himne për të tërëshenjtën mari
DESCRIPTION
Himne për të Tërëshenjtën MariTRANSCRIPT
1
Himne për të Tërëshenjtën Mari
T.T.IV., TI IPERMAKHO
Përlufteshës gjenerale këngët mundëse, si përhirim që e shpëtove prej tmerreve, qyteti yt po të përshkruan o
Virgjëreshë; po sikundër ke fuqi të palëftuarshme, prej çfarëdo rreziku shpëtomë, se po të thërres: Gëzohu o
Nuse e panusëruar.
T.I, TON TAFON SU
Si Nënë të Jisujt, ne besnikёt të lusim, o Zonjë Shën Mari, Virgjëreshë pas lindjes, përikim, pra me ty me mall,
si e mirë që je për ne, ty të kemi pra, ne mëkatarët si mbrojtje, prej rreziqeve dhe shpëtimtare në ngasjet, o
Zonjë Hyjlindëse.
T.I, TON TAFON SU
I madhi gjeneral, engjëllor i Parajsës, po zbret në Nazaret, edhe lajmë për Mbretin, dhe Zotin e jetëve, po të sjell
o Hyjlindëse, dhe po të thërret, o Virgjëreshë gëzohu, është një çudi, që nuk mund të kuptohet, për hirin e
njerëzve.
T.I, TON TAFON SU
O Zonjë Shën Mari, en’ e zgjedhur e Zotit, na ngrer dhe na shpëto, ne të mjerët që humbëm, në pellg të
dëshpërimeve, dhe në pus të mëkateve, ti e vetëm je, shpëtim për ne mëkatarët, ti je ndihmëse dhe përkrahës e
fortë, dhe mbrojtje e besnikëve.
T.I, TON TAFON SU
Të drejtë prindër ke, Joakimin dhe Anën, dhe vjen në Kishë sot, si dhuratë për Zotin, e vogël nga versa je, ti që
jet’ e ushqim na jep, ty po të bekon, Profeti plak Zaharia; pra të gjithë ne, o Nën e Zotit dhe Mbretit, me besë të
falemi.
T.III, TIN OREOTITA
O bukuri me nam, o virgjëri pa cen, o drit e diellit, o hën e qiellit, Shën Gabrieli kur të pa çuditej dhe të
thërriste: Cili lavdërim të vlen, o Mari Hyjlindëse; ç’këngë të këndoj më kot, pra them sikundër jam porositur:
Gëzohu Virgjëreshë Hirplotë.
T.III, TIN OREOTITA
Të pakuptuarin, të papërshkruarin, të bashkëqenëshmin, Birin dhe Perëndi, në gjirin tënd mistikërisht e nxure
o Virgjëreshë; pamë pra një vepërim, të Trinisë plot me lavdi, kur e linde Zotin Krisht, Nën e Shenjtë
Hyjlindëse; të gjithë pra thërresim me zë të madh; Gëzohu Virgjëreshë Hirplotë.
T.III, TIN OREOTITA
Zonjë Hyjlindëse, Nëna e Zotit Krisht, shpirtin që m’u sëmur, eja dhe ma shëro, se jam i mbytur plotërisht prej
fajeve Virgjëreshë; ty pra të thërres me mall, dhe me zemër rënkonjëse: pritmë e panjollëshme, mëkataren
vajtonjësen, që po të përshëndosh porsi engjëlli: Gëzohu o Hirplotë.
T.III, TIN OREOTITA
Natyra plot me gas, po kremton me ne, se kryeëngjëlli, sot po të përshëndosh, gëzohu Zonjë Shën Mari e para
mbi gratë; sot tërbim i gjarpërit, nuk merret përpara sysh, se mallkimi prindëror, është zhdukur për gjithënjë;
të gjithë pra thërresim me zë të math, Zonjë Hyjlindëse gëzohu.
2
T.IV KATEPLLAJI JOSIF
Eja thirr David Profet, ç’be të ka bërë Zot i Madh? Gjithato që më premtoj, ja tani thotë m’i mbaroj, se na dhuroj
Virgjëreshën nga fara e brezit tim; dhe lindi prej asaj, Krishti Adami i ri, një Mbret dhe Perëndi, dhe një lavdi
për fronin tim, dhe mbretëron përherë mbi një fron të patundur. Beronja lindi, Marin’ e Shenjtë, Kryezonjën
Hyjlindëse.
T.IV KATEPLLAJI JOSIF
Prej Jeseut lulëzoj, dhe prej Davidit na buroj, Zonj e Virgjër Shën Mari, sot na ka lindur për shpëtim, dhe
përsëritet bota dhe bekohet prej Perëndisë. Brohoritni pra me gas, o qiell dhe tokë bashkarisht, lavdërojeni
kudo, popuj dhe kombe përmbi dhe, se Joakimi dëfren edhe Shën Ana gëzohet. Beronja lindi, Marin e Shenjtë,
Kryezonjën Hyjlindëse.
T.III, KATEPLLAJI JOSIF
Shën Josifi u habit, kur pa çudinë pa shpjegim dhe kujtonte besërisht, vesën e qiellit përmbi dhe, kur linde
Krishtin o Nënë dhe Virgjëreshë; ferrën në Sina, që zjarri nuk e ndjek, shkop’ i thatë mbin, edhe lëshon filiz;
dhe dëshmoj Vlesori, dhe Priftërinjve u thoshte: Lind Virgjëresha dhe pas lindjes, mbetet prapë e virgjër.
T.III, KATEPLLAJI JOSIF
U çuditën Shën Mari, të gjithë Engjëjtë në qiell, për misterin pa shpjegim, që linde Zotin Jisu Krisht, që e ka
bërë botën e tërë me një fjalë; se mbahet në pëqi, një Perëndi dhe Zot, dhe jetën nis mbi dhe, i parëjetëshmi,
edhe thëthin si foshnjë ay që ushqen gjithësinë; dhe ty të gjithë, të lavdërojmë, Nën’ e Virgjër Hyjlindëse.
T.III, KATEPLLAJI JOSIF
Sa pa lindur o Mari, për Perëndinë dhurëti’, porsa linde përmbi dhé, sipas zotimit prindëror, u shpure
menjëherë përpara Zotit. Në tempullin e madh, Tempull i Zotit Krisht, si foshnjë pa një cen, midis lambadheve
shkëlqen, si një kandil i dritës së paafrueshme. E madhe është, e kremtja jote, o Virgjëreshë Hyjlindëse.
T.IV KATEPLLAJI JOSIF
Gabrieli i thërret, Zonjës Hyjlindëse Mari, Perëndinë Zotin Krisht, do ta përmbash në gjirin tënd, që themeloj
me fjalë tërë botën; edhe ajo i tha, e çuditur fort: Burrë nuk kam, dhe një bir si do të lind? Po ia shpjegoj Marisë
këtë çudi kryeëngjëlli; se do të zbresë, Shpirti i Shenjtë, përmbi ty Virgjëreshë.
T.IV KATEPLLAJI JOSIF
U dërgua përmbi dhe, engjëll i shenjtë Gabriel, dhe Marisë i tregoj, lajmën gazmore pa tregim, që do të lindë si
bir të saj Jisu Krishtin; Zot dhe Perëndi, që mbretëron lart në qiell, dhe njerinë e shpëton, nga çdo mëkat edhe
dënim, edhe dëshmon ay që më dërgoj të të them gëzohu; lind Virgjëreshë, dhe pas lindjes, mbetesh prapë e
virgjër.
T.IV, TON SINANARKHON
Lum e lum ti o mal ku bariti Zot’ i Math; lum e lum ti o ferrë që nuk digjesh dot’ lum e lum o urë që na shpie
në shpëtim, në Parajs e në dëfrim, dhe në jetën pa mbarim o Nën e Shenjtë gëzohu, që virgjërisht na ke lindur,
Shpëtimtarin tonë Zotin Krisht.
T.IV, TON SINANARKHON
Virgjëreshë dhe Nënë Mari Hyjlindëse, që hidhërimin e Evës e ktheve në gëzim, të himnojmë ne besnikët dhe
të falemi, se na çlirove plotësisht, nga mallkimi prindëror o Zonj’ e përmbibekuar; pra lutu për ne pa prerë,
dhe shpëtona prej rreziqeve.
3
T.T.IV, TIN SOFIAN
Ti o portë qiellore o Shën Mari, ti o mal i shenjtë plot me shkëlqim, o re udhëheqëse, ti o shkallë e qellshime, ti
o Parajs’ e mendëshme për Evën shpëtonjëse, ti o thesar i botës i shtrenjtë i çmuarshëm; ti o Nën e shenjtë, ti
shpëtimin na solle, nga fajet e prindërve, dhe mallkimet e gjyshërve. Përandaj të thërresim: ndërmjeto pranë
Birit tënd, të na dhurojë ndjesën e mëkateve, neve që sot e kremtojmë, besërisht kujtimin tënd.
T.T.IV, TIN SOFIAN
Shpirtin tim të përulur o Shën Mari, që në shqotën e jetës brenda në det, po rrihet prej erëve, dhe përpiqet prej
valave, edhe nga barr’ e mëkatit po mbytet prej ujëve, edhe në fund të ferrit po kridhet tani me vrap; eja
Virgjëreshë, dhe me lutjet e nxehta, shpëtomë dhe shpjermë shpejt, në liman dhe në qetësi; se me besë po të
thërres: luti-i Birit Jisu Krisht, të na dhurojë ndjesën e mëkateve; se me ty kemi shpresë, gjithë të pavyerit.
T.II, TIS MATHITES
1 – Gas pate me dishepujtë, o Mari Virgjëreshë, se e shikove Zotin Krisht, që u ngjall pas tri ditësh, qendroj në
mesin e tyre, dhe atje pagëzimin, për gjithë kombet urdhëroj, n’emër t’Atit e Birit e Shpirtit Shenjt, të besojnë
Ngjalljen e Shpëtimtarit, dhe të hymnojmë ty me mall, Virgjëreshë dhe Zonjë.
2 – Të përshëndoshi engjëlli, duke thënë Gëzohu, o Shën Mari Hyjlindëse, engjëlli rrugullizi, gurin e rëndë prej
varrit, dhe i pari na Shfaqi, që do të lindë Zoti Krisht, tjetri ndriti dhe thirri Jisuj u ngjall, gas të math e jo vajtim
dhe qarje, për gratë Myrëprurëse, edhe për Apostujtë.
3 – O Shpëtimtar o Zoti Krisht, që shkëlqeve prej varrit, si dhëndëri dhe dielli, dhe plaçkite Skëterrën, dhe
vdekjen e abolite, lutjet nënë dëgjoja, dhe dritën tënde na dërgo, për të ndritur çdo zemër edhe çdo shpirt, dritë
gjithë njerëzve të baresin, pas porosive që na dhe, në patekat e paqes.
4 – Gëzohuni u the o Zot, dhe mallkimin e vjetër, të hidhur të stërgjyshërve, e përndave dhe solle, gëzim për
botën me Ngjalljen, Jetëdhënës gëzona, me anën e Hyjlindëses, ndritna zemrën dhe shpirtin me përdëllim, që
të thërresim o njeridashës: Lavdi o Perëndi – njeri, Ngjalljes sate për jetë.
5 – Hymnoj mëshirën që s’ka fund, Bërës i gjithësisë, se zbraze veten për çudi, edhe more natyrë, më të përulur
dhe vojte, duke lindur prej Zonjës, dhe Virgjëreshës si njeri, u varrose dhe zbrite në Ferr për ne, për shpëtimin
dhe ndriçimin e botës, me lutjet e Hyjlindëses, o Zot i zemërdhembshur.
6 – O Krijetar i botëve, o Zot i gjithësisë, prej Shën Marisë more trup, dhe njeri pa ndryshuar, për njerëzit na u
bëre; na përsërite shpirtin, të prishur prej mëkateve, Ti që linde prej Nënës çuditërisht, pra thërresim besërisht
që të gjithë, me lavdërim dhe brohori: Zonj’ e botës gëzohu.
7 – Çudira të papritura, për mua ke punuar, o Shpëtimtar o Zoti Krisht, se ke zbritur prej qiellit, ke lindur prej
Virgjëreshës, u mbërtheve mbi Kryqin, dhe vdekje vojte përmbi Kryq, dhe u Ngjalle prej varrit plot me lavdi,
dhe prej vdekjes e çlirove njerinë; lavdi më ty o Zoti Krisht, Zot i gjithëfuqishëm..
8 – Ke lindur o Hyjlindëse, njërin prej Shën Trinisë, me dy natyra Zotin Krisht, dhe me dy vepërime , po nga
persona të njëshmë; pra iu lut pa pushuar, për hirin e besnikëve, që t’i shpëtojë nga leqet që u kurdis, i paudhi
djall Satan se të gjithë, më ty përikim o Mari, Nënë dhe Virgjëreshë.
9 – Kur e shikove Birin tënd, që prej varrit të ngritur, o Zonjë dhe Hyjlindëse, o Mari Virgjëreshë, çdo hidhërim
e harrove, që durove si Nënë, kur e mbërthyen përmbi kryq, dhe me gas u përmbushe dhe lumëri, dhe e
lavdërove me Apostujtë: ata pra që Hyjlindëse, të lëçitin shpëtoji.
4
10 – Zotit q’u ngjall së vdekurësh, pas tri ditësh prej varrit, iu lut për ne Hyjlindëse, që me mall të hymnojmë,
me këng’ e me lumërime, se të kemi përikje, dhe mbrojtёse përkrahëse, ndërmjetare përpara Zotit Jisu, se na ke
besnikё dhe adhuronjëse, edhe prej teje gjithënjë, presim o Nënë ndihmë.
11 – Mister i tmerrshëm dhe i madh, o çudi e papritur, me vdekjen vdekja plotësisht, u dërrmua prej Zotit. Të
gjithë pra të hymnojmë, o Zoti Krisht o Perëndi, Ngjalljen tënde të shenjtë plot me lavdi, edhe Shën Marisë që
të ka lindur. Me ndërmjetimet e asaj, na shpëto prej Skëterrës.
T.II, TIS MATHITES
Gjenerali i engjëjve, u dërgua prej Zotit, t’i japë lajmën plot me gas, Virgjëreshës dhe Zonjës, që Shpëtimtari
dhe Zoti, për çudi do të lindë, si foshnjë edhe si njeri, prej asaj Perëndia që s’ka kufi, për të ngjallur gjindjen e
tërë botës. O popuj lajmëroni pra, përlindjen e botës.
Gëzohu o Shpëtonjëse, e Adamit të rënë, gëzohu o Hyjlindëse, ferr e malit dhe flagë, o fron i dritës gëzohu,
port e shkallë qiellore, gëzohu qerre e qiellit, re e lehtë dhe tempull i Zotit Krisht, shtëmb’ e artë mal’i lartë
gëzohu; o shenjtërore dhe altar, ti që Evën shpëtove.
T.II, TIS MATHITES
Përpara Zotit Jisu Krisht, që e linde e virgjër, o Shën Mari Hyjlindëse, ndërmjeto pa pushuar, për mëkatarët
besnikë, që të gjejmë mëshirë, dhe ndihmë të voliçme , në shtrëngic e nevojë dhe në rrezik, në tërmet dhe në
tronditjet e rënda, eja shpëtona gjithënjë, si një Nënë e dhembshur.
T. II, TIS MATHITES
Në tërë botën përmbi dhe, të gjithë ngazëllohen, o Zonjë dhe Hyjlindëse, Nënë dhe Virgjëreshë, për lindjen
tënde të shenjtë, nus’e panusëruar, dhe i gëzove prindërit, të helmuar prej vjetësh që mbanin zi, nga mjerimi i
pafëmijësisë, dhe i shpëtove njerëzit, nga mallkimi i Evës.
T. II, TIS MATHITES
Të parëlajmëruarën, prej çdo profeti sheshit, si shtëmb’ e pllakë dhe si shkop, malin e pacënuar, Marinë Zonjën
e Shenjtë, nënën e Shpëtimtarit, me bes e lavdërojmë sot, se në Tempullin hyri plot me lavdi, dhe në
Shenjtëroren e Perëndisë, n’altarin e të Shentjave, si nuse engjëllore.
T. II, TIS MATHITES
O Shën Mari Hyjlindëse, mbrona prej çdo rreziku, mbrona prej hidhërimeve, mbrona prej çdo nevoje, dhe mos
na lër të na marrë, djalli ditën e fundme, as ferr’ i errësirave, mbrona përpara gjyqit të Birit tënd, nxirrna
faqebardhë o Virgjëreshë, si Nën e Zotit ti i ke, që të gjitha në dorë.
T. II, TIS MATHITES
Gëzohu ti o Bethlehem, o Efratha gatitu, se Virgjëresha ja ku vjen, që ta lindë në shpellën, përmbi një grazhd
Jisu Krishtin; mblidhemi pra të gjithë, Stërgjyshërit dhe Etërit, Abraham Isak dhe Jakobi tok, me Patriarkët
Engjëjt’ edhe profetët, edhe me gas kremtojmë sot, vegjiljen e shpëtimit.
T.I, TON URANION
Shën Joakimi dhe Ana sot kanë panair, se lindën kryenisjen e ndriçimit të botës, Hyjlindësen e vetëm Zonjën
Mari, që kremtojmë me bes’ e mall, që prej Jeseut ka mbirë çuditërisht, për shpëtimin e besnikëve.
Prej Anës lindi Maria Zonja Hyjlindëse, dhe Nëna Virgjëreshë për shpëtimin e botës, prej saj çuditërisht na
lindi Jisui, Shpëtimtar i besnikëve, për të spastruar mëkatin stërgjyshëror, të Adamit të qëmotshëm.
5
Maria Nëna e shenjtë e Zotit Jisu Krisht, lavdia profetike dhe e bij e Davidit, ka lindur sot për botën çuditërisht,
edhe lindet prej prindërve, Shën Joakimit dh Anës me bes e mall, për shpëtimin e besnikëve.
T.I, TON URANION
Le të kërcejm’ o besnikë më psalm’e hymne sot, le ta këndojmë Zotin, dhe Marin’ e bekuar, se hyri sot n’altarin
plot me lavdi, që të rritet në tempullin, dhe Zaharia e priti si kryeprif, me gëzim dhe brohori.
Sot Virgjëresha dhe Zonja Nëna e Zotit Krisht, ndër gratë e bekuar, hyn në tempull të shenjtë, dhe prindërit e
saj kremtojnë me gas, Joakimi dhe Ana tok, dhe virgjëreshat kërcejnë me brohori, dhe hymnojnë Hyjlindësen.
Të lajmëruan Profetët Zonjë Hyjlindëse, dhe Apostujt’ e shenjtë dhe dëshmorët të mburrën, besnikët të
hymnojnë me brohori, dhe lavdi si përlindëse, se ndërmjeton gjithënjë dhe na fal shpëtim, edhe ndjesën e
mëkateve.
T.I, TON URANION
Me drita dhe me lambadhe po e përcjellin sot, n’altarin Virgjëreshën, vajzat me lavdërime, dhe t’ardhmen
lajmërojnë me profeti, se Shën Maria Hyjlindëse, porsi një tempull i shenjtë i Zotit Krisht, me lavdi po hyn në
tempullin.
Sipas premtimit të Zotit një bijë me lavdi, Maria Virgjëreshë, u tregua në botë, më e larta nga të gjitha pra
besërisht, sillet brenda në tempullin, edhe dëshirën e zemrës ua mbaron, njerëzisë dhe prindërve.
U hapën portat e Kishës për ty Hyjlindëse; si Kish’ e gjithësisë, edhe froni i Zotit, po shpiresh me lavdi
përbrenda n’altar, prej Hyjprindit Shën Joakim, dhe si dhuratë blatohesh dhe si kurban, edhe bëhesh Nën’ e
Zotit Krisht.
T.I, TON URANION
Nga qiell’ i lartë prej Zotit engjëlli Gabriel, në Nazaretin zbriti dhe i tha Virgjëreshës, gëzohu ti se do të lindësh
një bir, më të vjetër se çdo njeri, që e krijoj tërë botën dhe na shpëtoj, pra gëzohu Mari Hyjlindëse.
Ungjillëzimin prej qiellit i solli me nxitim, Marisë Gabrieli dhe thërriste Gëzohu, se bir ke për të lindur një
Perëndi, që s’ka nisje dhe s’ka kufi, dhe Nën e Zotit të jetëve do të jesh, që përpara dritëprurësit
I parëjetmi me Atin lindi prej Nënës mbi dhe edhe u shfaq në botë me fytyrë prej robi, i dyti i Trinisë Krishti
Jisu, Zot i math i mëshirave, dhe na shpëtoj nga mallkimi stërgjyshëror, i mishëruar prej Hyjlindëses.
T. II, IKOS TU EFRATHA
Ejani tok këtu, dhe bijën e Davidit, që lindi Jisu Krishtin, Hyjlindësen e Shenjtë, Marinë lavdërojeni.
Zotin që na çliroj, me anën e beronjës, dhe na dhuroj Marinë, Hyjlindësen e vetëm, me këngë përhymnojeni.
Sot erdhi gas kudo, në tërë njerëzinë, se lindi prej Shën Anës, Maria Virgjëresha, e vetëmja Hyjlindëse.
Zonjë Hyjlidnëse, me lutje pranë Birit, çlirona nga mëkatet, shpëtona dhe dhurona, Parajsën e Shenjtorëve.
Ti je m’e lumura nga grat’e tërë botës, se linde Shpëtimtarin, përkrahna dhe dhurona, Parajsën e Shenjtorëve.
6
Arkë plot me flori, dhe shtëmbë plot me manë, Mari o Nën e Shenjtë, përpara Krishtit lutu, për ndjesën e
mëkateve.
Mbeta i zhveshur keq, nga veprat e paudha, nga dimri i ftohtë ngriva, po ti o Nënë vishmë, me rrobën e
shenjtorëve.
T.T.IV. O TU PARADHOKSU
Ç’është kjo çudi dhe kjo habi! Ti o burim jetësor, prej beronjës na linde sot, dhe nis që – tani dhe sjell, përdëllim
edhe hir për ne. Pra, ngazëllohu, ti o Shën Joakim, se ti u bëre, At i Hyjlindëses: S’ka tjetër prind si ty, që ke
mbajtur Shën Marinë në pëqi, Nënën e Jisuit me nam, që na shpëton gjithënjë.
Ç’është kjo çudi dhe kjo habi! Prej një beronje na lind, se ashtu Perëndia tha, Krijetari lart në qiell, Zot i math i
të gjithëve. Dhe u gëzua, Ana e shenjtë sot; nëna kërceni, dhe përgëzojeni. Ti je m’e lumura, nga të gjitha gratë
e botës përmbi dhe, Zoti është tok me ty, se ti shpëtimin na sjell.
Shtyllë shpirtërore me lavdi, dhe en e qiellshme je, që po ndrit dhe shkëlqen me hir, o Shën An’e ndershme, se
na linde Hyjlindësen, dhe Kryezonjën, lulen e hyjëshme, dhe Virgjëreshën, e lumëruarshme, shembëll të
vajzave, që i kanë virgjërisë saj zili, dhe u fal besnikëve, ndjesë dhe përdëllim.
T.III, EPESKEPSATO
Na linde o Hyjlindëse, Jisunë Krishtin Perëndi, që tërë botën e shpëtoj, nga ferri i demonëve; shpëtona nga
sëmundjet pra, nga helmet dhe mëkatet, me lutjet e dhembshura.
Ti o kështjell’ e florinjtë, me dymbëlljetë fortesa, o fron që ndrit posi dielli, ku Mbreti rri me shenjtorët, ti o çudi
që s’ke kufi, o Nënë Virgjëreshë, që Zotin na linde.
Virgjëreshë Hyjlindëse, o Nëna e besnikëve, iu – lut përherë Zotit Krisht, për ndjesën e mëkateve, tok me
Patrikun Shën Grigor, falna dhe dhurona, Parajsën e Shenjtorëve.
T.T.I, KHERIS ASKITIKON
Gas mbretëron në qiell dhe mbi dhé, se qiell i Shpirtit, po hyn brenda në tempullin, në Kishën e Perëndisë, që
të stërvitet me zell, Virgjëresh’ e vetëm e panjollëshme; asaj sot po i thërret, Zaharia Profet’ i math: der’ e të
Lartit, ja për ty çelen dyertë, eja hyr me gas, edhe rreth e pёrqark kërce; sot mora vesh dhe po besoj, shpëtimi
po vjen për ne, edhe për tër’ Izraelin, se Fjal’ e Zotit prej teje lind, Jisuj Shpëtimtari, dhe ay i dhuron botës,
mëshirë dhe shpëtim.
Ana e Shenjtë sot po e sjell, vajzën hirplotë, Virgjëreshën Hyjlindëse, në Kishën e Perëndisë, me gas dhe me
ngazëllim, duke patur vajza paravajtëse, llamballë të ndezura, duke mbajtur në duartë, edhe i thoshte: shko
përpara krijuesit, si një mblat e re, si kurban edhe si temjan. Shko brenda hyr në tempullin, n’altarin e
brendshëm, edhe mësoji misteret ti o banesë e Zotit Krisht, që erdhi në botë, tu dhurojë njerëzisë, mëshirë dhe
shpëtim.
Hyre në Kishën o Shën Mari, dhe u blatove si një tempull i Zotit Krisht, o Nënë dhe Virgjëreshë, dhe me
lamballe tani, të përcjellin vajza dritëprurëse. Kërcejnë nga gazi, çift i shenjt’ i Hyjprindërve, Shën Joakimi, dhe
Shën Ana gëzohen sot, se krijonjësin bij’ e tyre Mari po lind; kjo po kërcen përqark tani, përbrenda në
tempullin, edhe ushqehet me dorën, e Perëndisë dhe Engjëjve, si nëna e Krishtit, që i fali njerëzisë, mëshirë dhe
shpëtim.
7
T.IV, EPEFANIS SIMERON
Virgjëreshë mbrojtëse, për çdo nevojë, ndërmjeto për gjithë ne, që kemi shpresë përmbi ty, dhe na shpëto prej
rreziqeve, o Nën e Krishtit, o ndihm’ e besnikëve.
T.III, I PARTHENOS
Virgjëresha sot po vjen, në Bethlehem për të lindur, Fjalën e përjetëshme, brenda në shpellën sё fshehti.
Vallëzo, e tërë bota duke dëgjuar, lavdëro, bashkë me engjëjt e me barinjtë, Perëndin’ e amëshuar, që desh të
shfaqet, si djal i ri përmbi dhé.
T.III, I PARTHENOS
Virgjëresha lindi sot, të përmbiqenëshmen Fjalë, edhe dheu i blaton të paafruarit shpellën; engjëjtë, me barinjtë
po lavdërojnë; magët pra, bashkë me yllin po udhëtojnë; se për ne ka lindur Krishti, si djalë foshnjë, i
parëjetshmi Zot.
T.III, THIAS PISTEOS
Zonjë Shën Mari banes e Fjalës, Nën e Zotit Krisht o Virgjëreshë, që kapërcen nga bukuria gjithë Engjëjtë; hith
një sy përmbi besnikët dhe lutësit, se prej mëkateve të zeza po mbytemi; ati pra lutu-i , o Zonjë Mari
Hyjlindëse, t’u falë njerëzve, mëshirë dhe shpëtim.
Madhështimet, T.II.
O shpirt madhështoje, Zonjën e nderuar, mbi forcat engjëllore.
O shpirt madhështoje, Nënën Virgjëreshë, që na shpëtoj nga ferri.
Madhështimet, T.III.
Kurrë nuk merret vesh, as prej Engjëjsh as prej nesh, ajo që po ngjan me ty, Nën e Virgjër Shën Mari.
Krijetari do shpëtim, për Adamin mëkatar, dhe banon në gjirin tënd, Nën e Virgjër Shën Mari.
Gjindj’e njerëzve kudo, o Mari të lavdëron, dhe me besë të këndon, Nën e Zotit Perëndi.
Masha je mistikërisht, që thëngjillin Zotin Krisht, zure mun në gjirin tënd, Zonj’ e shenjtë Mariam.
Nën e Virgjër Shën Mari, si në Kishë sot po sjell, dhe si foshnjë po ja jep, Simeonit Zotin Krisht.
O Hyjlindëse Mari, shpres’ e të krishterëve, mbrona ruajna se ti, streha jon’ e vetme je.
ZBRITËSORET, T.IV, ANIKSO
I – Ja gojën e çel tani, i frymëzuar prej Shpirtit Shenjt, dhe këngë do t’ këndoj, Nënës së Madhe mbi fron, dhe
do ta kremtoj, me valle buzëqeshur, me zë do t’i shpall kudo, gjithë çudit’ e saj.
II – O Zonjë dhe Nën’e Perëndisë, burim i pasosur jetësor, ti siguroji gjith’ ata, që të këndojnë plot me zell, dhe
lart në qiell ku mbretëron, kurorëzoi me çdo lavdi.
IV – Të pagjyrmësuarin plan perëndor, që po mishërohet i larti Zot prej Virgjëreshës, Abakumi si profet, e pa
dhe tha me zë të math: Zot i fuqishëm lavdi më ty.
V – Të gjith’ i habite ti, me një çudi dhe një lavdi: Ti o Virgjëresh’ e pamartuar, Zotin e jetës që mbretëron lart
në qiell, si një bir e mbajte në pëqi dhe shpëtim që lartazi, u dhurove besnikëve.
VI – Këtë të kremte e lusim sot, për Zonjën edhe Nënën Hyjlindëse, gjithë hyjmendësit, eni trokisni pra duartë,
dhe lavdëroni Zotin që lindi prej asaj.
VII – Nuk u faleshin, krijesave hyjmendësit, po Krijetarit lart, dhe kërcënimin me zjarr, e shkelën me trimëri,
psalnin me brohori: Zot lavdi më ty, o Perëndi i Etërve, ti je vetëm i bekuar.
VIII – Djemat e dënuar për të djegur, prej zjarrit i ka shpëtuar lindj’e Zotit Krisht, si simbol në vjetëri, dhe si
vepërim tani, dhe tërë botën po e mbledh për këng e lavdërim: Hymnojeni ju veprat e Zotit, dhe e lartësoni
përmbi të gjitha jetët.
8
IX – Gjithë njerëzit, kërcenin me ngazëllim tek drit’e Shpirtit Shenjt, eni lavdërojeni, engjëjt’e qiellit eni
kremtojeni, këtë të shenjtë panair të Kryezonjës Mari, dhe thërrisni: Ti je më e lumura, Virgjëresh e kulluar
Hyjlindëse.
Gëzohu o Hirplotë
Gëzohu o hirplotë Hyjlindëse, virgjëreshë Mari, Zoti është me ty, e bekuar je ti ndër gratë dhe e bekuar është
pema e barkut tënd se linde Shpëtimtarin e shpirtrave tanë.
ZONJË VIRGJËRESHË E KULLUAR
(Pas çdo vargu kori i dytë thotë: Gëzohu nuse e panusëruar).
O Zonjë Virgjëreshë e kulluar Hyjlindëse e Panjollëshme.
O Virgjëreshë nënë mbretëreshë dhe shumë e lavdishme.
O më e larta se qiejtë, o më e ndritshme se rrezet.
O gëzim i valleve virgjërore, o më e larta e Engjëjt.
O më e ndritshme se qiejtë, o më e pastër se drita.
O më e shentja se të gjitha ushtritë qiellore.
Mari gjithmonë e virgjër, o zonjë e gjithë botës.
O nuse e gjithëshenjtë dhe gjithë e kulluar.
Mari je nuse mbretëreshë, shkak i gëzimit tonë.
O vajz’e hijëshme mbretëreshë, o nënë e gjithëshenjtë.
O më e nderuar se Keruvimet, o më e lavdëruar.
Se Serafimet e pastër dhe më e larta se fronet.
Gëzohu kënga e Keruvimeve gëzohu himn’i Engjëjve.
Gëzohu kënga e Serafimeve, gëzim i kryeëngjëjve.
Gëzohu paqe dhe gëzim limani i shpëtimit.
Nusërore e shenjtë e Fjalës, lule e mosprishjes.
Gëzohu Parajs’e dëfrimit e jetës së përjetshme.
Gëzohu drur’i jetës, burim i pavdekësisë.
Të lutemi o Zonjë, tati të lavdërojmë.
Të falemi mbretëreshë, mëshirë të kërkojmë.
O vajzë e hijshme dhe e pastër, zonjë e gjithëshenjtë.
Ty të lutemi nxehtësisht, o tempull i shenjtëruar.
Përkrahmë dhe shpëtomë nga veprat kundërshtare.
Dhe trashëgimtar tregomë të jetës së pasosur.
MË TË NDERUARËN
Më të nderuarën se Keruvimet dhe më të lavdëruarën pa krahasim se Serafimet, që pa u cënuar linde Fjalën
Perëndi, me të vërtetë Hyjlindëse, ty të madhërojmë.
Vargjet:
- Shpirti im madhëron Zotin dhe frymë ime u ngazëllua për Perëndinë Shpëtimtarin tim.
- Se hodhi sytë mbi të përulurit e shërbëtores së tij se ja që tani e tutje gjithë brezat do të më lumërojnë.
- Se tek unë bëri vepra madhështore i Fuqishmi dhe i shenjtë është emri i Tij; dhe përdëllimi i Tij do të
jetë brez pas brezi për ata që i kanë frikën.
9
- Rrëfeu fuqi me krahun e tij; i shpërndau ata që krenohen me mendimin e zemrës së tyre.
- Përmbysi të fuqishmit prej froneve, dhe i lartësoi të përulurit, të uriturit i mbushi me të mira, dhe të
pasurit i dëboi të zbrazët.
- Përkrahu të birin e tij Izrael, duke sjellë ndërmend mëshirën që u premtoi etërve tanë, Abrahamit dhe
farës së tij për jetë.
ME NDËRMJETIMET
Me ndërmjetimet e Hyjlindëses Shpëtimtar shpëtona (3x)
Krishtlindje
Erurem, erurem ... gëzohu Shën Mari
Zoti pa fillim në tokë zbriti virgjëresha Shën Mari e lindi
Erurem, erurem...gëzohu Shën Mari
Mbreti i gjithësisë e Perëndi vjen që Adamin ta ribëjë njeri
Erurem, erurem...gëzohu Shën Mari
Prite Bethlehem Birn’ e Perëndisë, prite Krijuesin e gjithësisë
Erurem, erurem...gëzohu Shën Mari
Magët që nga lindja po udhëtojnë dhurata me gëzim të të ofrojnë
Erurem, erurem...gëzohu Shën Mari
Sot Perëndia trupëzohet dhe e gjithë krijesa gëzohet
Erurem, erurem...gëzohu Shën Mari
Himnin triumfal ty të këndojm’, i shenjtë je, o Zot, të adhurojmë
Erurem, erurem...gëzohu Shën Mari
Gëzimi
Kryeëngjëlli kur të pa në tempull
O Mari Hyjlindëse
Dhe të tha kështu
Lum ti që sjell gëzimin e jetës sonë
Gëzohu o fron i lart
Gëzohu o pallat i artë
Gëzohu o nën e dhëmbshur e jetës sonë.
Kudo në botë lumurohesh ti
O Mari e Tërëshenjtë
Të përgjunjemi dhe të lutemi
Me gjithë zemër e shpirt.
Gëzohu o fron i lart
Gëzohu o pallat i artë
Gëzohu o nën e dhembshur e jetës sonë.