eldo-info nuusbrief 13 november 2020...eldo-info 2017 eldo-info nuusbrief – 13 november 2020 •...
TRANSCRIPT
ELDO-INFO 2017
Eldo-Info Nuusbrief – 13 November 2020
www.hseldo.co.za • Tel: 012 660 2066 • Christopherweg 26, Eldoraigne
GEDAGTE VIR DIE WEEK
AS JY BY DIE HERE SKUIL
PSALM 91:1,-2
“HY WAT BY DIE ALLERHOOGSTE SKUILING VIND EN DIE BESKERMING VAN DIE
ALMAGTIGE GENIET, HY SÊ VIR DIE HERE: U IS MY TOEVLUG EN MY VEILIGE
VESTING, MY GOD OP WIE EK VERTROU.”
Ons leef in ‘n wêreld vol spanning. Jy wonder soms of jy die nuus moet aanskakel om daarna te luister. Ons het só
negatief geraak dat dit maklik is om iemand te hoor sê: “Ek weet hulle gaan my “highjack” maar ek weet net nie op
watter hoek nie.” Net in die week het iemand vir ons gesê dat sy ‘n tyd wil weggaan omdat daar só baie mense
gesterf het in hul gemeente dat sy voel dit het te veel geword vir haar.
Ek gee nie voor dat ek al die antwoorde het nie, want baie dinge gebeur wat ons eintlik nie ‘n antwoord voor het nie.
Om jou te bemoedig het ek ook Die Boodskap se vertaling van Ps. 91 gelees, omdat dit met praktiese woorde ‘n
boodskap aan ons wil oordra. Ek vind hierdie waarhede wat ek met jou deel: “Dis die Here wat jou uit die
moeilikheid kom haal as iemand jou om die bos wil lei. Hy sal jou verlos van enige gevaar wat jou lewe bedreig. Hy
sal jou veilig oppas. Jy hoef nie bang te wees dat enige mag jou bedags of snags sal oorrompel nie. Nie eens ‘n
gevaarlike siekte wat jou van agter af bekruip, sal jou kwaad aandoen nie. Sy engele sal jou omring en jou veilig
vashou dat jy nie sal seerkry nie.”
Ons hou van die beloftes in die Bybel. Maar onthou elke belofte het ook ‘n voorwaarde.
Dit is alleenlik wanneer jy by die Here skuil, dat jy sal kan sê dat Hy jou toevlug is.
AKADEMIE
ELEKTRONIKA
Ons graad 11's het op 9 November hul Elektronika-praktiese eksamen afgelê. Dit is wonderlik om te sien hoe hulle
met passie en toewyding werk. Hier is ons elektroniese ingenieurs van die toekoms!
https://www.facebook.com/hseldoraigne/videos/1857770557704461
2
FISIESE WETENSKAPPE
FISIESE WETENSKAPPE IS ORAL
Fisiese Wetenskappe kan gebruik word om feitlik elke verskynsel om ons te verklaar. Hierdie inligting het u bereik deur
die voortplanting van elektromagnetiese golwe deur mediums soos lug of optiese vesels. Indien u hierdie inligting op
papier uitgedruk het, is die swart letters op papier gemaak deur die elektrostatiese aantrekkingskrag tussen ink en
papier. Waar u nou sit of staan, werk die gravitasiekrag van die aarde op u liggaam in. U liggaam is opgebou uit
kombinasies van nagenoeg 100 verskillende soorte atome. Eksotermiese chemiese reaksies wat tans in u liggaamselle
plaasvind, stel u instaat om die inligting te lees en oor te vertel!
Die toepassingsmoontlikhede van hierdie interessante, dog kognitief uitdagende vak, is legio.
WAT BEHELS DIE VAK?
Die vak Fisiese Wetenskappe behels die studie van die nie-lewende wêreld en word opgedeel in twee areas, nl. Fisika en
Chemie. Hierdie areas verskil eintlik hemelsbreed van mekaar en vereis en ontwikkel verskillende kognitiewe
vaardighede.
Fisika sluit die studievelde van Elektrisiteit en Magnetisme, Golwe, Meganika en Fisiese eienskappe van Materie in.
Chemie is die studie van die samestelling, struktuur en eienskappe van materie en die chemiese reaksies tussen stowwe.
WAAROM FISIESE WETENSKAPPE NEEM?
Fisiese Wetenskappe as vak is ‘n voorvereiste vir baie studierigtings wat ingenieurswese, mediese wetenskappe,
argitektuur, landbou en natuurwetenskappe asook veeartsenykunde insluit. Die rede hiervoor is dat Fisiese
Wetenskappe kinders leer dink! Die vak ontwikkel leerders se analitiese denke en probleemoplossingsvaardighede.
Kinders kan dalk die inhoudelike vergeet, maar kreatiewe denkvaardighede bly vir altyd!
By Hoërskool Eldoraigne word die praktiese komponent van die vak ook baie belangrik geag. Ons leerders doen gereeld
praktiese werk, wat hulle help om konsepte beter te verstaan. Ons beskik oor ‘n opgeleide laboratriumassistent wat
behulpsaam is met die opstelling en uitvoering van eksperimente. Ons laboratoriums is toegerus met alles wat nodig is
om ons leerders die nodige blootstelling te gee aan apparate en wetenskaplike tegnieke.
Hoërskool Eldorainge beskik oor ‘n span vaardige en goed opgeleide Fisiese Wetenskappe onderwysers. U kind is in
goeie hande! Dit is ons departement se droom om u kind te ontwikkel tot die beste wetenskaplike wat hy / sy kan wees.
AFRIKAANSE OLIMPIADE
Ons Graad 10 tot 12-leerlinge het weer eens uitstaande in die Olimpiade presteer. Ten spyte van die uitdagings van
Covid-19, het 68 leerlinge uiteindelik geskryf.
Hoërskool Eldoraigne kan al weer spog met besonderse uitslae. Vyf van ons leerders is onder die Top 20 wenners in
Gauteng. Baie geluk met hierdie prestasie, ons is ongelooflik trots op elkeen van julle!
3
Annika Scheepers Carla Kotzé Elisna Wessels Marné Zeelie Leon van der Merwe
Gr. 12, 83.33% Gr. 10, 82% Gr. 11, 79% Gr. 11, 79% Gr. 10, 78%
Dit is ‘n skitterende prestasie, aangesien ons die meeste leerders van al die skole onder die Top 20 wenners het. Ons wil
ook in besonder vir Annika Scheepers, Graad 12, gelukwens met haar uitsonderlike prestasie. Sy is tweede in Gauteng
en vierde onder die Top 100 Wenners Nasionaal.
Carla Kotzé het as Graad 10-leerder ook pragtig presteer - sy is derde in die provinsie en sesde nasionaal.
Verder kan ons ook spog met nege leerlinge onder die Top 100 Wenners Nasionaal.
Ons is spyt oor die junior leerlinge wat weens die grendeltyd nie vir die Olimpiade kon inskryf nie.
Ons moedig alle leerders aan om volgende jaar weer in groot getalle in te skryf, want dit is goeie ervaring en die leerders
geniet dit baie. Dit is ook ‘n pluspunt om Meriete, Kleure of Erekleure volgens jou prestasie te ontvang. Die Afrikaanse
onderwysers sien daarna uit dat julle in 2021 deelneem en weer goeie prestasies behaal.
SASAMS
Ons wil u graag in kennis stel dat weens die uitreik en implementering van SASAMS-weergawe 20.1.3 sal die
administrasiestelsel tydelik offline wees. Die nuwe weergawe veroorsaak ‘n totale hersien van die puntestelsel, soos per
memorandum van die kantoor van die Direkteur: Education, Infomation and Management System (EMIS) ontvang op 11
November 2020.
Die verandering sluit onder andere die volgende in:
die implementering van die hersiende SBA-gewigte vir assesseringskriteria vir alle vakke,
die implementering van die 80%:20% vir SBA:Eksamen vir graad 8 en 9 (GET-fase),
die implementering van die 60%:40% vir SBA:Eksamen vir graad 10 en 11 (FET-fase)
Dankie dat ons op u geduld, ondersteuning en samewerking in hierdie verband kan staatmaak.
4
DIREKTIEF ONTVANG
OEFENTYE EN REëLINGS
Na aanleiding van die direktief wat ons ontvang het vanaf die Departement van Onderwys rakende buite-kurrikulêre
aktiwiteite, kan die leerders uiteindelik weer begin oefen. Ons hoop hulle is net so opgewonde soos die afrigters oor
hierdie nuus!
Hiermee die volgende dae en tye van die onderstaande aktwiteite waarop ouers en leerders moet let:
DANS
Die dans gaan vir die res van die jaar voort by Carol Etsebeth se privaat ateljee, siende dat die danslokaal gebruik word
vir die Matriekleerders om hul eindeksamen af te lê. Die oefeninge vind elke Maandag plaas, soos gereël by Panorama
weg nr. 251. Vir navrae, kontak gerus vir juf. Amor le Roux by: [email protected]
TENNIS
Met ‘n moontlike vroeër begin van die tennisliga in 2021 gaan die daagwedstryde vanaf Maandag, 9 November
tot Vrydag 11 Desember, reeds oop wees.
Elke speler ontvang 1 vrydaagwedstryd (jy kan enige posisie op die leer daag) wat op 11 Desember 2020
afgehandel moet wees.
Alle daagwedstryde moet eerstens by juf. Marette Kotzé geregistreer word.
Die daagreëls en Covid-19 prosedures sal per WhatsApp op die onderskeie groepe geplaas word.
Alle graad 7-tennisspelers (2020) wat volgende jaar graad 8 is en tennis wil beoefen, word uitgenooi om reeds kontak te
maak met juf. Marette, sodat ons kan verseker julle skakel vining en effektief by hierdie dinamiese sportsoort in. E-pos
adres: [email protected]
KRIEKET
Wedstryd datums sal aan alle spelers deurgegee word sodra dit beskikbaar gestel is.
Alle krieketspelers moet kennis neem van die volgende ritme wat gevolg gaan word
sodra datums bevestig word:
Maandag Geen wedstryde
Dinsdag 0/15-liga 30 overs
Woensdag 1ste en 2de liga 30 overs
Donderdag 0/14-liga 30 overs
Vrydag 0/16-, 0/17-, 0/18-aandreeks (senior) IXU 20 overs
Saterdag 1ste span en 0/15 50 overs
5
NETBAL
RUGBY
6
HOKKIE
KULTUUR
KERKSKONSERT
Die uitsending van Hoërskool Eldoraigne se Kersprogram het plaasgevind op Vrydag 6 November, waartydens kykers via
die sosiale mediabladsye van die skool kon inskakel na die program met die titel, Onveranderlik, op YouTube.
Die program het hoofsaaklik gefokus op die boodskap van hoop aan die wêreld in ‘n jaar wat buitengewone uitdagings
aan elkeen gestel het.
Die rolle is dan ook vertolk uit die oogpunt van die gemiddelde persoon wat innerlike konflik ervaar in ‘n Covid 19-jaar
waar min dinge sin gemaak het en die mensdom verlore en moedeloos gevoel het as gevolg van die onbekende pad wat
uitgerol is.
Baie dankie aan elkeen wat van hierdie videoprogram ‘n sukses gemaak het.
Op Eldo-bodem spog ons met besonderse talente. Volg gerus die onderstaande skakel om na die Kersprogram te kyk:
https://www.facebook.com/hseldoraigne/videos/361132361775001
7
ELDO-MUSIQ
ʼn Spesiale gelukwense aan die Eldo-Ensemble wat aangewys is as die Kategoriewenner: Multi-Instrument Ensemble by
die AArts-Musiekfees 2020.
Carmie Arpin in Graad 12 wen ook ʼn spesiale toekenning vir die kategorie Senior Klavier. Alle Eldo-Musiq leerders, sowel
as die Ensemble, het gekwalifiseer om deel te neem aan die Arnold Classic International Kompetisie in 2021. Baie geluk
aan die leerlinge met hul puik prestasie!
Leerders wat graag in 2021 sal wil deel word van die Eldo-Ensemble of Musiekstudio kan vir me. Polyda van Niekerk
kontak by: [email protected]
Hiermee die skakel na die video van die AArts-Musiekfees Kategoriewenners:
https://drive.google.com/file/d/14M33VJd5XxiKrjIZSVGvJ96zTq3_bJ4K/view?usp=sharing
SPORT
WINTERSPORT OUERVERGADERING
Neem assebief kennis dat die inligtingsvergadering van 17 November 2020, verskuif na 2 Februarie 2021. Die doel van
die vergadering is om ouers in te lig rakende die komende seisoen ten opsigte van:
Toere
Vriendskaplike wedstryde
Liga en ander bepalings
Forumverkiesing
Volg die onderstaande skakel om die volledige omsendbrief te lees:
https://downloads.d6communicator.com/downloads/resources/93_resource_5fad20b39dcd3499828794.pdf?1605181
624
8
PERSONEEL
LIEF EN LEED
Baie geluk aan juf. Madeleen Ungerger en me. Lizelle Hugo met hul seuns se verkiesing tot Laerskool
Wierdapark se leierraad vir 2021. Ons glo dat Duan en Etienne elke oomblik sal aangryp en die die meeste van
die wonderlike geleentheid sal maak!
Baie geluk aan juf. Estelle Greyling se oudste dogter, Carla, wat haar mediese graad voltooi het. Ons glo Dokter
Greyling staan aan die begin van ‘n baie suksesvolle loopbaan!
Ons wens ook vir juf. Anya Henzen en mnr. Fano Blignaut geluk met die bevestiging van hul huwelik op 13
November. Ons wens julle ‘n leeftyd van geluk en liefde toe en kan nie wag om julle terug te verwelkom as Mnr.
& Mev. Blignaut nie!
Mnr. Chadwin Petersen, ons hokkie-afrigter en –organiseerder, is aangewys as die video analiseerder van die
0/21 mans se span tydens die Northens Galaxy League. Baie geluk mnr. Chad – ons is trots op jou!
Ons verwelkom ook vir juf. Solani van Onselen terug na haar kraamverlof. Die personeel is net so opgewonde
soos die leerders om Juffrou se sprakelende persoonlikheid en glimlag weer te sien!
PERSONEEL VERJAARSDAE
Baie geluk aan die volgende personeellede wat vandag en in die komende week hul verjaarsdae vier. Ons wens julle ‘n
besonderse lewensjaar toe vol vreugde en voorspoed!
Juf. Mericke Schrama Me. Terina Brink
(16 Nov. 2020) (16 Nov. 2020)
ELDO’S IN DIE MEDIA
AWSUM NEWS
Quentin Hollenbach: https://l.facebook.com/l.php?u=https%3A%2F%2Fwww.awsumnews.co.za%2Fregions%2Fgauteng-
pretoria%2Fcenturion%2Fklas-van-2020-in-die-kollig-quentin-hollenbach-van-hoerskool-
eldoraigne%2F%3Ffbclid%3DIwAR3YSp2HhNF9JyNn3XMgF-
9
vDcVMcrUjA222vcesNKHyUDp2BJKYYoGC65Xs&h=AT3lLO6en6LTp7CWlOpOuv2i9I8AAAfHypNSQ8VEQRM2zbAjU3LoYwha8GaecOLc
2ROsazQPI-b3FpllCHrzEEYbzpCA1sKYPUrbuXCvdbPG0dtScTeGusnZ3Q1qru0pge1J&__tn__=H-
R&c[0]=AT0mFJ67kbaOGuNw3VPjEkmzv0OLhMY2scZCqhDogU1Nhpk3UgnbMLUus6PRWqKLRkbaMgGf5e4aqhSodkDIhYw-
NmNxjLZhXoikO-uezB-Ln3GiCTz-
vsKQJSQzeIZCf878teoD5GJ_X7_YrK77RdiVzf3b7fOxN8ZZAz9ZPPy8eeczOrhr5ENhRZU23PQLoJBT54gst8o6Un5EDObtK72ikg
INFRASTRUKTUUR
OPKNAPPINGS
Hoërskool Eldoraigne se ontvangsarea trek ‘n nuwe baadjie aan! Ons is baie opgewonde om die finale produk met ons
leerders, ouers en gemeenskap te deel. Hou hierdie spasie dop vir die bekendmaking!
ELDO-OMNIA
BESKIKBARE TYE
Neem asseblief kennis dat die Drakie Den sal oop wees wanneer daar leerlinge op die terrein is.
Maaltye kan ook vir aandete bestel word wat na skool afgehaal kan word. Navrae kan gerig word en kos kan per
WhatsApp bestel word op die volgende nommer:
066 219 8385
SPYSKAART
Besigtig die snoepie se heerlike spyskaart deur die volgende skakel te volg:
https://downloads.d6communicator.com/downloads/resources/93_resource_5f1a98f3804b4893151832.pdf?15956076
61
KLERE UITVERKOPING
10
OUD-ELDO’S PRESTEER
ESTIAN DU PLOOY
Ons wens graag ons oud-Eldo en pionier van Eldo-Berfietsry, Estiaan du Plooy, baie geluk met sy verkiesing tot die
Uitvoerende Raad (UK) van die TUKS-Fietsryspan. Al die ure op jou fiets het werklik ‘n impak gemaak. Sterkte met jou
dienstermyn en veilige myle!
Estian du Plooy
AMORI MATTHYSEN
Amori Matthysen was in 2018 in Matriek, ‘n akademiese uitblinker en ook deel van die Leierraad. Na skool het sy
aangehou om uit te blink en is pas verkies as die HK-finansies van Amelia Dameskoshuis by die Universiteit van die
Vrystaat. Baie geluk met hierdie prestasie, Amori. Ons wens jou ‘n baie suksesvolle termyn toe!
Amori Matthysen
11
GHOLFPAKETTE
ZWARTKOP GHOLFKLUB
Met die somer in die lug en beperkte aantal pakette oor, het u nou ‘n gulde geleentheid om van ons verskeie
gholpakkette by Zwartkop Country Club gebruik te maak. Daar is jaarpakette sowel as leerlingpakette beskikbaar. Volg
gerus die onderstaande skakels tot die registrasievorm:
Jaarpakette:
https://downloads.d6communicator.com/downloads/resources/93_resource_5f8050ca11bdc453746658.pdf?16022448
66
Leerlingpakette:
https://downloads.d6communicator.com/downloads/resources/93_resource_5f80509636b40310218283.pdf?1602244
866
Moet nie hierdie spesiale aanbiedinge misloop nie, en onthou daar is beperkte aantal pakkette beskikbaar. U kan ook ‘n
4-bal per dag bespreek teen ‘n bedrag van R800, wat twee gholfkarretjies insluit. Kontak gerus vir me. JC Guess by:
[email protected] rakende enige besprekings of navrae.
12
13
MYSCHOOL
14
SCHOOLDAYS
Schooldays is ‘n platform waar elke individu Hoërskool Eldoraigne kan ondersteun deur inkopies by Dischem of deur
brandstof ingooi by Shell Fuel.
Volg gerus die skakel na hul webblad vir ‘n volledige verduideliking van die program: www.schooldays.co.za
Klik op die JOIN TODAY-knoppie
'n Registrasievorm verskyn wat ouers / opvoeders / administratiewe personeel invul om te verseker dat
Hoërskool Eldoraigne as begunstigde gekies is!
OF laai die School-Days-app af vanaf Google Play of die App Store af en kyk hoe maklik dit is. Registreer direk op
die app. Kies Hoërskool Eldoraigne as jou begunstigde.
Jou Dischem-lojaliteitskaart word outomaties aan Schooldays gekoppel wanneer jy registreer met jou details. Vir elke
aankope by Dischem verdien ons ETP’s vir die skool.
Schooldays is ook in vennootskap met Shell Fuel – jy het 'n digitale Shell-brandstofkaart wat in die app ingebou is. Ouers
verdien 15c per liter petrol en 20c per liter diesel vir die skool. Al wat jy moet doen, is om jou digitale Shell T-kaart aan
die petroljoggie te wys, of die 16-syfer-nommer vir hom / haar uit te lees en sodoende ekstra geld in te samel.
So ondersteun jy Hoërskool Eldoraigne met jou aankope. Julle konstante ondersteuning word opreg waardeer!
15
ELDO-ADVERTEERDERS
16
GENIET DIE NAWEEK EN LEER HARD VIR DIE EKSAMEN!
SIEN JULLE VOLENDE WEEK!