LAGUNA COLLEGE OF BUSINESS AND ARTS

GRADUATE SCHOOL

Kabanata 1

SULIRANIN AT ANG SANLIGAN NITO

Panimula

Bawat bansa sa mundo ay may kani-kaniyang wikang bumibigkis sa damdamin ng

kanyang mga mamamayan. Kung kaya’t ang wika ay nagsisilbing kaluluwa ng isang bansa.

Ang isang tao kahit saan siya magtungo ay makikilala kung sino siya at saang bansa siya

nagmula dahil sa wikang taglay niya at gamit niya. Mula sa Korinto I 14:10-11 nakasaad na

maraming iba’t ibang wika sa daigdig at bawat isa’y may kahulugan, ngunit kung hindi

marunong ng wikang ginagamit ng kausap, hindi magkakaunawaan ang mga tao. Sa lahat ng

nilalang ng Diyos ang tao lamang ang binigyan ng kapangyarihang makapagsalita,

makarinig, makabasa at makasulat ng may kritikal na pang unawa. Isang mahalagang

kasangkapang nagagamit ng tao sa paglinang ng mga kasanayan ay ang wika.

Ang wika ay isang bahagi ng pakikipagtalastasan. Kalipunan ito ng mga simbolo, tunog,

at mga kaugnay na batas upang maipahayag ang nais sabihin ng kaisipan. Ginagamit ang

pamamaraang ito sa pagpapaabot ng kaisipan at damdamin sa pamamagitan ng pagsasalita at

pagsulat. Isa rin itong likas na makataong pamamaraan ng paghahatid ng mga kaisipan,

damdamin at mga hangarin sa pamamagitan ng isang kaparaanang lumilikha ng tunog; at

kabuuan din ito ng mga sagisag sa paraang binibigkas. Sa pamamagitan nito,

nagkakaugnayan, nagkakaunawaan at nagkakaisa ang mga kaanib ng isang pulutong ng mga

tao. Kung wala ang wika, mawawalan ng saysay ang halos lahat ng gawain ng

sangkatauhan, sapagkat nagagamit ito sa pakikipag-ugnayan katulad ng sa pakikipagkalakalan,

sa diplomatikong pamamaraan ng bawat pamahalaan, at pakikipagpalitan ng mga kaalaman

sa agham, teknolohiya at industriya. Mahalaga ang wika sa pakikipagtalastasan maging sa

pagtungo, paghahanapbuhay, at paninirahan sa ibang bansa.

1

LAGUNA COLLEGE OF BUSINESS AND ARTS

GRADUATE SCHOOL

Kaugnay nito, sinasalamin ng wika ang kultura, kaisipan, kasanayan at sining ng

sambayanan. Napag-uugnay-ugnay ng wika ang ibat-ibang salik ng kalinangan, ang

masistemang simbolo sa tinig at sulat na ginagamit ng tao sa pagpapahayag ng kaisipan at

damdamin. Mahalaga ang wika di lamang sa sarili kundi sa pakikipag-interaksyon na rin sa

kapwa at sa lipunan. Ginagamit sa pagkuha ng impormasyon, pagtatamo ng edukasyon,

gayon din sa pagsisiwalat ng damdamin, saloobin at kaisipan. Sa wika napapabilis at

napapagaan ang isang gawain.

Subalit hindi maitatangging nagbabago ito kasabay ng pagbabago ng panahon at

pandaigdig na pagbabago. Ito ay dumedepende sa karanasan at pamumuhay ng tao. Kasama

ng tao ang wika sa mga masusukal at maliligayang paglalakbay sa buhay. Ito’y walang

partikular na anyo at hangganan. Ang wika ay may mahalagang bahagi sa pagsulong ng

kabihasnan sa alinmang panig ng daigdig. Ang sariling wika, ang Filipino, ay isang matatag

na saligan ng ating bansa. Ito ay likas na kayamanan na kaagapay sa pagsulong ng bayan.

Isa itong malaking maringal na pag-asa para sa lahat ng mga Pilipino. Kakambal ito ng pag-

unlad ng bansang may kalayaan. Nagsisilbing sandatang pumupuksa sa kaaway. Ang wika

ay natural gaya ng paghinga at paglakad. Kung walang wika, walang paraan upang ang tao’y

makahakbang sa hinaharap. Ang wika’y lumalawak at lumalaganap. Ito’y nalilinang ng

pangangailangang panlipunan at bumabagay sa pag-iiba ng kalagayang sosyal. Kasama ito

sa mga ordinaryong bagay na kakabit na ng pang araw-araw na buhay.

Sa pamamagitan din ng wika, nagkakaalaman at nagkakaugnayan sa pamumuhay,

saloobin, tradisyon, mithiin, paniniwala ang mga tao. Sapat sa pangangailangan ng mga

taong gumagamit ng wika ang kanilang sinasalitang wika batay sa kanilang kultura. Ang

wikang Filipino, halimbawa ay sapat sa pangangailangan ng mga Pilipino para gamitin ito sa

pakikipagtalastasan. Binibigyang-diin ng simulaing ito na ang sinumang nagtuturo ng wika,

kasabay na itinuturo ang isang sistema ng kultura at kaugalian, pagpapahalaga, paraan ng

pag-iisip, pagkilos at pagdama ng mga taong gumagamit ng target na wika.

2

LAGUNA COLLEGE OF BUSINESS AND ARTS

GRADUATE SCHOOL

Napakahalagang magkaroon ng sariling wika ang isang bansa tulad ng Pilipinas.

Isinasaad ng Artikulo XIV ng Saligang Batas ng 1987 na ang Wikang Pambansa ng

Pilipinas ay Filipino. Samantalang nililinang ito ay dapat payabungin at pagyamanin pa salig

sa mga umiral na wika sa Pilipinas at iba pang mga wika. Isang layunin ng pagkakaroon ng

isang wikang pambansa ang pagpapalaganap ng pagkakaisang pambansa, ang pagkakaroon ng

heograpiko at politikal na pagkakapatiran, at maging ang pagkakaroon ng isang sumasagisag

na pambansang wika ng isang bansa. Ang pagkakaroon ng kaalaman sa wika ay susi ng

pagkatuto at tagumpay sa pag-aaral ng lahat ng asignatura sa paaralan. Ang Filipino bilang

wikang pambansa ay naging mabisang kasangkapan nating mga Pilipino sa

pakikipagtalastasan. Kailangan ito’y maging isang wikang magagamit sa pagtuturo.

Alinsunod sa mga probisyon sa batas at kung mamarapatin ng kongreso, gagawa ng mga

hakbang ang ating gobyerno upang simulan at itaguyod ang paggamit ng Filipino bilang

wikang opisyal na komunikasyon at bilang wika sa pagtuturo sa lahat ng sistema ng

Edukasyon.

Kaugnay nito isa sa mga asignatura na kasalukuyang kabilang sa bawat programa sa

pag-aaral na inilatag ng DepEd ay ang Filipino. Ang asignaturang Filipino ay dinisenyo ng

departamento ng edukasyon upang mapalawak ang kaalaman ng bawat Filipino patungkol sa

sariling wika at ang mga kagamitan nito. Sa isang bansang maraming dayalektong ginagamit

tulad ng Pilipinas, ang pag-aaral ng wikang Filipino sa paaralan ay makatutulong ng

malaki sa larangan ng pakikipagkomunikasyon sa kapwa Pilipino sa anumang panig ng

bansa. Pangunahing layunin sa pagtuturo ng wika ang paglinang sa kakayahang

komunikatibo ng mga mag-aaral. Ang simula ng lahat ng pagsisikap sa pagtuturo ng Filipino

sa paaralan ay ang pagunawa sa kalikasan at pagkakaiba-iba ng mga bata sa paaralan, pati na

ang pagkakaroon ng kaalaman at lubusang pang-unawa kung paano natutuhan ang wika, una

o pangalawang wika man, at ang mga proseso sa pagkatuto nito. Wika ang pokus ng pag-

aaral sa asignaturang Filipino sa ikalawang antas ng sekundarya.

3

LAGUNA COLLEGE OF BUSINESS AND ARTS

GRADUATE SCHOOL

Sanhi nito, ang mga mananaliksik ay naglalayon na matulungan ang mga guro upang

mas mapaunlad pa ang perpormans ng mga mag-aaral sa asignaturang Filipino. Ang pag-

aaral sa mga paniniwala at saloobin ng mga mag-aaral ay nakakatulong sa pagpapaunlad ng

perpormans ng bawat mag-aaral. Gayunpaman, nakalulungkot ang katotohanan na ilan sa

mga mag-aaral sa asignaturang Filipino ang hindi lubos na naka-uunawa sa kahalagahan ng

pag- aaral ng wikang Filipino. Ang kabisaan kapakinabangan at kabuluhan ng pagtuturo at

pagkatuto ay nakasalalay sa positibong saloobing taglay ng mga mag-aaral hinggil sa

asignaturang kanyang pinag-aaralan. Kung negatibo ang saloobin magiging mabuway o

mahina ang pagkatuto at ang retensyon ng kaalaman ay magiging pansamantala lamang.

Kung magkagayon ay walang makikitang aplikasyon o repleksyon man lamang ng

pagkatuto mula sa perpormans ng mga mag-aaral. Ito marahil ang dahilan kung bakit tila

nasasayang at nauuwi lamang sa wala ang inilalaang oras ng mga guro para sa kanyang

pagtuturo.

Alinsunod dito mahalagang maging sensitibo ang bawat guro sa gawi at asal na

ipinakikita ng mga mag-aaral sa loob ng klase sapagkat ang mga ito ay maaari nilang

magamit bilang indikeytor upang malaman ang saloobin ng mga mag-aaral hinggil sa

asignaturang kanilang itinuturo. Ito ay maaaring magsilbing gabay ng bawat isa upang higit

na mapabuti ang pagpaplano ng mga tiyak na gawain at pagpili ng mga angkop na

istratehiyang makatutulong sa paghubog ng mabuting paniniwala, gawi at saloobin ng mga

mag-aaral sa kanilang pag-aaral.

Hindi lingid sa mga guro na isa sa mga kinaaayawang asignatura ng mga mag-aaral

ay ang Filipino. Ang ilang dahilan – nakakabagot, nakakaantok at iba pang dahilan na hindi

kaaya-aya sa pandinig. Ang nagiging bunga sa mga mag-aaral ng mga kadahilanang ito ay

ang pagbagsak sa asignaturang Filipino, madalang na pagpasok sa asignaturang Filipino at

kawalan ng pagpapahalaga sa wikang Filipino. Ang makabuluhang paniniwala at saloobin

ng mga mag-aaral sa asignaturang Filipino ang magtutulak sa kanilang linangin at paunlarin

4

LAGUNA COLLEGE OF BUSINESS AND ARTS

GRADUATE SCHOOL

ang kanilang kaalaman upang maging mahusay sa wikang Filipino. Lubhang nakakaalarma

o kung hindi man isang malaking hamon para sa mga gurong nagtuturo ng Filipino ang

patuloy na pagbaba ng antas ng perpormans ng mga mag-aaral sa asignaturang ito gayundin

ang paglaganap ng iba’t ibang miskonsepsyon hinggil sa halaga at kabuluhan ng pag-aaral

ng Filipino. Bilang mga edukador ninanais nating maging matagumpay at kapakipakinabang

ang bawat minuto ng ating pagtuturo datapwat isang malaking salik tungo sa pagtatamo ng

hangaring ito ang saloobin ng mga mag-aaral at mga taong nakaiimpluwensya ng malaki sa

mga kabataang ito.

Minabuti ng mananaliksik na isagawa ang pag-aaral na ito upang malaman ang mga

paniniwala at saloobin ng mga mag-aaral sa pag-aaral ng asignaturang Filipino at ang

kaugnayan nito sa kanilang perpormans sa ikalawang antas ng Mataas na Paaralan ng

Hilagang Distrito ng Lungsod ng Tanauan at upang mapaunlad ang pag-aaral sa

asignaturang Filipino. Ang Hilagang Distrito ng Lungsod ng Tanauan ay binubuo ng

Tanauan City High School, Pantay National High School at Malaking Pulo National High

School. Hindi lamang ang mga nabanggit na paaralan ang may layuning paunlarin ang pag-

aaral sa asignaturang Filipino, gayundin ang iba pang paaralang nasasakupan ng Lungsod ng

Tanauan. Upang higit pang mapaunlad ang pag-aaral sa asignaturang Filipino,

kinakailangang matukoy ang mga paniniwala at saloobin ng mga ma-aaral sa asignaturang

ito. Ang makabuluhang paniniwala at saloobin ng mga mag-aaral ang pagmumulan ng

kanilang mabuting pag-uugali na makatutulong sa pagpapaunlad ng kanilang perpormans sa

asignaturang Filipino.

Balangkas Teoretikal

Ginamit sa pag-aaral na ito ang Teorya ng Risond Aksyon (TRA) ni Fishbein &

Ajzen (1980).Ayon sa teoryang ito ang pag-uugali ng isang tao ay nagmula sa kanyang

paniniwala. Binubuo ang teoryang ito ng paniniwala, saloobin, intensyon, at pag-uugali.

Ang paniniwala ay ang interpretasyon ng indibidwal sa mga impormasyon patungkol sa

5

LAGUNA COLLEGE OF BUSINESS AND ARTS

GRADUATE SCHOOL

isang bagay. Ang saloobin ay tumutukoy naman sa kalagayan ng pag-iisip at pagkilos bunga

ng damdaming naghahari sa isang tao sa isang takdang oras o panahon. Samantalang ang

intensyon ay ang posibilidad na isakilos ang kanyang nais bilang bahagi ng kanyang

paniniwala na tumutukoy sa kabuuan ng kanyang pag-uugali. Ang pag-uugali ay ang

nakikitang kilos ng isang indibidwal batay sa kanyang saloobin. Ipinalalagay ng panukalang

ito na ang ang paniniwala, saloobin at intensyon ng isang indibidwal ay magkakaugnay. Sa

pamamagitan ng paniniwala sa isang tiyak na pangyayari, makabubuo ang isang indibidwal

ng positibo o negatibong saloobin. Batay sa saloobing ito, nabubuo ng isang indibidwal ang

intensyon na isakilos ang kanyang ugali. Ang intensyong ito ay direkta ang kaugnayan sa

pag-uugali.

Napaunlad pa ni Ajzen (2006) ang naunang teorya sa kanyang Teorya ng Plan

Pigyur 1 Teorya ng Risond Aksyon

Makikita sa pigyur 1 sa itaas ang ugnayan ng saloobin at paniniwala patungo sa

intensyon na magiging dahilan upang isakilos ang nabuong pag-uugali.

Napaunlad pa ni Ajzen, (2002) ang naunang teorya sa kanyang Teorya ng Plan

Beheyvyor (TPB). Ayon sa teoryang ito nagagamit ang konsepto ng paniniwala dahil ang

pag-uugali ng tao mula sa tatlong batayan ng paniniwala. Sa pamamagitan ng balangkas nito

naipaliliwanag kung bakit naipapakita ng tao ang isang tiyak na pag-uugali. Ipinapaliwanag

sa teoryang TBP na ang intensyon ng isang tao ay isang magandang batayan ng kanilang

pag-uugali.

6

LAGUNA COLLEGE OF BUSINESS AND ARTS

GRADUATE SCHOOL

Ang intensyon ay naiimpluwensyahan ng tatlong batayan. Ang beheyvyor belif

(behaviour belief) ay tumutukoy sa kawing na nag-uugnay sa pag-uugali at kalalabasan nito.

Nakabatay ito sa pagtataya ng isang tao sa kinalabasan ng kanyang pag-uugali. Samantalang

ang sabjektib norm (subjective norm) naman ay ang mga paniniwala kung paano

matatanggap ng iba ang pag-uugali ng isang tao. Kung ang ugali ay katanggap-tanggap sa

ibang tao, mahihikayat siyang ipakita ang kanyang ugali at kung hindi nman ito katanggap-

tanggap ay pipilitin niya itong itago. Ang huli ay ang persiv beheyvyor kontrol (perceived

behavioural control), ang kahirapan o kadaliang ipakita ang isang pag-uugali. Makikita sa

pigyur 2 ang ugnayan ng bawat isa.

Pigyur 2 Teorya ng Plan Beheyvyor

Bagama’t ang mga teoryang nabanggit ay hindi direktang tumutukoy sa paniniwala

at saloobin ng mga mag-aaral sa isang asignatura, ito ay magagamit sa pag-aaral sa mga

paniniwala at saloobin ng mag-aaral sa asignaturang Filipino at kung paaano ito

nakakaimpluwensya sa antas ng perpormans nila. May iba't ibang paniniwala at saloobin ng

mga mag-aaral hinggil sa kanilang mga asignatura sa paaralan. Ang pag-uugali ay ang

7

LAGUNA COLLEGE OF BUSINESS AND ARTS

GRADUATE SCHOOL

naoobserbahang kilos ng isang indibidwal batay sa kanyang saloobin. Sinasabing ang

paniniwala ay nakakaimpluwensya sa saloobin at ang saloobin ay nakakaimpluwensya sa

pag-uugali. Ang pag-uugali nman ang dahilan ng pag-unlad o di pag-unlad ng mga mag-

aaral sa kanilang perpormans. Ang mga mag-aaral mismo ang makakatulong sa kanilang

sarili upang umangat sa asignaturang Filipino sa tulong ng mga makabuluhang paniniwala at

saloobin.

Ang asignaturang Filipino sa ikalawang antas ay tumatalakay sa wika. Kung susuriin

at ihahambing sa ibang asignatura ay mas nakaaangat ito sa kadalian. Ang isang dahilang

maibibigay dito ay dahil sa karaniwan ng ginagamit ang wika sa tahanan. Sa pang-araw-

araw na pakikisalamuha at pakikipag-ugnayan ay hindi nawawala ang Filipino. Ito ang

wikang ginagamit bilang midyum sa pakikipagtalastasan. Ngunit nakapagtatakang mayroon

pa ring mga mag-aaral ang nakakakuha ng mababang marka kung hindi man bagsak sa

asignaturang Filipino. Isa sa mga dahilan ay ang hindi tamang paniniwala at saloobin ng

mga mag-aaral hinggil sa pag-aaral ng asignaturang Filipino. Samakatuwid, ang simula ng

lahat ng pagsisikap sa pagtuturo ng Filipino sa paaralan ay ang pagunawa sa kalikasan at

pagkakaiba-iba ng mga bata sa paaralan, gayundin ang mga paniniwala at saloobin, pati na

ang pagkakaroon ng kaalaman at lubusang pang-unawa kung paano natutuhan ang wika at

ang mga proseso sa pagkatuto nito.

Batay sa mga teoryang tinalakay, nabuo ang paradima sa susunod na pahina.

8

LAGUNA COLLEGE OF BUSINESS AND ARTS

GRADUATE SCHOOL

INPUT PROSESO KINALABASAN

Pigyur 3. Paradima ng Pag-aaral

Makikita sa unang bloke sa ilalim ng pamagat na Input ang mga baryabol na

tumutukoy sa pananaw at saloobin ng mga mag-aaral sa asignaturang Filipino sa ikalawang

antas ayon sa pagtataya ng mag-aaral at ng kani-kanilang guro at ang antas ng perpormans

ng mga mag-aaral sa asignaturang Filipino.

9

FEEDBACK

1. Pananaw at saloobin ng mga mag-aaral sa asignaturang Filipino sa ikalawang antas ayon sa pagtataya ng mag-aaral at ng kani-kanilang guro.

2. Antas ng perpormans ng mga mag-aaral sa asignaturang Filipino.

1. Paggamit ng talatanungan bilang instrumento.2. Paggamit ng istatistika para sa “treatment ng data” - weighted mean - chi-square

(Data Analysis)3. Pagkakaiba sa pagtataya ng dalawang pangkat ng tagasagot kaugnay ng mga paniniwala at gawi ng mga naturang mag-aaral. (Comparative Analysis)4. Napag-uugnay ang mga paniniwala at saloobin ng mga mag-aaral sa asignaturang Filipino sa kanilang perpormans. (Correlation Analysis)

Pagpapaunlad ng pag-aaral sa

Asignaturang Filipino.

LAGUNA COLLEGE OF BUSINESS AND ARTS

GRADUATE SCHOOL

Nakapaloob naman sa ikalawang bloke ang prosesong ginamit ng mananaliksik tulad

ng paggamit ng talatanungan bilang instrumento, paggamit ng istatistika para sa “treatment

ng data, pagkakaiba sa pagtataya ng dalawang pangkat ng tagasagot kaugnay ng mga

paniniwala at saloobin ng mga naturang mag-aaral at kaugnayan ng mga paniniwala at

saloobin ng mga mag-aaral sa asignaturang Filipino sa kanilang perpormans.

Inilahad sa ikatlong bloke ang maaring maging resulta ng pag-aaral tulad ng

programang pagpapaunlad ng pag-aaral sa asignaturang Filipino.

Paglalahad ng Suliranin

Ang pag-aaral na ito ay naglalayon na malaman ang mga paniniwala at saloobin ng mga

mag-aaral sa asignaturang Filipino at ang kaugnayan nito sa kanilang perpormans sa

ikalawang antas ng Mataas na Paaralan ng Hilagang Distrito ng Lungsod ng Tanauan tungo

sa pagpapaunlad ng pag-aaral ng asignaturang Filipino. At upang malaman ang mga tiyak na

kasagutan sa mga sumusunod na katanungan:

1. Anu-ano ang mga paniniwala at saloobin ng mga mag-aaral sa asignaturang Filipino

sa ikalawang antas ng Mataas na Paaralan ng Hilagang Distrito ng Lungsod ng

Tanauan ayon sa pagtataya ng mga mag-aaral mismo at ng kani-kanilang mga guro?

2. May pagkakaiba ba sa pagtataya ng dalawang pangkat ng tagasagot kaugnay ng mga

paniniwala at saloobin ng mga naturang mag-aaral?

3. Ano ang antas ng perpormans ng mga mag-aaral sa asignaturang Filipino?

4. Paano nauugnay ang mga paniniwala at saloobin ng mga mag-aaral sa asignaturang

Filipino sa kanilang perpormans?

5. Batay sa kinalabasan ng pag-aaral, anong programang pagpapaunlad sa pag-aaral ng

asignaturang Filipino ang maimumungkahi?

10

LAGUNA COLLEGE OF BUSINESS AND ARTS

GRADUATE SCHOOL

Hinuha

Nabuo ng mananaliksik ang sumusunod na hinuha tungkol sa kaugnayan ng

paniniwala at saloobin ng mga mag-aaral sa asignaturang Filipino sa kanilang perpormans:

1. Walang makabuluhang pagkakaiba sa pagtataya ng dalawang pangkat ng tagasagot

kaugnay ng mga paniniwala at saloobin ng mga mag-aaral.

2. Walang makabuluhang kaugnayan ang mga paniniwala at saloobin ng mga mag-

aaral sa asignaturang Filipino sa kanilang perpormans.

Kahalagahan ng Pag-aaral

Pangunahing layunin ng mananaliksik na mapayaman, at mapaunlad ang paggamit

ng wikang Filipino sa pamamagitan ng pag-aaral sa mga pananaw at saloobin ng mga mag-

aaral sa asignaturang Filipino. Ang mananaliksik ay umaasa na magiging makabuluhan ang

magiging resulta ng pag-aaral na ito sa mga guro at mga mag-aaral, sa mga pinuno ng

paaralan at sa susunod pang mananaliksik.

Sa mga Guro. Ang pagtaas ng perpormans ng mga mag-aaral sa asignaturang

Filipino ay bunga ng makabuluhang paniniwala at saloobin ng mga mag-aaral na nagmula sa

kasanayang natutuhan nila sa kanilang guro. Ang pag-aaral na ito ay makatutulong ng

malaki sa mga upang malunasan ang mga balakid na dulot ng pagkakaroon ng negatibong

saloobin ng mga mag-aaral sa pag-aaral ng Filipino na siyang humahadlang sa mabisa at

makabuluhang pagkatuto ng kanyang mga mag-aaral. Ang resulta ng pag-aaral ay

magiginng gabay ng mga guro sa pagpili ng mga tenik at istratehiya upang lalong mapagbuti

ang pagtuturo.

Sa mga Mag-aaral. Makikita sa balangkas teoretikal na ang paniniwala at saloobin

ng mga mag-aaral ay may kaugnayan sa kanilang perpormans. Sa mga datos na malilikom

ng mananaliksik, maipapaabot niya sa mga mag-aaral kung anu-anong paniniwala at

11

LAGUNA COLLEGE OF BUSINESS AND ARTS

GRADUATE SCHOOL

saloobin ang makakatulong sa pagpapaunlad ng kanilang perpormans sa asignaturang

Filipino at upang higit na matutugunan ang kanilang pangangailangan tungo sa mabisa at

makabuluhang pagkatuto.

Sa mga Pinuno ng Paaralan. Ang mga datos at mga impormasyong malilikom sa

pag-aaral na ito ay maaaring gawing sanggunian ng mga pinuno ng paaralan upang malaman

nila ang kahalagahan ng makabuluhang paniniwala at saloobin ng mga mag-aaral sa

kanilang perpormans at maging patnubay upang higit na maging maingat at matalino sa

pagpaplano at pagpapatupad ng mga programa at gawaing maaaring makaimpluwensya sa

makabuluhang pagkatuto at level ng performans ng mga mag-aaral sa asignaturang Filipino

.

Sa mga Susunod na Mananaliksik. Ang kalalabasan ng pag-aaral na ito ay

magbibigay ng iba pang ideya para sa malawakang pag-aaral sa ganitong larangan sa mga

darating pang panahon. Ang pag-aaral na ito ay magsisilbing lunsaran upang ang ibang

interesadong mananaliksik sa iba’t-ibang paaralang gwadrado ay makabuo ng kaugnay na

pag-aaral tungo sa pagpapaunlad ng Wikang Filipino.

Abot at Saklaw ng Pag-aaral

Ang pag-aaral na ito ay sumasaklaw sa kaugnayan ng paniniwala at saloobin ng mga

mag-aaral sa kanilang perpormans sa asignaturang Filipino sa ikalawang antas ng Mataas na

Paaralan ng Hilagang Distrito ng Lungsod ng Tanauan. Sumasaklaw din ito sa mga guro na

nagtuturo sa ikalawang antas ng mga nasabing paaralan.

Inalam ng mananaliksik ang persepsyon ng mga guro at mag-aaral sa paniniwala at

saloobin ng mga mag-aaral sa asignaturang Filipino. May Isang daan at siyam napo’t pitong

mag-aaral sa ikalawang antas ng Mataas na Paaralan ang naging tagasagot sa talatanungan at

may anim na guro naman ang kasangkot sa pag-aaral na ito. Ang mga mag-aaral na

pinagkunan ng mga datos at mga impormasyon ay nagmula sa tatlong paaralang

12

LAGUNA COLLEGE OF BUSINESS AND ARTS

GRADUATE SCHOOL

nasasakupan ng Hilagang Distrito ng Lungsod ng Tanauan. Sa pagpili ng mga paaralan,

naging batayan ang mismong pinagtuturuan ng mananaliksik kung saan marami sa mga guro

ay naging kaibigan o kakilala at ang Distritong kinabibilangan ng paaralang pinagtuturuan

ng mananaliksik. Dahil sa mga batayang ito, naging madali ang pakikipag-ugnayan upang

magkaroon ng katuparan ang pag-aaral na ito.

Ang mga paaralang kabilang sa Hilagang Distrito ng Lungsod ng Tanauan ay ang

mga sumusunod: Tanauan City High School, Pantay National High School at Malaking Pulo

National High School.

Katuturan ng mga Salitang Ginamit

Ang mga sumusunod na katawagang ginamit ay binibigyang paliwanag upang higit

na maunawaan ang pag-aaral na ito. Ninais ng mananaliksik na ang kahulugan ng mga ito ay

ayon sa pagkakagamit ng mga salita sa pag-aaral na ito at hindi halaw sa mga diksyunaryo

upang lalong mapabilis ang pagkaunawa ng mga mambabasa sa mga terminolohiyang

ginamit.

Asignaturang Filipino. Ito’y isa mga asignatura sa kurikulum ng sekondarya mula

unang taon hanggang ikaapat na antas. Tinutukoy sa asignaturang ito ang mga bagaybagay

na may kaugnayan sa bararila, mga uri ng pananalita at kahit na ang mga mahahalagang

pangyayari sa ating bansa gamit ang Wikang Pambansa bilang medyum ng instraksyon sa

pagtuturo.

Guro. Ang guro ang isa sa mga tao na may malaking papel sa edukasyon. Ito ang

mga tao na naghahatid ng kaalaman patungo sa lahat ng kanyang tinuturuan gamit ang mga

pamamaraan at mga materyales nasiyang nagsisilbing tulay upang maisalin ang kaalamang

epiktibo sa lahat ng mga nangangailangan.

Guro sa Filipino. Isang guro na dalubhasa sa pagtuturo ng asignaturang Filipino o

nagtuturo ng wika

13

LAGUNA COLLEGE OF BUSINESS AND ARTS

GRADUATE SCHOOL

Komunikasyon. Ito ay paraan ng paghahatid ng mensahe ng isang tao sa kanyang

kapwa tao.

Paniniwala. Ito naman ay interpretasyon ng mga mag-aaral sa mga impormasyon

patungkol sa isang bagay o sitwasyon. Pinagmumulan ito ng saloobin at pag-uugali

Paradima. Ito ay tumatalakay sa kabuuang karikatura ng pag-aaral.

Perpormans. Ito ay nangangahulugan ng pagsasagawa ng isang bagay na may tiyak

na layunin. Nasusukat ito sa pamamagitan ng marka o grado.

Saloobin. Ito ay tumutukoy sa kabuuan ng kagustuhan, kaisipan at damdamin ng

isang tao paayon man o pasalungat hinggil sa isang sitwasyon o bagay. Naiimpluwensyahan

nito ang kaasalan o gawi maging ang pag-uugali.

Talatanungan. Ito ay isang instrumento sa pananaliksik upang malaman ang sanhi o

kadahilanan ng suliraning nakapaloob sa pag-aaral.

Wika. Ang wika ay anumang binibigkas, sinesenyas o sinusulat ng tao upang

maipahayag ang kanyang saloobin

Wikang Filipino. Ang wikang Filipino ay ang wikang dapat na gamitin sa mga

paaralan, at gawing wika ng pagtuturo at sa pakipagtalastasan.

14

LAGUNA COLLEGE OF BUSINESS AND ARTS

GRADUATE SCHOOL

Kabanata 2

MGA AKDANG MAY KAUGNAY SA PAG-AARAL

Inilahad sa kabanatang ito ang ilang aklat at tesis na may kaugnayan sa kasalukuyang

pag-aaral. Natuklasan ng mananaliksik ukol sa paksa na iilan lamang ang mga banyagang

tesis ang kakikitaan ng pagkakalapit sa paksang sinuri.

Banyagang Literatura

Masasabing bahagi na ng pagkatao ang saloobin. Araw-araw nakakaramdam ang tao

ng pagmamahal, galit, pagkagusto, pag-ayaw, pagsang-ayon, pagtanggi at iba pang

damdamin. Ito ay bunga ng kanilang ebalwasyon sa isang bagay o sitwasyon na maaaring

positibo o negatibo. Kaya’t ang saloobin ay nangangahulugan ng kabuuang ebalwasyon sa

isang sitwasyon o bagay (Bohner & Wänke, 2002).

Sinang-ayunan naman ito ni Haddock et.al.,(2010) na nagsabing ang saloobin ay ang

inklinasyon at predisposisyon na gumagabay sa pag-uugali at kilos maging positibo o

negatibo man. Nagbabago at umuunlad ang saloobin sa paglipas ng panahon. Ito ay

naaapektuhan ng tatlong aspeto ang kognitiv na binubuo ng paniniwala, ideya, katangian,

afektiv na binubuo ng damdamin at emosyon at ang beheyvyoral tulad ng nakaraang

pangyayari, at karanasan.

Magkakaugnay ang paniniwala at saloobin sapagkat ang saloobin ay bunga ng mga

pinagsama-samang paniniwala ayon sa aklat ni Kloosterman (2002). Ito din ay ang personal

na paghusga at pananaw na nagbibigay ng ideya sa isang tao na hindi na nangangailangan ng

pagpapatunay.

Kaugnay nito ipinaliwanag ni Fishbien et. al, (2002) sa kanyang teorya ng Rison

Aksyon na ang pag-uugali ng isang tao ay nagmula sa kanyang paniniwala. Binubuo ito

15

LAGUNA COLLEGE OF BUSINESS AND ARTS

GRADUATE SCHOOL

limang aspeto tulad ng paniniwala, saloobin, intensyon, at pag-uugali. Ang paniniwala ay

ang interpretasyon ng indibidwal sa mga impormasyon patungkol sa isang bagay.

Ang saloobin ay tumutukoy naman sa kalagayan ng pag-iisip at pagkilos bunga ng

damdaming naghahari sa isang tao sa isang takdang oras o panahon.  Samantalang ang

intensyon ay ang posibilidad na isakilos ang kanyang nais bilang bahagi ng kanyang

paniniwala na tumutukoy sa kabuuan ng kanyang pag-uugali. Ang pag-uugali ay ang

nakikitang kilos ng isang indibidwal batay sa kanyang saloobin. Ipinalalagay ng panukalang

ito na ang ang paniniwala, saloobin at intensyon ng isang indibidwal ay magkakaugnay. Sa

pamamagitan ng paniniwala sa isang tiyak na pangyayari, makabubuo ang isang indibidwal

ng positibo o negatibong saloobin. Batay sa saloobing ito, nabubuo ng isang indibidwal ang

intensyon na isakilos ang kanyang ugali. Ang intensyong ito ay direkta ang kaugnayan sa

pag-uugali.

Ang pag-aaral sa paniniwala at saloobin ng mag-aaral sa isang asignatura ay

nakatutulong upang maiangat ang kanilang kaalaman at perpormans. Sa pag-aaral ng

asignaturang Filipino sa Ikalawang antas ng sekundarya, pinagtutuunan ng importansya ang

pag-aaral ng wika. Ang wika ay ang sistema ng komunikasyon na nag-uugnay sa mga tao.

Binibigyang diin nito ang sosyal na tungkulin ng wika at ang katotohanan na napakahalaga

nito bilang instrumento sa pagpapahayag ng kanilang saloobin http://en.wikipedia.

org/wiki/Language.

Lokal na Literatura

Ayon kay Guiritan (2008) mahalaga ang papel na ginagampanan ng wika sa buhay

ng lahat ng tao. Walang taong makapagsasabi na ni minsan ay hindi siya gumamit ng kahit

ano mang anyo ng wika. Lahat ng uri o antas ng tao sa mundong ibabaw ay ginagamit ang

wika bilang kasangkapan sa iba’t-ibang larangang pang-ekonomiya, pampulitika,

panrelihiyon, pangedukasyon at panlipunan. Sa wika din nasasalamin ang mga adhikain,

kaalaman, pilosopiya, paniniwala, moralidad at karanasan ng bawat isa at binubuo ng

16

LAGUNA COLLEGE OF BUSINESS AND ARTS

GRADUATE SCHOOL

wikang sining, panitikan, karunungan, kaugalian at kinagawian ng mga nagsisilbing

pundasyon ng ating kultura. Sa tulong ng wika, ang isang tao’y makapamumuhay ng maayos

at maigagapang niya ang kanyang sarili sa kanyang kapaligiran. Mahalaga ang mga

elementong nabanggit dahil dito lumalawak at nabubuo ang pagkatao ng mga Pilipino.

Maliit ang uniberso sapagkat limitado ang kakayahan ng tao sa paggamit ng wika. Dagdag

pa dito ang pagpapahayag ng mga kaisipan ay batay sa saklaw ng kaalaman sa lengguwahe.

Ang saklaw ng kaalaman ang siyang humuhugis naman sa uniberso. Pinauunlad ng tao ang

wika at ang wika din naman ang nagpapaunlad sa tao. Nabubuhay ang tao dahil sa wika at

ang wika ay nabubuhay dahil sa tao. Kung wala ang mga tao, walang wika. Kung walang

wika, walang buhay. Ang pagkakasilang ng wika ay nagbibigay buhay sa sibilisasyon;

sapagkat ito ang naghihiwalay ng tao sa hayop. Dahil sa wika, malinaw na nailalarawan

nang higit ang kakayahan at lalong nagiging makatwiran ang tao. Ang abilidad ng tao na

gamitin ang kanyang wika ay nagbibigay-daan upang makasabay sa patuloy na pagbabago.

Mula sa pagsilang, kakambal na ng tao ang wika. Malalim at hindi mapapantayan ang

ugnayang ito kung titingnan. Higit pa sa isang umbilical cord ang ugnayan ng tao sa

kanyang wika.

Napakatagal nang panahon na pinag-aaralan ang mga wika ng tao. Bahagi ng mga

unang pag-aaral ang nabanggit na sa itaas. Napakahalaga ng wika sa pakikipagtalastasan. Sa

pasalitang pakikipagtalasasan, ang wika ang tagapagdala ng ideya tungo sa mabisang

pakikipag-ugnayan. Kung kaya, ang pagkakaroon ng isang pambansang wika ay tulay upang

ang isang bansa ay magkaisa at makamit ang minimithing kaunlaran. Mahalaga ang wikang

pambansa sa isang malayang bansa. Pinauunlad nito ang pagkakaunawaan at pagkilalang

kultural at transnasyonal ng mga mamamayan ng isang bansa. Pinatitibay rin nito ang

pambansang pagkakaisa at pagkakakilanlan. Ito ay importanteng elemento para sa pag-unlad

na pulitikal, ekonomikal, at sosyal ng isang bansa. Ang Filipino ang siyang wikang

pambansa ng Pilipinas. Ito ang nagsisilbing tali na nag-uugnay sa mga Pilipino mula sa iba’t

ibang bahagi ng mundo sa kanilang pinanggalingan. Kailangang matutunan ng lahat ng

17

LAGUNA COLLEGE OF BUSINESS AND ARTS

GRADUATE SCHOOL

Pilipino ang salitang ito. Dapat ay madali itong matututunan sa lahat ng dako ng bansa

(http://www.slideshare.net/icgamatero/ang-sarili-natingwika).

Ayon kay Dr. Aurora Batnag (Kabayan, 2001) sapagkat ang Pilipinas ay

multilinggwal at multicultural, nabubuklod ang ating mga watak-watak na isla ng iisang

mithiin na ipinapahayag hindi lamang sa maraming tinig ng iba’t- ibang rehiyon kundi

gayon din sa isahang midyum na Wikang Filipino. Samakatuwid hindi matutumbasan ang

papel ng wika sa pagtatangkang baguhin ang kalagayan ng lipunan ng isang bansa.

Sa pahayagan din sa Kabayan noong Pebrero 14, 2003 ay nagpalabas ng manipesto

ang Sentro sa kahusayan sa Filipino, Komisyon ng Lalong Mataas na Edukasyon ng DLSU

na nagsaaad na ang English ay hindi solusyon sa problema ng edukasyon sa Pilipinas.

Nakasaad sa manipesto na matagal nang panahong ginagamit ang English bilang

pangunahing wikang panturo ngunit hanggang sa kasalukuyan ay nananatili pa rin ang

problema ng bansa sa ekonomiya at edukasyon. Dapat nating alalahanin na ang sagot sa mga

ganitong problema ay nakasalalay sa pagpapatibay ng karunungan ng mamamayan at ito ay

makakamit sa wikang Filipino. Ang ganitong ideya ay pinatutunayan ng mga lokal at

internasyunal ng mga riserts (pananaliksik) na mas mabilis ang pagkatuto ng mga bata kapag

sa sariling wika nag-aral at ng mga bansang umuunlad na gamit ang sariling wika sa

pagsasalin ng kaalaman.

Ayon naman sa aklat na Bakit Baliktad Magbasa ng Libro ang mga Pilipino? Bob

Ong (2000) hanggang ngayon ay mahirap pa ring resolbahin ang isyu sa Wikang Pambansa

dahil iba-iba pa rin ang sinasabi sa mga dyaryo, magazine at libro ukol dito. Idinagdag pa sa

aklat na si dating Governor Osmeña ay nagpahayag na hindi patas kung pipiliting mag-

Tagalog ang mga hindi-Katagalugan. Pero ipinaliwanag din sa aklat na: sa dating ginawang

survey sa Ateneo de Manila University, 98% na ng mga Pilipino ang kayang umintindi ng

18

LAGUNA COLLEGE OF BUSINESS AND ARTS

GRADUATE SCHOOL

Tagalog, samantalang 51% lang ang nakakaintindi ng English. Patunay lamang na

malaganap na ang paggamit ng Filipino sa kasalukuyan sa ating bansa.

Sa sistema ng edukasyon, ang Wikang Filipino ay isa sa higit na pinahahalagahan.

Sapagkat ito ang wika ng lahat ng mamamayang Filipino. Sa wikang ito nakilala ang mga

Pilipino, wikang nagbubuklod sa buong sambayan. Ang wikang Filipino ay binigyang

kahulugan ng Komisyon sa Wikang Filipino sa aklat ni Santos, 2003 at itinakda ang

paglinang dito tulad ng ito ay ang katutubong wika na ginagamit sa buong bansa bilang wika

ng komunikasyon ng mga etnikong grupo. Katulad ng iba pang wikang buhay, ang Filipino

ay dumaraan sa proseso ng paglinang sa pamamagitan ng panghihiram sa mga wika sa

Pilipinas at mga di kakatubong wika sa ebolusyon ng iba’t-ibang barayti ng wika para sa

iba’t-ibang sitwasyong sosyal, sa mga nagsasalita nito na may iba’t-ibang mga paksa ng

talakayan at iskolarling pagpapahayag. Mula sa kahulugang ibinigay, nabuo ang katangian

ng Wikang Filipino na ito’y gamiting wika, buhay at dinamiko, patuloy na nililinang at

pinauunlad, may iba’t-ibang barayti at hindi lamang para sa sosyal na pangangailangan

kundi para sa akademiko at iskolarling pagpapahayag (Santos, 2003).

Hindi maikakaila ang katotohanan sa pahayag na ang pag-aaral ng isang wika ay

madali sa ilang mag-aaral at napakahirap sa iba.  Ang nahihirapan ay mga mag-aaral na

mahiyain at mahina ang loob.  Ayaw magbukas ng bibig dahil natatakot magkamali.  Ayaw

mapintasan ang maling pagbigkas o maling pagsasamasama ng salita.  Hindi magsasalita

hangga't sa palagay nila ay tamang-tama na ang sasabihin nila. Ang nadadalian ay ang hindi

nahihiyang magkamali. Kahi't balu-baluktot, pinipilit nilang magsalita.  Malakas ang

kanilang loob. http://www.seasite.niu.edu/ Tagalog/themes/sanaysay.htm

Banyagang Pag-aaral

Ayon kay Akey (2006), sa kanyang pag-aaral ng “School Context, Student Attitudes

and Behavior, and Academic Achievement: An Exploratory Analysis”, ang paniniwala,

19

LAGUNA COLLEGE OF BUSINESS AND ARTS

GRADUATE SCHOOL

saloobin at pag-uugali ng mga mag-aaral ay malaki ang ginagampanan sa kanilang

akademikong pag-unlad. Ang paniniwala ng mga mag-aaral sa kanilang kakayahan at

tagumpay sa paaralan gayundin ang antas ng pakikisalamuha at emosyunal na kalagayan ay

maaaring makatulong o makasagabal sa pagpapaunlad ng kakayahang pang akademiko. Ang

tatlong nabanggit na may kinalaman sa perpormans ng mga mag-aaral ay ang paniniwala,

saloobin at pag-uugali. Masasabing ang mga ito ay may kaugnayan sa isat-isa. Pinagbatayan

din ng kanyang pag-aaral ang Teorya ng Risond Aksyon na kung saan ang saloobin at pag-

uugali ng isang indibidwal ay nag-uugat sa kanyang paniniwala. Ang interpretasyon ng mga

mag-aaral sa mga impormasyon patungkol sa isang bagay ay dulot ng kanilang paniniwala.

Isa sa mga di-makabuluhang paniniwala ng mga mag-aaral ngayon sa asignaturang Filipino

ay ang paniniwala nilang ito ay hindi nakakawiling pag-aralan kung ihahalintulad sa ibang

asignatura. Maaaring maapektuhan nito ang kanilang saloobin at magdulot ng hindi kanais-

nais na resulta lalo na sa kanilang perpormans. Ang saloobin naman sa kabilang banda ay

tumutukoy sa mga kinalabasan ng paniniwala na nakakaapekto sa pag-uugali.

Ang saloobin ay tumutukoy din sa kalagayan ng pag-iisip at pagkilos bunga ng damdaming

naghahari sa isang tao sa isang takdang oras o panahon. 

Ang saloobin ay direksyunal, sapagkat maaaring ito ay positibo o negatibo. Ilan  sa

halimbawa ay ang iba't ibang saloobin ng mga mag-aaral hinggil sa kanilang mga asignatura

sa paaralan . Ang paniniwala ng mga mag-aaral sa asignaturang Filipino ang pinagmumulan

ng kanilang saloobin. Kung painaniniwalaan ng mag-aaral ng nakababagot ang asignaturang

Filipino, hindi niya nanaisin pa na mag-aral sa asignaturang ito. Ang pag-uugali ay ang

nakikitang kilos ng isang indibidwal batay sa kanyang saloobin. Sinasabing ang paniniwala

ay nakakaimpluwensya sa saloobin at ang saloobin ay nakakaimpluwensya sa ninanais na

gawin o ikilos.

Ang paniniwala ay ang kontrol ng isang indibidwal sa pagpapakita ng kanyang ugali.

Tumutukoy din ito sa mental na representasyon na nakakaimpluwensya sa beheyvyor ng

isang tao. Dagdag pa dito, ang paniniwala ng isang tao ay maaaring maimpluwensyahan ng

20

LAGUNA COLLEGE OF BUSINESS AND ARTS

GRADUATE SCHOOL

kanyang mga karanasan, mga bagay na natutuhan o mga sitwasyon sa paligid. Samakatuwid,

ito ay ang abstrak na prinsipyo na maaaring maobserbahan sa pamamagitan ng gawi at pag-

uugali ng isang indibidwal (Valinides, 2008)

Mula naman sa pananaliksik ni Randel, (2000), sinasabing isang kaugnay na aspeto

ng mga paniniwala at saloobin ng mag-aaral ang kanilang pamantayan sa perpormans.

Pagbaba ng kanilang pamantayan sa pag-abot ng nais nilang perpormans ay

nangangahulugan din ng pagbaba ng kanilang perpormans. Ito ay dahil sa ang mga mag-

aaral na may mababang pamantayan sa pag-aaral ay mas kuntento kaysa mga mga mag-aaral

na naghahangad ng mataas na marka.

Sa kinalabasan ng pag-aaral ni Eleftherios (2007), malinaw na ang paniniwala at

saloobin ng mga mag-aaral sa sekundarya sa Unibersidad ng Athens, Greece ay

nakakaimpluwensya sa kanilang perpormans sa matemetika. Nilinaw dito na ang paniniwala

at saloobin ng mga mag-aaral ay kaunay ng kanyang sosyo-ekonomikong estado.

Natuklasan din na magkakaiba ang resulta ng datos mula sa mga distrito ng Greece. Kaunay

ng pag-aaral na ito, natuklasan ni Philippou, (2000) na ang mga paniniwala ng mga guro at

mag-aaral sa asignaturang matematika ay magkakaiba sa bawat bansa. Dulot ito ng

pagkakaiba-iba ng kanilang kapaligiran at kulturang kinabibilangan.

Ang paniniwala ng mga mag-aaral tungkol sa kanilang kakayahan at inaasahang

tagumpay sa paaralan ay direktang may kaugnayan sa kanilang pakikilahok na maaaring

makabuti o hindi sa kanilang perpormans. Bilang konklusyon sa pag-aaral na isinagawa ni

Mohamed et.al. (2011), sinasabing kapag ang positibong saloobin ng mag-aaral ay

katamtaman lamang, maaari pa itong mapaunlad. Kapunapuna din na hindi naapektuhan ng

mababang perpormans ng mga mag-aaral ang kanilang positibong saloobin hinggil sa

asignaturang matematika.

21

LAGUNA COLLEGE OF BUSINESS AND ARTS

GRADUATE SCHOOL

Lokal na Pag-aaral

Ang pagkakaroon ng wika bilang buklod ng pagkakaisa ay tanda ng kaunlaran ng

bawat bansa. Ang wika ay isang mahalagang kasangkapang ginagamit ng tao sa kanyang

pakikisalamuha sa kapwa. Ito ang kumakatawan at isa sa pinakamalakas na nagbubuklod sa

mga tao upang palaganapin ang pagkakaisa at ang pambansang mithiin at layunin (Abanador

et.al., 2003)

Ayon kay Sapungan (2007) sa pananaliksik niya sa “Kakayahan ng mga Mag-aaral

sa Unang Taon sa Batangas National High School sa Wastong Paggamit ng mga Salita:Isang

Pagtataya”, malaking bahagi ng buhay ng tao ang pakikipagtalastasan. Sapagkat ang tao ay

bahagi ng lipunang binubuo ng kapwa niya tao, kailangan niyang makipagtalastasan nang

maisagawa ang naisin upang maunawaan at magkaisa. Sa puntong ito kailangan ang wika,

wikang mahalagang biyaya ng ating Panginoon. Sa wikang ito na sinasalita ng tao

nagkakaroon ng pagkakaisa at pagkakaunawaan. Ang wikang sinasalita ang kasangkapang

kailangan sa lahat ng pakikipagtalastasan.

Ayon naman kay Bagon (2000) ang wika ay sining ng komunikasyon. Sa malawak

na pananaw dito, ang wika ay hindi lamang nakatuon sa anyo nitong pasalita o pasulat.

Totoong ang wika ay “makikita” sa mga produkto ng pagsulat ng mga magaaral o maririnig

sa kanilang pagsasalita ngunit higit pa rito ang nasasaklawan ng wika. Ang wika ay

nakaugat sa ating karanasan. Ang magaaral na may sapat na kabatiran sa mga nagaganap sa

kanyang kapaligiran ay inaasahang magiging matataas sa paglalahad ng kanyang mga ideya

o kaisipan tungkol sa kapaligirang ito. Kaya sa pagtuturo ng wika, nararapat lamang na

ihantad ang mga mag-aaral sa iba’t ibang makatotohanang gawain upang “iparanas” sa

kanila ang tunay na gamit ng wika. Maaaring bigyan sila ng maraming babasahing aklat at

mga magasin, palikhain ng tula na malalapatan ng himig, pasulatin ang isang maikling dula,

paguhitin ng magagandang tanawin, pasalihin sa mga interaktibong talakayan- lahat ng mga

22

LAGUNA COLLEGE OF BUSINESS AND ARTS

GRADUATE SCHOOL

karanasang ito’y magsisilbing matibay na pundasyon sa pagkakaroon ng mag-aaral ng isang

maunlad na wika

Kaugnay nito binigyang diin ni Catapang (2003) sa kanyang “ Antas ng Kaalaman

ng mga Mag-aaral sa Filipino sa Ikaapat na Baitang sa Tatlong Pampublikong Paaralang

Elementarya ng Lungsod ng Tanauan” na ang wika ay komunikasyon, walang

komunikasyon kung walang wika, kung walang komunikasyon ay walang karunungan at

kung walang karunungan ay walang kaunlaran. Habang nagiging maunlad ang wika ay

lalong nagiging mabisa ang komunikasyon. Napakahalaga ng ginagampanang papel ng wika

sa edukasyon. Ang wika ay kasangkapan sa pagkatuto. Ang isang taong may malawak na

kakayahan sa wika ay higit na maasahan sa pag-aaral, pag-unawa at pagpapahalaga.

Ang wika ay pinakakailangang mekanismo ng buhay na hinuhubog,

pinamamatnubayan, pinayayaman sa pamamagitan ng pagtitipon ng mga nakaraang

karanasan ng kapwa. At sa lahat ng uri ng simbolo, ang wika ang pinakamaunlad,

pinakamahiwaga at pinakamasalimuot. Wika ang nagsisilbing behikulo ng

pakikipagtalastasan (Aguilar et. al., 2002).

Walang pangyayari sa buhay ng tao na di-nauugnay sa kanyang wika. Wika ang

kanyang ginagamit sa pagpapahayag ng saloobin, pakikipag-ugnayan, at pakikipagtalastasan

sa kapwa. Ang wika ay kasangkapan ng pakikipagtalastasan at instrumento sa paglikha ng

makabuluhan at malikhaing pag-iisip. Ang pakikipagtalastasan ayon kay Bathan et. al.,

(2002) ay pagpapahayag, pagbibigay o paghahatid ng kabatiran, isang pakikipag-usap na

dapat gawin sa mabisang paraan. Matatamo ang mabisang pakikipagtalastasan sa paaralan.

Dito’y nilalayon di lamang hubugin ang pagkatao ng isang mag-aaral, manapa’y linangin sa

kanila ang kakayahang pangwikang siyang sangkap sa pakikipagtalastasan. Ang paglinang

sa mga kasanayang pangwika ay isang mahalagang hakbang upang masubok ang kakayahan

ng mga mag-aaral na umunawa, makipag-usap, magbasa at sumulat.

23

LAGUNA COLLEGE OF BUSINESS AND ARTS

GRADUATE SCHOOL

Lumabas sa pananaliksik ni Aguilar, (2002) na ang wika ay maituturing na isang

mahalagang salik sa pagtatamo ng karunungan at mabisang instrument sa pambansang

pagkakaisa at pagkakaunawaan. Ang pagkakaroon ng isang wika ay isang katangiang

ikinaiba ng tao sa anumang bagay na nilikha ng Diyos sapagkat ito ang daluyan ng maayos

at matagumpay na pakikipagkomunikasyon. Ang wika ang kasangkapang ginagamit ng lahat

ng uri o antas ng tao sa lipunan at nagagamit ito sa iba’t-ibang aspeto ng pamumuhay.

Hindi maikakailang kaugnay din ng naunang pag-aaral ang mga natuklasan ni

Contreras, (2007) sa kanyang “ Ang Pagtuturo ng Filipino sa Ilang Piling Paaralang

Elementarya sa Dibisyon ng Lobo, Sangay ng Batangas”, nilinaw niya ang dalawang

pangunahing dahilan kung bakit dapat ituro ang Filipino. Una, itinuturo bilang asignaturang

pangwika at ikalawa, upang magamit ito bilang wikang panturo. Malinaw ang pagkakaiba

ng dalawang layunin subalit magkatuwang ng kaganapan sa pagkatuto. Kinakailangang

matutunan ang Filipino bilang wikang may kakayahan upang magamit itong epektibo sa

pagkatuto sa iba pang asignatura na itinuturo sa Filipino. Ito ay batay sa itinatadhana ng

1987 Konstitusyon, sa Artikulo XIV, Seksyon 7 na nagsasabing gamitin ang Filipino bilang

wikang opisyal at wikang panturo sa mga paaralan. Nakasaad din sa konstitusyong ito na

para sa mga layunin ng komunikasyon at pagtuturo, ang wikang opisyal ng Pilipinas ay

Filipino hangga’t walang ibang itinatadhana ang batas. Gayundin, may opisyal na batayan sa

paggamit nito gaya ng isinasaad sa Kautusang Pangkagawaran ng DECS, Blg. 52 s 1987

(sek. 2-a): Ang patakaran sa Edukasyon Bilinggwal ay naglalayong makapagtamo ng

kahusayan sa Filipino at English sa pamamagitan ng pagtuturo ng dalawang wikang ito at sa

paggamit nito bilang midyum ng pagtuturo sa lahat ng antas.

Ayon sa pananaliksik na isinagawa ni Cantal (2010) ang paglinang sa wika ay

nakapokus sa kapakinabangang idudulot nito sa mag-aaral, na matutunan ang wika upang

sila ay makapaghanapbuhay, makipamuhay sa kanilang kapwa at mapahalagahan ng lubusan

ang kagandahan ng buhay na kanyang ginagalawan. Ang wika ay “makikita” sa mga

24

LAGUNA COLLEGE OF BUSINESS AND ARTS

GRADUATE SCHOOL

produkto ng pagsulat ng mga magaaral o maririnig sa kanilang pagsasalita ngunit higit pa

rito ang nasasaklawan ng wika. Ang wika ay nakaugat sa ating karanasan. Ang magaaral na

may sapat na kabatiran sa mga nagaganap sa kanyang kapaligiran ay inaasahang magiging

matataas sa paglalahad ng kanyang mga ideya o kaisipan tungkol sa kapaligirang ito. Kaya

sa pagtuturo ng wika, nararapat lamang na ihantad ang mga mag-aaral sa iba’t ibang

makatotohanang gawain upang “iparanas” sa kanila ang tunay na gamit ng wika. Maaaring

bigyan sila ng maraming babasahing aklat at mga magasin, palikhain ng tula na malalapatan

ng himig, pasulatin ng isang maikling dula, paguhitin ng magagandang tanawin, pasalihin sa

mga interaktibong talakayan- lahat ng mga karanasang ito’y magsisilbing matibay na

pundasyon sa pagkakaroon ng mag-aaral ng isang maunlad na wika.

Kung babalikan ang pag-aaral na isinagawa ni Sapungan (2007) binigyang diin

niyang ang pagpapanday, paghuhubog at pagpapalawak ng kaalaman ng mga mag-aaral

tungkol sa wika ay nakaatang sa mga balikat ng guro. Tungkulin ng mga gurong maghatid

ng mga kaalaman at kabatiran sa bawat mg-aaral. Responsibilidad ng isang mabuting guro

na tumulong upang mapayabong ang katalinuhan at kaisipan ng isang indibidwal. At dahil

din sa mga guro sa Filipino, ang mga mag-aaral ay natututong magpahalaga sa sariling wika.

Sa tulong nila nagkakaroon ng makabuluhang paniniwala at saloobin ang mga mag-aaral

tungo sa pag-aaral ng asignaturang Filipino.

Kaugnay ng mga naunang pag-aaral inisa-isa sa pananaliksik ni Aguilar (2002) ang

mga suliranin ng guro sa pagtuturo ng asignaturang Filipino at tatlo lamang ang lubos na

suliranin ng mga guro, ito ay ang mga sumusunod: kawalan ng badyet para sa kagamitang

nais ihanda sa bawat aralin, malaking bilang ng mag-aaral sa isang klase at maling

paniniwala ng mga mag-aaral na ang asignaturang Filipino ay madali. Iminungkahi ng

mananaliksik na tulungan ng mga guro ang mga mag-aaral na mabago ang kanilang maling

paniniwala sa asignaturang Filipino.

25

LAGUNA COLLEGE OF BUSINESS AND ARTS

GRADUATE SCHOOL

Ang pag-aaral na isinagawa ni Anilao et. al (2005) ay pag-alam sa suliranin na

nararanasan ng mga guro sa pagtuturo ng Filipino sa Dibisyon ng Tanauan. Natuklasan nila

na isa sa suliranin ng mga guro sa pagtuturo ay ang pag-wawalang bahala ng mga mag-aaral

sa asignaturang Filipino sapagkat ito raw ay kanilang medaling maintindihan. Malaki ang

paniniwala ng mga mag-aaral na madali ang Filipino kung kaya sila’y may saloobin na hindi

makinig o makilahok sa talakayan. May iba namang mag-aaral na hindi nagpapahayag ng

tuwiran kahit may nais sabihin o ideya sapagkat naniniwala silang kulang pa ang kanilang

kaalaman ukol sa paksang pinag-uusapan. Ang mga paniniwala at saloobing ito ang

nakakasagabal sa pag-unlad ng perpormans ng mga mag-aaral sa asignaturang Filipino.

Dahil sa suliraning ito, isa sa iminungkahi ng mananaliksik ay ang pagganyak sa mga batang

mahiyain upang sila’y magkaroon ng lakas ng loob na makapagsalita at makapag-ambag ng

kanilang nalalaman at saloobin. Gayundin ang paggabay ng guro upang maitama ang mga

maling paniniwala ng mga mag-aaral sa asignaturang Filipino.

Sintesis

May pagkakatulad sa mga pag-aaral ng iba’t-ibang mananaliksik tulad ng sinabi ni

Aguilar et. al. (2002) na ang wika ay pinakakailangang mekanismo ng buhay na hinuhubog,

pinamamatnubayan, pinayayaman sa pamamagitan ng pagtitipon ng mga nakaraang

karanasan ng kapwa. Wika ang nagsisilbing behikulo ng pakikipagtalastasan.

Pinatunayan din ito ni Bathan et. al., (2002) na walang pangyayari sa buhay ng tao

na di-nauugnay sa kanyang wika. Wika ang kanyang ginagamit sa pagpapahayag ng

saloobin, pakikipag-ugnayan, at pakikipagtalastasan sa kapwa. Ang wika ay kasangkapan ng

pakikipagtalastasan at instrumento sa paglikha ng makabuluhan at malikhaing pag-iisip.

Kung susuriin naman ang wika mula kay Dr. Aurora Batnag (Kabayan, 2001) ay

tumatalakay sa pasalitang pakikipagtalasasan, tagapagdala ng ideya tungo sa mabisang

pakikipag-ugnayan at tulay upang ang isang bansa ay magkaisa at makamit ang minimithing

26

LAGUNA COLLEGE OF BUSINESS AND ARTS

GRADUATE SCHOOL

kaunlaran na siyang binanggit sa isinagawang pag-aaral ni Abanador et.al., (2003). Ayon pa

dito ang pagkakaroon ng wika bilang buklod ng pagkakaisa ay tanda ng kaunlaran ng bawat

bansa. Ang wika ay isang mahalagang kasangkapang ginagamit ng tao sa kanyang

pakikisalamuha sa kapwa. Ito ang kumakatawan at isa sa pinakamalakas na nagbubuklod sa

mga tao upang palaganapin ang pagkakaisa at ang pambansang mithiin at layunin.

Isinasaad naman sa 1987 Konstitusyon, Artikulo XIV, Seksyon 7 ang gamit ng

Filipino bilang wikang opisyal at wikang panturo sa mga paaralan. “Para sa mga layunin ng

komunikasyon at pagtuturo, ang wikang opisyal ng Pilipinas ay Filipino hangga’t walang

ibang itinatadhana ang batas”. Samakatuwid kung nais na maiangat ang katayuan ng wikang

Filipino, kailangang ipagpatuloy ang paggamit ng wika bilang behikulo sa pagtuturo ng

Filipino upang mapadali ang pagkatuto ng mga mag-aaral De Leon et.al., (2004). Nauugnay

ito sa pag-aaral ni Anilao et. al (2005) tungkol sa pag-alam sa suliranin na nararanasan ng

mga guro sa pagtuturo ng Filipino sa Dibisyon ng Tanauan. Natuklasan nila na isa sa

suliranin ng mga guro sa pagtuturo ay ang pag-wawalang bahala ng mga mag-aaral sa

asignaturang Filipino sapagkat ito raw ay kanilang madaling maintindihan kaya’t

nagkakaroon sila ng negatibong saloobin na nakakaapekto sa kanilang perpormans. Kaya’t

iminumungkahi ng mananaliksik na gabayan ng guroang mga mag-aaral upang maitama ang

mga maling paniniwala nila sa asignaturang Filipino.

Maging ang ilang banyagang pag-aaral ay nagpapatunay na ang paniniwala at

saloobin ng mga mag-aaral sa isang asignatura ay maaaring makabuti o hindi sa kanilang

perpormans.

27

LAGUNA COLLEGE OF BUSINESS AND ARTS

GRADUATE SCHOOL

Kabanata 3

PAMAMARAAN AT PAGKUHA NG DATOS

Inilahad sa kabanatang ito ang mga pamamaraan at kasangkapang ginamit sa

pagtitipon ng mga datos, gayundin ang lahat ng pangangailangan sa pag-aaral na ito.

Disenyo ng Pananaliksik

Kinakailangan ang maingat na pagsusuri at wastong hakbangin upang maging

malinaw ang pagpapaliwanag ng mga nalikom na datos mula sa mga mag-aaral at mga guro

upang maging makabuluhan ang pag-aaral na ito sa mga babasa. Ginamit na pamamaraan sa

pag-aaral ang deskriptibong paglalarawan upang maipamalas ng husto ang mga paniniwala

at saloobin ng mga mag-aaral sa asignaturang Filipino at ang kaugnayan nito sa kanilang

perpormans.

Ayon kay Sanchez (2000), ang kaisipang paglalarawan ay isang paraan ng

pangangalap ng impormasyon hinggil sa napapanahong umiikot na sistema. Ito ay

naglalarawan ng mga sitwasyon habang ang isang pag-aaral ay isinasaayos pa lamang para

malaman ang sanhi ng suliranin.

Mga Tagasagot

Ang mga mag-aaral sa ikalawang antas ang ginamit ng may akda bilang kanyang

respondent o pagkukuhanan ng mga datos at mga impormasyon na gagamitin sa pag-aaral.

Naging respondente din ang mga guro na nagtuturo sa kanila ng wika. May tatlong paaralan

sa Hilagang Distrito ng Lungsod ng Tanauan ang napiling pagsagawaan ng pag-aaral.

28

LAGUNA COLLEGE OF BUSINESS AND ARTS

GRADUATE SCHOOL

Talahanayan A. Bilang ng mga mag-aaral at mga guro sa ikalawang antas sa Hilagang

Distritong Lungsod ng Tanauan na naging respondent sa pag-aaral na ito.

Pangalan ng Paaralan

Kabuuang bilang

ng Mag-aaral sa

Ikalawang Antas

Bilang ng mag-

aaral sa Ikatlong

Antas

( 20%)

Bilang ng Guro

1. Tanauan City High School 596 119 2

2. Pantay Bata High School 150 30 2

3. Malaking Pulo National

High School

240 48 2

Kabuuan: 986 197 6

Kabuuang bilang ng Mag-aaral: 197

Kabuuang bilang ng Guro: 6

Kabuuang Bilang ng Respondente: 203

Batay sa talahanayan A, ang pagkuha ng bilang ng respondent ay nakasalalay sa

dami ng populasyon. Sangayon kay Sanchez, (2000) ang pagkuha ng bilang ng respondente

– (10%) kung ang populasyon ay madami at kapag kakaunti naman ay (20%).

Gumamit ang mananaliksik ng random sampling sa pagkuha ng mga mag-aaral na

nagsisilbing tagasagot sa mga talatanungang ipapamahagi sa kanila. Sa puntong ito gumamit

ng fish ball technique ang ginagamit na kung saan may tatlong kahon na kumakatawan sa

piniling paaralan, nakapaloob sa kahon ang pangalan ng lahat ng mag-aaral at kumuha sa

bawat kahon.. Ang nabunot na pangalan ang siyang sasagot sa talatanungan dito nakapaloob

ang mga katanungang sasagot lahat sa inilahad na suliranin sa pag-aaral.

29

LAGUNA COLLEGE OF BUSINESS AND ARTS

GRADUATE SCHOOL

Instrumento

Talatanungan o questionnaire ang ginamit na instrumento para malikom ang mga

kailangang impormasyon at datos. Upang masukat ang mga katanungan, ang dalawang

grupo ay sasagot batay sa angkop na bilang sa bawat baryabol, lubos na sumasang-ayon (5),

sumasang-ayon (4), di-makapagpasya (3), di sumasang-ayon (2), lubos na di sumasang-ayon

(1). Ang pamamaraang ito ng paglikom ng datos ang isinagawa para matiyak ang katatayuan

ng pinag-aaralan. Naniniwala ang mananaliksik na ito ang pinakamabisang instrumento

kung paano makakakuha ng tama at wastong impormasyon. Ang mga katanungan ay

malinaw na tumutukoy sa mga kasagutang nais tuklasin ng mananaliksik.

Balidasyon ng Instrumento

Tatlong propesor sa Laguna College of Business and Arts (LCBA) at ang Pansangay

na Tagamasid sa Filipino ng Sangay ng Lungsod ng Tanauan ang sumuri sa talatanungan na

ginamit sa pag-aaral na isinagawa ng mananaliksik. Upang masagot ng husto, sinuring

manuti kung ang mga baryabol ay akma sa bawat katanungan ng suliranin. Tiningnan nila

kung ang mga datos at impormasyon na makakalap sa talatanungan ay masasagot ang lahat

ng mga suliraning inilahad sa pag-aaral.

Pamamahagi at Pagkalikom ng mga Datos

Ang mga katanungan ay nabuo ng may-akda ng tesis na ito sa tulong ng tesis na

tagapayo. Bago isinagawa ang pamamahagi ng katanungan ay humingi muna ng pahintulot

sa mga namumuno sa mga paaralan kung saan isinagawa ang pag-aaral, maging sa

pansangay na tagapamanihala ng Lungsod ng Tanauan. Pinagsama-sama ang mga

talatanungan at pinagtali-tali. Pagkatapos ay inayos sa mga “tabular form” o talahanayan.

Lahat ng mga katanungan ay nilagyan ng sagot, limit at bahagdan.

Istatistikang Ginamit

30

LAGUNA COLLEGE OF BUSINESS AND ARTS

GRADUATE SCHOOL

Ang mga sumusunod ay ang mga ginamit na istatistika sa pag-aaral na ito:

Upang matugunan ang suliranin hinggil sa kung ano ang mga pananaw at saloobin

ng mga mag-aaral sa asignaturang Filipino at sa pagtataya ng mga mag-aaral mismo at kani-

kanilang guro ginamit ang weighted mean;

Mw = fw

N

na kung saan:

Mw = weighted mean

fw = sum of the product of the frequency and weight

N = number of cases or respondents

Para naman sa mga aspeto tungkol sa suliranin sa saloobin at paniniwala ginamit ang

chi-square.

x² = ( O – E )² E

na kung saan:

O = observed frequency

E = expected frequency

31