fréttabréf grunnskólans í borgarnesi
DESCRIPTION
3. tbl. skólaárið 2013 - 2014TRANSCRIPT
Nýr skólastjóri
Signý Óskarsdóttir hefur verið ráðinn skólastjóri Grunnskólans í Borgarnesi og
kemur til starfa í grunnskólann frá Háskólanum á Bifröst þar sem hún hefur
starfað og stundað nám á liðnum árum, nú síðast sem framkvæmdastjóri
kennslu og þjónustu. Ráðning hennar markar tímamót í sögu grunnskólans þar
sem hún verður fyrsta konan til að stýra honum frá upphafi.
Signý hefur réttindi sem grunn- og framhaldsskólakennari og hefur
meistaragráðu í menningarstjórnun frá Háskólanum á Bifröst. Hún starfaði við
kennslu í 6 ár við Grunnskólann á Djúpavogi þar sem hún bar einnig ábyrgð á
tölvuveri og bókasafni í nokkur ár. Hún gegndi tímabundið starfi sveitarstjóra
Djúpavogshrepps og stöðu framkvæmdastjóra heilsugæslunnar á Djúpavogi og
Breiðdalsvík auk þess sem hún hefur síðustu ár sinnt krefjandi störfum á
Bifröst. Meðal verkefna þar má telja umsjón með fjarnámi, gæðastjórnun,
kennsluráðgjöf og nú síðast framkvæmdastjórn á háskólaskrifstofu.
Signý situr í tveimur hópum sérfræðinga sem tilnefndir eru af Mennta- og
menningarmálaráðuneytinu og hafa það hlutverk, í stuttu máli, að innleiða,
miðla og efla verklag í kringum mat á gæðum náms og kennslu á háskólastigi.
Signý mun taka við starfi skólastjóra um áramót en er nú þegar farin að setja
sig inn í dagleg störf og hefur mætt á fundi með stjórnendum og starfsfólki
skólans.
Starfsfólk Grunnskólans í Borgarnesi þakkar Kristjáni Gíslasyni fyrir
óeigingjörn störf í þágu skólans undanfarin 15 ár um leið og honum er óskað
velfarnaðar á nýjum vettvangi. Einnig fær Hilmar Már Arason þakkir fyrir vel
unnin störf í afleysingu skólastjóra það sem af er skólaárinu.
Fréttabréf 3. tbl. skólaárið 2013—2014
Dagskráin í desember Stundatöflur nemenda munu
halda sér nú í desember að
frátöldum 20. desember. Þá hefst
skóli kl. 9:00. Skólabíll
innanbæjar mun fara kl. 8:40 og
8:55 úr Bjargslandi. Skólabílar úr
dreifbýli fara 1 klst. seinna af stað
en venjulega.
Stofujól verða kl. 9:00, undir
stjórn umsjónarkennara. Kl. 10:20
höldum við niður í íþróttamiðstöð
þar sem litlu jólin verða haldin
hátíðleg með leik og dansi.
Foreldrar eru boðnir velkomnir í
íþróttamiðstöðina á þessum tíma
til að gleðjast með okkur.
Reiknað er með að þessum
skóladegi ljúki um 12:00.
Skóli mun svo hefjast að nýju
samkvæmt stundatöflu
mánudaginn 6. janúar. Starfsfólk
mætir til starfa föstudaginn 3.
janúar.
Tómstundaskólinn Skjólið
Síðasti dagurinn sem Skjólið er opið
er fimmtudagurinn 19. desember og
opnar það aftur mánudaginn 6.
janúar.
Niðurstöður samræmdra prófa
Niðurstöður samræmdra prófa voru
góðar nú í haust. Nemendur voru við
eða yfir landsmeðaltali í fjórum af
sex greinum þar sem meðaleinkunnir
voru gefnar upp. Í fimm prófum af
sex var skólinn yfir meðaleinkunn
landsfjórðungsins. Af 81 nemanda
sem tóku próf voru 15 nemendur
með raðtöluna 90 eða hærri, þ.e. 90%
nemenda á landsvísu voru með lægri
einkunn. Ánægjulegt var að sjá
útkomu nemenda í tíunda bekk en
þeir höfðu hækkað meðaltal raðtölu
bekkjarins um 50% frá því í fjórða
bekk.
100 ár frá vígslu skólahúsnæðis
Fyrir rúmum 100 árum, 8. nóvember
1913 var nýtt barnskólahús vígt í
Borgarnesi. Af þessu tilefni voru
fengin tvö skáld sem þá voru í
miklum metum þeir Guðmundur
Guðmundsson og Valdimar Briem til
að yrkja vígsluljóð sem sungin voru
við skólavígsluna (hægt að nálgast
þau á heimsíðu skólans). Þetta
skólahús stendur enn og er fremsti
(vestasti) hluti félagsmiðstöðvarinnar
Óðals.
Í bókinni Hundrað ár í Borgarnesi
til drykkjar.
Eldavélar í heimilisfræðistofu
voru endurnýjaðar.
Leiktæki í tengslum við
vinaliðaverkefnið keypt.
Stórri klukku verður komið
fyrir í vinnuherbergi kennara
svo nemendur geti fylgst með
tímanum í útivistinni.
Fyrir þetta ber að þakka og
mikilvægt er að haldið verði áfram
með markvissum hætti á sömu
braut. Skólahúsnæðið og búnaður
verður að uppfylla þær kröfur sem
gerðar eru til nútíma skóla. Til að
svo megi verða er mikilvægt að
unnin verði framkvæmda- og
viðhaldsáætlun fyrir skólann sem
hafi það að markmiði að bæta
aðstæður í skólanum til lengri
tíma. Við gerð slíkrar áætlunar
þurfa raddir allra aðila
skólasamfélagsins að heyrast og
áætlunin þarf að taka mið af þeim.
sem Jón Helgason skráði segir að
skólavígslan þótti hinn mesti
viðburður. Allir Borgarnesingar
sem vettlingi gátu valdið flykktust
í nýja skólahúsið, fyrstu sameign
þeirra allra.
Mannabreytingar
Frá og með áramótum koma þrír
nýir starfsmenn til starfa við
skólann. Það eru Signý
Óskarsdóttir skólastjóri,
Guðmundur Jónsson húsvörður og
nýr kennari í eldri deild skólans,
sem á eftir að ráða. Bjóðum við
þetta nýja fólk velkomið til starfa í
öflugan hóp starfsfólks skólans.
Þeir sem láta af störfum eru
Kristján Þ. Gíslason skólastjóri,
Gísli Halldórsson húsvörður og
Hólmfríður Sigrún Gylfadóttir
kennari. Þökkum við þeim fyrir vel
unnin störf fyrir skólann og óskum
þeim velfarnaðar í þeim verkefnum
sem þau taka sér fyrir hendur.
Framkvæmdir
Nú á haustdögum hefur verið
haldið áfram að sinna brýnustu
viðhaldsverkefnum í skólanum. Má
þar helst nefna:
Stofa 12, miðrýmið á
miðstiginu,
sérfræðingaherbergið,
vinnuherbergi kennara og
kaffistofa starfsfólks var
dúkalögð í vetrarfríinu.
Sírennsli var sett á kalda vatnið
svo nú á það að vera orðið betra
Upplýsingastreymi til foreldra
Í byrjun nóvember var stofnuð facebook síða fyrir skólann. Þar eru komnar
inn ýmsar myndir af viðburðum úr skólastarfinu. Undirtektir hafa verið
frábærar og „umferð“ um síðuna er mikil. Sem dæmi má nefna að um 320
manns höfðu farið inn á frétt sem Hólmfríðar Ólafsdóttir kennari setti inn
um heimsókn leynivinar, sólarhring eftir að hún birtist og rúmlega 800
manns hafa skoðað myndir tengdar Vinaliðadansinu.
Við höfum uppfært heimasíðu skólans og einfaldað. Breytt uppsetningu og
framsetningu Fréttabréfs skólans sem kemur út einu sinni í mánuði. Í það
geta allir í skólasamfélaginu skrifað greinar. Við höldum áfram að gefa út
Vikufréttarnar, enda bara fengið jákvæð viðbrögð við þeim.
Skólaráð hefur fundað einu sinni í mánuði og hægt er að nálgast
fundargerðir ráðsins á heimasíðu skólans.
Margir kennarar senda foreldrum tölvupósta með upplýsingum um hvað er
um að vera í þeirra kennslu, sumir vikulega en aðrir óreglulega. Ber að
þakka kennurum fyrir þessa upplýsingagjöf sem upplýsir foreldra betur um
það góða starf sem unnið er undir merkjum skólans.
Jólasamvera
Ef veður leyfir þá ætlum við í skólanum að eiga saman notalega
jólasamveru í Skallagrímsgarði þriðjudaginn 17. desember kl. 8:30.
Vinabekkirnir fara saman og nemendur verða með krukkur með kertum í.
Sungin verða jólalög, drukkið heitt súkkulaði og piparkökur snæddar.
Nemendur eru beðnir um að koma með krukkur undir sprittkerti og glös
fyrir súkkulaðið.
Velunnarar skólans eru boðnir velkomnir.
Stjórnendur og starfsfólk skólans óska íbúum Borgarbyggðar gleðilegra jóla og
farsældar á nýju ári. Þökkum ánægjulegt og gott samstarf
Fréttabréf Grunnskólans í Borgarnesi.
Útgefandi: Grunnskólinn í Borgarnesi.
Ábm.: Hilmar Már Arason.