edukimin dhe mjetet e informimit publik · patjetër t’i jepet e drejta për të kandiduar. kjo...

1

KUVENDI

Komisioni për Edukimin dhe Mjetet e Informimit Publik

PROCESVERBAL

Tiranë më, 20.03.2018, ora 10:00

Drejton mbledhjen:

Albana Vokshi – kryetare e Komisionit

Rendi i ditës:

Seancë dëgjimore e komisionit në lidhje me zhvillimin e procesit zgjedhor për Këshillin

Studentor në Universitetin e Mjekësisë së Tiranës me përfaqësues dhe kandidatë për Këshillin

Studentor dhe senatin e këtij universiteti.

Marrin pjesë:

Albana Vokshi, Milva Ekonomi, Fidel Ylli, Musa Ulqini, Ismet Beqiraj, Fadil Nasufi,

Adelina Rista, Almira Xhembulla, Agron Çela, Luçiano Boçi, Luan Baçi, Valentina Duka, Nora

Malaj, Shezai Rokaj, Floida Kërpaçi (zëvendësuese)

Mungojnë:

Vilma Bello, Fatmir Velaj, Romeo Gurakuqi, Kejdi Mehmetaj.

Të ftuar:

Përfaqësues dhe kandidatë të për Këshillin Studentor në Fakultetin e Mjekësisë:

Harmela Sinanaj,

Gentian Asllanaj,

Reikol Radovani,

Kelvi Pilinci,

Gentian Lita,

Kristjana Naslazi,

Komisioni Institucional Zgjedhor Studentor:

2

Marko Papleka –kryetar,

Roberto Vebiu – sekretar,

Malborn Duka – student,

Arlind Dragoshi – student,

Kristi Trako – student,

Rektorati dhe përfaqësues të Senatit të UMT:

Arben Gjata – rector,

Anyla Bulo – zëvendësrektore,

Xheladin Draçini – dekan i Fakultetit të Mjekësisë,

Tatjana Cina - dekane e Fakultetit të Shkencave Mjekësore Teknike,

Edit Xhajanka – dekane e Fakultetit të Mjekësisë Dentare,

Edvin Prifti – anëtar senati,

Jovan Basho – anëtar senati,

Klea Zylfi – studente, anëtare e senatit.

3

HAPET MBLEDHJA

Albana Vokshi – Mirëmëngjesi!

Fillojmë mbledhjen e Komisionit për Edukimin dhe Mjetet e Informimit Publik. Në rendin

e ditës kemi një seancë dëgjimore për disa shqetësime që janë ngritur, në fakt, nga dy grupe të

ndryshme studentësh, për zhvillimin e procesit zgjedhor për Këshillin Studentor në Universitetin

e Mjekësisë së Tiranës. Pra, të pranishëm janë përfaqësues qoftë nga studentët dhe kandidatët për

Këshillin Studentor, por do të kemi edhe përfaqësues të rektoratit dhe senatit të këtij universiteti.

Unë kam një listë emrash të studentëve. Kush e do fjalën prej jush?

Nuk besoj se do të flisni të gjithë, apo jo? Një përfaqësues për secilin.

Ju lutem, na thoni emrat!

Ju jeni grupi i studentëve që keni dërguar letrën e hapur parmbrëmë, apo jo?

Siç e shihni, komisioni iu përgjigj menjëherë shqetësimit që ju patët. Ne e diskutuam dje

dhe të gjithë unanimisht vendosëm të bëjmë një mbledhje urgjente për të diskutuar shqetësimet

tuaja, të cilat janë shqetësime që përcillen në çdo familje tonën, ndaj të gjithë ne, pavarësisht

kaheve politike, kemi vullnetin më të madh për dhënien e një zgjidhjeje që të jetë në të mirën e të

gjitha palëve. Unë kam lexuar dhe vetëm dje kam dëgjuar grupe të ndryshme studentësh. Sigurisht

që një garë është gjithmonë e fortë, atëherë kur është transparente është e mirë dhe kur nuk është

transparente fillojnë intrigat, kulisat e të tjera. Gjëja për të cilën mua më ka ardhur keq, është se ka

pasur shumë tensione, saqë edhe policia ka ndërhyrë jo në një rast, por në disa raste. Nuk kam

dëgjuar që një garë të shkojë tri herë në polici, por gjithsesi të dëgjojmë shqetësimet dhe të

shpresojmë që në fund të kësaj seance dëgjimore të gjendet një zgjidhje që të jetë më e mira për të

gjithë.

Ju lutem, prezantohuni!

Gentian Lita – Të nderuar deputetë,

Të nderuar pjesëmarrës në këtë komision,

Unë quhem Gentian Lita, student në Fakultetin e Mjekësisë së Tiranë, njëkohësisht edhe

kandidat për anëtar në këshillin studentor të këtij fakulteti. Problematika që ne kemi ngritur lidhet

me procesin zgjedhor studentor, i cili po zhvillohet aktualisht në universitetin tonë. Bazuar në

Rregulloren, e cila është miratuar në datën 21 dhjetor 2017, si dhe një muaj më vonë, praktikisht

në datën 25 janar është hapur procesi. Pra, pas kësaj periudhe nga hapja e procesit çdo gjë ka

4

shkuar në kushte normale në përputhje me Rregulloren për të ardhur në momentin e datës 16 mars,

këtë të premte, ku senati akademik është mbledhur në mënyrë të pashpjegueshme për të ndryshuar

ose shtuar disa pika në këtë rregullore.

Konkretisht, dy janë problematikat kryesore që evidentohen përmes këtyre pikave që janë

shtuar.

E para, organeve studentore, të cilat janë ngritur në mënyrë legjitime në përputhje me këtë

rregullore për administrimin e procesit zgjedhor, tashmë u shfuqizohet kompetenca e tyre dhe kjo

kompetencë u kalon strukturave paralele në fakultet, të cilat deri para këtij vendimi ishin thjesht

struktura këshillimore dhe nuk kishin kompetencën për të qenë vendimmarrëse. Kjo është pika e

parë dhe që është mjaft e rëndësishme.

E dyta, është një fakt tjetër, ku përmes shtimit të një pike në këtë ndryshim pretendohet të

futen në garë kandidatë të tjerë, të cilët nuk kanë arritur të plotësojnë dokumentacionin e

nevojshëm në bazë të kritereve që janë përcaktuar në rregullore. Pra, për sa i përket procesit kjo

është shkelje e drejtësisë në këtë proces zgjedhor, nga ana tjetër është edhe shkelje e të drejtave të

studentëve dhe e kandidatëve të tjerë. Paraprakisht kjo është situata.

Nëse më lejoni, dua t’ju paraqes shkurtimisht një rezyme të Këshillit Studentor. Këshilli

Studentor i Universitetit të Mjekësisë në Tiranë, është një organizim i pavarur studentor i

studentëve të këtij universiteti dhe është funksional që nga krijimi i Universitetit të Mjekësisë në

Tiranë, në janar të vitit 2013. Këshilli Studentor ka detyrë këshillimore për të propozuar apo për

të gjetur zgjidhjet në interes të studentëve. Krahas problematikave, të cilat i ka trajtuar këto 4-5

vjet, Këshilli Studentor ka dhënë një kontribut të jashtëzakonshëm në organizmin e aktiviteteve,

si dhe gjatë kohës kur i jemi nënshtruar akreditimit është evidentuar kontributi që ka dhënë ky

këshill studentor. Kjo është si hyrje.

Për sa i përket procesit ligjor, fjalën po ia kaloj kolegut, i cili është edhe kryetar i

Komisionit Institucional Zgjedhor Studentor.

Marko Papleka – Përshëndetje, të nderuar deputetë!

Unë quhem Marko Papleka, jam kryetar i Komisionit Institucional Zgjedhor Studentor. Për

sa i përket periudhës zgjedhore, që nga data 19 shkurt, kur ne jemi zgjedhur si anëtarë të

komisionit, puna ka vazhduar normalisht. Tre fakultetet, të cilat janë përbërës të Universitetit të

Mjekësisë, përkatësisht Universiteti i Mjekësisë Dentare, nuk ka pasur asnjë problem dhe puna ka

vazhduar normalisht. Në Fakultetin e Shkencave Mjekësore Teknike, nuk ka pasur asnjë problem

5

për sa u përket procedurave dhe procesit, puna ka vazhduar normalisht, si dhe në Fakultetin e

Mjekësisë. Problemet dhe konfliktet kanë ardhur si pasojë e një grupi të vogël studentësh, nuk

është detyra jonë për t’i identifikuar apo t’u drejtojmë gishtin, por kanë kërkuar, nuk e di arsyen,

të bllokojnë ose mundohen me anë të disa mekanizmave, duke ndërhyrë në proces. Për sa i përket

komisionit tonë, kemi mbajtur një qëndrim stoik do të thosha, kundrejt mbarëvajtjes së procesit

zgjedhor dhe transparencës së plotë të tij. Për çdo pyetje që keni mbi procesin, ne kemi marrë

dokumentacionin e duhur me vete dhe mund t’jua vëmë në dispozicion.

Faleminderit!

Shezai Rrokaj – Për procedurë.

Ju e dini se në ligjin e arsimit të lartë, ka një nen, i cili përcakton se Ministria përgjegjëse

për Arsimin, kuptohet edhe për arsimin e lartë, kontrollon dhe inspekton zbatimin e ligjshmërisë.

Përpara se ju të na drejtoheshit, a e keni ushtruar këtë të drejtë duke iu drejtuar Ministrisë së

Arsimit, të verifikojë zbatimin e ligjshmërisë në rastin konkret për procedurat zgjedhore? Pyetja e

parë.

Pyetja e dytë ka të bëjë me atë që ne jemi shumë të prirur dhe e vetmja gjë që besoj, nuk e

di se si e mendojnë kolegët, por në konceptin tim dhe të kolegëve të mi është ajo që ne urojmë që

zgjedhjet të jenë transparente, ndaj jemi këtu. Ushtrimi i prestigjit të komisionit parlamentar do të

jetë që zgjedhjet të bëhen transparente, të mos ketë ndikime në to, por mos prisni prej nesh që të

marrim njërën anë kundër anës tjetër, të mbrojmë disa studentë kundrejt disa të tjerëve, sepse nuk

është detyrë, besoj unë, e këtij komisioni të bëhet palë. Pra, a keni tentuar ju të merreni vesh midis

grupeve tuaja, nga njëra anë, dhe nga ana tjetër me senatin?

Ju në senat keni përfaqësuesit tuaj, sepse rregulli e do të jetë kështu. Çfarë qëndrimi kanë

mbajtur përfaqësuesit tuaj në senat për ndërhyrjen e senatit në proces? Pra, nuk mund të pengohet

senati të mblidhet kur del një problematikë për t’i dhënë zgjidhje? Sepse është institucioni që e

gëzon këtë tagër ligjor, të mblidhet kur ka një problematikë të paqartë.

Unë vetë kam qenë rektor dhe e di mirë që kur del një problematikë, senati është i vetmi...

Edhe nga pikëpamja e ligjvënësit mund ta kuptojmë që në kohën e hapjes së procesit e

marrin ata të drejtën e menaxhimit të procesit. Lidhur me këto problematikë duam disa sqarime:

konsultimi me Ministrinë e Arsimit, marrëveshja me grupet e tjera, si dhe mirëkuptimi me senatin

nëpërmjet përfaqësimit që keni në senat.

6

Marko Papleka – Unë po flas në emër të komisionit, pra vetëm për pjesën që është marrë

komisioni zgjedhor, ndërsa për sa u përket studentëve, mund të flasin vetë. Pra, si komision

zgjedhor për disa problematika të caktuara, siç mund të ishte ajo e mospranimit në garë të disa

studentëve, për shkak të mungesës së dokumentacionit, si komision i jemi drejtuar edhe portalit

bashkëqeverisës, si dhe kemi pasur kontakt me ministren e Arsimit, zonjën Lindita Nikolla, dhe

me zëvendësministrin.

(Diskutime pa mikrofon.)

Përgjigjja ka qenë se do të merreshin me pjesën administrative, gjithashtu zyra

bashkëqeverisëse është përgjigjur se do të zgjidhej në mbledhjen e senatit që u bë ditën e premte.

Albana Vokshi – Pra, qeveria ju ka dërguar te senati. Pra, do të respektohet vendimi i

qeverisë.

Marko Papleka – Nga zyra bashkëqeverisëse na është thënë se është lajmëruar senati për

problematikën tonë dhe senati do na e jepte përgjigjen në mbledhjen që u bë të premten e kaluar.

Sot, ka marrë e-mail-in e përgjigjes, në të cilën thuhet: vendimi i senatit i caktuar, është përgjigjja

për ankesën tonë.

Albana Vokshi – Fjalën e ka zoti Boçi dhe më pas zonja Duka.

Luçiano Boçi – Faleminderit!

Në fakt, këto janë zgjedhjet e para për këshillat studentore, të cilat kanë një vëmendje

shumë të madhe nga komisioni ynë, por edhe nga opinioni studentor, pasi siç do të realizohen

zgjedhjet në universitetin tuaj, do të realizohen edhe në universitetet e tjera. Në bazë të shqetësimit

dhe kërkesës suaj, objekti i komisionit tonë është marrëdhënia ndërmjet institucioneve brenda

universitetit, çka parakupton marrëdhënien midis senatit si organi kryesor drejtues akademik i

universitetit dhe qeverisë studentore që është Këshilli Studentor. Objekti i debatit të sotëm në

komision duhet të jetë ky raport.

Çështja e dytë që ju parashtruat, të cilën e dëgjova me vëmendje, ku edhe profesori kërkoi

shpjegim nga ana juaj, është se ne nuk futemi te marrëdhëniet midis grupeve të caktuara të

studentëve që kanë përfaqësuesit e tyre. Çështja është se vërtet jemi në një proces zgjedhor, vërtet

ka dokumentacion, por brenda rregullores, sepse unë e kam lexuar rregulloren. Rregullorja juaj, e

hartuar dhe e miratuar nga senati i universitetit, lë hapësira që të mos përdoren truke dokumentare

për regjistrimin e kandidatëve.

7

Pra, në qoftë se flasim për proces demokratik midis studentëve, që janë simboli i

demokracisë, i zgjedhjeve të lira, transparente e të tjera, nuk besoj që pengesat burokratike mund

të sjellin përjashtime kandidatësh. Studentët nuk mund të bëjnë një proces përjashtues. Sigurisht

ka afate kohore, të cilat duhet të respektohen, por jo truke dokumentare, sepse studenti është

student dhe i ka të gjitha atributet. Unë nuk besoj se studenti do të ketë dokumente të tjera, si

dekriminalizimin, që kërkohen në rastet e konkurrimit në rangje më të larta. Ajo që unë kërkoj, në

radhë të pare, nga ju si përfaqësues është hapja e procesit, në kuptimin total të aspektit demokratik,

që secilit që aspiron të jetë anëtar i Këshillit Studentor, drejtues në Këshillin Studentor duhet

patjetër t’i jepet e drejta për të kandiduar. Kjo është e para dhe është detyra juaj studentore. Në

komisionin tonë nuk ka diskutim dhe nuk parashtrohet çështja se ka disa studentë që nuk kanë

sjellë dokumentet, sepse në Rregullore një anëtar i KIZS-it, sipas rregullores, përjashtohet nëse

mban krahun e një kandidati dhe ky problem më pas hap debat me grupin tjetër.

Pra, në vend që ju të vini vetullat, do të hiqni sytë me këtë proces, sepse shmanget pikërisht

ajo që është kryesorja dhe thelbësorja, të cilën e parashtroi edhe profesori duke thënë: ministria

çfarë përgjigje ka dhënë, e ka atashuar përgjegjësinë te senati? Pasi edhe në Rregullore përcaktohet

që përgjegjësia është e senatit. Rregullorja del nga senati dhe ai është organi përgjegjës dhe

kryesor. Ne, si komision, duam të shqyrtojmë pikërisht këtë marrëdhënie, që senati ta mbikëqyr

procesin, por jo t’i fusë duart në proces. Ky është debati që duhet të bëjmë sot në këtë komision që

të jemi në rregull me ju, edhe me senatin dhe me parashtrimin e kërkesave tuaja.

Pra, cila është kërkesa ime në fund fare? Hapeni procesin, ne do të kërkojmë edhe nga

senati që të jepet një afat i mundshëm, sugjerim, nuk e vendosim ne, sepse nuk jemi organ

vendimmarrës. Ju parashtroni kërkesat tuaja dhe ne japin mendimet tona, me qëllim që ju të gjeni

harmoninë brenda jush dhe më pas kjo harmoni të shtrihet në marrëdhëniet që do ndërtohen me

senatin.

Faleminderit!

Valentina Duka – Unë jam Valentina Duka, kam punuar në universitet. Fillimisht dëshiroj

t’ju përgëzoj për shpirtin e garës, pasi është e drejta juaj të merrni pjesë në një garë, e cila sigurisht

duhet të jetë e drejtë, transparente, sepse nëse nuk është e tillë në një ambient studentor, si mund

ta kërkojmë këtë në ambiente shumë larg Tiranës! Bashkohem me shqetësimin e kolegëve që ne

nuk jemi palë me asnjë grup studentësh, si dhe ju nuk keni nevojë që ne të jemi palë, sepse ju keni

organizatat dhe të drejtën tuaj të kandidoni dhe të zgjidheni.

8

Kam një pyetje për kryetarin e KIZS-it. Vendimi i fundit i senatit e prish procesin apo e

rregullon procesin?

Marko Papleka – Faleminderit, për pyetjen!

Për sa i përket vendimit të senatit, janë ndryshuar dy lloje strukturash. Më parë, me

rregulloren që ishte e vlefshme deri ditën e premte, vendimi i formës i prerë ishte i Komisionit të

Apelimit Studentor, i cili përbëhej nga 3 studentë të zgjedhur nga secili fakultet përkatës. Shtimi

që iu bë është bërë për shkak që vendimi i formës së prerë të kalojë te KA-ja e pedagogëve. Pra,

nuk është pjesë jona të bëjmë interpretimin e saj, por aq sa kam dëgjuar studentët e kanë problem

që pedagogët mund të mbajmë anën e dikujt tjetër.

Në lidhje me ndryshimin tjetër, ne kemi ngritur Komisionet Zgjedhore Studentore

përkatëse për fakultetet, të cilat që nga dita e nesërme do të funksionojnë edhe si një prej qendrave

të votimit, por edhe si qendra e numërimi.

Një nga problematikat më të mëdha ka qenë pikërisht ngritja e këtyre komisioneve dhe

ditën e premte ato komisione janë shfuqizuar si qendra numërimi dhe numërimin e kanë marrë

KZF-të, të cilat janë Komisionet Zgjedhore të Fakultetit, që kanë qenë para 2 vjetëve në zgjedhjet

për rektor. Problematikë tjetër që ne kemi hasur është se KZF-të nuk kanë mandat, pasi në

rregulloren që kanë pasur para 2 vjetësh ato janë komisione, të cilave u mbaron mandati me

mbylljen e zgjedhjeve për të cilat janë ngritur. Komisioni Institucional Zgjedhor, i cili është i njëjtë

me komisionin ku unë bëj pjesë, vetëm për pedagogët ka një mandat 4-vjeçar, po aq sa e ka rektori

që ata kanë zgjedhur.

Faleminderit!

Ismet Beqiraj – Përshëndetje!

Unë u prezantova në fillim, prandaj nuk e shoh të nevojshme të prezantohem prapë. Kisha

2-3 pyetje për ju. Në përfaqësinë tuaj a ka anëtarë që janë anëtar senati?


Mendoj se do të ishte interesante, po të ishte edhe përfaqësuesi i studentëve...


Në fakt, kjo më intereson. Unë bashkohem me kolegët e mi deputetë dhe profesorë, sepse

ne, si komision, me dashamirësi, në lidhje me shqetësimin që ju kishit, e miratuam kërkesën për

t’ju dëgjuar, por nuk bëhemi pjesë e palëve midis atyre që konkurrojnë dhe atyre që nuk u është

dhënë mundësia për të konkurruar, as midis jush dhe të zgjedhurve në organet që monitorojnë dhe

9

organizojnë gjithë procesin zgjedhor, kur ju keni përfaqësues ligjor, siç janë rektorati, senati

akademik dhe përfaqësuesit tuaj. Pyetja ime, siç e tha edhe profesor Boçi, lidhet me vendimin e

fundit të senatit, sepse ky është një organ i zgjedhur midis profesorëve dhe studentëve me votë.

Pra, ju keni frikë se fut dorën senati akademik i juaji në procesin zgjedhor apo është cenuar gara

midis studentëve? E para.

Siç e tha edhe profesori, senati fut dorën, se ka interes?


Pak a shumë kjo është: a fut dorën senati akademik në procesin zgjedhor?

Gjithashtu, ju thatë se në garë nga institucionet e fakulteteve, ju thoni një, por ka edhe

studentë të tjerë që, edhe pse nuk e kanë dokumentacionin, ata janë të interesuar që t’i nxisin të

futen në garë. A keni prova për këtë punë, apo janë thjesht thashetheme? Askujt nuk mund t’i

mohohet brenda procesit zgjedhor të regjistrohet dhe të konkurrojë, apo jo?

Lidhur me atë që ju thatë, KZF-së ose KIZ-it, i cili ka organizuar gjithë procesin zgjedhor

në universitete, i mbaron mandati me mbarimin e zgjedhjeve. Në rregulloren që është miratuar

edhe nga senati, a parashikohet kjo që i mbaron mandati? Nëse parashikohet që i mbaron mandati

dhe senati e ka miratuar, ju jeni në të drejtën tuaj që ta kërkoni.

Unë, gjithashtu, mendoj që ky proces të zgjerohet në hapësirë dhe kohë. Kështu që, nëse

është bërë ndonjë gabim, më mirë të korrigjohet që në momentin e parë, sesa të bëhet bumerang

për të gjithë procesin deri në fund.

Luçiano Boçi- Atëherë, meqenëse Ismeti më referoi, duhet të sqaroj një gjë: jemi në dy

qeveri krejtësisht të ndryshme. Qeveria studentore dhe akademike janë krejtësisht të ndryshme,

pavarësisht se jetojnë në të njëjtin ambient akademik, sepse janë dy anë të pandara. Qeveria

akademike ka rregullat e veta, ka rregulloren e vet të zgjedhjeve, ka organet e veta, të cilat nuk

janë ndërtuar që të marrin kompetencat e organeve të qeverisë studentore. Ajo ka organet

zgjedhore që përcaktohen nga rregullorja e miratuar nga senati. Kjo është shumë e thjeshtë.

Rregullorja e zgjedhjeve për organet drejtuese në universitete miratohet nga ministria, këtu ka

koincidencë termash, por jo institucione që interferojnë. KZF-ja, që ju iu referuat me të drejtë,

është shkrirë, nuk ka mandat fare, KIZ-i ka mandat 4-vjeçar, jo KZF-ja.

(Ndërhyrje pa mikrofon.)

Mos insistoni, sepse edhe KZF-ja edhe KIZ-i, edhe komisioni i apelimit, nuk ka lidhje

fare, sepse me rregulloren tuaj është ndërhyrë në një datë që nuk mund të ndërhyhet, në datën 16.

10

Kjo është tërësisht alogjike, është ndërhyrje e padrejtë, sepse prish të gjitha marrëdhëniet në

procesin zgjedhor që ju ndërtoni, keni organet tuaja, dhe nuk mund të ketë komision apelimi që

ankimon në komision apelimi, sepse kjo është nonsens tërësisht ligjor, nëse parashikohet në

rregullore. Nuk mund të hiqet neni 19 që i jep të drejtën KIZ-it studentor të bëjë vlerësimin dhe

numërimin e votave dhe këtë ta bëka KIZ-i institucional i universitetit. Në mënyrë absolute,

rregullorja e zgjedhjeve nuk parashikon të ketë ndërhyrje dhe aq më tepër statuti i universitetit

tuaj nuk e ka të parashikuar këtë gjë, sepse këto ndërhyrje nuk mund të bëhen thjesht nëpërmjet

rregullores, duhet një vendim i parashikuar në statut që organet, të cilat janë marrë me zgjedhjet e

hierarkisë akademike, mund të ndërhyjnë në proces zgjedhor. Thashë jemi krejtësisht në situata të

ndryshme. Ne do ta kërkojmë nga senati që të mos ketë efekte ligjore, kjo është këshillë nga ana

jonë, sepse nuk e marrim ne vendimin. Dhe të jemi shumë të qartë, studentët kanë procesin e tyre,

ku senati ka thjesht funksion vëzhgues për mbarëvajtjen, por jo të ndërhyjë direkt në proces. Nuk

ndërhyn me asnjë komision, kjo është krejtësisht e pamundur dhe e papranueshme, kështu që ju

nuk mund të bëni zgjedhje, duke pasur mbikëqyrjen e një komisioni që rri mbi komisionin tuaj.

Nuk lejohet, e ka vetë rregullorja dhe statuti i universitetit.

Pra, ajo që kërkoj unë është shumë e qartë, shmangni vërejtjet, nëse procesi është me

interference. Të shtyhet procesi dhe të gjendet një mirëkuptim midis rolit vëzhgues që ka senati,

që ka rektorati, që kanë dekanët dhe rolit parësor që ka qeveria studentore, e cila është kokë më

vete. Duhet t’i bëjë zgjedhjet më vete, me defektet e veta ose jo, kjo nuk ka rëndësi.

Albana Vokshi – Na kanë ardhur edhe përfaqësuesit e senatit, duhet t’i dëgjojmë edhe

ata, prandaj nuk kemi shumë kohë. Mirë do të ishte të ishin të gjithë.

Pyetja që kam unë është: sipas jush, a ka qenë i hapur dhe transparent procesi? Sepse

kryetari tha që në këtë fakultet nuk ka pasur asnjë problem. Fakti që tri herë ka ardhur policia, do

të thotë që keni kërkuar ndihmën e policisë, do të thotë se nuk ka qenë kaq pa probleme. Në

zgjedhjet parlamentare dhe shumë pak vjen policia, por për zgjedhje studentesh është hera e parë

që dëgjoj që policia ndërhyn dhe shoqëron studentë në komisariate. Unë mendoj që diçka nuk ka

shkuar ashtu siç duhet, të paktën në respektimin e procedurave, sepse ka pretendime që shorti të

mos jetë hedhur në mënyrë transparente, ose afatet kohore që përcaktohen për shpalljen e

kandidaturave të mos jenë respektuar ashtu siç duhet, duke ua mohuar të drejtën kandidatëve të

ndryshëm për të kandiduar, ose pretendohet që ka pasur përjashtime të parregullta nga ana e

komisioneve, që ka pasur një lloj monopolizimi të të gjithë procesit zgjedhor.

11

Siç e shihni vetë sot, që jeni një ditë para zgjedhjeve, është bërë gjithë kjo katrahurë sa

keni detyruar ministrinë, portalin e bashkëqeverisjes dhe kryeministrin të ndërhyjë në zgjedhjet

tuaja. Pra tani, po t’u ktheheni mbrapa gjërave a mund t’i bënit ndryshe për të paqtuar? E mira

është që ju të jeni të bashkuar dhe të zgjidhni liderin tuaj, i cili do të mbronte më së miri të drejtat

e studentëve para rektoratit dhe qeverisë. Nëse ju jeni të përçarë a mendoni se do të arrini të drejtat

tuaja të respektohen ndonjëherë?

Së dyti, çfarë prisni ju sot nga ne? Cila është kërkesa juaj ndaj nesh si deputetë, duke pasur

parasysh që ne jemi ligjvënës, nuk jemi pjesë e ekzekutivit?

Reikol Radovani – Unë kandidoj për kryetar të këshillit studentor. Kam qenë pjesë e

punës për miratimin e rregullores së zgjedhjeve për këto këshilla. Pra, kur u miratua kjo rregullore,

kam qenë pjesë e grupit të punës, pavarësisht se në disa pika isha kundër, por, kur u implementua

kjo rregullore, isha plotësisht dakord me të, sepse u miratua nga senati dhe duhej ta pranonim. Dua

të citoj tri rregullore, rregulloren e brendshme të UMT-së, ku në nenin 81 thuhet se këshillat

studentore janë organizime të pavarura të universitetit, ligjin e arsimit të lartë, ku në neni 99 thuhet

se këshillat e studentëve janë organizime të pavarura dhe statutin e studentit, ku në nenin 90 thuhet

se këshillat studentore janë të pavarura në UMT. Pavarësisht se isha pjesë e grupit të punës, isha

kundër për disa pika. Procesi filloi normalisht, u hodh shorti, dolën kandidatët, por ajo që nuk më

pëlqeu mua është se të premten e kaluar me vendim senati ndryshohen 3 pika të kësaj

rregullorejeje, në momentet e fundit para zgjedhjeve.


Probleme nuk ka pasur.

Marko Papleka - Për çdo problematikë që është ngritur në senat, për të cilat unë dhe

sekretari kemi qenë në mbledhjen e senatit, janë sqaruar bashkë me pikat e rregullores dhe, sipas

ligjit, bashkë me dokumentacionin e duhur. Ne, si komision, jemi munduar që të jemi sa më të

hapur, por në momentin që dokumentacioni nuk është i plotë, ose pjesëtarë të caktuar të komisionit

dalin në protesta kundër punës së komisionit institucional zgjedhor, ne nuk mundemi që të

mbyllim sytë dhe të pranojmë diçka të tillë, vetëm për arsye që të jemi të hapur dhe të vazhdojmë

procesin pa zhurmë.


Albana Vokshi - Ose zbatohet rregullorja, ose jo.

Ismet Beqiraj –Rregullorja thotë jo më shumë se tri ditë

12

Albana Vokshi– Dhe ju vendosët një ditë.

Reikol Radovani – Jo më shumë se tri ditë pas konstituimit të KIZ-it duhet të ngrihen

KZZ-të, pra ne u konstituuam me 19 shkurt dhe duhej brenda 3 ditëve që të konstituonim KZZ-

të, pra ne duhet të bënim edhe pranimin e vetëkandidimeve, edhe certifikimin tyre në sekretaritë

përkatëse, edhe ngritjen e KKZ-ve. Në këtë periudhë 3-ditore ne duhet të bënim të gjithë këtë

proces, prandaj ne menduam një ditë, por gjithsesi atë ditë jemi konsultuar bashkë me rektorin

dhe së bashku me të kemi vendosur.

Albana Vokshi – Këto janë njoftimet që keni bërë?

Marko Papleka – Pa tjetër.

Albana Vokshi – Ajo që unë duhet të them është se mbase edhe nga ana juaj mund të ketë

pasur procedura që nuk kanë lejuar hapjen e procesit. Neve kalojmë në zgjedhje një herë në 2 vjet,

madje, nëse ka zgjedhje të parakohshme edhe më shpesh, dhe jemi të detyruar të respektojmë çdo

procedurë. Meqenëse ju pretendoni të formoni vetëqeverisjen tuaj, edhe ju duhet t’i respektoni dhe

të jeni të hapur.

Marko Papleka– Unë nuk besoj se ka ndonjë student, i cili ka dashur të kandidojë për

KZZ dhe nuk është pranuar.

Albana Vokshi – Tani unë nuk dua të flas me emra, pasi ka pasur.

Marko Papleka – Ne kemi 114 kandidatura për KZZ-në në rang universiteti të

regjistruara, pra nuk besoj se është argument që ndonjë student të thotë se nuk është pranuar.

Albana Vokshi – Pra, ju i mbeteni asaj që keni respektuar çdo gjë, nuk keni bërë asnjë

gabim.

Marko Papleka - Ne kemi bërë maksimumin, nuk jemi asnjë jurist, ideja ka qenë që të

vazhdojë procesi.

( Ndërhyrje pa mikrofon.)

Ka pasur 39 kandidatura gjithsej, nga të cilat 3 kandidatura kanë pasur probleme me

mesataren, të cilën e kishin 7,5, dhe nuk futeshin dot, ndërsa te dy kandidaturat e tjera njëri ka

pasur vërtetimin e studentit të vitit të kaluar, tjetra ishte se nuk ka paraqitur listë notash, por

vërtetim mesatareje, ndërsa sipas rregullores, në kreun 4, neni 15, pika 1 “d”, përcaktohet qartë

se duhet lista e notave, me të cilën ata vërtetojnë se e kanë mesataren mbi 8. Pra, vërtetimi i

mesatares nuk e kryen komplet shërbimin e listës së notave, prandaj ne kemi marrë vendim që

nuk mund ta pranojmë si kandidat.

13

Albana Vokshi –Atëherë, çfarë prisni nga ne?

Gentjan Lita - Atëherë qëllimi kryesor i ngritjes së këtij shqetësimi…


Po, i di ndryshimet.


Së pari, është shfuqizimi i kompetencave nga KIZS-ja të KZI-së. Së dyti, është KAS-i.


KAS-i është Komisioni i Apelimit Studentor.


Ndryshimi është që për çfarëdo problematike studentëve nuk i drejtohet më KAS-it, por i

drejtohet KAS- it, shfuqizohet.

Së treti, në procesin e votimit KZF-të janë vëzhguese, ndërsa në procesin e numërimit

KZF-të janë ata që bëjnë rolin, kurse KZS-të duhet të ishin ata që duhet ta bënin detyrën, janë

thjesht vëzhgues, pra u hiqet detyra. Senati akademik me të drejtë ose pa të drejtë, nuk mund ta

them unë këtë, pretendon që mund ta garantojë procesin, por nuk mund të garantosh procesin kur

grupi tjetër ose pala tjetër e studentëve kandidatë, gjatë gjithë kësaj fushate, kanë bërë një fushatë,

e cila nuk ka qenë e denjë për studentë të Fakultetit të Mjekësisë, për shkak se kanë krijuar një

sërë problematikash, ku disa nga kandidatët janë paraqitur në komisariate të policisë.


Nuk mund të flas për pjesën teknike.

Albana Vokshi – Çfarë shpresoni të keni nga ne, çfarë doni ju që të jetë më e mira e të

gjithëve?

Gentjan Lita -Ajo që duam ne është që senati akademik t’i qëndrojë vendimit dhe

rregullores së parë. Nuk mund të ndryshohet rregullorja 4 ditë para.

Së dyti, nuk mund të garantohet një proces i drejtë legjitim për çdo student duke pretenduar

që të sigurosh një proces ligjor, por kandidatët e tjerë nëpërmjet lidhjeve dhe strukturave që kanë,

u krijojnë avantazhe, për shembull, kërkohet patjetër që të futet në garë një kandidat, por nuk mund

të futet një kandidat në garë vetëm 4 ditë para procesit. Kjo është shkelje e hapur. Ajo që duam ne

është që procesi të garantohet nëpërmjet fuqisë ose sugjerimit që mund të na bëni ju si komision,

ta ngrini këtë shqetësim dhe senati të reflektojë për këtë vendim, sepse nuk mund të ndryshojë

senati rregulloren 4 ditë para.

14

Ne nuk kemi kujt t’i drejtohemi në rast problemesh, prandaj duam që kompetencat t’u

rikthehen organeve studentore, sepse zgjedhjet janë të studentëve. E preku dhe kolegu.

Albana Vokshi - Jam shumë dakord, por, nëse ju do të përfundoni në polici sa herë që

hapet procesi, atëherë si mendoni ta zgjidhni?

Gentjan Lita – Problematikat e atyre që përfundojnë në polici janë problematikat

personale të atyre. Duhet të ishte shumë më e drejtë, nëse ata do të ishin në komision dhe të jepnin

shpjegimin e tyre.

Luan Baci – Më lejoni të bëj një pyetje: përse i trembeni futjes së kandidaturave të tjera,

për një mungesë liste notash? Vërtetim i mesatares tregon që e ka mbi mesataren e lejueshme.

Sekretaria aty është, mund të merret lista e notave dhe kandidati nuk duhet të përjashtohet. Në këtë

drejtim ju, si të rinj që jeni, duhet të jeni shumë më të hapur.

Për pjesën tjetër, unë mendoj se ankesa që mund të bëhet nga një komision që është qeveria

e studentëve, tek ajo e pedagogëve, mua më duket nonsens.

Floida Kërpaçi – Përshëndetje, sot do të flas edhe si studente e fakultetit të mjekësisë. Ky

proces është i rëndësishëm, sepse të zgjedhësh këshillin studentor në Universitetin e Mjekësisë

është të respektosh zërin e të rinjve, është ajo për të cilën ju duhet të luftoni, për të rinjtë. Në fakt,

sfidat që kanë ata studentë janë të mëdha, përtej disa grindjeve me njëri- tjetrin dhe për këtë të

gjithë duhet të biem dakord. Nëse ka një gjë që duhet të na bëjë bashkë dhe arsyeja për të cilën ju

po kandidoni është pikërisht kjo, për të sjellë ndryshimin, për të luftuar për të drejtat e studentëve,

për të kërkuar më shumë mundësi për studentët e Universitetit të Mjekësisë dhe këtë zë ta bëni

bashkë, ta bëni të fuqishëm, të kërkoni të luftoni deri në fund.

Në fakt, disa nga rekomandimet e mia janë që, së pari, çdo kandidat dhe çdo student i

Universiteti të Mjekësisë të ketë të drejtën për të kandiduar, sepse është e drejta e tij për të

kandiduar, për sa kohë ai shpreh dëshirën dhe ka dëshirën për të qenë zëri i studentëve.

Së dyti, çdo kandidat që është pjesë e garës ka të drejtën për të pasur vëzhgues, për të

qenë i sigurt që procesi po shkon ashtu siç duhet. Pa dyshim që procesi duhet të jetë transparent

dhe të përfaqësojë votën e studentëve të mjekësisë dhe të mos ketë asnjë faktor të jashtëm që të

ndikojë për këtë gjë.

Sa u përket protestave, ato janë një formë demokratike që çdo student ka të drejtën për ta

bërë dhe a ka mundësi që ne, si studentë të Universitetit të Mjekësisë, të protestojmë për të gjitha

ato të drejta? Ne për këtë duhet të diskutojmë sot dhe në këtë komision, për të drejtat që na

15

mohohen, për sfidat dhe për ato që ju duhet të realizoni, duke qenë zëri i studentëve të universitetit.

Ne do t’i qëndrojmë të gjithë deri në fund asaj që duam, të ketë transparence, stafi drejtues i ri i

këshillit studentor të Universitetit të Mjekësisë të mos jetë i njëanshëm, të jetë zëri i studentëve

dhe të përfaqësojë interesat e studentëve.

Albana Vokshi – Do ta mbyllim këtë pjesë të dëgjesës.

Ju falënderoj shumë që ngritët shqetësimet! Ju falënderoj ju që kandidoni, shpresoj të fitojë

më i votuari. Sigurisht kush votohet, do të jetë më i miri!

Një këshillë miqësore kam: hapeni garën, lejoni kandidatët. Meqenëse ka kaq shumë

kontestime, ju intereson dhe juve që të paqtoheni, së pari, dhe pastaj procedurat nuk do të kenë më

problematikat që kanë pasur.

Mund të rrini si dëgjues, nëse doni. Ne tani do të dëgjojmë anëtarët e senatit, për të na

shpjeguar arsyet që i kanë çuar ata në një vendimmarrje të tillë. Unë mendoj se nuk është e lehtë,

sa u detyruan tri ditë përpara që të ndërhyjnë në proces.

Gentjan Lita – Unë kam bindjen e plotë se gjatë gjithë kësaj fushate, arsyeja kanë qenë

presionet e kandidatëve të caktuar karshi ...

Albana Vokshi – Është garë. Edhe ne kemi presione.

Marko Papleka - Praktikisht si kandidatë nuk jemi as për të shtyrë procesin, as për ta

bllokuar atë. Ne jemi për një proces të drejtë. Madje do të ishte në interesin tonë dhe të palëve të

tjera që nesër të zhvillohen zgjedhje sa më të drejta, sa më të hapura.

Albana Vokshi – Në çdo proces ka një marrëveshje që u shërben të gjitha palëve.

Marko Papleka - Fakulteti dhe universiteti, në bazë të vendimit që ka marrë në senat,

duhet t’i japë të drejtën studentëve për të zgjedhur për këshillat e tyre, sepse është një e drejtë e

tyre.

Albana Vokshi – Do t’i diskutojmë me senatin të gjitha çështjet që ju keni ngritur. Vajzat

i keni lënë në rresht të dytë. Shumë gabim. Ato duhet të ishin në rreshtin e parë.

Marko Papleka – Kjo është shumë e drejtë. Por meqenëse janë profile të tjera dhe detyrat

kanë qenë...

Albana Vokshi - Faleminderit! Suksese të gjithëve! Hapeni procesin. Mos kini frikë nga

gara.

Marko Papleka – Patjetër. Faleminderit!

Albana Vokshi - Faleminderit!

16

Ju faleminderit që keni ardhur dhe që iu përgjigjët kërkesës së komisionit në një kohë

shumë të shkurtër! Ju falënderoj dhe për kohën tuaj, sepse është shumë e rëndësishme!

Ju e dini që kemi marrë dy ankesa nga dy grupime të ndryshme studentësh, për sa i përket

procesit të zgjedhjes së këshillit studentor në Universitetin e Mjekësisë në Tiranë, që është realisht

shumë i rëndësishëm. Na kanë kërkuar dëgjesë, sepse pretendimet që ata kanë, shqetësimet e

hasura gjatë procesit, nuk po trajtohen në mënyrën e duhur qoftë nga ana e senatit, por dhe nga ana

e qeverisë dhe e ministrisë. Ndaj, si komision, vendosëm që të bëjmë këtë mbledhje pak urgjente,

meqenëse nesër, në datën 21 mars, janë parashikuar për t’u zhvilluar edhe zgjedhjet e këshillit.

Dëgjuam një pjesë të studentëve që ishin para jush. Ata ishin përfaqësues dhe kandidatë

për këshillin studentor. Kemi edhe dy studentë të tjerë që kanë sjellë një ankesë, pavarësisht

ankesës së parë që unë sapo përmenda, që është dhe ana tjetër e medaljes. Ndaj, pa humbur unë do

të doja, zoti rektor, t’ju jap fjalën juve. Cilat janë shqetësimet tuaja? Cila është arsyeja që ju detyroi

ju, vetëm 3 ditë para se të zhvillohen zgjedhjet, të ndërhyni dhe të ndryshoni rregulloren për ta

marrë ju në dorë, si të thuash, procesin zgjedhor për këshillin studentor?

Arben Gjata – Faleminderit, që na keni ftuar në komision!

Faleminderit, për kohën që po i kushtoni këtij problemi!

Ne jemi i pari institucion publik i arsimit të lartë, besoj dhe privat, në Republikën e

Shqipërisë që në zbatim të ligjit të ri të arsimit të lartë po realizojmë zgjedhjet e këshillave

studentore. Për t’i dhënë seriozitetin maksimal kësaj procedure u hartua një rregullore e cila për

bazë ka marrë rregulloren për zgjedhjen e rektorëve, e dekanëve, e senatit akademik, e cila u hartua

nga një grup studentësh, përfaqësues të të gjithë departamenteve, fakulteteve, dhe rrymave të

ndryshme që ka universiteti, me qëllim që të kemi një palë zgjedhje transparente, të pastra, të

ndershme dhe të pakontestueshme.

U mor një kohë e mjaftueshme për të hartuar këtë material, sepse në bazë të ligjit këtë

material ka të drejtë ta aprovojë senati akademik. Kishim dy mundësi që t’i bënim zgjedhjet. E

para, duke shfrytëzuar strukturat e ngritura që i ka universiteti, që ishin komisioni zgjedhor i

fakulteteve, KIZ-i institucional dhe komisioni i apelimit institucional. Pra, ku përfaqësohen dhe

studentë dhe pedagogë. Kishim mundësi ta bënim këtë. Duke pasur besim, duke menduar që

zgjedhjet janë një shkollë demokracie menduam që këto kompetenca t’ua kalonim studentëve.

Janë zgjedhur me short anëtarët e komisionit zgjedhor të studentëve. Janë zgjedhur me

short anëtarët e komisionit të apelimit të studentëve për të filluar procesin. Që nga fillimi i procesit

17

e deri më sot ka pasur problematika të ndryshme, kryesisht procedurale, por dhe në drejtim të

vendimmarrjes qoftë nga ana e komisionit zgjedhor të studentëve, qoftë nga ana e komisionit të

apelimit studentor.

Këto kanë qenë disa problematika për të cilat është ndërhyrë disa herë nga ana ime si rektor

duke i thirrur sidomos kryetarin e KIZ-it të studentëve, në mënyrë që të shmangeshin disa

parregullsi që ishin vënë re gjatë procedurave, duke filluar që ditën e parë, për shembull, kur hapet

shorti për t’u hedhur 3 ditë dhe ishte planifikuar vetëm 6 orë. Ne u kemi thënë që të gjitha këto

materiale dhe dokumentet, që kanë një adresë, mund të botohen orë e çast në çdo moment në faqen

e ueb sajtit të universitetit, në mënyrë që gjithçka të jetë transparente, sepse e vetmja mundësi që

zgjedhjet të jenë të pastra, të ndershme dhe të lira, është që këto të jenë transparente.

Kemi lobuar pranë ambasadës amerikane në mënyrë që këto zgjedhje të vëzhgohen nga

grupi i rinor që ka ambasada amerikane dhe na janë përgjigjur pozitivisht. Gjatë gjithë procesit

herë pas here ka pasur problematika. Madje në rregullore përcaktohet qartë që vërtet komisionet

zgjedhore të studentëve marrin vendime, por këto janë nën mbikëqyrjen e komisioneve

institucionale zgjedhore. Pra, para se të marrin një vendim ose kur vendimet janë të diskutueshme,

këto çështje duhen diskutuar me komisionet përkatëse zgjedhore, në mënyrë që problematikat të

jenë sa më të pakta për arsye se ata kanë pasur një eksperiencë shumë të madhe në drejtim të

zgjedhjes së këtij procesi.

Kemi pasur protesta nga të gjithë krahët. Para dy javësh kishte protesta se nuk po na

regjistrojnë. Tani kishte protesta pse kështu, pse ashtu. Duke pasur shumë ankesa nga të gjitha

krahët, sidomos në senatin akademik, ku shumë anëtarëve të senatit akademik u janë çuar ankesa

nga ana e studentëve, unë i kërkova qoftë komisionit institucional zgjedhor të universitetit, qoftë

komisionit të apelit në universitetit, të bënin një analizë dhe të paraqisnin nga një raport para senatit

akademik për ecurinë e procedurës, deri ditën e premte, që ishte mbledhja e senatit, në mënyrë që

senati të vendoste, sepse në fund të fundit rregulloren e ka bërë senati dhe senati mund ta zhbëjë

atë rregullore, mund të anulojë zgjedhjet fare, mund t’i shkrijë komplet këto komisione. Dhe e

turpshmja ndonjëherë në këtë mes është që këto fjalë, që po them para jush, ua kam thënë

komisioneve zgjedhore të studentëve që duhet të jenë shumë të kujdesshëm.

Kishte dhe nga ata që incizonin rektorin dhe e çonin te emisioni “Fiks Fare” për të treguar

se çfarë po thotë rektori. Këto që po jua them juve në sy ua kam thënë në sy studentëve të

pranishëm në prani të dekanëve, në prani të komisioneve zgjedhore të universiteteve. Kjo bëri që

18

të krijohej një situatë e rrezikshme ditën e zgjedhjeve, se ka pasur gati rrezik konfliktesh fizike

midis studentëve, midis grupeve të studentëve. Ka ardhur policia në institucion, madje e thirrur

nga studentët në kundërshtim me ligjin e arsimit të lartë, se policia mund të hyjë në institucion

vetëm me kërkesën e rektorit. U kemi në dispozicion atyre numrat e telefonit, sepse ne kemi

policinë private në mënyrë që kjo të shërbejë...

Pavarësisht problematikave që ka pasur deri tani, në thelb mbledhja e senatit, procesi, nuk

është tronditur. Pra, janë gjëra që kanë kaluar. Të gjithëve u ka shërbyer shumë mirë dhe shpresoj

që t’u shërbejë shumë mirë kjo si një shkollë demokracie. Jam shumë i lumtur madje që vijnë dhe

ankohen deri këtu. Mund të ankohen dhe në çdo vend tjetër. I kanë të gjitha rrugët e hapura. Për

ne nuk është asnjë problem se ku ankohen studentët, madje për këtë kanë respektin tim, sepse

njerëzit që luftojnë për të drejtat e tyre janë për t’u respektuar dhe jo për t’u anatemuar.

Por, senati, duke u ndodhur përpara kësaj situate, mori dy vendime. Nuk kanë ndryshuar

gjërat thelbësore. Kanë ndryshuar nivelin e vendimmarrjes. Pra, në qoftë se ne kemi një

problematikë, që është një komision zgjedhor i fakultetit, komision institucional zgjedhor, i cili

merr një vendim të përjashtojë një student nga e drejta për të kandiduar, çfarë kriteresh ka për të

kandiduar? Duhet të kesh mesatare mbi 8-të dhe duhet të jesh student i Universitetit të Mjekësisë.

Këtë mund ta vërtetosh shumë lehtë. Në rregullore është kërkuar një listë notash dhe një vërtetim

që është student i Universitetit të Mjekësisë. Por duke qenë se e drejta e kandidimit, e drejta për

t’u zgjedhur, dhe për t’u zgjedhur është një e drejtë thelbësore e njeriut, që është mbi rregulloret,

atëherë ka të gjitha mundësitë alternative që këta njerëz të verifikohen nëse e kanë mesataren mbi

8 apo nuk e kanë mbi 8-të. Se ne na ka rastisur që një studente e mjekësisë ishte përjashtuar, me

mesatare 10 fiks. Mirë që e ka mesataren 10, por te lista e notave kishte një shkresë ku thuhej se

kjo studente ishte e vitit të 5-të dhe e ka mesataren 10. Dhe këtë studente e kishin përjashtuar sepse

vërtetimin që ishte studente e mjekësisë e kishte pasur të muajit qershor 2017.

Është një rast tjetër që është përjashtuar po prapë nga e drejta e kandidimit. Ishte një student

specializant i vitit të katërt, i cili nuk kishte listën e notave, por kishte një vërtetim nga dekanati

që thoshte se nota mesatare e tij ishte mbi 8,5.

Ka dhe një rast të tretë që një nga anëtarët e komisionit zgjedhor të fakultetit e kishte

përjashtuar komisioni zgjedhor i fakultetit. Në vend të ankimohet kjo te komisioni i apelimit,

komisioni zgjedhor i fakultetit ka çuar te komisioni i apelimit vendimin dhe komisioni i apelimit

merr vendim jo mbi bazën e asaj që është prekur, por mbi bazën e këtyre që e kanë prekur të drejtën

19

e asaj për të qenë anëtar i këtij komisioni. Në këto kushte, për t’i dhënë seriozitetin maksimal këtij

procesi, senati akademik vendosi që komisioni institucional i universitetit të ketë të drejtë të

shqyrtojë si gjykatë e shkallës së tretë, siç ndodh në të gjitha institucionet e tjera që mund të apelosh

në shkallën e parë, në shkallën e dytë, të shkosh në gjykatën e shkallës së tretë, superiore, sepse

është institucion komplet i pavarur, nuk është institucion që është krijuar nga rektori apo nga

dekani, por është i krijuar që përpara zgjedhjeve. Sot ata kanë ditën e fundit dhe akoma nuk kanë

vendim. Tani që ne jemi këtu, ata do të jenë mbledhur dhe kanë ditën për të marrë vendime nëse

do t’i fusin apo nuk do t’i fusin këta njerëz në procesin zgjedhor. E para.

E dyta, duke pasur frikën e problemeve që mund të lindin gjatë zgjedhjeve ne nuk u kemi

hequr të drejtën studentëve dhe ua kemi kaluar pedagogëve, përkundrazi, i kemi caktuar. Po ta

lexoni me vëmendje vendimin, kemi vendosur që në çdo qendër votimi, përveç komisioneve të

qendrave të votimit të jetë i përfaqësuar, gjithashtu, universiteti me një pedagog i cili është anëtar

i komisioneve zgjedhore të fakultetit. Dhe kur të bëhet numërimi i votave në fund fare, numërimi

i votave të bëhet nga komisionet zgjedhore të fakultetit, në praninë e komisioneve zgjedhore

studentore, me vëzhguesit e kandidatëve, me regjistrim video-audio dhe me përfaqësinë e

ambasadës amerikane. Më transparente se kaq unë nuk e di nëse bëhen zgjedhjet për deputetët sa

jemi përpjekur t’i bëjmë ne.

Unë vazhdoj të ngul këmbë, sepse këtë po e bëjmë për të ruajtur emrin e mirë të

universitetit, dhe kjo është gjëja më e rëndësishme që duam ne, për të bërë një shkollë të mirë

demokracie për studentët që të kuptojnë se fitohet me votë, nuk fitohet duke përjashtuar njërin ose

tjetrin nga kandidimi, apo me mënyra jo të ndershme. Ky ka qenë i vetmi qëllim i senatit

akademik.

Unë këtu kam dekanët e 3 fakulteteve, janë anëtarë të senatit akademik, janë 2 studente

përfaqësuese të zgjedhura në senatin akademik. Unë besoj që ky proces që ne kemi bërë siguron

maksimumin e transparencës për zgjedhje të cilat i bie të bëhen pas 2 ditësh.

Unë kaq kisha për t’ju sqaruar në lidhje me gjithë këto procedura. Mund t’ju sillja tonelata

me letra që kanë ardhur gjatë këtyre 2 javëve të fundit. Ne si rektorat, unë si rektor, por besoj dhe

dekanët, janë përpjekur të ruajnë në maksimum asnjanësinë ndaj këtij procesi. Jemi përpjekur të

mbajmë vetëm ruajtjen e normave në këtë proces. Janë përdorur të gjitha metodat si: bisedim kokë,

më kokë thirrje në mënyrë zyrtare në zyrën time, takim në mbledhjen e këshillit të profesorëve me

dekanë, me komisione zgjedhore të pedagogëve, me komisionet e apelimit të pedagogëve, me

20

komisionet zgjedhore të studentëve. Ne kemi qenë të hapur për çdo lloj diskutimi, por në fund të

fundit brenda institucioneve, institucioni më i lartë që vendos për fatin e të gjitha proceseve është

senati akademik.

Senati akademik është institucion i pavarur dhe ka një përgjegjësi. Unë po ju them që ne

kemi pasur dhe kërkesa. Në senat zgjedhjet anulohen fare dhe është e drejta e senatit të anulojë

zgjedhjet. Mund të ankohen në rrugë ligjore, nëpër gjykata, në prokurori etj. Por unë dhe ne të

gjithë kemi menduar për të gjitha Ditën e premte kemi ndenjur 4 orë e gjysmë për diskutime në

senat, se kemi pasur shumë halle të tjera më të mëdha se kjo, sepse është buxheti për t’u diskutuar,

janë strukturat e universitetit, është implementimi i ligjit të arsimit të lartë. Kemi pasur plot

vështirësi rrugës gjatë gjithë kësaj kohe, por atë ditë i kemi kushtuar 4 orë e gjysmë analizës së

këtij procesi në një mbledhje me 19 profesorë dhe 2 studentë. Po e përsëris dhe një herë, problemi

kryesor që ne kemi si institucion është se ky proces duhet të jetë i ndershëm, i drejtë i

pakontestueshëm, ai ose ajo, që do të fitojë nesër, të mos thotë se ia vodhën votat ose e përkrahu

rektori, apo dekani. Ata që do të fitojnë, të fitojnë për votat që kanë arritur.

Faleminderit!


Po, zoti Boçi.

Luçiano Boçi – Faleminderit, profesor!

Së pari, dua t’ju uroj ju, dekanët, anëtarët e senatit për akreditimin 5-vjeçar që fituat, sepse

kjo është meritë e punës suaj.

Në fakt, universiteti juaj, edhe si universitet i ri, ka qenë ndër universitetet e dalluara në

këtë pikë. Këtë e themi nga iniciativat që ka marrë, shto dhe iniciativën për të zhvilluar zgjedhjet

për këshillat studentore.

Ju e thatë, këto janë zgjedhjet e para. Në fakt, shqetësimi ynë është i përbashkët, sepse

mënyra se si do të zhvillohen zgjedhjet te ju do të jetë një model etalon për zhvillimin e zgjedhjeve

në universitetet e tjera. Ky është një moment shumë i rëndësishëm, pasi për studentët përgjatë

këtyre viteve është folur shumë pak dhe ligji i arsimit të ri të lartë, fatkeqësisht, nuk ofron një

mbrojtje të madhe për studentët, për mënyrën e funksionimit të këshillave studentore, për zgjedhjet

e tyre dhe për atë pozicion që studenti duhet ta ketë. Kjo ndodh dhe për shkak të mungesës së

implementimit të kredisë studentore, punësimit etj., në totalitetin e arsimit të lartë.

21

Në fakt, në dëgjesën që zhvilluam me studentët kishte dy shqetësime thelbësore. E para

kishte të bënte pikërisht me çështjen e regjistrimit të kandidatëve, sepse çështjen dua ta diskutojmë

parimisht. Domethënë të heqim dorë nga subjektiviteti që jemi në një situatë pranë universitetit

tuaj dhe ta ngremë pak mbi bazën e normave dhe parimeve. Le të flasim për të gjitha universitetet

duke përfituar dhe nga rasti, megjithëse ju jeni pararojë.

Pra, shqetësimi i parë ishte çështja e ndërhyrjeve të regjistrimit të kandidatëve. Ne

kërkuam, sugjeruam, siç e thatë dhe ju, që procesi të jetë i hapur, të mos gjenden truke të vogla,

gjëra dokumentare, sepse sekretaria e universitetit është aty. Një vërtetim dhe çdo gjë vërtetohet

aty. Dhe të thuash që nuk është ky vërtetim, kur sekretaria aty është, kjo më duket pak absurde.

Pra, koordinimi, siç thatë ju, që senati merr vendime, por edhe sekretaria merr ca vendime

sqaron dhe zbardh disa të vërteta ose të pavërteta. Pra, këtu jemi në krahun tuaj, te pjesa e

ndryshimeve të rregullores, sepse, të them të drejtën, nuk i ndjek dot këto gjërat që ju thatë, aq më

tepër që kur bëhet fjalë për kolegët e mi, mundohem që këto çështjet e regjistrimeve t’i shmang.

Unë kam pikëpamjet e mia për to dhe nuk dua t’i shpalos këtu, por nuk jam dakord me thënien që

senati është autoriteti që vendos për gjithçka në universitet. Sipas ligjit të arsimit të lartë është

autoriteti më i lartë, por që e ushtron fuqinë e tij nëpërmjet hartimit të rregulloreve dhe të akteve

ligjore dhe në momentin që senati ka nxjerrë një rregullore, e ka ushtruar plotësisht autoritetin e

tij dhe kjo është rregullorja e zgjedhjeve të këshillave studentorë. Këtu mbaron autoriteti i senatit

dhe fillon autoriteti i organeve të përcaktuara në rregullore. Përderisa bëhet fjalë për një qeverisje

krejtësisht të ndryshme nga qeverisja akademike, qeverisja studentore ka rregullat e veta të

përcaktuara në rregullore, ka proceset dhe komisionet e veta, të cilat nuk mund të jenë pjesë e

komisioneve dhe interferohen nga komisione të tjera, sepse procesi do të humbiste tërësisht

autonominë dhe pavarësinë e tij.

Unë e kam shqetësimin te ndërhyrja në rregullore, sikurse e kishin edhe studentët, se nuk

mund të ndërhyhet në një rregullore zgjedhjesh, qoftë dhe për studentët, tri ditë para datës së

zhvillimit të tyre, pasi është ligji që përcakton senatin. Senati e ka ushtruar autoritetin dhe e mbaroi.

Senati nuk mund të mblidhet rast pas rasti dhe të ndryshojë nenin x dhe të bëjë një rregullore të re,

por senati mund të grumbullojë nga përvoja e parë e zgjedhjeve të gjithë problematikat dhe, në një

moment të rishikimit të rregullores, t’i fusë ato si pika për zgjedhjet e tjera pas dy vjetëve. Kjo

është detyra ligjore e senatit, prandaj themi që është ai rojtari kryesor, i cili ruan të gjithë procesin

dhe e ndjek, sepse, në këtë rast, universiteti, trupa akademike dhe senati kanë rol vëzhgues, madje

22

senati duhej të gjente modalitete të tjera për mbarëvajtjen e procesit. Në komisionet përkatëse

zgjedhore të studentëve të fusë përfaqësuesit e tij. Në këtë mënyrë mbarëvajtja e punës do të ishte

më e mirë dhe nuk do të kishte nevojë për ndërhyrje në rregullore, dhe ndoshta studentët do t’i

shuanin më shpejt konfliktet. Jam shumë dakord që kanë shumë konflikte, studentët janë të zjarrtë,

kundërshtojnë gjithmonë gjithçka, ndahen në palë dhe situata është e kuptueshme për konfliktin

që përcjell. Në këtë rast vendimet i kanë hedhur benzinë zjarrit, sepse, për mendimin tim, nuk

mundet që autoritetet e përcaktuara në rregulloren e zgjedhjeve për hierarkinë akademike të marrin

pjesë në zgjedhjen e studentëve, nuk mundet që komisioni i fakultetit zgjedhor të marrë pjesë në

numërim dhe vlerësim, nuk mundet që KIZ-i institucional (Komisioni Institucional Zgjedhor) të

ndërhyjë mbi komisionin institucional zgjedhor studentor, pasi janë krejtësisht të ndryshëm nga

njeri-tjetri, sepse me rregullore këto institucione i përkasin vetëm zgjedhjes së trupës akademike

dhe hyjnë në veprim sapo ka një dorëheqje, sapo ka një largim dhe nuk ushtron autoritet mbi

zgjedhjet e tjera. E ka të përcaktuar në rregulloren zgjedhore. Nëse Ministria do ta kishte

parashikuar, do ta kishte shënuar që këto komisione shqyrtojnë dhe mbikëqyrin proceset e

zgjedhjeve të këshillave studentorë, gjë që nuk është parashikuar dhe nuk është fare e drejtë të

ndërhyhet. Në këtë rast ne jemi në shkelje të pavarësisë së një procesi zgjedhor brenda qeverisë

studentore. Unë jam shumë dakord që trupa akademike dhe profesorati duhet t’u rrijë shumë pranë

studentëve, dhe jo të ndërhyjë, por të vëzhgojë dhe të rregullojë gjithçka në momentin dhe kohën

e duhur, sipas autoritetit që ka.

Ne po konsultohemi këtu, nuk detyrojmë askënd, po diskutojmë për një çështje, madje unë

thashë që ta ngremë në lartësinë e parimores, por do të kërkoj që, meqenëse senati verifikon se ka

konflikt, ka bërë disa ndërhyrje që nuk i takojnë, të ketë një shtyrje të zgjedhjeve. Të mos zhvillohet

në këtë klimë konfliktuale, sepse kam frikë se debati që po bëjmë sot, do të përcillet si konflikt te

studentët. Unë dua që të shtyhet kjo pjesë dhe ndërkohë të rishihen nga senati të gjitha rregullimet

që ju i konsideroni se i shërbejnë procesit. Në fakt, nuk i shërbejnë procesit, sipas meje, sepse nuk

mund të ketë vendim të Komisionit të Apelimit që apelohet në një komision apelimi tjetër. Pra,

Komisioni i Apelimit Studentor nuk mund të apelohet në Komisionin e Apelimit të Universitetit.

Për mua këtu ka një gabim ligjor: nuk është Gjykata e Shkallës së Tretë përfundimtare. Jo, çdo

çështje administrative, qoftë dhe zgjedhore, zgjidhet në gjykatë, nuk zgjidhet nga Komisioni i

Apelimit, nuk ia vë ai vulën, pasi është gjykata ajo që jep vendimin e drejtë në lidhje me një

mosmarrëveshje administrative, studentore dhe zgjedhore. Këtu unë kërkoj nga ana juaj, madje

23

është sugjerim, që të shihen këto vendime, rregullorja të kalojë në stadin e miratimit në vitin 2016,

sepse e thashë që ju jeni më të avancuar në statut dhe në rregullore, kurse universitetet e tjera janë

ende në fazën e hartimit dhe janë penalizuar në akreditim për këtë gjë. Por këto gjëra nuk mund të

bëhen në çdo moment që del një gjë që nuk shkon dhe senati duhet të mblidhet e të marrë vendim,

dhe të ndryshojë rregulloren. Unë mendoj që studentët të vazhdojnë të realizojnë një proces

krejtësisht të pavarur, por nën vëzhgimin e senatit, duke futur edhe përfaqësuesit e vet brenda

komisioneve, siç është inversi në rastin e zgjedhjeve për trupën akademike, ku studentët kanë

përfaqësuesit e tyre në komisionet e fakulteteve në KIZ dhe në Komisionin e Apelimit. Invers

komisionet janë autonome dhe studentore, por trupa akademike dhe vetë senati kanë përfaqësuesit

e tyre brenda këtij procesi dhe procesi po menaxhohet në mënyrë të mirë, do të thosha, se nuk e di

a menaxhohet në mënyrë të shkëlqyer, pasi mund të ketë përplasje.

Arben Gjata – Kam një sqarim të vogël. Kjo rregullore që është përpiluar nga studentët

dhe është pranuar prej tyre, ka një nen të veçantë që thotë: “Të drejtën e interpretimit të kësaj

rregulloreje e ka Komisioni Institucional Zgjedhor i universitetit, i cili mund të ofrojë mbështetje

përgjatë gjithë procesit zgjedhor”. Të drejtën e interpretimit të rregullores ia kanë dhënë vetë

studentët KIZ-it dhe nëse komisioni studentor nuk ia çon për interpretim një nen ose një

problematikë që del KIZ-it, por thotë “E di unë, se jam i pavarur dhe do të vazhdoj siç di, duke

bërë shkelje të rregullores”, mund të më thoni si mund ta zgjidhim këtë punë? Do të mbarojnë

zgjedhjet pastaj do të hidhen në gjyq dhe do të rrinë dy vjet në Gjykatën Administrative, ndërkohë

që ka mbaruar mandati?

Luçiano Boçi - Çështja është shumë e thjeshtë, profesor. Nuk mund t’i bëjë interpretim

rregullores një komision institucional që, pasi ai menaxhon procesin zgjedhor, komisioni, sipas

rregullores së ministrisë, është menaxhues i procesit zgjedhor dhe nuk interpreton rregulloren dhe

ligjet. Interpretimin e rregullores, siç keni vepruar ju, se ju keni vepruar ndryshe, e bën senati

akademik.

Arben Gjata – Pikërisht, po them se për rregulloren e zgjedhjeve...

Luçiano Boçi – E bën senati akademik, nuk e bën komisioni që ju iu referuat.

Arben Gjata – Senati akademik, në rregulloren e zgjedhjeve të aprovuar edhe nga

studentët, ia ka kaluar kompetencën komisionit. KIZS-i i universitetit është marrë disa herë me

zgjedhjet dhe ka qenë shumë i përgjegjshëm në procedurat që ka kryer, sepse te ne nuk ka pasur

asnjëherë problem, të paktën gjatë gjithë procesit zgjedhor për universitetin e Mjekësisë, qoftë për

24

dekan, qoftë për rektor, apo për kandidatët e senatit akademik dhe ka kryer një proces të vlerësuar

shumë mirë nga të gjitha anët. Kjo rregullore e studentëve, dhe këtë e ka aprovuar senati akademik,

ka një nen i cili thotë: “Të drejtën e interpretimit të kësaj rregulloreje senati ia ka deleguar një

organi më të përgatitur se senati, pra KIZS-i të universitetit”. Ky është një vendim i senatit

akademik.


Ata janë anëtarë të KIZS-it të universitetit, janë institucionalët, janë ngritur para zgjedhjeve

të rektorëve dhe janë 7 vetë. Ata janë komplet të pavarur nga institucionet.

Albana Vokshi – Po, zoti Çela, për procedurë.

Bujar Çela – Përshëndetje!

Është rasti i parë që ne ndërhyjmë në një proces, ku nuk kemi ligjërisht të drejtë të

ndërhyjmë.

Albana Vokshi – Nuk po ndërhyjmë, mos e përkthe kështu, se përkthehet keq nga të gjithë

pastaj!

Bujar Çela – Ne kemi këtu të dyja palët, kemi studentët dhe pedagogët, dhe duket si një

gjë jo e mirë.

E dyta, unë shoh që ju jeni universiteti i parë që bën zgjedhje, në total universitetet kanë

afat deri më 16 prill, dhe meqë jeni të parët pa dyshim që do të keni probleme. Unë do të thosha

që problemet kanë lindur nga rregullorja që është bërë, se ka qenë kohë e kufizuar dhe jo të gjithë

kanë qenë të mirinformuar nga shkeljet e ndryshme, ose nga mosnjohja.

Albana Vokshi – Kjo është rregullore shumë e mirë, çfarë po thoni?

Bujar Çela – Ju lutem!

Albana Vokshi – E nisët për procedurë, por futeni në...

Rregullorja është shumë e mirë, është nga më të mirat që kam parë ndonjëherë. A e keni

lexuar?

Bujar Çela – Po, e kam lexuar. Atëherë studentët janë ndarë në dy palë, por ne nuk na

interesojnë palët, sepse studentët, pedagogët dhe senati janë një dhe mbarëvajtja e tyre është në

interesin e të gjithëve.

Albana Vokshi – Prandaj jemi këtu.

25

Bujar Çela – Zgjedhjet që bëjnë këta studentë, i shërbejnë të gjithë procesit për mirë.

Historia që studentët janë gjaknxehtë...edhe komisioni ynë, me të gjithë respektin që kemi, nuk ju

ngjan juve, por studentëve. Edhe ne sherrxhinj jemi.

Tani, ne i kemi shumë të qarta historitë që kanë ndodhur, edhe KQZ-ja sajoi dikur “votë e

duhur në kutinë e gabuar” dhe gjatë rrugës ne shpikim rregullore.

Albana Vokshi – Zoti Çela, mos e politizoni!

Bujar Çela – Unë sugjeroj që ta rishikoni rregulloren dhe t’i shtyni për një afat tjetër

zgjedhjet, sepse ne ndërhyjmë kot.

Faleminderit!

Albana Vokshi – Vetëm për procedurë nuk ishte kjo. E vetmja seancë që nuk po politizohej

e politizuat ju.

Po, profesor.

Shezai Rrokaj – Unë pajtohem me idenë që ne nuk jemi modeli më i mirë për t’ju mësuar

ju dhe bashkohem absolutisht me të gjithë që nuk ndërhyjmë në autonominë e universitetit, sepse

e kemi votuar atë si ligjvënës. Kështu që çdo gjë që themi ne, nuk është taksative për ju.

Zoti rektor, me sa e njoh universitetin, po ju drejtohem juve si violinë e parë, ju mbani

përgjegjësi juridike në mënyrën si funksionon institucioni juaj, kështu që brenda të gjitha

kompetencave ligjore duhet të garantoni një sistem transparent. Sipas ligjit keni shfrytëzuar

kompetencat e senatit për të miratuar një rregullore për zgjedhjet e studentëve në universitet.

Natyrisht, studentët gëzojnë të drejtën e zgjedhjeve autonome, pa ndërhyrjen e botës institucionale.

Në kushtet ku ndodhemi, unë kam këto sugjerime: të ndërhyni urgjentisht që të mos

pengohet asnjë student, i cili plotëson kushtet për të garuar. Me senat apo me çfarë të doni ju, një

student, që plotëson....


Zoti rector, ne jemi këtu për t’i dhënë hapësirë ligjit dhe demokracia fillon nga e drejta për

të konkurruar dhe kur i plotëson kushtet, nuk ka asnjë sovran tjetër përveç vetë sovranit. Studentët

që janë penguar për t’u regjistruar dhe i plotësojnë kushtet që keni përcaktuar vetë, duhet të bëhen

pjesë e garës. Unë besoj se ne jemi këtu pikërisht për këtë gjë. Senati akademik mban përgjegjësinë

akademike për funksionimin e institucionit të arsimit të lartë, ai ka të drejtë të ndërhyjë për të

vendosur legjitimitetin. Rektori mund të mos e ketë vetë, por senati e ka. Prandaj unë po jua them

26

parimisht sikur të isha vetë rektor, se kam qenë rektor, unë nuk do t’i kisha penguar studentët që e

meritojnë të garojnë. Ju duhet ta zgjidhni me mekanizmat në institucionin tuaj.

Zoti rektor, ju keni detyrimin të garantoni transparencë në zgjedhje dhe mosndërhyrje në

vendimmarrjen e komisioneve te studentëve, por keni gjithë të drejtën e institucionit të mbikëqyrni

funksionimin e tyre, kështu që ndërhyrjet e institucionit duhet të jenë të tilla që të mbikëqyrin dhe

të ndihmojnë bashkë me zyrën juridike, se këtu u fol për një komision, se institucioni ka zyrë

juridike që mund t’i zgjidhë dhe t’i kuptojë shumë më mirë se komisionet e tjera...


Zoti rektor, e rëndësishme është që zgjedhjet të jenë transparente dhe të gjithë ne këtë gjë

duam në fund të ditës, pra të mos deformohet vullneti i studentit që zgjedh. Nëse ju na e garantoni

këtë, në kushtet që është Shqipëria, se nuk është e përsosur, do të ketë ndërhyrje që i shërbejnë

mbarëvajtjes së punës. Unë ju them që ju duhet të mbikëqyrni procesin në këto kushte, përndryshe

e dimë se çfarë do të ndodhë. Pra, mbikëqyreni procesin, jepuni të drejtën të konkurrojnë atyre që

e meritojnë, edhe duke i shtyrë zgjedhjet, por këtë ju e shihni vetë. Nëse doni t’i shtyni, është

problemi juaj, mund të bëhet, por mund edhe të mos bëhet. Senati ka të drejtën dhe ju, si rektor,

mund të merrni nismat që gjykoni. Nëse e keni vendosur për nesër, jeni autonom në vendimmarrjen

tuaj dhe askush nuk ju ndërhyn në këtë gjë, dhe palët e dinë.

Mora vesh këtu që ka edhe studentë të 10-ës. Si mund të guxoj unë, një profesor universiteti

prej vitesh, t’i përjashtoj?! Zoti rektor, unë më mirë e lë këtë karrige dhe iki sesa të përjashtoj një

student të 10-ës nga gara.

Faleminderit!

Jovan Basho – Faleminderit që na keni thirrur!

Unë jam këtu në pozicionin e anëtarit të senatit akademik të universitetit të Mjekësisë, por,

natyrisht, nuk më vjen mirë që na keni thirrur, sepse nuk është ndonjë qejf i madh që kemi lënë

punën, se dhe ju keni lënë punët tuaja, dhe të vijmë këtu e të debatojmë pa kuptim, pa asnjë interes,

pasi nuk është në të mirën e studentëve dhe as nuk është në të mirën tonë si Universitet i Mjekësisë.

Dua të them që senati akademik i Universitetit të Mjekësisë u mblodh ditën e premte në një

mbledhje prej katër orësh e gjysmë, tërësisht të dëshpëruar, për të diskutuar ato që kishin ndodhur

në Universitetin e Mjekësisë. Unë u thashë hapur studentëve, gjë që po jua them edhe juve, që ky

është një shpërdorim i demokracisë. Mjerisht demokracia në Shqipëri, këta 27 vjet është

shpërdoruar! Kjo është demokracia në Universitetin e Mjekësisë me studentët.

27

Universiteti ka autonomi dhe kjo do të thotë që universiteti vendos vetë dhe ne, si anëtarë

të universitetit, mund t’i përgjigjeshim negativisht thirrjes suaj.

Albana Vokshi – Ju lutem, po na fyeni!

Jovan Basho – Jo, fare.

Albana Vokshi – Nëse nuk deshët të vinit, të mos kishit ardhur! Ka qenë në dëshirën tuaj

ardhja. Më vjen keq, nuk mund të fyeni kohën time dhe as të gjithë deputetëve që pritën këtu!

Jovan Basho – Zonjë, ju lutem, unë personalisht nuk bëj pjesë në asnjë parti politike!

Albana Vokshi – Ne ju kemi ftuar për të qenë të barabartë, sepse neve na kërkoi dëgjesë

vetëm grupi i studentëve, por që të dëgjonim dhe të respektonim të gjitha palët në proces, menduam

t’ju ftojmë. Pra, ishte ftesë për ju.

Jovan Basho – Ju lutem, më dëgjoni!

Albana Vokshi – Nuk po më respektoni mua dhe kolegët, se nuk mund ta quani debat të

kotë këtë që po bëjmë, sepse bëhet fjalë për të ardhmen e studentëve. Ndryshoni mënyrën e të

folurit!

Jovan Basho – Kur djali im u regjistrua në Universitetin e Mjekësisë në Gjermani, i vunë

përpara një letër dhe i thanë ta firmoste. Ajo letër shkruante: “Unë filani, jam dakord dhe i

nënshtrohem të gjitha rregullave dhe rregulloreve të universitetit në të cilin sapo jam regjistruar.”

Shumë mirë që studentët tanë bëjnë greva dhe demonstrata, por t’i bëjnë për kushtet e mësimit,

për pajisjen e universiteteve, për mënyrën si bëhen leksionet, për njohuritë etj., por të ngrihen dhe

të bojkotojnë studentët mësimin për gjërat që nuk kanë kuptim, siç ka ndodhur në Universitetin e

Mjekësisë, unë e quaj të paarsyeshme. Pra, senati akademik, për mendimin tim, kishte plotësisht

dhe tërësisht të drejtë që bëri dy shtojca në një rregullore, thjesht në mënyrë që zgjedhjet të

zhvillohen ashtu siç duhet. Ne nuk na intereson fare se cili student fiton. Na intereson që procesi

të jetë sa më transparent dhe sa më demokratik.


Po e sqaroj edhe një herë pse jemi sot këtu dhe pse jeni ju sot këtu. Pardje kemi marrë

një letër publike, një ankesë me shumë shqetësime nga një grup studentësh, të cilët ishin

përfaqësues dhe kandidatë për këshillin studentor. Pasi ngritën shumë shqetësime, kanë

bashkëngjitur rregulloren dhe shkresa të dala njëra pas tjetrës nga rektori. Ata kanë kërkuar të

dëgjohen në komision. Meqenëse zgjedhjet janë planifikuar në datën 21, e vetmja datë për t’u

mbledhur, është sot. Të gjithë ne kemi marrë kohën tonë, pasi kishim plane të tjera, për të ardhur

28

këtu dhe për të dëgjuar këtë shqetësim të studentëve, që në mendimin tonë unanim ishte jo pak i

rëndësishëm, por bëhet fjalë për qeverisjen studentore. Prandaj jemi sot këtu, për të mos dëgjuar

vetëm studentët, të cilët na e kërkuan këtë gjë; ne si komision jemi të detyruar që të dëgjojmë

dhe t’u përgjigjemi ankesave të palëve të ndryshme të interesit. Në bazë të propozimit të

deputetëve, ne ftuam edhe senatin, edhe ju, që të ishit të pranishëm për të na treguar versionin tuaj.

Nëse kjo ju duket e kotë, atëherë nuk di se për çfarë të flasim. Mendoj se duhet të dëgjohen të

gjitha palët. E përsëris, ne nuk po ndërhyjmë, nuk jemi palë, nuk bëhemi palë as me një grup

studentësh, as me grupin tjetër të studentëve dhe as me juve. Ne po dëgjojmë shqetësimet me

shpresë shumë të madhe që në fund të kësaj mbledhje, të ketë një paqtim të të gjitha palëve dhe

procesi të ecë normalisht, siç duhet, sepse janë të rinjtë. Nëse thërrasin policinë 3 herë të rinjtë e

kësaj moshe, mendoni se çfarë do të bëhet në karrierën e tyre profesionale e të tjera.

I kemi marrë të gjitha shqetësimet. Edhe ne jemi shqetësuar, prandaj jemi sot këtu. Pyetja

që kam është: nëse do të kishte probleme, gjithmonë ka probleme në një garë dhe nëse

protestojnë, për mendimin tim, është e drejta e tyre, prandaj jemi në demokraci, për çfarëdo lloj

gjëje që protestojnë është e drejtë e studentëve, kjo është demokracia. Por nëse gara për rektoratin,

dekanatin nuk ecën ashtu siç duhet dhe ministria vendos: “Unë do t’i shkrij të gjitha komisionet

zgjedhore të universiteteve, do t’i vendos vetë”, çfarë bëhet, për shembull në këtë rast?


Keni shkrirë komisionet zgjedhore. E kemi lexuar me kujdes. Ju merrni përsipër të bëni

procesin zgjedhor dhe studentët të monitorojnë. Pra, e vetmja pikë që ne të gjithë deputetët e

kemi me shqetësim është ndërhyrja në rregullore, që ju të ndërhyni në procesin zgjedhor, duke e

kontrolluar atë.

Për sa u përket kamerave, ne në çdo qendër zgjedhore po vëmë kamera, që të jenë sa më

transparente, po kërkojmë të bëhet votimi elektronik dhe të numërohen elektronikisht, që të jetë

transparente. Ajo që këshilluam edhe ne studentët ishte: hapni garën! Nuk keni pse të keni frikë

nga dikush që konkurron, që kandidon, meqenëse ju e përmendët. Unë kam një pyetje dhe nuk

do ta zgjas më shumë: ju thatë se senati 4 orë trajtoi këtë çështje dhe përfundoi me ndryshimin

e rregullores 3 ditë para zgjedhjeve. Gjithkush e paragjykon dhe mos mendoni se po ndërhyjnë

profesorët, se duan të përdorin këshillin studentor nesër, pasnesër. Është i paragjykuar që në

momentin që ju ndërhyni. Duke e tejkaluar këtë, 4 orë që ju diskutuat, a kishit ndonjë mënyrë

tjetër që u diskutua apo ndonjë formë tjetër, që edhe studentëve t’u lihej autonomia për të zgjedhur

29

veten e tyre? Por duke pasur gjithëpërfshirje, a ishte ndonjë mundësi e tillë që edhe studentët

të ndiheshin se po e zgjidhnin vetë, pa ndërhyrje nga jashtë? Jo të vijë OSBE-ja dhe të na vërë

komisionerët e OSBE-se dhe ne të rrimë!

Arben Gjata - Ju thatë se duhet të hapet gara. Nëse komisioni zgjedhor institucional ka

përjashtuar në mënyrë përfundimtare dy studentë nga gara, kush mund t’i fuste ata në garë? Mund

t’i fusë senati akademik? Senati akademik e ka përjashtuar veten fare në rregullore. E ka lënë të

gjithë historinë te komisionet institucionale të studentëve. Nëse merr një vendim komisioni i

apelimit, në vend që të marrë ankesën time, që më ka përjashtuar nga gara, merr në shqyrtim

vendimin e komisionit që më ka përjashtuar nga gara. Atëherë, ka thyer rregulloren. Interpretimin

e kësaj rregulloreje e ka komisioni institucional zgjedhor i universitetit që ne e kemi vënë. Pra,

nuk kishte asnjë mënyrë. Mënyra e vetme ishte që të bllokonim të gjithë procesin zgjedhor, të

rishikonim edhe një herë rregulloren dhe t’i bënim zgjedhjet pas 2 muajsh. Kjo do të ishte njëra

rrugë, por ndërkohë, zonja kryetare, më dëgjoni 2 sekonda dhe pastaj do ta kuptoni se nuk e

menaxhojnë pedagogët.


E vetmja ndërhyrje që është bërë, që pas vendimeve të komisionit zgjedhor studentor

mund të kishte të drejtë ankimimi në komisionin e apelimit të universitetit, të cilët mund të

kthenin, mund të mos kthenin apo të gjykonin në mënyrë të pavarur se çfarë do të bëhej më tutje.

Momenti i dytë që është ndryshuar rregullorja ka qenë që komisionet zgjedhore të

fakulteteve të numërojnë votat në prani të komisioneve zgjedhore studentore. Nuk ka ndërhyrë

në asnjë vend tjetër universiteti. Nëse bëhet fjalë për ndërhyrjen e universitetit, është që këto të

rivlerësohen edhe një herë, nëse komisioni institucional dhe komisioni i apelimit të universitetit

do të mendojë se kam të drejtë, këta njerëz që janë përjashtuar të rifuten në garë. Kurse për sa

është shkruar për numërimin e votave, këta po zihen pa filluar ende procesi zgjedhor. E

imagjinoni se çfarë mund të ndodhë kur të numërohen votat? Pra, ky ka qenë shqetësimi. Nuk

mund ta bëj universitetin baltë, të zihen, sepse po u vranë me njëri – tjetrin, kush e mban

përgjegjësinë? Më mbetet mua përgjegjësia ligjore e kësaj historie.


Fidel Ylli - A mund të them diçka? Do të flas shkurtimisht, nuk dua të zgjatem. Kam

lexuar me vëmendje të gjitha materialet që na kanë ardhur, shqetësimet nga studentët. Bëmë mirë

që e zhvilluam këtë seancë dëgjimore sot me grupet e interesit, me studentët, dekanët, rektorin,

30

me të gjithë personat e interesuar për këtë shqetësim të ngritur. Mendoj se ne, si komision,

kemi të drejtë që në mënyrë të menjëhershme, qoftë edhe në seancë plenare, të bëjmë

amendamente për ndryshime në Rregullore të neneve të projektligjit e të tjera. Si nuk paska të

drejtë senati që në një situatë të krijuar, qoftë dhe 2-3 ditë para zgjedhjeve, të ndërhyjë dhe të

ndryshojë rregulloren? Unë mendoj se është e drejta e tyre. Nuk jam dakord me një gjë që tha një

nga anëtarët: “ Problemi është se edhe mund të mos vinim këtu”. E keni gabim. Ju mund të mos

vini, nuk ju detyron njeri me zor të vini në komision, por duhet të dini se ky komision dhe ky

parlament jua ka dhënë atë të drejtë që ju keni sot pavarësi, që shteti dhe ministria të mos

ndërhyjnë në të drejtat që keni si senat, që të merrni vendimet tuaja, të keni rregulloret tuaja dhe

kur vjen problem, shpeshherë ju përplaseni te shteti për tarifat; për ndërhyrjet që shteti bën për

universitetet private, këtu përsëri përplaseni. Mendoj se ky komision është shumë i përgjegjshëm,

të jeni të sigurtë, nuk është fare i politizuar, jemi të gjithë të ndjeshëm se si të zgjidhet ky problem,

të mos agravohet situata, është e drejta juaj.

Më pëlqeu, të jem realist, shpjegimi shterues që i bëri rektori të gjithë situatës se si ka

ardhur problematika. Nëse ka problematika të tilla, mendoj se është e drejta e senatit të vendosë

edhe për ato ndryshimet e rregulloreve; të mos arrihet deri atje sa të vijë policia dhe të ndërhyjë

në institucion pa kërkesë nga rektori. Kjo është situatë shqetësuese, që të mos bëhemi gazi i botës,

sepse tek arsimi jemi të gjithë të ndjeshëm. Mendoj se kjo situatë duhet të zgjidhet. Sa herë të

ketë probleme të arsimit, jeni të mirëpritur, pavarësisht se ne nuk kemi tagrin të ndërhyjmë dhe

të vendosim, por të jeni të sigurt se deputetët e përgjegjshëm të këtij komisioni do t’ju ndihmojnë

që kjo situatë të zgjidhet sa më parë dhe me pak kosto. Edhe studentët që janë me 10-ta të mos

përjashtohen nga sistemi që duhet të konkurrojnë dhe të garojnë atje.

Faleminderit!

Luçiano Boçi - Meqenëse u hap çështja e debatit të vendimeve të senatit, edhe një herë

sot po e bëjmë debatin jo thjesht se janë futur institucionet zgjedhore të qeverisë akademike në

qeverinë studentore, se në qoftë se këto do të ishin të përcaktuara në rregulloren e vitit 2016,

ky debat nuk do të ekzistonte.


Një minutë, ta sqaroj deri në fund. Ku është defekti? Çështja është se duhet të gjejmë

defektin. Nuk ndërhyhet në procesin zgjedhor. Kjo është ajo që po kërkoj unë. Nuk jam kundër

31

që ju, pas këtij procesi zgjedhor, pasi të evidentoni të gjitha defektet, të ndërhyni në forma të tjera.

Çdo ndërhyrje në procesin zgjedhor e konteston atë.

Profesor, edhe një herë, është shumë e thjeshtë, unë e dhashë një zgjidhje, shumë më

komode, që duhet të reflektohet në rregullore, po deshët ta merrni në konsideratë, e thamë, ne jemi

sugjerues. Pedagogët dhe senati duhet të kenë përfaqësuesit e tyre në të gjitha komisionet

studentore, gjë që nuk është bërë në rregulloren e vitit 2016. Këtu ka lindur i gjithë defekti i

konfliktit, i përjashtimit. Pra, nëse do të kishte një përfaqësues të senatit, të pedagogëve brenda

trupës së komisioneve, sot nuk do të ishim në këtë situatë dhe nuk do të ishte kjo seancë dëgjimore.


Profesor, t’i lëmë këto supozime, sepse pas kësaj, studentët do të thonë se pedagogët

emëruan këshillin studentor. Supozim, pra. Siç thatë ju supozimin tuaj, unë po them timin.

Të mos futemi në botën e supozimeve, sepse rregulloret janë masa ligjore! Shqetësimi

im është ky: nuk ndërhyhet brenda procesit, ju vendosni se rregulloren e miratojnë edhe studentët,

me miratimin e studentëve, se kanë përfaqësuesit e tyre në senat, që ju të fusni institucione

suplementare siç është KIZ-i dhe komisioni i apelimit...


Ju lutem! Është e parashikuar, por jo brenda procesit zgjedhor.

Më kuptoni! Ka filluar procesi, nisi starti. KQZ-ja nuk bën asnjë ndryshim ligjor, sa nis

procesi zgjedhor. Të gjitha gjërat bëhen përpara ose pas.

E di shumë mirë, interpretohet për rregulloren që është, jo të vendosen rregulla të reja.

Mos e bëni gabim, sepse e di interpretimin ligjor. Interpretohet rregullorja, por jo në procesin

zgjedhor. Më vonë. Është shumë e thjeshtë: jo gjatë procesit zgjedhor.


Luan Baçi - Nuk ndryshohen rregullat e lojës në mes të lojës. Këtu është i gjithë kuptimi.

Nuk ndryshohen rregullat e lojës kur loja ka filluar. Të mbarojë loja, pastaj të ndryshohen

rregullat. Kjo është ajo që duam të themi.

Milva Ekonomi - A mund ta marr edhe unë një herë fjalën?

Dua t’ju falënderoj që erdhët, sepse edhe ne kishim një shqetësim nga kërkesa që na

bënë studentët!

32

Ju falënderoj që ndatë kohën me neve për këtë çështje, që mendojmë se është e

rëndësishme, se edhe ligji “ Për arsimin e lartë” është një ligj i ri që po fillon të implementohet

dhe ka nevojë për kohën dhe ecurinë e tij gjatë implementimit.

Nga ana tjetër, dua t’ju falënderoj shumë edhe për përpjekjet që bëtë për akreditimin, sepse

mendoj se jeni një nga ato institucione model që edhe procesi i zgjedhjeve studentore ju jep pak

më shumë peshë, ngaqë keni qenë model edhe në akreditim.

Gjëja tjetër që dua të ndaj me ju është se para jush ne kishim thirrur studentët dhe dëgjuam

ata. Në fakt, unë personalisht nga dëgjimi i tyre kuptova se keni studentë të mirë, të angazhuar

për të bërë një proces demokratik, por janë aq shumë të përfshirë emocionalisht, sa nuk e ndajnë

dot procesin nga vetja. Duket sikur procesi dhe vetja e tyre janë një. Janë shumë të përfshirë te

kjo gjë, që kanë filluar të hartojnë.

Një nga sugjerimet që na erdhi kur po dëgjonim studentët, ishte se për ata gjithpërfshirja

ishte e rëndësishme dhe ne kuptuam se edhe për ju gjithpërfshirja është një element shumë i

rëndësishëm, por ndërkohë rregulli që keni vendosur në rregulloren tuaj, e cila duhet të themi se

është një rregullore shumë e mirë, e hartuar me profesionalizëm, ju jep pamundësi për të hapur

procesin e gjithëpërfshirjes. Kuptuam se edhe në rregulloren që e keni bërë ju, e keni hartuar

mbi bazën e ligjit “Për arsimin e lartë”, neni 99, e keni zbatuar plotësisht këtë nen.

Nga ana tjetër, ajo që ne kuptojmë është se veprimtaria e përditshme që ju zhvilloni lidhet

me mbikëqyrjen e studentëve. Në këtë të fundit keni nevojë të mbikëqyrni të gjithë procesin

zgjedhor, thënë se jeni një institucion i akredituar mire, që po menaxhoni edhe procesin e

zgjedhjeve studentore. Besoj se i gjithë ky emocion studentor, që nuk e ndajnë dot procesin nga

vetja, ju ka detyruar të merrni përsipër një mbikëqyrje të procesit. Ligji ju jep të gjithë mundësinë

që keni për të bërë një rregullore dhe për ta ndryshuar atë.

Unë nuk e gjykoj si kolegët e mi, se ju po ndryshoni në mes të procesit zgjedhor. Unë

gjykoj se keni pasur një histori të deritanishme, po emocioni studentor ishte më i lartë sesa një

kuotë normale dhe keni marrë përsipër të mbikëqyrni këtë emocion. Unë gjykoj kështu: për

mendimin tim ju duhet të vazhdoni te procesi zgjedhor i nisur dhe duhet t’u jepni një mësim edhe

studentëve të tjerë, jo vetëm atyre të mjekësisë, që kur vendosen disa rregulla, ku studentët janë

pjesë e rregullave që nga fillimi, duhet t’i zbatojnë gjithmonë këto rregulla. Kjo është shumë e

rëndësishme për brezin që po rrisim, në fakt, të kuptojnë se funksionojnë rregullat. Më të rriturit

kanë të drejtë t’i mbikëqyrin, sepse detyra juaj është edhe detyra e mentorit. Besoj se ky është

33

qëllimi i gjithë procesit që po bëni. Për mua kjo dëgjesë ishte shumë e mirë, sepse më bëri të

realizoj pikërisht këtë gjë që po ju them sot.

Faleminderit për kohën që harxhuat!

Edvin Priftja – Mirëdita!

Jam anëtar i senatit të Universitetit të Mjekësisë.

Ju falënderoj për ftesën për të marrë pjesë në këtë mbledhje maratonë! Nga i gjithë

diskutimi i deritanishëm, kam përshtypjen se po bëni një trajektore pak të spostuar nga fakti që

ne përpara se sa të jemi mësues, jemi edukatorë dhe si edukatorë, objektivat dhe targetet tona

janë komplet të tjera, sigurisht duke dhënë autonominë, lirinë në kufijtë brenda normës që na

lejon ligji.

Këtë shqetësim nuk e kanë sjellë studentët, ky shqetësim është ngritur nga ne. Më vjen

mirë dhe më vjen keq që mund të jem promotori i kësaj çështjeje, pasi 8 ditë përpara mbledhje së

gjatë të senatit, në datën 8 mars, pas shumë informacioneve që kishim, unë u bëra një letër të

hapur të gjithë anëtarëve të senatit për problematikat që po shfaqeshin në këtë proces zgjedhor,

aq sa kam përdorur fjalët: “të pafalshme”, “të turpshme” e të tjera, pasi u vumë në dijeni të disa

fenomeneve, të cilat nuk përfaqësonin aspak këtë fakultet, i cili prodhon falangat e mjekëve

universitarë dhe spitalorë jo vetëm për Shqipërinë, por tashmë edhe për Europën Qendrore. Mendoj

se kjo do të ishte një nga ato pjesët e aspektit edukator që kemi, por, nga ana tjetër, ne kërkuam

një mbledhje, në mënyrë që të dëgjonin se çfarë po ndodhte. Në të vërtetë në këtë mbledhje të

senatit u informuam për fenomene, sikurse ishin përgjime të paligjshme. Ju nuk po na thoni

absolutisht që t’i anatemoni këto gjëra. Si mundet të lejojmë në një institucion të arsimit të lartë,

studentë, pedagogë apo kushdo qoftë tjetër, të bëjnë përgjime të paligjshme të funksionarëve të

këtij institucion, pa u penalizuar? Apo kur anëtarë të KIZ-it apo të kandidatëve përjashtohen, duke

përdorur dy standarde për të njëjtën çështje apo ajo, sikurse e tha edhe i nderuari zoti Boçi, që

kërkohen dokumentacione, kur sekretaria aty është dhe nuk ka nevojë fare për dokumentacionin

shtesë, apo kur policia interferon, thirret nga studenti x apo y dhe të gjitha këto gjëra u evidentuan

në këtë mbledhje. Ndoshta unë isha zëri më radikal nga senatorët. Unë kam qenë kundër

vendimmarrjes që ka marrë senati për ndryshimin e rregullores. Kam qenë për anulimin total të

zgjedhjeve të cilat, për mendimin tim, tashmë janë të kontaminuara. Unë mendoj se kushdo të dalë

nga këta zgjedhje, nuk mund të jetë i pavarur, sepse nga zgjedhje të kontaminuara vetëm varësi

prodhohet, dakord? Pra, mendova të bëhej një reflektim, një anulim i procesit, të ngrihej një

34

komision kontrolli, i cili të evidentonte ata që kishin bërë këto shkelje dhe të penalizoheshin ata

studentë deri me largime nga shkolla, sepse është e pakuptueshme që ne tani jetojmë në një klimë

që bëjmë këtë apo bëjmë edhe atë, dhe të gjithë jemi mirë, kurse në fund, kur të bëhen zgjedhjet,

pas 2 vjetësh, shokët tanë të bëjnë të njëjtat gjëra. Për mendimin tim kjo është e panegociueshme.

Megjithatë, mendoj se ky është një qëndrim shumë radikal dhe kishte ardhur koha që të merrej një

qëndrim i tillë, pavarësisht se unë isha në minorancë. Besoj se edhe kërkesa, edhe analiza e bërë

nga juristët për ndryshimin e rregullores duhet të jenë ligjore dhe të menduara mirë.

Unë mendoj se, edhe ju duhet ta dini, duke qenë se keni shprehur interesimin tuaj për këtë

mbledhje, së bashku me ne, fakt është se i qëndruam që në fillim autonomisë së plotë 100% të

studentëve. Pa dyshim, në rregulloren tonë evidentohet fakti që senati apo bordi i administrimit në

momentin kur shikojnë kriza, duhet të ndërhyjnë me zë të fuqishëm dhe me vendime të fuqishme,

pavarësisht se dikujt mund t’i pëlqejë apo të mos i pëlqejë kjo gjë. Ne nuk mund ta lemë

institucionin të shkojë në shina të gabuara. Sigurisht, kjo është një shinë e gabuar, kur ne shikojmë

grupe studentësh që zihen edhe fizikisht, kur në rrjetet sociale shfaqen me një fjalor shumë të ulët,

që ne nuk mund ta pranojmë. Në fund të fundit, ky është roli ynë, rol edukator. Si mund t’i lejojmë

ne këto procese?! Ne pretendojmë dhe mendojmë se duhet patjetër të na mbështesni në këtë gjë.

Ne nuk mund ta lejojmë një student që t’i bëjë një përgjim të paligjshëm një pedagogu, se pastaj

ka përfunduar gjithçka.

Albana Vokshi – Përgjime na bëjnë edhe ne deputetëve.

Edvin Prifti – Absolutisht, është gabim. Ne nuk po flasim për deputetët, por po flasim për

veten. Kur të keni nevojë ju për këtë, na thërrisni dhe ne do të mundohemi t’ju mbështesim. Ne

kemi një proces...

Albana Vokshi – Nuk është përgjimi problematika më e madhe.

Edvin Prifti – Është një nga problematikat, përderisa është i paligjshëm.

Albana Vokshin - Ne i trajtuam këto problematika me studentët para se të vinit ju. Pra, i

trajtuam problematikat dhe i morëm me radhë të gjitha kandidaturat që janë përjashtuar, edhe për

policinë, kurse me ju kishim merakun e pjesës ligjore. Rregullorja është ligj dhe ligji zbatohet.

Edvin Prifti – Nëse ky modifikim i rregullores është ligjor apo nuk është ligjor, kjo është

një çështje tjetër, por përgjigjja duhet të jetë pa asnjë lloj ekuivoku, sigurisht brenda ligjit. Ne nuk

mund të lejojmë që procesi i zgjedhjes së këshillit studentor të kontaminohet, ashtu siç është

kontaminuar, dhe të ketë probleme. Ne duam që ai që zgjidhet, të jetë një figurë e pastër, një figurë

35

e pakontestuar dhe një figurë e cila do të rrethohet nga studentët e tjerë për të promovuar interesat

e studentëve. Ata që do të bëhen pjesë e këshillit studentor duhet të jenë njerëz të cilët duhet të

përfaqësojnë interesat e studentëve të brezit të tyre. Kaq e thjeshtë është. Kështu që ne kemi nevojë

për mbështetjen tuaj në këtë gjë.

Valentina Duka - Të nderuar pedagogë, unë kam vetëm 5 muaj që kam ikur nga bota juaj

akademike, kështu që jam më shumë afër jush sesa afër këtij ambienti. Unë bashkohem me

shqetësimin tuaj, ashtu sikundër bashkohem edhe me shqetësimin e studentëve. Ne jemi kaq të rinj

dhe kaq të mirë, sepse punojmë me studentët dhe të punosh me studentët është sa kënaqësi, aq

edhe e vështirë. Studentët janë në moshën e kërkesave të tyre, të fluturimeve të tyre dhe më vjen

mirë që studentët janë edhe pak arrivistë, sepse, në fund të fundit, e fillojnë jetën e tyre të

organizimit që në universitet. Kështu kemi qenë edhe ne, kemi qenë pjesë e strukturave studentore,

kemi luftuar dhe kemi lobuar për të qenë pjesë e tyre.

Unë bashkohem edhe me shqetësimin tuaj, sepse edhe vetë kemi pasur shumë shqetësime

gjatë kohës që bëheshin zgjedhjet studentore. Zgjedhjet studentore kanë pasur vështirësi edhe me

ligjin e ri, por edhe me ligjin e vjetër. Në fakultetet tona janë bërë zgjedhje, por para disa vjetësh

nuk ka pasur kaq shumë angazhim ose studentët e mjekësisë ndoshta janë gjithmonë më të

angazhuar për të qenë pjesë e strukturave drejtuese të studentëve.

Unë bashkohem me shqetësimin e rektorit dhe të gjithë senatit, që zgjedhjet në universitetin

tuaj, siç e menduat edhe ju, të jenë të drejta, transparente dhe që vetë studentët të zgjedhin studentët

më të mirë për t’i drejtuar. Kjo varet nga ata se kë do të zgjedhin, por varet edhe nga dëshira e

studentëve që do të zgjidhen për të qenë pjesë apo jo e këtyre strukturave.

Mbledhja e ditës së premte, unë bashkohem me shqetësimin tuaj, sepse unë do të kisha

votuar si ju, është bërë me dëshirën e mirë që këto zgjedhje të ishin të pakontestueshme dhe të

drejta. Mirëpo kjo nuk është kuptuar kështu nga një pjesë e studentëve, që do të jenë objekti dhe

subjekti i këtyre zgjedhjeve. Fakti që ne u shqetësuam, lamë ligjin “Për trashëgiminë kulturore”

për të qenë pjesë e kësaj dëgjese, tregon se një pjesë jona e kanë këtë shqetësim. Shqetësimi ynë

është: a do të qetësohet situata nesër në universitet apo përsëri do të jetë e acaruar?

Vendimi që ju keni marrë në senat ditën premte ishte një vendim unanim dhe ne e

respektojmë, sepse e keni marrë ju dhe nuk ka lidhje me ne. Shqetësimi që ne u mblodhëm sot, pas

atij vendimi, edhe unë e kam këtë shqetësim, është nëse do të qetësohet situata në grupin e

36

studentëve apo jo? Kjo do të shikohet pas zgjedhjeve të ditës së nesërme, nëse keni të drejtë ju me

vendimin që morët apo kemi të drejtë ne që mendojmë se nuk duhej prekur procesi ditën e premte.

Unë u uroj vetëm suksese studentëve! Studentët do të zgjedhin studentët më të mirë dhe

duhet të bashkëpunojnë me pedagogët. Në fund të fundit, ne jemi pedagogë se janë studentët, por

edhe studentët duhet të na respektojnë, sepse ne luftojmë që t’u japim njohuritë tona atyre për t’u

bërë nesër mjekë shumë të mirë.

Faleminderit!

Albana Vokshi – Po, zonja Nora.

Nora Malaj - Të nderuar kolegë,

Unë do të doja shumë që të takoheshim në situata të tjera, por shqetësimi i përbashkët është

përtej vendimmarrjes. Sot ne zhvilluam një dialog të gjatë, duke dëgjuar të gjitha palët, si dhe duke

mirëkuptuar të gjithë situatën midis studentëve dhe trupës së pedagogëve.

Sigurisht, kur flasim për një proces zgjedhor, duhet të kemi parasysh se gjithmonë në

proceset zgjedhore ka edhe ngarkesë, ka edhe protagonizëm, por ka edhe njohje apo mosnjohje të

bazës ligjore. Mendoj se sqarimi që na bënë studentët, sqarimi që na bëri rektori i nderuar, si dhe

e gjitha trupa e senatit lidhet me mënyrën se si mund të menaxhohet më mirë ky proces, meqenëse

është procesi që nis siparin për të gjitha zgjedhjet në universitete.

Kjo është arsyeja që ne jemi të gjithë këtu, për një shqetësim të madh, që zbatimi i ligjit të

bëhet sa më mirë dhe e drejta e autonomisë të mos preket për të gjitha segmentet, edhe për

segmentin e pedagogëve, edhe për segmentin e studentëve. Ligji i jep të drejtën dhe kompetencën

rektoratit, si pjesë ligjvënëse juridike, në detyrimin dhe përgjegjshmërinë që ka për zbatimin e

ligjit, por i jep të drejtën edhe studentëve për t’u zgjedhur dhe për t’u dëgjuar në zgjedhjen e tyre.

Kjo na çoi neve në këtë dialogim të përbashkët.

Personalisht, ashtu si të gjithë kolegët, jam këtu jo për të dhënë zgjidhje, sepse kjo është

përtej kompetencës sime, por për të mbështetur çdo hap institucional në shërbim të autonomisë,

në zgjidhje të problemit dhe në zgjedhjen e më të mirëve. Sigurisht, vendimmarrja juaj ka qenë e

menaxhuar sipas situatave. Personalisht do të doja që edhe ligjërimi midis studentëve të mos

shkonte në nivelin e situatës banale, aq më tepër kur flasim për studentët e mjekësisë, që në fund

betohen para Hipokratit dhe duhet ta kenë të shenjtë misionin e tyre, se nuk është më profesion,

është mision; edhe për shkallën e vlerësimit që i është bërë Universitetit të Mjekësisë, që është një

nga universitet që mori atë vlerësim që tha zoti Boçi; edhe për faktin e profesoratit shumë të

37

nderuar, si dhe realisht për krizën e madhe që po kalojmë në emër të mjekëve sot, sepse një pjesë

e madhe e problematikave lidhen me mjekësinë dhe me situatën e nevojës së qytetarëve. Ndaj,

në cilësinë e përgjegjshmërisë qytetare, sot u mblodhëm të gjithë këtu për ta parë si modelin e parë,

që të nisë sa më mirë. Personalisht dua t’ju uroj suksese dhe nuk e di se si do ta menaxhoni, por

jam e bindur që do ta menaxhoni mirë.

Unë jam, mbi të gjitha, palë më atë që quhet “besim ligjor”, që do të thotë: nëse do të ketë

transparencë të plotë dhe, pse jo, do të ketë edhe një hapje për kandidaturat, që janë shumë të mira,

nuk ka pse të mos bëhet dhe nuk ka pse të mos marrim rezultatin e mirë. Gjithsesi, na kuptoni, ne

jemi këtu në interes të të gjitha palëve, për të bërë zgjidhjen sa më të mirë dhe për t’i dhënë

mundësinë gjithsecilit që të ndihet i barabartë në respektim të së drejtës, por edhe në vlerësim të

kontributit të stafit pedagogjik dhe të studentëve.

Albana Vokshi – Atëherë, nuk besoj se ka të tjerë që duan të flasin.

Ju falënderoj që erdhët dhe na sqaruat lidhur me shqetësimet e studentëve!

Unë e organizova këtë mbledhje me shpresën e madhe që në fund të kishim një zgjidhje

të pranueshme nga të gjitha palët, në mënyrë që në fund procesi të mos ketë kontestime. Me shumë

gjasë gjërat nuk po ndryshojnë. Meqenëse procesi ka nisur i kontestuar, edhe ndryshimet në

rregullore nuk i zgjidhin problematikat që ju na parashtruat. Ato ndryshime mendoj se mund të

zgjidhin vetëm pjesën e numërimit, që sikurse ju e...


Po i fusni kandidatët në lojë me këto ndryshime?!


Ata janë futur, sepse ne e diskutuam edhe më parë këtë gjë.

Anyla Bulo – T’I themi gjërat siç janë: me ndërhyrjen e Komisionit të Apelimit të

Universitetit, u fut studentja me të gjitha dhjeta.

Albana Vokshi – Shumë mirë! Me ndërhyrjen e Komisionit të Apelimit të Universitetit.

Gjithsesi, unë i bashkohem shqetësimit që ngriti zoti Boçi.

Ju e dini shumë mirë se si zhvillohen zgjedhjet në Shqipëri dhe kjo është e njëjta gjë, është

në miniaturë, por, pak a shumë, është e njëjta procedurë, sepse zgjidhet qeverisja studentore. Kjo

është njëlloj si në zgjedhjet parlamentare, që 45 ditë para se të fillojë fushata zgjedhore, KQZ-ja

nuk ndërhyn dot në procesin zgjedhor, vetëm e menaxhon si proces, duke e monitoruar nga jashtë,

por nuk i ndryshon rregullat e lojës vetëm 3 ditë para zgjedhjeve. Ju këtë e dini shumë mirë.

38

Shqetësimi im dhe i një pjese të kolegeve të mi është se studentët nuk mund të bëjnë siç duan vetë

dhe ta monopolizojnë procesin që, me sa duket, në njëfarë mënyre, ishte i monopolizuar. Ndërhyrja

juaj nga jashtë mund t’i vërë gjërat në shinë dhe të kënaqet pjesa tjetër...

Arben Gjata - Unë dua që të kënaqen të gjitha palët.

Albana Vokshi – Atë duam edhe ne, por jo duke ndryshuar rregullat e lojës 2 apo 3 ditë

para. Frika jonë është që përsëri procesi do të jetë i kontestuar. Kjo është frika, sepse nuk ka pse

të jetë i kontestuar. Nëse dalim në një zgjidhje, që të gjitha palët të bien dakord, se kjo është

transparenca dhe ky është rregulli, hajdeni ta zbatojmë të gjithë.

Ne shpresonim shumë që modeli juaj të ishte absolutisht më i miri dhe rregullorja juaj është

model.

Arben Gjata – Problemi është pse nuk e zbatojnë.

Albana Vokshi – Rregullorja juaj e parë ishte për t’u përshëndetur. Absolutisht, ashtu

sikurse ju thoni: “pse na thirrët, sepse ne kemi autonomi”, edhe studentët mund të thonë: “pse

ndërhyni, se edhe ne kemi autonomi”. A do t’i lëmë studentët të vendosin apo do t’i fusim në lojë

për të zgjedhur?


Kjo është frika. Mendoni sikur të gjitha universitetet të ndërhynin, senatet të merrnin në

dorë të gjitha zgjedhjet dhe studentët të mos kenë asnjë të drejtë!

Luçiano Boçi – Janë edhe dy përfaqësues nga ministria.

Albana Vokshi - Akoma më keq, nëse ka edhe përfaqësues nga ministria. Gjithsesi, ne

duam të ngremë vetëm shqetësimet që na janë reflektuar. Pra, unë po përcjell këtu shqetësimet që

më janë adresuar. Ne nuk do të ndërhyjmë në proces, por ishim këtu vetëm për t’ju dhënë një

këshillë shumë miqësore dhe me shpresën që në fund të kësaj mbledhjeje, të kishte paqtim dhe

procesi të shkonte sa më mirë, në transparencë të plotë dhe gjithëpërfshirje. Kjo ishte shpresa jonë.

Unë nuk e di se si do të shkojnë gjërat nesër, nëse ka mundësi që të paqtohen gjakrat dhe studentët

ta kuptojnë më mirë përballë jush, përballë nesh dhe para qeverisë se sa të përçarë janë, që kurrë

nuk do të fitojnë ata që duhet të fitojnë në kërë mënyrë. Sigurisht që ky proces nuk bëhet me

ndikim nga jashtë.

Ne urojmë dhe shpresojmë shumë të fitojë më i mirë dhe të dalë nga votat!

Arben Gjata - Dua të bëj edhe një sqarim të vogël, sepse zoti Boçi me të drejtë tha se ka

dy përfaqësues nga Ministria e Arsimit. Në Komisionin e Apelimit, që ka parashikuar senati, nuk

39

përfshihen përfaqësuesit e Ministrisë së Arsimit, por janë vetëm pedagogët e zgjedhur nga senati

akademik i Universitetit të Mjekësisë. Ne nuk i pranojmë këto lloj vendimmarrjesh, nuk i kemi

thirrur fare ...

Luçiano Boçi – Profesor , që nuk i keni thirrur, është gjë tjetër dhe që janë pjesë e

komisionit, është gjë tjetër.

Arben Gjata - Jo, ata nuk janë pjesë e komisionit. Ata janë vetëm për një proces, sepse

kur ka procese institucionale zgjedhore, ministra cakton dy të tjerë. Ata që janë të përhershëm, me

mandat 5-vjeçar, janë zgjedhur nga universiteti. Pra, në këtë rast ky komision nuk ka përfaqësues

nga Ministria e Arsimit, por janë vetëm përfaqësuesit e universitetit.

Albana Vokshi - Po përfaqësuesit e studentëve në senat?

Arben Gjata – Janë këtu përfaqësuesit e studentëve në senat.

Albana Vokshi - Nuk folën fare studentët.


Mos u ngrini, nëse keni ndonjë gjë për të shtuar, sepse këtu kemi grupet e studentëve dhe

shpresoj shumë që nesër të bien dakord.


Klea Zylfi - Unë jam një nga ata që kanë shkruar rregulloren që ju keni përpara, bashkë

me djalin i cili ka bërë ankesën te ju, dhe këtë e kemi miratuar në senat. Unë kam qenë një nga ata

që kam dëgjuar shumë studentë që kanë ardhur tek unë me problematikat e tyre, siç është edhe

rasti i atyre studentëve me dhjeta që janë penalizuar. Të gjitha këto problematika kanë ardhur tek

unë dhe unë i kam parashtruar në senat. Gjithashtu, këto problematika i kanë marrë edhe profesorët.

Siç e thamë, ne kemi diskutuar rreth 4 orë e gjysmë për këtë çështje dhe unë kam qenë relativisht

dakord me këtë zgjidhje që kanë bërë profesorët, sepse votat e mia dikur janë numëruar nga

profesorët në praninë time dhe të studentëve të tjerë vëzhgues.

Unë mendoj se procesi KIZ i studentëve dhe procesi KIZ i universitetit, ku të gjitha palët

janë bashkë, është një procesi i monitoruar. Mendoj se ky është një proces shumë i drejtë për të

gjitha palët dhe transparent. Të njëjtin mendim me mua ndan edhe anëtari tjetër i senatit, me të

cilin kemi çuar e-mail-e të përbashkëta në senat për ankesat e studentëve. Ne, anëtarët e senatit,

kemi parë parregullsira në KIZ-in dhe në kastin e studentëve.

Albana Vokshi – Ju djemtë aty, a keni diçka të fundit?

Klea Zylfi - A mund të them diçka të fundit?

40

Albana Vokshi – Po.

Klea Zylfi - Unë do të doja shumë që edhe studentët që kanë ardhur këtu, edhe djali që ju

ka dërguar kërkesën, të kishin ardhur edhe tek unë.

Albana Vokshi – Nuk ka rëndësi se kush e ka dërguar kërkesën, sepse ishin grup

studentësh.

Klea Zylfi - Nuk ka rëndësi, edhe grup studentësh po të ishin, të gjithë ata duhet të vinin

tek unë dhe të kërkonin mendim, t’i diskutonim këto gjëra, t’i merrnim edhe studentët e tjerë.

Albana Vokshi - Çfarë po thua, ata i ka marrë rektori!

Klea Zylfi - Unë po flas për ne, si studentë, nuk po e diskutoj profesorin.

Unë po them që ne, si student, nuk e kemi bërë këtë gjë.

Albana Vokshi – Faleminderit shumë dhe shpresojmë që gjërat të shkojnë për mirë!

MBYLLET MBLEDHJA

edukimin dhe mjetet e informimit publik · patjetër t’i jepet e drejta për të kandiduar. kjo...

Documents