shu lo ka bco brgyad | rnam par mi rtog pa la wjug pa’i gzungs shu lo ka brgya nyi shu rtsa gcig dpal brtsegs kyi wgyur | tshigs su bcad pa gnyis pa theg pa chen po la dad pa rab tu sgom pa bam po gnyis dang sho lo ka bcu dgu ye shes sde la sogs pa’i wgyur | gzungs wdi dag slob dpon dbyig gnyen gyis sgo drug pa mdor bkral zhing ka ma la sh’i las rnam par mi rtog pa la wjug pa mdor bkral la | tog dang rdo rje snying po la sogs pa dkar chag chen mo dag pas | mdor bshad pa bzhin yin no | | de bzhin gshegs pa’i snying rje chen po bstan pa gzungs kyi dbang phyug rgyal pos zhus pa bam po bdun | nam mkha’ mdzod kyis zhus pa bam po brgyad | rnam par wphrul pa’i rgyal pos zhus pa bam po gsum | byams pas zhus pa shu lo ka bdun cu | spobs pa’i blo gros kyis zhus pa bam po gcig dang shu lo ka bcu | theg pa chen po’i man ngag bu mo rin chen gyis zhus pa bam po bzhi dang shu lo ka bzhi bcu | blo gros rgya mtshos zhus pa bam po bcu | klu’i rgyal po rgya mtshos zhus pa chen po bam po bdun | klu’i rgyal po rgya mtshos zhus pa dge ba bcu bshad pa shu lo ka nyis brgya | klu’i rgyal po rgya mtshos zhus pa chung ngu shu lo ka bcu | de rnams ye shes sde’i wgyur | spyan ras gzigs kyis zhus pa’i chos bdun pa dge ba’i blo gros kyi wgyur | klu’i rgyal po ma dros pas zhus pa bam po bzhi | ye shes sde dang yi ge pa dgon gling rma la sogs pa’i wgyur | mi’am ci’i rgyal po ljon pas zhus pa bam po lnga | dpal gyi lhun po dang | dpal brtsegs kyi wgyur | tshangs pas zhus pa shu lo ka nyis brgya | tshangs pas byin gyis zhus pa bam po gcig ste | de gnyis ye shes sde’i wgyur | tshangs pa khyad par sems kyis zhus pa bam po bdun | chos nyid tshul khrims dang bar zhus kyi lo tstsha ba lha’i dbang po bsrung ba dang | gzhon nu bsrung ba la sogs pa’i wgyur | lha’i bu rab rtsal sems kyis zhus pa bam po gsum | dpal dbyig gis zhus pa shu lo ka brgya rtsa bco lnga pa gnyis | ye shes sde la sogs pa’i wgyur | rin chen dra ba can gyis zhus pa bam po gcig dang shu lo ka drug cu ye shes snying po dang dpal brtsegs kyi wgyur | khye’u rin chen zla bas zhus pa shu lo ka nyis brgya rtsa bdun pa dge ba’i dpal dang lha’i zla ba’i wgyur | bde byed kyis zhus pa shu lo ka

03-Bu-ston.doc 55

brgyad cu ye shes sde la sogs pa’i wgyur | yul wkhor skyong gis zhus pa shu lo ka bdun cu rtsa gsum | lha mo dri ma med pa’i wod kyis zhus pa bam po drug | bram ze mo dpal ldan mas zhus pa shu lo ka dgu bcu | bgres mos zhus pa shu lo ka brgya rtsa bco lnga ye shes sde’i wgyur | wjam dpal gyis zhus pa shu lo ka dgu bcu | bdag med pa dris pa rin chen bzang po’i wgyur | wjig rten wdzin gyis yongs su dris pa rnams | blo gros mi zad pas bstan pa bam po bdun pa dang | dri ma med par grags pas bstan pa bam po drug pa gnyis | chos nyid tshul khrims kyi wgyur | wjam dpal gyis bstan pa shu lo ka phyed dang bco lnga spyin pa’i phan yon bstan pa shu lo ka sum cu | byang chub sems dpa’i spyod pa bstan pa khye’u rin chen gyis zhus pa shu lo ka nyis brgya nyi shu | sbyin pa’i pha rol tu phyin pa bstan pa bam po gnyis | pha rol tu phyin pa lnga bstan pa bam po drug | byang chub kyi phyogs bstan pa shu lo ka dgu bcu rtsa gnyis | de rnams ye shes sde’i wgyur | kun rdzob dang don dam pa’i bden pa bstan pa bam po gnyis chos nyid tshul khrims la sogs pa’i wgyur | chos thams cad wbyung ba med par bstan pa bam po gsum rin chen wtsho’i wgyur | de bzhin gshegs pa’i yon tan dang ye shes bsam gyis mi khyab pa’i yul la wjug pa bstan pa bam po gsum dang shu lo ka nyi shu ye shes sde’i wgyur | sangs rgyas kyi stobs bskyed pa’i cho wphrul gyi yul la rnam par wphrul pa bstan pa bam po gcig dang shu lo ka lnga bcu | sangs rgyas kyi chos bsam gyis mi khyab pa bstan pa | mar me mdzad kyis lung bstan pa shu lo ka nyis brgya bcu pa dge ba dpal dang klu’i rgyal mtshan gyi wgyur | tshangs pa’i dpal lung bstan pa shu lo ka bzhi bcu dge ba dpal dang lha’i zla ba’i wgyur | bud med wgyur ba lung bstan pa bam po gnyis dang bu mo zla mchog lung bstan pa bam po gnyis pa gnyis ye shes sde’i wgyur | lha mo chen mo dpal lung bstan pa shu lo ka brgya | bde ldan ma lung bstan pa shu lo ka bdun cu | rgyal ba’i blo gros kyis zhus pa shu lo ka bcu gcig | spyan ras gzigs kyi mdo bam po gcig dang shu lo ka drug cu pa dang | wjam dpal gnas pa shu lo ka brgya bzhi bcu pa gnyis ye shes sde’i wgyur | byams pa la bdud rtsi brjod pa shu lo ka brgyad cu | byams pa wjug pa bam po gnyis pa dang | wjig rten dang rjes su mthun par wjug pa shu lo ka brgya rtsa bcu gcig pa gnyis ye shes sde’i wgyur | dad pa’i stobs bskyed pa la wjug pa’i phyag rgya bam po lnga dang shu lo ka bdun cu pa dang | nges pa dang ma nges par wgro ba’i phyag rgya la wjug pa bam po gcig dang | mar me wbul ba bam po gcig rnams ye shes sde’i wgyur | chos kyi phyag rgya shu lo ka brgyad cu | grong khyer gyi wtsho ba’i mdo shu lo ka brgya klu’i dbang po dang lha’i zla ba’i wgyur | zas kyi wtsho ba yongs su dag pa’i mdo shu lo ka sum cu rtsa brgyad | glang po che’i rtsal gyi mdo bam po gcig dang shu lo ka drug cu | sgra chen po shu lo ka drug cu rtsa bzhi dge ba’i dpal dang lha’i zla ba’i wgyur | seng ge’i sgra bsgrags pa bam po gcig | sba rje ye shes snying po’i wgyur | sa lu ljang pa’i mdo shu lo ka nyis brgya nyi shu rtsa drug pa ye shes sde’i wgyur | rten cing wbrel par wbyung ba bstan pa shu lo ka bcu gsum | rten cing wbrel par wbyung ba dang po dang | rnam par wbyed pa bstan pa shu lo ka sum cu pa nam mkha’i wgyur | wdi theg chung ngu grags kyang dbyig gnyen gyi wgrel par rnam shes tshogs brgyad dang | rig byed ma yin pa gzugs min pa la sogs pa bstan pa’i phyir theg pa thun mong du wthad do | | sor mo’i phreng ba la phan pa bam po bdun | chos nyid tshul khrims dang rgya’i lo tstsha ba stong a’ tsarya la sogs pa’i wgyur | ma skyes dgra’i wgyod pa bsal ba bam po lnga rin chen wtsho’i wgyur | dpal sbas kyi mdo bam po gcig dang shu lo ka drug cu pa dang | las kyi sgrib pa rnam par dag pa bam po gcig dang shu lo ka bzhi bcu pa dang | las kyi sgrib pa rgyun gcod pa shu lo ka nyis brgya sum cu pa rnams ye shes sde’i wgyur | sangs rgyas kyi sde snod tshul khrims wchal pa tshar gcod pa bam po bdun pa dpal gyi lhun po’i wgyur | rgyal po la gdams pa shu lo ka brgya drug cu pa rnga bo che chen po’i le’u bam po lnga dpal gyi lhun po dang dpal brtsegs kyi wgyur | sum cu rtsa gsum pa’i le’u bam po gsum pa dang | lhag pa’i bsam pa bstan pa’i le’u bam po bzhi pa dang | chos yang dag par sdud pa’i mdo bam po bdun pa | mtshan gzhan chos bgro ba zhes pa dang | rnam par wthag pa thams cad bsdus pa bam po gcig dang shu lo ka drug cu pa rnams ye shes sde’i wgyur | sangs rgyas bgro ba bam po gsum | de

03-Bu-ston.doc 56

bzhin gshegs pa bgro ba bam po gsum dang shu lo ka bdun cu rtsa lnga pa | dpal dbyangs dang dpal brtsegs kyi wgyur | chos kun bgro ba | de bzhin gshegs pa dpal gyi dam tshig bam po gsum dpal brtsegs kyi wgyur | dkon mchog sprin bam po brgyad rin chen wtsho dang | chos nyid tshul khrims kyi wgyur | sprin chen po bam po bcu | sprin chen po las phyogs bcu’i byang chub sems dpa’ rgya mtsho wdus pa’i dga’ ston chen po la rnam par brtse ba’i le’u bam po gsum dang shu lo ka nyis brgya nyi shu | sprin chen po rlung gi dkyil wkhor gyi le’u bam po gcig | sprin chen po’i mdo rlung gi dkyil wkhor las sprin chen po’i le’u bam po phyed dang gsum dang shu lo ka bdun cu | char dbab pa’i le’u drug cu rtsa bzhi pa cho ga dang bcas pa rnams ye shes sde’i wgyur | sprin chen po chung ngu shu lo ka brgya nyi shu dang gcig mi gcig dpyad | bcom ldan wdas kyi gtsug tor chen po’i mdo | wdi bka’ yin min the tshom gyi gzhir klu mes dbang phyug grags wchad | gtsug tor bam po dgu pa las bdud kyi le’u nyi tshe phyung ba rgya las bsgyur pa bam po gnyis | wdi dkar chag snga ma gsum gar bkar bshad do | | sa’i snying po wkhor lo bcu pa bam po bcu gsum rnam par mi rtog pa’i wgyur | phyir mi ldog pa wkhor lo’i mdo bam po drug ye shes sde la sogs pa’i wgyur | ting nge wdzin gyi wkhor lo’i mdo | yongs su bsngo ba’i wor lo bam po gnyis rgya las bsgyur pa rnam par mi rtog pa’i wgyur | chos kyi rgyal po’i mdo bam po gcig dang shu lo ka brgya | wdi dang ting nge wdzin mchog dam pa gnyis dkar chag snga ma gsum gar mdor mdzad do | | chos kyi tshul bam po gcig | chos kyi phung po shu lo ka brgya lnga bcu | don dam pa’i chos kyi rnam par rgyal ba shu lo ka nyis brgya brgyad cu | chos dang don rnam par wbyed pa shu lo ka dku bcu rtsa gnyis te bzhi | ye shes sde’i wgyur | byang chub sems dpa’i so so thar pa chos bzhi sgrub pa bam po gnyis dang shu lo ka brgya | sh’akya blo gros dang dge ba’i blo gros kyi wgyur | chos bzhi bstan pa shu lo ka bcu gsum ye shes sde’i wgyur | chos bzhi pa shu lo ka bcu | chos bzhi ma btang ba bzhi pa sgrub pa shu lo ka nyis brgya drug cu | chos gsum pa lha’i zla ba dang dpal brtsegs kyi wgyur | chos kyi rgya mtsho shu lo ka brgyad cu | chos kyi rgyal mtshan | chos kyi rgya mo bam po gnyis rgya las bsgyur ba | nyi ma’i snying po bam po bcu gsum pa bzang skyong dang dpal brtsegs kyi wgyur | de bzhin gshegs pa’i snying po bam po gcig dang shu lo ka bcu ye shes sde’i wgyur | yi ge med pa’i za ma tog rnam par snang mdzad kyi snying po shu lo ka brgya | nam mkha’i snying po bam po gcig dang shu lo ka brgya bdun cu rtsa lnga | yang dag pa’i spyod pa’i tshul nam mkha’i mdog gi wdul ba’i bzod pa bam po bcu gcig rgya las wgyur ba | thabs la mkha’ pa theg pa chen po bam por gtogs | sangs rgyas kyi mtshan lnga stong bzhi brgya lnga bcu rtsa gsum pa bam po brgyad | thar pa chen po phyogs su rgyas pa wgyod tshangs kyi sdig spyangs te | sangs rgyas su grub pa rnam pa bkod pa bam po gnyis dang shu lo ka brgya rtsa bcu gnyis rgya las wgyur | rtogs pa chen po yongs su rgyas pa’i mdo las | mtshan nas brjod pa’i yon tan gyi gleng gzhi | me tog gi tshogs bam po gsum chos nyid tshul khrims kyi wgyur | pang gong phyag rgya pa bsam gyis mi khyab pa’i rgyal po shu lo ka bdun cu rtsa lnga | phyogs bcu’i mun sel shu lo ka brgya lnga bcu | rtsangs de ventra rakSHi ta dang | klu’i rgyal mtshan gyi wgyur | sangs rgyas bdun pa shu lo ka brgya rtsa lnga | sangs rgyas brgyad pa shu lo ka dgu bcu rtsa gcig | sangs rgyas bcu gnyis pa’i mdo shu lo ka bdun cu rtsa bdun | sangs rgyas kyi dbu rgyan shu lo ka nyis brgya rin chen wtsho dang de ventra rakSHi ta’i wgyur | sangs rgyas kyi sa shu lo ka nyis brgya ye shes sdes T’i ka bzhi dang sbyar te gsar du bsgyur pa | sangs rgyas mi spong ba shu lo ka brgya nyi shu pa dang | dkyil wkhor brgyad pa’i mdo sde shu lo ka bdun cu pa gnyis ye shes sde’i wgyur | bkra shis brgyad pa shu lo ka lnga bcu rtsa gcig | dkon mchog gsum rjes su dran pa | bslab pa gsum gyi mdo | sku gsum pa’i mdo | phung po gsum pa’i mdo | shu lo ka lnga brgya sum cu ye shes sde’i wgyur | byang chub kyi lhung ba bshags pa | wdi nye bar wkhor gyis zhus pa las wbyung ba yin | de bzhin gshegs pa bdun gyi sngon gyi smon lam gyi khyad par rgyas pa shu lo ka brgyad brgya pa dang | de bzhin gshegs pa sman gyi bla bai D’urya wod kyi sngon gyi smon lam gyi khyad par rgyas pa bam po gnyis

03-Bu-ston.doc 57

pa gnyis ye shes sde’i wgyur | gsum la skyabs su wgro ba’i mdo shu lo ka sum cu dpal brtsegs kyi wgyur | srid pa wpho ba’i mdo shu lo ka bdun cu ye shes sde’i wgyur | mya ngan las wdas pa chen po’i mdo rgya las bsgyur pa bam po lnga bcu rtsa drug pa mu stegs kyi rgyal po pa la shas gdung ma thob pa yan chad tshang ba | ri’i kun dga’ bo’i mdo | klu’i rgyal po dga’ bo dang nyer dga’ btul ba’i mdo | wod srungs chen po’i mdo | nyi ma’i mdo | bkra shis chen po’i mdo | wdus pa chen po’i mdo | byams pa’i mdo | byams pa bsgom pa’i mdo | bslab pa lnga’i phan yon gyi mdo | chos kyi wkhor lo rab tu bskor ba’i mdo | skyes pa rabs kyi gleng gzhi | lcang lo can gyi pho brang gi mdo de rnams paNDi ta a nanta shr’a dang bla ma nyi ma rgyal mtshan dpal bzang pos gsar du bsgyur pa yin | wdi rnams sngar gyi dang zlos mi zlos theg pa che chung gang yin dpyad par bya’o | | bsdo ba smon lam bkra shis la | dgongs pa’i rgyud kyi phreng ba chen po las yongs su bsngo ba chen po’i rgyal po shu lo ka brgya sum cu dpal wbyor dang | dpal brtsegs kyi wgyur | yongs su bsngo ba’i rgyal po chen po sngags dang bcas pa bam po gcig dang shu lo ka nyis brgya mjug cung ma tshang | bsam pa thams cad yongs su rjogs par byed pa’i bsngo ba shu lo ka lnga bcu | wgro ba thams cad yongs su skyob par byed pa’i bsngo ba shu lo ka bzhi bcu | bzang po spyod pa’i smon lam gyi rgyal po shu lo ka dgu bcu rtsa bdun | byams pa’i smon lam shu lo ka sum cu | mchog gi spyod pa’i smon lam shu lo ka nyi shu rtsa gsum ye shes sde la sogs pa’i wgyur | rgyal po gser gyi lag pa’i mar me’i smon lam | gser wod dam pa’i bshags pa’i le’u nas wbyung ba’i smon lam | stong chen mo rab tu wjoms ma las wbyung ba’i smon lam | rigs sngags kyi rgyal mo rma bya chen mo las wbyung ba’i smon lam dang bden tshig | yangs pa’i grong khyer du wjug pa’i bde legs kyi tshigs su bcad pa | lhas zhus pa’i bde legs kyi tshigs su bcad pa | bde legs su wgyur ba’i tshigs su bcad pa shu lo ka dgu rgya che rol pa las wbyung ba’i tshong dpon ga gon dang bzang po la gsungs pa’i shis par brjod pa’i tshigs su bcad pa | bcom ldan wdas kyis khyim bdag des pa la gsungs pa’i dkon mchog gsum gyi bkra shis kyi tshigs su bcad pa ye shes sde’i wgyur | sangs rgyas phal po che las wbyung ba bcom ldan wdas la brgya byin gyis bstod pa’i bkra shis kyi tshigs su bcad pa | bcom ldan wdas la lha’i rgyal po rab mtshe mas bstod pa’i bkra shis kyi tshigs su bcad pa | bcom ldan wdas la lha’i rgyal po rab dga’ ldan gyis bstod pa’i bkra shis kyi tshigs su bcad | lhas zhus pa’i bkra shis kyi tshigs bcad | sangs rgyas rabs bdun gyi bkra shis kyi tshigs bcad | dkon mchog gsum dang | mdzad pa bcu gnyis kyi bkra shis kyi tshigs su bcad pa ye shes sdes bsgyur pa ste | bzang spyod la sogs pa wdi dag theg chung du bris pa ni mi rigs te | theg chen gyi mdo dang gzungs las phyung ba yin pas de nyid du gtogs shing de las logs su phye ba mi wthad do | | gang pos zhus pa dang | klog thob kyis zhus pa dang | rin po che’i phung po dang | sangs rgyas bcu pa rnams | dkon mchog brtsegs pa’i le’u yin pas | mdo sna tshogs su mi bgrang ngo | | wdir sngar wgyur nges pa deng sang gi bka’ wgyur du ma tshud cing | ma rnyed pa | de bzhin gshegs pa’i mdzod bam po bzhi | dkon mchog gi mdzod bam po bzhi dang shu lo ka nam mkha’ mdzod kyi ting nge wdzin bam po drug | dpal dbyangs kyis zhus pa bam po gcig dang shu lo ka nyis brgya | de bzhin gshegs pa’i spyod yul yongs su dag pa bam po gcig | chos thams cad kyi yon tan bkod pa’i rgyal po shu lo ka bzhi brgya | spobs pa’i rgyan bkod pa ye shes kyi mdzod | de bzhin gshegs pa’i ting nge wdzin nam mkha’i snying pos zhus pa bam po phyed dang gnyis | byang chub sems dpa’i spyod yul yongs su dag pa bam po gcig | dpal chen mo’i mdo bam po gsum | de bzhin gshegs pa’i dpal phun sum tshogs pa bam po gsum | rdo rje snying pos zhus pa | zla ba mchog gi snying pos zhus pa | gsal rgyal gyis zhus pa | rab dgas zhus pa | stag mo’i bu mos zhus pa | pha rol tu phyin pa bcu bstan pa | ri mo’i mtshan nyid bstan pa | las kyi wgyur pa bstan pa | tshad med pa bstan pa | dkyil wkhor dbul ba’i phan yon bstan pa | byang chub sems dpa’ lung bstan pa | tshangs pa lung bstan pa | rin po che chen po’i mdo bam po lnga | de bzhin gshegs pa’i lung gi le’u | wdul ba rnam par gdon mi za ba bam po gcig | ye shes rgyas pa chung ngu bam po gcig |

03-Bu-ston.doc 58

yang dag pa’i legs pa’i yon tan bshad pa shu lo ka brgyad cu | sman bla’i mdo chung ngu shu lo ka nyis brgya | pha rol tu phyin pa bsdus pa | shes rab bskyed pa | stobs bskyed pa | ye shes bsdus pa’i mdo | de bzhin gshegs pa’i bsngo ba la mkhas pa shu lo ka brgya drug cu | dge ba bcu bshad pa | chos nyid rang gi ngo bo nyid las mi g.yo bar tha dad par thams cad la snang ba bstan pa shu lo ka dgu bcu ste | mdo sum cu rtsa drug ma rnyed do | | zung gi mdo dang bdag med pa dris pa la sogs klu mes mdo min par smra ba ni mi wthad de | bdag med pa dris pa rin chen bzang pos phyis bsgyur pa’i phyir dang | zung gi mdo dkar chag chen mor mdor bshad pa’i phyir ro zhes kha cig go | wphang thang mar me wgal wtsho ba’i mdo | rta mgrin bkod pa’i mdo zhes pa li las bsgyur pa yod par bshad de | mdo sum brgya brgyad cu rtsa gcig ma rnyed par lnga bcu nga bdun nam nga dgu la sogs pa wgyur la | ko’u shi ka | blo gros bzang mo chung ba | ljon shing gi mdo la sogs pa sa skya paNDi ta dang klu mes la sogs pas mdo yang dag ltar snang phye ba bzhin rtogs par bya’o | |

iii.gepeskonyv.btk.elte.hu/adatok/tavol-keleti/terjek_jozsef/...03-bu-ston.doc 2 phyir mi wong...

Documents