PloaniaLa plata de

E-Mail: ploaniaalplan@gmail.com - Radio: 93,00 MhZ

4. Domëgna de Carsëma, ann B, ai 18.03.12 - nr. 17

Retificaziun: Tla ultima plata de ploania èl gnü publiché en zitat dla cherta dal Vësco Ivo Muser, olache al è scrit: ”Cis i mituns, mo nia mâ ëi, empara la fede cristiana nia tres la teoria, mo tres la pratica.” Dërt èl da spezifiché che al sta scrit tla cherta, che ”i mituns empara la fede cristiana nia PRINZIPALMONTER tres la teoria, mo tres la pratica.” Cösc por alzé fora che la teoria è inće emportanta, mo che ći co cunta è spo sambën la pratica.

Seniorenclub: Desco belo da en valgügn agn, èl Antje Castlunger d’La Ila co mët da jì inće cösta aisciöda en musical por mituns da 5 agn ensö. Trëi proes sarà tlò Al Plan, les atres sö La Ila. Düć chi co è enterescês è periês da se prejenté sö da ëra, Str. Boscdaplan, App. Les Sajuns, ai 28 de merz ales 16.00. Enformaziuns ciafun inće pa Irina al 339/8557964.

Jogn: Le local dai jogn d’Al Plan è davert en jöbia ai 22 de merz dales 13:15 ales 17:15. Düć i jogn dai 11 ai 18 agn è enviês da gnì a passé le tomp lëde deboriada. Al è debann.

Ëres/1: Le consëi dla Uniun dles Ëres s’encunta ai 20 de merz ales 20.00, te salf de calogna.

Ëres/2: La Uniun dles Ëres Catoliches organisëia en pelegrinaje a pè de cater dis, tal Unterland, dai 26 ai 29 de jügn. En iade por perié y medité. An pëia ia da Auer le pröm dé, por roé le cuarto dé a Neumarkt. Vigne dé vàn da 4 a 6 ores a pé. Le medemo pelegrinaje vën inće fat da d’altonn, dai 18 ai 21 de setëmber. Enformaziuns ciafun jö a pè de dlijia.

Comun: Le Comun de Mareo lascia alessëi che en lönesc ai 19 de merz vëgnel coü adöm le ciomont da tosser, dales 11.30 ales 12.30 jö Longega (Plaza de Bastl).

KVW: Le KVW d’Al Plan enviëia bel da gnì en vëndres ai 30 de merz dales 20.00 te salf dla Raika a na sëra d’enformaziun con Herbert Obojes dla Scora dai Lëns Obojes/Valdaora, olache al gnarà enformé sön cô taié trogneres da früć y d’atres plantes alaleria, cô arjigné ca l’urt y e.e. Danter düć chi co vën gnaràl trat fora en pêr de bi pesć co à da fà con la tematica.

Cursc de musiga: La Musiga d’Al Plan lascia alessëi che i mituns co à ligrëza da emparé en stromont dla musiga pla Scora de Musiga Val Badia, po telefoné por enformaziuns plü monüdes a Michael al 393/0482855 o a Ivan al 340/7533968.

Curs: Le Raiun Sozial organisëia en curs de plü sëres sön la cura dai amarês a ćiasa. Al gnarà tratè sii tla teoria y soradöt tla pratica tematiches por daidé familiars y amisc co à porsones amarades a ćiasa. Le curs è debann. Iscriziuns ćina ai 06.04 al 0474/524513. Les dates dal curs è: 11, 16, 18 y 26 d’aorì y 3 de mà, dagnora ales 19.30 tal raiun sozial.

Enformaziuns y comunicaziuns

Dal vagnele dô San Jan, 3, 14-21Te chël tomp ti à Gejù dit a Nicodêm: 14Desche Mosè à inalzé la bisca tal desert ensciö mëss le Fi dal Om gnì inalzé, 15por che vignönn co crëi te ël ài la vita eterna. 16Dio ti à orü tan bun al monn, ch’al à dé ca so Fi su, por che vignönn co crëi te ël, ne vài nia ademal, mo ài la vita eterna. 17Idio n’à nia mené so Fi tal monn, por che ël iudichëii le monn, mo por che le monn vëgni salvé tres ël. 18Chël co crëi te ël ne vën nia iudiché, chël co ne crëi nia è belo iudiché, ćiodich’al n’à nia cordü al ennom dal Fi su de Dio. 19Deache con le iudize se stàra ensciö: La löm è gnüda tal monn, y la jont ti orea plü bun ala scürité co ala löm; ćiodiche söes operes ea ries. 20Vignönn co fej dal mal ti à le sënn ala löm, por che söes operes ne vëgni nia sö. 21Mo chël co fej la verité röa tla löm, por ch’al vëgni manifesté, che söes operes è gnüdes fates te Dio.Parora dl Signur. – Lalt a té, Gejù Crist!

Impressum: Ploania d’Al Plan, str. Catarina Lanz nr. 46, 39030 Al Plan de Mareo.Telefônn y fax de calogna: 0474 501006. Radio Ploania: MhZ 93,00

Comunicaziuns - ćina al dédemesaledema sëra - da mené a: Pablo PalfraderTel. 333 4762010 Mail: ploaniaalplan@gmail.com

Ploania da desćiarié sön www.comun.mareo.bz.it y sön www.valbadiaonline.it

1. Letöra: dal Secundo Liber dlaCronica, 36, 14-16.19-23Salm 137 (136): ”Bën mai ne poi tal cör te desmonćé, Ierùsalem” - R 2. Letöra: dala lëtra de San Paul ai Efejins, 2, 4-10

Lönesc 19.03 - Festa de Sant Ojep - Om de Santa Maria: Festa dai peri 7.25: S. Mëssa por +nta Angela Patuzzi por +nt Celestino Erardi dal Marô de rengr. a Santa Maria y Sant Ojep - por düć i periDédôlönesc 20.03 - dla 4a edema de Carsëma: Wolfram, Irmgard 7.45: S. Mëssa ia La Pli 17.00: VIA CRUCIS - Les StaziunsDédemesaledema 21.03 - dla 4a edema de Carsëma: Christian, Benedikt, Emilie 18.00: S. Mëssa por +nć de Angela Erlacher, Mirabel por +nć dla fam. de Brüscia por +nt Franz Obojes da MajunJöbia 22.03 - dla 4a edema de Carsëma: Lea, Gustl, Clemens 17.00: VIA CRUCIS - Les StaziunsVëndres 23.03 - dla 4a edema de Carsëma: Rebecca, Toribio, Victor 7.10: S. Mëssa por +nć Franz, Clara y Giovanni dal Stofl dai scolari por la fam. Frenner de PinciaSabeda 24.03 - Sancta Maria in Sabato: Elias, Catarina 18.00: S. Mëssa por +nt Franz Comploi de Clara por +nt Pire Kaneider de Ianesc por +nć dla fam. Martin y Antonia Miribung

25.03 - 5. Domëgna de Carsëma 6.00: Mëssadora ia La Pli 9.30: Corona 10.00: S. Mëssa por döta la Ploania 15.00: Bato de Elena Frenademetz 18.00: S. Mëssa por +nt Vigile Erlacher da Torpëi por +nć de Anna Comploi dal Tabach

Domëgna 18 de merz - 10.00: Max Palfrader, Alice y Luca Daverda, Aron, Asia y Mara Rungger; Domëgna 18.00: Anna y Jan Trebo, Martina Kaneider, Esther Comploi, Davide y Sara Fontanella; Lönesc (7.25), Dédemesaledema (18.00) y Vëndres (7.10): Samuel Castlunger, Anna Chierchia; Dédôlönesc y Jöbia ales 17.00 (Staziuns): Maira Call, David y Sara Doria; Sabeda 18.00: Daniel Borroni, Anita Castlunger, Simone Crusafio, Jan Erlacher, Catarina Frenner, Angelo Marku; Domëgna 25 de merz - 10.00: Emma y Leo Kastlunger, Filippo y Rebecca Kastlunger, Alessia y Miriam Kaneider; Domëgna 18.00: Melanie Ties, Alex Rubatscher, Martina Kaneider, Florian Palfrader, Paula y Veronika Erlacher.

sorvisc dai ministronc

”Le dé dal Signur stà al pröm post. I ne viun nia por laoré, mo i laorun por vire. Cösta è na gran desferonzia. Valgügn arata che le monn tómi adöm sce an ne fej en iade nët nia; ai è dependonć dal laûr. La presciun y la vëia de possès y la tëma gonot ascognüda da se enstësc i tin tóch, ensciö che ai ne s’à enstësc nia plü sot a control. La domëgna è na interuziun co varësc, ćinamai terapeutica.”

Vësco Ivo Muser, te söa cherta pastorala

zitat

Oferta por la Ploania

18.03 - 4. Domëgna de Carsëma - Laetare 6.00: Mëssadora ia La Pli 9.30: Corona 10.00: S. Mëssa por döta la Ploania 18.00: S. Mëssa por +nt Franz Feichter de Valciapa por +nt Tone Comploi dal Tabach por +nć Palfrader da Vìena

aodanzEs

La comunité d’Al Plan ti aoda döt le bun, sanitéy benedisciun ai geniturs

Erich Frenademetz y Edith Ferdiggpor la nasciüda de picia ELENA.