die regering van die kerk – 1tim 3:1 · pdf filedat goeie ouderlinge een van die...
TRANSCRIPT
Die regering van die Kerk – 1Tim 3:1 Paulus se Kerkorde-reëls vir die ouderling-amp (a).
Augustus 2014
Ps-vooraf Ps 1: 1, 4
Ontmoetingsdiens.
Votum.
“Ons slaan ons oë op na die berge: waar sal ons hulp vandaan kom? Ons
hulp is van die HERE wat hemel en aarde gemaak het.”
Amen
Seëngroet
Gemeente van ons Here Jesus:
“Genade vir julle en vrede van God, onse Vader,
en die Here Jesus Christus
deur die kragvolle werking van die Heilige Gees”
Amen.
Lofprysing – Ps 48: 1, 4, 5
Geloofsbelydenis
Verootmoediging en Versoeningsdiens.
Ons gaan nou luister na die wet van die HERE soos ons dit vind in Eks 20.
Psalm na die wet – Ps 32: 1, 2
1
Gebed om skuldbelydenis en verligting.
Psalm na gebed – Ps 32: 3, 4
2
Woorddiens.Opmerking
• Iets oor 1Tim 2
• Ons bely in NGB art 30 dat “alles in die kerk behoorlik en ordelik geskied
wanneer betroubare persone gekies word (as ouderlinge ne diakens)
ooreenkomstig die voorskrif wat die apostel Paulus in die brief aan Timoteus
gee (1 Tim. 3).”
• Dus: Ons moet weet hieroor. En onderrig ontvang hieroor. Daarom gaan ons
gedurende Aug & Sept stilstaan in 1Tim 3.
Die Woord van die HERE spreek tot ons uit 1Tim 2-3
Psalm as antwoord op die Woord – Ps 89: 6
Ons Fokus op 1Tim 3:1
Skrifverklaring
InleidingGeliefdes hierdie eerste woorde van 1Tim 3:1
moet ons regtig aangryp.
Hier waar Paulus sê: “Dit is ‘n betroubare woord ...”
Hoekom? Wel omdat dit wys
hoe belangrik Kerk-regering vir ons Here Jesus is.
Toepassing
Baie maal lyk dinge soos die inrigting en die regering van die Kerk
en goed soos die ouderling-amp vervelig.
Dit voel dalk soos een of ander ou argaïese patriargale bestuursmetode
wat eerder lank terug al verander moes word.
Maar nou sê ons Here deur Paulus in vers 1:
“Dit is ‘n betroubare woord:
as iemand na ‘n opsienersamp (of die ouderlingamp1) verlang,
1 Vanuit Hand 20:17 en 28 leer ek dat επισκοπος en πρεσβυτερος die selfde is. Dis verskillende benaminge vir die selfde persoon wat dien in die επισκοπη - vgl ook Tit 1:5-7 (TDNT vol 2 bl 616; Alford se 1Tim komm bl 321; Ryken se 1Tim komm bl 108).
3
begeer hy ‘n voortreflike werk.”
En met hierdie woorde wys die Here
dat ons hier met 'n baie belangrike saak te doen het.
* * * * *
En 'n saak
wat elkeen van God se gelowige kinders direk raak.
Bewys2
Waarom? Wel omdat 'n ware lewende Kerk
'n Kerk is waar gelowiges vanuit die Skrif verstaan
dat Christus deur sy Gees ons gebruik
om ouderlinge te kies.
Vanuit die Skrif verstaan ons ook
dat goeie ouderlinge een van die belangrike dinge is
wat 'n lewende Kerk nodig het.
En juis daarom is'it so belangrik
dat elkeen van ons moet leer oor die regering-en-inrigting van die Kerk.
En daarom ook oor'ie ouderling-amp.
En nou'sit presies hieroor
dat Paulus geïnspireer deur die Gees in 1Tim 2-3 skryf.
* * * * *
Agtergrond
Nou Timoteus was een van Paulus se medewerkers.3
En in die Kerk van Efese
was Timoteus 'n bedienaar van die Woord.
Ons hoor'it byvoorbeeld in 1Tim 1:3 en 4:13.
2 Vgl NGB art 30-31; Hand 6:33 Vgl Hand 17:14-15; 18:5; 19:22; 20:4; vgl ook Reformation study Bible bl 1749
4
En dan skryf Paulus twee briewe aan hom: 1 & 2 Timoteus.
En in 1Tim 2-3 skryf Paulus dan aan Timoteus
spesifiek oor die inrigting-en-regering van 'n plaaslike Kerk.4
Bewys
Ons hoor'it as Paulus aan die einde van 1Tim 3 in vers 14-15
vir Timoteus sê: “Ek skryf jou hierdie dinge ...
(dat jy) kan weet hoe iemand hom moet gedra in die huis van God,
wat die gemeente is van die lewende God ...”
* * * * *
A. En nou'sit so treffend.
Wanneer Paulus begin skryf oor Kerkorde
dan begin hy in 1Tim 2:1-7 by gebed.
“In die eerste plek vermaan ek dan
dat smekinge, gebede, voorbedes, danksegginge gedoen moet word ...”
Toepassing5
Hoor u dit? Paulus begin nie by die ampte nie.
Paulus begin nie by kerklike tug nie.
Of wat ook al anders nie.
Nee! Paulus begin by gebed.
Vir Paulus is dit die eerste en belangrikste Kerkorde-reël
wat daar maar kan wees.
Toepassing
En ons het dit so nodig!
Want ons leef uit genade alleen.
Daarom moet die Kerk wanneer ons saamkom bid.
Ja elke ware plaaslike Kerk moet 'n biddende Kerk wees.
4 Vgl Ridderbos se 1Tim komm bl 69; Bouma se 1Tim komm bl 545 Vgl 1Timoteus 2,1-7(a).pdf by http://www.gkdaspoort.co.za/sermons_docs.php
5
B. Dit leer Paulus in 1Tim 2:1-7.
In vers 8 leer Paulus
dat die manne in ons samekomste die gebedsvoorgangers moet wees.6
Opmerking
En belangrik: In vers 8 praat Paulus oor manne.
Nie net een man die dominee nie.
Toepassing
En is hierdie nie 'n saak
waaroor ons regtig baie ernstig vanuit die Bybel
moet gaan nadink nie?
Want ek dink nie ons doen
wat Christus deur Paulus hier beveel nie.
Miskien is ek verkeerd.
Maar ek dink regtig ons moet hier oor begin besin.
C. Maar goed. Gaan ons van 1Tim 2:8 af na vers 9-10
kry ons daar Paulus se reëls
oor hoe vroue moet aantrek in die ons samekomste.7
Verduidelik
En die groot beginsel is dat vroue in die manier
waarop hulle aantrek en mooi maak moet wys
dat God absoluut sentraal
in hulle lewens en in ons as Kerk se samekomste staan.
En nie hulle self en hulle mooiheid nie
D. Dis wat Paulus in 1Tim 2:9-10 leer.
In vers 11-14 leer Paulus
dat vroue nie in ons samekomste die leiding mag neem
6 Vgl 1Timoteus 2,8.pdf by http://www.gkdaspoort.co.za/sermons_docs.php7 Vgl 1Timoteus 2,9-10.pdf by http://www.gkdaspoort.co.za/sermons_docs.php
6
en mag preek nie.
So vroue mag nie ouderlinge wees nie.8
Nee, waarop vroue wel moet fokus
is die wonder van haar ma-wees-roeping.
Dit sê Paulus in 1Tim 2:15.9
Opmerking
En hieroor kon ons meer leer
toe ons in 2012 deur 1Tim 2 gewerk het.
* * * * *
Terug by vandag
Maar dan as Paulus by 1Tim 3 kom
fokus hy op die ampte van ouderling-en-diaken.10
Opmerking
En as die HERE wil
gaan ons in die res van Augustus en September
deur 1Tim 3 werk en meer hieroor leer.
En dan begin ons vandag by
Paulus se Kerkorde-reëls vir die ouderlingamp
En vandag gaan ons in vers 1 net eers stilstaan by drie dinge:
• Die belangrikheid van die ouderling-amp
• Wat dit behels
• Wat dit vir ons sê
* * * * *
1. So ons begin by die belangrikheid van die ouderling-amp.
En hieroor leer ons in vers 1 waar Paulus sê:
“Dit is ‘n betroubare woord ...”
8 Vgl 1Timoteus 2,11-12.pdf; 1Timoteus 2,13-14.pdf by http://www.gkdaspoort.co.za/sermons_docs.php9 Vgl 1Timoteus 2,15.pdf by http://www.gkdaspoort.co.za/sermons_docs.php10 Vgl Ridderbos se 1Tim komm bl 69,86; Bouma se 1Tim komm bl 65
7
Verduidelik11
En dan's hierdie woord waarvan Paulus praat
iets soos 'n gesegde of 'n spreukwoord.
En hierdie woord of spreukwoord of gesegde
gee Paulus in'ie res van vers 112 as hy sê:
“Dit is ‘n betroubare woord:
En hier kom'ie woord nou:
as iemand na ‘n opsienersamp (of ouderling-amp) verlang,
begeer hy ‘n voortreflike werk.”
Verduidelik
So sien u wat hier aangaan?
Paulus gaan in sy kerkorde-onderrig begin
om oor die ouderling-amp te leer.
En dan sê hy reg aan die begin:
“as iemand na ‘n ouderling-amp verlang,
begeer hy ‘n voortreflike werk.”
En hierdie woord hierdie gesegde is 'n betroubaar.
* * * * *
En nou'sit veral in hierdie “Dit is ‘n betroubare woord ...”
dat ons die ontsettende belangrikheid
van die ouderling-amp moet raaksien.
Hoe so? Wel daar's twee redes.
A. En die eerste rede is Paulus se woordorde
as hy sê: “Dit is ‘n betroubare woord ...”
11 λογος is verwant aan λεγω en is iets wat gesê is – een woord of 'n versameling van woorde; 'n frase van woorde; 'n gesegde/ spreuk – vgl Mat 5:37; 15:12; Luk 20:20. 'n Versameling van woorde of 'n gesegde is hoe λογος hier vers 1 verstaan moet word ... Heel waarskynlik gaan dit hier oor reeds vasgelgede 'leer' waarhede in die kerk (Baljon bl 567-568; NIDNTT vol 3 bl 1106; Knight, The faithful sayings in the Pastoral letters, bl 18; Knight se 1Tim komm bl 99; Macarthur se 1Tim komm bl 93).
12 Vgl Knight, The faithful sayings in the Pastoral letters, bl 54
8
Verduidelik13
Want as ons Paulus se Griekse teks baie letterlik vertaal
staan daar: 'betroubaar die woord'.
Opmerking14
Ons kan'it dan ook vertaal met:
'betroubaar is die woord'.
En nou'sit belangrik om te sien dat Paulus skryf:
'betroubaar is die woord' in pleks van:
'die woord is betroubaar'.
En Paulus doen'it aspris so,
want so beklemtoon Paulus die woord betroubaar.
Opmerking
Dis hoe jy iets in 'n Griekse sin soos hierdie beklemtoon.
Jy sit dit so vooraan in die sin.
* * * * *
So wanneer Paulus betroubaar vooraan in hierdie sin sit
dan sê hy daarmee:
'luister hierdie ding van
“as iemand na ‘n opsienersamp verlang,
begeer hy ‘n voortreflike werk” is regtig betroubaar
maar ook baie belangrik.
Dis hoekom ek betroubaar aan die begin sit en beklemtoon.'
13 In πιστος ο λογος het ek te doen met 'n predikatiewe-adjek-naamwoord-konstruk. Omdat die konstruk predikatief is en die attrubotief nie, het dit die betekenis van 'bertoubaar is die Woord'. In hierdie soort konstruk dra die adjek meer klem as die naamwoord. So, Paulus is besig om met groot klem te sê dat ο λογος regtig baie πιστος is (Greek grammer beyond basics bl 307; Knight, The faithful sayings in the Pastoral letters, bl 20,21-22). Dus: 'Baie geloofwaardig is die gesegde wat nou volg.' En dit is regtig baie belangrik en ernstig ... Daarom gebruik Paulus hierdie spesifieke konstruk. Hy wil hê dat Timoteus en die kerk van Efese werklik baie ernstig sal oplet na die gesegde (vgl Ridderbos se 1Tim komm bl 87; Knight, The faithful sayings in the Pastoral letters, bl 19-20; Reformation study Bible bl 1754).
14 Die ESV vertaal met: “The saying is trustworthy”
9
Toepassing
En nou moet ons tog luister!
Hier praat Paulus die apostel van Jesus Christus die Here.
Paulus bring geïnspireer deur'ie Gees die Woord van Koning Jesus.
En dan praat Paulus op so 'n manier
dat hy daarmee sê:
Hierdie Woord oor die ouderling-amp is baie baie betroubaar
maar ook baie baie belangrik.
So laat ons tog nie dit wat in 1Tim 3 staan
sommer maar net by ons verby laat gaan nie.
* * * * *
B. Maar nou'sit nie net die woordorde van 'betroubaar is die woord'
wat wys hoe belangrik die ouderling-amp is nie.
Nee, daar's ook 'n tweede rede.
En dis dat 'betroubaar is die woord' nie net in 1Tim 3:1 staan nie.
Nee, ons kry'it ook in 1Tim 1:1515
en in 1Tim 4:8-916 en in 2Tim 2:11-1317 en in Tit 3:4-8.18
* * * * *
En hoor bietjie wat sê hierdie tekste.
In 1Tim 1:15 staan:
“Dit is ‘n betroubare woord ...
dat Christus Jesus in die wêreld gekom het om sondaars te red ...”
In 1Tim 4:8-9 staan:
“... die godsaligheid is nuttig vir alles,
15 Dat die inhoud van πιστος ο λογος in 1Tim 1:15 gekry word – sien Greek grammer beyond basics bl 220. 16 Dat die inhoud van πιστος ο λογος in 1Tim 4:8-9 gekry word – sien Greek grammer beyond basics bl 221; Knight, The
faithful sayings in the Pastoral letters, bl 62-63, 65.17 Dat die inhoud van πιστος ο λογος in 2Tim 2:11-13 gekry word – sien Greek grammer beyond basics bl 220-221; Knight,
The faithful sayings in the Pastoral letters, bl 112-115.18 Dat die inhoud van πιστος ο λογος in Tit 3:4-8 gekry word – sien Greek grammer beyond basics bl 220-221; Knight se
Titus komm bl 347-350.
10
omdat dit die belofte van die teenwoordige
en die toekomende lewe het.
Dit is ‘n betroubare woord ...”
In 2Tim 2:11-13 staan:
“Dit is ‘n betroubare woord;
want as ons met Hom gesterf het,
sal ons ook met Hom lewe.
As ons verdra, sal ons met Hom regeer.
As ons Hom verloën, sal Hy ons ook verloën.
As ons ontrou is, Hy bly getrou;
Hy kan Homself nie verloën nie.”
In Tit 3:4-8 staan:
“Maar toe die goedertierenheid van God, ons Verlosser,
en sy liefde tot die mens verskyn het—
nie op grond van die werke van geregtigheid
wat ons gedoen het nie,
maar na sy barmhartigheid
het Hy ons gered deur die bad van die wedergeboorte
en die vernuwing deur die Heilige Gees ...
sodat ons, geregverdig deur sy genade, erfgename kan word
ooreenkomstig die hoop van die ewige lewe.
Dit is ‘n betroubare woord ...”
Verduidelik
En wat nou belangrik is van hierdie tekste
is dat hulle regtig gaan oor'ie kern-waarhede van ons geloof.19
Bewys20
Want ons hoor van verlossing deur Jesus Christus.
Ons hoor van wedergeboorte.
19 Vgl Macarthur se 1Tim komm bl 9320 Vgl Knight, The faithful sayings in the Pastoral letters, bl 139, 152
11
Ons hoor van heiligmaking en dissipelskap.
Ons hoor hoe God in getrouheid aan Homself ons sal bewaar
en nooit sal laat verlore gaan nie.
En wanneer Paulus oor hierdie kern-waarhede van ons geloof
in 1Tim en 2Tim en Titus praat dan sê daaroor:
“Dit is ‘n betroubare woord” Of: 'betroubaar is die woord'.
So vir Paulus is verlossing, wedergeboorte,
heiligmaking en dissipelskap, en bewaring deur God
regtig baie betroubaar en baie belangrik.
Maar net so betroubaar en belangrik
is Kerkorde en die ouderling-amp.21
Hoekom? Wel omdat Paulus in 1Tim 3:1 sê:
“Betroubaar is die Woord,
as iemand na ‘n opsienersamp verlang,
begeer hy ‘n voortreflike werk.”
* * * * *
Toepassing22
So sien u?
Kerkregering en ouderling-amp is nie maar iets
wat iemand in die ou-tyd uitgedink het nie.
Dis'ie iets waaroor ons kan sê:
'ja Ok dis'ie regtig so belangrik nie.'
Daarom moet ons tog oppas vir iets soos:
'Ons verlossing en wedergeboorte en lewe van dissipelskap
is die belangrike goed.
Maar goed soos ouderling-amp is eintlik tyd mors'.
21 Vgl Knight, The faithful sayings in the Pastoral letters, bl 145, 15222 Vgl Knight, The faithful sayings in the Pastoral letters, bl 145-146; Macarthur se 1Tim komm bl 93
12
Nee! Dis verkeerd om so te dink.
Hoekom?
Wel want net so belangrik
soos ons verlossing en wedergeboorte
en heiligmaking en dissipelskap
net so belangrik is die ouderling-amp.
Want verlossing en wedergeboorte en heiligmaking
en dissipelskap en ouderling-amp
is vir die Heilige Gees alles saam 'n betroubare woord.
* * * * *
Oorgang
So Paulus se leer oor Kerkregering en ouderling-amp
is presies net so belangrik
soos verlossing en wedergeboorte en heiligmaking en dissipelskap.
En weet u: die ouderling-amp kan ons ook nooit losmaak
van verlossing en wedergeboorte en heiligmaking
en dissipelskap nie.
2. En presies dit sien ons by ons tweede punt
waar'it gaan oor wat die ouderling-amp behels.
Opmerking
En natuurlik kan ons hieroor ontsaglik baie sê.
En daar's heelwat Skrifgedeeltes wat hieroor gaan.23
Maar kom ons werk vir nou vanuit dit
wat Paulus in 1Tim 3 sê.
En ek dink hier's vier dinge wat 1Tim 3 uitwys
oor wat ouderling-amp behels.
23 Byvoorbeeld Efes 4:11-13; 1Pet 5:1-4.
13
A. Oor'ie eerste een leer ons
wanneer ons ingaan op'ie betekenis van die woord “opsienersamp”.
Paulus sê mos in vers 1:
“Dit is ‘n betroubare woord:
as iemand na ‘n opsienersamp verlang,
begeer hy ‘n voortreflike werk.”
So nou'sie vraag is: Wat is hierdie opsienersamp?
Wat beteken'it?
Verduidelik
Nou die opsienersamp is'ie amp of'ie werk
of'ie bediening van die opsiener.24
Opmerking25
En Hand 20:17 en Hand 20:28 leer
dat 'n opsiener eintlik net 'n ander naam is vir 'n ouderling.
So die opsienersamp is'ie amp of'ie werk
of'ie bediening waarmee 'n ouderling besig is.
Verduidelik26
En ouderling-werk is 'n bediening van leiding gee of rigting gee.
Dis 'n leier-wees bediening.
Bewys
In 1Tm 5:17 noem Paulus hierdie leier-wees-bediening
dood eenvoudig regeer.
Ja dis wat ouderlinge moet doen.
24 In 1Tim 3:1 verwys επισκοπη spesifiek na 'n amp/diens/soort werk (NIDNTT vol 190, 192; Knight,The faithful sayings in the pastoral letters, bl 56). In Hand 20:28; Fil 1:1 en Tit 1:7, soos ook hier, vervul die επισκοπος in die amp van επισκοπη 'n leierskap-rol (NIDNTT vol 1 bl 191; Knight se 1Tim komm bl 155; TDNT vol 2 bl 615).
25 Vgl TDNT vol 2 bl 616; Alford se 1Tim komm bl 321; Ryken se 1Tim komm bl 10826 In Neh 11:9,14,22; 12:42 is επισκοπος die vertaling van פיקיד en het dit die betekenis van iemand wat in 'n posisie
van gesag oor ander staan. So iemand is 'n opsigter/leier ... hy moet regeer – vgl 1Tim 5:17 (NIDNTT vol 1 bl 190; NIDOTTE vol 3 bl 662; TDNT vol 2 bl 614; Macarthur se 1Tim komm bl 98).
14
Hulle moet in 'n plaaslike Kerk van Jesus regeer.
* * * * *
B. Maar dadelik bring'it ons by die tweede ding
van wat die ouderling-amp behels.
En dis dat hierdie regeer-werk van ouderlinge nooit beteken
dat hulle harde slawedrywer-agtige-base mag wees nie.
Dis 'n leierskap-styl wat net glad nie by ouderlinge pas nie.
* * * * *
Hoe weet ons dit?
Wel in 1Tim 3 sien ons'it raak
as ons so bietjie af beweeg na vers 4-5.
Opmerking
In vers 4-5 is Paulus besig met die vereistes vir ouderlinge.
En soos ons deur 1Tim 3 gaan werk
gaan ons nog daarby kom.
Maar vir nou kan ons tog iets uit vers 4-5 leer
oor'ie regeer-bediening van ouderlinge.27
Want hoor wat sê vers 4-5.
Dit sê dat 'n ouderling iemand moet wees
“wat sy eie huis goed regeer
en sy kinders met alle waardigheid in onderdanigheid hou.
Maar as iemand nie weet om sy eie huis te regeer nie,
hoe sal hy vir die gemeente van God sorg dra?”
En nou's hierdie laaste woorde belangrik.
Want hier leer ons
dat ouderlinge vir die gemeente moet sorg dra.
27 Vgl Knight se 1Tim komm bl 163
15
Verduidelik28
En'ie Griekse woord wat ons vertaal met sorg dra is επιμελεομαι.
En die enigste ander plek in die NT
waar ons ook επιμελεομαι kry
is in Jesus se gelykenis van die barmhartige Samaritaan.29
Jesus vertel dat 'n Samaritaan 'n man
wat halfdood geslaan was deur rowers
se “wonde verbind en olie en wyn daarop gegooi het.
Hy het hom toe op sy eie pakdier gehelp
en hom na ‘n herberg geneem
en vir hom gesorg.”30
En dan's hierdie versorging deur'ie Samaritaan ook επιμελεομαι
nes hier in 1Tim 3:5.
En dadelik leer ons iets oor'ie regeer-werk van die ouderlinge.
Soos die barmhartige Samaritaan moet ouderlinge
met dienende omgee-liefde
leiers wees en regeer.
* * * * *
C. Maar nou's daar ook 'n derde ding wat help
om'ie regeer-werk van ouderlinge beter te verstaan.
En Paulus se gebruik van'ie woord opsiener
hier in 1Tim 3:1-2
vat ons na hierdie derde ding toe.
Want die woord opsiener
vat ons na Paulus se gesprek toe
met die ouderlinge van'ie Kerk in Efese.
28 Vgl Knight se 1Tim komm bl 163; Ridderbos se 1Tim komm bl 9429 Luk 10:25-3730 Luk 10:34
16
Opmerking
Ons kry daardie gesprek in Hand 20.
En in Hand 20:28 sê Paulus dan vir'ie ouderlinge:
“Gee dan ag ... op die hele kudde
waaroor die Heilige Gees julle as opsieners aangestel het
om as herders die gemeente van God te versorg ...”
Verduidelik31
So sien u wat moet ouderlinge doen?
Hulle moet leiers wees. Hulle moet regeer.
Maar dan beslis nie soos harde base nie.
Nee! Soos die barmhartige Samaritaan moet ouderlinge versorg.
En hulle moet soos herders van skape wees.
Sê Paulus in Hand 20:28.
En wat doen goeie herders vir hulle skape?
Wel dit sien ons by Jesus.32
Bewys
Want in 1Pet 2:25 hoor ons
dat Jesus in die eerste plek
“die Herder en Opsiener van (ons) siele” is.
Daarom moet ouderlinge waaragtig gelowige-dissipels wees.
By Jesus moet ouderlinge leer van herder-ouderling wees.
By Jesus wat in Mat 11:29 gesê het:
“Neem my juk op julle en leer van My,
31 Baie belangrik egter vir die verstaan van hierdie leierskap-rol/opsigter-werk is dat επισκοπος/ πρεσβυτερος reeds in Num 27:16-17 verbind word met ποιμην. Iets wat ons ook raaksien in Hand 20:28 - “Gee dan ag op julleself en op die hele kudde waaroor die Heilige Gees julle as opsieners (επισκοπους) aangestel het om as herders (ποιμαινειν) die gemeente van God te versorg.” Hier sien ek dus dat die leiersrol en taak van die επισκοπος is om die plaaslike Kerk te 'herder' – vgl 1Pet 5:2 (NIDNTT vol 1 bl 191; TDNT vol 2 bl 615,616, vol 6 bl 498; Ridderbos se 1Tim komm bl 88).
32 Vgl TDNT vol 6 bl 498
17
want Ek is sagmoedig en nederig van hart ...”
Dis hierdie Jesus wat in Joh 21:15-17 vir'ie apostel Petrus
wat homself in 1Pet 5:1 'n “mede-ouderling” noem
gesê het: “Laat my lammers wei” en “Pas my skape op.”
So ouderlinge moet soos goeie herders met goeie kos
gelowiges laat groei.33
Waarin?
Verduidelik
Wel in al daardie kern-waarhede
waarvan Paulus in 1Tim en 2Tim en Titus sê:
“Dit is ‘n betroubare woord ...”34
I So ouderlinge moet soos goeie herders met goeie kos
gelowiges laat groei in hulle verhouding met Jesus Christus
wat “in die wêreld gekom het om sondaars te red ...”
Die betroubare woord van 1Tim 1:15.
II Ouderlinge moet soos goeie herders met goeie kos
gelowiges laat groei in die wonderlike kennis van wedergeboorte
en die ontsaglike gevolge daarvan in ons lewens.
Die betroubare woord van Tit 3:4-8.
III Ouderlinge moet soos goeie herders met goeie kos
gelowiges laat groei in 'n lewe van heiligmaking en dissipelskap.
Die betroubare woord van 1Tim 4:8-9 en 2Tim 2:11-13.
IV As instrumente in die hand van Jesus
moet ouderlinge soos goeie herders gelowiges beskerm.
33 Vgl Hendriksen se Joh komm bl 489; Macarthur se 1Tim komm bl 9834 Vgl Knight, The faithful sayings in the Pastoral letters, bl 145-146
18
Iets wat ons ook leer
vanuit die betroubare woord van 2Tim 2:11-13.35
En dis so nodig.
Want in sy gesprek met die ouderlinge van die Kerk in Efese
sê Paulus in Hand 20:29
“ek weet dit,
dat ná my vertrek wrede wolwe onder julle sal inkom
en die kudde nie sal spaar nie.”
* * * * *
En dadelik sien ons
dat die betroubare woord oor'ie ouderling-amp in 1Tim 3:1
alles te maak het met al'ie ander betroubare woorde
in Paulus se briewe aan Timoteus en Titus.
Bewys
Want ouderlinge moet soos goeie herders oor gelowiges waak
en met goeie kos hulle laat opgroei
• in hulle verhouding met Jesus Christus
• in hulle kennis oor wedergeboorte
• en hulle lewe van heiligmaking en dissipelskap.
Dit waaroor die betroubare woorde in 1 en 2 Tim en Titus gaan.36
* * * * *
D. Maar nou'sie vraag:
Wat is'ie goeie kos
waarmee ouderlinge gelowiges moet laat opgroei?
Hoe moet ouderlinge toerus en waak?
Opmerking
En weereens is daar baie plekke in'ie Woord
35 Vgl Reformation study Bible bl 176336 Daarom dat Paulus in Efes 4:11-13 ook sê dat dat Christus “herders en leraars (gegee het), om die (gelowiges) toe
te rus vir hulle dienswerk, tot opbouing van die liggaam van Christus, totdat ons almal kom tot die eenheid van die geloof en van die kennis van die Seun van God ...” Vgl ook Knight, The faithful sayings in the Pastoral letters, bl 145-146; Ridderbos se 1Tim komm bl 90-91; Macarthur se 1Tim komm bl 108
19
wat hieroor praat.
Maar kom ons konsentreer eers op 1Tim 3.
En oor hoe ouderlinge gelowiges moet toerus en laat groei
leer ons vanuit 1Tim 3:2 waar Paulus sê:
“‘n Opsiener ... moet ... bekwaam wees om te onderrig.”
Opmerking
Dis'ie vierde ding oor wat ouderling-werk behels.
Ouderlinge moet onderrig gee.37
Met onderrig
moet ouderlinge in dienende liefde leiding gee.
Met onderrig
moet ouderlinge regeer.
Met onderrig
moet ouderlinge soos goeie herders gelowiges laat groei
• in hulle verhouding met Jesus Christus
• in hulle kennis oor wedergeboorte
• in hulle lewe van heiligmaking en dissipelskap.
Met onderrig
moet ouderlinge waak teen misleiers
wat ons wil los skeur van'ie waarheid.
* * * * *
Onderrig in wat?
Wel in'ie Woord van God.
37 διδακτικον = die akk ml ev van διδακτικος en val in die selfde semantiese veld as διδασκω. διδακτικος het die betekenis van 'iemand wat aan ander kan onderrig gee in die gesonde leer (1Tim 6:3-4; 2Tim 4:1-3; Tit 1:9; 2:1)'; Hy is in staat om dit te kan doen; Hy is goed daarmee – vgl 1Tim 5:17; 2Tim 2:2 (TDNT vol 2 bl 165; NIDNTT vol 3 bl 759, 765; Lange se 1Tim komm bl 38; Knight se 1Tim komm bl 159-160; Alford se 1Tim komm bl 323). Ridderbos se 1Tim komm bl 90-91 wys my dat Paulus al in Efes 4:11 die herder amp ook aan 'leer' gekoppel het. Dit is die manier hoe die herder moet lei. Hy doen dit deur onderrig met die 'gesonde leer' (vgl ook Macarthur se 1Tim komm bl 108).
20
Bewys38
Moses leer'it wanneer hy in Deut 8:3 sê
“dat die mens (sal) lewe van (elke woord39)
wat uit die mond van die HERE uitgaan.”
En Petrus leer in 1Pet 2:2
dat ons opgroei deur die Woord.
En toe Jesus eenmaal in Mark 6:34 die skare gesien het
“het Hy vir hulle innig jammer gevoel,
omdat hulle soos skape sonder herder was;
en Hy het hulle baie dinge begin leer.”
Luk 9:11 vertel dat Jesus die skare
die Evangelie van die Koninkryk geleer het.
So sien u? Ouderlinge moet leiding gee
en regeer en opbou en laat groei
met onderrig vanuit God se Woord.
En so moet hulle ook waak en beskerm.
Met God se Woord.
Bewys
Daarom sê Paulus in Tit 1:9
dat 'n ouderling moet “vashou aan die betroubare woord
wat volgens die leer is,
sodat hy in staat kan wees
om met die gesonde leer te vermaan
sowel as om die teësprekers te weerlê.”
* * * * *
38 Sien voetnoot 36; vgl ook Hendriksen se Joh komm bl 489; Macarthur se 1Tim komm bl 9839 Mat 4:4
21
Oorgang
So dis is wat ons sover kon leer uit 1Tim 3:1
oor Christus se kerkorde-reël deur Paulus oor'ie ouderling-amp.
I Dis ontsettend belangrik.
Dit leer ons wanneer Paulus reg aan die begin van sy leer
oor'ie ouderling-amp in vers1 sê:
“Dit is ‘n betroubare woord.”
II En ons kon ook vanuit vers 1 begin leer
wat die ouderling-amp behels.
• Dat dit gaan oor regeer-en-leiding-gee met dienende liefde.
• Dat dit herder-werk is,
waarin ouderlinge vanuit die Woord onderrig,
=> en gelowiges so laat groei in hulle geloof
=> en ook so waak teen die
wat ons van die waarheid wil los skeur.
3. Maar wat sê dit nou alles hier-en-nou vir ons?
Hoe's dit alles op ons van toepassing?
Opmerking
En nou's ons by ons laaste punt.
A. Wel ek dink daar's twee toepassings vir ons almal.
I Die eerste is dat Christus deur sy Gees ons as kerk gebruik
om ouderlinge te kies.
Opmerking
Ons bely dit in ons Nederlandse geloofsbelydenis by art 31.
En as die HERE wil sal ons volgende week meer hieroor leer
wanneer ons in 1Tim 3:1 stilstaan by die betekenis van begeer
22
as Paulus sê: “as iemand na ‘n opsienersamp verlang,
begeer hy ‘n voortreflike werk.”
Maar vir nou moet dit ons tog aangryp!
Christus gebruik ons om ouderlinge te kies.
En nou't ons uit 1Tim 3:1 geleer
dat die ouderling amp ontsettend belangrik is.
Bewys
Net so belangrik soos verlossing in Christus.
Net so belangrik soos wedergeboorte.
Net so belangrik soos heiligmaking en dissipelskap.
So dis'ie maar net nog iets ou-tyds
as ouderlinge verkies word nie.
Nee! As ouderlinge verkies word
dan'sit 'n ontsettende belangrike saak.
* * * * *
II Maar dadelik is ons by ons tweede toepassing vir ons almal.
En dit is:
As'it so is dat Christus ons gebruik om ouderlinge te kies
en'it is so
dan moet ons mos weet
waaroor die ouderling-amp gaan
sodat ons die regte broeders kan kies.
Voorbeeld
So wanneer ons ouderlinge kies
moet ons koppe vol wees met 1Tim 3
en nie met die wêreld nie.
23
Want wat vir'ie wêreld leiers is
is nie vir Christus ouderlinge nie.
En daardie ou wat goed rugby speel
of wat een of ander voorbok in die gemeenskap is
of wat dalk hoofseun was
of wat al lank in die gemeente is
of van wie ek persoonlik hou
is nie noodwendig vir Christus 'n ouderling nie
En wanneer ons met wêreldse standaarde
en persoonlike voorkeure ouderlinge kies
dan storm die kerk in Daspoort op 'n ramp af.
* * * * *
Opmerking40
Een van die kommentare wat ek gelees het
sê dat as daar 'n krisis in die lewe van plaaslike Kerke is
die oorsaak baie maal in die ouderlinge lê
wat nie regtig 'n idee het
wat die ouderling-amp behels nie.
Ons NGB art 30 sê vanuit die Skrif die selfde.
Maar hoe't hulle ouderlinge geword?
Wel omdat ons hulle gekies het.
En ons ook nie eintlik 'n idee het
wat die ouderling-amp behels nie.
Vir ons is dit maar net iets
wat vir die afgelope 75 jaar hier in die kerk is.
Amper soos die kerk-banke.
Maar wat die ouderling-amp behels weet ons nie eintlik nie.
40 Vgl macarthur se 1Tim komm bl 94
24
So geliefdes dis so belangrik.
Ons almal moet weet waaroor die ouderling-amp gaan.
En daarom het ons almal onderrig in 1Tim 3 nodig.
En dis'ie twee toepassings
waaraan ek gedink het
wat op ons almal van toepassing is.
Opmerking
Maar ek sal baie graag wil hê
dat ons saam nog verder hieroor moet praat
by ons preek-bespreking byvoorbeeld.
* * * * *
B. Maar kom ons maak ook twee toepassings
spesifiek vir'ie ouderlinge.
I Die eerste een gaan ook oor'ie belangrikheid
van'ie ouderling-amp.
Broeders as'ie ouderling-amp net so 'n betroubare woord is
ja net so belangrik is
soos die betroubare woord
oor Jesus se verlossingswerk
en die Heilige Gees se wedergeboorte-werk
en die betroubare woord oor ons heiligmaking en dissipelskap
dan moet ons ouderling-werk ons mos waaragtig aangryp.
* * * * *
Maar meer nog.
Hierdie belangrikheid van die ouderling-amp
moet ons wys hoe belangrik ons verhouding met Jesus is.
Selfondersoek
En hier's nou 'n selfondersoek-vraag.
25
Hoe staan'it met ons ouderlinge se verhouding met Jesus?
Is ons waarlik dissipels van Jesus?
Sit ons by die voete van Jesus
wat eenmaal in Mat 11:29 gesê het:
“Neem my juk op julle en leer van My,
want Ek is sagmoedig en nederig van hart ...”
sodat ons vir ander kan onderrig
• oor Jesus Christus
• en wedergeboorte
• en heiligmaking en dissipelskap?
En dan nie net met boeke-kennis nie
maar ook met ons lewens.
Verduidelik
Want die apostel Petrus sê in 1Pet 5:3
dat ons voorbeelde moet wees.
* * * * *
II Maar dit bring ons by die tweede toepassing.
Ouderlinge moet met dienende liefde lei en regeer.
Ouderlinge moet leer en onderrig gee.
Ons moet toerus en opbou en laat groei in'ie geloof.
En dit met onderrig uit die Woord.
Daarom sê Paulus in 1Tim 3:2 dat ouderlinge
“bekwaam (moet wees) om te onderrig.”
Verduidelik41
En hoor bietjie mooi. Paulus sê nie:
Die dominee moet bekwaam wees om te onderrig nie.
Paulus ken nie eers so woord soos dominee nie.
41 Vgl Ryken se 1Timkomm bl 115-116
26
Nee! Paulus leer geïnspireer deur die Gees
dat ouderlinge42 moet onderrig.
En dis waar. In 1Tim 5:17 sê Paulus
dat daar sekere ouderlinge is
wat spesifiek fokus op onderrig gee.
Maar dit sê beslis nie
dat die ander ouderlinge eintlik nie bekwaam hoef te wees
om te onderrig nie.
* * * * *
Selfondersoek43
En nou'sie vraag broeders: Kan ons onderrig?
Hoe lyk dit met ons kennis oor die leer van die Skrif?
Hoe lyk dit met ons kennis
oor die leer van die betroubare woorde
in 1&2 Tim en Titus?
• Ja hoe staan'it met ons kennis
oor'ie leer van Jesus Christus
wat “in die wêreld gekom het om sondaars te red.”?
• Hoe staan'it met ons kennis oor'ie wedergeboorte ?
• Kan ons onderrig gee oor heiligmaking en dissipelskap?
42 τον επισκοπον = akk ev van επισκοπος wat hier die funksie het van subj in 'n infin konstruk (Greek grammer beyond basics bl 192). Belangrik hier is dat die lidwoord τον nie daarop wys dat ek hier met die enigste επισκοπος in die kerk van Efese te doen het nie. Nee, τον het hier die doel om te verwys na 'n klas/soort. Die konteks wys daarop. In 1Tim 2-3 word daar deurgaans gewerk met ev en mv wat telkens na 'n soort of klas verwys. 1Tim 5:17; Tit 1:5 en Fil 1:1 praat ook van mv επισκοποι in een kerk (vgl Greek Grammer beyond basics bl 229; Ridderbos se 1Tim komm bl 90-91). Nog iets wat ons moet raaksien vanuit Hand 20:17 en 18 is dat επισκοπος/ πρεσβυτερος dien in 'n plaaslike kerk en dat daar meer as een is en die een nie bo die ander nie – bv predikant is nie hoër as die res van die ouderlinge nie (TDNT vol 2 bl 616; Ryken se 1Tim komm bl 109).
43 Vgl Clarc se 1Tim komm bl 56
27
En broeders dis waaroor die Skrif gaan.
So is ons as ouderlinge van die Kerk van Daspoort besig
om ons self toe te rus om te kan onderrig?
Weet u: Ek dink ek moet oor hierdie saak tot bekering kom.
En moet ons as Kerk nie vir 'n slag hieroor praat nie
by preek-bespreking byvoorbeeld.
Oor hoe dit in ons gejaagde lewe kan werk
om ons toe te rus in kennis van die Skrif
en kennis om te onderrig. Want dit moet.
* * * * *
Slot
Geliefdes in 1Tim 3:1 sê Paulus:
“Dit is ‘n betroubare woord:
as iemand na ‘n opsienersamp verlang,
begeer hy ‘n voortreflike werk.”
Kom ons bid
dat die Heilige Gees ons met hierdie woorde sal aangryp.
Kom ons bid
dat Christus ons deur sy Gees en Woord ernstig sal maak
oor ware kerk-wees en die ouderling-amp.
Kom ons bid
dat daar by ons hieroor bekering kom.
* * * * *
En as die HERE wil
kom ons leer volgende week meer vanuit vers 1
vir wie die ouderling-amp is,
wat dit beteken om die ouderling-amp te begeer
en hoekom die ouderling-amp 'n voortreflike werk is.
AntwoorddiensAmen
28
Psalm as antwoord op die Woord – Ps 89: 6
Gebed
Barmhartigheidsdiens
Psalm tydens kollekte : Ps 12: 1, 2, 5, 6, 7
Slotpsalm : Ps 87: 1, 2, 4, 5
Wegstuurseën.
Ontvang nou die seën van die HERE en gaan in vrede.
“Die genade van die Here Jesus Christus
en die liefde van God
en die gemeenskap van die Heilige Gees
sy met julle almal!
Amen.
29