Yog ib qho chaw muab hauj lwm raws li EEO/Affirmative Action, University of Wisconsin-Extension muab vaj huam sib luag hauv kev ua hauj lwm thiab cov kev pab cuam, raws nraim li Title IX thiab ADA.

Kev Pab Cuam Txog Kev Noj Zaub Noj Mov

u w – e x t e n s i o n • c o o p e r a t i v e e x t e n s i o nXav paub ntau ntxiv, nug tuaj rau:Beverly Phillips

State WNEP Coordinator Family Living Programs University of Wisconsin-Extension 608-262-0384 beverly.phillips@ces.uwex.edu www.uwex.edu/ces/wnep/index.cfm

WNEP kev qhia tau txais kev txhawb los ntawm USDA Supplemental Nutrition Assistant Program (SNAP), USDA Expanded Food & Nutrition Education Program (EFNEP), University of Wisconsin-Extension/Cooperative Extension, FoodShare Wisconsin, thiab cov koom haum ib cheeb tsam hauv lub xeev.

Kev ntsuam xyuas cov nqi ntawm tej khoom noj khoom haus qhia tau hais tias cov kev qhia txog noj cov zaub mov zoo ua tau hauj lwm zoo npaum li cas

Muaj pov thawj ntau zuj zus qhia tau tseeb lawm hais tias yog muaj kev qhia npaj tau zoo xws li WNEP pab tau kev noj zaub noj mov zoo rau cov tsev neeg uas

tsis tshua muaj nyiaj. Cov kev ntsuam xyuas txog cov nqi khoom noj khoom haus nyob rau ntau lub xeev qhia tau hais tias kev qhia kom noj zaub mov zoo pab txhim kho kam noj kev haus: txuag tau nqi kho mob, txuag tau yiaj muas noj; kev mus cuag cov chaw muab khoom noj thaum xwm txheej ceev heev los txo lawm; thiab txo tau kev kho cov mob loj ntev ntev lawm thiab.

Thaum cov kev ntsuam xyuas txog neeg thiab kam noj kev haus tsis zoo muaj ntau zuj zus tuaj es pom hais tias ua tau muaj ntshav qab zib, rog heev, mob plawv thiab lwm yam mob loj, lub txiaj ntsim ntawm Extension kev qhia txog noj zaub noj mov zoo yog ib qhov paub meej lawm. Kev kawm hais tias yauv xaiv khoom noj thiab npaj khoom noj kom zoo zoo li cas lawm ces yuav muaj kev noj qab nyob zoo rau tsev neeg thiab cov neeg ces cov nqi kho mob yuav tsawg zuj zus. Kev qhia txog noj zaub noj mov kom zoo thaum kawg yuav pab tau rau kam noj kev haus—tsis yog zoo rau cov kawm xwb, tiam sis zoo rau cov neeg them se thiab.

Kev kawm noj zaub noj mov = tsev neeg noj qab

nyob zoo

Kev siv FoodShare (los yog nyiaj muas noj, kev pab cuam Supplemental Nutrition Assistance Program, los yog SNAP) kuj nce zuj zus thiab. Thaum lub caij nplooj ntoos zeeg xyoo 2010, muaj ntau tshaj 764,000 tus pej xeem hauv Wisconsin

tau txais FoodShare—thaj tsam li 13% ntawm tas nrho cov pej xeem hauv lub xeev no. Vim hais tias muaj ntau tsev neeg yuav tsis taus cov khoom noj zoo, kom pheej yig, mas kev kawm txog kev noj zaub mov zoo haj yam yuav tseem ceeb heev.

Qhov University of Wisconsin-Extension Nutrition Education Program (WNEP) muaj pov thawj zoo heev teev cia txog kev pab ntau yam rau cov pej xeem uas txom nyem nyob hauv lub xeev Wiscon-sin los ntawm cov kev qhia nyob rau tom cov koom haum. Cov nyiaj pab tuaj

rau WNEP feem ntau yog tuaj hauv Supplemental Nutrition Assistance Program-Education (SNAP-Ed) tuaj.

Peb kev pabExtension cov xib hwb qhia txog kev noj zaub mov zoo muaj qhia nyob rau 68 lub nroog hauv Wisconsin, uas pab tau txog li phav phav tus pej xeem uas tuaj kawm me ntsis xwb mus rau cov uas kawm tob heev, nyob ntawm seb tus neeg ntawd xav tau kev pab cuam ntau npaum li cas. Cov tuaj koom tes kawm yog cov niam txiv muaj me nyuam mos los yog muaj me nyuam coob tus; cov me nyuam muaj hnub yoog kawm ntawv; cov laus tsis muaj me nyuam; thiab cov neeg luas. WNEP cov xib hwb ua hauj lwm rau ntau haiv neeg—Hispanic los yog Latino, As Me Liv Kas Dub (Af-rican American), As Xias (Asian), Khab (Native American), thiab lwm hom neeg, uas yog qhia kom pab tau lawv raws li qhov xav tau.

Muaj pov thawj tuaj ntawm U.S. Department of Agriculture qhia tau hais tias tom qab kawm txog kev noj zaub mov kom zoo yuav pab tau kom muaj kev noj qab haus huv mus tev, cov pej xeem kuj xyaum xaiv khoom zoo yuav thiab.

Qhov zoo ntawm kev kawn noj zaub noj movPaub hauj lwm, muaj kev pab cuam thiab cog phooj ywg zoo nrog lwm cov koom haum

Extension siv cov pov thawj tshawb fawb tau, cov kev qhia pej xeev raws li pej xeem xav tau thiab tej yam tseem ceeb rau pej xeem sawv daws xws li cov kev

qhia txog noj zaub mov kom zoo. Extension cov phooj ywg ua hauj lwm ua ke thoob Wisconsin tau tsim tsa txoj kev phooj ywg sib koom tes rog lub xeev thiab cov koom hauv hauv zej zog kom ruaj. Tsis muaj lwm lub koom haum uas yog tsim tsa kom muaj kev mus siv tau lub tsev kawm ntawv qib siab University of Wisconsin tej hauj lwm thiab kev tshawb fawb es coj mus ua hauj lwm pab nyob txhua txhua lub roog hauv lub xeev no.

Extension cov xib hwb qhia txog kev noj zaub mov kom zoo ua hauj lwm ua ke rog pua pua lub koom haum tsis hais cov ua yuav nyiaj los yog cov ua pab dawb, cov tsev kawm ntawv, thiab lwm cov koom haum. Lawv yog cov los pab nrog xyuas rau kom tiv thaiv tau kev tshaib nqhis thiab yog cov yuav tsa dua tej pab neeg los pab nrog xyuas leg hauj lwm. Lawv kuj nrog tuav tswv yim thiab muab kev txhawb, kho kev txuas lus, thiab teev tej yam tau ua thiab ua tau zoo khaws cia.

Extension cov xib hwb qhia txog kev noj zaub mov nqua hu cov pej xeem

Extension cov xib hwb qhia txog kev noj zaub mov kom zoo kuj tawm mus qhia nyob rau tej koom haum hauv zej zog thiab. Ib co piv txwv li nram qab.

Cov me nyuam muaj hnub nyoog kawm ntawv. Cov txheej txheem hauv kev qhia noj zaub noj mov yog npaj qhia rau phav phav tus me nyuam kawm ntawv thaum lub sij hawm lawv kawm ntawv, tom cov chaw kawm ntawv thaum phav lub caij sov los yog tom qab me nyuam lawb ntawv, tom cov tsev nqiv ntawv, tom cov chaw tshuaj ntsuam mob, cov koom haum uas nyob hauv zej hauv zos, cov chaw ua zaub mov pub noj dawb, cov chaw qhia ntawv rau me nyuam tab tom yuav npaj mus kawm ntawv Head Start thiab cov koom haum Community Action, thiab cov tsev kawm ntawv thiab ua vaj. Cov me nyuam xaiv khoom noj kom zoo xws li txiv hmab txiv ntoo thiab zaub. Cov me nyuam me kuj kawm tau hais tias tseem ceeb npaum li cas txog kev ntxuav tes kom tej khoom noj thiaj hu si thiab zoo noj.

Cov niam txiv. Extension cov xib hwb qhia ntawv mus qhia rau cov niam txiv uas muaj me yuam mos thiab me yuam me ntawm ntau qhov chaw, xws li ntawm WIC cov chaw ua hauj lwm thiab cov tsev kawm ntawv rau cov me yuam yaus nyob cheeb tsam cov neeg txom nyem. Tsis tas li, kuj muaj xov xwm hais txog kev noj zaub mov kom zoo uas cov tsev kawm ntawv muab coj los qhia kom pab tau tsev neeg muaj kev txuas lus txog kev xaiv khoom noj khoom haus. Cov niam txiv kuj kawm tau hais tias yuav npaj li cas kom muaj zaub thiab txiv rau lawv pluas mov thiab yuav ua tau tus qauv zoo rau lawv cov me nyuam.

Cov laus xiam hoob qhab. Extension cov xib hwb qhia txog kev noj zaub mov muab kev qhia rau cov neeg ua muaj feem tau yiaj muas noj yob rau tom cov chaw zov lawv nruab hnub thiab nyob rau tom cov tsev tu neeg. Cov neeg tuaj kawm no kawm txog tej yam yuav pab tau kom lawv pab tau lawv tus kheej thaum xaiv cov khoom noj khoom haus yuav.

Cov neeg laus. Extension cov xib hwb qhia txog kev noj zaub mov qhia cov neeg laus yob rau tom cov tsev ua mov rau cov neeg laus noj. Cov neeg laus kawm txog tej kev tshiab mus yuav khoom noj khoom haus kom pab tau lawv siv lawv qhov nyiaj me me yuav cov khoom noj khoom haus zoo.

Kev Pab Cuam Txog Kev Noj Zaub Noj Mov xyuas txog pej xeem tej kev xav tau kev pabCov neeg poob hauj lwm tseem coob heev, kev txom nyem los

nce zuj zus thiab kev pab rau xwm txheej ceev heev, xws li cov chaw muab khoom noj pub dawb, los kuj muab ntau tshaj plaws li lawm nyob hauv Wisconsin.