8/9/2019 FIL_Talumpati

1/1

Ma. Elissa A. Pagulayan

OFA31

Ang Edukasyon ba ay para sa Mayaman lamang?

Makapagaral at makapagtapos upang makatulong sa pamilya at lipunan. Ito

ang mga kadalasan nating naririnig na layunin sa buhay ng mga kabataan. Ngunit sa

kasamaang palad, pili lamang sa kanila ang nagkakaroon ng pagkakataong tuparin ito

dahil sa kahirapan. Sa ngayon, ang edukasyon ay nagiging isang prebilehiyo na lamang

dahil ang mga mayayaman ang siyang nakapag-babayad para sa edukasyon at hindi

ang mga maralitang karapat-dapat din sa pagtatamo ng karunungan. Ayon sa Partido

Kabataan, halos dalawa at kalahating milyong estudyante ang titigil sa pagaaral sa

taong 2010. At ang lahat ng ito ay dahil lamang sa isang dahilan,- ang kahirapan.

Sinasabing ang edukasyon ang susi tungo sa magandang kinabukasan ng

lipunan. Ito ay isang mahalagang yugto sa buhay kung saan tayo ay tinuturuan upang

maging handa sa hamon ng kinabukasan. Ngunit sa kabila ng mga dahilang ito, patuloy

na nakararanas ng krisis ang ating sistema ng edukasyon. Ang pagtaas ng presyo ng

matrikula sa mga pribado at maging ang mga pampublikong paaralan ay isang hadlang

sa pagaaral ng mga maralitang estudyante. Sa isang artikulo ni Ellalyn De Vera sa

Manila Bulletin, ang isyu ng pagtaas ng matrikula sa Unibersidad ng Pilipinas ay

pagtanggal sa karapatan ng mga mahihirap na estudyante na makapasok sa pinaka-

premyadong institusyon sa bansa. Dahil dito, halos lahat ng mga kabataang maralita aynapipilitang tumigil at malugmok sa paghihintay na matustusan ang pagka-uhaw sa

edukasyon.

Karapatan ng bawat bata ang magtamo ng sapat na edukasyon at mapaunlad

ang kanilang kakayahan. Ngunit dahil sa mga balakid tulad ng kahirapan, hindi

magkakaroon ang bansang ito ng mga mahuhusay na lider sa darating na panahon.

Oras na upang imulat ng lahat ang kanilang kamalayan sa suliraning ito. Tayo mismo,

mga kapwa ko kamag-aral, ang susi sa kinabukasan ng bansa. Huwag nating

palampasin at sayangin ang pagkakataong tayoy nagaaral. Lagi nating isaisip na ang

pagtamo ng edukasyon ay ang matatag na pundasyon sa isang matibay na lipunan.