divine voice november 2016 · 15 19 33 9,10 18,30 34 to batmi goviakeo jacob ani essau ... oct 28...

Divine Voice November 2016

OCTOBER 2018Volume: VI Issue: 9

Printer & PublisherRev. Dr Philip Nedumthuruthil VC

Chief EditorRev. Fr Mathew Thadathil VC

ChairmanRev. Dr Augustine Vallooran VC

General ManagerY. Ousepachan

AddressDivine Voice, Divine Retreat Centre, Muringoor P.O., Chalakudy - 680 309, Kerala, India, Ph: 0480 2708413, 2708513

EditorThomas Jacob

Section EditorsVincy QuadrosMaria Viency CardozoSr Savio CSADinesh MathiasManeesha MathiasHyacinth D’Souza

Cover DesignMejo

LayoutSijo Sunny

PrintingDivine Printers & Publishers

0705

11

Cardinal GeorGe allenCherry-Cho Sondex:

Khorea SuKhaChi vatt

“axirvad GhalpaK loK tujem nanv vapurtolo” (ut. 12:2)

promanniKponna Khatir dhumallo SonStat tim SubhaGi: SorGinChem raj tanChem.

har mandum naKa

tumChio yadi Somarombhat

Cardinal George Allencherry

Rev Dr Augustine Vallooran VC

Rev Fr George Panackal VC

John M. Alfonso Karmelit

Rev Fr Jacob Arimpur VC

Vincy Quadros

2531

1519

33

9,1018,30

34to Batmi

Goviakeo

jaCob ani eSSau

All translations by John Rocha, Joyce Fernandes, Nety Gomes, Bro. John Malvino Alfonso OCD, Gaurish Naik, Magdalene D’souza, Dr Cosma Fernandes and Prof Silvester Vaz, fr J. Benjamin De Souza.

October 2018 Divine Voice 3

Please noteDuring the week not mentioned above, usual retreats will be held.

Retreats for Children and Bible Nursery for Tiny-tots will be held as usual every weekEvery week the retreatants are permitted to leave by 2 pm on Friday after the Anointing Service.

FR AUGUSTINE VALLOORAN VCDivine Retreat Centre, Muringoor, Chalakudy 680 309, Kerala, India. Ph: 0480 2708098, 2708193

--------------------------- For more information please contact ---------------------------

4 Divine Voice October 2018

Sept 30 – 5 Oct ..............Inner Healing Retreat

Oct 7 -12 .........................Inner Healing Retreat

Oct 14 -19 .......................... Retreat for Couples

Oct 21 -26 .......................Inner Healing Retreat

Oct 28 – 2 Nov....................Retreat for Couples

Nov 4 – 9.........................Inner Healing Retreat

Nov 11 – 16 .................... Inner Healing Retreat

Nov 18 -23 .......................... Retreat for Couples

Nov 25 – 30 .................... Inner Healing Retreat

Forthcoming Special Retreats in 2018-2019 (in English)

Dec 2 – 7 .............Waiting for the Lord Retreat

Dec 9 – 14 ..........Waiting for the Lord Retreat

Dec 16 – 21 .........Waiting for the Lord Retreat

Dec 23 – 28...................Emmanuel Conference

Dec 30 – 4 Jan 2019 ...... Inner Healing Retreat

Jan 6 – 11 ........................ Inner Healing Retreat

Jan 13 – 18 ...........................Retreat for Couples

Jan 20 – 25 ...................... Inner Healing Retreat

Jan 26 – 1 Feb .....................Retreat for Couples

Otubracho mhoino Ruzai Saibinnik, mhullear Magnneachie Saibinnik bhettoilolo mhoino. Saibinnichea disnneant tinnem porthun porthun amkam vinoilam,

ters-rozar korat, magnneant vanttekar zayat. Hacher ami gombhirtayen chintlam? Magnneachem mohotv amkam holmolam? Aiz thoddo-so niyall korum-ia.

Kiteak mhunn ami magnnem korunk zai?

Dev sopurnn. To amcho mog korta. Amkam zonn ekleak To nanvan vollkhota. To amkam khuxal dovrunk vavurta. Amchean map-mezunk zainam itlo To girest, doyall, kaklutvont, mogall ani dani. Aplem sogllem divpak To toyar asa punn ami Tache koddem maginant. Amkam magnnem korunk loz dista. Deva mukhar hat posraunk unneponn dista. Devachi mhoima gavunk khalteponn bhogta. Punn akantak sampoddttat, koxttovtat, dukhant poddttat, tednam mat ami hanga thoim vochon magnnem kortat. Amche itlo Dev suvarthi? To ravta ami sasnnik sukh mellounk Aplea sombondhant yetolim mhunn. Thoddeank dista Devak amchea magnneachi goroz asa mhunn. Nam. Hem chukichem chintop. Oslea sogllea chukichea chintpantlean bhair soronk amchea ghorant ani khasgi kuddant magnnem korunk zai.

Vhanvtea vhallachie degek kalla pormannem follam.Stotranchem pustok mhullear nhidlolea mon’xak zagovpachem pustok. Tem survatekuch mon’xachea sobhavak dhorun mhunntta, “Zo monis noxtteachi bud’dh gheun cholonam vo patkiachea margar bhonvonam ani odhormi mon’xachea sangta bosonam, to khorench bhagi.” (Stotr 1:1) Te mukhar polleyat, “vhanvtea vhallachie degek lailolea rukhak zatat kalla pormannem follam ani kedinch bhavon poddonant toslim panam.(Stotr 1:3). Amchea jivitachea ghodditam borabor vastovachem dorxon dakhovpi him stotram magnneachim daram ugtim kortat. Bhegevont zaunchie vatter aslolo Amerikecho Arsebisp Fulton J. Sheen mhunntta, magnnem zaun asa disonasloleanchem pustok zhoim otme distat ani sonvsarantlea soglleam poros vhodd mogachi khunna nirmann zata. Magnnem zaun asa saman’ya mon’xanchem pustok jem dusrea mon’xachea xikxonna poros chodd zannvai dita.

EDITORIAL.....


Khorea sukhachi vatt


Magnneachi podvi konnachean vornnon korunk zainam. Kiteak magnneant ani chodd korun Ruzayent aslole chear toreche mister Jezuchem ani Saibinnichem jivit amchea dolleam mukhar haddttat. Sontosache, Dukhiche, Horkache ani Uzvaddache Mister dolle dhampun legit amkam Devachem asnnem dakhovpachem kam’ kortat. Vhanvtea vhalla ani kalla pormannem follam kitem tacher zonn eklean niyall korpachi goroz to Arsebisp dakhoun dita.

Devachi kurpa Bhagevont Ankvar Marie vorvim favo zata

Zaitie pautti amchea monant saibinn maim vixim vankdde vichear yetat. Amkam updes, bhagiam ani mullavi xikvonn dilia astanam amchem oginean ami porgott kortat. Amkam xikoilolim mullavim Kristi totvam kira bhoxen tondd-patth korun tancho khoro orth visortat. Dekun amkam magnneachi goroz. He vixim Bhag. Padre Pio magnneantlean mellpi Devachie kurpe vixim xiddkaita. To mhunntta, Saibinn mainchi modheosti nastanam Jezun legit aplem jivit sarlem nam, zalear ami tiche pasun pois kiteak ravonk sodtat? Zoxi amkam zolm ditoli amchi avoi, toxi amchea Devak zolm ditoli Ankvar Maria. Amchie avoi poros chodd mog ani visvas ticher asonk favo kiteak tich zaun asa Dev, Dev-put ani mon’xa modem ek pul ani vatt. Hem somzonaslole monis disan dis vaddot asat, dekun Ankvar Maria vella-vellar amchea sopnant ani bhouxik suvatancher dixtti poddon magnneachem mohotv amkam dakhoun dita. Kiteak tichech vorvim mon’xak Devachi soglli kurpa favo zata.

Magnneache faide zannun gheyat

Magnnem zaun asa ek khoddegant hatier. Hatant ek rozarachem kont gheyat ani tacho vapor korat. Porinnam’ tumche mukhar astolo. Magnnem amkam rakhta ani sambhalltta, amchea jivitant bodol ghoddoun haddtta, Devachie khuxient taronn dita, amkam Devak tenkun vhorta, khuxal korta, bhorvanso dita, amcheantlo suvarth kaddun uddoita, dukhantlean pois korta ani deivik nodren ghott korta. Hem somzun gheum-ia ani hea mhoineant Devachea molleant khorea sukhachi vatt cholunk vavrum-ia.

Vincy QuadrosEditor

Mogall Ixttamno, Hanv tumkam ixtt mhunnttam kiteak Jezun aplea xisank ixtt mhunnle. Ami sogllim ixttam ani Jezu mukhar ami sogllim molachim. Amchea

bautizma vorvim ami Deva mukhar sogllim ek soman ani ami ekamekachim ixttam.Pap Saib Francisan Vixv Tornnatteanchea disak prosn kelo. ‘Tumi sonvsar bodlunk xoktat?’ ani tankam zobab mell’llo ki ‘hoi, ami sonvsar bodlunk xoktat.’ Punn koxe bhoxen? Amkam dor ekleak amchea bautizmant Povitr Otmo mell’lla. Heach Povitr Otmea udorim ami hea sonvsarak novem rup haddunk zata. Hoch moga uzo Dev heach Povitr Otmea vorvim amchea kallzamni pettounk sodta.

Bhagevont Paulu Korintkarank boroita ‘Mhaka kurpa mell’llole vorvim hanvem buniad ghali, atam konn dusro tacher imarot bandta. Chotrai dhorchi buniad ekuch zaun asa, ti mhullear Krist Jezu. Konneim hie buniadicher imarot bandli zalear taka mozuri mellttolich.

Kurpa mhullear kitem? Povitr Otmeachem kar’ya amche bhitor, taka ami kurpa mhun-nonk zata. Hiech kurpe udexim zaitim zonnam sorginchi vatt chol’lim ani cholot asat.


Bhagevont Paulu mhunntta, ‘Krist amchi buniad tacher adharun amchem jivit zaunk zai. Amkanch ek prosn korum-ia… Khorench Krista khatir amchea jivi-tachi buniad kelia zait?

Bhagevont Augustine mhunnttalo ‘Povitr Otmo mhullear Devacho mog.’ Toxench Bhagevont Athanasius mhunntta, ‘Povitr Otmo mhullear xokti. Barik polleunk gelear Povitr Otmo mog ani xokti.

Povitr Otmo amchea jivitachem ut’tejon, mogan moipasan, kaklutin jivit sarunk. Povitr Otmo amchea kallzant asot zalear amchem jivit sompem. Kiteak soglle prosn moga vorvim suttave zaunk zatat.Bhagevont Paulu mhunntta amkam ujeant


soddvonn mellchi asa. Povitr Otmeacho uzo amkam dor ekleak gorjecho. Luka-chea 24vea avesvorant amkam Emaus voitolea xisanchi khobor melltta. Jednam Jezu tankam bhett’tta tednam te mhun-nonk pavtat, ‘amchim kallzam hulpo-talim nhoi? Bhagevont Paulu toch uzo sodanch pett’tto dovrunk amkam vin-onti korta. Ami Povitr Sobheche vangddi ani ami soglle misionar. Bhagevont Bap Francis mhunntta ami dusreank amchie jinnentlean oddun kaddunk zai. Amchem jivit dusreank ek ut’tejon zaunk zai.Povitr Otmeacho uzo amchea kallzamni vosum ani amkam khore xis korum. He vorvim ami amchea magnneant toxench kamant Igorz matechea heach mogachea ujeant vavrum-ia.


ASHOK PEREIRA, CHENNAI

OLIVER FERNANDES, GOA

“ POLLE TUKA HANVEM MHOJEA HATANCHEA TOLLTTAR KANTOUN DOVORLA. MHOJE DOLLE SODANCH TUJEA KOXTTANCHER ASAT.” (Iz. 49:16)

“MHAKA AKANTACHEA VELLAR ULO MAR . HANV TUKA NIVARTOLOM ANI TUM MHAKA BHOVMAN DITOLO. “ (ST. 50:15)

Hanv, Mechanical Engineer koso vaur kortalom. Atam, seventlean nivrut’t zalam. Fr. Agustine Pereira, zaka Devacho Sevok mhunn porgottla, hanv tea kuttumbantlo. 1999 vorsa saun, Potta, Devik Retir Kendrant retirant vantto ghetam. Hea Retirachea Kendracho pongodd, Chennai, ‘Magnificat’ hi retirachi karyavoll ghoddoun haddttat tednam tie karyavollintui vantto ghetam. 2007 vorsa Dezembrant mhaka kallzacho atak ailo. Hospittolant vhelolo tednam, mhojea kallzak 85% ‘blocks’ (Left Anterior Descending (LAD) artery) asat mhunn sanglem. ‘Stent’ ghalunk suchoilem. Uprant ‘angiogram’ korunk zai mhunn sanglem. Oslea vellar, Fr. Augustine Vallooran-ak toxench Kendrachea Magnneachea zomeak, mhoje pasot mangonk vinonti patthoili. Hanv toxench mhojem kuttumb, mhoje pasot magtalem. Angiogram kortoch, kallzache ‘blocks’ asat te unne zaleat ani ‘stent’ ghalpachi goroz nam mhunn sanglem. Sovkas, magnneam ani dotoranchea vokhdam vorvim hanv boro zalom. Jezuk khup lagim zalom. Jezun, aplea hatanchea tollttar mhaka kantoila mhunn hanv sotman’tam. Mhaka To nanvan vollkhota, hanv taka moladik mhunn hanv zannam. 2017 vorsachea Novembrachea tisrea satolleant hanvem Deivik Retir Kendrant porthun retir kelo. Mhojie fattint dukh asli. Vokhdam ghetlear pasun bori zainasli ti bori zali. Devak vakhannttam, Devak din’vastam.“BHIYEUM NAKA, KITEAK HANVEM TUKA SODDOILA; TUJEM NANV GHEUN HANVEM TUKA APOILA, TUM MHOZOCH.” (Iz. 43:1).

Hanv kazari ani mhaka ek cheddo asa. Hanv Dubai vaur kortam. Zaitim vorsam hanv soreachea vesonant buddlolom aslom. 1996 vorsa Deivik Retir Kendrant hanvem mhozo poilo retir mhojie ghorkarni ani don vorsanchea bhurgea sangata kelo. Borem Kumsar zale uprant mhaka monachi xanti favo zali. “Ojeanchea bharan chepleant tim mhoje-xim yeyat. Hanv tumkam somadhan ditolom.” (Mt 11:28) him Jezuchi utram aikotoch mhaka somadhan bhoglem. Hanv Jezuk khub lagim zalom. Soreachea vesonantlo Jezun mhaka bhair kaddlo. Hea axirvada khatir hanv Devak din’vastam ani argam ditam. “ AMCHIM PATKAM AMI VOLLKHUN GHETLIM ZALEAR DEV TUMCHIM PATKAM BHOGXITA ANI SOGLLEA KHOTTEPONNANTLIM AMKAM NITOLL KORTA.” (I Ju 1:9).


ALLWYN TAURO, MUMBAI “HO POLLE HANV TUKA PRARTHITAM, TUJEA POVITR MONDIRAK POLLEUN, HAT zODDUN MAGNNEM KORTAM, TOR MHOJE VINONTICHO AVAz AIKUN GHE.” (PS 28:2)Hanv Bank-ant vavurtam. Mhaka dog dhuvo asat. Devan mhaka ek mhonvall ani mogall kuttumb favo kelam. Hanv

atthviechea vorgant xiktanam mhoji avoi sompli ani mhozo bapui khub soro piyeunk laglo. Mhaka onathaxromant dovorlo ani thoinch mhojem mullavem xikop hanvem kelem. Kolejint xiktanam, vaitt ixttancho sangat hanvem zoddlo. Sigar oddop, soro piyevop, vikhallim vokhdam ghevop toxench gallio marop ani pozddim chitram pollevop chalu zalolem. Hanv huxar aslom, punn oslea vaittacho gulam’ zalolom. Hockey ani basketball khellttalom. Uprant Bank-ant nokri mell’lli. Kazarui zalom. Misant gavpi pongddacho vangddi aslom ani vachpam kortalom torui Devachi vollokh nasli. Hem sogllem hanv mhojech mhoime khatir kortalom. Amchea kazara uprant don vorsamni (1990) amkam ek bai zolmolem. Tem don vorsanchem astanam, amchi dhuv ‘autistic’ mhunn amkam koll’llem. Zaite dotor kele. Punn dhuv bori zaunk nam. Konnem tori amkam retirant vantto gheunk suchoilem. Amkam khuxi nasli. 1995 vorsa, amkam anik ek dhuv zolmoli. 1997 vorsa suttiank ami Kerala gelim ani Retirant vantto ghetlo. Retirachea poilea disak ghora yeunchem oxem dislem, punn mhojie ghorkarnin mhaka ravonk monant ghalem. Somarak, dha updesancher xikvonn choltali, tednam he dha-i updes hanvem moddleat oxem mhaka bhoglem. Oxem asunui hanvem fattlim nov vorsam kumsarant vantto gheunk naslo. Punn tea somarak sanje vellar, mhaka tie rati vhoronaka ani borem kumsar zaunk ekuch sond di mhunn Jezu lagim maglem. Kumsar zale uprant, Jezuchem asnnem hanvem bhoglem. Kosleai vaitt sonvoyank bolli poddloleank ubhim ravonk maglolem tednam, kiteak ubhim ravonk sangleat hem khobor nastanam, hanv soroll ubho ravlom. Yadnikan ubhim ravloleancher magnnem kelem. Tea disa saun sigar, soro vikhallim vokhdam, gallio ani pozddim chitram polleunchi ruchuch geli. 20 vorsamni Jezun mhaka hea vaittantlo nivarlo. Mhojie vhoddlie dhuvek lagon hanv Deivik Retir Kendrant gelolom, mhakach pekhovnni favo zali. 1999 vorsa mhaka kamant boddtti (promotion) mell’lli. Mhoji ghorkarn, Mary, mhoje khatir magot asli. Devan tichim magnnim aikolim. Amchea kuttumbant mog, xanti ani sontos bhitor sorlo. Amanda, mhoji vhoddli dhuv khup koxttotali, ti aiz xant zalia. Natasha mhoji dhaktti dhuv, airlines-ant vaur korta. Mhojem moddlolem, tuttlolem jivit Jezuk bhettoilem mhunnttoch, tannem sogllem borem ani novem kelam. 2018 vorsachea Novembrant, Devak din’vasunk ami Deivik Retir Kendrant retir kelo. Aiz hanv, amchie firgojent Novsornniechea zomeacho vangddi zaun songita votten adhar kortam. Jeremias Provadiachea pustokant mellttolim tim utram, mhojea jivitant khorim zaleant: “Tumche vixim mhojea monant asa ti yeuzonn hanv zannom; ti yeuzonn mhullear xanti divpachi, noxtt haddpachi nhoi; hi yeuzonn tumkam bhorvanxan bhorlolo boro fuddar sambhallun dovorta” (Jer 29:11-14) Devak vakhann’nni.“ PROVAS KORTANAM ANI DAMASKAK LAGIM PAVTAM-PAVTAM, DONPARCHEA VELLAR… SOMIAN MHAKA MHUNNLEM: “UTTH, DAMASKANT VOCH ANI TUNVEM KITEM KORUNK ZAI TEM SOGLLEM KONN THOIM TUKA SANGTOLO. (D.I. 22:6-10)


Ek dis ek ostori aplie dhuve sangata mhoje lagim aplea khatir magnnem korunk aili. Aplea ghorkara-

chea mornnan ti bhoinn dukhest asli. Tichea ghorakrak sompun gelear nov mhoine zalole tori legit ti dukhi-khontimni asli. Ghoddlolem oxem, Galfak aslolo ticho ghorkar eka mhoineachie rojer ghora ailolo ani yeun kaim disamnich eka rostea opghatant taka moronn ailolem. Okosmat ghoddlolie hie ghoddnnien ticher ailolea hea dukhantlean ti azun bhair soronk pavonk nasli.

Rev Fr George Panackal VC

Amchea sompun geloleanchio yadi ami somaromb-hunk zai.


“Tumcho ugddas kortam titlei pautti tumche pasot hanv mhojea Devak din’vastam.” (Phil 1:3,4)

Hanvem tika sanglem, otmo moronam. Ticho ghorkar Jezu sangatak voikunttant asa, ani to tachech sangatak asa mhunn zanna zaun Bapak tinnem argam diunk favo. Toxench hie ghoddie thaun ticho ghorkar tika jivitachea sogllea poristhi-tint adhar diunk Povit Otmeachea rupan tichea sangatak astolo. Jezu aplea punorjivontponna uprant amchea sogl-leam khatir sorvpodviedar Bapachea uzveak bosla. Romkarank boroilolie chittint melltta, “ Jezu Krist Devachea uzvea hatar bosla ani Deva mukhar amche khatir vinonti korta.” (Rom *:34) Jim konn Jezu sangatak meleant tim sogllim Tachea sangatak…. magnneant astolim.

Hanvem sanglolem sogllem aikole uprant, tori khontibhorit zaun tinnem mhunnlem, “mhojea ghorkarachio yadi porot porot mhojea monant yeun hanv bhou khontibhorit zatam.” Hanvem tika bhuzvonn diun bhorvanso diit mhunn-lem, “yadi borioch astat ani kaim borio yadi tio bhou gorjechio astat. Amchea sorginchea Bapan amkam Jezu dila. Oxim zaitim boreponnam-i Jezun amche sovem keliant. Ani him sogllim bore-ponnam niyallun ami povitr Misachie bhettent tem ami somarombhtat. Yadi somarombhpa khatiruch astat. Jezu-chioi hioch yadi somarombhun tancho purai faido ami kaddunk zai.Je porim Jezun Bapachea uzvea hatar

bosun amche khatir vinonti keli, toxich Jezu sangta jim konn morun geleant, tim-i tachea sangatak magnneant asto-lim. Tea magnneachem foll amchea jivitak mellunk zai. Zor tor ami amchea mogacheanchem moronn mandun ghe-nastanam dukhant jiyelim zalear tea magnneanchim besanvam nirfoll tharto-lim. Jivit ani moronn divpi Toch Bap.” Jednam hanvem hem sogllem tika spoxtt korun sanglem tednam ti thoddi bhoi sukhavli. Uprant ami dogaimni kaim vell sangatan magnnem korun Bapak din’vaslo. Magnnem somptokoch tichie dhuven aplea prosnantlean ek husko ugtailo, “Fador, mhozo ddeddi khorench sorgim rajyant asa?” Tika tichea pros-nachi zap diunche khatir tea supurleak hanvem ek prosn kelo. “Tuzo ddeddi sorgim rajyant nam oxem mhunnonk tuka kitem karonn asa?” Tem ogich ravlem ani uprant kaim vellan tim aplea ghora vochunk gelim.

“Tache mukhar sogllim jivim.” (Lk 20:38)

Dusrea disa Aitar aslo ani sodam porim tem bhurgem igorjent gelem. Povitr Misachie bhette uprant tannem kaim vell Bapak din’vasunk sarlo. Hem kor-tanam okosmat aplea ddeddichi ek bhou sukhdinni yad tachea monant yeun geli. Dor Natalanchie porbe somoyar tacho ddeddi taka novo ddres haddttalo. Tea bhurgeak atam khobor asli, ani donuch sumanamni Natalanchi porob yeunchi asa ani ddeddi vinnem tachi hi poilich Natalanchi porob. Hem tachea monant


yeun tannem Jezu lagim magnnem kelem, “Mogalla Bapa, mhaka ugddas asa te meren hanv zannam mhozo ddeddi mhaka dor Natalanchie porbek novo ddress haddttalo. Kal fadoran mhaka sanglam, mhozo ddeddi Tuje sangatak sorgim rajyant asa. To zor khorench Tuje sorim asa zalear hea Natalanchea somoyar mhaka chear ddres di.”

Taka khobor naslem apnnem hie torechem magnnem kiteak kelam tem. Magnnem korun zale uprant te ghora ailem. Ghora yeun sumar ek vor zata thoinch asa, tancheach sezarchi ek zanntti ostori tanger aili. Tichea hatant ek mottem-xem pakitt aslem. hea bhur-gea koddem tem diit taka mhunnlem,


“Hantunt tin ddres asat. Somzotam te tuka zatole mhunn. Mhojea Gal-fantlean eka soirean te dhaddlole. Punn ghorantlea konnakuch te sarke zainant. Tednam okosmat mhaka tuzo ugddas ailo.” Tem bhurgem tea bhett dilolea pakittak ojapun pollet urlem. ‘hanvem sokallinch chear ddresam khatir magnnem kelolem ani mhaka atanch tin favo zaleat,’ hem ti ostori veta astanam tem chintit aslem.Tem mhunnosor itlo vell randpachea

vaurant ghuspololi tachi avoi xezarn kiteak ailoli hachi vaspus korpa khatir mukha vele choukier aili. Tannem ghod-dlolem tem sogllem aplie avoik sanglem. Hem aikun tachie avoinui mhunnlem, “Mhakai ugddas asa tuzo ddeddi tuka Natalam somoyar nove kopdde haddt-talo to. Mhaka khobor asa hech vixim tum chint’ta astolem karonn atam Nata-lam yevpachim zalim. Tor hanvem tuka ek novem ddres ghevpak kaim poixe kuxin kaddun dovorleat. Hanv te tuka ditolem ani tum tuka borem dista toslem

ddres ghe.” Tor taka tea Natalank chear ddres bhett mhunn mell’llole. Bhou khuxal zaun tea bhurgean mhaka fon korun sanglem, “Fador, mhozo ddeddi sorgim rajyant asa.” Mhaka poilim kol-lunk nam hem konn sangta tem. Punn uprant tannem aplea avoi sangatak ailo-lie bhettecho ugddas kelo ani tem kiteak vixim sangta tacho mhaka ugddas zalo. Ani mhunnon tannem aplem ulovp som-poilem, ‘He mukhar hanv mhojea dded-dichea mornnacho ugddas korun khonti

zaunchem nam, punn tachea godd ugddasan anondbhorit zatolem.”

Tor jim amkam soddun geleant tankam altarar Jezuchea bolidana vangdda tankam bhettoun tanchio borio yadi ami somarombhum-ia. Amche sorxil’lim pois zalolea koddchean amkam jim besanvam favo zaleant tim sorginchea Bapachi bhou moladik oxi amkam bhett zache khatir ami Bapak vakhannpachi, din’vaspachi aniargam divpachi goroz.


Seminarintlea mhojea adlea disancho mhaka ugddas yeta. Sov-sov mhoineamni amkam kudd/rum’ bod-

lunk poddttalo. Hi zaun asli ek sonvoi amchea monant ghalunk ki ami sonvsarak chikttun ravchi axa kuxin dovrunk. Sonvoyer poddlolo zago bodlunk khub aughodd zata. Poilench chintop mhullear, saman bhorop, vhorop ani porthun tem dusrea zagear dovrop, hem sogllem mhaka rag haddttalem kiteak hem sogllem korta mhul-lear mhaka khub vell lagtalo ani oslem soponaslolem kam’ mhaka suseg dinaslem. Oxem distalem ki botta-chea ixarear sogllem tharear poddchem. Punn tem toxem ghoddonam. Taka vell lagtach, ani amchim aunddean-chim kitlim-i chintnam tem bodlunk xokonam.

Rev Fr Jacob Arimpur VC


Adhunik kallant ami (odik korun dadlo) monis amchea hatamni korun tacho foll melltta tem pollevpi. Jitlem ami khor-chitat titlem porthun gheunk amchi axa; atam nhoi tor magir tori. Oslim porthun

gheunk axepachim chintnam amkam opovitr korunk xoktat. Devacher amcho unnem visvas ani amchem povitrponn polleunchi nodor dhampun dovrtat. Ek sot mhullear mon’xachem vaddop; zaum tem otmik, vo her votten taka vell lagta. Vorixtt zhaddam eke rati bhitor itlim mottim, lamb ani rund zaunk nant. Lhan, oskot ropttio, modhur, barik varean uboun vochpa sarkio tio vaddlio,

Lamb Rosto

Ami zaitie pautti osli osonsnnikai amchea otmik jivitantui dakhoitat. Amchea bot-tanchea ixarear ami bhagivont zaunk

sodtat. Jednam ami porot-porot sokol poddttat vo amchea magnneancho, reti-rancho, kumsaracho ani povitr bolidana-cho kainch foll mellonam, oslea vellar ami vajetat vo amchi umed unnem zata. Patkachea gondollak sampddon ami ghoddye chintat ki hea sakramentancho kainch upiog nam ani heah pasot amchi vadd zaunk pavonam. Eka vellar oslem chintop sarkem asa oxem somzunk zata.


ani zaitea vorsamni tanchem ek ghott ani lamb zhadd zaunk pavlem.

Sonsnnikai Ani Nigutai

Zaitie pautti ami eka bhagivontachea jivitant ekach khinnabhitor bodol ghod-dlolo aikola, zaum-ieta Damascachea rosteachi ghoddi. Punn zaitea zon-nank oxem ghoddonk nam. Choddxea bhagivontank bhagivont zaunk zaitim vorsam laglim, zaito kall tannim koxtt-dogd sonsle. Tannim zaitem magnnem kelem, sonvsari axe add te zhuzle, tannim upas kele ani porot-porot poddle. Punn tantuntlea chodda zonnamni ked-nanch har mandunk nam. Sosnnikai ani dogd sonspachi xokti – hea don xegunnam vorvim te bha-givont zaunk pavle karonn tannim hea xegunnam vorvim aplea povitrponnachi ani nirmollponachi unchai bhiyenasta-nam sambhall’lli. Te zaitie pautti harle, tannim akantak ani bhirankullak fuddo kelo karonn tannim apnnacheruch visvas dovorche bodlek fokot Devach-eruch patieun thir ravle. Jednam tannim aplea otmeacher nodor ghali tednam tannim thoim fokot osoktai ani dolldir-ponn pollelem tori tannim soddun diunk nam. Portench, vhortea bhavarthan Sor-vpodvedar Devachie kakluti ani bolla-thaim tannim apleakuch somorpun dile.

Dhir Soddum Naka

Ghoddye tum tukach polleta tednam sogllem soddun diunchi tallnni yeta.

Chodd korun jednam tum tujea jivitant porot-porot teach patkam add zhuzta ani tujean oslea patkam add kednanch zoit vhorunk zauchem nam oxem tuka dista. Tuje bhitor kosleach xegunnanchi vadd zal’li tuka disonam. Fokot har(failure). Oslea vellar soitan tujea kanant futh-futhun mhunntta, “Tum? Ani bhagivont? Kednanch nam!”. Apleacheruch konnt-tallun, hanvem hem zhuz zhuzun kosloch faido nam oxem tum chintunk pavot.

Oslea fottink patt kor. Eka vaddlolea vhodd rukha-porim povitrpnnachi vadd choddxi bhailean disonam. Kiteak? Kiteak Devak zai ami khaltikayen jiyelo-lim. Ekach tharavan vo ekech ghoddie bhitor ami amkanch bodlunk xoktat tor amkam ghoddye Devachi goroz poddchi nasli. Ani eka hut’hutea bhurgea porim, amkam ghoddye atanch nikal zai, oslim uchamboll mon’xam zaunk pavtit. Ho fokot ek bhas ani amcho goir-somoz.

Zor tum aiz tujea jiviant zhuzta zalear, dhir ghe, Dev tujea otmeant Aplo vaur korta, zori tuka tem disonam. Aplea vellar To tuka nigut ani purnn vad-dlolo monis kortolo. Ugddas dhor, sos-nnikayen bhogop zaun asa ek vhodd xegunn je vorvim sorgincho Bap mhojea otmeant Aplo vaur korta. Thokonans-tam ani niraxi zainanstanam Devacher patieun bhagevont Pauluchea utran-cho ugddas korat, “Mhunnttoch tho-konastanam borem tem korum-ia: kiteak borem korchem soddun dinant zalear, tachem pik vell pavtoch amkam mellttolem.”(Gal 6:9).


RAVIKUMAR A., BANGALORE

CELINE EDWARD, KARNATAKA

“DEV AMCHO ASRO, TO AMCHEM BOLL. KOXTTAM AKANTACHEA VELLAR ADHAR DIUNK SODANCH TOYAR. BHUIM KAMPLEAR KAMPUM, DONGOR KHOL DORIANT UMTTON PODDUM.” (ST. 46:1-2)

“VIRUN GELEM SOGLLEM MHOJEM BOLL: MHOJI DOYA KOR, SORVESPORA MHOJIM HADDAM PORIAN XIRXIRTAT; MHAKA NOVEAN BHOLAIKI DI.” (ST. 6:2)

Hanv ‘Financial Analyst’ koso vaur kortam. 2007 vorsa hanvem Potta, Deivik Retir Kendrant poilem retir kelem. Tednam saun mhojea kuttumba sangata atth pautti hea kendrant hanv ailam. Retirant vantto ghetle uprant aiz meren ami St.46, 51 toxench Izaias provadiachea pustokantlo 66 avesvor vachleat. 2015 vorsa, Bengaluru, bandkamachea kaidea pormannem amchem ghor moddonk vetalem. Khorem mhullear sogllem kaidean aslem. Dusrea disa amkam ghorantlim bhair soronk sanglem. Ami, kuttumbak sangata gheun thambonastanam magnnem kelem. Amchim xezarim, ghor moddttolim mhunn bhiyeun aslim. Dekun, amchem ghor moddinam zaunk xezariamni voilea odhikarianchi bhett ghetli. Dusrea disa sokallim sumar 400 lok amchea ghora mukhar ektthaim zale ani ghor moddunk diunk nam. “Hem Sorvesporanuch ghoddoun haddlem, tem polleun ami thottak zalim.” (St. 118:23). Devanuch itlea lokank ektthaim kele ani ghor moddpachem vattovlem.2011 vorsa Mayachie 18vier hanv kazar zalom ani 2012 vorsa Dezembrachie 19vier mhaka poilo bhurgo zolmolo. Dusrem bhurgem amkam zai aslem. Punn mhojie ghorkarnichi bholaiki bori nam mhunn dotoran sanglem. Deivik Retir Kendrant magonk lailem. Ami-i mangonk laglim. Devan amchi kaklut keli. Aiz mhoji ghorkarn gorbhest asa. Zolmonchem asa tea bhurgea khatir Devak argam. “JIM TUMI SOGLLIM JERUZALEACHO MOG KORTAT TICHE BORABOR KHUXAL ZAYAT, TICHE PASOT SONTOSBHORIT ZAYAT! JIM TUMI SOMEST TICHEM DUKH KORUN ASLEAT, TICHE PASOT KHUXALKAYEN MURGOTTAT! BHUZVONN DITOLEA TICHEA HODD’DDEANTLEM DUD PIYEUN TUMI DHADOXI ZAYAT, TICHEA BHITORLEA HODD’DDEANTLEM PIYEUN, PIYEUN SUKH SONTOXI ZAYAT.” (Iz. 66:10-11).

Mhojea paim-ank ‘Vericose Veins’ toxench sabar haddanchi pidda zaloli. Haka lagun zaitim vorsam mhojea paim-iank ghaye, roxi, rogot vhanvop ani dukh chaluch aslem. Zaite dotor kele (allopathy, ayurveda ani homeopathy) punn borem zaunk nam. Mhojea paim-iank operation korunk poddttolem mhunn kaim dotoramni sanglem. Jezu lagim hanvem maglem. Saibinn Mainchie vinnovnnien mhaka pekhovnni hanv magtalem. Mhaka mell’llolo upkar hanv DIVINE VOICE hea masikacher uzvaddak haddttolem mhunn bhasailem. Mhojim magnnim Devan aikolim. Operesanv nastanam hanv borem zalam. Mhojie dhuvechi bholaiki bori nasli. Hanv tiche pasot magtalem. Tikai pekhovnni favo zali. Hanv Devak din’vastam ani vakhann’nni ditam.


Dor eka mon’xak, hea sonvsarant, Devan ek kar’ya diun dhaddlolo asa. Jednam ami hem

kar’ya purnnponnim jiyetat tednam amkam kal-lzacho sontos favo zata. Devachem utor oxem mhunntta, “Ami Devachi rochnna:Apnnem adim fuddench toyar kel’lio osio kornnio korun ami jiy-eunche khatir Devan amkam rochleant” (Efez. 2:10). Punn jednam ami amcheach vadeachim zatat ani amchie yeuzonne pormannem jivit jiyetat, tednam ami Devachem boreponn amche vorvim dusreank

Rev Dr Augustine Vallooran VC

Jednam ami Devachi yeuzonn mandun ghetat, tednam Devachim upott besanvam amcher denvtat ani amche bhoun-tonnim ami dusreank ek besanv zatat.


pavounk pavonant. Dekun ami borem tem vinc-hun kaddunk zai. Jednam ami Devachi yeuzonn mandun ghetat, tednam Devachim upott besan-vam amcher denvtat ani amche bhonvtonnim ami dusreank ek besanv zatat.Ek tornatto dotor mhojexim yeun aplea niraxi jivita vixim mhaka sangonk laglo. Tachem kut-tumb ek magnneachem kuttumb. Dor disak sanje vellar, to aplea avoi- bapai sangata ani bhoinni sangata magnneant vantto ghetalo. Suttiechea disamni, tim ganvam bhair axil’lea povitr zageank bhett ditalim. Lhan bhurgo koso to Misant vedi sevok zatalo. Padri bhav choloitolea eka nam’nechea iskolant tannem aplem xikop kelem. Iskolant tannem borio yadi gunthun dovorlolio. Baraviechem xikop zatoch tannem eke poisul’lie medical col-lege-int aplem fuddlem xikop korunk proves

ghetlo. Pois axil’lea karnnak lagun taka aplea ghorcheancho khub ugddas yetalo. Koleji-chea tisrea vorsant tannem eka cheddva lagim ixttagot keli ani thoddeach vellan tachi ixt-tagot mogant bodol’li. Atam ho cheddo titlem magnnem korinaslo, Igorjent Aitarachem vochpachem unnem zait gelem. Koslim nam koslim nimitam sangun suttiamni aplea ghora vochpachem legun tannem bond kelem. Tea cheddva lagim tacho sombondh itlo mozbhut zalo ki tannem, aplem xikop somp-toch, tea cheddva sangata ekach ghorant ravcho tharav ghetlo. Bhurgeponnim thaun aplea ghorant ji bori dekh tannem ghetloli, ti tannem ekech ghott-kek soddun dili. Kaim disamni, tea cheddvachi avoi tanchea sangatak ravunk aili. Choddxe nirnnoi ti gheunk lagli. Hea cheddeak apli zoddloli zodd legun tichea hatant diunk poddt-tali. Avoi ani dhuv dogaim hea cheddachie zoddicher folgam marunk laglim. Tim dogaim tachem kainch aikonaslim. Ho cheddo hem sogllem polleun soreachea vesonank sampoddlo. Dor disak tanchea ghorant fokot zhogddim ani kijilam zatalim. Hea cheddeak aplea ghorche-ancho ugddas yeun khub khont bhogonk lagli. Ani hem sogl-lem tannem mhaka sanglem


ani aplem jivit ek xirap zalam oxem to udgarlo. Hanvem tache sangatak magnnem kelem ani taka somzaun san-glem ki, Devan tacher aplim upott besavam denvoileat ki fuddem vochun dusreanchea jivitant to ek besanv zaunk.Ek dotor koso tannem zai-teanchea jivitant Devachea mogachi pekhovnni haddunk zatali, ani dekunuch taka Devan eka magnneachea kut-tumbant zolmak haddlolo. Punn je meren tannem Deva koddsun aple sombondh toddle, tednam thaun tachea jivitant khont bhitor sorli. Sot mhunnlear, jednam ami Deva-chea ekvottant ravtat, tednam ami amchea jivitant boreponn haddunk pavtat ani dusreank ek besanv zatat.

“Ani tunvem Mhoji adnia pall’lli dekun tuje sonsti vorvim prithviechea sorv raxttrancher Hanv axirvad ghaltolom” (Ut. 22:18)

Abrahamachea apovnnea por-mannem, Devan taka bha-sailem ki piddka pinddka tachem nanv gheun axirvad ghaltolim mhunn. “Hanv tuje thaun ek vhodd porza upzoito-lom, Tujer Hanv axirvad ghal-tolom, ani Tujem nanv itlem xrextth kortolom, ki axirvad

ghalpak lok tem nanv vaportolo. Tujer axir-vad ghaltat tancher Hanvui axirvad ghaltolom; tujer xirap ghaltat tancher Hanvui xirap ghal-tolom” (Ut. 12:2-3). Abrahaman aplem sogl-lem soddun Devacho pattlav kelo. To Devak itlo visvaxi zalo, ki Devak to khubuch mandlo. Devachea ekach utrak, Abraham aplea ekleach putachi boli pasun diunk toyar aslo. Ani he porim Abrahaman Deva vixim aplem visvaxi-ponn dakhoun dilem. Ani sogllea bhavarthian-cho to bapui zalo. Bhag. Ankvar Maria dekun Devachie nodrent ek bhagi ostori zali fokot tichea bhavarthak lagun. Ani hench bhagivontponn tiche mauxe bhoinnin, Elizabethin oxem porgottlem “Ani Devan tuka sanglam tem purnntayen pallon yetolem mhunn tunvem bhavarth dhorloi dekun tum subhagi!” (Lk. 1:45). Moniskullachem


bhagivontponn mhunnlear, Deva thaim khol ekvott. Jednam Devachem asnnem amchea jivitant unnem zata, tednam amchem jivit ek xirap zata. Deva koddsun pois gelear jivitant fokot unneponn ani eksurponn dison yeta.

“Tor jivit vinchun kaddat ani oxem tumi ani tumchi sonsot Sorvespora Devachea mogan jiyetoleat” (D.S. 30:19)

Devan ho sonvsar sorg koso pinddka pinddkechea mon’xak lagun rochlo. Hea sonvsarachi poili zobabdari Adanv ani Eve-chea hatant ghali. Punn soitana vorvim hea sonvsarant patok bhitor sorlem kiteak amchim poilim avoi bapui, soitanachea patki fasak sampod-dlim. Sogllie prithumer kallokh poddlo ani Devacho xirap ticher denvlo. “tuka lagon zom’nicher xirap poddum. Sogl-lea tujea jivitant koxttamni zomin kamais korun tujem pott bhortoloi” (Ut. 3:17). Dadlea baile modem zo som-bondh aslo, tacherui Devacho xirap denvlo, kiteak dadlo, bailek guneavkari tharaunk laglo. Dadlean oxem mhunn-lem, “Tunvem mhojea sangatak bail diloli, tinnem tea rukhachem foll mhaka dilem ani hanvem tem khelem” (Ut. 3:12). Hem, mon’xachea patkak lagun atam moniskullak, koxtt korun, aplo gham’ varoun, prithumecher foll utpon’n korunk poddlem. “ti zomin tuka kantte-khuntte ani kunsam utpon’n kor-toli ani xetantlem tonn tum khatoloi. Ani tum zom’nint porot vocho porian tujea kopalacho gham’ varoun tuzo dispott’tto

gras zoddttoloi, kiteak tiech zom’nintlo tuka kaddlolo. Tum dhul’l ani porot tum dhul’lint vetoloi” (Ut. 3:18,19).

Adanvank Devan sorginchie bagentlo bhair ghalo tea vella veli ek sobit kanni asa. Adanv sorginchie bagechie getti koddem yeun polletalo punn ti sogl-lich bond asli ani tichie rakhnne khatir ujeachio tolvari gheun rakhpi asle. Hem polleun to khub khonti zalo ani svotakuch vicharlem, “Hanvuch nhoi to zannem moniskullachea pinddkank sorginchie bagek durig ghala to?” Hoch prosn protiek dadlean ani bailen svo-takuch vicharunk zai ki mon’xacher yevpi Devachim besanvam nam korpak apunnuch karonn zala zalear.

“Konn-ekleachio adnia pallunk tumi gulam’ponnachi koblat kortat tor, jea konnachio tumi adnia pallttat, tanchim tumi gulamam zatat: hem tumi nokllot?” (Rom. 6:16)

Jednam ami Devachi adnia mandun ghetat, tednam amkam Dev aplie yeu-zonnecho bhagidar korta. Bhag. Ankvar Marien, boddveachea apovnneank ‘hoi’ mhunnlem ani aplem akhkhench jivit Devachea hatant soddlem. “Hi asa hanv Sorvesporachi chakorn: zaum mhoje sovem Tujea utra pormannem” (Lk.1:38). Jednam tinnem apnnachench sorv somorponn Devak kelem, tednam Devan tika Povitr Otmean bhorun Aplea ekleach Putachi avoi zaunchem bhag favo kelem. Ani Elizabeth oxi udgarli: “Ostoriam modem subhagi tum” (Lk.


1:42). Ani Ankvar Maria apunn khud oxi udgarta, “sogllio pinddka mhaka subhagi mhunnttolio” (Lk. 1:48).

Punn dusre votten jednam monis Deva ani Tache yeuzonne koddsun pois veta, tednam tacher xirap denvun yetat ani aple bhountonnim aslolea mon’xank to ek xirap zata. Jonas provadi zaun asa amkam ek udahoronn. Devan tache vorvim Nineveh xarak vattavpachi yeu-zonn gunthloli. Ani hakach lagun Devan taka Nineveh xarant patthoilolo. Punn Jonas-an hi Devachi yeuzonn mandun gheunk nam. Nineveh veche zagear tannem vhoddean dusrie dixen Tarshish ganvant vochunk vatt dhorli. Doriant itlem vadoll-modd zalem, ki tarvachem don kuddke zata-xem dislem. Tarva-chea vhoddilan sogllea lagim ap-aplea devank, magnnem korunk sanglem. Punn Jonasan toxem korunk nam. Por-tench zalear, to eka kon’xak gelo ani thoim nhidlo. Deva lagim prarthon korunk taka kallji nasli, kiteak to Deva koddsunuch pois vetalo ani tachie yeu-zonne add aslo. Jednam tarvacho vhod-dil taka vichar korta, tednam Jonas taka sot asa tem sangta ani kollit korta ki hem sogllem takach lagon zata kiteak tannem Devachi yeuzonn nakarli dekun. Tachea patkak lagon, Devacho xirap, soglle-ancher denvun aila. Ani dekunch apnnak doriant uddoi oxem tannem vhoddilak sanglem. Ani jednam taka doriachea pottant uddoilo, tednam vadoll-modd thamblem. Jonas Deva koddsun pois gelo ani dusreank ek xirap to zalo. Punn jednam to Devachi yeuzonn mandun

gheta ani Ninevehachea lokank patok soddun Devak lagim yeunk adhar korta, tednam to tea lokank ek besanv zata.

“Moronn apnnacher ghe porian Devak to khalto zalo.” (Fil. 2:8).

Jezuch amam soglleank ek vhodd besanv zalo. Aplea jivita vorvim ani Bapachie yeuzonnek Aplem purnn somorponn korun, Tannem amcher zaitem boreponn otoilem. Aplea Bapachia yeuzonnank Tannem purnnponnim man dilo ani khot-tea pasot khursar aplo jiv dilo. “Deva-cho Put zaunui, aplea koxttam-dogdam

vorvim sodam Devachie khuxek khalto zaunk to xiklo. Ani Devan taka som-padnniek pavoile uprant, khalteponnan Apli khuxi kortolea soglleank To sasn-nik soddvonnechem karonn zalo” (Heb. 5: 8,9). Jitlim ami Jezu bhoxen Devak khalti zatat, titlim ami dusreanchea jivi-


tant besanvam koxim zatat. Bhag. Paulu amkam kollit korta ki, Jezun Devachi yeuzonn mandun ghetli dekun amkam soddvonn favo zali. “Eklo monis Devachie adniek khalto ravlo nam dekun sogllim mon’xam patki zalim; toxench eklo monis Devachie khuxek khalto ravun sogllim mon’xam Devak mandlolim zatolim” (Rom. 5:19).

“Tum porthun ye-xi zalear, Hanv tuka porthun Mhoje sevek laitolom ani tum Mhoje hujir astoloi” (Jer. 15:19)

Ek karbhari mhoje-xim ailo. Karbharant taka khubuch luksonn zalolem. To aplea kamant kallji gheunche bodlek, mouza martalo ani apleak zai tem korunk suttka melltta mhunn to porot porot bhailea desamni vetalo. Punn oxie toren tacho dhondo kabar zait ailo ani tachim ghor-chim taka pois zaunk laglim. Tachem

lognik jivit tufanak sampoddlolem ani tachim bhurgim taka poisaunk laglolim. Hie sogllie poristhitint tannem Devak legun ulo marunk nam. Konn eka ixttan taka retirant bhag ghe mhunn sanglem dekun to retirak ailolo. Poile thodde dis, Retirant dusreanchi vagnnuk pol-leun taka rag yeunk laglo. Punn eka disa Misachi bhett choltanam taka thavem zalem ki tachech chukik lagun tachea karbharacho purai ibadd zalolo ani tachim ghorchim pois gelolim. To aplea chukichea chintnamni bhorun khub dukhest zalo ani ti rat tannem devmondi-rant bosun roddnean kaddli. Tachea kal-lzachie kholayek thaun taka dislem ki tannem Deva-xim porthun yeunk zai ani Devachie kaklutin taka soddvonn favo zatoli. Tannem ek borem kumsar kelem ani padri bhavan taka Povitr Otmeachie xoktien bhorun aplea jivitachi novsornni korunk sondex dilo. Povitr Otmeachie suchovnnie pormannem tannem aplem akhkhem jivit, adlem toxench fudda-rachem, Devachea hatant ghalem.

To porthun aplea ghora gelo ani atam to ek magnneacho monis zalo. Aplea kut-tumba ani ixttam pasot to Devak khalti-kayen ani khotkhotean magnnem korunk laglo. To aplea ghorcheam lagim portolo khoro punn tannim taka poilo mandun gheunk nam. Zoso vell sorot gelo, tachea ghorcheamni taka apnnailo ani tacho karbhar porthun bandun haddlo. Tachem jivit zaun asa ek govaiki ji amkam dak-hoita ki ek xirap porthun eka axirvadant bodlum-ieta fokot Devachie mozotin.


tednam vo Povitr Snana disa ami ghetloli zobabdari pallttanam, puraiponnim pattlav korunk apoita. Amche modlim kaim zonnam tori koslich addkholl nastanam Jezucho pattlav kortat. Hem somzon gheunk eka ghodditacho adhar ami gheum-ia.2008 vorsa Agostachea mhoineant thaun Orissantlea Khandamal vattharant Kristi lokancher hol’lo zal’lo ani azunui kaim vattharamni zait asa. Zaitea amchea Kristi bhavam bhoinnink bhavarthak lagun tore-torechi piddapidd sonschi poddli. Fokot sadi

Poilem bhagia, Kristi jivitachem mull tharaita zalear atthvem bhagia Kristi

jivitachi niz porikxa koxi zaunk zata, hacher bhor dita. Kristi jivitant mhunnttanam Jezuchea pattlavdarachea jvitant, koxtt-piddapidd asat mhunn hem bhagia amkam ugddas korta. Jivitant fulam kantte asatuch, punn hea fulam kantteank ami koxe porim fuddo kortat tem gorjechem. Fulam mellttat tednam khuxal zavop ani kantte ailear niraxi zavop, hem Jezuchea pattlavdarank sobonam. Jezu amkam aplo pattlav korunk ulo dita

John M. Alfonso Karmelit


piddapidduch nhoi, punn zaitea zonnank aplo jiv diuncho poddlo. Dusrea dhormache kaim bhav yeun Kristi dhorm soddat mhunnon tankam boll kortale. Jivexim martale. Oxech eka disak Kamlini Nayak hie Kristi ostoriechea ghorant te bhitor sorle. Kamlinichea kusveant atth mhoineanchem bhurgem aslem. “Tumi dhorm bodolnant zalear tumchie zannttie avoik katrun uddoitat.” Tea dhormvadiamni tankam yeun sanglem. Kamlinicho ghorkar bhiyelo. Aplie avoik jivexim martat mhunnon tannem, apunn dhorm bodoltam mhunnon sanglem. Kamlini fuddeant vochun tannim toch agro kelo. Punn Kamlinin, apunn dhorm bodlunk toyar nam mhunn tankam soroll sanglem. Tannim vell kaddinastanam, tiche katrun kuddkean kuddke korun soddle.Oslim zaitim ghodditam ami aikoleant ani

T.V. ani her madheomancher polleleant astolim. Tednam amchem kalliz churchurlem astolem. Amche modlim zaitim zonnam titlearuch thamblim. Niz Kristi jivit jiyeunk amkam amchim koxttovtolim ani piddapidd sonstolim adhar ditat.

Adinch thaun amkam piddapidd asa

Ami, soddvonnecho itihas vachla ani tachi amkam vollokh asa zalear, dhumallo, dogdavnni, koxtt, piddapidd asach. Khas toren, poile chear xenkdde Romachie razvottkiechea patxayam khala, zoxe porim Nero, Dioclesian adi, Kristi porza khub koxttovlia. Zaiteank lasun pasun marleat. Povitr Sobhent hem adim thaun ghoddot asa mhunnttoch, atam-i ghoddtta ani fuddarakui


ghoddttolem. Adim thaun, Devacho sondex porgottpi ani sondex koxe jiyevpi provadiank zaito dhumallo bhogcho poddla. Elias, Amos, Izaias, Jeremias ani her provadiamni niz Devak porgott’ttanam zaitem sonslam.

Aiz amkam oslie torecho dhumallo nam zait. Punn kaim promannant amchea Ut’tor Bharotant dixtti poddtta. Khorem mhullear amkam obhiman bhogonk zai.

Rosy Alvares, hie amchie tiatrist bhoinnik GULAB masikacho puroskar favo zal’lo. Tea vellar, hea puroskara vixim ek lekh toyar korunk hanvem tichem mot ghetlem. “Ho puroskar tuka favo zala mhunnttoch tuka kitem bhogta?” Hanvem taka vicharlem. “Mhoje adim ho puroskar M. Boyer sarkea

tiatristank favo zala. Aiz to mhaka mell’lla. Mhaka obhiman bhogta.” Tinnem soroll zap dili. Dhumalleachi fattbhuim ami somzon ghevop gorjechem. Dhumallo yeta tednam konnak lagun tem ami sonsunk zai, hem tor amchea monant asa zalear koxttank – trasank veng marop ekdom’ sompem.

Jezuchem mon ani avhan

Jezu mhunntta: “….Tannem mhaka dhumallo dila. Te tumkam dhumallo ditole…..” (Ju. 15:20). “Mhoje khatir tumkam opmantit, tumkam dhumallo ditit ani sogllea jinsanchem vaitt tumcher add uloitit, ten’nam tumi subhagi. Khuxal ani sontosbhorit zayat; kiteak sorgar bhou vhoddli mozuri tumchi. Tumche adim

provadiank tosoch tannim dhumallo dila.” ( Mt. 5:11-12)

Jezu hem bexttench amkam sanginam. Jezuchem jivit tench zalem. Xevottak khursachem moronn favo zalem. Aiz amkam khursachem moronn ghoddye favo zaunchem nam. Punn sotak govai divop hem avhan asa. Sot ulounk ami bhiyeunchem nhoi. “.Mhojea nanva pasot sogllo lok tumcho dves kortolo; punn xevottak pasun thir ravot tinch taronn zoddttolim.” (Mt. 10:21). Jezuk porgottunk tor ami bhiyelim zalear


amkam Jezuchim pattlavdaram mhunnonk zata? Amkam Kristanv mhunnonk zata?

Kristachea pattlvadarank dhumallo kiteak?

Ami Jezuchim pattlavdaram dekunuch amkam dhumallo asa. Sant Pedru aplie poilie chittint amkam ugddas korta. Ami promannikponnan jiyetat dekun amkam dhumallo asa; amchea patkam pasot nhoi. ( polle I Ped. 3:14, 4:14-15). Khorench, ami promannikponnak bhuketat ani tanetat, ami khuxe monan gorib zatat, ami amchea patkam pasot rudon kortat, ami bholim zatat, ami dusreanchi kaklut kortat, kallzachi nitollai sambhallttat ani xanti porgott’ttat mhunnon amkam opman sonsche poddttat. Zannvayechem pustok oxem mhunntta: “Promannik mon’xanchi tankam tiddok yeta, kiteak tanchi vagnnuk veglli. Promannik mon’xam tankam sonsonant. Tanchem asnnem tankam tiddok haddtta. Vaittachean boreponn sonsunk zainam.” (polle Zann. 2:12-20). Hea utrancher ami niyall kelo zalear amkam ekie torechem boll melltta. Hich ti Devachea Utrachi ghottai. Amchem promannik

jivit chalu dovrun dhumalleak fuddo korum-ia.

Amkam dhumallo divpi konn?

Amchea Bharotant ami aikon ani polleun zannant te bhoxen, Hindu Raxttr korpachem sopon gheun kaim dhormvadi amkam Kristanvank dhumallo ditat. Tore-toren amkam dhumallo ditat. Amchio Igorzo, Khuris, Santanchio ani Saibinn mainchio murti moddun uddoitat. Kristanv mhunnonuch ami dhorm bodlunk amkam boll kortat. Hie toren ami Kristanvam zaitem sonstat. Lukachem Xubhvortoman amkam Kristanvank aslolea chear jin’sanchea dhumalleachi khobor korta. Te mhunnttlear -- Dves, bhairavop, opmanop ani fottkiri govai divop ani bongllanttam ghalop (polle Lk. 6:22-23).

Voir dilam tem sogllench dusrea dhormanche kortatuch oxem nam. Amchinch, amcheach somazant, somudayant ani kuttumbant jiyevpi, amchi veglli chal polleun tore-toren sotaitat. Jezukui, Devacher sotman’toleamnich piddapidd dili. Dusro amkam piddapidd dita mhunn huyeli marunk ami toyar zatat. Punn amich amcheach mon’xank sotaitat vo tras ditat tednam, amkam kainch


bhogonam? Aiz amchea padri-madrincher add uloitat konn? Fokot dhormvadich? Ami amcheach Dev mhunniariancher add uloun tancho man varear ghalpache yotn korinant? Haka sotavnnuk mhunnonant? Haka piddapidd mhunnonant? Haka koxtt mhunnonant? Ami kitem-i kelear cholta. Dusreami mat kainch mhunnonk zainam. Hich ti Jezuchea pattlavdaranchi chal ani vagnnuk? Hem amkam Kristanvank sobonam.

Dhumalleank amchi zap

Dhumallo amkam sonscho poddtta tednam ami kitem korchem? Dhormdutancho Itihas amkam zap diun mhunntta, Dhumallo sonscho poddtta tednam ami khuxal zaunk zai. (polle D.I. 5:41). Dhumallo ditoleancher add ulounchem nhoi. Tankam bhogsunk amchea monachi toyari korunk zai.

Sr. Rani Maria, hichi khobor tumi aikolia astoli. Madhya Pradeshant ti aplo somajik vaur kortali. Goribanche hokk melloun diunk khub vavurtali. Punn ticho vaur polleun kaim lok challvotale. Goribanche hokk chirddun dovrunk tankam mellonaslem. Oxich eka disa ti bosin poinn kortanam, Samundar Singh hea mullvadian (fundamentalist) bosintlean bhair kaddun zaite ghave tichie kuddir ghalun tika jivexim marli. Hi khobor Bharotant varea sarki posorli. Samundar Singh-ak dhorlo ani bondkhonnint ghalo. Sr. Rani Maria-chea ghorcheamni tea khuniak bhogsonnem diuncho nirnnoi ghetlo. Sr. Rani Maria-chi bhoinnui ek Madr. Tinnem taka bondkhonnint vochun apli vollokh diun rakhi bandli. Sr. Rani Mariachea ghorcheamni taka aplo ghorcho koso ghetlo. Madhya Pradeshantlea Rajpalak

(Governor) ek vinontichi chitt boroun tea khun kortoleak soddat mhunn maglem. Tednam to Rajpal oxem udgarlo. “Hi kornni fokot Kristanvancheanuch korunk zata.”

Oslio zaitio dekhi hanga diunk zatat. Amchea Kristi bhavam-bhoinnimni bhavarthak lagun sonslam ani Jezucho ulo monant dovrun bhogsonnem dilam.

Ami he koxtt koxe gheunk zai? Bhogsonnem diunk zai mhullear sogllem vaitt asa tem polleun dolle bond korun ravop? Nam. Vaittacher ami nixedh marunkuch zai. Tori astanam koxtt yetat zalear ami sonsunk zai. Favo nhoi tosle koxtt, piddapidd ami sonsunk zai tem zalench, punn khuxalkayen mandun gheunk zai. Punn, ami gunngunnlim zalear ( polle Rom. 11:1-4), dusreancho bodlo ghetlo zalear ( polle Rom. 12:17-19), Jezuk porgottchem soddun dilem zalear ( polle Gal. 6:9) ani ami tanche pasot maginant zalear ( polle Mt. 5:43-45) ami amchi Kristi zobabdari visortat.

Borem kelam astanam koxtt bhogle zalear Deva mukhar mol asa. Adim amkam dhumallo aslo. Atam-i asa (adim aslo toso nam zait) ani fuddarakui astolo. Ami zor Jezuchim pattlavdaram zalear amkam dhumallo asa. Amchea jhemlolea bhavarthak zagounk oslea dhumalleachi goroz. Dhumallo astolo mhunn ami dusreank tiddoun vo tancher add uloun dhumallo magun gheuncho nhoi. Amchi Povitr Snanachi zobabdari mandun gheun niz Kristi jivitak zai toslea bhavarthak veng marum-ia. Sorginchea rajyak favo toslim zaum-ia.


SR. MEERA CSN, ALUVA “SORVESPOR OXEM MHUNNTTA: TUMCHE VIXIM MHOJEA MONANT ASA TI YEUzONN HANV zANNOM; TI YEUzONN MHULLEAR XANTI DIVPACHI, NOXTT HADDPACHI NHOI; HI YEUzONN TUMKAM BHORVANXAN BHORLOLO BORO FUDDAR SAMBHALLUN DOVORTA.” (JER 29:11)

Hanv ek dhormik madr. Mhojea xevottachea angvonniank toyar zatam. Deivik Retir Kendrant ho mhozo poilo retir. 2015 vorsa, mhojea kanant koslo tori avaz zata oxi bhas mhaka zali. Davea kanan mhaka aikonam zalem. Bhurgeponnar thaun mhaka thonddi aslolean mhunn Dotoran sanglem. Operation pasun korun zainam. Earphones vaprunk tannem sanglem. Hanv tednam Allahabad aslim. Thoinch hanvem earphones magoile. Punn mhaka hio vostu mellchie adim mhoji bodli Punjab-ant zali. Hanv Punjab pavlim tednam, ho retir korunk mhaka sond mell’lli. Kumsaranchea sonskarant vantto ghetle uprant mhojea kanacher mhoji nodor geli. Jezun mhaka pekhovnni dilia oxem mhaka bhoglem. Kanant avaz zatalo to bond zalolo. Jezu mhaka pekhovnni dita, oxem dislem. Pekhovnniechi rit choltanam, tea yadnikan kanachi pekhovnni mell’llia mhunn sanglem. Mhojea dolleantlean dukam vhanvli. Magonastanam Jezun mhaka bori keli. Mhojie bod’dol Devachi yeuzonn asli mhunn hanvem mandun ghetlem. Devak vakhann’nni. “KHORENCH MHULLEAR, AMCHEA OPRADHANK LAGUN TAKA ASPAS VIDHLO, AMCHEA GUNEANVANK LAGUN TAKA VOLLVOLLAILO. TACHER XIKXA PODDLIA TICHE VORVIM AMKAM XANTI MELL’LLI, ANI TACHEA GHAYANK LAGUN AMCHE GHAI PEKHLE.” (Iz. 53:5).

STEPHEN RICHARD LOBO, KARNATAKA “SOMIA SOVEM SODANCH KHUXAL RAVAT; NOVEAN SANGTAM, KHUXAL RAVAT……..ANI AMCHEA GINEANA POROS VORTI DEVACHI XANTI TUMCHIM MONAM ANI KALLzAM JEzU KRISTA SOVEM RAKHTOLI.” (FIL. 4:4-7)

Hanv kazari ani mhaka 21 vorsancho bhurgo asa. Tannem, “Diploma in Hotel Management” kurs kela. 2013 vorsa mhojea soirea vangdda hanvem Deivik Retir Kendrant retir kelo. 25 vorsancho astanam, hanv soro piyetalom ani sigreitt oddttalom. Jivitachim tis vorsam meren him sonvoi mhaka asli. Hi vaitt sonvoi hanvem soddunk zaite yotn kele. Punn hi vaitt sonvoi mhoji vatt soddinasli. 2014 vorsa hanvem dusrie pautti retirant vantto ghetlo. Jezuchea adharan hanvem hi vaitt sonvoi soddli. Aiz hanv je konn piyetat ani sigretti oddttat tanchea sangata bosta, punn soro piyenam ani sigretti oddinam. Devak din’vasunk hanvem 2015 vorsa tisrie pautti retir kelo. Devak din’vas ani vakhann’nni.“MHOJÊ KODDLEM TUMI XIKLEANT TITLEM-I TUMI KORAT: HANVEM TUMKAM DILEAT TIO CHALI, MHOJEA TONDDANTLEM TUMI AIKOLAM TEM VO MHOJE VAGNNUKENTLEAN TUMI DEKHLAM TEM. HE PORIM AMCHIM KALLZAM XANTIN BHORTA TO DEV TUMCHE SOVEM ASTOLO.” (FIL. 4:9).


Jednam Rebekah Haranan pavlem, tednam Isaac tachexim logn zalo. Isaac

cheallis vorsancho aslo. Vis vorsa porian Isaac ani Rebekahk bhurgem naslem. Issacan ekleach jivea Deva-xim maglem Rebekak bhurgem diunk. Rokhddech Rebekah zonvllea bhurgeank gorbhest zali. He dogui bhitor zhogoddttat tem taka onnbhovtalem. Oxem kiteak ghoddtta kai mhunn tinnem Devak vicharlem. Devan tika sanglem he don put mhullear don raxttram zatolim. Dhaklo bollixtt zatolo

ani vhoddlo tacho chakor zatolo. Essau poilo zolmolo ani Jacob aplea bhavachie khonttik dhorun zolmolo. Essau khorem mhullear kuttumbacho vhoddil zaunk zai aslo. Punn taka Devachem ani fuddari zauchem poddonk naslem. Ek dis apleak bhuk laglia mhunn jevnna khatir tannem aplea zolmacho odhikar Jacobak viklo.

Jednam Isaac zanntto zaun mornnachie tonnir pavlo tednam, taka zai aslem apnnem, poilea bhurgeak mhullear Essauk


axirvad dilolo. He khatir tannem Essauak apoun haddlo ani sanglem, “tum xikarek voch, zonavorak marun mhaka tachem borem jevonn korun vadd ani hanv tuka besanv ditolom.” Essau xikariek gelo punn he votten Rebekahn Jacobak Essauachea kopddeamni nhesoilo. Tinnem borem

mas randlem ani tem Jacoba koddem dilem bapaik diunk. Jednam Jacoban

bapaik jevonn dilem taka Jocob Essau koso dislo. Issacan jevle uprant Jacobak besanv dilem. Jednam Essau xikare thaun portolo taka gomlem ki Jacoban taka fottoilo mhunn. Taka tacho rag ailo ani bapui Isaac mele uprant Jacobak jivexim martolo mhunn Essauan soput ghetlo. Taka lagun Rebekahn Jacobak pollon vochun Haranant aplo bhav Labanaxim vochunk sanglem. Jacob Canan des soddun zaitim vorsam Haranant ravlo.

Pap Saib : Govaye ani moga udexim bhavarth dusreank pavta.Vatican Xar: Pap Saiban mhunnlem ki Povitr Sobhechi vadd akoroxonnan zata anik moga govaye ani moga udexim bhavarth favo zata. Ek pustika vo kosli yeuzonn yontra udexim xikche poros ek Kristanv dusreank “Bhavarth divpant folladik zavop.” Chodd gorjechem, eke Povitr Sobhe porim ji zaun asa ek avoi, ji bhurgeank bhavarthan vaddonk zolm dita. Bhavarth dusreank divop mhunnge, kosli khobor divop oxem nhoi, punn ek kalliz ghoddoun haddop, oslem kalliz, Jezu Kristant Bhavarth dhorpachem kalliz ; Bhavarth, kosleai yontra udexim posraunk zainam. Punn hi pustika gheun ticho abheas kele uprant povitr snan di. Amkam kitem mell’llam tem dusreank divop. Eka kristanvank bhavarth, dusreank divpachea vaurant folladik zavop, zaun asa ek avhan.” Pap Saiban fuddem mhunnlem ki bhavarth mogachea promollachea vatavornnant pinddkiechie pinddkient xemiam thaun avoik oso fuddem vochot ravta. Bhavarth fuddem veta to utraninch nhoi, punn apurbayen, konvallayen ani bhasa-bhas korun. Te bhair ghorabeacho sambhall kortat tim dusri avoi koxi zago ghetat. Ghoracho sambhall kortat, tanchoi bhavarth fuddem veta, tim dusri avoi koxi zago ghetat. Bhavarth favo zavpachem poilem rup zaun asa mog. Bhavarthachi govai divop, heai udexim bhavarth dusreank favo zata. Bhavartha khatir jivdan kelam, hea-i rogt-sakxianchea mornna udexim bhavarth favo zata.

Benedictine madrinchi Bhagevont Jose-k novea album-achi Bhett:Kansas Xar, USA: Missouri-chea kheddeant, Benedictine Madrimni novoch uzvaddant haddlolo ek album Jesus-Maria ani Jose

BATMIhanchea kallzak bhettoilam, punn kheritponnim tem Bhagevont Josechea Bapaiponnak orpilam. “Halinchea mhoineamni bhagevont Jose-n povitrtayen ani sadeaponnan aplo Bapaiponnacho dorzo dakhoila. Tech khatir hi CD tachea bapaiponnachea kallzak bhett” oxem prioress Benedictines of Mary, Queen of Apostles, Mother Cecilia hinnem mhunnlem. The Hearts of Jesus, Mary & Joseph at Ephesus hachi ugtaunni Bhagevont Jose, vauraddi, hache porbe disa zullche nimtin Mayache 1ler kel’li. Ho album vikun duddu yetat te vaddttea somudayachie firgojechea bandkama khatir upiogak poddttole. “Pure Heart of St joseph, hachi bhokti bhavarthan ani Povitrtayen hea donui kallzam borabor ghosghoxitponnan azun ugddapem koutuk korunk nam, punn Pap Saibachea provochona udexim dista ki hie bhoktik khorayen mohotv asa.” Ho album 12 ‘track’-ancho, hantunt atth (8) mullave (original) ‘track’ asat

Britain-chea doria kinarear hozaramni Kristi bhavarthi tersachem magnnem kortat.Exmouth, United Kingdom: Abril mhoineachie 29vier hozaramni Kristi Bhavartheamni Britain hangasor tersachem magnnem kelem. Hi ghoddnni 2010 vorsantli, jednam Pap Saib Benedict XVI hannem bhett dil’li. To ek vhoddantlo vhodd Kristavancho mellavo ani hantunt 400 odik zome British-ache doria kinarear ani thodde zome pordesant magnnem kortale. Thoddea suvatancher te zome barik vo motte asle. Thodde kodden eka kuttumbacho zomo, zalear thodde kodden xembhoramni lokanche zome. Exmouth hangasor Donna Cooper hinnem hea mellaveant bhag ghetlo ani mhunnlem ki, “zor tor atanchim tornattim Povitr Sobhechea fuddarak ek bhorvanso,

BATMIBATMI


zalear Exmouth doria kinarear Ruzai korche nimitin vorixtt sankyen ektthaim zavop zaun asa ek umedichi khobor. Hangasor aslolea yadnikank ani Exeter-achea firgozkarank thiraunnie sonvskarachea umedvaramni sangat dilo.” Tinnem mhunnlem, “Khoreponnim ghuspagondollak sampoddlolea Aitarachea ‘dog walkers’ hancher matso porinnam’ kelo, to-i zalear jednam kallzant thaun ‘Faith of our Fathers’ hachea rupantora somoyar. Magnneacho vell somptoch. Outer Hebrides, Isle of Eriskay hangasor Fr. Ross Crichton eka zomeacho fuddari, hannem mhunnlem ki ho dis zaun asa “onodbhorit.” Tannem mhunnlem hea zomean English ani Gaelic bhoxen magnnem kelem ani te uprant tea bhurgeamni ek ‘’Milagrinchi Medal” matient puroili. Itlem mhunnosor Gosport, Hampshire, hangasor, Fr. Tom Grufferty hannem eka zomeacho fuddakar ghetlo. “Ami purvil’lem tersachem magnnem suru kortanch soglleamni ek somudai koso aplim monam ani kallzam magnnea udexim Devak ubharlim.” ‘Isle of Wright’, Solent-ache dixem polletanam mhaka mhojech ostongim uzvaddache gutt novea saran polleunk favo zalem. Hovaman kupamni revoddlolem ani thondd varem martalem, tori soglle ektthaim zalole dusrea lokam modem, Great Britain-chea doria kinarear eka-mekachi vollokh korun ghetli.” Portsmouth hangasor Clare Short eka zomeacho vangddi zalolo ani tannem mhunnlem, “Doria kinarear magnnem korunk British Isles-anchea 30 hozar lokank ektthaim haddle ani apnnak oxem bhoglem ki atam otmik raxttriya vollokh korunk portun survat kortat.’ Dhorma voir zatolea oteachearacher durlokx kel’leacho Bharot sorkaracher arop.Srinagar, India: Religious minorities ani somajik gorib Dalit lokancher oteachear zata to bond korunk kainch upai ghenam mhunn, The United State Commission on International Religious Freedom hannim Bharot

sorkaracher arop kela. Abrilachie 25vier bhair sorlolea commission-achea halinchea vakeant mhunnlam ki ho oteachear fattlea don vorsamni vaddla astanam-i bi, sorkaram to bond korpacho kainch upai gheunk nam. Afghanistan, Azerbaijan, Bahrain, Cuba, Eygpt, Indonesia, Iraq, Kazakhstan, Laos Malaysia ani Turkey hea desam borabor India-k tannim 2 dorzo dila. “systematic, ongoing and egregious” hantuntlo ek tori gunn aslolea ani dhormacher oteachear zatolea desancho sumar kaddttat ani tea desank favo tea dorjeant bosoitat. Pakistan dhorun dha (10) des vaittant vaitt dorjeant bostat. Indian Catholic Bismancho General Secretary Bishop Thedore Mascarenhas hannem mhunnlem ki ‘religious minorties’ hancher tambonastanam oteachear chalu asa. US Commission-acho nirnnoi India sorkaran bhair uddoila.

Utramni, kornniamni ani jivitachie dekhintlean ami xanti porgott’ttat tim subhagi. Ten’nanch amkam Devache put ani dhuvo mhunnonk zata. Punn, amkam Devachim bhurgim vo Devache put ani dhuvo mhunnttolo konn? Hea somazant jiyetolim tor ami Devachim bhurgim mhunn amkam mhunnchinch nant. Oslem jivit jiyelear Dev, amkam Aplim mhunn mandun gheta. Kiteak ami jiyelolem jivit Devak mandta toslem zata. Jezu Kristacher bhavarth dovrun, ami sogllim Devachim bhurgim zatat mhunn Sant Paulu Galasiekarank boroun sangta. (polle Gal. 3:26).Xanti sodun borea paulamni cholonk zai mhunn Sant Pedru aplie poilie chittint sangta. Aiz niz, mhollearuch Jezu dita tosli, xanti apnnaunk zaitio addkholli astolio. Mohotvachi addkholl mhullear ami dusman mhunn mandun ghetloleam sovem amchem mon. Niz xanti porgottnnar dusmanank pasun borie nodren ghetolo. Devak dan bhettounche adinch amchea pelea koddem son’dhan korunk Jezucho ulo asa (polle Mt. 5:22-25). Hem sogllem monant haddun niz xantichie dut zaunchem avhan svikarop xanneponnachem.


divine voice november 2016 · 15 19 33 9,10 18,30 34 to batmi goviakeo jacob ani essau ... oct 28...

Documents