EPEKTO NG PAGTANGKILIK SA LIKHANG LIBANGAN NG IBANG BANSA SA ATING PAGIGING MAKABAYAN

INIHAHANDOG NG: GRUPONG MAKABAYAN (BSECE 1-1)

FILIPINO 1023 PROPESOR WILBERT LAMARCA JANUARY 30, 2010

I. Pagpapakilala sa pangkat

Ang mga mananaliksik na gumawa nito ay nanggaling sa Politeknikong Unibersidad ng Pilipinas na may kursong Bachelor of Science in Electronics and Communications Engineering. Sila ay nabibilang sa Unang Taon Pangkat Isa. Silay tinawag na grupong Makabayan. Grupong may masidhing pagmamahal para sa Inang Bayan. Ang mga miyembro ng grupong ito ay sina John Paolo Paler, Precious Ann Mariz Susano, Valerie Zenn Magbanua, Philipp Michael Penoliar, Ma. Prejina Pacuan, Karla Christina Pilapil, Yahweh Daisog, Renz Aaron Lupig, Jonalie Federico, Diana Valenzuela, Greselino Cacho at Isabel Ojeda. Si John Paolo Paler ang nagsilbing lider ng grupo.

II. Paghahandog

Ang pagsasaliksik na ito ay inaalay ng mga mananaliksik sa mga sumusunod: Sa mga taong masyadong nahuhumaling sa mga banyagang entertainment. Halimbawa na ang K-Pop, J-Pop; Sa bawat magulang ng mga miyembro ng pangkat na nabibilang sa grupong ito;

Kay Prof. Wilbert Lamarca, propesor sa Pagbasa at Pagsulat tungo sa Pananaliksik

Kay Engr. Marianito Gallego, Department of Electronics and Communications Engineering;

Kay Engr. Muhi, Dean ng College of Engineering; At sa Poong Lumikha.

III. Pasasalamat

Ang mga mananaliksik ay taos pusong nagpapasalamat sa mga sumusunod:

Sa taong nagbabantay ng silid-aklatan ng Kagawaran ng Filipino, para sa pagpayag sa mga mananaliksik na magamit ang siid-aklatan; Kay Prof. Wilbert Lamarca, para sa pagbibigay sa mga mananaliksik ng sapat na kaalaman tungkol sa napiling paksa ng mga mananaliksik; Sa mga magulang ng bawat miyembro ng pangkat para sa pagbibigay sa kanila ng pampinansiyal na suporta at pang-social na suporta; Sa mga kaibigan nila na walang sawang sumuporta upang matapos ang pananaliksik na ito; At siyempre sa Poong Lumikha para sa pagbibigay Niya sa mga mananaliksik ng sapat na lakas, kaalaman at talino upang ang proyektong ito ay agad na matapos sa takdang oras na ibinigay.

IV. Kabanata I: Ang Suliranin at Kaligirang Kasaysayan

A. Panimula

Nagkalat na sa telebisyong pilipino ang mga palabas na gawa sa ibang bansa, kabilang na ang mga koreanovela, jdorama at mga ingles na "series".

Kadalasan na naaapektuhan ng mga nasabing palabas ay ang mga kabataan. Isang tanong, nawawala nga ba ang ating pagkamakabayan dahil sa mga ito, tunay nga bang nalimot na natin amang sariling-atin.

Karamihan sa atin ay hindi maiwasang tumambay sa harapan ng kanilang mga telebisyon para lamang manuod ng ganitong uri ng mga palabas, para bang hindi makukumpleto ang araw nila kapag hindi sila nakapanood nito at tila bang isa na rin itong paraan ng pakikipag-kapwa dahil kung ang iyong kaibigan ay nanonood din ng parehong palabas, malamang ay mas magkasundo pa kayo at makabuo ng isang masayang pakikipagtalastasan.

At tila dahil sa sobrang pagkahilig natin sa mga palabas na ito, hindi maiiwasang naisasantabi natin ang mga gawang lokal, mapasatelebisyon man ito o sa pinilakang-tabing. At dahil nga dito, tuluyan ng nawawala ang ating pagka-makabayan.

Hindi maiiwasan na habang tumatagal ay tumatangkilik tayo ng mga bagay na nakikita lamang natin sa ibang tao, tulad na nga nito. Tulad ng palabas na "Boys Over Flowers" na tinilian ng halos lahat ng kadalagahan sa bansa. Makikita natin ang pagkahumaling nila sa mga dayuhang artista na tila ba ay itinuturing nilang buhay nila, o nawiwika nilang makita lamang nila sa totoong buhay ay maaari na silang mamatay. Hindi lamang sa mga palabas ngunit kabilang na rin ang mga babasahin, ang mga magasin, mga nobela, kahit sa usapang showbiz mas binibigyang katuturan ng mga pilipino ang sa ibang bansa, para bang nasasabing "in" sila kapag maalam sila ukol sa mga bagay-bagay sa labas ng Pilipinas.

Kabilang na rin sa mga banyagang kaisipang pumupukaw sa atensyon ng sambayanang Pilipino ay ang pagtangkilik natin sa mga

kagamitang pang-teknolohiya mula sa ibang bansa, ito yung mga sinasabi nating nagpapadali sa ating buhay, at ayon sa mga nakatatanda ay siyang ginagawang tamad ang ating mga kababayan.

Bilang isang mag-aaral at naituturing na Iskolar ng Bayan, ikaw ba ay pabor sa pagtangkilik sa mga gawang banyaga? tuluyan na nga bang nawawala at naaapektuhan ang pagiging pilipino natin dahil dito? marahil ay napapaisip kayo, ngunit ano nga ba ang epekto nito sa atin bilang isang bansa na nabibilang sa "Third World Country?"

B. Kaligirang Kasaysayan

Noon pa man, malaki na ang impluwensiya ng ibang bansa sa uri ng libanagan ng mga Filipino. Mula ng unang mangalakal ang Pilipinas sa Tsina, masakop ng ibat ibang lahi, hanggang sa maging malayang bansa patuloy na tinatangkilik ng mga Filipino ang gawang enterteynment ng ibang lahi. Ngayon sa makabagong panahon, patunay dito ang mga Asianovela, musika (mapa Ingles, Tsino, Hapon), at uri ng ating pamumuhay.

Sa larangan ng palabas at pelikula, marami sa mga kabataan maging sa ano mang edad ay sumusubaybay sa Asianovela. Ang Asianovela ay halaw sa salitang Asia o Asian at Novela mula sa salitang Telanovela. Ang salitang ito ay nabuo upang maipakita ang pagkakaiba ng mga normal na telanobela sa mga gawang Asyang palabas. Nagsimula ang pagtangkilik ng mga Filipino dito mula ng ipalabas ng ABS-CBN noong 2002 ang Meteor Garden. Simula noon ay nalipat na ang attensyon ng mga Filipino sa panonood ng mga Asianovela mula sa pagsubaybay sa mga drama sa telebisyon na mula sa Mehiko. Sinundan ito ng GMA-7 na nagpalabas ng iba pang

Asianovela na Bright Girl, Endless Love: Autumn in my Heart, at Stairway to Heaven. (http://en.wikipilipinas.org/index.php?title=Asianovela)

Karagdagang Impormasyon: *Unang Asianovela - Amazing Twins (Taiwan) (Hulyo 2002 sa IBC13) *Unang Chinovela - Meteor Garden (Taiwan) (Mayo 5, 2003 sa ABS-CBN) *Unang Koreanovela - Bright Girl (South Korea) (Agosto 2003 sa GMA Network) *Pinakamataas na rating - Meteor Garden (Taiwan) (57.4%) *Pinakasinubaybayan na Chinovela - Meteor Garden (Taiwan) (57.4%) *Pinakasinubaybayan na Koreanovela - Full House (South Korea) (51.0%) *Unang Asianovela Sekwel - Meteor Garden II (Taiwan) (September 2003) *Unang Asianovela Spesyal - Lovers in Paris (isang espesyal na episowd na pagtatapos)

*Pinakamaraming ipinalabas na Asianovela - Autumn in my Heart (apat na beses na ipinalabas) *Pinakamababang reyting na Asianovela - Eternal Love (Taiwan) (5.0%) *Unang Asianovela na pinutol dahil sa baba ng reytings - My Strange Family (South Korea)

Bukod sa Asianovela, pumatok rin ang mga pelikulang gawang ibang bansa at mga Animes.

Sa musika, karaniwan na sa mga radio ang nagpapatugtog ng mga Ingles na awitin na patok-na-patok sa masa lalo na sa mga kabataan. Ang mga Filipino komposer ay karaniwan ng lumilikha ng mga awiting Ingles o di kaya naman ay may halong ibang wika. Ang mga iniidilo na mga mang-aawit ng mga Filipino ay di lamang kapwa Filipino kundi maging ang mga mang-aawit sa ibang bansa. Sumikat rin sa Pilipinas ang mga boy group tulad ng F4, 5566, at Super Junior mula ng ipalabas ang Meteor Garden at sinundan naman ito ng mga girl group tulad ng Pussycat Dolls at 2NE1 na kapway may myembrong kalahating Filipino.

Patuloy na naiimpluwensyhan ng ibang kultura ang uri ng pamumuhay ng mga kabataang Filipino. Mababanaag sa mga disenyo ng pananamit ang hawig nito sa pananamit ng ibang lahi mula sa kanilang mga napanood. Ang mga teknolohikal na libangan at laro ay patuloy rin na tinatangkilik. Habang tumatagal ang panahon, magsasawa rin ang kabataan sa mga Asianovela, mababagot rin sa mga awiting nakasanayan, at makadidiskubre ng bagong uso subalit patuloy pa rin maiimpluwensyahan ng kulturang banyaga.

C. Balangkas Teoretikal

January 27, 2010, Wednesday (Top Ten Songs, Myx Chart) TOD 1 2 3 4 5 6 7 8 9 10 ARTIST Slapshock Sandwich Callalily Adam Lambert Lady Gaga Justin Bieber Super Junior Super Junior-M 2PM Paramore TITLE Cario Brutal Putik Nananaginip For Your Entertainment Bad Romance One Less Lonely Girl Sorry Sorry Answer Blue Tomorrow Heartbeat Brick By Boring Brick

Sa chart na ito ay makikita natin na nasa top 3 ang mga kantang gawa ng Pinoy. Ngunit kung bibilangin natin ang mga kanta na kasama sa top 10, lamang na lamang ang mga kantang banyaga kaysa sa mga kantang Pinoy. Pitong banyagang kanta ang nasa top ten at tatlo lamang ang Pinoy na kanta. Sa chart na ito ay masasabi na natin na lubhang napakama-impluwensya ng mga banyagang

kanta sa mga kabataan at ito ay mas tinatangkilik nila. Ayon sa mga survey, ang mga kantang makabayan ay nauso daw noong 70s at 80s. Siguro ay dahil na din sa rehimeng Marcos at gusto na ng mga tao ng kanta na makakapagpausbong ng nasyonalismo ng bawat isa. Ngunit noong nabalik na sa atin ang demokrasya ay unti-unti ng nawala ang mga makabayang kanta at napangibabawan na ito ng mga banyagang kanta. Ayon sa mga Pilipinong nasa ibang bansa ay kapag sinabi na bandang Pinoy, ang gumawa ng kanta ay lubusang hinahangaan ng mga banyaga, pero pag dating dito ay mas gusto ng mga Pinoy ang mga kantang banyaga.

Sa pagtangkilik natin ng mga kantang banyaga ay di na natin naririnig ang mga sariling kanta natin. Maaring sa paglipas ng panahon ay mababago din ang ating kahihiligang mga kanta at mas tatangkilikin ang sariling atin. Sa pagtangkilik natin sa sariling atin ay mas mapapaunlad pa natin ang ating bansa at mas makikilala pa natin ang mga kantang ito.

D. Balangkas Konseptwal

Sa makabagong panahon ni Juan Dela Cruz ngayon, halos karamihan na sa mga kabataan ay mas tumatangkilik sa mga gawang banyaga lalung-lalo na sa mga libangang likha ng mga ito. Dahil dito, naisipan namin na alamin ang mga epekto o mga bagay na maaring idulot nito sa bawat isa sa atin.

Kung mapapansin natin, simula sa mga cartoons hanggang sa mga Asianovela na ating pinapanood ay may bahid ng kultura at tradisyon ng ibang bansa na maaaring nagkakaroon ng epekto sa atin na hindi natin agad napupuna.

Bilang bahagi ng komunidad nais naming makapagbigay kaalaman sa mga kabataang tulad namin sa pamamagitan ng pagaaral na ito.

E. Dayagram

Surbey: 1) Ano sa tingin mo ang mas patok at mas tinatangkilik: libangan tulad ng mga pelikula at musika mula sa ibang bansa o libangang lokal? 2) Sang-ayon ka ba sa pagpapalabas o pag-eere ng mga palabas, pelikula, musika at iba pang likhang banyaga sa Pilipinas? 3) Nawawala nga ba ang pagiging makabayan ng mga kabataan sa kanilang pagtangkilik sa mga libangang gawang ibang bansa?

Naunang mga pag-aaral: Ayon sa mga tsart at mga naunang pagsusuri mainit ang naging pagtangkilik ng mga Filipino sa libangang banyaga o foreign entertainment. Ayon sa listahan ng isang websayt sa internet, 13 sa 18 na programang at 13 sa 20 na awiting nangun sa ratings ay likhang banyaga. Ang reysho ng mga sang-ayon at di sang-ayon sa pagpapalabas ng banyagang likha ay 78:20.

Resulta ng kasalukuyang surbey: 1)_______________________________________________________ ____________________________________________________ 2)_______________________________________________________ ____________________________________________________ 3)_______________________________________________________ ____________________________________________________

F. Paglalahad ng Suliranin

Sa panahon natin ngayon makikita natin na napakasikat ng mga foreign entereynment sa ating bansa. Sa larangan man ito ng musika, palabas o kaya ay mga nauusong porma. Lubha itong tinatangkilik ng mga kabataan ngayon, ngunit ano nga ba ang mga suliranin sa pagtangkilik dito? Nawawala na nga ba ang pagiging makabayan ng mga kabataan dahil sa pagtangkilik sa foreign enterteynment.

Sa larangan ng kultura at sining lubusang naapektuhan ang mga kabataan. Sa larangan ng musika lubhang naaapektuhan ang mga kabataan ng foreign music. May ibat-ibang uri ng musika.

Merong rock, senti at iba pa. Masasabing ikaw ay isang rocker pag ikaw ay naka-itim, nakataas ang buhok. Masasabi namang ikaw ay emo pag ang buhok mo ay may bangs at lagi kang malungkot at madaling masaktan ang damdamin. Dahil din sa musika ay nabago ang ugali ng mga kabataan. Kung noon ay tahimik, masunurin at walang bisyo, ang mga kabataang ito ay lubhang nabago dahil sa musika. Naging palaaway, nagrerebelde na sa magulang, ang iba pa nga ay nagpapakamatay dahil sa pakikinig ng mga malulungkot na musika. Lalo na pag tayo ay heart-broken madali tayong nadadala ng mga kanta at lubos itong nakakaapekto sa atin. Ang iba naman ay naglalaslas psa pag-aakalang ito ay para sa kanilang mas ikabubuti. Sa larangan naman ng pagsayaw ay makikita natin na mga foreign dance moves ang ginagamit ngayon sa mga palabas at kasiyahan. Pag gumawa tayo ng survey at tinanong ang mga kabataan kung ilan ang alam nilang katutubong sayaw, siguradong konti lang ang masasagot nila dahil hindi nila ito lubusang nakikita at kung ito naman ay gagawin maaaring sa buwan ng wika lamang naman ito maisasagawa o kaya ay sa mga espesyal na presentasyon na may kaugnayan sa katutubong kultura o sining. Sa larangan ng mga palabas at pelikula, mas tinatangkilik ng kabataan ang mga

banyagang pelikula kaysa sa mga local na pelikula. Maaaring dahil sa graphics at sa istorya kaya tinatangkilik ito. Kung manonood man ng lokal na pelikula ang mga kabataan, ito ay maaaring tuwing Desyembre lamang sa Metro Manila Film Festival o kaya ay hindi na sila nakakanood ng mga pelikulang gawa dito sa atin. Kung susuriin natin ang mga lokal na pelikula ay makikita natin dito ang mga likas na katangian ng isang Pilipino at ang mga kultura nito. Kaysa madebelop pa ng isang bata ang pagiging Pinoy niya ay hindi na ito mangyayari pa dahil ang alam lamang niyang gawin ay kagaya ng mga nasa banyagang pelikula.

Lubha talagang nakakaapekto ang foreign enterteynment sa atin maging ito man ay palabas, sayaw, kanta at iba pa. Mas nakakasanayan ng mga kabataan ang mga gawi at kilos ng mga banyaga kaysa ang sarili nating kultura at sining. Sana ay mabago at maisip ng mga kabataan at mas tangkilikin nila ang sariling atin ng sa gayon ay mas mapaunlad pa natin ang ating pagiging Pilipino at mas mapaunlad pa natin ang ating bansa.

Suliranin:

1.Pagiging mangmang sa sariling kultura. 2.Pagkawala ng sariling konseptong moral at kaugalian sa puso ng mga Pilipino. 3. Tuluyang pagyakap sa mga kulturat kaugaliang hiram. 4.Tuluyang pagtalikod ng mga Pilipino partikular ang mga kabataan sa kasalukuyang panahon sa kanilang kinagisnang pamumuhay at paniniwala G. Kahalagahan ng Pag-aaral

Bawat tao ay dumadaan sa pagkabata at sa bawat pagtakbo ng panahon, natututo silang tumangkilik ng iba't-ibang bagay na maaaring mag-iwan ng iba't-iba ring bakas sa kanilang isipan, buhay at pagkatao.

Mapapansin natin na sa panahon ngayon, mas tinatangkilik ng mga kabataang Pilipino ang mga gawang banyaga kahit hindi nila alam ang maaring idulot nito sa kanila.

Mahalaga ang pag-aaral sa mga epektong maaaring idulot sa mga kabataan sa kanilang pagtangkilik sa mga libangang banyaga

tulad ng mga babasahin, palabas, at laung-lalo na ng mga patok na patok na nga gadgets.

Sa pag-aaral na ito, maaari nating malaman ang mga mabuti at masamang impluwensyang maibabaon ng mga libangang ito sa bawat kabataan lalung-lalo na sa kanilang pagiging makabayan.

H. Katuturan o Kahalagahan ng Salitang Ginamit

Ang salitang Asianovela ay mas kilalang tawag para sa mga Asian TV dramas. Ngunit, para sa mas aayos at magang depinisyon, ang mga tagahanga ng Asianovela ay gumawa pa ng 3 islang na salita:

* Chinovela para sa Chinese at Taiwanese TV drama. * Koreanovela para sa Korean TV drama. * Japanovela/JDorama para sa Japanese TV drama.

V. Kabanata II: Mga Kaugnay na Literatura at Pag-aaral

A. Banyagang Literatura

Nauuso sa kasalukuyang panahon ang mga dayuhang palabas, ilan rito ang anime, cartoons, mga asianobela, mga american sitcom at mabibilang rin dito ang mga nauusong girl groups at boy bands ng mga bansang Japan, Korea at USA. Ilan sa mga grupong ito ay ang SUPER JUNIOR ng Korea na kinahuhumalingan ng mga kababaihan dahil puro lalaki ang miyembro nito, nobody, nobody but you! ang sikat na linya sa kanta ng Wonder Girls at 2NE1 ng Korea, na puro kababaihang talentado ang miyembro.

Hindi maitatatwa ang pagkahumaling ng mga kabataan sa anime at manga ng Japan. Patunay rito ang panggagaya sa pananamit at maging sa pananalita ng mga paboritong karakter o Cosplay kung tawagin. Gayundin ang mga asianobela na inaabangan gabi-gabi sa primetime, patunay nito ang mga remake na Pinoy version ng mga asianobelang ito. Saksi tayo sa malawakang epekto nito sa ating komunidad, sa mga kabataan maging sa mga nakakatanda, ngunit hindi lamang ito mararamdaman sa loob ng ating bansa, itoy ramdam din sa karatig bansa maging sa boung mundo.

B. Banyagang Pag-aaral

Kaugnay ng pag-aaral na ito, ang pag-aaral na isinagawa ng ibang bansa patungkol sa suliraning ito.

The Foreign-Chinese Split, sa arikulong ito inilahad ang hindi opisyal na paglayo ng Chinese Community sa dayuhang medya. Isa sa biniyang pansin sa artikulong ito ay ang sikat na American sitcom na FRIENDS at ang epekto nito sa Chinese Community. I had

thought the play focused on friendship, but after a careful preview I found each episode had something to do with sex. Also, the attitudes of the six close-knit young friends in the play cannot be generally accepted by Chinese audiences yet, wika ni Mingxin, deputy director ng international department ng CCTVs Entertainment. Ayon pa rito, kabataan ang higit na naaapektuhan ng hindi mabuting epekto nito, dahil ang mga kabataan ang higit na naaakit ng ganitong genre dahil sa sexual content ng palabas na ito. Sa madaling salita sumasalungat ito sa kulturang Instik. ( http://www.danwei.org/Chinese%20Media%20Schizophrenia.pdf )

Banning by Peoples Republic of China, sa artikulong ito inilahad ang pagbabawal ng Shenyang, isang paaralan sa kapital ng probinsya ng Liaoning ( Peoples Republic of China ), ang panunuod at pagdadala ng Death Note, isang sikat na Japanese horror anime na kung saan napulot ng isang high school boy ang isang kwaderno at isinusulat niya rito ang mga pangalan ng kanyang biktima at pagkaraay namamatay ito. Ang agarang naging sanhi nito ang pagdadala at pagamit ng Death Note ng mga estudyante ng nasabing paaralan, kung saan isinusulat nila rito ang mga pangalan

ng gusto na nilang mamamatay. Ang pagbabawal na itoy upang proteksyunan ang kalusugang mental at pisikal ng mga estudyante sa palabas na ito.

(http://en.wikipedia.org/wiki/Death_Note#Banning_by_People.27s_R epublic_of_ChinaNote ).

Ngunit hindi lamang ito ang naging epekto ng Death Note sa kabataan. Notes near Body Parts in Belgium Linked to Death Note, ipinakita rito ay higit na nakakatakot na impluwensiya ng palabas na ito. Ayon sa La Dernire Heure, isang Pranses na pahayagan, Setyembre 28, 2007, dalawang magkatulad na mensahe na nakasulat sa Latin sinasabing Watashi wa Kira desu," o "I am Kira (Killer)", itoy isang catchphrase sa Death Note, na natagpuan sa tabi ng bangkay, na hindi nakilalang lalaking Caucasian sa gubat ng Belgiums Duden Park.

(http://www.animenewsnetwork.com/news/2007-10-01/notes-leftnear-bodies-in-belgium-linked-to-death-note)

Ang karahasang itoy maaaring sanhi ng ibang kadahilanan o di kayay bunga ng impluwensiya ng sikat na Death Note. Anu pa man

ang dahilan, tunay na nakakakilabot at nakakaalarma ang epekto ng ganitong palabas sa mentalidad ng mga kabataang sumusubaybay sa ganitong uri ng palabas.

C. Lokal na Literatura

Sa ating modernong panahon, makikita ang ibat-ibang mukha ng pananakop at impluwensiya ng makadayuhang kaisipan o ang colonial mentality. Hindi man lingid sa iba na tayong mga Pilipino, sa bawat galaw, hilig, ugali, pananamit at pananaw ay napailalim na sa kulturang banyaga at ang halos lahat sa atin ay pilit na tinatalikuran. Mas lumalaki pa ang impluewensiya nito sa tulong ng media tulad ng mga patalastas, palabas at drama seryeng pinapalabas.

Sa taong (1996) sino ba ang di nakaka-alam sa seryeng Marimar ni Thalia mula sa RPN 9 na naging dahilan kung bakit ang mga programang telenovela ay napunta sa primetime. Sa seryeng ito

nagsimula na gumawa ayon sa konsepto ng mga Mehikano ang mga Pilipino at unti-unti na nag-evolve. Mula nga sa nabanggit na serye ay marami ring isyu ang naganap tulad ng pagpapatayan dahil sa paglilipat ng ibang programa, inaatake dahil sa tindi ng mga pangyayari at ang pagkakaroon ng matibaty na koneksiyon mula sa bansang Pilipinas at Mehiko. Kasunod nun ay ang Rosalinda, Betty la Fea, Maria de Jesus, atpb. Mula doon ay sunud-sunod na ang versionalized ng mga nasabing palabas

Sa taong (2000) lumaganap sa Pilipinas, Taiwanese Drama, ang F4 fever o flower 4 na hango sa Japanese komiks na Hanayori Dango. Mula sa palabas na Meteor Garden na tungkol sa apat na magkakaibigan at ang pagmamahalan ni San Shai at Dao Ming Zu ay unti-unti nitong binago ang pananaw ng kabataang Pinoy. Sa pananamit at buhok na karaniwang mala-Jose Rizal ay napunta sa mahaba na hawig-buhok ng mga karakter sa nasabing grupo . Nagpakabaliw ang mga kabataan noon mula sa pagbili ng mga poster, accessories, damit at collectable items.

Kasunod ng mga Mexican at Taiwanese drama ay ang mga Koreanovela na sa kasalukuyay ginagaya at tinatangkilik ng masang Pinoy. Mula sa unang Koreanovelang The Truth ng ABS-CBN ay sinabayan ng mga mas naging patok na palabas ng GMA na Full House, My Lovely Samsoon, Stairway To Heaven, Dae Jang Geum, Coffee Prince, Shining Inheritance, atpb. Ang ABS-CBN ay naglabas rin ng My Girl, Only You, Princess Hours, Boys Over Flowers, Lovers in Paris, atpb.

Malaki rin ang impluwesiya sa mga kabataang Pilipino ng mga ANIME at CARTOON. Mas napupusuan ng mga kabataan panoorin at pag-aralan ang mga palabas na ito: mula sa porma, salita at asal ng karakter. Mas tinatangkilik nila ang mga ito lalo na ang pagdating nang mga unang anime na pinalabas sa Pilipinas tulad ng Voltes 5, Machinenger Z at Daimus magingang mga mula pa noong 90s tulad ng Dragon Ball Z at Sailor Moon hanggang sa kasalukuyan tulad ng Naruto, Bleach, atpb.

Mas nahihilig rin tayo sa palabas na banyaga. Mula sa record ng www.wikipedia.com, ang pinaka malaking kumitang palabas sa

kasaysayang talaan ay ang palabas na Spider-Man 3 (423.46 million pesos), The Transformer: the revenge of the Fallen (357.89 million pesos), at Transformer (272.65 million pesos). Noong 1998, hindi rin malilimutan ng mga Pilipino ang palabas na Titanic na nagpaluha sa ating at nagbigay romansa sa mga manonood. Makikita rin na karamihan sa mga palabas na Pilipino ay ginaya o pinatern sa mga sikat na palabas tulad ng Sanay Maulit Muli na hinango sa isang banyagang palabas.

Mula nga sa pagsakop ng mga palabas sa medi hanggang pati sa mundo ng musika ay naimpluwensiyahan na rin. Sa Kasalukuyan mas nahihilig tayo sa mga banyagang musika kaysa sa sariling atin. Di nga karamihan sa mga orihinal na awiting Pilipino ay nakasulat sa Ingles. Mula noong 1920s di ba nga ang istilong kundiman ay mula sa Mexican-Spanish tradition na ating niyakap. Noong 1950s naman ay ang naging simula ng mga walang kamatayang hit song ng The Beatles na isa sa naging batayan ng estilong rock at ang mga kanta ni Elvis Presley na talagang kinabaliwan ng mga Pilipino noon. Sino ba sa ating henerasyon ang di nakakkilala kay Micheal Jackson? Isa siya sa tinatawag na icon at naging batayan rin ng mga Pilipinong

performer tulad ni Gary Valenciano. Unti-unti rin nagsikatan ang mga male and female group and band tulad ng Westlife, A1, Black Eyed-Peas, Paramoore, Linkin Park, Simple Plan, Destiny Child at Greenday. Mas kinikilala ng mga batang henerasyon ang mga grupo na ito sapagkat para sa kanila ay mas astig ka kung tipo mo ang kanilang mga tugtugin. Naging pantasya rin sa mundo ng musika sina Celine Dion, Britney Spears, Christina Aguilera, Beyonce at Shakira na nagbahagi ng mga kakaibang kanta at talento pagdating sa mga konsyerto na ating tinutularan. Ang pagdating ng grupong F4 na nagpasikat ng mga awiting Oh Baby, Baby ay nagbigay daan sa pagsikat ng mga asyanong grupo sa Korea sa ating bansa tulad ng 2ne1, Girls Generation at Super Junior.

Sa mga kagamitan tulad ng pananamit, bag at aksesorya, ay mas gusto natin ang mga branded na produkto lalo na kung ito ay mula sa ibang bansa. Mas ninanais natin ang may mga pangalan na produkto dahil sa pananaw ng mga Pilipino ay mas maganda at kanais-nais ito at sumasabay tayo sa estilo ng ibang bansa. Tulad na lamang sa mga sapatos na mas gusto natin kung ito ay Adidas, Nike o Luis Vinton. Sa bag naman ay Gucci at sa pananamit ay mas

kilalang brand dapat ang isuot. Kaya nga karaniwan sa mga produktong branded ay pilit na ginagaya o ginagawan ng imitasyon para makasabay lang sa kasalukuyang porma. Mas hilig rin tayo sa tsokolate na ang unang nagpakilala sa atin ay ang mga Amerikano.

D. Lokal na Pag-aaral

Ano nga ba ulit ang Colonial Mentality? Ayon sa Yahoo! answer.com."Colonial mentality refers to institutionalized or systemic feelings of inferiority within some societies or peoples who have been subjected to colonialism, relative to the mores or values of the foreign powers which had previously subjugated them. The concept essentially refers to the acceptance, by "he colonized, of the culture or doctrines of the colonizer as intrinsically more worthy or superior..."

Dito sa ating bansa, kitang-kita ang colonial mentality lalo sa kagustuhang maging tulad ng mga Amerikano, Hapones o Koreano. Mayroong pag-aaral ang isinagawa at ayon sa wikipedia.com, "In the

Philippines colonial mentality is most evident in the existence of favoritism for Filipino mestizos (primarily those of native Filipino and white ancestry, but also indigenous Filipino and Chinese, and other ethnic groups) in the entertainment industry and mass media ..."

"One of the more adverse physical consequences in the idealization and acceptance of the racial concepts of colonial mentality can be seen in the high rate of consumer demand for skin bleaching products used by some indigenous women in the Philippines. Skin-whitening creams have for a long time been popular and widely used in much of the Philippines for the lightening of the skin tones in order to achieve the so-called "Mestizo look". The products are believed to be used primarily by women who have succumbed to the Filipino ideal and colonial doctrine of the idealization of mestizo beauty to the greatest extreme. The consumers of these products, whether conscious or subconsciously, are following the dangerous edict on beauty by continuing to use those products despite the extremely hazardous side effects to their health, including a high risk of various cancers due to many of its active ingredients, including mercury. These products have been

banned in the USA due to racial controversies, but their sale and demand in the Philippines continues to be widespread."

Other Current Examples: 1. The use of "Sir Knight" instead of "Ginoong Mandirigma" as alias; 2. The use of English to get through with our ideas to one another; 3. The use of Spanish cursing words, also to get our ideas across to one another; and 4. Preference of foreign brands (e.g., Marlboro over Alhambra Matamis, Nescafe over Kapeng Barako, Black Label over Lambanog, Nokia over "dalawang lata at pisi")

VI. Kabanata III: Pamaraang Ginamit

A. Pamaraang Ginamit

Ang pamamaraang ginamit ng mga tagapagsuri ay ang survey. Pinili nila ang pamamaraang ito para makakuha ng saktong impormasyon para sa pag-aaral na kanilang ginawa.

B. Populasyon at Bilang

Kalahok sa pananaliksik na ito ang isangdaang kabataan galing sa ibat ibang lugar. Ang mga kalahok ay maaring babae o lalake. Ang mga napiling kalahok ay may edad na labing-anim (16) hanggang labingwalong (18) taong gulang.

C. Paraan sa Pagpili ng Kalahok

Ang mga kalahok ay pinili batay sa kung sila ay mahilig o hindi sa Foreign Entertainment na ipinapalabas dito sa Pilipinas. Mahalagang aspeto ng pagpili ng mga kalahok ang kanilang pagiging Filipino at ang kanilang paninirahan sa Pilipinas sapagkat ang pagaaral ay tungkol sa mga Filipinong nahuhumaling sa Foreign Entertainment dito sa Pilipinas.

D. Deskripsyon ng Kalahok

Kabataan ang karaniwang matatagpuan na tumatangkilik sa mga gawa ng dayuhan. Napakalaki ng populasyong ito, kung kayat napagdesisyunan ng mga mananaliksik na kumuha ng 100 mag-aaral

na 16 hanggang 19 taong gulang na magmumula sa mga mag-aaral na kumukuha ng BSECE sa Politeknikong Unibersidad ng Pilipinas.

E. Instrumentong Ginamit

Isang

survey,

kung

saan

pinagsama-sama

ng

mga

mananaliksik ang mga tanong na nais nilang masagot sa pag-aaral na ito, ang gagamitin ng mga mananaliksik.

F. Paraan ng Pangangalap ng Data

Ang mga mananaliksik ay gumamit ng survey sa pagkalap ng mga impomasyon. Tinanong ng mga mananaliksik ang isangdaang kabataan ukol sa isyu. Ang mga kabataan ay tinanong sa ibat-ibang oras, at lugar. Ang kanilang mga sagot ay nakatala sa tala-tanungan na ibinigay sa bawat isa.

G. Uri ng gagamiting estatistik

Ang tugon ng mga kabataan ay inilista upang kunin ang estatistiks at upang mabilang ang percentage ng mga impormasyong nakuha ukol sa isyu. Ang pormula para sa pagkuha ng percentage ay:

P=f/N x 100

* P=percentage F= frequency N= bilang ng kabataang tinanong