die sawanant - lente 2008 - small - sawa.org.za · pdf filesleep resepte ... vol te kry voor...

Die Sawanant

Lente - 2008

Leentjiesklip - 25 April 2008

SAWA – SUIDWES-KAAP

Hierdie blad word uitgesit vir advertensies. Ons het tans geen adverteerders vir Die Sawanant nie. Help ons asb om adverteerders te kry wat die drukkoste kan help dra.

Die Sawanant is in die verlede aan lede uitgegee met ‘n koste per lid. Ons sal dit binnekort weer moet instel. Die koste is nie die afgelope jaar van die lede verhaal nie.

DieSawanant: Suidwes-Kaap

Uitgawe No. 7 Lente - 2008

Inhoudsopgawe Bladsy Suidwes-Kaap Bestuur 2008/09 .... . . . . . . . . . . . . . . . . . . . . . . . . . . . . . . . . . . . . . . . . . . . 2

SAWA Erekode .... . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 3

SAWA Erekode in Jeugtaal .. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 3

Voogdelys ... . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 4

Oordenking.... . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 5

Redaksioneel ... . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 5

Wat is 'n Pa ? .... . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 6

Uit die Voorsitter se Pen .... . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 7

Kampverslag – AJV by Ou Skip .... . . . . . . . . . . . . . . . . . . . . . . . . . . . . . . . . . . . . . . . . . . . 8

Van Die Loeries – Oom Dave Griessel se ervarings: ... . . . . . . . . . . . . . 12

Skakels van die Skakelbeampte.... . . . . . . . . . . . . . . . . . . . . . . . . . . . . . . . . . . . . . . . . . 13

Kleuterhoekie ... . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 14

Jeugblad .... . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 15

Kopkrapblad .... . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 16

Die soeke na ons eie woonwa .... . . . . . . . . . . . . . . . . . . . . . . . . . . . . . . . . . . . . . . . . . . . 17

Verjaarsdae .... . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 19

Verjaarsdae .... . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 20

Jeug Verjaardae .... . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 20

Lief en Leed .... . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 21

TROUKOORS ..... . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 22

Suidwes Kaap seVolgende Kampe en Datums .... . . . . . . . . . . . . . . . . . . . . . 23

Gebied Goeie Hoop - 2008 Kampe en Datums .... . . . . . . . . . . . . . . . . . . . . . 23

Suidwes Kaap se foto Wenners! ... . . . . . . . . . . . . . . . . . . . . . . . . . . . . . . . . . . . . . . . . . 24

Sleep Resepte .... . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 27

Wat is 'n Ma ?.... . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 28

Die Sawanant: Suidwes-Kaap Lente 2008

2

Suidwes-Kaap Bestuur 2008/09 Voorsitter Johan Oosthuizen Posbus 4250, Old Oak, 7537 Tel (h): 021 919 1946 Faks: 021 949 1278 Sel: 082 739 0537 E-pos: [email protected] Onder Voorsitter Pieter Henning Seddonstraat 36, Parow, 7500 Tel (h): 021 930 3044 Tel (w): 021 440 4790 Sel: 082 339 3603 Faks: 021 421 4025 E-pos: [email protected] Sekretaresse Ohna Coetzee / Oosthuizen Vilettestraat 21, Blomtuin, Bellville, 7530 Tel (h): 021 919 1946 Tel (w): 021 975 4495 Sel: 082 563 0100 Faks: 021 949 1278 E-pos: [email protected] Penningmeester Johan Havenga Kampstraat 5, Kuilsrivier, 7580 Tel (w): 021 940 2245 Sel: 083 222 6397 Faks: 021 940 2806 E-pos: [email protected]

Skakelbeampte Martin Booker Posbus 1210, Brackenfell, 7561 Tel (h): 021 982 0036 Tel (w): 021 903 6700 Sel: 083 293 5909 Faks: 021 903 6722 E-pos: [email protected] Jeug Karin Augustyn Seddonstraat 36, Parow, 7500 Tel (h): 021 930 3044 Tel (w): 021 937 6581 Faks: 021 930 2453 Sel: 082 446 9072 E-pos: [email protected] Seniorburger verteenwoordiger Dave Griessel Tierbergweg 85, Parow, 7500 Tel (h): 021 930 4035 Sel: 072 875 4014 Redakteur Niёl Goslett Koorsboomsingel 33, Vredekloof, Brackenfell, 7560 Tel (h): 021 981 2662 Tel (w): 021 888 2662 Faks: 021 888 2680 / 0866127 747 Sel: 083 305 7366 E-pos: [email protected]

U is welkom om enige sake van SAWA belang onder die betrokke bestuurslid se aandag te bring. Stuur ook asb. gereeld nuusbrokkies vir die nuusblad.


3

SAWA Erekode Hiermee verbind ek myself en my gesin tot die Grondwet, asook die Riglyne en Gedragskode van die Suid-Afrikaanse Woonwa Assosiasie. Verder verbind ek myself tot die volgende:

1. Ek sal strewe om die Christelike grondslag van SAWA te bewaar en uit te lewe.

2. Ek sal SAWA dien sover ek kan en alles in my vermoё doen om ons

assosiasie uit te brei.

3. Ek sal ons geliefde land se natuurskoon en sy fauna en flora beskerm en bewaar.

4. Ek sal poog om alle openbare geriewe en fasiliteite tot my beskikking

so te benut dat ander gaste dit sonder ongerief kan gebruik.

5. Ek sal poog om in alle opsigte hoflik te wees, beleefd op te tree en bedagsaam te handel teenoor alle padgebruikers.

6. Ek sal daarop let om nie deur my gedrag die eer van SAWA te skend

nie, maar sal poog om die agting van almal met wie ons in aanraking kom af te dwing.

SAWA Erekode in Jeugtaal

1. Ek sal my bes probeer om Christelik op te tree teenoor al my maats.

2. Ek sal help waar ek kan en vir ander maats vertel van SAWA.

3. Ek sal nie bome of plante verniel of afpluk nie, en die diere en voёls beskerm en bewaar.

4. Ek sal nie in die toilette speel of mors nie want ander wil dit ook graag

gebruik.

5. Ek sal met my SAWA maats vriendelik wees en nie met hulle baklei nie.

6. Ek sal nie lelike dinge doen sodat ander mense sê SAWA kinders is

stout nie.


4

Voogdelys Johan Oosthuizen: Pierre & Marée Basson, Dries & Belinda Erasmus, Herman & Marieta Gerber, Peter & Anina Hardcastle, Spyros & Neel Nigrini, Hennie & Elize van Niekerk, John & Lee van Zyl, Maggie Wilson. Pieter Henning: Marius & Hennieta Beukman, Willem & Wanda Blignaut, Tobias & Gerda Mostert, Faul & Andrie Retief, Carla Smit, Johan & Sonja Snyman, Petrus & Janine Theron, Chris & Myra Wessels. Ohna Coetzee / Oosthuizen: Willem & Jakkie Conradie, Tinkie & Elize De Kock, Anton & Amanda Kruger, John & Engela McDonald, Johan & Hanlie Rossouw, André & Christa Schillig, Fanie & Alet Strydom, Gert & Therina Vermeulen. Johan Havenga: Neville & Corna Du Raan, Dave & Koekie Griessel, Barend & Judith Hagen, Mike & Eurika Kirsten, Jan & Petru Meyer, Bennie & Surita Pienaar, Faul & Adrie Retief, Johnathan & Heidie Rowe. Martin Booker: Pieter & Sonja Bandjes, Louis & Elsabe Havenga, Jean & Jenette Heyneke, Paul & Tertia Marais, Dennis & Louise Mitchell, John & Agnus Mitchell, Norman & Vera Niksch, Paul & Isabel Steyn. Karin Augustyn: André & Elmarie Botha, Gerrit & IIona Bruwer, Alec & Joan Foster, Evert & Hazel Lategan, Nelius & Mia Louw, Frans & Bettie Reinke, Tommie & Theresa Scheepers, Raymond & Tessa Williams. Niёl Goslett: Pieter & Spook Els, Bobby & Hanna Goslett, Hans & Tienie Havenga, Ron & Judy Hendra, Archie & Anette Mitchell, Marius & Belinda Mouton, Koos & Hendriena Oosthuizen, Wouter & Christelle Van Zyl. Dave Griessel: & die Loeries. Feite: Hoe word die voogdegroepe ingedeel? Die name van al die lede word in ‘n “hoed” (eintlik ‘n bak) gegooi en die bestuurslede trek beurtelings ‘n naam. Dus is die toedelings “blind” en onpartydig.


5

Oordenking Liefde en die gebooie loop hand aan hand. … Liefde beteken dat ons volgens die gebooie van God lewe … (2 Joh 1 v 6) Liefde is ‘n tema wat herhaaldelik in die Bybel voorkom. In die Ou Testament, Lev 19:18, en veral in die Nuwe Testament, word gepraat van die liefde wat Christene vir mekaar behoort te hê. Selfs Johannes benadruk die gebod dat ons mekaar moet liefhê. Ons kan op baie maniere liefde aan ander betoon deur te: help; luister; vriendelikheid of om vir mekaar te bid. Dit is nie genoeg om net van God se gebod te weet nie, ons moet dit daagliks uitleef, dit moet oorgaan in liefdesdade teenoor ons naaste. Wie is ons naaste?. Die persoon wat ons pad kruis, dalk langs of oorkant ons kamp. Ons geloof moet sigbaar wees in die liefde wat ons daagliks bewys of uitstraal. In Joh 14:21 sê Jesus: ..”Wie my opdragte het en dit uitvoer – dit is hy wat My liefhet ..”. Gebed: Here, help my om iets van die Christus-liefde aan ander te demonstreer. Oordenking geskryf deur Willem Conradie.

Redaksioneel Die sosiale dier… ‘n Mens is ‘n sosiale dier wat die samesyn van ander mense wat soortgelyke belange koester. Dis nie nodig om ‘n statistiese vergelyking te postuleer om die belange uit te lig wat SAWA lede saambind nie. Behalwe dat ‘n woonwa of ‘n tent ‘n gemeenskaplike faktor is, is die volgende insluitende faktor sekerlik – die lekker kuier om die kampvure.

Die afgelope jaar het dit tydens 4 van my naweekkampe gereën. Dit het egter nie die lus vir ‘n kuiervuurtjie geblus nie. Sodra die vuurtjie dan brand, is daar nog ‘n belangrike element – vriende! …goeie vriendskappe… Dit is opvallend om te sien watter goeie vriendskappe daar tydens die naweekkampe gesmee word. Hierdie jaar was Augustus steeds toegedraai in die wurggreep van


6

die Kaapse winter. Ons het nog BAIE reën gehad tot diep in September. Tot nou toe het die wetenskaplikes nog nie veel simpatie gekry vir die geskrifte oor aardverwarming nie – die Kaap is tot nou toe nog vrek koud – en baie nat. Ek sien dat die eendjies in die dam naby my huis ook nie meer veel sin het in die baie nat weer nie. Hulle kom sit nou al onder die afdak… Natuurlik het die baie reën ook sy voordele, soos om al die damme vol te kry voor die somer. Ons huidige waterbeperkings ten spyt. Dit is natuurlik nie hoog op die prioriteitslys as jy dit uit ‘n woonwa- kampeerder se oogpunt sien nie. Daar word gesoek na warm naweke met blou lug – sonder enige wind. (Lekker droom né!) Met die Ou Skip-kamp was die samesyn weer duidelik sigbaar. Al wat nodig was, was een vuurtjie, ‘n aansteeklike lag en goeie geselskap, en siedaar – ‘n kringetjie met ses of sewe gesinne wat saamkuier.

Dis die omgee vir mekaar wat groepe uniek maak … Die saamkuier is so half natuurlik. Dis die omgee vir mekaar wat groepe uniek maak. Ons ondervinding met SAWA is dat dit juis hierdie eienskap is wat mense jare lange lede en vriende maak.

Die lief en leed word onder mekaar gedeel. Dit is duidelik sigbaar in die manier waarop daar na mekaar omgesien word en die nuus versprei word. (Sien lief en leed). So as julle gewonder het wat dit so lekker maak by SAWA, weet dan, dis natuurlike oerinstink by ons om in troppe (groepe) saam te leef. In ons geval het die diere elkeen ‘n woonwa of ‘n tent – en baie vriende wat vir mekaar omgee. Koester dit en waardeer dit! Groetnis tot volgende keer…

Wat is 'n Pa ? (deur die oë van 'n kind) Pa's werk baie hart en het baie papier gelt. Pa's hou baie van teevee kyk op Saterdag. Pa's wil slaap op Sondag. Pa's maak braaivlys vir kos en is sterk en sê hille is die baas. Pa's het visstokke, grawe en baie anner goet in die graatsh en hille vee nie uit en stof af nie. Pa's lees as hille kamer verlaat. Pa's hou van tannies wat nie gelt het vir kleere nie en wat net kostjums dra. Pa's gee hart pak as ma so sê. Pa's gaan op vikansie en vat ma's en kinners altyt saam. Hille krap hille gesigte skoon want dit wort vol hare as hule slaap. Pa's werk altyt as kinners iets wil doen, en het baie werk vir kinners. Ma's het ook baie werk vir pa's. Pa's is kwaai maar hille is bang vir ma's.

Verskaf deur John Mc Donnald


7

Uit die Voorsitter se Pen

ie AJV is verby en ‘n nuwe bestuur is deur ons lede verkies wat hulle vir die volgende jaar sal dien. Aan al die lede wat herkies is, asook die lede wat as nuwelinge op die bestuur sal dien, baie geluk en welkom

op die bestuur. Aan die wat uitgetree het en veral aan Peter, sê ons dankie vir die afgelope tyd, vir die leiding, die hulp en sommer net vir die lekker saamwerk. Ek kan met vertroue sê dat dit nou regtig ‘n wondelike groepie mense was en elkeen het 110% gegee. Ons wens hulle ‘n aangename ruskansie toe en sien daarna uit om hulle weer later op die bestuur te sien. Na aanleiding van al die terugvoer en e-posse ontvang, was die afgelope AJV ‘n groot sukses en dit is maar net weereens ‘n bewys dat daar op lede van Suidwes-Kaap se knoppie gedruk kan word. Soos gewoontlik staan hulle saam om van enige geleentheid ‘n sukses te maak. Die bestuur wil dan ook langs hierdie weg vir elke lid dankie sê vir hulle bydraes en hulp om van hierdie spoggeleentheid ook ‘n sukses te maak. Onthou, as individu sal ons nie kan vermag as wat ons as ‘n mooi groep mense gedoen het nie. Nogmaals dankie aan elkeen vir hul opoffering en bydrae. Ons dank ook aan Christo en Corrie van Gebied, tannie Tossie en lede van die ander streke vir hul bydraes om die verrigtinge te laat vlot verloop en van die geleentheid ‘n groot sukses te maak. Aan al die lede wat toekennings ontvang het, baie geluk met elkeen se toekenning/s en wees verseker, julle het dit elkeen verdien. Elkeen se bydrae deur die jaar om van elke kamp ‘n sukses te maak, gaan nie ongesiens verby nie en die enigste manier om vir julle werklik dankie te sê is tydens die AJV. Die jaar staan nou vinnig na sy einde en die winter is nog steeds met ons. Voor ons ons oë kan uitvee is dit ons Kerskamp en ons vertrou dat almal die kamp sal bywoon. Ons voorstellekissie staan tydens elke kamp met sy oop mond en wag vir ‘n stukkie papier met ‘n voorstel om te kan sluk. Wat van ‘n voortsel of twee vir ons Kerskamp? Onthou, dit is ons almal se klub en alle bydraes om van elke kamp ‘n sukses te maak, word waardeer. Tot ons volgende kamp, kyk na jul gesondheid, veilig sleep en ons vertrou ons sien jul daar. Johan Oosthuizen

D


8

Kampverslag – AJV by Ou Skip

p 23 Augustus 2008, die aanbreek van die vier streke van Gebied Goeie Hoop se gesamentlike AJV’s. Van die lede het Donderdag al hul

karavane gebring en tente opgeslaan, maar by die ander was dit ‘n geskarrel en geskrop om alles reg te kry, die karavane op die regte plek en gelyk, tente op te slaan en laaste maar nie die minste die drinkgoedjies uit te kry en te geniet. Van vroeg Vrydag het die karavane begin aankom en met aankoms het elkeen ‘n geskenkpakkie ontvang. Ons was in totaal 80 karavane bymekaar. Met die voorbereiding vir die naweek was daar baie besprekings, vergaderings en gewerk om alles vlot te laat verloop en ook sodat almal ‘n lekker naweek kon geniet. Ons lede het natuurlik baie harder gewerk, want dit was Suidwes-Kaap se beurt om die AJV te reël. En het die lede nie ingespring en hul kant ten volle gebring nie. Vrydagaand na boekevat wat deur Ohna Coetzee aangebied was, was inbetaling, die werkies toe afgehandel, het die vuurtjies begin brand – lekker gebraai en vroegaand bed-toe. Wat is ‘n AJV sonder erkenning nie? Saterdag-oggend het elke streek hulle afsonderlike vergaderings gehou en Suidwes-Kaap was eerste. Die volgende lede is tot die nuwe bestuur verkies: Johan Oosthuizen (Voorsitter), Pieter Henning (Onder-Voorsitter), Ohna Coetzee (Sekretaresse), Johan Havenga (Penning-meester), Martin Booker (Skakelbeampte), Dave Griessel (Loeries), Niël Goslett (Sawanant), Karin Augustyn (Jeug). Tydens die vergadering is toekennings aan die volgende lede oorhandig: Martin Booker, Ohna Coetzee, Dries & Belinda Erasmus, Alec & Joan Foster, Niël & Rozel Goslett, Dave & Koekie Griessel, Barend & Judith Hagen, Peter & Anina Hardcastle, Hans & Tienie Havenga, Ron & Judy Hendra, Pieter Henning & Karin Augustyn, Mia & Nelius Louw, John & Engela McDonald, Dennis & Louise Mitchell, Norman & Vera Niksch, Johan Oosthuizen, Koos & Hendriena Oosthuizen, Frans & Bettie Reynke, Carla Smit, Petrus & Jenine Theron. Baie geluk aan julle almal!

O

‘n Cool Pa… • leer sy kind om ‘n worsie-aan-‘n stokkie te braai. • gaan boul op die grasperk, sodat die krieketster sy kolfwerk kan oefen. • help bou aan sandkastele. • help dink aan planne om die vakansie plesieriger te maak. • bid vir elkeen van sy kinders by name.

Uit: ‘n Cool Pa is… deur Elsabe Aldrich


9

Hier is van die ontvangers van die Suidwes-Kaap toekennings.


10

Nog van die ontvangers van die Suidwes-Kaap toekennings.


11

Die namiddag was ’n miernes van gebeure soos almal reggestaan het om te help en alles vlot te laat verloop vir die aand se gebeure. Spanne het in die verskeie fokus-areas onder leiding van hul voogde gewerk, byvoorbeeld die voorpoortaal, die saal uitleg, geskenke, blomme, en kos afhaal, en ook die kinders se kos-pakkies. Gou-gou was alles gereed en het almal hulle gaan op-dollie vir die gala-aand. Tussendeur alles was ’n army tent opgeslaan vir die kinders sodat hulle die aand onder toesig besig gehou kan word terwyl ouers lekker gekuier het by die saal. Die gala-aand was ’n spog-geleentheid wat terdeë geniet was. Die formaliteit was binne ’n japtrap afgehandel en kon die aand verder geniet word saam met vriende en is daar ook lekker gedans op die maat van ons DJ se musiek. Die uithang geleentheid se formaliteite was gou afgehandel - daarna die dans...

Die volgende toekennings is tydens die gala-aand oorhandig: Dave & Koekie Griessel (Streek Ere Hoër), 25 Jaar lede: Bobby & Hanna Goslett sowel as


12

Paul & Isabell Steyn. Petrus Theron het Sawanant Suidwes-Kaap van die Jaar toekenning ontvang. Ohna Coetzee: Gebied-Sawa Vrou van die Jaar. Sondag-oggend na ’n toepaslike erediens aan al die kampers is koffie, tee en koek genuttig voordat daar weer opgepak was om huiswaarts te keer. Namens die 2007 bestuur, wil ek almal hartlik bedank vir hul volgehoue onderstuening en vertroue wat hulle in ons geplaas het. Dit het alles bygedra tot die sukses van die afgelope jaar wat op ’n hoogtepunt tydens hierdie naweek geëindig het. Bo alles, dank ons ons Hemelse Vader vir leiding en gesondheid. Pieter Henning

Van Die Loeries – Oom Dave Griessel se ervarings: Oor Hollandsche Molen Hierdie park is geleë 60km oos van Kaapstad op die R301 – in die skadu van die Hottentots Holland berge. Die ingang van die park is netjies en die personeel vriendelik en behulpsaam. Ongelukkig is dit ‘n geslote klub en slegs lede word as individue toegelaat. Die pluspunt is dat groepe soos SAWA daar ontvang word teen ‘n spesiale tarief. Die park se woonwa-staanplekke is ruim en met gras bedek plus kragpunte by elke staanplek. Dit is nie baie boomryk nie aangesien baie van die bome afgekap moes word weens ouderdom, maar nuwe aanplantings verseker dat daar in die toekoms ekstra skadu sal wees. By aanvraag word ook braaidromme voorsien teen geen ekstra koste nie. Die ablusie blok, waar groepe gewoonlik staan, voldoen nie aan die vereistes om die druk te hanteer nie. Die toilette is klein en beknop, soveel te meer dat ‘n lang persoon se voete onder die deur uitsteek. Storte is nie volgens standaard nie en daar is ook nie ‘n bad nie. Wasbakke is te min en die spieëls te hoog vir die korter persoon. ‘n Pluspunt is dat daar altyd warm water is. Daar is ruim plek vir die kinders om te speel en swemplek vir die groter sowel as die kleiner kinders. Elke 14 dae word die swembad leeg- en skoongemaak. Water in die swembad is lopende rivierwater wat nooit stilstaan nie. Besienswaardighede in die omgewing is Franschhoek met sy historiese ou geboue en vele restaurante waar heerlike disse voorgesit word. Die Hugenotemonument kan besoek word sowel as verskeie wynkelders waar heerlike wyn geproe en gekoop kan word. In die Franschoekpas is daar


13

verskeie uitkykpunte vanwaar die pragtige Franschhoekvallei gesien kan word. As jy nie lus voel om rond te ry nie kan jy net in die park ontspan met ‘n groot verskeidenheid voëls en net die stilte van die natuur. Dit laat ‘n mens sommer vergeet van die gewoel van die stad en die stres van die lewe. Die swembad en omgewing by Hollandsche Molen

Skakels van die Skakelbeampte Goeie dag Sawanante Hiermee ‘n deel van ons nuwe Redakteur se moeite en geduld om aan julle almal ‘n interessante nuusbrief te bring. Ek wens vir Niël alle sterkte toe en vra dat ons as Suidwes-Kaap Sawanante hom sal ondersteun met gereelde insetsels en gebeure. Ek wil net so ‘n bietjie uitbrei oor die naderende Kongres. Suidwes-Kaap is baie bevoorreg om ‘n hele aantal lede te hê wat hierdie jaar die Kongres gaan bywoon. Ons Voorsitter en Onder-Voorsitter gaan as die afgevaardigdes en saam met hulle gaan daar ‘n bussie vol lede saam. Hierdie bussie word deur Paul Steyn gereël en soos ek vir Paul ken, kan so ‘n trip net sports afgee. So wees gewaarsku almal wat saamgaan!!! Ek wil ook net noem dat al hierdie lede wat as gaste saamgaan, so doen op hulle eie onkoste. Aan julle, baie dankie dat julle bereid is om so ‘n groot finansiële uitgawe te dra. Ons is ook bevoorreg dat Peter Hardcastle deur die Kongres gevra is om al die foto’s van die geleentheid te neem. Voorwaar ‘n eer!! Ons sien uit daarna om te sien watter toekennings aan ons lede gegee sal word. Ons het mos reeds ‘n ere Lidmaatskap wat aan Oom Barend en Tannie Judith gegee is. Ons is trots op al ons lede wat vereer word vir hulle bydra om SAWA ‘n voortreflike organisasie te maak. Hou die nuusbrief dop vir ‘n verslag van die Kongres. Ek is seker daar sal foto’s en beskrywings beskikbaar gestel word, veral met ‘n man soos Paul in die omgewing!!


14

OOnnddeerr 1100 Kleuterhoekie Hi aan al die SAWA-kinders Oom Niël het spesiaal ‘n bladsy opsygesit vir die jong-klomp – dis julle – die kinders onder die ouderdom 10. Baie dankie Oom Niël. Die skoolkwartaal is amper verby en dan is ons haastig oppad na die einde van die jaar. Waarna sien julle uit vir kersfees? Die November-kamp te Mountain Breeze is julle s’n – so laat weet vir ons wat sal lekker wees by die kamp. Verlede jaar het ons poppekas gehou – was dit vir julle lekker? Hierdie jaar wil ons weereens ’n konsert hou – so maak julle reg – ons benodig ook julle insette en idees. Ons gaan sommer lekker kinder-vergadering hou by die Yzerfontein-kamp sodat ons kan beplan vir die toekoms. Met baie liefde, tannie Karin xxx Inkleur...


15

Tieners! Jeugblad Hallo SAWA-jeug

ierdie blad is spesiaal vir julle wat bo die ouderdomsgroep 10 is – wat hoor (lees) julle graag? Laat weet vir my. Ek het intussen vir julle die woorde gekry van Shane Ward se

liedjie „If that’s okay with you“. Ons gaan ook vergadering hou by die Yzerfonteinkamp sodat ons vir die volgende jaar lekker kan beplan. Mooi loop! Tannie Karin xxx Shane Ward – If that’s okay with you love the way that you look without your make up I had a girl before we met but we broke up There’s something 'bout you that makes me want to step up Step up and be with u (If that's ok with you) We'll keep the neighbours awake too late too late ’cos Imma make you feel so good that’s how I see it happening yeah, we'll keep the neighbours awake too late too late ’cos baby I wanna step up and be with you (If that's ok with you) * I'm gonna make you feel like you are heaven on earth I'm gonna thank your mother just for giving you birth I'm gonna wanna hold you in my arms when you cry If that's ok with you (If that's ok with you) I wanna keep your toothbrush at my apartment make a second set of keys and ask you to move in I'm not crazy , I know what I'm getting myself in I wanna live with you (If that's ok with you)

* 2 time If that's ok with you (If that's ok with you) yeah yeah We'll keep the neighbours awake too late too late I wanna love you this way that way this way We'll keep the neighbours awake too late too late I wanna love you this way that way this way

* 2 time If that's ok with you (If that's ok with you) If that's ok with you (If that's ok with you) If that's ok with you

love the way that you look without your make up I had a girl before we met but we broke up There’s something 'bout you that makes me want to step up Step up and be with u (If that's ok with you) We'll keep the neighbours awake too late too late cos imma make you feel so good that’s how I see it happening yeah, we'll keep the neighbours awake too late too late cos baby I wanna step up and be with you (If that's ok with you) * I'm gonna make you feel like you are heaven on earth I'm gonna thank your mother just for giving you birth I'm gonna wanna hold you in my arms when you cry If that's ok with you (If that's ok with you) I wanna keep your toothbrush at my apartment make a second set of keys and ask you to move in I'm not crazy , I know what I'm getting myself in I wanna live with you (If that's ok with you)

* 2 time If that's ok with you (If that's ok with you ) yeah yeah We'll keep the neighbours awake too late too late I wanna love you this way that way this way We'll keep the neighbours awake too late too late I wanna love you this way that way this way

* 2 time If that's ok with you (If that's ok with you) If that's ok with you (If that's ok with you) If that's ok with you

H


16

Kopkrapblad Die Sawanant Suduko

Sandvlooi (Maklik) 6 5 4

5

5 8 2 9

3 5 7 4

9 5 1

4 8 3

1 8 6 7 2

5 3 4 6

7 6 1

Junior Sandvlooi (Baie Maklik) 6 7 2 3 4

9 6 2

2 4 8 1 6

9 3 6 8 1

6 4 5 8 3

3 1 9 4

1 4 9

6 8 3 4 7 1 2

5 8 4

Loerie (Kopkrap)

1 2 9

7 2 3

2 8 9

4 6 9 2

8 2

4 7 8

1 3 6

7 9 5

4 6 5

Loerie (Kopkrap) 1 3 7

7 9

4 8

4 3

4 5 6

8 6

1 7

4 6

7 4 2


17

Die soeke na ons eie woonwa

a jare van verlang na ‘n eie woonwa het ons droom waar

geword op 20 September 2007. Ons eie Jurgens Penta – splinter- nuut. Die gesoek na ‘n woonwa wat aan al ons vereistes voldoen het, het jare geneem. Elke keer wat ons iewers in my ouers se 1982 Jurgens Manjifiek B woonwa gekamp het, is daar met groot ondersoekende oë na die ander woonwaens in die kamp gekyk – watter tipe, kwaliteit, watter uitleg, hoe lyk die tent, hoe sal hy sleep, watter sleepvoertuig, hoe lyk sy bed. Rozél het bly vassteek by ‘n eilandbed, en baie pakplek sonder ‘n stort in die woonwa (dis tog net spasie mors). Ek sou kon doen met ‘n bed wat skuins geplaas is, pakplek is tog vir die vroumense – ons lewe mos in die tent. Baie gou het ons besluit op ‘n Jurgens. Dis mos waarmee ons grootgeword het en sy kwaliteit het hom al oor en oor bewys. Ek wou ‘n Fleetline hê – dit is lekker lig, so dit sal maklik sleep en het amper al die nodige toebehore. – volgende Desember kamp ons in ons eie woonwa! Na die Desember 2006 vakansie het ons saam besluit – volgende Desember kamp ons in ons eie woonwa! Eintlik was die skrif al ‘n paar maande vantevore aan die muur toe ek my E-klas Mercedes Benz verruil vir ‘n Isuzu KB 3.0

dubbel kajuit diesel bakkie (is die man dan mal?). Die soek was aan Die soek was aan. Ons was seker 6 keer by Tygerberg woonwaens om na hul voorraad te kyk. Elke keer wanneer iets ons oog getref het was dit binne dae verkoop – en ek is mos nie ‘n vinnige koper nie – was nog nooit gewees nie. So het daar ‘n paar laat model Jurgens woonwaens gekom en gegaan. Hier teen die winter is die koerante nadergetrek – niemand koop mos in die winter nie, so die pryse behoort redelik te wees. In Wellington staan een – R85,000 ohb. Dis ‘n ’02 Penta uit ‘n boedel. Ek gaan kyk – die woonwa staan nog nes hy teruggekom het van ‘n vorige kamp – deels gepak. Behalwe vir die stof skort daar baie min. Die verkoper is haastig – maar ek is mos nie ‘n vinnige koper nie. Ek maak ‘n aanbod vir R81,500. Dit word van die hand gewys – iemand anders (van Porterville) het die volprys aangebied. Ons soek verder. Daar is ‘n paar beskikbaar in Gauteng. Die mense sê woonwaens is goedkoper daar. Dit wat geadverteer word is almal in die R90,000 tot R110,000 prysklas – te fris vir my smaak. Selfs my viende van die ATKV soek nou saam – van hulle het in Gauteng gaan koop. Opgevlieg, motor gehuur om te gaan kyk, op die plek besluit om te neem, sleepvoertuig gehuur, woonwa huistoe gesleep. Hulle beweer dit was steeds

N


18

goedkoper as om in die Kaap te koop. – ‘n eilandbed sal dit wees. Rozél hou vol – ‘n eilandbed sal dit wees. Volgens die beskikbare keuses is dit dus enige Jurgens, maar nie ‘n Fleetline of ‘n Palma nie – ai. ‘n Maatskappy adverteer ‘n ‘06 Penta vir kort duskant R120,000. Ons gaan kyk. Dis pragtig. Alles wat ons soek. Selfs ‘n splinternuwe tent is ingesluit - maar die vorige eienaar het die spaarwiel op die vloer neergesit sonder beskerming. Die rubber het ‘n chemiese reaksie met die vloer wat ‘n swart ring hier reg in die deur maak. Dis iets wat ek nooit geweet het nie. Daar is geen manier om die merk uit te kry nie sê die verkoopsman, en om die vloerbedekking te vervang gaan ongeveer R14,000 kos. Ek kan maak wat ek wil maar ek kan nie verby die merk op die vloer kyk nie. Ons is nou al so na aan wat ‘n nuwe kos, moet ons nie maar dit doen en klaarkry nie – por Rozél aan. Maklik vir jou om te sê – dit sal ‘n dêm duur eilandbed wees. Sy stap stadig in die rigting van die nuwes – ek agterna. Die vergelyk was moeilik – min veranderinge tussen ’06 en ’07. Maar die swart ring op die vloer pla geweldig. Ek probeer my indink om ‘n mat oor die vloer in te sit – maar my kop wil nie saampraat nie. Die twee woonwaens is ongeveer 25 meter van mekaar, maar ek het seker 2 kilometer tussen hulle geloop om te vergelyk – maar ek is mos nie ‘n vinnige koper nie. Skielik skop my vrou se invloed in my kop in top gear in -

Ons ry weer na Tygerberg Woonwaens. Ek begin praat nou dringend met die verkoopsman oor die modulêre tent en ander ekstras. Ek wil nog sykante hê – sal hy dit ingooi in die prys? Miskien meneer – watter een van die twee wil jy nou eintlik hê? – ‘n 2de-handse of ‘n nuwe woonwa. Skielik skop my vrou se invloed in my kop in top gear in – “ek wil die nuwe Jurgens Penta hê, met ekstra sykante om die volle oppervlak van die modulêre tent te kan gebruik – en nog ‘n paar klein goedjies”. Noudat ons nuut koop raak ek angstig oor van die foute wat ek op ander gesien het. “Moenie dat daar enige gommerke op die woonwa wees nie – dan is die koop af” - waarsku ek nog. – wag nou net vir die aflewering So stadig soos ek ‘n koop-besluit neem, so vinnig skuif daai verkoopsman agter sy boeke in en begin griffel. “Vriendelike persoon die – né my vrou”. Sy beaam nie eers nie – weet as sy my nou steur is die koop weer af. “Die nuwe voorraad kom eers oor ‘n paar weke” – sê die verkoopsman. Dit pas my – ek moet nog staanplek vir die nuwe woonwa kry. Die bank en die versekering se sake is vinnig afgehandel – wag nou net vir die aflewering. Op 11 September kry ek ‘n e-pos: The eagle has landed. Ek was lanklaas so opgewonde. Ek kan nie gaan kyk nie – te veel dinge by die werk. Drie dae later gaan kyk ons. Sy is pragtig, sonder enige merke – nie eers gom nie. Daar is nog plastiek oor al die kussings en toebehore. Nog net my bakkie se


19

leersitplekke het lekkerder geruik in die vertoonkamer. - ‘n mens mag droom Die volgende Donderdag is ons daar om die woonwa in ontvangs te neem. My seun moet die tentinspeksie doen – hy is tog ons slinger- en tentingenieur – sussie is nog te klein - gee net penne aan. Saam gaan ons deur elke pen, paal en paneel. Alles is daar. Toe ons haar daar wegsleep weet ek – ‘n mens mag droom, al is jy mos nie ‘n vinnige koper nie. Die regte een sal oor jou pad kom. Tot nou het ons al twee maal gekamp (in vier weke) en sal nog minstens twee keer gaan kamp voordat die Desember vakansie begin. Elke keer is daar iets nuuts wat Rozél kry wat haar meer tevrede maak. “Dit het geweldig

baie pakplek” - koer sy. Tot nou toe is baie van die kassies steeds leeg. Ek het nie die luuksheid van meer tevrede wees nie Ek het nie die luuksheid van meer tevrede wees nie. Dis nou die voordeel van ‘n stadige koper. As jy jou besluit gemaak het is dit klaar – jy tob nie weer daaroor nie. Ek was tevrede toe ek en die verkoopsman die dag die transaksie afhandel en bladskud. Sy is dalk nie die grootste of die heel beste nie, maar sy is ons eie woonwa – met ‘n eilandbed en ‘n groot modulêre tent. Niël Goslett 29 Oktober 2007 (Uittreksel uit my dagboek)

Ns. Na die skrywe hierbo het ons die kampery behoorlik uitgebrei. Teen die tyd dat ons woonwa haar eerste verjaardag vier, sal ons 12 keer met haar gekamp het – tot nou toe, elke keer foutloos.

‘n Cool Pa… • vergelyk nooit een kind met ‘n ander nie. • neem die gesin op uitstappies of met vakansies. • is sensitief en sal nie opsetlik sy kind skaam maak nie. • is streng oor nie-onderhandelbare waardes, soos eerlikheid. • prys sy kind openlik, maar berispe in privaatheid.

Uit: ‘n Cool Pa is… deur Elsabe Aldrich


20

Verjaarsdae

September 3 Hans Havenga 15 Willem Conradie 27 Myra Wessels 4 Hazel Lategan 16 Chris Wessels 29 Bobby Goslett 7 Isabel Steyn 16 Bennie Pienaar 30 Tersia Marais 11 Louise Mitchell 16 Elize van Niekerk 11 Hennie van Niekerk 17 Koos Oosthuizen

Oktober 1 Christa Schillig 9 Nelius Louw 27 Judy Hendra 1 Peter Hardcastle 20 Elize de Kock 29 Ron Hendra 5 Petro Meyer 21 Johan Oosthuizen 31 Hennie Kruger 5 Koekie Griessel 22 Elsabe Havenga 6 Tobias Mostert 26 Lee van Zyl

November 3 Carla Smit 10 Marius Beukman 25 Tinkie de Kock 6 Christelle van Zyl 23 Anton Kruger 27 Maggie Wilson 6 Dave Griessel 23 Alec Foster

Desember 2 Johan Rossouw 10 Elmarie Botha 20 Martin Booker 6 Jean Heyneke 15 Andre Schillig 24 Judith Hagen 8 IIona Bruwer 17 Belia Mouton 28 Corna du Raan

Jeug Verjaardae

September 12 Danelle Mostert 20 Petro Rossouw 25 Janelle Theron 15 Erica Bruwer 21 Christhea Schillig

Oktober 12 Jandre Marais 21 Devlon Erasmus 21 Sheldon Erasmus

November 14 Willem (Jr) Conradie 27 Kobus Oosthuizen

Desember 1 Janice Heyneke 17 Pieter Basson 25 Janine Heyneke 6 Jandre du Raan 18 Ruan van Zyl


21

Lief en Leed Lief: • Nelius en Mia is 'n baba-seuntjie ryker. Die mannetjie kamp al saam met

ons! • Ron en Judy asook Oom Chris en tannie Myra is elk 'n kleinkind ryker.

Mag die kleintjies julle baie geluk verskaf met die grootword jare. Bederf hulle – dis julle voorreg as grootouers.

• Martin en Faul spog beide met ander woonwaens Baie geluk aan almal.

Johan Oosthuizen en Ohna Coetzee: Teen die tyd dat hierdie nuusbrief versprei word, is Johan en Ohna getroud. Ons wens julle ‘n baie voorspoedige huwelik toe. Mag elke dag meer geluk en vreugde vir beide van julle bring. Lees ook Ohna se artikel oor Troukoors.

Leed: • Bennie Pienaar. - Bennie het ons almal groot laat skrik

toe hy kort na die AJV opgeneem is in Kuilsrivier Hospitaal met hart- en longprobleme. Ons bid hom alle beterskap toe. Sterkte ook vir Suretta wat hom moet bystaan.

• Jenet, Anina en Paul het hul moeders die afgelope tyd verloor. • Bennie, Oom Hennie van Niekerk en Archie Mitchell het in hospitaal gaan

draai. • Oom Norman was weer vir opvolg ondersoek. • Oom Chris se gesondheid is maar op en af. • Christo Snyman, Gebiedsvoorsitter is Maandag 1 September in die

hospitaal opgeneem. Dinsdag is hy oorgeplaas na ICU om toetse te laat doen ten opsigte van borskas pyn.

Ons wens hierdie lede sterkte toe en dink aan hulle in ons gebede.


22

Ohna skryf self:

TROUKOORS Vir die wat dit nog nie weet nie, ek en Johan se troudatum is vasgemaak vir 6 September 2008 te Ou Skip om 17:00. Ons gaan reeds Donderdag 4 Sepember deur na Ou Skip waar ons tot Sondag 7 September sal uithang. Maandag, 8 September 2008 vertrek ons na Knysna waar ons gaan bly tot Vrydag 12 September 2008. Ons voorneme is om 'n draai te gaan maak by World of Birds en Monkeyland en hopenlik leer ons meer van ons voorvaders, of is dit nou iemand anders se voorvaders. Ten opsigte van die voëls sal ek maar stil bly. Vrydag 12 September 2008 vertrek ons na Swellendam waar ons die naweek sal vertoef. Wat ons daar gaan doen? … Skuus, Maandag 15 September is ons almal weer terug in ons werk, dus sien julle met die volgende kamp. (Met die bestuursvergadering kon die agenda nie vinnig genoeg afgehandel word nie. Ohna was besig om haar trourok te maak en wou baie vinnig by die huis kom. Red.)

Johan en Ohna op hul Troudag

Foto: Peter Hardcastle


23

Suidwes Kaap seVolgende Kampe en Datums Datum Plek Voogdegroep 20 – 21 September Hollandsche Molen Nuwe bestuur 18 – 19 Oktober Yzerfontein Ohna Coetzee /

Oosthuizen 15 – 16 November Mountain Breeze (Kerskamp) Karin Augustyn &

Johan Oosthuizen Januarie Van Zyl’s Rus Martin Booker Februarie Skimkamp Pieter Henning Maart (Nasionaal) Ondervoorsitter April Ganzekraal Niёl Goslett Mei Montagu Loeries Julie Goudini Johan Havenga Augustus Ou Skip (AJV) Ondervoorsitter September Hollandsche Molen Nuwe bestuur Sommige inligting moet nog vasgemaak word – Red.

Gebied Goeie Hoop - 2008 Kampe en Datums Albatros Voorsitter: Fred Schmiedeskamp Tel: 083 275 3479 27-28 September Montagu 18-19 Oktober Ceres Dennebos 8-9 November Mountain Breeze

Helderberg Voorsitter: Jurie Hayes Tel: 083 788 8530 19-21 September Yzerfontein 17-19 Oktober Montagu 28-30 November Imhoff (Kerskamp)

Noord-Boland Voorsitter: Schalk Pienaar Tel: 083 357 4351 27-28 September Night Sky 25-26 Oktober Onrus 15-16 November Hollandsche Molen


24

Suidwes Kaap se foto Wenners! Drie foto’s vanuit Suidwes-Kaap het die top 5 foto kompetisie vir Augustus gehaal – voorwaar ‘n lansie vir die streek. Die SAWA beoordelaar is Christo Serfontein. Pieter Hardcastle het 2de plek behaal met ‘n pragfoto van ‘n goue fisant.

Fotonaam: Juweel (Goue Fisant) Fotograaf: Peter Hardcastel Streek: Suidwes-Kaap Foto beskrywing: Die foto is geneem tydens ‘n ons vakansie-uitstappie na Birds of Eden naby Natures Valley (naby Plettenbergbaai). As gevolg van die digte plantegroei, was die omgewing baie donker. Die voël het baie rondbeweeg en was ek genoodsaak om van ’n flitslig gebruik te maak. Birds of Eden asook Monkey Land (langsaan geleë) is ’n baie interessante uitstappie. Kamera: Nikon D70 Kommentaar Wat 'n pragtige voël en kleure wat met die regte beligting vasgevang is. Die flits het ook gehelp om die kolletjie in die oog te sit wat die lewe daarin help opvrolik. Die blare wat voor uit fokus is doen so bietjie skade omdat dit 'n obstruksie voor die voël se vere is. Dit sal ook beter wees indien so 15% van die regterkant afgesny kan word sodat die fisant in die foto 'inkyk'. Die agtergrond is pragtig uit fokus. Hierdie maand se eerste twee is regtig kop aan kop en dit hang net af van watter bril jy op het, watter een jy eerste raaksien....


25

Niel Goslett – 3de plek

Fotonaam: Houtbrug Fotograaf: Niel Goslett Streek: Suidwes-Kaap Foto beskrywing: Die houtbrug is gebou oor ’n rivier wat in die Hardangerfjord naby Tyssedal in Noorweë uitloop. Die mooi geometrie van die ruwe houtstruktuur op gepakte graniet klippe met die pragtige landskap in die kloof tussen die hoё granietberge is treffend en ons moes ’n rukkie hier vertoef. Kamera: Canon EOS 400D met 18 – 200mm Sigma OS lens Kommentaar Die persoon op die brug gee die ekstra lewe en perspektief aan hierdie foto. Dit is voorwaar 'n brug met karakter met 'n ROTS as anker in 'n pragtige omgewing. Ongelukkig is die son op so 'n plek dat baie van die tekstuur reg oor die foto 'uitgevee' is - dit is hoekom hulle dit oor die algemeen die 'verkeerde' tyd van die dag noem. Dit sal moontlik ook beter vertoon indien die boonste en linker 10% afgesny word.


26

Niel Goslett – 5de plek

Fotonaam: Watersluier Fotograaf: Niel Goslett Streek: Suidwes-Kaap Foto beskrywing: Die Fossatunwaterval naby die dorpie Norheimsund in Hordaland in Noorweë. Dit is een van die baie asemrowende natuurverskynsels in Noorweë. ‘n Voetpad loop agter die waterval verby wat jou ’n blik deur die waterval op die pragtige omgewing tot in die verte gee. Werklik iets besonders. Kamera: Canon EOS 400D met 18 – 200mm Sigma OS lens Kommentaar Ek glo dit moes 'n ervaring gewees het om hier te kon stap met so 'n pragtige uitsig. Soos menige keer kan mens nie die weer bestel wat nodig is nie , maar dit sal my ook nie verhoed om 'n foto te neem nie! Om te verbeter kan minstens 50% van die wit lug afgesny word, asook 50% van die waterval. Die deel van die waterval wat oorbly sal genoeg voorgrond gee om dan die oog verder die foto in te lei. Die rooi huisie maak ’n pragtige fokus punt in 'n foto met baie diepte. (Die aangepasde foto is hierbo gebruik, Red.) So, na al die spog met Suidwes-Kaap se foto’s, hoe lyk dit met nog van ons lesers se foto’s op SAWA se webwerf. Plaas dit self deur ‘n digitale foto, wat kleiner as 280K gemaak is, sowel as die inskrywingvorm (kry dit vanaf die SAWA webwerf) te stuur na: [email protected]


27

Sleep Resepte Beesstertpotjie ‘n Ou gunsteling, maar sorg dat jy genoeg tyd het. Voorbereidingstyd: 20 min Gaarmaaktyd: 3 uur Genoeg vir: 6 mense Bestandele: 45 ml (3 e) olyfolie 1 kg beesstert 1 groot ui – gekap 250 ml (1 k) beesvleisaftreksel 250 ml (1 k) rooiwyn 30 ml (2 e) tamatiepasta 3 kruienaeltjies 1 lourierblaar 5 ml (1 t) gedroogde tiemie 10 uitjies geskil 4 selderystingels, gekap Sout en peper na smaak Verhit die olie in ‘n pot en verbruin die beesstert daarin. Voeg die gekapte ui by en braai tot sag. Voeg die aftreksel, wyn en tamatiepasta by, asook die naeltjies, lourierblaar, tiemie, sout en peper. Kook 2 – 3 uur; voeg nog aftreksel by as dit droog raak. Sodra die vleis maklik van die been afkom, voeg die uitjies en seldery by en kook nog ten minste 20 minute tot die uitjies sag is. Sit saam met rys voor.

Uit: Voetspore Kookboek – Johan Badenhorst

(Indien jy hierdie resep op ‘n SAWA kamp probeer – nooi my ook! Red.)


28

En laastens:

Wat is 'n Ma ? (deur die oë van 'n kind) Maas is baje mooi Hille kleer hille gesigte in. Maas lees vir mens stories. Maas kan goet sien, as jy klaar gebat het sien hille dis nog vyl agter jou ore. As jy stout is sien hille deer 'n mier en vra wat jy alweer doen. Hille maak groente vir kos en ons kry lekker poeding as ons allis opeet. Maas moet baje slim wees, want ons jivrouens gee vir ons hyswerk dan doen ons maas dit. Maas vat kinners skool toe en soen hille voor anner kinners en tanies. Maas is altyt laat en sê kiners moet gou maak. As jy siek is pas Maas jou op Maas het baje gelt vir tamatiesous, pienatbater, seep en tannepasta, kofie en pap maar net biekie gelt vir swiets. Maas sê altyt hille het nie gelt nie maar dan koop hille 'n trolie vol goeters. Maas hou van winkels waar mens net 'n papierkie teken want dan hoef jy nie te petaal nie. Maas sê altyt hille is vet as hille ou kleere aantrek, niewe kleere pas net reg en dan is hille maar. Maas is baje virsigtig. Hille sê altyt pasop vir die karre en slyt al die dere. Hille is bang vir krieke, en jaag die hond van die bet af. Maas is baje vliks. Hille praat lank op die foon, lees boek en kyk dys of de laaivs op tiewie en dan maak hille vinig kos voorlat Paas kom. Maas gaan eendag hemil toe want hille bit baje en ken alis van Liewe Hiesis. Ek is baje lief vir Maas.

Verskaf deur John Mc Donnald


29

Hierdie blad word uitgesit vir advertensies. Ons het tans geen adverteerders vir Die Sawanant nie. Help ons asb om adverteerders te kry wat die drukkoste kan help dra.

Die Sawanant is in die verlede aan lede uitgegee met ‘n koste per lid. Ons sal dit binnekort weer moet instel. Die koste is nie die afgelope jaar van die lede verhaal nie.


30

Johan en Ohna op hul Troudag

Foto: Peter Hardcastle

die sawanant - lente 2008 - small - sawa.org.za · pdf filesleep resepte ... vol te kry voor...

Documents