BEING PART OF THE CHURCH

Benx Jiu Baang Mienh

1 Bide 1:13-23 = 1 Peter 1:13-23

13 Weic naaiv oix zuqc liuc leiz ziangx hnyouv, gunv jienv ganh, yaac longc nzengc hnyouv hnamv Yesu Giduc aengx daaih wuov zanc ninh oix ceix bun meih mbuo nyei en. 14 Meih mbuo zoux muangx Tin-Hungh nyei waac nyei naamh nyouz. Maiv dungx ei jienv meih mbuo nyei hnyouv hanc zoux, hnangv zinh ndaangc meih mbuo maiv gaengh hiuv nyei ziangh hoc zoux nyei nor.

15 Heuc meih mbuo daaih wuov dauh se cing-nzengc nyei. Yiem meih mbuo zoux nyei nyungc-nyungc sic meih mbuo yaac oix zuqc hnangv ninh nor, cing-nzengc. 16 Weic zuqc Ging-Sou gorngv, Meih mbuo oix zuqc cing-nzengc weic zuqc yie se cing-nzengc nyei."

17 Meih mbuo daux gaux nyei ziangh hoc meih mbuo heuc Tin-Hungh zoux "Aa Die aac." Ninh maiv mangc haaix dauh nyei hmien. Ninh ziux gorqv-mienh zoux nyei sic siemv. Weic naaiv meih mbuo yiem seix zaangc oix zuqc gamh nziex ninh, taaih ninh. 18 Meih mbuo hiuv duqv Tin-Hungh zuoqc meih mbuo yiem ong-taaix, doic jiex doic, maiv lamh longc nyei jauv cuotv daaih. Ninh maiv zeiz longc haih zitc nyei ga'naaiv hnangv jiem fai nyaanh.

19 Ninh longc Giduc jaaix haic nyei nziaamv zuoqc meih mbuo. Giduc se hnangv maiv waaic fangx yaac maiv maaih dorngx nqemh nyei ba'gi yungh dorn nor. 20 Tin-Hungh maiv gaengh zeix lungh zeix ndau wuov zanc ninh ginv Giduc daaih. Aengx taux naaiv deix nqa'haav laai nyei hnoi-nyieqc Giduc cuotv daaih weic tengx meih mbuo.

21 Meih mbuo kaux Giduc sienx Tin-Hungh, dongh Giduc daic mingh bun ninh aengx nangh daaih duqv njang-laangc wuov dauh. Hnangv naaic, meih mbuo nyei sienx fim caux maaih lamh hnamv nyei se yiem Tin-Hungh. 22 Meih mbuo ei jienv zien leiz zoux ziouc bun meih mbuo nyei hnyouv cing-nzengc daaih yaac za'gengh hnamv sienx Yesu nyei gorx-youz. Hnangv naaic meih mbuo oix zuqc longc nzengc hnyouv laanh hnamv laanh.

23 Meih mbuo se ganh siang-yungz jiex, maiv zeiz yiem haih daic nyei buonv yungz, se yiem maiv haih daic nyei buonv yungz. Weic zuqc meih mbuo kaux Tin-Hungh yietc liuz ziangh jienv nyei doz ganh siang-yungz jiex.

Jiu Baang Se Haiv Nyungc?

What is Church?

Benx biauv fai? Is it building?

Mienh fai? Is it people?

Matthew 16:1- Jesus says: I will build “My Church” Greek: “EKKLESIA” - means “called out”

Matv^taai 16:18- Yesu gorngv: Yie oix liepc “Yie nyei jiu-baang” Gikc waac

gorngv: “ekklhsia” (ekc^ki^li^sieh) – eix-leiz se “heuc cuotv daaih nyei mienh”

Biux Mengh Waac

I. JIU-BANG SE HAAIX NYUNGC?: Eix-leiz se heuc cuotv daaih nyei mienh, Giduc mienh se Tin-Hungh heuc yiem zuiz cuotv daaih nyei mienh, “Jiu Bang” naaiv joux waac nyei eix-leiz se yiem Siang-Ngaengc Waac caux Loz-Ngaengc Waac sou cuotv daaih. Gikc waac gorngv “ekklesia” eix-leiz se heuc cuotv daaih nyei mienh. Yiem Loz-Ngaengc waac sou, Mose fiev nyei wuov deix biaa buonv Hipv^lu waac faan daaih benx Gikc waac gorngv “Jiu-Bang” naaiv joux waac longc 100 nzunc. Jiu-Bang naaiv joux waac yiem Hipv^lu waac nyei eix-leiz se gorngv “heuc cuotv daaih gapv zunv nyei mienh” (Nzamc Leiz-Latc 9:10; Yo^so^waa 8:35; Ye^li^mie 26:17). Yiem Siang-Ngaengc Waac “ekklesia” naaiv joux waac eix-leiz se gorngv Giduc mienh dongh Giduc heuc cuotv daaih wuov guanh mienh, ninh mbuo nyei jiu tong jauv caux nitv fatv nyei jauv se yiem Giduc. Naaiv joux waac Baulo fin-saeng zanc-zanc longc, dongh gorngv taux “Jiu-Bang” (Fi^le^mon 1:2; Ko^lo^si 4:15; 1 Ko^lin^to 11:18; 14:15).

(1) Heuc daaih muangx waac (ys.14) “Meih mbuo zoux muangx Tin-Hungh nyei waac nyei naamh nyouz. Maiv dungx ei jienv meih mbuo nyei hnyouv hanc zoux, hnangv zinh ndaangc meih mbuo maiv gaengh hiuv nyei ziangh hoc zoux nyei nor.

(2) Heuc daaih zoux cing-nzengc nyei mienh (ys. 15-16) “Heuc meih mbuo daaih wuov dauh se cing-nzengc nyei. Yiem meih mbuo zoux nyei nyungc-nyungc sic meih mbuo yaac oix zuqc hnangv ninh nor, cing-nzengc. 16 Weic zuqc Ging-Sou gorngv, Meih mbuo oix zuqc cing-nzengc weic zuqc yie se cing-nzengc nyei."

(3) Heuc daaih ei zien leiz zoux (ys.22) “Meih mbuo ei jienv zien leiz zoux ziouc bun meih mbuo nyei hnyouv cing-nzengc daaih yaac za'gengh hnamv sienx Yesu nyei gorx-youz. Hnangv naaic meih mbuo oix zuqc longc nzengc hnyouv laanh hnamv laanh.”

(4) Heuc daaih goiv hnyouv yienc eix (ys.23) “Meih mbuo se ganh siang-yungz jiex, maiv zeiz yiem haih daic nyei buonv yungz, se yiem maiv haih daic nyei buonv yungz. Weic zuqc meih mbuo kaux Tin-Hungh yietc liuz ziangh jienv nyei doz ganh siang-yungz jiex.”

(5) Heuc daaih fuh sux (1 Bide 2:9) “Mv baac meih mbuo zoux Tin-Hungh ginv daaih nyei fingx, zoux sai mienh fu-sux Tin-Hungh, yaac zoux cing-nzengc nyei fingx, benx Tin-Hungh ganh nyei baeqc fingx weic zunh ninh zoux mbuoqc horngh nyei sic. Ninh heuc meih mbuo cuotv hmuangx daaih bieqc ninh mbuoqc horngh haic nyei njang.”

(6) Heuc daaih zoux kuv sic (Yo^han 15:16-17) “Maiv zeiz meih mbuo ginv yie, se

yie ginv meih mbuo. Yie paaiv meih mbuo cuotv mingh ziangh biouv camv, dongh yietc liuz maiv haih waaic nyei biouv. Hnangv naaic meih mbuo dengv yie nyei mbuox tengx Zaangc Diex tov haaix nyungc, ninh ziouc ceix wuov nyungc bun meih mbuo. 17 Naaiv se yie nyei lingc, laanh oix zuqc hnamv laanh.”

(7) Heuc daaih zoux horpc fim dongh eix nyei zorng-zengx (Yo^han 13:34) “Ih zanc yie bun diuh siang-lingc meih mbuo, mbuox meih mbuo laanh oix zuqc hnamv laanh. Yie hnangv haaix nor hnamv meih mbuo, meih mbuo oix zuqc hnangv wuov nor laanh hnamv laanh. 35 Se gorngv meih mbuo laanh hnamv laanh, zuangx mienh ziouc hiuv duqv meih mbuo zoux yie nyei sai-gorx."

(8) Jiu-Bang se benx Giduc nyei sin: Lungh ndiev nyei jiu-bang, se dongh sienx kaux yaac bungx hnyouv Ziouv Giduc wuov deix mienh, maiv gunv ninh mbuo yiem haaix doic mienh, haaix gitv lungh ndiev, danh fanh sienx kaux Yesu, yaac nyiemc Yesu zoux Ziouv wuov deix mienh gapv daaih se benx Yesu nyei sin (Jiu-Bang). Jiu-Bang se dongh sienx Yesu nyei mienh, gapv jienv yiem ganh nyei buonc-deic dorngx, norm-norm leiz-baaix zoux leiz-baaix ceng Tin-Hungh, muangx zunh doz, (Tin-Hungh nyei waac) caux doic jiu tong, tengx Yesu zoux zorng-zengx, daux gaux, nyanc Singx Hnaangx, yaac caux jienv doic zoux ganh nyungc fuh sux Tin-Hungh nyei gong.

(9). Liepc Ceix Ziouv Yesu Nyei Mengh Hoc: Jiu-bang liepc daaih weic taaih ceng fai bouh Ziouv Yesu nyei mengh hoc. “Daaux nzuonx ninh maaih nyei nyungc-nyungc siev jienv guangc nzengc, zipv nouh nyei fiem-fingx, benx dauh baamh mienh. 8 Za'gengh maaih mienh nyei fangx zeiv. Ninh ganh yaac laengz zoux faix, muangx Tin-Hungh nyei waac taux daic, taux zuqc yiem ziepc nzaangc jaax daic. 9 Weic naaiv Tin-Hungh taaih ninh zoux gauh hlo jiex, yaac bun ninh maaih mbuox gauh hlang jiex maanc mbuox nyei mbuox. 10 Hnangv naaiv, weic taaih Yesu nyei mbuox, yiem tin-dorngh, yiem yaangh gen, caux yiem yiemh gen nyei yietc zungv oix zuqc gueic njiec baaix. 11 Dauh dauh oix nyiemc Yesu Giduc zoux Ziouv, ziouc taaih Zangc Diex Tin-ungh.(Fi^lip^poi2:7-11).

(10). Jiu-bang jiex gorn yiem mbuo baamh mienh zieqv duqv Ziouv Yesu se dongh Giduc, ziangh jienv wuov dauh Tin-Hungh nyei Dorn (Matv^taai 16:16). Jiu Bang nyei mouz deic yaac jiex gorn yiem mienh zieqv duqv gorngv mbuo ganh se maiv zeiz zoux ziouv, se Ziouv Yesu zoux mbuo nyei Ziouv. Weic zuqc Ziouv Yesu dorh ninh ganh nyei maengc mingh daic yiem ziepc zaangc jaax maaiz mbuo daaih benx ninh nyei mienh mi’aqv. Ziouv Yesu ganh hnangv horpc zuqc zoux mbuo nyei Ziouv gunv mbuo, Ninh horpc zuqc zueiz jienv weic zoux Ziouv gunv mbuo, yaac zoux Jiu Bang nyei m’nqorngv. Mbuo horpc zuqc mbuoqc Ninh, zoux ei ninh nyei za’eix dongh biux mengh bun mbuo hiuv yiem Ging-Sou wuov, weic njang laangc Ninh nyei mengh hoc. “Tin-Hungh yaac zorqv maanc muotc hietv Giduc nyei zaux-ndiev, paaiv ninh zoux jiu-baang nyei m'nqorngv gunv jiu-baang nyei nyungc-nyungc. 23 Jiu-baang se Giduc nyei sin yaac zoux bun Giduc dunh yunh nzengc. Giduc se dongh bun nyungc-nyungc dunh yunh nzengc wuov dauh”. (E^fe^so 1:22-23).

11. Heuc daaih zaangv horpc fim dongh eix nyei jauv (E^fe^so 4:2-6). “Oix zuqc yiem maanc sic nyiemc ganh zoux faix, longc suonc hnyouv, longc noic, zoux hnyouv ndaauv laanh hnamv laanh. 3 Oix zuqc longc hnyouv laanh caux laanh baengh orn nyei yiem weic beu jienv Singx Lingh ceix bun horpc fim dongh eix nyei hnyouv. 4 Maaih nduqc norm sin yaac maaih nduqc dauh Singx Lingh, hnangv Tin-Hungh heuc meih mbuo daaih maaih nduqc nyungc maaih lamh hnamv. 5 Maaih nduqc dauh Ziouv, nduqc nyungc doz sienx, maaih nduqc nyungc wuom nyei leiz jiex. 6 Yaac maaih nduqc dauh Tin-Hungh, dongh maanc mienh nyei Zaangc Diex. Ninh zoux maanc mienh nyei Ziouv, longc maanc mienh zoux ei ninh nyei za'eix, yaac yiem maanc mienh gu'nyuoz.”

1. “Laanh caux laanh horpc fim dongh eix nyei yiem.” "Be at peace with each other" – Maako 9:50.

2. “Laanh tengx laanh nziaaux zaux.” "Wash one another's feet" – Yo^han 13:14.

3. “Laanh hnamv Laanh.” "Love one another”– Yo^han 13:34-35.

4. Laanh hnamv laanh” "Love each other..." – Yo^han 15:12.

5. “Laanh hnamv laanh” "Love each other" - Yo^han15:17

6. “Laanh oix zuqc jorm hnyouv hnamv laanh hnangv hnamv ganh nyei cien muoz-doic nor” "Be devoted to

one another in brotherly love.." - Lomaa 12:10.

7. Laanh oix zuqc taaih laanh funx mienh gauh longc ganh” "Honor one another above yourselves" - Lomaa 12:10.

8. Laanh caux laanh horpc fim dongh eix nyei yiem” "Live in harmony with one another..." - Lomaa 12:16

9. “Laanh hnamv laanh” "Love one another..." – Lomaa 13:8.

10. Laanh maiv dungx laanh dingc laanh nyei zuiz” "Stop passing judgment on one another" - Lomaa 14:13.

12. “Laanh njaaux laanh” "Instruct one another" – Lomaa 15:14.

13. “Longc cing-nzengc nyei hnyouv caux zom hmien nyei leiz laanh caux laanh gorngv wuic buangh nyei waac” "Greet one another with a holy kiss..." - Lomaa 16:16.

14. “Haaix zanc meih mbuo nyanc ziangh hoc, oix laanh zuov laanh” "When you come together to eat, wait for each other..." -1 Ko^lin^to 11:33

15. “Laanh goux laanh, laanh cauh fim laanh” "Have equal concern for each other" -1 Ko^lin^to 12:25-26.

18. “Meih mbuo oix zuqc zoux hnyouv cing-nzengc, laanh caux laanh zom hmien gorngv wuic buangh

waac” "Greet one another with a holy kiss" -1 Ko^lin^to 16:20.

TO BE PART OF THE CHURCH IS:

A. BENX JIU BANG HMUANGV DOIC(1) Jiu baang hmuangv doic Giduc gapv daaih (Matv^taai 16:18; E^fe^so 5:23).

(2) Mbuo horpc zuqc ziangh hoc laanh caux laanh jiu tong (Hipv^lu 10:24-25;Singx Nzung 133:1).

(3) Benx hmuangv doic nyei mienh oix zuqc maaih laanh njaaux nyei jauv (2 Te^saa^lo^ni^gaa 3:6; 1 Ko^lin^to 5:11).

TO BE PART OF THE CHURCH IS:

B.JORM HNYOUV YIEM TIN-GUOQV(1) Hungh Diex oix mbuo jorm hnyouv(Matv^taai 25; Yaagorpc 4:17).

(2)Hungh Diex oix mbuo ziepc zuoqv hnyouv bun Ninh (Matv^taai 24:15; 1 Hungh Douh 8:61).

(3) Hungh Diex oix mbuo muangx ninh nyei waac(Matv^taai 7:21; 1 Yo^han 5:3).

TO BE PART OF THE CHURCH IS:

C. OIX BENX GUANH TIN-DORNGH NYEI MIENH

(1) Mbuo maaih laengz nyei waac (2 Bide 3:13;Yo^han 14:2-3).

(2) Mbuo hiuv duqv mingh Tin-dorngh nyei jauv(Maako 16:16; Yo^han 10:9).

(3) Mbuo zuoqv jienv mingh Tin-dorngh (Fi^lipv^poi 2:12; Fi^lipv^poi 3:20).