golland daýhanlaryndan öwrenere zat kän
TRANSCRIPT
![Page 1: Golland daýhanlaryndan öwrenere zat kän](https://reader035.vdocuments.mx/reader035/viewer/2022071817/55ad1bf51a28ab8d238b4575/html5/thumbnails/1.jpg)
1
Golland daýhanlaryndan öwrenere zat kän
Gutlymyrat Ýegendurdyýew
about.me/gutly
Gollandiýa diýlen ýurt Mary welaýatynyň ýarysyndanam kiçi topraklarda
ýerleşýär. Gollandiýa diýlende türkmenleriň aklyna birinji bolup Wan
Basten, Robben, Wan Persi ýaly futbolçular gelýär. Pyrtykal reňkli
formasyndan tanaýarys Gollandiýany. Ýöne baýdagy, ykdysadyýeti, aýratyn
taraplary dogrusy köpümize nämälim. Birem Amsterdam atly şäheriniň
şöhraty bilen meşhur, ýöne bu temalara içgin girip oturmakçy däl.
Gollandiýa aslynda daýhanlary, has takygy obasenagatdaky üstünligi bilen
ykdysady älemde uly meşhurlyga eýe. Ilatyň diňe 4%-i daýhançylyk bilen
meşgullanýar. Takmynan 600 müň adam daýhan. Bu sanlardan gelip çykyp
ekerançylygyň ösmedikdigini çakladym. Emma ekerançylygyň ykdysady
möçberini göremde çaklamalarym nädogry çykdy.
Bu ýurt ýylda 55 milliard dollarlyk obasenagat önümi öndürýär.
Hytaýyňkydan, Türkiýäniňkiden, Orsýetiňkiden has köp. Dünýäde ABŞ we
Fransiýadan soň 3-nji ýerde.
Muny nädip başarýar?
Golland obasenagat sistemasyna seredeniňde ünsüňi esasan şu 3
aýratynlygy çekýär:
1. Ekerançylyk bilen firmalar meşgullanýar 2. Gawun, garpyz, kartoşka-ählisi biržanyň üsti bilen satylýar 3. Bilim we tehnologiýa giňden ulanylýar.
Gollandiýada hiç bir daýhan özbaşyna hereket etmeýär. Aslynda daýhan
diýen adamyň ýa agronom, ýa-da telekeçi bolup çykýar. Olar ýörite
obasenagat institutlary bilen aragatnaşyk saklap iň gowy önümi öndürmäne
synanyşýarlar. Her biri firmanyň parçasy, has dogrusy ekerançylyk
kooperatiwleriniň agzasy.
![Page 2: Golland daýhanlaryndan öwrenere zat kän](https://reader035.vdocuments.mx/reader035/viewer/2022071817/55ad1bf51a28ab8d238b4575/html5/thumbnails/2.jpg)
2
1. Gollandiýada bir ýyladyşhana.
Näme we näçeräk önüm öndürmelidigini kooperatiwler öwrenýär. Soň gowy
önüm ýeterli mukdarda öndürilýär. Bazaryň ýagdaýy öňünden öwrenilensoň
önümiň bahasy gymmatlamaýar we arzanlamaýar. Durnukly bahadan
alyjylara ýetirilýär. Önümi ýaýratmak we satmak işini hem şolar edýärler.
Ähli zat biržanyň üsti bilen satylansoň import etmek isleýän daşary ýurtlylar
oba-oba gezip daýhan gözlemeli bolanok. Gerek önümini biržanyň üsti bilen
kooperatiwlerden alýarlar. Bu bolsa hem wagty hem puly tygşytlaýar.
Agronomlaryň, alymlaryň akademikleriň işleýän ýörite institutlary bar. Olar
ekerançlygy ösdürmek üçin dowamly gözleg işlerini geçirýärler. Täze-täze
tohum görnüşleri döredilýär. Olaryň arasyndan iň gowy tohumlar saýlanyp
ýetişdirilýär. Ýyldadyşhana, suwaryş we mehanika tehnologiýalary
kämilleşdirýärler.
Bu institutlar daýhan kooperatiwleri bilen dowamly aragatnaşyk saklaýar.
Daýhanlar gerekli tohumy ilki synagdan geçirip iň gowysyny ekýärler.
Gül biržasy
![Page 3: Golland daýhanlaryndan öwrenere zat kän](https://reader035.vdocuments.mx/reader035/viewer/2022071817/55ad1bf51a28ab8d238b4575/html5/thumbnails/3.jpg)
3
Gollandiýada daýhançylyk şeýleräk. Bilimiň gazananlary giňden ulanylansoň,
üstesine daýhanlaryň sowatly we agzybir bolmagy şeýle üstünlikleri
getiripdir. 600 gekdar Türkmenistanda gaty kän meýdan hasaplananok.
Ýöne 2 milliard dollar gaty uly pul hasaplanýar. Gollandiýa bolsa şol 600
gekdara diňe gül ekip 2 milliard dollarlyk önüm öndürip bilýär.
Diýmek uly girdeji üçin agzybirlik we bilim gerek. Diplom diňe inženere däl,
daýhana-da gerek eken.